漢字對台灣人e語言認知e影響

Size: px

Start display at page:

Download "漢字對台灣人e語言認知e影響"

灾侈董
5 years ago
Views:

1 漢字對台灣人 e 語言認知 e 影響 Wi-Vun Taiffalo Chiung ( 蔣為文 ) The University of Texas at Arlington taiwanesefirst@yahoo.com 研究動機漢字 e 特色是一字一音節每一字 long 具備形音義漢語 1 ti 語言學 laite e 分類是屬孤立語 (isolating language) Be-chio 人認為因為漢語有孤立語 e 特質, chiah 發展出漢字甚至進一步認為 kanta~ 漢字 chiah 有法度表達漢語 Chit-khoan e 論調 ti 漢字文化圈 laite 已經存在真久 a, ma 真深影響 tioh 有心研究台語 e 台灣人到底是因為古漢語先有孤立語 e 特質 chiah 產生漢字, 啊是古漢語 ti 歷史發展中因為受漢字 e 束綁 chiah 形成近代漢語 e 孤立語 e 特質? Ui 連橫 e 台灣語典開始, 真 che 台語語源 e 研究者 long 相信台語是有音就有字 2, 就拼命 ui 古冊 laite chau-chhoe 本字結果, 一個字經過 bo-kang 人 e 考證研究就有 kui-a 種 bo-kang e 寫法下面舉例 kui 位研究者考證出來 e 用字圖表 1 的 e5 個 e5 欲 beh 不 m7 多 che7 較 khah 洪惟仁卜毋濟, 儕卡許成章其, 個, 格員, 個, 箇, 望, 卜, 媒, 不, 無, 否濟, 侈, 庶, 較, 校, 謀, 薄, 甫, 俾孳, 滋, 眾,,... 連橫兮兮多較陳修的必不, 濟較楊青矗, 兮, 個,, 唔濟卡,, 較根據台語文摘台灣漢語辭典台灣語典台灣話大詞典國台雙語詞典 1 Ti chia 漢語 e 意思暫時照一般傳統 e 講法, 是指漢藏語系 (sino-tibetan) 下面漢語系 e 各語言包含台語閩南語 Hakka 北京話廣東話等等 2 意思是指每一個音節 (syllable)long 有漢字

2 2 就歷史語言學來講, 考證本字是有可能 e Mko, 是毋是每一個台語 e 音 long 有本字 etang 乎咱考證, 這就有真大 e 問題 In chia 研究者 ti 考證本字的過程有一個共同 e 特色, 就是無複音詞 (polysyllabic word) e 觀念, long 將台語詞的音節 (syllable) 拆開, soa--lai ui 古冊 laite chhoe 一寡 in 認為音韻意思 long 有適配 e 字出來, 講這就是 hit-e 音節 e 本字 Chit-khoan e 考證過程有伊根本上 e 潛在危機 ti leh 也就是講, 研究者 ti 考證 chincheng 已經預設一個音節有一個字每一字具備形音義, soa--lai chiah 根據 chit-e 原則去 chhoe 本字台語, 或者所有 e 所謂 e 漢語系 e 語言 kam 真正 tak-e 音節 long 有字? 啊是講, 其實 chia-e 研究者是受 tioh 漢字 e 一字一音節 e 特色 e 影響, chiah hoan 頭來認為漢語是一音節一字? Na-chun 漢字使用者 ti 長期使用漢字 e 影響之下, 潛意識 laite 會 hoan 頭來認為漢語是一音節一字的假設是正確 e, 其他無受漢字教育 e 人是毋是應該 khah 無將語詞 (word) 拆做一個一個單獨 e 音節 e 傾向? 也就是講, bat 漢字 -e ham m-bat 漢字 -e 對每一個語詞 e 音節是毋是會有 bo-kang e 認知? 若是, 伊造成 e 原因 kap 進一步造成 e 影響是啥? 研究方法本人事先設計一份評估表, chit 份評估表包含三大類型 e 台語詞 : (1) 確定是合成詞 (compound word) (2) 確定是複音詞 (polysyllabic word) (3) 無確定是複音詞啊是合成詞 Soa--lai 根據 chit 份評估表來訪問 bo-kang 文字或者語言背景 e 人, 看 in 對每一個台語詞 e 音節 e 認知 e 反應

3 3 大多數 e 台灣人 long 受過漢字教育 3, 這是訪問 e 第一種對象 Ti 早期傳教士傳教 e 時, 為著乎 m-bat 漢字 e 信徒 etang 讀聖經, 就會教信徒讀寫 Peh-oe-ji( 白話字 ; 羅馬字化 e 台語字 ) 現此時 iau 有 be-chio 老一輩 e 台灣基督長老教會 e 教徒 m-bat 漢字, kanta~ 會曉 Peh-oe-ji 這是訪問 e 第二種對象另外, 少部份 m-bat 漢字 ma m-bat Peh-oe-ji e 人, tu-ho etang ham 頂面二種對象做比較, 是訪問 e 第三種對象評估表 long 總有 72 個台語詞, 每一個語詞 long 上少有 2 個音節包含 : 1. 確定是由單音節詞素 (monosyllabic morpheme) 合成 e 合成詞 (compound word) 像講, 天公會社飛行機等 21 個 2. 無確定是毋是有單音節詞素 e 複音詞像講, /si-kha-a/ /cheng2-am7/ /hai-ang/ /chhit-tho/ 等 43 個 3. 確定無單音節詞素 e 複音詞像講, /sapbun/ /thou-la-khuh/ /ou-i-sang/ 等 8 個每一個語詞 long 有一個基本點數 (KPTS) 第一類 e 合成詞 e 基本點數是 10 第二類無確定是毋是有單音節詞素 e 複音詞, 按照可能有單音節詞素 e 程度, 分作 7.5, 5, 2.5, kap 0 四種基本點數第三類確定無單音節詞素 e 複音詞 e 基本點數是 0 題 : 採訪者會要求每一個受訪人針對評估表頂面每一個台語詞回答下面 e 問 1. 台語詞 e 整體意思? 3 包含傳統 e 漢文教育 kap 1945 年以後各級學校 e 中文教育

