Microsoft Word ChiuN Uibun.doc

Size: px

Start display at page:

Download "Microsoft Word ChiuN Uibun.doc"

人仔握万
5 years ago
Views:

1 漢字迷思 ê 形成 kap 對台灣文學文化發展 ê 影響蔣為文漢字迷思 ê 形成 kap 對台灣文學文化發展 ê 影響蔣為文成功大學台灣文學系摘要 T 包含越南韓國朝鮮日本台灣中國等漢字文化圈 läi-té, 台灣算是 siöng 慢受 tiõh 漢字文化影響 ê 所在 -koh 自 17 世紀鄭成功 t 台灣建立漢人政權用體制 ê 力量來 chhui-sak 漢字文化以來, 台灣人所顯現出來 ê 漢字文化特質 soah lú 來 lú 重 Chit 篇論文 ê 研究目的代先是 beh 探漢字 ê 文字結構 thang 理解漢字迷思 ê 文字因素,koh 來是 beh 探討漢字迷思對台灣文學文化發展 ê 影響台灣人對漢字 ê 迷思代先表現 t 對漢字 ê 錯誤認知,kiò-s 漢字是表意文字 Gelb (1952) 提出講傳統上用表意表音二分法來區分文字並無妥當 ;Gelb 認為講, 文字應該就伊表示 ê 語音單位 ê 大細來分類本研究就是以 Gelb ê 文字理論為論述基礎, 來分析漢字迷思 ê 文字因素台灣人因為對漢字有迷思 soah 致使 kiò-s 台語無用漢字書寫 bë-sái 譬如講,t 台灣文學史上有名 ê 1930 年代台灣話文論戰, 論戰焦點 soah lóng kh g t án-choá 使用漢字 thang siá 台語, 甚至到 kah 1990 年代初期台語文運動 ê 爭論焦點 mä 是 t 漢字本字追求漢字本字 ê 結局是台語文創作量無法度提升本論文研究成果指出, 台灣人應該 ài 跳脫漢字 ê 思考模式 chiah 有法度建立台灣文學 kap 文化 ê 主體性關鍵詞 : 漢字迷思文字改革台灣白話文 1. 話頭 1492 年 Kholanpos (Christopher Columbus) 代表歐洲人第一 pái 行船到美洲大陸 ;Kúi 年 liáu, 葡萄牙 ê 行船人 Gama(Vasco da Gama)t 1498 年透過好望角 (The Cape of Good Hope)phah 開歐洲到印度 ê 新航線 Koh 來葡萄牙統治者 A-bu-khe-khe (Don Affonse de Albuquerque) t 1510kap 1511 年分別佔領 ë-tàng 控制印度西海岸 ê Goa kap ë-tàng 控制東南亞 Ma-la-kah 海峽 ê Ma-la-kah (Malacca) 自 án-ne, 歐洲人 phah 開 ùi 海上來到東方 ê 新航路 (Hall 1981: 264; 湯錦台 2001:35) Hoan 頭 kä 看,15 世紀 ê 結束 tú 好是新航線大航海時代 ê 開始台灣 mä t chit-khoán ê 時代潮流之下 hông 帶 chiü 國際舞台 T che chin-chêng, 台灣是由南島語系 ê 原住民所構成 ê 原始部落社會到 kah 17 世紀 ê sî-chün, 荷蘭 ui 葡萄牙日本大明帝國西班牙等國際勢力當中有出眾 ê 表現, 致使搶 täi-sengt 1624 年佔領台灣建立台灣第一個外來政權

2 雖然荷蘭人佔領台灣主要是經貿 ê 考慮, -koh 以基督教義為主 ê 文教活動 mä 是 in ê 重要 khang-khòe 之一 (Campbell 1903: vii; 曹永和 1979: 33-38) 像講, 荷蘭人為 tiõh h³ hit 當時 ê 台灣人, 也就是平埔族人 ë-tàng iöng in ka-t ê 母語 kap 上帝 chih-chiap, 所以用羅馬字替平埔族設計文字 koht 1636 年設立台灣有史以來 ê 學校 (Heylen 2001) 台灣就是 án-ne 半自願半被迫 --ê ùi 口傳原始社會進入書面語時代而且台灣一進入書面語時代, 就因為荷蘭 ê 關係 kap 西歐 ê 文字讀寫傳統建立關係雖罔台灣 ùi 原始社會 hông 帶 chiü 國際舞台, 一開始就受西歐基督教文化影響 -koh 自 1662 年荷蘭人投降, 換鄭成功 t 台灣建立漢人政權用體制 ê 力量來 chhui-sak 漢字文化以來, 台灣人所顯現出來 ê 漢字文化特質 soah lú 來 lú 重台灣人對漢字 ê 迷思代先表現 t 對漢字 ê 錯誤認知,kiò-s 漢字是表意文字台灣人因為對漢字有迷思 soah 致使 kiò-s 台語無用漢字書寫 bë-sái 譬如講,t 台灣文學史上有名 ê 1930 年代台灣話文論戰, 論戰焦點 soah lóng kh g t án-choá 使用漢字 thang 寫台語, 甚至到 kah 1990 年代初期台語文運動 ê 爭論焦點 mä 是 t 漢字本字追求漢字本字 ê 結局是台語文創作量無法度提升本研究就是以 Gelb (1952) ê 文字理論為論述基礎, 來分析漢字迷思 ê 文字因素,sòa--lâi 探討漢字迷思對台灣文學文化發展 ê 影響 2. 文字 ê 分類 kap 發展 2.1. 文字應該就伊表示語音 ê 單位 ê 大細來分類若論到文字, 真 chë 人 lóng 會用表音 kap 表意二分法來區分世界上 ê 文字系統,sòa--lâi 認為漢字是表意文字, 其他使用 ABC 羅馬字母 ê 是表音文字事實上,chit-khoán kä 文字二分法 ê 分類方法真無妥當 mä 無準確, 因為無半種文字是純表音或者表意 ê 像講, 英文 ê semi kap er 就分別有半 kap 人 ê 意含 ; 中文 ê 麥當勞就純粹是利用漢字做記音 ê 工具來表示英文 ê McDonald chit-ê 詞若準漢字是表意文字,án-ne 漢字 ê 閱讀過程應該 häm 其他所謂 ê ABC 拼音文字無 käng chiah tiõh -koh, 真 chë 心理語言學 ê 研究報告 lóng 指出 kä 漢字 ê 閱讀過程 kap 語音聯想分開是無正確 ê 觀念前教育部長曾志朗 ê 研究報告 (Tzeng 1992: 128) 指出漢字 ê 閱讀過程 käng-khoán 牽涉著語音 ê 反射聯想, chit-ê 過程 kap 其他所謂 ê 拼音文字是類似 ê 意思就是講, 漢字 kap 所謂 ê 拼音字 t 閱讀過程 käng-khoán 牽涉著語音 ê 反射聯想類似 ê 研究報告 bë-chió, 包含 Flores d Arcais (1992) Cheng (1992) Su and Anderson (1999) Li (2000) 等因為傳統表音表意 ê 文字分類法有伊真大 ê 缺點,Gelb(1952)kap Smalley (1963) 就提出新 ê 文字分類觀念 In 指出, 世界 ê 文字應該就伊表示語音 ê 單位 ê 大細來分類 chiah ë-tàng 有系統性 ê 對世界文字做分類 kap 了解文字 ê 演變趨勢所謂 ê 語音單位就是指語言學 teh 講 ê 音素 (phoneme) 音節 (syllable) 詞素 (morpheme) kap 語詞 (word) 等,ùi 細到大無 käng 大細 ê 話語成分 T chit-ê 分類標準之下, 漢字 ë-sái 講是語詞 - 音節 (word-syllabic) 或者 2

