TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura

Transcription

1 TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura fuih leh kaihhruai. 4. Pathian ram zau nana inhman tir. Thalai Kristian Pawl Châltlâng Unit TKP AW Estd Pathianni Chhuak TKP THUTIAM Krista leh Kohhran tan : Ka chakna Isua krista chu ring tlatin Nitin Pathian ka pâwl anga, Kan Kohhran Pathian biakna leh hnathawhnaah ka tel zêl ang. Khawtlâng thatna leh inunauna tinghet tûrin ka thawk anga, Krista hnênah midangte hruai ka tum tlat ang. VOL No. XVI I I Issue No. 16 Dt Pathianni Unit TKP Chanchinbu 2016 BMP CHÂLTLÂNG UNIT REPORT Thangliana Secretary BMP Châltlâng Unit May Ni 4, 1980 khan Baptist Mipa Pawl (BMP) hi Thingsai khuaah din a ni. Kum 1988-a Mizoram Baptist Kohhran Assembly chuan Tualchhung Kohhran tinah BMP chu din an lo phalsak ta a. BCM Châltlângah pawh Dt khan Baptist Mipa Pawl chu din a lo ni ve ta a ni. Kohhran Committee kaihhruaina hnuaiah hruaitu turte inthlang thinin chung mite kaihhruaina hnuaiah chuan vawiin ni thleng hian BMP Châltlâng Unit chu a kal ve ta zel a ni. Kum 16 a lo nih meuh chuan member s 57 lai kan lo ni ve ta reng mai. Kum 2016 BMP Office Bearer s te :- President : H. Zothankhuma Vice President : R. Thanghuta Secretary : Thangliana Asst.Secy : R. Lalduhawma Treasurer : H. Lalhmunliana Fin Secy : P.C. Lianzuala Senior Adviser : Upa P.S. Sanghluna Upa R. Laldinsanga Kumin hian OB meeting tum hnih neih tawh niin, Executive Committee meeting vawi 3 neih a ni tawh. Meeting Minute hi committee member te hnenah sem thin a ni. Kumin hian Bawngkawn Pastor Bial Baptist Mipa Pawlah kan unit atangin heng mite hi Office Bearer atan thlan tlin an ni - Pu C. Lalramliana - Secretary leh Pu H. Lalhmunliana - Treasurer. Kum 2016-a kan unit target chu Rs. 1,25,000/- a ni. Hemi chhungah hian Kohhran mamawh phuhrukna atan Sunday Sikul Hall thutthleng siam nan Rs. 40,000/- leh Dekchi lian lei nan Rs. 8,000/- dah a ni. Tin, Bawngkawn Pastor Bial BMP intlawhtawn programme angin ni 29 / 5 / 2016 (Pathianni) hian BMP Durtlang Unit te tlawh turin kan inpuahchah / buatsaih mek a ni. Kum danga kan lo tih dan zulzuiin member intlawh chhuahna neih a ni a, kan hlawkpuiin zawngchhangthlak kan ti hle. Member damlo an awmin Rs. 1,000/- in kan inkan thin. Phek 2-na Column vei lamah chhunzawm a ni Tukin Zing : Rbt. C. Zonunmawia Zanin : Upa Lalzirmawia Nilaini zan : Sharing Inrinni zan : Rbt. K. Lalthanzauva Pathianni leh zing : Rbt. T. Lalrinsanga Pathianni leh zan : Upa H. Sangchungnunga Vawiin Fellowship A hun : Dar 1:30pm A hmun : Rbt. F. Sangtluanga te In Hruaitu : Nl. R. Lalhlunpuii Bible chhiar leh tawngtai : Tv. Jacob V. Malsawmtluanga Hla thlangtute : Tv. Jacob Rinsanga Nl. Elizabeth Zothangpuii Contextual Sharing : Tv. C. Zomuankima Thawhtanni Zan Inkhawm Hruaitu : Tv. C. Lalnunpuia Bible chhiar & tawngtai : Tv. Lalbiaktlinga Thawhlawm khawn & Hlantu : Nl. C. Lalvenpuii Special Item : Cultural Dance Thuchah : Upa F. Thasiama (Sr. Adviser) Pangpar khawitu Vawiin : Pi Khawlkungi & Pi Lalbiaktluangi Karleh : Pi Lydia Lalliansangi & Pi T. Sangnguri Tu leh fa pual Tawngtai 6 / 5 / 2016 Hruaitu : Pi Rohlupuii Hruaitu : Rbt. Laldinmawia Tantu : B. Laldinpuia Bible chhiar : Lallawmzuali Hla thlang : Daniel C. Lalmawizuala Thawhlawm khawn : Vanlalpeki Thawhlawm hlan : Hruaitu Thuzir / Hlazir : Inkhawmpui Rehearsal B a p t i s t C h u r c h O f M i z o r a m, T h a l a i K r i s t i a n P a w l C h â l t l â n g U n i t

