Microsoft Word - Hanjikhoan-uibun.doc

Size: px

Start display at page:

Download "Microsoft Word - Hanjikhoan-uibun.doc"

岱禄
5 years ago
Views:

1 1. 前言 Ùi 漢字文化共同體到民族國家 : 以台灣為個案研究蔣為文成功大學台灣文學系咱所講 ê 漢字文化圈是指卡早 bat ah 是 chín koh teh 使用漢字 ê 地區或者國家, 包含越南韓國朝鮮 1 日本新加坡台灣 kap 中國等若 ùi Benedict Anderson (1991) 想像 ê 共同體 (imagined communities) 觀點切入,tī 漢字文化圈 lìn,19 世紀以前 lóng 有一種以中國為中心透過漢字所形成 ê 漢字文化想像共同體 (an imagined Hanji cultural community) Chit 種漢字文化想像共同體 ( 簡稱做漢字共同體 ) 加加減減 lóng 影響 tiõh 漢字文化圈成員近代 ê 民族國家 2 (nation-state) ê 國族想像建構 Tī 中國,in 利用漢字共同體 chiâⁿ 做近代中華民族或者中國國族 ê 想像基礎 Hit-kóa 無法度跳脫漢字共同體 ê 壯族苗族瑤族等, 當然就無形成 in ka-tī ê 民族國家 Ah hit-kóa 跳脫漢字共同體 ê 舊成員, 像講越南韓國朝鮮 kap 日本,lóng 重新建構以 ka-tī 為主體 ê 民族國家想像若論到台灣, 雖罔 tī 17 世紀初因為荷蘭統治 soah 將台灣 sak chiūⁿ 國際舞台, -koh sòa--lâi ê 鄭成功 kap 清國統治 soah 將台灣 khiú 入去漢字文化圈台灣 ê 漢字文化特色 soah chiâⁿ 做二次戰後中國國民黨 thang thçh 來做中國國族想像 ê 基礎雖然 tī 中華民國統治時代台灣 ê 中國化氣味真重, -koh 以台灣為民族國家想像 ê 本土化力量 mā 一直 teh 提升就 án-ne, 台灣一方面有中國化 ê 力量 teh kā khiú, 另外一方面 mā 有來自台灣本身 ê 本土化力量 teh 相 ián 一個新 ê 共同體 tang-sî chiah 會建構完成 tō ài 看伊解構舊共同體 ê 速度換一句話講, 以台灣為主體 ê 民族國家想像 tang-sî chiah 會建立就 ài 看台灣何時 chiah 會行出漢字共同體 Chit 篇論文 ê 研究目的就是 beh ùi 漢字文化圈 ê 視野探討漢字文化對近代 kap 當代台灣 teh 建構國家意識當中所造成 ê 影響 kap 伊解決 ê 法度 1 朝鮮指台灣 tiāⁿ 用 ê 用詞北韓, 韓國指南韓 2 本文 lāi-té ê 民族國家是指 19 世紀以來西方 ê nation-state 概念 Nation 是指 a society that occupies a particular territory and includes a sense of common identity, history, and destiny, nationstate 是指 a nation governed by a state whose authority coincides with the boundaries of the nation (Johnson 1995:188). Chit 方面 ê 討論 mā ē-sái 參考施正鋒 (2000)

2 2 2. 漢字文化共同體 ê 想像基礎 2.1. 漢字文化圈 ê 歷史背景 Beh 了解漢字文化圈 ê 歷史背景,ē-sái ùi 2 個方向來看 : 第一, 漢字文化圈 ê 國家 hām 漢字發源地中國 ê 互動關係 ; 第二, 漢字文化圈國家內部 ê 反封建反知識壟斷追求文化發展 ê 訴求 ( 蔣為文 2005f) 第一,ùi 漢字文化圈 ê 國家 hām 漢字發源地中國 ê 互動關係來看, 越南韓國 kap 朝鮮 tī 古早 lóng bat 乎中國直接統治過, 就算後來脫離中國來獨立,mā lóng 一直維持是中國 ê 屬國 ê 附屬地位公元前 111 年, 漢朝 ê 漢武帝出兵佔領越南 3, 將越南納入中國 ê 直接統治一直到公元 939 年, 南越利用唐朝大亂 ê sî-chūn chiah 脫離中國 ê 直接統治 (Hodgkin 1981) 雖然越南人脫離中國來獨立, -koh 越南必須承認中國 ê 宗主國 ê 地位,chit-ê 情形一直延續到 19 世紀 (SarDesai 1992:19) 公元前 108 年, 漢武帝征服古朝鮮, 設立樂浪真番臨屯 kap 玄菟四郡公元 4 世紀,tòa tī 鴨綠江南北一帶 ê 高句麗人攻佔樂浪郡, 結束來自中國 ê 直接統治, 朝鮮半島 sio-sòa 形成高句麗 (Koguryo) 百濟 (Paekche)kap 新羅 (Silla)3 個王國 ; 雖然脫離中國統治, 大體上 iáu 是漢式制度公元 668 年, 新羅統一朝鮮了, 積極模仿唐朝制度 ;sòa--lâi ê 高麗王朝 ( )koh 確立科舉制度, 中國 ê 經書變做朝鮮人必修 ê 課程, 漢字 ê 正統地位 mā tī chit-chām 穩固起來 (Taylor and Taylor 1995:203, ) 若論到日本, 日本 ùi 先秦時代 tō 有 hām 中國接觸 ê 記錄, 漢朝武帝 ê sî-chūn koh bat 賜乎日本漢委奴國王金印雖然日本 -bat 受中國統治, -koh 因為漢朝 hām 唐朝 ê 影響力, 中國 mā 變做日本引進文物制度模仿 ê 對象像講, 日本 tī 7 世紀 ê sî-chūn 所進行 ê 大化革新就是模仿中國建立中央集權體制 ê 開始 (Seeley 1991:40) 漢字文化圈 ê 國家除了政治頂頭受中國支配之外, 另外一個共同特色就是借用漢字引進儒家思想 kap 科舉制度 Tī 借用漢字 ê sî-chūn,in lóng tú-tiõh 漢字無法度完全表達 in ka-tī ê 語言 ê 問題 In tō 利用漢字做訓讀 4 音讀 5, 或者造新漢字來應付 chit-ê 問題, 甚至後來根據漢 3 Hit 當時佔領 ê 區域是等於 chit-mái ê 越南北部 4 訓讀 : 借用漢字 ê 意思, 用本國語言發音 5 音讀 :Bô-chhap 漢字 ê 意思,kan-taⁿ 借用漢字 ê 漢語發音, 來表達本國語 ê 類似發音