3 詞素 - 音節 (morphosyllabic)ê 文字 1 日本 ê 假名是音節文字 ê 典型代表越南羅馬字英文字台灣白話字 kap 韓國諺文 ë-sái 算是音素文字, 因為 t chit-ê 系統 läi-té 每一個字母所表示 ê 語音單位是音素雖然越南羅馬字英文字白話字 kap 諺文 lóng 是音素文字, -koh in iáu 有 tämpõh-á 差別 ; 差別 ê 所在就是語音 häm 符號 ê 對應關係 kap 符號排列方式 ê 無 käng 就語音 häm 符號 ê 對應關係來看, 越南羅馬字 kap 台灣白話字基本上是一個符號對應一個音素, -koh 英文是多元 ê 對應關係就音素符號排列方式來看, 越南羅馬字台灣白話字 kap 英文字 lóng 是一維 ê 線性排列, -koh 韓國諺文 kap 漢字 lóng 是二維 ê 結構現此時世界上多數 ê 文字系統, 像講英文德文法文西班牙文越南文 kap 台灣白話字,lóng 是一維 ê 音素文字一維 ê 音素文字 ë-sái 講是世界上普遍 ê 書寫系統 2.2. 文字演變是 ùi 大 ê 單位到細 ê 單位 Gelb(1952) 進一步提出講 :ùi 語音 ê 單位 ê 大細來看, 世界上 ê 文字演變是 ùi 大 ê 單位到細 ê 單位會有 chit 款 úi 大到細 ê 演變, 是因為牽涉著人類對話語 ê 觀察 ê 能力也就是講,tng 當咱人對話語 ê 語音單位有 khah 進一步 ê 了解了, 咱人就進一步發展出描寫 khah 細 ê 語音單位 ê 文字系統描寫 ê 語音單位 ê 大細 kap 學習效率有啥物關係 leh? 一般得來講, 描寫 khah 細 ê 語音單位 ê 文字系統會 khah 準確 ( 紀錄語音 ) 有效率有利咱人 ê 學習, 因為 in ë-sái 透過有限 ê 少數 ê 字母 ê 排列組合來描寫無限 ê 新語詞 ê 創造音素文字 ë-tàng 有 chit 種功能是因為咱人類 ê 語言 lóng 是由少數 ê 母音 (vowels)kap 子音 (consonants) 所構成 ê 透過無 käng ê 音素符號來代表無 käng ê 母音 kap 子音, 就 ë-sái kä hit-ê 語言 ê 語音系統完整描寫起來 Smalley(1963:7) 指出, 音素文字通常 kan-ta n 需要少數 ê 字母 ( 像講, 英文只要 26 個字母 ), 就 ë-sái 描寫 hit-ê 語言 ê 所有語音相對來講, 詞素文字 ê 缺點就是有真 chë ê 字 ( 詞素音節符號 ), 學生就 ài 學足 chë ê 字了 chiah 有 châi-tiäu 進一步做閱讀應用以台灣為例, 小學階段大概 ài 學 2,600 個漢字 ; 升起去中學了, 為著讀文言文 ê 文章, 學生 ài 繼續學 ch t-kóa 平時罕 leh 用著 ê 漢字若準小學畢業就算有一般 ê 閱讀寫作能力, 台灣 ê 學生上無差不多 ài 學 3,000 字漢字 chiah 會曉讀寫一般程度 ê 中文根據 Hannas(1997)ê 統計, 咱 chit-mái 社會上通行使用 ê 漢字大約有 7,000 字 Chit 7,000 字只是常用 ê 漢字 niâ, 若 kä 其他 khah 少人用 ê 字 ( 像講前行政院副院長游錫ㄎㄨㄣ ê 堃 ) 算在內, 數量 ë-sái 達到康熙字典所收集 ê 47,035 字下腳咱就來說明文字是 án-chóa 形成 kap 發展 T 古早古早, 咱人 iáu sa 無話語 ê 結構 chìn-chêng, 人類 kan-ta n ë-tàng t 洞孔 ê 壁 lìn 畫寡圖案來表達 in beh 講 ê 話語 ê 內容 Chit-ê 時期 ê 準文字所描寫 ê 語音單位是 kui ê 故事 ê 內容舉例來講, 假使咱發現一萬年前 ê Siraya 人 t 洞孔 läi-té 畫圖 ( 圖表 1),in t 壁 lìn 劃一仙人,hit ê 人手 lìn 提一粒石頭, 人 ê 邊仔有一隻嘴仔開開開 ê 獅畫 chit pak 圖 ê 人可能 beh 表示伊 t 某一工某一個所在真不幸去遇著一隻獅 ; 伊孤不二終, 石頭仔 sa leh 就 kap hit 隻獅拼 1 Gelb 傾向用 word-syllabic,defrancis 傾向用 morphosyllabic 3