4 4 2. 台語詞 e 每一個音節 e 意思? 3. 台語詞 e 每一個音節是毋是有漢字 e 寫法, 若有, 是 anchoa~ 寫? Soa--lai 採訪者會根據下面 e 判斷標準, 針對受訪人 e 回答內容, 決定受訪人 e 每一個語詞 e 反應點數 (HETS) 0 點完全 m-chai 或者認為無單音節詞素 e 意思 kap 用字 2.5 點無確定單音節詞素 e 意思 m-chai 用字 5.0 點大概 Chaiia~ 單音節詞素 e 意思 m-chai 用字 7.5 點大概 Chaiia~ 單音節詞素 e 意思 kap 用字 10 點確定單音節詞素 e 意思 kap 用字 Anne 做 e 目的是 beh 將反應點數提來 ham 基本點數做比較透過比較, etang 暸解受訪人對每一個語詞 e 音節 gin-bat 傾向比如講, chhit-tho e 基本點數是 "2.5" 假使受訪人 A 認為 "chhit" kap "tho" 無啥物意思 ma m-chai 用字, anne A e 反應點數就是 "0" Na-chun 受訪人 B 認為 "chhit" kap "tho" 就是 " 蹉 " kap " 跎 " e 意思 kap 用字, anne B e 反應點數就是 "10" Ui 反應點數 ham 基本點數 e 比較, 咱就 esai 大概看出受訪人 A ham B ti "chhit-tho" chit-e 語詞 tengthau e 音節 gin-bat 傾向分別是 "-2.5"(0-2.5) kap "+7.5"(10-2.5) "-2.5" kap "+7.5" 有啥物意義 leh?"-" 表示受訪人 A 傾向認為 hit-e 語詞無單音節詞素或者用字, 而且程度是 "2.5" "+" 表示受訪人 B 傾向認為有單音節詞素或者用字, 而且程度是 "7.5" 咱若 ka 所有 e 有效 e 音節 gin-bat 傾向 e 數值加加起來, chiah koh 用有效 e 語詞數目來除, 就 esai 得 tioh 受訪人平均 chhe e 音節 gin-bat 傾向 e 指數 Chit-e 算法 esai 以下面 e 公式表示

5 5 IGKC = (Σ(HETS KPTS)) (GSSB) IGKC: 音節 gin- bat 傾向 e 指數 HETS: 反應點數 KPTS: 基本點數 GSSB: 有效 e 語詞數目咱提受訪人月女士做例來說明頂面 e 計算方法 ( 參考附件二 ) 評估表 long 總有 72 個台語詞問題, 扣掉 " 無問 tioh(23 個 )" kap " 受訪人 m-bat(1 個 )" e 語詞, 月女士 e 有效語詞數目 (GSSB) 是 48 個 Chit 48 個有效語詞 e 反應點數減基本點數 (HETS-KPTS) e 總額是 "-57.5," 所以月女士 e 音節 gin-bat 傾向 e 指數是 "-1.198" IGKC = (Σ(HETS KPTS)) (GSSB) = (-57.5) 48 = 研究結果按照頂面 e 評估 kap 計算方法, 咱 esai 得 tioh 每一個受訪人 e 音節 gin-bat 傾向 e 指數 (IGKC) Soa--lai 照 IGKC e 數值排落來, 就 etang 整理出下面 chit 張音節 gin-bat 傾向 e 指數表

6 6 H: Hanji E: English J: Japanese P: Pehoeji N: Non-literate B: Blind no. 語言受訪人 Sex Age IGKC 1 HE 蔡 x 煌 M HEB 尤 x 坤 M HE 盧 x 華 F HE 詹 x 生 M HE 蔡 x 輝 M HE 葉 x 桂 F HJEP 連 x 宗 M HE 劉 x 賢 F JHE 錢 x 毓 F PJ 月 x 女 F P 李 x 蘭 F P 林 x F N 孫 x 卿 F E Carolyn F E Alice F E Danny M P 藍 x F 圖表 2 頂面 e 訪問對象分別屬 ti 受漢字教育白話字教育 kap 無受漢字 ham 白話字教育三大類型, chit 三大類型 koh esai 按照 bo-kang e 語言文字背景 e 程度細分做 kui 種分類 Ti 語言欄 laite 受訪人 ehiau e 語言文字是按照 in 熟手 e 程度排列下面是 chit 份研究所訪問 tioh e 所有對象 e 語言背景 e 簡單紹介第一, 漢字教育漢字是 chit 類 e 受訪人上熟手 e 書面語 1. HE: 受過完整 e 中文 e 漢字教育 ( 小學到大學 ) 加上英文 e 外國語教育 ( 國中到大學 ) 2. HEB: 受過完整 e 中文 e 漢字教育 ( 小學到大學 ) 加上英文 e 外國語教育 ( 國中到大學 ) 但是自出世就目周無看

