Naupang te tana Pathian Lehkhabu Thianghlim I hnen rawn thlentu Mihring lungngaihna intanna chu
Ziaktu: Edward Hughes Milem nena sawifiahtu: Byron Unger; Lazarus A hmeh leh remchang zawnga lettu: M. Maillot; Tammy S. Letlingtu: C. Lyani Chhuahtu: Bible for Children www.m1914.org 2012 Bible for Children, Inc. Phalna: He thawnthu hi sumdawn na atan a hman anih loh phot chuan I duh ang in ziah chhawn emaw khawla chhut chhawn phal ani.
Engkim hi Pathian siam ani! Pathianin mihring hmasa ber a siam lain, Adama leh a nupui Evi chu Eden huanah an khawsa a. Hlimtak leh Pathian thuawih tak in an om thin a mahse nikhat chu...
"Pathianin, Huana thing rah rêng rêng hi in ei tûr a ni lo, a ti elo maw?" a ti a. Tin, hmeichhia chuan rûl hnênah chuan, "Ti lo ve, huana thing rahte hi kan ei thei asin: huan lai taka thing awm rah erawh chu Pathianin, In ei tûr a ni lo, tawh pawh in tawk tûr a ni lo, chutilochuan in thi ang, a ti a ni", a ti a.
In ei nî atang chuan Pathian ang in lo ni dâwn a ni. Evi chuan thing rah chu ei mi a ni tih leh, mit la tak a ni tih leh, mi tifing tûrin thing rah îtawm tak a ni tih a hriat chuan thing a rah thenkhat chu a lo va, a ei ta a.
Evi in Pathian thu a awihloh hnu chuan thei chu a pasal Adama chu a peve ta a. Adama chuan "Äih, Pathian thu ka hnial thei lo" lo tih awmtak ania.
Adama leh Evi ten thil an tihsual hnu chuan saruak anni tih an in hrechhuak a. Tichuan theipui hnah an thui khâwm a, pawnfên an insiam chawp a, LALPA Pathian chu an lo bihrûksan ta ani.
Tin, LALPA Pathian chu huana tlai nî nêmah alo lêng a: Pathian chuan an thil tih chu a hre reng a. Adama chuan Evi a puh a. Evi chuan rul a puh bawk a. Pathian chuan rul hnenah, "ânchhe dawngin i awm bîk ang" ati a. Hmeichhe hnênah chuan, "I hreawmna leh i nau paina chu nasa takin ka tipung ang a; hreawm takin fa i hring thîn ang" a ti a.
Tin, Adama hnênah chuan, "Ka thu I awihloh avângin lei hi nangmah avângin ânchhe dawngin a awm ta a ni; i dam chhûng zawngin rim taka thawkin a rah chu i ei tawh ang a ti a."
Tichuan Pathian chuan eden huan ata chu a hnawtchhuak ta a. An sualna avang in Pathian lak ata lak hran in an awm ta a.
Pathian chuan nunna thing kawng chu vêng tûrin Eden huan chhak lampangah chuan Cherub-te leh mei khandaih vir tawn zawk zawk chu a awmtîr ta bawk a.
Tin, LALPA Pathian chuan Adama tân leh a nupui tân chuan savun kawrfualte a siamsak a, a haktîr ta a. Mahse Pathian khan kha savun kha khawi atang in nge a lak ang le?
Chutih hunlai chuan chhungkua an insiam a. An fapa hmasa zawk Kaina chu leilettu ani a. An fapa pahnihna Abela chu berâm vêngtu ani.
Nikhat chu heti hi a ni a, Kaina chuan LALPA hnêna hlan atân lova thlaihnah a rawn la a. Tin, Abela pawh chuan a berâm rual zînga piang hmasa berte leh a thau chu a rawn la bawk a. Tin, LALPA chuan Abela leh a thil hlan chu a lâwm a.
Kaina thil hlan erawh chu Pathian in a lawm ve loh avangin Kaina chu a thin a rim a, nimahsela Pathian chuan thil i tih that chuan lawm i hlawh dâwn lo vem ni? a ti a.
Kaina thin ur na chu a reh mai loh avangin a nakin deuhah chuan lo ah feh in Abela chu a that ta a.
Tichuan LALPA chuan Kaina hnênah chuan, "I nau Abela kha khawiah nge a awm tak?" a ti a. Tin, a ni chuan, "Ka hre lo. Ka nau vêngtu ka ni em ni?" a ti a. Chuvangin Pathianin Kaina chu a hrem in, lei i leh pawhin a thatna chu a pe phal tawh lo vang che; leiah hian tlân bo leh vâkvai i lo ni tawh ang, a ti a.
Tichuan Kaina chu LALPA hnên ata chu a chhuak in nupuiah Adama leh Evi te fanu chu a nei in chhungkua an din ta a.
Reilote chhung in Kaina tu leh tuchhuan te chuan a khawpui din chu an luah khat ta thuai a.
Chutih hunlai chuan Adama leh Evi te chhungkua chu an inthlah pung chak em em mai a. Khatih hunlai kha chuan mihring te poh an dam chen a sei zawk thin ani.
An fapa Setha a pianni in Evi chuan Pathianin Abela aiah chi thlah dang mi ruatsak ta a ti a. Setha chu Pathian tih mi tak ni in kum 912 a dam a fanu leh fapate a nei hlawm ani.
Khovela mihringte chu an lo sual tak em avangin Pathianin khovel chu tihchhiat a tum ta a...
... ramsa te chunglêng sava te nên lam hian; Ka siam tâk avângin Ka inchhîr a ni, a ti a. Mi pakhat erawh chuan LALPA mit a tlung a.
Chu pa chu Nova ani. Nova chu Setha thlah a ni a, mi fel tak niin Pathian nên an lêng dûn thîn a ni.
Nova chuan a fapa te pathum chu Pathian thu awih turin a zirtir thin a. Tichuan Pathian in Nova chu danglam bik tak a hman a tum ta a.
Mihring lungngaihna intanna chu Pathian lehkhabu atang a Pathian Thu nen a inmil thawnthu chu hengah te hian a hmuh theih Genesis 3-6 "I thu hrilhfiah hian mitte a tieng a; Mi mawlte chu a hriat thiamtir thin." Sam 119:130
A tawp ta
He Bible thawnthu hian Pathian ropui zia leh Amah hrereng tura min duhzia min hriattir ani. Pathianin thil thalo tam tak, Ani in sual atih chu kan ti tih a hria a. Sual man chu thihna ani, nimahsela Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan. He thu hi a dik ani tih I rin chuan hetiang hian Pathian hnenah sawi rawh: Ka Lal Isua duhtak, Nangmah chu Pathian I ni tih ka ring a, ka sual avang a thi tur in mihring ah ilo piang a, tunah chuan I nung leh ta. Khawngaihtakin ka nunah lo awm la ka sual min ngaidam ang che. Chutichuan nun thar ka lo neih a chatuan a nangmah nen a kan awm dun theih nan. Khawnngaihtakin Nangma thu awih a, I fa ni a, I tan a nung reng tur in min tichak ang che. Amen. Pathian Lehkhabu Thianghlim chu nitin chhiar la Amah nen nitin hun hmangdun ang che u. Johana 3:16