TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura

Size: px

Start display at page:

Download "TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura"

嵌森
5 years ago
Views:

1 TKP Dinchhan Thalaite hi:- 1. Kristian tha tak ni tura buatsaih. 2. Krista leh Kohhran tana thawk tura buatsaih. 3. Khawtlang tana mi tangkai ni tura fuih leh kaihhruai. 4. Pathian ram zau nana inhman tir. Thalai Kristian Pawl Châltlâng Unit TKP AW Estd Pathianni Chhuak TKP THUTIAM Krista leh Kohhran tan : Ka chakna Isua krista chu ring tlatin Nitin Pathian ka pâwl anga, Kan Kohhran Pathian biakna leh hnathawhnaah ka tel zêl ang. Khawtlâng thatna leh inunauna tinghet tûrin ka thawk anga, Krista hnênah midangte hruai ka tum tlat ang. VOL No. XVI I I Issue No. 23 Dt Pathianni Unit TKP Chanchinbu CHANCHIN THA HRILH AWMZIA Chanchin tha kan hril hian Pathian ram kan din dawn a ni tih hriat a tul. Hlim tak leh thlamuang taka awm tura pianthar a ni ringawt lo a nih chu. Sakhaw thlakthlang mai a ni bawk lo. Mite thinlung leh nunah Pathian lalna leh thuneihna hmun chantir a, setana ram thiat vek chu a ni. Kan inpeih em? Thuhma - Chanchin Tha hril awmzia sawifiah na hi Mat. 28:16 a sawi angin, ringtu siam leh kohhran din tiin kan hre tlangpui a. A dik em em. Tuna kan sawifiah kan tum dan chu Lal Isua n Marka 1 : 15-a a sawi ang hi a ni ang. Pathian ram din a ni a, Setana ram thiat a ni a, Indona a ni, kan ti dawn a ni. Tukin zing : Rev. Dr. R. Lalthanmawia Zanin : Rev. Lianruaia Nilaini zan : Sharing Inrinni zan : Upa Thanchungnunga Pathianni leh zing : Rbt. C. Laltanpuia Pathianni leh zan : PP. Vanlalnghaka Jongte Thawhtanni zan Inkhawm Hruaitu : Nl. KC. Vanlalzami Bible chhiar leh tawngtai : Tv. Jeffrey Malsawmzuala Thawhlawm khawntu : Nl. Ruth Tialvangi Tawngtai rual : Solo : Nl. R. Zaithanchhungi Thuzir : Pu B. Ruatfamkima (Zirlai 4-na) Kohhrana Thalaite Hlutna Leia Pathian ram din a ni. Chanchin Tha bu thumin chanchin tha hril an sawifiah dan hi, amah Lal Isua hna thawh atangin an sawifiah a. Pathian ram din a ni. Van nun chu leia mitten an nunpui vena tur thu a ni. Pathian ram chu Pathian duhzawng, vana min an ti anga leia mitten an tih hi a ni a. Hei hi Lalpa Tawngtainaa kan sawi thin I ram lo thleng rawh se kan tih hi a ni. Van nun chu Lal Isua nunah a awm a. Isua-ah hian Pathian ram chu leiah a lo thleng a. Chu mi chanchin chu kan hril tur a ni. He lei hi Pathianin ama ropui nan, mawi tak leh nuam tak leh hausa taka a siam a ni a (Gen. 1,2). Pathianin mihring amah angin a siam a, a ropuina a entir tur a ni. Thuneihna sang tak a pe a, Lei chu enkawla veng turin a dah a ni. Leiah chuan Pathian leh mihring chu leng dun a nuam taka khawsa turin ruat a ni bawk. setana ram thiat a ngai. setana lo awm dan chiah kan hre lo. Thup. 12-ah van indo thu kan hmu a. Michaela chuan setana chu a hneh a, leiah an paih thla ta tih kan hmu. Pathianin