7 7 3. HJEP: 先受過日文教育 ( 到 18 歲 )kap 英文 e 外國語教育, 後來 chiah 學中文雖然卡慢學中文, mko 漢字基礎真好, 目前職業是代書是長老教會 e 長老第二, 白話字教育 M-bat 受過純漢字教育, kanta~ ti 教會學過白話字讀白話字聖經白話字是 chit 類 e 受訪人上熟手 e 書面語 4. P: 完全 m-bat 其他 e 語言 kap 文字 Kanta~ ehiau 講台語 kap 讀白話字聖經 5. PJ: 同時受白話字 kap 日文教育 ( 公學校 5 冬半 ) 白話字卡熟手, 目前 iau 有繼續讀白話字聖經第三, 無受漢字 kap 白話字教育 6. N: 完全 m-bat 任何 e 書面書寫系統, kanta~ ehiau 講台語 7. E: Ti 美國出世 e 台美人英語英文是上熟手 e 語言文字 Ehiau 講台語, mko behiau 寫台語文 8. JHE: Ti 日本出世 e 台日人日語日文是上熟手 e 語言文字 Bat ti 台灣受過中文教育 ( 國小 2-6 年 ) Ehiau 講台語, mko behiau 寫台語文咱若按照每一個受訪人上熟手 e 語言文字來分類, 咱 esai 發現 kangkhoan 熟手 e 語言文字 e 人 e IGKC 分布 tu-ho 集中作伙咱分別算出每一類 e IGKC 平均值, esai 得 tioh 下面 chit 張表 (no.17 藍女士受訪問 e 時精神狀態毋是 kai 清楚, 影響 tioh 訪問 e 品質, 所以無列入下面 e 資料做比較 )

8 8 H: Hanji E: English J: Japanese P: Pehoeji N: Non-literate B: Blind no. 語言受訪人 IGKC 平均值 1 HE 蔡 x 煌 HEB 尤 x 坤 HE 盧 x 華 HE 詹 x 生 HE 蔡 x 輝 HE 葉 x 桂 HJEP 連 x 宗 HE 劉 x 賢 JHE 錢 x 毓 PJ 月 x 女 P 李 x 蘭 P 林 x N 孫 x 卿 E Carolyn E Alice E Danny 圖表 3 Ui chit 張表 laite esai 發現只要漢字 (H) 是上熟手 e 語言, IGKC 數值 long 是 "+," 其他 e 數值 long 是 "-" 咱若針對 bat 漢字 ( 漢字是上熟手, no.1-8)ham m-bat 漢字 ( 漢字毋是上熟手, no. 9-16) 做統計 e T - 檢定, esai 得 tioh p=4.52e-08 也就是講, bat 漢字 -e ham m-bat 漢字 -e e 指數分布呈現 2 種 bo-kang e 趨勢毋是 tu-ho e, 是有原因 e Ui chit-e 現象咱 esai 初步假設 bat 漢字 e 人會傾向認為每一個語詞有單音節詞素或者用字 Soa--lai 咱分別就受訪人 e 所在背景 kap 書面語背景來進一步分析 : 第一, 所在背景受漢字教育 (HE)ham kanta~ 受英文教育 (E) e 人, 雖然 IGKC 有真大 e 差別, 這 iau 無法度證明是因為漢字 e 關係這有可能只是 ti 台灣大漢 ham ti 美國大漢, 無 kang 所在背景所造成 e Mko, 咱若就 pe~pe~ ti 台灣大漢 e 人來比

9 9 較, bat 漢字 -e (+0.899) iau 是比其他 bat 白話字 (-1.776) 或者 m-bat 字 -e(-2.577) koan 真 che Chit-e 現象就比較卡 etang 證明漢字可能是影響 e 因素而且就 no.9 受訪人 e 例來看, 受訪人本身 ma 毋是 ti 台灣大漢 e, IGKC 應該接近其他海外大漢 e 台灣人 e 數值 chiah tioh, mko 事實上伊 e 數值是倚 ti 台灣大漢 ham 美國大漢 e 中間, 甚至是真接近 ti 台灣受漢字教育 e 人 e 數值 Chit-e 現象可能是因為伊 bat ti 台灣讀過 kui 年 e 中文教育, ui chit-e 現象 ma esai 間接證明漢字可能是影響 IGKC e 因素第二, 書面語背景 Bat 漢字 -e ham m-bat 字 -e (N) 雖然所在背景 long pe~pe~ 是台灣, 而且 in-e IGKC 有真大 e 差別, 這 iau 無法度有力證明是因為漢字 e 關係這有可能只是受過書寫教育 kap 無受過書寫教育 e 差別但是咱若就分別受漢字 kap 白話字書寫教育 e 人來比較, bat 漢字 -e (+0.899) iau 是比 bat 白話字 -e (-1.776) koan 真 che 就 chit 一點來看, 就 ke 真有力 etang 證明漢字可能是影響 IGKC e 因素 Ui 頂面各方面 e 分析 long 一直顯示漢字是造成受訪人具備 koan e IGKC 數值 e 重要因素 Ti chia 咱 etang 得 tioh 初步 e 結論 : 受漢字教育 e 人會傾向認為每一個語詞有單音節詞素或者用字討論受漢字教育 e 人會傾向認為每一個語詞有單音節詞素或者用字, 咱 esai 講這是一種音節漢字化 e 心理預期 e 現象這是因為受漢字教育 e 人 khah gau 受漢字 e 一字一音節每字具備形音義 e 特色 e 影響, 倒頭來認為每一個語詞 (word) e 音節 (syllable) long 有形音義 e 字比如講, "cha-bou(female)," chit-e 詞是毋是來自所謂 e" 漢語 " 是毋是有 " 本字 " iau 真有爭論, mko 漢字 e 使用