3 3 字 ê 字形慢慢發展出 in ka-tī ê 新文字系統, 親像講越南 ê 字喃 (Chu- Nom) 朝鮮 ê Hangul 6 kap 日本 ê 假名 (Kana) 雖然 in 有發展出 katī ê 文字, -koh chit-kóa 新文字 -taⁿ tī 大中國 ê 政治文化架構下面真歹生存, 甚至 tī in ka-tī ê 國家內面 mā 遭受既得利益 ê 文人統治階級 ê 輕視 kap 打壓 Chitkhoán 新文字 chiâⁿ-chò 漢字 ê 附屬地位 ê 情形, 延續到世紀, 反殖民反帝國 ê 民族主義 chhiâⁿ-iāⁿ 起來,chiah tāu-tāu-á 開始轉變 ( 蔣為文 2005f; Hannas 1997) Ùi 國家內部 ê 反封建反知識壟斷追求文化發展 ê 內部因素來看, chit-kúi-ê 國家因為長期借用漢字 kap 文言文書寫方式, 造成掌握漢字 ê 文人統治階級 hām 脫赤腳 ê 做穡人 ê 階級對立換一句話講, 漢字 -taⁿ 歹學歹寫, 而且 chit 種古典 ê 文言文書寫方式 hām 做穡人嘴講 ê 白話形式完全無 kāng, 造成古典經書 ê 解釋權掌握 tī 文人階級 ê 手頭脫赤腳 ê 做穡人平時做穡 to 做 bōe-liáu--á, 那有時間 thang 去學寫漢字學習古典?Chit 種情形 l³-bóe 演變做掌握漢字 ê 統治者 kap -bat 漢字 ê 被統治者 ê 階級差別 2.2. 高低語文現象 Tī 漢字文化圈 lāi-té, 語言文字 ê 使用 ē-sái 用高低語言 (diglossia) kap 高低文字 (digraphia) ê 概念來分析啥物號做高低語言 kap 高低文字呢? 基本上,chit 2 個用詞 ê 概念是類似 ê, -koh 高低語言主要是指口語高低文字是指書面語 (iā 就是文字 ) 若論到高低語言 ê 概念,Charles Ferguson (1959) 是第一個有系統性來論說 diglossia 概念 ê 社會語言學家伊將高低語言定義做一個語言 ê 2 個語言變體 (two varieties of the same language) 分別擔任 bô-kāng ê 社會功能 (social functions) 伊 koh 講,chit 2 個語言變體當中, 其中一個扮演高語言 (High language) 另外一個扮演低語言 (Low language) 高語言通常有 khah 高 ê 名聲 kap 文學傳統, 而且會用 tī 正式場合相對之下, 低語言通常會 hông 看 khah 無起, 用 tī 非正式 kap 私人場合 6 Hangul: 南韓現此時稱呼韓國文字韓文 ê 意思 Hangul 是朝鮮語文研究兼推動者周時經 (Chu Si-gyong)tī 1913 年上開始使用北韓稱呼朝鮮文字 Chosoncha ( 朝鮮字 ) 或者 Chongum ( 正音 )

