Seihnam Cazual May 12, 2013 Z a r h t i n C h u a k SEIHNAM C A Z U A L Hmailei Caah Ruahchannak CHIN STUDENT ORGANIZATION I CSO Avoi 580nk May 12, 20

Transcription

1 Seihnam Cazual May 12, 2013 Z a r h t i n C h u a k SEIHNAM C A Z U A L Hmailei Caah Ruahchannak CHIN STUDENT ORGANIZATION I CSO Avoi 580nk May 12, 2013 U.S.A Ah Mawṭaw Ṭeihnak In Chinmi 2 An Thi, 8 Hliamhma An Tuar...CH...66 Sim-card Ks.1500 Man Phone : Hakha Le Mindat Peng Lawngah...CH...7 Pop Siangpahrang Cu Conglawmh A Si Lai...CH...10 Justin Cu Taza An Cuai Khawh Men...CH...10 Avoi 15nak CUSF Nawlchuah (CUSF Declaration Statement)...CH...7 Falam Peng Sunthlapi Area Mizapi Le CNF Palai Pawl Biaruahnak...CH...7 UNHCR Nih Auh Khawh Lomi...CH...4 Michael Jackson Fale Hi Keimah Fa An Si Ko Lai..CH..10 CHUNGUM Biazai & Capar 2 Cabia 3 Cabia & UN Auh Khawh Lomi 4 Ngamdamnak Theihtlei 5 Kanmah Thawng 6 Kanmah Thawng 7 Obama Le S.Korea President An I Tong...CH...9 Chin Party 4 Nih Saikhumphai Duahnak An Mawhchiat...CH...6 Kawl Ralkap Nih SSA Hmun An Lak..CH..8 Kawlram Thawng 8 Ramdang Thawng 9 Celebrities News 10 Sport News 11 Zarhtin Chuak Seihnam Cazual Facebook ah Like pek khawh a si [ Seihnam Media ] csoseihnam@gmail.comm Jalan Imbi, Kuala Lumpur, Malaysia [ Imbi CSO ] Cahmai 1

2 Seihnam Cazual Biazai & Capar May 12, 2013 Zohkhenhtu le lam hmuhsaktu, Dirkamhtu le dawtu, Thil ṭha in cawnpiak zungzaltu, Ṭihnak chungin chanchuahtu, Lawmhnak pe zungzaltu, Dawtnak le upatnak he bultawltu, Nunnak tilian tanpitu, Sinak tlingin lamhruaitu, Kan caah nunnak tiang a thaptu, Hringtu Nule Ni lawm usih! Lawm caamcin usih Nule Ni! Chim dai hlah seh Nule Ni! Kan chimh hna lai hiti hin, Ka Nu, Kan Dawt Tuk, Pathian nih thlua in chuah ko hna seh Kan zeizongza ka nule hna Tlimno ṭam duh ah Mitthli thap in Kaar ka hlan zawnah Duhtlin lonak tilet nih a ka fenh tawn Ka Nu, Ka tha a dih Na ṭaangnem in hung ka pom Hnukthlum dor khat in na thok kai lawm tuk ka nu, na panh hmaifang thiang na luanh thlanti Vanmi tluk lomi na min kai chawr peng lai. Ka nu, kan dawt tuk. Ka nu, na thin kan rak hunter bal ko lai, zaangfah tein ka ngaithiam ko. Zeitluk lamhla hmanh ah um ko ning, na ka philh lai lo i ka caah thla na rak cam peng ko lai ti ka ruah ah, kaa lawm tuk ka nu. Na ka pawika in na ka ven, thlaantlang tlaih in na ka hrin, cawl kho loin na um buin na rak ka zoh i lawmhnak he na rak ka nih, na hnukthlum na ka dinh, holh ka thiam khawhnak hnga caah biathlum le bia dawh in na rak ka chawnh, ka zun le ka ek tiang nuam tein na rak ka fimhlawm dih. Kal ka thiam khawhnak hnga ka baan in na ka tlaih i kal na ka chimh. Ka nu, nangmah nih holh na ka thiamter i ca na ka chimh. Rawlei, tidin, kedan danh tiang na ka chimh i cutin a lam kip in na ka kilkawi. Lam ding ka zulh i hmailei ah teitu ka chuah khawhnak hnga caah thil ṭha in na ka cawnpiak i Pathian sinah na ka halpiak. Ka nu, nangmah thawngin damnak ka hmu, holh ka thiam, ca rel le ṭial ka thiam, thil ṭha le thil ṭha lo ka hngalh i atu ahcun nangmah dawtnak thawngin ka zulh ding lam kha ka hngalh cang. Lungfak le ngaihchia in kan rak umter tawn ko lai. Asinain, thazaang na ka pek zungzal i phone chung zongah, Ka fa, kan dawt tuk, kan ngai tuk, na tha rak chia hlah mu, Pathian sinah thla kan campiak peng ko, na nu nih kan dawt tuk, tiah na ka ti tawnmi, ka cung i na dawtnak ka ruah ah, ka nu na cungah kaa lawmhnak cu mitthli hna nih an phuan. Atu le atu tein sunghzatlaknak ka ton peng ko zongah; thazaang na ka pek zungzal i thlacamnak he na ka dirpi zungzal. Ka caah thil ṭha na ka ruahpiak i mitthli he Pathian sinah na ka halpiak zungzalmi ka ruah ah, ka nu kaa lawm tuk hringhran. Ka nu, na ka duhpiakmi ka si kho sual lai lo ti ka ruah zawn ah, lunghno in ka biang cungah mitthli an hun luang, hul har in na fa ka ṭap tawn. Na chimh ka rak ngaih lomi a tampi ko lai, ka nu rak ka ngaithiam ko. Ka nu aw, caan uk khawhnak ngeih ka duh tuk e; liamcia caan hna kha ka khirh ṭhan lai i ka tuah sualmi vialte kha thil ṭha in ka hnawh ṭhan dih hna hnga. Cutin ka tuah khawh ahcun, zeitluk in dek kan lawmhter hnga mu, ka nu. Ka nunnak hi a kek in a kuai. Tuni, Hringtu Nule Ni tiang i a ka daw biktu ka nu hmuh khawh lo hi; Bawipa, ka nu he tonnak kan serpiak ve ko cang.... Ka nu, na sinah um loin kan muihmai i hmu hlah hmanh usih, atu lio Ṭhal caan thengte i Hringtu Nule Ni a simi ruangah kaa lawm ṭhiam ko, ka nu. Ṭhal caan cu khuacaan vialte hna lakah a nuamh bik lio caan a si. Khuasik caan i khuasik nih a dennak hna vialte in lumnak an hun panh lio caan a si caah Ṭhal caan cu mi kip thinlung aa hlau i mi zapi cu nuam in leng chuah hram an i thok lio caan a si. Ṭhal ahcun kan vawleipi nih ram hring le thing hring a hun i hruk i nunnak thar a hun hmuh ṭhan caan a si. Ṭhal a hun chuah cun vawlei pumpi ah panhnak thlam a leng, lungdaihnak le thanuamhnak kan hmu. Thingkung hna zong an hun hring i an hninghno. An ṭhilhcia hnah vialte hna zong hring dildel, hnah no in an hun thlen. Khuasik caan ahcun vanva hna an dai nain Ṭhal a hun chuah in an awzai he hlado an vawr. Aw thawng thong tampi in Pathian an thangṭhat. Rawl ṭaam in a um cangmi kan mit hna zong vawleipi nih damnak a hun pek. Ṭhal caan thil sining hna nih kan thinlung a hliphlau i vawlei lawmhnak ah i tel ve dingin a kan sawm. Ṭhal caan i kan vawlei muisam nih kan mit ah duhnungmi sining a cuanter. Vawleipi siṭhatnak le dawhnak in thazaang thar kan la. Zilthli kik hna nih van raang tang leng dingin a kan sawm. Vawlei zoh a dawhnak hnga caah pangpar a mawmh liomi hna zong an par an hun i samh cuahmah hna. Pangpar hna nih an rimhmui cu hmun kenkip ah an zamh i lawmhnak in a kan khahter. Ṭhal a hun chuah cu va phuntling hna nih