Untitled-1

Transcription

1 June 2015 t AGAPE t 1

2 June 2015 t AGAPE t 2

3 June 2015 t AGAPE t 3 Editorial MI DANGTE CHAWIMAWI Mi fak leh chawimawina dawn duh lo kan awm lo va. ha taka khawsa ho tur chuan mite \hatna leh an felna te, an duhawmna te inhmuhsaka, inhriatpui a pawimawh khawp mai. Mi tam tak chuan kan chapo leh mahni hma kan sial vângin mi dangte fak leh chawimawi hi harsa kan ti \hîn. Amaherawhchu, mi dangte kan chawimawia kan faka, an \hatna kan hmuhsakte hian an mahni chauh kan chawimawi a ni lo va, keimahni pawh kan inchawimawi a lo ni reng mai nia! Khawilo kan kalna leh kan titi honaah mi dangte kan sawisel leh kan rela, an \hat lohna kan sawi chhuah hian keimahni ngei pawh an chanchin kan sawiate ai mah khan mi dangte min hmuh dan a hniam sawt \hin. Itsikna leh chapona avangin mi dangte \hatna leh fak phu leh chawimawi tlak an nihna hi hmuhsak harsa kan ti \hin. An aia hniam tur leh an aia hnuai phah hle tura kan inngaih avang te pawh a ni thei e. Mi dangin chawimawi an hlawh pawhin lawmpui tak tak harsa kan ti \hîn. Chu chu kan mihring hlui zia pawh a ni reng a. Amaherawhchu, mi dangte kan fak leh kan chawimawi hian keimahni ngei pawh kan inchawi sang a, mi dangte nên kan inlaichinna pawh kan siam \ha sawt \hin a ni. Pathian thu chuan lawmte lawmpuia, \apte \ahpui turin min ti a, zawm harsa kan tih hle \hin a ni tirawh u? Mi an nihna phu leh an awm dan anga faka kan chawimawi hian rawngbawl hona leh khawsak honaah kan inchhem alh a, kan inchawi kang tawn zel a nih hi. Kan fak leh kan chawimawite an hlim a, keini pawh kan hlim \hin a ni. Chu chu Lalpa rawng kan bawl dan tur pawh a ni e.

4 June 2015 t AGAPE t 4 Kristian Chhungkua CHHANDAMNA ENGTIN NGE NI ZEL DAWN? Pro. Pastor Laldintluanga Serchhip Vengchung Chhandamna hi Pathianin Isua Kristaah a siam tih hi chu tu man kan pha lo va; chhandamna chan dân sawi fiahna te, chhandam tawhte nun hman dân tûr inzirtîr chungchângah te ngaih dân erawh a inchen lo hle. Kan kohhran thurin Thurin VII-na chuan chhandam nih dân hetiang hian a sawi: Krista chu ringa a thu zâwmtute chu chhandam an ni a, sual ngaihdamna te, thiam chantîrna te, Pathian fa nihna te, Thlarau Thianghlim chenpuina azara tihthianghlimna te, chatuan ropuina te an chang a, tiin. Chhandam ni tûr chuan Krista rin ringawt ni lovin a thu zâwmtu nih a ngai. Mizo Kristian hmasa, Isua ringtute chu Pathian thu awih an inti a. An nun dan hlui an paih a, Pathian thu nia an hriat leh Kristiante awm dan tur nia an hriat hmangin an nung ve tawp mai a; mahse, an nghet em em tho a ni. Tûnah erawh chuan Kristian \ha leh \ha lo kan tehna ber chu pianthar leh thar lohvah a ni a. Piangthar tih kan hrilhfiah dan erawh a inang lo hle. Hei vang hian buai lohna turah kan buai a, \ah lohna turah kan \ap a, lungngaih lohna turah kan intilungngai mai \hin niin a lang. Mizo Kristiante chu Pathian thu awih kan intih lai ai khan Piangthar kan intih hnu hian kan nghet lo zawk, tia an lo sawi \hin hi a dik viauvin a lang. Chhandamna chu Isua rinna a ni kan ti a; mahse, rinna sawi apiangin rinna târ langtu nun dân dik, fel, thil \ha tih paih kherin rinna sawi fiah kan ching a, hei hi thil tibuaitu bul chu a niin a lang. Thil \ha ti atâna siam leh thil \ha tih chu kan awmna tûra

5 June 2015 t AGAPE t 5 buatsaih lâwk a ni kan ti a (Eph 2:10). Rinna leh thiltih (a thu zawm) chu \hen hran theih loh, kal dûn rial reng tûr a ni. An in\hen hran chuan awmze nei lo ve ve a ni. Kan thurin chuan chhandamna chan theih dân kawng hnih min kawhhmuh a 1. Ringtu nu leh paten an fa emaw, an enkawl emaw, nausên tê an nih lai a\anga a lo sei lena a lo puitlin thlengin kan Lalpa Isua Krista rinnaa hruai leh a thu zirtîr an intiam tlat avânga baptisma hmanga sil faina chantir a ni. Baptisma chu Pa leh Fapa leh Thlarau Thianghlim hminga tuia sil a ni. Hei hi Krista nêna kan inzawmna te, Thlarau Thianghlim zâra piantharna leh tihnunna chhinchhiahna leh nem nghehna a ni a, Lalpa hnêna kan inhlanna thiltih a ni bawk. Tichuan, chung mite chu anmahni enkawltute rinna leh chhia leh \ha hriatna hmanga châwm leh vên zui zel an ni a. Kohhranin Pathian thua an \han len nân Sunday School hmangin a châwm bawk a. Naupan têt ata nun fel leh \ha neiin, thianghlimna kawngah kalin ni tin chhandam mêkin an lo sei lian \hîn a ni. 2. Puitling leh ringthar, naupan laia rinnaa kaihhruaina dawng lo, mahse, An sualte sima, Krista chu an Chhandamtu atân an ring tih puangtute chu sual sil faina leh chhandam an nih chhinchhiahna baptisma chantîr tûr an ni. Presbyterian Kohhran chuan chhandamna chu inchhunzawm reng (gradual process) a ni kan ti a. Chu chu chhâwng thumin kan sawi fiah \hin a: 1) Chhandam tawh : Isua Krista hnathawh zawh diam tawh hriatna leh rinna avânga chhandamna chan hi a ni. 2) Chhandam mêk : Sual leh a thiltihtheihna laka ni tina chhandamna chan zêl hi a ni a. Rilru leh nungchang lama ni tina tihthianghlim zêlna hi a ni (2 Kor 4:16; Kol 3:10). Miin chhandamna a chan tawh hnua a nun dân chu

6 June 2015 t AGAPE t 6 chhandam mêk nun a ni a. Ni tin sual thihsana nun thar nei tûr leh thil \ha tia mi dangte tâna malsâwmna nih theihna kawng zawn zêl te, a chhia huaa, a \ha pawm zêl tûra ni tin Pathian anna lama \han len zêl kha chhandam mêk nunin a ken tel tûr ber chu a ni. 3) Chhandam tûr : Chhandamna chang tawh leh chang mêktuten hun hnuhnunga chhandamna famkim an la chan tûr chu a ni (Naupangte Thu Inchhang: Thu Inchhang Bu Thar, Part IV, Bung 3). Hetianga chhandamna thu kan kalpui dân hi piantharna thu kan uar tâk hnu hian kan sawi tlem ta. Piangthar kan tih hi sual sim, nun thar nei tia kan sawi fiah a nih chuan chhandam mêk nun hi a hmabâk chu a ni. Chu Chhandam mêk nun chu naupan lai a\anga zawh tluan parh theih a ni a; sual rawngbawl hmasatute pawhin an sual an sim a, nun thar an neih khan an rawn zawm thei bawk a. Mahse, Pathian kohna hriaa Thlarau Thianghlim zara Isua Krista ringtu, sual kalsana nun thara nungte hi an ni, tih hi piangthar tih \awngkam kan hrilhfiah dan tlanglawn tak a ni a. Chumiin a hrin chu sual rawngbâwl phawta Pathian khawngaihna vârpawh tumna kan nei ta emaw tih tur hi a ni. Hei hian kan lei nun hi holam taka hman duhna a hring a, harhna changtute pawh kan nghet lo êm êm reng chu a nih hi. Kum 1960 chho a\anga Mizorama uar taka kan kalpui piantharna thelogy hi hriat thiam a harna chhan ber chu mi, piangthar, an pianthar hun leh ni leh darkâr nên lama sawi theiten an chan dân kha ni ta bera inhriaa, naupan laia nun uluk taka hmangte dinhmun an hre thiam thei lo \hîn hi a ni ber a. henkhatin pianthar ni leh thla an hriat loh chuan piangthar lovah an ngai a. A \henin ngil taka ding, lâm ve lo leh phûr sûrh lêm lote chu chhandam pawh ni ve lo tûrah an ngai hial bawk a. Piantharna thu kan