4 4 後來,Joshua Fishman (1967) 針對 Ferguson ê diglossia 概念提出修改, 伊認為高低語言無一定 kan-tāⁿ ē-sái 發生 tī 一個語言 lāi-té ê 2 個語言變體 ;iā 就是講高低語言無一定是語言變體,mā 有可能發生 tī 語言 hām 語言之間, 而且語言數目 ē-sái 不只 2 個 Án-ne, 啥物是高低文字 (digraphia)?dale (1980:5) ùi Ferguson ê 高低語言概念延伸到文字 mā 適用,kā 定義做一個語言使用二種( 或者以上 ) ê 文字書寫系統漢學家 DeFrancis (1984:59) mā 針對高低文字提出 kāngkhoán ê 定義後來蔣為文 (Chiung 2003:9) kā Dale kap DeFrancis ê 定義修改做一個社會 lāi-té 有一個以上 ê 文字系統分別擔任 bô-kāng ê 溝通功能蔣為文 chit-khoán ê 定義就親像 Fishman 對高低語言 ê 定義 kāng-khoán, 無限定 tī kāng 一種語言 ê 變體若用頂面所講 tiõh ê 高低語言高低文字 ( 合稱高低語文 ) 來看, 漢字文化圈 lāi-té ê 情形是 án-chóaⁿ leh? 先就口語來講, 漢字文化圈 lāi-té 自古以來各地方就有 bô-kāng ê 語言, 像講有廣東話閩南話客話壯話苗話瑤話等雖然 in ka-tī 有 ka-tī ê 語言, -koh in hia ê 讀冊人 piān 若想 beh 上京城赴考, 就 ài 學皇帝所在京城 ê 語言 ( 或者所謂 ê 口音 ), 因為皇帝 ê 語言是 hit 當時 ê 標準語, 用 tī 教育行政等正式場合 Iā 就是講,hit-kóa 讀冊人平時生活當中雖然是用 in 地方 ka-tī ê 語言, -koh piān 若吟詩作對讀四書五經就 ài 模仿京城地方 ê 語音時間 ch t-lçh 久,hit-kóa 讀冊人 koh 將 in 模仿 tiõh ê 京城語音傳乎 in 在地 ê 鄉親 kap 後代致使 hit-kóa 讀冊人 ê 在地語言 lāi-té 有所謂 ê 讀冊音 ( 文言音 ) kap 白話音同時存在 ê 現象 Che mā 是咱台語內面有所謂文言音白話音 ê 由來若用高低語言來分析, 就 kāng 一個語言來講, 文言音就是高語言白話音就是低語言若就 bô-kāng 語言之間來看, 皇帝所講 ê 語言就是高語言一般百姓所用 ê 在地語言就是低語言高語言因為長期以來用 tī 正式場合 kap 科舉制度, 所以 hông 感覺 khah 有水準有學問 ; 低語言因為 seng 平凡, 所以感覺真粗俗像 chit-khoán ê 社會心理其實 tī 目前台灣 ê 社會 lìn iáu 真普遍可比講布袋戲 iā 是歌仔戲 ê 戲齣 lìn,piān 若有大俠文人出現,in 就用文言音講話 ; 若是肖丑仔 teh tak 嘴鼓就用白話若就書面語來看, 漢字文言文就是高文字, 其他發展出來 ê 民族文字 lóng 算低文字漢字文言文因為長期以來 hông 當作正統文字 koh

5 5 有科舉制度 ê 體制支持, 所以社會大眾感覺使用文言文 khah 有水準有學問 Chit 種現象 tī 現此時 ê 台灣社會 mā iáu 真普遍, 像講墓牌祭文用文言文寫生平紀事, 廟寺 mā 用文言文寫廟史對聯, 甚至一般人講話寫作 ê 時為 tiõh 展風神 mā 會 lām kóa 成語 kap 引用古詩古文 Tī 高低語文 ê 社會 lāi-té, 高語言 / 文字無一定永遠高, 低語言 / 文字 mā 無一定永遠低,in ê 地位 tī 一定 ê 條件之下有可能變動 -koh, 是 án-choáⁿ 漢字文言文有法度 tī 漢字文化圈壟斷高語言 / 文字 kui 千冬? 是 án-choáⁿ 到路尾 kan-tāⁿ 日本假名韓國諺文越南羅馬字有才調翻身 ùi 低語言 / 文字變成高語言 / 文字?Hit-kóa 壯字苗字瑤字 soah 無法度出頭天? 除了政治因素之外, 文字本身 mā 是真大 ê 因素! 文字是 án-choáⁿ 會影響 tiõh 高低語文呢? 咱後一節就來討論 chit ê 問題 2.3. 漢字 ê 迷思 kap 對民族意識發展 ê 束綁為啥物漢字對民族意識 ê 發展有影響? 這牽涉 tiõh 漢字 ê 文字結構 kap 本質因為篇幅限制 ê 關係, 咱 tī chia kan-taⁿ ē-sái kéng 重點講, 詳細 ê 分析討論 ē- sái 參考 DeFrancis (1990) Gelb (1952) 蔣為文(2005c 2005e 2005g) 漢字是 ánchoáⁿ hông 利用來發展出新 ê 文字? 咱 ē-sái 用下面 chit 個例來說明 : 假使有一個講英語 ê 英國人 John beh 用漢字替英語設計一套新 ê 漢字式文字系統伊上代先有可能用 (1) ê 漢字來表示 (2) ê 英語語句 Chit 種方式就是漢字造字原則六書 lāi-té ê 假借 Iā 就是借用漢字 ê 讀音 (tī chia 借用北京音 ) 來表記英語 ê 語音 kap 語意 (1) 哀黑夫土豆戈斯 (2) I have two dogs. (3) 人哀有黑有夫土二犭豆犭戈多斯後來,John 驚人看 tiõh 語句 (1) lāi-té ê 漢字會受漢字字面 ê 語意誤解, 像講看 tiõh 哀黑夫會誤解是悲傷 ê 穿黑衫 ê 農夫, 所以 John 就 tī 原有 ê 漢字頂頭加形旁起去, 像 (3) 所寫 ê án-ne 語句(3) chit 種做法就是所謂 ê 形聲字後來, 有另外一個英國人 Marry, 伊感覺 John ê 用字無適合, 所以伊 kā (2) 寫做 (4) ê 方式 (4) 人我有黑有孚吐犭鬥犭哥多司

