Microsoft Word - Taigibunhak-1125uibun.doc

Transcription

1 語言 文學 kap 民族國家 ê 建構 : 台語文學運動史初探 蔣為文成功大學台灣文學系 1. 前言若 ùi Benedict Anderson (1991) 想像 ê 共同體 (imagined communities) 觀點切入,tī 漢字文化圈 1 lìn,19 世紀以前 lóng 有一種以中國為中心 透過漢字所形成 ê 漢字文化想像共同體 (an imagined Hanji cultural community) Chit 種 漢字文化想像共同體 ( 簡稱做 漢字共同體 ) 加加減減 lóng 影響 tiõh 漢字文化圈成員近代 ê 民族國家 (nation-state) ê 國族想像建構 Tī 中國,in 利用 漢字共同體 chiâⁿ 做近代 中華民族 或者 中國國族 ê 想像基礎 Hit-kóa 無法度跳脫漢字共同體 ê 壯族 苗族 瑤族 等, 當然就無形成 in ka-tī ê 民族國家 Ah hit-kóa 跳脫 漢字共同體 ê 舊成員, 像講越南 韓國 朝鮮 kap 日本,lóng 重新建構以 ka-tī 為主體 ê 民族國家 想像 若論到台灣, 雖罔 tī 17 世紀初因為荷蘭統治 soah 將台灣 sak chiūⁿ 國際舞台, -koh sòa--lâi ê 鄭成功 kap 清國統治 soah 將台灣 khiú 入去漢字文化圈 台灣 ê 漢字文化特色 soah chiâⁿ 做二次戰後中國國民黨 thang thçh 來做中國國族想像 ê 基礎 Anderson (1991:37-46) bat 分析講 出版 宗教改革 kap 當地母語 ê 出頭 是近代西歐民族國家意識形成 ê 重要源頭 Davies (1997:482) mā 指出講 歐洲文藝復興時期用民族母語來創作 ê 風氣 l³-bóe 發展出國民文學 (national literatures);ah 這是形成國家認同 (national identity) ê 關鍵之一 若準是 án-ne, 台灣人 ê 民族母語 -- 台灣語言 2 tī 台灣 ê 民族國家 ê 建構當中是扮演啥款 ê 角色? 以台灣語言為書寫語言 ê 國民文學是 是已經形成? 若準 iáu bōe, 是啥原因? 若準有, 是 án-choáⁿ iáu bōe chiâⁿ 做主流? 實在講, 台語文學 ê 發展就是台灣民族國家建構過程 ê 一個縮影 即篇論文就是 beh 用台語文學發展 ê 情形來探討語言 文學 kap 民族國家 ê 關係 1 咱所講 ê 漢字文化圈 是指卡早 bat ah 是 chín koh teh 使用漢字 ê 地區或者國家, 包含越南 韓國 ( 所謂 ê 南韓 ) 朝鮮( 所謂 ê 北韓 ) 日本 新加坡 台灣 kap 中國等 2 包含南島語 客語 kap 台語

2 2 2. 基本定義 概念 kap 理論架構咱即節會先針對 kap 論文主題有相關 ê 基本專有名詞做一個定義 kap 相關概念 ê 討論 2.1. 個人母語 vs. 族群母語 Tī 語言學頂頭有所謂 ê 第一語言 (first language) kap 第二語言 (second language) ê 講法 所講 ê 第一語言 是指咱人出世 liáu 第一個學起來 ê 語言, 第二語言 是指先學 ē-hiáu 第一語言 liáu tī 有一定 ê 年歲 liáu chiah koh 學 ê 其他語言 第一語言 通常是 滑溜 ê 語言 (fluent language), -koh mā 有例外 ê 情形 像講現此時有 bē chió 台灣人雖然 sè-hàn 出世 sûi 學 ê 語言是台語, -koh in 去學校讀冊 liáu soah 改用華語, 致使伊 ê 第一語言 台語 比第二語言 華語 khah bē 輪轉 若論到母語, 其實 ē-sái 分做個人母語 (personal mother tongue) kap 族群母語 (ethnic language; 或者號做 民族母語 national language ) 第一語言就是咱 ê 個人母語 通常,tī 正常 ê 情況下, 第一語言 -tāⁿ 是個人母語,mā 是族群母語 -koh tī 一寡特殊情形之下, 像講留學家庭 移民家庭 受外來政權殖民等, 第一語言未必然是族群母語 可比講, 有一對以台語為母語 ê 台灣留學生到美國留學,in tī hia 讀冊期間有生一個囝仔 因為英語環境 ê 關係,in ê 囝仔一出世就先學英語 後來 in 結束留學生涯 tńg 來台灣, 囝仔 mā tòe leh koh kā 台語學起來 Án-ne, 雖然英語是 in 囝仔 ê 第一語言,m-koh in 囝仔 ê 族群母語 iáu 是台語 若是受外來政權殖民 ê 例, 可比講日據時代因為國語政策 ê 關係,tī chit-ê 政策影響之下 tōa-hàn ê 台語囝仔 soah 將日語當做第一語言 顛倒將族群母語 -- 台語當做第二語言 這是個人母語 kap 族群母語無一致 ê 另外一個例 2.2. 母語異化 kap 母語轉換咱若問人講伊 ê 母語 ( 無指定是個人或者族群母語 ) 是啥 ê sî-chūn, 通常會得 tiõh 2 種 bô-kāng 觀點 ê 回應 第一, 若 khiā tī 語言是 族群歷史文化傳承功能論 者, 就算伊 ê 個人母語 kap 族群母語無一致, 伊會根據伊 ê 族群母語 來回答 第二, 若 khiā tī 語言 kan-taⁿ 是 溝通工具 者, 伊通常會根據伊 ê 滑溜 ê 語言 或者 個人母語 來回答 這就是為啥物真 chē 台灣少年家雖然 in ê 族群母語是台語, -koh in 會 ìn 你講 in ê 母語是華語

3 3 Tng-tong 一個人 ê 個人母語 kap 族群母語 bô-kāng ê 時, 咱 ē-sái kā 講這是一種 母語異化 ê 現象 母語異化 ē-sái 分做像圖表 1 án-ne 2 種情形 第一種是雖罔個人母語 kap 族群母語 bô-kāng, -koh 伊 iáu 有 khiām hit 2 種語言 ê 使用能力 另外一種是單語 ê 母語異化現象,iā-tō 是個人 kan-taⁿ ē-hiáu 個人母語 -koh 已經失去族群母語 ê 使用能力 ; 即種情形通常是語言轉換 (language shift) ê 前兆 個人母語 族群母語 (1) 雙語能力 + + (2) 單語能力 + - 圖表 1. 雙語 kap 單語 ê 母語異化情形 單語 ê 母語異化通常有 2 個後果 : 第一是個人 iáu 會 tī 精神上 kap 情感上承認族群母語 ê 存在, -koh tī 實際日常生活 lìn lóng 用個人母語 像講歐洲 ê Irish 共和國 (Irish Republic) 本底是講 Irish 語言, -koh 經過英國統治 liáu soah 變成真 chē Irish 人 kan-taⁿ 講英語 bē-hiáu 講 Irish 語 3 雖罔 Irish 政治上獨立 liáu 繼續使用英語, -koh in tī 民族情感上 精神層次 iáu 將 Irish 語言當做民族母語 (Fasold 1984:278) 4 第二個後果是 tī 精神上 情感上放棄原有 ê 族群母語, 將個人母語當做新 ê 族群母語 換一句話來講, 族群母語已經產生語言轉換現象,ùi A 語言變成 B 語言 ; 咱 ē-sái 講這是一種 母語轉換現象 (vernacular shift) 發生母語轉換 ê A 族群成員 tú 開始可能 iáu chai-iáⁿ ka-tī 是 A 族群成員, -koh 時間 ch t-lçh 久 in soah kiò-sī ka-tī 是 B 族群 ê 成員 有發生即種情形 ê 像講台灣 ê 平埔族 中國東南方一帶古早 ê 百越民族 2.3. 語言 kap 認同語言 kap 族群認同 (ethnic identity) 或者國族認同 (national identity) kám 有啥關係? 針對 chit-ê 問題, 通常會有正反二種完全無 kāng ê 答案 3 根據 Ethnologue (Grimes 1996:489) ê 資料,tī 1983 所做 ê 語言普查顯示 kan-taⁿ 13% ê Irish 人自認 ka-tī ê Irish 語 iáu 真滑溜 4 像講,Irish 共和國 ê 憲法 (1937 年制定 ) 規定 The Irish language as the national language is the first official language. The English language is recognised as a second official language ( 施正鋒 2002:407; Crowley 2000:5).

