PERIODICAL

Transcription

1 April 2019 t AGAPE t 1

2 April 2019 t AGAPE t 2

3 April 2019 t AGAPE t 3 Nghakhlel taka kan lo thlir, Mizoram Presbyterian Kohhran Hmeichhe Inkhawmpui Lian vawi 48-na chu Pathian hruainain tluang tak leh hlim takin kan lo hmang zo leh ta dęr mai. Zoram dung leh vang mai bâkah Zoram pawn lam a\angte pawha fuan khawmin Pathian kan han be ho te, fakna hla saa kan han lam mup mup mai te kha a va han ropui em! Inkhawmpui \iak tawh ngai lohna hmun te pawh rinna mitin min thlirtir a, chu hmunah chuan intawh leh ngei beiseiin mahni khaw lam \heuh panin kan in\hen darh leh ta chu a ni a. Hmeichhia leh chakaiin sakhua an nei lo an tih \hinna pi pute khawvel a\ang han thlir phei chuan, kan puala Inkhawmpui Lian kan han nei ta mai te hi a ropuiin a va hlu em! Hetiang dinhmuna min chawisangtu hi eng dang a ni lo, Chanchin ha a ni. Chanchin ha hi kan tan a va hlu tehlul em! Kan inkhawmpuia Chanchin ha kan ngaihthlâk leh kan chante kha kan in chhűng lum kan thlenpui em? Berampute chu an thil hmuh leh hriatte avangin Pathian fak leh chawimawi chung zęlin an kir leh ang khan mahni in lamah kan kir ve em? Chanchin ha hi kan chhűngkua, kan ram leh hnam tan damna kim awm chhun chu a ni. He Chanchin ha, Lal Isua thihna leh thawhlehna hun bik pawimawh tak mai a rawn inher chhuah męk lai hian kan thinlungin kraws lam hawi sela. Suala tlu tawh hnuten van khua leh tui kan chan theih nana Van Lalber thihna rapthlâk ber tuara krawsa khai khana a awm mai hi a mak ęm a, hei ngei hi a ni Fak Hla Siamtuin, Thu mak ka sawi nin theih loh chu, a lo tih ni. Chuti kauva kan tana tuartu tan chuan eng chen nge kan tawrh ve le? Mi dangten damna an chan theih nan keini hi eng chen nge kan insenso ve ngam le? Eng pe chhuak tűrin bati chu a alh ral zęl a ngai a. Chutiang bawk chuan, keini pawh inkhawmpui \iak tawh ngai lohna hmunah hlim leh lawm taka kan intawh khawm leh vek theih nan mahni chhűngkuaah, \henawm khawvengah, kohhranah, kan awmna hmun apiangah mahni lam ral zęl chungin Krista Chanchin ha eng hi pe chhuak tűrin \an i la thar sauh sauh ang u. Tholeh Krista ngei chuan min hruai zęl dawn si.

4 April 2019 t AGAPE t 4 Kristian Chhungkua KRISTIAN NU HA Upa C. Ngurthantluanga Khatla Bible Chang : Thufingte 31:30; Tita 2:3-5 Thuhmahruai Chhűngkuaa hmun laili ber luahtu, hmangaihnaa khat, mi dangin an nihna leh chanvo kan luah ve zawh loh, theihna (quality) ropui bik nei tűra Pathianin a buatsaih Nu puala chhiar tűr thu ziah hi a zamawm hle. Mahse, kan ram leh hnam, kohhran leh chhűngkuaah nute hmanga Pathianin hna a thawh męk avangin Kristian chhűngkua \ha lehzual kan neih theihna tűr hmanrua a lo nih ve tak mialin he thu hi ka rawn ziak ve a ni. Nu ropui bikna Kan Bible chang thlan, Tita 2:4-a thumal pawimawh tak, hmangaih tih lo lang nawn hi Greek \awng chuan Filoteknuos an ti. He thu ropui tak mai hi mi thiamten an sawi fiah dan chuan nute chauhvin an neih hmangaihna sawina bîk a ni awm e. Nu ni ve lo, mi dang pa, nula leh tlangvalten an neih ve loh hmangaihna danglam tak mai chu Pathianin nuah hian a lo dah bîk a ni. Hetiang taka hmangaihna danglam bîk nei in nih avang hian nau hring tűr te, hnute pe tűr te, mal chunga nau pawm tűr tein Pathian hian a lo ruat bîk che u a ni mahna! He lai thu hi Paula \awngkam takin, thuril thűk tak, nute hlutzia a sawina niin kei chuan ka ngai. Nausenin nu kut lum, an \ang nęm leh hmangaihna mit meng an mamawh bîk dan te hi chu sawi fiah thiam phâk lohvin a hlu asin. Nauno pawmte phei chuan naute enkawl kawngah pasalte leh mi dangte phűt awm chin tâwk kan hriat thiam phah phei chuan a lawmawm ngawt ang. Ka nausenin tu nge mi kawl? Ka nu, ka nu duh tak chu... Ka damlo va, a tlaivar a, Ka \ap a, min lo chawi mu thin; Hah takin, chak lo chung pawhin Ka nu, ka nu duh tak chu.

5 April 2019 t AGAPE t 5 In lo insit viau \hin a ni mai thei. Pathianin a buatsaih bîk dan che u hi in ngaihtuah ngai em? Nu (Mother) tih thumal hmanna te hi in thîkawm lek lek asin! Lawng rual hmahruaitu mothership, pianpui \awng mother tongue, pianna ram motherland, computer-a a khawl pawimawh lai ber motherboard. Engati nge pa (father) tih thumal kan hman zawk loh? Ngaihtuah a tithui riau asin! Chuvangin, lawm takin in hlut bîkna hmang \angkai tűrin in rilru lo siam ang che u. I nihna ropui bîk kha nausęnte lakah chauh ni lovin, nutling/patlingte lakah pawh i hmang \angkai thei ania! Fate emaw, pasalten emaw sual kawng an zawh męk avanga chhűngkaw lawng keh chhe męk, pil lek leka inhre tawh te pawh kan lo awm a ni thei e. Lalpa n puih che a tum a, chhandam che a duh tih hi ringhlel suh. Khawizu aia thlum zawk hmangaihna danglam bîk i kawl kha i sâwr chhuah thiam phawt chuan hnehna i la chang ngei ang. Chu i thiltihtheihna thurűk chu i hmang tawh em le? Petera chuan a lehkhathawnah, In incheina chu pawn lam incheina sam phiar te, rangkachak \hi awrh te, silhfena inthuam te chu ni lovin, thinlunga mihring thurűk chu, rilru thuhnuairawlh leh nunnęm, silhfen chhe thei lova inthuam ni zawk rawh se, chu chu Pathian mit hmuhin a hlu ęm ęm a ni. Chutiangin hmasânga hmeichhe thianghlim, Pathian ringtute pawh kha mahni pasalte thu thua awmin an inchei si \hin a a ti (1 Petera 3:3-5). Nute u, in chakna thurűk ropui tak, Bible-in min hrilh hi in hman \angkai thiam chuan hnehna ropui in chang thei a sin!...thu lovin an nupuite chętziaa hnehin an awm thei ang, a ti hial a ni (1 Petera 3:1). Nu pawimawhna Khawvela mi ropui ber berte hi hmeichhe pakhat emaw, pahnihin emaw a siam an ni, tiin thufing pakhat chuan a sawi a, chung mi ropui chhertu mi pahnih emaw, pakhat emawte chu: Pathian \ih nu (Godly mother) leh Nupui inpe tak (Devoted wife)-te an ni. Mipa ropui tak phęnah hian hmeichhe fel tak an awm \hin, an lo ti ręng a ni.

