Hualngo

Transcription

1 Sabbath School Lesson [Gmid kbmom yh kes dyfol OD;zkef;Ed kif (11283) uif;apmif hyh kes dyfwd kuf 206 a&topömvrf;? &efuif;ûrdue,f &efukefûrdu xkwfa0ol OD;apmrJr&DxGef; (04495) OuúX owåraeytoif;awmfomoemtzg JUcsKyf? 68 OD;0dpm&vrf;? &efukefûrdu tkyfa& PUITLING CHAWLHNI SIKUL BAIBUL ZIRLAI KAIHHRUAINA JAKOBA LEHKHABU "r 'ge yxrtbudrf Clinton Wahlen a&;om;aom The Book of James pmtkyfud k "r q&mod;vm;a&mfabmvfvmu [Gmid kjyefqd konf/ October, November, December 2014 (yxrtbudrf)

2 1 2 PUITLING CHAWLHNI SIKUL BAIBUL ZIRLAI KAIHHRUAINA A Chhunga Thu Awmte 1. Jakoba, Lalpa Unau Pa Kan Rinna Famkimna Thlemna Hnehtheihna JAKOBA LEHKHABU 4. Dik Taka Thiltihna Hmangaihna Leh Dan Thiltih Nei Rinna Lei Khuahkhirhna A Ziaktu: Clinton Wahlen 8. Van Lam Finna Zetlawm Dan Petu Leh Roreltu Tahna Leh Chiau Vak Vakna Buh Seng Tura Inpuahchahna October, November, December 12. Tawngtaina, Tihdamna Leh Siamtharlehna Chatuan Chanchintha H-1

3 3 4 Thuhmahruai: Buhpawl Lehkhathawn Maw? Jakoba lehkhathawn hi Bible ziakte zinga mi hriatsual tam ber a ni awm e kuma Leipzig Debate naah rinna avang chauha thiamchang kan ni tia Martin Luthera thusawi hnial nan Roman Catholic pachal Johann Eck-a chuan Jakoba lehkhathawn hi a hmang a. Ecka chuan Kristiante nunah thiltih hi a tul tiin a sawi a ni. Luthera chuan thiltih avanga thiamchanna zirtirna chungchangah Jakoba ziak hi a dik lo tiin a sawi a kuma German tawng Thuthlung Thar a lehlinnaa thuhmahruaiah pawh Johana, 1 Johana, Rom, Galatia, Ephesi leh 1 Petera te chuan Krista chanchin leh hriat atana thil pawimawh tulte an tarlan avangin ziak dangte aia a duh zawk thu a tarlang nghe nghe a ni. Lutheran Jakoba ziak thuhmahruai a ziah dan phei chu a mawi lo hle a. Chanchintha lam tarlanna engmah a neihloh avangin buhpawl lehkhathawn tiin a ko hial a ni. Luthera chuan Paula lehkhathawnte a bik takin Rom leh Galatia ziakte a ngainat dan leh Jakoba lehkhathawn a hnar dante hian kum za tam tak Kristiante thinlung a thunun a ni. Jakoba hi tunge a nih a, thiltih avanga thiamchan tum a ni em? Paula zirtirna, rinna avanga thiamchanna chu hnarin thiltih avanga thiamchanna chawisan tum tak tak a ni em? A nih loh leh Chanchinthate-a Isua zirtirnate ang deuhin he mi chungchang hi kawngdangin zirtir a tum em ni le? A lehkha ziakte ngun taka zirna atangin rinna avanga chhandamna chungchang thu hi kawng dang deuhin min zirtir a ni tih chiang takin kan hmu thei a ni. Jakoba lehkhathawn Lutheran a ngaihdan hi a hun laia Bible thiamten an tawmpui vek hran lo va. Luthera thian tha tak Melanchthon-a chuan Paula lehkha ziakte leh Jakoba ziak hi in ang khatin a ngai vethung a ni. Jakoba hi zirtir dangte aia Isua hre hmasatu a ni a. Tirhkoh dangte lehkhathawn aiin a lehkha ziah hi a hmasa ber bawk. A lehkha ziakah hian Chanchinthatea tarlan Isua zirtirna ang hi tam tak a tarlang a ni. Jakoba lehkhathawn hian Kristian hmasatena an tawh buaina tam tak a chinfel sak bawk. Thiknate, itsiknate leh khawvel thil lungkhamnate chu Kristian hmasate zingah khan a hluar hle a. Kristiante zinga mi hausatena mi retheite an hnehchhiah dante a sawisel bakah khawvel finna leh rinna chungchanga ngaihdan diklo a chinfel dante kan hmu bawk a ni. Seventh-day Adventistte tan thil pawimawh tak Jakoba tarlan chu Isua lo kal lehna a rin ngheh dan hi a ni a. Isua lokal lehna, Rorelna leh Dan chungchangahte hriatthiamna pawimawh tak min neihtir a. Elija nungchang leh awm dante entawn turin min hriattir bawk. Krista lokal lehna atana kawng lo buatsaihtute kan nih avangin he thu hi kan tan a pawimawh hle a ni. Chuvangin tun kuartar chhung hian Kristiante hun pumpui, Krista hun atanga keini hun thlengin kan zir ho dawn a. Chutah chuan thuhrilna hmasaber thute a tel bakah tun hun hnuhnung tana finna duhawm takte a awm bawk a ni. Clinton Wahlen, PhD hi General Conference headquartera Bible zirnalama associate director a ni a. Thuthlung Thar leh Thuthlhlung Hlui huna Juda sakhua inkungkaih dan zirna lama thiam tak a ni. Amerikan mi niin Russia, New Zealand, United Kingdom leh Philippines ramahte rawng a bawl tawh thin a. A nupui Gina-i nen fa pahnih Daniela leh Heather-ite an nei a

4 5 6 ZIRLAI 1 Sept Oct. 3 LALPA UNAUPA JAKOBA SABBATH CHAWHNU Sept. 27 CHHIAR TUR: Johana 7:2-5; 1 Korinth 15:5-7; Jakoba 1:3; 2:5; 1 Petera 2:9, 10; Matthaia 7: CHANGVAWN: Thu ka pek apiang che u in tih chuan ka thiante in ni ang. (Johana 15:14). KRISTIAN kohhran hmasa nen kan inkar a hlat tawh em avangin an hunlai thil awmziate kan ngaihtuah pha lo mai thei. Chung hunlai chuan ringtute chu inah an inkhawm mai thin a. Chubakah Isua hnungzui hawtu an hnampui Israelte chuan an do reng bawk. Jakoba lehkhathawn hi Jentail kohhran leh Juda Kristiante in tih hran hmaa ziah a ni. A lehkhathawn hi kohhrana buaina a awm avanga a ziah niin a lang lo va. Chu ai mahin khawvel hmun hran hrana awm darh Kristiante tan Jakoba hian a ziak ber zawk a ni. A lehkhaziahte kan zirchian hma-in a ziaktu chanchin kan hriat ang tawk zir phawt a tul a. Chung zinga zawhna awm theite chu: Jakoba chu tunge ni a? Chanchin engnge a neih? Isua nen eng ang inlaichhinna nge a neih? Kohhranah eng ang dinhmun nge a chelh? tihte an ni. NIKHATNI Sept. 28 ISUA UNAUPA JAKOBA (Johana 7:2-5) He lehkhathawn ziaktu hi kohhrana mi challang tak a nih hmel a. A chhan chu Jakoba 1:1 lo chu a chanchin dang tarlanna a awm loh vang a ni. Jakoba, Pathian leh Lalpa Isua Krista bawihin, Hnam Sawm leh Hnam Hnih darhte chu chibai a buk e (Jakoba 1:1). Chuti a nih chuan he lehkhathawn ziaktu hi tu ber nge tih i han chhui teh ang. Thuthlung Tharah hian Jakoba hming pu pali an awm a, chung zinga pahnih chu Isua zirtir zinga mi an ni a (Marka 3:17, 18). A dang pakhat chu zirtir zinga Juda pa hming a ni a (Luka 6:16). A hnuhnungber chu Isua pianpui unau mipate zinga Jakoba a ni (Marka 6:3). Heng Jakoba hmingpu mi palite zingah hian Isua u Jakoba hi a damrei ber a, chubakah hetiang lehkhathawn pawimawh tak ziak thei tur hian kohhranah a challang ber bawk. Chuvangin he Thuthlung Thar bu ziaktu hi Isua u Jakoba ngei a ni tih kan ring a ni. Mitiri fapa a nih angin (Matthaia 13:55) Jakoba hian khang hunlaia mi pangngai dangte aiin zirna lama a changkan zawk a rinawm a. A tawngkam hausak dan leh mawi takte hian a lehkhathiam dan a tarlang a. Isua ute zingah a hming hi a lan hmasakber avangin Jakoba fate zinga a upaber a nih a rinawm a ni. Isua rawngbawlnate rilru-a ngaihtuah chungin a hnuaia chang hi chhiar la. Tin, a chhungte chuan chu chu an hriatin, A a a nih chu le, tiin amah man tumin an thawk a (Marka 3:21; Johana 7:2 5). Heng changte hian A chhungtena Isua an ngaihdan engtinnge min hrilh? Heng changte atang hian engnge kan zirtheih? Kan chhung khat laina kan hmangaih takten min hriatthiam loh changin eng ang fuihna tha tak nge min pek? Bawktekut laia mipuite hnena A nihna dik tak lantir tura Isua unauten an nawr kha, Messia hnathawh an hriatthiam loh vang leh, Pathian nungchang nei a ni tih an rin tawk loh vang mai a ni a. Chutiang deuh rilru puin, zirtirten Jerusalema zin lo tura Isua chu dan an tum ve thung dawn a ni. Jerusalema thihna a tuar tur thu A lo sawi tawhte hre chhuakin, sakhaw hruaitutena an do nasatzia te hre bawkin, Jerusalema kal lo

