PERIODICALS

Transcription

1 1

2 Vol. XLVII No. 5 September - October, Editor : Rev. Dr. Tlanghmingthanga Ph (R) (O) Joint Editors : Prof. Lalnghak\huami : Rev. Dr. H. Lalrinthanga : Rev. Dr. L.H. Rawsea : Rev. Lalchawimawia : Rev. Malsawmzoliana : Rev. Lalenkawla Manager : Rev. V.L. Krosschhuanmawia Ph / (Kum khat lâk man: Rs. 50) A chhûnga thu awmte Phêk 1. Editorial Keimahni Thuthlung Hlui Theology lo pianchhuah dan Harhna leh Kristiante Inpumkhatna Kohhran hi Sorkar hnuaia awm a ni em? Didakhe-a thu chhuahte hi Aizawl Theological College (ATC) emaw, Editorial Board emaw ngaihdàn a ni vek lo. Published by the Didakhe Board, Aizawl Theological College, Durtlang Leitan, Aizawl Post Box - 167, PIN , Mizoram

3 Editorial: D TUN HI ENG HUN NGE NI? idakhe-ah hian thu pawimawh chi hrang hrang tihchhuah \hin a ni a, tûn \umah hian Thuthlung Hlui Theology lo pian chhuah dan, Harhna leh Kristiante inpumkhatna, Kohhran hi Sorkar hnuaia awm a ni em? tih te tihchhuah a ni a, kan hlawkpui ngei ka beisei. Mihring mizia hriat theihna \ha ber chu hun chungchanga a ngaihdan a\angin a ni an ti \hin. Hun chungchanga i ngaihdan min hrilh la, tichuan eng ang mi ze pu nge i nih tih leh eng nge i ngaihtuah tih ka hrilh thei ang che tiin an sawi bawk \hin. Bible-ah hian hun sawina \awngkam pahnih kronos leh kairos kan hmu a, kronos awmzia chu a indawt a thil thleng zel, sana hmanga teh theih, ni inher chhuak, indawt zela lo thleng \hin hi a ni a, kairos chu indawt leh dawt lo awm chuang lo, a zia a thua danglam sawina a ni. Entir nan, Nipui lai hi kairos a ni a, a zia chu lum a ni. Chutiang bawkin Thlasik pawh kairos a ni a, a zia chu vawt a ni. A hun lai kawh bik neia sawina a ni. Han sawi zau deuh ila, naupan lai hun, tleirawl lai hun, vanglai hun, upat hun tih te hian hun bik nei thu an sawi a ni. Heng hun bik neiah hian hun dang leh ze dang nei a inrawlh theih loh, he hun hi vawikhat chauh thleng \hin a ni a, a thleng nawn ngai lo. Marka 11:13-ah Thei pui rah hun a ni lo reng a tih ang kha a ni, a rah hun loh laia a zia chu rah loh a ni a, a hun a nih loh miau avangin a rah hmuh tur a awm lo a ni. Thuhriltu 3:1-8-ah hian engkim tan hun ruat a nih thu kan hmu a, hemi hun ruat bik chhungah lo hi chuan a ruatsakate tan engmah a tih theih loh.chu hun ruat bik hlu tak chu hriatthiama man thiam a \ul a ni.kan tana hun ruat chu eng hun nge ni? Kan ram tan TUN HI ENG HUN NGE NI tih ngaihtuah a, man thiam a \ul hle mai. Hun remchang kan neih chhun hi kan hman thiam lo a, kan bawhpelh palh a nih vaih chuan chatuanin kan nei leh tawh lo ang. Tuna kan hun neih mek hi kan hmang nawn leh tawh dawn loh avangin Duhthlanna Dik leh Thutlukna dik kan siam a \ul a ni. 3

4 4 KEIMAHNI 1. Senate of Serampore College Regional Seminar hmang: July 25-27, 2018 chhung khan Shillongah Senate of Serampore College Regional Seminar buatsaihah ATC a\angin Prof. T. Vanlaltlani leh Prof Lalnghak\huami te an tel. 2. Rev. Prof. K. Lallawmzuala Finland-ah a kal: July 30- August 3, 2018 khan Society of Biblical Literature & European Association of Biblical Studies International Meeting hmangin a zin a, paper a present bawk. 3. Zosap Missionary Pu Roberts-a vui liam ani: August ni 1, 2018, India sannaa zing dar 6:30 khan cancer natna avangin Pu Roberts (Rev. Dr. Alwyn Roberts) chu Wales-a a chennah a boral a, August ni 13, 2018, India sannaa dar 5:30 khan a lawina Kohhran Berea Newydd Capel, Bangor, Wales-ah a pualin Thanks Giving Service neih a ni a, he mi hnu hian thlanmual lamah vuiliam a ni. Mizoram Prebyterian Kohhran pawhin he mi ni vek hian Mission Veng Prebyterian Kohhran Biak Inah tlai dar 3:00 khan Pu Roberts-a sunna hun an hmang bawk. 4. Independence Day ATC-ah hman a ni: August ni 15, 2018 khan Independence Day vawi 72-na ATC-ah lawmin Dr. Lalnunthara, Commissioner for People with Disabiities (PWD) Government of Mizoram chu Chief Guest-ah sawm a ni. 5. Rev. Prof. Vanlalnghaka Ralte chu lecture pein a zin: August 15-18, 2018 chhung khan Serampore college SATHRI Department buatsaih D.Th. Colloquium-ah lecture a pe a, medical check-up a nei nghal bawk. 6. Rev. Prof C. Lalhlira Consultation hmangin a zin: August 20-24, 2018 khan Serampore College kum zahnih tlin lawmna leh Senate of Serampore kum za tlin lawmna kal zelah International Consultation Kolkata-ah neih a ni a, hetah hian a kal a. An thupui chu Education for Transformation: Challenges and

5 Keimahni 5 Prospects for Formation and Reformation tih a ni. A ni thumna hi Serampore College-ah neih a ni. 7. Rev. Lalchawimawia chu Speaker-ah a \ang: August ni 25-26, 2018 khan Leitan Pastor Bial Mashihi Sangati Meet, Leitan Kohhrana neihah Speaker-ah a \ang a, August ni 27, 2018 khan K P Project, Lily Veng Kohhranah thu a sawi bawk. 8. Rev. Prof. Lawmsanga Social Front Programme-in a kal: August ni 26, 2018 Pathian ni hmangin N.E. Khawdungseiah Synod Social Front Programme-in a kal a, thu leh hla a tla \ha hle. 9. Rev. Dr. H. Vanlalruata Synod tirhin Sihphirah a kal: August ni 26, 2018 Pathian ni hmangin Sihphir Bialah Synod Social Front Programme-in a kal a, chhun leh zanah Kohhran thurin leh zirtirna pawimawh te a sawi. 10. Rev. Dr. H. Lalrinthanga awbawm zai a ni: August 27,2018 khan Rev. Dr. H. Lalrinthanga chu chu referral Hospital, Falkawnah a awbawm zai a ni a. A tukah damdawi in a\angin a chhuak leh nghal a, a dam leh thuai kan duhsak e. 11. Rev. R. Vanlaltluangan Aizawl Kohhranah thu a sawi: August 27-29, 2018 chhung khan Aizawl Kohhranin Evangelical Week an hmang a, speaker-ah a \ang. 12. ATC-a Doctorate Zirlai te Interview tura koh an ni: September 29, 2018 khian Serampore College-ah ATC-a Doctorate zirlai pathum - Keciziuying Siang (New Testament), Paolen Haokip (ChristianTheology) leh David Lalrina (Missiology) te chu Doctorate Degree an dawn theihna tura interview (Viva Voce) hma chhawn tura koh an ni a, tluang tak leh hlawhtlin taka an neih theih nan duhsakna kan hlan e. 13. ATC-a M.Th. Zirlai Result a chhuak: 2018 a chhuak a hetiangin:- First Class Grade A = 6, Second Class Grade B+ = 17, Second Class Grade B- = 1, an vaiin mi 24 an ni a, an pass kim vek avangin kan lawm hle a ni.