mawi leh tha taka lei a siam tichhe turin setana leh a hote chuan an bei ta a. A enkawltu ber Adama chu hneh phawt a ngai a, an hneh ta reng a, lei chu Adama avanga ânchhe dawng a lo ni ta a, Adama leh Evi pawh ânchhe hnuaiah an awm ta. ( Gen.3:1-19). Mihring chu setana Phek 2-na Column vei lamah chhunzawm a ni Thawhlehni 5 / 7 / 06 zan Inkhawm Hruaitu : Pu J. Laltanpuia Thawhlawm khawn & Hlantu : Pu PS. Hmangaihzauva Thuchah : Pu C. Lalramliana Vawiin Fehchhuah Programme (1:30 PM) A hmun : Kohhran Hall Hruaitu : Pi Zairemthangi Lilamtu : Pi Rohlupuii Pangpar khawitu Vawiin : Pi Mary Lalparliani & Pi T. Annie Karleh : Pi R. Thankhumi & Dr. T.C. Hmingthangi Tu leh fa pual Tawngtai 08 / 07 / 2016 Hruaitu : Pi Lalhmachhuani Vawiin Sunday School ban Inkhawm Hruaitu : Pi Lalfakzuali Hmar Tantu : Lalhruaizeli Sailo Bible chhiar : Vanlaltlansanga Hla thlang : Lalhruaizela Thawhlawm khawn : Christy Remmuanpuii Special Item : David Malsawmtluanga (Recitation) Thuzir (Zirlai 6-na) : Rbt. Laldinmawia B a p t i s t C h u r c h O f M i z o r a m, T h a l a i K r i s t i a n P a w l C h â l t l â n g U n i t

2 Sunday Pathianni TKP Châltlâng Unit TKP AW 2 Sermon chhunzawmna fa (Jn. 8: 44); setana thuneihna hnuaia awm ( Eph.2:2,3)., sual bawih (Rom 6:20) a lo ni ta. He dinhmun ata chhanchhuah hi Pathianin Isua Krista-a a thil tum a ni a. setana ram mihring thinlung ram leh a chenna boruak leh a nun phung ram chu, Krista lalna rama siam a lo ngai ta a ni. Thihna chu nunnaah, thim chu engah, setana bawih chu Krista bawiah siam hna chu chanchin tha hril chuan a tum a ni. Chanchin Tha hril chu indona a ni. Hetiang a lo nih tak si chuan, indona a hring ta a ni. setana ram chu thiat a tul chuan setana chu a awm mai mai dawn lo va, tan a lak a ngai a. Indo chu a loh theih loh a ni. Johana n Lal Isua hna a sawifiahna pakhat chu, diabawla leh a hna thawhte tihboral hi a ni. (I Johana 3 : 8). Luka chuan mi chak, setana chu, a aia chak Isua Krista chuan a rawn phuar ta a ti ( Luka 11 : 21-22). Thupuan 12:1-17-ah chuan hmeichhia, nia inthuam, nau hring tur chu setanan nasa takin a tibuai a, a nau chu tihhlum a tum a ni, mahse Pathianin a chhanhim. Chuvangin, chang 17 ah, hmeichhe thlah, Isua thu hriattirna pawmtute do turin a chhuak ta, a ti. Chu chu tuna kan dinhmun hi a ni. Indo rilru put a ngai a ni. Indo lai chuan indo rilru put a ngai a. Indona inthuama inthuam a ngai a, ral thuam neih that a ngai. Petera chuan kan khingpui diabola chuan a sa seh tur zawngin a phi ruai a ni a ti bawk ( I Petera 5 : 8). Pawla n, kan buante hi tisa leh thisen an ni si lo, lalna te, thuneihna te a ti a, Pathian ralthuam famkima inthuam a tul a ti bawk.