2 Sunday Pathianni TKP Châltlâng Unit TKP AW 2 BMP Report chhunzawmna Tichuan, kumin chhungin kan member dam lo mi pathum kan an ni tawh. Tin, member boral an awmin an kuang chungah pangpar (Rs. 500/- man aia sang lo) dah thin a ni. Beisei loh takin kan member duhawm tak Pu T. Lalduhawma chuan 11 / 3 / 2016 (Zirtawpni) khan chatuan ram min pansan a, a kuang chungah hian Pangpar dah a ni. Amah hriatrengna leh ralna ni 12 / 4 /2016 (Thawhleh zan) khan unit hminga ralna programme hman niin, CITATION (thuziak) leh Rs. 1,000/- a chhungte hnenah hlan a ni. Kumin hian Missionary furlough mi 2 hnenah tanpuina Rs. 1,000/- ve ve pek an ni tawh. Kumin chhung hian BMP member tinte Bible chhiarchhuak theuh tura infuihin, chhiarchhuakte hnenah lawmman tha tak pek tum a ni bawk. Tin, Rev. Ramnghakmawia Hnamte thlahna thilpek atan Rs.2,000/- hlan a ni. TKP AW tanpuinan Rs. 2,000/- pek a ni bawk. Kumin hian inhlawhna January ni 26 khan neih a ni a, member thawkchuak pawh kan tha hle. Inhlawhna min siamsaktute chungah lawmthu kan sawi tak meuh a ni. Thlatina Faith Promise lakkhawm atang leh inhlawhna bakah Inkhawm thawhlawm, Fellowship thawhlawm leh commitee thawhlawmte hi kan sum hmuhna pawimawh dangte an ni. Kan Annual Plan bakah TKP te n an Day lawmnaa special item nei tura min beisei angin tihhlawhtlinsak an ni. Bialtu Pastor-in a programmeah BMP te min sawm angin member remchang ten kan zui ve thin. (An report-a a lan ang hian BMP te hian TKP AW tanpuina Rs. 2,000/- min pe a, Editorial Board te kan lawm hle. Report tha tak mai kan chhiar theihnan hian BMP President leh Secretary te n zanhnih zet mai TKP room ah report hi an buatsaih a ni. Day / Special programme ah te a changtu FOD / Department ten report emaw thuchah emaw hi ziak thei zel ila a thain a lawmawm hle ang. Editor). THILPEK TKP Châltlâng Unit Executive Committee chuan unit budget tibuai lova BCM Mauchar Kohhran tanpui dan a ngaihtuah a. TKP member chauh lo, Kohhran chhungkua tanpuina pe duh tan tun atanga May thla chhungin tanpuina hi pek theih a ni. Tanpuina atan te lua a awm lova, lian lua a awm lo. Rs. 10 atanga kan inhuam chin; Hla bu, Bible (Thuthungthar leh Sam huam telin), Sunday Sikul zirlaibu (Beginner - Senior B) thlengin present theih vek a ni. A duh tan Tea-urn, Emergency light, Inverter thlengin pek theih vek a ni e. Donation pe ten duh chuan mahni hming lo ziah lawk theih a ni a, Biak Ina dah theih lo tan Unit TKP hruaitute hnenah hriattirin In lamah kan lam theih bakah May thla TKP Faith Promise khawntute hnenah pawh a pek theih e. Kum atana BCM Chaltlangin Headquarters-a kan