6 THUTHLUNG HLUI THEOLOGY LO PIAN CHHUAH DAN - Rev. Lalenkawla Thuhma Bible zirna huang chhunga Thuthlung Hlui theology (Old Testament Theology) zirna in\anna hi a la rei lo hle a. Kum zabi 18-na hma lamah kha chuan thurin zirna (Dogmatic Theology)-in Pathian thu zirna khawvel a luah hneh em avangin Thuthlung Hlui theology zirna hranpa bik a la awm lo va, theology zawng zawng chu Bible-a innghat niin an ngai mai a ni. Hun kal zelah Thuthlung Hlui a\anga Pathian thu zirna bik, thurin zirna laka hrang leh dânglam neih duhna a lo awm a. Mi thiamten ruahmanna leh ngaih dân chi hrang hrang an chher chhuak \an ta a ni. Thuthlung Hlui Theology chu eng nge a nih a, eng huna lo in\an leh engtiang taka \hang chho nge a nih tih te kan thlîr dawn a ni. I. Thuthlung Hlui theology chu eng nge a nih? Thuthlung Hlui theology hi sawi fiah a awlai lo hle a. A mâwl thei ang bera sawi chuan Thuthlung Hlui theology chu Biblical theology 1 huang chhunga mi, Thuthlung Hlui emaw Hebrai Bible emaw chhunga Pathian thu ril hai chhuak tura zirna tiin kan sawi thei ang. Thuthlung Hlui theology chu Pathian nihna leh he khawvela a thil tum târ lan a nih theihna atana innghahna ti pawhin a sawi theih awm e. Thuthlung Hlui theology chuan Thuthlung Hluia Pathian inpuanna chîk taka zirin bu hrang hranga Pathian chungchang te, mihring leh a nihna te, thil siam chungchang te kawng zawng neiin a chhui a ni. 2 Thuthlung Hlui mi thiam K. Jesurathnam chuan, Thuthlung Hlui theology chu Thuthlung Hluia sakhuana leh rin dân chi hrang hrang lo langte, kal hmang leh hawi zawng mumal tak neia duan chhuah hi a ni a. Thuthlung Hlui theology chu Thuthlung Hlui chhunga Pathian thuchah lo langte awmze nei taka rem khâwm hi a ni, tiin a sawi bawk. 3 6

7 Thuthlung Hlui Theology lo pianchhuah dan 7 II. Thuthlung Hlui theology pian chhuah dân leh \han zel dân Thuthlung Hlui theology tia kan sawi lo pian \anna hi kum zabi 18- na tawp lamah a ni a. A hma zawng chuan New Testament theology kan tihte nen, Biblical theology huang chhungah an awm a ni. 4 Thuthlung Hlui theology pian chhuah dân hre turin Biblical theology chungchang kan hriat chian hmasak a pawimawh a. A hun lai boruak leh dinhmun ang zela Thuhlung Hlui zirna \han chhoh dân kan târ lang ang a. Chipchiar taka luh chilh lovin a history tlangpui kan thlîr thuak thuak dawn a ni. 1. Reformation hma lam Kohhran siam \hatna (Reformation) hun hma lam a\anga a tâwp lam ( ) thleng kha chuan Thuthlung Thar theology emaw thurin zirna (Dogmatic Theology) emaw laka Thuthlung Hlui theology dânglamna 5 thlîar hran a la ni lo va. Thuthlung Hlui chu zirna dâng nena chawh pawlh vek a ni a. Reformation hun hma lamah hi chuan a bika Thuthlung Hlui zirna awm lovin thurin zirna huang chhûngah khung vek a ni Reformation hnu lam Hei hian kum zabi 17-na hnu lam a\anga kum zabi 18-na tawp lam thleng a huam a. A hranpaa Thuthlung Hlui theology thliar hran a la nih loh avangin Biblical theology chu Thuthlung Hlui theology angin an ngai mai a ni. He hun chhûnga thil pawimawh thlengte thlîr zui ila: 1) Biblical Theology leh Protestant Scholasticism 7 Biblical theology hian kohhran siam \hat hun a\ang khan zung a kai \an tawh a. A hranpa takin Biblical theology tih \awngkam hi hmang lo mah se kohhran siam \hat hna thawktute khan Biblical Theology chi a \iak theih nan lei \ha an vur tiin a sawi theih ang. 8 Siam\hatute chuan Biblical theology chu kohhran thurin, Bible-a inghat niin an ngai mai a. Reformation tawp lam a lo thlen chuan an zingah Pathian thu thiam kal filawr deuh (Scholastic Scholars) an lo chhuak a.

8 Anni chuan Bible chu Protestant thurin \anpui tura thu lakna hnâr angah an ngai a. Chik taka Bible zirna lam an ngai pawimawh lêm lo a ni. Hetih hun laia Biblical theology an hriat thiam dân hi thurina innghat Bible hrilhfiahna (dogmatic biblicism) emaw nemnghehna thuziak (proof-texting) tiin a sawi theih ang. 9 Biblical theology tih \awngkam chher chhuaktu chu Scholastic mi thiam W.J. Christmann niin a lehkhabu Teutsche Biblische Theologie (1629)-ah he \awngkam hi a hmang a. Christmann chuan, Biblical theology tih tur ber chu kohhran thurin nemnghet tura \anpui hi a ni, tiin a sawi. 10 Scholastic zuitute hian Bible-in eng nge a sawi tum tih lam aiin kohhran thurin nen a inmil em tih hi an thupui ber niin a lang a ni. 2) Biblical Theology leh German rama harhna (German Pietism): Kum zabi 17-naa German rama Pietist harhna chuan Biblical Theology hmel hmang nasa takin a thlak dânglam a. Scholastic hovin philosophy hmanga thurin ril leh khirh tak tak an khel \hin chu awmze nei lo leh thlarau nun châwm lo nia ngaiin an hnawl a. Thu mâwl tê hmanga Bible zir tura mite sawmin Bible-a kir leh (back to the Bible) tih chu an thupui ber a ni. An zinga a khaipa chu Philipp Jacob Spener ( ) a ni a, Spener-a chuan kohhran mite chu Bible hriatna kawnga \an la thar tura fuihin Bible chhiar te, fianriala Bible zir te, thusawi te, sawi hona te uar deuh deuh turin a ti a. Scholastic-ho zirtirna hnâwlin he an hmalakna hi Bible theology dik tak (True Biblical Theology) tiin a sawi bawk. 11 Hetih hun lai hian Protestant thupui ber Pathian thu chauh (Sola Scriptura) tih chu thar thawh leh a ni a. Bible behchhana theology chher duhna te lo awmin Scholastic hovin finna hmanga theology an chher leh \awngkauchheh hman te chu an paih thla a ni. 12 He hmalakna hian Biblical theology hawi zawng a thlak dânglam nasa hle a, kohhran thurin a\anga Biblical theology lâk hran duhna a lian telh telh a ni. 8

9 Thuthlung Hlui Theology lo pianchhuah dan 9 3) Biblical Theology leh finna lama harh tharna (Enlightenment) : Kum zabi 18-na lai bawr vela Europe-a finna lama harh tharna lo thleng chuan mihring finna leh hriatna nasa takin a chawi sang a. Bible zirna kawnga nghawng lian tak a neih pakhat chu hriatna/finna hmanga Bible zirna (rationalistic approach) lo awm ta hi a ni. Thlarau lam thil aiin hriatna leh finna an chawi sang a. Mihring ngaihtuahna fim chu tehna sang ber leh hriatna petu ber niin an ngai a. Chuvang chuan Bible thuneihna leh dik lo thei lo a nihna chu an hnâwl a ni. Chîk taka Bible thu zirna (Historical-critical method) a lo chhuak bawk a, hei hi Bible zirna hmanrua atana \ha bera ngaiin Bible thu Pathian thâwkkhum nia ngaih pawh chu an pawm lo bawk. Finna lama harhna chuan kohhran thurinin a phuar tlat Bible zirna phelh duhna a hring chhuak a. He hmalakna kal zelah hian Biblical theology chu kohhran thurin lak ata \hen hran a ni ta a ni. Kohhran thurin a\anga Biblical theology \hen hrang hmasa bertu chu Johann Philipp Gabler a ni a. Gabler hian G.T. Zacharia ( ) hnung zuiin kum 1787-a a thuziak On the Proper Distinction between Biblical and Dogmatic Theology and the Specific Objectives of Each-ah chuan, Biblical theology chu Bible-a thuziak hrang hrangten Pathian chungchang an sawi dân chhui a tum ber a. Kohhran thurin erawh chuan zirtirna lam a hawi a, ringtute tana rinna thu sawi fiah a tum a ni, tiin a sawi. Hemi hnu a\ang hian Biblical theology chu thurin zirna atâna innghahna anga ngaih a ni ta a. 13 Biblical theology chu ama kea ding a lo ni ta a, thurin zirna nena inrem lo leh kal dun thei lo ang hiala ngaihna te pawh a awm a ni. 3. Kum zabi 19-na Kum zabi 19-naa thil chhinchhiah tlâk tak pakhat chu Biblical theology a\anga Thuthlung Hlui theology lo piang ta hi a ni a. Thuthlung Hlui zirna hawi zawng pawh a inthlâk hret hret a ni.

