Untitled-1

Transcription

1 November 2014 t AGAPE t 1

2 November 2014 t AGAPE t 2

3 November 2014 t AGAPE t 3 Editorial Ram \henkhatah chuan hmeichhiate dinhmun chu a duhawm ve tawh viau laiin ram \henkhatah erawh chuan a la hniam hle a. Tun hma kum 50 velte kan thlir chuan Mizo hmeichhiate dinhmun pawh a danglam ta hle mai. Amaherawhchu, kohhran leh khawtlanga hmeichhiate hnualsuatna leh mipa duh tlatna rilru te, chhungkaw ro sum sem thuah mipa chanvo vâwng zâwk tura ngaihna te hian mi nâwlpui thinlung a la luah tlat niin a lang. Kan rilruah mipa leh hmeichhia thliar hranna hi a lo intuh nghet tawh hle niin a lang. Hetiang hi kan dinhmun a nih mek lai hian hmeichhiate pawhin \an kan lak sauh sauh a \ul awm e. Dinhmun leh chanvo \ha leh sâng zâwk chang thei tura kan inbuatsaih a pawimawh a ni. Rilru put hmang hrim hrimah pawh kan theihna leh \hatna (quality) tipung turin hmasâwn a ngai khawp mai. Hmeichhe thinlung no tak, mipate phâk ve ngai lo tura inngaih tlatna rilru hi paih bo a ngai a ni. Mahni lam inbuatsaih \ha peih si lova mi dangte chanvo \haa awm leh an dinhmun tluk tura inbeisei ngawt chu a dik lo thei ang. Pathian thuin engtia awm tur nge kan nih leh kan pasalte laka kan rilru put hmang tur engtiang nge tih min hrilh dan kan thlir tel fo tur a ni ang. Nu zawk chu pasalte aiin fing zawk leh fel zawk emaw, ei zawnna kawnga thawk chhuak \ha zawk emaw kan lo nih pawhin, kan pasalte hi kan LU an nihna hre rengin an lakah kan awm tur a ni. Nu-te hi kan awmna apiangah Kristian nu dik tak, Pathian thuin a sawi anga nung kan nih phawt chuan dinhmun duhthusamah ding rih lo mah ila, kan pasal fanau leh mi dangte zah leh fak kan hlawh ngei ang.

4 November 2014 t AGAPE t 4 Kristian Chhungkua I FATE SUAL DOPUI RAWH - Lallianpuia Dinthar Vengthlang, Aizawl Khawvel hmasawn zelah sualna pawhin kan hmasawnna hman \angkai tumin, ni khata darkar 24 chhung chawl miah lovin \an a la ve reng a. Pathian laka kan ro chan kan hmangaih ngawih ngawih kan fate min ruk bosaka, tihchhiat veka; tihhlum tumin a theihna zawng zawng hmangin a bei mek a (Jn 10:10). Hetih lai hian nu leh paten kan fate nun chhan aia pawimawh tih zawk thil dang kan nei dawn em ni? Nu leh pate n kan fate ni tin mamawh leh an ro tur buaipuiin thawkrim hle mah ila, anmahni nun kan chan leh si chuan kan thawkrim thlawn mai a ni ang a, eng nge sawt ang le? Nu pakhat chuan, Ka fate tan tiin \hahnemngai takin a thim a var pawh thlu lovin sum zawngin ka thawk a. Pathian malsawmna pawh dawngin ka inhria a, sum leh pai hman chawp tur pawh ka tlachham bik lo. Mahse, ka fate nun ka chân vek a, lungngaihna bâk ka hlawh chhuak lo va, theih ni se sum leh pai buaipui aiin ka fate ka ngaihsak ang a, Pathian lamah ka hruai ngei ngei tawh ang, tiin lungchhe tak leh inthiam lo takin a sawi a. Chuvangin, in leh lo \ha pui pui din aiin a luahtu nun din \hat a pawimawh zâwk a ni. Sum leh pai tam tak neih aiin a hmangtu tur an pawimawh zawk tih hriain kan fate nun i ngaihsak ang u. Engtin nge kan dopui ang? - Sual dona hmanrua Biblein min hrilh chu Jakoba chuan, Pathian thu thuin awm rawh u, tiin min hrilh a. Paula chuan chhandamna lukhum leh thlarau ngunhnâm hmang turin min hrilh bawk a. Kan fate sual kan dopui dan tur Bible-in min kawhhmuh chu; Lal Isua Krista, sual zawng zawng hnehtu an neih

5 November 2014 t AGAPE t 5 theihna tura Pathian thua enkawl hi a ni. Chuvangin, nu leh paten kan fate Pathian thua chawm thei tura kan inbuatsaih a ngai tak meuh meuh a ni. Kan fate Pathian thu hrilh hi Sunday School zirtirtute leh rawngbawltu, tute emaw hrilh turah i dah mai dawn em ni? Dah mai lo va, Lalpan i hrilh tura a pek che a ni a, mi dang kutah i dah ngawt thei lo vang. I fate kaihruai turin nang aia tling tih Pathianin a nei chuang lo va, nang aia \ha an awm chuang hek lo. Mi \henkhatin Pathian thu ka sawi thiam lo, sawi tur ka hre lo, kan ti a. Eng vangin nge kan sawi thiam loh? Eng vanga sawi tur hre lo nge kan nih? Kan thil neihte leh kan thil hriat chian thil dangte hi kan sawi chhawng thiam em? Thil dang sawi thiam chuan engati nge kan thil neih hlu ber Lal Isua chanchin kan sawi thiam loh bik ang? Eng vangin nge kan Lal Isua chanchin sawi tur ka hre lo kan tih \hin? Lal Isua i la nei lo a ni zawk lo maw? Lal Isua nei lovin engtin nge i fate sual i dopui theih ang le? Tin, kan fate Pathian thu hrilh harsa kan tih chhan dang leh chu kan nun danin a zir loh vang a ni. Naupangte hian in chhunga kan nun dante leh kan sum lak luh dan thlengin an hre ve vek si a. Kan nun a dik loh chuan fate lakah pawh kan dawih dui \hin. A ruka fate hlau em em pawh kan tam awm asin. Chuvangin, huaisen taka fate zilh a, Pathian thua kaihhruai thei turin Krista chu kan lalber atan hmang ila; tichuan, kan fate sual kan dopui thei ang. An duh zawng nge an mamawh? - Khawvel changkang zelah awh tur apui a va tam tawh tak em ve aw! halai tan phei chuan \hiante neih ang neih ve loh phei chu a hrehawm a, nu leh pa tan lah fate awh ngawih ngawih tihsak loh chu a hrehawm bawk si a. Mahsela, kan fate kan hmangaih si chuan an duh zawng aiin an mamawh chauh kan pek a ngai si a ni. um khat chu dam lo tlawhin ka kal a, damlo pakhat hi nurse-in damdawi a rawn pe

6 November 2014 t AGAPE t 6 dawn a, chu damlo chuan Ka pi, a kha em? tiin a zawt a. Nurse chuan Tun \uma mi chu a kha ang, tiin a chhang a. Damlo chuan damdawi thlum lo chu ka ei duh lo, a ti ngut mai a. Chuta nurse-in a chhanna chu ka theihnghilh thei lo va. Damdawi thlum chauh hi kan \hatpui lo va, damdawi kha leh tui lo deuh pawh kan damna tur chuan kan ei a ngai a nia, tiin a chhang a. Kan duh zawng ringawt hi kan \hatpui ber lo zawng a nih hi ka lo ti a. He damlo ang hian naupang chuan a tana \ha tur pawh a thliar hrang thiam lo va, \hiante neih ang apiang neih ve a duh a. Nu leh pate hnena dil chu a tih tur pawh a ni a, hetah tak hian nu leh pate kan fimkhur a pawimawh hle. Tunlaia kan intihhmuh heng two wheeler, computer leh mobile handset-te hi an mamawh em, eng atan nge an hman ang? Pathian rawn chunga uluk taka ngaihtuah hmasa lovin; an awh vangin leisak ngawt suh, i la inchhir ang. Naupang chuan, min lei ula, sual nan ka hmang lo vang, in thu ka awih ang, ti tein thiam takin in rilru hmin tumin a dil ang che u. Chutiang hnuah chuan khawngaih mai lova i hmangaih tak zet chuan, a mamawh em, a tan a \ha ang em, tihte ngaihtuah hmasa la, a duh zawng mai ni lo, a mamawh chauh leisak ngam ang che. Heng thilte hi mi tam tak sual kawnga hruaitu, Setana hmanraw hman thiam em em a ni si a. Rei lo teah i tana phurrit leh \ahna thlentu a la ni dawn a ni. Chuvangin, an naupan lai a\angin an duh zawng ni lo, an mamawh chauh ngaihtuahsak \hin la, sual kawnga an pen bona tur lakah i veng dawn nia. Sum leh pai pe suh - Kan fate sual kan dopuina tur pawimawh dang leh chu sum leh pai pek loh hi a ni. Sum ngainat hi sual tinreng bul a ni tiin Bible-in min hrilh a. Kan fate sum ngainattir lo tur chuan an naupan lai a\anga pawisa kan pek loh a ngai a ni. Pawisa pek aiin a mamawh

