Untitled-3

Transcription

1 February, KRISTIAN THALAI FEBRUARY, 2015 A chhunga thu awmte : 1. Editorial 2 2. Boruak mai hnek lovin 3 3. Thuchah hnuhnung 8 4. Dubai 2014 SACYN Conference Hna chungchanga thil pawimawh thei pathum Zawlnuam Branch work camp report Chakna thuruk Sunna Zokhumi ( ) Hringlang tlâng Nu Kantu Lungdai branch Keimahni 32

2 February, Dikna Democracy rama awm kan ni a, mi tinin chanvo kan nei \heuh a, mi mal zalenna chin pawh kan nei \heuh a ni. Chu kan chanvo chu inzahsaka khawsa ho tur kan ni. Mi mal zalenna leh dikna hi hman thiam a ngai hle a. Mahni dikna leh chanvo hre rana mi dang nek chep nana hman te, mi dang tana harsatna thlen te erawh chu danin zalenna min pekin a huam lo. Bible chuan dik taka a awma, fel taka tia, a rilru thu tak tak sawi mi, mi dang rela an chunga thil sual ti ngai lo chu Lalpa hnenah a la cheng dawn a ni, a ti a (Sam 15). Dik tak leh fel tak, inhmangaih tawn leh induhsak tawn taka nung tur kan ni a, kan harsatna insutkiansak tawn tur pawh kan ni. Mihring nun phuar khawmtu leh nun hona kawnga min phuar khawmtu ber chu dikna, rinawmna leh ingaihdam tawnna te hi a ni ti ila kan sawi sual lo vang. Tunlai kan ram dinhmun han en hian heng kan sawi lan takte hian hmun a chang tlem ta hle tih kan hria. Khawtlangah nun dan dik ngaihsanna a bo va, mi rinawmten chanvo an nei tlem tial tial bawk emaw tih tur a ni. Dikna a tlakhniam chuan sualna a hluar a, rinawmna a bo chuan hlemhletna leh mahni hmasialnain ro a rel \hin a ni. Ram inrelbawlna kawngah pawh hei hi thil pawimawh tak, ram hmasawnna tura a kawngpui a ni a. Ram roreltute zinga hlemhletna leh duhamna, mahni hmasialnain bu a khuar tawh chuan dikna lekkawh a theih tawh hek lo. Pathian thu pawh hian zalenna min pe a. Chu kan zalenna hmang chuan Krista kan pawhin kan hnawl thei a, kan duhthlanna ang zia zelin a rah pawh kan seng dawn a ni. Ringtute chuan kan nun pum pui hi Pathian thu a\angin kan tehin mahni kan inbih nawn fo a ngai a, ringtu nuna kan nun a \ul tak meuh a ni (1 Kor 4:1-2). Chu chu khawvelin min beisei dan pawh a ni reng a ni

3 February, Boruak mai hnek lovin (1 Kor 9:26) Rev. H.T. Ziona Bishop's College, Kolkata Thupui kamkeuna Korinth khua hi Greece ram khawpui pawimawh tak, Rome ram awp (Achaia bial) chhunga awm a ni a. A awmna hi Medeterranean tuipui ringrek lai tak, Greece ram hmar lam leh chhim lam inzawmna lai a nih avangin ram chhung chhim leh hmar mite leh, Asia ram mite leh Rome mite inkalpawhna leh insumdawn tawnna khawpui pawimawh tak a ni. Chuvangin, he khawpuiah hian mi chi tin leh hnam hrang hrangte an cheng a, a \ha lam leh a chhe zawng pawhin a \hang duang em em a ni. Kan thupuiin a tar lan ang khian infiamna lamah pawh an lo advance tawh hle tih a hriat theih. An sawi dan chuan hmanlaia an infiamna kut ropui tak 'Isthmian Games' an tih chu he khawpuiah hian an lo hmang tawh \hin a; infiamna hmun (Amphitheatre), a entu mipui 14,000 zet \hut theihna chu an lo nei tawh bawk. Tirhkoh Paulan Korinth khua a tlawh hmasak ber (kum 50 CE vel) hian kum khat leh a chanve vel a chamchilh a, ringtu tam tak siamin kohhran pawh mumal takin a lo ding a (Tirh 18:1-17); anmahni a kalsan hnuin an chanchin a ngaichang zui zel a, lehkha pawh a thawn \hin a ni. Kan thupui innghahna 1 Kor 9:26 hma lamah hian Korinth Kohhranho zingah harsatna neuh neuh a thlen thu kan hmu a. Hetih lai hian Korinth khua hi khawpui \awp tak a ni awm e. Nawmchenna, zu leh sa leh sex hman sualna te a hluar em em niin an sawi. Sumdawnna hmun leh mi chi tin chenna a nih avangin sum leh pai hlep ruk te, sakhaw zirtirna chi hrang te a tam hle bawk. Chutiang nunzia chuan he khuaa ringtute a tihbuai \hin

4 February, avangin Paula hian fuihna thu a thawn a; amah chu entawna zir tura fuihin, "... boruak mai hnek lovin mahni ka inhnek zawk \hin a," tiin a challenge ta a ni (English Bible lehlin hrang hrangah chuan "Mahni ka inhnek' tiin an letling lo va. 'Boruak mai hnektute ang ni lovin kei chuan ka hnek \hin,' emaw, 'Boruak mai hnektute ang maiin kei chuan ka hnek ve mai mai ngai lo,' emaw ti angin an dah vek a ni. Chu chuan a Greek text pawh a phawk zawk niin a lang - See. NIV, ESV, NRSV, KJV, etc.). Boruak mai hnektu chu Boxing games hi hmasang kum 688 BCE vel a\ang daih tawh khan Greek mite leh Rome mite infiamna lar tak a lo ni tawh awm e. Hmanlai Korinth khuaa Isthmian games kan sawi takah te pawh khan an lo khel tawh \hin a; Paula pawhin tehkhin thua a hman dan a\ang hian a lo en ve tawh ngei ang tih a rin theih. Tin, hetih hun lai phei hi chuan an kutkawr atan savun khauh taka siam leh a \hente phei chu thir bawk vuah te an hmang a; Rome lalhote phei chuan ennawm atan salte an inhnektir a, an inchin hlumtir \hin. Chutiang dinhmunah chuan beihpuite hnek fu lova boruak mai hnek chu a den duh ngawt ang le! Paula hian chutiang mite dinhmun hlauhawmzia chu hriain, ringtu nunah pawh fimkhur a ngaihzia tehkhin nan a hmang ta a ni. Aw le, keini pawh rinna intihsiakna beia kum bul kan \an mek lai hian, kan hmabak \heuhah hnehtu nia lawmman kan chan ngei theih nan, boruak mai vai lova kan hnek dan tur chu i lo zir zui dawn teh ang: 1. Pathian rinchhanin Infiam mite hlawhtlinna hi anmahni kaihruaitu (coach) teah a innghat thui hle. Kan thupuiah hian Paula (kan coach) chuan ringtute chakna laipui min zirtir a ni. Aw le, mihring hmasawnna leh finna te hian Pathiana rinna nghat lova thil siam chunga rinna nghah dan min zirtir \hin. Chutih rualin, mihringin a theihna leh finna hmanga a hmuh chhuah theih hauh loh chu 'Pathian finna leh chakna thuruk' hi a ni a (Mat