6 April 2019 t AGAPE t 6 In pasalte kha in ngaisâng em? In fapate kha eng angin nge in hmuh? Tuna a nih ang ni tűra mawh phur nasa ber chu a nu emaw, a nupui (nangmah) emaw i ni. Kohhran hi a kal sual a nih chuan nuin mawh in phur ang. Ram leh khawtlâng pawh a tluchhia a nih chuan nuten mawh in phur ang. Kan ram leh hnam pawh hi a ropui a nih chuan fak phu ber tűr chu nute hi an ni ngei ang. Fapa duhawm leh chhuanawm tak nei in awm \euh ka ring. A chher chhuaktu leh tha thawh tam zawkte chu pa ni lovin nute in lo ni fo \hin. Khawvela mi chak huaisen leh hruaitu ropui Napoleon-a chuan, France ram hian nu \ha tak nei ila, he ram hian fapa \ha a nei ang a; tichuan, he ram hi a ropui ang, a ti. In ropui taka nu i ni lo mai thei a, pawisa ngah tak nu pawh in nilo mai thei. Chhűngkaw rual tak leh fa tam tak hringtu nu pawh i ni lo mai thei; tin, fa hring kher lo tűra Pathian ruat nu pawh i ni thei bawk. Eng pawh ni se, tuna kan in leh lo a \hat leh \hat loh te, sum kan ngah leh ngah loh te hi chhűngkaw ropui tehna a ni miah lo. America President Abraham Lincoln chuan, Miin Pathian \ih tak nu a neih chuan a rethei ngai lo, (No man is poor who has a Godly mother) a ti. Chhűngkua hian Pathian \ih tak Nu a neih chuan chu chhűngkuaah chuan malsawmna a lo luang lut \hin. Nute hi in muthlu thiang lo a nia. In hmanraw hriam ber \awng\aina leh hmangaihnain in chhűngkua kha in venghim thei. hing\hia van tawng theihna, \awng\aina hmangin i fate hi kahpathir aia chhah zawkin hung tlat ang che. I in chhűngah missionary ni rawh. Tin, heng thu, vawiina ka pęk che u hi in thinlungah a cham reng ang a; in fate \hahnemngai takin in zirtir ang a, in ina in \hut lai te, kawnga in kal lai te, in mut lai te, in thawh hun tein in sawi \hin tűr a ni. Tin, chhinchhiahna atan in banah in zem ang a, in mit leh mit inkâra chal hrenna atan a awm bawk tűr a ni. Tin, in in kawngka biangah te, in kawngkharah te in ziak tűr a ni (Deut. 6:6).

7 April 2019 t AGAPE t 7 Kan inen fiahna tűr, darthlalang atan nu \ha leh \ha lo, Bible-a kan hmuhte han sawi ila: Nu \ha lo 1. Herodi Heroda n a unaupa Philipa nupui a chhuhsak tak Herodi, fate Pathian leh a rawngbawltute hmelmaa chher chhuaktu chanchin Bible-ah kan hmu. Herodi chuan a fanu chu fuih khawlovin Heroda hnęnah Baptistu Johana lu a diltir a, rawngbawltu ropui Baptistu Johana lu a tantir. Nupui \ha lo, kohhran leh rawngbawltute leh Pathian do zawnga \awngkam cheh \hin, fate thinlunga helna rilru tuh ching Herodi ang nute hian kan ramah chi chhia an tuh męk a ni. Mahni in chhűng ngeia chaw ei lai leh fate hriata kohhran \hat lohna leh dik lohna sawi zuah zuah, \henawmte leh roręltute rel bawrh bawrh mai \hin nute hian an hriat loh hlanin chi chhia an kui \iak męk a ni. 2. Lalnu Jezebeli (1 Lalte 21:7-10) Lal Ahaba nupui a ni a, Ahaba hi lal suala sawi a ni. A chhan chu eng dang a ni lo, nupui \ha lo Jezebeli a neih vang a ni. Nabotha grep huan an chhuh luih pawh kha a nupui ruahmanna vek a ni. Kan rama pa hlemhle takte phęnah hian Jezebeli laizawnte an biru \euh niin a lang. Sawrkâr sum leh thil dang eiru thei dinhmuna dingte rinawm leh rinawm loh hi an nupuiteah a innghat thui hle. 3. Rebeki Abrahama mo, Isaaka nupui Rebeki n a fate zingah langsâr takin Jakoba a duat bîk a, rah \ha a chhuah miah lo. Rebeki anga fa chuam bîk nei, in chhűngkhura inrem lohna tuh męk kan awm chuan sim hlauh tűr a ni. I fate zawng zawng tan Kristian nu \ha nih tum ang che. 4. Lota nupui Khawvel thlahlel, nunna kawng an zawh męk lai pawha hnung lam hawi kir \alh kha chikhawnah a chang ta a ni. Tunlai khawvel hri vei pakhat chu Kristian hming pu sia

8 April 2019 t AGAPE t 8 khawvel thil ngainatna hi a ni. Pathian ngaihsak anna nei, a thiltihtheihna ring ngam si lo Bible-in a sawite kha kan ni ang tih a hlauhawm hle mai. Tunlai danin a ei chhiat męk kan nih chuan harh chhuah a hun. Lota nupui hre reng rawh u. 5. Potiphara nupui A chanchin kan hre \heuh awm e. Bible-in a hming a sawi lo va, mi thiam \henkhat chuan Zuleika a ni an ti. A pasal Potiphara hmuh loh laiin an awmpui sal tlangval Josefa mutpui tumin a thlęm a nih kha. Pawmlai nei reng chunga tlangval dang melh, mahni chhiahhlawhte ngei pawh ngaih melh duh khawpa nu lepchiahten chhűngkua an leng darh \hin. Zuleika ang pasal pawmlai nei reng chunga ngaihzawng dang nei nu Zoramah pawh hian an awm thu sawi a ni te hian rilru a tina \hin. Hetiang dinhmunah hian i lo ding ve a nih chuan tun hi simna remchang a ni e. Lalpa leh i chhűngte ngaih-damna chang tűrin simna dik tak nen Lal Isua hmaah \hing\hiin sual thupha chawi ta che. Bible-a nu ropui, kan entawn tűr \henkhat han tar lang ve thung ila. Nu \ha 1. Hani Samuela nu, Hani ang kha kan ram hian nu kan mamawh e. Mittui nen Lalpa hmaah a \awng\ai \hin a, a dil ang a fapa Samuela a hrin khan a hun takah Puithiam Elia hnęnah a hruai chat chat \hin. Kan kohhran leh chhűngkaw tin hian nu, mittui nena \awng\ai \hin, hun bi nei a Lalpa hma a fate hruai thleng \hin kan va mamawh em! Nu tam tak chu chhűngkaw pawn lamah kan hmanhlel ta lutuk a, kan duham leh hma kan sial lutuk aleiah chhűngkaw nun a tlabal a, kan tuar męk a nih hi! In chhűnga Kristian nu \ha ni tűra koh in ni a, Jerusalem nute anga Isua ke bula naupangte hruai thleng \hin tűra beisei in ni bawk. 2. Sari Abrahama nupui Sari anga pasal te zah thiam, pasal te Ka lalpa ti thei khawpa inngaitlawm thei, Pathian kohna aw hre ve lo mah se, a pasal kalna a pianga zui zęl mai thei nu rinawm kan mamawh. Chi tam tak thlahtu nu

9 April 2019 t AGAPE t 9 a lo ni ang khan kan ram leh hnam hian mi hman tlâk hring tűr Kristian nu \ha, Sari ang kan mamawh a ni. 3. Ruthi Naomi mo, a pasalin a thihsan hnu pawha a pasala nu tana rinawm tlat chu Pathianin a hre reng a, nuthlawi dinhmuna ding tawh khan pasal \ha tak Boaza a nei. Tichuan, Lal Isua thlahtu zingah a tel ta hial a ni. Ruthi anga mahni pasalte chauh ni lo, pasal te chhűng hmangaiha nei tel vek thei khawpa nu rilru \ha leh inngaitlâwmte hian chhűngkaw ropui tak an din \hin. Ruthi anga Kristian nu rinawm i ni thei. 4. Mari Magdalini Zing khaw var hmaa Isua ruang zalhna thlan thleng rap ngam khawpa Lal Isua tana nu rinawm leh huaisen, Mari Magdalini hi a va entawn tlâk em! A inpękna avang khan Isua n a thawhleh hnuah a inlârna hmasa ber atan a thlang ta nghe nghe a nih kha. Dinhmun hlauhawm leh hun khirh a lo thlen lai pawha Lal Isua tana ding nghet tlat \hin nute hi chhűngkaw tan an hlu \hin. Mipaho aia Mari Magdalini n thlan a thleng hmasa zawk ang khan chhűngkaw \henkhatah chuan nuin hma a hruai a \ul chang a awm \hin a nia. Hmeichhe awmnęm zawk pawh ni mah la, Isua zuina kawngah chhűngkaw hma i hruai a \ul chang a awm \hin tih hria la, insit lovin lo bei zęl ang che. Lal Isua thlarau ngei kha i hnęnah a rawn inlâr \hin ang. 5. Estheri Pathian leh a mite tan lalnu a nihna a hman \angkai ngam avangin Juda hnam an thih mang loh phah a, Estheri hming hi a dai tawh ngai dawn lo a ni. Lalnu Estheri anga a hun leh hun lovah pawh huaisen tak leh taima taka Pathian hmaa ding \hinte hi mi dang tana damna thlentu an ni \hin. Mahni pasal leh fate LAL hmaa dinpui \hintu nu ni la, in chhűngkua a dam ang a, kan ram pawh hi a dam ang. He leia kan chhűngkua hi van khawpuiah kan kim leh theihna tűrin nuin mawh in va phur nasa em! Kan ram leh hnam, kohhran leh chhűngkaw mamawh chhanna ni tűrin Kristian nu \ha lo ni ang che. Lalpa n a thu malsawm rawh se. Amen