7 November 2014 t AGAPE t 7 leisak mai ni se; chutilochuan, an zawngchhang ang a, an puitlin thlengin sum i ngainattir thei a ni Sum hi a \angkai a, thil a tih theih em avangin Setana pawh hian hmanruaah a hmang nasa em em a ni. Naupangten kawng hrang hranga sual kawng an zawhna bul pawh sum hi a ni. Naupang sual lam kawng zawh \antirte hi han kawm mah ula, an pawisa hman sual \an a\angin an sual tih i hre mai ang. An chhungte hnen a\anga sum an neih theih loh hunah an mahniin neih dan tur an ngaihtuah a, ruk ruk, mi bum, mahni taksa zawrh leh mahni thawmhnaw hak lai thlengin an tiral duh \hin. Chuvangin, i fate i hmangaih chuan sum ngainattir lo la, an naupan lai a\angin an kutah pawisa awm lo se, sual tam tak i dopui tihna a ni. Tin, fate thunun phal lo kan awm \hin hi a pawi hle mai, thil a tisuala i thunun nghal loh chuan, sual an pawisa lo vat thei a ni. Chuvangin, i fa i hmangaih chuan a sualnaah i thunun tur a ni. Harvard University-in naupang sual chungchang an zir chianna a\anga an hmuh dan chuan - * 10-a 6 chu an pate zu in mi an ni a, an nute pawhin an in \hin. * 4-zela 3 chu nu leh paten an khuahkhirh lohte an ni. * 5-zela 3 chu nu leh pa inngeih lo an ni a, * 10-zela 7 chu chhungkaw inkawm khawm ngai lo an ni. * 5- zela 4 chu nu leh paten an \hian kawm an ngaihsakpui lo va. * 5- zela 4 chu an nuten an sawisel reng \hinte an ni a. * 5- zela 3 chuan an paten an hauh reng thu an sawi bawk. (Source Hringnun Dictionary)

8 November 2014 t AGAPE t 8 Sermon KRISTIAN - PATHIAN THUAWIH (Marka 9:7) - Rev. K. Rolungmuana Leitan Bial Pathian hian a thu zawm leh awiha amah chawimawi turin min duhzia chu Bible thuchah a\ang hian kan hmu a. Chutih rual chuan a thuawih loh a huatzia pawh a lantir \hin. Mizo Kristian hmasate kha miten an sawi dan leh anmahni pawhin an nihnaa an pawm chu Pathian thuawih tih hi a ni. Thuawih tih awmzia chu, hria, ngaithla tih niin an sawi a. Pathian hria leh Pathian âw ngaithla tihna a nih ber chu. Pathian thu/ âw hriat hi nun kaihhruaitu atan leh himna atan a \ha a, ngaihsak duh loh erawh thil pawi tak a ni thei. Tun \umah hian he thu a\anga sawi lan kan tum ber chu engahte nge Pathian thu hi kan awih ang tih lam a ni. Fak leh chawimawi kawnga Pathian thuawih - Hemi atana kan hmun hman ber chu Biak In hi a ni rih awm e. Biak Inah hian hun hi kan lo hmang tam vak lo khawp mai. um khat inkhawm hian darkar khat leh a chanve vel a awh angin chhut ta ila, kar khat chhungin kohhran inkhawm pangngai bik hi vawi nga a awm a; tichuan, kar khat chhungin darkar 7.30 kan hmang a, kum khatah chuan darkar 390 vel a lo ni thei a. Kum 80 dam ta ang ila, pian kum a\anga pelh miah lova inkhawm kim vekin darkar 31,200 kan hmang dawn tihna a ni. Chu chu kuma chantir chuan kum vel chauh a lo ni a, inkhawm loh hun chu kum vel a lo ni. Pathian min duhna leh beisei chu amah fak leh chawimawi a nih si chuan, kan hna leh mawhphurhna hrang hrang hmanga Pathian kan chawimawi loh chuan kan chawimawina chu a lo

9 November 2014 t AGAPE t 9 beitham dawn hle mai. A bula awma, amah fak leh chawimawina thuah Isuan min zirtirna nen hian kan nun kaihhruaitu atana kan \an kawptir thiam chu a ngai a ni. Isuan, He tlangah kher lo pawh, Jerusalem-ah kher lo pawh Pa chibai in buk hun a thleng dawn ta, a tih kha, Biak in chhung bak pawh fak leh chawimawina tur hmun min zauhsak hle mai. A thu ngun taka ngaihthlak te, awiha zawmna tur hmun hi kan awm leh thawhna hmun apiang ni thei se tih hi min zirtirna chu a ni. Kawppui zawn leh inneih kawnga Pathian thuawih - Isaaka nupui zawn dan thuah khan Pathian thu awihna chu nu leh pa thuawihna nen a kal hrang lo tih kan hmu. Tunlai hunah hian kawppui zawn danah kan zalen ta deuh niin a lang. Chi leh kuang leh sakhuate pawh kan ngaihtuah vak lo, kan uluk lo tih dawn chuan a dik vek kher lo vang, \henkhat chuan an uluk leh lutuk em ni aw tih tur a ni lawi si. Eng pawh ni se, Pathian rawn chunga thiltih ngei ngei tur chi a ni tih hi i vawng tlat ang u. hen leh mai pawi tih lohna rilru nena kawppui zawn hi a Kristian lo a ni. Innei si, inngaihsak loh te, chen ho loh leh thawh dun theih loh te, mahni thu thua tal hrannate nen chuan kan inneih dan dik mah se hlimna leh lawmna chu thlen a har a, sima insiam \hat loh phei chuan in\henna hial pawh a thlen thei. Pathian nena kan inkar pawh hi hetiang deuh hian thlir ta ila, amah kan thlan hnu hian a chennaah cheng lovin, ngaihsak zui lovin emaw amah thawhpui duh lovin, mahni duh ang angin khawsa ta ila, kan sualte kan sim duh loh chuan Pathian nena kan inkar chu a \ha hauh lo vang a, kan thlan leh pawm dan dik loh vang lam ni lovin kan thlan leh inzawmna thuthlun anga kan awm loh vang a ni. A siam \hat lehna chu a \ha lo lai sim a, \an lak a ni. Hel rilru bansanin thuawihna nen bul \an \hat leh a \ul \hin.

10 November 2014 t AGAPE t 10 Fa neih chungchanga Pathian thuawih - Chi thlaha leilung luah khat tura inneihna hi Pathian siam a ni a. Inneih leh chhungkaw din chu kan duh a; mahse, fanau malsawmna lamah erawh retheih kan hlau khawp mai. Pathian kan rin tawk loh avangin duh hun hun hunah kan inrek bung a ni mai lo vang maw? Nge mahni hma kan sial vang zawk? A petu duh dan leh phal chin kan dawng peih lo \hin. Mihring nunin a mamawh thil dang erawh chu duhtawk chin kan nei meuh bawk si lo, hlimnaah duh tawk chin a awm lo, sum leh paiah pawh, silh leh fen thuah pawh duhkhawp kan nei lo a ni. Kan thawh chhuah a tlem si, kan duh tam bawk si te hi a dik thei dawn em ni le? Pathian ropui nan fa neih tam ngam turin rilru buatsaih ang u. Hna zawn leh thawh kawnga Pathian thuawih - Hna zawngtu \henkhat chuan politics an hmatheh a, an hmuh pawhin an lawm dan chu a dang mai thei a ni. henkhat chuan hmelhriatte an hmachhuan a, hengho hian Lalpa zarah tih hi thinlung takin an ti thei ang em aw? Chutih rual chuan kan thawh dan lam pawh hi a pawimawh em em a ni. Hlawk leh hui \euh tumna rilru nen ni mai lovin, \angkai tur leh nghet tur zawng hi a pawimawh, Isuan va rah tur leh in rah awm reng turin ka ruat a che u, a tih kha (Jn 15:16). Rorel leh ruahman kawnga Pathian thuawih - Tun hunah hian rorel kawngah leh thil ruahmannaah hian Pathian thu kan awihna hi eng chen nge nia kan hriat le, Pathian nen engkim tih theih a ni tih thu Bible-in min zirtir laia, Pathian thu nena inrem lo riau nia hriatte kan nei em? Pathian nen ni lova, thil tih leh ruahman te hi duh zawk chang kan nei em, Babel in sang sak tum khan Pathian thu lova thiltih lo pawizia leh nghawng thui theihzia kan hmu a ni. Aw le, Pathian hian mi tin hi theihna leh hun remchang min pe \heuh a ni. Min petu

