SAMPLE QUESTION PAPER 2020 EXAM SUBJECT : MIZO (098) CLASS : X Section A (Reading & Comprehension) 1. A hnuaia thu hi ngun takin chhiar la, zawhnate hi chhang ang che. Kan pi pute hun lai khan khaw kang emaw, in kang emaw a awmin a hre hmasa emaw, a hmu hmasa ber apiangin In a kang e tiin emaw, Ram a kang e tiin emaw thenawm khawveng hriat ngei turin an au nghal a. A hria apiang an tlan khawm nghal ruih ruih thin a ni. An theih ang tawka thelhin tuiuma tui awm an la khawm chiam a, nasa takin an theh a, in dangte a kan kai loh nan pawh thiah ngai ngaite an pawt thiat a. Bungraw chuh theih theihte an chuh a, an tha neih zawng zawngin tan an la thin a ni. In kang hi a rapthlak em avangin a kan tukah Lal leh Upaten, Kang Hrilh Ni hman tur tiin tumah ram an kal ngai lo a ni. Kang Hrilh Ni hian zu neiin zu an pu khawm a, Lal inah emaw an in a, an zai a, an lam a, in kang sun nan darkhuang an tum nileng thin a ni. Tin, khaw thenawm ten kangmei an tawh pawhin, sunpui nan Kang Hrilh hi an lo hmang ve a, awm ni khamin zu nen nilengin an zaiin an lam a, darkhuang an tum nileng thin a ni. In a kan tuk atangin tlawmngai an chhuak khawm a, in an saksak nghal thin a ni. A pa chhuakin, chhungkuaa mipa hna thawk thei zawng zawngte thawk chhuakin an sak zawh hma chuan ni tin an thawk chhuak mai thin a ni. Chumi bakah kut an dawhsak a, buhhum te, buhfai te, phurhhlan te, kawr te, puan sin tur te, mutbu te, bungbel te leh thildang an neih remchan ang ang an pek khawm chu an hlan thin a, thlawhhma lam hna thlengin an thawhsak thin a, kang tuarte tan a tangkai thin hle a ni. In a kanin emaw, khua a kanin emaw, lal leh upaten kang mei chhuah chhhan te chik takin an chhui a. Hun kal tawha kangmei an lo tawh tawh dan te chhui chhuakin, an mei hmanlai kha a tha tawh lo, a malsawm tawh lo emaw nia an hriat chuan, Kan mei a tha tawh lo a, mal a sawm tawh lo em a, mei thar i la ang u, an ti a, khawtlangah tlangau tirin an puang a, chumi niah mei thar lak vek tur tiin an puang a. An hun tiam ni a lo thlen chuan mei thar la tur chuan zawlbuk kawtah an lo pungkhawm a, mau ro tha takah mau ro bawk kha na tak, rang takin an nawt vak vaka, a lo lum a, a lo sa a, mei a lo insiam chhuak ta thin a ni. Mei thar an lak hian meitalh atanga mei lak chhuah pawh phal a ni lo. Phuai an mehah an chhem vam a, a lo alh a, awmtual an chheh khawm chu an hal ta a. In tinin an mei an leih mit vek a, an leih mih vek hnuah zawlbuk tuala awmtual an chhem atang chuan an chhi haw ta theuh thin a. Chutichuan mei thar an nei ta theuh va. Chutianga an tih chuan mei atanga malsawmna dawng zel tawh turah an inngai a, an thlamuang em em tawh thin a ni.
(1) Kan pi leh pute hun laia kang an awma an inhriattir dan kha han sawi teh. 2 (2) Kang Hrilh awmzia tawi fel deuhvin han hrilhfiah teh. 2 (3) Kang Hrilh Ni an hman dan tawi fel deuhvin han sawi teh. 2 (4) In kang an awm a an inpuih dan tlangpui han sawi teh. 2 (5) Mei thar an lak dan han sawi teh. 2 (6) In kang an awm a, an in saksak tur khan tute nge thawk chhuak thin? 2 (7) A hnuaia thu hmang hian sentence han siam teh. 1x3=3 (a) ruih ruih (b) thlawhhma (d) pungkhawm Section B (Grammar) 2. Heng tawng upate hi hrilhfiah rawh. 1x3=3 (a) uipui tuilian thlir (b) khuavang ri kham sa (c) thlasik mau puah 3. Hengte hi tawng upain engtin nge an sawi. 1x2=2 (a) Vawi engemaw zat lai tih tur, vawi khata tih zawh vek tuma fel lo taka thil tih sawina. (b) A tak hmuh tur awm si lova a thawm chauh hriat tur awm sawina. 4. A hnuaia thute hi a hmaa thu nen zawm hun leh zawm loh hun tilang turin sentence siamin han tarlang teh. 1x3=3 (a) buk (b) lam (c) thler
