TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura

Size: px

Start display at page:

Download "TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura"

邦常
5 years ago
Views:

1 TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura fuih leh kaihhruai. 4. Pathian ram zau nana inhman tir. Thalai Kristian Pawl Châltlâng Unit TKP AW Estd Pathianni Chhuak VOL No. XVI I Issue No. 44 Dt Pathianni Unit TKP Chanchinbu Khawvel thiam loh chantir turin Pathianin a Fa khawvelah a tir lo, Khawvel amah avanga an dam theihna turin a tir a ni zawk a. ( Johana 3: 17) Rbt. K. Lalthanzauva He thu hi kan upa sermon ka ngaihthlak atangin ka rilruah a riak deuh reng mai a, tunkar thawhtanni khan Bus ka chuan laiin chiang tak mai hian ka rilruah a lo lang leh tlat mai a. Ringtute hi khawvel mite tih ang tho hian thiamthu leh insawifiah reng reng hian hun kan va hmang nasa em ti ru! Kan eizawnnaah chuan a tul changte a awm thei e; kan rawngbawlhona leh khawsakhonaahte hian thiam lo zawk leh dik lo zawk nih hi kan va han hreh thin tak em. Chutih ruala thiam chang zawk nih tuma kan beih dan hi a makin ava nasa tak em ti ru? Genesis 6 : Tin, Lalpa chuan leiah hian mihring sualzia chu nasa tak a ni tih leh, an rilru suangtuah zia reng reng sual hlir a ni fo mai tih a lo hria a. Tichuan leiah hian mihring a lo siam tak avangin LALPA chu a inchhir a, rilru nat nan a hman phah ta a. Hei hi kan dinhmun dik tak chu a ni. Mahse heti reng chung si a, thiam loh min chantir duh lova Lalthutthleng leh a lal ram kalsan a, kan dam nana a lo kal ta mai hi hmangaihna mak tak chu a lo ni. Kan Pathian hi chu thiam lo, fel lo, chak lo, tling lo puih ngai nih inhriate Pathian a ni. I Korinth 1 : Unaute u, a kohna che u hi ngaihtuah te u, tisa lama mifing tam tak te, mi chak tam tak te, mi tha tam takte koh an nih loh zia hi; nimahsela Pathianin khawvel thil ate chu a thlang zawk a, mifingte chu a tihmualpho theihna turin; tin, Pathianin khawvel thil chak lote chu a thlang a, thil chakte chu a tihmualpho theihna turin; tin, khawvel thil chhia leh thil hmuhsitawm te, thil awm lote nen lam Pathianin a thlang a, thil awmte chu engmah lova a siam theihna turin. Kan Pathian chuan thiam loh chang zawkte thiam changah min siam tlat avangin leh kan thiam loh chan ai thiam loh min chansak avangin thiamchang ka lo ni ve ta, ava han lawmawm tak em. Hei ngei hi a ni Krista rilru chu. Lalpa chu fakin awm rawh se. A nih leh nang rawngbawlpui duhtak, khawvel miten thiam loh chang tura an ruat, zak leh hrehawm ti ngawih ngawih hi nangmah avangin thiamchang an awm ve tawh em? Nge, thiam loh i chantir belhchhah zawk le? (Sermon tha tak min ziah sak avangin Pu Zauva chungah lawmthu kan sawi e - Editorial Board) Tukin Zing Zanin Nilaini zan Inrinni zan Pathianni leh zing Pathianni leh zan Hruaitu Tantu Bible chhiar Hla thlang Thawhlawm khawn Thawhlawm hlan Thuchah TKP THUTIAM Krista leh