July 2018 1
July 2018 2
July 2018 3 Kristian halai Pawl chanchinbu thla tin chhuak 1970-a chhuah \an Kum 41-naa vawi 7-na Chhuah tawh zat : 477 Editor : Robert Lalduhzuala Joint Editors: C. Malsawmtluanga Lalsiammawia Pachuau Lalrinchhana Ralte K.Lalchhanhima Manager : Lalmuanpuia A lak man : Kum khatah - Rs. 80.00 Copy khat - Rs. 7.00 Thu chhuah tùr nei chuan Editor, Kristian halai, Synod Office-ah thawn tùr a ni a; a la duh chuan K P Office-ah a man pêk lâwk a ngai. Office Phone : 9436142398 E-Mail : kristianthalai1970@gmail.com centralktp@gmail.com KRISTIAN HALAI PAWL Thupui Rawngbawl tùra chhandam Thupui innghahna Ephesi 2:10. Thil \ha ti atán Krista Isuaah chuan siama awmin, ama kutchhuak kan ni si a, chu thil \ha tih chu kan awmna tùrin Pathianin a buatsaih lâwk a ni. A CHHUNGA THU AWM Thiltumte 1. Isua Krista rinna leh amah anna kawnga \halaite hruai. 2. Kohhran kutke ni tura \halaite buatsaih. 3. Kohhran hnathawh tihpuitlin. 4. Krista Chanchin ha puan darh. 1. Editorial 2 2. halaite hnena thurawn 3 3. Mizoram Synod Choir (2018-2020) 6 4. Inkhel en leh hla zir! 7 5. 100% Jesus : Neymar 10 6. Bible Study 12 7. Presbyterian Choir, Lunglei 14 8. Ka suangtuahnaa K P 15 9. Hruaitute chanchin : Ricky Lalrammawia Ralte 17 10. Work Camp report : N. Hlimen Bial 19 11. Report : NEICCYA Silver Jubilee 21 12. Ngaih dan : Mizoram Synod Choir 24 13. Kantu : Chhingchhip Venghlun 26 14. Hringlang tlang : Mi huaisen kutzung\ang 28 15. Chhemdam 29 16. Keimahni 30
July 2018 4 T K.T.P. ihelna tawngkam chu tihsak bik chiah lo mah ila, mi fel rual awm khawm tia K P-te an sawi \hinna \awngkam hian K P member-te hi mi famkim lo leh khawngaihna avanga mi sual chhandam, ni tin Isua tan rinawma inpe ve mai zawk kan nihzia min hriat chhuahtirin min fuih thar thin zawk si. Heti zawng hian i n thlir zui teh ang. K P huang chhungah zu hi a leng kan ti lo va; mahse, zu ngawl vei, zu bawih ata chhuah duhte hi an leng thung a. Drug leh ruihhlo dangte hi K P-ah a leng kan ti lo, ngawl vei kan tih, sual bumna hnuaia tang mek kan unaute hi K P huang chhungah hian an leng a, an tan kawng khar a ni ngai lo ve. AIDS darh zau zel tur hi kan duh lo va, kan do. Chutih rual erawh chuan heng natna veite hi kohhran leh K P neitute zinga mi an ni a, inlungrual taka hrui khat vuanin Lal rawng kan bawl za \hin. Zu i in zeuh zeuh em? Lo kal rawh. Drug avangin i buai em? A pawi lo, lo kal rawh. Mipat hmeichhiatna kawngah i lo dai pelh thin em? Lo kal tho rawh. Sual avanga hliam tuarin, indawm kunin i rilru a hliam em? Chung avang tak chuan K P lamah hian lo kal rawh. LAL ISUA'N A TIDAM THEI CHE. I nun chhe tawh nia i ngaih chuan puitlin lam a pan hret hret ang a, ni tinin Lal Isua chu a hma aiin a lo mawi zual deuh deuh a ni i ti thei ngei ang tih hi kan ringhlel hauh lo ve. A pawimawh lai ni ta chu A siam thar theih tur leh a ngaihdamna chang tura mahni lam kan lo insiamrem ve erawh a \ul thung a ni. Marka 2:17-a kan hmuh angin, mi sualte zawk lam tura lo kal kan Lal Isua duh dan ang ngeiin Kristian halai Pawl hi mi bawrhsawmte tan zawk a ni si. Chutih rual erawh chuan zeng, Lal Isua n a tihdam, Lalpa fak chung zela haw ta kha K P-te zirlaibuah a tel bawk tih erawh kan theihnghilh thei lo vang.
July 2018 5 pawimawh ber a ni tih in lo hre dawn nia. Eng vangin nge Bible hian \halaite hnena thurawn a pek? hatlai hun hi mihring dam chhunga hun pawimawh lai ber a nih vang a ni ngei ang. Saphovin, Golden period (Hun rangkachak) tia \hatlai hun an lo sawi hi a dik hle a ni. A \ha lam leh chhe lamah pawh kan chak vanglai, mahni tawkah kawng tinrenga kan \hat lai hun a nih vangin rilru nei taka hmang turin min duh a, chu vang chuan kan Pathian hian \halaite hi thurawn a pe che u a ni. Pathian meuhvin thurawn a pek che hi chu a pawimawh tawpkhawk ang tih hriain, zawm ngei i lo tum dawn nia. Bible-in \halaite hnena thurawn a pek hi THALAITE HNENA THURAWN - Upa C. Ngurthantluanga Khatla hatlai hun hi thurawn \ha dawn kan mamawh lai tak a ni a, chu vang chu a ni ngei ang kan Bible-ah hian \halaite hnena thurawn kan hmu a ni. Thuhriltu bung11:8 & 9 inkarah hian hawrawp dum bik (bolt letter)-in, halaite hnena thurawn tih inziak a awm a, chu chu thupuiah ka rawn thlang a, \halaiten in dam chhunga thurawn \ha leh kawng thumin kan khai khawm dawn a ni. 1. hatlai hun chena, hlim turin (Thur 11:9) hatlai hun hi chena, hlim taka awm turin Pathianin thalaite thurawn a pe a ni. Hei hi tunlai \halaite zawn leh thlakhlelh ber a ni awm e. halaite u, in lawm em? Pathianin in \hatlai hun hi chen a phalsak che u a, hlim turin thurawn a pe che u a nih chu! Chen rawh, hlim rawh. K P member, Bible leh Pathian ringtu i ni tiraw? Pathian ringtu i ni tiraw? He kan Pathian thurawn hi i pawmin i zawm mek em le? Tunah hian i nun a hlim em? I eng a thawl em? Tunlai khawvelah thalai ni si hlim thei lo an va tam ta em! hatlai hun hmang mek, kum la naupang si, hlim
July 2018 6 rual lek lek hlim thei si lo te hian rilru an tihrehawm \hin. Kan dam chhunga kan hlim ber hun tur lungngaihna leh \ahna hun atan kan hman si chuan nun hi a va ho dawn ve! hatlai hun hlim tak leh engthawl taka hmang thei lote hi vanduai hrim hrim vang a hlim thei lo chu tlem te an ni ang a, a tam ber hi chu Pathian thu anga an nun loh vang a ni. Tih loh tur tih vang leh ei loh tur ei vanga tuar an tam hmel tlat. Pathian thurawn anga nung \hin i nih leh nih loh chu i hlim leh hlim loh, i engthawl leh thawl loh khan a hril thui khawp ang. A langa Kristian \ha tak, chhungril nuna sual zakzeh reng te hi an engthawl ngai lo. Lo inenfiah teh u. halaite u, tunah hian in hlim em? In eng a thawl em? Isua Krista avangin he khawvel hi nuam i ti em? Bible chuan, Eng mah engto nei suh ula, in pang tinatu awm hek suh se a ti (Thur 11:10). halai duh tak, Thlarau pawlna mak danglam bik chang kher lo pawhin, khati mai khan Pathian thurawn hi i zawm nghal thei a sin. I nuna hlim lohna siam \hin sual kha tunah hian dah bo mai rawh. I nun tihnawktu, i taksaah emaw, i rilruah emaw, i cell phone-ah emaw, i computer-ah emaw, i in chhung leh room chhungah emaw sual i kawl mek a nih chuan han paih bo teh. I hlimin i lawm em em ang a, thawvengin i awm bawk ang. Sual tel lo hian Lal Isua nen a hlim theih a sin! Lal Isua nen hlim takin \hatlai hun a chen theih tih i hre reng ang u. 2. A rei dawn lo (Thur 11:10) Pahnihna chu \hatlai hun hi a rei dawn lo tih hre reng turin thurawn min pe. Bible lehlin tharah chuan, In \hatlai ni a liam mai dawn tiin a sawi. Ni e, a liam thuai dawn a ni. hatlai hun chu sawi loh, mihring dam chhung pawh hi a rei lohzia Bible hian min hrilh fo mai (Joba 14:1; Sam 39:5). Jakoba n kan nunna rei lohzia ti hian a sawi: In nunna chu eng nge ni? Chhum rei lo te lo langa, ral leh ta mai thin ang hi in ni si a (Jakoba 4:14). Kan nunna rei lohzia sawi nan chhum a tehkhin a. Sap tawng Bible pakhat phei chuan, meizial pak khu (A puff of smoke - Good News Bible) tiin a sawi hial. Kan nun pum pui pawh hetiang a nih chuan \hatlai hun chauh phei chu a va rei lo lehzual dawn em! halaite u, khawvel hi