5. Heng sentence-a indicative mood-te hi subjunctive mood leh imperative mood-a thlakin han siam tha teh. 1x3=3 (a) Niminah Muani ka bia (b) I lehkhabu hi a chhia a nih hi. (c) Nau i pua a ni maw. 6. A Hnuaia thute hi a danglam dan sawi fiah la, a tichiang turin sentence siam bawk rawh. 2x2=4 (a) kawngka leh kawngkhar (b) thi leh hlum Section C (Composition) 7. Khawvel lo lum chho zelah hian a chhunga cheng mihringten mawhphurhna kan neih dan leh a ziaawm theih nana kan tih ve theih chungchanga nangmah leh i thian pakhat inbiakna, thumal 200 velin han ziak teh. 6 8. Hnam dang tawng thumal thenkhat, Mizo tawng ang maia kan hman tak a awm a, a chhan kawng thum kha sawi la. Kohhran huang chhunga kan hman tak, hnam dang tawng pali sawi bawk rawh. 3+2=5 9. I duh ber thupui hmangin essay, thumal 500 velin han ziak teh. 10 (a) Zirlaite leh Hriselna (b) Tlawmngaihna (c) Nu Hmangihna 10. A hnuaia thu hi ngun takin chhiar la, tawi kim deuh, hmun thuma thena hmun khat velin han ziak chhawng teh. 2x2=4 (a) Budhist puithiam ni tura inbuatsaih mek tlangval pahnih an awm a. An nun an ulukin invawn thianghlim an tum dun em em a. Abik takin nulat tlangvalna kawngah phei chuan an
fimkhur dun hle a. Hmeichhiate chu kut hmawr pawha khawih loh an tum tlat a ni. Ni khat chu an khual zinnaah ruah a sur nasa hle a. Kalkawngte chu a nalin kal pawh a harsat phah hle a ni. Hmun pakhat an thlen chuan nula pakhat hi kawng nal avangin kalsawn thei lovin a lo thu reng mai a. Puithiam pakhat zawk chuan, Lo kal rawh, tiin a pawm kang nawlh a, kawng thatna thlengin a pawm phei ta a. Puithiam pahnihte chu zanah an mu ta a. Pakhat chuan a thianpa hnenah, Unaupa, vawiin i thiltih dan kha a mak hle mai. Hmeichhia reng reng khawih miah loh kan tum thin kha maw le, a han ti a. A thianpa chuan, E khai! kha nula kha tun thlengin i lo pawmzui reng a ni maw! Kei chuan kawng nal chin chauh ka pawm a, kawng tha chinah khan ka hnutchhiah daih tawh asin, tiin a chhang ta hlauh a. (b) Alexander, kum tam tak chhung Siberia tan in hrehawm taka tang tawh chanchin hi kan hre kher awm lo ve. Dam khawchhuak tura a beihna atang mai ni lo, nun harsa tak a hmachhawn dan atang hian zir tur tam tak kan nei ang. Khawvela nun nawmna kan tih angte hi ani chuan a nei ve lo chauh pawh a ni lo va, a ni tin nuna a mamawh takngial pawh a nei ngai lo. The Prison Chronicle tih lehkhabuah ti hian a ziak. Vanduaina leh lungngaihnate hi hlau suh ula, hlimna leh nawmna te hi um hek suh u, thil thuhmun mai a ni si a. Khakna hi chatuanin a awm thei lo va, thil tui tak pawh hi no-ah a liam zawih zawih reng thei bik lo. Vawtin a hmeh khawng loh che a, riltam leh tuihala i let a nih ngawt loh chuan chu lo liam a awm chuang lo. I hnungzang ruh te a tliah loh a, i kein i duhna lam i pan theih a, i kut pahnih ten hna an thawh theih a, i mit pahnihte chuan Siamtu kutchhuakte an hmuh theih a, i bengin mi thusawi a hriat theih bawk chuan; engvangin nge rual i la awh cheu? Rual kan awhna leh mi dang kan thikna te hian keimahni min tichhe mai zawk a lo ni. I mit kha nuai fai la, i thinlung thian fai la, khawvel thil dang zawng ai hian nangmah hmangaihtu che hi han ngaihtuah chiang teh le, tiin Section D (Poetry) 11. I duh zawk hi a tobula chhuiin hrilhfiah rawh. 4 (a) Chhung tin vawng remtu ber chu Chunnemi, Chinlai, unau, thenrual leh mi tinrengte; Hmangaih leh thatnain a lo hip a, Chinlai unauten a thatna par kan tlan. (b) Kan thang, kan sang, nang belh erawh kan nuam ta lo, Tawnmang em ni, Valan cherbel a chawi leh ta; Ava pawi em nun hlui zawng kha, sul ang a her chhuak maw, Ka phang mang e thinlai chhum ang a zing tur hi.
12. Kawltu chawi nun iang chu zirlaite tih hi han sawi fiah teh. 2 13. Zikpuii pain, Lungrun ka riang nang tawnah, a tih chhan nia i hriat han sawi teh.2 14. Mizo tawng tluang pangngaiin dah rawh. 1x4=4 (a) Lawmin zuang nang, Adam hrai chawi. (b) Lei leh van rengin an dawl zo lo vang. (c) Damlai ni kawlah liam mah se, Ka nghak Kanaan khawpui chu. (d) Kar mah hla se ka ngai zual che. Section E (Prose) 15. Mizo hluia khawtlang nun dan tlangpui han sawi teh. 4 16. Mi tinin tihtur kan neih theuh chu sawi la, chu mi ti duh lo dinhmun chu sawi bawk rawh. 2 17. Zoram Indopui Pahnihnain eng angin nge Zoramah nghawng a neih han sawi teh. 2 18. Hun tha nei renga kan inchhal theih nan engtin nge hun kan hman ang? 2 19. Hengte hi hrilhfiah rawh. 1x3=3 (a) Napoleana n, France ramin a tlakchham ber chu nute, a tih kha. (b) In zirlaiin, Hruaitu eng a tih kha. (c) Chantawka lungawi tih ziaktuin Kristiante sakhaw lungphum a tih kha eng nge? ********************