4 Mä 有可能 beh 表示伊真勇敢, 伊 t 某一工主動找獅挑戰或者是真有愛心 beh thçh 物件 h³ 獅食因為 chit pak 圖描寫 ê 是 kui-ê 故事, 有 seng chë 資訊無具體描寫出來, 到底伊 beh 表示啥物意思,kan-ta n 畫 chit pak 圖 ê 人 ka-t 知影 Tng 當其他 ê 族人看著 chit pak 圖 ê 時,in 就 ài t hia 說文解字 ioh 看作者 ê 意思是啥 T chit 種情形之下,100 個人來看, 可能有 101 種 ê bô-käng 解釋圖表 1. 圖畫 ( 準 ) 文字所描寫 ê 語音單位是 kui ê 故事 ê 內容 Tng 當咱人對話語 ê 語音單位有突破性 ê 觀察了解語詞單位 ê 存在 liáu, 咱人就開始 kä 描寫 hit-ê 語詞 ê 圖案 ( 文字外形 ) 畫落來咱以頂面圖表 1 ê 故事來延續 : 假使 5 千年後 ê Siraya 人開始有語詞 ê 觀念,in 將原本圖表 1 ê 故事改用圖表 2 ê 語詞圖案方式紀錄落來圖表 2 可能是表示某一工, 某一人 teh 行路,soah 看 tiõh 一隻獅嘴仔開開開... 像 án-ne, 原本有 101 種可能性 ê 講法, 到 ta 因為描寫 ê 語音單位相對變細, 所以可能 chhun 50 種講法換一句話講, 準確度 ë-tàng 提升圖表 2. 語詞文字所描寫 ê 語音單位是語詞 2.3. 文字發展過程 ê 定形 tàu 字 kap 音化 Tng 咱人有語詞 ê 概念 liáu, 正式 ê 文字就 tit-beh 出現 Hit-kóa 經過定形化過程, 也就是講,tãk-pái beh 表示 käng 一個語詞 ê 時, 就用 käng 一個圖案來記錄表示像講, 劃一個圓箍仔中央點一點, 來表示日頭 chit-ê 語詞透過 chit 款定形 ê 過程, 人類 ê 文字總算出世 à 因為透過定形 ê 過程, 作者 kap 讀者之間 chiah 有法度取得共識 thang h³ 文字 t bô-käng 時間 kap 空間當中流傳漢字 läi-té ê 象形字 kap 指事字就是 chit-khoán ê 語詞文字雖罔語詞定形是文字正式發展 ê 頭一步, -koh 伊若無進一步發展出 tàu 字 kap 音化 (phonetization) ê 過程就無法度進化出具備完整功能 ê 文字系統 4

5 (Gelb 1952: ) 為啥物 ài 有 tàu 字 kap 音化 ê 過程? 因為咱人 ë-tàng 畫 ê 圖案有限, 無可能 piän 若 tú tiõh 一個語詞就劃一個圖案, 所以就 ài t 原有 ê 圖案基礎頂頭動腳手咱若 hoan 頭看語詞文字, 伊一開始出現一定是以具體看會 tiõh 摸會 tiõh ê 詞, 像講日獅虎魚等先發展出來 Chit-kóa 語詞因為有具體 ê 外形 thang 畫, 所以圖案真 kín 就定落來 ;Chit-kóa 詞就是漢字 läi-té ê 象形字 -koh, 咱人 ê 語詞 -nä 限定 t án-ne niâ,koh 有真 chë 抽象 ê 詞 kap 句法頂頭 ê 虛詞 Chit-kóa 抽象 ê 語詞 kap 虛詞 beh án-chóa 畫? 若是簡單 ê 抽象詞, 像講上 iáu ë-sái 畫土腳頂插一枝樹枝來表示頂 koân ê 概念 ; 這就是所謂 ê 指事字 -koh chit-khoán 畫會出來 ê 抽象詞數量非常有限, 所以只好 t 現有 ê 文字圖案做修改 Tàu 字就是將現有 ê kúi 個文字圖案 tàu 做新 ê 文字像講用日 kap 月 tàu 做明字 ; 用 3 個木 tàu 做森字 ; 用 2 個木 kap 1 個火 tàu 做焚字 ; 這就是漢字 läi-té 所謂 ê 會意字啥物是音化呢? 若是 Tàu 字 ê 過程有考慮 tiõh 原始文字圖案發音, 就是音化音化 ë-sái 分做完全音化 kap 部分音化咱 täi-seng 用英語來做例, 完全音化就是現代英語所謂 rebus writing ê 概念圖表 3 läi-té ê 英語 4U 本底是 4 個 U ê 意思, -koh t rebus writing 當中, 無管伊原來是啥意思, 只要 in ê 發音真 oá, 就 kä thçh 來表示新概念 for you ( 為 tiõh 你 ) 4 U 4 個 U for you 圖表 3. 用英語 4U 做 rebus ê 例若用圖表 4 ê 台語來做例, 七桃原本是 7 粒桃仔, -koh 伊 ê 發音 häm chhit-thô 真 oá, 所以就借用來表示 chhit-thô chit-ê 語詞 Rebus writing ê 做法若用漢字來講就是所謂 ê 假借字七桃 7 粒桃仔 chhit-thô, s g (to play) 圖表 4. 用台語七桃做 rebus ê 例啥物是部分音化呢? 就是借用現有文字圖案 ê 時 kan-ta 取用伊其中 ê 音素 niâ T 漢字 läi-té, 古早 ê 反切就是 chit-khoán 部分音化 ê 例像講圖表 5 läi-té 分別取都 ([t]) kap 宗 ([ong]) 來表記冬 ê 發音 [tong] T 西方, 古埃及文 läi-té 聲符文字 mä 是 chit-khoán 部分音化 ê 文字都 + 宗冬 [to] [chong] [tong] 圖表 5. 漢字反切是部份音化 ê 例 2.4. 文字發展過程 läi-té 解決同音異義詞 ê 法度文字 ê 發展過程 lìn kan-ta 有定形 tàu 字 kap 音化 ê 過程 iáu 無夠因為音化 ê 過程雖然 ë-sái 克服文字圖案有限 ê 問題, -koh 伊會 se thòa 出 käng 音 bô-käng 意思 ê 同音異義詞為 tiõh 解決 chit-ê 問題, 一個成熟 5