10 April 2019 t AGAPE t 10 Good Friday Sermon KALVARI TLANG CHANCHIN - Rev. Thangzauva Ramhlun South Mt. 27:32-43; Lk. 23:33,34. Kalvari tlang chanchin min hrilh thei lo m ni? Kum 1986 kha a ni ta awm e, mahni chauhva khawhar taka Pamchung Kohhran (Rabung Bial) tlawh tűra kawng chho tak mai, ni sensa hnuaia ka kal hnak hnak laiin, Kalvari tlang chanchin min hrilh thei lo m ni? tih hla hi ka thinlungah a rawn ri tluk tluk mai a. Chu chuan ka thinlung a luah reng \hin a. Tun \umah hian Kalvari tlang chanchin tih thupuia hmangin sermon ziakna hun remchang ka nei thei hi ka lawm hle. Kalvari tlang chanchin hriat chakna hi Mizote thinlungah chauh ni lovin, hnam dangte rilruah pawh a lian hle. Kalvari tih hi Latin \awng a ni a; Aramaic \awng chuan Gulgultha an ti a, Grikin Kranion, Hebrai-ho \awng chuan Golgotha, Mizote chuan Lu ruh hmun kan ti (Mt. 27:33). Kalvari tih \awngkam tak hi chu Mizo \awng Bibleah chuan a awm lo va, hla thuah chuan a awm nual. Kalvari tlang hi Isua an khen behna hmun, Jerusalem kulh pawna awm a ni a. A awmna lai tak hi hriat a ni tawh lo. Thurochhiaha a lan dan chuan tuna The Holy Sepulchre an tih, St. Helena-i n kum AD 327-a kraws them nia ngaih a chharna hmun kha nia ngaih a ni (Oxford Concise Encyclopaedia, p. 166). Kalvari tlang hi Lu ruh hmun an tihna chhan kawng thum a awm (1) He tlang hian lu ruh a an ęm avang te, (2) Lu tanna hmun a nih avang te leh, (3) Chu tlangah chuan lu ruh tam tak a awm avangin. Kalvari tlangah hian kum sanghnih zet kal tawhah khan khawvela thil thleng zinga hmuhnawm leh ngaihnawm ber, tun hmaa la thleng ngai lo, tun hnu pawha thleng leh ngai tawh lo tűr thil ropui tak a thleng a. Kalvari ennawm ti pawhin an sawi \hin. Chu tlang chanchin chu hriat châkin Rev. Liangkhaia (1884-

11 April 2019 t AGAPE t ) chuan thiam takin, Kalvari tlang chanchin min hrilh thei lo m ni? tiin hrilh theitu tűr zawngin a van ruai a. Chu tlang chanchin chu hetiang hian han sawi ila: 1. Kalvari tlang kraws chu mi sualte khen behna hmun a ni : Kalvari tlang krawsa khen behte chu vantlang ngaih pawha nung tlâk lo, dam tlâk lo, thiam loh chang, tu khawngaih thla mah la lote an ni. John L. McKenzie chuan Rom-ho dana krawsa an khen behte chu sal te, tualthat te, suam hmang te, phiarrűk hmang te, khua leh tui nihna phatsantu leh helhote an ni, a ti. Mosia dan pawhin thiam loh a chantir a, Thinga khai apiang chu Pathian anchhe dawng a ni si a, tiin (Deut. 21:23). Lal Isua ngei pawh kha ram awptu Pilatan thiam loh chantirin krawsah khen beh a ni. A sir tawna khen behte pawh hrem zia ręng, thil tihsual man hmu an ni a. Isua erawh kha chu ama sual vanga khen beh a ni ve lo. Pilata ngei pawhin, Eng mah a sualna ka hmu lo, a ti (Jn. 19:4). Mi fel, sualna nei lo, mi sualte tana thi a ni. Mi fel famkim ni mah se, zawlnei Isaian, Kan natnate phurin kan lungngaihnate pawh a phur ngei a...mi tam tak sualna chu a phur, a ti a (Isa. 53:4,12). Puithiam Lalber Kaiapha pawhin, Mi zawng zawng thih aiin mi pakhat thih a \ha, a ti (Jn. 18:14). Tirhkoh Paula chuan, Mi zawng zawng thih aiin mi pakhat a thi a; chuvangin, mi zawng zawng chu an thi a ni, a ti bawk (1 Kor. 5:14). Heng a\anga chiang taka lang chu Kalvari tlang hi mi sualte khen behna hmun a ni, tih hi. 2. Khawngaihna hmun a ni: Mi fel famkim Krista, Pathian Fapa thihna chuan khawngaihna kawngka a kik hawng a. Dan thiltih avanga Pathian khawngaihna dawng phâk lo leh dawng tlâk tawh lote khan dan zawh famkimna Kristaah chuan a khawngaihna an lo dawng leh thei ta. Khawngaih chunga khawngaih lehchhawnna tia Johana sawi hi a dik hle (Jn. 1:16). Chutah chuan thiam lo hmin der hnute pawh zuahin an lo awm leh ta. Chatuan khua a vâra, sal tâng zawng zawngte tan chhuahna Jubilee dâr a lo ri ta. Zion khua a var leh ta. A

12 April 2019 t AGAPE t 12 va lawmawm em! Halleluiah! Hla phuahtu chuan duhthawh takin, Aw Kalvari-ah Pathian khawngaihna dawn a \ul mang e, a ti hial a ni. Paula chuan, Chu khawngaihna chu Duhtakaah chuan a thlâwnin min pe, a ti (Eph. 1:6). Chu khawngaihna hmua hretu chu Dan rorelin an awm tawh lo va, khawngaihna rorela awmin dan chungah an lęng tawh a; danin an chungah thu a nei tawh lo. Dan chu an tan a hnawksak lo va, danin a phuar tawh nahek lo. Dan hi hnawk tia dodal apiang chu eng dan pawh ni se, dan hnuaia lengte an la ni vek (cf. 1 Tim. 1:8-11). Hla siamtu chuan chu tlang kraws chu thlirin, Chu chu khawngaihna hmun a ni, a thisen avang chuan... a ti. 3. Remna ropui a thleng : Palai rinawm Krista chuan sual vanga Pathian leh mihring, inrem thei tawh lote tan Kalvari tlangah remna sa-ui a rawn tan ta a. Paulan, Pathianin Kristaah chuan amah nen inremin min siam, (2 Kor. 5:18) a tih ang khan. Chu tlanga thi thei lo thihna chuan Pathian leh mihringte inkârah remna a rawn thlen ta a. Pa lungawina changin Pathian faah te vuahin kan awm ta. Chu chauh a ni lo, mihring leh mihringte inkârah leh, mihring leh thil siam dangte inkârah pawh remna a thleng męk zęl a ni. Daidanna bang chu tihchimin a awm a, Kalvariah an dang chuang lo ve tih angin, Juda leh Jentailte, serh tan leh tan loh te, bawih leh bawih lo te, mipa leh hmeichhia te, rethei leh hausa te pawh an inang ta \hup mai. Chu tlanga kraws chauh chuan mihringte hi min chawk rual thei. Chu remna tlangah chuan dingin, chuta mi sual tana thi hnu Krista rilru chu puin kan mihringpuite leh thil siam dangte pawh i thlir \hin ang u. 4. Kalvari tlang chu Pathian hmangaihna vawrtâwp lanna hmun a ni : Mihringte sualna leh khawlohna avanga tihboral vek duh hialtu Pathian chuan, a hmangaihna dai thei ngai lo avangin chatuan nunna kawng Kristain a siamsak leh ta a (Gen. 3:15). A fapa mal neih chhun pein krawsah a tuar a, a thi a. Thűkna puite kehchhiain a hmangaihna chak tak leh mak tak mai chuan