vawlei an lawmh caan a hun si. Ṭhal caan thengte ah Fiakfairawk hna le caanrel va hna zong nih lunglileeng in Pathian an thangṭhat i vawlei an lawmh. Cucaah Ṭhal caan cu khuacaan siangpahrang ti awk tlukin mi lungthin ah rian a ṭuan. Ṭhal caan i lunglawmhnak thlam hna cu an tam hringhran. Hmurkaa in chim khawh cawk lo tluk tiangin an tam. Cu lawmhnak vialte hna cu Ṭhal caan lawnglawng ah teh khawh an si. Hi caan ahcun vawlei cu iang he a khat. Vawleipi cu amah rong kokek he dawh zuai in a um. Thingkung le ramkung hna cu kut thur in cun tongh siang lo ding tluk tiangin an hninghno. Ianghlei cuang Ṭhal caan nih Pathian cungah lunglawmhnak a kan ngeihter chinchin. Ṭhal caan serpiaktu, sertu Pathian thangṭhatnak he thlaza kan cam. Tupi thinghui dawh hna le tlang sang cung lungkhor hna nih kan mit ah Ṭhal caan sunlawinak hna an chimrel. Ṭhal caan cu vawlei awaan dawhdawh vialte hmun zakip in theih khawh lio caan a si. Hi tlukin a sunglawimi; khuacaan vialte hna lak i Khuacaan Siangparang, Ṭhal caan thengte ah a ka hringtu ka nu, vawlei ah thli ka dawp hlan in atu tiang a lam kip in a ka cawmtu ka nu phone chung tein, Ka nu, kan dawt tuk, ka ti khawh ve caah kai lungsak ve ko lai 2013 Hringtu Nule Ni hi. Ka nunnak ah hnemtu ṭha na si, maw Ṭhal caan, khuacaan vialte hna lak i Siangpahrang. Zarhtin Chuak Seihnam Cazual Cahmai 2

3 Cabia May 5, 2013 (Zarhpini) i Malaysia haotu avoi 13nk thimnak cu rammi lawng hlah, ralzaam hna tiang thin tur in awaan ngaih cio a si. Zarhpini zingtho in thok hna kaw, zaanlei sml 05:00pm ah me thlaknak cu an lim khawh. 05:30pm in me rel hram an thok colh. Zarhpini i me an thlak cuahmah lio ah hnokzul in buainak khatphung a chuak. Johor, Petaling Jaya, Penang, Klang, tbk pawl hna ahcun me thlatu pawl zong an i vel (vua) phah hna. Petaling Jaya lebang ahcun zuamcawhtu, Democratic Action Party (DAP, PR chungtel) lei in state ṭhutnak aa cuhtu le BN party leiin state ṭhutnak aa cuhtu pahnih hna cu hmaitonh bakin an i vel. Najib (BN) party nih phungning loin Bangladesh pawl le ramdangmi 45,000 renglo tangka phalh in me an thlakter hna tiah Pakatan Rakyat (PR) nih an mawhchiat. Bus pahnih in Bangladesh pawl an ṭinlei ah Malaysia rammi hna nih thingtan le lungtum in an den hna i bus pakhat cu a thlalang zong a kuai dih i aa citmi tam lakte hma le rung he caan an rel. Cutin hnok lelhlulh in me thlaknak cu 05:00pm ah an lim. 05:30pm in me rel hram an vun domh i Anwar (PR) nih zohchia ngai n hmun tampi ah a tei cuahmah. Anwar Ibraham nih, Kanmah nih kan tei cang, ningcang loin me tuah hna hlah seh!, tiah sml 09:00pm ah Twitter ah a vun phuan colh. Sml 11:00pm ahcun Penang ah Anwar nih amah ṭhutnak cu vun tei hoi kaw, Anwar nih a tei ko cang ti tlukin mipi nih an cuanh. Zinglei (May 6, 2013) sml 03:00am hrawngah election commission (EC) nih thawng fiang vun phozar ciammaam hna kaw, Barisan Nasional (BN) nih fak lakin an tei diam ko ai. Parliament ṭhutnak 222 a um i Najib (BN) lei in minung 121 nih an zuanhnawh i Anwar (PR) in minung 358 nih an zuanhnawh ve. Najib bu nih parliament ṭhutnak 222 chungah 133 an tei i Anwar haohakmi bu nih cun 89 te lawng an tei. State ṭhutnak 505 a um i Jajib bu lei in minung 505 nih an zuanh i Anwar bu lei in minung 817 nih an zuanh ve. Najib bu nih state ṭhutnak 505 chung ahcun 275 an tei i Anwar bu nih 230 an tei. Cutin Anwar bu cu an tla i, Anwar cu a ṭap, tiah Todayonline nih a ṭial. KL le Selengor chung ahcun Anwar (PR) nih a tei ngai ko nain Pahang, Johor, Sabah le Sarawak hna ah Najib (BN) nih a tei tuk lawmmaam ai. Sabah ah parliament ṭhutnak 25 a um i BN nih 22 an tei lio ah PR nih 3 lawng an tei. Sarawak ah parliament ṭhutnak 31 a um i BN nih 25 an tei i PR nih cun 6 lawng an tei. Anwar nih, Phungning loin ramdangmi 45,000 tluk tangka phalh in me an thlakter hna. Cuka ahcun kan sung lai ti an ruahnak paoh ah cu minung hna cu bus in an kuat hna i me cu an va thlakter hna. Cu pinah kanmah me zong lih le hrokhrawl in an suaksam dih, a ti i May 8, 2013, zaan sml 08:00pm in zaan 10:30pm fai tiang Lebuhraya Damansara-Puchong, Kelana Jaya buantual ah a duhlonak a langhter i thape in bia ngaitu minung 120,000 tluk an chuak. Angki nak an i hruk i ruahpi sur lakah PR haotu Anwar bia cu ngai. Mi cheu cu LRT in an rak ra i Kelana Jaya station ah an ṭum i Kelana Jaya buantual ahcun an kal. Micheu cu motor le cycle in an ra i lamkam le innkar kip ah an motor le cycle cu an dirter hna i ti awk ṭha loin Lebuhraya Damansara-Puchong cu lam a jam i palik nih traffic an tawlrel khawh ti lo caah duhlonak langhtertu hna nih anmah tein traffic cu an i uk. Kalnak ṭha loin lam jam le ruahpi sur cu chim lo, aw pareng chuah in palik nih raknak le tukdawinak zong zei ah an rel lo. Ralṭha le thinlung pekin Anwar nih zei bia dah a chim lai ti lawng an i nunpi. Singapore zongah angki nak an i hruk i minung 200 hrawng cu Singapore hmelchunhnak Merlion pawngah an i pum lulh ve hna. Malaysia i duhlonak an langhter caan he aa khat in kan tuah lai an ti i Malaysia in an rak kuatmi hna ca pawl cu catar ngan pipi in an i put hna i zaan sml 08:00pm ah Merlion hmai ahcun an chuak lulh. Singapore palik nih an catar cu an chuh hna i an ṭhencheu dih hna. Anwar nih, Ningani ah Ipoh ah duhlonak kan langhter rih lai i Zarhteni ah Penang ah kan peh rih lai, tiah Kelana Jaya i an i hrocer lio ahcun a chim. Election commission (EC) nih, Hitin duhlonak an langhter i buainak he pawngkam minung hnahnawhnak an pek lenmi hna nih hin a thar in thim ṭhannak zong a chuahter hlei lai lo i thimnak phichuak remh ṭhannak zong a chuahter hlei lai lo. EC nih cun a chuakmi me paoh kha ṭhate le hmante in kan rel i me petu tam deuh a ngeimi party paoh kha awn in tlawm