Zumtu Tharpawl hrangah Karbak Hmaisabikpawl A sungum thupawl Zirnak 1. Hrin Salnak Zirnak 2. Rinawknak Zirnak 3. Baptisma conak Zirnak 4. Thlarau Thia

Transcription

1 Zumtu Tharpawl hrangah Karbak Hmaisabikpawl A sungum thupawl Zirnak 1. Hrin Salnak Zirnak 2. Rinawknak Zirnak 3. Baptisma conak Zirnak 4. Thlarau Thianghlim in baptisma conak Zirnak 5. Pathian Tongkam Zirnak 6. Thlacamnak Zirnak 7. Thuthangtha Zemsuahnak Zirnak 8. Zumnak Zirnak 9. Kaihhruainak

2 CHRISTIAN THUHRAMPIPAWL ZIRNAK ZIRNAK 1 HRIN SALNAK Cinken dingmi Bible bungcang: John 3:3, 5, 6 Jesuh in, Thungaite in ka lo sim: zokhal hrin sal a si lo ahcun Pathian uknak a hmu thei lo ding, tiah a ti Thungaite in ka lo sim: zokhal tidai le Thlarau in hrin sal a si lo ahcun Pathian uknak sungah a lut theilo ding. Minung cu taksa lam cun a nu le a pa sung ihsin hrinmi a si; sikhalsehla thlarau lamah cun Thlarau ih hrinmi a si. Jesuh in a sim vekin, ziangruangah hrin sal kan si tengteng a tul timi a hmisabik ah kan zoh ding. Hitawk ah zuk a um. Thil umtu daan fiangte in theithei dingin sim a si. Zuk simfiangtu Bible bungcang kha cahnah dang pakhat parah ngan aw. Pathian in ziang hmuanhmuah a sersiam (Saam 24:1). Amah thawn pawlkomawknak kan neihtheinak ding ahcun tahfung a retmi pawl kan ban tengteng a tul. Suahkehnak le tuahnak in kan zatein misual kan si (Rom 3:23) vekin, kanmah lak ih mi zokhal in cuih tahfung cu kan ban thei dah lo ding. Sikhalsehla Pathian ih sersiam mi kan si (Kolose 1:16). Jesuh cu Pathian ih Fapa a si (Rom 1:3-4), Amah rori Pathian a si. Pa lam taanta in kanmah vek milai a cang (Hebru 2:14), asinain anih cu a sual lo (Hebru 4:15). Leitlun a nun sungah anih cu Pathian ih tahfung pawl a ban a si (John 17:4). Kan sualnakpawl ih ngah phu mi cawhkuan pawl latahratin Pathian hnenih raithawinak hrangah thinglamtah parah amah le amah a pe aw a si (II Korin 5:21). Thihnak ihsin thawhter a si ih Pa hnenah a kaiso sal (Efesa 1:20). Atu ah cun Jesuh thisen in lei mi rundamnak (Pathian thawn pehtlaihawknak) cu co a duhtu hmuahhmuah hnenah laksawng pakhat vekin Pathian in a pek a si. Ziangahtile sualnak ih hlawhman cu thihnak a si; sikhalsehla Pathian ih laksawng cu kan Bawipa Khrih Jesuh thawn kan pehzomawknak thawngin kumkhua nunnak a si (Rom 6:23). Curuangah Rundamnak cu Amah ih sung lawngah a um; ziangahtile Pathian ih rundammi kan sinak dingah leikhawvel pumpuluk ah hin minung hnenih pekmi hmin

3 dang zohman an um lo (Tirhthlah 4:12, Amplified Bible) tiin Piter in a ti theinak san kan hmu thei a si. Cu ti asile, ziang tiin Khristian na cang? Kan zukin a langter ih kan cinken dingmi Bible buncang in a sim vekin, Jesuh Khrih in kan aiawh in a tuah zomi raithawinak zumnak thawngin Pathian ih innsungsang ah hrinmi kan si a tul. Himi hi John 1:12-13 sungah fiangzetin a sim, Mi thenkhat cun an saangih an zum; curuangah Pathian ih faate cantheinak thu a pek. Pathian ih faate an cannak cu leilung daan, minung ih thi le sa in hrinmi in a si lo; Pathian amah rori kha an Pa a si. Cu ti asile, Khristian kan si lonak san pawl kan hmu theimi cu 1. Khristian ramsung ih hrinmi kan si. Mawtawka retnak inn pakhat sungah hrinmi na si men thei, asinain cumi cun mawtaka ah a lo canter lo. Suahkeh hrinmi kan sinak ih thlarau ram umsun cu Satan ih ram, thimkhawzing ih ukmi ram a si (Kolose 1:13) tiin Billy Graham in voikhat lai ah a sim. 2. Khristian nu le pa kan nei. Thlarau nunnak cu minung ih thi le sa in hrinmi in a si lo. Pathian in Tu a nei lo, faate lawng a nei (John 3:6). San khat hnu san khat, bulpak ciar in an mai hrangah Pathian an theih a tul. 3. Thil thabik kan tuah ih nundaan tha in kan nung, zohman kan siatsuah lo. Rundamnak cu tuannak ruangin a si lo tiin Bible in a zirh (Efesa 2:8-9). Tuah dingmi kan tuah ih tuahlo dingmi kan tuahlo hi Khristian in sitertu a si lo. 4. Naute kan si lai ihsin Khristian kan si ih baptisma kan co. Mimi thu hi Ca Thianghlim in a zirh lo. Ca Thianghlim cu lam in hruaitu a si (Zirnak 3 kha zoh aw). 5. Biaknak lam ah sunloih zet le thupi zet ih tuahmi le Bawipa Zanriah kan hmang (Baptisma laknak le sangphel). ( Galati 6:15 le Hebru 10:11-14 zoh aw) 6. Kohhran ah kan tel (I John 2:19). Himi thil hmuahhmuah hi hmual neilo mi an si. Hrin sal kan si tengteng a tul. Cucu thinlung sungah, thlarau lam hmuhtonnak, amai faate pawl Pathian thawn pehtlaihawknak dik in neihtertu Jesuh Khrih tonnak a si. Himi hi mitampi cun rundam, thleng, hrin sal tiin a caan caan ah an ti. Cuvek hmuhtonnak neih hi bulpak in na hrangah hi leitlun ah a

4 thupibik mi thil a si. Cumi ah then hnih in a um: Pathian lam ah sualsirnak le kan Bawipa Jesuh Khrih zumnak. (Tirhthlah 20:21). Himi laksawng cu: 1. Sual cu Pathian thawn remawknak dawnkhamtu a si tiin na hmuhfiang tikah na co. 2. Pathian ih duhsaknak congah dingin nangmai zuamnak pawl hi an thahnem lo ti na cohlan tikah na co. 3. Pathian bomnak thawn sualsir ding le na sualnak taansan dingin na thinlung na relcat tikah na co. 4. Jusuh cu rundamnak lamzin umsun a si ti na theihfeng tikah na co. 5. Amah rinsan timi ih a sullam cu na Bawipa a si vekin amah hnenah na nunnak pumhlum hlan hi a si ti na theih tikah na co. 6. Amah cu bulpak in, zumnak in, a lo rundamtu le na Bawipa si dingih na cohlan tikah na co. Atu ah kumkhuanunnak na nei! Rundammi na si! Hrin sal mi na si! Pathian ih innsungsang na si! Pathian thukammi zumnak in II Piter 1:3-4 Himi Bible bungcang pawl ngan aw la thate in ruat aw:- John 9:16 John 5: 24 Rom 10:9 Hrin salnak ah ziangmi thil a cang? Himi mangbangza thil a cangmi pawl malte tarlang a si. Tampi a um lai. 1. Pathian ih hrinmi John 1:12-13 zoh aw. 2. Sersiam thar Cahnah dang parah II Korin 5:17 kha ngan aw.