7 June 2015 t AGAPE t 7 sawiin mi sual tihpianthar hi kan ngaih pawimawh tur a nih rualin, a \ha tawh sate kuah khâwmna lam hi kan ngaih pawimawh reng a ngai a ni. Mi tam tak chuan Pathian Thlarau hnathawh azârah engtin emaw var hawkna an chang a. Chutianga an chan chuan an hun kal tawha thil \ha an lo tih zawng zawngte pawh engmahlova chang ta vek leh hnâwmhnea ngaia tuna an harh tharna kha ni ta bera ngai an tam bawk. Eng pawh chu ni se, a pawimawh ber zâwk chu engtin nge nun kan hman zui tih hi a ni. Kan nun hman zui zelna hi Chhandam mêk nun, ni tina sual thihsana nun thar nei zêl tûra Krista anna lama \hang lian zêl tûra Pathian chakna ringa kal zêl hi Pathian thu awih nun chu a ni. Chutianga kalte chuan chhandamna famkim chu Lal Isua lo kal hunah an la chang ang a, chu chu chhandam tûr an nihna chu a ni. Hmun \henkhatah chuan, Lal Isua Krista chu kan Lal leh Chhandamtu atâna kan pawm avânga Kristian ni thei leh Kristian kan nih chhinchhiahna atâna baptisma pawh chang vek tawhte pawhin, Lal Isua hi ka Lal leh ka Chhandamtu a ni tih thu mipui hmaa kan puan tak avângin mi piangthar, chhandam kan han ni thar ta thut \hin a. Nu leh pa thu awih tûr, Sunday School kaia Pathian biak tûr tih zirtîrna hnuaia sei lian Kristian tawh sate pawh, ringlomite ang maiin kan inenkawl a. Intuai thar duh avanga camping-a lût rawngbawltu puitling tawhte pawh mi sual bâwmah kan inkhung bawrh bawrh a. Nun dân \ha kan lo inzirtîr \hîn leh kan pawm tawh sate khan awmzia a nei lo tihna a ni. Intuai tharna hmun atan te, kal zêl dân tura infuihna hmun atan te, kohhran kalhmang leh a theology inhrilhna leh inzirtirna hmun atana hman ni se chuan kan \angkaipui vek ang; chuti ni lova, camper zawng zawng

8 June 2015 t AGAPE t 8 ringlomi ang maia kan incheibâwl reng hi chu kan thlâk a hun tawhin a lang. Pathian ring lote sualna leh Pathian miten Pathian thianghlimna êng a\anga kan inthlîra, sual leh bawlhhlawh kan nihzia ka inhriatna hi chu thil hrang daih a ni a, hei hi chu ringtu nuna awm reng tur leh Lal Isua pawhin a phût a ni zawk. Ringtute chuan mahni nun pawh inhaw chungin Isua kan zui a, Pathian kan hnaih poh leh kan tenawmzia, khawngaihna avang chauhva mi sual chhandam kan nihzia kan hria ang. Hei hi chu ring tawhten Thlarau Thianghlim zara kan inhriat dan a ni. Thil \ha tih avânga chhandam tur kan ni lo va; mahse, chhandamte chuan thil \ha kan ti tur a ni. Nungchang \hat avanga chhandam tur ni lovin, chhandamte nungchang chu a \hain a mawi tur a ni. Chuvângin, naupangte pawh Pathian thu pawm tawh sa vaw nghet zâwng leh an felna te, an nungchang \hatna te, naupan têt ata nu leh pa thu awih hi Pathian thu awihna a ni tih an lo pawm \ang \ang tawhnate ngaihlu chunga, an nun kal zelna tura fuihna thu leh chumi atâna inhlan tharna leh inpêk zawm zêlna thu hi sawi ber tur chu a ni. England rama chanchinbu pakhat chuan chhiartute hnenah, Tute nge khawvela mi hlim ber ni ang? tih inchhansiak turin a chhuah a. Hengte hi lawmman latute chhanna a ni: Thil siamtu leh lem ziak mi, a hna mam taka zawh paha faifuk hlarh hlarh hi a hlim ber. Naupangin vaivuta kulh lem a sa lai hi a hlim ber. Nu, nilenga buai em emin thil dang a zawh fel hnua a fa sen a bual lai hi a hlim ber. Doctor-in damlo dinhmun khirh leh thih hlauhawm tak a zai zo va, a nunna a chhanhim hi.

9 June 2015 t AGAPE t 9 Sermon HMANGAIHNA MAK SAWI FIAH PHAK LOH (Jn 3:16-17; Rom 5:6-8; 1 Jn 4:19) Upa D.P. Biakkhuma 1. Pathian hmangaihna ropuizia leh thukzia tu ma n an hre phak lo : Mi tam takin Pathian hmangaihna hi sawi fiah an tum \hin a, thiam tak leh fiah taka sawi fiah an tum \hin. Sawi fiah an tum pawhin a fiah zo tak tak chuang lo. Pathian thu zir mite pawhin Greek \awng te, Hebrai \awng te leh Latin \awng te pawhin a awmzia han sawi fiah \hin teh mah se, a fiah tak tak phak chuang lo. Mizo \awnga sawi pawhin Pathian hmangaihna chu a fiah zo tak tak chuang lo. A chhan eng nge ni ang le? Pathian hmangaihna chu a sawia sawi fiah chi a ni lova, peka sawi fiah chi, thiltiha sawi fiah ngai a nih avangin Johana chuan, Pathianin khawvel a hmangaih em em a; chutichuan, a Fapa mal neih chhun a pe a, a ti ringawt mai. Hla siamtu chuan Ngai teh u, Pa hmangaihna chu a va nasa em ve! Pathian faah mi sual bo hnu min lo vuah leh tak hi! a ti a, Pathian hmangaihna thuk leh zauzia a sawi chiang hle awm e. Miin Pathian hmangaihna chu eng ang pawhin sawi thiam mah se, a ropuizia leh thukzia chu an hre phak tak tak lo va, tu ma n an sawi fiah zo tak tak chuang lo a ni. Amah Pathian ngei pawh hian a sawi fiah thiam chuang lo a ni ang, a hmangaih lei mihringten thu mai chu an hriat thiam miau loh avangin a hmangaihna chu pekin a tifiah ta ringawt mai a ni. Fak hla siamtu pawhin sawi fiah thiam a chak hle a; nimahse, a sawi fiah thiam loh avangin hlain, Pathian hmangaihna ropuizia, thu leh hlain a hril seng lo, a ti ringawt mai a ni. Chuvangin, Pathian hmangaihna sawi fiahna \ha ber

10 June 2015 t AGAPE t 10 chu, Pathian hmangaih kan hre zo lo, a hmelma a ngaidam thei, tih hi a ni mai awm e. 2. Pathian hmangaihnain thinlung sual a hneh : Pathian hmangaihnain thinlung sual a hneh dan hi keini chuan kan sawi thiam dawn loh avangin mi pahnih chanchin hmangin i han sawi fiah dawn teh ang. 1) Nicky Cruz : Nicky Cruz-a hi December 6, ah Puerto Rico rama San Juan khuaa piang a ni a. A nu leh pate chu mitthi tawh thlarau biakpawhna lama inhmang \hin (spiritist) an nih avangin ngaihsak a hlawh lo em em a. Chu chuan a rilru leh thinlung chu an hliamin a hruai chhe vek a, kum thum leh a chanve a lo nih chuan a thinlung chu lung anga sak a lo ni ta. A sual em avangin a nu chuan Setana Fapa a ti hial a ni. Kum 15 a nihin a pa chuan a unaupa (elder brother) New York-a awm hnenah awm turin a thawn bo ta a. A u hnenah chuan a cheng rei lo kher mai! Kum 16 a nih chuan New York khawpuia misual pawl Mau Mau an tih chu a zawm a. Rei lo teah an pawla Indona Lalpa an tih chu a ni thuai a, an hotu ber a ni zui ta mai a ni. Kum 18 a lo tlin meuh chuan thil sual chi tin deuhthaw, rukruk, tualthah thubuai avangtein vawi 21 man a tawk hman a. A nun hi thisen chhuah chakin a tuihal a ni ber mai. A hming lam rik a nih hian America mite chu an thauvah a man a, an tiril a khur \hin a ni. Chutia nun bawraw taka a nun lai leh amah hmangaihtu tu mah reng awm lova a inhriat lai chuan Pathian thuhriltu David Wilkerson-a nen an intawng ta a. Ani n Pathian hmangaihna thu an hrilh chuan a thinlung, lung anga sak chu a lo keh sawm a, a lo tui ral ta vek mai a. A paurauna leh luhlulna kulh bang chhah tak chu chhut chim a lo ni ta a, hnehin a lo awm ta a ni. Tunah chuan Pastor hial a lo ni ta.