5 February, :25; Rom 11:33-36); miin chu chu a finna hmanga teh chhuah a tum vaih chuan a hlat deuh deuh \hin (1 Kor 1:18-21; 2:14). Tunlaia Pathian awm rin lohna (Atheism) thupui vaitu zinga pakhat Richard Dawkins-a te hian a science thiamna (a bikin Darwin-a evolutionary theory) hmangin sakhaw rinna leh zirtirnate hi a teh a, a hlawhchham chiang teh asin! Hetiang mite hi an ni Paulan, 'Boruak mai hnektu' a tihte chu (1 Kor 1:20f). Chutih laiin Davida chuan Pathian a rinchhan avangin hmelmate a hneh zel a, "Pathian thinlung pu mi" title ropui a hnek chhuak thung (1 Sam 13:14; Tirh 13:22). halai hlaah pawh, "A lama rilru dik tak putu chungah chuan, a chakzia tilang turin a kalsan ngai lo..." tia kan sak angin, Lalpa hi a ringtute tan a rinawm a, a chakzia tilang turin khawvel pumah a mit a len ruai ruai a, rin tlak Pathian a nihzia a lantir \hin a ni (cf. 2 Chro 16:9). Chuvangin, mihring finna hmachhuana boruak mai hnek lovin, Pathian rinchhanin intihsiakna i bei zel ang u. 2. Mahni inthununin: Infiammiten an mamawh leh an chakna thuruk chu inthununa \ha tak an vawn hi a ni bawk. American boxer rorum Mike Tyson kha a hun hmasa lamah chakin ropui hle mah se, 'mahni inthununna' a thlahthlam chinah kha chuan a mualpho hle. Drugs hman sual thubuai te, pawngsual thubuai te, khingpuite beng seh thubuai te a awrh nuaih mai a; Jail bang te zutin a tawpah phei chuan sum leh paiah pawh a tlachhe hle a nih kha. Heta \ang hian infiam mite chuan kawng engkima inthunun \hat an mamawh tih a chiang hle a ni. Keini zingah pawh mipat hmeichhiatna kawnga inthunun turin infuih thar fo kan mamawh awm e. Pathianin a huat em em leh a thinurna mei tialh fotu chu he sex hman khawlohna hi a ni tih kan hria. Chutih rualin, thianghlim taka invawnga, Ama duh dana hmangtute erawh malsawmna tam takin a vur let a, chi ropui takah a din chhuak thung \hin. Chu chu hriain kan hmelma Setana hian min bum nan a

6 February, hmang thiam hle. Tunlaiah phei chuan network a nei \ha nasa mai si a, K P member-te pawh min zuam a, a chang phei chuan min ching chau der \hin a nih hi. Hawh u, hmelma buma kan awm loh nan leh, Pathian thinurna mei kan hmachhawn loh nan i invawng thianghlim hram ang u. Zu leh sa chungchang pawh hi, kan ramah Kristianna a lo luh a\angin kan harsatna (issue) a ni nghal tih kan hria. Bible zirtirna nen a inkalh tlat avangin zu in lo turin kan inzirtir a. Amaherawhchu, zu hian nasa takin kan hnamah bu a khuar avang leh, kan chhehvel leh khawvel hmun danga mite dinhmun kan hmuh leh hriat a\angin ngaih dan kan siam a, tunah phei chuan hun rei tak ram rorelnain a khapna dan a lo siam tawh pawh hlih a lo ni leh ta mek a ni. Eng pawh ni se, zu tel lo hian mihring hi a dam khawchhuak (survive) thei a, a intuten an \hatpui aiin mi mal leh huho nunah kan chhiatpui nasa fe zawk a, mihring rilru fim tak tinuin zu hian kan thlarau nun a tichau \hin. Kan ban phak maiah he zu hi a lo inchhawp hnai a nih pawhin, kan chakna thuruk chu, Daniela te \hianzaho anga Pathian \ih a, A mit hmuha lawm tlak taka kan invawn zel hi a ni tih i hre reng ang u. 3. Ram leh hnam tana beiin Infiamna hi mi mal inbeihna mai ni lovin ram leh hnam tana beihna a ni bawk. Indian boxer chhuanvawr Mary Kom-in World Titlefight vawi nga leh, nikum 2014 Asian Games-a Gold Medal a hnek chhuah te khan India ram National Flag vai chungin a lawmman a dawng a. Mizo boxer ropui T. Zoramthanga (L) pawhin kum 1990 kuma World Boxing Championship Bronze Medal a hnek chhuah \um khan Mizo Thangchhuah Diar khimin Aizawl khawpui chhung fanpui a ni a, mipuite hmaah, "Vawiina ka hnehna hi Mizote hnehna a ni," tiin a sawi a nih kha. Pu Rokungan hlain, "Kan hnam dinchhuahna bul chu hei (Chanchin ha) ngei hi a lo ni," a lo tih angin Lalpan a thlawnin Chanchin ha min pe a; vawiin hi kan lo thleng thei a ni. Keini hriat ve phak maiah pawh Chanchin ha avangin kawng hrang hrangah Mizo nih hi a

7 February, nuamin thlamuanthlak kan ti \hin a. Tunah hian eng nge kan dinhmun ni ta le? Tunlai finna leh hmasawnnaten min rawn chim hian, kan dawnsawn dan leh hman dan a dik loh vaih chuan kan hnam chakna leh hmingmawina te hi a lungphum chawpin a sawp rup thei a ni. Tun dinhmuna Zoram khawvel sir khat (kan chak lohna lam) hi i han thlir thuak teh ang. Hnam pasal\ha aiin mi mal (celebrity) chawi larna, kan khawtlangte chu hmangaihtu derte hleilenna, mipuite pawh, a nalh te, a changkang te, a tui ber te duh siin, mahse, thawh chhuah nachang hre si lo, mamawh thawk chhuaktu nih aia mi thawh chhuahsaa intihmilen hreh lo leh zak hauh lo, hnam ro hlu vawng himtu tlawmngai pawl chhawm nun aia a timit zawnga ke pen mek, thlarau lam ruai kil zaa chakna thahrui kan lakna kohhran hmusit leh hransantu dinhmunah te hian kan ding mek niin a lang. Lirnghing te, Hindu firfiak te, sakawlh te leh hun thim tih te kan insawi\haih a, heng zawng zawng chunga thuneitu, kan pi leh pute leh kan nu leh paten a thu an lo awih leh anmahni venghim \hintu kha kan theihnghilh ta mai em ni? Kan ram leh hnam hian chhan a ngai a nih ngai chuan, Mordekaia leh Estheri te ang khan kan theihna leh remhriatna zawng zawngin Lalpa hmaah kan ding ve dawn lo m ni? "Lalpa, kan ram tidam leh rawh," tia \awng\ai chungin he rinna intihsiakna hi i bei ve ang u. Tlipna Tirhkoh Paula chuan hnehna changtute lawmman thlir chungin kawng engkimah amah a inthununa, intihsiakna \ha chu a bei zo va, felna lallukhum chu a chang a ni tih kan hriat kha (2 Tim 4:6-8). Aw le, keini pawh aman min fuih angin he intihsiaknaah hian boruak mai hnek lovin, rinna leh inthununna \ha tak vawng chungin, kan ram leh hnam leh Pathian tan i bei zel ang u. Amen

8 February, Thuchah hnuhnûng (Kum 40 ka thleng ta si a!) H. Lalrindika, Ramhlun Venglai Branch. K P hruaitu hmasa-ten K P member chu kum inkar an ni tur a ni, an lo tih chu kum 40 ka lo tlin ve dawn tak avangin Kristian halai chanchinbua ka thuziah tawh leh K P inkhawma ka thusawi tawh \hin ka ngaih pawimawh em emte K P-a ka member-puite hnenah a tawp nan ka han chah nawn duh che u a ni. 1. Kum 40 thleng inhmang hram hram rawh u, a \ha êm mai Kan hruaitu hmasaten K P member nih hun chhung tur an lo ruat kum inkar hi mihring nun atan a fuh em em a, a chhan chu mihring nun hi kil tin a\angin nun thlipuiin a nuai hun lai a nih vang a ni a, mihring nunah hian hmasawn tuma kan beih nasat hun lai leh nun sual kan chin \an hun leh thlemna kan tawh nasat hun lai zawng zawng hi K P member kan nih hun chhung hi a ni. Hring nun thlipuiin a nuai hun laia K Pa awm tlat hi himna a ni, K P member rinawm tak kan nih tlat chuan hring nun thlipuiin a nuai chhiat zawh loh mihring hlawhtling a nih theih a ni. Tin, K P member nih lai hi thil \ha kan zawn hun lai a ni a, tihsual pawh kan nei fo \hin a, K P member nih hun laia thil tihsual hi hlauh lutuk tur a ni lo, tihsual hun lai tak a ni zawk mah; a chhan chu kohhran leh chhungkuaah kaihruaitu leh min vengtu, min puitu kan neih \hat hun lai a ni a, kum 40 hnuah chuan thil tisual pawh ni ila \anpuitu an tlem pharh tawh a, K P hun lai hian thil kan risk anga kan tihsual chuan kan insiam \ha leh vek hman ang; chuvangin, kum 40 thleng K P-ah inhmang hram hram ula, in nun hlui in chhui kir hunah inchhirna reng reng nei lovin hlim takin hma lam in pan thei ang.