4 4 贊成 ê 人認為語言除了是溝通 ê 工具之外 iáu koh 是族群歷史文化傳承 ê 媒介 族群自信 自尊 kap 認同 ê 表現 ; 族群母語若是死亡, 族群意識 mā 會消退 反對 ê 人總會提 ch t-kóa 像 Irish án-ne ê 例來證明雖然講英語 mā 是 ē-tàng 維持 Irish 人認同 若 án-ne, 到底語言 kap 認同有關係無? 實在講, 語言 kap 認同雖然無 絕對 ê 關係, -koh 有 相對 ê 關係 Iā 是講, 語言是族群認同 kap 國族認同 ê 重要基礎之一, -koh 是唯一 (Liebkind 1999:144; 施政鋒 1998:52) 語言對族群 國族認同是 是有催化 ê 作用 ài 由 in 存在 ê 社會情境 (social context) 來決定 (Fishman 1999:154; Ross 1979:4) 語言對族群 國族認同 ê 作用 ē-sái 分 2 方面來討論,i.t.s. 強化語言功能 vs. 弱化語言功能 強化語言功能 是指利用族群母語來動員 kap 強化族群認同 像講選舉演講場頂頭用台語 客語分別來動員台語 客語族群成員 弱化語言功能 是指無利用族群母語來做族群動員 有 bē chió 研究指出族群母語 ê 消失並無一定會造成族群認同 ê 喪失 ( 施正鋒 1998:55; Edwards 1985:48; Lu 1988:99) 可比講, 有一個客人 (Hak-ka-ngin), 雖然 bē-hiáu 講客話 (Hak-fa), -koh 伊 iáu 有可能會認同伊 ka-tī 是客人 有 bē chió 人就 án-ne 做結論講語言 hām 認同無關係 事實上, 雖然 弱化語言功能 iáu 有可能維持族群認同, -koh 這並無証明講 強化語言功能 bē-tàng 動員 kap 強化族群認同! 蔣為文 (Chiung 2005:377) 針對 244 個大學生所做 ê 調查顯示 ē-hiáu 客語是客家認同 ê 關鍵因素之一 這說明雖然族群母語 ê 消失 iáu 有可能維持族群認同, -koh 族群母語 ê 強化對族群意識 ê 加強是有幫讚 ê 弱化語言功能 kám 一定 ē-tàng 維持族群認同? 當然 mā 無一定 族群意識 (ethnic consciousness) ê 產生 ē-tàng 分做主 客觀 ê 因素 ( 史明 1992:4; 施正鋒 1998:52) 客觀因素包含血緣 語言 宗教 風俗 共同歷史記憶等 Tng-tong 族群母語消失去 ê 時, 若準其他 ê 客觀因素 iáu 存在, 當然就有可能維持族群意識 -koh, 若準語言是現存唯一 ê 客觀因素, 族群意識恐驚 á 早晚會 tòe 族群母語 ê 消失來消失 像講台灣現此時真 chē 鶴佬客 (Hō-ló-kheh) kap 平埔族因為客語 平埔語 ê 消失 soah mā 失去原來客家 平埔族群 ê 意識 kap 認同 2.4. 種族 民族 族群 種族 (race) 民族 (nation) 族群 (ethnicity or ethnic group) 是 3 個 bô-kāng ê 概念, -koh tī 生活當中 tiāⁿ hông 誤用 ( 施正鋒 1998:3)

5 5 Tī 即篇論文 lāi-té, 種族 是指體質人類學頂頭根據咱人 ê 外在生物特徵, 像講皮膚色 基因等所做 ê 分類 民族,mā 有人 kā 翻做 國族, 是政治學頂頭 ê 概念 民族 ê 概念是西歐社會 tī 文藝復興 宗教改革以來 tī 近代資本主義經濟基礎頂頭 tāu-tāu-á 發展出來 ê 民族是指佔有一定 ê 領土而且成員有歷史 運命共同體 ê 認同感 ê 社會群體單位 民族國家 (nation-state) 是 tòe tiõh 民族意識 ê 形成 liáu 發展出來 ê 要求一個民族建立一個國家 ê 概念 (Johnson 1995:188) 5 族群 是 20 世紀以來因為移民社會, 像講美國, 所發展出來 ê 一種新概念 (Eriksen 1996:28) Chit-ê 概念是指無論是根據 tī 原有種族或者民族基礎頂頭, 只要成員集體 自我認同而且外人 mā án-ne 認為 ê 時族群認同就存在 (Fishman 1977:16; Levinson 1994:73) Tī bô-kāng 社會情境之下, 族群之間 ê 界線 (boundary) 並 是固定 bē 變 ê 而且是有可能 kāng 時存在多層認同 (Fishman 1977:26-28; Levinson 1994:73-75) 像講 tī 美國 ê 中國人,in tī 白人 ê 眼中可能 lóng 是 kāng-khoán ê 族群, -koh tng 中國人 ka-tī tàu-tīn 做伙 ê 時 in 會幼分做福建人 廣東人 上海人等 ; tng 福建人 tàu-tīn ê 時 koh 分做廈門 泉州 漳州等 2.5. 台語 台灣話 台灣語言 台語 台灣話 台灣語言 是 tiāⁿ hông 提來使用 -koh koh gâu 造成誤解 ê 用詞 Tī 即篇論文 lāi-té,in ê 定義分別列 tī 下面 台灣語言 (Taiwanese languages) 是指 tī 自然狀態 ê 遷 sóa 之下 ( 非殖民政權強迫使用 ), 經過土著化 koh 有台灣傳統歷史文化代表性而且外界普遍認同者 所以台灣語言包含原住民所有 ê 語言 客語 kap 台語 ( 或者是所講 ê Hō-ló-oē) Tī 定義之下, 英語 華語 日語 kap 越南新娘所用 ê 越南語 lóng 無算是台灣語言, 不過 in ē-sái 算是台灣國民有 teh 用 ê 語言 (languages used by the Taiwanese citizens) 6 Hoān-sè 有人會講 chit-khoán ê 分法 seng-kòe 心胸 kheh-çh, 應該將華語包含在台灣語言 lāi-té chiah tiõh 若準華語算是台灣語言, 為啥物比華語 khah 早來台灣而且 koh 有台灣人 teh 用 ê 日語 bē-sái 算台灣語言? 若準華語算是台灣語言,mā 應該改名做台灣語言 Án-ne 對岸 ê 中國人是 是 ē-tàng 接受 in teh 用 ê 普通話 無叫中國語言 顛倒 hông 叫做台灣語言? 台灣 ê 中國語文學系是 5 Chit 方面 ê 中文討論 ē-sái 參考施正鋒 (2000) 史明 (1992) 6 詳細 ê 討論 ē-sái 參考蔣為文 2004

