Baptist Women world Day of Prayer program 2019 in Mizo language (Khawvel pumpui Baptist hmeichhe inzawmkhawm pawl tawngtaihona a kan hriattur-te Mizo

Transcription

1 Baptist Women world Day of Prayer program 2019 in Mizo language (Khawvel pumpui Baptist hmeichhe inzawmkhawm pawl tawngtaihona a kan hriattur-te Mizo tawngin). Khawvel pumpui Baptist hmeichhe inzawmkhawm pawl (Baptist World Alliance Women s Department) hi Khawmualpui 7 atanga Ram 151 intelkhawmin a a siam a ni. Tin, tunkum November a kan tawngtaihona tura kan hriattur leh tawgtaipui tur hrang hrangte ruahmanna (program) siamtu te hi Caribbean rama Baptist hmeichhe inzawmkhawm pawl-te a ni (Caribbean Baptist women s Union) Arise, Shine (tho la eng rawh) Thuchah tawi Yvonne Pitter, Caribbean Baptist women s Union President hnen atangin (messages from Yvonne Pitter, President CBWU) November 4, 2019 khawvel pumpui a Baptist hmeichhiate tawngtai hona niah hian khawvel hmun hrang hranga cheng Baptist hmeichhiate Lal Isua hminga kal khawmin tawngtai honate neiin a thute kan zir ho leh dawn a ni a. Tun kumah Rawngbawlna tih kan thlurbing deuh ang hian kan kum nga tawngtaina thupui tho la eng rawh tih hmang hian hmeichhiate zingah danglamna-te, inlungrualna-te, diknate, intluktlanna-te, remna-te kan tawngtaihona hmang hian lo thleng rawh se. Caribbean Baptist hmeichhiate hi chuan hmeichhia chak lo zawkte leh naupangte chunga dik lo taka nghaisakna awm thinte leh mihring hmanga dik lo taka sumdawna awm thinte hi tha kan ti lovin kan do tlat a ni. Kum 58 zet chu Baptist hmeichhiaten November thla apiangin a kohhran pumpui angten tawngtaihona chawnghei angten kan lo nei tawh thin a. Bible-ah pawh entawn tur tha tak tak kan nei a Davida angte, Pathian a theihna hmanga kawng hrang hranga fak leh chawimawi thinte. Midangte kan tanpui hian Pathian rawngbawl kan lo ni. Midangte rawng kan bawl sak atanga kawng hrang hrang pakua (9) laia keimahni-ah danglamna thleng theite lo en ta ila rawngbawlnaah Kan theihna (talent) dawnte i hmangchuak theuh ang u....tin, thilpek hrang hrang a awm a, thlarau erawh chu hmun khat a ni. Rawngbawl dan hrang hrang pawh a awm a, nimahsela, Lalpa chu hmun khat a ni. Hnathawh dan hrang hrang pawh a awm a, Pathian erawh chu hmun khat a ni, mi zawng zawnga engkim thawktu chu... (I Korinth 12) Pathian thiltih mak leh ropui tak kan nunah i beisei tlat ang u (Johana 2) 1

2 Thuawinain hlimna leh thlamuanna kan nunah a thlen theih zia ring tlat rawh (I Petera 4:10-11 Mi tinin thilpek in hmuh ang zelin Pathian khawngaihna tinreng enkawltu thate angin, chung chuan rawng inbawl tawn theuh rawh u. Mi tu pawhin thu a sawi chuan, Pathian thute angin sawi rawh se. Mi tu pawhin rawng a bawl chuan, Pathianin chakna a pek ang zelin bawl rawh se. Chutichuan, Isua Krista avangin Pathian chu thil engkimah chawimawiin a awm thei ang, ropuina leh rorelna chu chatuana ama ta a ni si a a Amen ) Midangte rawng kan bawl sak hian Lal Isua hnung kan zui a lo niin midangten Lal Isua hmel keimahniah an hmu ang hian Lal Isua hmel midangte-ah kan lo hmu thei bawk thin a ni. (Matthaia 25:40 Tin, Lal Isuan an hnenah, Tihtak meuhin ka hrilh a che u, heng ka unau te berte zinga mi pakhat chunga in tih chu ka chunga ti in ni tiin a la chhang ang) Kan ringtu unaute nen thawkhoin Lal Isua rawng hi bawl ho tur kan ni, chu chu Pathian thil tum pakhat ringtute hnenah a ni bawk a ni. (Hebrai 10:24-25 Tin, hmangaih leh thil tha tiha inchawk tho turin i inngaihtuah tawn ang u. Thenkhat tih dan anga kan inkhawm te bansan lovin, i infuih tawn zawk ang u, ni chu lo hnai telh telha in hriatin infuih tawn nasa lehzual sauh rawh u ) Rinna nen hmasawn chunga ke penin Pathian keimahni-ah a inpuangchhuak thei dawn a ni. Pathian hnathawh mak kan nunah i beisei tlat ang u. Infuihtawnna leh thlamuanan thute atanga damna kan nunah a lo thleng thei ang hian midangte hnenah damna thute kan thlen thei a ni. Midangte tana rawng kan bawl leh malsawmna kan nih hian hlimna leh lawmna keimahniah pawh a thleng thin a ni Kan thilpekte hian malsawmna nasa tak a thlen thei a ni kawng hrang hrangin. A chang chuan kan rawngbawlna kawng hrang hrangah hian chhuanlam hrang hrang kan siamin ka hman lote tiin ka thiam zawng pawh a ni lo kan ti thin. Amaherawhchu, Pathian hian mi thate leh thlingte ko loin a kohna chu a kohate hmangin a ti famkim mai zawk a ni. Bible a kan hmun angin tling lo inti leh chhuanlam hrang hrang siamte hmangin thilropui tak Pathianin a ti thin a nih kha Mosia pawh kha tawngkam thiam lo tak mi nimahse Pathianin Israel fate amah hmangin an sal tana atangin a hruaichhuak a nih kha Davida chu an unauah a naupang ber nimahse Goliatha milian tak a hneh a nih kha, Isarel Lal-ah a lo awm ta nghe nghe a nih kha Paula chu Lal Isua nen an intawh hma kha chuan ringtute tiduhdahtu a ni thin a nih kha, nimahse, Lal Isua nen an intawh hnu kha chuan kohhran phuntu leh dintu a lo ni ta zawk a ni. Pathian nangmah kal tlangin a inpuangchhuak duh nimai loin nangmahah hnathawh a duh a ni. Ka unau duhtakte u he ni kan hmannaah hian Pathianin malsawmin inrawngbawlna hmangin nangmahniah eng chhuak rawh se. 2

