Baptist Church of Mizoram Kristian Chhungkaw Thuzir 2019 (May 13-18, 2019) Rev. Vanlalmuankima
|
|
- 汛 邹
- 4 years ago
- Views:
Transcription
1 Baptist Church of Mizoram Kristian Chhungkaw Thuzir 2019 (May 13-18, 2019) Rev. Vanlalmuankima
2 THUHMAHRUAI BCM Assembly 2005 atanga Kristian Chhungkaw chawlhkar hman ni se ti a a lo rel tawh chu, kumin 2019 pawh hian May chhung hian hman tur a ni a. Heta kan thuzir tur min ziak sak tur hian Rev. Vanlalmuankima chu ruat a ni a. A ni n a hun chep tak karah zir tur tha tak min buatsaih sak avangin a chungah kan lawm hle a ni. He programme leh thuzir tur hi Kohhran leh chhungkaw tin ten ngai pawimawhin, hlawk tak leh thahnemngai taka hman i tum theuh ang u. Dated Serkawn, the 29 th March, 2019 (REV. F. RAMDINMAWIA) General Secretary Baptist Church of Mizoram 2
3 Date Zirlai Thupui (Thawhtanni) Zirlai 1-na Chhungkaw hlutna Chhungkaw Tawngtai Zirlai 2-na (Thawhlehni) hlutzia Kan mamawh Kristian Sermon (Nilaini) Chhungkua Kristian Chhungkaw Zirlai 3-na (Ningani) hmelma Chhungkaw hlim I din Zirlai 4-na (Zirtawpni) ang u (Inrinni) Tawngtai Inkhawm I inah rawngbawlna bul Sermon (Pathianni Zing) tan rawh Kristian Chhungkua leh Sermon (Pathianni Zan) Thianghlimna 3
4 ZIRLAI 1 NA 4 CHHUNGKAW HLUTNA (Bible chhiar tur: Genensis 2: 18, 21-24) Tin, LALPA Pathian chuan, Mihring amah chauh va awm hi a \ha lo ve: amah \anpuitu tur a kawppui awm mi ka siamsak teh ang, a ti a...tichuan LALPA Pathian chuan Adama chu tui takin a muthilhtir a, tichuan a muhil ta a; tin, a n^k ruh pakhat a la a, chumi ai chu tisa a awh phui tir ta a. Tin, LALPA Pathian chuan Adama laka a l^k n^k ruh chu hmeichhiaah a siam a, Adama hnenah a hruai ta a. Tin, Adama chuan, Hei zet chu ka ruh ang ruh neia, ka tisa ang tisa nei ngei chu a ni; Mipa laka l^k chhuah a nih avangin, hmeichhia tih tur a ni ang a ti a. Chuvangin, mipain a nu leh a pa a kalsan ang a, a nupui a vuan ang; tichuan, tisa pumkhat an lo ni tawh ang. Ngai teh, fanaute hi LALPA laka kan rochan an ni a; Rila rah hi a lawmman min pek a ni.(sam 127:3) Bible bung hmasa berah hian chhungkaw hmasa ber lo awm \an dan kan hmu a (Genesis 1: 26-30). Bible zirtirna atang chuan chhungkua hi mihringin a din a ni satliah mai lo va, Pathian din, Pathianin duh taka a siam leh a buatsaih a lo ni. Pathianin chhungkua a buatsaihna chhan chu mihringte \hatna tur leh a thilsiamte enkawltu atan a ni (Genesis 1: 28, Genesis 2:18). Chu chhungkuaah chuan nu leh pa, fate leh an thisen zawmpuite an ch>ng ho a ni. Zirlai hmasa berah hian Chhungkua Pathianin min buatsaih dan kan zir ho dawn a ni. 1. Chhungkaw member tin hi Pathian thilpek kan ni: Pathianin mihring Adama a siam a. Pathian thilsiam dangte chuan kawppui an nei \heuh a, Adama erawh chuan kawppui a nei
5 ve lo a. Pathianin Adama tan a nupui tur thilpek Evi a pe ta a, chhungkaw bul \anna chu Pathian thilpek an lo ni ta a ni. Sam 127:3-ah chuan, Fanaute hi Lalpa laka kan rochan an ni a; rila rah hi a lawmman min pek a ni, a ti a. Khawvela rochan kan dawn thinte chu sum leh pai, in leh lo, bungrua te an ni thin a. Pathianin rochan min pek erawh chu chhungkuaa fanaute hi an ni a. Tin, Pathianin nu leh pate hnena lawmman min pekte an ni bawk. Chuvangin chhungkaw member tinte hi Pathian thilpek kan ni a, Pathian thilpek a nih avangin a petu Pathian leh a dawngtute tan hian kan hlu >m >m a ni. 2. Chhungkua hi Kohhran hmasa ber kan ni: Kohhran hi Biak in ni mai lovin, ringtu awmkhawm kan ni. Thuthlung Thar kohhran hi chhungkua atangin a in\an a. Isua khan inah a zirtir a, kohhran hmasaho kha inah an inkhawm a, nu leh pate chu an fate Lalpa duh anga kaihruai turin hrilh kan ni a (Eph 6:4). Chhungkua hi kohhran hmasa ber kan lo ni a. Chhungkaw kohhranah chuan nu leh pa chu Pastor angin an thawk a, Sunday School zirtirtu an ni bawk a. Chhungkua chuan Pathian chibai kan b<k ho a, fate chuan Pathian chibai b<k dan te, \awng\ai dan te, Pathian fak dante an zir \anna hmun a ni. 3. Chhungkua chu Pathian hmangaihnain a hual vel tur a ni: Pathian thu chuan pasal chuan a nupui hmangaih tur leh nupui chu a pasalin a hmangaihna avang chuan a hnena intulut turin a ti a; pasalin a nupui a hmangaihna chhan tur leh nupui, a pasal hnena a intukluhna chhan tur chu Pathian hmangaihna vang a ni tur a ni (Eph 5:22-29). Fate pawhin Pathian hmangaihna avangin nu leh pa thu kan awih tur a ni a, nu leh pa pawhin kan fate enkawlna chu Pathian hmangaihna hnuaiah chuan kan enkawl tur a ni (Ephesi 6:1-4). 5
6 Pathian duh dan ang taka nu leh pa, fate an awm chuan chhungkuaah chuan Pathian hmangaihna a lo lang chhuak a, Pathian hmangaihna hual vel kara chhungkua lo awm chu a hluin a nuam >m >m a ni. Chhungkua Pathianin min pek hlutzia hi i hre thar ila, min petu Pathian duh dan ang ngeiin chhungkua din i tum ang u. ********* 6
7 ZIRLAI 2 NA CHHUNGKAW AWNG AI HLUTZIA (Bible chhiar tur: Deuteronomy 6:5-9) Thuhmahruai: Chhungkaw \awng\ai hi Lalpa tana maicham kan buatsaihna hun a ni a, a hlu hle a ni. Bible-ah hian Pathian tana Maicham din chung chang hmun tam takah kan hmu a, Leviticus 6:8-13 ah chuan Maichama mei chu nung reng tur a nih thu vawi thum lai a sawi a ni. Chhungkaw maicham hi Nova te, Abrahama te, Isaka leh Jakoba te pawh khan an lo din tawh thin a; Joba chuan a fate ni tin a thian a, zing tinin Pathian hnenah halral inthawina a hlan sak thin (Joba 1:5). Chhungkaw maicham din chu kan chhungkua leh Pathian inkara inzawmna min siam saktu a nih avangin a pawimawh >m >m a ni. Pathian hian kan chhungkua \heuh hi \ha taka enkawl turin min duh thin a, nu leh pate chuan an fate Pathian duh dana enkawl turin min zirtir a ni. Deuteronomy 6:6-9 ah hetiang hian a sawi a, Tin, heng thu, vawiina ka p>k che u hi in thinlungah a ch^m reng ang a; in fate \hahnemngai takin in zirtir ang a, in ina in \hut lai te, kawnga in kal lai te, in mut lai te, in thawh hun tein in sawi thin thur a ni, a ti a. Ephesi 6:4-ah chuan, Tin, nangni pate u, in fate tithinur suh ula, Lalpa thununnaah leh zilhnaah chuan enkawl zawk rawh u, a ti a ni. 1. Chhungkaw \awng\ai neih a harsa: Tunlai khawvelah hian chhungkaw \awng\ai neih hi thil awlai lo tak mai a ni a, tunlai hmasawnna avang hian chhung tin kan buai >m >m a, kan ni tin nuna bet phone, TV leh computer te hian nasa takin min tibuai bawk thin a ni. Mahse, chhungkaw \awng\ai \ha taka neih hi Kristian chhungkaw tan leh kan ram 7