6 6 是願意改名做台灣語文學系? 有關台灣語言是 是應該包含華語 ê 爭論就是因為母語異化所造成 ê 現象 台灣話 (Taiwanese) 是指眾台灣語言當中透過自然競爭所形成 ê 一種台灣共通語 (Lingua franca 7 ) 台灣話 mā ē-sái 簡稱做 台語 Ùi án-ne ê 定義來看, 台灣語言 是 khah 大 ê 項目,lāi-té 有一種語言叫 台語 或者 台灣話 台語 chit-ê 專有名詞 tiā 會引起客家或者原住民族群 ê 恐惶就是爭論者將 台語 當做是 台灣語言 ê 簡稱 事實上, 台語 kap 台灣語言 應該 hông 當做 2 個 bô-kāng ê 概念處理 就親像 廣東話 kap 廣東語言 是 bôkāng ê 概念 án-ne: 廣東語言 是指中國廣東地區 ê 廣東話 客話 8 閩南話 9 等; 雖然廣東地區 mā 有人 teh 使用 客話 kap 閩南話, -koh 廣東話 kan-taⁿ 專門指 廣東話 niâ, 並無指 客話 或者 閩南話 若就國際語言來舉例, 法語 kap 法國語言 mā 是 bô-kāng ê 概念 法語 (Francais) 是指以巴黎地區 ê 語言做標準所形成 ê 大家印象中所講 ê 法語 ; 伊大約佔法國全人口 ê 90% 法國語言是指包含 Breton Dutch Gascon Limousin Avergnat Languedocien 等在內 24 種少數族群語言 (Grimes 1996: ) 2.6. 土著化 kap 代表性頂一節講 tiõh ài 有 土著化 kap 代表性 chiah ē-tàng 算是台灣語言 若 án-ne, 啥物號做土著化 代表性? 土著化 (indigenization) 是指 ùi 移民社會 (immigrant society) 變成 土著社會 (native society) ê 轉變過程 像講早期台灣漢人 ùi 唐山移民來台灣 ê 時,tú 開始 piān 若過年 過節 in iáu 會想 beh 轉去故鄉唐山 hām 親人團圆, 甚至若過身去 mā 想 beh 落葉歸根將屍體送轉去唐山埋 這就是移民社會現象,iā-tō 是移民者 iáu 有過客心態,in iáu 認為故鄉 tī 唐山 台灣不過是暫時討賺 ê 所在 -koh 經過一定 ê 時間 kap 社會情境 ê 發展,hit-kóa 漢人移民 tāu-tāu-á 過年 過節 bē koh 轉去唐山, 死去 mā 直接埋 tī 台灣 niâ L³-bóe hit-kóa 漢人移民就認為 ka-tī mā 是 7 有關 Lingua franca,crystal (1992:230) kā 定義做 An auxiliary language used to permit routine communication between groups of people who speak different native languages. 8 客話 (Hakfa) tī 中國主要分佈 tī 廣東北 pêng 福建西 pêng 江西南 pêng ( 周振鶴 游汝杰 1990:8; Ramsey 1987:16-17) 9 閩南話除了分佈 tī 福建南部,iáu koh 分佈 tī 廣東東 pêng 汕頭地區 海南島 雷州半島 浙江南 pêng 舟山群島等所在( 詹伯慧 1991:186)

7 7 台灣人, 台灣是 in ê 新故鄉 這就是土著化 ê 過程 台灣 tī 1945 年以前 ê 舊住民 lāi-té 有 1) 南島語系 ê 原住民 kap 2) 平埔 hām 漢人移民混血 ê 客家 Hōló 族群 南島語系 ê 原住民 tī 台灣已經 kui 千冬, 早就土著化 à Ah 客家 kap Hō-ló 族群 leh? 陳其南 (1994:92) 指出講 ùi 1683 到 1895 ê 200 外年當中, 台灣 ê 漢人移民社會 tāu-tāu-á 變成土著社會 Iā-tō 是講 tī 日本 kap 中國國民黨政權來到台灣 chìn-chêng 台灣就已經形成土著化社會 Chit-ê 土著化社會基礎是 台灣文學 台灣語言 台灣民族 意識形成 ê 重要因素 若就土著化 ê 角度來看, 使用 華語 ê 新住民 ( 或者所謂 ê 外省人 ) 有 gōa-chē 比例認同 ka-tī 是台灣人?Chit-kóa 新住民本底有可能 tī 2 3 代 lìn 就融入台灣社會變成台灣人, -koh 因為 hit-kóa 在台中國人 ê 政治操作 kap 動員 ê 關係 soah 害 in 無法度斬斷中國認同 阻礙 tiõh in tī 台灣土著化 ê 發展 換一句話講, 華語若 beh tiām 台灣生湠發展 chiâⁿ-chò 台灣語言 ê 一種, 除非伊 ê 使用者有認同 ka-tī 是台灣人 Beh chiâⁿ-chò 台灣語言, 除了 ài 有 土著化 之外,ài koh 有 代表性 代表性是指 tī 台灣 ê 歷史 文化發展當中有適當 ê 主 客觀條件促使 hit 個語言有台灣 ê 主體性 對外 ē-tàng 表現台灣 ê 特色 而且外界 mā án-ne 認為 若就定義來看可能真歹理解啥物是 代表性, 咱 ē-sái 用其他 ê 例來說明 像講咱若講 tiõh 日本料理, 大家一定會想 tiõh susuh ( 壽司 ) sasimih 清酒 若講 tiõh 台灣料理就會想 tiõh 米粉炒 滷肉飯 珍珠奶茶 若想 tiõh 美國料理就是 hamburger coca cola Kám 台灣無食 susih sasimih? 當然 mā 有, -koh 為啥物咱 bē 講 he 是台灣料理? 因為 he 無台灣 ê 代表性 當然, 雖然現此時 susih sasimih 無台灣 ê 代表性, -koh hoān-sè 100 冬後台灣 kā 發揚光大 外界 mā 會認為 susih sasimih 是台灣料理 -koh che tang-sî chiah 會發生 ài 有主 客觀 ê 條件, 是單方面 g-bāng 就會實現 但是,ē-sái 確定 ê 是至少伊現此時無代表性 若就語言來講, 咱若想 beh 學英語咱會去叨 kúi 個國家學? 一般 lóng 會想 beh 去美國 英國 Australia 或者 New Zealand 雖然印度 菲律賓 mā 有 teh 用英語, -koh 真少人會想 beh 去 hia 學 為啥物? 因為印度 菲律賓無英語 ê 代表性

8 8 若 hoan 頭轉來看台灣語言, 為啥物原住民語 客語 kap 台語 chiah 有台灣 ê 代表性? 咱 ē-kha 就以台語為例來說明 一個語言 beh 號做啥物名有伊主 客觀 ê 條件 客觀條件 lāi 面 ê 政治 經 濟 文化因素上重要 Tī 中國, 福建地區 ê 閩語 ē-sái 分做 5 大 方言 ( 事實 上是語言 10 ): 閩南 閩東 閩北 閩中 莆仙 ( 季羨林 1992:293) 閩南語 主要是福建南部一帶包含 泉州 漳州 廈 門 等縣市 ê 人 teh 使用 ê 語言, 其中廈門是閩南語 ê 代表腔口 閩南語除了 tī 閩南地區使用之外,iáu 分佈 tī 廣東東部 kap 東南亞像講新加坡 菲律賓 印尼 等國家 因為 tī 閩語 5 大分支語言 lāi-té 閩南語 ê 分佈 kap 影響力上大, 所以閩南 語 mā hông 叫做 福建話 中國清朝統治台灣 ( 年 ) ê 時閩南一帶 ê 泉州 漳州等 ê 福建人 tāutāu-á 移民來到台灣 11 Tī 1887 年 chìn-chêng 台灣是屬福建省 teh 管, 台灣 tī 政治 經濟 文化各方面 iáu khah 輸福建, 所以稱呼 hit 當時 ê 閩南移民所使用 ê 語言 號做 福建話 iáu 無過份 -koh 台灣進入 20 世紀以後, 一方面是土著化 ê 關 係,koh 一方面是因為日本統治期間促成 ê 近代化 資本主義化致使 台灣社會 hām 台灣人意識 ê 形成 ( 史明 1992:220) 因為泉州話 漳州話來到台灣已經土著 化 形成不漳不泉 ê 新腔口 ( 王育德 1993:95),koh 摻入台灣平埔族 日本語 ê 成 份, 所以一種新 ê 語言形式 台灣話 已經客觀上成立 à 除了語言 ê 客觀條件 12 之外, 台灣 tī 政治 經濟 文化等各方面 lóng lú 來 lú 比福建 khah 重要 kap 優 勢 加上台灣人意識 ê 出頭, 台灣人主觀上認同伊所講 ê 是 台灣話 是 福建話, 所以 台灣話 ( 簡稱做台語 ) chit-ê 用詞就成立 à! 近來 bē chió 人 kìo-sī 台語 台灣話 是民進黨組黨 chit 10 外年來 chiah 新造 帶有 福佬沙文主義 意涵 ê 用語 事實上, 台語 台灣話 tī 20 世紀初期早就 teh 使用 à, 因為 hit 當時台語 tī 自然狀態之下已經形成台灣 ê 共通 語 像講,tī 1901 年就有 台灣語 創刊 1902 年 台灣語學雜誌 創刊 kap 台灣語同志會 成立 ( 葉石濤 1993:209) Koh,chhui-sak 白話字 ê 先覺 Chhòa 10 Tī 語言學頂頭一般是用 互相有法度溝通 聽有無 來判斷雙方是語言或者方言 ê 差別 11 雖罔 tī 荷蘭時期 kap 鄭氏王朝時期就有少量漢人移民, -koh 漢人大量移民來台主要是中國清朝統治時期 12 像講, 筆者 tī 2001 年 bat 去福建廈門做田野調查 Hit 當時有特別去 in hia ê 唱片行參觀, 結果發現 in hia ê 閩南語 流行歌大約 95% 以上 lóng 是台灣進口去 ê 葉啟田 江蕙 陳小雲等人 ê 台語歌 In 在地發行 ê 流行歌非常少, 若有 lóng 是一寡傳統歌謠