3 Ksenija Magda, Khawvel pumpui Baptist hmeichhe inzawmkhawm pawl President hnen atanga thuchah( Reflections from Ksenija Magda, President Baptist World Alliance women s Department) Tunhnai lawk khan hmeichhe pakhat nen titina hun kan nei hlauh mai a, a buai thu leh midangte buaipui reng renga a khawsak thu leh a ma tan pawh hun a neih mang loh thu min hrilh a. Hei hi hmeichhe tam tak harsatna chu a ni reng a ni. Hengte avang hian hmeichhiate midangte tana malsawmna leh rawngbawlsak tura infuih hi chu a harsa hle reng a ni. Hemi thu ka ngaihthlak atang hian thil pakhat ka rilruah a lo lut nghal a tuma rawngbawl loin saltang ang main midangte a tanpui khan a inhriat thu ka hrilh nghal nghe nghe a, he thu ka hrilh hnu hi chuan amah pawhin thlirdan tharin a thlir ve tain ka hria. Kan bible hian hotu leh hnathawktu dinhmun kawng hrang hrangin a sawilang a ( Nimahsela, rinna a lo thlen hma khan, rinna la lang tur atan kharkhipa Dan hnuaia ven kan nih kha Galatia 3:23. Tuna Pathian in lo hriat hnu hi zawngin ni lo, Pathian mi hriat in lo nih hnu hian tih tur a ni zawk e, khawvel zirtirna dik lo eng mah ni hlei lo, a bawiah awm leh in chakate lamah chuan engtiziaa hawi kir leh nge in nih? Galatia 4:9. Thu ka pek apiang che u in tih chuan ka thiante in ni ang. Bawi ka ti leh tawh lo vang che u; a pu thiltih bawihin a hre si lo; thiante ka ti zawk ang che u; Pa hnena thil ka hriat zawng zawng in hnenah ka puang tawh si a. Nangnin min thlang lo, keiman ka thlang zawk che u a, va rah tur leh in rah awm reng turin ka ruat bawk a che u; Ka hminga Pa hnena in dil apiang a pekna tur che uin. In inhmangaih theih nan heng thu hi ka pe a che u Johana 15:14-17 ). Hnathawktu chuan a pu rawng bawlin a pu duhdanin a nung tur a ni a. Fanu chuan a thil neihte enkawlin a pa chu kawng engkimah tha takin a tawiawmin a puih tur a ni a. Pathian hian mitinte hi midangte hnuaichhiah tur leh hreawm taka awm turin min siam lo a, keimahni leh keimahni hi hreawm kan in siamchawp mai mai zawk a lo ni thin. Kan mihring mihrinna kan dahlen lutuk leh keimahni kan in dahlen lutuk nate hian hreawm min siamin sal ang maia inngaihnate neiin kan rilruah harsatna kawng hrang hrangin kan in siamchawp thin a ni. Rawngbawlna tih kan sawi hian heng zawhna hrang hrangte hi lo inzawt ta i la engvangin nge hei hi ka tih bik? Eng vangin nge keimah hlirin ka tihfai bik? Tunge maw ka hlauh bik ang le? Midangte thuhnuaia kun tur ka ni bik em ni? Midangte khawngaih leh hmangaih ka mamawh em ni?. 3

4 Nimahse, fanu dik tak nimah i la hnathawktu anga kan awm angai a ni. Fapa tlanbo chanchin anga fa upa zawk ang khan kan hlawh chhuah kher ngai loin engkim hi kan ta a ni (Luka 15; I Korinth 3:21-23 Chuvangin, tu man mihringte chhuang suh se. Engkim hi in ta a ni vek si a. Paula emaw, Apollova emaw, Kipha emaw, khawvel emaw, nunna emaw, thihna emaw, thil awm sa emaw, thil lo la awm tur emaw, a zavaiin in ta vek a ni. Nangni pawh Krista ta in ni a, Krista pawh chu Pathian ta a ni ) Chumi a nih avang chuan fanu kan nihna angin kan pa Pathian rawng kan bawl a ni tih hi hriain engkim hi kan ta niin a fanu hmangaih i-te kan ni e. He dawhkanah hian hun hmangin amah kan pa Pathian be chungin a ngaihtuahte leh a duhdante hriatpuiin thahnemngai takin a hna i thawhpui ang u. Kan pa pathian chuan kan mamawhte leh kan duhte a hria a engmah manganna tur leh hlauhna tur a awm lo a ni. Kan pa pathian rawngbawlin i eng chhuak theuh ang u. Pathian kan pa tana rawngbawl tura kan inpek zawh pauh leh a thiltihtheihna a lo lang chhuak thin dawn a ni keimahniah, chu rawngbawlna chuan chakna thar min pe zel dawn a ni. Chuvangin, ka unau duhtakte u he zawhna inzawt chung zel hian rilru leh thinlung taka rawngbawl chunga eng chhuakin danglamna he khawvelah hian i siam theuh ang u. 4

5 He khawvel pumpui Baptist hmeichhiate tawngtaina ni hi eng nge a nih leh? (Why Day of Prayer?) He tawngtaina ni hi khawvel hmun hrang hranga cheng Baptist hmeichhiaten a huhoa pathian kan pawlho theihna hun a ni a. He hunah hian thil pahnih pawimawh tak tak theihnghilh loh tur a awm a chu chu tawngtai leh thilpek tih hi a ni. Lungrual taka khawvel hmun hrang hranga cheng Baptist hmeichhiate tawngtaina hian thil ropui tak tiin a thlen thei a ni. Lal Isuaah pumkhat kan ni ang hian lungrual tak leh inhmangaihna nen rawng kan bawl ho tur a ni. Hemi ni a kan thawhlawm thlingkhawmte hian kawng hrang hrangin tanpui ngaite a tanpui mai bakah Baptist hmeichhiate rawngbawlna khawvel pumpui huap ang leh hemi ni kan tawngtaina ni inbuatsaihna a mamawh hrang hrangte kawng hrang hrangin a phuhruk bawk a ni. Thil chiang tak pakhat chu khawvel hmun hrang hranga cheng Baptist hmeichhiate Pathian hminga kan kal khawm hian pathianin thlamuanna mak tak mai min pein kan inthlamuan tawn thei bawk a ni. Hemi ni tana kan lo inbuatsaih lawk theih nan (Planning Your Day Of Prayer Activities ) He kan tawngtaina ni hi thil hriatreng tlak mitinte tan lo ni theuh rawh se July Hemi ni hlawk taka hman a nih theih nan lo duanglawktu tur ruat ni thei se. 2. Tawngtaina hmun kan neihna turte lo ruat lawk ni ta se 3. Ruahmanna tha tak siam lawk ni thei se he mi ni a hlawhtlin theih nan August Kawng hrang hrangin he ni kan hman tur hi inhrilhhriat lawk ni thei se September Kawng hrang hrang Television(TV), Radio leh news paper angte a he ni kan hman tur hi inhriattir theih ni ta se October/November He ni kan hmanna tur hmun room-te thil hrang hranga cheiin buatsaih ni ta se 7. Kan ni hman dan tur ruahmanna kan siamte inhrilhhriat ni thei se. 5