8 tana thil pawimawh leh hlu >m >m mai a nih avangin chhungkaw \awng\aina mumal taka neih hi kan tih ngei tur chu a ni si a ni. 2. Chhungkuaa Pathian biak \angkainate: 1) Pathian nena inpawlna a ni: Pathianin mihring min siam chhan bul ber chu amah nena inpawlna neih hi a ni a (Genesis 1:26, Mika 6:8). Chhungkuaa Pathian pawlna kan neih hian Pathianin min siam chhan chu tihhlawhtlinin a lo awm thin a ni. 2) Pathian duh zawng kan inkawhhmuhna a ni: Chhungkua hi Kohhran hmasa ber a nih avangin Chhungkaw \awng\aina hi Pathian duh zawng kan inkawhhmuhna hmun pawimawh tak a ni. 3) Chhungkaw inthunnunna siamtu a ni: Chhungkaw \awng\aina hun mumal taka neih \hin hi chhungkaw inthununna fel tak min siam saktu a ni a. Hmun hrang hranga chhungkaw member awm darh hnuah pawh he hun hian min vawng reng thin a, kan fate zel pawhin inhrang an chan hnu pawhin vawn nun zel an duh thin. 4) Pathian chibai b<k dan kan zir hona a ni: Chhungkaw \awng\ainaah chuan Pathian thute chhiarin, hla te kan sa a, kan \awng\ai a; heng zawng zawng hi Pathian biak dan kan zirna a ni tel a, chhungkaw \awng\aina mumal tak nei thin chhungkua a mite chu mi dangte zinga an awm huna \awng\ai, Bible chhiar a ngaih chang pawhin \ha takin an ti thei \hin. 8 5) Naupangte Krista hnena kan hruaina a ni: Kan fate thlarau nun hi KNP zirtirtute, Sunday School zirtirtute
9 kutah kan dah ngawt tur a ni lo va, \hahnemngai taka zirtir tura tih kan nih angin chhungkaw \awng\aina hi naupangte Krista hnena kan hruaina kawng pawimawh tak a ni. 6) Chhungkua min phuar khawm thin: Chhungkaw \awng\aina chuan chhungkua hi tisa leh thlarau-ah min phuar khawm thin a. Chhungkaw \awng\ai hunah chuan khawlaia l>ngte pawhin haw an duh a, tin thlarau lamah pawh min phuarkhawm bawk thin a ni. 7) Chhungkaw hlim min siam saktu a ni: Chhungkaw tinin kan duhthusam \heuh chu chhungkaw hlim neih hi a ni ngei ang. Chhungkaw hlimna min pe theitu chu Pathian chauh a nih avangin chhungkuaa Pathian chibai b<k hi chhungkaw hlimna bul chu a ni. 8) Krista Chanchin ha hril zel tura inbuatsaihna a ni: Chhungkaw \awng\aia Missionary tan te, Pathian rawngbawltute tana kan \awng\ai \hinna hian Chanchin ha hril zel turin chhungkua min lo buatsaih a, kan hriat loh hlanin chhungkaw mimal tinah hna a thawk thin a ni. 3. Chhungkaw \awng\ai neih dan \ha: Chhungkua a zirin Chhungkaw \awng\ai neih dan \ha hi a inang lo thei ang a, hengte hi a tlangpuiin kan ngaihtuahna hruaitu atan lo zir ho ila. 1) Pathian be tur kan nih avangin pawlawh taka ti lovin, puithu taka buatsaih tum a \ha. 2) Kan chhungkaw remchan dan ang berin a hun ruat bik neih a \ha. 3) Chhungkaw member tinten a inchhawk a hman theih ni se. 9
10 4) Inhauh nan leh ngaihmawh zawng sawi vakna atan hman loh tur. 5) Chhungkaw dinhmun a zira hun hman thiam a pawimawh; chhungkaw memberte tana huphurhawm khawpa hun hman \hin hi a \ha ber lo thei ang. 6) Naupangin thuvawn sawi te, a theih chuan hla sak hote hi thil \ha tak a ni. 7) awng\ai thupui fel taka siam a, kan chhungte hmun hranga awm te, kan rawngbawl puite tana \awng\ai hun siam thlapte hi thil duhawm tak a ni. 4. Chhungkaw \awng\aina neih i tum \heuh ang u: Ni tinin Pathianin darkar 24 min pe ziah a. Darkar 24 a\anga minute vel chhungkuaa Pathian biak nana hun hman hi chu thil tihawm tak mai a ni. Kan hun tam tak hi thil \ul lo leh \angkai lo-ah kan hmang tam hle thin a. Chhungkaw \awng\aina neih hi chhungkaw tan a hlut >m avangin neih i tum \heuh teh ang u. ********* 10
11 ZIRLAI 3 NA KRISTIAN CHHUNGKAW HMELMA (Bible chhiar tur: Malakia 3: 15-16) Thuhmahruai: Chhungkaw hmasa ber Adamate chhungkua chuan hmelma an nei nghal a, Setana chuan Pathianin a din chhungkua chu tihchhiat a tum a ni. Vawiin thlengin Kristian chhungkaw hmelma lian ber chu Setana hi a la ni reng a. Pathian chuan chhungkaw hlim min din sak a duh a; Setana chuan chhungkaw hrehawm taka siam a tum thung a. Pathian chuan amah nena inpawl thin chhungkua din a tum a; Setana chuan Pathian nena in mihran chhungkua din turin \an a la thung a. Pathian chuan hmangaihnaa inphuarkhawm chhungkua din a tum laiin Setana chuan chhungkaw kehchhia dinsak min tum thung a ni. Pathian duh dan ang ni lo chhungkua Setanan min dinsak a tumnaah hian hmanraw hrang hrang a hmang thin a. Tunlai khawvela Kristian chhungkaw hmelma lian deuh deuhte kan zir ho dawn a ni. 1. Ruihhlo: Ruihhlo kan tih hian zu leh drugs hi kan rilru a lian ber a ni thei ang. Zu leh drugs avangin kan fate, kan \halaite an thi phawk phawk mai a. Jeremia 9:21-ah chuan heti hian kan hmu a, Kan tukverhah te thihna l^wn l<tin, kan lal inah te a l<t tawh si a; p^wn a\angin naupang tibo tur leh, khawlai ata tlangval tibo turin, tiin. Vawiina kan ramin ruihhlo avanga harsatna kan tawh hi mimal leh chhungkaw mal harsatna a ni tawh lo va; mi tin, chhungkaw tin, kohhran leh khawtlang, ramin harsatna a tawk a ni. Ruihhlo hi vawiina kan rama Kristian chhungkaw hmelma lian ber a ni a tih theih awm e. Kum 2018-a Mizoram Assembly \hut khawma Home Ministerin drugs chungchanga report a p>kah chuan kum 34 chhung 11
12 12 (1984) atangin drugs avangin mi 1460 an thi tawh a, chung zinga 163 chu hmeichhia an ni. A report pek kum chhung hian drugs vangin mi 65 an thi a, chung zingah chuan hmeichhia 12 an tel a. Heng thi zinga 28 te hi Heroin overdose vang an ni¹. Heng hi sawrkarin official-a a chhinchhiah theih chauhte an ni a, heng bakah hian chhinchhiah loh mi tam tak an awm ngei ang. Drugs avangin chhungkaw tam tak an r<m a, kan hmangaih tak takte kir leh tawh loh turin thlanmualah an liam zawih zawih mai a ni. Zu chungchanga MLPC Study group-in kum 2018-a Aizawl chhung chauh a zir chianna atanga a thil hmuh chhuah \henkhat chu hetiang hi a ni²: 1) Zu ruih vanga hnathawh theih loh avanga sum hloh zat : Nuai 948 2) Zu kaihhnawih chetsualna avanga damloten hna an thawh theih loh vanga an hloh zat : Nuai ) Thih hun hmaa thi te avanga hlohna : Nuai 25,729 4) Zu avanga tawhsual tawk enkawlna senso : Nuai 409 5) Zu avanga damlo enkawlna senso : Nuai ) Zu laka khawtlang vawn him nana police-te senso : Nuai 363 7) T^ng enkawlna s>nso : Nuai 120 8) Zu avanga mangangten Women s helpline an biak zat : Call 406
