August, 2014 1
August, 2014 2
August, 2014 3 Nghehna nun Rei lo te emaw kan tih chhungin kum chanve kan lo hmang zo leh ta reng mai! Pathian min hruainaah lawm thu i sawi ang u. Kum tirah member thar kan han inla a, phur takin rawngbawlna tur kawng hrang hrang kan rel a, kan project te tihlawhtling tura \anlak a ngaih hun lai takin \henkhatten hmun dangah eizawnna avang te, zirna avang tein min awm bosan a, a hmuna awm member \hahnemngai âwm tak takten an han ti\ha duh lo rawl \hin nen, tun ang hun hi \hahnemngai zual tak takten kum tina kan hmachhawpte tihhlawhtling tura theihtawp kan chhuah hun lai a ni. Ngaihsanawm, ropui leh awhawm ka tih em em \hin chu mi nun nghet te hi an ni. Tunlaiah mi tu pawh mai hi kan phur rei thei lo hle a, \ha âwm taka lang hian kan chhungril chu a nget ru hle. Pathian biak inkhawm hun kan neih hrang hrangte han en ila, member a\anga chhûta kan tlem takzia te hi..! Hengte hi a chhan ber nia lang chu rinna kawngah hian kan nghet lo a ni ber mai. Chhuanlam sepsel te te siamin ringtu kan nih anga kan tih tur tam tak kan ti lo va, kan inen chiana, taima lehzuala ke kan pen a \ul hle. Sik leh sa lo inthlakin fur a lo ni a, ruah sur chhuanlamin kan che chhuak peih lo va. Khua a lo vawt a; pawn chhuah a peihawm lo kan ti leh a, inkhawm turin khaw vawt kan su tlang peih leh lo \hin. A hnu lawkah khua a lum leh a, khaw lum chhuanlamin kan che leh peih lo va. Heng hun \hen hrang hrangte a inthlâk ang anga paltlanga, ti hram zel \hin mite hi a ni Krista tana ding nghet Nun nghet neitute chu. Kohhran nun nguai lutuk tihharh nan camping, campaign leh crusadete buatsaih \hin mah ila mi mal nunah nghehna nun tak tak kan neih \hin loh avangin rei lo teah kan nguai leh mai \hin. Kan ni tin nun dan \heuh hi han inbih chiang ila, Lal Isua hnung zuitu, Pathian thu awih tia chhal tlak niin miin min ngai ang em le? Tu pawh leilehnaa kut nghata hnung lam en chu, Pathian rama mi ni tlak a ni lo ve, a ti (Lk 9:62).
August, 2014 4 LALPA MIN DAHNA A LO TAWK RENG SI (Philippi 4:11-13) C.V.L. Chhanhima, Chanmari, Aizawl H ring nun hi han ngaihtuah chang hian, Pathianin ka tana a remruat dan leh min siam dan hi hriat thiam har ka ti \hin ngawt mai. Mite dinhmun leh ka dinhmun ka khaikhin chang hian namen lovin a inthlau si, kawng engkimah mite phak ve lohna leh rual awhna hian ka nun hi a tichau ngawih ngawih \hin. Eng vangin nge kei kher hi ka lo pian chhuah vea, Pathian pawh hian he khawvela cheng tur hian min lo siam ve reng reng ni le? Ka tan hian dam man a awm lo va; dam chhan ka neih pawh hi ka inhre hek lo. Harsatna leh hrehawm tuar tur reng bika duan ka nihna hi ka hre thiam thei lo va, ka lungawi thei hauh lo a ni. Mi tu pawh mai hi Pathianin a duh leh hmangaih taka a siam te vek kan ni an lo tih \hin rual hian, duhsak bik erawh a nei a ni ang tih turin dam chhung khawsakna tur mamawh sum leh paiah tlakchham nei hauh lovin mi sual ber berte pawh a siam a, a mak a makin hausaknain a vur thur thur a. Chutih lai karah kei erawh chu ka rethei em em reng a, mamawh duh ang zawng pawh nei ve zo lovin rualawt reng rengin damchhung ni hi ka hmang a ni ber a, chenna tur hmun nuam leh \ha, changkang, silhfen mawi leh \ha chu sawi loh; a chang phei chuan ei tur pawh ka tlachham \hin lo chauh a ni si a. Chu mai a la ni lo, natnate hian min la bawh buai fo \hin lehnghal a, mite ai ai hian ka bawrhsawm a nih hi tih turin ka dam lo zing leh ta nghal vei nen, chutah taksain a mamawh em em damdawi leina tur sum takngial pawh ka la nei zo lo zui si. Aw,
August, 2014 5 hringnun zet hi zawng a va hrehawm \hin tak em! Tlangval ve nafam chuan hmel duh zawngte pawh hmu vein, chu pawh retheihna vang bawkin dam chhung kawppui tur atan meuh chuan min iai leh si. Mi \henkhatte chu dam chhung khawsakna kawng engkimah pawh an buai lohzia chu thu hran, an thil tih te avanga mitte hriat hlawh chawimawi leh zah kai an ni a, chunghote tan chuan he khawvel zet hi chu a nuam a, dam man pawh a awm bik chiang a ni. Han hawi chhuak ila, mita ka hmuh leh benga ka hriat \hin te chuan ka dinhmun hniamzia leh retheihzia min hriat chhuahtir uar uar a. In leh lo \ha, changkang tak tak, mang lamah pawha la hmuh ngai loh ding khup te, tin, lirthei chi hrang tam tak insulpela inzui duah duah \hin te zingah hian ka ta tih tur pakhat tê mah a awm ve mawlh si lo, a va n hahthlak \hin tak em aw! Ka hringnun hniam bik \hinzia ka ngaihtuah hi chuan Pathian lakah pawh ka vuiin ka dem em em \hin a, a chang phei chuan a awm tak tak lo a ni ang ka ti rum rum fo \hin. Hetiang khawpa mite aia dinhmun chhiaa ka awm bikna chhan hi ka sual em vanga tuhrah seng ka ni bik hauh lo. Tih tak emah chuan kei aia sual rawng bawl nasa sate pawh an hmuingil zawk daih si, hei vang tak hian rilru hi a hah ngawih ngawih chang a awm \hin. Chu chuan nun hi a tihhlim theih loh chang a tam \hin. A chang phei chuan thih daih maite pawh min tichak rum rum \hin a; mahse, chung em em zawng tiin bei hi a van dawng \hin tak em! Chutiang reng renga hringnun hi ka lo hman \hin lai chuan Pathian khawngaihna chuan a hun takah a Thlarau thianghlim ka chungah rawn tirin, rethei leh pachhe bera awm nia ka lo inhriat \hinna avanga ka rilru hahna leh nun hial pawh ninga ka lo beidawn \hinna zawng zawngte chu min lak kiansak ta a. Ka la tawn ngai reng reng loh a thlamuanna mak tak mai chuan min
August, 2014 6 thuam ta...a nuamin a va hlimawm tawh tehlul em! Tunah zet chuan pachhe ber leh rethei ngawih ngawih bik nia ka lo inngaih \hin laiin kei aia rethei zawk, chenna hmun tur pawh nei lo chu thu hran, ei leh in tur pawh tlachham ngawih ngawiha kutdawhte hial ka hmuh meuh chuan ka lova hausa em! Bawrhsawm ber ber nia ka lo inhriat lai hian kei aia hrisel lo zawk, natna tuar nasa, a \hente phei chu khawvel thiamna hmanga tihdam theih loh te, vanduaina vanga ramtuileilo piangsualte an awmin, a \hente phei chu dam chhung zawng khuma mut ngai tawh te; tin, nunna chanin mi sang tam tak mual an lo liam tawh bawk. Chutih lai karah chuan kei chu nungdama la awmin, ka taksa bung hrang hrangten an thawh tur ang \heuhte an la thawk thei a, ei leh in tur pawh ka la ei in thei a, ka mit pawh siamtu ropuizia hmu turin a la fiah \ha tawk a, ka bengin ri pawh a la hre thei bawk. Ka duhna hmun min hruai thleng turin ka kut leh kete pawh a la chak \ha tawk a. Ka duh zawngte pawh sawi thei ka la ni leh zel a, mi vannei ka lo va ni chiang tak em! Hei aia malsawmna hlu hi a awm dawn em ni le? Tun dinhmunah hian khawvel lam a\anga thir leh mite min hmuh danah ka dinhmun a sang lo emaw, ropuina nei lem lo mah ila pawi tihna ka nei hauh tawh lo. Lo hausain emaw, neinung tak niin hmingthanna leh chawimawina pek lo ni ta ila ka rilru hi a chapo anga ka, in tiveiin, mite ngainat ka hlawh dawn si lo. Pathian lam pawh hawi lovin a ropuizia leh fak tlak a nihzia hi ka hre lo emaw a ni ang, chutiang zelin tun anga hring nun nuam leh hlimawm tak Pathian thlamuanna, rilru reng renga hriat sen loh hi ka chang kher lo vang. Chuvang chuan, Pathian hian ka tana \ha tur ang zelin rem fel takin min lo ruatsak a ni tih chiang takin ka hre ta, a va lawmawm em! A remruat danah hian vuina tur reng a lo awm lo ve. LALPA MIN DAHNA A LO TAWK RENG SI