Kohhran tan : Ka chakna Isua krista chu ring tlatin Nitin Pathian ka pâwl anga, Kan Kohhran Pathian biakna leh hnathawhnaah ka tel zêl ang. Khawtlâng thatna leh inunauna tinghet tûrin ka thawk anga, Krista hnênah midangte hruai ka tum tlat ang. : Upa F. Rohmingthanga : Upa C. Lalrinawma : Rbt. Laldinmawia : Rbt. F. Sangtluanga : Upa P.S. Sanghluna : Rbt. C. Laltanpuia : Pu Lalropuia Ralte : C. Lalruatdika : Lalhruaikimi : B. Vanlalthlamuanpuia : Lalruatkimi : Hruaitu : Pro. Pastor Ramnghakmawia Hnamte MTKP 2016 kal tumte vawiinah hla zir ngei ngei tur a ni e. Pre-registration tih tur a ni a, vawiin hi last-date a ni. Thawhtanni zan inkhawm Hruaitu : Pu C. Lalnunsanga Tantu : Pu Samuel B. Lalsangliana Thawhlawm khawn & hlantu : Nl. F. Lalhriatrengi Thuchah : Pu B. Ruatfamkima Pangpar khawitu Vawiin : Pi H. Vanlalhruaii Pi Khawlkungi Pathianni leh : Pi T. Annie Pi Mary Lalparliani Tu leh Fa Pual Tawngtai (20 / 11 / 2015) Hruaitu : Pi C. Lalhlimpuii Vawiin Fellowship Programme Hruaitu : Pu Zothankhuma te In Hruaitu : Rbt. K.C. Goalthanga B a p t i s t C h u r c h O f M i z o r a m, T h a l a i K r i s t i a n P a w l C h â l t l â n g U n i t

2 Sunday TKP Châltlâng Unit - Nitin Pathian Ka Pawl Ang A TKP AW 2 Naupang pual AN KHAI HLUM TA! Hman laiin khaw pakhatah hian hmeithai, fanu pakhat chauh nei hi a awm a. A fanu chu sikul kal rual a nih chuan thiante zingah sikulah a kal ve ta a. Vawikhat chu a fanu chuan pawisa a rawn chhar a. A nu chu a lawm em em mai a. Chu mi avang chuan chhar tur hi a zawng fo ta a. Pencil a rawn chhar leh a, a nu chu a lo lawm leh em em a. Chu mi hnuah chuan thiante thil lak ruk zeuh zeuh a ching ta a. A lo puitlin thlengin thil ruk a thiam ta riau mai a. Eng thil pawh rawn chhar se a nu chuan lawm takin a lo dawng zel a. A tawpah chuan thihna khawp thil pawi a khawih ta hial a. Roreltu chuan chu nula chu khaihlum turin a chungthu a rel ta a. An khaihlum hma chuan a duh ber thil pakhat tih an phalsak a. Ani chuan, Ka nu min han koh ula, ka kiangah lo kal teh se, a ti a. A nu chu a lo kal a, chu nula chuan a bul lamah a hui hnai zel a, insi reta an din dun hnu chuan hrilh ruk tum ni awm takin a nu beng bulah a va kun a, a nu beng chu a sehthlak sak ta hlawk mai a. Khaihlum en tura mipui lo kal khawmte chuan, A va han sual chungchuang em! A thih dawn darkarah pawh a nu beng ala sehthla hram duh a nia! an ti sup sup mai a. A nu hnenah chuan, Ka nu, ka tet lai khan nun dan tha mi kawhhmuhin mi lo zilh thin la chuan khaihlum tur khawpin ka awm lo ang. Ka thil chhar i lawm avangin i lawm atan thil ka ru zui a. Hre reng chung pawhin A chhar a ni i tih zel avangin tun hi ka thleng ta a ni. Ka thihnaah mawhphurtu i ni tih hria ang che, a ti a. A sawi zawh chuan an khaihlum ta a. Nu leh pate hian naupangte kawng dik kan zirtir a va tul tak em! Naupang chu a kalna awm kawngah chuan zirtir ula, A upat hun pawhin a thlah