10 10 1) Thuthlung Hlui Theology leh Rationalism Kum 1796 khan George Lorenz Bauer chuan Old Testament Theology tih thupui hmangin lehkhabu a chhuah a. Ani hi Old Testament Theology tih hming hmang hmasa bertu a ni a. Biblical theology a\anga Thuthlung Hlui leh Thuthlung Thar theology thliar hrang hmasa bertu a ni bawk. 14 Bauer-a chuan, Thuthlung Hluia rin dân hrang hrangte khaikhâwma, a hun lai dinhmun te thliar hrang a, an thu lakna hnârte ngun taka zir chian chu Thuthlung Hlui theology thil tum ber a ni, a ti. 15 Hetih hun laia Bible zirna \han chhoh chhan nia langte chu: a) Thuthlung Hlui leh Thuthlung Thar zirna kawnga thu leh hla, history leh \awng kalhmang chhuina chi hrang hrang a lo chhuah vang a ni thei ang. b) Thuthlung Hlui leh Thuthlung Thar dânglamna chungchang zirnaa thil thar lo chhuah zel vang a ni thei bawk. 2) Thuthlung Hlui Theology leh Hegel-a zirtirna German mi fing (philosopher) Wilhelm Friedrich Hegel-a ( ) zirtirna rin dân chhâwng thum (triadic theory) tih chuan Thuthlung Hlui theology \han zelnaah huvâng lian tak a nei a. He a zirtirna hi Hegelianism tia sawi a ni. Hegel-a zirtirnaah chuan ngaihtuahna (reflection) hi tawp mai lovin a kal zel a, chu chuan ngaih dân (idea) sakhat \ha tak pakhat a siam a, chu chu thu finfiah tur (thesis) a ni a. Chumi dawtah chiah chuan a kalh zawnga ngaih dân/khaikhinna (antithesis) a awm a. Chung ngaih dân pahnihte chu a tawpah an inpumkhat/inzawm (synthesis) ta a ni. Ngaih dân thar lo awm apiang chu finfiah ngai (thesis) a ni a, chu chu hnial kalhin a awm a (antithesis), chutiang zel chuan a kal \hin a ni. Hegela chuan chung thil zawng zawng innghahna tâwp ber chu mihring tawn hriat (experience)-ah niin a sawi bawk. Hegel-a ngaih dân zuiin Johann Karl Wilhelm Vatke ( ) chuan kum 1835 khan The Religion of the Old Testament presented according to the Canonical Books tih lehkhabu a chhuah a. Chu a lehkhabuah

11 Thuthlung Hlui Theology lo pianchhuah dan 11 chuan, Thuthlung Hlui theology chuan Thuthlung Hluia thu dik hai chhuak turin innghahna fel tak a nei tur a ni a, chu a innghahna chu Hegel-a zirtirnaah hian kan hmu a ni, tiin a sawi. Hegel-a rin dân chhâwng thum zuiin Thuthlung Hlui chu hun thumah a \hen a: a) Zawlneite hun hma (Pre-prophetic period)- rahbi hniam ber. b) Zâwlneite hun (Prophetic period)-a hma aia sang zawk. c) Zâwlneite hun hnu lam (Post-prophetic period)-a pathum zinga sang ber. Hegel-a zirtirna tuipui leh pawmtu tam tak karah mi thiam pakhat Bruno Bauer ( ) chuan sawiselin Hegel-a zirtirna hmang hian Thuthlung Hlui theology ziah theih a ni lo a lo ti ve bawk. 16 3) Thuthlung Hlui Theology leh Conservative Kum zabi 19-na laihawl a lo thlen chuan Hegel-a zirtirna dodal leh Bible zirna kawnga duh fir (conservative) mi engemaw zat an lo chhuak a. A langsâr zual deuh zingah Schultz ( ) te, Heinrich Ewald ( ) te, G.F. Oehler ( ) te an tel. Anni hian hriatna leh finna hmanga Bible hrilhfiahnate hnâwlin kohhran thurin (traditional theology) a\anga Bible zirna an thar thawh leh a. Bible chu thuneihna nei leh Pathian thâwk khum a nih thu uar takin an sawi a. 17 An zinga pakhat Oehler chuan, Thuthlung Hlui theology chu chhandamna chanchin (salvation-history) zirna a ni, a ti a. Conservative mi vek J.C.K. Hoffmann ( ) chuan Bible chu chhandamna chanchin chhui bingna (linear salvation historyheilsgeschichte) tia sawiin heti lam hawi zawnga Thuthlung Hlui theology sawifiah hmasa ber a ni a. Chhandamna chanchin (salvation history) chu Pathian mite chanchin Bible-a lo lang hi niin a ngai a ni. 18 4) Thuthlung Hlui Theology leh sakhaw chanchin zirna (History of Religion): Kum zabi 19-na tâwp lamah chuan Pathian thu zirna kawnga pawm zau (liberal) leh mihring dinhmun chawisang duhtu (humanist) an lo chhuak a. Bible chu Israel-te sakhaw

12 12 chanchin zirna ang chauhah ngaiin Pathian inpuanna (revelation) niah an ngai lo a ni. 19 Hetih hun lai hian sakhaw hrang hrang chanchin khaikhinna lam zirna (comparative study of religions) an uar thar a. Israel sakhua/rin dân chu thil dânglam teh chiam bîk ni lovin hmasang Aigupta, Babulon, Grik leh Arab sakhuate anga sakhaw pakhat ve mai a ni, an ti a ni. 20 Chutiang ngaih dân a\ang chuan Bible zirtirna kawnga thlîr dân thar history of religions (Religionsgeschichte) tih a lo piang a. A bul tumtu chu Julius Wellhausen niin kum 1878 khan Prologemena to the History of Israel tih bu a chhuah a. A lehkhabuah chuan, Thuthlung Hlui hi sakhaw pakhat chanchin ziahna bu a ni lova, sakhaw hrang hrang bâwr khâwm inzawmna a ni, a ti. Israel sakhaw chanchin zirna chu nasa takin an buaipui a, Thuthlung Hlui theology an tuipuina erawh 1. chu 11. a Dr tlahniam telh telh thung a. Israel sakhaw chanchin zirna chu Thuthlung Hlui theology thlaknaah an ngai hial a. 21 Hei hian Thuthlung Hlui theology \han chhoh zelna kawngah nghawng \ha lo tak a nei a ni. 4. Kum zabi 20-naa Thuthlung Hlui Theology harh tharna Indopui pakhatna lo thleng khan liberal-ho ngaih dân \hiatin Pathian thu lama tuihâlna nasa tak a siam a. Kohhran pawh chu Bible thutak ngaihtuah nawn turin a tur chhuak a ni. Kum 1918-a Karl Barth-an Commentary on the book of Romans a chhuah chuan Pathian thu lama harh tharna a thlen a, mi thiam tam tak a cho chhuak a. Israel sakhaw chanchin zirna piah lama Thuthlung Hlui theology din thar leh duhna lian tak a awm phah ta a ni. Thuthlung Hlui theology harh tharna tak tak tichhuaktu chu C. Steuernagel a ni a. Kum 1935-a a thuziah Old Testament Theology and Religious History of the Old Testament tihah chuan, Thuthlung Hlui theology leh Israel sakhaw chanchin zirna hi zirna hrang, mahni kea ding ve ve ni mah sela \hen hran theih loh leh inkawp tlat an ni a. Thuthlung Hlui theology hi Israel sakhaw chanchin tel lo chuan a famkim thei lo ang bawkin sakhaw chanchin zirna pawh hi Thuthlung Hlui