5 7 8 tura thlem thluk hram an tum a -- Adapted from Ellen G. White, The Desire of Ages, pages 485, 486 (Chatuan Nghahfak, phek 470). THAWHTANNI Sept. 29 Apostolte thih hnu-ah pawh Jakoba chuan hun rei tak kohhran mite chawimawi a hlawh a. Diknaa khat Jakoba tiin an ko hial hlawm a. Chutiangin Jakoba chuan a tirlamah Isua chu ringhlel mahse, kohhran hmasa hruaitu rinawm tak niin a hun hnuhnung lam chu a hmang a ni. RINGTU JAKOBA (1 Korinth 15:5 7) THAWHLEHNI Sept Korinth 15:5 7 leh Tirhkohte 1:14 te chhiar la. Engtianginnge Jakoba danglam dan min hrilh? Isua kha A thawhleh hnu-in mi tam tak hnenah A inlar a. Chumi hnu-ah a hnungzuitu mi zanga rual awmkhawm zingah A inlar leh a. Nimahsela hemi tum hian Jakoba hi a tel ve lo va. A chhan chu Isuan Jakoba hnenah hian a hran biktea A inlar vang a ni. Chuta Isua nena an intawhna chuan a chungah danglamna nasa tak siamin, A hnungzuitu rinawm tak leh kohhran hruaitu thiltithei tak a lo nih phah ta a ni. Jakoba chanchin dang engnge kan la hriat theih? Tirhkohte 12:16, 17; Tirhkohte 15:13, 14, 19; Tirhkohte 21:17 19; Galatia 1:18, 19; Galatia 2:9 te chhiar la. Jakoba chu Jerusalem kohhran hruaitu a ni thuai a. AD 44 bawr vela Petera lungin atanga vantirhkohin a chhanchhuah khan a chunga thilthleng chu Jakoba hnena hrilh a nghakhlel hle a (Tirhkohte 12:17). Hei hian kohhrana Jakoba nihna pawimawh tak a tarlang bawk. Kum nga hnuah Jakoba chuan hruaitu a nih angin Jerusalem Council thurelte chu a tlangzarh a. Jerusalema kohhran hruaitute hming a ziah tlarnaah Paula chuan Petera leh Johanate hming aiin Jakoba hming a ziak hmasa a (Galatia 2:9). AD 58 vela Jerusalema kohhran chunga harsatna thleng tanpuina tura khawvel hmun hrang hrang atanga an thawhlawm khawnte chu Jakoba hnenah an hlan hlawm a ni. JAKOBA LEH CHANCHINTHA (Jakoba 2:22, 23) Jakoba lehkhathawn chungchanga Luthera ngaihdan dik lo tak avangin Kristian tam takten a thuchah pawimawh takte hi an ngaihthah phah a. A hunlaia kohhran tana Luthera thiltha tih tam takte kan ngaih pawimawhloh vang ni lovin, kan hriat reng tur chu, Siamthatna hi Luthera hunah khan a tawp mai lova, khawvel chanchin tawp thlenga chhunzawm tur a ni. Ellen G. White, The Story of Redemption, phek 353. A awmzia chu siamthatute ngei pawhin thudik lo tam tak an zirtir chhunzawm zel thei a, chuvangin thudik pawimawh takte chu tarlan a tul a ni. Chung avangte chuan Jonathan Edwards leh George Whitefield-ate chuan Harhtharna Ropui tak an buaisaih a. A hnu-ah Wesley-ate unau-in Methodist thurin an siamchhuak ve leh bawk a. Chung mite chuan Kristiante nuna thianghlimna a pawimawhzia an tarlang a. Siamthatna hnathawh chu Harhtharna vawi hnihna ah pawh chhunzawm zel niin Pathian chuan Vantirhkoh pathum thuchah puangdarh turin Seventh-day Adventist kohhran A din a. He kohhran hian Pathian thupek zawma Isua rinna pawmtute awmdan tur chu a tarlang a ni (Thupuan 14:12). Jakoba 1:3; 2:5, 22, 23; 5:15 te chhiar la. Heng changahte hian rinna chuan engtianginnge hna a thawh? Rinnaa nung tih awmzia engtianginnge min hrilh? Rinna chu Bible Thudikte pawmna mai bak a nihzia engtinnge an tarlan?

6 9 10 A lehkhathawn tawiteah hian ring tih leh rinna tih thute hi vawi 19 meuh Jakoban a tarlang a. Thiltih leh thiamchantirna tih tawngkamte aiin a tarlang tam zawk a. Jakoba chuan rinna a pawimawh zia sawiin rinna dik tak neitu chu an nunah hmuhtheiha awmin, an thiltih leh nungchangin an tarlang thin a ni. Rinna dik tak leh nghet tak i nei tih i nitin nunah thilte thamteah pawh nise engtianginnge i lantir thin? NILAINI Oct. 1 HMUN HRANG HRANGA AWM DARH HNAM SAWM LEH PAHNIHTE HNENAH (Tirhkohte 11:19 21) Jakoba 1:1; Tirhkohte 11:19 21; leh 1 Petera 2:9, 10 te chhiar la. Heng hnam sawm leh pahnihte hi tute nge an nih? Engtinnge hmun hrang hranga an darh theih? Kan hmuh angin Jakoba chuan ringtute hnenah lehkha a thawn a. A tirah chuan Chanchintha chu Jerusalemah chauh puanchhuah a ni a (Luka 24:47). Nimahsela kohhran tihduhdahna chu Stephena denhlum a nih atanga lo zualin ringtute chu hmun hrang hrangah an vak darh ta a. Tichuan Chanchhintha chi chu Rom ram awp khawpui hrang hrangah tuhin a lo awm ta a ni. Tirhkohte 11 a tarlan angin Chanchintha chu Antiokei khuaa bul tanin Jentail mite zingah thehdarh a ni thuai a. Chuvangin hnam sawm leh pahnih hian hmun hrang hranga awm darh Kristiante a entir a ni. Tirhkohte 15:13 21 chhiar la. Engtinnge Jakoba hian kohhrana buaina awm chu a chinfel? Jakoba chuan Amosa hrilhlawknaa Israelte siamtharna leh thanlentirnaah chuan Jentailte pawh an tel ve tiin a sawi a (Tirhkohte 15:16, 17). Khang hunlaia kohhran awmdarhna khan tunlai Seventh-day Adventistte awm dan a ang khawp mai. Kan zingah hnam indaidanna, H-2 ram indaidanna leh dinhmun in anlohnate awm mahse, Kristaah chuan engberinnge min phuar khawm le? NINGANI Oct. 2 JAKOBA LEH ISUA (Matthaia 7:24 27) Isua naupan lai, A tlangval lai leh puitling A nih hnu thlenga A awmdante chu Jakoba hian chiang takin a hmu-in, a zir thin a. Tichuan a hnulamah Isua chu Messia A ni ngei tih ring ve ta in Jerusalema Kristiante hruaituber a lo ni ta a. Nimahsela Jakoba hian Isua u tia inko lovin, Isua chhiahhlawh tiin a inko zawk a (Jakoba 1:1). Krista hnen atangin inngaihtlawmna leh finna a zirchiang hle a ni. Chuvangin a lehkkhatthawnah pawh inngaitlawm tak leh fing taka awm chu thupui pawimawh berah a hmang ta a ni (Jakoba 1:9 11, 21; 3:13 18; 4:6 10). A hnuaia Bible changte hi khaikhinin thu in ang an tarlante chu khaikhawm ang che: Jakoba 1:22 leh Matthaia 7:24 27; Jakoba 3:12 leh Matthaia 7:16; Jakoba 4:12 leh Matthaia 7:1. Mite chuan Jakoba lehkhaziakte leh Isua zirtirnate inlaichin hnaihzia an hmu a. Isua zirtirna nghet takte chu Jakoba zirtirnaahte hian hmuh turin a awm a ni. Peter H. Davids, The Epistle of James, phek 50. Jakoba hian Chanchinthaa lehkha ziakte la chhawng lovin Isua nena an inhnaihna leh ama mimala Isua zirtirna a hriatte atanga a ziah a ni a. Isua chuan A thu ngaithlatute chu rinnaa an thanlen theih nan leh an thuhriatte zawma, midangte an zirtir ve theih nan A tanpui reng thin a ni. Tun kuartar chhunga Jakoba lehkhabu kan zirna ah ani pawhin chutiang tho a a zirtir thu kan hmu ang. Rinna chaklo leh rah nei lo-ah Jakoba chu a lungawi lo.