lo vang. Thufingte 22:6 ISUA CHAUH LANGSAR SE Tum khat chu Pastor-in a fanu khum lu-ah Isua lem a tar a, khum mawngah darthlalang lian pui, mu chunga darthlalanga Isua lem hmuh theih chiah turin a dah bawk a. A fanu chu zinga a han harh chuan Isua thla chu darthlalangah chuan a hmu a. Hmuh chian leh zual tumin a han tho kang a, mahse ama taksain Isua kha a hliah leh ta si a. Isua ni lovin amah a inhmu a, a han mu leh a, chiang takin Isua chu a hmu leh ta a. Hmeichhe naupang chuan, Ka nu, keimah ka inhmuh veleh Isua ka hmu lo a, keimah ka inhmuh loh veleh Isua ka hmu leh si a, a va mak em! a ti a. Mahni kan lansarh apiangin Isua kan hliah thin a lo ni a. Keimahni duh dan leh ngaihdan a len apiangin Lal Isua hmuh a har thin. ISUA chauh langsar ber rawh se. Kar kalta Pathianni khan Mission pual fehchhuah neih niin Rs. 12,350/- lai hmuhchhuah a ni. Mission khawlbawm sawhkeh nghal niin, khawlbawm atang hian Rs. 43,430/- hmuh niin, a vaia hmuh zawng zawng hi Rs. 55,780/- lai a ni a, Kohhran member-te inpeknaah Mission Committee a lawm hle. Kumin TLM target Rs. 16,000/- ah Rs. 4,950/- kan pe tawh a, kan la bak khum tumin collector Pi Lallianmawii, Pi Lalthakimi, Pi T. Sangnguri leh Pi K.L. Lallunghnemi te an tang hle. December ni 16-ah Certificate sem runpui neih a ni ang. Pi Julie Remruatpuii w/o Pu Vanlalringa chu AIR Artist-a grade sang zawkah a kaisang a, Doordharsan News Reader atan lak thar a ni bawk. Anni nupa hi Thailand-ah an zin mek a, Editorial Board te thil tha tak min lo hawn kan beisei. Pathianni (Nov.22) hian Sunday School Fellowship neih tur a ni a, programme tlangpui:- Hruaitu : Upa Laldailova, Superintendent Special Item : 1) Nursery 2) Beginner 3) Primary 4) Junior 5) Baptisma 6) Zaipawl - Senior A & Intermediate 7) Solo - B. Zonunmawii, Junior Deptt. Zai hruaitute : 1) Pu Lalropuia Ralte 2) Nl. K.C. Vanlalzami 3) Nl. R. Lalrempuii Tunlai hian pickle siam leh zuarin TKP member-te kan buai hle a, hmalatu leh min leisaktute zawng zawng chungah lawmthu kan sawi e. Vawiin chawhnu hian MTKP Inkhawmpui 2016-a sak tur hla bial huapin kan Biak Inah kan zir dawn a, Inkhawmpuia kal tumte hla zir vek tur a ni. November ni 9 zan khan Executive Committee meeting neih a ni a, thurel pawimawhte - (i) Krismas Carol neih tha tih a ni. A hun tur leh kal dan tur chu Secretary te n an lo ruahman ang a, zan hnih hun hman a ni ang. (ii) Bial TKP rorel, November ni 28, 2015 chhuna Bawngkawn Biak Ina neih turah unit aiawh rorel palai turin heng mite hi ruat an ni:- (i) Pu P.C. Lalnunpuia (ii) Tv. Laltanpuia (iii) Tv. T. Zoliansanga (iv) Pu Samuel B. Lalsangliana (v) Tv. Lalruattluanga Tlau (vi) Tv. David Lalmuanpuia (vii) Tv. C. Lalnunpuia (viii) Tv. Samuel Lalnunkima (ix) Tv. K. Lalrintluanga (x) Tv. Ricky Lalrawngbawla (xi) Nl. V.L.M.S. Dawngliani (xii) Nl. Dorothy Lalrinpuii (xiii) Nl. Lalenzawni (xiv) Nl. R. Zaithanchhungi (xv) Nl. Lalchhandami (xvi) Nl. Hmingthansangi Sailo (xvii) Nl. R. Lalfakawmi (xviii) Nl. Vanlalfaki (xix) Nl. F. Lalrinhlui (xx) Nl. J.H. Laltlanhlui (xxi) Nl. C. Malsawmtluangi (iii) TKP Nite hman hun atan December ni 18, 2015 zan ruat a ni. A hmun atan Greenland School kawt dil niin,min phalsak tawh a ni. King & Queen thlan, Slide Show, Chocolate exchange (Rs. 50 man aia to lo) te telh leh OB ten items tur dang an lo ngaihtuah ang a, Zaithiam larte nen hun hman tum a ni. Phek lehlamah chhunzawm a ni

3 Sunday Upa R. Laldinsanga Biangbiakna Ed : Pu Din, hei TKP AW Editorial Board - te n kan tih thin angin i chanchin tawi han tarlan kan duh a, nu leh pa leh unaute chanchin min han hrilh ta che. Upa Dina : E..a ni tak maw..ka pa hi Upa R. Sangliana a ni a, ka nu chu Lalthangi Sailo a ni. Dt. 23 th Jan, 1967-ah khan ka lo piang a. Ka pa hi helai Châltlang khaw chhuak hi a ni a, hnathawhna avangin tunah chuan Lunglei lam hi kan inbênbelna chu a ni tawh zawk mah. Tin, kan unau hi mipa pakhat (1) leh hmeichhia pali (4) kan ni a, kei hi a mipa awmchhun chu ka ni. Ed : A lo nih tak chu, mikhual emaw kan ti che a, helai Châltlang khaw hlun in lo nih reng tak chu maw le. Zirnaa i bultanna leh i zir chhoh dante min han hrilh leh ta che? Upa Dina : Ka sawi tawh ang khan ka pa hi sorkâr hna avangin khaw hrang hrangah sawnkual a ni a, ka pianna khua pawh hi Lungchêmah daih a ni. Chuvang chuan zirna lamah pawh hian Suangpuilawn khuaah daih a ni A pawl leh B pawl pawh bul ka tan tak ni. Middle leh High school hi Lunglei Gov t High school-ah kalin kum 1983-ah khan Matric ka pass a, P.U. hi Shillong-ah ka kal a, B.A hi Lungleiah kal lehin kum ah ka zo a, chuan B.A. (Hons) hi Champhaiah kum ah ka han zo leh a ni. Ed : A ni maw..in kual ve nasa hle mai maw, eizawnna lam chanchin te? Upa Dina : Kum 1995-ah Excise & Narcotics Deptt-ah Inspector-in ka lût a, tunah hian Superintendent of Excise hna ka chelh mêk a ni. Sorkâr hna avangin hmun hrang hrang Vairengte, Saiha, Lunglei leh Aizawlah te hian ka awm kual ve tawh a ni. Ed : Engtik kumah nge nupui i neih a, engtiang chiahin nge in nu nen hian in intawn a..? Upa Dina : A...(a nui kûr kûr a, khai aw...ka han sawi a nge..!) Hnathawhna avanga Saihaa min sawn khan kan nu Zodinsangi (Zotei) d/o Pu C. Sangkhuma (L) Chaltlang Dingdi veng hi Saihaah a lo awm ve a, pasal neih hun ve tawh tak niin kei lah nupui nei ve vat vat tura chhungte n an nawr reng ka lo ni bawk nen, chutah Zotei hi a lo zei ve reng reng bawk a, Badminton khelhpuiah te min sawm thin a...aaa.. chutiang chu a ni (iv) Bible chhiarchhuakte lawmman pek an ni ang a; chhiarchhuak in-report theih hun hi November thla chhung tih a nih avangin chhiarchhuak tur zat ala hriat loh a. In-report hun a tawp hunah lawmman tur hi ngaihtuah that a ni ang (v) Bial TKP Inkhawmpui huna hla kan rem tur Conductor ten an lo ngaihtuah ang. Inkhawmpui hunah hian kan member