July 2018 7 thlahlel suh u. A rei dawn lo. Ruih theih thil ti te hian an tirei hman tak tak lo, an tlin lo thuai mai. A ruka sex hmang khawlo thin te pawh hian nuam an ti rei miah lo. A tawi zawngin... A REI DAWN LO. halai tam tak hian \hatlai huna Lalpa tana inhlan hi chan tur a tam dawn a an hriat vangin an ngam lo fo nia! halai duh tak, Pathian tan in ui suh. I \hatlai hun a rei dawn lo. Mizo hmeichhe tan phei chuan vanglai hun hi a rei lo leh zual, pasal in nei ang a a tawp titih mai dawn. Zalen taka siamtu Pathian tan in thawh theih hun hi rei lo tak a ni! I piang nawn leh dawn tawh si lo. Chuvang chuan \halaite u, Pathian leh a kohhran tan in thiam in finna hmang ang che u. Nakina in inchhir lohna turin in vanglai hun rei lo te hi a tha thei ang bera hmang turin Bible hian thurawn a pe che u a ni. 3. Vanglai huna Pathian hre reng turin (Thur 12:1) Thurawn pathumna chu, I vanglai hian i siamtu hre reng rawh tih hi a ni. Benga hriat satliah mai a kawk lova, \hatlai hunah hian Pathian hriat ngei ngei tur a ni. Hei hi kan hriat sa, inhrilh nawn pawh ngai lovah kan dah mai thei. Mahse, hriat satliah mai a tawk miah lo. Kan Bible Genesis 4:1 kan chhiar chuan, Tin, Adama chuan a nupui Evi chu a pâwl a; tichuan a rai a, Kaina a hring a,... tih kan hmu a. Kan lo chhinchhiah tur chu Adama n Evi a pawl thu hi Saptawngah hi chuan knew tih a ni daih a, chu chu hria tihna a ni. Adama n a nupui a hria a, Evi a rai a, fapa a hring ta. Heta inhriatna hi chu raina tham a tling tlat. A thuk em em a ni. Chutianga thuk chuan I vanglai hian i siamtu Pathian I hre tur a ni. Pathian nena inzawmna thuk tak neih sawina a ni. I vanglai ngei hian Pathian nen inzawmna thuk tak nei la, piangthar ngei rawh tihna a ni. halai duh tak, tunah hian siamtu Pathian nen in inhre tak tak em? Thlarau fa hringkhawpin Pathian nen in inzawm em? Lal Isua hnenah Thlarau bo i hruai tawh em? Inenfiah rawh. I vanglai ngeia chutiang ni tur chuan Pathianin a duh che a ni. halai duh tak, nakina i inchhir lohna turin engkim siamtu Pathian hnen a\angin thurawn hlu tak mai i dawng a, Engtin nge i chhan dawn le?
July 2018 8 Ni 8, June 2018 (Zirtawpni) zan khan kum 2018-2020 chhung atana Synod Choir Member turte hlanna hun hman a ni. Member thar hlanna hun hi Upa Rosangliana, Assistant Leader, CK P-in a kaihruai a, Tual Upa Rochungnunga, General Secretary, CK P-in report pein member tharte inhmelhriattirna hun a hmang bawk. Dr. David C. Vanlalfakawma, Director, Mizoram Synod Choir-in thutawi a sawi a, Synod Moderator Rev. F. Lalrinnunga n Pathian hnena hlanna hun a hmang. Hlanna hun a hman zawh hnu hian Rev. Dr. K. Lallawmzuala, Leader, CK P-in Pathian thuchah a sawi a ni. Member tharte chu : SYNOD CHOIR 2018 2020 Sl No. HMING BIAL PART 1 T. Laldintluanga Ramhlun North Conductor 2 R. Zomuanpuii Khatla Soprano 3 Deborah Lalmuanpuii Bawngkawn Soprano 4 Jenny VL Dinpuii Chanmari West Soprano 5 Maria Lalnunpuii Electric Veng Soprano 6 Lalrinmawii Vaivakawn Soprano 7 PC Vanlalchhandami Venghnuai Soprano 8 Lalbiakdiki Chhinga Veng Contralto 9 Rebecca Lalenkawli ITI Veng Contralto 10 Rebecca C. Lalrinsangi Armed Veng Contralto 11 Ruthi Lalrinawmi Tlangnuam Contralto 12 Lalramchhuani Maubawk Contralto 13 Lalruatfeli Kulikawn Contralto 14 Jerome Lalhuapzova Chaltlang Tenor 15 Lalchhuanawma Leitan Tenor 16 PC Lalhruaizela Zonuam Tenor 17 Zairemmawia Durtlang Tenor 18 Jeremy Remlalfaka Venghlui Tenor 19 Zodinsanga Ralte Tanhril Tenor 20 K. Mawizuala Ramhlun Bass 21 Zothanmawia Mission Vengthlang Bass 22 Lalbiak\huama Tuikual Bass 23 R. Lalhmingsanga Luangmual Bass 24 John Lalhmingmawia Republic Veng Bass 25 Lalhmingmawia Bethlehem Venglai Bass
July 2018 9 INKHEL EN LEH HLA ZIR! Lalnghinglova Hmar (Tetea) Inkhawm lai taka inkhel en tur hi chu awm bawk mah se a tam lutuk lo a, inkhawm bana hla zir a \ul zan leh inkhel hmuhnawm hi a innang thei si a, a buaithlak zo ta a ni! Inkhelh uar hnam kan ni a, K P pawh kan sports \hin. Kan inkhelh buaipuiah pawh football hi kan uar zual a, a khelh mai duhtawk lovin a en lam hi kan uar hlei hlei niin a lang. A taka corner kick-a goal post pawh pet kang thleng phak lo turte hi a sawiah chuan a thiam hlei hlei kan ni a, Lionel Messi chak lohna thlenga sawi thei kan awm fur mai. Kan inkhel en tlanglawn ber hi Premier League a ni a, hei hi Inrinni zan leh Pathianni zan hian a chhuak bawk si a, kan buai tih phat rual a ni lo. Sports hrim hrim hian zûn a nei. A zûna uai tawh tan chuan tal chhuah mai mai pawh harsa tak a ni. Sports a nih tawh dek dek chuan tui nghal thei zel ang chi ka ni \hin. Tun hmaa kan lehkha zir laia cricket kan han buaipui tak tak te kha chu Shillong-a mi TV zawrhna dawr darthlalang chhanah Vai mutia rual nen Sachin Tendulkar-a te kha kan han en ho \hin kha a ni a, kan va uar tak! Cricket sawi takah chuan ka la hriat reng chu, zan khat chu Test cricket-a India-in West Indies an hneh theihna remchang a awm a, an chak lai ngei live-a en kan duh. Keini hostel awmna kha chu Shillong-ah pawh hostel strict ber mai kha a ni a, zanlaiah hostel bang lawn liamin kan chhuak ru a, kilometre 4 vel zet kea kalin Mizo inah 'Test cricket' kan han en ru ta kha a ni a, India kha an la chak lo zui. Hei hi chu cricket mai a la ni. Football atchilh avanga ka lo tawn tawh hi sawi dawn ila, sawi tur a awm ve nual ang. Nangni pawhin sawi dawn ula, sawi tur in ngah hle ang. Mizo mipa tawh phawt hi chuan football hi kan ngaina