10 10 者尤其是台語語源研究者就會預期 tak-e 音節 long 有漢字, 就 chhoe 出 " 諸姆 " 或者 " 查某 " 當作 cha-bou e 漢字寫法 Koh 比如講, "chhit-tho(play)" 就有 " 蹉跎 " " 日月 " " 七桃 " 等 e 寫法音節漢字化 e 心理預期 e 現象 esai 解釋為啥物目前台灣社會真 che 人愛做台語溯源追求本字 e khangkhoe 漢字音節圖表 4 漢字具備一字一音節特色漢字音節圖表 5 音節漢字化現象, 認為每一個音節 long 有漢字音節漢字化 e 心理預期 e 現象是受漢字 e 一字一音節每字具備形音義 e 特色 e 影響, 啊 chit-e 特色 tu-ho ham 漢字 e 結構有關咱若了解漢字 e 文字結構就 etang 進一步了解形成漢字特色 e 原因 kap 伊造成 e 影響下面咱就來分析漢字 e 結構若就文字 e 成熟度來講, 漢字 e 源頭一般是 ui 商朝後期 ( 西元前 14- 前 11 世紀 ) e 甲骨文算起甲骨文經過周朝春秋戰國時期 e 發展, 一直到 kah 秦始皇吞併六國, 規定小篆 chia~ 做標準 e 文字了後, 漢字 e 字形 kap 結構 chiah 大概穩定落來 4 4 雖然漢字 ui chit-cham 開始有卡固定 e 字形, mko 咱 ma m-thang be- 記得伊 ti 歷史演變過程中 iau

11 古早人分析漢字 e 文字結構, 歸納出六書 e 漢字造字原則 Bo-kang e 學者對六書有淡薄仔 bo-kang e 見解若照東漢時代許慎 e 著作說文解字 e 講法 : 一曰指事, 指事者, 視而可察, 察而見意, " 上 " " 下 " 是也二曰象形, 象形者, 畫成其物, 隨體詰詘, " 日 " " 月 " 是也三曰形聲, 形聲者, 以事為名, 取譬相成, " 江 " " 河 " 是也四曰會意, 會意者, 比類合誼, 以見指偽, " 武 " " 信 " 是也五曰轉注, 轉注者, 建類一首, 同意相受, " 考 " " 老 " 是也六曰假借, 本無其字, 依聲託事, " 令 " " 長 " 是也若按六書 e 原則, 將漢字做分類, 每一類佔 e pasiantoh 有 goa-che leh? 按照李孝定 (1992: 21) 根據甲骨文六書爻列六書略, 三種分別代表 bo-kang 時期 e 漢字所做的統計整理,esai ui 下面 chit 張表看出每一類所佔 e pasiantoh, ma etang ui chia 看出漢字 e 文字結構 ti 歷史發展中 e 演變過程 11 代表年代象形指事會意假借形聲轉注不詳總計 14 th -11 th 甲骨文字字數 B.C. 百分比強 1.63 強弱強弱強 nd A.D. 六書爻列字數百分比 3.84 強 1.32 弱強 1.21 強弱 0.07 強 th A.D. 六書略字數百分比 2.50 強 0.44 強 3.05 強 2.47 弱弱 1.53 強圖表 6 漢字 ti 發展過程中有一個明顯 e 現象, 就是象形會意等 chit 類 e 漢字所佔 e 比率大大降低, 另外一方面, 形聲 chit 類 e 比率大幅度提高到 90% Chit-e 現象顯示漢字有 ng 表示語音功能 e 拼音文字行 e 趨勢, mko 漢字 ti 中國境內並無進一步簡化發展出像日本 hit 款音節字母 (syllabary)e 假名 (kana) 書寫系統, ma 無朝鮮 hit 款非線性 (non-linear) 描寫音節單位 e 音素字母是經過隸書草書楷書行書等 bo-kang e 字形變化