August, 2014 7 Tunlai \halaite leh Lal Isua Rev. R. Lalthlengliana Hailakandi, Assam Tunlai Mizo \halaite hian eng thil nge kan buaipui ber, tih inzawt ta ila, kan chhanna a inang lo thluah mai thei. Kan kum a inan loh ang zelin kan thil buaipui pawh a dang thei hle awm e. Tunlai \halaite khawvel hman mek hi a nelawm lohin sual hian min thunun viau mai a. Thihna rapthlak tak tak, mahni intihhlum (suicide) te a lo hluar ta hle a. Mi thiamte chuan tunlai \halai (present generation)-te hi thil awm sa laka hel rilru pu an ni an ti a, a dikna chen pawh a awm thui viau awm e. A nuam, a tui, a nalh tih hian tunlai \halai duh zawng chu a fun kim hlein a lang. Tunlai \halaite nuna hmun luah thuk tak tak thil \henkhat kan chhui ang a, chung thilte chu Lal Isuan engtin nge a tih ang, tih lehm, Isua ni se a ti ang em, tih kan chhui dawn a ni. Tunlaiin grape wine hi \halaiten an in nasa hle niin a lang tlat mai a, grape a\anga siam a ni a, mi tam takin ruih nan an hmang a, pum \hat loh phah leh damdawi in luh phah te pawh an awm ta hial a. Grape wine hi \halaite tan in chi a ni em? Alcohol content pawh a sang deuh \hin a, Synod Inkhawmpui pawhin a lo chai tawh nghe nghe a ni. Wine chi ho reng reng hi a \hat leh \hat loh thuah inhnialna a nasa hle \hin a. Tunlaiin wine rau rauah pawh red wine fakna thu kan hmu tam hle a. French Paradox an tih \hin chu Frenchho hian cholesterol tamna chaw, cheese te, butter, etc. an ei nasa a, chu chuan lung \ha lo a thlen nasa thei \hin hle tih hriat a ni a, mahse French ho hian lung \ha lo an nei tlem hle tih a ni bawk si a, a
August, 2014 8 chhan nia an sawi chu red wine an in \hin vang a ni an ti. Alcohol content tel lovin red wine hi a \ha zawk a ni tih an lo hmu chhuak leh diam tawh lehnghal a. Dr. Jennifer R.C. Bell leh a \hiante, California University-a mite chuan research ngun taka an tih hnuah red wine hi alcohol awm lovin mihring tan a \ha zawk daih tih an hmu chhuak a. Hei hi thil lawmawm tak a ni. Tunlai \halaite nuna hmun chang lian deuh mai bawk chu nuam em ema nun tumna leh a hlim thei ang ber leh a nuam thei ang bera khawvel hman duhna rilru hi a ni. Tunlaiin \halaite dream world-ah kan cheng nasa hle mai a. Duhthusam rama chen chak leh tum kan pung a. USA-a Woodstock concert rura tak mai te kha, three days of rock, love and sex tih a ni tawp mai. Lal Isua ni se heng concert rura pui pui-ah te hian a kalin a lam vak vakin kan ring em? Lal Isua ni se a ti duh ang em? Generation X chinte hi chu mahni chiah inhmangaih, me, myself hrinte an ni tiin mi thiamte chuan an sawi. Nuam lutuk ringawta hun hman kan tum a. Nimahsela, kan thil dream ang zawng zawngte, tih leh neih kan duh kha real life-ah chuan a lo ni vek thei ta awzawng si lo va. Mihring nun reng rengah chuan thawhrim loh chuan a hlawhtlin theih loh va, mihring nun hi challenge a ni a, chu chu hre lo tan chuan mihring nun hi a hrehawmin a hahthlak em em a, hrehawm tawrh te, chhel taka hma lam pan luih te hi mihring nunin a thil ken pakhat a ni si a, chu tak mai chu tunlai \halaite hian an hmu fiah zo hauh lo a, chu chuan life is so boring ti \hin thalaite a hring chhuak hnem em em a, a tawpah chuan suicide a ni ta mai \hin. Lal Isua erawh chuan a pa Josefa thingrem siam a pui \hin a, taima takin hna a thawk a, a goal a hre chiang em em a, harsa chung chung pawhin chu a thil tum Chhandamna hna chu a thawk zo vek a ni. Nazareth thingtlang khuaah a lo seilian a, a pa Josefa nena an
August, 2014 9 thingrem siamte chu a mawiin a tlo a, miten an duh em em a ni an ti. Taima takin hna a thawk \hin a, amah a intodelh a, a nun kha entawn tlak a ni. Tunlai \halaite kan nun dan ang hian Lal Isua hi a nung ve duh ang em? halai thawh chhuah mumal nei lo leh tlem te hlawhin mobile phone kan nei leh kan chelek tam ta lutuk hian harsatna lian tak min siam ta mek. Mizoram Statistical Handbook 2010-a a lan dan chuan mi 6,21,417 zetin mobile phone an nei. 2001 census-ah chuan mi 8,88,573 Mizoramah kan awm a. Kum 2009, 31st March thleng khan Mizoramah mihring 10,98,827 kan awm tawh a. Mi heti zat lai maiin a mobile phone connection kan nei mai hian thawh chhuah nei mumal lo mi tam takin mobile phone connection an nei tih a tilang a. Hei hian eng nge a nghawng chhuah tur ni ta ang le? Mizoram economic survey 2010 2011 han bih ila, kan state economy drive-tu chu service sector-a mi mi tlem te thawh chhuah zu han ni a! Mipui tam berte eizawnna agriculture and allied sectora mite thawh chhuah erawh chu tlem te a ni thung! Chutih laia mi 6,21,417 zet maiin a mobile phone connection kan han nei maite hian thil kan chhut ngun lohzia te, kan thawh chhuah mil aia sanga nun duhna kan pu lian hle tih a tar lang. Kan Lal Isua erawh chu tlawm takin a nung a, Nazareth khuaah a vanglai nun a hmang zo va. A pa Josefa nena an thingrem siam chu a nalh a, a tlo va, miten an duh em em a ni. Rawngbawla a chhuah hnuah pawh Mihring Fapain lu nghahna a neih loh thu a sawi mai a. Thawmhnaw tlawm tak a inbel a; nimahsela, a nun chuan mite thinlungah thu a sawi \hin. Thawh chhuah nei mumal lova mobile phone connection neite hi Lal Isuan engtin tak ngai ang maw? Fashion Maniac, thawmhnaw leh incheina ringawt atchilh \halai kan tam ta leh tattoo kan uar hian \halaite
August, 2014 10 nunah harsatna min la siam dawn khawp. Tattoo nei chu Pro. Pastor atan lak tawh loh tur tiin kan Synod pawhin thu a passed ta hmiah mai. Hman laiin Egypt-ah leh Middle East ramah te tattoo hi an lo ching tawh \hin a. An sakhaw thil nena inzawm a ni a, chu vangin Pathian pawhin Israel faten an chin ve a phal hauh lo. Leviticus 19:28 ah Mitthi avangin in taksa in zai tur a ni lo va, in intitial (Put tattoo marks) tur a ni hek lo tih kan hmu. Infiam mi tattoo neite chu khawvel infiamna langsarah tel an phal tawh lo \an a. Sipaiah an duh tawh miah lo. Zirna in \haah reng reng tattoo nei chu an admit duh tawh lo bawk. Tunlaiin laser hmangtea tihreh theih angin sawi bawk mah sela, a reh fel \hak thei miah lo. A hnuhma hmuh theihin a la awm zel tho \hin. Pathian thuin a khap, Pathian huat zawng tak tattoo chhut hi Lal Isuan a ti ve duh ang em le? Lal Isua chuan mite tan a nun a hlan a, krawsah kan tan tuarin a thisen a luang a, a thisenin min tlan a. Mite tana malsawmna kan nih ve theihna tur chu a mamawhte tana thisen pek hi \halaite tan chuan a ni a. Nimahsela, tattoo nei te chuan ram changkangah chuan thisen an pe thei tawh hauh lo va, an thisen kha thisen thianghlimah an ngai lo hmiah mai a ni. Khawvela football star lar Christiano Ronaldo hian a taksaah Tattoo a chhu duh miah lo va, a chhan an zawh chuan, Ka taksaa tattoo ka chhut chuan mite thisen ka pe thei dawn lo va, chuvangin ka chhu duh lo a ni a ti mai a ni. Kan nun kan inenlet fona tur leh kan inbih chian \hinna tur chu Lal Isua zel hi a ni tih \halaite hian i hre thar leh teh ang u. Celebrities chu mi chuan a ti, chu mi chuan a nei tih lam hi kan in chhûtna tur a ni hauh lo. He ka thil tih leh ka thil chin \hin hi Lal Isua ni se a ti ve duh ang em? tih i chhut \hin teh ang u Ruk hmangte emaw, mi duhamte emaw, zu ruih hmangte emaw, mi hau hmangte emaw, hlep rute emawin Pathian ram an luah lo vang (1 Kor 6:10).