July 2018 10 emaw tih tur a ni a, hmeichhe lam pawhin kan ngainat chiah loh pawhin kan ngaihven deuh vek a, a bikin K P nulaho chu kan \hian mipate ngainat an nih vangin tlem tal chu kan sawi thei deuh vek awm e. Mahni bawk han insawi leh ta ila - 1998 kha a ni a, BA final kan zir lai a ni. World Cup a hnai a, kan hostel-ah TV kan nei lo va, inkhel en tura chhuah phal a ni hek lo. Hostel-a ka awm zel chuan kum li dana thil thleng, khawvel ennawm ropui chu ka en thei dawn lo tih ka hria. Ka thil hreh tak tih a ngai ta - chu chu ka chhungte hnena St Edmund's College hostel \ha tia an sawi ve hat a\anga chhuah dil a ni. Inkhel ka en châkna chuan a bûk rit ngang si a, chhuah ka dil ta nge nge. Sum tam tak sengin chhungten harsa takin lehkha zir turin min dah ve a, keiin inkhel en turin hostel a\anga chhuah ka dil! Min tihlawm loh an hreh si a, ka pa chuan, "Puitling i ni ve tawh a, i tana \ha tur leh \ha lo tur chu i hre vek a, i thutlukna ni rawh se," a ti - chhuak lo turin min duh zawk tih chu a chiang reng mai. Chutah kei 'puitling' ve tawh chuan thutlukna chu ka siam ta rup mai a, chhuah ka tum ta. Ka chhuah tur thu kan hostel hotupa ka hrilh mai chu a hrilhhai ngang mai a, a chhan a hre si lo a, ka sawi lang ngam bawk si lo a, ka chhuak ta - inkhel en turin ka chhuak kha a ni ber. Hei hi football âtchilh vanga ka lo tawn tawh tam tak zinga pakhat a ni. Ka sawi tum chu hei hi a ni - sports hi kan buaipui a, a \ha e. Kan buaipui zel tur a ni. Football hi kan âtchilh a, a \ha e, kan la khelin kan la en zel ang. Hetih lai hian a tawk chin, kan tih awm chin leh kan tih tur chin hi kan thlir thiam a \ha khawp mai. Tih lutuk hi a \ha lo tih ka lo zir chhuak ve tawh a, tun hnuah hi chuan âtchilh pawhin fing deuhva ât tur a nih ka hre thiam chho ve ta. Tichuan, rorelna nia mahni chanchin la sawi tur ni bawk mah ila tunah pawh sawi ta zel mai ila! Zirna kan zo a, rin loh lamah ei kan zawng ta a, journalist ka ni ta. Ka bul \anna lamah chuan sports journalist ka ni mah a, min sawiseltute chuan, "Sports writer pawh a tling phak lo, football writer a ni e," min ti \hin. Football chanchin
July 2018 11 ziah chu ka 'eizawnna' a ni ta ber a, football ka en hian 'hna ka thawk' chu a lo ni ta der mai. Mi \henkhatin hna \hulha El Classico an en hian kei chu hna pawimawh tak ka thawk mek a lo ni a, Arsenal leh Manchester United inkhel ente chu 'hna \ul tak' a lo ni ta reng mai. Hetia football en hi ka hna a lo nih tak hnuah hian âtchilh dan chin tawk neih a \ulna hi ka rilruah a lian tawh a, tun hmaa ka thil tawnte avangin ka inzir ve zel a, kum a lo pung ve hret hret nen thil thlir dan a lo danglam ta. Keimahah chuan thutlukna ka siam ve ta tawp mai a, "Ka theih chin chinah inkhawm leh hla zir \hulhin inkhel ka en lo vang," ka ti ta. Hman deuhva inkhawm laia inkhel hmuhnawm em em chhuak \hin, a hnua chanchinbu lama lo chhuak ve leh te kha ka en loh a tam zawk an ni a, YouTube nen \ang kawpin internet lama news report-te \angkaia hmangin mahni hriatna lo awm sate nena ziah a ni hlawm - ka en lo tih pawh in hre meuh lo vang! Tichuan, a tawi zawngin, hna \ul tak 'inkhel en' kalsanin zaipawlah hlate ka zir a, hna pawimawh tikhaihlakin ka inkhawm ta \hin a nih chu. Hei hi K P-ah hian sawi chhuah a ngaih si avangin mahni chanchin ka ziak ta vak a, a chhan chu K P member-te ka challenge duh vang a ni. Inkhel hmuhnawm chhuah leh inkhawm hun a la innang dawn chauh. Inkhel pawimawh zanah hla zir a \ul chang a awm chho zel ang - i dah pawimawh zawk tichiang rawh. Tun a\angin rilru siam la, keia tlanchhe paha intiamna, "Ka theih chin chinah inkhawm leh hla zir \hulhin inkhel ka en lo ang," tih aia inpekna thuk zawk, "Inkhawm leh hla zir \hulhin inkhel ka en lo ang," tia i intiam thei a nih chuan, en châknain a tur ut ut pawh a tlahniam ang a, zawi zawiin a la reh ve ngei ang.
July 2018 12 100% Jesus Neymar da Silva Santos Junior hi Brazil football player a ni a, khawvela football chanchina footballer man to ber ni mek a ni. Kum 2017 khan Paris Saint Germain (PSG) chuan Pound maktaduai 200-in Barcelona a\angin an lei chhuak a nih kha. A man zat hian a hmaa record awm sa Manchester United-in Paul Pogba, Juventus a\anga an lei chhuahna Pound maktaduai 89 chu a rawn khum chiang hle. Neymar hi Neymar da Silva Santos Junior tih hming puin February 5, 1992 khan Mogi das Cruzes, Sao Paulo, Brazil ah a lo piang a. A pa hi football khel \hin a nih avangin a naupan lai a\angin football khelh hi a tui nghal em em mai reng a ni. A hun hmasa lamah chuan Santos football club-ah a khel a, chumi hnu kum 2013 ah Barcelona-ah kalin, kum 2017 khan PSG chuan World record fee-in an la lut ta a ni. PSG hian heti fakauva man tova he kum 26 mi Neymar an lei ngamna chhan hi eng dang a ni lo, football a thiam em vang a ni. Football khawvelah chuan a hming hi a te thei lo hrim hrim mai. Messi leh Ronaldo vanglai tawng a nih avang hian a lar tur ang leh a \hatna tak tak hi a langsar ta lo deuh mai pawh a. A thiam zia tilang chiang leh deuhtu pakhat chu kum 22 mi chauh a nih laia khawvela football thiam ber pawl ram ni reng \hin Brazil Captain atana ruat a nihna hi a ni. PSG lama a insawn chhan pawh hi eng dang a nih a rinawm loh va, player dang hliahkhuhna kalsana, a thatna tak tak pho lan a nih theih nan a kal a nih a rinawm ber.
July 2018 13 100% Jesus Neymar hian Lal Isua a rinna chungchang hi \awngka emaw, chetziain emaw tihlan hi a hreh ngai lo. um khat chu hetiang hian a sawi: Lal Isua rawngbawl hi kan ngaih pawimawh ber a nih loh chuan nun hian awmzia a nei lo a ni, tiin. Ram leh club tana intihsiaknaa an champion hian a chalah 100% Jesus tih a hreng kan hmu \hinin a rinawm. Santos youth team-a a khelh laiin an venga kohhran pakhat chuan pawisa an thawh khawm a, Neymar leh a \hiante football training neihna tur khelmual thar man atan an pe a, chumi chuan Neymar-a nun a hneh em em mai a, a hlawhtlinna tura Pathianin a kawng a buatsaihsak dan chu ropui a tih em avangin lawm thu sawi nan a chalah 100% Jesus tih hi a hreng \hin a ni an ti. A chhan chu eng pawh ni se, thil chiang tak pakhat chu Neymar hian a nun kaihruaitu ber chu Lal Isua a ni a; chuvangin, a hlawhtlinnaah pawh a tel ve zel a ni tih khawvel hriattir hi a hren chhan ber pakhat chu a nih a rinawm. Sawma pakhat Neymar hi Kristian chhung kuaa sei lian a nih avang hian Pathian ram thilpek pawh a ngai pawimawh hle a nih a rinawm. An sawi dan chuan a sei lenna veng kohhranah a hlawh a\anga sawma pakhat hi a chhung lut \hin a ni an ti. Tunah hian media report-a a lan dan chuan kum khatah Euro maktaduai 36.8 a hlawh mek a, hei bakah hian fakna leh thil dang a\angin kum khatah Euro maktaduai 18 vel a la la lut cheu bawk. A vai chuan chuan Euro maktaduai 54.8 vel a la lut a ni (India pawisa chuan cheng maktaduai 4,384.55 vel a nih chu). Heta \anga sawma pakhat han pek chu a uiawm duh viauvin a rinawm. Mi mal, ram leh club-ah chawimawina eng emaw zat a dawng tawh a, a la dawng zel dawn niin a lang. Hetiang mi football thiam, Pathian \ih mi, thilpek ngai pawimawh em em mai hi Pathianin a chawisang hle mai, a la chawisang zual deuh deuh dawn ni paw n a hriat. Pathian hian amah kan \anna hi \awngka leh chetziaa lantir turin min duh a, thilpeka amah chawimawitute hi malsawmna a pek belhchhah \hin.