6 He ni hman dantur kawng hrang hrangte (Some Ideas for presentation) Hetiangte pawh hian ruahmanna han siam thei ta ila Rawngbawlna kawng hrang hrang hmanga Lal Isua tana kan enchhuah theihna sawitu tur ruat ni ta se Khawvel pumpui Baptist hmeichhe inzawmkhawm pawl, Baptist World Alliance Women s Department a President Ksenija Magda thuchah chhiar chhuak turin mi pakhat ruat ni thei ta se Hmeichhe pahnih Lindley cedeno,trinidad rama mi leh Magdalene mary Haynes, Grenada rama mite chanchin chhiar chhuak turin ruat ni ta se. Bible study thuchhah chhiar chhuaktu tur ruat ni bawk se Hemi ni a kan thawhlawm tlingkhawmte pawimawhna leh a tulnate inhrilhhriat ni ta bawk se (Highlight the offering) Thawhlawm kan lakkhawm laiin hla sak ni se, chumi a nih loh pawhin C.D a hla mawi tak tak kan thupui nena inmil turte ngaithlain sak ni ta bawk se. He ni kan hmanna a hmasawnnate (Enhancing your World Day of Prayer experience) Hemi ni a kan thilpek tlingkhawmte hian tangkai taka kawng hrang hranga hna a thawh mai bakah kan tawngtainate hian kan inunaunate ti nghetin min phuarkhawm bawk a ni. Kan hmandante chu kawng hrang hrangin ni mahse kan tawngtainate hian mite hnenah damna leh thlamuanna-te thlen rawh se. 6

7 Hemi ni a kan thawhlawm thlingkhawm hmanna hrang hrangte (How your Day of Prayer Offerings are used) Hemi ni a kan thawhlawm tlingkhawm za a sawmnga (50%) chu khawvel pumpui Baptist hmeichhe inzawmkhawm pawl, Baptist World Alliance Women s Department ah kalin za a sawmnga (50%) dang leh chu keimahni theuh kan khawtualah kalin kan khawtual inrelbawl nan leh mamawhah hman thin a ni. Hemi ni a kan thawhlawm za a sawmnga (50%) Khawvel pumpui Baptist hmeichhe inzawmkhawm pawl, Baptist World Alliance Women s Department a kalte hmanna hrang hrang (Gobal:BWA Women) 1. Heng kan website-te leh hemi kan tawngtai hona ni tura lo inbuatsaihna tur thiltul hrang hrang heng chanchin kan inthawn darhna atan te 2. Hruaitute a tulna avanga hmun kilkhawr tak tak an tlawhna atan te leh kan hmeichhiatpui tanpui nante leh hruaitute inhmuhkhawmna senso atan. 3. Hemi ni kan tawngtai hona tura inbuatsaihna hrang hrang atan te leh he mi kan programme hman dan tur buatsaih nan te 4. Khawvel hmun hrang hranga cheng kan unau hmeichhia tanpuingai tak tak tanpui nan 5. Hemi khawvel pumpui Baptist hmeichhe inzawmkhawm pawl Baptist World Alliance Women s Department Office tluang taka a kal chhoh zel theihna tur mamawh hrang hrang atan te. Hemi ni a kan thawhlawm za a sawmnga dang (50%) keimahni khawtual theuh inrelbawl nana kal hmannate (Continental) 1. Kan khawtuala kan hruaitute mamawhna hrang hrang atan te leh khawmpui an neih nikhuaah leh mamawh tul dang atan 2. Hemi kan khawtual theuh a kan lo inbuatsaihna atan te leh hemi ni kan hmanna a kan mamawh tul hrang hrang atante 3. Kan hmeichhiatpuite tanpuingai tak takte tanpui nan 4. Kan khawtual theuh a kan hruaitute tulna avanga hmun hrang hrang an tlawh nan 7

8 Bible study Sylvia Henry, Jamaica atangin I rawngbawlna kha hlenin eng chhuak rawh (Arise and Shine through service from Sylvia Henry, Jamaica) Mathaia 20:20-28 Chumi lai chuan Zebedaia fapate nu chu a fapate hruaiin a hnenah a lo kal, chibai a buk a, thil eng emaw a dil a. Tin, ani chuan a hnenah, eng nge i duh? a ti a. Tin, anin a hnenah, Heng ka fapate pahnih hi i ramah, i ding lamah pakhat, i vei lamah pakhat an thut theihna turin thu pe ang che, a ti a. Isua erawh chuan, In dil chu in hre lo a ni. Ka no in tur chu in in thei em ni? a ti a a chhang a. Annin a hnenah, thei e, an ti a. Ani chuan an hnenah, ka no chu in in ngei ang nimahsela, ka ding lam leh vei lama thut tur thu chu keia pek tur a ni lo va, ka Pa buatsaihsakate tan a ni zawk ang a ti a. Tin zirtir thenkhatin chu chu an hriatin unau pahnihte chungah chuan an thinur ta a... In zinga hotu nih duh chu rawngbawlsak tuah awm phawt rawh se. Mihring fapa hi rawngbawlsak turin a lo kal lo a mitinte amah avanga kan damna turin a lo kal zawk a ni Thuhma (Introduction) Lal Isua khawvela a lo kal chhan chu a pa hnathawh chhunzawm turin a ni. A thil tum ber chu thlaraubote a hnena hruai leh rawngbawl turin a ni. Heta kan bible chiarchhuah tak ang hian nu pakhat chuan a fate chantha an chan theih nan Lal Isua hnenah lo kalin a dil anih kha. Lal Isua zirtirte pawh hian Lal Isua rawng an bawlna kawngah hian a chang chuan fakna leh chawimawinate dawng thin se an ti ve ngei ang. Amaherawhchu, Lal Isuan chung chu rawngbawlna dik tak a ni lo tih a sawi chiang hle a ni. Rawngbawlna dik tak chu midangte tana nun hi a ni tih Lal Isua hian a sawi chiang hlein a nun atang hian entawn tur min hnuchhiah bawk a ni. Lal Isua nun hrim hrim khan midangte tana nun hlanna a tarlang chiang hle a ni. Rilru leh taksa damna mitinte hnenah thlenin tumah tihbik nei lovin a te a lian thlengin a pa hnathawh leh tirhchhan ti famkim turin damna mite hnenah a thlen a ni. Lal Isua ang hian miten Lal Isua keimahniah an hmuh theih nan kan engte ti engin hmangaihna nen rawng i bawl tlat ang u (Matthaia 5:15 Miin khawnvar halin hrai hnuaiah an dah ngai lo, a dahnaah an dah zawk thin. Tichuan, in chhunga mi zawng a en thin ) Rawngbawl tura koh kan ni (Called to serve) Pathian hi a ni min kotu leh a rawngbawlpuitu ni tura min thlangtu chu. Rawngbawlsak tura chhandam ni lovin rawngbawl tura chhandam kan ni zawk e. Lal Isua hnung zuitute kan nih avangin hlim leh lawm takin tawngtaina nen rawng i bawl theuh ang u. 8