7 11 12 Chuvangin Isua nena inlaichinnaa rinna pawimawhzia a tarlang a ni. I rinna chu enganga chak nge a nih ngaihtuah la. Eng anga tak leh thuk nge a nih a, Kristian nun dik taka nung thei turin engtianginnge a tanpui che? I rinna a lo chak zel theih nan engnge i tih thin ang? ZIRTAWPNI Oct. 3 ZIR BELHNA: A unaute chuan Pharisaaite thupui leh zirtirna, hlui leh thing tak chu an chelek zing hle a, chu mi rinchhana thuruk zawng zawng leh thutak hriatthiamna Neitu chu zirtir theih emaw an ti a. An hriatthiam loh thilte chu pawimawh lo-ah an ngai thin a. An zilhnate chuan Isua chu a chhun zawk zawk a, a tichauin a timangang hle thin. Pathian ringtu dik tak ni chiangin an inhre ve a, Pathian duhzawng puangtu niin an inhre bawk a, an zinga tisaa lo chang Pathian awm chu an hai chiang hle si Ellen G. White, The Desire of Ages, page 326 (Chatuan Nghahfak, phek 308). 2. Thawhtan ni a kan zir angin Jakoba chu Isua u a ni a. Isua chu Pathian, engkim Siamtu A nih bakah mihring dik tak niin pianpui unaute A nei bawk a. Engtinnge he thudik hian van leh khawvel inzawm dan leh tihdam a nih dan min hriattir? Mi sual tlute chhandam tura Pathian inpek thuk zia engtinnge min hrilh bawk? Krista mihrinna hian sual kan hneh theih zia engtinnge min hriatthiam tir? 3. Tun kar chhung zirlai hian inngaihtlawmna chu Jakoba thupui a nihzia a tarlang a. Engvanginnge Kristiante nunah inngaihtlawmna hi a pawimawh em em? SAWIHO TUR: 1. Jakoba lehkhathawn hi Kristian nun kaihhruaina atana lehkhabu pawimawh tak a ni ngei mai. Thuthlung Thar lehkhabute zinga ziah hmasakber niin A.D. 44 leh 49 inkara ziah a ni. (Chanchintha bu lite zinga ziah hmasakber Rom khuaa Peteran Marka a ziahtir Marka bu tia kan koh hi Isua vana A lawn hnu kum 30 chuanga ziah chauh a ni Letlingtu). Kan rin anga nunpui hi engvanginnge kan rinna ang tho va a pawimawh? A nih loh leh kan rinna hi chu rinna kan nunpuina aiin a pawimawh zawk em? Entirnan, Sunday ni chu chawlhni dik tak a nih ringa thinlung leh tih tak zeta serhtu nge tha zawk a, Sabbath ni dik zia hre ve tho a, mahse rinawm lo leh duhdah taka serhtu? I chhanna chhan chu ziak chhuak la.

8 13 14 ZIRLAI 2 October 4 10 KAN RINNA FAMKIMNA SABBATH CHAWHNU Oct. 4 CHHIAR TUR: Jakoba 1:2, 3; 1 Petera 1:6, 7; Philippi 3:12 15; Jakoba 1:19 21; Luka 17:5, 6; Luka 12: CHANGVAWN: Isua, kan rinna siamtu leh tifamkimtu lam chu enin, kan hmaa intlansiakna tur awmah chuan chhel takin i tlan zel ang u. Ani chuan a hmaa hlimna awm avang chuan mualphona chu ngainepin kraws chu a tuar a, Pathian lalthutphah ding lamah khian a han thu ta a (Hebrai 12:2). HA siamtu pakhat chuan a ha siamte avanga buaina a tawh ngailoh thu a sawi a. A tha thei angber leh uluk thei angbera a siam thin avangin a hnulam tan a lungkham ve ngai lo tiin a sawi a ni. Chutiang bawkin Kristiante hian kan nun tawp dawna kan nungchang chu a tha famkim ang em tiin kan lungkham buai tur a ni lo. Chu chu Pathan tihtur a ni a. Kan tihtur chu Isuaa innghata rinna indona tha rinawm taka do a ni (1 Timothea 6:12). Kristaa rinna nghet tak kan neihna chuan A thu awi thei turin min tanpui anga (Philippi 2:13), tichuan bul A lo tan tawh hna chu kan thawk zo thei ang (Philippi 1:6). Rinna tel lo chuan keimahni chauha kan innghah thin avangin kawngbo a awl hle thin a ni. Isua chuan Pathian hnathawh chu hei hi a ni, a mi tirh hi ring ula, tiin A sawi a (Johana 6:29). He thlarau lam thudik pawimawh tak hi hrethiam thei turin Jakoba chuan min tanpui dawn a ni. NIKHATNI Oct. 5 RINNA FIAHNA (Jakoba 1:2, 3) Jakoba 1:2, 3; 1 Petera 1:6, 7; 1 Petera 4:12, 13 te chhiar la. Harsatna tawrh chungchangah Jakoba leh Peteraten eng ang ngaihdan in ang nge an neih? He Bible zirtirna hi engtianga pawm tur nge kan nih? Mi tumahin tawrhna hi kan duhloh avangin kan theih phawt chuan kan kiansan thin. Chang thumnaa kan rinna fiahna tih hi Greek tawng chuan dokimion a ni a. Hei hian thil pakhat a dik leh dik loh fiahna a kawk a. Petera chuan kan rinna fiahna chu rangkachak meia tih thianghlim nen a tehkhin ve thung a. Chutianga fiahna chu a hlimawm thin lo na in Pathian chuan rah tha ber A beisei a ni. Chuvangin fiahnate hian min ti beidawng tur a ni lo, a chhan chu rinawm taka kan awm phawt chuan rangkachak meia tihthianghlim ang kan lo ni dawn a ni (Joba 23:10; Thufingte 17:3 nen khaikhin la ). Chuvangin kan rinna fiahna kan tawn changin kan lungngai tur a ni lo. Isua ngeiin, Lawm ulangin, nasa takin hlim rawh u; vanah in lawmman a awm hnem si a tiin min hrilh a (Matthaia 5:12). Chubakah fiahna chuan kan tana Krista tawrhnate hrethiama puangchhuak ve turin min pui thin a ni (1 Petera 4:13). Fiahna kan tawrhin kan chunga Pathianin thlentir A phal chhan kan hriatthiam theih nan ngun takin kan chik thin tur a ni a. Chu chu rinna lo kalna chu a ni. Hmangaihnaa khat Pa Pathian rina, A finnaa innghah leh A Thu Thianghlim anga nunte kan mamawh a. Thlamuang takin kan hmalam hun chu A hnenah kan nghat thei a (Rom 8:28 chhiar la). Pathian hmangaihna hriatna leh rinna atang chauhin tawrhna lo thlen changa hlimna thuruk chu kan nei thei a ni. Kan rinna fiahna ina a tumber chu chhelna min neih tir a ni a (Jakoba 1:3). Greek tawng chhelna tih tawngkam hypomone hi tuarchhelna, beidawnlohna, leh chhunzawm thei tura chakna tite in a lehlin theih bawk a. Hypomone awmzia chu Luka 21:19-a tarlan angin thil lo thleng tur tinrengah Pathian chhandamna leh zalen tirna thutiamtea thlamuang taka innghahna a ni.