11 June 2015 t AGAPE t 11 2) Uire den hlum tur : Ani hi chu Bible-a kan hmuh, lehkhaziaktute leh Pharisaiten a uire lai an man kha a ni a. Juda sakhaw dan lehkhabua ziak angin lunga den hlum mai tura mipui hmaa a laia dintir mek a ni. Heng dinhmun thlentirtu chu sual, a thinlung hneha luah tlattu a ni ber a. A tan mekna sual khur thuk tak ata hi mahni chuan chhuak thei ziazang a ni lo. Chutih lai tak chuan a nungchang avanga den hlum mai tura hruai a nih lai chuan Lal Isua Krista nen an intawng ta hlauh mai a. Nulat tlangval inngaihzawnna thil ni lo, hmangaihna thuk leh mak tak mai hmel pua Lal Isuan a han en meuh chuan a thinlung sual leh sak tak mai, thihna hmachhawn mek lai pawha sim tumna pawh nei tawh miah lo khawpa sak chu Isua hmangaihna chuan a kap tui ral ta vek mai a. Isua hmangaihna hmaah chuan a \ang zo ta ngang lo va, a tlawm ta a, a thinlung sak chauh ni lovin a nun pum pui chu Lal Isua hmangaihna chuan a luah vek a, hnehin a lo awm ta a ni. Nicky Cruz-a leh uirenu chanchin tawi tea kan sawi takte khan Pathian hmangaihnain thinlung sual a hneh \hinzia a tilang a ni. Pathian hmangaihna chu a chana chan fiah chi, a dawna dawn fiah chi, thlarau mita a hmuha hmuh fiah chi a ni. Chutiang tak chu a nih avangin Hebrai ziaktuin min sawm angin, min tihnawk apiang leh sual keimahnia bet tlat chu kan dah vea, nun thara kan nun tak tak theihna turin Pathian hmangaihna kan hriat chiana, Isua hmangaihna, \hatna leh zahngaihna kan hriat chiana, fak lo thei lo dinhmuna kan din a \ul takmeuh a ni. 3. Chhan let \ul a ni : Nicky Cruz-a leh uirenu chuan Pathian hmangaihna chu chhan let a \ul a ni tih an hria a, amah chu an pan rawih a, a tan an nun an hlan tawp mai a ni. Unau duh tak, Pathian thu kan hmuh anga \hatna reng nei lo mi sual, a hmelmate kan la nih lai pawha

12 June 2015 t AGAPE t 12 fak tlaka a hmangaihna lantirtu Pathian hmangaihna hi kan chhan let a \ul a ni. Pathian hmangaihna hi chhan let a \ul a, a \ul chhan i han tarlang dawn teh ang. 1) Pathian hmangaihna chhang lettu chan chu a \hat dawn avangin : Pathian thu, Matthaia 11:28-30-ah chuan amah kan Lal Isua ngeiin, Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u. Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi; tichuan, in thlarau tan chawlhna in hmu ang. Ka nghawngkawl chu a nuam a, ka phur pawh a zang a ni, a tih thu kan hmu a. Pathian hmangaihtu, ama ruat anga a kohvate tan chuan, an \hatna turin engkimin a thawhsak hlawm \hin tih kan hria; a hriat lawkate chu ama Fapa ang taka awm turin a ruat lawk si a, a Fapa chu unau tam takte zinga fa tir a lo nih theih nan. Tin, a ruat lawkate chu a ko bawk a; tin, a kohvate chu thiam a chantir bawk a; tin, thiam a chantirate chu a chawimawi bawk a tih thu kan hmu bawk a. Pathian hmangaihna chhan let hi chu mihringin mihring vek a hmangaihna chhan let ang a ni lo. Pathian hmangaihna chu a chhang lettu tan ham\hatna a ni. Chung ham\hatna chu thlarau chawlhna, lungngaihna leh phurrit phurh zang zawka phurh theihna, \hatna tura engkimin a thawhsak, Fapa atana ruat lawk, fa tir nihna dinhmun luah theihna, thiam chantirna leh chawimawina a ni. 2) Chhang let duh lova ngaineptu chan chu a chhiain a chau dawn : Hebrai-ah chuan, Thusawitu chu in lo duh lo dah ang e, fimkhur rawh u. Leia anmahni zilh lawktu kha an duh loh maha hremna an pumpelh si loh chuan, keini van a\anga min zilh lawktu hawisantute hian kan pumpelh lo lehzual ang, tih thu kan hmu a. Luka 11:42-ah chuan, Nangni Pharisaite u, in chung

13 June 2015 t AGAPE t 13 a pik e! Pudina te, pardi te, thlai tinrengte sawma pakhat in pe \hin a, felna leh Pathian hmangaihna chu in ngaihthah si \hin; nimahsela, chung chu asin in tih tur ni, a dangte chu tih \hulh chuang lovin, tih thu ka hmu bawk a. Chung bakah chuan Rom bung 1:24-ah, Chuvangin, an taksa zahthlak taka insiam tawn turin, an thinlung chak zawng anga thil bawlhhlawh tih phalin Pathianin a hawisan a ni, tih thu kan hmu leh bawk a ni. Pathian hmangaihna chhang let lova ngaihthah chuan hremna tuar, chungpikna leh Pathian hawisan nihna a ni a. A rapthlak hle dawn a ni. Pathian hmangaihna chhang let lova hnartu chan tur chu, He mei alhah hian ka na em a ni, tih hi a ni ang. Bible-ah, Amahin min hmangaih hmasak avangin kan hmangaih a ni, tih kan hmu a. Pathianin min hmangaihnaah hian keinin kan hmangaih em avanga min hmangaih a ni lo va, kan phu avanga min hmangaih a ni lo va, kan duhawm em avang leh hmangaih tlak kan nih avanga min hmangaih pawh a ni hek lo. Fak tlak hmangaihna lantirtu hi chhang leta, a tana inpea kan nun hlan tur kan ni. Chuvangin, unau duh takte u, Pathian hmangaihna hi chhang leta, Isu, ka hmangaih che, ka ta i ni e, tiin a tan kan nun pein a hnenah i inhlan ang u. Nu pakhat hian fa pasarih a nei a, I fate zizngah hian tu mah duhsak bik i nei lo takzet em? tiin an zawt a. Ani chuan, Nei tehlul mai. Ka duhsak ber chu a damlo ber, a dam hma zawng; a tlan bo ber a rawn haw leh hma zawng; a phur rit phur ber a hahchawlh hma zawng leh a hel ber a lo \hat leh hma loh zawng, tiin a lo chhang a. Nangni zingah tu pawhin beram za nei ula, an zinga pakhat hloh ang ula, thlalerah sawmkua leh pakuate chu hnutchhiahin a bo chu in hmuh leh hma loh zawng tu nge zawng lo vang che u? (Lk 15:4)