5 3. Uknak thar Kolose 1:13 khal ngan aw. 4. Thihnak ihsin nunnak ah lut zo John 5:24 kha zoh aw. 5. Tlenmi (leisal) IPiter 1:18-19: Nan pu le nan pa ih an lo roh tami zianghman hlawknak um lo nan nundaan ihsin a lo thlensuaktu cu ziang a si ti nan thei ko. A siat theimi sui le ngun bangtuk a si lo. A lo luattertu cu a sunglawi mi Khrih thisen a si ih Khrih cu soiselnak um lo raitluan tuufa bangtuk a si. (Amplified Bible) 6. Sual ihsin rundam mi Matthai 1:21; Efesa 1:7; Kolose 1:14 kha ngan aw. 7. Pathian le amai faate pawl pawlkomnak I John 1:3 Pa le a Fapa Jesuh Khrih thawn pawlkomnak kan neihmi sungih nan tel veknak dingah kan hmuh mi le kan theihmi cu nan hnenah kan phuang a si.

6 CHRISTIAN THUHRAMPIPAWL ZIRNAK ZIRNAK 2 Rinawknak Cinken dingmi Bible bungcang pawl: I John 5:11-13 Cutiih a theihter mi cu hiti in a si: Pathian in kumkhua nunnak in pe ih cuih nunnak cu a Fapa sungah a um. Zokhal Fapa a neitu cu nunnak a nei; Pathian Fapa a nei lotu cu nunnak a nei lo. Pathian Fapa a zumtu in kumhkua nunnak kan nei ti nan theihnak dingah hi cakuat hi nan hnenah ka ngan. Aliamcia ih kan zirnak in Hrin sal a thupitzia atu ah kan theingah hnuah Pathian ih thilpawl ah kan colh hahdam theinak hmun lam kan pan ding. Kan rundamnak kan ringhlel ahcun himi colh hahdamnak cu thil cangtheimi a si lo. A lo do thei ding tiin na zum lem lomi tohkham parih to thawn a bang aw. I John cakuat hi a hramthok ihsin a cemnetnak tiang siar aw. Thinlulng takih theihduh umza le thathnemnak mi a pe theimi a si. Cutawk ahcun kan Thei theimi thilpawl a malbik ah 30 ngan mi a um. Ziangzat na hmu thei ti zoh aw la a hnuailam ih thupi pasarih ah bun hai aw. (Ahleice in hminsin aw: I John 2:3, 2:20, 3:2, 3:19 le 5:13). Rundam mi ka si thihi ziangtin kan rinngam thei ding? Bible kan zoh tikah rundamnak kan rinngam theinak ding hrangah thu tampi an um. Hitawk ah rinawknak thupi pasarih tarlang a si ih an zate in thudik an si tihi hminsin tlak a si. Rundam kan si tiih kan ruahawk ruangah rundam kan si tiin Bible in khuitawk khal ah in zirh lo. John 3:6 nak kha zohsal aw la ruahnak cu tiisa in a thok ti na hmu ding. 1. ZUMNAK THAWNGIN KAN CO MI PATHIAN TONGKAM IH FIANG ZETIH ZIRH MI John 6:37 sungah Jesuh in hi tiin a ti:

7 Bawipa Jesuh Khrih kan rinsan ruangah rundam kan si tiin Bible in fiangzetin in sim. Pathian ih tongkam kan zumngam a si Hebru 6:16-20; John 6:68 kha zoh aw. Piter in Jesuh hnenah, Bawipa Mark 4: Kan nunnak ah Jesuh kan ko a si ahcun Bible-Pathian tongkam in rundam kan si tiin in sim. Rom 10:13 kha ngan aw. Galati 3:26 khal ngan aw. 2. PATHIAN IH FATE AH CANTER KAN SIZO TIIN THLARAU THIANGHLIM IH SUNGLAM THEIHTERNAK Rom 8:15-16 sungah hi tiin a sim: Himi hi ruahnak asilole thinlung phurnak a silo. Pathian ih faate pawl kan si, Thlarau ih minung kan si tiin kan thlarau sungmuril ah a fiangmi theihnak a suak mi hi a si John 6:63; Galati 4: AMAI DUHNAK KAN THLUN TIKAH, PATHIAN CU KAN MAH AH HNA A TUAN RERO A SI TI HMUHSUAHNAK Pathian cun amai faate pawl hnenah a pe-aw zo ih amai minung pawl sungah le amai minung pawl hmangin amah le amah phuanglangaw dingin thu a kam zo a si. Filipi 2:12. (James 2:21-24; Rom 6:15-18; Mark 16:16-18 khal zoh aw)

8 4. BAWIPA JESUH BANGTUK SI DINGIH DUHNAK Rom 8:29 sungah hi tiin in sim: Kan nunnak cu Khrih hnen ih kan hlan tikah, amah in in thleng thok, amah bangtuk ah in tuah. (I Thessalon 5:5-6; II Korin 3:15-18; I Piter 1:14-16 khal zoh aw). 5. Khrih in in tuarter mi harsatnak Rom 5:3-5 sungih a sim mi kha zoh aw: Jesuh cu harsat tuarnak ihsin thungaitu si dingah a zir ih mi famkim ih tuah a si (Hebru 5:8-9). Cutivek thiamthiam in kan nih khal thungaitu si dingah kan zir ih mi famkim ih tuah kan si (Filipi 3:10-11). Hebru 12:4-11 khal zoh aw. 6. UNAU PAWL DUHDAWTNAK Ahleice in I John 3:14 sungih a simmi zoh aw: Kan hrangah thi ding tiang khopin Pathian in mi pakhat cio in duhdawt ih amai mizia cu kan sungah seemter a si ahcun pakhat le pakhat duhdawt aw ding kan si. John 13:34-35 le I Piter 1:22-23 khal zoh aw. 7. THLARAU THAWN BAPTISMA II Korin 5:5 kha ngan aw:

9 Atu cu Tirhthlah 5:32; Efesa 1:13-14; Hebru 2:3-4 khal siar aw. Thlarau Thianghlim thawn baptisma timi hi tacik le aamahkhan a si tiih a sim dan zoh aw. Tuihsun ih kan zirmi thu thawn pehpar aw mi Bible bungcang dangpawl cu Filipi 3:20-21; Efesa 4:22-24; Kolose 3:9-10; Titus 2:11-14 sungah hmuhtheih an si. Himi pawl hmuahhmuah ruat ciamciam in, hrin sal ka si tiin zumngamnak thawn na sim thei maw? (II Timothy 1:12). Na sim thei asile, Pathian ah thang vivo dingin ruahsan aw la amah ah hmuh le tonmi kau deuh nei dingin feh vivo aw.