13 Path Thuthlung Hlui Theogy lo pianchhuah dan 13 theology tel lo chuan a kim lo a. Thuthlung Hlui theology chher tur chuan an pahniha an \an dun a ngai a ni, tiin a sawi. 22 He Thuthlung Hlui harh tharna hi a kal zel a, kum 1930 a\ang phei kha chuan Thuthlung Hlui theology tana hun rangkachak (golden age) tiin an sawi hial a, thuziak hrang hrang leh mi thiam eng emaw zat an lo chhuak a ni. 23 III. Tlangkawmna Thutlung Hlui theology lo pian chhuah dân chanchin hi a ngaihnawmin thui tak sawi tur a awm a, a kawng a chhuk chovin a bumboh a, hlawm fel chhung hian hun rei tak a awh a ni. Thuthlung Hlui theology hi a awm ngaiin a awm reng ngawt lo a, a hun tawng (context) mil zelin a \hang a, a danglam \hin tih chiang takin a hriat a. Hun lo kal zelah mi thiam zingah Thuthlung Hlui theology zir dan thuah te, a kalhmang zirna kawngah te ngaihdan leh pawm dan hrang hrang a lo chhuak a ni. Endnotes 1 Biblical Theology hi Bible pumpui (Thuthlung Hlui leh Thuthlung Thar) Pathian thu kalpui dan sawina a ni. Mizo \awnga dah chhuak kher loin Biblical Theology tiin kan hmang zui ang. 2 Werner E. Lemche, Old Testament Theology, Anchor Bible Dictionary vol. 6, edited by David Noel Freedman et al. (New York : Doubleday, 1996), K. Jesurathnam, Old Testament Theology: History, Issues and Perspectives (New Delhi: Christian World Imprints, 2016), 1. 4 Lemche, Old Testament Theology, D. Dhanaraj, A Survey of the History of the Old Testament Theology, Biblical Theology: A Reader, edited by C.I. David Joy (Tiruvalla: Christave Sahitya Samithi, 2008), Protestant Scholasticism tih hi Protestant Orthodoxy tih te, Scholastic Orthodoxy ti tea sawi a ni bawk a. Kohhran siam\hat hun tawp lama Protestant Pathian thu thiam (Protestant theologian) zinga ngaihdan leh rindan bik kalpuitute (school of thought) sawi nan hman a ni. Bible leh thurin zirtirna ven him a, siam \hat an tum a ni. John H. Hayes and Frederick

14 Pas 14 C. Prussner, Old Testament Theology: Its History & Development (Atlanta: John Knox Press, 1985), 8. 7 Lemche, Old Testament Theology, Lemche, Old Testament Theology, Lemche, Old Testament Theology, Jesurathnam, Old Testament Theology, Jesurathnam, Old Testament Theology, Dhanaraj, A Survey of the History of the Old Testament Theology, Dhanaraj, A Survey of the History of the Old Testament Theology, Dhanaraj, A Survey of the History of the Old Testament Theology, Jesurathnam, Old Testament Theology, Jesurathnam, Old Testament Theology, Dhanaraj, A Survey of the History of the Old Testament Theology, Jesurathnam, Old Testament Theology, Hayes, Old Testament Theology: Its History & Development, Lemche, Old Testament Theology, Jesurathnam, Old Testament Theology, Jesurathnam, Old Testament Theology, Dhanaraj, A Survey of the History of the Old Testament Theology, 18. Pathian leh Bible tel loin he khawvelah hian dik leh fel takin ro a rel theih loh - George Washington Bible hi a nung a ni, Ke a nei a, min um reng a, Kut a nei a, min chelh reng \hin - Martin Luther A Rawngbawlna kawnga inchhiar zau ngai lo chu a rawngbawlna a\angin bang se a \ha zawk ang - John Wesley Bible chhiar hi mahni inzirna azawnga inzirna \ha ber a ni - Alfred Tennyson

15 15 HARHNA LEH KRISTIANTE INPUMKHATNA - Rev. Dr. H. Lalrinthanga Thuhmahruai Mizote Kristian kan nih tirh a\angin Harhnain Kohhran te min tuam zui reng a. Mizoram pum huapin \um nga/ruk lai chu Harhna a lo thleng tawh a. Heng bakah pawh hian Kohhran malah chuan eng tik lai pawhin a thleng reng ang a ni a. Mizo Kristiante chanchinah Harhna hian hnuhma a ngah hle mai a, a nghawng \ha lo lam sawi tur awm bawk mah se, hun hmasa lam a\ang tawhin Harhna hian ringtu lo awm tawh sa te a tiphur chauh ni lovin, ringthar tam tak a rawn hring chhuak a, a tipumkhat bawk a ni. Harhnain Mizo Kristiante zinga harsatna a thlen sawi tur tam tak awm bawk mah se, Kristiante a tihpumkhat dan hi a buk a rit zawk ngeiin a rinawm. He paper hian a tum ber chu Mizoram a Harhna chanchin tlangpui leh Kristiante a tihpumkhat dan chhui a ni. Mizorama Harhna hrang hrang te tawi te te in kan chhui hmasa anga, chumi hnuah chung Harhna in Mizo Kristiante a tihphumkhat dan kan chhui leh dawn a ni. 1. Mizoram Harhna Mizorama Harhna a lo thlen hmasak ber 1906 a\angin Mizoram pum huapin \um ruk a lo thleng tawh a. Heng Harhna lo thleng te hi Mizo Kohhrante tan chuan a chhinchhiah tlak hle. Rev. Dr. Vanlalchhuanawma chuan Harhna chungchang a zir chiannaah chuan Harhna hian eng tik lai mahin Mizoram a chhuahsan ngai lova, a awm reng niin a sawi a. 1 He a ngaihdan hi a pawmawm hle. Mizoram pumhuap in thleng lo mahse hmun hrang hrangah Camping, Campaign, Crusade leh a dangte hmangin Harhna hi a thleng reng a ni. Kohhran a nghawng dan pawh kawng hrang hrang in sawi tur a awm a. India Hmarchhak Kohhran Chanchin zirna lam sulsutu Frederick S. Downs chuan Harhna hi Mizorama Kohhran \han chakna hmanraw pawimawh ber a nih thu a sawi a ni. 2 Heng Harhna lo thleng chanchin hi tawi te tein in thlir teh ang. Kan hriat angin Mizoram a Harhna hmasa ber chu kum 1906-ah a lo thleng a. He

16 16 Harhna lo thleng hi Khasi rama Harhna zuk chhimtute rawn puak chhuah tih loh rual a ni lo va. A tirah beidawngin lo haw mahse, Aizawl an lo luh dawnin Chaltlang a, tuna harhna lung an phunna hmunah khian, Harhna an zingah a lo thleng \an a sawi a ni a. Mizorama Harhna hmasa ber lo thlen dan hi Upa C. Sangzuala chuan lo hal nen tehkhinin heti hian a ziak a, Mairang Inkhawmpuia kalten harhna meichher an rawn chhit hawn chu, Neihbawih-ah an sawh rual \ha a, Chaltlang Bethel hmunah hian an dep kai a, ni hnih ni thum hnuah chuan chappui kang ang maiin Mission Vengah a alh ta hlup hlup mai a. Chutiang chu Mizorama Harhna hmasa lo thlen dan chu a ni, tiin. 3 Chumi hnuah chuan Harhna hi a darh zau ta zel a ni. John Hughes Morris-a chuan he mi kuma Harhna lo thleng hi Mizo te tan hun thar in \anna a nih thu a sawi a. 4 Hetih hun lai hian Mizoramah Kristian an la tlem avangin, a daih rei vak lova, darh pawh a darh zau thei vak rih lo a ni. 5 Mizorama Harhna \um khatna leh \um hnihna inkar hi a inhlat lo hle a. Harhna hmasa ber lo thlen a\anga kum sarihnaah Harhna \um hnihna chu kum 1913 khan a lo thleng leh a. Mizoram Hmar lam leh Chhiam lamah he Harhna hi sikul naupangte zingah a thleng hmasa Bible kan a. He chhiarin Harhna avang a theih hian chinah Kristian an pun phah hle. Kohhran a \hang chauh a ni lova, he Harhna hian Kohhran hruaitu tam tak a BBBIibiBi chherchhuak a ni. Harhna \um thumna chu kum 1919-ah a lo thleng leh a. He Harhna b lo thlen dan hi a mak khawp mai. Hun thu hmunah khaw inkar inhlat tak takah khaw pathum- Nisapui, Zotlang leh Thingsai-khuaah te a rualin a thleng a. Rev. Lalsawma ngaihdan chuan he Harhna \um thumna hi Mizo Kohhran Chanchinah chuan a ropui ber leh chak ber a ni. 6 He Harhna hian kum 5 zet a awh a, Mizoram dung leh vang a fang chhuak a ni. Liangkhaia chuan, He mi \um Harhna hi Harhna ropui ber a ni ngei mai, a hnathawh pawh a ropuiin a \ha a, Pathian ram a tizau em em a ni, a ti. 7 Rev. C. Vanlalhruaia pawhin he Harhna \um thumna hi Mizote Kristiana min siam zo vektu tih theih a nih thu a sawi bawk. 8