14 June 2015 t AGAPE t 14 VANA RO KHAWL KHAWM T.Upa Lal\hahluna Ralte Bethlehem Veng, Aizawl Tunlai khawvel hian nawmsakna, awlsamna leh ham\hatna min zawrh nasa hle mai a. "Tunah, hetah, a nuam thei ang berin..." tih hi kan thupui ni ta mai! Lal Isua zirtirna laipui erawh chuan khawvel piah lam a kawk ruih si a. He khawvel hi chu kan mikhualna ram, chatuan atana kan inbuatsaihna hmun mai a nih avangin khawvel thila rilru nghat lutuk lo tur leh kum hlun lo tur thila inham buai lo turin min chah a ni. Khawvel miten mutmawh hnarmawha an neih hi ringtute pawhin um berah kan neih ta mek a. Sum tam tak leh building \ha pui puite hi kan mamawh tehmeuh mai; mahse, buaipui berah kan neih ang tih erawh chu hlauhawm tak a ni. Kohhran leh ringtute \han dan hi a lei vang dap zawng leh a van kawk zawng ni kawp tur a nih laiin, a sang zawnga \hang lovin a arh zawngin kan thang nasa hle a. Ram leh in kan buaipui dan te, chumi avanga chhungkua leh \henawm khawveng kan inhmuhmawh nasatzia te hi a rapthlak hle. A chaknate chawpa boral mek khawvel thila innghah pawizia hi Lal Isuan min hrilh a. Vana ro khawl khawm tura min tihna chhan hi thil pathum a awm: 1. Lei ro hi a hlun lo va, chhawm zel theih a ni dawn lo. Paula chuan, "Khawvelah hian eng mah kan luhpui lo va, eng mah kan chhuahpui thei bawk hek lo," a ti a. Alexander Ropuia khan a thih dawna a thuchah chu, "Ka thih hunah chuan ka kut pahnih ka dah chhuahna turin ka kuang in rek pawp ang a, Alexander-a hian kut ruakin khawvel a chhuahsan tih mi zawng zawngin an hmu dawn a ni," tih hi. 2. Vana ro khawl erawh chu a him a, kan pawisa, harsa taka kan thawh chhuah

15 June 2015 t AGAPE t 15 dah \hatna tur chuan bank him leh pung \ha si uluk takin kan thlang \hin a. Mahse, chatuan atana min kawl himsak thei bank khawvelah a awm loh avangin 'Van Bank'-a khawl khawm turin min chah a ni. "Mahni tana sum khawla, Pathian lama ngah si lo" mi hausa chanchin tehkhin thu Lukan min hrilh a. He mi hausa hian amah chauh a inngaihtuaha, a nuna ruahmanna a siam zawng zawng chu khawvel dam chhung atan chauh a ni a, chumi piah lam atan ruahmanna pakhat mah a nei lo a ni. 3. Kan ro awmna apiangah kan rilru a awm \hin : Ro khawl khawmna hmun dik thlan fuh tipawimawhtu ber chu, "In ro awmna apiangah in rilru pawh a awm \hin," tih hi a ni. Chhiatna leh vanduaina a lo thleng a, kan sum leh ro kan chân nikhua hian engkim chân taa inngaih a awl hle. Mahse, chu chu Pathian mite ngaih dan tur a ni ve hauh lo. Pathian thuhriltu leh hrilhfiahtu ropui Matthew Henry-a chu suam hmangin an rawk a, nasa taka sawisain a pawisa neih zawng zawng an laksak a. An rawk avanga Pathian hnena lawm thu a sawi chhan pali hi a ngaihnawm hle: tun hmain rawk a la tawh ngai lo va, a nunna laksak lova a pawisa chauh an lak avang te, a neih zawng zawng laksak mah se a tam tham loh avang te leh rawktu ni lova, rawk tuartu zawk a nih avangtein. Vana ro khawl khawm dan tur Bible-in min hrilh chu hmeithai, pa nei lo leh pachhiate ngaihsak hi Lal Isua Nazaret Manifesto, kohhran leh Pathian mite tana ngaihthah thiang lo a ni. Luka 12:33-ah chuan, "In neih apiang hralh ula, mi rethei hnenah pe rawh u; vanah rukru kal lohnaah, sulrul ei chhiat lohnaah chuan tangka ip hlui thei lo te, sum ral thei lote insiam rawh u," tih kan hmu a. Kohhran hmasate chuan rethei leh pachhiate ngaihsak hi rawngbawlna pawimawh takah an ngai a, chu chu vawiin thlengin

16 June 2015 t AGAPE t 16 kohhranten kan chhunzawm zel a ni. Nun, \awng leh thil tiha mi dangte chunga \hatna kan lantir hi vana ro kan khawl khawm theihna pawimawh tak a ni. Lalpa hian a hmangaihte ngaihsaka, thlamuana, chhanchhuak turin nang leh kei lo chu hmanrua a nei lo. Kan neih apiang Lalpa tana hlan hi a pawimawh khawp mai. Malsawmna hi kan chhiatpui nasa hle, neih thinglungkhawnga kan neih ve hramte pawh kan mittui titlatuah a chang leh \hin. Chuvangin, kan kuta awm apiangte Lalpa tan leh kan thlarau tana \ha tur zawnga hman \angkai kan zir a ngai. Kan thil neihte hmang hian mi tam takin Lal Isua hmaiah chil an chhak mek a, kan hai der lui zel dawn em ni? Mihring nun dan leh ngaihhlut zawng hriltu ber leh kan chhia leh \ha hriatna thununa, thutlukna min siamtirtu chu kan thinlung a ni a. Kan rilru hi khawvel lama kan dah chuan thlarau lamah kan ro vawng vawng \hin. Paula chuan chunga lama thil awmah kan rilru dah tlat turin min fuih a ni. Rual elna leh dam chhung khawsak ngaihtuahna hian thlarau lam thil lungkhamna leh van lama lunglenna a hnawt \iau \hin a. Lei lama thil awmah kan rilru dah tam avangin kan tlakchhamna lam kan hmu lian a, mi sual vannei kan hmu \euh \hin. Mahse, van lam khi han thlir teh, khitah khian kan beiseina zawng zawng chu a awm a ni. Kan tisa mit hian hmu thei lo mah se, Lal Isua zara kan chanvo ropui tak chu rinna mitin kan hmu a, kan nun hian a tem lawk \hin. Hla phuahtuin, Vanram ngaihtuah hian min tilawm \hin, a tih angin kan nun hian khi lam khi thlir fo sela, chu chuan min thlamuan dawn a ni. Kan lei ro hlu ber kan tu leh fate Lalpa tana seng khawm a pawimawh hle. Pamela Ayres-i chuan, "Tunlai khawvelin a mamawh ber chu Lal Isua lo kal lehna atana inbuatsaih hi a ni a,

17 June 2015 t AGAPE t 17 inbuatsaih dan \ha ber chu kan fate buatsaih hi a ni," a ti. Lal Isua hi a lo kal mai lo a nih pawhin, kan chungah chhiatna hrang hrang a lo thleng thei reng mai! Chuvangin, eng thil pawh lo thleng se chiai lova Lalpaa tluk luh dan leh himna Isua chelh tlat dan tur hi kan fate kan zirtir a \ul ta takzet mai. Kan tu leh fate kawng dika kan hruaia, Lalpa tan kan seng khawm theihna turin kan nun hian entawn tur dik a hnutchhiah a, rin ngamna tak tak nena Pathian kuta kan tluk luh a ngai a ni. Israel faten Kanaan ram an panna kawng chanchina thil pawi ber mai chu Kanaan ram enthlatu 12 zinga 10-ten Lalpa aia hmelmate chakna hmu lian zawka, a diau zawng leh mipui thinlung tikhur zawnga report an pe kha a ni. Chu thil sual lian tak avang chuan ram tiam an panna kawng chu mel za tam takin a thui phah a, kum 38 chhung thlalerah vakvaiin, Sinai tlang chhiarpuia tel chin zawng zawng (Josua leh Kaleba tiam lovin) an thih mang vek phah a nih kha. Vawiina Pathian mite hi \hangtharte tan ram enthlatu kan ni a, kan ram enthlak chanchin chu kan nun leh cheziain report kan pe mek a ni. Hawh u, kal ve chakawm awm taka report pek i zir ang u. A chang chuan kan report hi a ngaihnawm lo \hin hian ka hria a. Kan inkhawm bangte hi hla bu leh Bible-te dah tau chungin, "Ninawmzia kha...sawi rei si, ngaihnawm lo ropui si," tiin kan âng zui a. Kan report lo ngaithla kartu kan tu leh fate tan inkhawm ve hi chakawm tak maw? Pathian mi nih nawmzia leh thlamuanthlakzia te, rawngbawltu nih hlutzia te hi kan nunin lantir ila; duhamna leh mahni hmasialna chu van lam ngaihtuahnain luahlan deuh deuh sela; kan nun leh kan thil neihte mi dangte tan luang chhuak tam deuh deuh sela, vanah ro kan khawl khawm dawn a lo ni.