13 9) Zu avanga mangangten Women s helpline an biak atanga case awm te : 74 (Women s Helpline-in hmeichhe ral\i-te hnen atanga call a dawn zawng zawng zatve hmawk chu zu avanga manganna thleng kaihhnaw ih a ni.) 10) Zu in mi 61% in an chhungkuaah zu vangin innghirnghona a thleng an ti. Zu leh drugs bawiha t^ng tawhte tan hian chhuah a harsat tawh em avangin, kan fate lo \hanglian mek hi Pathian thu nen theih tawp chhuaha chhungkaw tinin kan inv>n hi a ngai tawh takzet a ni. Zu hi pa tam tak, an \hat lai hun TKP ah \ha taka lo hmang tawhte pawh hian an upat lamah, an hnain a zir loh avang te, nun thlahdah avang tea in a, nghet taka zu bawiha t^ng ta hi mi tam tak an awm a, zu in lo tura kan nun kan invawn a \ul >m >m a ni. 2. Mipat hmeichhiatna suala tl<k: Kristian chhungkaw hmelma lian tak dang leh chu mipat hmeichhiatna suala tl<k luh hi a ni. Pathianin Israelte lal atana a thlan Davida meuh pawh kha he suala a tl<k luh avangin nasa tak maiin a chhungkuain a tuar a, inthahna hial leh inrem lohna lian tak maiin a tibuai a ni. Kan ramah hian uire na sual avanga chhungkaw keh chhe ta leh chumi avanga fate enkawltu mumal awm lo, ruihhlo ngai ta mi tam tak an awm a. KS tam takte hi chhungkaw kehchhia avanga lo KS ta an ni. Mipat hmeichhiatna suala tluk luh hi Setana hmanraw \ha ber a ni a, Kristian \ha tak tak pawh a thl>m thlu a, chhung tin kan fimkhur a ngai >m >m a ni. 13
14 3. Sum leh pai <mna: Khawvel hmasawn z>l hian mamawh min ngah tir tawlh tawlh a. Mihring nun hian duh^m chin tawk a nei bawk lo a ni. Anania leh a nupui Saphiri thihna a <m l<ttu chu sum leh paia duh^mna hi a ni a (Tirkohte 5:1-11). Vawiina mi tam tak ruihhlo bawiha an luhna chhan te, uirena leh inngaihna suala an tluk luhna chhan te hi sum leh pai kan <mna leh kan duh^m lutuk vang a ni. Kristian chhungkaw tinte hian duh^m chin t^wk i nei thiam ang u. Khawvelin a sawi thin chu, Ka duh, ka mamawh tih a ni a, Lalpa neitute erawh chuan, Ka tlachham lo (Sam 23:1) an ti thin a ni. Thu laknate: 1. The Telegraph, March 23, Lunglen.com July 24, 2018 ********* 14
15 THUZIR 4 NA CHHUNGKAW HLIM I DIN ANG U (Bible Chhiar tur: Sam 128) Thuhmahhruai: Pathianin chhungkaw tin min duhsakna chu, Chhungkaw hlim leh chhungkaw nuam min din sak hi a ni (Sam 133, Sam 128). Chhungkaw hlim kan tih hian ka rilruah sap hovin Home Sweet Home an tih hi a lo lang thin. Kan in nawmna chu a in nalh leh mawina lam ni lovin, a chh<nga ch>ngte hlimna leh l^wmna leh inhmangaih tlannaah hian a innghat tlat a ni. Eng vangin nge kan zina, mi in nuam taka kan awm theih a, ei leh in pawh a tui \ha \ha, kan buai pui pawh ngai miah lo a kan ei theih lai a, kan in leh lo nuam lo zawkah pawh haw thuai thuai kan thlakhlelh thin? A chhan chu kan in leh lo-ah chuan, kan hmangaihte an ch>ng a, kan hmangaihte nena hlim taka ch>nho thuai thuai kan chak thin vang a ni. Tunlai khawvelah hian an in leh lo thlahlel r>ng r>ng tawh lo, mi chuang nia inhria, chhungkaw hlimna tawng r>ng r>ng tawh lo mi tam tak kan awm ta. Pathianin min duhsakna erawh chu a la pangngai reng a, chhungkaw hlim tak, chhungkaw nuam tak min siamsak hi Pathian rilru chu a ni reng a ni. Engtin nge chhungkaw hlim chu kan din ang le? 1. Hmangaihnain: Chhungkaw hlimawm tak min siam saktu chu hmangaihnain min phuar khawmna hi a ni. Pa berin a nupui fanaute a hmangaih a, a hmangaihna avanga an tan thil \ha tinreng thawhsak tura a inp>kna te; chumi chh^n l>tna tura nuin a pasal leh a fate laka a hmangaihna hm>l a tih lanna leh a hmangaihna avanga a inp>kna zawng zawng te. Chu hmangaihnain a hual v>l kara naupangte thlamuang tak leh hlim tak maia an han awm dial dial maite hi Chhungkaw hlim (Home Sweet home) chu a lo 15
16 ni. Chu hmangaihnain a phuar vel chu Pathian hmangaihna atangin a lo p^r chhuak thei thin a ni. Kristian chhungkua nih hi a va lo hlu em! 2. Pawimawhna neih ve: Chhungkaw hlim min siamtu, kan zin pawha haw thuai thuai kan ch^kna chhan chu, chu kan inah chuan mi pawimawh tak mai ka nih vang a ni. Mi tin mai hian nuam kan tih berna hmun chu ngaih pawimawh kan hlawhna hmun zel hi a lo ni. Pa ber chuan kan inah chuan pa ber ka nih angin pawimawhna hrang hrang ka nei a, ka tel lo chuan kan inchhung khawsak inrelbawlna a buai vek a. Nu ber chuan nu ka nihna angin kan inchhungah chuan pawimawhna tam tak ka nei a, ka awm loh chuan inchhung chu a ruak a, ka pasal leh ka fate an tlei lo. Fa chuan fa ka nihna angin pawimawhna lian tak mai ka nei a, keimahah ka nu leh pate mit a fu a, ka l>n rei deuhte hian min ngaihtuah a, ka tel lo chuan ka nu leh pate, ka unaute nun a kim lo a ni. Chu pawimawh nihna kan neih \heuhna chuan kan chhungkua chu min ngaih tir a, chutiang chhungkuaah chuan kan hlim a, nuam ka lo ti thin a ni. Hetiang inchhung dinhmun hi Bible pawhin heti hian a sawi a: Ngai teh, Unaute inngeih dial diala awm khawm hi a va \hain, a va nuam em! (Sam 133:1) Hetiang inchhunga ch>ngte hian nuam an tiin an hlim a, an infak tawn a, A fate chu an tho va, (an nu chu) Engthawli an ti a, a pasal pawhin a fak a (Thufingte 31:28) Hetiang taka Chhungkaw Hlimawm hi Krista nen chuan a din theih a, din i tum ang u. 16 *********
38
Total No. of Printed Pages 7 HS/XII/A/MIZ/14 2 0 1 4 MIZO ( ELECTIVE ) Full Marks : 100 Time : 3 hours The figures in the margin indicate full marks for the questions General Instructions : Write all the
More information30
Total No. of Printed Pages 8 HS/XII/A. Sc. Com/Mz/14 2 0 1 4 MIZO ( Modern Indian Language ) Full Marks : 100 Time : 3 hours The figures in the margin indicate full marks for the questions General Instructions
More informationNoah and the Great Flood Mizo
Naupang te tana Pathian Lehkhabu Thianghlim I hnen rawn thlentu Nova leh tui lêt ropui chu Ziaktu: Edward Hughes Milem nena sawifiahtu: Byron Unger; Lazarus A hmeh leh remchang zawnga lettu: M. Maillot;
More information15
Total No. of Printed Pages 7 HS/XII/A/MIZ/13 2 0 1 3 MIZO ( ELECTIVE ) Full Marks : 100 Time : 3 hours The figures in the margin indicate full marks for the questions General Instructions : Write all the
More informationGods Promise to Abraham Mizo PDA
Naupang te tana Pathian Lehkhabu Thianghlim I hnen rawn thlentu Pathian Intiamkamna Abraham Hnenah Ziaktu: Edward Hughes Milem nena sawifiahtu: Byron Unger; Lazarus A hmeh leh remchang zawnga lettu: M.