11 November 2014 t AGAPE t 11 tana hman tam hi kan chawimawina a ni. Alexander Ropuia chuan a General pakhat hnenah hian a sum tam tak hman theihna a pe a, vawi khat chu a bill a sang lutuk deuh va, sum enkawltu chuan a lo pe mai duh lo va, Alexandera a hrilh a, ani chuan hetia ka sum tam tak a hman hian mi chawimawi a ni a ti. Pathian hnena mi kan dawn, kan talent leh nun ngei pawh hi a tam thei ang ber Lalpa tana kan hman hi amah kan chawimawi dan \ha berte zinga mi a ni. Pathian kan fak leh chawimawina tur \ha ber chu a thu awih leh zawm hi a ni. Chutah chuan damna leh himna pawh a awm. Phar Naamana chungchangah thuawih \hatna kan hmu (2 Lal 5:1ff). Nova chanchinah pawh a lawng tuk thu kan hmu bawk. Lal Isuan damlo a tihdam thuah pawh sawi tur a awm \euh mai. Thuawihna chuan tuarna pawh a keng tel a, Lal Isua chungchangah fiah takin kan hmu. Chutih rual chuan thuawih loh lah a zual zapui vaihlenhlo tih ang maiin tuarna pumpelh theih a ni lo. Thuawihna vanga tuarna chuan rah \ha leh duhawm tam tak a keng tel a; chutih laiin thuawih lohna vanga tuarna chu tuarna ve mai a ni. Eng pawh ni se, Pathian fak leh chawimawina chungchangah hian hmasawn tum ila. Lal Isua zuitu awm dan tur kaihhruaina pawimawh tak pakhat chu Hei hi ka fapa duh tak a ni, ama thu ngai rawh u tih hi a ni fo. Ngaihnobeina hi eng mah lo mai a ni; Hmel\hatna pawh a chuai mai \hin. Lalpa \ihtu hmeichhia erawh chu, Chawimawi tur a ni e. (Thuf 31:30 Lehlin thar)

12 November 2014 t AGAPE t 12 LAWMNA LUIPUI LUANG LAI AN CHAWL E - Sangkungi Jubili, Mission Vengthlang Mi tinin kan duh ber chu hlimna leh lawmna a ni ti ila, a sual âwm lo ve. Ni tina kan chêt vêlna zawng zawng hi a bul thûmah chuan hlimna leh lawmna kan zawn vâng a lo ni deuh vek mai. Mahse, mi tam tak hi chu kan hlim tehchiamin a va lang si lo êm! Khawvel company lian pui puite lah hian kan rilru chu hriain min tihlâwm tumin thil thar an siam chhuak reng a. Mahse, min tihlâwm a hnehin a thar dang kan duh leh thuai zel \hin. Eng vang nge ni ta ang le? Khawvel hian mihring tuihal rehna tur a pe thei ngang lo a ni, tih hi a chhanna chu a ni mai âwm e! Ni e, beisei teh \hin mah ila, thil siamtu company-te hian mihring nun lairil tuihâlna fah zo thil an siam thiam ngang lo a ni. Thil thar chu an siam chhuak teh meuh mai; mahse, rei lo têah a \hing leh zel a; nun chhungril a titlai zo ngang lo ve. A leina tur sum chu lo awm teh rêng pawh ni se, a lungawina tur thil dawrkaite n an zuar miau si loh chuan, an zawrh aia \ha duhin mihring nun chu a tuihâl huam huam reng mai dawn zawng a nih hi. Sum hian chawhmeh tui \ha \ha a lei thei a; mahse, ei tuina chu a lei thei si lo. Khum dûp nuam tak tak lei thei mah se, mut tuina a lei thei leh chuang si lo, an tih \hin hi a va dik êm! A lei theih loh lam hi a pawimawh zâwk leh kan mamawh zawk chu a ni tlat lehnghal. Chuvangin, pawisa suma lungawina lei tumtu chu a tuihâl kumkhua mai dawn zawng a nih hmel e. Tichuan mi tin hi beiseina nasa tak nen kan rinna lam lamah kan tlân suau suau ta mai zawng a ni a. Unau duh tak, khawvelah

13 November 2014 t AGAPE t 13 hian kan mamawh ngawih ngawih hlimna chu ûm phâk tum teh \hin mah ila, hlim a hnehin lungngaihna leh rûmna nasa takin a zui châwk tih hi thu dik tak a ni asin. Chuti chung chuan kan ûm tawh chu kan kirsan phal lo fo va, kan vawn tawh chu kan thlah phal lo fo \hin niin a lang. Kan tlan zel chuan tâl chhuah ngaihna rêng rêng awm lohna khur thimah kan tlu lût palh thei a ni. Chutiang chu Kristian, Krista ringtu, Kristian chhungkuaa chêngte tâwp dan tur a ni thei ngai dawn em ni? Ropuina leh hmingthanna te, lalna leh thuneihnaahte pawh hian hlimna tak tak chu awm ni sela, mi ropui leh mi lâr tak takte an lâr vânglai takin anmahni an intihlum duh dawn em ni? Zu leh sa, ruihhloah te, nulat tlangval nawmchennaahte hian hlimna tak chu awm ni se, a tih ching \hinte hlimzia chu thup sên rual a ni tawh lo vang le. Chutiang chu a ni ngei em tih chu anmahni n an hria ang! Hmana Lalpaa lawm êm êm \hinte pawh hetiang kawng zawh \hinte chu an lawmna a lo chuai leh \hin a, I thisena i tlan sate suala hliamin, Lawmna luipui luang lai an châwl e tih hi he Zorama Kristiante hian kan tidik leh \hin a; lawmna luipui luang lai chu a châwl leh \hup mai \hin zawng a nih hi. A pawi \hin teh e. Nun hlimna neih tum siin a ni lo lamah kan tlân chiam mai chuan kan tlân thui zawh poh leh kan neih tum chu kan hlat tulh tulh dawn tihna a ni si a le. Mi \henkhat chuan suahsual rawng bâwl êm êm lo mah ila, Pathian hi kan ngaihsak duh lo hrim hrim a ni lo maw? Hun hnuhnungah chuan Pathian ngaihsak lo lam anmahni châkna ang zela awmin, nuihsantute an lo la awm ang (Juda 18) tih ang mai khan. Amah ngaihsak lohna hi Pathian ngaihin sual lian tak a ni asin. Ngai teh u, mi zawng zawng chunga

14 November 2014 t AGAPE t 14 rorel tur leh Pathian ngaihsak lote zawng zawng Pathian ngaihsak lohna hna Pathian ngaihsak lo chunga an thawh zawng zawng kawngah...thiam loh chantir turin, Lalpa chu a mi thianghlim singkhatte nen a lo kal a ni, (Juda 14-15) tih te,...amah ngaihsak lote awmna khawvelah khan tui tilêtin, hmanlai khawvel chu a zuah lo va...tin, Sodom leh Gomorra khuate chu amah ngaihsak lo, la awm turte entirnaah a hmang a...thiam loh a chantir ta a, (2 Pet 2:5-6) tih te hi i vawng reng ang u. A nih loh leh nun khawro ru tak chunga hlim âwm taka lang lui \hin, rawngbawl hna pawimawh chelh chunga nun chhungril tuihâl ru tak, sawi chhuak ngam si lova rûm ru fo \hin kan ni em? Mawhphurhna hlen nan Pathian thu te chu han sawi ve bawk \hin mah ila, keimahni tak tak chu khawvel thil hlirin kan inhnawh khat tlat si \hin em? Rawngbawlpuite laka rilru khâ tak, biak pawh be hlei thei mang lo khawpa huat rûk riau nei kan ni em? Chutiang chunga hlim êm êm theih dan tur chu Biblein min hrilh a ni lawm ni? Kan thawhrimna zawng zawngte chu rual êl vâng kan tih chuan a dik tho mai. Taihmâk hi Pathian thu pawh a ni (Thuf 12:27). Mahse, Tangka sum ngainat hi sual tinrêng bul a ni, (1 Tim 6:10) tih hi i hre nawn fo ang u. Rinna kal kawisanna leh lungngaihna tam taka mahni inchhun tlang chukna mai a lo nih chu! Ngainat tih hi chhinchhiah bik ila. Taima leh duhâm te hi thliar thiam a ngai si a, fimkhur zawng a \ul a ni. Hausakte hi sual a ni ringawt hran lo ve. Mahse mi hausa, tlâkchham hre ngai lo, hrisel bawk si tân chuan \awng\ai a \ul lo thei mai a, Pathian a mamawh lo thei hial \hin. Sum hi a tirah deh chhuah thuai theih mah sela, a tâwpah malsawm a ni kher lo vang (Thuf 20:21). Chuvangin, mi \henkhat tân chuan hausak hi vanduaina