9 Pathianin a malsawmna min pek kawng hrang hrangte hmang hian midangte hnenah malsawmna kan ni thei theuh a ni. Damlote tlawhin, chenna in nei lote leh sil leh fen tur nei lote tuamhlawmin midangte tan malsawmna kan ni thei a ni. Lal Isua thusawi ang khan heng mite ber chunga in tih hi ka chunga ti in ni (Matthaia 25:40). Pathian thlarauthianghlim tanpuinain midangte hnenah kan rawngbawlna kaltlangin enna kan pe thei a ni. Lal Isua anga rawngbawlin (Serving like Jesus)...a zanriah kil lai chu a tho va, a puante a dah a, inhrukna puan a la a, a veng a. Tichuan, maihunah tui a bun a, zirtirte ke a sil ta a, inhrukna puan a ven chuan a hru zel a... Chanchintha Johana 13:1-5 Kan hmuh ang hian he thu hian entawn tur tha tak mai rawngbawlna kawngah min hnuchhiah a ni Lal Isuan a zirtirte ke a sil ang hian. He thu hian tlawmna leh inpekna thu min zirtir bawk a ni rawngbawlna kawngah. He thu Lal Isuan a zirtirte ke a silna thu hian rawngbawltu dik tak nun tlawmna nun min zirtir a ni. Lal Isua zuitute hian zirtur tam tak Lal Isua nunah hian kan neiin thil tam tak entawn tur min hnuchhiah a ni. Rawngbawl tur kan ni Lal Isuan min chhandam avangin. Lal Isua tan i eng chhuak theuh ang u (Shining for Jesus by serving) Pathianin theihna leh malsawmna kawng hrang hrang minpek-te hmang hian midangte tan eng chhuakin malsawmna nih i tum theuh ang u samari mitha midangte tanpuitu angten (Luka 10:25-37), Petera leh Johana angten (Acts 3:1-8...Nimahsela, Peteran tangka leh rangkachak eng mah ka nei lo; nimahsela, ka neih chhun Nazareth Isua Krista hmingin kein kal tawh rawh... ). Lal Isua tana rawng kan bawla kan lo enchuah hian Pathian thiltum leh tihtur keimahni a a dah chu kan ti langin 9

10 kan ti hlawhtling thin a lo ni. Ni tina kawng hrang hranga Lal Isua tana kan lo enchhuah a a rawng kan lo bawl hian Pathian thatna leh rinawmna keimahniah a lo langin tarlanin a lo awm thin a ni. Lal Isua hnungzui chunga rawng kan bawl hi Pathian thiltum pawimawh tak pakhat chu a ni. Hmun hrang hrangah hmeichhia leh naupangten nghaisakna leh tihduhdahna an tuarin nun beidawng leh mangang takin hun an hmang mek a ni. Hengahte pawh hian kan eng chhuakin midangte tan malsawmna kan ni thei a ni Lal Isua hmingin Lal Isua rawng kan bawlna kawngah hian a chang chuan hmun harsatna hmunahte pawh a ni thei mahse, chung harsatna karah pawh chuan min kohchhan ang taka rawngbawlin midangte tan malsawmna thlentu kan ni tur a ni. Chung kan rawngbawlna hrang hrangte hmang chuan miten Lal Isua hi keimahniah hmuin a lo eng chhuak thin dawn a lo ni eng hi thimah a pawimawh em em ang hian. Inpekna thar nen Lal Isua eng tih lana a lo awmzel theih nan i eng chhuak ang u kawng hrang hrangin hmun hrang hrangah. Sawiho tur (questions to ponder) 1. Tun aiin engtin nge hma kan sawn zawk theih ang? 2. Eng hian nge rawngbawlna kawngah min ti chak thin? 3. Keimah kaltlang hian Lal Isua a eng chhuak em? 10

11 Bible study 2 Julie Barclay, Trinidad leh Tobago atangin I rawngbawlna hmangin tho la eng chhuak rawh (Arise and Shine Through Service) Thil zawng zawng tawp hun chu a hnai ta a, in tawngtai theih nan rilru fim tak puin invawng fel rawh u. Thil dang zawng aiin thinlung taka inhmangaih tawn uar rawh u, hmangaihnain sual tam tak a khuh si a. Phunnawi lovin inmikhual tawn rawh u. Pathian khawngaihna thilpek tam tak enkawltu thate angin Thalrau lam thilpek in dawn apiang chu rawng inbawlsak tawn nan hmang rawh u. Tupawhin thu an sawi chuan Pathian thu ngei sawi rawh se, rawngbawltu pawhin Pathianin chakna a pek angin bawl rawh se; chutichuan Isua Krista avangin Pathian chu engkimah chawimawiin a awm thei ang, ropuina leh thiltihtheihna chatuanin a ta a ni si a. Amen (I Peter 4:7-11) Thuhma (Introduction): Kan tunlai khawvelah hian kohhranin kawng hrang hrangin tihduhdahna a tawk mek a ni. Hemi a nih avang tak hian kohhrante nasa lehzual a Pathian hnena kan tawngtai a ngai a ni kan hmelma setana laka kan inchhanhim theih nan. Kan rinnaah dingnghetin kan inthlamuan tawn theuh tur a ni Pathian thu leh tawngtainain. He lehkhathawn pawh hi Peteran kristiante Rom Lal Nero a tihduhdahna hnuaia an awm laia a ziak a ni a. Khang hunlai khan ringtute tihduhdahna nasa tak an tuarin tam takin an nunna an rinna avangin an chan a ni. He lehkhathawn pawh hi ringtute tuarna leh harsatna karah pawh dingnghet zel tur leh chhel taka harsatnate tuar hram hram tura fuihna thu a ni. Kan lawmmante thlir chunga rinna nena rawngbawlin (Living with the end in mind) Petera hian he a lehkhathawnah hian Lal Isua tuarnate sawilangin chung zawng zawng chu mihringte min hmangaih vang a ni tiin. Ringtute khang hunlai a an tawrhna hi Petera hian a hrechiangin a thlamuan hlawm bawk a ni, an rinna a an dinngheh zel theih nan leh Lal Isua lo kal hnaih tawh zia leh chu mi a tana lo inbuatsaih tur leh inthlamuan tawn turin ringtute a chhahin a thlamuan bawk a ni. Jakoba lehkhathawnah pawh khan kan hmua ringtute kan rinna a dinngheh a tulzia Chutichuan, unaute u, Lalpa lo kal hma zawng chhel takin awm rawh u. Lo neituin a lo atanga rah seng tur a nghah dan hi en rawh u; ruah hmasa leh ruah hnuhnung a nghak fan fan thin. Ngangni pawh chhel takin awm ula, rilru nghet tak pu rawh u; Lalpa lo kal lehna a hnai tawh si a (Jakoba 5:7-8). Paula pawh khan Lal Isua lo kallehna thu hi Thessalonika kohhran ho hnenah khan a sawi chiang hle a ni Lalpa ngei chu thu pe a au aw nen, angel ropui ber aw nen, Pathian tawtawrawt ri nen van atangin a lo chhuk ang a, Kristaa thi tawhte chu an tho hmasa ang a. Chumi hnuah chuan keini nung dama la awm rengte hi boruakah Lapa hmuak turin anmahni rualin chum zingahte khian lak chhohvin kan awm anga, Lalpa hnenah kan awm kumkhua tawh ang (1 Thessalonika 4:16-17) Rinawm tak leh fel taka awmin (Be sober and self-controlled) Ringtute hi khawvel thil-te hian min tibuaiin kan rilru a hruai thin a. Tirhkoh Paula pawhin rinna a a fa Timothea hnena lehkha a thawn khan a nun chu uluk tak leh fimkhur taka hmanga he khawvel thilte laka inthiarfihlim turin a chah a nih kha Sipai chu a hotu tilawm turin khawvel thil dangah a inhnamhnawih ngai lo (2 Timothea 2:4). 11