9 February, Ngaih pawimawh tur evangelism rawngbawlna K P-te hi "Rawngbawl tura chhandam" tih thupuia neihtu te kan nih vang leh Lal Isuan a thuchah hnuhnung bera a sawi "Chanchin ha puan darh" tih thu thiltuma neihtute kan nih avang hian chhandamna rawngbawl hna hi K P-te hian kan thlahthlam thiang lo va, ngaih pawimawh berah kan neih reng tur a ni a, budget head-ah pawh a hmasa berah kan dah \hin tur a ni, evangelism rawngbawlna hi a hmasa bera kan dah reng chuan K P rawngbawlna hi a kaltluang reng ang a, Pathian pawhin mal a sawm reng dawn a ni, Lal Isuan tu mah boral a phal si lo va. 3. Programme K P member-te hi khawvel changkang zel mila inher rem zung zung tur kan ni a, tunlai mite anga awm tur ni lovin, tunlai mite mil tura kan rawngbawlna kan her rem zung zung a \ul a, kan programme siamah pawh tunlai thei ang ber ni lovin, tunlai mite mil, rilru kan pu reng tur a ni; tin, K P-te programme hi worship service a ni lo va, fellowship programme vek a ni tih hi hriat reng tur a ni a, inzir lai mek kan ni a, programme siam sual tak tak a awm lo. 4. Sound enkawl K P-te hi sound enkawltu tam ber kan ni a, uluk em emin, \awng\aina nen sound hi kan enkawl tur a ni, mobile phone khawih chungin sound control room-ah \hut loh tur, sound control room hi pulpit ang chiaha zahawmah ngaih tur a ni. 5. Zu mawlh hi Zu hi zuar mah sela, K P member-te chuan kan in tur a ni lo va, kan in lo mai ni lovin kan do bur tur a ni a, branch leh group hruaitu a ruka zu in an awm chuan thupsak lovin sawi chhuaha an nihna hlihsak mai tur a ni. Member-te zingah a ruka zu in an awm chuan an sim theih nan nasa takin kan \anpui ang a, hruaitute zingah chuan a ruka zu in an awm a thiang lo, zu do lo chu K P hruaitu tlak an ni lo.

10 February, Beiseina nung K P-ten kan thlen tumna chu vanram a ni a, vanram thleng tura kan kalna kawngah hian kan chauvin sualin min bei fo \hin a, kawng harsa kan thlen hunah pawh K P-te chu kan beidawng thiang lo, chauva tlute kan kalsan thiang lo, keimahnin Lal Isua hnenah kan hruai thleng thei lo a nih pawhin Lal Isua hnena hruai thleng theitu hnenah tal kan hruai \hin tur a ni a, eng mah a ni leh chuang lo vang ti mai lovin hlawhtlin theihna tlem tê, zaa pakhat (1%) chauh pawh nei ila, kan member-te sual khura tang chhan chhuak turin kan bei tur a ni, kan beidawng thiang lo, K Pte chuan beiseina nung kan nei reng tur a ni, Lal Isua a beidawng ve ngai lo va, a tlawm ve ngai lo tih hriat reng tur a ni a, K P-te hi eng hunah mah kan beidawn a thiang lo. 7. Kan awmna bial K P-te awmna hmun apiangah hian kan thil \ha tihin mi te a al hneh tur a ni, a chhan chu Lal Isua zirtir sawm leh pahnih lek khan khawvel an al hneh a ni a, K P member mi heti zat hi chuan kan chenna ram bial te reuh te hi chu kan thil \ha tih hian a al hneh ve theihna turin \an kan la reng tur a ni. 8. Rinna bân kham K P-te hian kan rawngbawl kawngah hian chauh chang leh tluk chang kan nei fo va, member-te mai pawh ni lo, kan hruaitute meuh pawh an tluk palh chang a awm \hin a, chutiang hun a lo thlen chuan hruaitu ropui Mosia tih dan kan entawn \hin tur a ni. Mosian Amalek ral bei tura Josua a tirh \um a, Amalek ralten Josua ho an um tlan duai duai lai chuan tlangah Arona leh Hura hruaiin a kal a, a ban a phara Mosian a ban a phar chhung chuan Josua ho chuan Amalek ral chu an um tlan duai duai a, rei tak hnuah chuan Mosia ban chu a lo kham ta a, a uaithla ta a, Josua ho chu an tawlh kir \an ta a, Mosia ban kham an hmuh veleh Arona leh Hura chuan Mosia ban chu an dâwm kân-

11 February, pui ta a, ni tlak thlengin Mosia ban chu an dâwm kânpui a, Josua ho chuan hnehna an chan theih phah ta a ni, hetiang chiah hian K P-te chuan kan member te rinna ban kham kan dâwm kânpui anga, kan hruaitute rinna bân pawh a kham palh ve thei a, chutih hunah chuan memberten kan dâwm kânpui \hin tur a ni a, Arona leh Hura ang hian rinna bân kham kan hmuh rualin dem hmasa te te lovin, nuihsawh phawt lovin an rinna bân kham chu kan dâwm kânpui \hin tur a ni. 9. Kan thusawi leh sound system ring tak aiin kan nun hi a au ring zawk si a K P-ten kan rawngbawlna atana hlawk ber leh \angkai ber chu kan nun hi a ni, kan sound system te chu \hain, ring em em pawh ni sela, ring takin thusawiin au vak vak pawh ni ila, chu aia miten an hriat rin zawk chu kan nun hi a ni a; chuvangin, K P-te chuan ngawi rengin chetziain Krista Chanchin ha hi i hril zel ang u. Heng zawng zawng hi thupe lamin ka sawi lo va, awm dan mawi tawk leh Krista Chanchin ha kan hrilna kawnga hma lam kan pan zel theih nan \hahnemngai takin ka sawi a ni zawk e, K P rawngbawlnain hmasawn zel sela, K P-te hi Lalpan malsawm zel rawh se. Mang\ha u le COUNSELLING MAMAWHTE TAN Mi mal, nupa, fanau, chhungkua, nulat tlangval, ringtu nun, etc.-ah harsatna i neih chuan Family Guidance & Counselling Centre pan \hin la, an lo \anpui ang che. Telephone leh internet hmang pawhin biakrâwn theih an ni. Mission Veng, Aizawl - (0389) ; Chanmari, Aizawl - (0389) Vaivakawn, Aizawl - (0389) ; Champhai - (03831) synodfgcc@gmail.com

12 February, DUBAI 2014 SACYN CONFERENCE Dr. Lalliansanga, Asst. Secy. Dr. Julie Remsangpuii, Treasurer, CK P SACYN SACYN chu South Asia Christian Youth Network a nih angin Asia chhim lam ram hrang hranga Kristian halai hruaitute inthlun khawmna a ni a. Kalphung hrang hrang inzir tawn leh intih chak tawnna tura din a ni. Kohhran hnuaia \halai kan awm ang deuh hian khawvel ram huap zau zawk CMS (Church Mission society) rawngbawlna huang chhunga mi a ni a. CMS hi chu sal chhuah zalentu kan tih mai William Wilberforce ten 12th April 1799-a an lo din daih tawh kha a ni a. Khawvel hmun hrang hrangah inzar pharh zau zelin Asia CMS hnuaiah SACYN a lo awm ta a ni. SACYN kaltlang hian ram hrang hranga kohhrante mumal taka inthlun zawm kan ni a, India ramah chuan Church of North India (CNI), Church of South India (CSI), Syrian Orthodox Church, Mar Thoma Syrian Church leh Mizoram Synod (PCI) te kan ni. Tun \um bikah hian India, Sri Lanka, Burma, Bhutan, Nepal, Pakistan, Singapore, Indonesia, UK leh UAE a\angin \halai 50 vel kan kal khawm thei a. November 22-28, 2014 chhung khan Dubaiah mahni ram chhuahsana ram danga awmte chanchin leh Krstianten an harsatna kan sut kianpui dan tur chungchang ngawrh takin kan zir ho a ni. Thuthlung Hluia Israel fate ngei dinhmun leh tunlai kan ram dinhmun thlir hian he thupui- South Asian Diaspora: God s new communities for Mission pawimawhzia leh hmalak zel \ulzia hi uar taka sawi chhunzawm a chakawm hle mai.