13 April 2019 t AGAPE t 13 mihringte hi a hnęnah min hruai thleng leh ta. Chu hmangaihna hmua hre chiangtu chuan, Chuti takin min hmangaih a, mi sual thiam loh chang tawh hnu, a ti thlâwt mai. Chu hmangaihna rilru a\anga thlirtu tan chuan Pathian anpuia siam mihringte hi tu mah hlu bik emaw, hlu lo bik emaw an awm lo. Chu hmangaihna mit chuan mi zawng zawng hi hmu thiam ila, a hluin a va ropui dawn em! Chu hmangaihna mit chuan Pathianin mi zawng zawng hi min en reng \hin si a. 5. Chhandamna hmun a ni: Kalvari tlanga mi sual zinga khen beh ve Isua chuan, A kin ta (Gk. Tetelestai) tia auvin a thlarau a thlah ta a (Jn. 19:30). A kin ta tih awmzia hi zawh a ni ta, zawh fel, peih fel a ni ta, tih zawh a ni ta, chhandamna atana tih tűr zawng zawng chu tih zawh a ni ta, tihna te a ni thei vek. Puithiamten kawla ni chhuak chhiara anmahni leh mi dangte sual ngaihdam a nih theihna tűra ran thisena an inthawina te chuan an sual a tleng fai zo lo va, Pathian hmaah thiam an chang zo chuang lo. Mahse, Pathian Fapa Isua Krista inthawina chuan vawi khatah tlingtla vekin mihringte sual ngaihdamna hna chu a thawk zo ta. A hluin a va ropui em! Pathian laka kan bat pawh min thing leh tawh lo vang. Krawsah khan thai bovin a awm tawh si a. Rinna avanga khawngaihnaa chhandamna kan chang ta. Kan taksa, rilru leh thlarau chhandamna kim min pe ta a, a thawk zo vek tawh, tih leh tűr a awm tawh lo (1 Thes. 5:23). He chhandamna hmun hi lei Jerusalem daiah a thleng a; mahse, van Jerualem luhna gate-pui a ni. Mi bawlhhlawhten thianghlimna an chana, mi fel loten Pathian felna an hmuhna hmun a ni. Thiam loh chan reng ka hlau tawh lo ng, Pathian felna ka inthuamna Lal\hutthleng chu ka pan ngam ta, Ka ram hlun Krista zarah ka ta. Kalvari tlang kraws kan hnaih poh leh ringtute hi kan inhnaih tlang a, kalvari tlang kan hlat poh leh mi dang rem kan harsat \hin. Kalvari tlanga thi Krista rilru kha kan rilru leh nun min hruaitu lo ni zęl rawh se.

14 April 2019 t AGAPE t 14 KALVARI ENNAWM - Upa Vanengliana Ramhlun North Tin, chu ennawm chu thlir tűra mipui rawn inkhawm zawng zawngte chuan, thil awmziate chu an hmuhin, an awmte chum chumin an haw leh ta a (Luka 23:48) Krawsa Isua khen beh hi khawngaih leh hmangaiha thlirtu aiin hmusit leh diriam tak chunga ennawm anga thlirtu an tam zawk awm e. Luka pawh hian chu ennawm thlirtute a ti hial ręng a ni. Rom-ho hmuhnawm tih zawng chu sakei ril\amin mihring a seh lai te, bawng kawlhin mi a si lai te leh mihring leh mihring insual te a ni. Kan Lal Isua pawh tihel nan puansenduk an sintir a. Lallukhum atan hlinglukhum, Lal tiang atan luang tiang an pe a. A mit an tuam a, chibai an bűk el a, a luah luangin an vua a, chil an chhâk a, nuihza siam nan an hmang a (Mk. 15:17-20). Chutiang taka an sawisak avang chuan krawsa an khen beh pawh hi mipui tam takin hmuh an châk phah a ni awm e. Chu ennawm thlirtu \henkhatte chu han chhui ila: 1. Mi dang mah a tidam \hin a, mahni a intidam thei si lo, tia elsęn leh hmusit taka thlirtu tam tak an awm a. An sawi dik hle laiin, min hmangaih avanga amah leh amah intidam thei lo a ni tih erawh an hre pha lo thung. 2. Isua bula khen beh ve pakhat chuan, Pathian Fapa i nih chuan intidam la, keini pawh min tidam ta che, a ti khar khar a. Pakhat zâwk erawh chuan mi sual a ni tih inhmuchhuakin, Keini zawng hrem zia ręng kan ni, kan thiltih man chauh hmu kan nih hi, a ti a. Inchhira inlamlęt hnęnah chuan, Tihtakmeuhvin ka hrilh a che, vawiinah hian ka hnęnah Paradis-ah i awm ve ang, a ti ta hial a. Isua bula khen beh ve vete dinhmun chu chawpleh-chilhin a inperhsan ta dâwrh mai. Keini pawh hi he

15 April 2019 t AGAPE t 15 dinhmun eng zawk zawkah emaw hian kan awm męk a ni tih i hria ang u. 3. Hla taka thlirtute : Luka 23:49-ah chuan, Tin, a hmelhriatte zawng zawng leh hmeichhia, Galili ram a\anga rawn zuite chu, chung thil chu thlirin hla takah an ding a, tih kan hmu. Lal Isua thihna hmun Kalvari tlang thleng ngam lote hi a saseh ęm ngam lo, luhchilh tak tak ngam lo an ni ber awm e. Chutih laiin heng hmeichhia, Galili ram a\anga lo kalte ngei hi Isua phumna thlan thlenga zuitu, Isua thawhleh thu hre hmasatute an ni leh hlauh thung. Chawplehchilha inlamlette Isuan a hnar ngai lo tih a chiang hle. 4. Isua kheng bettu sipaihote hian nuihza siam nana hmangin Isua silhfen chu insemin \hum an vâwr a. Vawiin thleng hian Mizoramah te ngei pawh Isua hmusittu kan la pung ta zęl a, elsen taka Pathian kohhran diriamtute, a biakbűk thianghlim sawisatute, krawsa Isua kheng bet nawn lehtute kan pung tual tual em maw tih tűr a ni. 5. Hmusit taka Isua an endawng męk laiin, lei lamin hriatpui lo mah sela, van lamin a hriatpui thung. Khawvel a lo thim ta vek a, ni eng a reh ta a, lir nasa takin a lo nghing a, lungpui te a lo khi chat a, Pathian biak in puanzar a laiah a thlęr a. Isua diriamtu sipai zinga hotu ber sipai za hotu thinlung chu chhun kehin a awm a, He mi hi matheilovin mi fel tak (Pathian Fapa) a ni phawt mai, tiin Pathian a fak ta (Lk. 23:47). Tuna kan sawi duh ber chu he sipai za hotu hi Kalvari ennawm thlirtute zinga hmuhnawm ber a lo ni ta. Kan hlain Ennawm mak thar, a thi hlu-an a tih angin, hmusit taka Isua diriamtu kha Pathian fak chungin a haw ta. Hman deuhvah khan Rev. S. Lalkhuma n, Sap rama an thil hmuhnawm hrang hrang min entir a, a hmuhnawm hle mai. Amaherawhchu, heng zawng zawng ai hian Meitei tlangval pawr ve fap mai, Lal Isua Chhandamtua pawm, \henawm khawveng leh a chhűngte tihduhdah pawh huama baptisma a chang lai hmel tluka hmuhnawm tih ka nei

16 April 2019 t AGAPE t 16 lo, a ti. Upa R. Vanlalzauva chuan hlain, Kraws thiltihtheihna chhun engah ka ding ngam lo...min fan zo ngei ka lairil hi, thlaphâng aurâwl rűm ka hriat chu, van khua leh tui aw mi chantirtu, ka fak ning lo ng che ka Chhandamtu, a ti a. He sipai za hotu dinhmun hriatpuia phuah a ni ang em aw, ka ti hial \hin. Unau duh tak, Kalvari ennawm thlirtu zingah a eng ber nge i nih ve le? Aw ka thlarau, chu tlangah chuan, Chhun zanin va leng fo la; I Lalpa, kraws lęra awm chu, Nungin i va hmu ang a. Kalvari tlang, Kalvari tlang, Chanchin a lo hrilh ang che. Lalpan malsawm rawh se. Amen. George Nixon Briggs-a, Massachussetts Governor \hiante pathumin Golgotha an tlawh a. Chu tlanga an awm lai chuan a \hiante chuan amah an hriat reng thu an sawi a. Ani chuan, hiante u, chutiang hmun a\anga min rawn hre reng chu ka lawm hle mai. Mahse, chu hmuna min hre rengtu leh krawsa min tuarsaktu chunga ka lawmna chu a nasa zawk daih tih hi hrilh che u ila, in haw lo vang chu maw? a lo ti daih a. Mi pakhat hian chhandamnaa a thlamuan theih loh avangin D.L. Moody-a a pan a. Ani chuan, Nova kha lawngin nge chhanhim a nih ama inhriatnain? a lo ti a. Chu pa chu a harh zawk a, Chhandamna hi ka rilru thlamuanna avang ni lovin Krista vang zâwka ka chan a ni, a ti a. Lawm ęm ęmin a haw leh ta a. John Knox-a fanu Jane-i hnęnah, I pasal hian Krista a rinna a phatsan chuan kan chhuah ang a, a phatsan duh loh chuan a lu kan tan dawn a ni, an ti a. Jane-i chuan a pasalin Isua a phatsan chu duh lovin, Pute u, a lu chu ka lo chang ang e, a ti hmiah. Kristian Encyclopaedia by Lalngaihawma