More informationQuestionnaire to VCs
MIZORAM FINANCE COMMISSION MIZORAM: AIZAWL VILLAGE COUNCIL/COURT TE HNENA ZAWHNA (QUESTIONNAIRE TO VILLAGE COUNCILS) A hnuaia zawhna te hi ngun taka ngaituah chunga chhiar chhuah hnu ah, dik tak leh uluk
More informationThe Start of Mans Sadness Mizo
Naupang te tana Pathian Lehkhabu Thianghlim I hnen rawn thlentu Mihring lungngaihna intanna chu Ziaktu: Edward Hughes Milem nena sawifiahtu: Byron Unger; Lazarus A hmeh leh remchang zawnga lettu: M. Maillot;
More information( 3rd Semester ) MIZO ( Modern Indian Language ) Full Marks : 75 Time : 3 hours ( PART : B DESCRIPTIVE ) ( Marks : 50 ) The questions are of e
2 0 1 5 ( 3rd Semester ) MIZO ( Modern Indian Language ) Full Marks : 75 Time : 3 hours ( PART : B DESCRIPTIVE ) ( Marks : 50 ) The questions are of equal value Answer all questions 1. A chepakaia chhuiin
More information7
Total No. of Printed Pages 7 HS/XII/A. Sc. Com/Mz/13 2 0 1 3 MIZO ( Modern Indian Language ) Full Marks : 100 Time : 3 hours The figures in the margin indicate full marks for the questions General Instructions
More informationW & L _Burmese_6x8.2
RIN BIAL LEM LEH RIN NGIL LEM KRAWS KALTLANGA ZALENNA KAWNG Ziaktu Charles R. Solomon KRAWS KALTLANGA ZALENNA KAWNG He lehkha i chhiar hian buaina khur-ah i lut pawh a ni mai thei. Pathian `anpuina dawng
More informationBCM Ni Pawimawh Programme KUMTHAR NI January 1, 2019 Pathian hruainain kum 2019 kan lo chuang kai leh ta. Kohhran member zawng zawng Worship
BCM Ni Pawimawh Programme - 2019 1 KUMTHAR NI January 1, 2019 Pathian hruainain kum 2019 kan lo chuang kai leh ta. Kohhran member zawng zawng Worship & Music Departmentin chibai a buk a che u. Hun kal
More informationUntitled-1
January 2016 t AGAPE t 1 January 2016 t AGAPE t 2 January 2016 t AGAPE t 3 Editorial LALPA TAN Pathian hruainain kum 2016 kan chuang kai leh ta, min hruai thlengtu Lalpa chu fakin awm rawh se. Mi tam tak
More informationTKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura
TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura fuih leh kaihhruai. 4. Pathian ram zau nana inhman
More informationMicrosoft Word - CPF 2011 MIzo.doc
ASSIGNMENT for July 2011 Session CERTIFICATE IN POULTRY FARMING (MIZO) School of Agriculture Indira Gandhi National Open University New Delhi - 110068 1 INLAMA CHHAN (ASSIGNMENT) TUR THEHLUH HUNTAWP NI
More informationTKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura
TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura fuih leh kaihhruai. 4. Pathian ram zau nana inhman
More informationUntitled-1
June 2015 t AGAPE t 1 June 2015 t AGAPE t 2 June 2015 t AGAPE t 3 Editorial MI DANGTE CHAWIMAWI Mi fak leh chawimawina dawn duh lo kan awm lo va. ha taka khawsa ho tur chuan mite \hatna leh an felna te,
More informationApril 2018 AGAPE 1
April 2018 AGAPE 1 April 2018 AGAPE 2 April 2018 AGAPE 3 Ringtute tana hun hlu leh pawimawh tak pakhat chu Lal Isua Thawhleh Ni (Easter Sunday) hi a ni. Lal Isua thawhlehna hi Minung a nihzia leh engkimtithei
More informationNAUP
1 Kum 21-na July 2015 Bu 250-na Editor Upa C. Lalbiaktluanga Managing Editors Rev. K. Lalpiangthara Zohmingliana Joint Editors Upa Bonny Lalrindika Upa Liansailova Lalremmawia Circulation Manager Lalfakzuala
More informationWhen God Made Everything Mizo CB6
Naupang te tana Pathian Lehkhabu Thianghlim I hnen rawn thlentu Pathian in engkim a siam laiin Ziaktu: Edward Hughes Milem nena sawifiahtu: Byron Unger; Lazarus Thawnthu 60 zinga 1na www.m1914.org Letlingtu:
More information1 July August, 2016
1 Vol. XLV No. 4. July - August, 2016 2 Editor : Rev. Dr. Tlanghmingthanga Ph. 2361694 (R) 2361663 (O) Joint Editors : Rev. Dr. K. Lallawmzuala : Dr. Lalrindiki Ralte : Rev.Vanlalrawna : Rev. Laldintluanga
More information13
Total No. of Printed Pages 8 X/18/Mz 2 0 1 8 MIZO ( INDIAN LANGUAGE ) ( CANDIDATES WITH INTERNAL ASSESSMENT ) Full Marks : 80 Pass Marks : 24 ( CANDIDATES WITHOUT INTERNAL ASSESSMENT ) Full Marks : 100
More informationTKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura
TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura fuih leh kaihhruai. 4. Pathian ram zau nana inhman
More informationUntitled-1
June 2014 t AGAPE t 1 June 2014 t AGAPE t 2 June 2014 t AGAPE t 3 Editorial Kohhran Hmeichhe Rorel Inkhawm vawi 7-na Durtlang Biak ina neih chuan Kohhran Hmeichhiate Project lian tak Women Center sakna
More informationUntitled-2
August, 2014 1 August, 2014 2 August, 2014 3 Nghehna nun Rei lo te emaw kan tih chhungin kum chanve kan lo hmang zo leh ta reng mai! Pathian min hruainaah lawm thu i sawi ang u. Kum tirah member thar kan
More informationMarch
March 2018 1 March 2018 2 March 2018 3 Kristian halai Pawl chanchinbu thla tin chhuak 1970-a chhuah \an Kum 41-naa vawi 3-na Chhuah tawh zat : 472 Editor : Lalchhuanliana Joint Editors : Lalhnehzova Lalfamkimi
More informationTKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura
TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura fuih leh kaihhruai. 4. Pathian ram zau nana inhman
More informationUntitled-1
March 2016 t AGAPE t 1 March 2016 t AGAPE t 2 March 2016 t AGAPE t 3 Editorial PATHIAN THIL THLAN...Pathianin khawvel thil âte chu a thlang zawk a, mi fingte chu a tihmualpho theihna turin; tin, Pathianin
More informationPERIODICAL
November 2012 t AGAPE t 1 November 2012 t AGAPE t 2 November 2012 t AGAPE t 3 Editorial Mizo Upaten hun leh tuilianin tu mah a nghak lo an lo tih angin kum 2012 pawh a lo kal thui leh ta hle mai. Hun harsa
More informationDID
1 Vol. XLV No. 3. 2 Editor : Rev. Dr. Tlanghmingthanga Ph. 2361694 (R) 2361663 (O) Joint Editors : Rev. Dr. K. Lallawmzuala Rev. Vanlalrova Khiangte : Rev. Vanlalrawna : Rev. Laldintluanga : Ms. Rosy Zoramthangi
More informationJustification by Faith_Mizo_Master