15 November 2014 t AGAPE t 15 chi khat, hremhmun kawngka zau tak a ni thei, dam lai leh thih hnuah pawh. Unau duh tak, hlimna tluantling chu khawvel tukverha dâk chunga neih theih a ni lo va, khawvel nena neih kawp chi lah a ni hek lo. Tu pawh khawvel \hian nih duh apiang chu Pathian hmelmaah a insiam \hin (Jak 4:4) avangin hlimna kumhlun chu engtin nge a chan theih ang? Mihring chuan Pathian kan anna chu Eden huanah khan kan lo hloh tawh a. Chuvangin, mihring thinlungah hian hmun ruak a lo awm ta a ni. Chu hmun ruak avang chuan mihring nun chu a khua a har \hin a lo ni a. Khawvela ropuina leh nawmna awm thei zawng zawng zingah hian chu hmun ruak chu luah khat zo zuk awm hlek lo va le! A neitu Pathianin a luah leh chiah hunah mihring chu a lungawi famkim mai dawn a lo ni. Chu hmun ruak chu Pathian hmun ruak a ni miau si a. Kût \iak dawn ni, ni ropui berah, mipui tam vânglai chuha Lal Isuan \hahnemngai taka a tlangaupui thutak hi i ngaithla nawn leh teh ang u. Tu pawh a tuihal chuan ka hnenah lo kal sela, in rawh se, a tih kha (Jn 7:37). Kan kawchhunga tuihna awm, chatuana nun thlenga chik chho tur min tiam asin (Jn 4:14). A va n hlu tehrêng êm! Chuvangin, nun hlimna dik tak nei tur chuan Pathian nena len dun hi a pawimawh ber mai a lo ni. Pathian chauhvin lawmna kumhlun leh hlimna kang ngai lo chu a nei si a. Râlkhat a\anga dawn chi a ni lo va, a hmuna chênchilh ngai a ni e. Unau duh tak, chu hlimna chu a duh apiangin a thlâwna kan dawn turin hmangaih Pathian chuan min chhawpsak reng asin. A duh ve lo leh ngaihsak ve lo, kawng danga hlimna zawng lui tlat \hinte hian kan dawng ve lo mai a ni zâwk e. Krista n a sawm lai che hian

16 November 2014 t AGAPE t 16 lo kal la, rawn nei la, eng ang meuhva lawmna nasa nge Lalpa hian a pêk phal che tih chu i hre dawn nia. Tichuan i zawn i zawn \hin chu i lo hmu tawh ang a, Thlarau Thianghlim zârah nun lungawi, nun hausa neiin, mi vannei berte zinga mi i lo ni mai dawn a ni. Tin, a zuitu chu, Lawmna kim chu rawngbawlna hi a ni, tih hi a ni leh mai. Rawng kan bawl dan azirin kan lawmna chu a pungin a pung lo mai dawn a ni ang. Lawmna luipui luang rawh se, khawvel hrehawmah hian... D.L. Moody-an a nu ruang chunga a thu sawi:... hetiang nu \ha chungchuang fa kan ni thei hi thil ropui tak a ni. Ka nu hi ka fak tawk zo lo. A hmasa berah chuan ka nu hi nu fing tak a ni. Kawng khatah chuan Solomona meuh ai pawhin a fing zawk, a chhan chu a fate enkawl seilen dan a thiam a ni. Fa pakua lai a nei a, an vaiin in chhung an ngaina vek. An rilru a hneh a, lainatna leh hmangaihnain an chhang let a, engkim a tihpui thei. Kaihhruaina dik leh thurawn \ha ka mamawh hunin ka nu hnenah ka kal \hin. Ka zin kual nasa tawh hle a, nu \ha tak tak ka hmu tawh \hin; mahse, ka nu ang taka hmangchang hriatna nei \ha hi ka hmu lo. A fate nen an inkungkaih \hat em avangin, a fate tan chuan kan nu bul a\anga hmun danga khawsak ngai chu chhiatna rapthlak tak lo thleng ang a ni. Unau mipa pahnih Kansas-a cheng leh chuta thi ta ka nei a. An chak em em \hin chu ka nu bul hnaia rawn kir leh hi a ni. Hetiang tak hian a fate rilru hi a hmin hneh a ni. Ka pain min boralsan a...a tawrhna leh lungngaihna nasa tak chuan Pathian hnenah a hruai a, kan room chhung ngeiah, naupang kan muthilh hnua kan \hanharhleh chuan ka nu lo \awng\ai mawlh mawlh ri kan hre \hin.

17 November 2014 t AGAPE t 17 KRAWS SILHFEN INBEL ANG U - Lalrinpuii (Nu-i) Zotlang, Aizawl Kraws-a khenbehte chu vantlang pawhin nungtlaka an ngaih loh, thiam loh chang an ni. Persia-ho chuan lei hi Pathian siam a nih avangin a thianghlim a, krawsa khenbeh mi sualte phum nan an phal lo va. Van pawh Pathian chenna a nih avangin an kalna turah an ngai lo, chuvangin, lei si lo, van si lova kraws a khenbeh hi tih dan tur dik takah an ngai. Rom-ho chuan krawsa an khenbehte chu sal te, tualthat te, suamhmang te, phiarruk hmang te, khualehtui phatsantute chauh niin an ngai. Pathian thiltihtheihna kraws hi a tlawm a, a mawl lutuk a, Juda-ten an hre thiam lo, Grik-hote pawhin an ngaih thiam lo bawk. Krawsa an khenbeh Isua kha Pathian Fapa, khawvel chhandamtu a ni tih chu Juda-te tan a nuihzatthlak a, Grik-hote tan a hmuhsitawm bawk. Mahse, keini tan erawh chuan min chhandam tura Pathian thiltihtheihna a ni tlat si. Tu pawh a ring apiangte chhandamna a ni. A saw raltiang tlangah Kraws hlun tak chu a ding, Tuarna leh mualpho tar lanna chu. Kei ka tan chu kraws chu Ngaihhlutawm ber a ni, Mi sual tan mi \ha ber a thi si. Kraws tel lovin Kristian a nih theih loh - Kristiante rinna leh nun thuruk a ni a; chuvangin, kraws thuchah aia pawimawh zawk hi ringtuah a awm thei lo a ni. Kristian ni si, kraws ngaisang lo chu Kristian boral mek a ni. Africa ram chanchin khu kan hre lar viau awm e, Foster-a chuan heti hian a sawi a ni. Kraws an hlam chhiah a, thurinah an inhnial buai a, chuvangin, Mosolman sakhua a lo len khan mipuiin an bawh dual mai a nih kha a ti. Kohhran pa Augustine-a pianna ram, Bible pian