9 9 Pôe-hóe ( 蔡培火 ) tī 伊 1925 年 ê 著作 Chãp-hāng Koán-kiàn lìn kui 本冊就是用 Tâi-oân-ōe ( 台灣話 ) 來稱呼台灣人 ê 語言 伊 tī 論說台灣 kap 羅馬字 ê 關係 ê 時講 : Tâi-oân-lâng iū sī J t-pún ê peh-sèⁿ, s -í J t-pún ê Kok-gú iā-sī tek-khak tiõh ài õh. -kú Hàn-bûn sī chin oh, Kok-gú iā sī chin lân, koh-chài chit n g hang kap Tâioân-ōe lóng sī bô koan-hē. (Chhòa Pôe-hóe 1925:15) 簡單講,tī 1920 新舊文學論戰 1930 台灣話文論戰期間 臺灣話 台灣語 ē-sái 講是 hông 真普遍 the 使用 ê 語詞 ( 中島利郎 2003; 陳淑容 2004) 甚至自稱 中國人 ê 連戰 in 公仔 連橫 tī 1933 年編寫好勢 ê 臺灣語典 mā 是用 臺語 臺灣語 ê 稱呼 若準將 台灣話 kap 福佬沙文主義 劃等號, 恐驚 á 是 反台灣 ê 心理 teh 作怪 3. 高低語文現象 Tī 漢字文化圈 lāi-té, 語言 文字 ê 使用 ē-sái 用 高低語言 (diglossia) kap 高低文字 (digraphia) ê 概念來分析 啥物號做 高低語言 kap 高低文字 呢? 基本上,chit 2 個用詞 ê 概念是類似 ê, -koh 高低語言 主要是指 口語 高低文字 是指 書面語 (iā 就是 文字 ) 若論到 高低語言 ê 概念,Charles Ferguson (1959) 是第一個有系統性來論說 diglossia 概念 ê 社會語言學家 伊將 高低語言 定義做一個語言 ê 2 個 語言變體 (two varieties of the same language) 分別擔任 bô-kāng ê 社會功能 (social functions) 伊 koh 講,chit 2 個 語言變體 當中, 其中一個扮演 高語言 (High language) 另外一個扮演 低語言 (Low language) 高語言 通常有 khah 高 ê 名聲 kap 文學傳統, 而且會用 tī 正式場合 相對之下, 低語言 通常會 hông 看 khah 無起, 用 tī 非正式 kap 私人場合 後來,Joshua Fishman (1967) 針對 Ferguson ê diglossia 概念提出修改, 伊認為 高低語言 無一定 kan-tāⁿ ē-sái 發生 tī 一個語言 lāi-té ê 2 個語言變體 ;iā 就是講 高低語言 無一定是 語言變體,mā 有可能發生 tī 語言 hām 語言 之間, 而且語言數目 ē-sái 不只 2 個 Án-ne, 啥物是 高低文字 (digraphia)?dale (1980:5) ùi Ferguson ê 高低語言 概念延伸到 文字 mā 適用,kā 定義做 一個語言使用二種( 或者以上 )

10 10 ê 文字書寫系統 漢學家 DeFrancis (1984:59) mā 針對 高低文字 提出 kāngkhoán ê 定義 後來蔣為文 (Chiung 2003:9) kā Dale kap DeFrancis ê 定義修改做 一個社會 lāi-té 有一個以上 ê 文字系統分別擔任 bô-kāng ê 溝通功能 蔣為文 chit-khoán ê 定義就親像 Fishman 對 高低語言 ê 定義 kāng-khoán, 無限定 tī kāng 一種語言 ê 變體 若用頂面所講 tiõh ê 高低語言 高低文字 ( 合稱 高低語文 ) 來看, 漢字文化圈 lāi-té ê 情形是 án-chóaⁿ leh? 先就口語來講, 漢字文化圈 lāi-té 自古以來各地方就有 bô-kāng ê 語言, 像講有廣東話 閩南話 客話 壯話 苗話 瑤話等 雖然 in ka-tī 有 ka-tī ê 語言, -koh in hia ê 讀冊人 piān 若想 beh 上京城赴考, 就 ài 學皇帝所在首都 ê 語言 ( 或者所謂 ê 口音 ), 因為皇帝 ê 語言是 hit 當時 ê 標準語, 用 tī 教育 行政等正式場合 Iā 就是講,hit-kóa 讀冊人平時生活當中雖然是用 in 地方 ka-tī ê 語言, -koh piān 若吟詩作對 讀四書五經就 ài 模仿首都地方 ê 語音 時間 ch t-lçh 久,hit-kóa 讀冊人 koh 將 in 模仿 tiõh ê 首都語音傳乎 in 在地 ê 鄉親 kap 後代 致使 hit-kóa 讀冊人 ê 在地語言 lāi-té 有所謂 ê 讀冊音 ( 文言音 ) kap 白話音 同時存在 ê 現象 Che mā 是咱台語內面有所謂文言音 白話音 ê 由來 若用高低語言來分析, 就 kāng 一個語言來講, 文言音就是 高語言 白話音就是 低語言 若就 bô-kāng 語言之間來看, 皇帝所講 ê 語言就是 高語言 一般百姓所用 ê 在地語言就是 低語言 高語言 因為長期以來用 tī 正式場合 kap 科舉制度, 所以 hông 感覺 khah 有水準 有學問 ; 低語言 因為 seng 平凡, 所以感覺真粗俗 像 chit-khoán ê 社會心理其實 tī 目前台灣 ê 社會 lìn iáu 真普遍 可比講布袋戲 iā 是歌仔戲 ê 戲齣 lìn,piān 若有大俠 文人出現,in 就用文言音講話 ; 若是肖丑仔 teh tak 嘴鼓就用白話 若就 書面語 來看, 漢字文言文就是 高文字, 其他發展出來 ê 民族文字, 親像講越南 ê 字喃 (Chu-Nom) 朝鮮 ê Hangul 13 日本 ê 假名 (Kana) kap 台灣 ê 歌仔冊文字 白話字 等 lóng 算 低文字 漢字文言文因為長期以來 hông 當作 正統 文字 koh 有科舉制度 ê 體制支持, 所以社會大眾感覺使用文言文 khah 有水準 有學問 Chit 種現象 tī 現此時 ê 台 13 Hangul: 南韓 現此時稱呼韓國文字 韓文 ê 意思 Hangul 是朝鮮語文研究兼推動者 周時經 (Chu Si-gyong)tī 1913 年上開始使用 北韓稱呼朝鮮文字 Chosoncha ( 朝鮮字 ) 或者 Chongum ( 正音 )