17 Harhna leh Kristiante Inpumkhatna 17 Harhna \um lina thlen hun hi ziak dan a inang lo nual a. Mizo History ziaktu Pu V. L. Siama chuan kum a thleng angin a ziak a, Zosap missionary Rev. J. M. Lloyd-a chuan kum tia a ziah laiin Rev. Saiaithanga 11 leh Rev. C. L. Hminga chuan kum a thleng angin an ziak bawk a. Hetianga kum hrang hrang lo awm hi Rev. Dr. Vanlalchhuanawma chuan Harhna hi a tir a\anga chum lo chat lova Mizoram a awm, che reng a nihzia tarlanna niin a ngai a. 13 A kuma chu eng pawh nise, hetih hun lai hian Mizoramah Harhna ropui tak a thleng tih chu kan hre thei a ni. He Harhna avang hian Kohhran pawh nasa takin a \hang a. Mizoram hmun tinah he Harhna hi a thleng a ni. Rev. C. L. Hminga chuan, mei puiin ram a kang duai duai ang maiin a darh a ni a ti. 14 He Harhna hian Kohhranah a \ha lam leh a che lamin nghawng a nei ve ve a. A \ha lamah chuan Kristian an pun phahin Kohhranin kawng hrang hrangin hma a sawn phah a. Thilpekah te, rawngbawltu chher kawngah te, Kohhran insawh nghehna chi hrang hrangah te Harhna chu Kohhranin a chhawr hle a. Chutih rualin, a \ha lo lam, duhawm lo hmuh tur tam tak a awm bawk. Tualto Kohhran tam tak a lo din phah a ni. Harhna \um lina hnuah chuan Mizoram pum huapa Harhna thawm hriat tur a awm ta rih lo va, Kohhran \henkhatah te chuan thleng reng mahse, ram pum huap Harhna chu kum 50 hnuah chauh a lo thleng leh a ni. Harhna \um ngana chu kum 1984-ah Aizawl veng pakhat Kulikawn 15 a\anga in\anin, Mizoram pumpui a fan chhuak a. He Harhna hian a daih rei lo va, kum hnih khat hnuah chuan a reh ve leh ta a ni. Kum 1984 Harhna hnuah chuan Zoram pumhuap Harhna thawm hriattur a dai ta deuh a. El-Bethel Camping tih te, Thlarau Thianghlim hriak thih tih te a lo chhuak a. A hun lai chuan an lar hle na a, an daih rei lem lo. Hun eng emaw chen rampum huap Harhna kan chan tawh loh hnuin, tun hnai teah Mizoram mai ni lo, ram pawn thleng pawh nghawng phak Harhna a lo thleng a. He Harhna hi kum 2013 khan Kelkang khuaah a lo in\an a, chuvangin Kelkang Hlimpui 2 ti pawhin a vuah theih ang a. Ram pumhuap nghawr nghing a nih avangin Harhna Parukna ti pawhin

18 18 a sawi theih bawk awm e. He Harhna hi Mizoram chhungah chauh pawh ni lovin ram pawn thlengin a darh a. A chhim tur pawhin nitin mi sang telin Kelkang khua an pan ruih ruih mai a ni. He Harhnain Kohhran a nghawng dan chu sawi tam ngai lo pawhin kan hre vek mai awm e. He Harhna hian Kohhran pawl hrang hrang sawi lovin min tuam vek mai a. Tun Harhna ang tluka Kohhran pawl hrang hrang te min hip khawmtu hi a la thleng kher awm lo ve. 2. Harhna leh Kristiante Inpumkhatna Kohhran chanchinah Harhnain Kristiante a tihpumkhat dan kan hmuh hmasak ber chu Pentikos Ni-a Harhna lo thleng kha a ni a. Thlarau Thianghlim a lo thlen hma pawh khan ringtute inpumkhat taka an khawsakho dan leh nunho dan pawh kan hmu a. Chu Penticost ni-a Harhna lo thleng chuan an inpumkhatna chu a rawn belhchhah leh zual a. Rev. Dr. Vanlalnghaka Ralte chuan, Pentikos ni-a Peter-a thusawi Zirtir Sawm leh Pakhatten an \awiawma an din pui \hap mai te kha thil ho-te anga lang mahse ringtute inpumkhatzia tarlangtu \ha tak a ni, tiin a ziak a. 16 Hetiang hian hun hmasa lam a\ang tawh khan Harhna hian Kristiante a tihpumkhat tih kan hmu a. Mizoram a Harhna lo thlengin Kristiante a tihpumkhat dan lo en zui ila Harhnain Mizo hnam inpumkhatna a siam Mizo te hi hnam inpumkhat tak an ni \hin a. Sakhaw thil leh khawtlang thil tihnaah pawh a huhova tiho dial dial \hin an ni a. Chu nunhona chu Kristian pawl hrang hrang a lo luh a\ang khan zawi zawiin a tla hniam telh telh a. Inpumkhatna leh inunauna pawh a dal telh telh a. Chutiang kar Harhna a lo thleng \hin chuan Mizoram chhung leh pawn a hnam hrang hrangte zingah inpumkhatna a rawn thlen \hin a. Harhna chuan hnam bil rilru dah \ha in, inpumkhatna a thlen a. Pu Lalhmuaka chuan Harhnain, Zoram chhung leh a chheh vela awmte chu zaikhatah a luantir. Lal Isua rinnaah chuan unau vek an nihnain a phuar hlawm a ni e, tiin a sawi. 17 Rev. Lalchhuanliana chuan Harhnain Mizo hnam a tihpumkhat dan heti hian a ziak: A tir lamah chuan mi chhia leh mi hnuaihnung lam deuhvin harhna hi an chang a. Zawi zawiin harhna chuan ram a la zau zel a, khuaa mi vantlang chinte pawh a man ta zel a ni. Tichuan, mi lian leh mi te, mi hausa

19 Harhna leh Kristiante Inpumkhatna 19 leh mi rethei inkar awm miah lovin harhna chuan mi zawng zawngah a thawk a. Chumi avang chuan harhna changtute zingah inunauna leh inpumkhatna a lo awm \ha ta em em mai a ni. Tisa lama inunauna ai mah mahin a changtute zingah chuan inhmangaihna leh inpumkhatna a awm thuk zawk emaw chu tih tur a ni. Mizo hnam pum pui min tipumkhattu hmanraw pawimawh tak a ni. 18 Tuna Harhna kal mek hian a chunga kan tarlan khi a ti chiang hle awm e. Kelkang a\anga in\an Harhna kal mek hian, Mizo hnam hrang hrang, ramchhung leh pawn a mite min hruaikhawm a. Mi lian leh mite, mi hausa leh rethei, hnam bil rilru awm miah lovin huang khatah min khung khawm hi a ropui hle a. Biakin pakhatah Pathian kan beho thei a, kan zaiho a, kan lamho thei hian Harhnain Mizo hnam min tihpumkhat theih zia a tarlang fiah hle a ni Harhnain Kristiante inngainatna leh inthlakhlelh tawnna a pe: Kum 1906-a Harhna chhim tura Khasi rama zuk kalte kha an beisei angin Harhna an chang mai lova. Khasi ram a\ang chuan beidawng takin an lo haw niin a lang. Harhna chhim a kal ve Pu Thanga chuan, Silchar kan thlen hnuah chuan kan zingah chuan inngeih lohna a lo awm ta a, inbe duh pawh awm lovin kan intauh nguk hlawm ta mai a. Aizawl kan lo thlen dawn ni thlengin kawng tluanin chutiang chuan kan lo kalho chho ta a, tiin a sawi a ni. 19 Aizawl an lo thlen dawnin Chaltlang mel 2 lungphun bulah \awng\aihona an neih a\angin an boruak a dang chauh a ni. Harhna chhima kal ve Pu Zathanga chuan, He mi April 4, 1906-a Mizo pakua Mairang khawpuia kalte tlailam \awng\aina chhangtuin chung lam ata Hmangaihna hriak rimtui a han thih tak thliah thliah hnuah meuh chuan a ngaiha inngaihna, Hmangaihnahruiin Chhim leh Hmar min suihkhawm \anna a lo ni ta a ni. 20 a ti a. An \awng\ai zawha Mission Veng lam an pan pah chuan, Khasi te, Khasi te, Vaiho te, Lusei te pumkhat kan ni, tih hla hi an sa rual ta \hap \hap mai a ni. 21 April 9, 1906-ah chuan Chhim lam a\anga kalte haw tur thlahna an hmang a, mahse he mi ni hian an inthlah thei ta lo va. A tukah lungleng