9 15 16 Fiahna kan tawh lai leh hun chhe laiberah pawh kan rinna phatsan lovin Lalpa chu kan vuan tlat tur a ni a. Chubakah kan tawrhna leh rinna fiahnaahte chuan lawm tura hrilh kan ni bawk. A leh lutuk deuh em? Fiahna kan tawh laia rinawm taka awm pawh a harsat thin vei nen lawm tura hrilh kan ni a. Ni e, chutianga hrilh chu kan ni. Chuti a nih chuan engtinnge fiaha kan awm laia lawm dan kan zir theih ang? THAWHTANNI Oct. 6 FAMKIMNA (Jakoba 1:2 4) Jakoba 1:2 4 chhiarin, heng rinna, fiahna, chhelna, famkimnate indawt dan hi chhinchhiah ang la. Rinna chu Kristian dik takte nun bulthut a nih avangin Jakoba chuan a tarlang hmasaber a. Tichuan kan rinna ngheh leh nghehloh kan hriat theih nan fiahna kan mamawh thu a sawi leh a. Fiahna ina chhelna min zirtir thu a sawi bawk. Pathian thiltum ber chu, engmah tlachham lova in famkim a, in puma in him theih nan chhelna chuan thawk famkim rawh se tih a ni (Jakoba 1:4). Famkim (teleios) tih chuan thlarau lama puitlinna a entir a. Nimahsela famkim tak takna (holokleros) chuan kawng engkima puitlinna leh famkimna a entir ve thung a. Mahni chauh inngaihsak lo va, Ama lawmzawng atana tih tum tur leh bei tura (Philippi 2:13) keimah ni-ah Lalpa hna kan thawhtir tak meuh chuan famkim tak takna nun chu kan lo nei thei ang. Ephesi 4:13 leh Philippi 3:12 15 te chhiar la. Eng ang famkimna nge nei tura fuih kan nih? Paula angin Krista hnungzuitute chuan tanghmasial lova an hotupa hmangaihna an entawn theih hma zawng chu lungawina kim an hmu lovang. Nimahsela chutianga A hmangaihna nuna kan lo nun hnu-ah pawh nun famkim chu nei tawh angin kan inngai ngai bawk lovang (Philippi 3:12). Heng changtea hmalam hun tana Paula thusawite chhinchhiah la. Isua rinna avanga a hnena Pathian thutiamte a tarlang a. Kristiante hian Krista hnung kan zuinaah, ka famkim tawh e, tia sawi theihna hun kan nei lo. He khawvela thlarau lama nun famkim nei tawh anga inngaite chu mi hmusit ching, sawisel reng leh mahni fel taka inngaia midang hmusit ching mite an ni tih i chhinchhiah ngai em? Chuvangin lemziaktu ang kan ni a, tun aia tha zawk tura tan la reng tur kan ni. Rinna nena nitin Amaha inhlana, A thu awi a, Amah kan rinchhan phawt chuan Pathian thutiamte chu kan chang thei ang. THAWHLEHNI Oct. 7 RINNAA DILIN (Jakoba 1:5, 6) Jakoba 1:5, 6 chhiar la. Engtinnge finna leh hriatna hi a danglam? Finna leh rinna chungchang hi Jakoban engtianginnge a zawm tir? Mi tupawhin finna a tlakchham chuan tia Jakoban a sawi hian mak deuh angin a lang a. Nimahsela tunge finna famkim nei anga inhre thei le? Entirnan, Solomona chuan a mamawh a hria a. Chuvangin inngaitlawm takin, I mite rorêlsakna tûrin i chhiahhlawh hi hriatna thinlung pe ang che, a chhia leh a tha ka thliar theih nan; i mi heti zozai hi tuin nge rorêlsak thei ang le? tiin a tawngtai a (1 Lalte 3:9). Solomona chuan a finna lo kalna bul chu a hriatchian em avangin, Lalpa tih chu finna bul a ni tiin a ziak ta a ni (Thufingte 9:10). Kan hriat angin finna chu ngaihtuah kan tum thin a. Nimahsela Jakoba 1:19 21; Jakoba 2:15, 16; leh Jakoba 3:13 ten engtianginnge finna dik tak awmzia an tarlan?jakoba leh Thufingte chuan finna chu kan hriat ang ni lovin, kan awm danin niin an hrilhfiah zawk a. Entirnan, mitinin ngaihthlak chuh sela, thusawi chuh lo sela, thin tinel rawh se tih angte hi (Jakoba 1:19). Plato-a chuan, Mifingte chuan thilsawi tur an neihte an

10 17 18 sawichhuak thin a. Mi ate chuan thusawi an duh avangin an sawi thin, tiin a sawi ve bawk. A awmzia chu khawvelin a pek theih hriatna zawng zawng neiin, finna dik tak nei si lo-in kan awm thei a ni. Pathian chu finna dik tak Petu A ni ngei mai. Chuvangin Ama tana kan hunte senga, A thu thianghlimte chhiara, Pathian hnen atanga kan tana finna nitu Krista nunte zir nan leh ngaihtuahna atana kan hunte kan pekin finna chu kan lo dawng thin a (1 Korinth 1:30). Krista nungchangte kan nuna lantir hi finna dik tak chu a ni. Jakoba 1:6 chhiar nawn leh la. Ringhlel lovin, kan hmu ngei ang tih ring chungin kan dil thin tur a ni. Hei pawh hi a chang chuan a har viau thin lo maw? Ringhlel lova awm reng thei tunge awm le? Chutiang rinhlelhna kan lo neih chang in nasa taka tawngtai kan mamawh a, chubakah kan rinna bulthut Isua thawnthute, Biblea hrilhlawknate leh Pathian enkawlna kan daihriatte kan ngaihtuah thin tur a ni. Chung thute chuan engtinnge rinhlelhna kan neihthinte laka min ven theih ang? NILAINI Oct. 8 RINNA RAL LEH LAM (Jakoba 1:6 8) Jakoba 1:6 8 chhiar la. Jakoban eng thu nge min hrilh? Ringhlel tih awmzia chu mihring ngaihtuahna inthen tihna a ni a. Hei hian rinhlelhna leh luhlulna a inzawm dante min hriatthiam tir a. Entirna fiah tak chu Kadesh-Barnea ah khan kan hmu thei a. Israel fate khan duhthlan tur chi hnih an nei a. Rinna in hmalam an pan thei a, a nih loh vek leh Lalpa lakah an hel thei bawk. Mak tak maiin Pathian laka helin Aigupta rama kir leha sala awm leh chu an duh ta hial zawk a. Chuvangin Pathian chuan thlalera an thih tur thu Mosia hmangin A hriattir ta a ni. A hnu-ah mipuite chu inchhir lehin, zing takah an tho va, tlâng chhipah an han chho va, Ngaiteh hei kan lo kal e, LALPAN min tiamna hmunah chuan kan H-3 kal ang e, kan lo sual ta a ni e, an ti a (Number 14:40). Tunah chuan an kawng zawh sual tak chu inchhir hle angin an lang a, mahse lawmna chang hriatlohna leh an thuawih lohna thinlung taka hriatna aiin an sual rah avanga lungngai an ni zawk. Lalpan a thuneihna chu tinem deuha an hriat veleh anmahni duh zawng tihduhna chu a lo tho leh a, thlalerah an kir tawh loh tur zia an puang a. An hmelmate rama lut lo tura tih pawh chu Pathianah an intulut meuh em tih A fiahna a ni a, an lo intulut lo tih a langchiang ta a. An rilru thawkthut chu inbengdai zo lovin Pathian thu awi tura, turtu enthlatute chu thah mai an tum a ni a; nimahsela, a hnu leh chu an tan chhiatna a nihzia an hmuhin thil an lo tisual a ni tih an hmu chhuak chauh a ni. An thinlung chu a danglam lova, chumi atan chuan chhuanlam an siam mai mai a ni. Hei vang hian a ni, Mosian Pathian hriattirnaa thlaler lama kir leh tura thu a pek chhan chu Ellen G. White, Patriarchs and Prophets, page 391 (Thlahtu Bulte leh Zawlneite, phek 465). Luka 17:5, 6 chhiar la. Isuan rinna chungchang engnge min hrilh? Zirtirten an rinna tinghet zual tura an dil khan Isua chuan antam chi angtiat rinna chu a tawk thu A hrilh a. A pawimawhber chu kan rinna chu a nungin, a thanglian ngei tur a ni. Chutianga awm thei tur chuan kawng engkimah rinnaa Pathian kan chelh tlat a pawimawh a. Nimahsela a changin rinhlelhna-in kan kawng a dal thin a. Chutiang hunah chuan hun kal tawha Pathian thatnate ngaihtuahin, hun lo la kal tur atan Amah rinchhanin kan tawngtai reng tur a ni. Rinnaa nunga Pathian leh A thutiam kan rinna chhan tur chu engnge ni ang? I rinna a lo thanlen theih nan chungte chu ngun takin ngaihtuah ang che. NINGANI Oct. 9 MI HAUSA LEH MI RETHEI (Jakoba 1:9 11)