13 February, KALKAWNG November ni 19, 2014 khan Lengpui a\angin thlawhnain kan han thlawk thla ve a. Kolkata-a kan cham hnuah Emirates thlawhna changkang tak maiin darkar 5 chuang kan thlawk leh a. UAE hi keini aiin darkar khat leh a chanvein an lo tlai a, November 22, :45 hrs DXB khan Dubai kan thleng a ni. Emirates thlawhna \umhmunah kan kal lohna tur lama kan hawi buai fe hnuin kan kawng kan zawh fuh thei leh ta a. SACYN tih lo keng tlangval kan hmuh khan kan thaw huai a, palai pakhat a lo thleng ve chiah bawk a. Inthlahrung taka driver \hutna lama kan Pakistan palai lut sual chuan min tihlim dar dar hle. DUBAI? Dubai teh daih maw? In va vannei ve. A ni asin. Dubai khawpui mawi tak siam tur hian migrants (mikhual) an lo tam hle mai a. A ram mi leh sa pangngai Emirati-ho hi a ram mihring 15% vel chauh niin an sawi a. Migrants tam zawk hi South Asia ram a\anga hnathawka kal te an ni. Migrants chanchin zir tur chuan an tamna hmun UAE khawpui lian ber Dubai hi thlan âwm tak mai a lo ni. Kum zabi 19 laia Sapin an awp lai a\ang khan an hnam \ha chhungkua Sheikh-te khan Kristiante awmna hmun tur an lo pe diam mai a. Conference neihna hmun Holy Trinity Church pawh hi chutianga ram pek chu niin he laiah hian Kristian kohhran hrang hrang kar tluanin an inkhawm mai \hin a. Anglican Chaplaincy of Dubai and Sharjah leh Emirates hmar lam kohhran enkawl a ni. Kan riahna hmun hi UAE youth hostel ( a ni a. Khua a lum avangin room tin mai hi AC a ni a, a kawmchar lamah tuichenna tur a awm a, kawngka amah a lo inhawng ziah chuan min ti-lai lek lek. Zing lamah chaw chi hrang a lo inchhawp tlar put mai a, bula mi te tih dan entawnin inthlahrung hauh lovin kan duh duh kan ei ve ta ziah mai a ni.

14 February, CONFERENCE Zing dar 8.30 a.m.-ah \anin nilengin November 22-28, 2014 chhung chu hun khat \ha tak, ninawm si lovin conference kan nei a. Praise and Worship, Bible study, seminar, workshop, discussion te kan hun hman dan a ni. Ram hrang hrang representative lo awm tawhte Core team chu kan hruaitute an ni a. Dr. Julie pawh PCI Mizoram Synod aiawhin a tel a, a chhuanawm hle mai. Hun neitu tu pawh mi dangin hun an neih lai chuan mipui zingah an tel leh mai a. Bible study an va thiam tak em! Migrants chungchang Thuhthlung Hlui a\angin a Pathian thu zia kan zir a. Hna \ha tak tak kalsana ram dang mite, tuifinriata mi vakvai te, sponsore-tuten an bum avanga haw thei tawh lo ram dang hnathawk tam takte hnena rawngbawltute an lo ni hlawm bawk a, kan vannei hle. International Justice Mission a\angin Ajoy Varghese te, Mar Thoma Church a\angin Rev. Roby Jacob te, rawngbawlna avanga India mi tam tak aia India leh Pakistan hmu chiangtu Sap pachal Rev. Adrian Watkins te, CMS UK Asia Manager Raj Patel te, lawng mite hnena rawngbawltu Dr. Paul Burt, CMS Asia Director Kang San Tan te leh Tang Shin Yong te hnen a\angin ram dang mi kan tih migrants/immigrants te hnena rawngbawlna \ulzia kan zir a, a khamawm loh hle. Fr. Sam Ponniah leh Rev. Vinod Victor ten Lal Isua an man zana Petera, an \awng dan a dang tih te, an zinga mi an tih anga kan mi hran \hinte rilru tur te min ngaihtuah chhuahtir a, a hlawkthlak em em a ni. THE TWO SIDES OF DUBAI Khawvela inchhawng sang ber, hotel man to ber, hotel room tam ber, mihring siamchawp thliarkar sei ber, etc. an nei a. Games-a kan khelh \hin leh TV-a kan hmuh car man to chhiar sen loh a tleh dul dul mai! Petrol an buai lova road tax a awm bawk hek lo. Min thlengtute Kohhran hian min thleng zo

15 February, viau mai bawk, lawng lianah ruai min \hehsak a, a nuam dangdai hle. Hnam hrang hrang mahni \awng \heuhin kan zai a. Dr. Julie pawh a lo zaithiam ngei mai. World record tam tak awmna Dubai ropui tak phenah hian ram dang a\angin hnathawktu, sal chhawra an chhawr mi nuai 3 vel an awm a. Eng emaw harsatna sum leh document buaina avanga mahni rama haw thei lo ho awmna labour camps kan tlawh a. An chanchin hi documentary film-a siamin Slaves in Dubai an ti hial. South Asia (India, Bangladesh, Sri Lanka, etc.) mi tam tak an awm a, Africa mi pawh an tam hle mai. Chungho zingah chuan inhlawh ni lo Chanchin ha hrila mahni ram chhuahsan te an lo awm zel a. A ropui hle mai. SACYN HMATHLIR Kum hmasa lama kan hotute kan tluk ve ta chiah lo va, lawmman kan la pha ta lo. Presentation \ha ber lawmman latu hmeichhe 2-te chu UK-ah SACYN ambassador angin an kal dawn. SACYN hruaitu te core group rorel chuan kum kal taa hmalakna hrang hrang en letin kum 2015 hi kalphung sawt lehzuala kal tura insiam \hatna atan hman ni se tiin rel a. UK mi leh sa CMS Asia manager thar Raj Patel kaihhruaina hnuaiah kum 2015 conference thleng turin India emaw, Kathmandu emaw beisei an ni a, a hun atan November thla remchang lai a ni ang. Mizoram Synod pawh mahni intum thei unit tlem te zinga mi kan nih avangin min dah sang hle mai a. SACYN conference thleng thei turin min beisei hle a ni. SACYN Coordinator \ang lai John Chhetri chuan a term kum 3 a hman zawh tak chiah avangin Sri Lanka mi Miranga Pieris chu coordinator thar tur a ni tawh ang. Kan thupui pawimawh tak bakah heng rawngbawlna atana \angkai tak mai sum leh pai intodelh zel theihna tur hi sawi hlawh tak zinga mi a ni a. Tun hnai kum 12 chhunga SACYN rawngbawlna hrang hrang pawh a bua siam tum a ni bawk.