July 2018 14 Rev. Benjamin Lalrinmawia NE Khawdungsei LEI CHI IN NI E Matthaia 5:13 Chî hi Rom (Latin) \awngin 'Sal' an ti a, Sâphovin 't' belhin 'Salt' an ti a ni. Rom sawrkarin an sipaite hlawh an pêk \hin chu chi leina atân an hman deuh ber avângin 'salarium' an ti a ('chi leina tur' tihna a ni), Sâpin 'Salary' an ti. Rom-ho chuan an kawngpui pawh 'Via Salarium' an ti a. Chi phurh kualna tûr niin Rom sipaiten an vêng \hîn nghe nghe a ni (https:// hermeneutics.stackexchange.com/ /what-does-salt-of-?). Lal Isua hun laiin chî an hmuhna hmun ber chu Tuipui Thi a\angin a ni a. Tuipui Thi bulah chuan lung chî Jebel Usdum an tih, mêl 7-a thui, mêl 2/3-a zau a awm nghe nghe a ni. Lung an kher a, khur an siam a, chutah chuan chi tui chu an leih lût a, ni an emtîr a, a tui a kang hnuah chî chu a lo bâng \hîn a ni (https:// en.m.wikipedia.org/wiki/ Salt_in_the_Bible). Lal Isuan a zirtîrte chu chî angin a tehkhin a. An hre thiam ang em le? Chi pawimawhzia leh \angkaizia an hriat chian êm avângin hrilhfiah zui loh pawhin an hre thiam ngei ang. Juda-te lehkhabu Talmud chuan, "Khawvêl hi hmarcha tel lovin a awm thei a, chi tel lo erawh chuan a awm thei lo," a lo ti hial a ni (Yerushalmi Hora yot 3:5). Lal Isua hun laia an thuk hman \hin chu lunga siam a ni a, kawngkhâr pâwnah an dah \hîn. Thuk mawngah chuan tile phêk an phah \hîn a, a sat rei theihna tûrin tile chungah chuan chî an dah \hîn a ni. An hman rei hnu chuan chî chu lo dain sâ (heat) pawh a vawng rei thei ta lo va. Chi dâ an ti a. An la chhuak a, kawngah an theh chhuak a, miten an rap mai mai \hîn a ni (William Barclay - Devotional study Bible). Chi chu a \angkai angin a zirtîrte (ringtute) chu an \angkai tûr a ni a. A hlutna a hlohva a \angkai tawh loh
July 2018 15 chuan pâwnah an theh chhuaka mite n an rap mai mai angin ringtu pawh paih chhuah/hnâwlin a awm mai dâwn niin a sawi a ni. Ringtu chî ang a nihna tûr chu 1. Chî chu thuk vawng satu/tinungtu a nih angin ringtu pawh Lal Isua rawngbâwl hna chhawm nungtu kan nih a ngai. Lal Isuan keini lo chu kutke a nei chuang lo. Indopui 2-na hun lai khân German rama Frankfort khaw biak in St. Mark's chu bomb a ni a. A chung chim chuan a chhûnga Isua lim chu a delh tlu a. Indo zawh hnuin Isua lim chu an hai chhuak leh a. Mahse, a bân a lo bung ta tlat mai. An tun din leh chuan kohhran hruaitute chuan a bân tel lova dintîr leh chu an rêl thlu a. A chhan chu khawvêlah hian ringtute hi Lal Isua kut kan ni tih min hriattîrtu atân an ti a ni (Bible study tools.com). Miin Prime minister, Chief minister kutke nih chu an châk ngei ang. Dinhmun sâng tak a nih avângin. Chûng aia ropui Krista kutke nih chu a va sâng êm! 2. Chî chu thil vawn \hat nân an hmang \hîn. Refrigerator a la awm si lo va. Sa leh sangha an vawn \hatna ber chu chî a ni. Sa chu chiin an chulh a, chu chuan a uih chhe tûr lakah a vêng \hîn a ni. Mt. 5:13 pawh hi vawng \hatuin thil a vawn \hatna (preservation) lam hawia sawina niin hrilhfiah a ni nghe nghe a ni. Ringtute chu sual laka khawvêl chhe zêl tûr vêngtu tûr kan nihzia min hrilh a ni. William Iverson Wryly-a chuan, "Sa (meat) pound khat hi chî (salt) pound chanve chanve leh chuan a chiah hneh hle mai a. Lal Isuan ringtute lei chî anga min tehkhin si chuan khawiahnge a thusawi dikzia lanna chu ni ta ang le?" tiin a sawi hial a. Rawngbawltu tam tak kan inruat \hîn. Mahse, kan rawngbâwlna hian kan khawtlâng leh chhûngkua ngei pawh hi a va chiah hneh lo \hîn êm! 3. Chî chu thil rinawm leh tlo entîrna a ni a. Pathian thuthlung a entîr (Lev. 2:13). Pathianin Israel mite hnênah chi thuthlung (covenant of salt) a siam a. Chu thuthlung chu a nghet a, bawhchhiat mai loh tûra thlun tihna a ni (Num. 18:19; 2 Chro. 13:5). Ringtu chu khawvêlah Pathian tân a rinawm tûr a ni. Vesuvius tlângkângin Pompeii
July 2018 16 khawpui a tihchhiat (AD 79) khân mi tam tak chu a chhilh hlum a. A hniam lam leh a sâng lama birûkna zawngte n himna an hmu chuang lo. Rom sipai duty pakhat chu khawpui gate bulah a kuta râlthuam keng chungin a ruang hmuh a ni a, chu lai hmun chu an hotupain duty tûra a tihna hmun a ni. Lîrnghîng leh tlângkâng a lo thlen pawhin a tlânchhe ve lo. Kum tam tak hnûah miten a rinawmna chu an la hmu thei a ni (Mark S. Wheeler, "Marks of a Servant," Discipleship Journal, Nov/Dec. 1987). A rawngbâwl tûra min dahna hmunah hian thih thlengin rinawm takin a rawng i bâwl zêl ang u. Amen. PRESBYTERIAN CHOIR, LUNGLEI Chhim lama kohhrante tichak tura din Presbyterian Choir 2018 2020 term thar chu April 26, 2018 khan Administrative Secretary Rev. R.C. Lalnghakliana'n Synod Conference Hall, Lungleiah a hlan. Presbyterian Choir term tharah hian Director-ah Pu Malsawmdawngliana, Leader, K P, Venglai Bial ruat a ni a, Conductor atan Pu Calvin Lalchawimawia, K P, Bazar Veng Branch-a mi ruat a ni bawk. Choir member atan hian Lunglei khaw chhunga Bial hrang hrang a\angin K P member 21 ruat an ni a. Tunah hian rawngbawlna tur hmachhawp tam tak an nei mek a, \awng\ainaa kan hriat fo a \ul hle mai.