Nl. J.H. Lalnuntluangi a zai dawn a, Female Voice tur lo buaipui turin Nl. K.C. Vanlalzami leh Nl. V.L.M.S. Dawngliani te ruat an ni. (vi) Bible Ralchhan result Unit TKP Notice Boardah tar a ni. Member 54-in chhangin, mark 100 hmu mi 32 an awm a, unit chhang tam ber kan ni. (v) Bial TKP Advance Krismas Lungmuata hman turah Keyboard 1, Microphone 1 leh Extension cord hman min dil chu remtih a ni. TKP AW 3 mai a. Dt 22 nd, May, 2003 khan BCM Chanmary Vengthlangah Rev. Dr. P.L. Lianzuala n min suih a ni. Pathianin fapa pakhat leh fanu pakhat min pe a, kan lawm hle a ni. ( Pi Zotei hi tunah hian Serchhip Collegeah Associate Professor a ni mek). Ed : Rawngbawlna lama i inhman chhoh dante a tlangpuiin min han hrilh leh ta che? Upa Dina : Saiha (Meisatla) kohhrana ka awmlaiin kum 2000 khan rawngbawltuah thlan ka ni a, kum 2013 khan Kohhran Upa atan Phawngpui ABC Inkhawmpuiah Rev. F. Zorinkhuma n min nemnghet a ni. Tin, BCM Lunglei Chanmari-a kan lawi lai hian TKP OB post hrang hrang Treasurer tih loh hi chu ka chelh vek tawh. MTKP-ah hian Executive Committee member pawh ka lo ni ve tawh bawk. Hetih hunlai hian heta kan Upa chatuan ram min pansanta Upa C. Zorema (L) pawh kha MTKP OB a nih lai a ni nghe nghe. Saiha lamah pawh Bial-ah leh Unit-ah hruaitu post hrang hrangah ka awm tawh bawk. Ed : A lo nih tak chu maw le.. i pianthar dan leh Baptisma i chan kum te? Upa Dina : Naupan têt lai atanga KNP-ah te inhmang chhovin naupan laia piangthar ka ni. Kum 1986 June thlaah khan Rev. T.C. Laltlawmlova n camping a buatsaihah khan rawngbawl turin inhlantharna ka nei leh a ni. Baptisma hi kum 1981-ah Rev. V.L. Zawnga n min chantir bawk a ni. Ed : Bible chang leh i hla duhzawngte min han hrilh leh ta che? Upa Dina : Johana 3 : 16, Sam 37 : 5 leh Mika 6 : 8 te hi ka Bible chang ngainat niin, Hla-ah chuan KHB 133, 36 leh 363 te hi ka duh berte an ni. Ed : Kan Kohhranina kan mamawh nia i hriatte min han hrilh leh la..? Upa Dina : Kan Kohhran hi kawng engkimah kan titha thawkhat hlein ka hria, mahse, ka la duhkhawp lohna lai chu tun ai hian thlaraubo veina leh chanchin tha puan darh kawngah hian tan la leh zual ila ka duh hle a ni. Thlaraubo veina tak tak nei tur hian Pathian hnenah hian i dil hial ang u. Keima mimal vei ve hrim hrimah chuan Mizoram chhunga kohhran hrang hrangte inkârah hian inenhranna leh inthre-thruna hi awm lo thei se, lungrual takin rawng hi bawlho thei ila ka duh hle a ni. Ed : Inkawmna hun tha tak mai min pek avangin kan lawm e. (Inkawmna hlimawm tak kan neih zawh hian Upa Dina hian tawngtainain min thlah a, Pi Zotei n thingpui tui tak min lum bawk a, kan lawm hle - Ed) Aizawl Area BMP Meet Hriattirna Aizawl Area BMP Meet vawi 19-na A hun : November ni 21-22, 2015 A hmun : BCM Biak In, Central Church November ni 21, 2015 Inrinni zing dar 10:00am ah tan a ni ang a, chawhma lamah Zaipawl Intihsiakna leh member inchhiarna a awm ang. Chawhnu lamah Quiz -a inelna a awm bawk ang. Pathianni zan inkhawmah Zaina hun kan nei dawn bawk a ni. BMP member zawng zawngte kal theuh turin kan inngen e. Secretary, BMP, Chaltlang Unit