11 11 灣社會 mā iáu 真普遍, 像講墓牌 祭文用文言文寫生平紀事, 廟寺 mā 用文言文寫廟史 對聯, 甚至一般人講話 寫作 ê 時為 tiõh 展風神 mā 會 lām kóa 成語 kap 引用古詩 古文 Tī 高低語文 ê 社會 lāi-té, 高語言 / 文字無一定永遠高, 低語言 / 文字 mā 無一定永遠低,in ê 地位 tī 一定 ê 條件之下有可能變動 -koh, 是 án-choáⁿ 漢字文言文有法度 tī 漢字文化圈壟斷高語言 / 文字 kui 千冬? 是 án-choáⁿ 到路尾 kan-tāⁿ 日本 假名 韓國 諺文 越南 羅馬字 有才調翻身 ùi 低語言 / 文字變成高語言 / 文字?Hit-kóa 壯字 苗字 瑤字 soah 無法度出頭天? 除了政治因素之外, 文字本身 mā 是真大 ê 因素! 文字是 án-choáⁿ 會影響 tiõh 高低語文呢? 咱後一節就來討論 chit-ê 問題 4. 漢字 ê 迷思 kap 對國民文學發展 ê 限制為啥物漢字對國民文學 民族意識 ê 發展有影響? 這牽涉 tiõh 漢字 ê 文字結構 kap 本質 因為篇幅限制 ê 關係, 咱 tī chia kan-taⁿ ē-sái kéng 重點講, 詳細 ê 分析討論 ē-sái 參考 DeFrancis (1990) Gelb (1952) 蔣為文(2005c 2005e 2005g) 漢字是 án-choáⁿ hông 利用來發展出新 ê 文字? 咱 ē-sái 用下面 chit 個例來說明 : 假使有一個講英語 ê 英國人 John beh 用漢字替英語設計一套新 ê 漢字式文字系統 伊上代先有可能用 (1) ê 漢字來表示 (2) ê 英語語句 Chit 種方式就是漢字造字原則 六書 lāi-té ê 假借 Iā 就是借用漢字 ê 讀音 (tī chia 借用北京音 ) 來表記英語 ê 語音 kap 語意 (1) 哀黑夫土豆戈斯 (2) I have two dogs. (3) 人哀有黑有夫土二犭豆犭戈多斯後來,John 驚人看 tiõh 語句 (1) lāi-té ê 漢字會受漢字字面 ê 語意誤解, 像講看 tiõh 哀黑夫 會誤解是 悲傷 ê 穿黑衫 ê 農夫, 所以 John 就 tī 原有 ê 漢字頂頭加 形旁 起去, 像 (3) 所寫 ê án-ne 語句(3) chit 種做法就是所謂 ê 形聲字 後來, 有另外一個英國人 Marry, 伊感覺 John ê 用字無適合, 所以伊 kā (2) 寫做 (4) ê 方式 (4) 人我有黑有孚吐犭鬥犭哥多司 L³-bóe,koh 有一個英國人 Joe kā (2) 寫做 (5)

12 12 (5) 我嘿口孚二犭斗犭各多思以上 Marry kap Joe 所寫 ê (4) (5) kám ē-sái? 若就漢字造字原則來看當然 mā ē-sái 若 án-ne,siáng 寫 ê 是標準? 無人是絕對 ê 標準 mā 無人是絕對 ê 無標準! 這就是 chit-khoán 漢字式新字無法度標準化 普遍化 ê 主因 Tī 漢字文化圈 lìn,hit-kóa 利用漢字發展出來 ê 民族文字大概 ē-sái 分做 3 類 第一類是 tī 漢字 ê 基礎頂頭依照漢字造字方法, 特別是形聲字, 來創造新字 Chit-khoán ê 新文字 kap 漢字 kāng-khoán 屬 詞素音節文字 14 Chit-khoán ê 新文字有越南 字喃 15 台灣 歌仔冊文字 16 中國 壯字 苗字 17 瑤字 ( 周有光 1997:98-108) 等 Chit-kóa 字 ê 外形 kap 漢字真類似, 造字原則大多數 kap 漢字 kāng-khoán, 並無跳脫漢字 ê 思考模式 kap 造字方法 就文字讀寫 ê 效率來看,chit-kóa 新文字比漢字 koh khah 複雜 歹學 若 beh 讀有 chit-khoán 字, 通常就 ài 有漢字 ê 基礎 因為 bat 漢字 ê 人佔人口比例無高, 而且 koh 是所有 bat 漢字 ê 人 lóng 會支持發展 chit-khoán 新字, 所以 bat chit-khoán 漢字式新字 ê 人 mā 無 chē 換一句話講,hit-kóa chò-sit 脫赤腳 ê 普羅大眾 kāng-khoán 真歹接近 使用 chit-khoán ê 漢字式新字 若 án-ne, 是啥款 ê 人 chiah 有法度操作 chitkóa 漢字式新字? 主要就是 hit-kóa 落魄 ê 文人 落魄文人 ē-sái 分作 2 類 : 一種是 ùi 權力核心 hông 趕出來 不得志 ê 舊文人 ; 一種是具備民族意識 進步 ê 文人 Chit-kóa 落魄文人因為有漢字 ê 基礎, 所以 chiah 有可能使用漢字式新字 落魄 ê 舊文人因為 tiāⁿ-tiāⁿ iáu 存有大中國 ê 封建思想, 所以 mā tiāⁿ 反應 tī in 用新字創作 ê 作品 lìn 對照之下, 若是 beh 有新思想 民族獨立觀通常就 ài ùi 進步 ê 落魄文人 ê 作品 lìn 去 chhōe 可惜 chit-kóa 進步 ê 落魄文人用漢字式新字所寫 ê 作品因為通路無大, 無法度 tī 脫赤腳 ê 普羅大眾之間普遍流傳 利用漢字發展出來 ê 民族文字 ê 第二類是 音節文字, 伊典型代表是日本 ê 假名 (Kana) 第三類是 音素文字, 典型代表是韓國 ê 諺文 (Hangul) 越南 tī 17 世紀以後透過傳教士發展出來 ê 越南羅馬字 (Chu Quoc Ngu) kap 台灣 tī 17 世紀透過傳教士發展出來 ê 新港文字 kap 19 世紀以後 ê 白 有關啥物是詞素音節文字, 參閱 DeFrancis 1990 像講, 巴三 (/ba/) 是數字 3 ê 意思 有關字喃 ê 發展,ē-sái 參閱蔣為文 (2005d) 像講, 勿會 (bē) 身長 (lò) 有關歌仔冊 ê 發展,ē-sái 參閱丁鳳珍 (2005) 像講, 女八 (/pa/) 是 婦女 ê 意思

13 13 話字 18 (Pçh-ōe-jī) Chit 2 類 ê 文字 lóng 真好學 好用, 因為無需要漢字 ê 基礎就 ē-sái 單獨學習使用, 所以乎普羅大眾親近使用 ê 機會加真高 Tng-tong 19 世紀尾 20 世紀初 hit-kóa 韓國 越南 日本進步 ê 文人提倡用 chit 種新造 ê 文字 ê 時, 一般國民真緊就 ē-sái kā chit-khoán 文字學起來 當然, 民族國家意識就 ánne 因為讀寫能力 kap 國民教育 ê 建立 soah 真緊形成起來 這就親像西歐國家近代 tī 宗教改革以後因為民眾讀寫能力 ê 建立連帶帶動國民文學 kap 民族國家意識 ê 形成 kāng-khoán 道理 ( 蔣為文 2005h) 相對之下,hit-kóa 無法度跳脫漢字思考中心 ê 壯族 苗族 瑤族 tī 政治上 mā 無法度形成民族國家意識 中國 tī 1930 年代 bat 試驗用羅馬字來書寫漢語 進行所謂 ê 拉丁化 運動 ( 季羨林 1992:245) L³-bóe-chhiú 中國共產黨得 tiõh 政權了 tī 1950 年代停止拉丁化運動 改推 sak 漢字簡化 為啥物中國 beh 放棄漢語拉丁化? 主要就是顧慮 tiõh 中國政治 kap 文化上 ê 一統性 (Norman 1988: ; DeFrancis 1950: ; Barnes 1974) In 驚若中國各地用當地語言來書寫, 會造成廣東 福建 上海等各地 ê 地方意識發展做近代民族國家意識 soah 來 ùi 中國獨立出去 5. 台語文學發展 ê 時期 kap 特色以台灣人 ê 母語為文學語言 ê 源頭 ē-sái 追溯到 17 世紀 ê 新港文 ( 蔣為文 2005h) Hit 當時分佈 tī 台南一帶 ê 平埔族 Siraya ê 語言有可能形成荷蘭時期 ê 台灣共通語, 可惜 chit-ê 語言 kap 文字 soah tāu-tāu-á 死亡 kap 失傳去 後來到 19 世紀後半期, 另外一波 ê 母語文學 koh 開始 tāu-tāu-á 發展形成,he 就是咱 chín 所講 ê 台語 kap 白話字 照講台語文學就是台灣文學, -koh tī 現此時即種無正常 ê 國家地位之下, 台語文學 soah tō ài hông 邊緣化做 台語 文學, 台灣 華語 文學 soah 顛倒 乞食趕廟公 講是 台灣 文學 實在講, 台語文學 ê 正名 kap 台灣國名正名 kāng-khoán lóng 是 beh 發揚台灣主體性 ê 積極表現 下面咱 tō 就運動史 ê 角度分析台灣 ( 語 ) 文學發展 ê 過程 一般若講 tiõh 近代台語文學 ê 起源 lóng 會講是 tòe tiõh 1920 年代新文學發展起來所引起 ê 台灣話文論戰開始 ê ( 葉石濤 1993; 林瑞明 1996; 游勝冠 1996; 林央敏 1996) 事實上, 台灣 ê 新文學是 tòe tiõh 19 世紀後半期白話字 (Pçh-oē-jī) ê chhui-sak 18 詳細請參閱蔣為文 (2005c) 董芳苑 (2004)