6 ê 文字系統就 ài chhöe 出解決方案 Chit-ê 問題通常是由變更拼字法或者增加區別符號來解決 T 音素文字 läi-té 多數是以變更拼字法來解決同音異義詞以英文為例, käng 發音 ê to too two 分別拼寫做 bô-käng 字 ;see kap sea mä 是 bô-käng 拼字雖罔音素文字多數採用變更拼字法, -koh mä 是有採用增加區別符號 ê 例台灣陳慶洲所發明 ê 台語科根就是 chit-ê 做法 : 伊將台語語詞分做 60 類, 每一類有一個符號表示 ( 號做科根 ), 像講 % 表示數字 z 表示動物 Sòa--lâi 伊 kä 科根加 t 語詞後壁, 像講 kau% kap kauz,án- ne 就 ë-sái 區別 käng 音 ê 九 kap 狗漢字 läi-té ê 形聲字就是用增加區別符號來解決同音異義詞 ê 問題像講江 kap 杠 pê -pê 發做 /kang/, -koh 分別用區別符號 kap 木來區別語意 2.5. 音節 kap 音素文字 ê 出現 Tng-tong 咱人發覺語詞是由 khah 細 ê 音節 (syllable) 構成 ê, 經過音節定形 kap 簡化 ê 過程 liáu, 音節文字就出現 à 日本 ê 假名 (Kana) 是典型 ê 音節文字代表日本人借用漢字 liáu,in 發覺語詞是由音節構成,in 一開始就先用 bô-käng ê 漢字來紀錄每一個日語音節 ; 這就是所謂萬葉假名 ( 万葉仮名 ) ê 由來 (Habein 1984: 12) 後來 in 發覺 käng 一個音節用 käng 一個漢字來表示就好,koh 進一步將 hit 個漢字 ê 筆劃簡化, 就形成純音節文字假名 (Seeley 1991: 59) 像講, in 一開始 kéng 安字來表示/a/ 音節,l³-bóe kä 簡化做あ ; 將利字 (/ri/) 簡化做り ; 將乃字 (/no/) 簡化做の韓國人借用漢字 liáu 一開始 mä 是借用 kui-ê 漢字當做表記音節或者詞素 (morpheme) ê 符號 ;chit-khoán ê 做法表現 t in ê 鄉扎 kap 吏讀頂頭(Ledyard 1966; Taylor and Taylor 1995) L³-bóe in 進一步發覺音節是由 khah 細 ê 音素 (phoneme) 構成 ê, 經過整理 kap 簡化,in 用一個簡化 ê 符號來表記每一個音素, 這就是韓國音素文字諺文 (Hangul) ê 由來 (Shin et al. 1990) 像講, 韓國字 한 是由三個音素符號 ㅎ ㅏ ㄴ 所 tàu 起來 ;Koh 因為受漢字二維排列方式 ê 影響, 所以諺文 mä 是二維 ê 排列方式 ㅎ + ㅏ + ㄴ 한 [h] [a] [n] [han] 圖表 6. 以 한 為例 ê 韓國諺文文字結構 3. 漢字 ê 文字結構 3.1. 漢字六書 ê 原理 kap 本質頂一節咱有分析過文字 ê 發展過程 liáu,koh hoan 頭 t g 來就 ë-tàng 真清楚看出漢字 ê 文字結構天良講, 漢字不過是 ùi 語詞文字演進到音節文字過程中 ê 中輟生 ; 因為半途而廢進化無完全, 所以漢字算是一種過渡期 ê 詞素音節文字若就文字 ê 成熟度來講, 漢字 ê 源頭一般是 ùi 商朝後期 ( 西元前 14- 前 11 世紀 )ê 甲骨文算起甲骨文經過周朝春秋戰國時期 ê 發展, 到 kah 6

7 秦始皇吞併六國, 規定小篆 chiâ -chò 標準 ê 文字了, 漢字 ê 字形 kap 結構 chiah 大概穩定落來 2 古早人分析漢字 ê 文字結構, 歸納出六書 ê 漢字造字原則無 käng ê 學者對六書有 täm-põh-á 無 käng ê 見解若照東漢時代許慎 ê 著作說文解字 ê 講法 : 一曰指事, 指事者, 視而可察, 察而見意, 上下是也二曰象形, 象形者, 畫成其物, 隨體詰詘, 日月是也三曰形聲, 形聲者, 以事為名, 取譬相成, 江河是也四曰會意, 會意者, 比類合誼, 以見指偽, 武信是也五曰轉注, 轉注者, 建類一首, 同意相受, 考老是也六曰假借, 本無其字, 依聲託事, 令長是也 Bë-chió 人 kiò-s 六書是漢字造字 ê 獨有特色, 就將六書當作是表意文字 ê 表現事實上, 漢字並無 khah gâu, 伊 mä 是 tòe tiõh 頂面所講 ê 世界文字發展 ê 腳跡 teh kiâ niâ 下面咱就來分析六書 ê 本質 kap 演進過程漢字內面真正有表意功能 ê 其實 kan-ta 指象形字指事字 kap 會意字,chit 部分合起來無超過漢字總數 ê 6 % 象形字主要是根據 hit-kóa 具體 (concrete) ê 實詞 ê 外型特徵來創造, 像講象鹿魚, 所以是以語詞為單位 ê 圖形文字指事字 ê 由來主要是 beh 模仿象形字 ê 做法來描寫簡單 ê 抽象 (abstract) 語詞 ; 因為 beh 用圖案來描寫抽象 ê 語詞無 hiah 簡單做, 所以指事字 t 六書 läi-té 佔無 kah 1 % 會意字會發展出來 mä 是 beh 處理簡單 ê 抽象語詞會意字就是頂面所講 ê tàu 字, 伊 ê 做法是利用現有 ê 文字符號 kä tàu 做新 ê 文字組合像講森字為 tiõh 表示講森林是由真 chë 樹木形成 ê, 就由木木 kap 木 tàu 起來照講是 ài 寫做木木木, -koh 為 tiõh 配合漢字四角磚仔 ê 傳統特色, 所以就 kä 重新排列做四角形 ê 森若 kä 會意字 ê 造字方法應用 t 英語頂頭會是啥款 ê 情形 leh? 假使英文是採用二維 ê 排列方式,án-ne forest ( 樹林 ) t 新英文字 lìn ë-sái 寫做圖表 7 所表現 ê 由 3 個 wood tàu 起來 ê 模樣圖表 7. 會意字應用 t 英語 forest 頂頭會意字本底無一定是單音節 ( 像講英語 forest ê 例 ), -koh 受傳統漢字一字一音節 ê 影響 soah 變成以單音節為原則現代其實 mä 有 bë-chió 以多音節為主 ê 會意字, 像講招財進寶 t 台灣社會上寫做圖表 8 án-ne 圖表 8. 招財進寶 ê 新會意字 2 雖然漢字 ùi chit-chäm 開始有 khah 固定 ê 字形, -koh 咱 mä -thang bë 記得伊 t 歷史演變過程中 iáu 是經過隸書草書楷書行書等無 käng ê 字形變化 7