16 February, LAWM THU SAWINA Pathian malsawmna leh kan hruaitute duhsakna azarah keini Mizoram lam te chu mi dang puihna tel lovin kan kal thei a, Asia ram \henkhat palaite chu ram changkang zawka mi inpete zara he rawngbawlna chhim thei te an ni hlawm. Chutianga phal taka mi dangte \anpui \hintu CMS UK te, CMS Asia, UK Methodist Church, Church of Scotland leh CWM te rawngbawlna a ropui hle a ni. He lai Middle East, Gulf rama Anglican Kohhranten palai 50 vel lai mai min lo thlen dan hi a namai lo hle mai a. He Conference hlawhtling taka min lo thlengtu Convener Solomon David (keini chuan Uncle kan ti ve mai a) hi kan theihnghilh thei tawh lo vang. Kan kal hma a\anga kan mamawh engkim min buaipui a, kan cham chhunga kan thlenna, kal velna, ei leh in engkim min buaipuitu a ni a. Amah India immigrants niin YMCA Dubai-ah Hon President lo ni tawh \hin a ni a, sumdawnna lian tak enkawlin Air Support Ltd hotupa a ni a, a hnuaiah hmun dang a\anga lo kal hnathawk tam tak an awm a. Hetiang pa inngaitlawm rawngbawlna a tui bawk si an awm hian Pathian hausak zia a tichiang hle. A thlawna zan tam tak kan riahna kha a rate pangngai chu zan khatah US $ 60 a lo ni a, palai 50 vel senso a tam duh viau ang. Ram puma rawngbawlpui te \awng\aina a takin Pathianin a chhang a, tluang takin Conference kan tel thei a. Kan zavai chungah lawm thu kan sawi e. Khawvel changkang zelah loh theih lohvin kan ram kan chhuahsan hun a thleng zel dawn, rawngbawla chhuak kan ni tih theihnghilh lo ila. Chutiangin kan rama hnathawka lo lutte chungah pawh rawngbawltu rilru i pu zel ang u

17 February, Hna chungchanga thil pawimawh thei pathum Laldinpuia Tlau Kanan Br. "He ramah hian awm la, rinawmna um zel rawh" K P rorel inkhawm palina thurel zinga pakhat - 'ram pum huapa career awareness Kristianna nena inmil neih' tih kha awmze nei leh \hahnemngai taka bawh zui a ni a. K P member-te pawhin kan sawtpui tak meuh ang tih a rinhlelhawm lo ve. A tawi zâwngin han sawi dawn ta ila, career awareness a \ulzia te, Kristianna nena inmil hna thlan a pawimawh dan te, mi hlawhtling leh mahni inchawm zo ni tur chuan thawhrimna mai bakah tum bulfuk neih a \ulzia te, mi ropuite thawhrimzia leh nun kawngte kan zir chhuak a, kan lawm hle a ni. Lehkhabu mal khaiah chuan hlawhtlinna lam hawi leh mi mal nun hmasawnna lam inziahna hi a tam pawl tak a ni awm e. Tun \umah hian chung lehkhabua hmun pawimawh chang pha si lo, mahse, a kila lung pawimawh em em thil pathum ziah chhuah tum a ni ang. India rama cheng, India sawrkar hnuaia hna hmuh tumte a tinzâwn deuh bik ang. K P member nih chhung hi kum 26 zet a ni a; chuvang, chuan pa fa pawh active member an ni thei. Eizawnna kawngah pawh dinhmun a inthlau zung lo thei lo. Lo neih te, kuthnathawh te hi hun bik nei lem lo, thawh thiam leh theih a\anga thawh peih chhung a ni mai a. Tun laia hna hmu kan tih deuh ber mai sawrkar hna hi chu hun bik nei tih pawhin a sawi theih awm e. K P member zingah hnathawk thei tura lehkha zir mek an awm a, zir tur zir zo tawha hna zawng mek an awm a, hna chelh mek an awm bawk.

18 February, Mi tu pawh, zirna lamah mi hrat khawkheng, a thil tihna apiangah a 'ber' hauh \hin ni mah se, heng thil pathum laka a fimkhur loh chuan tling \helh aiin pawi tih a zual zawk thei. 1. Upat hnua hna luh hi a pawi thei Hna zawng mek, mi \henkhat rilrua awm fo chu, hna \ha kan tih mai, IAS, MCS, MPS, Doctor, etc.-a luh hrim hrima lungawina hi a ni. Merit list-ah a chungnung lam hawlh pha lo mah se, hetiang meuh hna \haa luh chu nuam veng veng, hlawhtling hliah hliaha inhriatna hi a ni. Hna \haa tlin hrim hrim chu a \ha e, mahse, a lo tawk hauh lo. Hnaa luh tawh hnua pawimawh ber pakhat chu kaisan (promotion) hi a ni. Kaisanna atana tehfung pahnih tlanglawn em em chu thawh rei zawng (seniority) leh thawh \hat dan (merit) hi a ni. Seniority chungchangah hian thawk hma leh thawk tlai chu sawi loha lum ni se, thawh hun inangte zingah chuan merit list-a ti \ha apiang senior zawka ngaih a ni. Mi thil hre deuhvin an sawi \hin, a zawm hma hma an senior an tih hi a ni lo. Thawk mek tana Merit tih hian thawh \hat dan a kawk ber a, sawrkar hnathawk chunga thuneituin kum khat chhung zela a hnathawh a lo thlirna a\anga a ziahsak tur a ni a, chu chu ACR/PAR an ti. Kaisanna tham thawk \hate chu bench mark an pe \hin. Sawrkar hi a \ha a, a bikin Mizoram sawrkar phei chu, a hnathawkte bench mark hmu pha lo hi an awm meuh lo, tihngaihna awm hlawl lo chu an awm ve bawk a. Hna luh laia Merit list-a tih \hat pawimawhna hi entirna hmangin han pe ta ila. MCS 10 an la a, kum nga hnuah kaisanna tur post 4 awm ta se. An ACR/PAR chu a lo inang tlangpui a, MCS an luh tirha a ti \ha zual 4 kha an kaisang dawn tihna a ni. Chuti a nih chuan hnaa lut rual \heuh \heuh an inkaisansan zung tawh \hin. Hei bakah hian mi pakhat chu BA zovin

19 February, kum 1990-ah MCS a lut a, a \hianpa chuan Ph.D. a zawh hnuin 1996-ah MCS a lut ve thung a. A awmzia chu, a zir sang zawk khan a zir hniam zawk kha a pu char char dawn a ni. Hei hi kan hre thei ta, a hma thei ang bera hnaa luh leh merit list-a ti \ha nih hi thlen sanna a ni a, lukhawng sawi mai sen loh a nei. Tlai luat hian pawi chin a nei. 2. Thubuai liam tham neih a pawi thei Chanchinbu hrang hrangah MPSC-in result a tihchhuah kan hmu \hin ang, a tlingte hi hnaah an lut nghal a ni lo va, hnaa lut turin an tling tihna chauh a la ni. Appointment pek pawh rights angin an hauh (claim) ngawt thei lo. Sawrkar hnathawk turin an hriselna a \hat tawk a ngai a, sawrkar pawi khawih lo mi an nih ngei a \ul. Court-in mi thiam loh a chantir hi conviction an ti a, court-in thiam loh a chantirna chu moral turpitude tling pha a nih chuan sawrkar hnathawk mek pawhin a mai par thlawn phah thei a, hna zawng mekte tan appointment hmuh theih a ni tawh lo. Moral turpitude tih hi eng danah mah a hrilhfiahna a awm lo va; mahse, khawtlangin dikna, rinawmna leh nun dan \ha a tih kalha chetna reng reng hi a ni mai. Heng - rukruk, tualthah, pawngsual, ei ruk, leh rawva taka chetna eng pawh a huam thei ang. A thliartu ni chiah lo mah ila, zu in vang te, motor license nei lova motor khalh vang te, puipunna hmuna meizial zuk vang tea thiam loh chantirte erawh a huam a rinawm loh. Thil sual tih hi Pathian pawi khawihna chauh ni lovin sawrkar hna chan (hmuh loh) phahna a ni thei. 3. Bawlhhlawh taka nupui pasal neih a pawi thei Inneihna bawlhlawh hi Pathian leh sawrkarin a hua. Sec 494 IPC angin mi tu pawh nupui nei laiin dan ang thlapa