10 CHRISTIAN THUHRAMPIPAWL ZIRNAK ZIRNAK 3 Baptisma Cinken dingmi Bible bungcang: I Piter 3:20-21 Hi tiih thu a simmi thlarau pawl cu Noah ih lawng a rak tuah laiah Pathian in thinsau in a hngak na n a thu a ngai duh lotu an si. Long sungih a lutmi cu mi malte, an zatein minung pariat lawng an si; annih cu ti sung ihsin runsuakmi an si. Cumi cu atu ih nanmah a lo runtu baptisma hi a khihhmuhtu a si. Himi cu nan ruangpum a baalmi kholhfainak ah a silo, siatha thleidannak thinlulng thiang thawn Pathian hnenah thutiamnak nan tuah a si sawn. Cuih baptisma cu Jesuh Khrih a thawhsalnak thawngin nannih ruandamnak a thlenpitu a si. Zumtu zate in baptisma lak a tul. Zumtu zate in baptisma lak a tul timi thu hi Bible in fiangzet in a sim. Khrih ah zumnak kan phuansuahnak cu hmakhatte ah baptisma conak in a thlun ding a si tiin Thukam Thar ah in zirh. Cumi cu Khristian si kan thoknak ih a tul mi a si. A tanglam ih Bible bungcang pawl thatein ruat aw: Tirhthlah 2:41, Piter ih simmi cu mi tampi in an zum ih baptisma an lak; cuih ni ah ni khatah an pawl cu mi thawngthum tlukin an karh. Tirhthlah 18:8, Korin khuami tampi tla in Pathian thu cu an thei ih an zum ruangah baptisma an lak. Himi kohhran ih suntel sinak ih a tulmi thil cu zumtu pakhat na si vekin baptisma lak asilole remcan hmaisabik ah baptisma lak hi a si. Ziangruangah baptisma lak a tul? Baptisma lak cu Jesuh Khrih zumnak thawn a pehpar mi a si. Ca Thianghlim hmun hrekkhat ah cun Khristian pakhat cannak ih a telcihmi vekin a rel.

11 Mark 16:16 Zokhalsisehla a zum ih baptisma a co ahcun rundam a si ding. Asinain a zum lotu cu hnon a si ding. Tirhthlah 2:38 Nan zatein nan sual sir fingfing uhla Jesuh Khrih hmin in baptisma lak uh; cuticun nan sualnak ngaidam nan si ding. Matthai 28:19 Curuangah feh uhla miphun hmuahhmuah ka dungthluntu va siter uh; Pa le Fapa le Thiang Thlarau hmin in baptisma va pe uh. Himi in kohhran sungtel sinak ding hrangah baptisma lak hi ziangruangah a thupi timi a simfiang a si. Ziangmi hmuhsaknak le tahthimnak Bible sungah kan hmu? 1. Noah le tilik Cinken dingmi Bible bungcang zoh aw. 2. Israel faate pawl tipi sen ah I Korin 10:1-4; Suahlannak 4. A tanglam ih thusuhnak pawl sang aw: a) Ziangmi an taanta? b) Zo parah an thum aw? c) Khuitawk ah an feh? 3. Jesuh Jordan tiva ah Matthai 3:13-17; Mark 1:9-10 le Luke 3: Jesuh baptisma a laknak san pahnih na hmu maw? A san simfiangnak pakhat cu Matthai 4:19 sungah na hmu thei ding. a) b) 4. Khristian hmaisa pawl. Himi thu kan zirnak ih catlang then hmaisa ah hi thutak simfiangtu Tirhthlah cabu sungah Bible bungcang hrekkhat pawl na hmu zo. A dang teh na hmu thei lai maw? Baptisma laknak in zumtu pawl hrangah ziangmi thathnemnak a um? 1. Kan Pathian thar kan thei ih kan co hlang a si tiih fiangzetin langternak ah Khrih thu thlun in tuah mi a si.

12 Curuangah feh uhla miphun hmuahhmuah ka dungthluntu va siter uh; Pa le Fapa le Thiang Thlarau hmun in baptisma v ape uh. Cule ka thupek mi hmuahhmuah thlun dingin va zirh uh. Pathian thu thlunnak ah thlawsuah ropi le diriamnak a um. Baptisma kan laknak in kan nun pumhlum ah amai thu neihnak kan thlunnak zohthim dingmi ah a canter. 2. Kan nunnak ah thu nei bikmi mizia hlun a sattan a si. Thukam Hlun sanlai ah Israel nauhak mipa pawl taksa vunzim tansak an si vekin, tuihsan ih Pathian hrin thar mi nauhak pawl cu baptisma an conak ah thlarau lam vunzimtan an si ve asilole thinlung vunzimtan an si. Pathian ih thlawsuah dang hmuahhmuah vek thotho in himi hi zumnak in co ding mi a si. Daanpeksalnak 30:6 Nan thinlung zate le nan nunnak zatein nan duhdawt theinak dingah le nan nun theinak dingah Bawipa nan Pathian in nanmah le nan teefa pawl ih thinlung cu serhtannak a tuah dingih amah ih thu ngai duhnak thinlung a lo pe ding (Amplified New Testament) Colose 2:11-12 Khrih thawn nan pehzomawknak ruangah serhtan mi nan si; cuih serhtannak cu minung tuah mi a si lo, Khrih ih tuahmi a si ih sualhiar tisa cahnak sung ihsin luat khi a si. Ziangahtile baptisma nan ngah tikah Khrih thawn a thihnak sungah phum nan rak si bangtuk in thihnak ihsin a thawhtertu Pathain ih huham nan rinnak ruangah nannih cu Khrih thawn thawhtermi nan si ve. 3. A dang Ca Thianghlim sirhsanmi pawl: Rom 4:4 a thinnak ah baptisma lak Galati 3:27 Khrih nunzia thawn nan thuam aw Efesa 4:5 Bawi pakhat rinnak pakhat baptisma pakhat Pathian pakhat Lungkim lonak: Naute ka si laiah baptisma ka lak zo 1. Baptisma lak hi naute pawl hrang a si lo. Cutivek tuahnak hi Thukam Thar ah voikhat hman a khihhmuh lo. Baptisma lak cu zumtupawl hrang lawng a si. Cumi cun thinlung lam pitlinnak a ti duh san a si. (Mark 16:16 kha zoh aw zokhalsisehla a zum ih

13 baptisma a co John 4:1-2 Jesuh cu dungthluntu tam deuh a nei ih baptisma tla tam deuh a pek Tirhthlah 2:38 sualsir uhla baptisma lak uh Tirhthlah 18:8). Nauhak pawl baptisma an lak rero kan hmu dah zo. Asinain cupawl cu Jesuh cu an Bawipa le rundamtu ih a theifiang zotu pawl le baptisma laknak in amah thu thlun duhtu pawl lawng an si. 2. Tidai theh nakin baptisma lak cu tongfang simfiangnak thawn a kalhaw a si. Baptise timi tongfang cu mirang tongfang a si ih Greek tongfang ih a sullam cu tidai sungah hnim, tidai ah phum, tidai sungah pil asilole ti sungah dawp tinak a si. Himi tongfang cu patbuhnak sii sungah thilri hnimnak simfiangnak ah patbuhtu in a hman mi a si. Thukam Thar baptisma lak daan cu tidai sungah hnimnak in a si. Tirhthlah 8:38-39 Cuih Ethiopa pa cun a rangleng cu a dinter ih Filip thawn tidai sungah an vungtum ih Filip in baptisma a pek. Tidai sung ihsin an hungsuah tikah Mark 1:9-19 Cuih hnu rei loteah Galilee peng Nazareth khua ihsin Jesuh cu a ra ih Jordan tiva ah John in baptisma a rak pek. Jesuh cu ti sung ihsin a hungsuah vete in Nangmah le baptisma laknak 1. Hrin sal na si zo maw? Na si ahcun, 2. Tidai sungah hnimnak in baptisma na lak zo maw? Na lak lo a si ahcun, 3. Baptisma lak dingah tawlrel theih a si le vete in Bawipa Jesuh thu thlun in Baptisma lak na duh maw?