20 20 leh inthlahlel tak chungin an inthlah thei ta hram a sawi a ni. Hetia inthlahlel leh inngai taka an awm hi Rev. Liangkhaia chuan heti hian a ziak a: Rei tak ram hla taka zinhote, duh thuhmun, zawn thuhmun, rilru hmun khat pu an nih avangin an inthlahlel hle tawh mai a, an han \awng\ai rual a, an \ap ta phawng phawng mai a. Hla pakhat, Kan inhmuh, kan intawh leh hma zawng, tih hla an sa a, an tui ta em em mai a.chu mi ni chuan an in\hen ta lo va, an cham leh ta a. Nileng deuh thawin an inkhawm a, mi chu an kal khawm ta huai huai mai a ni. A tukah chuan an inthlahlel leh a, an lung a leng hle na a, an kal thei ta hram a. 22 He thu hian Harhnain Kristiante a tihpumkhat dan chu a tar lang \ha hle. Harhna hian Kristiante zingah inngainatna leh inthlakhlelhna thuk tak a pe a. Rev. Dr. H. Vanlalauva chuan, Chhim leh hmar, chhak leh thlanga mite inenhranna awm miah lo khawpin ringtute an inhmangaihin, an inngaina tlang em em bawk a. Hnam dang vaihote nen pumkhat ni hliah hliaha inhriatna te pawh an nei a, tiin a sawi Harhnain Chanchin ha Hrilh kawngah Kristiante a tipumkhat: Kum zabi 18-naa Europe khawmualpuia mission pawl hrang hrang lo ding kha Harhna rahchhuah a ni a. Harhna in mi thinlungah Chanchin ha hrilh ngaih pawimawhna a hring a, heng mission pawl hrang hrang te hian khawvel ram hrang hrangah an missionary-te an tir darh ta chum chum mai a ni. Mizoramah pawh Harhna a lo thlen a\angin mi dangte veina rilru a lo piang a. Harhna \um hnihna a\ang phei chuan la ring ve lote veina a nasa a, a huhova Pathian thu sawia zin an ching hle a ni. Mimal leh pawlho te Chanchin ha hrilin an zin chhuak \hin a. Chanchin ha hrilhna kawnga an \hahnemngaihna a hmuhin Pu Zosaphluia chuan, Mizote hian Missionary rilru an pian chhuahpui niin ka hria, a ti hial a ni. 24 Harhna \um thumna kum 1919-a a lo thlen a\ang phei kha chuan ring lo mite hnena Chachin ha hril thuai thuai \ul tihna Harhna changtuten an nei nasa a, nula leh tlangval te fangrualin an zin nasa hle a ni. A chang chuan sawmhnih sawmthum te an ni \hin. Heng khaw fanga zin kual ho hi Fangrual pawl emaw Zin rual pawl

21 Harhna leh Kristiante Inpumkhatna 21 emaw an ti. Pastor-in emaw Tirhkoh in emaw, upaten emaw a chang chuan an ho bawk \hin. Heng Fangrual te rawngbawlna hi Kristiante tipumkhattu pawimawh tak a ni a. Heng fangrualte hian ringlote Kristiana siamna kawngah an thawhhlawk \hin hle a, Rev. H. S. Luaia chuan, Vawi khat fanrual \um pawhin mi tam tak Pathian lamah an hruai \hin a ni, a ti. 25 Kohhran hote pawhin an rawngbawlna hi an ngaihhlu \hin hle a. An zinchhuah dawn leh haw dawn tein inthlahleh tak chungin Hmangaihna hrui vuanin, thinlung hmun khat puin tih hla tawp hlei thei lova sain kawtchhuahah Kohhran hoten an thlah \hin tih Rev. C. Vanlalhruaia n a sawi. Hei hian Harhna in Kristiante a tihpumkhat zia a tilang fiah hle Harhnain Kristiante inunauna a thlen Rev. Lalchhuanliana chuan heng fangrual pawl te hi an va tlawh tur khua ten hlim takin kawtchhuahah an lo hmuak \hin tih a sawi a. 27 An han inhmuh chuan hlim takin chibai an inbuk a, an inlawm em em mai a, an lam a, a tawpah a rualin an \awng\ai a, thlenin zawn reng reng ngai lovin, khawtual khan, Nang ka inah, nang ka inah, an ti a, an kai darh vek a, lawm em emin an inmikhual ta \hin niin Rev. Liangkhaia chuan a sawi. 28 Mikhual inthlen chungchangah Harhna a thlen hma chuan Pathian thu hrila zinte tan thlenin a lungngaihthlak \hin hle a ni awm e. Mahse Harhnain a tuam hnu chuan a dan a dang ta hle a. Rev. H. S. Luaia chuan, Harhnain min fan vel achinah erawh chuan thlen iobo in chu van Tian a hnehin tu thlenna tur lam hriat theih loh khawpin thlen in a tam anmen ta thung Square, a ni, Bei a ti nia. 29 Hetiang taka Kristiante inpumkhatna hi Chanchin ha hrilha hlawhtlinna chhan pawimawh tak pawh a ni reng a ni. Harhna hian Kristiante zingah inkhawmpui ngaihhlutna a siam a. Inkhawmpuiah khaw tin a\angin a tam thei ang kal an tum \hin. Lungrang inkhawmpuiah phei chuan, hmar lam a\ang te, khawchhak lam a\ang te, Nisapui khua a\angtein mikhual 800 an tel a ni. 30 Harhna ngaihsan zualna Pastor Bial leh Presbytery-ah te chuan inkhawmpuia kal an tam thei hle \hin a ni. 31 Hei hian Mizo Kristiante inunauna leh inpumkhatna a tinghet a ni.

22 Harhna thupuiin Kristiante a tipumkhat Mizorama Harhna a thlen apiangin thupui ken bik a nei ziah a. Harhna \um khatnaah chuan sual inhriatna leh sual puan hi a thu ken chu a ni a. Mi \henkhain mipui hmaah an sualna te an puang a, an in\awng\aisak \hin. Hetianga sual nih inhriatna leh mipui hriat khawpa mahni sualna leh khawlohna puan hian Kohhran mite inpumkhatzia leh inpawhtawnna \hatzia entirnaah a ngaih theih. 32 Harhna \um hnihna thupui ber chu Lal Isua lo kal hnaih tawh zia hi a ni a. He Harhna thupui hian hun rei fe chhung chu Kristiante rilru-ah hmun a chang thuk hle a ni. 33 Harhna \um thumna thupui chu Kraws thu a ni a. Hei vang hian a thu sawi leh hlasak te pawh Lal Isua tuarna lam hawi hlir a ni a. Harhna \um lina thupui ken chungchangah hian ngaihdan leh sawi dan in ang chiah lo mahse Dr. T. Vanlaltlani chuan Harhna hmasa thupui ken zawng zawng te nemnghet zel chhungin Thlarau Thianghlim thupui hi he Harhnain a ken chu a nih thu a sawi. 34 Harhna \um ngana in a uar ber chu Chanchin ha Puan Darh a ni. 35 Harhna \um rukna thu ken len ber chu Simna, Thuawihna leh Tlawmna a ni. 36 He Harhna thupui chi hrang hrang te hi Harhna a thlenna hmun a piangah an tuipui em em vek a. Hei hian Kristiante a tipumkhat hle a ni. 2.6 Harhna hrinchhuah hlain Kristiante a tipumkhat Mizorama Harhna chanchin ziaktu reng rengin an hmaih ngai hauh lo chu Harhna in a hrin chhuah hla in Kristiante a tihpumkhat dan hi a ni a. Upa Dr. R. L. Thanmawia chuan, Mizote zinga harhna thlengte khan rimawi lama Mizote zepui pathum a kai harh tel a, chungte chu khuang te, lam te leh hla thluk nem te a ni a, hengte hi Mizo Lengkhawm Zai hringtu pawimawh ta a ni, a ti. 37 Harhna \umkhatna a lo thlen phat a\angin Kristian ten hla an sa nasa a, an hlasak \hin chu sapho hla Mizo \awnga lehin a ni deuh ber a, an phuah a nih pawhin sapho tih dan an zui ber a ni. Harhna \um thumna a\ang erawh chuan Mizo hla phuahtu eng emaw zat an lo chhuak a, Mizo rilru khawih leh ril rem zawng takin an phuah a, a thluk pawh an siam nghal zel a ni. Mizo irawm chhuak hla phuahtu