TIHTHIANGHLIMNA KRISTAA NUNNA Lyle W. Lange Rev. Dr. Lal Sawi Thanga A CHHUNGA THUTE Sanctification: Alive in Christ by Lyle W. Lange, a volume from the People's Bible Teachings series copyright 2002 Northwestern
More informationPERIODICALS - JU
July, 2017 1 July, 2017 2 July, 2017 3 Kristian halai Pawl chanchinbu thla tin chhuak 1970-a chhuah \an Kum 47-naa vawi 7-na Chhuah tawh zat : 464 Editor : Lalchhuanliana Joint Editors : Lalhnehzova Lalfamkimi
More informationUntitled-1
November 2014 t AGAPE t 1 November 2014 t AGAPE t 2 November 2014 t AGAPE t 3 Editorial Ram \henkhatah chuan hmeichhiate dinhmun chu a duhawm ve tawh viau laiin ram \henkhatah erawh chuan a la hniam hle
More informationBaptist Women world Day of Prayer program 2019 in Mizo language (Khawvel pumpui Baptist hmeichhe inzawmkhawm pawl tawngtaihona a kan hriattur-te Mizo
Baptist Women world Day of Prayer program 2019 in Mizo language (Khawvel pumpui Baptist hmeichhe inzawmkhawm pawl tawngtaihona a kan hriattur-te Mizo tawngin). Khawvel pumpui Baptist hmeichhe inzawmkhawm
More informationTKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura
TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura fuih leh kaihhruai. 4. Pathian ram zau nana inhman
More informationNOVEMBER
1 Kum 22-na November 2016 Bu 266-na Editor Upa C. Lalbiaktluanga Managing Editor Rev. Dr. C. Chawnghmingliana Joint Editors Lalremmawia Upa B. Lalhmunliana John Lalhruaitluanga Upa Dr. C. Vanlalhruaia
More informationSAMPLE QUESTION PAPER 2019 EXAM MIZO SUBJECT (098) CLASS X Time allowed : 3 Hours Marks : 80 Section A (Reading Comprehension) 1. A hnuaia thu hi ngun
SAMPLE QUESTION PAPER 2019 EXAM MIZO SUBJECT (098) CLASS X Time allowed : 3 Hours Marks : 80 Section A (Reading Comprehension) 1. A hnuaia thu hi ngun takin chhiar la, zawhnate hi chhang ang che. Damdawi
More informationMARTIN LUTHERA LEH A RINNA
MARTIN LUTHERA LEH A RINNA MARTIN LUTHERA LEH A RINNA Adolph Fehlauer Lemziaktu: Steven D. McLeod Rev. Dr. Lal Sawi Thanga Bung Thupui A CHHUNGA THUTE Thuhmahruai i Phek 1. Luthera len lai hun 1 German
More informationPERIODICAL
April 2019 t AGAPE t 1 April 2019 t AGAPE t 2 April 2019 t AGAPE t 3 Nghakhlel taka kan lo thlir, Mizoram Presbyterian Kohhran Hmeichhe Inkhawmpui Lian vawi 48-na chu Pathian hruainain tluang tak leh hlim
More informationA lo ni zawk maw.pmd
- 1 - Characters : Tlangval, bialpa : Nula, bialnu : nau : Nu : Pa Ziaktu : B.Lalnuntluangi leh a nau an lo lang a, chuan thleng a lo sil mawlh mawlh a,a nau pawh chuan hmun a lo phiat fai a, an nu ber
More informationDECEMBER
1 Kum 25-na December 2018 Bu 291-na Editor Upa C. Lalbiaktluanga Managing Editor Rev. Dr. C. Chawnghmingliana Joint Editors Lalremmawia Upa B. Lalhmunliana John Lalhruaitluanga Upa Dr. C. Vanlalhruaia
More informationHualngo
Sabbath School Lesson [Gmid kbmom yh kes dyfol OD;zkef;Ed kif (11283) uif;apmif hyh kes dyfwd kuf 206 a&topömvrf;? &efuif;ûrdue,f &efukefûrdu xkwfa0ol OD;apmrJr&DxGef; (04495) OuúX owåraeytoif;awmfomoemtzg
More informationUntitled-3
February, 2015 1 KRISTIAN THALAI FEBRUARY, 2015 A chhunga thu awmte : 1. Editorial 2 2. Boruak mai hnek lovin 3 3. Thuchah hnuhnung 8 4. Dubai 2014 SACYN Conference 12 5. Hna chungchanga thil pawimawh
More informationPERIODICALS - JU
July 2018 1 July 2018 2 July 2018 3 Kristian halai Pawl chanchinbu thla tin chhuak 1970-a chhuah \an Kum 41-naa vawi 7-na Chhuah tawh zat : 477 Editor : Robert Lalduhzuala Joint Editors: C. Malsawmtluanga
More informationESTD. JULY 1931 Postal Regd. No. MR NE- 1063/ I din leh ang u Nehemia 2:17 REGD. NO. RN 37326/81 VOLUME 80 NO. 1 January 2011 Sipai Tlangau Jan
ESTD. JULY 1931 Postal Regd. No. MR NE- 1063/2009-11 I din leh ang u Nehemia 2:17 REGD. NO. RN 37326/81 VOLUME 80 NO. 1 January 2011 Sipai Tlangau January 2011 1 THE SALVATION ARMY WILLIAM BOOTH - Founder
More informationSAMPLE QUESTION PAPER 2020 EXAM SUBJECT : MIZO (098) CLASS : X Section A (Reading & Comprehension) 1. A hnuaia thu hi ngun takin chhiar la, zawhnate h
SAMPLE QUESTION PAPER 2020 EXAM SUBJECT : MIZO (098) CLASS : X Section A (Reading & Comprehension) 1. A hnuaia thu hi ngun takin chhiar la, zawhnate hi chhang ang che. Kan pi pute hun lai khan khaw kang
More informationPERIODICAL
1 Kum 22-na May 2016 Bu 260-na 2 Editor Upa C. Lalbiaktluanga Managing Editor Rev. Dr. C. Chawnghmingliana Joint Editors Lalremmawia Upa B. Lalhmunliana John Lalhruaitluanga Upa Dr. C. Vanlalhruaia Circulation
More informationTKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura
TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura fuih leh kaihhruai. 4. Pathian ram zau nana inhman
More informationEdit tur Finale programme
AIZAWL AREA MUSIC COMMITTEE 1. Rev. Dr. K. Lalrinthanga - Chairman & E.S Aizawl 2. Upa P.C. Lalmalsawma - Secretary (Republic Bial) 3. Rbt. H. Lalhmingthanga - Treasurer (Mission Vengthlang Bial) 4. Upa
More informationTKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura
TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura fuih leh kaihhruai. 4. Pathian ram zau nana inhman
More informationUntitled-1
January, 2014 1 January, 2014 2 January, 2014 3 KUMTHAR CHIBAI Pathian hruaina in kumthar kan lo chuangkai leh ta, hunthar, nithar, kan la hman ngai reng reng loh hmangin bul kan \an leh dawn a ni a, ngaihtuahna
More informationPERIODICAL
1 Vol. XLV No. 2. 2 Editor : Rev. Dr. Tlanghmingthanga Ph. 2361694 (R) 2361663 (O) Joint Editors : Rev. Dr. K. Lallawmzuala Rev. Vanlalrova Khiangte : Rev. Vanlalrawna : Rev. Laldintluanga : Ms. Rosy Zoramthangi
More informationPERIODICALS
1 Vol. XLVII No. 5 September - October, 2018 2 Editor : Rev. Dr. Tlanghmingthanga Ph. 2361685 (R) 2361134 (O) Joint Editors : Prof. Lalnghak\huami : Rev. Dr. H. Lalrinthanga : Rev. Dr. L.H. Rawsea : Rev.