target thar tur chu Rs. 46,50,000/- a ni a.. Kohhran member-te tangrual ila Pathian khawngaihna a zarah kan tlin leh ngei ang. April thla Pathian ram thilpek luh dan - Envelope lut zawng zawng - 94 PRZ : Rs. 2,58, Ramthim : Rs. 1, Buhfaitham : Rs. 20, Sub Total : Rs. 4,02, Building : Rs. 66, Tualchhung : Rs. 42, Relief : Rs. 21, Krismas : Rs. 12, Sub Total : Rs. 76, Grand Total : Rs. 5,44, May Ni 4, 2016 hi BMP Day a lo ni leh ta a. BMP Chaltlang Unit-te chuan a hnuaia programme ruahman ang hian Day hi hman tum a ni. Kohhran member zawng zawng min telpui turin kan sawm a che u. BMP member phei chu kokim taka tel ngei turin kan inngen tak meuh a ni. BMP Day Program (Pathian Biak Inkhawm) A hun : May ni 4th, 2016, 7:00 pm Hruaitu : Pu Thangliana, Secretary Special Item : BKHP Chaltlang Unit Report : Pu R. Lalduhawma, Asst. Secretary Special Item : TKP Chaltlang Unit Thusawi : Pu R. Thanghuta, Vice President BMP Thuvawn sawirualna (Joshua 24:15) Zaipawl : BMP Zaipawl (Inkhawmah thawhlawm lakkhawm a ni ang) Inkhawm banah thingpui tui tak a awm ang. May Ni 2, 2016 (Thawhtanni) hi BKHP Day a ni a, hemi ni hian a hnuai ami ang hian nilenga hman tur programme siam a ni a. BKHP member zawng zawngte tel theuh turin kan inngenin kan insawm e. Hemi ni-a eitur pawh special deuha ngaihtuah a ni. BKHP Day Programme Pathian Biak Inkhawm (Chawhma Dar 11:00) Thupui : Thlen chin atanga hmasawn Hruaitu : Pi R. Vantluangi Thu chhiarchhuah : Pi Lalbiaktluangi Thawhlawm khawntu : Pi Lalhmingliani Thuchah : Pi C. Lalrampari Refreshment : Pi Saithluaii & Pi P.C. Lalhlimpuii Fellowship (Chawhnu) Hruaitu : Pi Lalramsiami May Ni 6, 2016 hian BKHP Chaltlang Unit chuan Chhawmdawlna In, Melte ami chu zankhat riaka tlawh an tum a, i tawngtaipui ang u. Tv. C. Zomuankima leh Tv. Benjamin Lalremruata te chuan May thla chhungin practical ministry an nei dawn a, Tv. Tetea hian kan Kohhranah practical ministry hun hi hmangin, Tv. Bena hian NGO lamah hun a hmang ang. Column dingi lamah chhunzawm a ni

3 Pathianni Mimal emaw pawl thil pawh ni se Kohhran Committee thu lo chuan Biak Inah engmah zawrh phal a ni tawh lo. Pu Lalramnghaka, Aizawl Hospital-a awm mek chu Kohhran hminga kan a ni. Gospel Herald Team enkawl Mercy Home tanpuinan tualchhung Kohhran hmingin Rs. 5,000/- pek a ni. BSI North III committee-a kan Kohhran aiawh turin Upa Thanchungnunga thlan a ni. TLANNA TKP AW 3 Tun tum chu Bible atangin Tlanna thu tawite in kan chhui bing lawk dawn a ni. Chu mi hmain he hla thu hi in en lawk teh ang - Aw tlanna mak, tlanna duhawm, tlanna hlu, Suala thi tawhte tlanna chu; Khawvel zawng zawng sualnate min tlanna chu, I fak ang, i fak ang u. Kan aw neih chhun leh thiam tawk ten i fak ang. Tv. Laltanpuia, Tv. T. Zoliansanga, Tv. Vanlalpianthanga te hnen atangin Mauchar Kohhran tana thilpek kan dawnga a lawmawm hle. Tunkar hi Faith Promise khawn hun tur a ni a, Mauchar Kohhran tana thilpek pe duh chuan Faith Promise khawntute hnenah hian a pek theih reng a ni. Unit Annual Plan, member tlawhchhuah, April thla chhunga