SAMPLE QUESTION PAPER 2019 EXAM MIZO SUBJECT (098) CLASS X Time allowed : 3 Hours Marks : 80 Section A (Reading Comprehension) 1. A hnuaia thu hi ngun takin chhiar la, zawhnate hi chhang ang che. Damdawi in pakhatah hian damlo pahnih hi khum indawt chiahah an mu a, khawiah mah an chhuah ve theih loh avangin an inkawmngeih hle a. Ni tin mai hian an titi dun a, an nupui fanau chanchin te, an thiante chanchin te, an hnathawhna chanchin te leh an eizawnna chanchin te an inhrilh dun thin a. Damlo pakhat zawk chu tukverh bulah a mu a, a chuapa tui a awm avangin an siak dawn apiangin nurse chuan a thut muttir thin a. Chutianga a thut mut veleh chuan a thianpa, tho ve thei lo hnenah chuan tukverh atanga a thil hmuhte chu a hrilh thin a. Ni tin hian nghakhlel takin chu chu a lo nghak thin. Tukverhah chuan a han dak a, an damdawi in awmna piah maiah chuan huan mawi tak, pangpar chi tinreng par vul chuk a awm thu te; dil mawi em emin a hual vel a, chu dilah chuan naupanghovin an lawng lem siamte chu tui chungah an khalh a, a bul maiah chuan thingbuk chi hrang hrang a awm thu leh nula tlangval inhmangaih tih hriat reng reng inkuah chunga an leng a hmuh thu te a thianpa chu a hrilh thin a. Tuk khat chu, E! Khu, mipui tam takin kawng an zawh mup mup mai! Band Party-in an kawng zawh chu hla mawi takin an awi a, a ropui hle mai, tiin a thianpa chu a hrilh mawlh mawlh a. A Thianpa chuan a tih dan pangngaiin maimitchhing chungin a thusawi chu ngun takin a lo ngaithla a, an zinga tel ve ang maiin hlim em emin a suangtuahnain chung chu a lo hmu ve a, Chung chuan a nun chu a tizangkhai thin a, a thu hriatte chuan a nunah beiseina thar a pe thin a ni. Tuk khat chu nurse chuan damlo tukverh bula mu chu a hmai phihsak tumin, chawhtawlha tuilum kengin a lo kal a, a kaitho zo ta hauh lo va, a lo thi reng tawh a lo ni a. A ruang an han senghawi hnu chuan damlo pakhat zawk chuan a thianpa mutnaa insawn chu a dil a, an remti a, a thianpa mutnaah chuan a insawn ta a. A thianpain tukverh atanga a thil mawi leh hmuhnawm tinreng a sawi thinte kha hmuh tumin thei leh thei lovin a inbeng kang a; mahse, engmah a lo hmuh theih awzawng loh! Bang hian engkim chu a lo hliah vek a, eng takngial pawh hmuh tur a awm lo. Nurse hnenah chuan, Ka thianpa khan a thih hma khan tukverh atanga han thlira thil mawi leh ropui tak tak a hmuh chanchin min hrilh thin a; mahse, bangin engkim a lo hliah vek sia, tiin nurse chu thil awmzia a han zawt chiang a. Nurse chuan, I thianpa khan bang pawh hi a hmu thei hlei nem! Mitdel a ni a, i nat em avangin a lainat che a, ni tin beiseina thar nen i hun te i chhiar ve theih nan tihhlim dan tur che a ngaihtuah thin a. I suangtuahnaa thil duhawm tak tak i lo
ngaihtuah theih nan te, i na ngawih ngawih tih i lo theihnghilh thei deuh mahna tiin a theihna zawng zawngin kha suangtuahna khawvelah khan a hruai lut thin che a ni, tiin a hrilh ta a. a) Damdawi ina damlo pahnih khan eng chungchang nge an inhrilh thin? 2 b) Damlo, tho ve thei lovin a nghahhlelh em em thin kha eng nge? 2 c) Damlo pakhat zawk nuna beiseina thar petu kha eng thilte nge? 2 d) Mitdel zawk khan engvangin nge a thianpa kha pawn lama thil thleng chunchang phuahchawpa a hrilh thin nia i hriat? 2 e) A thianpa thi ta kha mitdel a lo ni a, a thil hrilh thin pawh ama phuah chawp vek a ni tih a hriat hnua a thianpa chunga a rilru putdan tur nia i hriat han sawi teh. 2 f) He thu atanga zir chhuah tur nia i hriat han sawi teh. 2 g) Heng hmang hian sentence han siam teh: 1x3=3 i) suangtuahna ii) nghakhlel iii) mup mup Section B (Grammar) 2. Hengte hi tawng upain engtin nge ana sawi? 1x5=5 a) Hlau lo awm ang deuhva awm a, hlauhawm a lo thlena hlau pheleng leh si. b) Vawi lehkhata thawpikna emaw, harsatna emaw kiang huai sawina. c) Thu emaw, thil tih emaw, hundanga ngaihtuah leh tura dah. d) Engmah ni si lova harh leh thawveng taka awm. e) Natna engmah nei lawk lova thi thut sawina. 3. A hnuaia thute hia a hmaa thute nen ziah zawma hmanna leh ziak zawm lova hmanna sawi la, a tichiang turin sentence siam bawk ang che. 1x3=3 a) Chhuak b) Khat c) vel