6 6 L³-bóe,koh 有一個英國人 Joe kā (2) 寫做 (5) (5) 我嘿口孚二犭斗犭各多思以上 Marry kap Joe 所寫 ê (4) (5) kám ē-sái? 若就漢字造字原則來看當然 mā ē-sái 若 án-ne,siáng 寫 ê 是標準? 無人是絕對 ê 標準 mā 無人是絕對 ê 無標準! 這就是 chit-khoán 漢字式新字無法度標準化普遍化 ê 主因 Tī 漢字文化圈 lìn,hit-kóa 利用漢字發展出來 ê 民族文字大概 ē-sái 分做 3 類第一類是 tī 漢字 ê 基礎頂頭依照漢字造字方法, 特別是形聲字, 來創造新字 Chit-khoán ê 新文字 kap 漢字 kāng-khoán 屬詞素音節文字 7 Chit-khoán ê 新文字有越南字喃 8 台灣歌仔冊文字 9 中國壯字苗字 10 瑤字 ( 周有光 1997:98-108) 等 Chit-kóa 字 ê 外形 kap 漢字真類似, 造字原則大多數 kap 漢字 kāng-khoán, 並無跳脫漢字 ê 思考模式 kap 造字方法就文字讀寫 ê 效率來看,chit-kóa 新文字比漢字 koh khah 複雜歹學若 beh 讀有 chit-khoán 字, 通常就 ài 有漢字 ê 基礎因為 bat 漢字 ê 人佔人口比例無高, 而且 koh 是所有 bat 漢字 ê 人 lóng 會支持發展 chit-khoán 新字, 所以 bat chit-khoán 漢字式新字 ê 人 mā 無 chē 換一句話講,hit-kóa chò-sit 脫赤腳 ê 普羅大眾 kāng-khoán 真歹接近使用 chit-khoán ê 漢字式新字若 án-ne, 是啥款 ê 人 chiah 有法度操作 chitkóa 漢字式新字? 主要就是 hit-kóa 落魄 ê 文人落魄文人 ē-sái 分作 2 類 : 一種是 ùi 權力核心 hông 趕出來不得志 ê 舊文人 ; 一種是具備民族意識進步 ê 文人 Chit-kóa 落魄文人因為有漢字 ê 基礎, 所以 chiah 有可能使用漢字式新字落魄 ê 舊文人因為 tiāⁿ-tiāⁿ iáu 存有大中國 ê 封建思想, 所以 mā tiāⁿ 反應 tī in 用新字創作 ê 作品 lìn 對照之下, 若是 beh 有新思想民族獨立觀通常就 ài ùi 進步 ê 落魄文人 ê 作品 lìn 去 chhōe 可惜 chit-kóa 進步 ê 落魄文人用漢字式新字所寫 ê 作品因為通路無大, 無法度 tī 脫赤腳 ê 普羅大眾之間普遍流傳利用漢字發展出來 ê 民族文字 ê 第二類是音節文字, 伊典型代表是日本 ê 假名 (Kana) 第三類是音素文字, 典型代表是韓國 ê 諺文 (Hangul) 越南 tī 17 世紀以後透過傳教士發展出來 ê 越南羅馬字 (Chu Quoc Ngu) kap 台灣 tī 17 世紀透過傳教士發展出來 ê 新港文字 kap 19 世紀以後 ê 白 7 有關啥物是詞素音節文字, 參閱 DeFrancis 像講, 巴三 (/ba/) 是數字 3 ê 意思 9 像講, 勿會 (bē) 身長 (lò) 10 像講, 女八 (/pa/) 是婦女 ê 意思

7 7 話字 11 (Pçh-ōe-jī) Chit 2 類 ê 文字 lóng 真好學好用, 因為無需要漢字 ê 基礎就 ē-sái 單獨學習使用, 所以乎普羅大眾親近使用 ê 機會加真高 Tng-tong 19 世紀尾 20 世紀初 hit-kóa 韓國越南日本進步 ê 文人提倡用 chit 種新造 ê 文字 ê 時, 一般國民真緊就 ē-sái kā chit-khoán 文字學起來當然, 民族國家意識就 ánne 因為讀寫能力 kap 國民教育 ê 建立 soah 真緊形成起來這就親像西歐國家近代 tī 宗教改革以後因為民眾讀寫能力 ê 建立連帶帶動國民文學 kap 民族國家意識 ê 形成 kāng-khoán 道理 ( 蔣為文 2005h) 相對之下,hit-kóa 無法度跳脫漢字思考中心 ê 壯族苗族瑤族 tī 政治上 mā 無法度形成民族國家意識中國 tī 1930 年代 bat 試驗用羅馬字來書寫漢語進行所謂 ê 拉丁化運動 ( 季羨林 1992:245) L³-bóe-chhiú 中國共產黨得 tiõh 政權了 tī 1950 年代停止拉丁化運動改推 sak 漢字簡化為啥物中國 beh 放棄漢語拉丁化? 主要就是顧慮 tiõh 中國政治 kap 文化上 ê 一統性 (Norman 1988: ; DeFrancis 1950: ; Barnes 1974) In 驚若中國各地用當地語言來書寫, 會造成廣東福建上海等各地 ê 地方意識發展做近代民族國家意識 soah 來 ùi 中國獨立出去 3. 台灣 ùi 世界 ê 一部份到漢字文化圈 3.1. 台灣 peh chiūⁿ 國際舞台 1492 年 Kholanpos (Christopher Columbus) 代表歐洲人第 1 pái 行船到美洲大陸 ; 幾年後, 葡萄牙 ê 行船人 Gama (Vasco da Gama) tī 1498 年經由好望角 (The Cape of Good Hope) phah 開歐洲到印度 ê 新航線 15 世紀 ê 結束 tú 好是新航線時代 ê 開始 Tī 亞洲,tòe 新航線時代腳後 táu 來 ê 是西歐 ê 傳教活動國際貿易 kap l³-bóe ê 殖民主義荷蘭人 tī 1579 年脫離西班牙 ê 統治建立荷蘭共和國,sòa--lâi 聯合英國 tāutāu-á 形成新 ê 海洋霸權荷蘭人 tī 17 世紀初本底 beh 佔領澎湖 thang 作為 hām 中國買賣 ê 據點, 因為中國明朝 ê 強烈反對 kap 抵抗, 致使無成功 L³-bóe 中國 hām 荷蘭達成停戰協議 : 荷蘭 ài 退出明朝統治之下 ê 澎湖 ; 荷蘭若是 beh 佔領無屬明朝 ê 台灣, 明朝並 bē 干涉 ( 史明 1980:58) Tī chit ê 緣故之下, 荷蘭人 tī 1624 年轉進台灣,tī 無 tú tiõh 中國兵 ê 抵抗之下, 真簡單就佔領台灣 11 詳細請參閱蔣為文 (2005c) 董芳苑(2004)