( Ephesi 6 : 10-13). Chutichuan, tuna kan tana pawimawh ta ber chu Chanchin tha kan hril hian Pathian ram kan din dawn a ni tih hriat a tul. Hlim tak leh thlamuang taka awm tura pian thar a ni ringawt lo a nih chu. Sakhua thlakthlang mai a ni bawk lo. Mite thinlung leh nunah Pathian lalna leh thuneihna hmun chantir a, setana ram thiat vek chu a ni. Kan inpeih em? Source - Facebook MISSIONARY DAY PUAL CHIBAI Kan Kohhran Member atanga Missionnary kal tawh zawng zawng leh tuna la tang mek, Nl. J. Lalrempuii, Arunachal Far East leh Nl. J. Ramngaihzuali, Gorjee, Tripura te Kohhran mipui ten Missionary Day Chibai kan buk a che u. Vawiin hi BCM ni pawimawh Missionary Sunday a ni. He ni hi kum tin July Pathianni hmasa berah hman thin a ni. Kumina Missionary Sunday thupui chu Kohhran leh Chanchin Tha Hril tih a ni. Sunday School lamah pawh he ni pual hian thuzir inang tlang zir a ni ang a, chawhnu lamah Tualchhung Kohhran a thei apiangin Mission lam pual inpawlhona hun buatsaih tura beisei an ni bawk. Vawiin Sunday School kainaah Naupang lam leh Puitling lama kum chanve exam result puan a ni dawn a, lawmman siam a ni bawk ang. Sunday School banah Sunday School kai zawng zawngte tan thingpui in tur a awm ang. Thingpui in zawhah Sunday School Puipate leh zirtirtu te n Sunday School Hall-ah inpawlhona an nei ang. Inpawlhona hruaitu atan Upa Laldailova Colney a ni ang a, Sunday School Puipate kalvek tur a ni. June 10, 2016 Pathianni leh chawhnu dar 1:30pm hian Sunde Skul Hall ah Kohhran pum huapin Mission pual fehchhuah neih tur a ni a, FOD programme dang a awm lo ang. Mission Pual Khawlbawm panga (5) Sound Control Room ah ala awm a, la duh chuan lak thei reng a ni e. Khawlbawm hi November thla a hawn chauh tur a ni a, la duh tan ala tlai lo e. Tin, hemi ni zing inkhawmah hian Gideons International-in hun (15 mins.) hman an dilna chu Kohhran committee inpawmpui in, 15 mins hun pek an ni. An rawn dil angin Thawhlawm an dawh dawn a, Kohhran member te lo inring turin kan inhriattir e. June 30, 2016 (ningani) khan zing dar 7 atangin MBKHP chawnghei tawngtai neih a ni a. Hetah hian BKHP member te n an ei ai kengkhawmin missionary damlo leh tanpui ngaizualte tan hman a ni ang. Kan unit BKHP pawhin he hun hi tha takin an hmang thei a ni. Tv. Andrew Muansanga (Sentea) s/o Pu Joseph P. Liana chuan HATIM-ah Lecturer hna a hmu thar a, karleh khian zawm turin Lunglei a phei ang. Kohhran member te n kan lawmpui hle. Tv. Sentea hi unit TKP Executive Committee member, Davida Group Leader leh Bawngkawn Bial Zaipawl member ni lai mek a ni. Tin, unit TKP King ni lai mek a ni bawk. TKP lam pawhin an lawmpui em em rualin an ui dawn hle bawk a ni. Pathianni hmasaa kan Biak Ina pangpar mawi tak khawitu kha kan Kohhran member Chatuan Rama chawl tawh Pi Lalparmawii fanu Pi Lalchhuani a ni. A nu thihcham vawi 10-na pualin a khawi a, Kohhran tan pawh thil lawmawm tak a ni e. Arr Ells School bula in leh lo nghet neia awm Pi Lalparmawii (L) kha Sawleng Lal (Sailo Lal) Lalzama fanu a ni a. Baptist Kohhran nih a duh tlat a, a chhungte tumah an ni ve lo chung pawha amaha kan Kohhran Member rinawm tak, a thih thlenga ni tlat a ni a, kan Kohhran tan a hlu hle a ni. Kar kalta zirtawpni zan atanga Crusade, TKP bul tuma neih chu hlung taka hun hman a ni. Kohhran member te n he Crusade hi kan hlut hle a, zirtawpni zan inkhawm pawh mi 130 chuang kan ni. Pathianni chawhnu Praise & Worship inkhawm pawh 140 bawr vel kan nia hriat a ni. Phek 3-naah chhunzawm a ni