deuh a ngeimi party paoh kha tlak a si ko; cu party tin ṭanhmi zong kan ngei hlei lo i EC cungah i lungsak lonak ding zong a um lo, tiah an ti ve. Me a thlami paoh cu an kutdong ah cahaang an neh hna i cu cahaang cu zeitluk ṭawl zongah ni sarih chung a thiang kho lo tiah me thlak hlan ahcun an ti, an lih lawngte sml pakhat hlan ah ti ṭawl hmanh hau loin a lo dih, tiah an phunciar ve. Tutan, Malaysian general election avoi 13nk cu Anwar Ibraham le a party Pakatan Rakyat (PR) lawng an si lo, mipi hrimhrim kan lung a tling cio lo tiah twitter, blogspot, facebook, website le wikipedia hna ah an ṭial tung. Malaysia cu August 31, 1957 ah mirang uknak in luatnak a rak ngah. August 31, 1957 lio i Malaysian Prime Minister ( Malaysian uktu ) a ṭuan hmasat bikmi Allahyarham Tunku Abdul Rahman nih Merdeka buantual ah lunglawm taktak in Merdeka tiah voi sarih aunak in Malaysian luatnak cu a rak fehter. Cucaah Tunku Abdul Rahman cu Luatnak Pacan tiah upatminṭhatnak an rak pek. Merdeka ti cu Indonesian le Malaysian holh a si i Mah Tein Aa Ukmi Ram tinak a si. Cu lio ahcun Malaysia cu Malaya ti a rak si. Cu ni thok in atu tiang United Malays National Organisation (UMNO) nih Malaysia cu an uk i zuamcawhtu party nih uknak an la kho bal rih lo. Atu lio Malaysian Prime Minister, Najib Razak cu Malaysian Prime Minister hna lakah apa 6nk a si. Prime Minister, Abdullah Ahmad Badawi nih April 3, 2009 ah a rian cu Najib sinah a rak chanh; cuni 3/4/2009 thok cun Najib nih a ṭuan, a term (kum 5=term 1) a dih in tutan ah thimnak an hun tuah hi a si. No. Min & Chan Ṭuan Caan (Term) 1. Tunku Abdul Rahman ( ) 2. Abdul Razak Hussein ( ) 3. Hussein Onn ( ) 4. Mahathir Mohamad (b. 1925) 5. Abdullah Ahmad Badawi (b. 1939) 6. Najib Razak (b. 1953) 31/8/ /9/1970 (Term 4) 22/9/ /1/1976 (Term 2) 14/1/ /7/1981 (Term 2) 16/7/ /10/2003 (Term 6) 31/10/2003 3/4/2009 ( Term 3) 3/4/2009 Fiang rih lo (Term 2nk ṭuan lio) Party Coalition Upatnak Min UMNO AP Luatnak Pacan (Father of Independence) UMNO AP (1 st Term) & Ṭhanchonak Pacan BN (2 nd Term) (Father of Development) UMNO BN Rualremnak Pacan (Father of Unity) UMNO BN Chandawipikhotu Pacan (Father of Modernization) UMNO BN Mibu Thazaang Ṭhanchonak Pacan (Father of Human Capital Development) UMNO BN A Ngah Rih Lo Wikipedia ( Wikipedia ( The Times Of India ( Today Online ( The Huffington Post ( ABN News ( Free Malaysia Today ( Bloomberg ( The Star, BBC, Financial Times, Twitter & Facebook Zarhtin Chuak Seihnam Cazual Cahmai 3

4 Seihnam Cazual Cabia & UNHCR Nih Auh Khawh Lomi May 12, 2013 Sehtan i hell biaceihnak zungpi cu mui nawnpi khin. Mi hremnak hmun cu a si kaw thi haw a theng pah. Biaceihnak capuai hmai ahcun Kawi Ram, Kawi Hmun le Kawi Mang cu lukhun in an dirter hna. Vawlei a tlon lio ah samsau a uar ngaimi Kawi Ram lawng si lo, hell tlami poah cu lukawngh dih an si caah an pathum in an lu kawng lulh. Hi hmun ahcun ningzah timi zong a um ti lo nain anmah phunglam ningte in zahmawh huh menmen saphaw pante cu an tai ah an tempiak hna. Cun, an kehlei le orhlei ah a nge pathum he fei zum pawl aa putmi hell ralkap panga, panga tlang hnih nih an kulh hna. Sehtan cazi keimah nih Kawi Ram, Kawi Hmun le Kawi Mang cu hell an phak ni, an min, an kum le hell number cu awkua nawn le biafang khek takin huamsamte in ka hei thanh. Mah aw cu kan theih tukmi aw a si tiin a si ko rua ta, an pathum in an lu an i tun sual ciammam i hell ralkap pakhat nih an ṭawk ah fei he voikhat cio a chunh hna. Lei kan rak tlon lio ah, ka tlaihchan tukmi hawile an si nain hellram ahcun lih hrawkhrawl in rianṭuan khawh a si lo i, zeitinhmanh in chanh awk an ṭhat lo caah ka lung cu a nuam ve hrim lo. Nan theih cio bang hell cu a lin tuk kaw, an pumpuluk in thlen he an i ciah. Sehtan le keimah zong a lin tuk ko nain ti awk a ṭhat lo caah a phung ningin biaceihnak angki puah pipi kan i hruk. Rian aa zuam takmi Sehtan cu an konglam ka rel dih le cangka cabuai cu sobul hmete in voithum a von tuk ta i, Khah, misual pawl, nan lu tunnak nawl kan pek hna. Zeiruang dah hika ah nan phak, von chim tuah uh!, tiah aw hriat takin a hal colh hna. An lu cu an hei tun dih. Nungak ruangah si ko hen cu, tiah an aw, aw thum ruangte in a chuak. Dai uh!! Nanmah minung pawl hi sualnak nan tuah fatin keimah asiloah midang pakhatkhat nan puh zungzal. Mahte duhthimnak nan Pathian nih an pek ko hna cu ta. Ahleice in Lai mino ah anih anih an ti vemi nanmah pathumpi, thluak ngei lo bantuk in nan rak nun? Khah, Kawi Ram, nang a lorbik ah zeiruang dah hellram hi na phak ning si, chim hmasa, tiah Sehtan nih a mit aa rengh pah, kutdong sawh pah in a hei hro. Vawlei a tlon lio zia cu aa ṭhinh kho rua lo, Kawi Ram cu. Bia a chim lai ah a cil tlawmte ṭuang ah a hei chak ta. A ṭaangaan cu a hei erhter deuh i ralkap pawl an i cer tik biakamnak an tuahmi aw in khan, Vawlei ka nun lio ahkhan duhnak chungah ka rak pil tuk sual. Kum 10 chung nu pakhat caah ka caan, ka sining le ka pek khawhmi poah kaa pe/chan dih. Nain, nu nih lungkuainak lawng a ka pek khawhmi cu a si, ti a donghnak ah kaa fiang. Kha hnu cun nu pawl a rem in ka rem ti hna lo. An rim ka theih ah ka luak chuak. Ahleice in, Lainu pawl. Ka lungfak tuk i nai i kum 5 voikhat an tuah tawnmi U.S Lai nungak pawl meeting an tuahnak hmun cu ka va choi. Bom 10 ka pum ah kaa tunh chih i keimah zong kaa puah chih lawlaw. Cu ruang cun, tuni na hmaika ka phaknak a si, tiah lunghmuih takin a chim. Sehtan cu a lu voi 4 hrawng a von suk. OK, fiang. Lai nawn cu sual a si caah hika na phan cang ko hih. Nang, Kawi Hmun! Lei cung na tlon lio ah na rak fel ngai ko dara ka ti. Zeitin dah hell na phak ning a si, chim ve tuah!. Kawi Hmun cu a dir ning cu tlawmte a hun i remh