14 CHRISTIAN THUHRAMPIPAWL ZIRNAK ZIRNAK 4 Thlarau Thianghlim in baptisma conak Cinken dingmi Bible bungcang: Tirhthlah 2:1-4 Pentikos ni a thlen tikah zumtu hmuahhmuah cu hmun khatah an um. Hmakhatte-ah van ihsin thlipi hrang bangin thawmvang a rung ih an tonak khan cu a khat theh. Cule lei bangtuk a si mi meisa hliau an rungsuak zohzo ih cuih khan sung ummi hmuahhmuah cuih meisa hliau cun a run dai fingfing. An zatein Thlarau Thianghlim in an khat ih Thlarau in tong theinak a pek vekin tong dangdang in an tong ciamco. Kan rundamnak hlei ih thlawhsuah cu Thlarau Thianghlim in baptisma conak a si. Cumi cu thlarau lam huham sungah Pathian ih in hruai daan a si. Amah in in pek zomi nunnak thar kan co lawng siloin midang pawl hnenah thuthangtha thlenter in hmualneimi palai si dingah in duh a si. John 1:33 Thlarau a rung dingih mi pakhat parih a fut kha na hmu ding; cupa cu Thlarau Thianghlim in baptisma petu ding a si. Tirhthlah 1:8 Sikhalsehla nan hnenih Thlarau Thianghlim a rung thlen tikah cahnak huham thawn nan khat dingih Jesusalem, Judea ram le Samaria ram hmuahhmuah le leilung tlun a deng tiang keimah ih theihpitu nan si ding. Ca Thianghlim theifiang dingah in bawmtu ding le thlawsuahnak sungah in hruaitu ding thusuhnak panga kan zoh pei. Zosi baptisma cotu ding? Himi thlawsuah cu hrilmi mimalte pawl hrang lawng si loin zumtu zate hrang a si. Mi hmuahhmuah parah ka Thlarau ka burh ding tiin Pathian in thu a kam zo (Tirhthlah 2:17). Thlarau Thianghlim laksawng thawn pehpar awin Piter in fiangzetin a phuang, Ziangahtile Pathian thukamnak cu nan mah le nan faate pawl hnenah le Pathian thawn a hlaat aw mi an si na n Bawipa kan Pathian in a kawhmi pawl hmuahhmuah hnenah a si, tiah a ti (Tirhthlah 2:39).

15 Cuih hleiah, Pathian ih faate pawl hmuahhmuah cu amah ih theihpitu siding kan si ih Thlarau Thianghlim in baptisma co lo cun hmualneimi theihpitu si a theihlo ruangah Pathian ih faate pawl hmuahhmuah Thlarau Thianghlim in baptisma kan co a tul. Ziangruangah Thiang Thlarau in baptisma co a tul? (a) Thlarau Thianghlim in baptisma conak thawngin huham le thiltitheinak kan ngah (Tirhthlah 1:8, 9:17-22) (b) Tongkam menmen in thlacam le thangthat vek si loin danglam zetin Thlarau in thla in camter ih Thlarau in thangthatnak hla in sakter (Rom 8:26-27 le IKorin 14:5 kha zoh aw). (c) Kan thlarau rori in Pathian Thlarau ih aw a thei. (Tirhthlah 13:2, 1:2 le Mark 13:11 kha zoh aw) (d) Thlarau laksawng pawl co dingah le kan nunnak ah Pathian huham co dingah a tlingmi ah kan cang. (I Korin 14, 1:5-7; Tirhthlah 1:8) (e) Nitin kan nunnak ah Thlarau in le Thlarau ih huham in nun hram kan thok ih catbang loin Thlarau in khah mi si ding kan si (Efesa 5:18 le Kolose 3:16). Thlarua Thianghlim in baptisma cu ziangti in kan co? A caan caan ah Pathian in zumtu pawl cu amai thuneihnak in Thlarau in baptisma a pek. Himi hi Pentikos ni ah dungthluntu pawl hnenah (Tirhthlah 2) le Cornelius ih innsungsang (Tirhthlah 10) hnen ih a cang mi thil a si. Samaria ih thilthleng mi vekin, hmun hrekkhat ah cun himi hi kutsuannak in co mi a si (Tirhthlah 8, 19:6). Ziangasikhalle, bulpak in Pathian ih thlawsuah hmuahhmuah zumnak in kan co vekin Thlarau Thianghlim baptisma khal cutivek thotho in kan co a si Thlarau Thianghlim nan ngah ding (Tirhthlah 2:38), zum a tul (Hebru 11:6). Luke 11:13 sungah Jesuh in ziangmi a sim?

16 Curuangah Thlarau Thianghlim laksawng kha amah kan dil ding hi a thupi timi kan hmu thei a si. Kan thlacamnak Pathian in in theihsak ti zumnak thawn thla kan cam hnu ahcun lungawithu simnak thawn Pathian thangthat le amah biak kan thok a si. Himi hi Thlarau Thianghlim conak dingah amah naihnak dingih huham nei mi lamzin a si. Pathian pan aw la a lo pan ve ding (James 4:8). Thlarau Thianghlim ih umpinak kan theih tikah, kan sungah aw a ra thleng ih kan thlarau cu Pathian thlarau sawn dingin hmakhatte ah a cangvai. Himi thu ah hin, Tirhthlah 19:6 sungih Paul ih ti dan vekin, Pathian ih hriakthihmi sal pakhat in Thlarau Thianghlim in pe dingin kan parah kut a sung thei. Asinain himi hi a tul ringring mi cu a si lo. Thlarau Thianghlim in baptisma a cotu pawl theih lo tong in an tong ringring ding maw si? Himi thu suhnak hi a diklo mi a si. IKorin 14:5 sungah Paul in hi tiin a ti, Nan zatein theih lo tong ih nan tong ding cu ka duh ko; asinain Profet bangtuk thusimnak laksawng nan ngah ding cu ka lo duhsak sinsin. Thu ngai ti ahcun, a sim mi cu ziang a si tile theih lo tong le profet thusimnak a pahnih in kan tong ding a si tinak a si. Thlarau Thianghlim in baptisma na co tikah, theih lo tong in na tong thei ding, theih lo tong in tong dingin na ruahsan thei, theih lo tong in na tong ding, cuti asilo ahcun Thlarau Thianghlim ningnatter asilole a cangvaihnak kham na tih lo tinak a si. James 3:8 sungih a sim vekin, lei hi kan taksa ruangpi ah uk a har bik mi taksa then a si ih Pathian in hmaisabik ah uk a har bik mi taksa then hmangin a huham langter a duh. Curuangah Thlarau Thianghlim in baptisma na co tikah theih lo tong tong dingin ruahsan aw profet vekih thusimnak khal ruahsan aw. Kan parih Thlarau Thianghlim a thlen tikah, anih in Pathian thangthat dingin in cangvaiter. Pathian kan thangthat ding tlukin thangthat dingin kan tongkam cun a daih lo. Cuti a si ruangah Thlarau Thianghlim in theih lo tong tong dingin in hruai ih tha in pek. Amai forhfialnak ah kan thumawk tikah tongfang le awsuah a phunphun kan hmurka in a suahter. Asinain hramhram in in tuahter dah lo.