3 Pathianni (... News chhunzawmna) BCM Pastoral Committee meeting chuan Chaplain, Contract post ruak pakhat hnawhkhahna turin Lalsanglura s/o Upa Rohnuna Sailo, Bungtlang West chu a la thar. Chaplain hian Kristian Hospital Serkawn, BHSS, Jail leh Homes te an enkawl thin a ni. Kan Kohhran member Pu Hmingtinthanga unaupa nupui Pi Chalmawii chu Saiha ah June ni 25, 2016 khan boral. Tin, Pu Lalduhkima nu, Pi Maliani chu Hnahthial ah June ni 28, 2016 khan a boral bawk. Khawhar chhungte i tawngtai pui ang u. Rbt. TC. Lalzarzova pa, Pu TC. Laltlanthanga chu Khawsik, pumna leh Thin lam tha lo vanga in enkawl turin Zirtawpni khan an lo phei a, i tawngtai pui ang u. Kan Kohhran chhunga member dam lo tawngtaipui ngai kan hriatte :- Upa Rohmingthanga, Pu PC. Lianzuala, Pu Hmingtinthanga leh Pu Robuanga. Kohhran Committee meeting June ni 28, 2016 (Thawhlehni zan) khan neih a ni a, thuchhuak pawimawhte thenkhatte :- 1. Damdep Biak In sak tanpuinan Rs. 10,000/- pek a ni ang. 2. BMP-in an Guitar Lucky Ticket hmanga tihral an dilna chu remtihsak a ni. 3. AICS-in BD zirlai pahnih Weekend Practical Ministry, July-September 2016 atana an rawn dil chu remtih a ni. 4. Pulpit chhung, a hnung leh a chhe lai siamthat tum a ni a, Pulpit chungah fan dah a ni bawk ang. Tin, ceiling light te check that tur a ni bawk. 5. Aizawl North III BSI hnen atanga BSI Campaign an rawn dilna chu remtih a ni a, August 8, 2016 Sunday zing hun pek an ni ang a, thawhlawm pawh pek an ni ang. 6. Biak In hnuai step-ah vantlang kaltlang an awm tawh loh nan Gate-ah thuziak tar a ni ang. 7. Biak In hmun thara Biak In sak dan tur hetiangin ruahman a ni :- (a) (b) (c) (d) Biak In building hi chhawng 6 a ni ang a, a chung berah Biak In a awm ang. A chung ber dawtah Choka leh Dinning Hall, kawng ânah Hall. Basement I-ah Parking, II-ah Committee Room leh a hnuai ber Basement III-ah Chowkidar quarters. Lift Provision awmin Biak In chung hi a zawlin siam a ni bawk ang. Organiser atanga lehkha kan hmuh angin member list thar, FOD Inkaihhruaina dan bu in a sawi angin siam that mek a ni. Inkaihhruaina danah tun hma chuan Member chi hnih, Active member leh Associate member tihchiah awmin, tunah chuan Active member-ah hian (a. Member nghet pangngai) leh (b. Zirna leh ei zawnna avanga rei lote awm tur te) dah tel a ni. List thar hi Executive Committee Meeting leh hmasa berah peih fel hman tum a ni. Vawiin leh karleh Pathianni te Kohhran programme a awm avangin Fellowship a awm lo