20 February, nupui dang a neih belh emaw, pasal pawm lai neiin pasal dang a neih belh leh emaw a nih chuan kum sarih thleng lung in tantir emaw, pawisa chawitir emawa hremna pek theih a ni a. He dan hnuaia hrem ni tur chuan inneihna hmasa leh hnuhnung zawk chu dan ang ve ve a ni tur a ni. Mahse, miin a nupui emaw, a pasal emaw chanchin kum sarih zet a hriat loh hnua kawppui dang a lo nei a nih chuan thil tisuala ngaih a ni lo thung. Hetiang deuh chiah hian, \um khatah dan ang thlapa nupui pahnih nei emaw, pasal pahnih nei emaw chu sawrkar hna thawh phalsak an ni lo va, a thawk lai pawhin an ban phah tur a ni, a bik taka kawppui pakhat aia tam neih phalsak an nih loh chuan. Hei chauh hi a ni lo, mi pawm lai chhuhsaka nupui emaw, pasal emaw atana neihsak pawh a chunga mi nen a pawi dan a thuhmun a ni. Hemi thu hi sawrkar hnathawkte phuartu CCS (Conduct) Rules-ah a chuang thlap. Hmangaihna hi vanduaipui theih a ni! K P hi Mizorama Pathian hminga \halai intel khawm lian ber kan ni a. Sawrkar hna pawimawh leh lianah a tam thei ang ber lut thei tura mahni zawn \heuhvah \an kan laka, taimak kan chhuah a \ul a, chu chu rawngbawlna kal zel atan pawh thil \ul leh \angkai a ni. K P member tam ber hi zirlai leh hna zawng lai an ni awm e. Chutih laiin kum 40 pelh hnua eizawnna thlak chu an awm meuh tawh lo vang. Intihsiakna zawng zawnga tling chungin emaw \ha taka hna thawh mek chungin emaw, dan hriat lohna avangin hna hmu thei lo emaw, hna bansan ngaiin emaw a awm theih a ni, dan hriat loh hi chhuanlam a tling si lo. Pathian nena lehkha zira, Pathian nena hna zawna, Pathian nena hna thawh hi a lo him ber a, a lo tluantling ber a, Bible-in khua leh tui \ha ni tura min zirtirna nen pawh a inrem chiah a ni

21 February, ZAWLNUAM BRANCH K P WORK CAMP REPORT H.B. Lalduhsaka Secretary Zawlnuam Br. K P Zawlnuam Branch K P te chuan 2014-a kan project zinga pakhat Ramthar tlawh tihhlawhtlin nan North Tripura-a Saisimdung biala Kahtawlpara-ah ni 13th-14th, November, 2014 khan work camp kan nei a. He work camp-ah hian member 41 (mipa 25, hmeichhia 16) te kan thawk chhuak a. A lawmawm hle a ni. Ni 13th Nov., 2014 (Ningani) zing dar 9:30 khan Gospel Centenery Hall kawtah kan innghak khawm a. Kal hmain kan Bialtu Pastor Zohmunmawia'n fuihna thu leh thlahna \awng\aina a hmang a, zing dar 10:00-ah Zawlnuam kan chhuahsan a ni. Kahtawlpara hi tlai dar 2:00 velah kan thleng thei a, kan thlen veleh Biak In hmun tur laiin kan thawk chhuak nghal a ni. Saisimdung Pastor Bial hi January ni 11, 2012-a din \an niin tunah hian Rev. Saikhuma Darlong chu Pastor a ni a, Saisimdung Bialah hian kohhran puitling 7 leh Preaching Station 7 awmin, rawngbawltu/ missionary 13 an awm mek a. Heng zinga 4 te hi Synod rawih niin, a dang zawng hi mi \hahnemngaite rawih an ni. Kraws Sipai (tualchhung mi a \ul \ul atana chhawr) 2 awmin, kohhran upa 8 an awm a. Dan zawh kim 780 awmin, kohhran member zawng zawng hi 1410 an ni a, kum 2014 hian ringthar 127 an awm bawk a ni. Zawlnuam Branch K Pin work camp kan neihna Kahtawlpara-ah hian Biak In an la nei lo va, mi mal inah inkhawm \hinin kumin June thla khan cheng 7000-in Hunthar Kohhran, Aizawlin an leisak a ni. He hmuna Evangelist hi Pu Hranga, Khakchangpara khua a ni a, mi inphalte chawm a ni. Ani hi a fakawm hle a, vawi 24 lai vauna leh diriamna a tawk tawh a, ni mah sela, Isua tana a tawp thlenga din tum tlat

22 February, mi a ni. Kahtawlpara-ah hian in 27 awmin, Kristian in hlang awmna in 4 chiah a ni a. A dang zawng chu inawmpawlhna a ni. Kristian zawng zawng hi mi 31 an ni. Pathian Biak In hi neih chak hle mah se a bul \anna tur sum leh pai eng mah an nei lo va, Pathian kutah an innghat tawp mai a ni. Zan lamah tui taka kan mut hnuin a tuk 14th Nov, 2014 zing dar 6:00 velah Biak In hmun tur chu kan lai leh a, dar 9:00 velah tuk\huan eiin dar 10:00 velah kan hna ngai kan chhunzawm leh a ni. hahnem kan ngaiin kan phur tlang bawk a, dar 1:00 velah chuan kan zo fel der mai a. Ruahmannaah chuan 15th Nov, 2014-a haw tur tih ni mah se kan hna ber kan zawh tak siah chuan hma deuh hlekah zanriah kan ei a. Tlai dar 3:00 velah Zawlnuam lam panin kan chhuak a, dar 5:30 p.m. bawr velah dam takin kan thleng thei a ni SYNOD CHOIR RAWNGBAWLNA 1. ATC DAY: November 21, 2014 khan Aizawl Theological Day lawmnaah an zai a, vawi 2 din chhuahah hla 2 an rem. CK P Leader Rev. J. Lalremsiaman a telpui. 2. MELTHUM KOHHRAN: November 22, 2014-ah Melthum Kohhran Centenary lawmnaah an zai a, vawi 2 dinah hla 2 an rem. Tlaiah ruai an kilpui nghal bawk. 3. UPPER REPUBLIC: November 24, 2014 khan K P, Upper Republic Br. Inkhawmah an zai a, vawi 3 dinah hla 5 an rem. Choir Director Pu R. Lalruatkiman thuchah tawi a sawi. CK P a\angin Pu K. Lalruatpuian a \awiawm. 4. PRAISE 14: December 5, 2014-ah Central K P programme Praise 14, Rajiv Gandhi Stadium, Mualpui-ah an zai a, vawi 1 dinah hla 1 an rem. Mipui zai hona hunah zai an kaihruai bawk. 5. MISSION VENG: December 7, 2014-ah K P, Mission Veng Branch Diamond Jubilee lawmna inkhawmah an zai a, \um 1 dinah hla 2 an rem. Director bakah Pu Samuel Laldingliana (Asst. Leader), Pu C. Laldingliana leh Pu Zonunsanga Ralte (Com. members)-ten an \awiawm a ni. 6. MISSION VENGTHLANG: Synod Inkhawmpui 2014 \an zan December 9, 2014, Mission Vengthlang Kohhran Biak Inah hla 1 an rem a, a tawp zan December 14-ah hla 1 an rem leh bawk.

23 February, CHAKNA THURUK T. Upa Mesak Lawmkima Leader, Khatla South Br. Mi chak nih hi a hlu a, mi thiltithei nih hi a nuam. Naupan tet a\anga infiamna lam kawngah reng reng tlaw chi kima tlaw keini ang tan chuan medal awrh thei khawpa hlawhtlinna neih chu a tina tin chi ni lo mah se rawlthar hun, mahni tawka thisen chak ve lai han thlen chhoh zet chu tlem chuan a dan a dang ta deuh, rilruah 'kei ka ni' in tih ve tawkna chuan min pen kawisan bik hauh lo mai a lo ni a. Tichuan, rawlthar thaza tireh turin Khatla YMA Hall bula Gymnasium-ah chuan ka kal ve ta zel ringawt mai kha a ni a. Mumal taka Trainer-te hrualna erawh kan dawng lem lo va, an hman chang changa step \henkhat min tihtir chu a ni deuh chauh mai. Mahse, hmanraw hmuh ngai loh han hmuh erawh chuan phurna nasa tak min pe a, tha za reh rawih khawpa inlak phek hnuah meuh chuan mahni inrintawkna boruakin min rawn tuam a, miten chak hmel hmuhin min hmu lem lo mah se an mi hmuh dan ang chiah chuan mahni aia chak hmel pawh khawvar lam arsi an sawi ang pharh an ni ve tho mai. A chhan chu - taksa a mar a, ban puam a sek \ha tawh tlat. Mihringte hi zawng thlah chu ni em lo mah ila 'A chak apiang dam khawchhuahna' tih theory erawh Charles Darwin khan a lo sep sual bik lo ve, tunlai khawvelah hian a dikzia hi a chiang tulh tulh ni pawhin a lang. Eng kawngah te nge chu thil chu a fiahna kan hmuh? Asia khawmualpui chhak lam kil kara ram pachhe ve tak, a khua leh tui te pawh puar khawp pek tur nei zo lo khawpa ram inrelbawlna kawnga rahbi tleu laklawh North Korea khian ram dangte lakah kawhmawh a bawl ta deuh fo va, mahse