17 April 2019 t AGAPE t 17 Easter Sermon ISUA A THOLEH (Marka 16:6, Matthaia 28:6;Luka 24:2) P. C. Laltlani Bawngkawn East Kohhran Isua mitthi zing ata a thawhleh thu hi Kristiante thurin pawimawh tak a ni a, ringtu hmasate thu sawi uar ber a ni. Petera leh Johana phei chuan, Keini zawng thil kan hmuh leh kan hriatte kha sawi lovin kan awm thei lo, (Tirh. 4:20) an ti hial a ni. Isua thawhleh tűk khan vantirhkohvin thlan kawngkaa lung a rawn lum sawn a. Thlan vengtu sipaite chu thi ang derin an awm a. Puithiam lalte hnęnah an va hrilh a, anni chuan tangka tam tak an lo pe a, Zanah kan muthilh hlanin, zirtirten an ru, ti ang che u, an ti a (Mt. 28:13). Hemi thu hi tun thlengin Juda-te zingah an la sawi huai huai tih a ni a. Chuvangin, Isua thawhleh thu hi ringtuten fiah taka kan hriat a ngai a ni. Isua thawhleh thu Bible-in min hrilh dan chu hetiang hi a ni: 1. THLAN RUAK HMU- TUTE Isua thawhleh thu mi thiamten an sawi reng rengin thlan ruak hi an sawi hmaih ngai lo. (1) Hmeichhiaten thlan ruak an hmu Thlan ruak hmu hmasatute chu hmeichhia an ni a. Isua Zirtawpni tlaiah thlana an phum hnuin Juda-te Chawlhni (Inrinni) an chawl a. A tűk zing (Pathianni)-ah Mari Magdalini te, Mari Jakoba nu te, Salomi te chu Isua ruanga hnawih tűr englo rimtui kengin thlanah an kal a. Thlan kawngka ata lung chu tuin nge min lum sawnsak ang aw? an ti a. An han dâk a, lung chu lum sawn sain an hmu ta mai a! Lung chu a lian hle si a. Thlan chhűngah an lut a, Isua chu a lo awm lo va, vantirhkoh pakhat puan vâr sin a lo awm a, Isua, Nazaret mi an khen beh kha, in zawng a ni awm a. A tholeh ta; hetah a awm tawh lo; en teh u, an

18 April 2019 t AGAPE t 18 zalhna hi, a ti a (Mk. 16:6; Mt. 28:6; Lk. 24:2). (2) Petera leh Johanan thlan a ruak tih an fiah Thlan ruak an hmuh hnu hian hmeichhiate chu an haw leh a, tirhkohte hnęnah an va hrilh a, anni chuan thu mai maiah an ruat a, an awihsak lo va (Lk. 24:11). Nimahsela Petera chu a chhuak a, zirtir dang, Isuan a hmangaih (Johana) nen thlan lam panin an kal a. Thlan an va thlen chuan a chhűngah an lut a. Thlan chhűngah chuan puanzaisinte leh Isua lua inhrűkna puan awm chu an hmu a. Inhrűkna puan chu puanzaisinte zinga awm lovin, zial sain hmun hrangah a awm a (Lk. 24:12; Joh. 20:3-8). 2. A THAWHLEH HNUA A INLARNATE Isua tholeh hmu hmasa bertu chu hmeichhia, Mari Magdalini a ni a, thawhleh thu hril hmasa bertu a ni bawk. (1) Mari Magdalini hnenah a inlar Petera leh Johana chu thlan ruak an hmuhin in lamah an haw leh mai a. Mari Magdalini erawh chu a haw ve lo va. Isua a hmangaih ęm avangin a thlan ruak chu \ap chungin a bih a. Isua ruang awmna hmunah chuan vantirhkoh pahnih an lo awm a. Anni chuan, Hmeichhia, engati nge i \ah? an ti a. Ani chuan, Ka Lalpa an kal bopui a, an dahna ka hriat loh avangin, a ti a. Chutih lai chuan Isua chu a hnungah a lo ding a, Isua chuan a hnęnah, Hmeichhia, engati nge i \ah? Tu nge i zawn? a ti a Mari Magdalini chuan huan enkawltu emaw a ti a, Ka pu, amah heta ta i kalpui a nih chuan i dahna chin mi hrilh ang che; chutichuan, ka la ang, a ti a. Isua chu amah hmangaihtu, Mari Magdalini hmaah chuan a inthup thei ta lo va, Mari a ti a. Mari Magdalini chuan Isua aw a ni tih a hriat veleh a va pan a, Rabboni (Zirtirtu) a ti a. Isua chuan a tholeh a ni tih zirtirte hrilh tűrin a tir a. Mari Magdalini chu a va kal a, zirtirte hnęnah, Lalpa chu ka hmu ta! tiin a hrilh a (Joh. 20:11-18).

19 April 2019 t AGAPE t 19 (2) Emmau khaw kawnga khualzin pahnih hnęnah a inlâr Hmeichhiaten Isua thlan ruak an hmu a, Patera leh Johanan an va fiah a, thlan chu a ruak ngei a ni tih an hmuh ni khan an zinga mi pahnih chu Emmau khuaa kal tűrin an chhuak a. Kalkawnga an kal laiin Isuan a rawn fin a, an hriat loh tűrin an mit a tivai a. Khualzin pahnihte chuan Isua hnęnah an zinga hmeichhiaten Isua a thlanah a awm lo tih an sawi vanga an mangan thu an hrilh a. Isua chuan Pathian Lehkha zawng zawnga ama chanchin ziak apiang chu anmahni a hrilhfiah a. Emmau khua an thlenin khualzin pahnihte chuan Isua chu an hnęna riak tűrin an sawm a. Isua an hnęna thleng tűra a luha, chhang a phel laiin an mit a var a, Isua a ni tih an hre ta a, Isua chu a ral leh ta mai a. Anni chu hmanhmawh takin Jerusalem (Mel 7 vel) khuaah an kir leh a, Isua zirtirte awm khawmnaah an kal a, Isua a tholeh tih an hrilh a (Luka 24:18-33). (3) Zirtirte hnęnah a inlâr Juda-te an hlauh vanga zirtirte inah kawng khara an awm laiin Isua an zingah a lo ding a, an hnęnah, In chungah thlamuanna awm rawh se, a ti a, a kut leh a nak a entir a (Johana 20:19-20) Zirtirte hnęna Isua a inlar lai hian Thoma chu an hnęnah a awm ve lo va. Zirtir dangte chuan a hnęnah, Lalpa chu kan hmu ta! an ti a. Thoma chuan, A kut khenna ser ka hmuha, a nâka ka zen meuh loh chuan ka ring lo vang, a ti a. Ni riat hnuah an awm khawmna inah kawng khara an awm laiin Isua a lo kal a, In chungah thlamuanna awm rawh se, a ti a. Thoma chu a kut khenna ser khawiha, a nâk zen turin a ti a, Ring lovin awm suh la, ring rawh, a ti a. Thoma chuan, Ka Lalpa leh ka Pathian i ni, a ti a (Johana 20:26-28). Simon Petera leh zirtir dang paruk chu Tiberi dilah sangha man tűrin an kal a. An kal ni zan chuan eng mah an man lo va. A tűk zing khawfing chahin Isua chu \iauphovah a