18 November 2014 t AGAPE t 18 chhuahna ram meuh pawhin kraws thu a ngaihsan loh avanga an tluk si chuan kan ram pawh inen chian lehzual a ngai a ni. Kraws Pathian Thiltihtheihna chu i ngaisang ang u. 1. Kraws thiltihtheihna ropui tak chuan roluahtu nihnaah min hlangkai a, Pathian chhungteah min hlang kaiin a hausakna pawh krawsah min hlan a, chhandam hlimna leh chatuan nun hlimna min pe a ni. 2. Min tichaktuah chuan engkim ka ti thei a ni. Kraws thiltihtheihna ropui takah chuan khawvel hriat thiam loh thil tam tak a thleng fo \hin. Mitdel Fanny Crosby-i pawh Pathian leh a ram ropuina hmu chiang bertu a ni a, bengngawng Barclay-a pawh Pathian hre chiang em emtuah a siam thei. Keimahni \heuhah pawh chu thiltihtheihna ropui tak chu tar lan a duh fo \hin. Isaac Walta pawhin he kraws thu vang hian Krista thihna lo chu thil dang engmah ka chhuang tawh lo ng, a ti hial a ni. Kraws thiltihtheihna chuan phurrit phurte tan chawlhna a pe \hin a, a lalna famkim Thlarau Thianghlim rorelnaah min chawlhtir a, chutiang ram chu khawvelah hian eng ramah mah hian a awm thei lo a ni. Kristian phurrit phurte, sual vanga lungngaite, natna avanga hrehawm tuar mekte pawh kraws chuan an lungngaihna la bovin amahah chuan a chawlh hahdamtir a ni. Batna lehkha thupeka inziak zawng zawng chu kraws thisen chuan a thai bo ta. Chu kraws chu pawmin ka vuan zel ang, thlafam dairial chan hma loh chuan. Thlah lovin ka vuan tlat zel ang a, lallukhum hluah ka la chan ang. Kei mi sual ngaihdam leh min tithianglim turin ka Lalpa Isua tuarin a thi. Kei ka tan chu kraws chu, ngaihhlutawm ber a ni, mi sual tan mi \ha ber a thi si. Kraws thu hi boral mekte tan âtna ni mah se, Kristiante tan chuan thiltihtheihna ropui a ni si a. Tho leh Krista nun \awmpui tur chuan Lal Isua

19 November 2014 t AGAPE t 19 thihna kraws hmanga intihral vek a ngai a ni. Chutah chuan tuar mek chung pawha lawm tlatna te, hloh pawh hlepa chhiar thei tura min eiralna te, rethei reng chunga van hausakna min pe tlat te, eng mah nei chuang lova, thil engkim neitu min nihtir dan te, rilru na ngawih ngawih chunga damna hriak min thih dan te, lawmna tur reng reng awm lohna hmuna lungawina silhfen min bel dante hi a mak \hin teh e. 3. Chhungkaw tam tak chuan \ahna ruam kan thleng mek a, nang engtin nge i tuar le? I kun tlawk tlawk mai dawn em ni? Sam 84-ah chuan - A thinlunga Zion panna lamliante awma chu. ahna ruamte an zawhin tuihna awmnate an siam \hin, tih a nih kha. Pathian nena inkal pawh reng mi chuan \ahna ruam an thlenin \ah ringawt mai an tum lo va, Lalpa nena inkal pawhna lamlian \awng\ainain Pathian an pawl \hin. Unau duh tak, rah tam zawk i chhuah theih nan Pathianin a zirtir che a nih kha. Chak zawka rawng i bawl theih nan i zirlai kha i passed dawn em? Lalpan Ngai teh u, ram hla tak ata, Ka fanu, ka mite \ap thawm chu; Zion-ah chuan LALPA a awm lo m ni? A chhungah a LALPA a awm na nge?... Gilead-ah thinghnai damdawi a awm lawm ni le? Chutah chuan tidamtu a awm na nge? Engati nge ka mite ka fanu a hrisel theih loh? a ti (Jer 8:19-22). Thinghnai damdawi Gilead ami hi natna tinreng tihdam nan a \angkai hle a, mahse, Lalpa mite an \ap a, an hrisel lo, eng vang nge? Gilead thinghnai damdawi an hmang lo a ni ang. Nang pawh i tuarna, i ruma i \ahna zawng zawng damdawi chu Lal Isua chhandamtu tuarna kraws-ah a awm a ni. Kraws silhfen a inthuamte nihlawhna - Kraws silhfen hmangtute chuan hla ropui tak mai an lo phuah a, Lal Isua kraws hnuaiah chuan awm hmun ka lo rem a, Ka thla chau tan lungpui hlim nuam, hahchawlhna, khualzinte tan in nuam,

20 November 2014 t AGAPE t 20 thawkrimte leh phurrit phurte thlamuanga an chawlhna. Aw kraws, ka chenna atan ka thlang i hlim nuam chu an lo ti hial a ni. Chu hmun chu thlarau hlimna ber a ni... Kraws daihlim hnuaiah min chawlhtir rawh. Mihringte hian mawi nih te, hlutna neih te, mi fak nihte pawh kan duh a, kan chak \hin. Keimahni mai chuan, chung chu kan phur chhuak zo lo va, hla siamtu vekin hetiang hian a sawi a - Kei zawng mawina ka nei lo, kei zawng hlutna ka nei lo. Mahse kraws thihna avangin ka hluin ka mawi a ni. Kraws thisena sil fai kan ni, suala phuarte zalen kan ni ta...aw a hluin a thlumzia ka va lo hre lo rei ve! Lawmin ka puang zel dawn, ka damna Lal Krista kraws thu lo chu chhuan tur reng ka nei lo, sawi tur pawh ka nei lo, kraws thu lo chu. Kraws thisenin, mi chak thei lo, huaisen berah a chantir thei. Kraws thisenin mi huai ber pawh tam tak a ti tlawm der thei. Krista thuam inbel hi kan felna lo ni rawh se. Khaw pakhata thing kittu hian finrawl chhuahin a thing tum hralh tur chu a sei dan tura an bithliah sa feet li tling lovin a tan ziah mai a. A piangthar ve ta a; mahse, tu mahin a pianthar chu an ring chuang lo va. Pa pakhat nepnawi dawr a\anga lo chhuak chuan chu thing kittu pianthar chungchang an sawi chu a rawn hre ve a, phur deuh mai hian, A dik alawm. A piangthar tak tak asin! a rawn ti a. Mite chuan, Engtin nge i hriat? tiin an zawt rual \hawt mai a. Ani chuan, Nimina a thing ka lei chu ka teh a, feet li dik tak a ni e, tiin a chhang a, thingtum hralhtu pianthar thu chu an awih thei ta a.

21 November 2014 t AGAPE t 21 RAWNGBAWLNA - K. Lalliantluangi Chairperson, PWF Lily Veng Kan thupui, RAWNGBAWLNA tih hi kohhran leh rawngbawlna tih te, rawngbawl hna -te pawh ti ila a sual awm lo ve. Kohhranah hian rawngbawl hna peng hrang hrang awm mah sela, a hniam leh sang a awm chuang lo va. A langsar leh langsar lem lo erawh chu a awm thei. Kohhrana kan chet honaah hian rawngbawlna tih thu hi kan sawi tam ber pawl a ni ang. Pathian rawngbawltu te kan ti a. A changin kohhran rawngbawltu te kan ti bawk \hin. A enga pawh chu lo ni se, kohhran neitu chu Isua a nih tlat avangin kohhran rawngbawltu zawng zawng chu Lal Isua rawngbawltu kan ni tihna a nih chu. Pathian rawngbawltu tih leh kohhran rawngbawltu tih chu thil thuhmun a ni a, sawi hran chi a ni lo. Rawngbawlnaah hian KOHNA hriat chian a ngai. Pathianin kohhran hmangin min ko va, hei hi kohna chiang ber leh fiah ber a ni. Kohhran hmanga Pathian kohna ngai pawimawh loh chuan a kotu Pathian kan ngai pawimawh lo tihna a ni. Rawngbawlna sang bik leh hniam bik tihte hi kan lo nei palh ang e. Rawngbawlna langsar leh lam rik hlawh deuh chu a awm ngei mai. A hniam leh sanga awm chuang lo. Lal Isua zuitu, piangthar zawng zawng hi rawngbawltu vek kan ni a. Rawngbawl tura chhandam kan ni. Kan rawngbawlnaah hian a rawng kan bawl kohhran neitu hriat chian a ngai. Pawl satliah emaw tih mai chi a ni lo. NGO pakhat anga ngaih a hlauhawm hle. Pathian rawngbawlnaah hian mahni inhriat chian a pawimawh. Rawngbawltu tih hi \awng bul lamah chuan sal