24 February, khawvel ram ropuite meuh pawhin sipai chakna hmangin an bei mai ngam hauh lo. Russia pawhin khawvel ram dang zahpahna nei hlek lovin Ukraine kut a\angin Crimea Peninsula a chhuhsak ringawt mai bawk a, Ukraine sawrkar chuan mittui far fup fup chungin a taksa peng thlawn ta chu a thlir liam ringawt mai a ni. Chuti chung chuan ram ropui United States leh European Union te chuan ei leh bara hrek beh bak chu Russia lakah tharum an thawh ngam leh tlat lo. Heng thilte hi eng nge a chhan ni ber ang le? He zawhna hi zawhna hmang bawkin awlsam tein lo chhang ila - Russia leh North Korea angin Iraq khan chakna thuruk 'Nuclear ralthuam' kha lo kawl ru ve reuh reuh ta se George W. Bush-a lakah khan Saddam Hussein-a kha meikhupin a tlanchhe duh dawn em ni? Rawlthar tuai tir Davida pawh kha khawvel thlirna a\ang chuan a fiamthu a va han sang reuh tak em ve aw! Pa lian a nih tawh hnu pawha \han kin mai lo, mi lian (giant) ni pha ngat khawpa ruakhau, ralthuam famkima inthuam sipai rothap Goliatha meuh kha thahah zu vau ngam a mawle! Davida kha a mawl ta em ni ang le? Khatiang mi rapthlak lutuk hmachhawn kha thih nen danglamna a awm chuang lo tih pawm ngam se a tan pawh a \ha zawk tur hi a ni a. Lal Saula leh Israel sipaiho khan a thiltum kha bansan se an duhpui ngawih ngawih a ni. Mahse, chutiang chu Davida rilru a ni tlat lo, a taksa derdep tak kha a en duh lo va, a chakna thuruk 'Sipaihote Lalpa, Israel-te Pathian' ngei chu innghah nana hmangin chu pa hmaah chuan a ding ta. A hna a han thawh zawh meuh chuan ram khat sipai chhuanvawr indo thiamho chu indonaa la tel ngai eih lo Davida hlauvin an tlanchhe ta dul dul mai a nih kha. Ngaihtuah chiang teh a ropui asin! Keini pawh hi ringtu meuh mah ni ila Thlarau

25 February, Thianghlimin kan thinlunga thu a rawn sawi hi hriat a va har \hin tak em tir u? A volume a rawn bei hniam lutuk a, he khawvel thawm ring tak hi a el phak hlawl lo a ni ber e. Chuvang chuan, kan chak lohna tak hian min bawhbet a, thil \ha zawk kan hriat sa reng ti lovin thil \ha lo zawk kan lo ti leh mai \hin. Naupan tet a\angin benga hriatna mai chuan kan hria alawm, hrilh hrilh pawh kan ngai tawh lo, vut leh vaivuta \hua sim dan ber hi ani kan mu tan chu. Hemi ti tur hian keimahni mai chuan chakna hmachhuan tur kan nei lo a ni. Hei erawh kan hria ang - "Mi tichaktuah chuan engkim ka ti thei a ni." (Phil 4:13) tih hi. Chu kan thuruk 'Min tichaktu' avang chuan kan tih theih ngai loh zawng zawng pawh kan lo ti thei reng alawm maw le! Thlarau lam thil riai nia kan ngaihna hian kan kut a lo phuar mai mai a lo ni e. Mahni lo inven lam ngawt a ni ta lo, hma lam kan pan dawn ta a nih chu. Chuvangin, tunah chuan - mi tichaktuah chuan zu ka nghei thei a ni, mi tichaktuah chuan heti mai hian Lalpa ka pan thei a ni, mi tichaktuah chuan \hian nei lo pawhin ka inkhawm thei a ni, mi tichaktuah chuan member hlate pawh Krista hnen ka hruai thleng thei a ni. Mi tichaktuah chuan 'Engkim ka ti thei' a lo ni reng mai. "Lal Isua chaknaa innghatin, A \anpui ang che, a pui ang che" Hriat ringawt a tawk lo, i hriat chu a takin hmang rawh. Tum ringawt a sawt hek lo, a takin ti rawh. Johann Wolfgang von Goethe Hnathawh hian thil pathum lak a\angin min chhan thei: Nguina, ngaihtuahna sual leh mamawhna lakah a\angin. Voltaire

26 February, SUNNA Zokhumi Chhungkua Zokhumi hi Tirhkoh Muka leh Varhlunchhungi te fa 9 zinga a upa ber niin November ni 21, 1931 khan Mission Vengah a lo piang a. September ni 12, 1962 khan J. Lalsangzuala nen inneiin fa 5 an nei a ni. Zirna lam PC Girls School a\angin kum 1941 khan Primary 1st Division-ah pass-in kum 1943 khan Middle English 1st Division-ah a pass chhuak a. Mizo High School Matric batch hmasa berah telin kum 1948 khan 1st Division-ah tho Matric a pass leh a. Kum 1950 khan Intermediate Science chu Cotton College, Guwahati a\angin 1st Division-ah passin BA Hons (Education) la zuiin kum 1952 khan Guwahati University-ah 2-na a ni a. Kum 1959 khan Guwahati University a\ang vekin BT (Bachelor of Teaching) a pass leh a ni. BA Hons a zawh hnu hian kum 1953 khan Govt. Mizo High School, Aizawlah zirtirtu hna kum 1973 thleng a thawk a. Kum chhung khan Mamawii Girls School Headmistress hna a thawk leh a. Zirtirtu hna a thawh chhung hian zirtir hnaah a tui hle. Kum 1983 June ni 14 khan khatih laia Chief Minister Brig. T. Sailo hnen a\angin State Award to Distinguished Teacher (High School Section) a la a. Kum 1987 September ni 5 khan khatih laia India President R. Venkataraman hnen a\angin National Award to Teacher dawngin kum 1988 khan Mizoram Governor hnen a\angin Incentive Cash Award a dawng leh a ni. Kohhran rawngbawlna Pi Zokhumi hi kohhran rawngbawlna lamah a nulat laia a\anga inhmangin Mission Veng Kohhrana

27 February, Senior Department zirtirtu hmasa berte zingah a tel a. Kum 1953-a Kristian halai Pawl (K P) din tura ruahmanna a kal chhoh lai khan Secretary-ah a \ang a, minutes leh record leh \ul dangte ziakin K P din tura hmun hrang hranga lehkha thawn chhuahah pawh Secretary a nihna angin Pu Awna (Rev. O.W. Owen)-a te nen sulsutu an ni. Synod-ah pawh K P din phalna diltu Secretary niin February 16, 1954-a Synod Standing Committee-in K P din a remtih te leh hemi hnua CK P Meeting hmasa ber February 22, 1954-a neih a nih khan Secretary-ah \angin hemi ni hi K P din ni atan pawm a ni ta nghe nghe. Mission Veng Pastor Bial K P-ah Secretary hmasa ber a ni a. Tin, Mission Veng Kohhrana \halai inkhawm tih \hin chu Kristian halai Pawl tia hming vuah a nih kum 1954 khan Treasurer hmasa ber a ni bawk. A phak ang tawkin kohhran inkhawm a ngai pawimawh hle a, a upat deuh hnu pawh hian Pathianni chawhnu tal hi chu a inkhawm hram \hin. December ni 11, 2014-a K P Mission Veng Branch-in Diamond Jubilee an lawmnaah pawh tel vein Thusawina hun te, Certificate sem leh tlai ruai \heh thlengin thatho takin a tel a ni. A hun hnuhnung December ni 18, 2014 (Ningani) zing dar 9:30 vel khan an dawr nghaktuin dawr chabi a rawn dil chu a tunu nen chuan a pi room-ah chabi dil turin an va lut a. Khum mawng lama a pi ke lo lawr chu an han keu chuan a pi chunga vanduaina rapthlak tak lo thleng chu an hmu ta a. He thil thleng hriat a nih veleh khawtlang hruaitute, Police leh Forensic lamten a hmunah theihtawp chhuahin thil awm dan uluk takin an chhui nghal a, mi kut tuara thi ngei ni a hriat a ni. Hemi zan hian tlaivarpui a ni a, a tuk December ni 19, 2014 (Zirtawpni) 12:00 noon khan an chenna inah Bialtu Pastor Rev. H. Lalrinmawia n vuiin mipui tam takin an thlah liam a ni. A kalsan tak zawng zawngte Pathianin thlamuanin awmpui zel rawh se