20 April 2019 t AGAPE t 20 rawn ding a, an hnęnah Naute u, ei tűr engilo in nei em? a ti a. Anni chuan Nei lo tiin an chhang a. Isuan an hnęnah, Lawng sir ding lamah khan len dęng ulang in hmu ang, a ti a. Lawng sir ding lamah len an han den chuan sangha tam tak an man ta a. Zirtir, Isuan a hmangaih (Johana) chuan Petera hnęnah, Lalpa a nih saw, a ti a. Khawmualah an chhuahin meihawla meichhem chunga sangha leh chhangpęr rawh an hmu a. Isuan sangha leh chhangpęr chu a la a, an hnęnah a pe a. An vaiin Isua a ni tih an hre ta a (Joh. 21:1-14). III. SETANA A TLAWM Isua thawhlehna hi Pathianin Setana hnęnah, I thlahte leh hmeichhe thlahte ka indotir ang a; hmeichhe thlahin i lu a la tithitling ang a, nangin a keartui i la tithitling ang, (Gen. 3:15) a tih thlen dikna a ni. Isua kha Jordan luiah baptisma a chan zawhin thlalęrah Diabola, Setana thlah thlema awm tűrin a kal a. Diabola chuan a lo zuam viau va; khawvel ram zawng zawng leh a ropuina a entir a, Bawkkhupin chibai mi bűk la, heng zawng zawng hi ka pe vek ang che, a ti a (Mt. 4:9). Isua chuan a duh lo va, an indo zęl a. Setana thlahte hmangin Isua chu krawsah khen beh a ni a, a thi a, phumin a awm a. Nimahsela, thihna hnehin a tholeh a; Setana chu a tlawm a, hnehin a awm ta a. Isuan Galili rama tlang a ruatsakah zirtirte an lo kal khawmin Isuan an hnęnah, Lei leh vana thuneihna zawng zawng ka hnęnah pęk a ni tawh. Chutichuan, kal ula, hnam tina mi zirtirah te siam ula, Pa leh Fapa leh Thlarau Thianghlim hmingah chuan baptis ula, thu ka pęk zawng zawng che u pawm tűrin zirtir rawh u, a ti a (Mt. 28:16-20). Ramhuaite hnawh chhuah theihna te, damlo tihdam theihna te leh rannung chunga thuneihna te a pe a (Marka 16:15-18). Isua thuneihna hmangin zirtirten rawng an han bawl chuan Juda sakhaw hruaitu pawl Sanhedrin pawhin an

21 April 2019 t AGAPE t 21 dang zo lo. Chhinchhiahna leh thil mak tam tak an ti a. Mi tam tak Lalpa hnęnah an tel belhchhah a. Damlote kawtthlęrah an zawn chhuak a, khumah te, awngphahah te an muttir a, Petera kal pahin a hlim talin a \hen a zar a hliah theih nan an ti a. Jerusalem khaw pawn khua a\angtein damlo te, ramhuai bawlhhlawh sawisak te an rawn hruai a, an dam zęl a (Tirh. 5:12-16). Petera hian pian tirh ata kebai leh zeng a tidam a, mitthi hial a kaitho va (Tirh. 3:6,7; 9:4). Tirhkohte bâkah Isua tholeh inlârna hmutu Paula pawhin pian tirh ata kebai a tidam a, thil mak dang tam tak a ti a, ramhuaite a hnawt chhuak a (Tirh. 14:10; 19:11). Chanchin ha thlenna apiangah Setana a tlawm zęl a. Mizoramah pawh Chanchin hain ramhuai a um bo va, dawi te, thlahrang te, zawng lu ro tih te tu mahin kan hlau tawh lo va. Kan ram chu Kristian ram a ni a, tihdamna nei pawh tam tak an lo chhuak męk zęl a. Ram chhűng leh ram pawnahte tihdam rawngbawlna neiin ramhuaite an hnawt chhuak a, dawi te pawh an sűt a. Missionary-te kan tir chhuak a, hnam hrang hrang hnęnah Chanchin ha an hril a. Isua Krista hmingin ramhuaite an hnawt chhuak a, damlote an tidam a. Isua thupęk angin Pa leh Fapa leh Thlarau Thianghlim hmingin baptisma an chantir a, kohhran an din a. Sakhaw dang pathian tu mahin hetiang tih theihna thupęk an mite an pe ve lo. Sakhaw dang betu, Isua Krista ring duh lo zingah Kristian missionary-te rawngbawlna duh lotu an awm a; Kristian tihduhdahna thleng mah se, hnehna chu Lalpa ta a ni a, tiduhdahtute an tlâwm zawk zęl ang. Isuan Setana hneha, thuneihna a neih tawh avangin ringtu tan Setana a hlauhawm tawh lo. Min thlęm thei mah se, min tilui thei lo va. Diabola dodal rawh u; tichuan, a tlan bosan ang che u, (Jak. 4:7) Jakoban a tih angin, a thu kan awih loh chuan min hnaih ngam lo tih hriat tűr a ni.

22 April 2019 t AGAPE t 22 IV.RINGTUTE AN THO- LEH ANG Isua thawhleh thu chu hnial rual lohva chiang a ni a. Tunah hian vanah kan tan hmun siamin a awm a. Ringtu thi zawng zawng chu an tholeh dawn a. Isua chu mahni hun \heuh zęlah thawh hmahruaitu a ni a, keini pawh Isua thawh angin kan tholeh dawn (1 Kor. 15:22). Paula pawhin, Keia tan zawng nun hi Krista a ni si a, thih pawh hlâwkna a ni, a ti a. Krista hnęna awm a chak thu a sawi a (Phil. 1:21). A thi dawn hnai nia a hriatin, Tunah chuan felna lallukhum chu ka tan dahin a awm tawh, (2 Tim. 4:8) a ti ngam a ni. Kan thurinah, Taksa thawhlehna leh chatuana nunna ka ring, kan ti a. Hei hi, kan thawhleh hun chuan chatuana nunna kan nei tawh dawn kan tihna a ni a. Kan taksa chu tuia sanghaten an ei zo emaw, ramsaten an ei zo a ni emaw, thlanah sűlrul leh rannungin an tlan zo a nih pawhin, thu chauhva engkim siamtu chuan kan thlarau lam taksa min pe mai dawn a ni. Vaimim kan tuh a, a thih ral vek hnuah kung thar a lo chhuak angin, kan lei taksa ral vek hnuah taksa thar Lalpan min siamsak ang (1 Kor. 15:36-38). Kan taksa chu \awih theia tuhin a awm a, \awih thei lova kaihthawhin a awm; chawimawi lohva tuhin a awm a, ropui taka kaihthawhin a awm; chak lova tuhin kan awm a, thiltihtheihna neia kaihthawhin a awm ang; mihring lam taksaa tuhin a awm a, thlarau lam taksaa kaihthawhin a awm ang (1 Kor. 15:42-44). A va ropui em! Lalpa chu fakin awm rawh se. January thlaa Women Centre \anpuina petute leh an pęk dan kan rawn tar lanah khan Khatla Kohhran Hmeichhe thilpęk, Overlock Khawl (Usha) kha 1 ni lovin 2 tih zawk tűr a ni e. Tihsual palhah ngaihdam kan dil e. - Ed.

23 April 2019 t AGAPE t 23 ISUA THIHNA LEH THAWHLEHNA AWMPUITUTE RILRU PUT DAN TUR - Pastor Dr. C. Lalhlira i/c Mission Veng Bial Chhiar tur : Mt. 6:19-21; 2 Kor. 4:16-18; Kol. 3:1-4, 9-10 Thuhmahruai : Kristiante hi khawvela kan awm chhűngin kan thu zirtîr leh kan nun dân hi a inmil lo fo \hîn a, mahni \heuh inenin inngaihtuah ta ila, kan thupui hi a bir nger ngawr hle âwm asin. Sakhaw dang zuitute hian eng emaw ti takin Kristiante hi min chhoh en a, Chanchin ha kan hrilh te hían min haw riau va. Chanchin ha hi mi tin huap, mi zawng zawng mamawh a ni tih kan sawi bâkah, thil dang leh sakhaw dang zawng zawng aia \ha chungchuang niin kan sawi si a. He khawvel piah chatuana nunna thu te kan ringin sawi a, thlamuanna thuchah kan puang bawk a. Chutih laiin kan rilru sűkthlęk te, kan nun dân te, kan duh zâwng te hi sakhaw dang zuitute nen hian a thuhmun leh tlat \hin si avâng hian mak an ti a. Kan rinna min zawmpui duh lo chung hian kan nun dân leh kan thuhril a inmil lohna lai hi an hre thei hle si. Khawvel hawisan zâwngin Mi \henkhat chuan Mizote Pathian thu leh hla tuipuite hian khawvel hawisan zâwngin ngaihtuahna an kalpui lutuk an ti a. Kan pawmpui em? Mizorama missionary zînga pakhat Pu Samuel-a chu, Eng vângin nge Mizote hian vânram kan ngaih hle mai le? tiin an zâwt a. Ani chuan, In rethei ęm atin nih hi, a ti e, an ti! A dik ang em? Retheihna chu kawng hrang hrangin a sawi theih ang a ei leh bar tur khawpkham neih loh hi retheihna chhinchhiahna langsâr tak a ni. Thil dang, lusűn khawharna te, mite hnuaichhiah nihna te, mite endawng nih te hi khawvela awm chhűnga min tiretheitu a ni bawk. Hęng avâng chauhva vanram ngai kan niha, hausak