July 2018 17 KA SUANGTUAHNAA KTP - F. Vanlalrochana Heti hian ka ngaihtuah \hin. Kristian halai Pawlte hian kan kal dan kan lo thlak danglam a. Inkhawm bak chu activity behbawm kan lo ngah lutuk tawh lo va. Dar hmasa rik rual chiahin biak inah kan \hu \hap a. Zaipawl hlate kan lo zir a. Zaipawl pawhin KHB hla kan lo sa tam bawk a. Thla khatah vawi khat tal Thawh\an zan chu hla zirna atan hun kan lo hmang a. Short Sermon kan zep ve zeuh bawk a. Inkhawm ban emaw, inkhawm loh zanah emaw hla zir hun hran kan rek tawh ngai lo. K P-te chuan mihring inkaihhruaina kan lo ngai pawimawh lehzual tawh a. Mahni branch-a pawl 10 leh 12 zirlaite tan tuition leh coaching class kan lo buatsaih a, budget hran siam meuhvin kan lo buaipui a. Nakina kohhran leh Pathian an belh zelna tur remchang kan lo siamsak a ni. Psychological and Career Counselling kan buatsaih a. Mi thiam ruaiin, a mamawh apiangte rawn theih turin ruahmanna kan siam a. Hna zawnna lama harsa, Competitive Exam tura inbuatsaihna kawnga puih ngaite kan lo pui thin bawk. Thil chhinchhiah kawngah \an kan la zual a. Kan pawl chanchina inhnialna awm thei awm reng reng chu a awm leh tawh lo vang. Inkhawm kan no. 1 a nih tawh avangin activity dang kan lo nei tlem a. Member hlate ngaihsak kawngah pawh kan hun kan lo pe tam thei ta a. Kal paha insawm mai mai ni tawh lovin, kan inbawhzuiin, kan inum zui ngar ngar tawh avangin kan rawngbawlna nghawng chhuah pawh a danglam tawh hle. Kan member-te dinhmun zir chiangin an harsatna kan hriatpui a. Mi tin an harsatna milpuiin rawngbawlnaah hma kan la a. Mi tin an dinhmun milin kan huang
July 2018 18 chhungah kan la lut a. Rawngbawlna zangkhai leh rilru hahdam zawkin kan kalpui thei a, awmze nei zawkin kan rawngbawlna pawhin rah a lo chhuah thei ta a ni. Chutiang suangtuahna neitu chu Kristian halai Pawlah hian kum tam tak ka lo inhmang ve ta a. Inhman hun kum chu la nei nual mah ila, eizawnnain a zir tak loh avangin ka tel ve mumal thei ta lo. Ka inhman hun chhungin chanchinbu enkawltu, zaipawl hruaitu leh chanvo hrang hrangte pek ka ni thin a. K P-a kal avanga ka chân ai chuan kan chan(g) hi a tam daih zawk a ni. Malsawmna tam tak a lo luang chhuak zawk a ni. KTP hian 1. Ringtute nun nghehna min pe. 2. hian tha min pe. 3. Thil tam tak ka thiam belh. 4. Mipui hmachhawn leh mipui hmaa thusawi thiamna min pe. 5. Rimawi lam min hmel hriattir a, K P kaltlang hian Keyboard thlengin ka thiam phah. 6. Ka inhman vanglai leh chanvo ka ngah vanglai tak hi exam-na a ka tih \hat leh hna \ha ka hmuh kum a ni zawk tlat. 7. Leadership training-na \ha a ni. Tuna inhmang mekte pawh hian Lalpa an rin tlat chuan K P kaltlangin malsawmna tam tak an dawng ngei ang. K. Lalthanzama hla anga, Ka Lalpa hnung zui tur hian, channa emaw ka ti thin; mahse, hlawkna a lo ni si, ti thei turin rawngbawlna leh mi mal nunah i taima ang u. KRISTIAN THALAI Kristian halai July Issue Cover design : Zoremkima Khiangte, Ramhlun North Br Cover photo : K. Lalhmangaihzuala, Ramthar North Br. Kristian halai chanchinbu hi a la thar duh tan mahni Branch Agent-te kaltlangin lak thar theih reng a ni e.
July 2018 19 HRUAITUTE CHANCHIN Ricky Lalrammawia Ralte CKTP Assistant Secretary Ricky Lalrammawia Ralte hi R.L. Ramthanga leh Lalbiakchhawni-te fa upa ber niin May 1, 1981 khan Christian Hospital, Serkawnah a lo piang a, an unau hi mipa pathum leh hmeichhia pakhat an ni. A naupan laiin a pa hna avangin Mizoram hmun hrang hrangah an awm kual a, Primary School hi Lunglei, Kawnpui leh Chaltlangahte a kal a, Middle School chu Gov t Paul Zosangliana Middle School, Chaltlangah a kal thung. High School hi Mary Jones School leh Gov t Chaltlang High School-ah a kal a, Gov t Chaltlang Higher Secondary School-ah kal chhunzawmin, BA hi Govt. J. Thankima College atangin a zir zo leh a ni. Eizawnna lamah tunah hian Project Division- III, PWD-ah a thawk mek a ni. Rawngbawlna lam : Naupan tet a\angin theih tawk tawka kohhranah inhmangin Bawngkawn Kohhranah Sunday School zirtirtu leh KTP Group hruaitu hna a thawk ve a. Kum 2001-a Bawngkawn Hmar Veng Kohhran a lo indanin KTP Office Bearer-ah thlan a ni a. Kum 2001 atanga 2016 chhung a zawna Office Bearer hna hi chelhin Office Bearer post hrang hrangte a chelh kim hman vek a ni. Bawngkawn Bial KTP-ah Asst. Secy. (2007 & 2008), Secretary (2010 & 2014), Asst. Leader ( 2009 & 2013), Leader (2015). Kum 2016-a Bawngkawn Bethel Bial hawn tharah Bial Leader hna hi a chelh bawk. Kum 2016 KTP General Conference Champhaiah khan Central KTP Committee atan thlan a ni a. Kum 2016 atanga tun thleng hian Bial KTP leh Branch KTP-ah Ex-Officioin a awm mek bawk a ni.
July 2018 20 A tleirawl lai a\angin zai hi a tui ve em em a, Bawngkawn Pastor Bial Zaipawl (2001-2003) ah a tel a, a hnuah Gospel Melodious Choir lamahte pawh tel ve lehin tun thlengin kohhran zaipawlah member rinawm tak a la ni reng a ni. June 21, 2015 khan Bawngkawn East Kohhran Tual Upa atan thlan a ni a, Ni 7, January 2018 khan Bawngkawn East Kohhran Upa atan thlan ni lehin, kumin Aizawl Hmar Presbytery Inkhawmpui, Leitan South Kohhran Biak Ina neih turah nem ngheh tura chhawp chhuah mek a ni. Khawtlang rawngbawlna lamah pawh theih tawk tawka inhmang vein YMA Section Office Bearer-te pawh a lo ni tawh thin a, Bawngkawn Branch YMA Excutive Committee-ah leh YMA Chanchinbu Finna Joint Editor hna te pawh a lo thawk ve tawh a ni. A naupan lai chuan zakzum tak, mi pawi sawi hlau tak a ni \hin. Amah hre chiang lotute chuan a \awngthei lo emaw an ti hial \hin. Mahse, K P leh kohhran rawngbawlna a luhchilh hnu atangin Pathiannin a mizia pawh nasa takin a \ha zawngin a thlakthlengsak a, \hian ngaina, \awng duh leh \hianho zingah pawh hlimpui ber zinga mi a lo ni ta zawk a ni. A kova tla hna reng reng rintlak leh \ha taka ti \hin mi a ni a, tih loh ai chuan tlaivara thawh mai duh chi a ni bawk. Mite rin ngam nih hi a tum ber a ni \hin. Infiamna lam pawh a ngaina hle \hin, a khelh phak chin chu eng sport item pawh hi a ti ve vek ringawt mai a, a bikin football hi a tuichilh ve em em \hin a, veng aiawh pawhin Age level tournament leh Central YMA tournament thleng pawhin a lo khel ve tawh \hin a, tunah erawh TV lama Manchester United khel ngei mai en mai hi a tuipui rih ta zawk a ni. Chawhmeh ei duh loh a nei lem lo va, chawhmeh hming tawi te te hi a ngaina zual. Thufingte 3:5-6, I thinlung zawng zawngin LALPA ring la, nangma hriatnaah innghat suh; I kawng zawng zawngah amah hre reng la, i kawngte chu a kawhhmuh zel ang che, tih hi a Bible chang innghahna leh a duh ber a ni a. KHB no. 254, Min hruainaah chuan ka kal ang tih hla hi a hla duh em em bawk.