22 November 2014 t AGAPE t 22 emaw, chhiahhlawh emaw tihna a ni an ti a. Chhiahhlawh rilru pua rawngbawl tur tihna a ni. Chhiahhlawh zia chu thuawihna leh tlawmna a ni. Miin kan chak lohna an han sawi a. Ani pawh eng nge a nih bik, kan han ti tlat mai te hi chhiahhlawh rilru pu \awng kam chu a nih hmel loh khawp mai. Kohhrana kan chet honaah ringtu puitling tak tak emaw kan tihte pawh hi kan vuivai fo mai. Kan vuivai chhante leh kan inthlahdah chhante chu chhiahhlawh rilru, tlawmna nen rawng kan bawl loh vang a ni fo. Biblea kan hmuh angin rawngbawltute zinga ropui ber chu chhiahhlawh rilru pu te an ni. Kan rawngbawlnah hian mahni hlawkna kan zawng tur a ni lo. Kohhran mal, Bial leh Central thlenga kan rawngbawl honaah hian chanvo leh nihna hian min hnuk kal hram hram palh ang e. Isua hmangaihna avanga rawngbawltu chauhvin rawngbawl hna a thawk dik dawn a ni. Paulan, Krista hmangaihna chuan min tir lui a ni, a lo tih angin, chhungrila min turtu hi Krista hmangaihna a ni em? Hmangaihna avanga rawngbawltu chu a inthlahdah ngai lo va, chanvo a sit ngai lo va, a vui ngai lo. Inthlahdah leh dawngdahna nena Lalpa rawngbawlna chuan rah \ha a chhuah thei lo, kan rawngbawlsakten an hlawkpui ngai bawk lo. Bible-ah Thlahdah taka Lalpa hnathawktu chu ânchhe dawngin awm sela, tih kan hmu a ni (Jer 47:10). Hmangaihnain a tirh luih rawngbawltu chu a inthlahdah ngai lo va, a rawngbawlna pawh a nung a, mi dang tan malsawmna a ni \hin. Hmangaihnaa rawngbawltu chuan a chanvo a sit ngai lo va, a thawh nasat poh leh a lawmna a sang \hin. Krista taksa kohhran hmanga min kohna hi kohna fiah ber leh chiang ber a ni. Kohhran kal tlanga nihna leh chanvo kan chante hi lawm taka

23 November 2014 t AGAPE t 23 dawnsawn tur a ni. Mawhphurhna eng pawh min pe se, Pathian min kohna a nih avangin lawm chunga rawngbawlhna chu kan thawk tur kan ni. Kan lawmna chu kan chakna a lo ni leh bawk si, Lalpa chuanga lawmna chu in chakna a ni sia (Neh 8:10). Rawngbawlnaah hian Hming lam rik ngun deuh leh lam khat deuhte pawh a awm thei a. Hruaitu, kohhran hma laknaa hma chhawp lo siamtu Committee member-te an awm a, chung chanvo cheltute chu inkaihhruaina kan neih angin thlan chhuah an ni \hin. Heng chanvo chelhtute hian rilru zau tak neih a ngai. Hruaitu nihna hi a zir zir theih a nih laiin pianpui a ni thei bawk. henkhat chu rorel mi, rorel thiam, hotu nih tling taka awm theih. henkhat erawh chu rorel bawhzuina lama \angkai tak a awm theih thung. A enga pawh chu lo ni se, hruaitu \ha chuan hruaitu \ha dang a chher chhuak tur a ni. Kohhran ding tir leh hruaitu mamawh hun lai zawng zawnga kohhran lo chhawm chhuaktu, Krista hmangaihnain an nun chungrila a tur avanga tha leh zung, sum leh pai senga, a thim a var pawh thlu lova khawngaihna rawngbawl hna lo thawktute hi an va hlu em! Chutiang mi rawngbawltu, kohhranah nu chanchang rawngbawltu tam takte avangin Pathian hnenah lawm thu i sawi ang u. Rawngbawltu \ha chher chhuah hi tuna nihna leh chanvo pawimawh chelh mektute mawhphurhna a ni. Kum lama naupang zawkte fuih chungin, mawhphurhna kian thiam ila. Rawngbawltu \ha chher chhuah lamah \an lak a \ul hle. Chutiang a lo nih chuan neitu thinlung pua rawngbawltu kan lo pung ang a, kan rawngbawlna pawhin hma a sawn ngei ang. Tichuan, Pathian rawng kan bawlnaah hian sang leh ropui bik a awm lo va. Min kotu hriat chian a \ul a, chutih rualin mahni inhriat chian pawh a \ul. Mahni indah pawimawh lutuk chi a ni lo va, mahni aiin kan hna a

24 November 2014 t AGAPE t 24 pawimawh tih hria ila, kan hna aiin a hna neitu Lal Isua pawimawh bera dah tur a ni. Chanvo kan chan avanga rawngbawl lovin, Krista hmangaihna avangin rawng i bawl \heuh ang u. Mahni ta mai en lovin, mi dang ta pawh en turin zirtir kan ni. Rawngbawlnaah hian mahni indah pawimawh a awl khawp mai, mi dangten kan rawngbawlna kaltlanga malsawmna an dawnna tur a nih phawt chuan mahni in dah O ngam ila. Rawngbawlnaah hian chanvo leh nihna mi dangte kian thiam ila, rawngbawl honaah a hlawk zawk ngei ang. Puitu \ha, fuihtu \ha, rawngbawltu puitling nih theih a va duh awm em! Vawi khat chu nu pakhat hi 'Nu \ha' zawnnaa inlan ve turin vur sur hnuaiah zing dar 5-ah interview-na tur lam panin a kal a. A va thlen chuan \hu turin an lo ti a, rei tak a nghah hnu, interview hun tura an sawi darkar thum laia a pelh hnu chuan a inlan ve ta a. Zawhna hmasa ber, Thil i sipel thiam em? Thiam e, a ti a. A nih leh cook han sipel teh, a ti a. Nu chuan, C-O-O-K, a ti a. A nih belh leh paih i thiam em? a ti leh a, nu chuan, Thiam ve nual e, a ti a. 2 leh 2 belh eng zat nge? a ti leh a. Nu chuan \ha takin, Pali, tiin a chhang leh mai a. A zawttu chuan, A \ha e, chanchin kan la inhriattir leh dawn nia, a ti a. A tuka Board meeting-a an sawi honaah chuan thu zawttu chuan, Kha nu khan nu \ha ni tura qualification zawng zawng a nei a ni. A hmasa berah a inngaitlawm em tih hre turin vur sur karah zing dar 5-ah thleng turin ka ti a, a hun dik takah a rawn thleng a. A pahnihnaah a dawhtheihna ka chhin leh a, darkar thum chhung eng mah sawisel lovin dawhthei takin a \hu leh a. A pathumnaah a rilru puthmang hre turin zawhna, naupang pawhin an chhan theih tur khawpa awl ka zawt leh a, thinrimna leh lungawi lohna eng mah a lantir lo, a ti a. Board member zawng zawng chuan Nu \ha-ah an thlang vek a ni. (Source: Darthlalang)

25 November 2014 t AGAPE t 25 Hriselna Huang HMEICHHE AWM NAWM LOHNA Hmeichhiate hian insawiselna kan ngah \hin hle a. Kan insawiselna tam ber chu, kawng nâ, hnungzang chho nâ, chhip sâ te a ni a. Chauh ngawih ngawihna te, awmnawm loh riauna te, hlim loh riaunate pawh an nei \hin. Heng an insawiselna chhante hi tam tak a awm thei a, chung zinga \henkhat chu nupa nun kawnga an hlim tawk loh vang te, an pasalte chunga an rilru hah vang te, an thla tin period leh bawlhhlawh chhuak awm \hin vang te a ni fo. A lar zual deuhte lo sawi ila - 1. Candidiasis: He natna hi natna hrik chi khat Fungus Candida Aldicans vanga lo awm a ni a. He natna hrik hi serhah a lo kai chuan bawlhlawh hnang var emaw, a eng deuh emaw tam vak lovin a lo chhuak \hin a, a tithak viau thei a, zun zawnga nâ pawh a keng tel thei bawk. He natna hi zunthlum natna vei te, raipuar te, damdawi chak chi (broadspectrum antibiotic) ei \hinte hian an kai hma bik a, amaherawhchu, taksaah harsatna leh natna dang a thlen loh avangin hlauh tur a awm lo. Hetiang natna hi awlsam taka tihdam theih a ni a, doctor rawn vat a \ha. He natna hi chu nu chang ni lovin hmeichhia zawng zawngin an vei theih a ni. Thak leh bawlhhlawh chhuak a lo awm chuan fai tak a insil \hin tur a ni. 2. Trichomoniasis: He natna hi nupaa awm dun a\anga inkaichhawn theih a ni. A veite insawiselna tam ber chu serh thak te, zun zawnga thip emaw, nâ emaw leh bawlhlawh hnang leh rimchhe tak an serh a\anga chhuak \hinte hi a ni. He natna hrik hi mipaah a lan chhuah ve loh avangin nuho hian heng natnate hi an sawi chhuah chuan an pasalten an ringhlel ang tih hlauin an thup fo \hin