24 April 2019 t AGAPE t 24 avâng te, taksa chak leh chhűngkaw kim vâng tea vanram ngaihna kan bânsan a nih chuan a tâwk dâwn lo hle bawk si. Khawvela kan awm chhűng hi a rei lo kan ti \hîn. Mahse, mihringte hian rei kan ti viau mai. Inbenbel te, ngheh leh tlo te kan duh a, in leh lo kan din a, in chhűng bungrua leh thil dangte kan la khâwlin kan nei rei rui a. Khawvela awm hlen tur ni âwm takin, kan mamawh ber pawh hre si lovin kan awm em? Lal Isua thusawi hi kan ring takzet em? Retheih vânga vanram ngai mai kan nih chuan, lo hausain lo hnianghnâr ta ila, vanram kan ngaih chu a tawp mai dawn tihna a ni em? Sap ram, Pu Samuel-a lo chhuahna ram te chu an hausa hle mai a, vanram an ngai lo tial tial a, He leiah hian vanram din tur, tih lam an sawi uar tial tial a, Chanchin ha erawh an ngainęp tial tial thung a. Tunah chuan Good Friday hmangtu pawh an inhmu tawh mang lo. A khawi nge kan duh zâwk le? Rethei vanram ngai tak nge kan ngaihsân, hausa vanram ngaihna ręng nei lo chu? Kawng dangin sawi ila, rethei bawk, vanram ngai bawk si lo chu a retheihna a thuah hnih hle a; hausa bawk, vanram thlahlel bawk chu a awhawm hle. Hausa vanram ngai lo chu a ngaihtuahawm hle thung. He khawvelah hausa mah se, a tâwpna a ni lo tih hriaa chung lama a rilru nghat mi chuan he leia a thil neihte chu a innghahna berah a hmang lo va, a zahawmna te, a ngaihngamna te, a hlimna te pawh sum leh hausaknaah a teh lo. Chung lam, Pathian awmnaa thil chu a zawng zâwk \hîn. Kan Bible thu chhiar a\angte khan inenfiah ta ila, Mt. 6:19-21 : Leia sűlrűl leh tuiękin a ei chhiatnaah, rűkruten an reh pawha an rűknaah hian in tân rote khâwl khâwm suh u; vânah, sűlrűl leh tuiękin a ei chhiat lohnaah, rűkruten an reh pawha an rűk hek lohnaah chuan in tân rote khâwl khâwm zâwk rawh u; i ro awmna apiangah i rilru pawh a awm ang.

25 April 2019 t AGAPE t 25 Lal Isua zirtîrna hi vanram hawi, vanram kâwk a ni a. He leiah hian eng thil mah hi famkim a awm lo va, kumhlun thei a awm hek lo tih a zirtîrna a ni. Kan lei ro sum rangkachak te, lunghlu te, in leh lo te pawh kumhlun thei ręng a awm lo. Tuiękin a ei chhe thei a, pangangte pawhin an ei chhe thei. In chhűnga kan dah te, bank account te pawh mi sualin an khawih chingpenin emaw, kângmei vângin emaw a chhe thei bawk. Khâwl thil man to pui puite pawh hi chhe thei vek a ni. Hęngte avâng hian Pathian awmna ram ngaihthah nana hman tur a ni lo tih min hriattîr a ni. Engkim tlona leh daih reina hmun vanram chu min kawhhmuh a ni. Eng vâng nge? Kan ro awmna apiangah kan rilru a awm vâng a ni, a ti. Kan rilru a awmnaah chuan kan taksa pawh a awm nge nge \hîn. Kan rilruin a ngaih pawimawh chu insęnso pawh kan ngam huai a, kan ngai pawimawh \hîn. Ringtute hian khawiah nge kan rilru kan dah le? Lîrthei te, in te, kan ro hlu tlereuh rangkachak leh lunghlu, silhfen leh bungrua zawng zawngte hi chhe thei, bo thei, hlui thei a ni. Chhe thei lo, chul thei lo leh chuai thei lo chu, Pathianin min pęk Krista thawhlehna azâra kan nunna chiah hi a ni. 2 Kor. 4:16-18 : Kan taksa hi awngrawp/chhe tial tial mah se, kan chhűngril lam ni tin siam tharin a awm zâwk...chatuana awm tur thil hmuh theihte kan beisei zâwk a ni. Paula chuan Korinth Kohhranho lehkha a thawnah khân, he kan taksa ngei hi la chhe tur, rawih leh thi thei a nih hria se a duh a ni. Mahse, chu thi thei taksa chu thawhlehna azârah nunna tharin thlâk a la ni dawn. Kan taksa hi lo damlovin emaw, lo upaa lo tarin lo chhe zęl mah se, Isua Krista ringa thawhlehna \âwmpui duhtute zawng zawng tân chuan chhűng lamah thlarau lam nunna thar a insiam zęl a ni, a ti. Natna leh thihna pumpelh lam a sawi lo va, na thei, thi thei taksa hian nun reng theihna tur Pathian hnęn ata a

26 April 2019 t AGAPE t 26 chang dâwn a ni. Hei hi ringtute tân thlamuanna tur a ni a, ngaihngam taka khawvela kan awm theihna tur a ni (Kol. 3:1-4, 9-10 chhiar bawk teh). Thawhlehna \âwmpuitute 1 Kor. 15:35-41-ah khân Paulan Pathian finna hmanga thil siamte dinhmun entîrna vân boruaka arsi te, leia thil nung te, thlai leh ramsa te a hmang a. Pathianin a siam ang \heuhvin nihna hrang neiin an awm \heuh va. Ringtute pawh Pathianin a ruat ang chiahin taksa famkim puin/neiin kan tholeh dâwn a ni. Chutiang kan nih theihna chu Isua Krista a thawhleh vâng a ni. He thawhlehna lo hi chu Paula chuan engto leh duh dang a nei lo a ni awm e. Isua Krista thawhlehna azâra Pathian hnęna chawlhna chu chan ngei a tum ber a ni: Krista Isua chung lam koh chhan lâwmman hmu turin tiam chin lam chu ka pan \âlh \âlh a ni, tiin (Phil. 3:14). Ringtute hian Isua Krista thawhlehna kan \âwmpui avâng hian kan thla a muang tur a ni a, kan phîlî tur a ni lo. He khawvela kan awm chhűngin kan ei leh bâr tur mamawh kan zawngin kan la khâwm ang a; mahse, duhâmna leh bawlhhlawhna tel lovin a ni tur a ni. Khawvelah hian kan taksa mamawh in leh lo te, silh leh fęn te kan nei tur a ni ngei mai; mahse, uchuak taka thi thei lo tur ang ziazânga inthuam emaw, insawhngheh lam emawa \hahnemngaih tur a ni lo. Chutiang ti chuan khawvelah miin hun an lo hmang tawh a, an in ropui sak te, an thuamhnaw mawi leh nalh man to te chu an thih hnuah mi dangte ta a ni mai a ni. Pathianin Kristaah min thlang a, a thawhlehna \âwmpuiin ro chan chhe thei lo min pe a, chu ber chu engto ila. Hei hi khawsak hoh lutuk inzirtîrna a ni lo va, mahni chauhva pumbil tumna \hat loh zia te, hlau leh phîlîa khawsak loh te, rinna nghet leh tlo nei tur tea zirtîrna a ni. Isua Krista thawhlehna \âwmpuitu nih i tum \heuh ang u. Amen.

27 April 2019 t AGAPE t 27 Article INCHEINA Boichhingpuii Chaltlang A tlângpuiin hmeichhiate hi inchei leh thawmhnaw lawm kan ni a, Pathian min siam dan ręng pawh a nih a rinawm e. Saruak khuh nan leh sik leh sa laka inven nan ringawta thawmhnaw inbel kan ni lo va, mawi nan leh mahni inrin tâwkna (confidence) neih nan kan inchei \hin a ni. Kan taksa fai leh hrisel taka kan vawna, kan neih tâwk anga mawi leh nalh taka kan inchei hi a Pathian thu hle a ni. 1 Korinth 6:20-a, In taksaah chuan Pathian chawimawi rawh u, a tih kan zawmna chi khat a ni ve a. Inchei hi hmeichhe nih tinuamtu pakhatah pawh a ngaih theih awm e. Chutih rual erawh chuan, thawmhnaw leh incheina ringawtin kan rilru leh ngaihtuahna te, kan hun te a luah lutuk ang tih a hlauhawm a. Chuvangin, Mizo Kristian hmeichhiaten kan inchei dan tűr chungchanga hriat atana \ha nia ka ngaihte ka n ziak ve dawn a ni. A hmasa berah chuan tunlai miten an chin/tih ang apiang hi kan tih ve atan a \hain a mawi vek lo tih hria ila. A hun laia an chin ang zęla rual pawl tâwka inchei ve chu a \ha a; chuti lo chuan, mi nuih kan tizain mi mit kan chungah a \ha lo zawngin a fu bik ang tih a hlauhawm. Chutih rual erawh chuan fashion leh style reng reng hi a ching hmasa leh a uar pawla \an loh hi a \ha. Thawmhnaw \henkhat phei chu kan inbel atana mawi lo/ŕwm lo a awm a. Chung chu hriat thiam a ngai. Tunlaiin kekawrtlawn hâk kan ching ve ta hle mai. A remchanna lai leh a \hatna lai pawh a tam mai a. Nimahsela, nutling tak takten tight tak mai, mawng khuh kawr ha lova an han ha te hi chu a hmuh a nuam lovin, a zahawm lo. Tleirawlte hâk ang rawngbawltuten kan ha ve ngawt hi a mawi lem lo. Kekawrtlawn hi biak inah ęm chuan kan la ha lo va, official function leh mipui hmaa din changtein kan ha ta fo