14 14 chiah 開始發展出來 ê 台語文學 ê 發展 ē-sái 分做下面 kúi 個有 bô-kāng 特色 ê 時期 5.1. 台語白話字文學形成期 ( s) 雖然白話字 ( 台語羅馬字 ) ê 源頭 ē-sái 追溯到 Medherst ( 麥都思 ) 1837 年 tī 澳門出版 ê 福建方言字典, 甚至追溯到 17 世紀西班牙人 tī 菲律賓替閩南語設計 ê 羅馬字系統 (Kloter 2004) -koh 白話字對台灣 ê 影響應該 ùi 1865 年長老教會來台灣傳教 教白話字算起 若 ùi 西歐國家國民文學發展當中白話聖經扮演重要角色來看, 閩南語白話聖經 ê 翻譯對台語白話書寫標準 ê 建立 mā 有真重要 ê 貢獻 根據賴永祥 (1990:73), 閩南語 ê 新 舊約聖經分別 tī 年就發行 雖然 in 是用廈門腔所翻譯 koh tī 外地出版, -koh che 對台灣人建立初期 ê 台語白話文書寫有一定 ê 幫讚 白話字書寫 ê 本土化 ē-sái ùi 1885 年 Tâi-oân-hú-siâⁿ Kàu-hōe-pò ( 台灣府城教會報 ) tī 台南開始發行算起 ( 蔣為文 2005h) 咱 chai, 具有語言 讀寫能力 是發展 文學 ê 第一步 因為有白話聖經 報紙 ê 出版, 台灣人 ê 台語讀寫能力就 án-ne tāu-tāu-á 建立起來, 台語文學 mā án-ne tāu-tāu-á 發展出來 因為 台灣府城教會報 提供台語白話字發表 ê 空間, 所以白話台語寫作 ê 作品 lú 來 lú 成熟 到 kah 1920 年代 ē-sái 講是用白話字來創作台語白話文學 ê 成熟期 像講 1925 年 Lōa Jîn-seng ( 賴仁聲 ) 出版白話字小說 Án-niâ ê Bãk-sái ( 阿娘 ê 目屎 );1926 年 Tē n Khe-phoàn ( 鄭溪泮 ) 出版小說 Chhut Sí-Soà n ( 出死線 19 );1925 年 Chhoà Poê-hoé ( 蔡培火 ) 所出版 ê 社會評論集 Chãp-hāng Koán-kiàn ( 十項管見 ) Chit kóa 作品 lóng 是 tī 1930 年代台灣話文 鄉土文學論戰以前就出版 à 20 可惜,hit 當時受漢文 日文教育 ê 一般知識份子因為既得利益 kap 漢字 ê 迷思 soah 無法度接受台語羅馬字 致使 chit-ê 階段白話字主要 tī 教會內 teh 流行 niâ 5.2 漢字白話文討論期 ( ) 雖然 tī 1920 年代 Pçh-oē-jī ( 白話字 ) 已經發展成熟 chiâⁿ-chò 文學語言, - koh hit 當時 ê 台灣文學界討論 ê 主要重點 soah lóng kh g tī 漢字 ê 改革 kap 書寫方 19 李勤岸有 kā 翻譯做漢羅台文版, 全文 ē-sái tī 台灣文學工作室網站掠著 < 20 有關白話字文學, 參閱黄佳惠 (2000) 呂興昌(1995)

15 15 面 Ùi 1920 年 台灣青年 雜誌發行 1924 年 張我軍 發表 糟糕的台灣文學界 引起 ê 新舊文學論戰到 kah 1930 年代 ê 台灣話文 鄉土文學論戰 chit 10 外年中間, 討論 ê 焦點主要是漢字 ê 書寫方式 21 :1) beh 用傳統文言文 ā 是白話文, 2) 若 beh 用白話文, 是 beh 用日本白話文 中國式漢字白話文 ā 是台灣式漢字白話文? 已經發展成熟 ê 文學語言 白話字 soah h³ hit-kóa 漢字既得利益者 tàn tī 邊仔 無受重視,l³-bóe tī 社會上 soah 造成一種看重漢字 看輕白話字 ê 高低文字現象 扣除少數像講蔡培火,hit-kóa 主張發展台灣話文 ê 主要領導者因為無法度跳脫漢字 ê 思考模式致使台灣話 ê 書寫受 tiõh 真大 ê 限制 kap 影響 : 第一, 限制 tiõh 台灣話文 ê 大眾性 kap 普遍性 因為 beh 讀有漢字式台灣話文就 ài 先讀有漢字 俗語講 漢字若 beh 讀會 bat, 嘴鬚就 phah 死結, 就是 teh keng-thé 漢字歹學 ê 問題 22 Tī 1920 年代 ê 台灣 bat 漢字 ê 人 tō 無 chē, 台語 ê 書寫若倚靠 bat 漢字 ê 人口, 自然會 lú hông 邊緣化 普遍 ê 國民文學自然就 khah oh 產生 第二, 限制 tiõh 台灣話文 ê 標準化 近代國民文學 ê 形成 kap 民族語言標準化是互相扶持共生 ê 漢字式台灣話文因為用漢字書寫致使標準化 khang-khòe 真歹進行 ( 鄭良偉 1990:194) 即種情形就親像越南使用 字喃 kāng-khóan, 雖然用 chiâⁿ 千冬 -koh iáu 是無標準化 ( 蔣為文 2005b:90) 因為台語漢字無標準化, 自然就降低伊 chiâⁿ-chò 文學語言 ê 普遍性 第三, 造成台灣話文使用者無受重視 hông 看輕 台灣人 beh 用漢字來書寫台灣話文自然會 tú tiõh ch t-kóa 用漢字寫 bē 出來語詞 Chit-ê sî-chūn 真 chē 人就用造字 chhōe 本字 或者用假借字 ê 方式來克服 因為即種 特殊字 怪字 tī 漢字文化圈 lìn 通常 lóng 是 hông 當作 低文字 來看待, 致使台灣語文 mā hông 當作無水準 低路 ê 文字 第四, 影響 tiõh 台灣民族性格 ê 文化獨立性 越南人 tī 法國統治之下透過法國 ê 協助廢除漢字 切斷越南 hām 中國之間 ê 文化 t³-châi ( 蔣為文 2005a) 對照之下, 台灣 tī 日本統治之下, 初期為 tiõh beh khiú 近 pêⁿ-pêⁿ 是漢字文化圈成員 ê 台灣人 hām 日本人之間 ê 關係, 日本人就利用漢字 ê chīn chhun ê 價值 ( 剩餘 詳細參閱中島利郎 (2003) 陳淑容(2004) 楊允言(1993) 有關漢字 ê 學習效率,ē-sái 參閱蔣為文 (2005e) Chiung (2003)