August, 2014 11 NEICCYA 15 th Biennial Conference-cum-Seminar Report V. Lalrinmawia, Committee Member NEICCYA (North East India Christian Council Youth Assembly) Biennial Conference vawi 15-na chu June 12-15, 2014 chhung khan Evangelical Church of Maraland, Vengpui Kohhran, Saihaah nghah a ni a. Conference-ah hian Seminar on Human Trafficking neih a ni bawk a, a telte tan a hlawk ngei mai. NEICCYA 15 th Biennial Conference-a telte NEICCYA-ah hian India hmarchhaka Protestant Kohhran hrang hrang leh Para Church 44 lai kan inzawm khawm a [Affiliate unit 35 + Associate members (Para Church) 9]; K P (Mizo Synod) chu unit lian ber kan ni. Conference hi kum hnih danah neih \hin a ni a; kumin hi a \um 15-na niin, NEICC-in kum tina Assembly an neih chu kumin a\anga kum hnih dana neih a nih tawh avangin a hnuaia NEICCYA leh NEICCWA te chu NEICC Assembly neih loh kuma Conference nei tawh tura ruahmanna a siam avangin NEICCYA chuan nakum 2015 hian Conference a nei leh dawn a ni. Tun \um Conference-ah hian NEICCYA unit 14 a\angin rorel palai 208 an kal a, Inkhawmpui palai hmun dang a\anga lo kal chu 260 vel an ni. Central K P a\angin palai 34 kan kal thei a, CK P Committee a\angin Dr. Lalliansanga, Asst. Secretary (NEICCYA Secretary ni bawk), Tv. R. Lalramnghaka (Fin. Secretary), Pu C. Laldingliana, Pu Ngurhmingliana, Pu K. Lalruatpuia, Pu Lalchhuanliana, Pu P.C. Biakmuanpuia, Pu Zonunsanga Ralte leh Pu V. Lalrinmawia, te an kal a, Bial aiawh palai T. Upa Vanlaltlana (N. Hlimen Bial), Pu F. Airengpuia (N. Vanlaiphai Bial), Pu Frederick Malsawmzuala (Leitan Bial), Pu Zosiamliana (ITI Veng Bial), Pu C.
August, 2014 12 Lalchhuansanga ( huampui Bial), T. Upa Lalzarmawia (Ramthar Bial), Nl. Lalrinchhani Ralte (Electric Bial), Tv. Joseph Lalfelfamkima (Ramhlun North Bial) leh Pu Khawlliana (Vanzau Bial) te kalin; Saiha Bial a\angin Rorel Inkhawmah hian palai 17 an tel bawk a ni. Seminar leh Rorel Inkhawm February 13, 2014 (Zirtawpni) nileng khan NEICCYA leh NEICCWA \angkawpa buatsaih Seminar on Human Trafficking chu neih a ni a, kumin K P General Conference-a kan rorel zinga mi a nih avangin K P aiawha telte pawhin kan tuipui lehzual emaw ni chu aw, a tih theih. Seminar hi NEICCWA President Pi Lalrinkimin kaihruaiin Resource Person Jimmy Laltlanmawia, CHAN inbuatsaihna a \ha bawk a, rah \ha a chhuah ngei a beiseiawm hle. June 14, 2014 (Inrinni) chawhma lamah Unit hrang hrang rawngbawlna report kan ngaithla a, chawhnu lamah rorelna hun (Business hours) neih a ni a, 2014-2015 atana NEICCYA budget pawh pawm a niin, budget pum pui ` 2,63,000 a\angin K P chuan ` 24,000 kan tum tur a ni a, hei hi pek tlak nghal a ni nghe nghe a ni. Kum 2015 NEICCYA Conference chu SAYin Aizawla thleng tura rawt a ni. Seminar leh Rorel Inkhawm neih ni hian a thlengtu, ECM Vengpui Kohhran chuan Palaite tan ruai an buatsaih a, kan tlai hle. Conference thupui leh Zaipawl Conference thupui hi Oneness in Christ (Jn 17:20-21) a ni a, thupui hi Pathianni chawhma, chawhnu leh zanah te Speaker hrang hrang hnen a\angin ngaihthlak a ni a, Pathianni Chawhnu Inkhawmah Upa Dr. Samuel Vanlalthlanga (CK P Asst. Leader & NEICCYA President kal chhuak) chuan Oneness in Christ Social Evangelism tih chu nung leh ngaihnawm takin a sawi a; hetiang chanvo K Pin kan nei thei hi a lawmawm hle. Conference chhung hian Zaipawl hrang hrang Nagaland Baptist Christian Council, KJP Synod Sepngi, KJP Synod Mihngi, BCM Choir, SAY Songsters, Saiha Bial Zaipawl, EFCI, ECM, LIKBK, etc. an zai
August, 2014 13 bakah mi mal zai eng emaw zat ngaihthlak a niin, a ngaihnawmin beng a fah a, \awng chi hrang hranga Pathian an fakna ngaihthlak a manhlain rilru a khawih hle. Conferenceah hian Mizoram Synod Choirte tel ngei tura beisei an nih laiin (Conference hun pawh hi an remchan hun mila ruahman a ni nghe nghe) Wales rama rawngbawlna an neih tur chungchangah hmanhmawh thlak taka Conference hun lai hian Kolkata-a an kal a ngaih tak thut avangin an remchang thei ta lo hlauh mai a; hei hian kan hruaitute ngaihtuahna a tihbuai viau laiin hun tepter tawh takah Saiha Bial Zaipawlte an han dawr a, anni an lo remchang thei hlauh mai a; \um thum lai mai Zaipawl an han nei thei ta te kha a ropuiin, tlai ngai lo Pathian hian ruahmanna a lo neih felzia kan hmu a ni. Hei mai bakah hian Zirtawp (13.06.2014) zan cultural programme-ah Central K P aiawhin Saiha Bial K P chuan Cheraw kânin kan unit ai an awh leh a, programme tihlutu leh tihlawhtlingtu an ni a, an chhuanawmin hnam dang unaute pawhin an ngaihlu tak zet a ni. Pathianni zanah Pathian Biak Inkhawm \ha tak maiin kan nei a, zan dar 7:00-a Inkhawm kan \an chu dar 10:00 pelhah kan bang thei hrâm a; Inkhawm hun chhung rei viau mah se, a khamawm loh hle. Inkhawm banah hian Biak In bula kan innghahna leh K P a\anga palaiten inpui bera kan neih, Tv. Zosangpuia (Branch Manager, MRB, Vengpui Br.)-in luahah Saiha Bial Zaipawlte nen lut khawmin lawm thu sawina te kan nei a. Palai, Aizawl pawn a\anga kalte kan awm bawk avangin a tuk zinga haw lova, zan lai pelha chhuah mai \haa kan hruaituten an hriat avangin Tv. Mapuia inah chuan kan innghak khawm ta a. Mahse, ruah sur avangin Kawlchaw leh Zero inkarah lei tawlhin kawng a dan avangin kan chhuak thei ta lo va, Mapuia inah hian kan nghak tlaivar ta a, ei leh inte min ngaihtuahsak a, Thawh\an zing dar 4:45-ah chhuakin Aizawl zan dar 8:00 velah kan lut leh ta a, mahni rawngbawlna \heuh chhunzawm turin NEICCYA 15 th Biennial Conference chu kan mang\ha ta a ni