11 19 20 A lehkhathawn tawite-ah hian Jakoba chuan mi retheite a ngaihsak zia a tarlang nasa a. Mi thenkhat chuan he thu hi a lehkhathawn thupui ber angin an ngai hial a ni. Jakoba 1:9 11 leh Luka 8:14 te khai khin la. Jakoba 1:27 leh Matthaia 25:37 40 khai khin bawk ang che. Tichuan Jakoba 2:15, 16 leh Luka 10:29 37 khai khin leh la. A tawp nan Jakoba 5:1 4 leh Luka 12:16 21 te khai khin ang che. Heng changte hian kan tan eng ang thuchah inang nge an neih? Eng ang vau khanna nge kan zir theih? Jakoba chuan mi hausate tan Pathian lalram chu a khar sak a ni lo va. Isua ang tho-in Jakoba hian hausakna ina a chhawmtel thlemna rapthlak takte chu a tarlang a ni zawk. Hausa emaw, rethei emaw pawh ni ila a pawimawh ber chu kan nunna hnar Isua entlat a ni a. Pawisa hian kan ngaihtuahnate hruaipengin khawvel thilte chu chatuan thil aia min ngaih pawimawh tir avangin buaina lian tak a lo ni ta thin a ni (2 Korinth 4:18). Pathian khawvelah hian mi riltam hraipuar ngai an awm a. Silhfen mamawh saruaka awm an awm bawk. Chhandamna chhang leh tui mamawh thlarau thi mek an awm a. Mite chuan an sum leh paite in chung saruaka awmte leh riltamte chu tanpuiin an thlarau nun an chhanchhuak tur a ni. Ellen G. White, Welfare Ministry, page 269. Nang teh eng ang mi nge i nih ve le? I hausa emaw, i rethei emaw thil pawimawhber chu pawisa-in eng ang in nge a hip che a, eng anga nasa-in nge a do thin che tih a ni. Kan thlarau tana thil hlauhawm thlen fotu pawisa chu eng ang nge ni le? ZIRTAWPNI Oct. 10 ZIR BELHNA: Pathian chuan A chhiahhlawhte chu an thinlung ngaihtuahnate chiangtaka in enfiah turin A duh a. An nihna dik takte an hriat theih nan hreawm an tawrh A phalsak thin. Chutiang chuan tih thianghlim an lo ni ang. Kan nuna thil hreawm kan tawh thinte hi A nungchang famkim ang kan neihtheihna tura Pathian ruahmante an ni a. Chungte chuan van a-ngilte lenna hmun thianghlima cheng ve thei turin min buatsaih ang. Khawvela tawrhna (fiahna) mei kan paltlang laiin kan mitin chatuana kan awmna tur vanlam kan thlir dawn lawm ni le? Vana kan la chan tur chu he lei rosumte ai chuan an hlu em em zawk a. Tawrhna mei chu min ti boraltu tur ni lovin, kan nuna thil hlu lote la kiangtu tur chauh a ni a. Tichuan Pathian nungchang thianghlim chhinchhiahna chu keimahniah chhutbeha lo awmin, a let sarihin kan lo thianghlim dawn a ni. Ellen G. White, The Advent Review and Sabbath Herald, April 10, SAWIHO TUR: 1. I nuna tawrhna a lo awm changin Bible-a tu awm dan nge entawn tlakbera i ngaih thin? Harsatnate i tawn changin lawm taka awm dan i zir ngai em? I lo zir tawh thin a nih chuan chutianga awm thei tura tanpuitu che chu i pawlpuite hnenah hriattir ve ang che. Tawrhna atanga lawmna i la dawng ngai lo a nih chuan in dawn theih dan tur sawiho bawk ang che u. 2. Finna dik tak chu kan hriatna mai chauh ni lovin, Krista rin avanga kan thiltihtea innghat a nih thu hi ngun takin ngaihtuah la. Chutih rual chuan engvanginnge hriatna hi a pawimawh? Engtianginnge thurin (zirtirna) dik lote hi Lalpa nena lendunnaa a hlauhawm em em theih thin? 3. Tlangval pakhat hian harsatna nasa tak tuar mek thian a nei a. A thianpa thiltawn chu hmuh hreawm a ti hle mai a. Nimahsela chung a thiltawnte avang chuan a thianpa chu khawngaihnaah a thanglian tih a hmu a. A tawrhnate a zawh meuh chuan a

12 21 22 thianpa nun dan chu nasa takin a inthlak danglam tih a hmu ta a ni. I thlarau nun tichaktu i tawrhnate atangin engnge i zir theih? Tawrhna atang chauh ni lovin kawng dang atang pawhin thlarau nun chakna ka zir thei ang em tiin inzawt ang che. ZIRLAI 3 October THLEMNA HNEH THEIHNA SABBATH CHAWHNU Oct Mi pakhat rinna dik tak nei anga lang, nimahsela rinhlelhnaa la khat tlat hnenah eng ang fuihna nge i sawi theih ang? Engtinnge chutiang mi chu i tanpui theih ang? CHHIAR TUR: Jakoba 1:12 21; Sam 119:11; Genesis 3:1 6; Tita 3:5 7; Rom 13:12; Ephesi 4:22. CHANGVAWN: Thlemna tuar hram hramtu chu a eng a thawl e; fiaha a awm hnuin nunna lallukhum, Lalpan amah hmangaihtute hnena a tiam chu a hmu dawn si a (Jakoba 1:12). THLEMNA kan tawh changin tluk loh hram kan tum thin a. Nimahsela sual nena kan indo tak takin kan thutiamte chu lo chuai lehin sualah kan tlu leh thin. A chang phei chuan thlemna do hneh kan tum poh leh kan tuar zo lo zawk maha, tanpuitu tur nei lo angin kan inngai hial thin. Tichuan chhandam nih rinhlehna-in kan lo khat ta thin a ni. Vanneihthlak takin awlsam taka min man fo thintu thlemna hnehtheihna kan nei thei a. Eng ang khawpa nasa pawhin sualah tlu mah ila beisei bo-in kan la awm lo. A chhan chu enga khat kan pa (Jakoba 1:17) chuan thlemna aia thil A tihtheih zawk vang a ni. Pathianah chauh hnehna kan nei thei a ni. Hei hi tun kar chhunga thuchah kan zir tur chu a ni a. Ni e, thlemna kan tawh thinte hi an dik tak tak a. Sualna pawh a dik ngei bawk. Kan rilru-a sual nena kan indo thinte pawh hi a tak tak a ni. Nimahsela Pathian chu A awm ngei avangin Ama zarah min tihtluk tuma min veh reng thintu kan thinlunga rawn lut thin themnate chu kan hneh thei a ni.

13 23 24 NIKHATNI Oct. 12 THLEMNA BULTHUT (A ZUNG) (Jakoba 1:13, 14) Jakoba 1:13, 14 chhiar la. Pathianin mi tumah thilsual ti turin A thlem ngai lo. Chuti a nih chuan thlemna chu khawi atnga intan nge ni ta ang? He thu hriatchianna hian engtinnge thlemna kan donaa min tanpui theih ang? Jakoba chuan Pathian chu sual bultantu leh suala tlu tura min thlemtu A nihlohzia a tarlang a. Sual chu thlemna awmtirtu a ni a. Heng changtea tarlan angin buaina chu keimahni-a innghat a ni. Chu chu sual do hneh a harsat em em na chhan chu a ni bawk. Chutiang chuan sual dona hmasaber chu kan rilru-ah a intan a. Mi tam takten an hriat duh loh thudik tak chu thilsual ti turin duh kan thlang thin tih hi a ni. Mi dang tumahin thilsual min tihluih tir thei lo (Rom 6:16 18). Thilsual tihchakna chuan kan rilru a hip thin a. Tichuan keimahni duhna ngeia thlema awmin, kan chak loh veleh sual chuan thang angin min awk ta thin a ni. Ephesi 6:17; Sam 119:11; Luka 4:8 te chhiar la. Eng ang thu inang nge heng changahte hian kan hmuh theih? Engtinnge chu chu thlemna hnehna chungchanga zawhna nen a inkungkaih? Jakoba hian sual leh thlemna chu chiang takin a thliar hrang a. Kan thinlunga thlemna kan tawh thinte hi sual a la ni lo. Isua ngei pawh khan thlemna A tawk ve a. Buaina lian ber zawk chu thlemna kan dawnsawn dan a ni zawk. Sual fa nihna mai hi thilsual a ni lo va, kan duhthlanna leh ngaihtuahna sual inthunun tir chu thilsual a ni. Nimahsela Pathian thu-ah thutiam kan nei a, chung thutiamte chu rinnaa kan pawm phawt chuan hnehna chu kan chang thei a ni. Thilsual kan tih thin hi keimahni duhthlanna ngeia ti kan nihzia ngun takin ngaihtuah la. Kan nitin nunah duhthlanna dik lo thlangfuh lo tura min tanpui thei tur eng thil nge kan tih ang? THAWHTANNI Oct. 13 DUHNA SUALIN NO A KEU IN (Jakoba 1:15) Jakoba 1:13 15 chhiar la. Eng hunah nge thlemna hi sual a lo nih thin? Heng changtea sual bul tan dan tarlanna atana hman Greek tawngkamte chu nu ina nau a hrindan-a hman tawngkamte nen an inkungkaih vek a. Duhna diklo chu rilru-a a lo puitlingin sual a hring chhuak thin. Chakna chuan no a pai a, sual a hring thin a; tin, sual chuan a lo puitlinin thihna a hring thin (Jakoba 1:15). Sual chu cancer natna ang niin, rilru-a a lo puitlinin a paitu chu a tiboral thin a. Sual tihchhiata awm theuh kan nih avangin he mi chungchang hi chiang takin kan hre awm e. Kan thinlung sualnate hi keimahni chuan kan thlakthleng thei lo a ni. Genesis 3:1 6 chhiar la. Evi thiltawn hian sual nena an inbuan dan a tarlang a. Eng thil berin nge Evi kha suala hruai lut le? Sual intanna bulber chu Pathian rinhlelhna a ni a. He rinhlelh tirna tho hi Setanan vantirhkoh hmun thuma then hmun hnih a thlemthlukna a ni (Thupuan 12:4, 7 9). Setana chuan Pathian nungchang chu Evi a rinhlelh tir a (Genesis 3:1 5). Chhia leh tha hriatna thingkung bula va kal mai kha thilsual a ni lo va, nimahsela theirah lo-a a han ei chiah khan sual lian tak a lo ni ta a ni. Sualna hi thinlung atanga intan zel a ni a. Evi angin thilsual kan tih avanga hlawkna lo awm turte chu kan ngaihtuah thin a. Tichuan kan ngaihtuahna chu sualin lo hnehin thilsual kan lo tihphah ta thin a ni. Engtinnge hetiang thil hi a lo awm theih tiin vawi tam tak kan ngaihtuah thei a. A chhanna chu hriat mai a awlsam e. Tuma min tihluih vang ni lovin keimahnin thilsual tih kan duh thin vang a ni. Setana dona hneha sual laka kan thinlung kan vawn thianghlim theih nan tih tak zeta tawngtaina leh rinna nung neih a tul a ni.