8 若講到假借字, 伊就是咱頂面所講 ê 文字音化過程,iä 就是不管文字原本表記 ê 語意,kan-ta 將伊當作記音符號來使用越南 ê 字喃 t 發展 ê 早期 mä 是以假借字為主 ( 蔣為文 2005a) 台灣 ê 卡拉 OK 台語歌詞 kap 傳統歌仔冊 läi-té ê 台語用字有真 chë 就是用假借字來處理 ; 目前台灣社會上真流行 ê 火星文真 chë mä 是運用假借字 ê 原理真 chë 人批評台語歌 ê 漢字假借字是胡白 tàu 字, -koh 假借字 mä 是符合六書原理 neh! 是 án-choá 古早人用假借字就 ë-sái, 現代人就 bë-sái? 若 kä 假借字 ê 造字方法應用 t 英語頂頭會是啥款 ê 情形 leh? 若用羅馬字來書寫,án-ne back 2 school läi-té ê 2 就是 to ê 假借字若用漢字來寫英語, 哀黑夫土豆割撕就是 I have two dogs ê 假借字當然,mä 有可能有人會用下面 (2) ê 假借字來書寫到底 beh 用啥物字 chiah 好? 當然,chäi 人 kah 意!? 這就是漢字 ê 嚴重問題! (1) 哀黑夫土豆割撕 = I have two dogs (2) 埃黑膚兔鬥戈斯 = I have two dogs 雖罔假借字 ë-sái 用來表記所有 ê 口語語詞, -koh 伊會造成新舊文字字義 ê 混亂像講英語 ê 哀黑夫土豆割撕可能會受字面 ê 影響 hông 誤會做悲哀 ê 穿黑衫 ê 農夫 t hia 割土豆因為假借字會造成新舊字義 ê 混亂, 所以形聲字就出現 à 像講, 可能有人會將頂面 (1)(2) ê 例利用形聲原理改寫做下面 ê (3): (3) 人哀有黑有夫土二犭豆犭戈多斯雖罔 (3) 符合形聲字 ê 原理, -koh 無一定所有 ê 人 lóng 認同 chit-khoán 字, 可能有人會改寫做下面 (4)(5) ê 用字 (4) 人我有黑有孚吐犭鬥犭哥多司 (5) 我嘿口孚二犭斗犭各多思以上 (1)(2)(3)(4)(5) ê 例 lóng teh 表記 I have two dogs,mä lóng 符合六書 ê 造漢字原則到底啥人 ê 用字 khah tiõh? 無人 -tiõh,mä 無人 tiõh! 這是漢字 ê 嚴重問題!Mä 是為 siá -m h 台語漢字歹標準化 ê 文字因素之一六書 läi-té ê 轉注, 是指 kúi 個漢字 hông 當做 käng 字使用轉注其實就是異形同義字或者是講漢字 ê 變異體古早 ê 研究者就是 -chai 為啥物 chit kúi 字 ë-sái 互通, 就 kä 講是 ë-tàng 互轉 ê 轉注字其實, 所謂 ê 轉注字是 t 無 käng 時空無 käng 空間無 käng 使用者 ê 情形之下必然 ê 變異體產物所以轉注其實是啥物造字原則莫怪近來 ê 六書研究者已經 täu-täu-á 將轉注排除在漢字造字方法之外 ( 裘錫圭 1995:125) 3.2. 漢字是進化無完全 ê 詞素音節文字若按六書 ê 原則, 將漢字做分類, 每一類佔 ê pasiantoh 有 göa-chë leh? 按照李孝定 (1992:21) 根據甲骨文六書爻列六書略, 三種分別代表無 käng 時期 ê 漢字所做 ê 統計整理,ë-sái ùi 下面圖表 9 圖表 10 chit 2 張表看出每一類所佔 ê pasiantoh,mä ë-tàng ùi chia 看出漢字 ê 文字結構 t 歷史發展中 ê 演變過程 8

9 代表年代象形指事會意假借形聲轉注不詳總計 14 th -11 th B.C. 甲骨字數文字百分比強 1.63 強弱強弱強 nd A.D. 六書字數爻列百分比 3.84 強 1.32 弱強 1.21 強弱 0.07 強 th A.D. 六書略字數百分比 2.50 強 0.44 強 3.05 強 2.47 弱弱 1.53 強圖表 9. 漢字六書造字比例演變 th-11th B.C. 2nd A.D. 12th A.D. Year 象形指事會意假借形聲轉注不祥圖表 10. 漢字六書造字比例演變 Ùi 圖表 9 圖表 10 ë-sái 看出講六書 läi-té ê 形聲字比例 lú 來 lú 高, chhun--ê hit kúi 類 lóng lú 來 lú 低咱若將六書 ( 無包含轉注 ) 根據 in ê 語音單位 kap 演進階段來 kä 看,ë-sái 分析做圖表 11 án-ne 因為形聲字比例 lú 來 lú 高,t chit-ê 圖 lìn ë-sái 看出漢字是 ùi 語詞文字往詞素音節文字發展語音單位演進階段圖形文字 Pictographic step 意符文字 Ideographic step 聲符文字 ( 音化 ) Phonographic step 語詞 Word 圖案音節 Logosyllable 象形字指事字會意字假借字詞素音節 Morphosyllable 形聲字圖表 11. 漢字演進 ê 階段 kap 所表示 ê 語音單位 9

10 為啥物漢字無繼續往純音節文字或者音素文字 ê 所謂拼音文字發展? 因為漢字發展出形聲字以後, 無 koh 繼續將聲旁 kap 形旁進一步標準化 kap 簡化, 所以無法度形成純音節文字像講, 形聲字愲牯瞽鵠等 t 華語 lìn lóng 讀做 [ku ] ( ㄍㄨ ˇ), -koh soah 分別用骨 [ku ] 古 [ku ] 鼓 [ku ] 告 [kau ] 無 käng ê 聲旁表示 Koh,pê -pê 一個聲旁古字, 有時表記發音 [ku ] 有時表記 [ku ] (eg. 估姑 ) 有時表記 [ku ] ( 故固 ) 有時 koh khah hàm 表記 [hu ]( 怙岵 ) 以上所講 ê 是一個聲音由 kúi 個聲旁表記一個聲旁表記 kúi 個無 käng 聲音 ê 無標準化現象若準古早人將伊標準化, 像講 [ku ] 音就由古表記就好 ; 古字就 kan-ta 表記 [ku ], 無 koh 表記 [hu ] Sòa--lòe koh 將古字筆劃簡化, 像講 Án-ne 就是音節字母 ê 出世形聲字 beh án-choá 標準化 kap 簡化 ë-sái koh 用當代ㄅㄆㄇ注音符號來舉例像講愲牯瞽鵠 ë-sái 用ㄅㄆㄇ做聲旁, 寫做像圖表 12 án-ne 圖表 12. 用ㄅㄆㄇ做聲旁, 以愲牯瞽鵠為例形聲字 -tä 聲旁有問題, 形旁 mä 是 -lõk-bõk-chè: 一個形旁有可能有 kúi 個無 käng ê 語意, 一個語意有可能由 kúi 個無 käng ê 形旁表示像講, 螞蟻 ê 形旁虫是蟲 ê 意思, -koh 彩虹 läi-té ê 虫 kap 蟲無關係 ; 滑倒 ê 形旁 kap 水有關係, -koh 滯銷滾蛋滾筒 läi-té ê kap 水無關係 Koh 像講,pê -pê beh 表示心 ê 意涵,soah 有恩恨恭 läi-té 3 種無 käng ê 形旁心 ; 照講形旁應該標準化, 比如 ë-sái 一律用來表示,án-ne 恩恭 ë-tàng 改寫做 4. 漢字 ê 迷思 kap 對文學文化發展 ê 阻礙雖罔漢字是一種進化無完全 ê 詞素音節文字, -koh 真 chë 人 iáu 是對伊有表意文字 ê 迷思因為有迷思, 4.1. 語詞漢字化現象受漢字教育 ê 人會傾向認為每一個語詞有單音節詞素或者用字, 咱 ë-sái 講這是一種音節漢字化 ê 心理預期 ê 現象 ( 蔣為文 2005c) 這是因為受漢字教育 ê 人 khah gâu 受漢字 ê 一字一音節每字具備形音義 ê 影響, 倒頭來認為每一個語詞 (word)ê 音節 (syllable)lóng 有形音義 ê 漢字比如講, cha-b (female) chit-ê 詞是是來自所謂 ê 漢語是是有本字 iáu 真有爭論, -koh 漢字 ê 使用者尤其是台語語源研究者, 就會預期 tãk-ê 音節 lóng 有漢字, 就 chhöe 出諸姆或者查某當作 cha-b ê 漢字寫法 10