August, 2014 14 DAMNA THUZIAK P.C. Vanneia Chhingchhip D amna inkhawm tih pawh ni hlei lo tiin i lo ngaihtuah a ni mahna. Nia, damna inkhawm te chu kan hre lar tawh viau hlawm a. Chu inkhawmah chuan serh hran miten aiawh palai hna thawkin damlote tan rawngbawlna an nei \hin. Mi tam takten tisa leh thlarauah damna an chang a, an va lawmpuiawm em. Khawvela natna hrehawm tuar reng renga rum te, doctor rualte pawh an beidawn vek tawhna ruama \hu te, a thihpui ngei tawh dawn a nih hi tia \henawm khawvengte pawhin an lo thlir \hup tawhten damna an han chan phei hi chuan; a lawmawm dangdai bikin, Pathian ropuizia hi a lo lang thar leh ut ut \hin. Chu damna inkhawm chu mi zawng zawngin kan chhim vek thei loh avangin, damna thuziak tiin Krista tihdamna duh zawng zawngten damna chawhlui kan kil tlang dawn a ni. He thuziak lo chhiartu zawng zawngte tan damna lo ni mawlh rawh se. Phar mah a tidam a Hmakhawsang mi, Thuthlung Hlui zin kawng zawhtute kha chuan phar natna kha an hlauh ber a ni a. Tihdamna reng reng a awm lo niin an ngai. An \ih a, vangtlang zing ata an hnawl a, khaw pawnah an dah khawm mai \hin; phar natna vei tawh chu an khawvel hi a tawp vawng vawng a ni ber. Vawi khat chu Zawlnei Pu Elisa len lai niah khan, Suria lal, sipai hotu, Pu Namana chuan phar a vei ve ta tlat mai le. Sipai lal pawh ni raw sek sek, miin a phar a ni tih an hriat hun hun chu daipawna an dah hun tur chu a ni mai. Vanneih thil thuah a chhiahhlawh Israel hmeichhe naupang chuan a pu phar a lo hmuh chuan Israel rama Zawlnei Elisa pan turin thu a
August, 2014 15 rawn ta. Tichuan, an zuk kal ta a, Zawlnei chuan Jordan luiah vawi sarih va inhnim turin a ti a. Israel lui zawng zawnga \awp ber chu Namana damna tura ruat a lo ni. Dam thei lova an ngaih a pharna vun te chu nausen pangti anga noin a lo thianghlim ta. A va ropui em ve aw! Tin, he tui hi hre reng langin mi dang pawh hrittir ve rawh; mi tu pawhin a in chuanin a dam ngei ang tih hrilh la. Anih HIV/Aids veite an dam thei em? A hun lai mil zelin phar natna leh HIV/Aids natna te hi a va intluk thei mai awm ve. Khawvel hian a thinhrik a, a damna reng an la hmu chhuak lo. A veite tuarna pawh a rapthlak a, inpuang ngam si lo, a ruk a Pu Namana n phar a vei anga kun tlawk tlawk an va tam em. A nih leh chung mite chu an dam thei ang em le. Dam thei teh meuh mai le. He thangtharte khawvel, finna leh changkanna sang tak kara Isua thiltihtheihna an hnawla an sawi hnâwm lai hian; chu thiltihtheihna chu a hmang duh apiang tan damna a la ni. Pu Namana damna tura Jordan lui \awp lutuk a tawk reng ang khan, HIV/Aids natna tuarte tan hian Kalvari tlang, mi sual \awphnawk thihna hmuna Van Lal Fapa Isua Krista thisen baw zo vek kha he leilungah hian a la thamral lo va. Chu thisen thiltihtheihna ring ngamtu apiangte chu an dam ngei ngei ang. Isuan a rawngbawlna zin kawng a zawh lai khan phar natna vei pakhatin a lo phar ding a. I duh chuan min tithianghlim thei e a lo ti tawl mai. Isuan, Ka duh e, lo thianghlim tawh ang che a ti. Chawp leh chilhin a lo thianghlim a, a proof nan puithiam hnenah va in-checkup rawh a ti. Unau duh tak, Krista thisen thiltihtheihna i rin avanga he natna a\anga i lo dam a nih pawhin, i thisen pawh test nawntir leh rawh, i damna thu puanin a lo awm ang. Lalpa chu fakin awm rawh se. Hetah hian nunna tui a luang, Kalvari-a lo chhuak chu; Mi tam tak tihdam nan a luang; tu pawh a in duh zawng chu...
August, 2014 16 Khawvelin dam thei tawh lova an ngaih hi Kalvari thisen hian tihdam a la chak reng asin. Kan pan ngam dawn em? Cancer-te an dam ve ang em? Ka lung tileng \hintu pakhat chu Bethesda tui phul nghaka damlo pakhat, riah chilh meuhva châng ve \hintu hi a ni. He dil hian phul chang a nei a ni awm e, a phul changa lo inchiah hman damlote chu an dam \hin a. He damlopa hian beisei ve em em mah se, zuk chiahtu, hnimtu a nei ve miau si lo. Ama \awngkam takin, Mi dangin min kal khalh zel \hin a ti. A beidawn tawpah Isua leng vak a tawng fuh ta nawlh mai. Ni e, a lainatawm em mai, tidam mawlh teh se. A mihring theihna leh beiseina zawng zawng a bo vek tawh laia Isua a n tawng fuh hi a va lawm dawn em. Ani, damna inchuh reng renga kan inhnimsiakna khawvel tui phûlah hian damna kan chang ve lo a ni mahna le. Khawvel Hospital \ha leh khawl ropuite hian damna min thlen zo ve lo a ni mahna. Beidawng em emin lei hringnun zin kawng hi kan chhiar kauh kauh tawh em ni le. Hlimna te chu lungngaihna chhum dumten a khuh chuk a. Nuih ni hmel hmu leh tawh lo turah i inngai em ni? Lungngai mah ta che. Isua lam saw han hawi teh le. A thisen luang hnam tin damnaah sawn i natna chu kalpui ve la, a hmel saw en teh Damna a awm asin. Tu pawh ka hnena lo kal chu ka hnawt chhuak tawp lo vang a ti. I sualna leh natna nen khan a hnenah chuan thinlung hlanin i pan ngam zawk em le. Nangma inpekna leh innghah ngamnaah i damna chu a awm e. Thihna thlan thim pawhin a chelh din zawh loh khan i natna te kha chu a tidam duh asin. Natna dangte pawh? Nia, natna dang veitu zawng zawngte pawh lo kal rawh u. Taksa peng hrang hrang, chhung lam leh pawn lama natna nei zawng zawngte pawh lo kal ula.