28 April 2019 t AGAPE t 28 mai a. Hetiang hun pawimawhah hi chuan kan hnam zia leh incheina tilangin puan bih ngei ila a zahawmin ka hria. Tunlaiah chuan puan kan bih hnalh hian inchei hlein miin min hmu a, nalh tih pawh kan hlawh hma khawp mai. Kan inchei dan hian kan rilru nasa takin a hruai avangin, kan thawmhnaw neih ang chhun chhun a hun leh hmun mila inbel a \ha. Chuti lo chuan, mi zingah inthiam lo leh inthlahrung deuhvin a awm theih. Duhdah deuhva kan inchei chuan awm duhdah pawh a awl. Felfai taka kan inchei chuan kan awm dan pawh kan uluk lo thei lo \hin. Kan incheina hian thui tak min thunun a ni. Incheina chungchang sawi chuan thawmhnaw lei a\anga sawi loh theih loh a ni awm e. Thawmhnaw kan lei dawnin uluk taka kan budget/pawisa mila chik taka ena, kan tlin tâwka kan lungawina tak lei a \ha. A tlâwm ęm vang emaw, instalment-a lei theih a nih vang emaw, tunlaia an chin a nih vang emaw ringawta lei loh a \ha. Miten min sawi mawipui vak avanga lei pawh a \ha lo. Kan lungawina thlap kan lei hi chu kan duh rei a, kan thehthang leh mai mai lo tlangpui. Thawm-hnaw lei fo thei lo tan hlei hlei hei hi a pawimawh. Thil man tlawm, \ha vak lo lei ai chuan, kan nghah theih hram chuan kan pawisa chu khawl ila, a aia \ha leh tlo tűr kan lei theih huna lei a \ha. Silhfen kan lei dawnin kan thawmhnaw neih tawhte rilrua dahin, a mil tűr angte ngaihtuah ila. A inang deuh deuh neih thluah ai chuan, kan la neih loh ang te lei ila. Thawmhnaw rawng lâr/langsâr lutuk, kawr pawh a \hui dan dangdai lutuk te hi (Fashion ni mah sela) uar loh a \ha. Rei lo teah style a inthlâk a, kan duh rei leh \hin lo. Chung ai chuan a tluangtlam pangngai hi kan duh rei zawk \hin. Thawmhnaw man to apiang hi a mawiin a \ha kher lo. Tlâwm te pawh ni se, kan hlut dan leh kan inbel dan azir te, a hmun te, a hun te azirin a lang hluin a hlu lo mai a ni. Chuvangin, kan neih ang ang hi fai takin, uluk taka nâwt marin inbel ila, kan mawipui mai. Tunlai mi chuan kawr/puan 2/3 tal chu kan nei

29 April 2019 t AGAPE t 29 deuh vek a; chuvangin, kan neih ang angah kan inchei dawnin a rawng inmil te ngaihtuah ila. Puan leh kawr rawng inchawih lo lutuk te hi hmuh a hrehawm a, inhmeh a har. Tun hnaiah nute mai bâkah nulate pawhin biak ina puan bih kan uar ta hle mai a. A Mizovin a mawi a, a lawmawm hle a ni. Kan puante chu zeh ropui ni lem lo mah se, a chawih tak kawr kan hâk chuan a lang hlu mai \hin. Kan puan bih, bih \hat sek a ngaih loh nan uluk takin, a tlang te sawi lo tűrin kan bih hnuah kawnghrenin han hreng nghet chaih mai ila, nilenga ven \hat leh a ngai lo vang. Kawnghrenah pawh kei chuan a fan thei, elastic ai chuan a fan thei lo hman \ha ka ti. Min vawng \ha a, a daih rei zawk. halai tam tak chuan an puan bih chhűng lam hmâwr a lang ang tih hlauvin, a chhűng lam an pawt chhing \hin a. Hei hian puan ven tlang a tilang sawi a, a mawi lo duh. Kawnghren kan hren chuan pawh chhin vak a ngai lo. Kan silhfen kan uluk rual rualin kan taksa, hmui, hmai leh sam, ke te chena kan uluk a ngai khawp mai. Eng anga silhfen \ha leh man to pawh inbel ila, kan hmui hmai te a fai lohva, kan ha te kuhva eina a sen \hut mai chuan kan lang smart dawn lo reng reng a ni. Lipstick sen varin kan hmuiah hnawih mah ila, sahdah kan hmuam pawng par chuan kan hmel a lang \ha thei lo. Ringtute hi kan chhűng lam vawng thianghlim tűr kan nih thu kan ngaithla fovin kan hre khawp mai a. A \ul pawh a \ul ęm ęm a ni. Chutih rual chuan kan pawn lam taksa lang thei pawh hi \ha taka enkawla chei tűr kan ni tih hi hre tel ang u. Rawngbawltu (Rawngbawltu kan ni vek si a)- te phei chu zahawm takin, Mizo kan nihna hre reng chungin, mahni inrin tâwkna leh ngaih\hatna min pe thei tűr angin i inchei ang u. Mite hmaa kan din dawn phei chuan fimkhur lehzual ila. Ka inchei uchuak vangin emaw, kan inchei loh lutuk vangin emaw an rilru kan la pęng thei a ni. Pathianin a duh taka min siamte kan ni vek a. A mit hmuhah chuan kan \ha vek. Kan nih ang anga kan taksa vawn \hat hi kan tih tűr a ni. Kan hriselna leh kan hmel thleng pawha tichhe thei zűk leh hmuam hi i bansan bawk ang u.

30 April 2019 t AGAPE t 30 ECM KOHHRAN HMEICHHIATEN MIN RAWN TLAWH - Lalbiakhluni, Fin. Secretary Central Committee North East India Christian Council Women Assembly (NEICCWA) hnuaia kohhran hrang hrangte hian kohhran intlawh programme kan nei \hin a. Chutiang programme hmang chuan Evangelical Church of Maraland (ECM) Kohhran Hmeichhiate (Krizyhpa No Py) chuan February ni 15-17, 2019 chhűng khan Mizoram Presbyterian Kohhran Hmeichhiate min rawn tlawh a, an Kohhran Hmeichhe hruaitute mi paruk an lo kal a. ECM hian hmeichhia, kohhran upa pathum an nei a, chung zinga pakhat, Headquarters-a an adviser, Upa K. Pari a lo kal ve a ni. Anni hi Central Committee-in a ngen angin Ramhlun East Kohhranin an lo thleng a. Inrinni chawhmaah ECM kohhran a\anga lo kalte hi Central Committee te, Ramhlun North Bial Kohhran Hmeichhiate leh Ramhlun East Kohhran Hmeichhiate nen inkawm hona Ramhlun East Kohhran Hall-ah neih a ni a, Ramhlun East Kohhran Upaten an \awiawm bawk. Inkawm honaah hian ECM a\ang leh Central Committee a\angtein rawngbawl dan report tlangpui ngaihthlâk a ni a. Pi R. Vanlalruati, Central Committee Member-in Pathian fakna hla mawi takin a sa bawk. Hemi bâkah hian zawhna leh chhanna hun hman a ni a. Mizoram Presbyterian Kohhran Hmeichhiate hian khiangkawi ipte kan lo pe \heuh va, ECM Kohhran Hmeichhiate pawhin Mizoram Synod Kohhran Hmeichhiate an tlawh hriat reng nan thuziak frame mawi tak min pe bawk. Hemi ni chhuna ei leh in hi Ramhlun East Kohhranin min buatsaihsak a, lawmawm kan ti hle. Chawhnu lamah min rawn tlawhtute hi Aizawl Theological College leh Hmangaihna In tlawhpui an ni a. Inrinni