17 Voikhatnak a hram kan thok ngah cun amah tein nalzet in tong ra suak ding ah kan ruahsan thei. Kan tong mi tongfang ih a sullam kan theifiang lo men thei, theifiang ding khal in kan ruahsan lo, Theih lo tong ih a tong tu cun minung hnenah a tong lo, Pathian hnenah a tong a si, ziangahtile a tongmi kha zohman in an theihsak lo. Thiang Thlarau thawngin zohman ih theih lo mi thu a tong a si (I Korin 14:2). Cuti a si ahcun kan mah khal siseh mi dang khal siseh Thlarau Thianghlim ih khah mi kan si le si lo ringhlel ding a um lo ding. Na zum thok ihsin Thlarau Thianghlim na co zo maw? Pathian hmai le minung hmai ah an sia le tha theihnak thianghlimter ding le Thlarau Thianghlim laksawng dil dingah zumtu pakhat cio sungah huham a um ruangah Kohhran sungah sungtel si dingin hmin petu cun Thlarau Thianghlim baptisma a co a tul ti kan zum. Himi hi na hrang ih a tul mi le na duh rori a si ahcun tikcu remcang pek na si dingih ren na si ding.

18 CHRISTIAN THUHRAMPIPAWL ZIRNAK ZIRNAK 5 Pathian ih tongkam Cinken dingmi Bible bungcang: Saam 119:11 Ka thinlung sungah na daan cu ka ret zo, na parih ka sual lonak dingah. Ziangruangah Bible hi a thupi? Bible cu Pathian ih thawkhum mi a si. II Piter 1:20-21 Thil dang hmuahhmuah hnakin himi hi ciing tha uh: zokhal amah bul in Ca Thianghlim sungih profet thusimmi kha a fiangter thei lo ding. Ziangahtile profet ih thu simmi cu milai duhnak meen ihsin a rami a si lo; Pathian hnen ihsin a ra mi thuthang an phuan tikah Thlarau Thianghlim forhfialnak in an phuan mi a si. IITimothy 3:16-17 Ca Thianghlim hmuahhmuah hi Pathian thawkhummi a si ih. Cutiih Pathian hna a taunt cu mi thlamtling a si ding ih thil tha phun zakip tuah dingah thuam famkim neimi a si ding. Tirhthlah 1:16 Thlarau Thianghlim in David ih hmurka hmangin a sim ciami Jesuh a kaitu pawl hruaitu Judas ih thu cu Ca Thianghlim sungih an ngan vekin a kim a tul a si. John 6:63 Nunnak taktak a petu cu Thlarau a si; milai ih taksa cu san a tlai lo. Nan hnenih ka simmi tongkam hi nunnak le Thlarau petu a si. (John 6:31, 32, 35, 50, 51 khal zoh aw) John 1:14 Cuih Thu cu minung ah a cang ih kan lakah a um. Filipi 2:16 Nunnak thu nan phuan lai ah hin

19 Jesuh Khrih (Pathian Thu), Bible ih hmuitinmi cu Bible sungah a phuanglang, Bible hmangin a nunnak mi a rian a si. Zoh aw John 6:68 kumkhua nunnak etu tongkam a neitu cu nangmah na si si. thu cu kumkhua in a hmun, cu hi thu hi a si. Saam 119:89, Matthai 24:35, I Piter 1:23, 25 khal zoh aw. Bible siarnak in ziangmi thathnemnak a um ding? Saam 119:11 (AV) Ka thinlung sungah na daan cu ka ret zo, na parih ka sual lonak dingah. II Timothy 3:16 thutak zirhnak, zirhsual simhrinnak, a sualmi remsalnak ah le dingteih zirh awknak ah a tha. thuam famkim. Rom 15:4 Ca Thianghlim ih in simmi thinsaunak le thinlung cahnak thawngin ruahsannak kan neihnak ding hrangah Ca Thianghlim sungih ngan ciami hmuahhmuah cu kanmah thu zirhnak hrangah a si. Rom 10:17 Curuangah zumnak cu thuthang theihnak ihsin a ra ih thuthang cu. James 1:18 Amah ih lungkimnak in sersiammi kan si ih kanmah sersiamnak ah thutak tongkam a hmang. (I Piter 2:23 khal zoh aw). Efesa 6:13-18 Pathian ralthuam kha hruk uhla Thlarau ih a lo pekmi ralnam ai-ah Pathian tongkam kha keng uh. Saam 119:105 Na Thu cu ka ke hrangah mei inn a si ih ka lamzin hrangah tleunak a si. Pathian ih thukam pawl, zumnak le nunnak cu a minung pawl hrangah a si. A thupi bikmi zumnak nei ding ahcun Pathian thu kan theih tengteng a tul. Curuangah, 1. Nitinte in Bible kan siar tengteng ding (Saam 119:97; Tirhthlah 17:11).

20 2. Ca Thianghlim kan zir dingih thuthup kan hawl tengteng ding. (II Timothy 2:15; Hebru 5:11-14) 3. Bible hi kan thei, kan thlun, kan zum tengteng ding (II Timothy 3:15). 4. Kan ral khawsia pawl donak dingah Pathian thu hi hriamhrei ah kan hmang tengteng ding. (a) Thlemnak donak dingah (Matthai 4:1-11; IKorin 10:13 kha zoh aw). (b) Thlarau lam nehnak conak dingah (Efesa 6:10-18; a hleice in cang 12 le 17). Pathian in amai thu hmangin na hnen ah thu a lo sim zo maw? A lo sim zo asile a hnen ah lungawithu sim aw la Samuel ih tongkam pawl ruat phah in (ISamuel 3:10) na hnen ah thu lo sim sunzom vivo dingin amah cu dil aw. Bawipa, na sim duhmi cu sim aw. Na salpa in na aw ka thei a si.

21 CHRISTIAN THUHRAMPIPAWL ZIRNAK ZIRNAK 6 Thlacamnak Cinken dingmi Bible bungcang: Filipi 4:6-7 Ziang thuhla hmanah donhar in um hlah uh; thla nan cam tinte in nan tulmi cu Pathian hnenah dil uhla lungawi aipuang tein dil uh. Cuticun minung ruah ban lomi Pathian ih daihnak in nan thinlung le nan ruahnak cu Khrih Jesuh ah himte in a kilkhawi ding. Thlacam timi cu ziang a si? Pathian ih faate pawl kan si ih amah thawn thu le hla sim aw ton ding le kan hnen ah thu in sim dingin kan zir a tul. Naute kan si laiah thil pakhatkhat kan tul mi cu kan nu le pa kan theihter tikah kan tap. Kan hung pitlin vivo tikah tong kan zir ih kan duhmi kan sim thei asilole thusuhnak pawl kan sang thei. 1. Thlacam cu Pathian thawn biakawk a si (John 17 nak sungah Jesuh ih thlacamnak kha zoh aw). 2. Thlacam cu zumnak cangvaihnak a si (Hebru 11:6; Matthai 21:22; James 1:5-8). 3. Thlacam cu Pathian thawn pehtlaihnak neih khi a si (I John 5:14-15). 4. Thlacam cu kan tulmi phuannak a si (Luke 18:9-14). Zoin thla a cam ding? Kolose 4:2 Taimak in thla cam uh; thla nan cam tikah, Pathian hnen ih lungawithu sim phah in thinlung fimtein cam uh. Matthai 6:5 Thla nan cam tikah Filipi 4:6 thla nan cam tinte in nan tulmi cu Pathian hnen ah dil uh la lungawi aipuang tein dil uh. I Piter 4:7. Curuangah thateih thla nan cam theinak dingah suup awknak nei in thinlung fimvartein um uh.