18 June 2015 t AGAPE t 18 THU AWIHNA (1 Samuela 15:22-23) Hrangzikpuii Ramhlun North Samuela chuan, Lalpa chuan thu zawm chu a lawm angin halral thilhlante leh inthawinate hi a lawm em mi? Ngai teh, inthawina aiin thu awih chu a \ha zawk a, berampa thau aiin a thu zawm chu a \ha zawk a ni. Helna hi aien thiamte sualna nen a inang a, luhlulna hi milem biak leh pathian lem biak nen a inang a ni. Lalpa thu i duh loh avangin ani pawhin lal atan a duh ta bik lo che a ni, a ti a. Kan Bible chang tar lan hi kimchang takin kan luhchilh dawn lo va, innghah nan kan hmang chauh dawn a ni. Mihring piang chhuak tawh phawt chuan thu awihna hi kan mamawh a ni ti ila kan tisual lo vang. Sawrkar dan te, khawtlang dan te, kohhran dan te, hnam dan te, chhungkaw inrelbawl dan te bakah pawl hrang hrangin dan kan nei vek a. Chung danahte chuan tih tur leh zawm tur te, tih loh tur te a awm vek a. Tih tur kan tih hian dan zawm (thu awih) kan ni a, tih tur kan tih lohva tih loh tur kan tih chuan thu awih lo, dan bawhchhia kan ni mai a ni. Dan bawhchhia chu mi sual, thiam loh chang kan ni. Bible phei chuan thu awih lohna chu helna tluk hialin a sawi a ni. Aien thiam te, ramhuai zawl te chu milem biate nen angkhatah a ngai a ni. Ringtute chuan Pathian dan kan zawm a \ul a. Pathian thu kan awiha, a thupekte kan zawm chuan thil dang zawng zawng chu a famkim vek a tih theih hial ang. Tunlai hian thu awihna hi kan thlahthlam ta viau mai a. Ringtu, rawngbawltu, thlarau mi intite pawh inen fiah ila, a lang lamah chuan inthawina pawh kan hlan \ha dup dup viauvin a

19 June 2015 t AGAPE t 19 hriat a; mahse, chhungril lam nunah chuan thu awihna nun neih har kan ti si \hin. Thu kan awih chuan, a thu kan awiha bawihah kan awma, mi bawihtu lakah tu mah an inchhuang thei lo va, an uang thei bawk lo a ni. Thu awihna leh inngaihtlawmna chu a inkungkaih tlat a, chutiang bawkin thu awih lohna leh chapona pawh a inzawm tlat bawk a ni a, chapona chu Pathianin a huat leh a ten berte zinga mi a ni. Thu awihna chu tlawmna nen a inzawm tlat a, chu chu Lalpa mit hmuhin a mawi a ni. Sualin kan chhungril nun a fan chhuak ang hian thu awihna nun chuan chhungril nun a fan chhuak a, chu chu Lalpa ngaihin a thianghlim a ni. Chuvangin, Pathian thu i awih ang u. Tu pawhin thu a awih chuan a thu a awiha bawihah a awm si a. Lalpan a thu malsawm rawh se. TI HIAN HAN CHHIAR TEH Pathian chu hla riauva i hriat laiin Sam I lungngaih laiin Johana 14; Sam Thil i tihsualin Sam 51; 1 Joh 1 4. Manganga i awmin Mat 6:19-34; Sam Damlova i awmin Sam I hlauh laiin Sam Beidawnga i awmin Isaia Khawhar taka i awmin Sam I vui laiin Sam Pathian aia khawvel i hmuh lenin Sam Chawlh i mamawhin Mat 11: Thlamuan i ngaih laiin Rom Hlim i duhin Kol Hausakna i awhin Marka 10: Chawlh i mamawhin Mat 11:25-30

20 June 2015 t AGAPE t 20 KHAWVEL PUM AWNG AI RUAL (WDP) CHANCHIN Lalrinkimi Dawrpui Khawvel pum \awng\ai rual (WDP) kan tih hi USA ram a\anga tihchhuah a ni a. Kum zabi 19-na chhovah khan Canada leh USA Kohhran Hmeichhiate chu ram chhung leh khawvel hmun danga rawngbawlnaah an lo inhmang tawh a. Kum 1812-ah mi mal \awng\aina leh mahni pawl (Denomination) \heuh tana \awng\aina lamah hmeichhiate chu hmalatu ni turin an infuih a. Kum 1887-ah Pi Mary Ellen Fairchild James-i, Brooklyn, New York, USA-a mi hmalaknain USAa Presbyterian kohhran hmeichhiate chuan Ram pum huap \awng\ai rual a buatsaih a, hei hian kohhran pawl dang leh ram dang pawh a kangkai zel a. Methodist hmeichhiaten ram pawn rawngbawlna (Foreign Mission) atan mahni inphata kar khat chhung \awng\ai an rawt ve a. Kum hnih hnuah Baptist-in World Mission atan nilenga \awng\ai ho an rawt a, Canada rama Anglican hmeichhiate chuan Mission tana \awng\aina 1895-ah an din bawk. October 19, 1918 khan Canada rama Presbyterian kohhran hmeichhiate chuan Women s Missionary Board hrang hrang panga Anglican, Baptist, Congregational, Methodist, Presbyterian-te Krista ram zau zelna tura \awng\ai leh thiltiha an thawh ho theih nan an ko khawm a, Iterim Committee an din a, Iterim Committee chuan kohhran pawl hrang hrangte Khawvel huapa \awng\ai ni January 9, 1920-ah a buatsaih ta a. Kum 1922-ah Interim Committee (Canadian Committee) chuan USA kohhran hmeichhiate \awng\ai rual thupui leh ni thuhmun hman rem tiin an zawm ve ta a. Ram hrang hrangten WDP an

21 June 2015 t AGAPE t 21 zawm hun chu sawi vek sen a ni lo va; tichuan, USA kohhran hmeichhiaten a ram pum tana \awng\ai rual an buatsaih chu kohhran pawl dang leh ram dangten zawm zelin, khawvel pum \awng\ai rual bul \anna a lo ni ta reng mai a ni. Kum 1927-ah chuan Hmeichhiate khawvel pum \awng\ai rual tia vuah a lo ni ta a, March thla Zirtawpni hmasa berah hman \hin a ni. kum 1930-ah chuan British Isles pawh a thleng tawh a ni. Indopui 2-naah phei chuan khawvel pum pui inrem lehna a ngai pawimawh hle. Catholic Kohhran Hmeichhiate pawhin Vatican Council 2-na rem tihnain khawvel pum \awng\ai rual hi 1967 a\angin an hmang ve a. Kum ah phei chuan anmahni kohhran \awng\ai rual May thlaa an neih \hin nen la kawpin WDP chu March thlaah an nei ve ta a ni. Tunah hian khawvel ram hrang 170 chuanga kohhran hmeichhiaten WDP kan hmang a ni. awng\ai rual thupui leh programme hi ram hrang hrangin an insiam chhawk a, India ram pawhin kum 1932, 1947, 1985-ahte kan lo siam ve tawh a ni. awng\ai programme siamtu apiangte hian an ram dinhmun leh \awng\aipui an ngaihnate an thawh tel \hin a. WDP hmang hian ram hrang leh hnam hrang te, nunphung inang lo tak takte hui khawmin kan awm a, kan phurrit leh harsatnate inhriatpuiin kan in\awng\aisak tawn thei a, a hluin khawvela ringtute thawhhona pawimawh tak a ni. Lal Isuan, A hminga mi pahnih an thil dil kawnga an lungrual chuan ka Pa, vana mi tihsakin an awm ang, a ti a; pahnih mai ni lo, khawvel puma ringtu hmeichhiaten Lalpa hmaa kan thlen ho chu min chhang ngei ang tih ring ila, a mite \awng\aina avangin khawvel hi tihdanglamin a awm a, siam \hatin a awm \hin a ni tih i hria ang u. Mizorama kan hman \an dan : India ram pum