12 Filipi kohhran ho hnenah pawh khan Paula hian Lal Isua tana nung a nih zia a tarlang chiang hle a ni...tun tumah ngei pawh hian, damin emaw thiin emaw ka taksaa Krista chawimawi hi a ni. Kei zawng Krista tana nung ka nia, thi ila ka tan chuan a hlawk hle ang (filipi 1:20b-21). Johana ziakah pawh kan hmua ringtu nun dan tur Kristaa beiseina nei apiang chuan amah a thianghlim angin a intithianghlim thin (1 Johana 3:3) Lal Isua hnungzui chungin (Conforming the image of Christ) Kei mahni leh kan fate tan thiltha duhin kan hmalam hunte kan thlir thin. Petera pawh khan ringtute nundan tur leh an hmathlir tur kha a lehkhathawnah khan a sawichiang hle a ni. Paula khan eng nge a hmalam hunah a beisei leh a thlir tih chu Filipi kohhran ho hnena lehkha a thawn khan a sawi chiang hle a Krista Isuaa Pathian chung lam kohna lawman, nunna chu, hmu turin thiamchin lam chu ka pan ngat nghat a ni (Filipi 3:14). Ringtute hi kan lawmman Pathianin a min ruatsak thlir chunga rinawm tak leh chhel taka awm chunga rawngbawl tur kan lo ni. Hmangaihna leh inlungrualna nen(love and Unity): Ringtute hi hmangaihna leh inlungrualna nei chunga rawngbawl tur kan ni. Lal Isuan a sawi angin inngaidam tawn tur kan lo ni. Isuan a hnenah vawi sarih thlengin ka ti lo va che, vawi sarih hmun sawmsarih thlengin ka ti zawk che a ni (Mathaia 18:22) Thilpek leh hmangaihna nen (Love and Gifts): Thlarau thianghlim tanpuinain kan rawngbawlnaah kawng hrang hrangin Lal Isua hmel kan ti lang tur a ni. Hmangaihna nena rawng kan bawl loh chuan miten Lal Isua hmel keimahniah an hmuthei loin Pathian keimahniah a inpuangchhuak thei dawn lo a ni.tirhkoh Paulan Rom khua a mite hnena lehkha a thawna a sawi ang khan hmangaihna nena rawngbawl tur kan lo ni (Rom 12). Petera hian a beisei tak chu khang tihduhdahna hnuaiah ringtute chheltak leh rinawm taka an rinna a an dinngheh kha a ni. Kan tun dinhmun hi han en ta ila inhmangaihlohna te, inlungruallohna te, mahni chauh inhmangaihna te, midang harsatna hriatpuih tum miah lohna te, mi chanchin a chhezawnga sawina te leh inhuatna te hi a va tam ta em!!. Petera lehkhathawn a kan hmuh ang hian ringtute chu inhmangaih tawn tur kan ni Lal Isuan min hmangaih angin tih hi. Lal Isua thihna leh thawhlehna hi mitin tan a ni. Thufingte leh Rom lehkhathawn a kan hmuh angin hmangaihna pawimawh zia leh hmangaihnain thil a tih theihzia hriain i inhmangaih tawn theuh ang u Inhuatna hian innghirnghona a thlentir a, Hmangaihna erawh chuan bawhchhiatna a haider thin (Thufingte 10:12) Amaherawhchu, Pathianin min hmangaihzia a lanna chu mi sual kan nih reng laiin Krista kan tan zu thi a! (Rom 5:8). Pathian chawimawi (Glorifying God) Chaklo tak chung leh harsatna kara kan lo en chhuah hian Pathian keimahni hmangin a inpungchhuak thin a ni. Ka unaunu duhtak te u vawiin niah hian inpekna thar nen Lal Isua tan i eng chhuak theuh ang u, kan thawhrimna hi a thlawn dawn si lo a. 12

13 Caribbean atangin chanchin pakhat Lindley Cedeno Trinidad rama mi hnen atangin (Faith stories from the Caribbean).Ngawlveina atanga damna Lal Isua hnenah (From Addictions to Restoratin in Christ Jesus) Trinidad thingtlang khaw pakhat Moruga an tihah lo piangin naupang hlimthei tak ka ni thin a. Ka nu sakhawmi tak zirtirna hnuaiah Roman Catholic kohhranah Pathian biakna neiin kan inkhawm ve thin a. Pathian hnena tawngtaina neih thin hi ka nu chuan a ngaipawimawhin a nunah hmun pawimawh tak a chelh a ni. Zinga kan han thawh te hian ka hriat hmasak ber chu ka nuin kapa vana mi tia a lo tawngtai thin kha a ni. Kum 12 mi lek ka nihin ka nu chu a na vak maia vanduaithlak tak main min boralsan ta nghe nghe a. Ka nu thihna chu ka tuarin na ka ti em em mai a, kum reitak chhung chu chu tawrhna chuan ka nunah harsatna min thlen a ni. Primary School-te ka han zawh chuan Secretarial college-ah te ka han kal ve leh a. Amaherawhchu, kum thum hnuah chuan ka zirnate chu bansanin hnate keimah inenkawlna turin ka zawng ta zawk a. Ka hna thawh hmasak ber chu Lawngchawlhna hmuna in tihfai leh a tul anga naupang enkawl a ni a, a hahthlak hle a ni. Min chhawrtu chu mitha tak a ni loin ka chungah a tha vak lo a, chu chuan ka nu ka ngaihna leh khawharna chu min belhchah leh bawk a ni. Thian kei aia u deuh zawk hnen atangin intihhlimna leh lamna hmuna kal tura sawmnate ka dawnga, chu mi hmunah chuan kalin mezial zukte leh zuinte ka lo ching tan ve ta a. Ka hnate chu ka lo bansan ta hial a, ka fanu kum 18 mi pawh chuan min chhuahsan ve ta nghe nghe a. A hnu deuah chuan kan khua moruga a ka let leh hnu chuan mipa ka tawnga thlariat hnuah chuan kan innei ta nghe nghe a. Amaherawhchu, kan inneihna chu a hlawhtling vak lo a ngaihzawng dangte min neih sanin kum hnih chauh kan innei tihah kan inthen leh ta nghe nghe a. Chumi hnuah chuan ka hnathawhna hmun ngai lawngchawlhna hmunah chuan kir lehin hnate zawngin hnate keimah inenkawl ve nan kan thawk leh lawp lawp a. 13