16 16 價值 ) 乎台灣人繼續使用漢字 雖然 l³-bóe 日本人為 tiõh 排華 侵略中國 soah tī 1937 年禁用漢文, -koh 已經 seng 慢 à 台灣文學界 tī 期間走 chhōe 台灣文學 ê 內涵 kap 定位 ê 時, 因為無法度跳脫漢字 ê 迷思, 致使有 bē chió 人認為台灣文學是中國文學 ê 支流 niâ 因為 án-ne soah 減弱台語文學 chiâⁿ 做台灣 ê 國民文學 ê 強度 5.3. 台語文學 ê tìm-bī 期 ( ) Ùi 1937 到 1980 年代 chit-ê 時期 ē-sái 講是台語文學 ê tìm-bī 23 期 1937 到 1945 年算是 戰爭時期,chit-ê 時期主要 ê chīn-chhun ê 刊物是 台灣教會公報 ( 原來 ê 台灣府城教會報, 透過宗教 ê 方式來生存 戰後 1945 到 1987 解嚴 chìn 前 chit-chām 算是 戒嚴時期 chit-ê 時期是台語文學 ê 黑暗時代, 因為台灣話文 ê 使用遭受中華民國 ê 大中國統治結構 ê 有計畫 ê 殘害 伊 ê 後果是台語文學作品 ê 量真 chió 而且 hông 矮化做 方言文學, 新生代台灣人 ê 族群母語能力 tāu-tāu-á 退化, 致使有真 chē 母語異化 kap 母語轉換 ê 現象 戒嚴時期 大多數 ê 台灣作家若 是選用中國文寫作就是 tiām-tiām 做聲 少數 ê 作家像講 林宗源 向陽 tī 1970 年代就三不五時浮出水面用土地 ê 氣味 teh 創作台語詩 ( 向陽 1985 鄭良偉 1988) Chit-ê sî-chūn 有組織性 ê chhuisak 台灣話文 ê lóng 來自海外 : 日本 台獨聯盟 tī 1960 年代發行 ê 台灣青年 ( 張學謙 2003) kap 1977 年由美國 ê 台灣同鄉鄭良偉 陳清風等人主辦 ê 台灣語文月報 5.4. 台語文學 ê koh 活期 ( ) 1987 年台灣解嚴以後各種社會運動 lóng hiông-hiông chhiā-iāⁿ 起來 台灣語文 mā ùi hit-chām 開始受 tiõh tháu-pàng Chit-ê 時期 ê 初期 khah 偏語言運動 主要探討台語書寫標準化問題, 後期偏台語文學寫作 ê 實踐 24 主要 ê chhui-sak 團體有 : 1989 年由洪惟仁 林錦賢 楊錦鋒等人組成 ê 台語社 kap 台語文摘 服務性刊物 1990 年台灣同鄉鄭良光 李豐明等人 tī 美國洛杉磯創立 台文習 23 Tìm-bī 是指咱人 ê 面 chhàng lòe 水底 禁氣 ê 意思 24 Chit-ê 時期初期對台語文 ê 討論 ê 相關文獻 ē-sái 參考林進輝 (1983) 呂興昌 (1999) kap 台語文摘 同仁服務性刊物 ( 將報紙雜誌當中有關台語文 ê 討論文章收集影印, 時間包含 1989 年 8 月到 1991 年 7 月 )

17 17 作會, 後來 tī 1991 年 7 月創辦到 taⁿ iáu teh 發行 ê 台文通訊 Chit 份刊物同時 tī 台灣 美國 Canada 發行 台文通訊 早期 ê 在台 chhui-sak 者主要有陳豐惠 陳明仁 廖瑞銘等 台文通訊 採用漢字 白話字合寫 ê 台灣話文書寫方式, 伊對 漢羅 書寫 ê 推廣 kap 將白話字 sak 出教會 h³ khah chē 社會大眾認 bat 有真大 ê 貢獻 Chit-ê 時期上早 chhiàng 明專門創作台語文學 ê 第一個文學性團體是 1991 年 5 月成立 ê 蕃薯詩社 kap 伊 ê 機關刊物 蕃薯詩刊 ( ) 伊主要 ê 社員有林宗源 黄勁連 李勤岸 胡民祥 莊柏林 陳明仁 黄恒秋等 上早 chhiàng 明專門刊載台語文學作品 ê 期刊是 台文罔報 (1996-), 伊 ê 主要成員有廖瑞銘 呂子銘 陳明仁 陳豐惠 楊嘉芬 劉杰岳 劉德樺 除了 chia ê 團體 刊物之外 iáu 真 chē, 像講 台語文推展協會 kap 茄苳台文月刊 ( ) 管芒花台語文學會 kap 管芒花詩刊 (1997-) 等 ( 方耀乾 2005) 除了社會團體 teh chhui-sak 之外, 各大學校園 lāi-té mā 有成立台語相關社團,che 是台語話文進入教育體制 ê 先鋒 包含成大台語社 (1988) 台大台灣語文社 (1990) 交大台研社(1990) 淡江台灣語言文化研習社(1991) 清華台語社(1992) 等 ( 楊允言等 1995) 主要 ê 學生運動成員有楊允言 盧誕春 丁鳳珍 李自敬 蔣為文等 後來 chit-kóa 校園社團 koh 串聯成立 學生台灣語文促進會 (1992) Chit-ê 時期因為電腦網路開始發展, 台灣語文 ê 書寫 mā 開始進入電腦資訊時代 因為電腦資料庫 lāi-bīn ē-sái khiām ê 漢字有限, 所以 hit-kóa 台語造字或者怪字就真歹 tiām 電腦頂頭處理 Iā-tō 是講 beh tiām 電腦網路頂頭完全用漢字書寫會造成一定 ê 問題 kap 困難 Che 無形中促進台文寫作者接受 漢羅 ê 書寫方式 5.5. 台語文學 ê 正名期 (2000-) 台語文學經過 1990 年代 ê 打拼 liáu -tāⁿ koh 活起來, 而且開始進入學校教育體制 自 1997 年私立真理大學設立台灣文學系 2000 年國立成功大學設立台灣文學研究所以來, 全台灣已經有 10 外間大學有台灣文學 台灣語文相關系所 雖然有 chiah chē 間台文科系, 可惜台語文學 soah lóng 無受 in 重視,in 甚至 乞食趕廟公 將華語文學當作台灣文學 ê 代表文學 ( 蔣為文 2004 李勤岸 2005) 台語文學 beh án-choáⁿ 正名是 chit-ê 時期重要 ê khang-khòe

18 18 Tī chit-ê 時期, 台語文學 mā 開始受學界注意 第一部有系統性紹介台語文學發展過程 koh 一一對台語作家作品做簡評 ê 冊是張春凰 江永進 沈冬青合寫 ê 台語文學概論 (2001) 台語文學教材 mā 開始出現, 包含鄭良偉 曾金金 李櫻 盧廣誠 ê 大學台語文選 (2000) 江寶釵 周碧香 蕭藤村 董育儒 ê 閩南語文學 (2001) 方耀乾 ê 台語文學讀本 (2003) 針對台語文學 ê 學術論文出專冊 ê 包含方耀乾 (2004a 2004c 2005) 6. 結論台語文學發展 ê 歷史就是台灣民族形成過程 ê 一個縮影 台語文學現此時上大 ê 危機就是已經有 lú 來 lú chē ê 在地台灣人發生 母語異化 母語轉換 現象 Tng-tong 放 sat 台語 認同 華語 做新民族母語 ê 人 lú 來 lú chē, 台語文學 ê 創作者 kap 讀者一定會 lú 來 lú chió, 到 l³-bóe tō ài 像 新港文 án-ne 進入歷史博物館 若 án-ne, beh án-choáⁿ 避免母語轉換現象 ê 擴大? 一方面 ài 加強體制對台灣語文 ê 保護, 像講要求政府將台灣語文納入正式教育體制 kap 公務人員考試 設立台語委員會 台語電視台 Koh 一方面 ài 加強論說台灣人使用華語 ê bái 處比好處 khah chē 用華語無法度突顯台灣特色, 而且台灣無可能主導華語文化 ê 發展 用華語 kan-taⁿ 會變成中華文化 ê 邊陲 niâ 另外, 積極 chhui-sak 台語羅馬字 kap 英語 mā 是乎台灣脫離漢字文化圈 chiâⁿ-chò 文化獨立國 ê 真好步數