4. Heng thute hi a dik lo lai tidikin han ziak chhawng teh. 1x3=3 a) I inkhel zawhah inbual ngei ngei ang che. b) I Uniform kha a balh chuan suk turin dah rawh. c) Nizan rauhsur kha i hria lo em ni? 5. A hmanna tur dik taka hmangin sentence han siam teh. 2x2=4 a) hawh leh puk b) Nam leh nem Section C (Composition) 6. Social Media-in zirlaite harsatna a thlen chungchanga zirtirtu pakhat leh zirlai nu leh pa inbiakna thumal 300 velin han ziak teh. 6 7. Hnam dang tawwng kan tawng ang maia kan hman hi engvang nge sawi la, hnam dang tawng kan tawng anga kan hman pahnih hmangin sentence han siam teh. 3+2=5 8. I duh ber thupui thlangin esssay, thumal 500 velin essay han ziak teh. 10 a) Ka thian tha ber b) Nu Hmangaihna c) Nungcha humhalh. 9. A hnuaia thu hi tawi kim deuh, hmun thuma thena hmun khat velin han ziak chhawng teh. 2x2=4 a) Mexico ramah khuan tuihna lum leh vawt chhuahna a tam mai a. He tuihna malsawmna chhawr hian a vela nuhote pawhin tuilumah chuan an thawmhnaw balte an chiah fai hnuin a kianga tui vawtah chuan an tleng fai leh mai thin a. Kum tam tak kal ta khan khualzin pakhat chuan nuho insu lai chu hmuhnawm ti takin a thlir a, chu khaw pa pakhat hnenah chuan, In khaw nuho chuan vannei an inti hle lo maw, tui lum leh vawt duhthala a thlawna hman tur an nei reng si a? a ti a. An khaw pa chuan, Ti teh suh ei! Khuanun insuk sahbawn a pe tel lo hi an phun zawk maw le!tun hnaiah phei chuan khawvel hmun thenkhatah insukna khawl an hmang tawh tih an hre lehnghal a, an phun tawp thei lo a nih ber hi, a ti ta daih mai a. b) Kum 2004 December ni 25 khan Meulaboh Kristiante chuan Krismas hman ho an tum ve a, nasa taka an inpuahchah ve laiin Mosolman-ho chuan khawpui chhunga Krismas hman chu an
phalsak ve ta lo va. Tichuan Kristiante chu Meulaboh tlang sanga Krismas hmang turin an tir chhuak ta a, Tlangah chuan Krismas chu an han hmang ta a. Hemi ni hian an in lama haw lo chuan Kristian zawng zawng chu tlangah chuan an riak ta a. A tuk December ni 26 zingah chuan khawvelin a theihnghilh ngai tawh loh tur thil rapthlak a lo thleng ta a ni tih kan hriat theuh kha. Meulaboh khawpui chu lirnghing, tuifawn leh thlipui chuan ram dang a tih ang bawkin a han nuai ta a. Tichuan, tsunami chuan in leh lo leh khawpui a tihchhiat bakah mi sang tam takin an thih phah ta a ni. Hetih lai hian thil mak danglam tak lo thleng ta chu - Kristian zali rual, tlang sanga Krismas hmang tura hnawh chhuahte kha pakhat mah hliam tuar an awm lo va, an zavaiin Kristian zawng zawng chu an him vek a ni. Section D (Poetry) 10. Taivelan Pathian a hmuh dan, Ka tan ni leh thla.. tih hla behchhan hian han sawi teh. 2 11. Awm khawhar lenkawl tih hla phuahtuin, Tawnmang lungmawl mai chang tawh hnu a tih kha eng nge ni? 2 12. Hla Phuahtuin, Van sang Lersia kan thleng ta e, a ti a, Chumi avanga lawmna kan lantir dan tur eng angin nge a sawi? 2 13. Zirtu kawng tih hla phuahtu hian zirlaite hlawhtlinna kawng zawh turin eng angin nge a fuih? 2 14. Heng hla thute hi Mizo tawng tluang pangngaiin han dah teh. 1x4=4 a) Ami hluanin awl ni reng a nei si lo. b) Tah chuan nilen ka nuam ngei e. c) Kan thang kan sang, nang belh erawh kan nuam ta lo. d) Khuanuleng suihlung remin awmdan an thiam ngei e. Section E (Prose) 15. Chan tawka lungawi thatna leh that lohna han khaikhin teh. 2 16. Mihring nuna beiseina neih hlutzia han sawi teh 2 17. Khawvel siam tha turin pa fing leh ropuite aiin nu thate hnathawh hi a hniam bik lo. tih hi han sawi zau teh. 2 18. Malsawmna chu bahra laiha laih tur a nih dan han sawi teh. 2 19. Mizo hlui leh Mizo thar tih ziaktuin ram hmasawnna kan kalpui dan a sawi kha eng ang nge sawi la, engtia kalpui nge thaa i hriat sawi bawk ang che. 2
20. Heng thute hi hrilhfiah rawh. 1x3=3 a) ramvachal b) vahsan lak c) chawrche