August, 2014 17 Rilru na leh hliam te pawh a bo a bang awm lovin he Kristaa damna hi rawn chhim ve teh u. Chhungkua, sualin a hliam mek te, zan thim leh khaw eng huphurh reng renga thlira indawm kun \hin te pawh he damna ruai kil tur hian sawm kan ni. Ngawl veina, zu, damdawi leh mipat hmeichhiatna sala tangte pawh damna hmanga chhuah zalen in ni tawh ang. Eden bawhchhiatna avanga sual ser kai dum zawng zawng hi Kalvari-a Beramno thisen hian a su fai hnehsawh khawp mai. Ka mitthlaa cham reng chu Ben Hur film kha a ni. Film mai mai mah ni se Isua thisen thiltihtheihna a tar lang chiang hlein ka hria. Ben Hur (a chang tupa) nu leh a farnu te chu phar natnain a bawm khat vek tawh a. An nu\apa neih chhun Ben Hur lah chuan Isua an kheng bet tur chu Kalvari tlang kawng tluanin a zui duh bawk si. Anni nufa phar rethei tak chu Kalvari tlang hnuai kham puk karah an lo tawm a. Khatia Isua a hnuk an chaha, van a lo thima, lirte a nghina, ruahpui namen lohvin sura an rawn sûn lai khan; Isua thisen chu tuihawk chuan a lên sen phut mai a, phar nufate tawmna pukah chuan a luang lut ta hlawl mai. Nufa khawngaihthlak tak chu tuihawk leh thisen inpawlh chuan a fara a tih huhna chin apiang chu an phar a lo dam ta zel mai a. An inen a, an lawm lutuk chu an inkuah a, lawm avangin an \ap ta hawm hawm mai. Unau duh tak, natna leh tawrhna puk thim chhungah pawh hian Isua thisen hian min luh chhuah vek hi a duh a. Thim chu a kiang ang, khua a la var ang; Pathian hmel duhawm chu a lo eng ngei dawn e. I taksa chatuan daih lo tura siam khan he seol-natna hi lo do zo lo mah sela, He ka taksa chak lo tak hian natnate tawk mah se, chu thisen hlua ka chawlh chuan thlamuangin ka thi ang, tiin lawm takin thihna thlan ko chu i hmuak tho tho vang
August, 2014 18 HALAITE "LALPA HMAAH I DING ANG U" P athian B. Lalzawmliana, Republic Vengthlang Br. thil siamte hi amaha awma sual ngawt a awm lo, mihringte chauh lo chu. A chhan chu a chhia leh a \ha hriatna neia siam kan ni. Chemte hi mi vih hlumna atan an hmang fo, mahse chemte kha amahin a sual lo va, hmanraw \angkai tak kha a hmangtuin a hman dik loh chuan pawi khawihna thlentu a lo ni thei ta zawk ang hian, ZU hi amahin sual a ni lo va, chhia leh \ha hriatna nei a ni lo va, thil nung pawh a ni lo. Amaherawhchu, a siamtuin a siam dan leh a siam chhan a pawimawh hmasa ber a, a dawt lehah chuan a hmangtuin a hman dan a dik loh chuan sualna hmanrua, mihringte nun tichhetu, taksa mai bakah thlarau nun thlenga tihlum thei sualna hmanrua leh mihring nun ei chhetu a lo ni thei ta zawk a ni. Zu hi a \ha zawnga hman dan leh hman \hat dan erawh chu ngaihtuah chawp fe ngai khawpa sawi tur vang a ni ngei ang. Zu chu eng nge ni? Zu siam dan te, mihring taksaa hna a thawh dan zawngte leh zu chi hrang hrangte chanchin sawi dawn ila sawi sen a ni lo vang. Tin, hnam hrang hrangin zu an neih pawh a inang lo vang. A pawimawh lai ber chu zu hi han ina, mihring taksa leh ngaihtuahna tidanglama, min tirui thei a ni a, Pathianin a chhia leh a \ha hriatna nei tura ngaihtuahna fim min pek tibuai thei a ni. Tin, miin zu a in tam tawh hnu chuan a lova awm harsa tihna a thlen a, a taksa a tihchhiatsakin a thlarau pawh seol-ah a hruai lut \hin. Chutiang khawpa taksa leh thisen luhchilha, thlarau nun boralna thlen thei chu zu hi a ni. Kan ram leh khawtlang nunah hian zu in leh ruih hian nghawng a nei em? Khawvela mihringte hi ram hrang hrangah hnam
August, 2014 19 hrang te te-a awm khawm kan ni a, kan pianna leh chenna leilung leh kan hnathawh mila nunphung hrang \heuh nei kan niin inmamawh tawn \heuha nung tura Pathian relsakte kan ni. Chuvangin, kan chenna khawtlang nunphung azir zelin kan khawtlang tana \ha lo - social evils hi a danglamin a hrang thei a. Mizo khawtlang nunah chuan zu hi kan khawtlang nun hona atana thil \ha lo thlentu - socials evil a ni. Chutiang bawkin chhungkaw tana \ha lo - Family evil a ni a, tin, mi mal nun ti chhe vek theitu - personal evil a ni. A chhan chu Mizo-te zinga zu in \hin tam berte zu in chhan chu ruih duh vang a nih miau vang a ni. Zu avanga nupa nun buai, zu avanga chhungkaw buai, zu avanga thi, zu avanga hnathawk \ha thei lo, zu avanga khawtlang buaina, zu avanga nih tur ang ni pha lo, zu avanga tualthahna, zu avanga chhungkaw tlaran, zu avanga nun chhe ta, zu avanga fahrah, zu in \hin avanga siamtu leh chhandamtu Pathian pawh thei lo hi kan ramah kum rei lo te liam ta chhung hian kan va hmu hnem ta em! Hetih lai hian, Mizo khawtlang nun leh chhungkua-ah hian zu in leh ruih hian a \ha zawnga nghawng a neih hria kan awm em le? Zu in leh kan rinna thu Mizo Kristian-te zingah zu in \hinin a chhandamtu Lal Isua tana nun duha a pianthar chuan a zu in a bansan \hin. Hei hian thu tam sawi ngai lovin min ngaihtuah zuitir thei ang. Mihring taksa tidanglama ngaihtuahna fim tibuai thei zu in \hin leh a zu in-in a a taksa leh a rilru a thawhtir \hin dan hi Kristian rinna nen a inmil thei lo va, chuvang chuan, Lalpa Kohhrante chuan zu in hi Lal Isua hnung zui tumna nena inmil thei lovah kan ngai a, chu chu a dik a ni. Zu khap leh zalêntir duhna chungchang Mizoram-ah hetiang khawpa zu-in kan \halaiteah te, chhungkaw pa-ah te leh khawtlangah te rah \ha lo a chhuah takah chuan kohhran-
August, 2014 20 hoten mipuite nun (moral) tlahniam zel tur leh an thlarau nun boral zel tur chhan chhuak turin sawrkarah ngenna siama hma a lakna zarah sawrkar pawhin a \ha tiin kum 17 lai mai a khapna dan kan lo hmang ta a. He dan kan hman hi a tlangpui thu-a thlir chuan a \ha thlawt a, chhungkua leh khawtlanga a rah lo lang hi kan hmuh hmaih lo vang. Hetih rual hian dan lek kawhna kawngah kan ram dinhmun a hniam avangin a hlawhtlinna tam tak kan hmuh rualin a hlawhtlin lohna lai hmuh tur pawh a awm. A hlawhtlin loh chhan hi zu in a lo \hat tak vang ni lovin, kan khawtlang leh chhungkua, mi mal nun tana dan lekkawhna kawngah kan duh leh beisei ang kan hmuh loh vang a ni. Dan kengkawhtuten chak takin han keng kawh sela chuan he zu khapna dan hi kan ram leh hnam tan a va \ha lehzual dawn tehlul em. Dan lekkawhtuten beisei anga zu khapna dan an lekkawh zawh loh chhuanlamin zalen taka zu in duhten chhuanlam hrang hrang siamin zu zalêntir an chakna an pholang nasa em em a. Kawng tam taka a hlawhtlinna hmu duh lova, a hlawhtlin lohna lai changa, changchawia, zalen taka zu in duhte lo au chhuak hian zu in hi a \ha ta tih lantirna pakhat mah a nei lo. Inhnial fiamna a\ang te, mi thuziak a\ang te leh thusawi a\ang tea zu zalêntir duhtute \anfung hrang hrang han la chhuak ve ta ila - 1. Kan ram pachhe ve tak hian sum lak luhna hnar \ha tak zu a\angin a nei dawn a ni! 2. Zu khap vangin zu \ha lo a pung a, miin an chhiatpui zawk! 3. Zu khapna dan hian dan zahawm lohna a hring a, kan zawm tak tak theih loh dan neih ai chuan zu hi khap lohva, control mai a \ha! 4. Zu hi khap ai chuan zu in thiam inzirtira, control chunga tihzalen a \ha! 5. Drugs hluar lutuk tihrem nan. 6. Isua pawhin a tipung a; Bible pawhin zu a khap lo! Kan ram riangte hian zu chhiah avanga kan sum
August, 2014 21 indaih lohna a phuhruk thei dawn em aw? Kan sum lak luh a lo pung thei dawna kan hria hi a dik. Nimahsela, chhungkaw tam tak budget tibuaitu a nih tho si chuan kan socio economy-in a hlawkpui dawn chuang lo. Chhungkaw tina kan sum lak luh dan han chhut ila, chhungkaw pain emaw, \halaiin emaw zu \ha control chunga a leia, a in a in chuan eng angin nge an chhungkaw economy-in a tuar dawn tih hi chhut hmasak a \ul. Ramin tlem azawnga a hlawkna a lo tel laiin chhungkaw nu leh pa leh an fate rum tur hi kan ngaingam dawn em ni? Keini Kristian \halaite chuan mihring nun leh thlarau tiboral thei zu avanga hlawk ai chuan a tel lova retheih pawh kan huam dawn lawm ni? "Ni tin kan eikhawp min pe ang che" tia kan dil \hin kan Pathian hian min thlahthlam dawn lo. Zu hi khap tak tak theih loh nia hriat avanga zu zalentir duhtute hi a tam zawk chu zalen taka zu in duh an ni chawk. Hetianga ram leh hnam hmangaih ni awm taka au chhuak \hinte hi kan ram leh hnam \hatna tura zu khaptute leh khawtlang \hatna tura beitu NGO-te tha tichaka, khapna dan tichak tura beitute an ni ngai lo. A \ha hria, mahse, a \ha chu miin an zawm theih dawn loh chuan "a \ha lo pawh tizalen ila" tih duhtu an ni. Dan kan siam hi a siamtute leh a zawmtu turten kan palzut nasat chuan dan zahawmna a tibo va, chu chuan dan hnuaia leng mipuiteah nungchang leh rilru put hmang dik lo nasa takin a thlentir thei. Dan humhalh tura ke pen chhuak emaw, au chhuak emaw si lova a chhiatna lai behchhana, duh thala tal duh mi kan ramah hian an lo tam ta, hei hi Kristiante tih tur a ni em? Thil \ha lo titute avanga intilungngai lo tur leh fel lo taka tite awt lo tura Pathian thu-in min zirtir lai hian, thil \ha lo titute avanga, a \ha lo dang pawh piang ve mai zawk rawh se ti duh khawpa awhna leh thikna rilru pu kan tam ta em ni? (Sept.-ah chhunzawmna...)