14 Ka nun ngaihah chuan kir lehin thil tha lo tak takte tih ka lo ching lehin zu mai bakah kanzate zuk chingin ruihtheihthil-te tiin mipat hmeichhiatna kawngahte tlanin ka nun chu khaw lo takin ka lo hmang chhunzawm leh ta a. Nun beidawng taka ka awmlai chuan ka nu tawngtaina hre chhuakin Pathian ka au ta a ka ngawlveina leh nunkhawhar tak atanga min la chhuak turin. Lalpa chu fakin awm rawh se ka tawngtainate chu lo hriain ka nun chu min thlakthleng sak ta a ni. Taxi-te neiin keiman khalhin keima pualin hmun leh inte ka nei ve thei ta a. Pathian biakinah kal chakna neiin chawlni vawikhat chu Saint John London Baptist kohhranah ka va inkhawm ve a Pathianin pastor thusawi hmangin min biain Pathian hnenah ka nun chu ka lo hlan ve ta nghe nghe a ni, chu ni chu ni danglam mak tak chu a va ni em ka tan chuan!!. Thlakhat hnuah chuan Baptisma-te changing ka pasal nen pawh chuan innei lehin a ni pawh chuan Pathianah nun thar changing a nun chu Pathian tan a lo hlan ve ta a ni. Amaherawhchu, ka pasal chuan thluaka thisenzam chat (stroke) vangin February 2016 khan min boral san nghe nghe a ni. Pathianin ka nunah chuan danglamna mak tak min thlensak a Saint John Baptist kohhranah pawh chuan theih ang anga Pathian tan rawngte bawl vein tawngtai rawngbawlna-ah te inhmangin kawng hrang hrangin a ma tan ka hunte ka hmang ve a. Pathian chu fakin awm rawh se ka nuna min zuah sakin a rawngbawl min phalsak ve avang hian. Hei hi ka thuchah duh che u chu a ni Pathian hian ngawlveina leh harsatna atang hian min la chhuak thei a ni, theih loh hi atan chuan a awm lo a ni tih hi. 14

15 Caribbean atangin chanchin pakhat dang Magdalene Mary Haynes Grenada ram a mi hnen atangin (Faith stories from the Caribbean) Grenada tuipui kama lo piangin ka nu leh ka unaunu-te nen kan cheng ho a. Ka piantirh atangin ka hmui hi a sawi kak a, hemi ka hnar leh hmui hi a inpawtsawi tihna a nih chu (hei hi cleft palate an ti) Hemi a nih avang hian tawng lamah pawh harsatna neiin ka tawngfiah vak thei lo a ni. Schoola min fiam changte hian hreawm ka ti theiin ka khua a harin mal ngawih ngawih a inhriat chante neiin thenrual zinga awmte nuam tih loh chan ka nei thin a. Ka hmel landanah te hian hreawm tiin Pathian pawh ka dem hial a ni. Ka nu chu kan unau min enkawl nan chuan a thawkrim thei hle thinin min fuihnasa hle bawk thin a. Roman Kohhran a seilianin rina thu chu ka la thutakin Pathian rawng hi nasa tak leh a theih ang anga bawl ka duh thin. Ka nun pumpui chu Pathian rawngbawl nana hlana Roman Kohhranah chuan sister anga ka nun pumpui chu rawngbawlnaah hman ka duh a mahse, ka nu leh pa an inneih loh avang chuan a theih ta lo a. Ka nunah Pathian thil tumte thlir chungin kohhranah thil tihna hrang hrangahte telin Pathian thute chhiar leh ngaithlain ka hunte ka hmang ve thin a. Mak tak maiin Pathianah hartharna Grenada Baptist IMPACT crusades atanga changing kum 17 mi niin Grenada Baptist Kohhran Sunday inkhawmna-ah chuan ka nun chu Lal Isua tan ka hlan thar ve leh ta a ni. Kha mi nia thuchah Lal Isua beram vengtu tha tih khan min hnehin amahah chuan kan him reng a ni tihte nen. Thil pakhat ka hmuhchhuah tak chu tha in ti hle mah ila misual chhandamngai ka lo ni tih hi a ni. Mak tak leh ropui taka siam leh din ka nihnate leh vui tur ka lo ni lo a ni tihte hrethar lehin ka lawm hle a ni. Lal Isua tana ka nun ka pek hnu kum hnihna-ah chuan Sunday School zirtirtuah-te min ruatin ka tan chuan hmasawnna nasa tak leh chona nasa tak a ni ka hmui dik loh avanga tawng lamah harsatna ka neih thin avangin. Ka unau nu pawhin a nun chu Pathian tan hlanin piangtharna a chang ve ta nghe nghe a. Ka unau nu chu ringtu ka neih hmasak ber niin ka chhungte zingah chuan ka rawngbawlna min tawiawmtu hmasa ber a ni ta nghe nghe a ni. Kan kohhranah chuan hruaitu nihna pawimawh tak takte chelhin naupang lampang rawngbawlnaahte ka puih ve thin bawk a, tunah tak chuan kan kohhranah rawngbawltu hna ka chelh mek bawk a ni. Pathianin pasal tha tak min pein fa duhawm tak tak pathumte mai bakah kohhranah thawhpui tha tak takte min pe bawk a ni. Philippi 1:21 a kan hmuh ang khan harsatna leh tawrhna karah Pathian hmangaihna ka nunah a lo lang ta zawk a ni. ( Philippi 1:21 keia tan zawng nun hi Krista a ni si a, thih pawh hlawkna a ni ). Lalpa a ka unau duh takte midangte tana malsawmna ni theuh turin ka sawm duh che u a ni. Pathian khawngaihna leh hmangaihna avangin malsawmin ka lo awm ta a ni. 15