July 2018 21 T.Upa R.Vanlaltlana Secretary N. Hlimen Bial Kristian halai Pawl, N. Hlimen Pastor Bialin kum 2016 Bial Conference-a, Work Camp neiin ramthar tlawh ni se, tia a rel chu tihlawhtlingin Cachar Kahrawt Bial tlawhin mi 20 (Mipa 17, hmeichhia 3 ), November 24-27, 2017 khan an kal. Kalkawng Pathian hruainain a hun chu a lo thleng a, Thingthelh a\angin November 24, 2017 zing dar-5 velah Work Camp tur kan chhuak a, Saipumah K P, Saipum Branch-te n thingpui leh chhang tui tak min hlui a, tuk\huan chu Bilkhawtlir thlangah chawhma dar 10:20 velah kan ei a; tichuan, Cachar Kahrawt hmun chu chawhnu dar 2:30 velah kan thleng ta a ni. Winchester Mission Compound lamah an Headmaster inah min lo dawngsawng a, \awng\aina te kan hman hnuin, mi \henkhat thawktute inah thlengin, mipa 13 vel chu in khatah kan riak khawm a, thawktute inah chaw kan ei \hin thung. Hun hman dan tlangpui Kan hun hman dan leh hnathawh dan tur ruahmanna siam lawk angin, November 25, 2017 (Inrinni)-ah hna thawk \anin, Winchester Sikul kawng zim lai kan laih zausak a, hemi ni hian Kahrawt Bial chhunga mi Tlangpui Branch K P paw n hnatlang lo ko vein, anniho nen hian lei laih leh kalkawng brick phah chunga leivung dah hna kan thawk ho a ni. Chawhnu dar 2:30 velah kan thawh tur chin chu kan zo hman a ni. Inrinni zan hian Telkatta Kohhranah kan inkhawm a, hetah hian bus a kal theih loh avangin Pikup Motor kan hmang a, kan thlenna a\anga Minute- 30 vel kal a ni. He khuaah hian Power Supply a la awm lo va, an khuaah hian Kewa hnam an tam ber a, Mizo \awng an hria a, an \awng thei mumal lo thung. An kohhran secretary-in kan \awng a let a, kan bial leader Pu JC Lalthanfala'n "Inpumkhatna" tih thu sawiin, report tlangpui kan pek bakah, kan zaithiam hruai a zai bawk. Pathianni Sunday School chu Bial Station Kahrawt Kohhranah inkhawmin, Bialtu Pastor Rev. E. Ramchullova bial fan lai a lo ni bawk a, chawhnu lamah Tlangpui Kohhranah inkhawm in, Bial Asst. Leader Upa C. Lalfakawma'n "Rinawmin
July 2018 22 awm rawh" tih thusawi a, report tlangpui pek a ni bawk. Tlangpui hi Sakechep hnam an ni a, tun hma phei chuan Pastor \huthmun pawh an lo ni tawh \hin awm e. Inkhawm banah Mizorama Kristianna lo luh chhohna bul tia an sawi \hin James Winchester an thahna hmun ah te kalin, \awngtaina inah te \awng\aiin, thuziak hnutchhiah a ni. Zan inkhawm tura haw lehin Pathianni zanah Kahrawt Kohhranah Pro. Pastor C. Thang romawia'n "Nun nghet" tih thu sawiin, kan zaithiam hruai a zai leh bawk. Inkhawm banah Pastor quarters-ah kan inkawm khawm a, he hunah hian an harsatna tawh dan leh rawngbawlna kalpui a nih dan bakah, bial chhung kohhran hrang hrang mamawh leh tlakchhamte Bialtu Pastor hnen a\ang hian kan ngaithla a, kan hlawkpui hle. Bial chhung kohhran baihvai deuh hnena pek turin pawisa fai Rs. 6,000 (sangruk) chu Bial Leader-in Bialtu Pastor hnenah a hlan nghe nghe a ni. An dinhmun Cachar Kahrawt Bialah hian kohhran 8 awmin, inkarkik tak tak a ni a. Kan tlawhho hi kohhran hlun hmasa an an ni a, hmun \henkhat phei chu motor pawh a lut thei lo va, Bialtu Pastor Bial fang pawh kea kal a ngaih chang a awm \hin. Kan kalna kohhran a\anga lang chiang em em chu an rinna a nghet hle tih hi a ni. Mizo hla sa thiam ve miah lote pawh Pathian fakin an lam mai a, rilru a khawih hle. Cachar Kahrawt hi sawrkar inawpna lamah chuan Assam sawrkar hnuaia awmin, Synod Mission Board hnuaiah Barak Area hnuaiah an awm a. Mizoram Synod-in ramthar lama kut a thlakna hmasa niin, hmun hma nuam tak leh sikul (Hostel awm kawpna) \ha tak an nei a, sikul naupang 300 chuang an nei nghe nghe a ni. Hailakandi District hnuaiah zirna in \ha pawl niin thawktu zirtirtu leh damdawi lam thiamte nen compound zau takah awmin an intodelh hle. Lawm thu November 27, 2017 tlai dar 3 velah dam takin mahni hmun \heuh kan thleng leh thei a, Work Camp kal theia damna min petu leh tluang taka hun min hman tirtu Pathian chungah lawm thu bang lovin kan sawi a a ni. Tin, hei bakah kan cham chhunga hneh taka min lo dawngsawngtu Winchester Sikul Headmaster leh thawktu dangte chungah te leh Bialtu Pastor fel tak Rev. E. Ramchullova chungah pawh lawm thu kan sawi takmeuh bawk a ni.
July 2018 23 NEICCYA SILVER JUBILEE LAWMNA REPORT (Umpling Presbyterian Church) PC Lalrindiki, Chanmari West Bial Thuhma NEICCYA hi kum 1993 khan mumal taka din a ni a, hemi hma hian \halai intawh khawmte buatsaih \hin ni mah se mumal takin a la kal lo. NEICCYA hnuaiah hian kohhran 33 leh Para-Church 16 an awm mek a ni. NEICCYA hian a tum ber chu North East India-a \halaite inpumkhata rawng kan bawl theih nan te, vantlang leh khawtlang programme kan neih a\angtea inlungrual taka Chanchin ha puan darh te, \halaite rawngbawlna \ha leh chak zawk neih nan leh ram tana mi \angkai an nih theih nan training, seminar buatsaih te a ni. Kalkawng Thlengtu kohhran dinhmun April ni 19 (Ningani) zan dar 7:00-ah Synod Office kawtah innghak khawmin, CK P OB-te n thu an sawi zawhah T.Upa Rochungnunga, General Secretary, CK P chu Pathian hnenah \awngtaiin, member 15 (CKTP Comt. member 11 leh Bial aiawh mi 4)-te chuan bus pakhat hmangin Aizawl kan chhuahsan a, a tuk ni 20 (Zirtawp) chawhma dar 10:20-ah tluang takin Umpling Presbyterian Kohhran, Shillong kan thleng a, hemi ni vek hian Mizoram Synod Choir member 23-te chuan Shillong an rawn pan ve a ni. Thlengtu kohhran Umpling Presbyterian Kohhran hi kum 1997-ah din a ni a, KJP Synod Mihngi hnuaiah an awm a. An kohhranah hian mipa 857 leh hmeichhia 966, an vaiin mi 1,823 an awm a, Kohhran Upa 12 leh committee member 10 an awm bawk a ni. Kohhran hian Silver Jubilee an thleng dawn tih an hriat hian sub-committee hrang hrang indinin an inbuatsaihna a \ha em em a, mikhual an lo dawnsawn danah mi an lo lawm thiamin, mi an ngaihsak em em a, zir tur tam tak kan chhar chhuak a ni.