23 Harhna leh Kristiante Inpumkhatna 23 hmasa te chu Patea te, Zawnghuala te, Kamlala te, Upa Zasiama te, Thanherha te, Upa Siamliana leh mi dang eng emaw zat an ni a. Kristiante chuan heng hla phuah te hi lehlin ai chuan an tuipui hle a. Rev. Saiaithanga sawi dan chuan heng hla thar te hian hun rei tak chhungin Hla bua mi a lan hle a ni. 38 He ngaihdan hi Rev. Dr. F. Hrangkhuma chuan \awmin heng hla tharte hi Biakin inkhawmnaah leh in lama mipui punkhawmnaah an sa nasa hle a, hei hian hla lehlin an sak \hin chu a luahlan hneh hle a ni a ti bawk. 39 Mizoramah hian Kohhran pawl hrang hrang kan awm a, thurin leh inkaihhruai dan hrang hrang nei te kan ni a, hengah te hian tihho theih loh kan nei nual a. Hla lamah hi chuan harsatna kan nei lo niin a lang a, eng hla pawh hi tui takin kan saho thei a ni. Hlain Mizo Kristiante a tih pumkhat dan chu hetiang hian R. L. Thanmawia chuan a sawi, Mizo Lengkhawm zai hian Kohhran pawl hrang hrang mite min tipumkhat a; kan lunglenna luan khawmna a ni. Tlang hrang hranga Zofate min \huikhawmtu a ni a, tun hnuah phei chuan chhiat ni \hat ni-a Mizo nih tinuamtu leh min ti-mizotu a ni tlat hi thil lawmawm tak a ni Harhnain mi hlate Kohhranah a hnuk hnai a, a tipumkhat Harhna hi Mizoram pumpui tuam chhuaka a thlen loh karah pawh hmun hrang hrangah chuan a thleng reng a. Camping/Campaign leh Crusade te hmangin Kohhran mal emaw Bial in emaw Harhna kan chang \hin a. Hengah hian Kohhran mitinte an leng vek a, mi lian leh mite, mi hausa leh rethei te huang khata khungkhawm kan ni hi a ropui ngawt mai. Heng Camping/Campaign leh Crusade a\ang hian Kristian hnungtawlh te, mi hlate Kohhranah hnuh hnaihin an awm \hin a. Kohhran bel tawh ngai reng reng loten, inti tatu takin Kohhranah an rawn tel a, \hahnemngai takin Kohhran thiltihna hrang hrangah phur takin an thawk \hin a. Dr. H. Vanlalauva chuan heng huna Harhna lo thleng \hin hian Kohhrana mi hlate a hnukhnaiin, mi inthlahrungte neitu rilru puttirin, mi rethei leh chanhai zawkte Kohhrana hlim taka awmtira, rawngbawlna huang chhunga hnuk luttu a ni a. Kohhran tinungtu leh Kristian te tiphumkhattu hmanraw \angkai tak a nih thu a sawi. 41

24 24 Tlangkawmna T. Nongsiej chuan Vawiin thlenga Kristian Kohhran a \han zelna chhan chu thlaraua harh tharna lo thlen \hin vang a ni, tiin Kohhran tana Harhna pawimawh zia a sawi a. 42 He thu hi Mizoram Kohhran \han zel naah pawh a dik hle a ni. Mizoramah hian hetiang hian Harhna hi lo thleng ta lo se, Kohhran hian tun dinhmun hi kan thleng phak ang em? Mizo Kristiante hi tun ai hian kan inpumkhat lo zawk angem? Chuvangin, Harhna in Mizoram Kristiante te tan a a thawh ropui zia hi ngaih hai phal chi chu a ni lo. Kohhranah Harhna a lo thlen hian, Kohhran boruak a nuam a, inkhawm te pawh kan phur a, chumai ni lovin Pathian ram thil pek thlengin hma kan sawn \hin a ni. Chuvangin Harhna hian Kohhranah hmun lairil lai a chang a tih loh theih loh a ni. Harhna lo thleng mek hian Mizoram khaw tinah rah a chhuah mek zel a. Tuna Kelkang a\ang Harhna kal zelah hian Kohhran pawl hrang kan nihna dah \ha a, Pathian kan han fakho hi a ropui em em a. Tunah hian Kohhran pawl eng emaw zat- Presbyterian, Baptist, Salvation Army, EFCI, ECM, EBC, IKK leh a dang ten he Harhna hi kan chhim tlang a. Hetiang taka Harhna in min hip khawm a, kan tiho thei a nih chuan Mizorama Kohhran pawl hrang hrang te zaikhata kan luan za na hi engin nge min dal le? Heng Harhna kan chan mek te hian Kristiante inpumkhatna kawng nasa zawkin min zawhpui zel i beisei teh ang u. Endnotes 1 Vanlalchuanawma, Christianity and Subaltern Culture Revival Movement as a Cultural Response to Westernization in Mizoram (Delhi:ISPCK, 2006), 159. Heta \ang hi chuan Vanlalchhuanawm, Revival Movement, tiin kan ziak zel tawh ang. 2 Frederick S. Downs, History of Christianity in India, vol V, part 5 (Bangalore: The Church History Association of India, 1992), C. Sangzuala, Mizoram Harhna um Khatna, in Harhna Mizoram Revival Centenary Souvenir ( ) (Aizawl: Synod Revival Committee, 2006), John Hughes Morris, The Story of Our Foreign Mission, 2 nd ed. (Aizawl: Synod Publication Board, 1990), 82.

25 Harhna leh Kristiante Inpumkhatna 25 5 Liangkhaia, Mizo Chanchin, 5 th ed. (Aizawl: L.T.L. Publications, 2002), 194. Heta \ang hi chuan Liangkhaia, Mizo Chanchin, tiin kan ziak zel tawh ang. 6 Lalsawma, Revival-the Mizo Way (Aizawl: The Author, 1994), 83. Heta \ang hi chuan Lalsawma, Revival, tiin kan ziak zel tawh ang. 7 Liangkhaia. Mizo Chanchin, C.Vanlalhruaia, Mizoram Harhna um Thumna, in Harhna Mizoram Revival Centenary Souvenir ( )(Aizawl: Synod Revival Committee, 2006), 306. Heta \ang hi chuan C. Vanlalhruaia, Mizoram Harhna \um thumna, tiin kan ziak zel tawh ang. 9 V. L. Siama, Mizo History, vol. I, reprint (Aizawl: Lengchhawn Press, 1991), J, Meirion Lloyd, History of the Churches in Mizoram (Harvest in the Hill) (Aizawl: Synod Publication Board, 1991), Saiaithanga, Mizo Kohhran Chanchin (Aizawl: The Regional Theological Literature Committee, 1969), 13, 14. Heta \ang hi chuan Saiaithanga, Mizo Kohhran Chanchin, tiin kan ziak zel tawh ang. 12 C. L. Hminga, The Life and Witness of the Churches in Mizoram (Serkawn: Literature Committee, Baptist Church of Mizoram, 1987), 161. Heta \ang hi chuan Hminga, Churches in Mizoram, tiin kan ziak zel tawh ang. 13 Vanlalchhuanawma, Revival Movement, Hminga, Churches in Mizoram, Pu Lalhrilliana chuan Kulikawn Kohhran in June 10, 1984-ah Harhtharna an dawng niin a sawi. See Lalhrilliana, 1984 Harhtharna Chan Chin (Aizawl: H. Zoramthanga, 1985), Vanlalnghaka Ralte, Penticost Harhna, in Harhna Mizoram Revival Centenary Souvenir ( ) (Aizawl: Synod Revi val Committee, 2006), Lalhmuaka, Zoram Thim Ata Engah (Aizawl: Synod Publication Board, 1998), 154. Heta \ang hi chuan Lalhmuaka, Zoram Thim Ata Engah, tiin kan ziak zel tawh ang. 18 Lalchhuanliana, Mizoram Presbyterian Kohhran Chanchin (Aizawl: The Synod Literature & Publication Board, 2007), 146. Heta \ang hi chuan Lalchhuanliana, Mizoram Presbyterian Kohhran Chanchin, tiin kan ziak zel tawh ang. 19 Thanga, Lushai Church History(Mizo Ram Kohhran Chanchin), 39. Manuscript. Archieve, Aizawl Theological College, Durtlang Leitan. 20 Zathanga, 1906 Mizoram Harhna Thlen Dan Tlangpui, 3. Manuscript. Archieve, Aizawl Theological College, Durtlang Leitan. Heta \ang hi chuan Zathanga, 1906 Mizoram Harhna, tiin kan ziak zel tawh ang. 21 Zathanga, 1906 Mizoram Harhna, 1.