19 參考冊目 Anderson, Benedict Imagined Communities. New York: Verso. Barnes, Dayle Language planning in Mainland China: standardization. In, Fishman, J.A.(ed.). Advances in Language Planning, Chiung, Wi-vun T Learning Efficiencies for Different Orthographies: A Comparative Study of Han Characters and Vietnamese Romanization. PhD dissertation: University of Texas at Arlington. Chiung, Wi-vun T Impact of monolingual policy on language and ethnic identity: a case study of Taiwan. In Wi-vun Chiung. Languge, Identity and Decolonization, Tailam: National Cheng Kung University. Crowley, Tony The Politics of Language in Ireland : A Sourcebook. NY: Routledge. Crystal, David An Encyclopedic Dictionary of Language and Languages. Oxford: Blackwell. Dale, Ian R.H Digraphia. International Journal of the Sociology of Language 26, Davies, Norman Europe: A History. London: Pimlico. DeFrancis, John Nationalism and Language Reform in China. Princeton University Press. DeFrancis, John Digraphia. Word 35 (1), DeFrancis, John The Chinese Language: Fact and Fantasy. (Taiwan edition) Honolulu: University of Hawaii Press. Edwards, John Language, society, and identity. NY: Basil Blackwell. Eriksen, Thomas H Ethnicity, race, class and nation. In John Hutchinson & Anthony D. Smith (ed.). Ethnicity, Oxford: Oxford University Press. Fasold, Ralph The Sociolinguistics of Society. Oxford: Blackwell Ferguson, Charles Diglossia. Word 15, Fishman, Joshua. (ed.) Handbook of Language and Ethnic Identity. Oxford: Oxford University Press. Fishman, Joshua Bilingualism with and without diglossia; diglossia with and without bilingualism. Journal of Social Issues 32(2), Fishman, Joshua Language and ethnicity. In Howard Giles (ed.). Language, Ethnicity and Intergroup Relations, London: Academic Press Inc. Gelb, Ignace. J A Study of Writing. London: Routledge and Kegan Paul. Grimes, Barbara F Ethnologue. (13 th ed.). Dallas: Summer Institute of Linguistics. Johnson, Allan G The Blackwell Dictionary of Society. Oxford: Blackwell. Kloter Henning Early Spanish Romanization system for Southern Min. 台灣羅馬字國際研討會論文集, 國家台灣文學館 Levinson, David Ethnic Relations: A Cross-cultural Encyclopedia. Santa Barbara: ABC-CLIO, Inc. Liebkind, Karmela Social psychology. In Joshua Fishman (ed.). Handbook of Language and Ethnic Identity, Oxford: Oxford University Press. Lu, Li-Jung A study of language attitudes, language use and ethnic identity in Taiwan. M.A. Thesis: Fu-jen Catholic University. Norman, Jerry Chinese. Cambridge: Cambridge University Press. Ramsey, S. Robert The Language of China. New Jersey: Princeton University Press. 19

20 Ross, Jeffrey A Language and the mobilization of ethnic identity. In Howard Giles & Saint-Jacques Bernard (eds.) Language and Ethnic Relations. NY: Pergamon Press. 丁鳳珍 2005 歌仔冊 中的台灣歷史詮釋 以張丙 戴潮春起義事件敘事歌為研究對象 博士論文 : 東海大學 中島利郎 年代台灣鄉土文學論戰 高雄 : 春暉出版社 方耀乾 2003 台語文學讀本 (1) 台南 : 真平企業 方耀乾 2004a 台語文學的觀察與省思 台南 : 復文書局 方耀乾 2004b 台語文學讀本 (2) 台南 : 真平企業 方耀乾 2004c 台語詩人的台灣書寫研究 台南 : 復文書局 方耀乾 2005 台語文學的起源與發展 台南 : 作者自行出版 王育德 1993 台灣 : 苦悶的歷史 台北 : 自立晚報社 史明 1992 民族形成與台灣民族 向陽 1985 土地的歌 台北 : 自立晚報 江寶釵 周碧香 蕭藤村 董育儒 2001 閩南語文學 高雄 : 麗文文化 呂興昌 1995 白話字中的台灣文學資料 台灣詩人研究論文集 p 呂興昌編 1999 台語文學運動論文集 台北 : 前衛 李勤岸 2005 台灣文學 ê 正名 ùi 英語後殖民文學看台灣文學 海翁台語文學雜誌 第 41 期,p.4-16 周有光 1997 世界文字發展史 上海 : 上海教育出版社 周振鶴 游汝杰 1990 方言與中國文化 台北 : 南天 林央敏 1996 台語文學運動史論 台北 : 前衛 林進輝編 1983 台灣語言問題討論集 台北 : 台灣文藝雜誌社 林瑞明 1996 台灣文學的歷史考察 台北 : 允晨 季羨林等編 1992 中國大百科全書 : 語言文字 北京 : 中國大百科全書出版社 施正鋒 1998 族群與民族主義 : 集體認同的政治分析 台北 : 前衛出版社 施正鋒 2000 台灣人的民族認同 台北 : 前衛出版社 施正鋒 2002 語言權利法典 台北 : 前衛出版社 張春凰 江永進 沈冬青 2001 台語文學概論 台北 : 前衛 張學謙 2003 書寫 ê 意識形態分析 用 台灣青年 作例 行向多文字 ê 台語文 文字態度 kap 政策論文集 p 陳淑容 2004 台灣話文論爭及其餘波 台南 : 台南市立圖書館 游勝冠 1996 台灣文學本土論的興起與發展 台北 : 前衛 黃佳惠 2000 白話字資料中的台語文學研究 台南師院碩士論文 楊允言 1993 台語文字化 ê 過去 kap 現在 台灣史料研究 第一期,p 楊允言等 1995 九 0 年代以來校園台語文運動概況 第七屆台灣新生代論文研討會論文集, 台灣研究基金會 葉石濤 1993 台灣文學史綱 高雄 : 文學界雜誌 董芳苑 2004 台語羅馬字之歷史定位 台灣文獻, 第 55 卷第 2 期, 頁 詹伯慧 1991 現代漢語方言 台北 : 新學識文教出版中心 蔣為文 2004 收編或被收編? 當前台文系所對母語文學及語言人權態度之初探, 語言人權與語言復振學術研討會,12 月 日, 台東大學 20

21 蔣為文 2005a 共同體 ê 解構 : 台灣 hām 越南 ê 比較, 戰後六十年學術研討會 -- 後殖民論述與各國獨立運動研討會, 5 月 21 日, 台灣歷史學會, 台北, 台灣會館 蔣為文 2005b 台灣白話字 hām 越南羅馬字 ê 文字方案比較 語言認同與去殖民 p 台南 : 成功大學 蔣為文 2005c 白話字, 囝仔人 teh 用 ê 文字? 語言認同與去殖民 p 台南 : 成功大學 蔣為文 2005d 越南去殖民化與去中國化的語言政策 語言認同與去殖民 p 台南 : 成功大學 蔣為文 2005e 越南羅馬字和台灣羅馬字的學習效率及錯誤型態比較 語言認同與去殖民 p 台南 : 成功大學 蔣為文 2005f 漢字文化圈 ê 脫漢運動 語言認同與去殖民 p 台南 : 成功大學 蔣為文 2005g 漢字對台灣人 ê 語言認知 ê 影響 語言認同與去殖民 p 台南 : 成功大學 蔣為文 2005h 羅馬字是台灣新文學 ê 開基祖 語言認同與去殖民 p 台南 : 成功大學 鄭良偉編 1988 林宗源台語詩選 台北 : 自立報系 鄭良偉 1990 演變中的台灣社會語文 台北 : 前衛 鄭良偉 曾金金 李櫻 盧廣誠 2000 大學台語文選 台北 : 遠流 賴永祥 1990 教會史話 第一輯, 台南 : 人光 21