14 25 26 Thlemna azawnga chak ber chu suala tlu lo tur insumna hi a ni a. Chutiang hun chuan phur a rit duh hle thin. Suala tlukna hi keimahni duhthlanna a ni a. He khawvel thuneihna emaw, hremhmun emaw in suala tlu turin mi tumah a tilui thei lo. Thinlung ngaihtuahnate chu a chakin, a nghet tur a ni. Tichuan tisa duhzawng hnehin kan awm lovanga, sual hneha awm lovin sual chu kan hneh zawk dawn a ni. Ellen G. White, Christian Privileges and Duties, Signs of the Times, October 4, THAWHLEHNI Oct. 14 THILTHA TINRENG LEH THILPEK FAMKIM (Jakoba 1:16, 17) Sual chuan thihna a hring chhuak thin a. Nimahsela Pathian chu eng Petu leh eng Pa a ni (Jakoba 1:17). Hei hian Thilsiam chungchang a sawi a (Genesis 1:14 18). Pathian chuan nunthar min pe bawk a. Hei hi chunglam atanga kan dawn thilpek ropuiber chu a ni (Jakoba 1:17 leh Johana 3:3 te khai khin la). Paula chuan chhandamna chu Pathian khawngaihna a nih thu a sawi a (Rom 3:23, 24; Ephesi 2:8; 2 Timothea 1:9). Chutiangbawkin Jakoba 1:17 hian chhandamna chu thilpek tiin a ko bawk. Jakoba chuan chhandamna chu Pathian thiltum leh ruahman a nih zia a sawi zawm zel a. A thil siamte hmahruaitu ang kan lo nih theih nan ama duhzawngin thutak lakah chuan min hring a ni tiin (Jakoba 1:18). Pathian chuan min chhandam A duh a. Chatuana Amah nena awmkhawm turin mihringte min siam hma atangin ruahmanna A lo nei tawh a ni. Piantharna chungchanga Paula leh Peterate hrilhfiah dan leh Jakoba entirnate hi engtianginnge an in an? Tita 3:5 7; 1 Petera 1:23 te chhiar la. Isua, Paula, Petera leh Jakobate chuan chhandamna hi piantharna nen an zawm tir vek a. Pathianin H-4 chhandamna A ruahman khan A tum ber chu mihring dinhmun kehchhia tawh chu van nena inzawm tir leh a ni. Indaidanna chu a nasat em avangin mihring tumahin anmahni chakna-in leihlawn dawhin an zawm thei lo. Thu chu mihringa lo changa, Pathian thilpek zahngaihna leh ngaihdamna chu A lo thlen chauhin sual lak atanga zalenna chu kan lo chang thei a. Isua chauhin lei leh van A zawmtir thei a ni. He thilpek hi kan phu thlawt lo. Nimahsela hmangaihnaa khat kan Pa chuan min hmangaih em avangin thilpek tha leh thilpek famkim zawng zawng (Jakoba 1:17) min pe a. A thilpekte zinga hlu ber chu Isua leh piantharna nun min pek hi a ni. Chunglam atanga i dawn thilpekte chu engnge? Engvanginnge chungte chu ngun taka ngaihtuah a tul? Kan ngaihtuah chianlohin eng thil nge thleng thin? NILAINI Oct. 15 TAWNG FIMKHUR TUR (Jakoba 1:19, 20) Jakoba 1:19, 20 chhiar la. Eng thu pawimawh tak nge Jakoban a tarlan? Pathian Thu (Bible) in thil a tihtheih ang bawkin kan tawngkamte hian thil a ti thei hle a. Vawi engzata tam nge kan tawngkam sut leh kan duh thin? Tawngkam thalotena mi rilru a tihnat thin zia leh thinrimna ina thil a tihchhiat nasat thin ziate kan hre thin ngei ang. Chutiang hriatna chuan kan tawngkamte insum thin turin min tanpui thei a. Keimahni chauh chuan engmah kan tihtheih loh avangin Pathian thute ngaihthlaka, kan thinlunga hnathawh tir kan mamawh a ni. Thinlunga A thusawi kan hre theuh tur a ni a, ri dang zawng zawng a reh vek hunah, hmun fianrialah Amah chu kan nghak thin tur a ni. Thinlung a muan reh zawh poh leh Pathian aw a chiang zual thin. Heti hian min hrilh: Ngawi ula, Pathian Ka ni tih hi hre rawh u tiin (Sam. 46:10). Hei hi Pathian hnathawktu zawng zawngte

15 27 28 tan inbuaitsaihna pawimawh tak a ni. Mipui zi nuai nuai leh hah taka hnathawhna karah pawh, hlimna leh muanna boruak tuam velin rilru fim takin a awm theih a ni. Chutiangin taksa leh rilru chakna thar chu kan dawng zel thei a. Kan nun hian boruak rimtui tak tichhuakin, mihring thinlung khawih thei tak Pathian thiltihtheihna chu a tilang thei a ni. Adapted from Ellen G. White, The Ministry of Healing, page 58 (Tihdam Rawngbawlna, phek 47). Pathian thusawi leh midang thusawi kan ngaihthlak lohin buaina a chhuak thin a. Chhungkuaahte, hnathawhnaahte leh kohhranah pawh nise midang thusawi ngaihthlak kan duhlohin buaina a chhuak thin bawk. Chutiang hunah chuan tawngkamte chu lo khauh tial tialin thinurna cho chhuah a ni ta thin a. Chutianga inzawmna sual tak nei chung chuan engtikah mah Pathian hmaah mifel a nih theih dawn loh a ni. Hei hi Jakobana Pathian felna leh mihringte thinurna a khaikhin chhan chu a ni a. Kan thinlung ngaihtuahna sual tak atanga lo chhuak ang anga kan tawngchhuah a, kan chet thin hian keimahni-a Pathian thlarau hnathawh chu a dal thei a ni. Chuvangin Jakoba chuan kan tawngkamte fimkhur hle turin min fuih a ni. Thufingte 15:1; Isaia 50:4; Ephesi 4:29; Ephesi 5:4; leh Kolossa 4:6 ten tawngkam chungchang engtinnge min zirtir? Tu emaw tawngkamina a tihnat hun che hnuhnungber ngaihtuah la. A thazawng emaw, a chhe zawng emaw-a tawngkamin thil a tihtheih zia i tawrhna chuan engtianginnge a hriattir che? I tawngkam chhuakte entinnge i fimkhur leh zual theih ang? Engvanginnge thusawi hmaa ngaihtuah hmasak a pawimawh em em? NINGANI Oct. 16 A THLAWNA CHHANDAM (Jakoba 1:21) Jakoba 1:21 chhiar la. Hetah hian thu chungchang Jakoban engtianginnge a sawi? He chang hmang hian Jakoba chuan rinna leh chhandamna chungchanga a thusawite a khaikhawm a. Sualna kalsan tura ngenna a ni bawk. Thiltha lo chinthan laka intihhran nan dah bo ula tih thupek hi Bible-a vawi kua inziak lakah Thuthlung Tharah hian vawi sarih tarlan a ni a (Rom 13:12; Ephesi 4:22, 25; Kolossa 3:8; Hebrai 12:1; 1 Petera 2:1 te en la.) Hei hian silhfen inhlipna a entir thei bawk (Tirhkohte 7:58). Chuvangin suala khat kan thinlung silhfen bawlhhlawhte chu kan hlip tur a ni (Isaia 64:6). Jakoba chuan mihringtena pawnlam landan an en thin zia a sawi a. Nimahsela Pathian chuan kan thinlung ngaihtuahnate A en ber thin a ni. Greek tawng Thuthlung Hlui lehlinah chuan silhfen bawlhhlawh (ryparos) tih thu hi Bible pumpuiah Zakaria 3:3, 4 ah chauh tarlan a ni a. Heng changa tarlan silhfen bawlhhlawh taka inthuam Joshua chuan suala khat Israel fate a entir a. Pathian chuan puithiam lalber silhfen bawlhhlawh chu hlihsakin silhfen thianghlim A sin tir a. Hei hian Israel fate ngaihdamna leh tihthianghlimna a entir a ni. Mi tumahin silhfen bwlhhlawh chungah a thianghlim an hak thuah duh awm lo ve. Chuvangin Joshua pawh kha silhfen thianghlima thuam a nih hmain a silhfen bawlhhlawhte chu hlihsak phawt a ni. Nimahsela hei hian Krista felnaa thuam kan nih hma-in sual nei lo in kan tha famkim phawt tur a ni tihna a ni lo. Chutiang chu ni ta ang se tunge chhandam tling zo vang? Chubakah suala kan tluk leh chuan Isua hnenah kir thei tawh lo in chhandam kan ni thei tawh lo tihna a ni bawk lo. A awmzia chu Krista hnenah kan in pumpek hmiah tur a ni a. Kan sual hluite chu nitin thihtirin A felna puan thianghlima khuha, Ama anpuia siam kan inphal sak tur a ni. Jakoba 1:21 chhiar nawn leh la. Heta a sawi anga nung turin eng anga nasa in nge tumna i neih ve tawh thin? Thuhnuairawlh takin pawm rawh u tih awmzia chu engnge ni a, engtinnge i tih theih ang?