More information1 March April, 2018
1 2 Vol. XLVII No. 2 March- April, 2018 Editor : Rev. Dr. Tlanghmingthanga Ph. 2361685 (R) 2361134 (O) Joint Editors : Rev. Dr. K. Lallawmzuala : Rev. Laldintluanga : Rev. Lalfakawma Ralte : Rev. Malsawmzoliana
More informationPERIODICAL
Kum XXVIII DEC 2012 Bu 329-na Ramthar Association Chanchinbu Thla tin Chhuak Editorial Board 2011-12 Editor : Upa Zoramthanga Ph. 9436362385(M) Joint Editors : Upa R. Lalmalsawma 9436154179(M) Upa Lalhriata
More informationEXECUTIVE SUMMARY 1. India hmarchhak ram North East Region (NER) hi Himalaya hmar lam tlang bulthut ah state 7 Assam, Manipur, Meghalaya, Mizoram, Nag
EXECUTIVE SUMMARY 1. India hmarchhak ram North East Region (NER) hi Himalaya hmar lam tlang bulthut ah state 7 Assam, Manipur, Meghalaya, Mizoram, Nagaland, Arunachal Pradesh leh Tripura te an awm a ni.
More informationMicrosoft Word - 4th session.doc
138 S P E A K E R : Fing taka awmtir che in i kalna tur kawng chu ka entir ang chia, ka mita en reng chung che in rem ka ruat sak zel ang che. (Sam 32:8) Zawhna hun kan la leh ang a, zawhna No.31 na zawt
More informationMotto: 1. Hunawl hman \hat. 2. Kristian nundan \ha ngaihsan 3. Zofate hmasawnna ngaihtuah. KUMPUAN R
http://ymaaw.weebly.com Email: cwbymaaw@gmail.com Motto: 1. Hunawl hman \hat. 2. Kristian nundan \ha ngaihsan 3. Zofate hmasawnna ngaihtuah. KUMPUAN Ram leh Hnam humhalh YMA CHU ANPUI NGAITE ANPUITU A
More informationA Man Sent From God Hakha PDA
Hngakchia caah Bible Achuahtu Pathian thla mi pa Attial tu: Edward Hughes Hrilhfiang tu: Byron Unger; Lazarus A hmangtu: E. Frischbutter; Sarah S. Alettu: Hre Ling Achhuah tu: Bible for Children www.m1914.org
More informationHeaven Gods Beautiful Home Mizo
Naupang te tana Pathian Lehkhabu Thianghlim I hnen rawn thlentu Van, Pathian in mawitak mai chu Ziaktu: Edward Hughes Milem nena sawifiahtu: Lazarus A hmeh leh remchang zawnga lettu: Sarah S. Letlingtu:
More informationThe Start of Mans Sadness Hakha
Hngakchia caah Bible Achuahtu Minung ngaihchiat hram aa thoknak Attial tu: Edward hughes Hrilhfiang tu: Byron Unger; Lazarus A hmangtu: M. Maillot; Tammy S. Alettu: Hre Ling Achhuah tu: Bible for Children
More information板橋查某
... 4... 4... 5... 7... 9... 13... 15... 18... 23... 25... 27... 30... 31... 37... 39... 41... 45... 49... 51... 53... 55... 57... 59... 61... 63... 65... 67... 69 2 ( )... 73... 77... 81... 83... 85...
More information國立中山大學學位論文典藏.PDF
1 2 3 4 1 200 2 3 4 5 6 1950 6 I....1..1..1.2..3..4..5..6..6 8.8...9.14.23 28.28.32.38.47 56 II.56.68.68.70..91. 91.95.98 103 113..113 113.130..171 171 179 182 197 201..204.. 204 286 2000 195 2001 11-13
More informationC.C.C. Heep Woh College English Department S.1 English Oral Exam (2nd Term) Exam Date: 16/6/2015 Exam Time: 8:30-11:30a.m. Exam Room: 402, 4
RM A 402 Reporting Time Class No Name 9:45am 10:00am 8:30-8:45-9:15-10:00-10:15-10:30-10:45-11:00am 11:00-11:15am 1A 1 CHAN HEI YU HEYWOOD 1A 2 CHAN HOI NGAI 1A 3 CHAN ON YI CANDY 1A 4 CHAN TSZ CHING 1A
More informationC.C.C. Heep Woh College English Department S.1 English Oral Exam (1st Term) Exam Date: 9/1/2015(TUE) Exam Time: 8:30 11:30a.m. Exam Room: 40
RM A 402 Reporting Time Class No Name 8:15am 8:30am 8:50am 9:05am 9:40am 9:55am 10:15am 10:30am 1A 1 CHAN HEI YU HEYWOOD 8:30 8:45am 1A 2 CHAN HOI NGAI 1A 3 CHAN ON YI CANDY 1A 4 CHAN TSZ CHING 1A 5 CHAN
More informationC.C.C. Heep Woh College English Department S.3 English Oral Exam (Final Term) Exam Date: 08/06/2017 Exam Time: 8:30 p.m. - 12:30 p.m.(4hrs)
Room: 205 (Room A) RM A 205 10:55am 11:35am Cand Class No Name 3D 2 CHAN LAP HIM A 3E 32 YIP SUET YI 1 B 3C 20 LI YUK TIN C 3C 11 HUNG MAN HIN A 3E 1 CHAN HEI YEUNG 2 B 3B 8 CHEUNG POK WING C 3C 12 KWAN
More informationNoah and the Great Flood Hakha CB
Hngakchia caah Bible Achuahtu Noah le Buanchukcho kong Attial tu: Edward Hughes Hrilhfiang tu: Byron Unger; Lazarus A hmangtu: M. Maillot; Tammy S. Alettu: Hre Ling Achhuah tu: Bible for Children www.m1914.org
More information<C3C0B5A7A5CDAAE16C6162656C20A657B3E666696E616C2E786C73>
1A 2 CHEUNG PUI SHAN 張 佩 珊 面 具 設 計 1A 6 KWAN HO YI 關 可 宜 可 愛 的 動 物 1A 11 YAU YU TING 邱 于 婷 可 愛 的 動 物 1A 11 YAU YU TING 邱 于 婷 面 具 設 計 1A 21 SZETO FU CHUN 司 徒 富 俊 可 愛 的 動 物 1A 22 WONG MAN KIT 黃 文 傑 可 愛 的
More informationCSK Athletics Meet Field Results 08:30 B Grade Long Jump SD1: 4.10m SD2: 5.10m R: 6.04m Final No. Class Name Distance Position 16 4D 13 Leun
08:30 B Grade Long Jump SD1: 4.10m SD2: 5.10m R: 6.04m 16 4D 13 Leung Brandon 5.33 1 SD2 15 4D 08 Hui Ka Chun 4.92 2 1 2A 10 Chiu Ka Lung 4.61 3 8 3B 29 Yam Ho Yin 4.59 4 4 2C 14 Fu Juen Kit 4.55 5 7 3B