8 8 Tī 荷蘭人來到台灣 chìn-chêng, 台灣是南島語系民族 ê 天下因為台灣原住民 hit 當時並無形成近代民族國家 ê 政治組織, 致使無法度真有力抵抗荷蘭人 ê 入侵荷蘭人 tī 台灣除了剝削經濟資源之外,iáu 從事基督教義 ê 推廣 (Campbell 1903:vii) In 替台灣平埔族設計羅馬字 ê 文字系統印教義冊 koh tī 1636 設立第一間用平埔族新港語為教學語言 ê 學校 (Campbell 1903:147; Heylen 2001; 林玉体 2003:20) 這是台灣有史以來第一 pái ê 學校教育系統雖然 chit ê 系統淡薄仔跛腳功能有限, -koh 伊提供 hit 當時台灣 hām 世界相接 ê 線 ( 蔣為文 2005h) Anderson (1991:37-46) 分析講出版宗教改革 kap 當地母語 ê 出頭是近代民族國家意識形成 ê 重要源頭若照 chit 種觀點來看,hit 當時荷蘭人若無 tī 1661 年將台灣讓乎鄭成功, 新港語 ê 出版 kap 教育有可能 lú 來 lú 重要, 甚至新港語可能形成台灣平埔族之間 ê 共通語扮演以平埔族為主體 ê 台灣民族意識 ê 催化劑 3.2. 鄭氏王朝 kap 漢字文化雖罔台灣平埔族有可能成為台灣第一 pài ê 民族國家 ê 主體, 可惜台灣平埔族透過新港語想像運命共同體 ê 時間無夠長, 就因為中國明朝遺將鄭成功 tī 1661 年領軍進攻台灣來中斷鄭成功就類似越南歷史中 ê 趙佗, 是透過軍事政治將台灣往漢字文化圈 sak ê 頭一人 ( 蔣為文 2005a 2005d) Tī 鄭氏王朝 ( 公元 ) 統治台灣時期,in 推行漢字儒學設立科舉制度 ( 林玉体 2003:37) 台灣就 án-ne hông giú--j p-khì 漢字文化圈, 一直到 1895 年清國割讓台灣乎日本 Tī 鄭氏王朝 kap sòa--lõh ê 清國統治期間, 官方一律使用漢字文言文雖罔官方用文言文, -koh 民間 mā 有出現類似越南字喃 ê 文字,he tī chia 咱 kā 統稱做歌仔冊文字 12 Chit-khoán 歌仔冊文字雖罔講是用來寫白話台語, -koh hit-khoán ê 白話 kap 現代所講 ê 白話 bô-kāng,siōng-ke kan-tān ē-sái 講是半白話這是因為歌仔冊文字本身 ê 文字缺陷所造成 ê 12 因為 chit-khoán 文字大多數用 tī 歌仔冊有關歌仔冊 ê 發展,ē-sái 參閱丁鳳珍 (2005)

9 9 漢字文化圈就是利用漢字文言文做為共同 ê 想像凝聚体民間發展出來 ê 字喃或者歌仔冊雖然分別對越南台灣 ê 個別民族意識 (national consciousness) 有幫贊, -koh 因為官方 ê 打壓 kap 本身 ê 文字缺陷 ( 歹學歹讀 ) soah 無法度發揮類似羅馬字 tī 歐洲帶動近代西歐國家國民文學國民意識 ê 形成 ê 貢獻總講一句, 漢字文化圈 lāi-té 有 2 款力量 : 一款是透過漢字文言文建構起來 ê 以中國皇帝為中心 ê 中國吸引力 ; 另外一款是透過字喃或者歌仔冊 chit khoán ê 以在地為中心 ê 本土化力量漢字文化圈 lāi-té ê 成員是是有法度脫離中國形成近代 ê 民族國家就 ài 看 chit 2 股力量 siáng khah 強越南近代因為有外力 ê 介入, 幫贊 in 切斷透過漢字文言文連起來 ê hit 條越南 hām 中國之間 ê 線 Koh 因為法國推行羅馬字 soah 乎越南青瞑雞啄 tiõh 米得 tiõh 改善越南語書寫效率 ê 工具 thang 提升本土化力量所以越南有法度 tī 20 世紀解構漢字共同體, 行向民族國家 ê 建構 ( 蔣為文 2005a) 3.3. 日本帝國 kap 漢字文化台灣雖然 tī 19 世紀尾 mā 有外力介入, -koh 因為佔領台灣 ê 日本本身 mā 是漢字文化圈 ê 國家, 所以對台灣 beh 跳脫漢字共同體 ê 幫贊並無大若準 1884 年 hit 當時清國 hām 法國之間為 tiõh 越南宗主權歸屬問題所發生 ê 清法戰爭 ( 中法戰爭 ) 延續落去而且法國同時佔領台灣 kap 越南,án-ne 台灣 ê 近代史就 ài 改寫而且台灣有可能用白話字取代漢字 Án-chóaⁿ 講日本統治對台灣脫離漢字文化圈無 kài 大 ê 幫贊? 雖然日本自 1868 年明治維新以後就非常注重脫華入歐而且真重視語文改革 hām 國民教育 ê 重要性 (Seeley 1991: ) -koh, 日本 ê 語文改革 kan-taⁿ 明顯提升 Kana ê 使用比例, 並無完全廢除漢字為啥物日本無完全廢除漢字 neh? 因為自 1931 年日本發動滿州事件開始全力入侵中國東北以後, 日本軍國主義者氣勢當 chhiaⁿ-iāⁿ In 為 tiõh 紀錄所佔 ê 中國地名 kap 人名 ê 實質需要,soah 反對廢除漢字 (Gottlieb 1995:75-88; Seeley 1991: ). 日本佔領台灣期間雖然一開始就有按算推行日本話, -koh in 對漢字 iáu 是真敵視日本總督甚至 tiāⁿ 舉辦漢詩聯吟大會, 招台籍文人來官聽吟詩作對 thang giú 近台灣人 hām 日本人 ê 距離 ( 施懿琳 2000: ) 日本人就是利用漢字文化圈 lāi-té 漢字 ê 剩餘價值來做為軟化台灣人反抗 ê 工具 Che kap 法國人將漢字當作破壞法國越南關係 ê 第三者有完全 bô-kāng ê 觀點