neih tih chu OB leh Executive Committeete group thuma inthenin, member awm remchang chin chu tlawhchhuah vek a ni. Aizawl TKP Meet, Electric veng Biak Ina May 14-15, 2016 a kan unit chanvo Cultural & Traditional Dance, Opening Ceremony a neih tur chu ngawrh taka zir niin, member zirten theihtawp an chhuahna a zarah hma an sawn hle. Unit aiawha member lam zir zawng zawngte chungah leh lam zir nu leh pa te chungah unit hruaituten lawmthu an sawi e. Lam zirte in atan Tv. Amawia n thei tui a lei sak a,lam zirte an lawm hle. Inbuatsaihna hun an la neih chhunga tha taka an zir chhunzawm zel theihnan i tawngtaipui ang u. Thalai Entu April thla a lo thleng a,vawiinah a semtute hnenah semchhuah a ni ang. A semtu ten thahnemngai taka semturin kan inngen e. Thalai Entu la, a copy dawng lo kan awm chuan TKP AW Editor hnenah report tur a ni e. LAWMPUINA Kan Kohhran chhungah mi engemawzatin pawl sawm an pass thar a, hlawhtlinna chang zawng zanwgte kan lawmpui hle. In kal lehna zel turah Editorial Board ten duhsakna sang ber kan hlan che u a, Pathian hre reng chunga zirna chhunzawm zel turin kan ngen a che u. Hlawhtling ve lo kan awm a nih pawhin beidawng loin, kan tih tang tang chuan a titha ber kan la ni thei tih hre reng ang u. Editorial Board Tlanna chu enge? Kolossa 3:3 - In thi tawh a, in nunna chu Pathianah chuan Krista hnenah thuhrukin a awm si a. Krista kan nunna chu a lo inlar hunah chuan nangni pawh ama hnenah ropui zingah in inlar ve ang. Tutenge tlan ngai? Engvanga tlan ngai nge? Rom 5:12 - Chutichuan mi pakhat avangin sual khawvelah a lut a, sual avangin thihna a lut bawk a, chutiang bawkin mi zawng zawngin thil an lo tihsual avangin thihnain mi zawng zawng a fan chhuak ta a. Dan awm hmain khawvelah sual a awm tawh si a; dan a awm si loh chuan sual chu suala ngaih a ni lo; nimahsela Adama awm achin Mosia awm thlengin, Adama bawhchhiatna anga thil tisual lote chungah pawh thihna chuan ro a rel thin. Tunge min tlan thei? Thupuan 5:2 - Tin, vantirhkoh chak tak, aw ring taka, "Tunge lehkhabu hi hawnga a chhinchhiahnate hi phelh tlak awm?" tia, tlangauvin ka hmu bawk a. Chutichuan, vanah te, leiah te, lei hnuaiah te pawh lehkhabu chu hawng thei tumah an awm lo va, a chhung lam en thei pawh an awm hek lo. Tin, lehkhabu hawng leh a chhung lam pawh en tlak tumah an awm loh avangin ka tap ta zawih zawih a. Tin, upa zinga pakhat chuan ka hnenah, "Tap suh; ngai teh, Sakeibaknei, Juda hnama mi, Davida Bulpui khan lehkhabu chu hawng tur leh a chhinchhiahna pasarih phelh turin a hneh ta," a ti a. Engtinnge min tlan? Galatia 3:13 - Krista chu kan aia anchhe dawng lo niin, Dan anchhe lak ata min tlan chhuak ta; (Thinga khaikan apiang chu anchhe dawng an ni," tih ziak a ni si a). Tlanna rah chu eng nge? Daniela 12 : 2-3- Tin, an zînga tam tak lei vaivuta mihîl tawhte chu an lo thangharh anga, thenkhat chu chatuan nunaah,thenkhat zahna leh chatuan hmuhsitawmnaah. Tin, a fingate chu vân êng angin an êng ang a, mi tam tak felnaa hawi k îrtîrtute chu arsi angin k umk haw tlaitluanin an êng ang.