26 November 2014 t AGAPE t 26 a, rilru hrehawm taka an awm \hin avangin an hriselnain a tawrh phah thei. Enkawl dam harsa a ni lo va, an natna hrik hi mipa pawhin an pai vek tho a; chuvangin dotor-in nupaa ei tur damdawi an chawh chu an ei dun chuan kar khat lek chhungin a dam mai thei a ni. Hmeichhe tam takin natna hlauhawm emaw tiin rilru hah takin, nun hlim loh phah nan an hmang \hin a, mah se, tihdam harsa lo tak a ni. 3. Non-Specific Vagnitis: He natna veitute insawiselna ber chu bawlhlawh var, rimchhe tak serh a\anga chhuak \hin chu a ni a. A hmaa kan sawi natnate ang khan serhte a thak ve ngai vak lo. He natna pawh hi doctorte chawh ang damdawi kan ei chuan kar khat chhung lekin a dam thei a ni. A hlauhawm lova rilru hah nan hman loh tur a ni. Hmeichhiate hi kan rim a chhiat hma bik avangin insil fai fo tur a ni. Chhung lam thawmhnawte pawh hi ni tin thlak ziah ila, a hriselin rimchhia lakah kan fihlim thei dawn a ni. 4. Gonorehoea: Mizote chuan Dadu kan tih hi a ni a. Tunlaiah chuan a tam vak tawh lo va. He natna hi nupa awm dun a\anga inkaichhawn \hin natna a ni a, a veite chu an serh chu a lo vungin, bawlhhlawhte a lo chhuak \hin a, an zun zawngin an zun kawng a nâ \hin. He natna pawh hi enkawl ran chuan awlsam taka tihdam theih a ni. A hma a kan sawi tawh angin fai tak a insil fo \hin hi a \ha hle a. Thil danglam a lo awmin inthup mai lova incheck-up vat tur a ni. Heng natnate hi hlauhawm miah si lo, enkawl ran a dam mai thei ni si, kan zep \hin avanga rilru hrehawm tak leh nuam lova kan awm phah fona a ni a. Ngawi renga kan tawrh avanga kan taksa hriselna hialin a tawrh fo \hin a ni a. Chuvangin, doctor hnenah kalin, kan natnate zep nei miah lovin kan sawi \hin tur a ni a. Tichuan, kan natnate tihdamin a lo awm dawn a ni.

27 November 2014 t AGAPE t 27 NAU CHAWMNA LEH DONATION Hmangaihna In tana Nau chawmna leh Donation kum 2014 atana Synod Office, Kohhran Hmeichhe Department-a dawnte kan han tarlang e. In thilpek avangin lawmthu kan sawi a, Lalpan a let tam takin rul leh che u rawh se. Sl.no Nau chawmtu Chawm zat 1 Dr. Zoramruati Ralte, Zarkawt 2 2 Nl. Than\huami, Hmun\ha 1 3 Pi Neihthangi, Zarkawt 4 4 Airfield Vengthar Pastor Bial Hmeichhia 1 5 Aizawl Kohhran Hmeichhia 2 6 Armed Veng Bial Kohhran Hmeichhia 4 7 Bairabi Chhimveng Kohhran Hmeichhia 1 8 Bairabi Pastor Bial Kohhran Hmeichhia 1 9 Bawngkawn Bethel Kohhran Hmeichhia 2 10 Bawngkawn East Kohhran Hmeichhia 1 11 Bethlehem Bial Kohhran Hmeichhia 1 12 Bilkhawthlir Hmar veng Bial Kohhran Hmeichhia 1 13 Bungkawn Bial Kohhran Hmeichhia 1 14 Bungkawn Vengthar Kohhran Hmeichhia 1 15 Chaltlang Bial Kohhran Hmeichhia 3 16 Champhai Bethel Kohhran Hmeichhia 1 17 Champhai Bethel Pastor Bial Koh. Hmeichhia 2 18 Champhai Kahrawt Bial Kohhran Hmeichhia 1 19 Champhai Kanan Bial Kohhran Hmeichhia 1 20 Champhai Vengthlang Bial Kohhran Hmeichhia 1 21 Chanmari Kohhran Hmeichhia 4 22 Chanmari West Kohhran Hmeichhia 2 23 Chawnpui Pastor Bial Kohhran Hmeichhia 4 24 Chawnpui Vengthlang Kohhran Hmeichhia 3 25 Chhiahtlang Bial Kohhran Hmeichhia 3 26 Chhinga Veng Bial Kohhran Hmeichhia 5 27 Chhinga Veng East Kohhran Hmeichhia 1

28 November 2014 t AGAPE t Chhinga Veng Kohhran Hmeichhia 4 29 Chhinga Vengtlang Kohhran Hmeichhia 2 30 Darlung Pastor Bial Kohhran Hmeichhia 1 31 Dawrpui Kohhran Hmeichhia Dawrpui Vengthar Bial Kohhran Hmeichhia 4 33 E. Lungdar Bial Kohhran Hmeichhia 2 34 East Lungdar Kohhran Hmeichhia 1 35 Electric Veng Kohhran Hmeichhia 2 36 Electric Vengthlang Kohhran Hmeichhia 2 37 Farm Veng Kohhran Hmeichhia 1 38 Hliappui Bial Kohhran Hmeichhia 1 39 Hlimen Bial Kohhran Hmeichhia 1 40 IOC Veng, Serchhip Kohhran Hmeichhia 2 41 I.T.I. Vengchhak Kohhran Hmeichhia 1 42 Kanghmun Bial Kohhran Hmeichhia 1 43 Kawrtethawveng Bial Kohhran Hmeichhia 2 44 Khatla Pastor Bial Kohhran Hmeichhia 6 45 Khawhai North Bial Kohhran Hmeichhia 1 46 Khawzawl Vengthar Bial Kohhran Hmeichhia 4 47 Khawzawl Vengthar Kohhran Hmeichhia 2 48 Kolasib Diakkawn Bial Kohhran Hmeichhia 2 49 Kolasib Diakkawn Kohhran Hmeichhia 2 50 Kolasib Venglai Bial Kohhran Hmeichhia 4 51 Kolasib Venglai Kohhran Hmeichhia 3 52 Kulikawn Bial Kohhran Hmeichhia 5 53 Kulikawn Kohhran Hmeichhia 4 54 Lunglei Chanmari Bial Kohhran Hmeichhia 2 55 Lunglei Chanmari Kohhran Hmeichhia 1 56 Mamit Hmunsam Bial 2 57 Maubawk Bial Kohhran Hmeichhia 2 58 Maubawk Sikul veng Kohhran Hmeichhia 2 59 Mission Veng Kohhran Hmeichhia Mission Vengthlang Kohhran Hmeichhia 4 61 Model Veng Kohhran Hmeichhia 1

29 November 2014 t AGAPE t Ramhlun North Bial Kohhran Hmeichhia 3 63 Ramthar veng Bial Kohhran Hmeichhia 1 64 Rawpuichhip Bial Kohhran Hmeichhia 1 65 Rengdil Bial Kohhran Hmeichhia 1 66 Rengdil Kohhran Hmeichhia 1 67 Republic Pastor Bial Kohhran Hmeichhia 4 68 Saikhamakawn Kohhran Hmeichhia 1 69 Sarawn veng Kohhran Hmeichhia 2 70 Sateek Kohhran Hmeichhia 1 71 Sihfa Pastor Bial Kohhran Hmeichhia 1 72 Tanhril Bial Kohhran Hmeichhia 4 73 Thakthing Kohhran Hmeichhia 4 74 Thingdawl Pastor Bial Kohhran Hmeichhia 2 75 Tlangnuam Kohhran Hmeichhia 2 76 Tlangnuam Pastor Bial Kohhran Hmeichhia 2 77 Tlungvel Vengthar Kohhran Hmeichhia 1 78 Tualbung Kohhran Hmeichhia 1 79 Tuikual Bial Kohhran Hmeichhia 3 80 Tuikual Kohhran Hmeichhia 2 81 Tuikual N Kohhran Hmeichhia 2 82 Tuithiang Kohhran Hmeichhia 2 83 Vairengte Bial Kohhran Hmeichhia 3 84 Vairengte Hmar veng Kohhran Hmeichhia 1 85 Vairengte Kohhran Hmeichhia 2 86 Vaivakawn Bial Kohhran Hmeichhia 3 87 Venghlui Bial Kohhran Hmeichhia 3 88 West Phaileng Bial Kohhran Hmeichhia 2 89 Zarkawt Kohhran Hmeichhia 6 90 Zemabawk Bial Kohhran Hmeichhia 4 91 Zonuam Bial Kohhran Hmeichhia 2 92 Zotlang Kohhran Hmeichhia 10 Sl.no. Thil petu Pek zat 1 Bawktlang Kohhran Hmeichhia 3,000 2 Biate Bial Kohhran Hmeichhia 2,000