More informationF.3 Chinese Oral Exam Schedule.xls
F.3 CHINESE GROUP ORAL EXAMINATION SCHEDULE DATE: 20th June, 2011. PREPARATION ROOM : 404 WAITING ROOM : 415 REPORT TIME GROUP NO. ROOM 3A 1 AU TSZ HO 8:30 A 1 402 3B 12 TO LOK HIM 8:30 A 2 402 3B 17 AU
More informationCSK Athletics Meet Day 1 Results B Grade Long Jump SD1: 4.10m SD2: 5.10m R: 6.04m Final No. Class Name Distance Position 1 2C17 Lee Yiu Chun
B Grade Long Jump SD1: 4.10m SD2: 5.10m R: 6.04m 1 2C17 Lee Yiu Chung 2 2C12 Lau Tsz Hei 3 2C31 Wu Chi Lung 4 3A05 Ho Long Tung 5 3A17 Leung Chun Lok 6 3A14 Lau Chun Siu 7 3E29 Shum Tak Leong 8 3E03 Chan
More information2. 7 3. 2 (669 6600 2 9 4. 6 8 10 5. 6. 19 30 15 23 (1662 50-100 2 42
1 一 閩 南 語 及 閩 南 族 群 的 形 成 4-1 1. 4-1 1 41 2. 7 3. 2 (669 6600 2 9 4. 6 8 10 5. 6. 19 30 15 23 (1662 50-100 2 42 43 4-1 ( b ( a ( ( ( ( ( ( [ ] ( ( ( ( ( ( ( ( ( ( ( ( ( ( ( ( ( ( ( ( ( ( ( ( ( ( ( ( (
More informationCSK Athletics Meet Day 2 Track Results Event No. 1 A Grade 400 m Hurdles SD1: 1'25" SD2: 1'06.5" R: 1'00.09" Final Lane Class Name Time Posi
Event No. A Grade 00 m Hurdles SD: '" SD: '0." R: '00.09" B 9 Tsui Leslie C Lo Leung Chu E So Pak Hin C 0 Lam Jeffrey Yuk Yang D Kwok Sheung Lam E Mok Ho Kit E 0 Yeung Hoi Ho E Lai Ho Tin Event No. Staff
More information2008年海洋及沙灘分齡賽.xls
01 1 TSANG KUI SHUN 2 HUI WAI HUNG 3 AU WING LONG 4 KWAN HO YIN 5 TO KWAI PONG 6 AU HO HIN 7 LAW HO KEI 8 NG HINKEY 9 KWOK KWAN HO 10 LAM CHI LEONG BRUCE 11 AU LONG HIN 02 1 LAU TSZ WING JOWENA 2 CHEUNG
More informationMicrosoft Word - Chord_chart_-_Song_of_Spiritual_Warfare_CN.docx
4:12 : ( ) D G/D Shang di de dao shi huo po de D G/D A/D Shi you gong xiao de D G/D Shang di de dao shi huo po de D D7 Shi you gong xiao de G A/G Bi yi qie liang ren de jian geng kuai F#m Bm Shen zhi hun
More informationS5 SBA Elective Grouping xls
Part B (Electives) SBA Grouping List 0-0 5A Individual Presentation: Report at Room CHENG KA MAN NG PUI YING PANG HIU LAM 7 CHOI SIU HEI CHENG KA MAN Social Issues (GI)- June (Day ) 8:0 AM LAM CHI KAN
More informationC.C.C. Heep Woh College English Language First Examination S.5 Non-print non-fiction/ Social Issues Class: 5A Exam Date: 23rd January 2014 E
0-0 English Language First ination Class: A Date: rd January 0 Room: Room 0 A Leong Ka Yau A 8 Ng Tsz Yan A Yeung Wing Yan A Yim Pui Man A 9 Fung Kit Hing A Ho Sum Yi A Li Ming Wai A Lin Hiu Lam A Cheuk
More informationjiàn shí
jiàn shí hào x n càn w i huàng ji zhèn yù yàng chèn yù bì yuàn ji ng cóng (11) qiàn xué 1 yì bì èi zhé mó yù ù chái sè bá píng sh chài y l guàn ch n shì qí fú luè yáo d n zèn x yì yù jù zhèn
More information<4D6963726F736F667420576F7264202D20ABC8BB79A4CEABC8AE61A4E5BEC73939A6A8AA47B3F8A769AED12E646F63>
行 政 院 客 家 委 員 會 輔 助 大 學 校 院 發 展 客 家 學 術 機 構 99 年 度 補 助 辦 理 開 設 深 化 客 家 語 言 及 文 化 通 識 課 程 計 畫 子 計 畫 一 客 語 及 客 家 文 學 成 果 報 告 書 校 內 計 畫 編 號 :98-R&D(A)-025 計 畫 執 行 期 間 :99 年 03 月 01 日 至 99 年 11 月 30 日 計 畫
More informationOuts1516.doc
1 st IN FORM 1 1 A 1 B 1 C 1 D 1 E ENGLISH LIU WING TIN ANGEL YEUNG JOY QIU WILLIAM TANG KING LONG CHAN CHING TUNG YIU KING FUNG CHINESE LIU WING TIN ANGEL MA HO SUM LO YAN YI HUI LAP YAN LAU SO YAN MATHEMATICS
More informationi n i ho n n n n n ng
A i i i i i i i i n i ho n n n n n ng o o o o o o o b B b b p b b b b b b b p b b b b b b i b i b b i b b i b i b i b bn bn bn bn bn bn bn b bn bn bn bn bn bn bng bng bng b pn bng bng bng pn bng bo bo
More informationCSK Athletics Meet Day 1 Field Results B Grade Long Jump SD1: 4.10m SD2: 4.70m R: 6.04m Final No. Class Name Distance Position 4 3A 29 Yau L
B Grade Long Jump SD1: 4.10m SD2: 4.70m R: 6.04m 4 3A 29 Yau Lok Hei Marco 5.38 1 SD2 5 3B 07 Choi Yat Lam 4.94 2 SD2 28 4C 28 Yip Tsz Chun 4.78 3 SD2 26 4B 29 Yun Tin Yau 4.73 4 SD2 19 4A 12 Lee Ho Kiu
More informationMicrosoft Word - Chord_chart_-_The_Word_of_God_in_Song CN.docx
100:1-5 D A D 1 Pu tian xia dang xiang ye he hua huan hu G Em A 2 Ni men dang le yi shi feng ye he hua D G Dang lai xiang ta ge chang Em G A 3 Ni men dang xiao de ye he hua shi shen D G Em A Wo men shi
More informationLate-comers are NOT allowed to take the exam. Group 1: Reporting Time in SAR: 14:55 6A 21 CHEUNG HIU KWAN F 6B 32 TAM SHUK CHUN F 6C 2 CHIM HO WANG M
Late-comers are NOT allowed to take the exam. Group 1: Reporting Time in SAR: 14:55 6A 21 CHEUNG HIU KWAN F 6B 32 TAM SHUK CHUN F 6C 2 CHIM HO WANG M 6D 3 CHEN KA WANG M Group 2: Reporting Time in SAR:
More information第-期統測成績優異同學名單