ang. TKP AW 3 MISSIONARY SUNDAY HMAN A LO NIH DAN Kum 1939 atangin Mizoram Baptist Kohhran chuan Mission rawngbawlna hi Tuikuk Takam zingah a tan a. He rawngbawlna hi a lo chak zawk zel theih nan kum 1944 atang khan Kohhran rorelna chuan July Pathianni hmasa ber Inkhawm thawhlawm chu Tuikuk Takam puala Mission rawngbawlnan dah a lo rel ta a ni. He mi hnu hian Tuikuk Takam Pathianni ti lovin Ramthim Pathianni tia dah a ni leh ta a. Kum 1970 Assembly chuan Missionary Sunday tiin a lo thlak leh ta a ni. Missionary Sunday-in a tum ber chu Mission rawngbawlnaa infuih thar lehna hun atana hman hi a ni. BCM Mission Field Report (January - June 2016) Field hming Baptisma Fellowship Kohhran chang thar thar thar zat 1. Bru Chakma Non-Mizo Assam Tripura W. Bengal MP & MS AP East AP West AP Far East Nepal Mire Bhutan N. India Jharkhan Kolkata Andaman Good News Society, Assam TOTAL (Foreign Mission Field thenkhat kan tarlang thei rih lo) BCM Mission Workers (as on June 2016) 1. Missionary Missionary nupui zat Native Worker zat Casual Workers/Fixed Pawlho chawm Missionary School Support Recognized Missionary - 20 TOTAL

4 Pathianni TKP Châltlâng Unit TKP LAWMTHU SAWINA TKP Crusade kan neih zawh taka Kohhran hruaitu leh member te, FOD - BMP, BKHP te theihtawpa min tawiawm avangin lawmthu kan sawi e. KNP te, programme inthuah deuh avanga in duh anga hun inhmang thei lo kha pawi kan tiin, in mi ngaihdamna kan dil e. Thingpui lum tur leh sawhchiar min siamsak tura kan ngen angin BMP leh BKHP ten min tihhlawhtlinsak a, kan lawm tak zet a ni. Tin, Pathianni zing inkhawmah Combined Choir min neih sak avangin lawmthu kan sawi bawk e. Zai tura beisei - Nl. Zamtei, Nl. Nutei leh Pi Julie ten an chanvo ngaipawimawhin an rawn tihlawhtling thei a, lawmthu kan sawi e. Editorial Inpekna Rawngbawlnaah hian enge pawimawh ber ti ila, tisa zawnah, mimal nun atan chuan Inpekna ti ila kan tisual lutuk lo ang chu maw? A pawlho ang chuan Inpumkhatna te hi a pawimawh berte zing a mi a ni ngei ang. Mimal bikah, tisa lam taka ngaihtuah chuan Inpekna hi thil pawimawh tak niin, thiamna sang leh talent tha tak nei pawh ni se, hman theih tura mi a inpek loh chuan hmantlak an ni lo. Pathian mi hman tak leh Kohhran leh FOD a mi tangkai ni tur hian thiamna leh sum leh pai aia pawimawh chu Inpekna a ni. Mahni chanvo tihlawhtling thei lo, chhuanlam siam a tlanchhe reng thin kan nih chuan Kohhran leh pawl tan a mi tangkai lo tak kan ni ngei ang. Mahni phak ang tawk a mawhphurhna chanvo hlenchhuak turin Krista leh Kohhran tan i inpe thar zel ang u. Editor R. Vanlalvena - Ph : vrenthley9@gmail.com tkpawchaltlang@gmail.com Board members Unit TKP Office Bearers Cir. Managers C. Lalnunsanga - Ph : C. Lalnunpuia - Ph : Lalthasangzela Sailo - Ph : Web Masters Zorempuia Chuauhang - Ph : Vanlalringa - Ph : Distributors Melvin Lalremruata - 6 Saidingliana Sailo - 7 