16 29 30 ZIRTAWPNI Oct. 17 ZIR BELHNA: Tlanna ruahman hian Setana thiltihtheihna laka dinthar lehna kim a huam a, tin, thinlung lungchhia leh inchhir ngawih ngawihte chu sual lak ata Krista n a la hrang thin. He leia a lo kal chhan pakhat pawh Setana hnathawh tihboral a ni a, chu bakah, sual sim tawhte chu an sual zuizel loh nana Thlarau Thianghlim pek a tiam bawk a ni. Ellen G. White, The Desire of Ages, page 311 (Chatuan Nghahfak, phek 292). Chhandamtua Krista pawm tawh i nih chuan, mahni intheihnghilhin mi dangte puitu nih tum zawk la, Krista hmangaihna thu leh A thatna thute sawi fo zawk rawh. I kutin tih tur a neih apiang ti zel la, mi dangte phurrit phurhpui la, eng ang kawng pawha, boral mekte chhandamna tur thahnemngai takin zawng thin ang che. Krista Thlarau-mi dangte tana hmangaih rawngbawlna leh hmasialna tel lo rawngbawlna-i dawn ang zelin i thangin rahte i chhuah thin dawn zuk nia. Thlarau rahte chu i nungchangah an lo hmin anga, i rinna lo pungin, hriatchianna ril zawk i neihbelh zel ang a, i hmangaihna pawh siam famkimin a awm ang. Thil thianghlim, ropui leh duhawm zawng zawngah Krista anna i lantir zual deuh deuh bawk ang. Ellen G. White, Christ s Object Lessons, pages 67, 68 (Krista Tehkhin Thute, phek 44). SAWIHO TUR: 1. Tawngkam thiltitheih dante ngaihtuah la. Engvanginnge tawngkamte hian thil an tihtheih em em? Engtinnge tawngkamte hi awlsam taka thunun a nih theih ang? 2. Chunglam atanga thilpek i dawnte zingah eng hi nge ropui ber a, eng vang nge? 3. Jakoba 1:12 21 chhiar la. Heta thuchah pawimawhber chu engnge? Kan tan eng ang beiseina leh thutiam nge awm? 4. Thinlung ngaihtuahna sual chuan sualah min hruai lutin, kan thilsual tih thin chuan thihnaah min hruai thin a. Engvanginnge keimahni thuneihna hnuaia awm sual chunga hnehna kan chan theih loh? Kan thiltih dikloh lakah eng anginnge kan inphat mawi thin? Engvanginnge hei hi thil hlauhawm tak a nih? A chunga zawlnei lehkhaziak atang hian a bikin rinnaa chak lote tan eng ang thurawn pawimawh tak nge kan hmuh theih?

17 31 32 ZIRLAI 4 October DIK TAKA THILTIHNA Tun kar chhung hian khawngaihna avanga chhandamna dawngtuten Pathian thu anga titute an nih dan tur kan zir ho ang. SABBATH CHAWHNU October 18 CHHIAR TUR: Jakoba 1:23, 24; Matthaia 19:16 22; Luka 6:27 38; Rom 8:2 4; 12:9 18; 2 Petera 1:4. CHANGVAWN: Thu ngaithlatute mai ni lovin zawmtute lo ni zawk rawh u, chutilochu mahni inbum in lo ni dah ang e (Jakoba 1:22). JEAN Francois Gravelot-a chu sambuang rangkachak rawng a neih avangin Blondin ropuia tia mi hriatlar a ni a. Nigara tui khawhthlaa thlun hruizen a zawhkai theih avangin a hming thang hle bawk kum September thla khan Blondin-an a hnunga mi paw chunga hruizen a zawhkai lai chu Wales lal fapa-in a va en ve a. Blondina chu lo kir lehin Britist lal fapa hnenah chuan puak kai ve a duh leh duhloh a zawt a. Lal fapa chuan Blondina sirkas thiamzia a hriat thin bakah tunah a mit ngeiin a hmu a. Nimahsela a nun chu Blondina thiamnaa innghat turin a inhlan ngam lo a ni. A awmzia chu Pathian nena inzawmna nghet tak nei turin benga hriat leh mita hmuh mai hi a tawk lo va, thinlung taka Pathian kan rin a tul a, Chanchintha thu tak leh A lo kal lehna tur thudikte chu kan ring ngei bawk tur a ni. Pathian hmangaihna leh A enkawlnate chu a takin kan hmu thin tawh ngei ang. Nimahsela chutichung chuan A hnenah kan inhlan famkim thei thin lo. Hei hi kan thiltih leh cheziaa kan lantir tur chu a ni a. Jakoban thuhretu mai ni lovin, thuzawmtu nih a pawimawh tia a sawina chhan a ni bawk. NIKHATNI Oct. 19 MAHNI HMELMA HRIA-IN (Jakoba 1:23, 24) Mi tuemaw chuan, Ka hmelma chu hmuihmul ka ziah apiangin ka hmu ziah thin, tiin a sawi a. Kan hmelma lianber chu keimahni ngei kan ni tih hi Jakoban min hriattir a duh ber chu a ni a. Chhandamna chu kan nihna dik tak hriatna atanga intan a ni. Jakoba 1:23, 24 chhiar la. Hetah hian tu chungchang nge tarlan a nih a, buaina ber chu engnge ni bawk? Mi tam takte chuan an pianhmang a lo ziaawm theih nan pawisa leh hun tam tak an seng thin a. Hetah hian keimahni kan inbum loh a pawimawh khawp mai. Jakoba chuan kan hmel awm dante chu duhlo mah ila, kan hlutnate hriatthiam a pawimawh thu min hrilh a ni. Matthaia 19:16 22 leh Matthaia 26:33 35, te chhiar la. Engtianginnge heng mi pahnihte hi an in an? Isua tawngkam an chhannaa an chetzia in ang lo tak chi hnihten engtianginnge an chanchin an tarlan? Mi hausa tlangval chuan dan thupekte chu zawm tha hle in a inngai a. Chutichung chuan thuawina dang nei tura hriattir a ni tlat mai. Chutiang chu vawi khat mah a lo suangtuah ngai loh thuawina danglam tak a ni a. Pawnlanga dan zawmna aia thuk zawk thuawina chu phut a ni (Rom 7:7). Petera pawhin he tlangval ang tho hian a nihna a ngaisual ve a. A thianten phatsan mahse a Lalpa chu a phatsan ve loh turzia leh a nunna hial pawh chan a huam thu chapo takin a sawi a. Nimahsela mi tumahin sualina mi a phuar ngheh dante an hrethiam tak tak thei lo. An thlarau dinhmun dik tak bumin an awm ve ve a. Kan hriat