22 Matthai 26:41 Sualforhnak sungih tla lo dingin itthat loin thlacam uh. I Timothy 2:8 mipa in an kut hlir in thla cam hai she. Jesuh Khrih dungthluntu mi pakhat cio in thlacam ding kan si. Ziangtin thla kan cam ding? Luke 11:1 sungah Jesuh ih dungthluntu pawl in himi vek thusuhnak an tuah thu kan siar. Jesuh in ziangtiin a sawn hai timi zoh aw. Matthai 6:5-14 sungah thu um daan a fiangter sinsin. Himi Bible bungcang tawite sungah Tuah hlah timi le Tuah aw timi pali veve a um. vekin cam hlah uh (cang 5) vekin va tuah hlah uh (cang 7) Anmah vek (cang 8) um hlah uh (cag 16) Asinain thla nan cam tikah: lut uh (cang 6) Sangka nan khar hnu ah (cang 6) nan Pa hnen ah thla cam uh (cang 6) Jesuh in a sim vekin, kan thlacamnak pawl cu tluangthlamte le a hnok lomi a si ding. Matthai 26:39 sungah thla camtik ih a thupi zetmi Jesuh in in sim, ka duh vekin si hlah seh, na duh vekin si ko seh. Kan duh mi si loin kan tulmi sawn in theihter ih cule a tumtah mi vekin in pek a si. I Thessalon 5:17 sungah cun Catbang loin thlacam ding kan si catbang loin Pathian thawn pawlkomaw ding kan si thu in sim. Curuangah thla kan cam daan ding cu: (a) Tluangtlamte in

23 (b) Titeraw loin (c) Pa hnenah (d) Catbang loin (e) Khuitawk hmuh khal ah (f) Jesuh hmin in Ziangruangah thla kan cam? Matthai 26:41 Sualforhnak sungih tla lo dingin itthat loin thla cam uh. Matthai 9:38 Curuangah rawl lak ding neitu bawi hnen ah rawl khawmtu ding milai tampi thlah dingah thlacam uh. Rom 15:30,31 ka hrangah Pathian hnenah thla rak cam ringring ve dingah. James 5:13 Nan lakah harsatnak a tongtu nan um maw? Nan um asile thlacam uh. James 5:15 Zumnak thawn thlacamnak in mina cu a damter ding Thlacamnak ah thlir dan pahnih a um:- (James 4:7) (a) Pathian hnenah hlan-awknak amah hmaiah kan mah le kan mah tangdor, amai lamzin dik le lamzin ding hawl (II Sansiarnak 7:14; Ezra 8:23; Tirhthlah 12:5 zoh aw) (b) Satan donak Pathian ih thu theihternak in Satan uknak do ih thlacamnak, Pathian ih mi thianghlim pawl le Pathian hnatuannak hrang thlacamnak. (Matthai 9:38; Rom 15:30-31; Mark 9:29; Matthai 6:13). Kan thlacamnak dokalhtu thil pathum: Mah sinak Mai nun ( a caancaan ah mizia hlun tiin kan ko ( Rom 7:18-25) Sual Sual cun Pathian thawn in thenter ih pawlkomawknak a catter (damtertu) (I John 1:7-9) Satan Anih cun kan thlacamnak a do ringring ding (Efesa 6:12) Matthai 26:36-46 kha siar aw. Cuih thuanthu sungah dokalhnak thu a um mi ruat aw.

24 A hlawhtlingmi thlacamnak si dingin a tulmi thil pawl Ngaidamnak lungput (Matthai 6:14) Rinumnak (Mark 11:24) Tangdornak (Luke 18:14) Innsungsang pehtlaihnak dik (I Piter 3:7) Sualnak ihsin thianhlim nun (James 5:16) Supawknak nei in thinlung fimvarte in (I Piter 4:7) Pathian ih duh daan in (I John 5:14) Catbang loin (Luke 8:17) Thinhengnak le thu el-awknak um lo tein (ITimothy 2:8) Ap-awknak (II Sansiarnak 7:14)

25 CHRISTIAN THUHRAMPIPAWL ZIRNAK ZIRNAK 7 Thuthangtha zemsuahnak Cinken dingmi Bible bungcang: Luke 8:39 Inn ah va tlung awla Pathian in na hrangih a tuahmi thu hi va sim aw. Cupa cu khawsung ah a tlung ih Jesuh in a hrangih a tuahmi cu mi hnenah a sim ciam co. Khristian pakhat ciar in mi hmaiah Khrih ih theihpitu kan sinak ih a thupitzia cu Jesuh in fiangzet in a sim. Jesuh Khrih kan cohlang ih a hnen ih kan rinumnak kan phuansuah tikah kan rundamnak cu a him a si tiin Bible in a ti. Rom 10:9 sungah hi tiin a si: Ziangruangah thuthangtha kan zemsuak ding? Bawipa Jesuh kan zumnak kan phunsuah hnuah amah ih theihpitu si vivo ding hi kan duh ding a si. Himi ih thupitnak cu Pathian thu in a langter. 1. Remternak thuthangtha sim dingah tuanvo pekmi kan si ih kan tuansuah a tul. (II Korin 5:17-20) 2. Leitlun hmuahhmuah ah thuthangtha zemsuak dingin thu pek kan si. (Matthai 28:18-20) 3. Jesuh in hram a thok zomi hnatuannak cu kohhran in a sunzom theinak dingah Thlarau Thianghlim thawn baptisma pek kan si zo. (Tirhthlah 1:1; 1:8) 4. Rah tampi rah dingah Khrih Jesuh ah hrilmi kan si zo. (John 15:16) 5. Jesuh cu Pathian ih theihpitu rinum a si, mi pakhat cio ih kan sungah a nun bangin, amah bangtuk ih sersiam mi kan si bangin, kan nih khal a rinummi theihpitu si ding kan si. (Thuphuan 1:5) 6. Midang pawl hnenih Khrih thuthangtha kan zemsuah tikah ringhlel ding um loin zumnak a thang. (I Timothy 6:12) Bawipa Jesuh ih thehpitu si a tulnak san cu Ca Thianghlim hmun tampi ah a sim. Ziangruangahtile kan thinlung sungah amah theihnak a um ruangah a si. I John 5:9-10 kha hitawk ah ngan aw.