10 10 因為日本政府對漢字無排斥 13,koh 加上 hit 當時 ê 台灣知識份子對用羅馬字來做台灣話文 ê 書寫工具 mā 無真看重, 致使台灣失去用羅馬字取代漢字 thang 切斷 hām 漢字文化圈 ê 關係 ê 機會像講, 日據時期推行羅馬字上有力 ê 蔡培火 tī 1924 年同化會 tng teh 鬧熱滾滾 ê 時建議推行羅馬字 soah 無得 tiõh 重視 ;tī 1931 年對日本官員伊澤多喜男遊說使用羅馬字 mā 得 tiõh 反對 ê 回應 ( 張漢裕 2000:19-20) 4. 中華民國 kap 台灣共和國想像 ê 建構公元 1945 年日本投降了, 蔣介石代表聯軍接收台灣 kap 越南北部 14 為啥物 hit 當時 ê 台灣人會出現所謂 ê 歡迎祖國 ê 現象? 若 beh 講 he 是歡迎祖國中國,khah 輸講 he 是一種對漢字文化共同體 ê g 望咱 chìn-chêng 有講過, 台灣雖然經過日本統治, -koh 台灣並無完全脫離漢字文化共同體雖然台灣 iáu 有漢字文化共同體 ê 特色, -koh he koh hām 蔣介石所想像 ê 中華民族或者中國共同體無完全 kāng-khoán 蔣介石 kā chit 個 bô-kāng 怪罪對台灣人受日本 ê 奴化,soah 無認清漢字文化共同體 kap 中國共同體本 chiâⁿ 就是 2 個無完全 kāng ê 層次因為文化 ê 差異, 加上經濟 ê 剝削 kap 政治 ê 壟斷,soah 引起台灣 1947 年 ê 228 起義因為 228 起義 ê 教訓, 台灣人 chiah 覺醒講台灣 hām 中國是 bô-kāng ê 2 個個體蔣介石 mā 自 án-ne chiah 體會到 ài 徹底對台灣人實行中國化政策 chiah ē-tàng 穩定中華民國 tī 台灣 ê 生存空間蔣介石就一方面利用台灣原有 ê 漢字文化共同體特色, 像講使用漢字崇拜儒學過舊曆年中秋清明等,kā 轉換做中國共同體 ê 想像基礎 ; 另外一方面就盡力斬斷台灣本土化 ê 根, 像講推 sak 華語禁止講台灣語言禁止使用羅馬字透過出版品媒體宣傳 kap 大中國 ê 教育系統, 台灣真 kín 就建立以中華民國為基礎 ê 中國共同體想像 Chit 個中國共同體雖然 tī 1980 年代以後遭受嚴重 ê 挑戰, -koh 到 taⁿ 以台灣為主 ê 想像共同體並 iáu bōe 完成雖然本土政黨民主進步黨 tī 2000 年執政到 taⁿ 已經 5 冬, -koh 台派 kap 中國派選舉對決 iáu 是 5 分 5 分, 甚至 iáu koh 有人走去對岸中華人民共和國 hoah 反對台獨是 án-chóaⁿ 以台灣為主 ê 運命共同體 iáu 無法度形成主流?Che 大概有下面 kúi 點原因 : 13 一直到 1937 年台灣總督 chiah 禁止使用漢文 ( 葉石濤 1993:59) 14 有關蔣介石軍隊佔領越南 ê 代誌,ē-sái 參閱蔣為文 2005