12 12 (phonemic alphabet) e 諺文 (Hangul) 書寫系統, koh 卡免講發展出西方親像 Greek hit 款線性 -e(linear) 描寫單一語音 e 語音字母 (phonetic alphabet) 漢字 ti 歷史演變中一直增加形聲字 e 比率代表啥款 e 意義? 又 koh 為啥物漢字無進一步發展出拼音字母 leh? 一般得來講, 多數 e 學者 long 認為這 ham 古漢語是單音節語言有關係也就是講, 為 tioh beh 避免 kang 音 bo- kang 意思 e 單音節語詞所造成 e 混淆 chiah 利用形聲 e 表音兼表意 e 功能來區別 bo-kang 意思 e 同音詞 In soa--lai 進一步得出結論, 認為漢字是上適合表達漢語 e 頂面 chit 款 e 講法, 是將造成 e 結果當做引起 e 原因, boe-su 先預設中國自古就是一個統一 e 國家 soa--lai chiah 來解釋中國分合 e 歷史 kangkhoan, 是真有問題 e, 必須接受挑戰咱應該講, 古漢語 e 單音節特色其實是因為漢字 e 束綁 chiah 造成 e 漢字文化圈長期來因為口語 ham 書面語分開發展, 或者是講文字書寫系統所 beh 表示 e 語意單位 ham 所 beh 表示 e 語音單位 bo-kang, 強化 tioh 漢字具備形音義 e 特色進一步來講, ma 因為漢字 e 特色 soah hoan 頭 tng 來阻礙口語 ham 書面語 e 合齊發展 Chit 種情形一直到 kah 近代 e 白話文運動以後 chiah tau-tau-a 有改變, ma 因為口語 ham 書面語合齊了, 多音節語詞 e 比率 chiah 升高起來下面咱就來解釋為啥物語意單位 ham 語音單位 bo-kang, 對文字 e 發展會造成影響若參考 Gelb(1952) 按文字系統所表示 e 語意單位來做文字 e 分類 kap 發展 e 分期 e 觀念, 咱 esai 整理出下面 chit 份漢字文化圈 ti bo-kang 歷史分期 laite 文字書寫系統所表示 e 語意 ham 語音單位 e 演變表

13 13 歷史分期語意單位語音單位 -15 th B.C. 甲骨文以前文句信息無固定表示 e 語音 14 th -3 rd B.C. 甲骨文語詞 (word) 語詞 2 nd B.C.-19 th A.D. 古漢文 ( 文言文 ) 語詞單音節 20 th A.D. 白話文單音節詞素 (monosyllabic morpheme) 單音節圖表 7 Ti 文字發展 e 過程, 假使表達語意 e 單位 seng 大, 就無法度正確反應語音另外一方面, 表達 e 語意單位 ham 語音單位若無配合, ma 會影響表達話語 e 準確性 Ti 甲骨文以前, 漢字文化地區 e 人類 iau 無法度 ka 話語 laite e 語詞區分出來, in kanta~ 有法度用圖畫或者符號 e 形式來表達一 koa~ 5 信息讀者看 tioh 圖畫或者符號 chiah koh 聯想作者所 beh 表達 e 內涵譬如講, 畫一仙人, 人 e 手 lin theh 一粒石頭仔, 邊仔 koh 畫一隻獅 Chit pak 圖 teh 表達啥物意思 leh? 有可能表示圖 lin hit-e 人真勇敢, 講 theh 石頭仔 beh ka 獅挑戰 ; ma 有可能表示 hit-e 人真不幸, ti 路 lin tu-tioh 獅, 孤不二終石頭仔 sa--leh kap 伊車拼 Chit 種表達方式所表達 e 語意單位 seng 大, kanta~ etang 表達大概 e 概念, 無固定表示 e 語音, 無法度 ka 話語描寫乎真準到 kah 甲骨文時代, hit tongchun e 人已經 chaiia~ ka 語意單位縮小, ka 語詞 ui 長 -lo-lo e 話語 laite 區別出來比如, 畫一個圓箍仔中央點一點, 來表示日頭 ; 畫一隻魚仔 e 外形來表示魚仔也就是講, in 已經 chaiia~ 用固定 e 文字符號來記錄話語 laite e 語詞單位因為記錄 e 語意單位縮小 a, 所以當讀者看 tioh 一個圓箍仔中央點一點, 伊就明確 chaiia~ chit-e 符號表示日頭雖然記錄 e 單位縮小 a, 毋過以語詞為單位 e 記音方式 iau 是無法度真準確表示語詞 e 發音比如, 一個圓箍仔中央點一點, 雖然 chaiia~ 表示日頭, mko 伊 e 發音可能是 5 一 koa~: 一串 e 意思