4 Pathianni TKP Châltlâng Unit Editorial TCZ Jackie Chan-a leh setana inanna Jackie Chan-a kan hria a. Kungfu thiam, Hollywood actor lar leh hausa a ni. Mitin lawm a hlawh rawn chhan pakhat chu insualnaah eng hmanrua pawh a hmang thiam em em vek ringawt mai hi a hi. Stool a ni emaw, mautlawn a ni emaw, a ban phak tawh phawt hi chu zei leh nal em emin a chelek thei vek! Tunlai khawvelah mobile (ti mai ang, kan hrethiam vek bawk a) hmang lo thei lovin kan awm ta a. Sawi leh sawi hnu, mobile hi nawmsip bawlna lam aiin nitin mamawh a lo ni ta reng mai. Mobile tel lova khawsak hrehawmzia leh buaithlakzia hretu te vek kan ni e. A pui a nawiin, a tar a zurin mobile kan kheuh vek tawh a. Chhungkua-ah erawh Side B min hnutchhiah tel tlat mai. setana n he hmanraw tangkai tak hi Jackie Chan-a ang maiin hmanraw tangkai takah bawk a rawn hmang ve leh mek tih hi i haider lo vang u. Unau inkawmna hun min eiruk sak a, pafa titi a tibuai a, nufa inthlakhlelhna a tinep a, nupa an inthlim phah thin. A pawi ber zawk chu, chhungkaw maicham, Lalpa hmaa chhungkuaa kan inlan hun a tibahlah ta fo hi a ni! I mobile kha i bawihah siam la, hmang tangkai la, a bawihah erawh awm duh reng reng suh. Hei hi I ngaih pawimawh loh chuan, i tih tur i tih loh phah fo vang a, i nih tur i nih theih loh phah bawk ang a, chu aia serious pawh a la awm: Pathian thikthu chhia a ni a, Amah nena in inpawlna hun a tibuai a nih chuan i mobile kha i tan setana hmanraw tangkai tak a lo ni ang. Nun ro, nun tuihal leh Thlarau hruai loh ringtu, ringtu tisa mi nih chiah i hmabak tawh ang! Editor R. Vanlalvena - Ph : vrenthley9@gmail.com tkpawchaltlang@gmail.com Board members Unit TKP Office Bearers Cir. Managers C. Lalnunsanga - Ph : C. Lalnunpuia - Ph : Lalthasangzela Sailo - Ph : Web Masters Zorempuia Chuauhang - Ph : Vanlalringa - Ph : Distributors Melvin Lalremruata - 6 Saidingliana Sailo - 7 Lalnuntluangi Rokhum - 12 F. Lalrinmuana - 8 C. Lalruatdika - 10 Zohmingthansiami - 12 C. Laldintluangi - 9 Emily Laldintluangi - 11 Vanlalliani - 5 Moses Lalfakawma - 3 Vanlalnghaka Sailo - 7 PS. Lalnungrengi - 10 PS. Lawmsangzuala - 11 Timothy Lalrinfela - 10 Malsawmtluanga - 8 Lalrinfela - 8 Lianthunga Khenglawt - 7 JH. Lalnuntluangi - 7 TKP AW 4 TUM MUMAL NEIA LEHKHA ZIR A TUL Khawvêl finna sâng zêl leh hmasâwnna lo awm zêl hian a ken tel pawimawh tak chu mihringte mamawh lo pung ve zêl hi a ni. Nitinin mamawh kan ngah tial tial a, hmâna a tel lova kan awm theih kha tûnah chuan a lovin kan awm thei ta lo. Zirna lamah pawh hma kan sâwn zêl a, hmâna kan hriatloh leh tûl lova kan ngaihte kha kan lo thiam ta in, hriat ngei ngei tûl a lo ni ta bawk a. Hei vâng hian nasa takin zirna lamah pawh hma kan sâwn phah a, mithiam pawh kan lo thahnem ve ta hle. India ramah phei chuan ziak leh chhiar tamna ber dawttu kan ni pha hial tawh. Amaherawhchu lehkha thiam kan tam viau rual hian kan phû tâwk hna thawh tûr erawh a tam lo viau mai a. Lehkhathiam hna neilo leh tih tûr hre lo kan inpêl suau