22 June 2015 t AGAPE t 22 Kohhran hmeichhia (AICCW) Quadrennial Assembly chhimin Pi Zomuani te an kal a, AICCW rawngbawlna peng pawimawh tak khawvel pum \awng\ai rual leh Fellowship of the Least Coin (FLC) te zawm ve tura thurawn an rawn hawn a. Kum 1984 a\angin kum tin kan lo hmang ve ta a ni. AICCW a\angin programme an lo thawn \hin a ni. WDP hi March Zirtawpni hmasa bera hman \hin ni mah se programme hmuh hi a tlai \hin avangin remchan hun ruatin kan hmang mai \hin a ni. Thawhlawm pawh AICCWah thawn \hin a ni a, India ram kohhran hmeichhe pawl hrang hrang zingah a thawh hnem ber pawl kan ni \hin. Hun a lo kal zel a, kum ah Presbyterian Church of India (PCI ) hnuaiah Kohhran Hmeichhia Pawl (PWF) din a ni a, PWF chuan kum 1990-ah AICCW a zawm a, AICCW programme pawimawh tak khawvel pum \awng\ai rual leh Fellowship of the Least Coin chu a hmang chho ve ta a. PWF Secretary-ten PWF unit hrang hrangah an thawn chhuak a, Mizoram Presbyterian Kohhran Hmeichhiaten 1984 a\anga WDP kan lo hman \an tawh chu PWF angin kan lo hmang ho ta a ni. Amaherawhchu, PWF anga WDP kan hman ho chu a lo zuzi ta a, kum tina affiliation fee AICCW-a pek turte pawh hruaitu inthlak velah a lo mumal ta lo va; tichuan, PWF chuan ngaihtuah \ha lehin 2004-a PWF Biennial Assembly, Nongpyndeng-a neih \um khan WDP chu PWF angin neih thar leh rawt a ni a. Tun thlengin hman chhunzawm a ni. awng\ai rual thawhlawm pawh PWFah chhun luh a ni a, PWF hian AICCW-ah a chhung lut leh \hin a ni. WDP thawhlawm hi AICCW hian za zela pahnih (2%) vel International World Day of Prayer Committee-ah

23 June 2015 t AGAPE t 23 a thawn a, Khawvel pum rawngbawl nan an lo hmang \angkai ve a, a bak zawng chu AICCW hian India ram chhung rawngbawl nan a hmang a. AICCW zawmtu kohhran hmeichhiate \anpui nan pawh hman theih a ni a, \anpuina chu kohhran hruaitute hriatpuinain dil theih a ni a, AICCW Executive Committee-in pek awm a tihte a pe \hin. Chutichuan, khawvel pum \awng\ai rual nia kan thawhlawm hian India ram leh khawvel huapin hna a thawk a, a lawmawm hle a ni. Kumin 2015 chuan khawvel pum \awng\ai rual chu Mizoram Presbyterian Kohhran Hmeichhiate chuan June 2, 2015-ah Bahamas ram Kohhran Hmeichhiate programme siam hmangin kan \awng\ai leh dawn a ni a, Krista avanga hnam hrang hrang inpumkhata kan rawngbawl hona a ni tih hriain, hlim tak leh \hahnemngai takin i hmang ang u. England-a thlanmual te reuh te pakhatah chuan thlanlung eng emaw zat a awm a. Chung zinga pakhatah chuan heti hian a lo inziak a: John Newton-a, Clerk, mi bawlhhlawh, Africa salte hmanga sumdawng \hin chu Pathian khawngaihna avangin zuah a ni a, ngaihdam a ni. A lo tihbawrhban tawh rinna thu puang tura tirh a ni, tiin. Hei hi aman a duh dan ang thlapa a thlanlunga a ziahtir a ni. A nu, Pathian \ih mi \awng\aisak fotu chuan kum 7 mi chauh a la nihin a boralsan hlauh mai a. John-a chuan sikul chawlhsanin lawngah a thawk ta a. Sala sumdawngin a hun a hmang a. Kum 1748 khan Africa a\angin England panin lawngin an chhuak leh a, tuipuiah chuan thlipuiin a nuai chiam mai a. An lawng pawh a keh chhe vek mai a. An lawng a\ang chuan amah chauh chu a dam khawchhuak a. Pathian khawngaihna avanga a nunna zuaha a awm chu ropui a ti lutuk a, a nun chu Pathian hnenah hlanin, Khawngaihna mak, mawi leh duhawm tih hla hi a phuah chhuak ta a ni.

24 June 2015 t AGAPE t 24 WOMEN CENTRE SAK NANA SUM LUTTE Women Centre sak nan hian kohhran hmeichhiate hian thawhlawm kan thawh zel a, tun tumah pawh hian receipt no thleng kan han tar lang leh a, Thil petute zawng zawng Lalpan a let tam takin rul leh che u rawh se. Sl.No. Petu Pek zat 1. Bungtlang South Bial 12, Kawrthah Bial - KH Ni thawhlawm 2, Chawngte P Bial - KH Ni thawhlawm Lawngtlai Bazar Bial 10, Vaphai Bial 3, N. Vanlaiphai Bial - W/C \anpuina 3, Ngur Kohhran W/C \anpuina 1, Zote Kohhran W/C \anpuina 2, Tuithumhnar Bial 1, Zote Bial 4, Chawngte P Bial 1, Mamit Bial 15, Kohima Bial 3, Zohmun Bial - KH Ni thawhlawm 1, Chhinga Veng Bial 46, North Hlimen Bial 4, Khawzawl Vengthar Bial 22, Pu R. Piangliana & Pi Lalthansangi-ten an nu Pi Saikhumi w/o Upa T. Sena, Dinthar Veng hriat reng nan an pek 30, Tuipuibari Centre 2, Ruantlang Bial 15, Marpara Ramthar Bial 4, Hunthar Bial 12, Mission Vengthlang Bial 47,000

25 June 2015 t AGAPE t 25 Mi dangte chunga \hat chhuah Sumdawng pakhat hian \um khat chu a nupui hnenah, Vawiin tlai chu ramdangmi, mi pawimawh tak zanriah kilpui ka duh a, chaw tui tak i lo buatsaih thei ang em? a ti a. A nupui chuan a huphurh hle a, an chhangchhe si a, a fate pathum sikul kal buaipui an ngai a, chu bakah sikul la kal lo a awm bawk a. Chutih laia hmelhriat loh, mi pawimawh tak lehnghal chaw eipui chu a huphurh hle a. Mahse, a pasal hnenah chuan, Ka theihtawpin ka lo inbuatsaih ang e, tiin rem a tih thu a hrilh a. Buai tak chung chuan a theihtawpin a inbuatsaih a, zanriah chu hlim takin an kil ho va. An mikhual chu Spain rama sawrkar mi pawimawh tak mai a ni a, ei tur an siam tuizia leh chhungkaw hlim tak mai zinga zanriah kil chu nuam a tihzia leh a lawm thu a hrilh mawlh mawlh a. Chumi hnu kum eng emaw zatah chuan he mite chhungkaw \hian \ha tak pakhat chu Spain ramah missionary turin a kal a. Sawrkar dan eng emaw avangin harsatna an tawk ta tlat mai a. Chu thu chu Spain pa chuan a lo hria a, hmana an ina chawhlui hlim taka a kilpuite chhungkaw \hian \ha a ni tih a lo hria a, an harsatnate chu a sut kianpui ta a ni. I buai hle a ni thei; mahse, mi dangte tan hun pe ve hram \hin rawh, chu chuan mi dangte nena in inkarah rah \ha a chhuah ngei ang. Source : Darthlalang Mi thianghlimte tlakchhamnaah chhawmdawl ula; mikhualte lawmin awm fo ula. A tiduhdahtu che u chu malsawmsak ula...lawmte chu lawmpui ula, \apte chu \ahpui rawh u...inngaihtuah sang lutuk suh ula, mi tete pawl zawk rawh u. Intifing suh u. Rom 12:13-16