ta ve. Anih tu cu sianginn cachim ṭuan bal i cachim awchuah in, Bawipa, ka tlanval ka in ka thih tiang ahkhan nungak ṭhiṭha ka helhmi - an um lo. Ka duh ti kaa theih le cangka ka lungkuai colh cang, kei cu. Ka duh chung vialte ka lungkuai i, ka celh ti lo hnu ah ka phiat hna. Cu ka phiat hnu zongah ka lungkuai ṭhiamṭhiam hoi. Mi lunghmun ngai ka si i nungak pakhat hi kum 3 tel cu fak tukin ka duh tawn ko hna. Ka duhmi nungak pakhat ka ton fatin kum 3 tel ka lungkuai lengmang tinak si cu. Khatin nungak lei ka sinpit lo fatin zeihmanh ka tuah kho lo, rian zong ṭhiṭha ka ṭuan kho hlei lo. Thinlung takin ka duhmi nungak hi 4 lawng an si. Asinain, pakhat ruangah kum 3 khel in ka tlanval chung kum 12 cu lungkuai in an liam dih ai. Tuhnu lungkuai ti hlah ning, tiah ka lungfim tik cun ka kum upa tuk cang. Sianginn kai le rianṭuan zong ka huam ti lo. Ka nunnak hi sullam hrim a ngei ti lo ka ti i mawṭaw kaa ṭaihter lawlaw. Mawṭaw hmanh ah Truck bak kaa pahter i ka nunnak a liam. Cutincun, tuni na hmai ka phak cu a si, tiah a hei fianh. Hmm si tak ee. Na mawh lo. Nangmah hlanah vawlei i nan mifim pipi zong kha nungak ruangah ka sin a phanmi an tor. Si cun A bia a dih in a cil voi hnih nolh in a dolh ta zok i Um rih ka lungfah tuk caah bia tlawmpal nolh chap ka duh, tiah Sehtan cu a nawl. Aw, chim ko. Roman caṭial thiam Vergil kha hell ah atu a um ve ko lo ma?, a or va dit ta ninglaw ka duh. Love conquers all things tiah ka fim ngai ti phun in a hei ti ve. Si nemmam lo! Love fails everything tiah i let ṭhan seh. Duhnak ruangah ka teimi zeihmanh a um lo. Duhnak ruang cun pei ka ngeihmi zapi ka sungh dih hi. tiah fak ngai kuttum pah in a hun chim. Aw si. Ka cazi Vanchilly nih Vergil cu a va ton lai i in halpiak seh. Na tonmi hi a theih ahcun aa let ve ko lai, ti ka zumh. Thaizing lei ah thawng kan i thanh ṭhan te lai cu. tiah Sehtan cu Kawi Hmun cungah a lung ṭha lo tuk i a hei hnemh. Kan fialmi na thei ma ti phun in a hei ka zoh. Na chimmi ka theih, ka tuah lai, ti langhternak ah Sehtan he kan mit aa ton le cangka ka lu ka suk ve. Si cun, a donghnak ah Kawi Mang nih chim ve tuah seh. Kawi Mang nih Kawi Ram le Kawi Hmun lei cu a lu a mer ta duak i, Kei cu hi hna pahnih bantuk ka si lo. Anih cu ton lo ruangah lungkuai in hell an phan. Kei cu, ka ton ruangah a phanmi ka si. Kawi Ram le Kawi Hmun nih haacang rial in Kawi Mang cu an met chih i, Eeek!!!, Uico!!! tiah chim pah khin Kawi Hmun nih Kawi Mang sam cu hnuh aa tim nain a lu kawng cang kaw a kut cu a lak ṭhan. Dai uh, hell zungkhan dakaw a si atu hi. CSO zungkhan ah ma nan rel? Kawi Mang na bia cu kaa fiang ve lo. Fiang deuh in hun kan chim tuah, tiah Sehtan nih a raak hna i an dai dih ṭhan. Kan fianh hna lai, Kawi Ram le Kawi Hmun zong ṭhate in ngai ve uh. Kei cu a tongmi ka si. Ka ton tuk ruangah nu pawl nih an lung an ka hrinh lengmang. Cu ruangah, an ka zum ngam tak lo. A felmi nu pawl lebang nih cun an ka hrial cang. Kei nih le nungak sawhsawh cu an pawng i hel len cu chim lo chawnh hmanh ka huam hna lo. A felmi lawng ka duh hna. A felmi nih le an rak ka zum fawn lo. Cuti cun, kum 30 tiang ton loin keimahpi lawng ka vai. Tlangval ka si ve caah ka umhar caan cun beer in kaa hnem tawn ve teh. Hitluk thianghlimte in ka nun ve komi, ziah an ka zumh hnga lo. Tuak cio ve hmanh uh. Mi hmai zong ka khap ti lo i nai zarh khan zarh khat chung leng chuak lo, rawl ei loin beer lawngte ka ding. Cucu, kai hlauh tik cun nan sinah ka rak phan diam cang, tiah a chim i a thawpi cu a hun chuah. Hmm kan i fiang, na mawh hrim lo, tiah Kawi Ram le Kawi Hmun nih an ti i an pathum in mitthli he cun an i kup hna. Dung Dung Dung, kha za cang, tiah Sehtan nih cabuai cu voithum a cumh. Nan konglam ka - lung ṭha ve lo. Zeikhom a va si ah, hell a phanmi cu hell phung ningin ceih nan si ko lai. Nain, vawlei nan nun lio ah nan nunning a thianhlim caah nem deuh in dan kan taat hna lai cu. Nungak zong ṭhiṭha nan ngeih bal lo caah hitin si seh; nungak sing khat umnak khan ah hren nan si lai. Nikhat ah nungak sing khat he i hnamh dingin hrem nan si lai tiah keimah Sehtan nih bia ka chah, tiin Setan nih a biaceihnak cu a donghter. A dir i a chuak colh. Ka cauk le ballphen cu kaa fim luklak ve i Sehtan hnu cun ka va zulh zokzok. Cuticun, Kawi Ram, Kawi Hmun le Kawi Mang cu nungak sing khat umnak khan lei ahcun an va kalpi duahmah ve hna. (Theihternak: Hika chung minung min pawl le konglam cu Hell tlaknak kong capo pakhat ka rel balmi hramlak in le keimah pumpak seihkuyin sawhsawh in ṭialmi a si. Capo ca lawng a si i a leng ummi minung he zeihmanh aa pehtlai lo. Vanchiat ah, nan min aa khah sual cun nan ka ngaihthiam nak lai toidornak he kan nawl hna.) C10188 Saby C10191 Vangkau C10208 Chali C10225 Rari C10324 Saw Bwa C10346 Sa Bwar C10358 Kyuk C10364 Kyone Pin Thar C10404 Matu C10421 Sialthawzang C10444 Joke C10478 Kana C10489 Khampat C10503 Kam Ma Gyi C10650 Lam Thang Khua C10679 Hnaring C10731 Hnaring C10892 Limkhai C11040 Hga la C11096 Buan Lung C11153 ku Chal C11241 Cheong Yang C15461 Awk Cheng C01964 Lulpilung C01967 Tlang pi C01973 Lung Ding C01976 Lantuk C01977 Salen C01981 Lam Tuk C02002 Nan Chawng C02026 Cawngthia C02054 Lung Nam C02094 Tikir C02107 Kumzang C02154 Aiveh C02170 Hmun Hal C02174 Htantlng C02183 Mau Lawn C02186 Seenam C02199 Thal Mual C02204 Tikir C02234 Hakha C02239 Khuangli C02241 Tahan A Tanglei Min Cazin Pawl Hi UNHCR (Malaysia) Nih Auh Khawh Lomi An Si : Hi He Aa Pehtlaimi Cu CRC ( ) Ah Chawnh Khawh A Si Zarhtin Chuak Seihnam Cazual Cahmai 4