30 November 2014 t AGAPE t 30 3 Chawngtlai Pastor Bial Koh. Hmeichhia 3,000 4 Daido Kohhran Hmeichhia 1,500 5 East Lungdar Kohhran hmeichhia 3,000 6 Electric veng Kohhran Hmeichhia 2,000 7 Hmun\ha Bial Kohhran Hmeichhia 3,525 8 Hnahlan Bial Kohhran Hmeichhia 2,000 9 James Lalhmangaiha te unau, Laimeikuri Arunachal/Assam 1, Kawlkulh Bial Kohhran Hmeichhia 2, Kawrthah South Kohhran Hmeichhia 1, Khawzawl venglai Bial 10, Lawngtlai Chanmari Bial Kohhran Hmeichhia 3, Lunglei Bazar Veng Kohhran Hmeichhia 5, Lungleng I Bial Kohhran Hmeichhia 2, Lungsen Bial Kohhran Hmeichhia 1, Mamit Field Veng Kohhran Hmeichhia 6, Mamit Pastor Bial Kohhran Hmeichhia 18, Marpara Ramthar Bial Koh. Hmeichhia 3, N. Vanlaiphai Pastor Bial Koh. Hmeichhia 2, Phuldungsei Bial Kohhran Hmeichhia Phulpui K P Branch 3, Pukzing Bial Kohhran Hmeichhia 1, Saiha Bial Kohhran Hmeichhia 1, Saitual Pastor Bial Kohhran Hmeichhia 5, Sakawrdai Bial Kohhran Hmeichhia 5, Sesawng Bial Kohhran Hmeichhia 2, Sialhawk Pastor Bial Kohhran Hmeichhia 5, Thingsulthliah Pastor Bial Koh. Hmeichhia 5, Tuithumhnar Pastor Bial Kohhran Hmeichhia 1, Zohmun Bial Kohhran hmeichhia 6, Zote Bial Kohhran Hmeichhia 1, Zote Kohhran Hmeichhia 2,000

31 November 2014 t AGAPE t 31 MISSIONARY-TE TANA AGAPE LAKSAKTUTE (July thlaa chhuak chhunzawmna) Sl No Laksaktu Lak zat 1 Khawlailung Dinthar Bial Kohhran Hmeichhia 20 2 Sumsuih Bial Kohhran Hmeichhia 10 3 Kolasib Diakkawn Kohhran Hmeichhia Darlawn Bial Kohhran Hmeichhia 20 5 Pi Ralkapthangi 3 6 Bairabi Bial Kohhran Hmeichhia 20 7 Kolasib Hmar veng Bial Kohhran Hmeichhia 20 8 Tanhril Bial Kohhran Hmeichhia 23 9 Kolasib Diakkawn Bial Kohhran Hmeichhia Baktawng Venglai Kohhran Hmeichhia Khatla South Kohhran Hmeichhia Chhingchhip Bial Kohhran Hmeichhia Khawhai South Bial Kohhran Hmeichhia Kawlkulh North Bial Kohhran Hmeichhia N. Lungleng Kohhran Hmeichhia Thingdawl Bial Kohhran Hmeichhia Lungdai Bial Kohhran Hmeichhia Phullen Bial Kohhran Hmeichhia 10 Kumin chhungin Bial leh Kohhran 110-in Missionary-te tan AGAPE chanchinbu copy 2224 an laksak a. Hetianga Bial leh kohhrante inphalna avang hian Missionary hmun khawhar zawka awmten a thlawnin AGAPE hi an dawng thei a ni. Chanchinbu laksaktute zawng zawng chungah lawm thu kan sawi mawlh mawlh e.

32 November 2014 t AGAPE t 32 Ei siam dan MUTTON CURRY - KEL SA KAN DAN Telh turte: Kel sa - 1 Kg Purun - pum 5 Purun var rawt sawm - 1 tsp Sawthing rawt sawm - 1 tsp Tel - fian 4 or 5 Chi - a al tawk Tomato - pum 5 Aieng - 1 tsp Lawngpar - 4 Elaichi - 5 Jeera - thirfiante chanve Thinghmarcha - mum 5 Dhania ro - thirfiante chanve Tui tam vak lo A siam dan: 1. Kel sa kha fai taka chana sil tur 2. Purun chu sei sin seng sawnga chan tur 3. Tel kha chhuan hmuia, purun kha uk deuh khekkhawka kan tur, ut lovin 4. Purun var leh sawhthing kha kan hmin tur 5. Tomato kha chan sawma, kan hmin leh tur 6. Lawngpar, thakthing, Elaichi leh thinghmarcha kha tlema kan ro rawtsawm a, aieng nen a ruala telh tur 7. Chumi hnuah kel sa kha kan a, a tui ro hnuah a ut hmain cooker-ah tui nen minute 15 vel phittir tur a ni. A duh tan hmarcha tlem telh theih a ni.

33 November 2014 t AGAPE t 33 Hruaitute chanchin PI ZOPARI Pi Zopari hi Pu HR Mana leh Pi Zalenthangi te fa panga zinga upa ber a ni a. Kum 1967-ah Pu J. Liankhuma nen inneiin fa, mipa 3 leh hmeichhia 1 a nei a, tunah Vaivakawn-ah a tu leh fate nen an cheng a ni. Eizawnna lamah chuan puan \hui hna thawk \hin a ni a, mahnia dawr neiin a \hui bakah mi dangte pawh a zirtir \hin. Tunah erawh a chawlhsan tawh. Khawtlang leh kohhran rawngbawlnaah mahni phak ang tawk tawka inhmang ve \hin a ni a, MHIP-ah pawh hun eng emaw chen hruaitu nihna a lo chelh tawh. Kum 1982 a\angin Naupang Sunday School zirtirtu-ah awm \anin tunah hian Puitling Sunday School zirtirtu a ni. Kum 2008 khan kum 25 a zawna zirtirtu thawk chawimawina Diploma award pawh a dawng tawh nghe nghe. Kum 1995 a\angin Koh. Hmeichhe Committee-ah a awm \an a, Secretary tih loh Office Bearers Post chu a chelh kim vek tawh a ni. Bialah chuan Treasurer leh Buhfai\ham ziaktu a ni tawh bawk. A lawina kohhranah Pathianni chawhnu thusawitu leh Kristian Chhungkaw Com. member a ni. Sam 23-na leh Johana 3:16 te hi a duh hle a, KHB No. 412-na Ka ralthuamna ka dah ngam lo tih leh 445-na I hun tithianghlim la tihte hi a hla ngainat zual a ni. Kohhran hi a ral mai lohna turin; Jerusalem Pathian Khawpui chungchang Juda-ten \hangtharte hnena uluk taka an zirtir zel \hin ang hian keini pawhin Pathian khawpui, KOHHRAN hi kan tu leh fate n an ngainata, a ropuina te an hriat theihna turin uluk takin hrilhin i zirtir \hin ang u tiin kohhran hmeichhiate min chah a ni.

34 November 2014 t AGAPE t 34 Hriat atan 1. September 19-22, 2014 chhung khan Damparengpui Bialah Pi Rochuangkimi, Vice Chairman, Pi Maria Lalchhanhimi leh Pi C. Romawii Committee Memberte an kal a. Pathian hruainain tluang takin hun an hmang thei a, a lawmawm hle. 2. Kan lo hman \hin angin November 28, Zirtawpni hian Kohhran Hmeichhe Ni hman leh tur a ni a. Hetah hian Nute mamawh Rilru Hrisel tih Dr. Ruth Lalmuanpuii ziak kan zir leh dawn a ni. Tluang tak leh hlawk taka kan hman theih nan Pathian hnenah i dil ang u. 3. Kohhran Hmeichhiaten September ni 22 leh 23 khan MSACS leh World Vision te nena \ang kawpin HIV/ AIDS leh a veite enkawl dan chungchang zir ho a ni a. Hetah hian Aizawl khawpui Presbytery huam chhunga kohhran tin a\angin aiawh mi pahnih zel an tel a ni. MISSIONARY TRAINING COLLEGE HRIATTIRNA Missionary Training College (MTC)-ah Bachelor of Missiology (B.Miss) zir duh tan dil theih a ni leh ta. Dilna Form hi Rs. 50-in Office hun chhungin MTC Office a\angin lak chhuah theih a ni e. Dil thei chin :Class - XII pass kum 2 tal zirna leh rawngbawlna lama experience nei. Dil theih ni hnuhnung :January 31, 2015 Writen Test :March 3, 2015 Interview :March 5, 2015 Principal Phone No: Missinary Training College / / Mission Vengthlang