suau ta mai a nih hi. Lehkhathiam hnathawh tûr nei lo pâwlte pawh a lo pian phah ta hial a ni. Heng zawng zawng hi zirna kawnga kan kal laiin tum mumal leh tinzâwn bik nei lova kan kal vângte pawh a ni thei. Tunhma deuh te kha chuan pâwl 10 a passed tha deuh te chuan science lâk tûr emaw tiin an la dual dual a, science la lo te pawhin tum mumal nei lêm lovin general line-ah kan kal duak duak a, thiante zir ang apiang zir ve kan tum a, kan career lam kan ngaihtuah ngai lo. Hemi nghawng hi anih hmêl a, tûnlaia lehkha thiam tak tak, thawh tûr nei lo kan kat nuk nachhan hi. Tûn thleng hian BA/MA zirlai te pawh tum mumal la nei lo an kat nuk mai a, zir zawh hnua tum neih chauh hi a hrisêl lo hle a ni. Hnamdang/vai ho te chu an têtlai atangin an nu leh pa ten an kalna tûr an thlan felsak nghâl thin a, chumi lam hawi chuan an zirna tûr pawh ruahmanna an siamsak thin a ni. Keini chu kan nu leh paten hetiang lam hawia inkaihhruai hi a nachâng an hre lo fo thin. Mahni zir zirin kan zir a, kan tawng tawng kan tawng mai thin a nih hi. Hemi kawngah hian nu leh pate pawhin tan la sela, kan faten high school an kal lai atangin an thiamna lam leh talent an neihna lam zir chiang thin ila, chuta tang chuan an kalna tûr lamah kal tir mai hi a finthlâk hle a ni. A. Tum mumal neih a tûl : Thil eng pawh ti dâwn ila tumna a awmloh chuan a hlawhtlin theihloh tih chu hriatsa a ni. Amaherawhchu, thufing chuan tumna a awm chuan kawng a awm tiin a sawi thung a, chuvângin tum mumal tak nei a, tihhlawhtlin chu a tum tak tak tân chuan thil theih a ni. i) Tum mumal nei lovin a nghawng te : Tum mumal neia lehkha kan zir thin loh avânga harsatna kan tawh te hi sawi sên a ni awm lo ve. Tlêma zâwng han thai lang ta ila : a) A lang sâr berah chuan, tum mumal nei lova lehkha kan zir chuan zirlaiah thahnem ngaihna tak tak a neih theih lova, chu chuan inthlahdahna leh a tâwpah chuan hlawhchhamna a thlen thin a ni. b) Rualelna an nei lova, mahni thlen chin chinah duhtâwkna an nei mai thin. c) Hna thawh tûr zawn chungchângah harsatna a thleng thin. Tûnlaiah lehkhathiam an thahnem tawh a, line hrang hrangah pawh thiamna bik(special area) nei pawh an kat nuk tawh a. Chûngho chuan tum mumal tak neia lehkha an lo zir avângin hna ruak awm veleh an lût nghâl mai thin a. Tum mumal nei lêm lova lehkha zir chu, lo zir chhuak pawh nise, hnaruak awm apiang an bawh lo thei lova, inzir chawp leh zêl a lo ngai a, an tân hnathawh tûr hmuh a har bik thin a ni. Entirnân, civil service-a luh tum chuan pâwl 12 atangin an lo inbuatsaih lâwk thin a, an inbuatsaih ngar ngar thin a ni. Mi tamtak chuan BA/BSc kan zawh hnuah kan han tum chawp ve a, inchhiar avâng hian kan kum a lo over leh tawh thin si a, tam takin chance tha kan bawhpelh ta thin a ni. Chuvângin, tlai a awm thei tih kan hriat a pawimawh hle a ni. P u b l i s h e d & E d i t e d b y R e n t h l e y V L o n b e h a l f o f T K P C h â l t l â n g U n i t P r i n t e d a t E f a t h a P r e s s, C h â l t l â n g. C o p i e s

5