5 Seihnam Cazual AIDS Zawtnak Nakin Ṭih A Nung Deuhmi Zawtnak Phunkhat An Hmuh Ngandamnak Theihtlei 9. Nikhat a tlawm bik ah suimilaam 7 tal hi cu ih khawh i zuam. 29. Midang nih zei ti an in hmuh an in ruah a si zongah mah kha nangmah rian a si lo. 10. Nikhat ah minute kar tal hi cu ngandamnak caah lam len nai zuam lai. 30. Na rian nih hin na dam lo caan ah na pawngkam ah rak rat in a rak in hnem lai lo. Na chungkhar, na hawikom hna kha na pawng a um ding cu an si. Cu caah anmah he khan naihniam tein um a herh. 11. Nangmah na nunnak na sining hi mi dang he nai tahchunh lai lo. Midang nih zei lam dah an zulh timi hi kan thei kho lo. AIDS zawatnak nakin ṭih a nung deuhmi nu le pa sualnak ṭhiamṭhiam in i chawnh khawh a si mi Gonorrhoea HO41 zawtnak hrik phunkhat cun American siibawi thiamsang hna nih an hmuh. Mah zawtnak hi AIDS khamnak sii-ai zong nih a kham kho lo, tiah an chim. Hi zawtnak hi a laim ciami kum 2 ah khan Japan nu pakhat sinah a voikhatnak an rak hmuh hi a si. Mah hi zawtnak a ngeimi hna cu an pumsa le thisa mit hmuh ah rianrang taktak in an derthawm thluahmah, tiah an chim. Mah bantuk zawtnak hi a tlau khawhnak ding ca le damh khawhnak ding caah tuni tiang sii-ai zeihmanh an hmu kho rih lo. An i zuam cuahmah lio lawng a si rih. Gonorrhoea HO41 zawtnak hi America ram chung zongah a lut kho mi a si. Cun mah hi zawtnak hi America ram chungah a luh sual a si ahcun i thlopbulnak caah hin American dollar in nuai 780 cu a dih hrimhrim lai, tiah an zumh. Hi zawtnak hi i chawnh a fawi tukmi a si caah AIDS zawtnak nakin ṭih a nung deuh tiah naturopathic lei siibawi hna nih CNBC sinah an chim.--- Good Health May 12, Control nai tuah khawh lomi, nai sum khawh lomi thil chungah a ṭha lei kapin hmuh lo ding. Mah cu thil pawl kong zongah cun na lungre i theihter fawn hlah. Atu lio na si ningte kha man ngei taktak ah chia law mahnak man ngei deuh dingtu khan na caan hman i zuam. 13. Rian a hleihluat tukin ṭuan hlah. Na tha tawk na ṭuan khawh zat lawng kha ṭuan ko. 14. Nangmah le nangmah zong kha rian fak tukin i fial hlah. Mah bantuk hi aho hmanh nih an tuah cio lo. Thadam te le zaangdam tein um hi a ṭha bik. 31. A hmanmi thil lawng kha tuah ko. A herh lomi thil, duh awk a tlak lomi thil le ngeih awk a tlak lomi thil paohpaoh kha na ruahnak chungin chuah dih hna. 32. Pathain nih zeithil paohah an zoh khenh ko lai. 33. A ṭha mi thil a can zongah, a chiami thil a va can zongah a hmunmi an um lo. A zungzal in aa thleng peng ko lai. 34. Zei bantuk thil kan tton hmanh ah aaa.. a poi lo kal hna usih i nuam hna usih! tiin nuam tein kan um lai cuh. 15. Man sung na ngeihmi na thazaang kha chimrelnak sawsawh lawngin dihter hlah. 35. A ṭha bik timi pawl cu an ra lengmang ko lai. 16. Naa hngilh lio nakin naa hlauh lio ah chunmang tampi in manh i zuam deuh. 36. Zing ni ceu dawh an phak tertu le sualnak chungin an luattertu na Pathian cungah khan i lawm zungzal ko. 17. Mi hngarnak, mi hnahchuahnak tbk hna hi a caan a sawhsawh in pamh heih a si. Nangmah sinah ngeih dingmi le hmuh dingmi a zatawk in a um ko. 37. Na thinlung le na ruahnak vial vialte kha hlawptlo tein um ter zungzal ko. Good Health 18. Hnulei caan i a cang ciami thil hna kha ruat ti hlah. Na hawikom, na duh dawtmi hna sinin na rak tonmi thil hna kha a thar in nehbung khrih ṭhan i tim hlah. Mah pawl hna nih hin atu lio na sining le na nunnak hna kha a hrawh khawh, hnahnawhnak a pek khawh. TV/Video Zohnak Ruangah Nunchan Tawinak A Chuak 19. Minung kan chan hi a tawituk hringhran. Minung pakhat ngiatnak caan hmanh hi kan ngei lo. Cu caah mi dang ngiathlai hna hlah. 20. Atu na sining ah hin nai nuamh khawhnak ding caah hmailei aralai dingmi caan kha cuan in thazaang i laak. 21. Pumpak kan i nuamhnak thil a chuahtertu hi kanmah sin dah ti lo cun midang sinah a um kho lo. 22. Tampi in mirh law tampi in ni ko. 1. Ti tampi in ding. 2. Siangpahrang bantukin thaithawh ei, Fitlaw (minta) bantukin chuncaw ei, misifak bantukin zanriah ei. 3. Tisik anhnah tampi in ei khawh i zuam. 4. Nan nunnak ah 3E he nun i zuam. (Energy thazaang,enthusiasm thathawhnak, Empathy zaangfah nun hrawmhnak) 5. Pathian biak, thlacam tbk hna zong hi philh hlah. 6. Per chawi tbk lentecelh mi phun hi tampi tuahpiak kum i ca na relmi nakin tukum ah tam deuh in rel i zuam. 8. Nikhat ah minute 10 chung cawllo canglo te le daite in um i zuam. Zarhtin Chuak Seihnam Cazual 23. Zeithil poah hi nangmah duh ningin a si dih kho lai lo. Na duh ningin thil a si lomi cungah siseh na hna a tlak khawh lomi cungah siseh hnatlak khawh le lungtlin khawh kha i zuam. 24. Na chungkhar he Ph tbk in atu le atu pehtlainak tuah lengmang (hmun dangdang ummi nan si sual ah ti bia). Chungkhar he hmunkhat ah a ummi nan siah cun biathlum al le lumsa tein na chungkhar dirh khawh i zuam. 25. Midang caah nitin in ṭhatnak tuah i zuam. 26. Mi vialte hi zei bantuk thil kong hmanhah ngaihthiam khawh i zuam zungzal. 27. Kum 70 cung pitar, putar pawl le kum 6 tang hngakchia hna sinah na caan tampi in hman i zuam. 28. Nikhat ah a tlawm bik na pawngkam a ummi mi minung 3 tal cu nihter khawh i zuam peng. Mahhi kherhhlainak an tuahmi hi khuaruah khuaruahhar ngaimi thil pakhat a si ve. America ram Yale University in mifim thiamsang hna nih an hmuhmi a si. TV/Video tbk suimilaam pakhat chung kan zoh tikah kan takpum cawlcanghnak a um lo caah kan thau tbk a karh. Cun kan takpum chung i calorie pawl kha a thazaang a hung der i kan thihri kha a pit asiloah a kua a hung bi i, Fatty acid kha a hung karh. Mah tikah kan kengruang hna a hung fak, cun kan lung hna a hung mihnak kha a si. Cu caah TV/Video suimilaam pakhat chung a zohmi sinah TV/Video a zoh lo lomi nakin ngannak zatuakin 30 30% a tlawm deuh i minung kan nun nunchan in kan tuak a si ahcun minute 22 in a tawiter ter deuh. Cu caah nikhat ah suimilaam 6 chung TV/Video a zo zoh pengmi hna cu mi sawhsawh nak nakin kum 5 an chan a tawi deuh, tiah kherhhlainak an tuahmi ahcun an hmuh. Computer a hmangmi mi minung hna ca zongah kan kut kan ke cawlcanghter hi a herh tukmi a si. Good Health Cahmai 5