11 11 第一, 台灣自古以來 iáu bat 成功建立 ka-tī ê 國家或者王朝欠缺一個光榮 ê 歷史過去對一個社群來講,bat 有共同 ê 歷史經驗是叫醒成員 ê 集體記憶 sòa--lâi 進一步做伙行動來達成社群 ê 共同目標 ê 重要因素這 mā 是為啥物 tī 清朝統治台灣 ê 歷史當中, 所有 ê 造反或者革命 ê 領導者 lóng ài 用反清復明等 chit-khoán ê 口號來 kh 群眾可惜反清復明 chit khoán ê 口號對建立新 ê 民族國家 ê 吸引力有限台灣有一句俗語講 : 三年一小反, 五年一大亂 Chit 句話主要 teh 描寫清朝統治台灣期間, 台灣人起義造反 ê 次數 put-lí-á chē 雖然台灣人起義造反 ê 次數真 chē, 為啥物無半 pái 起義成功甚至進一步建立獨立 ê 王朝?Chit ê 原因 -nā 因為清朝軍隊比起義 ê 民兵 khah 有組織,mā 因為 hit-chūn ê 人 iáu-bōe 形成整合各族群 (ethnic groups) 共同對抗清國或者外來者 ê 現代 ê 台灣人意識加上, 儒家思想 kap 中國式士大夫教育是 hit-chūn ê 社會主流,kui-ê 台灣或者中國社會 -bat 接觸 hit 當時西歐社會 tng teh 流行 ê 民族國家概念, 莫怪起義 ê 領導者 lóng 停留 tī 封建觀念 g 望有一工 ē-tàng 登基作皇帝譬如,1721 年有名 ê 朱一貴起義 Tng-tong 朱一貴 tī 初期 phah 贏清朝軍隊 ê sîchūn, 伊真緊就自封中興王, -koh tng 伊 hām 做伙 phah 天下 ê 客家籍領導人杜君英發生衝突 ê 時, 無外久伊就乎清朝鎮壓落來台灣 mā 因為欠缺一個光榮 ê 歷史文化, 致使台灣對 kā-tī mā 無自信妥協性格 khah 強有 sî-chūn 台灣有機會出頭, -koh soah ka-tī 放棄機會像講, 對 tiõh 二次大戰戰後蔣介石佔領台灣 chit 件代誌, 台灣人竟然無人有胡志明 hitkhoán ê 眼光要求中國撤軍 ( 蔣為文 2005a) Koh 像講,2000 年以後台灣雖然換民進黨執政, -koh 對 tiõh 教育台灣化本土語言 ê 栽培 soah lóng 無啥 chù-táu 無重視 ; 各大學台灣文學系對台灣母語 mā 無看重 ( 蔣為文 2004) 第二, 台灣 tī 二次大戰戰後有一批新移民加入,chit-kóa 新移民 ( 中國人 ) ê 歷史記憶 tú-hó kap 舊移民 ( 台灣人 ) ê 記憶出現矛盾 ê 現象 Hit-kóa 新移民歷史記憶 lāi-té 對中國 ê 嚮往 kap g 望 tú-hó 是台灣人 tī 砌造民族國家當中想 beh tàn 掉 ê 一部分這 mā 是目前台灣政治上獨統紛爭國家認同無一致 ê 主因 Án-choáⁿ 解決 chit 個矛盾現象是台灣邁向正常國家真重要 ê 課題第三, 台灣人 iáu 有強烈 ê 漢字文化圈特色真 chē 政治台獨 ê 人士雖然支持台灣建立主權獨立 ê 國家, -koh 文化上 iáu 是認為 in ka-tī 是華人祖先來自中國 Chit 種 ê 獨立方式其實是二個中國或者蕃屬國 ê 獨立模式,kap

12 12 日本接收台灣 chìn-chêng 所成立 ê 短命 ê 台灣民主國 kāng-khoán bē 久長類似 chit-khoán 政治台灣文化中國 ê 現象其實 tī 漢字文化圈 lìn mā bat 發生過像講, 韓國李世宗 tī 15 世紀中期召集學者研究發明韓國文字諺文 ê 時就有封建文人崔萬里以一尊華制為理由上疏反對推行諺文 ( 蔣為文 2005f) 5. 結論若準講 hit-kóa 漢字文化圈 ê 舊成員包含日本韓國越南等 tī 民族國家 ê 建構路途頂頭已經出世大漢,án-ne 台灣算是一個早產兒 Chit-ê 早產兒 beh ánchoáⁿ khah 會勇健大漢 leh? 台灣民族會 án-ne 黃酸黃酸飼 bē 大漢就是因為 iáu teh 吸漢字文化 ê 老奶哺! 台灣民族若 beh 好 io 飼 gâu 大漢就 ài 實行脫漢政策, 包含推行台灣語言 ( 包含原住民語客語台語 ) kap 廢除漢字台灣人若無跳脫華語漢字 ê 思考模式, 伊 ê 下場恐驚仔會 kap 中國壯族苗族瑤族 kāng-khoán 無法度建立政治文化完全獨立 ê 民族國家有人講, 台語客語是漢語系 ê 語言, 若無用漢字來寫 bē-sái 這實在講是一種對漢字 ê 迷思 niâ 越南以前 mā 是用漢字, 後來 in tō ē-sái 廢漢字改用羅馬字, 為啥物台灣就 bē-sái?tī 語言學頂頭 beh 設計一套羅馬字來書寫台語客語絕對無問題台語客語若無法度改用羅馬字, che 是語言學 ê 問題, 是社會心理 ê 問題, 是台灣人 iáu kā 漢字當作高文字漢字共同體 ê 魔神仔 teh 作怪 ê 關係! 有人 koh 會講, 中國 hit-pêng mā 有人 teh 用客語閩南語,án-ne 咱若推 sak 台語客語 mā 無台灣特色咱 ài chai-iáⁿ, 脫漢並是中國有啥物咱就 ài 放棄啥物若準 án-ne, 中國人有食飯, 咱台灣人 -tō 免食飯? 脫漢 ê 基本原則是脫離中國 ê 思考觀 mài hām 中國爭代表性 Iā 就是講咱 ài 放棄 hit-kóa 無法度主導 ê 物件發揚 hit-kóa 台灣 ē-tàng 發揮 ê 特色 án-ne 台灣 chiah 有才調建立文化 ê 主體性華語漢字就是咱台灣無法度主導 ê 物件! 前 ch t-chām-á 民進黨政府講 beh 乎台灣發展 chiâⁿ-chò 世界 ê 華語教學中心這就 ká-ná 講印度 beh 發展做世界 ê 英語教學中心 kāng-khoán,mā 親像過去中國國民黨講中華民國政府是中國唯一代表性 ê 政府 kāng-khoán hàm-kōa-kōa 是 án-choáⁿ 講台語客語 chiah 有台灣特色? 因為台灣有法度主導! 咱 tī chia 舉一個例說明 : 筆者 tī 2000 年底 bat 去中國廈門做田野調查照講廈門是閩南語文化 ê 中心, -koh 現此時