26 26 22 Liangkhaia, Mizorama Harhna Thu, 2 nd ed. (Aizawl: L.T.L.Publications, 2006), 20. Heta \ang hi chuan Liangkhaia, Mizoram Harhna Thu, tiin kan ziak zel tawh ang. 23 H. Vanlalauva, Harhna leh Kohhran Inpumkhatna, in Harhna Mizoram Revival Centenary Souvenir (Aizawl: Mizoram Revival Centenary Souvenir, 2006), 677. Heta \ang hi chuan H. Vanlaluava, Harhna leh Kohhran Inpumkhatna, tiin kan ziak zel tawh ang. 24 Lalchhuanliana, Mizoram Presbyterian Kohhran Chanchin, Zoram Baptist Kohhran Chanchin, edited by H.W. Carter, revised and enlarged by H. S. Luaia, 2 nd ed. (Serkawn: The Literature Programme Committee, Baptist Church of Mizoram, 1981), 76. Heta tang hi chuan Zoram Baptist Kohhran Chanchitiin kan ziak zel tawh ang. 26 C. Vanlahruaia, Mizoram Harhna \um thumna, Lalchhuanliana, Mizoram Presbyterian Kohhran, Liangkhaia, Mizoram Harhna Thu, Zoram Baptist Kohhran Chanchin, Lalhmuaka,Zoramn Thim Ata Engah, H. Vanlaluava, Harhna leh Kohhran Inpumkhatna, H. Vanlaluava, Harhna leh Kohhran Inpumkhatna, H. Zalawma, Mizoram Harhna um Hnihna, in Harhna Mizoram Revival Centenary Souvenir (Aizawl: Mizoram Revival Centenary Souvenir, 2006), T. Vanlatlani, Mizoram Harhna um Lina, in Harhna Mizoram Revival Centenary Souvenir (Aizawl: Mizoram Revival Centenary Souvenir, 2006), V. L. Zaikima, Kum 1984 Harhna Chanchin, in Harhna Mizoram Revival Centenary Souvenir (Aizawl: Mizoram Revival Centenary Souvenir, 2006), Upa T. Lalhipliana, Kelkang Kohhran Upa in Kelkang Kohhran leh Harhna 2013 Chanchin Tlangpui, tih a ziah a a\ang a lak a ni. 37 R. L. Thanmawia, Harhnain a Hrin Hla leh a Phuahtute, in Harhna Mizoram Revival Centenary Souvenir (Aizawl: Mizoram Revival Centen ary Souvenir, 2006), 578. Heta \ang hi chuan R. L. Thanmawia, Harhnain A Hrin Hla leh a Phuahtute, tiin kan ziak zel tawh ang. 38 Saiaithanga, Mizo Kohhran Chanchin, F. Hrangkhuma, Christianity among the Mizo in Mizoram, in Christianity in India: A Search for Liberation and Identity (Delhi: ISPCK, 1988), R. L. Thanmawia, Harhnain A Hrin Hla leh a Phuahtute, H. Vanlaluava, Harhna leh Kohhran Inpumkhatna, T. Nongsiej, Revival Movement in Khasi Jaintia Hills, in Churches in Indigenous Origins in Northeast India, edited by O. L. Snaitang (Delhi: ISPCK : 2000), 21.

27 27 KOHHRAN HI SORKAR HNUAIA AWM A NI EM? (Rom 13:1-7) - Rev. Lalrokhuma Hmar Hmasang ata Kristiante buaina lian tak mai, vawiin thleng pawha ngaihdan inpersan tak chu Eng chenah nge ringtute hi ram rorelnaah inrawlh tur? tih hi a ni a, Zoram-ah inthlanpui kan hmachhawn dawn apiangin he zawhna hi a ri ring zual \hin. Kohhran hi sorkarah emaw politics-ah emaw inrawlh tur a ni em? Kohhran hian politics hi politician-te kuta hlan vek mai tur em ni ang? He zawhna hi chhan harsa tak a ni a, a hmasain engtinnge ringtuten he thu hi an lo chai tawh \hin han zir chiang hmasa ila. Kohhran Chanchin a\ang chuan thlir dan hrang hrang awm mah se, hlawm lian paliin a then theih a: 1. Kohhran chu Ram Rorelna chunga awm a ni: He ngaihdan hi Hun Laihawl leh tunhnai thlenga Catholic Kohhran pawm dan nghet tak mai a ni a. Hun Laihawl-ah chuan kohhran aia pawl insuihkhawm nghet Europe rama an awm loh avangin lal \ha hnem tak chu kohhran thuhnuaia awm an ni ber a, pope chu hotu angin an en a, ram rorelnaah kohhran an inrawlh nasa hle \hin. Office hna pawimawh tak tak kohhran hruaituten an chelh a, kohhran a lal em em a, ram hruaitute pawhin an hnial ngam lo \hin a ni. He ngaihdan hi vawiinah chuan langsar takin kalpui tawh lo mah se, vawiin thlenga Vatican city pawh mahnia ro inrel hran a nihna hian he ngaihdan lo insawhngheh tawhzia hi a tilang a ni. 2. Ram Rorelna chu Kohhran chunga awm a ni: He ngaihdan hi a chunga mi nen hian a inletling deuh thawk a, hmun thenkhatah chuan ram roreltuten kohhranah thu an nei ni mai lovin a neitu ber nihna an chang thin. Entirna langsar ber chu Church of England hi a ni awm e. British lalber chu Church of England (Anglican Church pawh an ti tho a)-ah hian dana ziak angin a hotu a ni a, an dan leh hrai pawh sorkar hriatpuina tel lo chuan an thlak

28 28 danglam thei lo \hin hial a ni. Mahse tunlai khawvelah chuan a tak takin kohhran inkaihhruainaah hian roreltute hi an inrawlh tawh lo va, a hotu ber nihna erawh chu an la vawng reng a ni. A tlukpui hnai tak chu India Hmarchhak thingtlang khuaah an khaw lalten kohhran chunga thu an nei viau thin ang hi a ni a, pastor leh rawngbawltu ruat thu-ah pawh an thu a lal ber \hin. 3. Kohhran leh Ram Rorelna Inthlunzawm loh bur: He ngaihdan chak tak mai hi Kohhran Siamthatna (Reformation) hunlaia kal fawr ho, Radical Reformers, an tihte kalpui dan a ni a. Kal filawr zingah hian a bikin Anabaptist an tih ho chuan kohhran huangchhungah chuan ram roreltute engti kawng mahin an inrawlh tur a ni lo va, ram rorelnaah pawh kohhran chu engtikawng mahin a inrawlh tur a ni bawk hek lo an ti a. A hnu deuhah phei chuan sorkar hna pawh an thawk duh lo va, sorkar nena an inzawmna zawng zawng chhut chah vek an duh a ni. America rama pemlut hmasa ho Founding Fathers an tih-te pawh khan hetiang deuh hian ngaihdan an lo kalpui a, mahse an kal fawr ve lo a ni. Founding Fathers ho hi England atanga sakhaw zalenna duh avanga pemlut an ni a, England-a roreltuten kohhran chunga thu an neih ang chu tha ti lovin, kohhran leh ram rorelna chu inthlunzawm lovin a hranpa kal tur a ni tiin ngaihdan nghet tak an siam a. Mi tu pawhin mahni duh zawng sakhua an biak emaw, kohhran an zawm emaw theihna turin an chungthu-ah ram roreltute inrawlh an rem ti lo va, kohhran pawh ram rorelnaah a inrawlh lo bawk a ni. Hei hi vawiin thlenga America-a Protestant lian ber Baptist tradition ho kalphung a la ni reng a. He dan sakhaw zalenna vawnhim tumna a\anga duan hi vawiinah erawh chuan Kristiante nek chep nan an hmang hret hret ta zawk a ni. 4. Kohhran leh Ram Rorelna thawh dun: Rom lalber Constantine-a hunlai kum zabi 4-na atang khan kohhran leh ram rorelna chu a inpawhpawlh nawk nawk tan tawh a, Hun