26 Theihpitu timi cu ziang a si? 1. An nunnak le an tuahnak ah zumnak ih a man le a suahpi mi langtertu pawl le an zumnak cu Ca Thianghlim sungih theihpinak cohlangtu pawl an si. (Vine Dictionary of New Testament Words), asilole 2. A thihnak tawmpitu (Vine) A thihnak le thawhsalnak thawngin Jesuh in nun thar ah in hruai zo, cucu nun hlun zoh mawi deuh ih tuah a si lo. Baptisma kan lak tikah, kan nun hlun pawl cu phum in an um ih amah sungah cuih nun thar in nung dingah thawhter kan si (Rom 6:4; Galati 2:20). Cuih nun thar in kan nun tikah Jesuh Khrih ih a tak sinak le huham theihpitu kan si. Zosi theihpitu a si ding? Mark 16:15-18 kha siar aw la cule himi thusuhnak pawl sang aw. 1. Kan tuanvo cu ziang a si? 2. Zumlotu pawl hnen ah ziangmi a cang ding? 3. Ziangvek mi pawl in Pathian ih huham cu cuih mangbangza hmuhsaknak pawl thawn an langter? 4. Himi ah na tel maw? Tel / Tello. Ziangruangah? Tirhthlah 8:1-7 kha siar aw la himi thusuhnak pawl sang aw. 1. Hmuntinkim ih thuthangtha simtu kha kohhran hruaitu pawl (Tirhthlah pawl) an si maw? 2. Filip in ziangmi a phuang? 3. Mangbangza hmunsaknak pawl in a thusim mi zumngamnak a khatter maw? Khatter / Khatter lo. 4. Filip thu a sim theh hnu ah khawpi sungah ziangmi thil a cang? Curuangah zumtu pakhat ciar in Bawipa Jesuh Khrih ih theihpitu si ding kan si tihi Pathain thu ih in sim mi a si.

27 Ziangtin thuthangtha kan zemsuak ding? Tirhthlah 5:32 kha ngan aw. Tirhthlah pawl hlei ah, himi Ca Thianghlim ih simmi Jesuh Khrih ih theihpitu cu zo an si? Zo hnenah Pathian in Thlarau Thianghlim a pek? Himi ah nangteh na tel maw? Tel / Tello Atu ah I John 1:2-3 kha siar aw la hminsin aw:- 1. Kan nunnak ih amai hnatuannak cu kanmah pulpak hmuhtonnak ihsin Jesuh ih nunnak thu kan theihter a si. Cule 2. A theitu pawl in Pa Pathian le Fapa Jesuh thawn pawlkomnak (tawmpinak) sungih an telvel theinak dingah Jesuh ih nunnak thu kan theihter a si. Midang pawl hnenah Jesuh ih nunnak Thu na sim zo maw? Sim dingin a lo duh ih cumi cu tuah dingin a lo bawmtu dingah Thlarau Thianghlim a lo pek zo, nangmah hmangin amah cu hna tuanter aw la midang Jesuh hnen ih an rat hmuhnak ih lungawinak na co ding. Jesuh Khrih hnen ih mi a kuat tu cu Pathian a si ti kha cing ringring aw- nangmah na si lo. (John 6:44).

28 CHRISTIAN THUHRAMPIPAWL ZIRNAK ZIRNAK 8 Zumnak Cinken dingmi Bible bungcang: Hebru 11:6 Zumnak locun zohman in Pathian lungawiter a theih lo; ziangahtile Pathian a pantu in Pathian a um, tile amah a hawltu hnenah hawlman laksawng a pe, ti an zum a tul a si. Hebru bung 11 hi zumnak ropi Bible bungthen a si; a caan caan ah zumnak tarlannak inn khan ti khal in theih a si. Thuthlung Hlun sungih zumnak ih mi ropi pawl in harsatnak le hremnak an neh daan in sim. Zumnak hi Khristian nun ah a thupibik mi a si tiin Bible in a fiangter. Mifel cu zumnak in a nung ding timi Ca Thianghlim sungah voili kan hmu thei (Habakuk 2:4; Rom 1:17; Galati 3:11; Hebru 10:38). Ziangruangah zumnak a thupi? Kan cinken dingmi Bible bungcang in a san pakhat cu a fiangter zo: zumnak locun zohman in Pathian lungawiter a theih lo. Pathian pan dingah zumnak kan tul a si ti Hebru 10:22 ah a simfiang. Ziangruangah hi tiin a thupi timi cu Rom 14:23 sungah kan siar thei:. zumnak parih bun loin tuah cu Pathian hnen kan pannak dawnkhamtu cu sualnak hi a si tiin a hmaisa ih kan zirnak ah kan hmu. Bawipa Jesuh Khrih kan rinsan ahcun kan sualnak piahtana cu tawlrel a si, Thiamcoter kan si, asullam cu zumnak thawngin Pathian hmaiah mi dingfel ih canter kan si, tiin in sim (Rom 5:1). Khrih thawngin amai mithmuh ah mi dingfel kan si tiin Pathian in in sim ih cucu kan zum lo a si ahcun amah cu thuphanper ah kan canter. Cutivek cun ziangtiin Pathian kan pan thei ding? Kan Khristian nun lamtluan hmuahhmuah ah a thupibik mi cu zumnak a si. Zumnak timi cu ziang a si? Hebru 11:1 ah zumnak timi cu ziang a si timi in sim:

29 Kumkhua hrangih a thupi mi a taktak thil pawl cu kan mit in hmuh theih lo mi thil pawl an si tiin Pathian thu in in sim. II Korin 4:18 ihsin 5:5 tiang siar aw. Zumnak timi cu kan suahkeh theihnak ih in simmi asilole duhnak, kan ruahnak, thil umtu daan parah si loin Pathian ih simmi le kan rinnak amah ah thum le a thukampawl zum hi a si. Vine s Diectionary of New Testament Words in zumnak timi tongfang lehlin mi ih a sullam a sim daan ah cun:- forhfialnak hnget,.. theihnak parah thumaw mi... Thutak ihsin tlanhlo hnakin, Pathian thu lawng kumkhua a hmun ding mi thil a si ruangah, kannih cu amah ah kan rinnak thum nakin, thutak sungah kan tlan kumkhua a dik mi thutak (I Piter 1:23-25; Matthai 24:35; Saam 119:152). Zumnak timi cu Pathian thu cu a dik a si tiih cohlan le cuih parih cangvaih a si. Zumnak dik cun tuahnak a rahsuak ringring - Pathian rinsan in kan mah tein zianghman tuah lo dingah thubawhcahnak duh hrilnak ih tuahnak lawng a si hman ah (James 2:17-22). Pathian ih thu kan cohlang a si ti a langtertu cu Joh 8:31-32 sungah fiangte in a sim: Ka nan thlun ah cun kei mah ih. cu nan thei dingih cuih cun a lo luatter ding. Hebru 11:6 sungih a sim vekin, himi hi zumnak thawn Pathain kan pan tik ih kan hnen ih thil cang mi a si. ZUMNAK CU ZIANGTIN, KHUITAWK IN A RA? Rom 10:17 kha ngan aw. Zumnak cu Pathian thu in a ra tihi himi ih in sim mi a si. Cuti a si ahcun a thu kan siar le kan zir hi a thupi tuk tinak a si, kan hnen ih a simmi thei dingah, kan dingfelnak (Pathian mithmuh ah dingfel) cu a thok ihsin a cemnet tiang zumnak in a si. Hebru 12:2 ah fiang deuh in a sim:-