6 Mizoram, Saikhumphai I Harsatnak A Tongmi Chinmi Hna Bawmhnak Kanmah Thawng Atu cu van ruah kan hmu i kan i lawm ngai. Amah belte, kan thlaithlak a tlai i tihaang lei kam ahcun harnak kan tong deuh te lai. April thla chung ah kan nih lei cu ruah a sur in a sur lo. Lo le kan duah zing ṭung i thlai kan thla ngam lo. Atu hnu ceo lawng in biatak in thlai kan thla kho lai tiah Salen khuami pakhat nih a chim ve.---seihnam Ambulance in Sent Joseph khua i Heartland Regional Medical Center ah an tlikpi hna. Cu hna lakah pahnih, Mawṭaw ngeitu, Pu Mang Le Za Chum (Hriangpi khuami), a kehlei ṭawkruh a kiak; Pi Bawi Zi (Thinghual khuami) a orhlei ke hliammi (sii-inn ah) an tan; anmah pahnih hna cu helicpoter in University of Kansas Medical Center ah an ṭhial hna tiah thawng kan theih. Pi Htet Htet Myint (Hriangpi khuami), a kehlei ngalruh a kiak. Pu Cung Lian (Thangaw khuami), a kehlei kut hliahhlok a kiak tiah Pastor Dawt Peng nih a ṭial. A cunglei kong he pehtlai in laihritlai Chinmi pumpak si seh, fellowship (community) si seh, biaknak (churches) si seh, inn duahpiak ruangah vansangau in Saikhumphai khua i a vaimi kan Chin unau hna caah mahle ti khawh tawk le sian tawk cio in rak i tel ve dingin nan sinah sawmnak ca kan rak ṭial. Malaysia Lai Media i tongin ceihhmainak ngeih i hnatlak hnu ah atu bantuk in harsatnak a tongmi kan Chin unau hna caah bawmh halpiak dingin hmalak a si. Vawlei cung hmun zakip um Chinmi paohpaoh mahle sian tawk le ti khawh tawk cio in i tel khawh cio i zuam hna usih. Malaysia Lai Media nih ṭuanvo aa khinh lai i bawmhnak cu Media min si loin Chinmi min in pek an si lai. May 7, 2013 in bawmhnak cu awn a si cang i May 31, 2013 tiang bawmhnak caan a si lai. Cu hnu ah a chuak khomi zat paoh in bawmhnak cu June 1, 2013 ah kuat colh an si lai. Bawmhnak cu a tanglei i langhtermi hna lakah mahle siaremnak paoh ah pek a si lai. April 29, 2013 zingka ah Saikhumphai um Chinmi hna umnak inn 40 cu Vaphai khuami minung 100 leng nih an duahpiak hna i atu tiang bawmchantu rep ngei loin biakinn 3 ah an i dor hna i micheu cu buk an tom i cutin vansangau in an um ko. Toidornak he, Malaysia Lai Media Ai-awh in; Ṭial Lian Thang ( Seihnam Cazual ) Van Cin Mang ( Faiceu Journal ) Salai Mang Bik ( The One Star ) Khua Kung Hoi Cung Thantlang Peng Dihlak Cat Loin Zarh Khat Chung Ṭhal Ruah A Sur April thla in Pu Thein Sein Cozah nih cozah rianṭuan pawl an thlahlawh a kaih hna hnu ah Thantlang khuachung ah eidin man tlawmpal a kai tiah thawng theih a si. " Kan thilman hi kan mah nih kan kai termi cu a si lo. Kalay le Mandalay lei in tlawmpal an kal caah le a phurh man a kai deuh caah hitin kan nih zong nih tlawmpak kan kai terbia a si" tiah Thantlang khua ah eidin dawr a tuahmi nih Seihnam sinah a chim. Facang dawr tuahmi pakhat nih cun " Facang man hi a kai lem lo. Diesel le Patrol man a kai lai an ti i motor pawl nih an i kai cia caah kan facang hi tun khat ah 200 kan kai ve. Cozah thlahlawh kai ruangah a si titu cun kei nih cun ka pom lo. Atu May thla in October thla tiang hi kum chiar in thil man a kai a ṭum caan hrim a si ko. Thlahlawh a kai ruang ah thil man a kai ti sihlaw a letlet in a kai hnga. Atu hi cu a kai tiah chim awk a si lem lo. Lakphak ti man te hna a kai lo." tiah a chim ve. Thantlang ah Lakphak hraikhat le changreu pakhat ah 300 a si i Hakha ahcun 400 a si tiah theih a si.---seihnam U.S.A Ah Mawṭaw Ṭeihnak In Chinmi 2 An Thi, 8 Hliamhma An Tuar Pi Dawt Hlei Sung (Fanṭhen khuami), a kehlei elruh a kiak; Pu Aung Phu Kung (Khuahrang khuami), a mittlang le a cal ( a tlek i) an ṭhit, cun a kehlei elruh ai cheu; Pa Saw Kaw Lo (Kachin mi), a orhlei kutpi le kutdong a pelh. Pu Cin Thuan (Tedim mi), a lu aa khawng ti tiang lawng thawng theih a si a ti. An lakah, Pu Hmung Uk (Hnaring khuami), a hmailei a mawngtu kam ah a ṭhumi a si nain, a him bikmi a si, a ti rih. Khawnden an tonnak lam pawng ah hin, an hlanah accident a tongmi an rak um i, mah cucu, nawlngeitu le ṭuanvo ngeitu (troopers) nih an rak buaipi lio a si. Mawṭaw ngan pipi 3 an hmaika ah an dir lio a si tiah lamlei nawlngeitu nih an chim. Pu Phun Bik le a innchungnu Rose Mary Thlia, LCCC Khrihfa upa ṭuan lio le Nubu Vicechairman tlai lio hi nihin Zarhteni ah Highland Park thlanmual, 3801 State Ave, Kansas City, KS ah vui an si lai i, a hnudung bik ruakvui (pumh caan si loin) caan cu zanlei sml. 1:30 a si lai tiah Pastor Peng nih Khrihfabu ai-awh in a ṭial.---seihnam, CCN & GCN Chin Party 4 Nih Saikhumphai Duahnak An Mawhchiat Chin ramkhel party 4 nih Mizoram Saikhumphai khua khanghnak cungah faakpi in an mawhchiatnak kong, nizan ah cathluan (statement) an chuah. Thantlang peng pumpi in zarh khat chung dongcat loin ṭhal ruah a sur tiah thawng theih a si. Thantlang peng ah khua 86 a um i ṭhal ruah a sur lo caah thlai a ho hmanh nih an thla ngam lo i an lo duahmi cu thlaithlak hlan ah hramh nih a buat hnawh dih i facang le kawm (fangvoi) kan cin hlan ah lo thlawh hau phun in kan um tiah Farrawn khua lothlo pakhat nih Seihmam sinah a chim. U.S.A, Kansas City ah kan Laimi mawṭaw in i khawndennak an tong i minung pahnih nunnak a liam i fak ngai in minung 8 hma an pu. Kansas City in khen (miles) 54 a hlatnak, vaksa company ah zinglei sml 4:00am hrawngah rianṭuan ah an kal i Sent Joseph khua an phak lai I- 29 highway lam cungah atu bantuk in vanchiatnak an ton hi a si. Pu Phun Bik nih a mawnghmi van (mawṭaw) minung 15 tlum pi cu vorhlei lam cung i a kal cuahmah lio ah ruah lo pin a hmai mawṭaw a dir i pah lo dingin kehlei