18 33 34 angin Petera chu a inlamlet a, mi hausa tlangval inlamletna chu kan hre lo a ni. Mahni sualna ni lovin, midangte dik lohna zawn hmuh a awl hle a. I thinlung ngaihtuahnate thuk takin in enfiah la. Chu chuan Chhandamtu i mamawhzia engtinnge a hriattir che? Thil pakhat ti tura phut i ni emaw, dan a nih avanga loh theih lohva i zawm thin thil ngaihtuah la. Nangma thinlung taka tih i duh avanga thiltha i tihte ngaihtuah bawk ang che. I thinlunga Krista A chen avanga awlsam tak leh nuam ti taka chungthilte chu i thawh thin dan ngaihtuah la. Engtinnge heng danglamnate hian vawiin ni-a kan zirlai hrethiam tura min tanpui? THAWHTANNI Oct. 20 THU ZAWMTU NIIN (Jakoba 1:22) Jakoba 1:22 chhiar la. Greek Bible chuan thupek zawmtu ni turin min fuih a. Thupek angin ti rawh tiin Jakoba hian sawi ta ang se, a thuchah chu engtianginnge a dang lam ang? Jakoba chuan tum khat chauh thuawitu ni lovin, englaipawha thuzawmtu ni zawk turin min fuih a. Greek tawngkamte chuan kan thuawinate chu hun khat chauh tan ni lovin englaiphawhin kan zawm reng tur a ni tih min hriattir a ni. Luka 6:27 38 chhiar la. Kan thiltih tur thenkhatte chu engte nge? In hmelmate chu hmangaih ula; A diltu apiang che hnenah pe rawh u; In Pain mi a khawngaih angin mi khawngaih ve rawh u; (Luka 6:27, 30, 36) tih thu te hi tihtheih loh angin an lang lo maw? Aw, ni e. Keimahni chaknaa tih kan tum chuan kan thei ngai lovang. Hetiang hmangaihna hi suala khat mihringte thinlungah a awm mai thin lo. Chuvangin Isua chuan hemi chungchang hi kan hriatthiam theih nan thingkung chi hnih chanchin hmangin A hrilhfiah a ni (Luka 6:43 45). Galatia 5 ah Paula chuan tisa thiltihte leh thlarau rahte a tarlang a (Galatia 5:19 23). Keimahni chaknaa thiltih kan tum nasat poh leh kan chak lo zual zawk thin angin a lang a. Nimahsela Thlarau Thianghlim hruaia kan awm chuan a rahchhuah chu lo danglamin hmangaihna leh thuawina a lo awm thin a ni. H-5 THAWHLEHNI Oct. 21 ZALENNA DAN (Jakoba 1:25) Jakoba 1:25 hian dan thiltih engnge min hrilh? Jakoba chuan Sam ziaka tarlan Pathian dan famkim zia leh zalenna dan a nihziate chu a sawichhawng a (Sam 19:7; Sam 119:45). Nimahsela Jakoba ziaka tarlan dan zawmna chuan min chhandamin, mi ti thianghlim thei lo va. Tanghmasialna nei lo Pathian hmangaihna chu min hmuhtir zawk a. Krista tarlan hmangaihna nuna kan khah theih nan A thiltihtheihna kan nuna a luanluh kan mamawh a ni. Rom 8:2, 4 leh 2 Korinth 3:17, 18 te chhiar la. Eng thil berin nge dan chu thihna hmanruaa chantir thei a, zalenna leh nunna hmuhna kawnga chantir thei bawk? Paula pawhin Pathian hman mifel nih theih nan dan hretu mai ni lova dan zawmtu nih a pawimawh zawk thu a tarlang a (Rom 2:13). Paula sawi angin Thlarau Thianghlimin kan thinlunga dan thute A ziah chauhin dan zawmtu kan ni thei a. Thinlung taka dan zawmtu kan nih chauhin kan tan zalenna dan a lo ni thei a ni. Chuvangin buaina chu danah ni lovin, keimahniah a innghat zawk a. Tunge kan nih kan intheihnghilh thin a. Englaipawhin chhandamtu kan mamawh reng a. Krista tel lo chuan dan rorelna chauh kan hre thin. Nimahsela Kristaa kan awm tak zet chuan siamthar kan lo ni a (2 Korinth 5:17). Tichuan mi zalen kan lo ni ta thin a ni (Johana 8:36).

19 35 36 Kristaah chuan kan sualte ngaihdam niin nunthar kan lo nei a. Hei hi dan zawm theihna nun kan lo neihna bul chu a ni a. Nimahsela dan kan zawmnate chu chhandam nih tum vang ni lovin chhandam kan nih tawh avangin zalen takin kan zawm thei zawk a ni. Chhandam nih tum avanga theihtawpa dan zawm famkim tum angin inngaihtuah la. Engtianginnge chu chuan dan chu sala min chhawrtu anga a lantir? Engtianginnge Isua chuan dan zawm tura thu min pe tho siin, chutianga sal tanna lak atanga min zalen tir? NILAINI Oct. 22 TANGKAI NGE TANGKAI LO? (Jakoba 1:26, 27) Jakoba 1:26, 27; Matthaia 25:35, 36, 40 leh Rom 12:9 18 te khai khin la. Heng changte atang hian engtinnge Kristian dik tak awm dan i hrilhfiah ang? Isua, Jakoba leh Paulaten thupui pakhat chauh sawi dawn ta ang se, an thusawi tur chu Kristian tangkai tak nih a pawimawh thu a ni ngei ang. Heng ka unau te berte zinga mi pakhat chunga in tih chu ka chunga ti in ni (Matthaia 25:40). Isua sawi angin mi retheite chunga hmangaihna lantirin mi tangkai tak kan ni thei a. Chung mite chu an inahte tlawhin, an chungah thatna kan lantir thei a. An chunga Krista thatna chu kan hmuhtir thei a ni. Mahni hmasial lo nun aia mihring thlarau tuam hneh zawk thei eng dang mah a awm lo. Chanchin Tha sawi mawi theihna tha ber chu ringtu inngaitlawm leh thuhnuairawlh taka awm hi a ni. Chutiang nun leh thil tihtheihna chu nei tur chuan, hmalam pana pen zel a, mahni inhlanna neih a, inthununna nei chunga beih fan fanna hi a ni. Ellen G. White, The Ministry of Healing, page 470 (Tihdam Rawngbawlna, phek 466). Hmangaihnaa khat Kristian nun hi amahin a rawn awm mai ngai lo. Kristian rinawm takte nuna danglamna awm hriattheih tak chu tawngkam hman dan a ni a. Anchhe lawhna, thutiam kamna leh tawngkam bawlhhlawh takte hmang lovin tawngkam mawi leh nem tak kan hmang thin tur a ni a. Kan tawngkamtena mite a tihnat loh nan kan tawngkam hmante kan fimkhur hle tur a ni. Jakoba chuan kan hmangaihna leh enkawlna mamawhtute chu fahrahte leh hmeithaite an nih thu a sawi a. Khawvel mite ngaihdan ang chuan kan chunga thatna engmah lantir let thei lo turte chunga that chhuah chu awmzia a awm lo va. Nimahsela Pathian hmuhdanah chuan mite endawng leh hmuhsitte chunga that kan lantir hian Krista hnungzuitu dik tak kan nihzia a tarlang a ni. Min pe let thei tawh lo turte hnenah cheng kan puk tir ngai em? Chaweia min sawm let leh thei lo turte vawi engzat nge chaweia i sawm tawh thin? I chung dik lo taka titute chungah malsawmna leh tawngtaina i hlan ngai em (Luka 6:35; Luka 14:12 14; Matthaia 5:44)? Paula tarlan angin Isua Kristaah chuan thiltha titura siamthar kan ni (Ephesi 2:10). Tanpui ngaite tanpui nan i hun leh chakna engzatnge i hman thin? I chhanna chuan i rinna dik tak engnge a hrilh che? NINGANI Oct. 23 KHAWVEL ANGA AWM LOVIN (Jakoba 1:27) Khawvel bawlhhlawh kai lo in tih awmzia hi engnge ni ang (Jakoba 1:27)? Engtinnge chu chu a nih theih ang? 1 Johana 2:15, 16; 2 Petera 1:4 te chhiar la. Mi thenkhatte chuan khawvel atanga an in lak hran theih poh leh a thlemnate kiansan thei turah an inngai a. Hei hi kawng thenkhatah a dik mai thei. Thlemnate, a bik takin do hneh har kan tih berte chu kan theih ang tawkin kan kiansan tur a ni ngei mai. Nimahsela kan hriat reng tur chu kan buainate leh chaklohnate chuan kan kalna apiangah min zui zel thin