July 2018 24 Silver Jubilee lawmna Silver Jubilee lawmnaah hian thupui Lalpa rinnaa zung kaih nghet deuh deuh turin (Kolossa 2:6-7) tih chu hman a ni a, inkhawm apiangin he thupui hmang hian thusawi ngaihthlak \hin a ni a, inkhawm \an hma darkar chanve chhung hi Praise & Worship huna hman \hina ni. Ni 20 zan atangin Silver Jubilee lawmna programme hman a ni a, hemi zan hian a thlengtu kohhran a\angin palai lawmna thu leh Pu Vanlalsawma (Ex- Pre., NEICCYA) hnen a\angin Jubilee lawmna/hawnna thuchah ngaihthlak a ni. Inrinni ni 21 chawhma dar 10-ah inkhawm leh a ni. Rev. W.C. Khongwir-a n (Pre., NEICC) Jubilee a hawng a, Rev. Dr. J. Houplien Neitham (Ex-Pre., NEICCYA) chuan Jubilee Souvenir a tlangzarh thung. Pu P.C. Biakmuanpuia, Secy., Silver Jubilee Org. Comt.- in NEICCYA chanchin a sawi bakah hruaitu inhmelhriattirna leh hruaitu hluite chawimawina hun hman a ni a, CK P, Mizoram Synod aiawhin Pu Lalmuansanga n (Fin. Secy., CK P) Silver Jubilee lawmpuina (memento) a hlan a, Rev. W.C. Khongwir-a n Jubilee thupui a sawi bawk. Chawhnu leh zan hi cultural programme leh musical night-a hman a ni a, Mizoram Synod choir-te leh zaipawl dang zaite, hnam lam chi hrang hrang, solo bakah SAY band party-te n hun an hmang bawk a ni. Pathianni, ni 22 chawhma dar 10-ah inkhawm leh a ni a, Rev. T.W Wanshong-a n jubilee thupui a sawi bakah an pafain Isua neih ka duh zawk tih hla mawi takin an sa nghe nghe. Mizoram Synod Choir bakah kohhran hrang hrang a\angin zaipawl 8 kan ngaithla bawk. Chawhnu lamah Rev. Stephen Chinzathang (Ex-Vice Pre., NEICCYA) hnen a\angin jubilee thupui ngaihthlak leh a ni a, Mizoram Synod Choir bakah solo, zaipawl 7 leh SAY Band-ten hun an hmang bawk. Zan lam inkhawmah hian Dr. David C. Vanlal-
July 2018 25 fakawman (CKTP comt. member leh Fin. Secy., NEICCYA) \anna hun a hmang a, Rev. R. Lalnunzira (Secy., NEICC) hnen a\angin jubilee thuchah kan ngaithla a, lawm thu sawina Rev. Salem L. Hmar (Secy., NEICCYA) leh thlengtu kohhran hnen a\angin kan ngaithla a, Emidaca Kharshiing (Secy., NEICCWA) chuan lawm thu sawi \awng\aina hun a hmang bawk. Zaipawl hrang hrang, solo, SAY Band-te hnen a\angin zai leh rimawi mawi tak tak kan ngaithla bawk. Belhna NEICCYA Silver Jubliee lawmnaah hian palai 437 inziak lutin Mizoram Synod a\angin palai 42 kan kal a, Mizoram Synod Choir hian hla vawi 4 (Mizo hla 3 leh Sap hla 1) an rem a, a lawmawm hle. Jubilee thupui sawitute thusawi ngaihthlak a nuamin, Lal Isua ringtute chuan \awng\ai hi kan ralthuam a nihzia te, Isua tel lova eng mah kan nih lohzia te, Amah ringtu kan nihna hi khawvel siam chawp thilin a tihbuai tur a nih lohzia te, keimahniah Lal Isua hian rawngbawlna a chan ngheh theihna atan \an kan lak a pawimawhzia te kan ngaithla a ni. Jubilee lawm chhung hian Pathianni tih loh chu biak inah ruai an buatsaih \hin. Haw kawng Ni 23 (Thawh\an) zing dar 12:00-ah Umpling Presbyterian Kohhran Biak In kawtah innghak khawmin Upa K. Lalnuntluanga, CK P committee member Pathian hnena a \awng\ai zawhin Shillong kan chhuahsan a, zing dar 6:20-ah Silchar Mission compound thlengin, tuk\huan kan ei a, chhun dar 12-ah Silchar chhuahsanin tluang takin zan dar 7:30 khan Aizawl kan thleng a. Pathian hruaina leh min awmpuina zawng zawngah lawm thu kan sawi a ni.
July 2018 26 MIZORAM SYNOD CHOIR 9774196355 Synod Choir hi an zai thiam ka ti a, ka lo chhuang \hin khawp mai. Chutih rualin hmasawnna tur an neiha ka hriat ve khanglang chu, an zai laia hla thu mila hmel lantir (Facial expression) hi a ni. Hei hi anni chang lo, Mizorama zaipawl dangte pawhin kan mamawh vek niin ka hria. - Upa Prof. Lianzela, Venghnuai (Ex-CKTP Asst. Leader & Secy. PYF, ZEF Zaipawl) Synod Choir hi an zai a nung a, Thlarau Thianghlimin a awmpui tih a hriat a, an mit meng a\angin an fel tih a hriat. - Zonunmawii, Biate N Br. Ram pum \halaiin kan ngaihsan rawn, rawngbawlna hahthlak leh hautak, ram pumin kan beisei erawh pha hlei thei meuh lo an ni. Tun ai hian an rawngbawlna huang zim hret se an rawngbawlna a nung deuh ang. - Lalramdinmawia Hringngen Aibawk Br. Synod Choir hi an zai thiam a, an zai ngaihthlak a nuam \hin hle mai. - Andrew Lalnunpuia Hlimen Dam Veng Br. Mizoram Synod Choir hi Pathianin a khawngaih rawngbawl hna thawk tura a kohte an ni a, tute fak vang emaw, tute sawisel vang emawa danglam \hin ni lovin, anmahni kotu koh chhan ang takin khawngaih rawngbawl hna hi chhunzawm zel thei se Lalpa n hmanruaah a hmang reng ang, a \ul a tih hunah chuan a chawisang ngei bawk ang. - Upa H. Liantluanga Chhinga Veng ( CKTP Comt. 2008-2012, Director, Synod Choir 2010-2012) Mizoram Synod Choir makna em em chu Synod Choir aw (Voice) a awm thei tlat hi a ni. Eng term pawh ni rawh se, hai rual lohvin Synod Choir zai a ni tih kan hre nghal zel thei. Mi hrang hrang, aw inang lo tak tak ni si, Synod Choir aw uniformity kan hmu zel \hin hi a ropui hle. Hetiang hi khawvelah awm ve tak maw? - Lalsawmliana Hauhnar Hmun\ha Br.
July 2018 27 Synod choir hi an zai thiam ka ti ber. Mahse, hla lehlin an sa nasa mah mah em aw, ka lo ti. KHB-a mi hi sa tam se ka lo ti ve mai mai. - Lalchhanchhuaha Kawnpui Chhim Veng Br. Synod Choir hi ka hmuh dan chuan an zai thiam a, an zai nung lo \hin deuh. - RCI Ralte, Khanpui West Kohhran Rawngbawlna hautak zet, inpekna ngai em em, ram chhung leh pawna Synod hmel lanna pawimawh tak a ni. Mi zawng zawng fak hlawh erawh a har hle, Synod hnuaia rawngbawlna peng hrang hrangah \angkai taka hman reng a ni a, an hma a zau em avangin thil pakhatah a insawrbing theih loh. Tun aia changtlung hian Synod hian thuam se, TA/DA emaw, honorarium emaw tal hi pek theih ni se a duhawm khawp mai. Hmasawn zelin vul zel rawh se. - Upa Lallianmawia Ramthar N (CK P Comt. 2010-2012, Synod Choir member 2004-2006, Conductor 2006-2008) An zai thiam viau mai; mahse, duh aiin hla thlan an thiam lo deuh. Tuna mite an \ha lo tihna ni lovin, Mizoram Synod aiawh tur an nih avangin pawn lam lan dan thleng pawhin thlan uluk ni se. Rilrua cham vang vang thei hla an nei tlem. - Hrangkima Ramthar North Br. Synod Choir zai hi a mawiin a nung thin ka ti a, ka lo chhuang thei khawp mai. Mahse, tun hnaia mite hi an hla thlan a fuh tawk lo nge, an tawngtai tam tawk lo zawk, an zai a nung thei ta lo. Inen fiah nan hmang se. hahnem ngaihpui vanga rawn sawi ka ni e. - K.L. Remsiama Vaivakawn Kohhran Zoram chhunga kohhran hrang hrang zaipawlte model chu Synod Choir te hi an ni. Thlarau lam inbuatsaihna pawh anmahni hun theuh zelah chuan bei ngawrh viau zel sela, an par vul zual ngei ang. An term a tawp hnuah pawh Synod Choir darthlalang an la ni reng a ni tih theihnghilh lo thin sela a tha awm e. - Jacob V.L. Malsawma Falkawn Hmar Veng Branch Synod Choir hmeichhe zai nui sang hmel pu hi hmuh an nuam. An nun mawizia an zai atangin a hriat theih bawk. - Siamthara Siakeng Bawngkawn Br