in tlawmpal a hrialnak ah a kehlei in a rakmi mawṭaw he an i pah, tiah thawng kan don. Khawnden an tonnak hmun ah Phun Ram Thar, kum 42 (Lautu peng Khuahrang khua chuak) le a nupi Pi Rose Mary Ni Thlia, kum 36 (khuakhat) hna cu an nunnak a liam i a tangmi hna Chin ramkhel party 4 Chin National Party, Chin National Progress Party, Asho-Chin National Party le Ethnic Nationalities Development Party nih, miphun tlawm-u Saikhumphai khuami (Chinmi) cungah miphun tam-u (Vaphai khuami) nih zaang-en in thil an tinak cungah faakpi in mawhchiatnak cathluan an chuah. Saikhumphai khua duahnaknak hi miphun tlawm-u cungah miphun tam-u nih zaang-en in thilti a si ruangah faakpi in kan mawhchiat, kan duh lo tiah cathluan nih a ti. Hi bantuk zaang-en thilti hi a chuah ti nakhnga lo, ṭhate in humhimnak laakpiak ding, hi bantuk zaang-en buainak a chuah ti nakhnga lo, Mizoram state cozah nih phungning in, dantatpi- Zarhtin Chuak Seihnam Cazual Cahmai 6

7 pak ding le kaangtuarle sinah acozah le international phu nih a herh zat in, bawmhnak (humanitarian aids) pekpiak ding tiah cathluan in Mizoram cozah an forhfial. Cathluan ah, Chin ramkhel party 4 nih Mizo he robia/ tuanbia in semkhat u le nau kan sinak kong, nunphung le holh kan i khahnak kong tiang an langhter. Chinram in Mizoram ah Chinmi 70, 000 tluk an khuasa; cu bantukin, Mizoram in Chinram ah Mizo an khuasa ve tiah cathluan nih a ti.--- GCN Mansung Thingkung Lak A Timtu Thuatkhawngci Company Cu Kanpetlet Peng Dihlak Nih Dohdalhnak An Tuah Lai Kanpetlet khuaram hmunhma chung ah a chuakmi thinghak Tlor le Pingkadu (Kyun-tit, titma) thing hna cu Ṭhuatkhawngci (ထ ဌ ခ င ၾက ) Company nih Kanpetlet hlam le phur an timh caah Kanpetlet peng mizapi dihlak nih dohdalnak tuah an timh tiah theih a si. Hi Company nih Kawlram cozah he i ceihhmai in ton 200 reng lo hi phurh ding ah hnatlaknak an ngei i Kanpetlet mizapi cu zeihmanh theihternak an tuah hna lo. Hi thing hlamding hnatlaknak hi Chin ramkulh cozah zong nih a hngalhpi lo i an hlam man le an phurh man pek an tim hna lo tiah Kanpetlet Forestry zung rianṭuantu hna sin in kan theih tiah Kanpetlet in thingram zohkhenhnak bu ah aa telmi Pu Khun Saw Mana nih a chim. "Hi tlor le pingkadu thing hlam an timhnak hi a thawkah cun Kawl khua, Saw Myo ah a si tiah an kan chimh. Kan hlat tikah le an hlamnak a hmunhma kan va zoh tikah Kanpetlet khuaram chung ah a ummi a si. Kanpetlet khuaram chung ah a um timi zong hi Kanpetlet in thingram (Forestry) zung zong nih an cohlan, an pommi a si" tiah Pu Khun Saw Man nih cun The Chinland Post ah a chimchap. Hi kong he pehtlai in Kanpetlet in peng (5) a ummi upa dihlak tonnak le ceihhmainak kan ngei. Kanpetlet mizapi le Chin ramkulh cung ah hlawknak le a man pek an kan tim lo tiah kan theih. Kan ram le kan khuaram caah thathnemnak zeihmanh an chuahpi lo ahcun kan dihlak in alnak le dohdalnak tuahding in hnatlaknak kan ngei, tiah a ti. Hi thingram hlamnak le phurnak kong he pehtlai in Chin ramkulh cozah zong nih a hngalhpi hna lo i hi an laknak ah ramkulh cozah nih tangka le hlawknak pakhat hmanh a hmu lo. Cu kong he pehtlai in Chin ramkulh Forestry vuanci U Kyaw Ngein nih "Chin ramkulh ah siseh, a dang ramkulh hna ah ramkulh cozah nih mahte in kokek thilchuak kong tawlrelnak nawl ngei lo in ramkomh cozah lawng nih nawlngeihnak a ngeihmi cung ah tlangcungmi le ramkhel cawlcangtu pawl nih hi nawlngeihnak kong hi biatakte in an soiselmi le an dohdalmi a si, tiah a chim.---tcn Kanmah Thawng Sim-card Ks.1500 Man Phone Cu Chin Ramkulh Hakha Le Mindat Peng Lawngah Lung 750 Veve Camcawhfung Zuh In Zuar A Si Man fawi ks man WCDMA 800 phone sim-card cu Chin ramkulh chung ah Hakha Peng le Mindat Peng lawng ah lung 750 veve camcawhfung in zuar a si. April 24 ni ah Hakha cu settuaizi zung ah camcawhfung zuh in zuar a si i Hakha khuapi caah 350 lawng zuarh a si i minung 1584 nih an sawk nain 350 lawng nih sim-card cu an zuh in an tinco. Hi miung 350 chung ah cozah zung riantuan an i tel lo. Hakha peng khua 10, (Vanha-30, Nabual20-, Zathal-30, Tinam-60, Hniarlawn-40, Zokhua-65, Khuabe-10, Nipi-10, Loklung-20 le Ruavan-15) caah lung 300 an zuarh hna. Cozah zung rianṭuan caah lung 100 an chiahpiak hna i April 29 zanlei sang ah camcawhfung zuhter in zuarh a si. Hakha peng cu April thla ca ah lung 750 lawng hi zuarh a si i thla fatin zuar lengmang a si lai tiah theih a si. Mindat peng zong khuapi chung khuami, khuate ca le cozah zung riantuan caah lung 750 camcawhfung zuh in zuarh an si, tiah theih a si. Hi simcard cu ks. 300 man rawnpiak cia a si i rawnciami ks. 300 man a dih hlan ah a tlawm bik ks man tal nan rawnpiak lai. Cawk ni thawk in ni 15 chung ah hman a si lo ah cun phone line phihpiak a si lai. Hi sim-card cu rawncia in thlakhat ah a tlawmbik ks man hi hman ding a si lai. Thla hnih chungah ks man tal a hman lo ah cun automatic in ks a tlin hlan lo phihpiak a si lai. Sim-card rawn ciami tangka a dih hnu ni 15 chungah tangka rawnchap a si lo ah cun amahte in line a pit lai tiah tuanvo ngeitu pehtlaihnak zung nih zulh dingmi nawl an chuahmi ah aa tel tiah theih a si. Sim-card a tlau a si ah cun ks liam a si lai a rawh a si ah cun mah le peng le ramkulh ah man lo in sawk ṭhan khawh a si. Internet bunh na duh a si ahcun a hlan ning bantuk in ks. 10,000 a si lai i minute pakhat ah ks. fang 4 a dih lai. Sim-card he pehtlai in fiang deuh in hngalh na duh a si ah cun Phone 3456 ah hal khawh a si tiah Kawlram pehtlaihnak zung nih nawl an chuah tiah Modern Joural nih April 26 ah a ṭial. ---TCP Falam Peng Sunthlapi Area Mizapi Le CNF Palai Pawl Biaruahnak Chin ramkulh peng dihlak mizapi le CNF/A Palai tonnak le biaruahnak programme cu April thla dongh in thawk a