11 Koh 比如講, chhit-thô (to play) 就有蹉跎七桃等 ê 寫法音節漢字化 ê 心理預期 ê 現象 ë-sái 解釋為啥物目前台灣社會真 chë 人 ài 做台語溯源追求本字 ê khang-khòe 啥物是本字?Kám 真正有本字? 咱 ë-sái 用頂面英語哀黑夫土豆割撕 (I have two dogs) 來說明假使某 m h 人, 可比講阿順仔 t 古冊 lìn 讀 tiõh 哀黑夫土豆割撕, 伊就認為哀是 I ê 本字假使另外一個人, 可比講阿花仔 t 別本古冊 lìn 讀 tiõh 人哀有黑有夫土二犭豆犭戈多斯,án-ne 阿花就認為人哀 chiah 是 I ê 本字台灣 ê 文人因為受漢字化 ê 影響 soah 沉迷 t chhöe 台語本字 ê khang-khòe, 顛倒無 sa 注重台語文學作品 ê 創作可比講 1930 年代 ê 台灣話文論戰 kap 1990 年代 ê 台語文運動 lóng 將焦點 kh g t 漢字用字 ê 爭議 ( 參閱呂興昌 1999 中島利郎 2003) 因為過頭注重本字, 無形中 soah 影響 tiõh 台語文學作品 ê 數量無法度大量增加 4.2. 漢字對語詞認知語意表達 ê 影響漢字對語詞認知 kap 語意表達 ê 影響有下面 kúi 方面 : 第一, 欠缺單純表音功能, 誤導語詞 ê 意含因為漢字是詞素音節文字, 每一字 ë-sái 講 lóng 是一個詞素 (morpheme), 當讀者讀 tiõh 一個語詞 ê 時, 容易受 tiõh 其中 ê 詞素影響假使, 詞素 ê 個別意義 häm 語詞 ê 整體意義 käng-khoán,án-ne 就無問題但是, 假使 in 無 käng-khoán, 就會產生混淆比如講 : 三貂角 /sam-tiau-kak/, 語源來自西班牙文 San Diego, 原本 kap 貂無關係, -koh 用漢字 liáu 可能會誤導讀者聯想 tiõh 三隻貂 Koh 像講, 台南縣 ê 地名麻豆原底是平埔族 Siraya 族族語 mata 也就是目周 (eyes) ê 意思 ; -koh 用漢字 liáu 可能會 hông 誤會 kap 五穀 ê 麻仔豆仔有關係第二, 欠缺多音節語詞 (polysyllablê)ê 觀念, 束綁語言發展漢字文化圈 ê 書寫系統 t 長期 ê 語音 häm 語意單位脫離 ê 歷史發展之下, 一個語詞通常 lóng 由一個音節 ê 漢字表示伊產生 ê 影響 ë-sái 就二方面來講第一, 就新造語詞 ê 過程來講, 因為單音節 ë-tàng 創造出來 ê 發音組合真有限, 但是人類需要 ê 語詞是 tãk-kang teh 增加, 為 tiõh 利用有限 ê 發音組合來描寫無限 ê 語詞, 孤不二終只好透過輔助 ê 辦法, 親像增加聲調增加形聲字,thang 避免 käng 音無 käng 意思 ê 同音詞 ê 出現第二, 就原有 ê 口語語詞來講, 語詞長期 t 單音節 ê 漢字 ê 影響之下, 口語漸漸受書面語影響,l³-bóe 形成口語 ê 多音節語詞 hông 單音節化這是文字束綁語言發展 ê 實例咱若突破過去以單音節造詞 ê 觀念就 ë-tàng 減少同音詞產生 ê 機會!Ch t-kóa 人認為為 tiõh 避免同音詞 ê 困擾, 所以 ài 繼續使用漢字 Chit 款觀念 ë-sái 講是倒果為因, 將造成 ê 結果當做引起 ê 原因第三, 語詞 häm 語詞之間 ê 邊界無清楚, 造成語意 hâm-h² 不清漢字因為長期 ê 語音 häm 語意單位脫離, 後來形成文言文 chit 種嘴講 ê 一套手寫 ê koh 一套 ê 特殊模式文言文 ê 書寫方式並無具體反應口語,kan-ta 透過短短 kúi 個漢字就將概念表示出來, 就類似圖表 2 所表示 ê 文字發展階段 Chit 種表示方法 ê 想像空間真大, 語意真無清楚, 無 käng 人 ë-tàng 有無 käng ê 解釋 20 世紀以後, 雖然白話文運動 kap 口語 häm 書面語結合作伙, -koh tãk 字 11