28 February, NU um khat chu nausen hi a lo piang dawn a. Pathian hnenah, Lalpa, ka pian hun a hnai tawh si a; mahse khawvelah ka la piang ngai si lo va, engtin nge ka awm zui tak ang le? Min duattu leh \anpuitu tur pawh ka nei dawn em ni? tiin mangang takin a zawt a. Pathian chuan, E, lungngai reng reng suh. Ka angel tam tak zingah nangmah enkawltu tur bik angel pakhat ka ruat diam tawh che alawm. Ani chuan i pian tirh a\angin duat takin a kuta chawiin a pawm ang che a, hmangaih takin a enkawl dawn che a ni, tiin nausen chu a lo chhang a. Nausen tê chu a lawm avangin a nui hek hek a, Lalpa, vanramah hi chuan nuih leh ka thiam tawk têa zai hi ka theih tawk a ni a; leiah chuan tuin nge min nuihpuiin, min zaipui ta ang? tiin a zawt leh a. Pathian chuan, Nangmah enkawl tura ka ruat angel chuan a nuihpui \hin ang che a, hlim takin a zaipui \hin dawn che alawm, tiin a lo chhang leh a. Nausen chu a hma ang bawka ngaihthlak nuam khan a nui leh hek hek a; mahse a hlim hmel chu lungngai hmelin a rawn thlak thut a. Pathian hmaah a bawkvak phei a, a khup tawn tawn vuanin chungin, Lalpa, leia miten min biakin engtin nge ka chhan tak ang, an \awng ka hre thiam dawn si lo va? a ti leh a, a lungngai tak zet tih a hriat theih. Pathian chuan nausen kut chu dim têin a lo vuan a, a kai ding a. Nausen hnenah chuan Nangmah enkawl tura angel ka ruat chuan i hriat tawh azawnga \awngkam mawi ber berin a be \hin dawn che alawm. Dawhthei takin an \awng a zirtîr \hin ang che a, \awng pawh a zirtîr bawk dawn che a ni, a ti leh a.

29 February, Nausen tê chuan Pathian chu a hmai bul chetah a va hnaih a, A nih Lalpa, nangmah hi rawn be duh ta che ila, engtin nge ka tih ang? a ti leh ta a. Lalpa chuan nausen chu duat takin a lo pawm a, a hnenah chuan Nangmah enkawltu angel chuan i kut pahnih insiktîrin keimah min biak dan a zirtîr \hin dawn che alawm, tiin a lo chhang leh a. Nausen hmelah chuan zamna leh manganna a lo lang leh a. Thlaphan hmel tak hian, Lalpa, leia cheng mihringte chu mi sual tak niin an sawi si a, kei nausen chak lo leh mahni invêng thei lo hi tuin nge min hum ta ang? a ti a, a thlaphang chu a thaw rang nghal sak sak a. Pathian chuan nausen chu duat takin a kuah a, Nangmah enkawltu angel chuan a nunna tlukin a ngaih pawimawh dawn che avangin eng lai mahin a theihnghilh ngai dawn lo che a; chuvangin a nunna hial thâpin i tan a bei \hin dawn a ni, a ti a, chawp leh chilhin nausen hmelah chuan thlamuanna a rawn inlar nghal a. Nausen tê bawk chuan, Lalpa, kan inhmu leh har awm si a, ka khua a va har dawn ve aw! a ti leh ta reuh va. Pathian chuan nausen chu a malah a \huttîr a, a beng bulah a kun hniam a, Nangmah enkawltu angel chuan he hmuna i lo kal leh theih nan \hahnemngai leh uluk takin ka chanchin a hrilh \hin ang che a, kei pawh i kiangah ka awm reng dawn alawm, a ti sep sep a. Vanram chu a reh ruai a, nausen chuan leiah a kal a hun tak tak ta tih a hria. A tawp nan hmanhmawh takin zawhna a zawt leh a. Lalpa, leia ka kal hmain keimah min enkawl tura i ruat angel hming chu min hrilh theih ang em? tiin a zawt leh ta a. Pathian chuan nausen chu a en vung vung a, Angel chu a hming a pawimawh ber lo ve. Ka nu tiin i ko \hin dawn nia, a ti ta a hian tur i thlan fimkhur tluk zetin lehkhabu chhiar tur leh \hian kawm tur hi thlang fimkhur rawh - chung chuan eng emaw ti talin i nunah hmun an luah dawn si a. Paxton Hood

30 February, KANTU L ungdai Pastor bial chhunga Branch upa ber Lungdai Branch K P hi kum 1954 August ni 29 (Pathianni) khan din a ni a, nikum 2014 August thla khan Branch din cham kum 60-na (Diamond Jubilee) chu ropui taka lawm a ni. Lungdai Branch a\ang hian kum 2007 khan Lungdai Hmar veng Branch a lo indang tawh bawk a ni. Kumin 2015 hian Branch member zawng zawng Mipa 217 leh Hmeichhia 84, an vaiin 301 an ni. Member-ten Thawh\an zan inkhawm hi an ngai pawimawhin an phur \hin hle a, nikum 2014 khan member inkhawm zat chawhrual (average) chu 69.65, chu chu 25.24% a ni. Kohhran inkhawm hrang hrang member-te n an ngaih pawimawh theih nan Nilai zan, Inrinni Lungdai Branch zan leh Pathianni chawhnu inkhawm tam te group inel nan hman a ni bawk \hin. Kumin 2015 chhung hian group thum Isaia, Jeremia leh Ezekiela Group-ah te an in\hen a. Branch tha tichak turin sub-committee hrang hrang Programme sub-committee, K P inleng, Evangelical sub-committee, Children development programme (CDP), Property sub-committee, Decoration sub-committee leh refreshment sub-committee ah te an siam a ni. Kum 1983 a\ang khan Branch chanchinbu K P inleng chu Pathianni apiangin tihchhuah \hin a ni a, kohhran mipuite beng ber niin kohhran mipuiten an \angkaipui em em bawk a ni. Tin, kohhran committee ten an beisei angin kohhran

31 February, zaipawl hi branch-in a enkawl bawk \hin. Tin, branch committee neih hun bik thla tin Thawhlehni hnuhnung berah neih \hin a ni. Kohhran aiawh te leh Ex-officio te nen branch committee member zawng zawng hi 27 an ni mek a ni. Budget system a kal \hin a ni a, faith promise hi sum hmuhna hnar ber a ni a, hei bakah hian inhlawhna remchang awm apiangah inhlawh \hin a ni a. Tin, group te hnenah an thawh chhuah tur budget te an intuk bawk \hin. Tin, Biak In sa lai an nih avangin Biak In sakna tur sum hi budget-ah an dah \hin a ni. CK P leh Bial K P-te n bawh zui tura a tih te Pathian hruainain \ha takin kan la ti zel thei bawk a, kumin chhung hian Kristian halai chanchinbu hi copy 73 an la mek bawk a ni Bul \anna Ring ngam phawt mai teh. An rinawm sawt mai ang. I rin miau chuan... I rin ang taka rinawm tumin \an an la lo thei lo vang. Min ring ngamtute chu Mi an rin ang takin rinawmnain kan chhang let \hin. An thiam ang leh An phak tawk t>a an tih chu a tawk. An tlin chin chinah... Hriat thiamna nen ring ngam teh. Tichuan... An phur phah ang a, Tui tak leh \hahnemngai takin an thawk mai ang.