4 Sunday TKP Châltlâng Unit - Nitin Pathian Ka Pawl Ang A TKP AW 4 Editor R. Vanlalvena - Ph : tkpawchaltlang@gmail.com Board members Unit TKP Office Bearers Cir. Managers C. Lalnunsanga - Ph : B. Lalrinthara - Ph : Lalthasangzela Sailo - Ph : Web Masters Zorempuia Chuauhang - Ph : Vanlalringa - Ph : Distributors Lalnuntluangi Rokhum - 14 Saidingliana Sailo - 9 Melvin Lalremruata - 8 C. Lalruatdika - 15 Zohmingthansiami - 11 C. Laldintluangi - 11 Emily Laldintluangi - 14 Vanlalnghaka Sailo - 9 PS. Lawmsangzuala - 8 PS. Lalnungrengi - 11 Lalmalsawmi - 8 Timothy Lalrinfela - 11 Malsawmtluanga - 6 Lianthunga Khenglawt - 11 JH. Lalnuntluangi - 7 TKP Tumbu Khawrh Review TKP Châltlâng Unit Executive Committee meetingin sumtuaknan Tumbu Pickle siam a relthluk tak miauah chuan Finance Secretary-in Bazara Tumbu lei rawt sateh mahse amah Chhura Phungpuinu ianga Lairawk tumbu veh duh tlat member thlan bik ramvachal pathum leh rampachal pathum; a nuchal pahnihte nen; mahni insengsoa two wheeler rawn thawhchhuahpui (Tv. Sangtea Sailo, Tv. Zoa, Tv. Ruattluanga, Nl. Maruati) leh an passenger (Tv. Mathara, Tv. Rintluanga, Nl. J-tei leh Tlangval rei tum tawk vak lo, belval vala la val ve mai mai mi pakhat) te chu nilaini zing dar 10 khan Serlui lam panin hlim takin an chhuak a. Unit President in an mamawha hman atan Rs. 200/- a pai tir avangin an lawm hle. An kal tumna hmun hian panna kawng a lo nghak deuh ni maw, chhuaktlang theuh si kawng hranah theuh kalin, tluang takin an tum hmun nia an hriat chu an thleng a. Rampachal hoten khua an han chuan vang vang a, a hmunhmain a zir tawk lo an tih tak avangin Serlui kawrdung engemaw chen an zawh hnuin Tuithum lui lamah insawn zai an han rel a. Tuithum lui kama Pu Dinga huan chung ram chuan rampachalte lung a dum tak riauah chuan amah Pu Dinga remtihnain an huan lu lamah chuan thuthmun an han rem te te a. Ramvachal ten tlang let liamah hriat loh ramthar chuangkai turin an puanven an han sawichhing a; Rampachalte Pu Dinga huanah lo chetlain, a nuchal ten buk an nghak a. Tlang hran leh mual hran atangin Tumbu Saiip hnih khat lawih mai an han man khawm chu hlim tak an ni. Khuain tlai lam a pan zel a, sana-in a ban vai a chawlhsan miau loh avangin chu lai hmun chu nuam viau mahse chhuahsan a lo ngai ta a. Tukthuan eina a lo rei ta a, pumpuiin a mamawh khawp energy a neih tak lohah chuan Reiek kai Column dinglamah chhunzawm a ni Zing Tawngtai hruaitu turte: Tan hun : 5 : 30 am Dt. 16 / 11 / 2015 (Mon) Dt. 17 / 11 / 2015 (Tue) Dt. 18 / 11 / 2015 (Wed) Dt. 19 / 11 / 2015 (Thu) Dt. 20 / 11 / 2015 (Fri) Dt. 21 / 11 / 2015 (Sat) Dt. 22 / 11 / 2015 (Sun) - Upa F. Rochhunga - Pi Lalthlamuani - Pi Rohlupuii - Pi Lalrawngbawli - Pi Lalhmingliani - Pi R. Lalengzami - Pi Lalhmunmawii Sunday School Report Naupang Puitling Hming ziak zat : Kal zat : Kal lo zat : Thawhlawm : Rs. 1,160/- Rs. 910/- Vawiin Sunday School tantu (Puitling lam) : Nl. Irene Lalrinchhani thingpui dawrah chawl lutin, kal ve ngei tura beisei kal ve ta lo te rulh hisapa Tv. Mathara n ei tur Rs. 300/- man a order hmangin dul hmul khat phuar khawp an eiin a. An lam apiang nei ta se engzat tak ei zo ang maw? Ei tur an nei tlem kha a eitute tan vanduaina; a man pe tura beiseite tan lawmna a ni ngei ang. An kalchhan ber an zawh takah chuan lui lamah inchiah dai turin hmanhmawhna nei map lovin an inzui dam dam a. Duh tawka an inchiah daih hnu leh an in-post zawh hnu chuan muangchanga zanriah bawp nang hman tawka thlen tumin an arkawchhuah leh ta a. Tv. Awmawia n ei leh in tur nen Aizawl daiah lo hmuakin, kawngpui dungah tâm an han hritla leh te te a. Photographer lam rilruah an lan tlat avangin kopang lung tawlhlawtah engemaw chen an han inhamtang leh phawt a! Haw tlang lova Chakai chhit chhunzawm mai an tum erawh a hun leh ni tur ruatsain; member tlemtein a ruka tihhlawhtlin atan an khek-khal. Tumbu khawrhtute hian an hriat reng tur thil an inhnuchhiah vel nual chuan a rinawm? Nl. J-Tei n Tumbu khawrh nana a chempai a rawn lek chhuah chanchin ringawt pawh hi thil mak a ni! Mite chuan Chem an tahin a Dap (a tahna lai tur) laiah an tat a ni ngai a! A ni chem rawn ken kha chu a dap chu a thîm bul a, a dap lo lam chu uluk taka tah tih hriat tak hian a hnûm hlârh mai a! Rbt. U TCZ-a tah sak a ni tih an sawi khan thil awm lo lutuk a ni lem lo. Tumbu kheha an buai nuai nuai laia Nl. Maruati n phiarfung nena Lukhum tur a lo phiar mawlh mawlh kha khawvel hmun dangah a thleng ngai zen zen lo mai ni loin, world record a nih ngei a rinawm! Thenkhatin Lipui, ban-pil dawna thuka tui an hleuh a, an inliluh bawrh bawrh laia Tv. Mama, pialtlep tui tichipchep, Chemtatrawta Chem tahna tawk leka tui an chhek per bawrh bawrh leh liluh an tum tlat lai a taka hmutu nih nawmzia leh hlimawm zia hi tuman kan hriatpui phak lo. Scooty seat hnunga thu chunga Nl. J-Tei an selfie chiah kha chu aw... Phone Camera thi thak khawpa camera hmet a ni bawk a, thlalak chu a nei tlem hauh lo ang. Water Bamboo Vrs Nl. J-Tei, hemi phena thilthleng chanchin hi chu Kohhran mipui hriatah U Mathara phalna la lo chuan kei Renthley Vl hian ka sawi dawn lo hrim hrim... A zawt ngam chuan zawt mai rawh u. P u b l i s h e d & E d i t e d b y E d i t o r i a l B o a r d Members o n b e h a l f o f T K P C h â l t l â n g U n i t P r i n t e d a t E f a t h a P r e s s, C h â l t l â n g. C o p i e s

Noah and the Great Flood Mizo

Noah and the Great Flood Mizo Naupang te tana Pathian Lehkhabu Thianghlim I hnen rawn thlentu Nova leh tui lêt ropui chu Ziaktu: Edward Hughes Milem nena sawifiahtu: Byron Unger; Lazarus A hmeh leh remchang zawnga lettu: M. Maillot;