July 2018 28 KANTU K ristian Thalai Pawl, Chhingchhip Venghlun Branch hi Mizoram lailia Bial hlun tak zinga mi, Chhingchhip Biala kohhran pathum zinga Bial thut hmun (Station) niin, Aizawl atanga chhim lam NH-54-in a paltlang, km. 83 chauhva hlaa awm a ni. Kohhran danzawhkim 730 chhungah KTP member mipa 216 leh hmeichhia 132 awmin, an vaiin 348 an ni a. Kum 1956 September ni 10 khan din niin Golden Jubilee leh Diamond Jubilee hial pawh lo lawm thei tawh branch an ni. KTP memberzing atanga rawngbawltu nghet, Pastor, Upa, missionary eng emaw zat lo chher chhuak tawh an ni bawk. Tunah hian an rawngbawlna tihhmasawnna atan Group thumah insiamin, Abednegoa Group, Mesaka Group leh an member hmun hrang hranga Chhingchhip Venghlun Branch awmte tan; Kar Hla Group - Sadraka Group te an siam a. Hmun hrang hranga an member, eizawnna avang te, zirna avanga awm bote rawngbawlna hmun khat siamin an phuar khawm a, hlawk an ti hle. Branch leh kohhran tan project an siam a, heng project-te hi Group-ten budget-ah siamin nasa takin an tuak thin a ni. Branch hmalakna tanpui turin Committee peng hrang hrang an siam a, hlawk an ti hle. Chungte chu: Programme Sub- Committee, Decoration Sub- Committee, Ushering Sub- Committee, Light & Sound Sub- Committee, Evangelical Sub- Committee leh Refreshment Sub- Committee-te a ni. Thil entawn tlak tak pakhat chu biak in zai hruai hi thalaiten sulsuin hmalakna peng pakhatah an dah a. Hla hruai, hla hril training-te kohhranin a
July 2018 29 buatsaihsak a. Hlawk an tiin kohhran pawhin hma a sawn phah hle. KTP member inpumkhat nan hmeichhia leh mipa inkan tawn zan te an buatsaih a. Mizo inmikhual dan leh khawmpui mikhual inthlen angin, an member-puite in hrang hrangah zanriah te an ei darh thin a. Chu chuan inpumkhat lehzualna a thlen a. Branch dang pawhin ti ve se an duhsak hle. An kohhran chhunga Pavalaite nen rawngbawlna inchhim tawnna programme te an buatsaih a. Hlimawm an tiin zawngchhang tlak an ti hle. Biak in sa lai an nih avangin biak in sakna atan \halaiten tha an thawh hnem hle a, pawn lam mi ruai hauh lovin electric wiring te, rawng hnawih te, hna hautak zual zawng zawngte chu \halaite kut a ni tawp mai. Kawng engkima Kohhran Committeepawhin a rin ngam danah hian \halaite inpekna nasatzia a lang a. Chu chuan KTP thiltum, "Kohhran kutke ni tura \halaite buatsaih" tih chu a takin an lantir a ni. Kohhran zaipawl nung leh thiam tak an nei thei reng a. Inkhawm ban apiangin hla an zir thin a, kohhran ni pawimawh leh hun bik ah hla thar mawi tak tak an rem thei reng a ni. Biak in hawnga nupui pasal nei an awmin lawmpuina atan thilpek an pek bakah zaipawl an zai ziah thin bawk. Member hlate pualin tawngtaina an neih thin bakah an tlangnel nan programme hrang hrang an buatsaih thin a, Member inkhawm kim zan te, Solo Competition-te, Sport leh Group Nite-te an buatsaih thin. Hengte hian nasa takin an rawngbawlna a pui bawk. Tin, an member zirlai hlawhtlingte lawmpuina programme te buatsaih thinin, fuihna thu leh thilpek te an hlan thin. Branch KTP hmingin kar tin Pathianni apianga chhuak chanchinbu, "KTP PALAI" an tichhuak reng a. Kohhran inhriat pawh tawnna atan an hmang tangkai hle. Tin, Central KTP atanga kum puan zir tur te mumal taka zirna hun an buatsaih thin a. YRC, Hospital pual leh Chhawmdawlna atana budget siam te pawh theih ang tawkin an hlen bawk.
July 2018 30 Mi huaisen kutzungtang! Lawng bathlar tlak dal vuan chuan ka n hawi vel a. Tuipuia tlai ni tla tur chuan ka kutzung\anga zungbun man to takte chu a rawn chhun tle ser ser a. Tlai thlifim vawt raih mai chuan ka thawmhnaw mai ni lo, ka ngaihtuahna thleng chuan a chhem phe hlep hlep bawk a. Ka pa hi China a\anga Silk chaw lut \hin sumdawng hlawhtling tak a ni a. Kei pawh hluma siam bungbel hmanga sumdawnna bul \an tum, China pan mek ka ni a. China siam hlum bungbelte hi khawthlang lamah hralh a kal viau chuan, rei lo teah mah ni kea ding thei, mi hausa tak ka ni mai dawn a ni. Tuipui hian Siamtu ropuizia a puang teh e, mi pakhat hian rawn tiin ka bulah a rawn ding ve a. Lungalhthei khura thawk ni awm tak hian a thuamhnaw te chu a chuarin, a hmel a dawldang hle a. Ka lo nui satliah ve mai a. Khawi lam nge i pan dawn? a n ti leh a. Kei chuan, China lam. Nang zawk? ka n ti let ve a. Ani chuan, Missionary turin China-ah chuan kal ka tum a, a ti a. A kal tumna hmun kan zawh chian chuan, thil rapthlak tak hriat chhuah zawk ka nei a! Hman kum lawk khan China-ah chuan Ameri- can missionary pakhat hi an man a. American mission board hnenah Pawisa tam tham tak mai a tlan chhuah nan an ngiat a. An hun tiam a pawisa an pe lo a nih chuan missionary kutzungtang chu pakhat te tein an tan chhum zel ang a, a tawpah an that dawn a ni. Mission board chu ni thum laia an tlai tak avang chuan missionary pawh chuan a kutzungtang pathum a chan hman tih te chu ka hrilh a. Kha ta tang khan i kal tumna hmunah chuan missionary tu mah an kal ngam tawh lo. Nang pawh ngaihtuahna thar seng la a va tha awm ve! tiin ka rawn a. A nui sak a, mi chhan tuma a an ziau lai chuan Lawng captain chu lo kalin min rawn fin ve a. Missionary chuan inthlahrun hmel tak hian, Inkawmna hun tha tak kan nei a, ka lawm e, a ti a, kal tumin a inher a. Kei chuan, Kei pawh ka lawm e. Chibai le, ka ti a. Ka kut ka phar chhuak a. Ani pawh chuan hlim hmel taka a kut rawn phar chhuakin ka kut a rawn vuan a. A kut ka hmer chu ka phu zawk mai. A kutzungtang chu pathum laiin a lo kim lo a! Kan Pathian, a rawng kan bâwl thina chuan rawh tuina meipui ata min chhanchhuak thei si a...chuti lo pawh ni sela, aw lalber, i pathian rawng chu kan bâwl dâwn lo... (Dan 3:17,18).
July 2018 31 9774196355 Q. Kristian halaia kan article ziah sa hi a soft copy-in min pe thei angem? - Lalchhanchhuahi Bawitlung Electric Vengthang Br. Chhanna - Article-te hi eng issue-a chhuak nge tih hriain K P Office-ah ngaihven theih reng a ni e. Q. Kristian halai Pawl General Conference vawi 57-na Programme, Report leh Agenda bu, phek 86-na leh agenda 6-na hrilhfiahnaah hian General Conference rorel minute bu hi rorel palaite zawng zawng bakah Branch tin leh Bial copy tur pek vek \hin angin a inziak a. Mahse, a copy hi Branch leh Bial palai daih chauh min pe chhuak \hin si a. He lai hrilhfiahna hi chiang lehzuala min chhan theih chuan ka lawm hle ang. - Lallawmthanga Saihapui V Br., Phainuam Bial Chhanna - Tun hma chuan a hranpaa thawn chhuah \hin a ni a, tunah erawh chuan General Conference leh Rorel Inkhawm neihna hmunah sem hman tura peih a nih \hin tak avangin Bial aiawh palaite hnenah Bial copy tur leh Bial chhung Branch tin copy tur K P Office a\angin pek \hin a ni ta a ni. Bial tin hruaitute ngaihven tura hriattir \hin an ni bawk. Agenda hrilhfiahna hi a lo chiang tawk lo a ni e. Q. Kristian halai hi PDF file-a inpek dan hi a awm ang em aw? Kristian halai copy hi kan hmu ve phak lo va, tha leh zung theihtawp chhuaha K P tana lo hman ve tawh chuan chhiar hi a chakawm \hin lutuk a, a chhuah apianga chhiar ve theih \hin a chakawm hle mai. - Ramthangliana Fanai Lucknow Mission Field Chhanna : Kristian halai chanchinbu i lo hlut \hin avangin kan lawm hle mai, K chanchinbu hi man chawia member-ten kan lak a nih avang leh, Synod hnuaia lehkhabu man neia chhuah te hi a theih chin chinah pdf-a tihchhuah loh ni se tih thu ding lai a awm avangin hei hi K chungchangah chuan zawm a ni. Chutih rual erawh chuan Branch-ten missionary pualin K hi an laksak \hin a, Lucknow Field-ah pawh hian copy 25 thawn mek a ni a, ngaihven theih a ni ang. Kumin chu Editorial Board in \ang tlang hle niin a hriat a, a lawmawm hle mai. Hetianga mi nawlpuiina awlsam taka feedback kan neih theihna tura hma in han la hi a lawmawm hle mai. Thu ngaihnawm leh hlawkpuiawm tak tak in chhuah zel theih nan duhsakna ka hlan a che u. - Lalchhuansanga, Ramthar Bial K : Kan lawm e. Theihtawp i chhuah tlang zel ang aw!