14 14 /git-thau/ 或者 /thai-iang/ 等等頂面 hit 種以語詞做單位, 用一個文字符號單位 ( 一個漢字 ) 來表達一個語詞單位 e 方式, 來到古漢文時期有淡薄仔變化第一, 記錄語音 chit 方面, ui 原來 e 語詞改變以音節做單位因為語詞包含有單音節或者多音節 e 可能性, 一個文字符號有時 beh 記錄單音節有時多音節 khah 容易 hut m-tioh 去, 無法度準確記錄語音, 所以後來形成一個文字符號就記錄一個音節 e 方式也就是講, ti 古漢文時期, 一個文字符號單位 ( 一個漢字 )kanta~ 記錄一個音節, 形成漢字一字一音節 e 特色第二, 記錄語意 chit 方面, 原則上維持原來一個文字符號單位表達一個語詞 e 方式因為 ti 語音方面一個漢字 kanta~ 記錄一個音節, mko ti 語意方面是記錄一個語詞, koh 加上人類 etang 發 e 音節真有限, 為 tioh 避免 kang 音節但是 bo-kang 語詞 e 情形發生, chiah 利用有區別意思功能 e 偏旁來區別 bo-kang 意思 e 同音詞所以表音兼表意 e 形聲字 e 比率會 lu 來 lu 高 e 原因其實是因為長期來文字所表達 e 語意單位 ham 語音單位脫離無一致 e 關係毋是 chit-koa 學者所講因為古漢語是單音節語言 e 關係 Chit 種文字表達 e 語意 ham 語音單位 bo-kang 所造成 e 現象就是文言文壟斷漢文化地區數千年到 kah 近代白話文運動成功以後, 漢字 e 語意單位 chiah 縮小範圍 ng 語音單位行 oa 合齊起來也就是講, 過去一個語詞由一個漢字表達 e 方式, 改變做一個語詞由一個或者一個以上 e 漢字表達因為語意行向以音節做單位 a, 所以漢語 chiah etang 減少來自漢字 e 束綁, 恢復多音節語詞 e 面腔但是, 因為過去每一個漢字 long 有伊 e 意思, esai 講每一個漢字 long 是詞素 (morpheme), 當咱 theh 漢字來記錄多音節語詞 e 時, 容易衍生新 e 問題 -- 個別詞素 e 意思 ham 語詞 e 整體意思無一定 kangkhoan 譬如, 台語 e 灶腳是煮食 e 所在 e 意思雖然灶 ham 煮食有關係, mko 腳 ham 煮食並無關

15 15 係 Koh 親像, 華語 laite e 沙發是指 sofa e 意思, mko 沙 ham 發 kap 沙發 e 整體意思並無 kang Chit 種情形特別發生 ti 記錄外來語 e sichun 就是因為漢字具備詞素 e 特色, 毋是 kanta~ 單純表記音節, 所以咱講白話文時期 e 漢字語意單位是單音節詞素漢字 ti 中國 ham 台灣地區雖然 long 進展到白話文時期, 語意 ham 語音單位有合 -oa 起來, mko 因為 in long 維持漢字原來 e 表音兼表意 e 雙重功能, 造成個別詞素 e 意思 ham 語詞 e 整體意思無 kangkhoan, 詞素誤導語詞 e 情形 lu 來 lu che 其他使用漢字 e 地區, 親像日本朝鮮 ham 越南 e 發展情形是按怎 leh? 日本人應用漢字是比中國人 ti 白話文時期應用漢字 e 做法 koh 再進前踏一步出去日本人將漢字分解做音節字母, 利用假名 e 基本五十音字母來表記語音, 避免形聲字 laite 具備語意 e 偏旁 e 誤導為啥物日本人運用假名 e 時, 毋驚 kang 音 bo-kang 意思 e 同音詞 leh? 這是因為日本人突破過去文字書寫系統所 beh 表示 e 語意單位 ham 所 beh 表示 e 語音單位 bo-kang e 做法, 改進做語意 ham 語音 e 單位一致, 而且縮小語意單位, 透過字母對語詞 e 語音拼寫, 乎讀者自然聯想 tioh beh 表示 e 語詞意思 Kangkhoan 道理 ma 發生 ti 朝鮮 ham 越南朝鮮人將漢字進一步分幼到音素字母, 透過基本 e 28 個字母來拼寫所有 e 語音越南人初期 ma 利用形聲字 e 造字原則創造 be-chio 字喃字, 後來改用傳教士 ti 17 世紀所設計 e 羅馬字母 (Quoc Ngu), long 總 29 個字母, 來記錄所有 e 語音雖然日本朝鮮 ham 越南 e 早期文字書寫系統是 ui 中國傳過去 e, mko in 後來 e 發展 long 比漢字發源地 e 中國 koh khah 進步相對之下, 雖然中國 ti 近代 ma 一直 teh 進行漢字改革 e khangkhoe, mko 成果 iau 是真有限, kanta~ 勉強做到簡化 e 地步咱 esai 講, 日本朝鮮 ham 越南有法度大大進行文字改革, 而且進一步採