13 13 tī 廈門街仔公共場所真罕 leh 聽廈門人講閩南語, 聽 tiõh--ê 大多數是中國普通話 In hia ê 唱片行賣 ê 歌 ( 北京話無算 ) 大約 95% 以上 lóng 是台灣歌手葉啟田江蕙 chit-kóa 人 ê 台語歌 Chit-ê 現象說明台灣已經取代廈門 chiâ-chò 所謂閩南文化 ê 中心 Iā 就是講, 台灣人透過台語, -tāⁿ 建立台語文化 ê 主體性,koh 有法度將文化產品銷售到中國或者東南亞參考冊目 Anderson, Benedict Imagined Communities. (Originally published in 1983). New York: Verso. Barnes, Dayle Language planning in Mainland China: standardization. In Advances in Language Planning, Fishman, J.A.(ed.), Campbell, William Formosa Under the Dutch. (reprinted in 1992) Taipei: SMC Publishing Inc. Chiung, Wi-vun T Learning Efficiencies for Different Orthographies: A Comparative Study of Han Characters and Vietnamese Romanization. PhD dissertation: University of Texas at Arlington. Dale, Ian R.H Digraphia. International Journal of the Sociology of Language 26, DeFrancis, John Nationalism and Language Reform in China. Princeton University Press. DeFrancis, John Digraphia. Word 35 (1), DeFrancis, John The Chinese Language: Fact and Fantasy. (Taiwan edition) Honolulu: University of Hawaii Press. Ferguson, Charles Diglossia. Word 15, Fishman, Joshua Bilingualism with and without diglossia; diglossia with and without bilingualism. Journal of Social Issues 32(2), Gelb, I. J A Study of Writing. London: Routledge and Kegan Paul. Gottlieb, Nanette Kanji Politics: Language Policy and Japanese Script. London: Kegan Paul International. Hannas, William Asia s Orthographic Dilemma. Hawaii: University of Hawaii Press. Heylen, Ann Dutch language policy and early Formosan literacy ( ). In Ku Wei-ying (ed.). Missionary Approaches and Linguistics in Mainland China and Taiwan, Leuven: F. Verbiest Foundation and Leuven University Press. Hodgkin, Thomas Vietnam: The Revolutionary Path. London: The Macmillan Press Ltd Johnson, Allan G The Blackwell Dictionary of Society. Oxford: Blackwell. Norman, Jerry Chinese. Cambridge: Cambridge University Press. SarDesai D. R Vietnam: The Struggle for National Identity. (2 nd ed.). Colorado: Westview Press, Inc. Seeley, Christopher A History of Writing in Japan. Netherlands: E. J. Brill. Taylor, Insup; and Taylor, Martin M Writing and Literacy in Chinese, Korean and Japanese. PA: John Benjamins.

14 丁鳳珍 2005 歌仔冊中的台灣歷史詮釋以張丙戴潮春起義事件敘事歌為研究對象博士論文 : 東海大學史明 1980 台灣人四百年史 ( 上冊 ) San Jose: 蓬島文化林玉体 2003 台灣教育史台北 : 文景書局周有光 1997 世界文字發展史上海 : 上海教育出版社季羨林等 1992 中國大百科全書 : 語言文字北京 : 中國大百科全書出版社施正鋒 2000 台灣人的民族認同台北 : 前衛出版社施懿琳 2000 從沈光文到賴和 -- 台灣古典文學的發展與特色高雄 : 春暉出版社張漢裕 2000 蔡培火全集一 : 家世生平與交友台北 : 台灣史料中心葉石濤 1993 台灣文學史綱高雄 : 文學界雜誌董芳苑 2004 台語羅馬字之歷史定位台灣文獻, 第 55 卷第 2 期,p 蔣為文 2004 收編或被收編? 當前台文系所對母語文學及語言人權態度之初探, 語言人權與語言復振學術研討會,12 月日, 台東大學蔣為文 2005a 共同體 ê 解構 : 台灣 hām 越南 ê 比較, 戰後六十年學術研討會 -- 後殖民論述與各國獨立運動研討會, 5 月 21 日, 台灣歷史學會, 台北, 台灣會館蔣為文 2005b 台灣白話字 hām 越南羅馬字 ê 文字方案比較語言認同與去殖民 p 台南 : 成功大學蔣為文 2005c 白話字, 囝仔人 teh 用 ê 文字? 語言認同與去殖民 p 台南 : 成功大學蔣為文 2005d 越南去殖民化與去中國化的語言政策語言認同與去殖民 p 台南 : 成功大學蔣為文 2005e 越南羅馬字和台灣羅馬字的學習效率及錯誤型態比較語言認同與去殖民 p 台南 : 成功大學蔣為文 2005f 漢字文化圈 ê 脫漢運動語言認同與去殖民 p 台南 : 成功大學蔣為文 2005g 漢字對台灣人 ê 語言認知 ê 影響語言認同與去殖民 p 台南 : 成功大學蔣為文 2005h 羅馬字是台灣新文學 ê 開基祖語言認同與去殖民 p 台南 : 成功大學 14

Microsoft Word - 黃文達.doc

Microsoft Word - 黃文達.doc kap 1 2 3 2 pái 4 hông kap teh ê soah 5 uân-á -kú 6 tiõh hiau-hiông 1 http://www.libertytimes.com.tw/2009/new/jul/17/today-life11.htm 2009.07.17 2 Tī ê Hö-ló ê 74.3% ê lóng tsit Hö-ló ê ë-sái Uì kàu ê