Lalnuntluangi Rokhum - 12 F. Lalrinmuana - 8 C. Lalruatdika - 10 Zohmingthansiami - 12 C. Laldintluangi - 9 Emily Laldintluangi - 11 Vanlalliani - 5 Moses Lalfakawma - 3 Vanlalnghaka Sailo - 7 PS. Lalnungrengi - 10 PS. Lawmsangzuala - 11 Timothy Lalrinfela - 10 Malsawmtluanga - 8 Lalrinfela - 8 Lianthunga Khenglawt - 12 JH. Lalnuntluangi - 7 Zing Tawngtai Hruaitu (05 : 30 am) TKP AW 4 Dt (Mon) - Upa C. Darzika Dt (Tue) - Pi T. Sangnguri Dt (Wed) - Pi Lalhmingliani Dt (Thu) - Pi Lalthlamuani Dt (Fri) - Rbt. K. Lalthanzauva Dt (Sat) - Pi R. Lalengzami Dt (Sun) - Pi Rohlupuii SUNDAY SCHOOL REPORT - 26 / 06 / 2016 Naupang Puitling Hming ziak zat Kai zat Kai lo zat Thawhlawm - Rs. 1,049/- Rs. 1,585/- Vawiin Sunde Skul banah Sunde Skul kai zawng zawngte tan Thingpui in tur a awm ang. Vawiin Sunde Skul Puipate Inpawlho Hruaitu : Upa Laldailova Colney N A U P A N G P U A L BAWNGPU LEH A FANU Hman lai hian bawngpu pakhat hi a awm a. A nupui chu a thih tawh avangin a fanu neih chhun chu a duat em em mai a. A fanu pawh chuan a pa chu a ngainain a hnathawhah te chuan a pui thin a. Sikul kal rual a lo nih chuan a pa chuan khawpui lamah Hostel-ah dahin sikul a kaltir a. Bawnghnute man a hmuh apiang chu, thawmhnaw tha lei nan pawh hmang phal lovin, a fanu mamawh lei nan a hmang thin a. Chu vang chuan thawmhnaw tha incheina pawh a nei lo va. A fanu chu a lo lian ve zel a. High Schoolah a lo kal ve ta hial. Hostel-a a thiante chu mi hausa tak takte an nih avangin a pa chu a zahpui thin a. Hostel naupang tlawh theih ni (visiting day) te hian a pa chu lo kal ve lo turtein a hrilh thin a. Mahse, ni khat chu a fanu chu a ngaih em avangin a pa chu Hostel-ah chuan a va kal ve ta a. Ralkhatah a fanu chuan a lo hmu a. Thawmhnaw tha pawh ha lova a lo kal a hmuh chuan a fanu chuan a zahpui ta a. Zirtirtuten an rawn ko va, I pa a lo kal, an tih pawhin, Ka pa a ni lo, a ti tlat a, a hmu duh ta hauh lo mai a. A pa rilru chu a na em em a, mittui far zawih zawihin Hostel Compound chu a chhuahsan ta a. A mittui avanga kawng a hmuh that theih loh avang chuan motor chak taka lo tlan chuan a rawn su thlu tawp mai a. Chu veleh ral khat atanga a ruka lo thlir rengtu a fanu chu hmanhmawh takin a lo tlan a, kawng laia a pa chu a rawn kuah vat a. Mahse, a tlai zo ta. A pa chuan, Mamte, ka hmangaih che asin, a tih chu a tawng hnuhnung ber a ni ta. A inchhir em em mai a, mahse awmzia a nei ta lo. Nu leh pa te hi min hmangaihtute an ni a, eng ang mi pawh ni se, hmusit tur a ni lo. P u b l i s h e d & E d i t e d b y R e n t h l e y V L o n b e h a l f o f T K P C h â l t l â n g U n i t P r i n t e d a t E f a t h a P r e s s, C h â l t l â n g. C o p i e s

38

Total No. of Printed Pages 7 HS/XII/A/MIZ/14 2 0 1 4 MIZO ( ELECTIVE ) Full Marks : 100 Time : 3 hours The figures in the margin indicate full marks for the questions General Instructions : Write all the