12 漢字 lóng ë-tàng 當作詞素 ê 特色 iáu 是存在 Chit-ê 詞素 ê 特色, 講好聽是 ë-tàng 乎漢字有無限 ê 造詞功能 ; 講歹聽是造成語詞 häm 語詞之間 ê 邊界無清楚像講 : (6) 今天車子很多, 馬路很難過 (7) 網路購物要注意安全性交易 (8) 老吾老以及人之老例句 (6) läi-té ê 難過到底是傷心難過 (sad) ä 是很難通過 (difficult to cross)? 例句 (7) läi-té ê 安全性交易到底是安全性的交易 (safely trade) ä 是安全的性交易 (sex trade in safety)?chit 種語詞界線模糊 ê 情形若用羅馬字就 ë-sái 真 kín 解決, 像講 nan-kuo ( 難過 ) nan kuo ( 很難通過 ) 例句 (8) 是文言文語意模糊 ê 例例句 (8) 若就伊 ê 語句結構來看,ë-sái 有真 chë 解釋, 像講下面 (8a) 到 (8d) 到底 tó 一種解釋 khah tiõh?lóng tiõh,mä lóng - iõh! 這 tö ài 看 siáng 有解釋權若準你是科舉考試 ê 主考官, 你講 tó 一種解釋 tiõh 伊 tö tiõh! (8a) 尊敬 ( 孝敬?) 別人的長輩就像尊敬我們的長輩 (8b) 尊敬我們的長輩以及別人的長輩 (8c) 老? 我確實很老了, 但是還有很多人像我這麼老 (8d) 我雖然老, 但是還有人比我老實在講, 文言文是一種進化無完全 ê 書寫方式文言文會造成語意模糊照講是伊 ê 致命傷, -koh 長期以來 soah h³ hit-kóa 漢字既得利益者 thçh 來宣傳漢字文言文高深莫测 ê 假象藉口 4.3. 漢字束綁台灣文學文化 ê 發展台灣人因為對漢字有迷思,soah 無形中對台灣文學 kap 文化發展產生影響咱舉例說明如下 : 第一, 限制 tiõh 台灣話文 ê 大眾性 kap 普遍性因為 beh 讀有漢字式台灣話文就 ài 先讀有漢字, 致使 ë-hiáu 台灣話文漢字書寫 ê 人數比一般漢文 ê 人口 khah 少俗語講漢字若 beh 讀會 bat, 嘴鬚就 phah 死結, 就是 teh keng-thé 漢字歹學 ê 問題 3 T 1920 年代 ê 台灣 bat 漢字 ê 人 tö 無 chë, 台語 ê 書寫若倚靠 bat 漢字 ê 人口, 自然會 lú hông 邊緣化普遍 ê 國民文學自然就 khah oh 產生第二, 限制 tiõh 台灣話文 ê 標準化近代國民文學 ê 形成 kap 民族語言標準化是互相扶持共生 ê 漢字式台灣話文因為用漢字書寫致使標準化 khang-khòe 真歹進行 ( 鄭良偉 1990:194) 即種情形就親像越南使用字喃 käng-khóan, 雖然用 chiâ 千冬 -koh iáu 是無標準化 ( 蔣為文 2005a:90) 因為台語漢字無標準化, 自然就降低伊 chiâ -chò 文學語言 ê 普遍性第三, 造成台灣話文使用者無受重視 hông 看輕台灣人 beh 用漢字來書寫台灣話文自然會 tú tiõh ch t-kóa 用漢字寫 bë 出來語詞 Chit-ê sî-chün 真 chë 人就用造字 chhöe 本字或者用假借字 ê 方式來克服因為即種特殊字怪字 t 漢字文化圈 lìn 通常 lóng 是 hông 當作低文字來看待, 致使台灣語文 mä hông 當作無水準低路 ê 文字 3 有關漢字 ê 學習效率,ë-sái 參閱蔣為文 (2005d) Chiung (2003) 12

13 第四, 限制外來詞 ê 吸收外來詞 (loanwords) 是一個語言 ê 詞彙增加生長 ê 重要來源之一若無好 ê 文字工具 thang 吸收外來詞,án-ne chit-ê 語言就會出現成長停頓 ê 情形以日本為例,t 19 世紀後半期明治維新以前, 日本是以漢字為正式書寫文字明治維新時期因為大開門戶 häm 西歐國家進行交流, 所以每日有真 chë ê 概念事物 ê 出現 Beh án-choá 真 kín 真有效率 koh 真正確 ê 書寫 chit-kóa 概念 kap 事物 neh? 就是 chit-ê 需求 chiah 促使日本人積極進行語文改革重視假名 (Kana) ê 使用為啥物講漢字無適合用來表記外來詞? 因為伊容易造成語意含糊 koh 無容易標準化像講, 英語名 Bush t 台灣翻做布希,t 中國翻做布什 ; -tä 無標準化 koh 會 hông 誤會 kap 布有關係 Koh, 有一種 pháng 叫做 croissant,t 台灣中文 lìn 翻做可頌 ;kám 講 croissant kap 可以頌讚有關係? 有一種 pháng 叫做 bagel, 若翻做北狗 kám 會 khoà -kháu--chit? 第五, 影響 tiõh 台灣民族性格 ê 文化獨立性越南人 t 法國統治之下透過法國 ê 協助廢除漢字切斷越南 häm 中國之間 ê 文化 t³-châi ( 蔣為文 2005b) 對照之下, 台灣 t 日本統治之下, 初期為 tiõh beh khiú 近 pê -pê 是漢字文化圈成員 ê 台灣人 häm 日本人之間 ê 關係, 日本人就利用漢字 ê ch n chhunê 價值 ( 剩餘價值 ) 乎台灣人繼續使用漢字雖然 l³-bóe 日本人為 tiõh 排華侵略中國 soah t 1937 年禁用漢文, -koh 已經 seng 慢 à 台灣人因為使用漢字 kap 相關漢字文化產品 soah 有漢民族想像 ê 客觀條件這對後來台灣文學文化 kap 國家建構有真大 ê 影響像講, 台灣文學 ê 發展一開始是受 17 世紀時代荷蘭人 chah 入來 ê 聖經文學 kap 後來 19 世紀後半期以台語白話字 ( 羅馬字 ) 為主 ê 白話字文學 ê 影響 ( 蔣為文 2005e) -koh 台灣文學界 bë-chió 人 soahkhiä t 漢字 ê 文學史觀, 講台灣古典文學 ùi 沈光文開始, 到 kah 1920 年代 koh 受中國近代白話文運動影響 chiah 發展出台灣新文學因為無法度跳脫漢字 ê 迷思, 致使有 bë chió 人認為台灣文學是中國文學 ê 支流 niâ 因為 án-ne soah 減弱台語文學 chiâ 做台灣 ê 獨立 ê 國民文學 ê 強度台灣人 ê 漢民族想像 kap 近代 ê 中國民族想像其實是無完全 käng ê 概念, -koh 漢民族想像 soah h³ 1945 年佔領台灣 ê 蔣介石有重新建構台灣人 ê 國族想像 ê 基礎蔣介石一方面利用台灣原有 ê 漢字文化共同體特色, 像講使用漢字崇拜儒學過舊曆年中秋清明等,kä 轉換做中國共同體 ê 想像基礎 ; 另外一方面就盡力斬斷台灣本土化 ê 根, 像講禁止講台灣語言禁止使用羅馬字透過出版品媒體宣傳 kap 大中國 ê 教育系統, 台灣真 kín 就建立以中華民國為基礎 ê 中國共同體想像 ( 蔣為文 2005b) 5. 結論本論文以 Gelb (1952) ê 文字發展理論為論述基礎, 指出漢字並是一般大眾所認為 ê 表意文字, 顛倒是一種進化無完全 ê 詞素音節文字漢字對台灣人 ê 影響 -tä t 語言層次,mä t 文學 kap 文化 ê 發展頂頭台灣人因為使用漢字書寫, 所以 t 外來詞頂頭 ê 生產 kap 處理速度真慢 ; 而且因為漢字 ê 模糊性致使台灣人 teh 運用書面語 ê 時 khah 無句法 ê 概念容易寫出語意模糊 ê 語句 Koh khah 嚴重 ê 是因為漢字歹學歹寫, 致使文字書寫 ê 解釋 13