Subject prizes for the best students in each class SUBJECT POSITION A B C D CHI LAU HIU CHING CHAN NOK YIN, LOUIS LO YU CHUN CHEUNG KWAN KIU YEUNG CHEUK LAM, LENNOX 2 --- WOO CHEUK YIN, CHLOE --- TANG
More informationTai Po Sam Yuk Secondary School Timetable Class: 1T Room: 205 Form Teacher: Ngai Ka Yee, Chung Sun On Period Time Day 1 Day 2 Day 3 Day 4 Da
Class: 1T Room: 205 Form Teacher: Ngai Ka Yee, 1 :30 9:00 Morning Reading Morning Reading Class Teacher Morning Reading Morning Reading OLE Period Period 9:10 English Language P.E. Chinese History Chinese
More information因 味 V 取 性 又 鸟 U 且 最 大 罗 海 惜 梅 理 春 并 贵 K a t h l ee n S c h w e r d t n er M f l e z S e b a s t i a n C A Fe rs e T 民 伊 ' 国 漳 尤 地 视 峰 州 至 周 期 甚 主 第 应
国 ' 东 极 也 直 前 增 东 道 台 商 才 R od e ric h P t ak 略 论 时 期 国 与 东 南 亚 的 窝 贸 易 * 冯 立 军 已 劳 痢 内 容 提 要 国 与 东 南 亚 的 窝 贸 易 始 于 元 代 代 大 规 模 开 展 的 功 效 被 广 为 颂 扬 了 国 国 内 市 场 窝 的 匮 乏 窝 补 虚 损 代 上 流 社 会 群 体 趋 之 若 鹜 食 窝
More informationHONG KONG OPEN WINDSURFING CHAMPIONSHIPS 2011 ORGANIZED BY WINDSURFING ASSOCIATION OF HONG KONG SUBVENTED BY LEISURE & CULTURAL SERVICES DEPARTMENT &
HONG KONG OPEN WINDURING HAMPIONHIP 211 ORGANIZED BY WINDURING AIATION O HONG KONG UBVENTED BY LEIURE & ULTURAL ERVIE DEPARTMENT & HOME AAIR BUREAU (ART & RT DEVELOPMENT UND) Int'l Raceboard 7.8 Men AIL
More information: ) khgit 31 ai 33 ni 33 khum 31 sa 33 sa 55!! ( ) gai 33 phgo 31 ai 33 pg 33 log 33 n 55 ga 31 n 31 gai 33 ( ) ai 33 1 gi 33 khai 31 ai 33 mau 31 mui
1998 4,,,,,,, ai 33 a 31 na 55,,,, ai 33 : ai 33 1 1. ai 33 1 :, : 4 : ) khgit 31 ai 33 ni 33 khum 31 sa 33 sa 55!! ( ) gai 33 phgo 31 ai 33 pg 33 log 33 n 55 ga 31 n 31 gai 33 ( ) ai 33 1 gi 33 khai 31
More informationAcademic Awards for First Term First in Form Second in Form Third in Form Secondary One 1C Khaw Chin Pok 1D Tse Hiu Tung 1C Wu Sze Ting Second
Academic Awards for 2015-16 First Term First in Form Second in Form Third in Form Secondary One 1C Khaw Chin Pok 1D Tse Hiu Tung 1C Wu Sze Ting Secondary Two 2D Ng Ka Yan 2D Yuen Wing Yee 2D Tseng Kam
More informationNU CING KHAW DON KUM (84) Suah kum : Sih ni : ( 3:45 am) Vui ni : SIHVUI HUN GEL NA Chairman : Upa Ngin Suan Lian Spea
NU CING KHAW DON KUM (84) Suah kum : 21.8.1927 Sih ni : 20.11.2011 ( 3:45 am) Vui ni : 21.11.2011 SIHVUI HUN GEL NA Chairman : Upa Ngin Suan Lian Speaker : Rev. Than Za Cin (ZBCM, AGS 1) Biaksapna LST
More information( ) - 2 [ 50 1 TSANG TSZ CHING LI LOK YI SZETO MEI KI LAM SIN CHING FAN TSZ CHING LAM P
1 [ 50 1 CHAN CHING FUNG 01:04.22 2 CHOI WING KIT 01:10.99 3 LEE HO MAN 01:13.40 4 SIT KWOK LUN 01:17.28 5 LAM LOK 3A 01:17.34 6 LAM CHIU HANG BERWICK 01:25.36 YEUN HO FUNG FUNG KA CHUNG 叶 HIP HON LEUNG
More information1011_classlist_S3_web.xls
S3 Joy 1 CHAN Yi Lam F 2 CHAU Joshua M 3 CHENG Hei Nok Samuel M 4 CHENG Yee Lok M 5 CHEONG Hau Wang Howard M 6 CHEUNG Ka Yiu Natalie F 7 CHEUNG Wing Lam F 8 CHING Tsz Lok M 9 CHOI Fong Ching F 10 CHU Tsz
More information<4D6963726F736F667420576F7264202D203130342DADBBB4E4A447A67EA8EEBEC7A468AF5ABFFDA8FAA657B3E62E646F63>
海 外 聯 合 招 生 委 員 會 公 告 發 文 日 期 : 中 華 民 國 104 年 5 月 22 日 發 文 字 號 : 海 聯 試 字 第 1040000337C 號 主 旨 : 公 告 香 港 學 生 申 請 來 臺 升 讀 104 學 年 度 二 年 制 學 士 班 錄 取 名 單 依 據 : 一 香 港 澳 門 居 民 來 臺 就 學 辦 法 第 7 條 規 定 臺 教 技 ( 四
More informationSTELLA DEL MARE G =136 a d d3 4 RE m z mz mz SOL mz mz SImz mz V. Sozio a d d3 4 mz mz mz mz mz mz mz Chia - ro mata d d LA4 mz LA mz RE mz mz mz mz a
STELLA DEL MARE G =136 3 4 RE m z SI V. Sozio 3 4 Chia - ro mata d d LA4 LA RE k kk s k k s k kz k s k kz k s k k j - ti - no che il so - le ba - ciò, nean-che u - na nu-vo-la in cie - lo, - ce è la brez
More informationNew Doc 1
U N I V E R SI T Y O F M A L ; 1ï i l i dvol 1 l 2 0 1 8 w 1a1 p&t«apa«ridia ti p E g s l am an Pt d1an h Ma @Mi u Ooam a1 ol am S1udl es} ]111 / 2 1 Dr Mo11an a Daw 11a mai amy 1 P r o f e s s o r D r
More informationCIP /. 2005. 12 ISBN 7-5062 - 7683-6 Ⅰ.... Ⅱ.... Ⅲ. Ⅳ. G624.203 CIP 2005 082803 櫶櫶櫶櫶櫶櫶櫶櫶櫶櫶櫶櫶櫶櫶櫶櫶櫶櫶櫶櫶櫶櫶 17 710001 029-87232980 87214941 029-87279675 87279676 880 1230 1/64 4.0 110 2006 2 1 2006 2 1 ISBN
More informationMergedFile
G1 個人賽得獎名單 ( 澳門賽區 ) 冠軍 CHEANG Cheok Lam 86020-11-068 亞軍 CHEN Cheng Pan 86008-11-126 季軍 FENG Pak Tong Madison 80001-11-042 金獎 IO Ka In 86002-11-061 金獎 CHOI Chon Him 86007-11-017 金獎 TAM Ki Tsun 86007-11-018
More informationAcademic Awards ( ) 學業成績獎 1st Term First in Class(1A) LI YI YAN First in Biblical Knowledge (S.1) 1A LAU CHAU YEE Second in Class(1A) CHAN CHING
Academic Awards (2013-14) 學業成績獎 1st Term First in Class(1A) LI YI YAN First in Biblical Knowledge (S.1) 1A LAU CHAU YEE Second in Class(1A) CHAN CHING YU Third in Class(1A) KAN KA YIN Second in Secondary
More information