16 16 用拼音字母, 完全是外在因素 6 e 關係這 ma 符合 Gelb (1952: 196) 就文字 e 發展過程所講 e, long 是外國 e 使用者 chiah 毋驚打破傳統 e 束綁, chiah 進一步有革命性 e 新發展音節漢字化 e 現象 esai 講是漢字機器運作之下所造成 e 啥物號做漢字機器 leh? 漢字機器是指將漢字 e 一字一音節每字具備形音義 e 特色套 toa 新造原有語詞頂頭, 乎 in 具備一音節一漢字每字具備形音義 e 運作模式漢字地區 e 語言因為受 tioh 漢字機器 e peng- 絞, chiah 造成孤立語 (isolating language) e 特質 Chit-e 原理就親像絞醃腸 (ianchhian) kangkhoan, 醃腸雖然是一截一截 (chat), 咱 kam 會講豬肉本來就一截一截? 下面咱就舉寡因為使用漢字 soah 無法度凸顯 kap 進一步發展語言特質 e 例用漢字來記錄台語 laite 單數 ham 複數 e 人稱, 無法度顯示語言 e 特質, 但是若用音素字母來描寫, 就 etang 凸顯 /n/ 是複數 e au-khok(suffix) 單數複數 1 st person 我 /goa/ 阮 /goan/ 2 nd person 你 /li/ 恁 /lin/ 3 rd person 伊 /i/ 因 /in/ Koh 譬如台語 e /e/ 有 kui-a 種功能, 其中一種 ham 英文 laite e /er/ 類似, 是從事某行業或者 mou-mi 款 e 人 e 意思駛車 -e /Sai-chhia-e/ 駛車 e 人, 司機賣麵 -e /be-mi-e/ 賣麵 e 人, 麵店頭家黑輪 -e /ou-lian-e/ 賣黑輪 e 人, 黑輪擔頭家 kutlat-e /kut-lat-e/ kutlat, 打拼 e 人漢字機器運作過程 esai 以下面 chit-e 流程表來表示 6 請參考蔣為文 1997 漢字文化圈 e 脫漢運動

17 圖表 8 漢字機器運作過程 17 語詞無漢字外來語本土語詞音譯意譯無要緊找本字找無適當 e 找 tioh 漢字形音義 long 有適配 e 漢字造新字意讀音讀變成本字有漢字 e 寫法使用者無滿意, 修改使用者滿意, 繼續使用找本字受形音義影響

18 18 漢字對讀者 e 語言認知 e 影響主要來自漢字 e 一字一音節每字具備形音義 e 特色 Chit-e 影響 tu-ho 表現 ti 台灣人音節漢字化 e ginbat 傾向下面咱就具體舉出漢字對語言認知 e 主要影響 1. 欠缺單純表音功能, 誤導語詞 (word) e 意函 2. 欠缺多音節語詞 (polysyllable) e 觀念, 束綁語言發展 3. 語詞 ham 語詞之間 e 邊界無清楚, 造成語意 ham-hou 不清因為漢字每一字 esai 講 long 是一個詞素 (morpheme), 當讀者讀 tioh 一個語詞 e 時, 容易受 tioh 其中 e 詞素影響假使, 詞素 e 個別意義 ham 語詞 e 整體意義 kangkhoan, anne 就無問題但是, 假使詞素 e 個別意義 ham 語詞 e 整體意義無 kangkhoan, 就會產生混淆比如講 : 羅東 /lo-tong/, 來自宜蘭地區平埔族 Kavalan 稱呼 " 猴山仔 "e 意思打狗 /ta-kau/, 來自高雄平埔族部落 e 名雷根 /lui-kin/, 來自英文 Reagan 三貂角 /sam-tiau-kak/, 來自西班牙文 San Diego 凱達格蘭, 來自大台北地區平埔族 Ketagalan 灶腳 /chau-kha/, (kitchen) 來自? 查某 /cha-bou/, (female) 來自? 創治 /chhong-ti/, (trick) 來自? Chit 種運用漢字做表音功能 e 做法, tu 開始因為 iau chaiia~ 原來 e 語源, 所以無凸顯伊 e 缺點出來但是, 時間一 leh 久, 加上文獻若無記載, 讀者望文生義 e 毛病就走出來 a Hoanse, 一百冬以後, koh 有學者 ti hia 探求三貂角 e 語源就是古早有三隻貂 ti hia 相打, 所以後來 ka hit-e 所在號做三貂角

19 19 漢字文化圈 e 書寫系統 ti 長期 e 語音 ham 語意單位脫離 e 歷史發展之下, 一個語詞通常 long 由一個音節 e 漢字表示伊產生 e 影響 esai 就二方面來講第一, 就新造語詞 e 過程來講, 因為單音節 etang 創造出來 e 發音組合真有限, 但是人類需要 e 語詞是 tak-kang teh 增加, 為 tioh 利用有限 e 發音組合來描寫無限 e 語詞, 孤不二終只好透過輔助 e 辦法, 親像增加聲調增加形聲字, thang 避免 kang 音 bo-kang 意思 e 同音詞 e 出現第二, 就原有 e 口語語詞來講, 語詞長期 ti 單音節 e 漢字 e 影響之下, 口語漸漸受書面語影響, lou-boe 形成口語 e 多音節語詞 hong 單音節化這是文字束綁語言發展 e 實例 Theh 台語做例, 若用單音節 etang 創造出 kui 種可能 e 發音組合 leh? 若照彙音寶鑑 laite 所列 e 十五音 ( 聲母, consonant) 四十五字母音( 韻母, rhyme)ham 八聲調, 就有 =5,400 種可能 e 發音組合若以康熙字典 laite 漢字 47,035 字來平均 chhe, 一個發音組合平均有 8.7 個漢字也就是講 kang 音 bo-kang 意思 e 漢字平均 chhe 有 8.7 個事實上, 因為實際 e 發音組合根本無 kah 5,400 種, 所以 kang 音 bo-kang 意思 e 漢字平均 chhe 超過 8.7 個若用多音節 e 觀念來創造語詞, 免算聲調就有下面 chit kui 種可能 e 發音組合 : 2 音節 : (15 45) (15 45)=445,625 3 音節 : (15 45) (15 45) (15 45)=307,546,875 Kanta~ 2 音節 e 可能 e 發音組合就有 445,625 種, 若將康熙字典 laite 47,035 個漢字 tak 字 long 準做一個語詞, 根本 be 產生同音詞 e 問題也就是講, 咱若突破過去以單音節造詞 e 觀念就 etang 減少同音詞產生 e 機會! 一寡人認為為 tioh 避免同音詞 e 困擾, 所以 ai 繼續使用漢字 Chit 款觀念 esai 講是倒果為因, 將