30 Kan zumnak le Jesuh kha cat loin zoh uh si. Jesuh Khrih (Pathian Thu ih laimuril) cu zumnak ih hrampi a si. Zumnak a rat daan theifiang dingah hmaisabik ih a thupi mi cu theihnak, cohlannak, Pathian thu a si timi himi Bible bungcang pawl in an fiangter a si. A pahnihnak ih a thupi mi cu zumnak a si. Rom 4:16-25 sungah Abraham in tahthimnak zoh aw. Zumnak ih hnatuan daan zohthim ding dang cu Hebru 11:7 sungah hmuh theih a si. Cutawk ih kan hmuh thei mi cu:- 1. Noah ih zumnak = Pathian ih ralrin peknak 2. Noah ih thungrulhnak = tihzahnak thianghlim thawn long a tuah. 3. Noah zumnak ih hlawhman = a innsungsang rundam an si. Curuangah zumnak cu Khristian nun hrangah a thupibik mi le zumnak cu Khrih thu hmangin a ra a s ti kan hmu thei. Kawhhran hmaisa zumtu pawl vekin zumnak ah le duhdawtnak in kan feh tlang pei. IIThessalon 1:3 kha ngan aw:

31 CHRISTIAN THUHRAMPIPAWL ZIRNAK ZIRNAK 9 Kaihruainak Cinken dingmi Bible bungcang: Efesa 5:17 Mi aa si hlah uh; a fimmi bangin nung uh. Bible sungah Pathian ih duhnak hmusuak dingah le tuah dingah voi tampi forhfial kan si. Cucu kan tuah ding hrimhrim a si ruangah si loin amah kan duhdawt ih anih in in duhdawt ti kan theih ruangah a si sawn. Amai duhnak le remruahnak lawng kan hrangah a tha ti kan rinsan a si. Kan duhnak cu, Jesuh vekin, amah lungawiter duhnak si ding hi a si. A tanglam ih Bible bungcang pawl ngan aw. John 6:38 John 14:4 Cutivek thiamthiam in, dungthluntu Paul in Jesuh ih nun daan thlun in a nunnak ah Pathian duhnak a thei ih a famkimter ti kan hmu. Tirhthlah 22:10, 14 le II Timothy 4:7 kha zoh awla himi thusuhnak pawl sang aw: 1. Paul kha a nunnak ah Pathian ih duhnak ziang a si ti sim a si maw? Si / Silo 2. Ziangmi tuah dingah Paul cu hril a si timi a um maw? Um / Um lo 3. Paul in Pathian duhnak famkimter dingah tumtahnak a nei maw? Nei / Nei lo 4. Hnatuan theh a si tikcu a thei maw? Thei / Thei lo I Korin 2:1 kan siar tikah, Jesuh le Paul cu thlun dingah zohthimtlak an si ti kan hmu. Kan hrangah pakhatnak ih a thupi mi cu Pathian duhnak theih le tuah hi a si. Catbang loin hawlsuah ding le thlun ding mi a si. Pathian in karbak pakhat hmu pakhat in hruai ding.

32 Ziangruangah Pathian duhnak a thupi? 1. Pathian in siangpahrang David a hman vekin, kan mai san ah kanmah hmangin a tumtah mi famkimter a duh, Tirhthlah 13:36; 22; John 15: Tuahter in duh mi kan tuah tikah Pathian hnen ah thangthatnak le upatnak kan pek a si. John 17:4; Efesa 1: Amai duhnak kan tuah lo tikah Khrih ih nunnak thu midang hnen ih zemsuahnak caan tha kan hmu lo. Efesa 5: Amai duhnak kan tuah tikah Pathian thukampawl kan hnenah a famkim. Hebru 10:36 5. Amai duhnak kan famkimter tikah kumkhuanunnak rinngamnak kan nei. I John 2:17 6. Amai duhnak kan thlun tikah Pathian uknak sungah luhnak kan hmu. Matthai 7:21 7. Kan hrang ih tuahsuak a duh mi hmuhsuah le tuahnak in Khrih kan zumnak kan cangvaih tikah Pathian kan lungawiter. Colose 1:9-12 Amai duhnak theih le tuah thuthawn pehpar in Bible in tampi a sim. Ziangtin Pathian duhnak kan thei thei ding? Jesuh in tuah dingih thu in pekmi tampi a um: John 15:12 Mathai 28:19 Luke 10:2 Thupi numbat 1 Pathian thu hmanhman siarlo cun a duhnak kan thei thei lo. A thu hmangin kan hnenah thu sim a duh. Saam 119:105 Thupi numbat 2 Thlacam lo cun kan Pa thawn pawlkomawknak kan nei lo ih kan nunnak ah le kan nunnak hrangah Pathian ih duhnak, thinlung, tumtahnak pawl theihnak ih lungawinak kan hmu thei lo. Cumi cu Matthai 6:10 sungah Jesuh in a dungthluntu pawl thlacam dingih a zirh mi a si.

33 Thupi numbat 3 Tuahter a lo duh mi ziangvek a si hman ah tuah duhnak nei aw. Mi pakhat in a ti, Jesuh cun nan feh duhnak ding hmun lawgah a lo hruai ding. Hlan-awknak nun cu Pathian hnen ih kan tuah theimi thawinak ropibik a si. Rom 12:1 sungah hi tiin a sim: I Samuel 15:2 sungah cutivek thotho in a sim: raithawinak hnakin amah ih thu thlun cu a tha sawn a si. World M.A.P ih Ralph Mahoney in kaihruainak thu a fehpi mi 1. Thinlung sungah zumtlak sinak nei kaihruainak cu hitawk ihsin a thok ringring. Tirhthlah 20:22, 25, Ca Thianghlim in nemhngehnak Isaiah 8:20 kha zoh aw, ziangtinkim Pathian thu thawn hniksak aw. 3. Profet thusimnak ih nemhngehnak Tirhthlah 20:23, 21:4-11. Hihi cu a tul ringring mi a si lo. 4. Pathian mi ih ruahnak peknak Tirhthlah 21 4, Thufim 11:4, saam 1. Cekawknak ah hmang ringring aw, asinain a dik ringring lo men thei. 5. Thil um daan ih fiangternak a cang ringring lo, asinain sangka in on sak theu. 6. Pathian ih daihnak Filipi 4:6-7 Pathian ih daihnak cu thuthentu vekin a tuan. 7. Pathian ih cawmnak - Pathian duh daan in tuahmi Pathian hnatuannak cu Pathian ih cawmnak a hlawhsam dah lo ding. (James Hudson Taylor) Ziangmi cawmnak kan ngah? A hmaisabik ah, kan nun in kaihruai dingah Pathian in thu in kam zo a si ti kan theih a tul. Saam 42:8; Isaiah 58:11; John 8:12 kha zoh aw la thaten ruat aw. Kan hnenah thu in sim dingin kan siang a si ahcun in sim ding tihi Pathian ih thukam cu kan thukam a si. Cuih hlei ah kan neih mi cu: 1. Thlacamnak, I John 5:14 2. Pathian tongkam

34 3. Saam 40:8 4. Jesuh bangtuk si duhnak. Cumi ih a sullam cu thinlung takin Pathin ih duhnak tuah a si. Efesa 6:6 5. Thinlung thar, Rom 12:12 Thuthup a um ahcun hi tiin langter thei a si ding: PATHIAN THAWN PAWLKOMNAK LE PATHIAN THU THLUNNAK.