26 June 2015 t AGAPE t 26 PRESBYTERIAN WOMEN'S JOINT CONFERENCE PHAI SYNOD PWJC INKHAWMPUI VAWI 8-NA HMANPUI THU Sailuti Asst. Secy., Central Comt. PWJC, Phai Synod-in an Inkhawmpui vawi 8-na hmanpui a, Bible Study neihpui tur leh thupui sawi tura Mizoram Presbyterian Kohhran Hmeichhia, Central Committee min rawn sawm hi lawmawm kan ti em em a ni. He inkhawmpui hi March ni 27 29, 2015 chhungin Khampat Calvin Biak Inah hman a ni a, inkhawmpui thupui chu "Thuhretu atana koh" (Tirh 1-8) a ni. Central Committee ruat angin Pi C. Lalhmangaihi, Ex-Chairman leh Pi H. Lalpianthangi, General Secretary-te nen he inkhawmpui hmanpui hian kan kal a, kan rual hian ama sensovin Rev. Dr. Lalchhuanliana h/o Pi C. Lalhmangaihi leh Phai Synod-in zai tura an sawm Nl. Zoremmawii, Chawnpui, Aizawlte an kal bawk. March ni 24, 2015 (Thawhlehni)-ah Zokhawthar lamah kalin, iau a\ang chuan PWJC lamin an lo ruat angin, Rev. Lalpianthara, iau Pastor-in min hruai a, ani hian inkhawmpui chhung zawng min champuiin, kan haw leh lam pawh Tahan a\anga iau thlengin min thlah leh a, a chungah kan lawm em em a ni. Tahan-ah hian Rev. Dr. Deng\huama te chhungkua leh PWJC hruaituten hneh takin min thleng a, min duat hle mai a, an chungah kan lawm takzet a ni. Ni zingah Tahan khaw chhunga Kohhran Hmeichhe hruaitute nen rawngbawlna chungchanga inkawm hona hlawk tak kan nei a, PWJC hruaitute leh Synod Puipate nen chhun chaw tui tak min buatsaihsak a, kohhran hmun pawimawhte min fan kualpui a, kan lawm hle a ni. Ni ah an

27 June 2015 t AGAPE t 27 hruaitute nen inkhawmpui neihna hmun Khampat chu kan thleng ta a ni. Inkhawmpuia hun hman dan leh programme kimchang deuhva han ziah a chakawm hle mai a; amaherawhchu, hmun te a awh thui deuh dawn avangin Mizoram a\anga kalten hun kan hman dan chauh han ziak mai ila. Ni (Zirtawpni) zan Inkhawmah Report & Thupui sawi hawnna Pi H. Lalpianthangi. Ni (Inrinni) zing & chhun inkhawmah Bible Study neih a ni a. Thuzir - I Petera Zirtirtu- Pi H. Lalpianthangi Inrinni chawhnu Inkhawm Thupui- "Krista thu hre tura koh kan ni" Sawitu - Pi Sailuti Inrinni zan Inkhawm Thupui- "Krista thuhretu nun" Sawitu - Pi C. Lalhmangaihi Pathianni chawhma - Chibai bukna sawitute - 1) Pi H. Lalpianthangi 2) Rev. Dr. Lalchhuanliana Thupui- "Krista thuhretu nih hlawkna" Sawitu - Pi Sailuti Pathianni zan - Thupui- "Krista thuhretu ni zel tura koh kan ni" Sawitu - Pi C. Lalhmangaihi Pathianni chawhnu inkhawmah Rev. Zomawia, Moderator, Phai Synod-in Lalpa Zanriah Sakramen a \heh chu kan chang ho va, Sakramen sermon nung tak a sawi kan ngaithla a, a hlawk kan ti hle. Inkhawmpuiah hian Nl. Zoremmawii, Chawnpui solo te, Female Voice te, Kohhran leh Bial Hmeichhe Zaipawl ngaihnawm tak takte ngaihthlak \hin a ni. Phai Synod PWJC Inkhawmpuiah hian Kohhran Hmeichhe Zaipawlte chu hlapui hmangin an intihsiak \hin a, tun tumah erawh hi chuan Chanchin ha Luka ziak bu pum en lova intihsiakna kohhran tin tan buatsaih a ni a, ni (Zirtawp) zan inkhawm ban, inkhawm chhawng hnihnaah

28 June 2015 t AGAPE t 28 an exam a. Lawmman pakhatna a\anga pathumna thleng an siam a, lawmman hi belpui, lian \ha tak a ni a, Pathianni zan inkhawm ban, inkhawm chhawng hnihnaah sem a ni. Inkhawm programme hi a sei deuh \hin avangin inkhawm chhung pawh a rei thin hle na a, tu mah ning hmel an awm ngai lo a ni. Inkhawmpui thlengtu Khampat Kohhrante inpekna a ropuiin, an \henawm kohhrante pawhin an \awiawm \hain an \ang rual hle a ni. Khampat Kohhran hian inkhawmpui palaite ei turin an Kohhran Buhzem an hawng tawp mai a, an fakawm hle. Inkhawmpuia kalte tan tuk\huan leh zanriah tui tak a huhova ei tur min buatsaihsak ziah a, zing thingpui leh a hmeh chhang kan thar tui tak min siamsak ziah a, ei rawngbawltute hi zing dar 2 a\angin an buai char char \hin a, an inpekna a ropui takzet a ni. Inkhawmpuia kalte a huhovin ni tin zing leh tlaia kan ei tur tui tak tak min siamsak ziah a, zing thingpui leh a hmeh tui tak min buatsaihsak ziah bawk a ni. Phai Synod PWJC Inkhawmpui hi tun hma chuan kum 3 danah an nei \hin a, kum 5 dana neih tura an rel hnuah tun \um hi an inkhawmpui neih lehna hmasa ber a ni a, member-te pawh an phur hle a ni. Tin, Mizoram lam a\anga inkhawmpui hmanpui tura kal an awm vang pawhin an phur a, kum dang aiin an kal tam niin an insawi. Tun dinhmunah Myanmar-ah hian Synod 9 a awm a. Phai Synod hnuaiah hian Conference (Presbytery) 3 - Kalay, Kabaw leh Shan Phai Presbytery-te a awm a, Meeting (Bial) 16, Unit (Kohhran mal) 41, Presbyterian Women Society member (Kohhran Hmeichhe member), danzawhkim 3,185, kohhran in 2,111 an awm a ni. Ram pum huapa Kohhran Hmeichhe Inkhawmpui chu Presbyterian Women's General Conference an ti a ni. Tun \uma

29 June 2015 t AGAPE t 29 inkhawmpui hi Presbytery pathum huapa inkhawmpui a ni. Phai Synod Kohhran Hmeichhiate hian Mission Kohhran an nih angin Chanchin ha puan darh lam an ngai pawimawh em em a, rawngbawlna hrang hrang pawh an kalpui a, chungte chu: Buhfai\ham leh Lawmbawm rawngbawlna te, Kristian Chhungkua ni tin chhung inkhawm te, Leadership Training leh Seminar te, Missionary-te hriat rengna in sak leh a sakna hmun tur lei te, khaw \henkhat tuichhunchhuah nei lote tana tuichhunchhuah laihsak te an kalpui a ni. Tin, kum 2000 a\angin kum tin PWJC Unit tinte zir tur thupui bu an buatsaih \hin a, kum 1989 a\angin thla hnih danah chanchinbu -'Hriatna Eng' an chhuah \hin a, an Kohhran Hmeichhe Ni (PWS Day) pawh September ni 7- ah an hmang \hin a ni. Phai Synod PWJC Inkhawmpui hi an Synod Puipate, Pastor-te leh an Kohhran Upaten an \awiawm \hain an uap \ha hle a, Kohhran Hmeichhiate nen an thawh hona a \ha em em a ni. Ni zingah Khampat chhuahsanin, Pathian hruaina leh awmpuinain ni (Nilaini) tlaiah dam takin Aizawl kan lo thleng leh ta a ni. Mizoram a\anga he inkhawmpui hmanpuia kan kal thei hi vannei kan inti em em a, mi tling lote pawh Lalpa'n a rawngbawl tura min hmang ve duh hi kan lawm takmeuh va, min \awng\aisaktute zawng zawng chungah lawm thu kan sawi a ni. Krista thuhretu ni tura min kotu kan Pathian chu fakin awm rawh se. April, 2015 chhuaka Lalpa Isua thisen hlu tih ziaktu kha Rev. Darchungnunga, Zotlang, Aizawl a ni e.