16 Hmachhawp hrang hrangte (Day of Prayer Projects 2019) 1. Hmachhawp hming (Name of the Project): Hlawk zawk leh tha zawka thlai chin dantha inzirtirna. Hmalatu Pawl hming (Organization): Trinidad leh Tobago rama Baptist insuihkhawm pawl Hmalatu hming (Person Responsible): Karlene Edwards Warrick Hma laknain a tum deuh bikte (Target group): Pasal tel loa fate enkawltu hmeichhiate leh pasal sunte leh hmeichhe hna mumal nei lote Hmachhawp hrilhfiahna (Description of Project): He hmachhawpin a tum ber chu hmeichhiaten hlawk zawka an thlaitharte an lo hralh theih nan a ni. Hemi hian chhawrtlaka training tha tak mite hnenah pekte leh chawtha ei pawimawh ziate leh Pathian hmangaihna Bible atangte a inzirtir-te hi a thiltum pawimawh tak pakhat chu a ni bawk a ni. 2. Hmachawp hming (Name of the Project): Ice-cream siamte leh thei dahthat dan inzirtir-te leh hnathawh tur tam zawk a lo awm theih nana hmalakna Hmalatu pawl hming (Organization): Grenada rama Baptist hmeichhia inzawmkhawm pawl Hmalatu hming (Person Responsible): Ann Marie D.Francis Domerge Hmachhawpte hrilhfiahna (Description of Project): Hemiin a tum ber chu kan rama hmeichhia hnathawh tur mumal neih loh vanga harsatna tawk tute tanpui a ni. Hmeichhiate an thawh theih tawk hna hmuhsakte leh an mahni a inenkawl thei tura inzirtir hi he hmachhawp thiltum pawimawh tak pakhat a ni bawk a ni. 16

17 3. Hmachhawp hming (Name of the Project): A bul atangin Hmalatu pawl hming (Organization): America chhimlam rama Baptist hmeichhe insuihkhawm pawl (Latin America rama Baptist hmeichhe insuihkhawm pawl) Hmalatu hming (person responsible): Liliana Fernandez Hmachhawp hming (Description of Project): Hemiin a tum ber chu Latin America rama lo cheng hmasate, a ram neitute Pathian hnena hruaite leh damdawi thiamna hmangte leh thildangtea hemi rama chengte hnena hmasawnna pek hi a ni. Hemi kawnga training pekte hi an mamawh hrang hrang eitur leh damdawite a thlawnin pek an ni bawk a ni. 17

18 Hemi ni a kan tawngtaipui tur leh tawngtaina a kan hriatturte (2019 Day of Prayer Guide) 1. Khawthlang chhimlam tuifinriat kama cheng ram hrang hranga mite tan (South west pacific) 1) Papua New Guinea a cheng hmeichhiaten an rawngbawlna-ah chakna thar an lo neih a inunauna nen rawng an bawl nante leh midangte tana malsawmna an lo nih theih zel nan 2) Australia rama Baptist kohhran hmeichhe hruaituten chakna leh finna an lo neih theih zel nan i dilpui ang u. Kohhrana hruaitu pastor-te leh midangte pawh hmeichhiate rawngbawlna kawnga fuihtu tha tak an lo nih theih zel nan 3) New Zealand rama hmeichhiaten inpekna thar nena rawng an bawl theih nan leh hmeichhiaten Pathianthu zirna kawngah tun aia hma an lo sawn zel theih nan 4) FIJI thliarkar rama hmeichhiate rawngbawlna malsawma a lo awm zel theih nan 5) Pupua New Guinea khawthlang rama cheng hmeichhia kohhran leh khawtlang-ah nihna pawimawh tak tak chelhtuten huaisen taka Lal Isua chanchintha hi an tihlan zel theih nan leh inlungrualna nena hma an lak zel theih nan 6) Khawthlang chhimlam tuifinriat kama cheng Baptist hmeichhe inzawmkhawm pawlin kum nga atana an hruaitu thar an thlantharten chakna thar an lo neih theih nan 2. America hmarlam rama chengte tan (North America): 1) America hmarlam rama cheng Baptist hmeichhiaten tun aia rawngbawlna kawngah hmeichhiate an lo teltam theih nana hma an lak theih nan leh hmeichhia leh naupang chak lo zawkte puihna kawngah tun aia hma an lak theih nan. 2) Hmeichhiate zingah innghaisakna leh tihduhdahna awm thin hi Pathianin a lo tih rem theih nan 3) Kan khawtlangah leh hmun hrang hrangah muanna leh remna a lo awm theih nan 4) Hmeichhia chaklo zawkte leh naupangte zingah thlamuana leh hlimna a lo awm theih nan 5) Pathianin rilru leh thlarauah tanin a awm hmeichhiate a tihdam theih nan leh an fate tan i tawngtaipui ang u. 6) Hmeichhia la naupang deuhte leh upa deuhte pawin rawngbawlna kawngah tun aia hma an lo sawn zel theih nan. 18

19 3. America chhimlam rama chengte tan (Latin America): Heng kan ram mawitakte leh mifel tak takte avang hian Pathian hnenah lawmthu awm rawh se 1) Sawrkarin tha taka ro a rel theih nan leh heng inrukbote leh ruihtheihthil-te leh mipat hmeichhiatna hmanga dik lo taka sumdawnate a lo bo theih nan 2) Naupangte zingah Pathian hnathawh a lo lanzual zel theih nan leh thalai tamzawkin Pathian rawngbawl an lo tuipui theih nan 3) Pathianin khawvel pumpui Baptist inzawmkhawm pawl hmeichhe hruaitute leh ram hrang hranga Baptist hmeichhe hruaitute a hruaia an rawngbawlna mal a sawm theih zel nan. 4. Africa khawmualpui ram hrang hranga chengte tan (Africa) 1) Africa rama Muslimte zingah Pathian hnathawh a lo lana remna leh muanna a lo awm theih nan 2) Africa rama Baptist hmeichhiaten khawtlangah, kohhranah, chhungkuaah Lal Isua chanchintha hi huaisen taka an puanchhuah zel theih nan 3) Africa ramin ei leh barah hmasawnna an lo neih theih nan leh hmeichhiate chawisan an lo nih zel theih nan 4) Africa ramah Lal Isua chanchintha hi hrilhdarha a lo awm zel theih nan. 5. Caribbean thliarkar ram hrang hranga chengte tan (Caribbean): 1) Hmeichhiate zingah tihduhdahna leh nghaisakna a lo tlem theih nan leh pa leh Pasalte pawhin Pathian duhdana rawng an bawl theih nan 2) Caribbean ramah hian ruihtheihthil leh dan lo anga mihring hmanga sumdawnna a lo reh theih nan leh chung kawnga inhnamhnawihten Pathian an lo hmuh theih nan. 3) He ni kan tawngtaihona niah hian kawng hrang hranga malsawmna hmeichhiate zingah a lo thlen theih nan 4) Kohhranten tun aia nasa zawka Pathian duhdanna rawng an bawl theih zel nan 19