14 權容易掌握 t 少數 ê 漢字既得利益者手頭, 形成 bat 漢字 --ê kap bat 漢字 ê ê 階級對立台灣人因為使用漢字書寫, 所以白話文學 ê 發展 ke 真慢 1930 年代 hit-kóa 走找台語漢字 ê 人若 chai-iá 自 19 世紀後半期以來就有人用台語羅馬字從事出版 kap 創作, 若 ë-tàng mài 堅持用漢字,ë-tàng 將時間精力用 t 台語創作,án-ne 台語文學 ê 發展絕對 ë-tàng ke 真 chhia-iä 台灣人因為使用漢字書寫, 所以一直無法度建立文化獨立 ê 民族國家 (nationstate) Tng-tong 19 世紀尾 20 世紀初 hit-kóa 韓國越南日本進步 ê 文人分別提倡用越南羅馬字諺文假名 ê 非漢字文字 ê 時, 一般國民真緊就 ë-sái kä chit-khoán 文字學起來當然, 民族國家意識就 án-ne 因為讀寫能力 kap 國民教育 ê 建立 soah 真緊形成起來這就親像近代西歐國家 t 宗教改革以後因為民眾讀寫能力 ê 建立連帶帶動國民文學 kap 民族國家意識 ê 形成 käng-khoán 道理 ( 蔣為文 2005e) 相對之下,hit-kóa 無法度跳脫漢字思考中心 ê 中國少數民族壯族苗族 kap 瑤族等, 因為無堅持語言文化 ê 獨立性, 所以 t 政治上 mä 無法度形成民族國家意識這 ë-tàng h³ 咱啟示 : 台灣人 beh chiâ -chò 文化獨立 ê 國家 ä 是中國 ê 自治區? 總講一句, 台灣人應該跳脫漢字 ê 思考模式 chiah 有法度 t 語言文學文化頂頭得 tiõh tháu-pàng 參考冊目 Campbell, William Formosa Under the Dutch. (reprinted in 1992) Taipei: SMC Publishing Inc. Chen, Hsuan-Chinh; and Ovid J.L. Tzeng. (eds.) Language Processing in Chinese. Amsterdam: North-Holland. Cheng, Chao-Ming Lexical access in Chinese: evidence from automatic activation of phonological information. In Hsuan-Chih Chen & Ovid J.L. Tzeng. (eds.) pp Chiung, Wi-vun T Learning Efficiencies for Different Orthographies: A Comparative Study of Han Characters and Vietnamese Romanization. PhD dissertation: University of Texas at Arlington. DeFrancis, John The Chinese Language: Fact and Fantasy. ( Taiwan edition) Honolulu: University of Hawaii Press. DeFrancis, John How efficient is the Chinese writing system? Visible Language. Vol.30, No.1, p Flores d Arcais, Giovanni B Graphemic, phonological, and semantic activation processes during the recognition of Chinese characters. In Hsuan-Chih Chen & Ovid J.L. Tzeng. (eds.) pp Gelb, I. J A Study of Writing. London: Routledge and Kegan Paul. Habein, Yaeko Sato The History of The Japanese Written Language. Tokyo: University of Tokyo Press. Hall, Daniel George E A History of South-East Asia. (4 th ed.) London: The Macmillan Press. Heylen, Ann Dutch language policy and early Formosan literacy ( ). In Ku Wei-ying (ed.). Missionary Approaches and Linguistics in 14

15 Mainland China and Taiwan, Leuven: F. Verbiest Foundation and Leuven University Press. Ledyard, Gari Keit The Korean Language Reform of 1446: the Origin, Background, and Early History of the Korean Alphabet. Ph.D. Dissertation: University of California, Berkeley. Li, Ledong The Role of Phonology in Rading Chinese Single Characters and Two-characters Words with High, Medium and Low phonological Regularities by Chinese Grades 2 and Grade 5 Students. Ph.D. dissertation: Oakland University. Norman, Jerry Chinese. Cambridge: Cambridge University Press. Seeley, Christopher A History of Writing in Japan. Netherlands: E. J. Brill. Shih, Sang-Soon; Don-ju Lee; and Hwan-Mook Lee. (eds.) Understanding Hunmin-jong.um. Seoul: Hanshin Publishing Company. Shu, Hua; and Richard C. Anderson Learning to read Chinese: the development of metalinguistic awareness. In Jian Wang; Albrecht W. Inhoff; and Hsuan-Chih Chen pp Smalley, William. et al Orthography Studies. London: United Bible Societies. Taylor, Insup; and Taylor, Martin M Writing and Literacy in Chinese, Korean and Japanese. PA: John Benjamins. Tzeng, Ovid. et al Auto activation of linguistic information in Chinese character recognition. Advances in Psychology. Vol.94, p Wang, Jian; Albrecht W. Inhoff; and Hsuan-Chih Chen Reading Chinese Script. New Jersey: Lawrence Erlbaum Associates. 中島利郎年代台灣鄉土文學論戰高雄 : 春暉出版社呂興昌編 1999 台語文學運動論文集台北 : 前衛李孝定 1992 漢字漢字的起源與演變論叢 (2 版 ) 台北 : 聯經湯錦台 2001 大航海時代的台灣台北 : 貓頭鷹蔣為文 2005a 台灣白話字 häm 越南羅馬字 ê 文字方案比較語言認同與去殖民 p 台南 : 成功大學蔣為文 2005b 共同體 ê 解構 : 台灣 häm 越南 ê 比較, 戰後六十年學術研討會 -- 後殖民論述與各國獨立運動研討會, 5 月 21 日, 台灣歷史學會, 台北, 台灣會館蔣為文 2005c 漢字對台灣人 ê 語言認知 ê 影響語言認同與去殖民 p 台南 : 成功大學蔣為文 2005d 越南羅馬字和台灣羅馬字的學習效率及錯誤型態比較語言認同與去殖民 p 台南 : 成功大學蔣為文 2005e 羅馬字是台灣新文學 ê 開基祖語言認同與去殖民 p 台南 : 成功大學裘錫圭 1995 文字學概要 (2 版 ) 台北 : 萬卷樓 15

Microsoft Word - 黃文達.doc

Microsoft Word - 黃文達.doc kap 1 2 3 2 pái 4 hông kap teh ê soah 5 uân-á -kú 6 tiõh hiau-hiông 1 http://www.libertytimes.com.tw/2009/new/jul/17/today-life11.htm 2009.07.17 2 Tī ê Hö-ló ê 74.3% ê lóng tsit Hö-ló ê ë-sái Uì kàu ê