August, 2014 22 DIAMOND JUBILEE KAN THLENG VE TA! R. Lalremmawia, Leader, Lungdai Branch Kristian-ten a hnung kan zui, Lal Isuan Khawvel zawng zawngah kal ula, Chanchin ha hi hril rawh u a tih thu ngai pawimawha a taka rawngbawl \hin, ram Chanchin ha puangtuten lu chhum, ban chhum pawh huama Zoram thim chhah mup mai tieng tura Chanchin ha meichher, Zosap mi hrat khawkheng te kal tlanga Pathianin a rawn chhit en takah chuan pawl thianghlim leh huapzo KOHHRAN chu kan ramah a lo piang ta a. Kum 1953 Nov, 27 zan a lo thlen chuan Aizawl khawpuia mi pawimawh tak takte leh thingtlang lama sikul zirtirtute inhmukhawm chuan ngaihtuahna fing leh fim tak hmangin Kohhran kutke leh a thahrui tichak tur atan mumal deuh zawka suih khawma, Krista rawngbawl tura mawhphurhna hriat chiantir lehzual a lo nih theih nan Rev. O.W. Owens-a hovin Pawl an din ta a. K..P. kan tih hi a lo piang ta a ni. A hming hi K P dintute zinga Asst. Leader hmasa ber leh Kraun hlu ber chu ka ta ni se tih phuahtu Upa Lalthankima phuah a ni nghe nghe. Lalpa Chanchin ha puangtuten chhandamna thu an tlangaupui avanga Chanchin ha thlipui tleh fawn hlup hlup chuan Zoram dung leh vang a tuam a, harhna a lo thleng zel bawk a. Chu harhna chhumpui chuan ka pianna leh ka seilenna tlang, Lungdai khua pawh chu a tuam bang bik lo. Chutih hun laia khaw lal leh dintu Pi Khûmi chu Kristian hmasa a lo nih ve hlauh avangin ama hovin kum 1908 khan Lungdai khuaah Kohhran an lo din ta a ni. Tichuan, hun a lo inher liam zel a, kum 1954 a lo inher chhuah meuh chuan ram rorelna siksawi danglam a lo ni ta a, lal rorelna pawh Village Council kutah hlan niin Chanchin ha lo thlen avanga a irh chhuah Lungdai Kohhranah chuan Kohhran kutke ber ni turin August Ni 29, 1954-ah K P Lungdai
August, 2014 23 Branch pawh din a lo ni ta a ni. A tuk maiah Central zawmna Re. 1 leh Conference fee Rs. 8 pek nghal a ni a, General Conference palai pawh intirh nghal a ni bawk. An din tirh leh tun inkarah hian sawi tur tam tak a awm a, mahse kan sawi seng lo vang. Pathian awmpuina leh kaihhruainain mi Branch te tih ang ti ve thei zelin hun hman a ni zel a, kum 2004 khan ropui taka GOLDEN Jubilee pawh hman a lo ni tawh a ni. Finna leh thiamna sang zel karah he khawvel hian a fing leh â, a thiam leh thiam lo te rualkhai taka min tuamin ke min pen rualtir zel a. Kohhran, Pawl hrang hrang, Political Party etc. te pawh khawvel hmasawnnain ke a pen rualin a pen ve zel. Chutiang khawvela awm leh rawngbawl kan nih miau avangin K P te pawhin hmasawnna rahbi rapin changkang takin kan kal mek a. Hmana rawngbawl dan chi khat chauh kan hriat kha tunah chuan chi hrang hrangin rawng kan bawl ta zel a ni. Mihring leh hmanrua a changkang a, rawngbawlna pawh a awlsam a, nasa tak hmuh theihin kan \hang ti ila kan sawi sual awm lo ve. Rorel dan te, inkaihhruaina dan te pawh tunhmaa mi tam tak la kalpui zel mah ila a danglam chho hret hret zel ta niin a lang a. HARHNA ni se Pathianin min ensan lo tih hriat takin kan chang chho thei reng bawk a. Kan chan dan erawh a inchen vek lo. A tak leh a lem te chu lo \o za pawh ni se, a tehtu tur Pathian a ni, kan teh phak a awm lo ve. Eng pawh ni se, he Chanchin ha hian tisa thilah leh thlarau lamah hma min sawntir ti ila a khai kim ber awm e. Kan Branch pawhin rawngbawlna zau zawk leh nghet zawk neih zel tumin kan phak ang tawkin hma kan la chho zel a, hun lo kal zelin kum 2014 a lo inher chhuah meuh chuan K P din champhaphak vawi 60-na (Diamond Jubilee) kan lo thleng ta reng mai. Hengte hi Pathian vang chauha thleng thei kan ni a. A va lawmawm em! Ti hian ka ngaihtuah a, ka n chhût lêt vang vang hian kan hruaitu hmasate thawh rah, thawh chhuah a ni ka ti lo thei lo, he kum 60-na lo thlen hun turte hi an
August, 2014 24 ngaihtuah thleng ve ngei ang a, an fate leh an tûten hlim taka an hman dan turte an suangtuah ngei ang. Buaina leh harsatna kara thlahthlam lo leh thlahdah miah lova rinawm taka rawngbawlna fung an lo chelh fan fanna leh K P an lo phatsan miah lohna te khan tun kum 60-na hi min hruai thleng a. Kum 60-na lawm thei turin an tû leh fâte min lo siam reng mai a lo ni. An va ngaihsanawm em! Taihmakna leh tum ruhna, rinawmna leh inngaihtlawmna ke hniak mawi tak mai min hnutchhiah a, Chu ke hniak mawi tak mai min rochunah chuan an tû leh fâte hlim takin kan kal thei a, rawng kan bawl thei a, an kuhmumah kan lo pâr chhuak ta a ni. Chumi ngaihtuah thleng tur leh mi te hlimna tur ngaihtuah tur hian an thawh hona a va \ha dawn em! Pathian rawng hi an lo va bawl bik em! Itsîkna, innghirnghona, inrelna leh intihmualphona an ngaihtuahnaah hian a awm ngai lo tih a hriat chian hlein ka hria. Heng vangte hian a kum 60- na hi tluang taka thleng leh hmang theiin kan awm a ni mai lo maw? A va pawimawh em! Chuvangin, he Jubilee kan hman turah hian kan hmâa mi huai kal tate, sûl lo sutute kan hre reng dawn a, kan theihnghilh dawn lo a ni. Chuvangin, kan hruaitu hmasate hi tuna mite hian kan entawn atan a va han \ha em! Chutiang zel chuan tuna mite hian nakina kan tû leh faten hlim taka Platinum/Centenary Jubilee hlim taka an hman ve theihna turin thawh hona \ha kan neih ve a ngai ngei ang. Lungrualna tlanga hlim taka rawngbawla, rual taka pheikhai vawr zaa, ke an pêna ngaihtuahna fim tak an hman ve theih nan keiniho hian kan hmaa hruaitu hmasate min hnutchhiah ang inremna, lungrualna, inhmangaihna ke hniak hi kan hnutchhiah ve dawn lo m ni? Chutianga hniak mawi chhui chakawm tak kan hnutchhiah theih chuan tluang takin, hlim takin an la hmang chho ve zel thei dawn a ni. Amaherawhchu, itsikna te, inrelna te, intihmualphona te, mahni ham\hatna tur ringawt zawn te, lungrual lohna te kan neih vaih erawh chuan an hlim lo vang a, an tluang lo vang a,