20 6. Asia khawmualpui ram hrang hranga chengte tan (Asia): 1) Asia khawmualpui ram hrang hranga cheng Baptist hmeichhiaten kohhran hruaitu pastor-te leh midangte hnen atanga fuihna leh chakna thar an lo neih zel theih nan 2) Asia khawmualpui ram hrang hranga cheng Baptist hmeichhiaten Pathian hruaina leh awmpuina nena rawng an bawl zel theih nan 3) Baptist hmeichhe hruaituten Pathian hruaina leh hmangaihna nena rawng an bawl zel theih nan 4) Asia khawmualpui ram hrang hrangah hruaitu tha kan neih theih nan leh Myanmar-ah te leh North Korea leh South Korea inkarah remna leh muanna a lo awm zel theih nan 5) Asia khawmualpui ram thenkhat Pakistan, China leh Myanmar-ah ringtute tihduhdahna a lo kian theih nan leh India rama kan hmeichhepuite chungah diknain ro a rel theih nan 6) Asia khawmualpui ram thenkhat lirnghing, tuilian leh thli avanga harsatna tuartute tan 7) Asia khawmualpui ram hrang hranga cheng hmeichhia leh naupangte tihduhdahna, nghaisakna leh danlo anga mihring hmanga sumdawnna kawngah venhim an lo nih theih nan. 8) Asia khawmualpui ram hrang hranga cheng Baptist hmeichhe inzawmkhawm pawl (Asian Baptist Women Union) rawngbawlna a lo chak zel theih nan leh thalai tam zawkte Pathian rawngbawlna kawngah an lo penchhuah theih nan. 7. Europe khawmualpui ram hrang hranga chengte tan (Europe) 1) Ringtute zingah hmangaihna a lo punzual zel theih nan 2) Ringtuten Pathian rawngbawl leh midangte tana malsawmna nih a thatzia leh hlawkthlakzia an lo hriat zel theih nan 3) Kristian chhungkaw din pawimawhna leh hlutna kan lo hriatzual zel theih nan 4) Innghaisakna leh tihduhdahna a lo tlem theih nan 5) Baptist hmeichhiate hi kan fate, chhungkuaah leh khawtlangah entawn tlak kan lo nih theih zel nan 6) Thalai tamzawk Pathian tana inpe an lo punzual zel theih nan 7) Khawvelah remna leh muanna a lo awm theih nan leh heng indonate avanga ei leh barah retheihna a lo tlem theih nan ram hruaitute pawhin finna nena ram an hruai theih nan 8) Hmun hrang hranga a bik takin Middle East ramte leh Europe ram thenkhata ral tlante tan Pathian awmpuina leh thlamuanna i dil sak ang u 20

21 8. Khawvel pumpui Baptist Hmeichhe inzawmkhawm pawla kan hruaitute leh khawvel pumpui Baptist inzawmkhawm pawla kan hruaitute tan (Baptist World Alliance Women s Department and the BWA) Khawvel hmun hrang hranga cheng Baptist hmeichhiate Lal Isua hminga kan kalkhawm hian Pathianin keimahni hmangin thilropuitak a ti thin a ni. 1) Khawvel pumpui Baptist hmeichhe inzawmkhawm pawla kan rawngbawlna leh keimahni tualchhung theuhah chakzawk a kan kal theihna turin tanpuina kan hmuh zel theih nan 2) July 2020 a Brazil a khawvel pumpui Baptist inzawmkhawm pawl hrang hrang hruaitute leh thalai inhmuhkhawmna lo awm tur hlawhtlin theih nan 3) He hun khawvel pumpui Baptist hmeichhiate kan tawngtaihona ni hi Pathianin mal a sawm theih nan 4) Khawvel pumpui Baptist Kohhran hmeichhe inzawmkhawm pawla kan hruaitute President Ksenija Magda, Interim Executive Director Moreen Sharp and Secretary treasurer ni bawk Kathy James ten finna leh chakna thar an lo neih theih nan 5) Kum chhung atana Pathianin Khawvel pumpui Baptist hmeichhe inzawmkhawm pawl hruaitu thar tha tak tak President, Secretary treasurer ni bawk leh Executive Director min pek theih nan 6) Khawvel pumpui Baptist inzawmkhawm pawl Baptist World Alliance a kan president Paul Msiza leh kan General Secretary Elizah Brown ten finna leh chakna an lo neih theih nan 21

22 Hemi ni a Pathian tan i thilpekte avangin Pathian chu fakin awm rawh se. Hemi ni a kan thawhlawm theuh tlingkhawm kan thawnna turte ( Thank you for taking up an offering and please send offerings to your continental union) 1. Asia Khawmualpui a mi ram hrang hrangte tan(asian Baptist Women s Union) Receiving Bank: Oversea-Chinese Banking Corporation Limited Beneficiary Name: Lim Sai Mooi/Myint Myint San Account: SWIFT Code: OCBCSGSG Bank Code: 7339 Branch Code: 687 Bank Address: 65 Chulia Street OCBC Centre, Singapore Africa khawmualpui ram hrang hranga chengte tan (Baptist Women s Union of Africa) Name of the Bank: UBA Account Name: Baptist Women s Union of Africa Swift Code: UNAFCMCX Country Code: CM21 Bank Code: Branch Code: Account Number:

23 IBAN: CM America chhimlam rama chengte tan (Baptist Women s Union of Latin America) BANCO: WELLS FARGO NUMERO DE CUENTA: ABA: CODIGO SWIFT: WFBIUS6S ( s not 5 ) DIRECCION: West Flagler Street, Miami FL TELEFONOS: BENEFICIARIO: UFBAL INC 4. America hmarlam rama chengte tan (Baptist Women of North America) Baptist women of North America P.O. Box 3578 Southfield, MI The checks can be made out to: BWNA or NABWU NOTE: Canadians can give through your denominational Women s Department. Please today for the addresses. see 5. Khawthlang chhimlam tuipui kam ram hrang hranga chengte tan (Baptist Women s Union of the South West Pacific) Name of account: Baptist Womens Union Of the South West Pacific Bank: Westpac Bank, Lake Street, Cairns, Queensland 4870, Australia Account number: Swift Code: WPACAU25( s not 5 ) 23

24 6. Caribbean rama mite tan (Caribbean Baptist Women s Union) Mrs Marijorie Fletcher Treasurer, CBWU Duncans P.O Trelawny, Jamaica 7. Europe khawmualpui ram hrang hranga chengte tan (European Baptist Women United) Bank Name: Spar-und Kreditbank Evangelisch-Freikirchlicher Gemeinden eg Postfach Bad Homburg, Germany Account Number: IBAN: DE BIC: GENODE51BH2 Online a pekna (Online Giving) Hengahte hian a hmuh theih ang 24

25 Khawvel pumpui Baptist hmeichhe inzawmkhawm pawla kan hruaitute President: Ksenija Magda, Secretary/Treasurer: Kathy E.James, Interim Executive Director: Moreen Sharp, Vice President-te 1) Marthe Nguime Ekollo Africa ram atangin, 2) Vernette Myint Myint San Asia ram atangin, 3) Yvonne Pitter Caribbean ram atangin, 4) Fabienne Seguin Europe ram atangin, 5) Liliana Fernandez de Farina America chhimlam atangin, 6) TaNikka Sheppard America hmarlam atangin, 7) Khawthlang chimlam tuipui kam ram atang chuan an president thar a ni ang 25

26 26