30 June 2015 t AGAPE t 30 Hriselna Huang CANCER Cancer hi tisa a timur (cell) chi khat taksa control-tu khawlin a dan hneh loh, lo \hang liana, inthlah pung ta hi a ni. Cancer awmtirtu ber hi hriat fuh chiah a la ni lo nain thil chi hrang hrang \angkhamin taksaa hna an thawh a\anga rawn insiam a ni tih erawh chu hriat a ni. Hengte hi chhinchhiah ila 1. Kum upat lamah cancer hi vei a awl bik a. Mi a dam rei poh leh cancer vei a awl tial tial a ni. 2. Tisa mur (cell) \henkhat piangsual, pian tirh a\anga fuh lo, insiam danglama cancer-a chang hma bik a awm thei. 3. Taksain natna a lo do let theihna atana thawktu taksa sipai an lo chak lohvin cancer vei a awl bik. HIV/AIDS vei te, organ transplant avanga taksa sipai chakna tih\huanawp nana damdawi eihote leh pianpui immune system fel lote tan hian cancer vei a awlsam bik a ni. 4. Virus \henkhat - Human Papilloma Virus (HPV) - (Chhul leh serh bawr cancer, mawngkua leh tai cancer, ka leh hrawk bawr cancer thlen theitu), Hepatitis B and C Viruses (Liver Cancer thlentu), Eebstein Barr Virus (EBV) (Lymphoma thlentu) leh Bacteria chi khat, Helicobacter Pylori (HP) (Stomach cancer thlentu) avang te hian cancer a vei theih vawk. 5. Kan khawsakna vela kan tawn thil, heng mi meizuk khu kan thawk luh te, ni sain min em a\ang te, radiation avangte, asbetos avang te

31 June 2015 t AGAPE t 31 hian cancer kan vei thei bawk. 6. Meizuk, sahdah, tuibur, zarda hman nasat lutuk te, zu in nasat avang te, thil rep kan ei \hin vang te (thil rep kan ei hian in\ing kan ei tel tih hriat tur), kuhva ei nasat avang te, chaw hrisel tawk lo ei te, thau lutuk te, taksa kan sawizawi \hat tawk loh avang te hian cancer vei a sam. Heng thil hrang hrang \ang khawm hian kan taksaah hna thawkin cancer kan vei \hin. Pahnih/khat kan neih avangin cancer kan vei ngei dawn tihna erawh a ni chuang lo. Heng zinga \henkhat hi chu kan thuhnuaia kan dah theih loh a awm a, a \hente erawh hi chu keimahni kan fimkhur thiam chuan kan pumpelh thei. Hei tak hi a pawimawh leh kan hriat tur chu a ni ta. Vaihlo lam hmanna hrang hrang leh zu lama kan insuma, kan fimkhur phawt chuan kan pumpelh thei. Hriselna kan ngaih pawimawha, kan khawsakna hmun leh ei leh in te kan uluka, kan fimkhura pumpelh theih chin a awm bawk. Chutih laiin eng ti kawng pawha kan pumpelh theih miah loh pawh a awm ve tho mai. Cancer laka fihlim tur chuan zuk leh hmuama inthiarfihlima, ei leh in uluka, nun uluk hi a pawimawh. Kan taksa hian insawizawi a mamawh avangin sawizawi fo pawh a \ul a ni. Dr. G. Capmpbell Morgan-a chuan fapa pali a nei a, an unau li chuan Pastor an ni vek a. um khat chu an chhungkaw inhmuh khawmnaah an \hian pakhatin, In chhungkaw zingah a tu ber hi nge thuhriltu ropui ber ni ang? tiin a zawt thut mai a. Ani chuan, Ka nu, tiin a chhang a!...pastor pali a chher chhuak tlat!

32 June 2015 t AGAPE t 32 Hruaitute chanchin RINCHAWII Pi Rinchawii hi Tirhkoh Mûka (L) leh Nutei (L)-te fa 8 zinga 6-na a ni a. Mission Veng, Aizawla sei lian a ni. K. Lalliana (L) nen inneiin fanu 2 leh fapa 1 an nei a, tu 8 an nei tawh bawk a, tunah hian Khatla Vengah an cheng a ni. Eizawnna lamah chuan Primary School Headmistress niin kum 2006 khan a pension a ni. Khawtlang lamah chuan MHIP, Khatla Branch-ah Vice President leh Secretary-te ni tawhin, Gen. Hqrs. MHIP a\angin kum 10 chhung O.B. hna chelh zawn avangin certificate a dawng bawk. Rawngbawlna lamah chuan Bungkawn Pastor Bial an nih laiin Bial Hmeichhiaah Chairman leh Secretary leh Bial Buhfai\ham ziaktu a lo ni tawh bawk.kum 1998-a Khatla Pastor Bial siam a nih khan Bial Hmeichhe Committee-ah telin Chairman, Vice Chairman, Secretary leh Treasurer hnate a chelh bawk a ni. Kum 1985 a\angin Khatla Kohhran Hmeichhiaah Committee Member-ah tel \anin O.B. hna a chelh kim vek a, Buhfai\ham Secretary a ni tawh bawk a ni. Tualchhung Kohhranah Puitling Sunday School Zirtirtu leh Nilai zan thupui hawngtu a ni. A hla duh zawng chu KHB no. 150-na Khawvel hi bo mah se tih leh KHB no. 64-na Lalpa chu fakin ka chawimawi ang tihte a ni a, Bible chang a duh zawng chu Sam 23-na leh Jakoba 4:7-10 te a ni. Tunlai khawvel hun lo danglam zelah hian Pathian thua ding nghet tlat chungin chhungkaw enkawlna kawngah \an i la thar zel ang u, tiin min chah a ni.

33 June 2015 t AGAPE t 33 Hriat atan 1. Ni khan Chanmari West Bial, Edenthar Kohhranah Leadership Training neih a ni a, Pi C. Lalhmangaihi, Ex-Chairman leh Pi P.C. Nuzawni, Committee Member-te an kal. 2. Ni khan Ruantlang Bialah Kristian Chhungkaw Campaign leh Leadership Training neih a ni a; Pi Rallianthangi, Finance Secretary te; Pi Lalfeli leh Pi Zopari, Committee Member-te an kal. 3. Kohhran Hmeichhiaten kan INPUI sak Women Centre chu zawh lam kan lo hnaih dawn ta a. Central Committee chuan a hawn hun atan 12 August, 2015 (Nilaini) hi ni se tiin a rel a. A hawng turin Synod Moderator ruat a ni. He hun hmang tur hian kohhran tin a\angin mi pakhat kal ni sela, a kalna tur senso (mahni khua a\anga Women Centre) erawh chu mahni kohhran emawin intum tur a ni thung ang. 4. June 2015 chhunga Kohhran Hmeichhe ni pawimawh hetiang a ni: 1) Dt World Day of Prayer (WDP) 2) Dt Sual thupha chawi leh chaw nghei \awng\ai NGENNA AGAPE chanchinbu chhut man hi a chhutute hnenah thla tin pek nghal zel a ngai a. Chuvangin, kohhran tinten kum tawp nghak kher lovin, a hma thei anga office lama kan chhun luh theih chuan a lawmawm hle ang. Editorial Board

34 June 2015 t AGAPE t 34 DECLARATION 1. Title of newspaper :AGAPE 2. Language in which it is published :Mizo 3. Periodical of its publication :Monthly 4. Printer s name :Upa R. Lalmalsawma Nationality :Indian 5. Publisher name :Rev. Lalramliana Pachuau Wheather a citizen of India :Yes Address :Synod Office 6. Place of publication :Mission Veng, Aizawl 7. Editor s name :Lalfakmawii Address :Synod Office 8. Owner s name :AGAPE Association Where printing is conducted and premises on which :Synod Press the press in installed Mission Veng, Aizawl 9. Name & address of individual who owns the newspaper and partners or shareholder holding more than one percent of the total capital :Nil I, Rev. Lalramliana Pachuau, hereby declare that the particulars given above are true to the best of my knowledge and belief. Dated, Aizawl (REV. LALRAMLIANA PACHUAU) the 2 nd June, 2014 Signature of publisher

35 June 2015 t AGAPE t 35

36 June 2015 t AGAPE t 36