August, 2014 25 Kohhran ep zawngte hian an awm mai ang tih i hlau \heuh teh ang u. Aw le, Pathianin kum 60 chhung tluang takin K P te min hruai a, min la hruai zel dawn bawk a. He hun ropui tak mai min hruainaah hian Pathian hnenah lawm thu sawi kan ba nasa em em a ni. Hawh u, Lalpa hmaah \hing\hi ila, lawm thu i sawi ang u. Tin, he hunpui kum 60- na kan lawm turah hian mahni inpe ila, tihharh kan nih theih nan te, chak lehzualna kan lo neih theih nan te, thlarau saltang chhuah an lo nih theih nan te, mahni inphata hrehawm pawh tawrh huama, Chanchin ha avanga nei kan nih anga mi dangte tana Chanchin ha hrilh ve tur kan nihzia hriat nan te, kan lo tihsual tawh sim nan te, he JUBILEE hi hman i tum ang u. Chumi ti tur chuan Pathianin he hun hi i tan leh ka tan min pe tih i hria ang u. Tin, Thlarau saltangte pawhin kan saltanna a\anga chhuak tawh tura Pathian min kohna hun a ni tih hria ila, Kohhran leh K P tana dam chhunga kan inhman ve tawhna tur atan hmanraw \angkaiah i hmang ang u. Kan sual simna hmanraw \angkai tak lo ni rawh se. Branch leh Bial eng Jubilee pawh hmang tur leh hmang tawhte pawh kan awm ngei ang. He hun ropui tak mai hi Pathian min hnaihtirtu hmanrua lo ni se tih hi ka duhthusam ber a ni e. A tawp berah chuan, kan za vaiin tu mah a bo a bang awm lovin Pathian i chawimawi ang u. Kan \hat lai hun a rei dawn si lo va, Pathian fak thei leh chawimawi thei kan nih lai hian amah i hnaih ang u. Amah i fak ang u. Chutiang tur atan chuan he K P Diamond Jubilee hi hmanraw \angkai lo ni sela, a vuakveta phur ral mai mai lovin a tak taka hmasawn nan, Pathian neih nan i hmang ang u. He kan Jubilee hi Pathian hnenah hlanin mahni pawh inhlan thar ila, Pathian leh a Kohhran chawimawi nan i hmang ang u, Chanchin ha hrin JUBILEE hi hlim takin i hmang \heuh ang u. K..P. PATHIANIN MALSAWM ZEL RAWH SE
August, 2014 26 SUNNA an buaipui a, dawr te an siam a, Class I Contractor a ni bawk. Pu Vanlalkunga Pu Vanlalkunga hi August ni 17, 1927 khan Mission Hospital, Serkawn-ah a lo piang a. Unau 12 zinga a palina a ni. A hming hi Missionary Pu Buanga (JH Lorrain) te nupa sak a ni. Zirna lam: Primary leh Middle School, Serkawn-a a zir zawh hnuin Tripura Dharmanagar-ah High School a zir zawm a, 1949 khan Shillong-ah Matric a zir zawm leh ta a ni. Hnathawhna lam: 1953-a Aizawl lama a lo phei hnuah Saitual M/S-ah a thawk a, hemi hnuah Dawrpui M/S-ah Headmaster hna a thawk leh a, sawrkar hna a bansan hnuin an nupain sumdawnna lam Nupui neih: Zarkawta Pu Sumkhuma (L) leh Pi Liannghinglovi (L) te fanu Changhluni nen June ni 14, 1955 khan Dawrpui Biak Inah Pastor Thanga kutah an innei a, fapa 2 leh fanu 3 a nei a ni. Kohhran lam: A tleirawl lai a\anga a duhthlan ber chu Pathian rawngbawl a ni a. Kum 1954-a Kristian halai Pawl din a nih khan hruaitu hmasate zingah a tel a, Asst. Secretary a ni. Zarkawt Kohhranah lawiin Pathianni chawhnu thusawitu leh Puitling Sunday School zirtirtu leh Ramthar Committee-a ni a. Ramthar lamah pawh hian \um eng emaw zat a zin chhuak ve \hin a, Zarkawt Kohhran kaltlang hian Missionary panga (5) a chawm mek bawk a ni. Kum 2001-a Israel ram, Ram Thianghlim zinte zingah khan a tel a, hei bakah hian kan missionary-te lo chhuahna Wales ram leh UK hmun hrang hrangte tlawhin a zin kual thawh nghe nghe a ni.
August, 2014 27 A nat dan: Pu Kunga hian a fanu leh an nu leh a fapa te pahnih, a makpate leh a tupa a sun bakah tun hnai April ni 24, 2014-ah a farnu neih chhun - a u Sapsiami, Zarkawt chuan chatuan ram a pansan tak avangte hian rilru khawharna leh lunglennain a khat a, a hriselna pawh hian a tawrh phah nasa hle a ni. Tunhma deuh a\ang khan zunthlum leh BP sang leh lungna a nei tih hriat chhuah a ni a. May ni 9, 2014 a\angin kar khat chhung luak chhuak leh lunain a dam lo va. May ni 14, 2014-ah New Life Hospitalah dah luh a ni a, MRI te lak a nih hnuah a natna hi stroke vang a ni tih hmuh chhuah a ni. ICU-ah vawi thum dah luh a ni a, ventilator vuaha oxygente pein theihtawpin a nunna chhan tum a nih hnuin Hospital-a ni 58 a awmna chiah July ni 4, 2014 (Zirtawpni) chawhnu dar 1:45-ah Lalpa hnenah chawl turin min lo kalsan ta a ni. A tuk July ni 5 (Inrinni) chhun 12:00 khan ama chenna inah Dawrpui Bialtu Pastor, Rev. C. Zorammawia n a vui liam ta a ni. A kalsan takte Pathianin vengin awmpui zel rawh se LAWMTHU SAWINA April ni 7, 2014 (Pathianni)-a Darlawn Pastor Bial Inkhawmpui kan hman laia kan bial chhunga Darlawn Kohhran Zaipawl hla rem tura kalten vanduaina (Bus accident) an tawh chungchangah min buaipuitute leh kan member hliam tuar, a bik takin Aizawla phurh thlak ngaite lo ngaihvena lo buaipuitu Central K P-a hruaitute, Branch K P hrang hrang, pawl leh Kohhran, mi mal leh Pathian chungah lawm thu kan sawi a. Mi mal leh Kohhran angtein \awng\aipuina kan dawng nasa a. Sum leh pai, tha leh tui sengtute zawng zawng Pathianin a let tam takin a rul leh ang che u tih kan ring tlat a ni. Kan \awng\aina te Lalpan a chhang a, a hnathawh ropui tak kan hmuin kan dawng nasa hle a, lawm thu kan sawiin, i in \awng\aipui tawn zel ang u tiin kan inngen nghal bawk a ni. Samuel Lalremruata Secretary Darlawn Pastor Bial K P