20 20 造成 e 結果當做引起 e 原因漢字因為長期 e 語音 ham 語意單位脫離, 後來形成文言文 chit 種嘴講 -e 一套手寫 -e koh 一套 e 特殊模式文言文 e 書寫方式並無具體反應口語, kanta~ 透過短短 kui-e 漢字就將概念表示出來 Chit 種表示方法 e " 想像空間 " 真大, 語意真無清楚, bo-kang 人 etang 有 bo-kang e 解釋二十世紀以後, 雖然白話文運動 ka 口語 ham 書面語結合作伙, mko tak- 字漢字 long etang 當作詞素 e 特色 iau 是存在 Chit-e 詞素 e 特色, 講好聽是 etang 乎漢字有無限 e 造詞功能 ; 講歹聽是造成語詞 ham 語詞之間 e 邊界無清楚譬如 : 安全性交易 => 安全性交易? => 安全性交易? 文人拒絕文字的普遍 => 文人拒絕文字的普遍? => 文人拒絕文字的普遍? 維持統治階級的既得利益 => 維持統治階級的既得利益? => 維持統治階級的既得利益? Chit 種語詞 ham 語詞之間邊界無清楚 e 現象, 一方面造成語意 ham-hou 無清楚, 另外一方面, ma 因為 tioh na 讀 na 判斷邊界, 造成閱讀速度 e 降低結論本文透過 bat 漢字 ham m-bat 漢字 e 對照研究, 證明 bat 漢字 -e 比 m-bat 漢字 -e 有 khah 高音節漢字化 e e ginbat 傾向也就是講, 受漢字教育 e 人 khah gau 受漢字一字一音節每字具備形音義 e 特色影響, soah 來認為每一個語詞 e 音節 long 有意思

21 21 漢字特色形成 e 原因是 ti 文字發展過程中因為語音單位 ham 語意單位 bo-kang, 口語 ham 書面語分開發展, 加上單音節 e 造詞方法無法度應付無限語詞需求 e 所造成 e 伊 e 影響主要 ti 三方面 : 第一, 欠缺單純表音功能, 誤導語詞 (word) e 意函第二, 欠缺多音節語詞 (polysyllable) e 觀念, 束綁語言發展第三, 語詞 ham 語詞之間 e 邊界無清楚, 造成語意 ham-hou 不清 Beh 改進 chit 三方面 e 缺點唯一 e 方法是制定簡單 e 拼音字母無論是用拼音字母全部取代漢字, 或者 ham 漢字同齊使用親像日文 anne, long etang 減少 chit 三方面 e 影響講起來是真簡單, 但是台灣是毋是有可能行 chiu~ 改革漢字 e 路途 leh?ti 國家定位無清楚無具備外在因素 chincheng, 恐驚仔是真 oh 實現 lah

22 Coulmas, F. 1991. The Writing System of the World. Oxford: Blackwell. DeFrancis, J. 1990. The Chinese Language. (Taiwan edition) Taipei: Crane. Diringer, D. 1962. Writing. New York: Frederick A.

22 22 Coulmas, F The Writing System of the World. Oxford: Blackwell. DeFrancis, J The Chinese Language. (Taiwan edition) Taipei: Crane. Diringer, D Writing. New York: Frederick A. Praeger Inc. Gelb, I. J A Study of Writing. London Logan, R. K The Alphabet Effect. New York: William Morrow and Company Inc. Norman, J Chinese. Cambridge University Press. Senner, W. M The Origins of Writing. University of Nebraska Press. 伊斯特林 B. A. 著左紹興譯 1989 文字的產生和發展北京: 北京大學李孝定 1992 漢字漢字的起源與演變論叢 (2 nd ed.) 台北 : 聯經周有光 1978 漢字改革概論澳門: 爾雅社周有光 1987 世界字母簡史上海: 教育黃德寬, 陳秉新 1994 漢語文字學史 (2 nd ed.) 安徽 : 教育蔣為文 1996 廢漢字 chiah 有 chai-tiau 獨立海翁台北 : 台笠蔣為文 1997 漢字文化圈 e 脫漢運動發表 ti 第 3 屆北美洲台灣研究論文年會 May 30-June 1, University of California at Berkeley

Microsoft Word - 黃文達.doc

Microsoft Word - 黃文達.doc kap 1 2 3 2 pái 4 hông kap teh ê soah 5 uân-á -kú 6 tiõh hiau-hiông 1 http://www.libertytimes.com.tw/2009/new/jul/17/today-life11.htm 2009.07.17 2 Tī ê Hö-ló ê 74.3% ê lóng tsit Hö-ló ê ë-sái Uì kàu ê