August, 2014 28 Thilthlawnpek a thlawn lo Zing thawh veleha soda in hi tih\hanah ka neih a. Tuk khat chu khua chu a vawt khawp mai a; thawmhnaw lum ka inbel a, kutkawr thlengin. Hetianga soda ina ni bul han \an hian ka ngaih a ti\ha tlat a. Restaurant chhungah lutin \huthmun ka rem nghal a. Restaurant nghaktu hmeichhe tleirawl hian min rawn pan a, ka duh zawng min zawt a; kei chuan soda in tur ka duh thu hrihin soda man tur ka pe nghal a. Chu hmeichhe tleirawl chu thawmhnaw lum a inbel lo va, vawt a ti hmel khawp mai a; a kut chu vawt ti tih hriat tak hian a chhem vat vat reng a. Kei chuan, Vawt i va ti awm ve! Tun ang lai khaw vawtah engati nge kutkawr i bun loh, i nei na nge? tiin ka zawt a, ani chuan a neih loh thuin min lo chhang a. Ka kutkawr bun chu ka hlip a, hmeichhe tleirawl chu ka pe a. Lawm thu min hrilh mawlh mawlh chungin kutkawr chu a la a. Tun ang hun khaw vawtah chuan kutkawr bun khat dang hi ka ipte-ah ka ak \hin reng reng a. Chumi tuk a\anga ni rei vak lo hnuah ni khat chu ruah sur bur bur ni hian bank hulhliapah ruahsur ban nghakin ka ding a. Nakinah chuan mipa pakhat, la valai angreng tak hi bank-ah chuan a lo kal a, a nihliap ken zip pahin min rawn en a, Nihliap i mamawh em ni? Ka nihliap hi hmang ta che, a ti a. Kei chuan keimah ang bawka bank dawr tur emaw ka ti mai a. Ka chhan hma chuan amah vek chuan chu bank-a thawk a nih thu leh a room-ah nihliap dang a la kawl tho thu min hrilh ta zel a. Lawm takin a nihliap chu ka hmang ta a Janis Lawson, USA Hnung lam hawi tur leh hma lam en tura i hawi chhuah ngam loh laiin, i \hian dik tak chu i bulah khan a awm reng ang. Mark Richardson
August, 2014 29 RIMAWI K P Zaipawl leh kan hlate Lalbiakthanga Pachuau Chanmari, Aizawl Kristian halai May 2014 Rimawi huanga R. Lalremthanga, Lungdai Hmar Vengin zaipawl \ha tih a ziah kha ka lo chhiar ve a. Rilru a ti tharin, Handela hlapui han rem thut thut mai te leh Mizo Hlapui hrang hrang mawi tak tak te kha han ngaihthlak leh a chakawm phahin thinlung a ti thar hle. Mizoram kohhran hian hma a sawnin zaipawl thiam tak tak Synod zaipawl leh Pastor Bial zaipawl te, Kohhran zaipawl thiam tak tak te kan nei a. An zaithiam bakah an inpekna ropui takte kohhran \halai rual, Pathian chawimawia fakna hun an hmanpui \hinte hi kohhran tan a hlu a. An fak leh chawimawi \hin Lalpa leh a kohhran te pawh an lawmin lal ram tizautu an ni ngei ang. K P zaipawlte hi kohhran rawngbawlna pawimawh tak a nih rualin Pathian leh a kohhran tiropuitu an ni a. Zaipawl \ha tak nei kohhran chu kohhran nung leh hmasawn kohhran Chanchin ha puan darhna pawha hma la chak kohhran an ni a. Inkhawmte pawh an tam phahin \halaite kawng dika hruaina hmanraw pawimawh tak a ni a. halaite zinga lungrualna leh inkawmngeihna thlentu, inpumkhatna, an rinna tinghettu leh tichaktu a ni. Kan zaipawlte hi chuti taka pawimawh an nih avangin, hla zir tur thlan thuah pawh kohhran nawlpui tana \angkai tur leh kohhran Pathian biak inkhawm pawh mipui nawlpuiin kan hlawkpui tur uluk taka kan ngaihtuah tel a \ul hlein ka hria. Entir nan, tunlai a kan K P zaipawlin an hla sak tam ber chu ruah\ham loh hla, hla thar, Kristian Hla Bua awm lo hi a ni tlangpui a. Heng hlate
August, 2014 30 hi \hain mawi takin sa mah se a liam puat a, music lam a lo rin deuh phei chuan senior lam deuh tan chuan eng hla nge an sak tih pawh hre mumal lova liam chang a awm \hin a. Heng hlate hi \hain mawi takin a chi kimin rem mah se, ngaithlatute rilruah chambang a awm thei lo va, hriat zui a hlawh lova, uiawm takin a thamral \hin. Chuvangin, kan \halai zaipawlte hian kohhran mipuiin kan tuipui zel tur lam hlate hi zir tam zawk se, chumi atan chuan Kristian Hla Bu mipui nawlpuiin kan ken \hinah te hian hla \ha leh mawi tak tak solfa-a sak theih 500 chuang a awm a. Heng hlate hi mawi taka rem theih an ni a. Pathian fakna inkhawmah a thlan theih bawk a. Heng hlate hi tam zawk zir thei ila kohhran pawhin a hlawkpui zawk awm mang e. Kan hriat \hin angin hman lai kum 60/70 vel liam taah kha chuan Kristian Hla Bu-a mi lo hi Pathian biak inkhawm Biak Inah chuan thlan an phal lo a. Tunlaiah erawh chuan Hla Bu-a mi kher lo hla \ha takte kan lo nei ta zel a, zaipawlin an sak bakah a thlante pawh kan thlang thei ta zel a. Pathian ropui nan a \ha e. Chutih rual erawh chuan thangtharte hian Kohhran Hla Bu hi Presbyterian leh Baptist Kohhranin Pathian Biaknaa hman atan a thute engkim uluk taka ena an nemngheh (approved) a ni tih kan hriat a \ha awm e. Chuvangin, K P te hian kan Hla Bua hlate hi a chi kima sa thei vek turin hma la thei se a lawmawm bakah Pathian leh a kohhran ropuina a ni ngei ang. Ka dam chhung zawngin Lalpa chawimawiin hla ka sa ang a. Ka nun chhung zawngin ka Pathian fakin ka zai ang. (Sam 104:33)
August, 2014 31 KANTU Bungtlang Bazar Branch Bungtlang Bazar Branch hi Kei\um Pastor bial zinga Branch lian ber ni \hinin January ni 23, 2012-a Bungtlang Pastor Bial a lo din hnu pawha Branch lian ber a ni a. Tunah hian member 218 awmin mipa 139 leh hmeichhia 80 an awm mek a. Bungtlangah hian Presbyterian Kohhran awmna veng hlawm lian tak pahnih Bazar veng leh Vengsang a awm a. Kum 1974 khan Presbyterian kohhran Biak In pahnih, kohhran pakhat hnuaiah a awm \hin a. Hetih hun lai hian \halai (K P) lam pawh Bazar Veng leh Vengsang-te chu section 'A' leh section 'B' a awmin Bazar Veng hi section 'A' an ni a. Kum 1979-a kohhran pahnih-a an in\hen hnu khan K P lam pawh Branch hniha insiam ve nghalin Bazar Veng section 'A' chu Bungtlang Bazar Veng branch tih a ni a, kum 2002,13, November khan Bungtlang Bazar branch tia thlak a lo ni leh a. Chu hming chu vawiin thlengin kan la pu ta a ni. Bungtlang Bazar branch-ah hian committee 28 awmin OB 6, committee member 21 leh kohhran aiawh pakhat kan awm a. Kohhran committee-in upa bial riat (8)-a a \hen zulzuiin committee-in a ruatten bial an vawng a. Faith promised leh envelope-te an lak khawm bakah member thar ngaihven leh \ul dang awm apiangah mawhphurhna an la \hin a, branch hmalakna hrang hrangah kan awlsam phah hle a ni. Branch hnuaiah hian sub-committee hrang hrang reception & ushering sub-committee, decoration sub-committee leh evangelical sub-committee-te din a ni a. Tin, group thumah in\henin Matthaia, Marka leh Luka group-ah te an in\hen a. Group tin hian budget kumin chhung atan, Rs. 10,000 \heuh an intuk a. Project lian tham tak tak sound system tihchangtlun nan leh laptop leina tur ruahman a ni a. An project-te tihhlawhtlin ngei tumin group hruaitute leh