si i phu thum ah an i ṭhen. Falam peng Sunthlapi Area mizapi le CNF palai biaruahnak cu April 26 zan le April 27 ah tlamtlingte in an ngei kho tiah thawng kan theih. Pu H.C Ral Hnin le Dr. Za Hlei Thang hruaimi phu CNF/A palai 10 hna cu mizapi he ton biaruahnak ngeih dingin April 23 zanlei sml. 5:10 ah Falam an phan. Hi zan ah Falam Public Consultation Organizing Committee (PCOC) he ton biaruahnak an ngei i Holy Guest House ah an riak. April 24 chun ah Falam khua mino hna he tonnak an ngeih dih hnu ah PCOC chungtel hna he tonnak an ngei ṭhan. Zanlei sml. 4 ah Falam Khayaing auhchohzihmu U Soe Tint he tonnak an ngei. April 25 zinglei sml. 10 ah Col. Solomon nih an khuallam thluan a zul dingmi Falam mino hna cu Church of Christ biakinn ah a ton hna. Sml. 11 ah Pu H.C Ral Hnin le Khayaing auhchohzihmu U Soe Tint cu an i tong nolh ṭhan. Sml. 12 in Colonel Solomon nih U Soe Tint cu a dangte in tonnak a ngeih ve. CNF/A Palai hna cu April 26 zanlei sml. 2:30 ah Falam in an chuak i Sunthlapi khua cu zanlei sml. 5 ah an phan. CNF/A ca ah an rak phuahmi hlaremh dawh in Sunthlapi khuami nih sunglawi ngai in an don hna. Hi zan sml. 8 ah zapi he ton biaruahnak an ngei i nu 25, pa 85 an zapi 110 an chuak kho. Zan ton biaruahnak cu sml. 10 ah tlamtlingte in an ngol tiah theih a si. Sunthlapi Area group ah aa telmi le an sawmmi khua hna cu Sunthlapi, Sunthlathar, Relsing, Hlawmmual, Khuangli hna an si. April 27 zinglei sml. 8:40 in caan hmannak an thawk i Colonel Solomon nih caan a tlaih. Dr. Za Hlei Thang nih Democracy & Sovereign Power, Pu H.C Ral Hnin nih Federalism & Constitution, Colonel Solomon nih Miphun lunglaknak le tlangcungmi ralkap bu fonh kong chimhfiannak an ngeih hna. Cu dih in Chin miphun hla dawh saknak in caan an hman hnu ah zapi duhnak le hmuhning laknak caan an peh than i pumpak pakhat cio biahalnak catlap pakhat cio an phawt hna. Cu biahalnak cu Dr. Za Hlei Thang le Pu H.C. Ral Hnin nih pakhat hnu pakhat in chimrelnak le fianternak an tuah i zapi nih an duh khunmi mark peknak in chim le leh a si. Cu hnu ah zapi nih an halmi biahalnak cu an leh than hna tiah theih a si. ---TCP Avoi 15nak CUSF Nawlchuah (CUSF Declaration Statement) Avoi 15nak Chin University Student Fellowship (CUSF) cu Falam khua Town Hall ah April tiang tuah a si i hi i hawikawmhnak ah a tanglei nawlchuah biachahnak hna hi an ngei. 1. Tlangcungmi caholh sianginn cacawn caanhlei lawng ah chimh a si ahcun hmual a ngei lai lo. Thiam taktak hna seh ti duhsaknak he tuahmi a si ahcun sianginn cacawn caan chung ah cawn le chimhnak tuahpiak ding in an forhfial. 2. Rampi cozah nih hriamtlai tlangcungmi cungah remdaihnak tuah cu lunglawmte in a don. Ram buainak fianhnak ding ah a herhmi a muru cu Federal State a si tiah CUSF nih fekte in an zumh. Cucaah, Federal State a pek lai tiah zumhnak kan ngei. CUSF zong nih Federal State i thithruainak pek dingin an forhfial. 3. Rampi cozah le ramdang cozah i bawm in tuahmi Kaladan Project le Rultlang (Hmwetaung) kongkau ah rampi cozah nih zatlang mizapi cung ah transparency ngeih dingin an forhfial. 4. Chin ramkulh chung ah a ummi Cataar (signboard) vialte cu zung hmanmi caholh leng ah hmunhma khuami Chin caholh zong in tialchih ve ding. Khuami hna zong nih mah le catar (signboard) vialte cu mah le caholh in tialpiak cio ding in an forhfial. Hi ti tial le tuahpiaknak thawng in Chin caholh man ngeihter le cawisan a si tiah kan zumh. 5. Chin ramkulh chung ah a ummi pangpar, thingkep par le kotho sii-ai a simi thingkung/ramkung vialte cu fir le zuarpiak lo ding in Chin mizapi hna a hleikhun in an forhfial. 6. Chin ramkulh ah a chuakmi leitang chuak thil mansung, thing hak, thing mansung vialte cu Chin ramkulh chung ah khua a simi mizapi ca ah man ngeite in hman khawh nakding ah kokek thilchuak le pawngkam vennak upadi ningte in zohkhenh le kilvenpiak ding in an forhfial.---tcp Zarhtin Chuak Seihnam Cazual Cahmai 7

8 Aung San Suu Kyi: Kawlram Upadi Remh Duh Tak Ko Ahcun Remh Khawh A Si Ko Kawlram ah uknak le nawlngeihnak a ngeimi USDP Party nih kum 2008 lio i rak sermi phunghrampi le upadi cu remh an duh tak ko a si ahcun remh khawh tak a si ko tiah NLD Party hruaitu Aung San Suu Kyi nih a chim. May 10 ni ah Yangon khua Kaba Aye Pagoda lam i ummi Micasa Hotel ah Australia ram Sydney khua ummi Upadi College pakhat hruainak in tuahmi upadi kong ceihphainak ah hi bantuk in Aung San Suu Kyi nih a chim hi a si. Irrawaddy thawngla bu nih USDP Party he komh in phunghrampi sersiam duhnak lungthin a ngeih le ngeih lo Aung San Suu Kyi an halmi cungah, Anmah zong nih thlen an duh. Kanmah zong nih thlen kan duh ve. Cu caah i fonhkomh khawh lonak a ruang a um lo. USDP Party nih Phunghrampi Zohṭhannak Bu ser dingin biatung an rak chuahpi. Kannih NLD Party chung hoi hna in cun MP 39 lawng pei Lower House ah kan i tel khawh ko cu. Anmah USDP Party nih mah bantuk biatung an chuahpi tikah kanmah lei kam zongin a al awk a um ve lo. Kan lungtlinpi ve hna i kan fehter ve ko. Hi nih a fianter komi cu Phunghrampi remh ṭhan kan duh cio ko ti hi a si tiah Aung San Suu Kyi nih cun a chim. Kum 2008 Phunghrampi cu remh le hrawh dingah vawlei cungah a har bikmi Phunghrampi pakhat a si tiah mifim mi thiam hna nih an ti. A ruang cu biatung pakhat chuahpimi cu Hluttaw ah 75% hnatlaknak hmuh hnu ah ram pumpi mipi sinin lungtlinpinak a laak lai tehna a um tikah a har takmi a si. Cucaah cun hi bantuk phunghrampi le phunglam remh le hrawh khawhnak phunglam hrim hi a hmasa bikah kan remh a hau tiah Suu Kyi nih a chim. Ramchung ramkhel lei mi thiamsang hna nih cun Aung San Suu Kyi le naite ah USDP Chairman a van simi Thura Shwe Man hna nih lungtling tein Phunghrampi remh ṭhan dingin ruah khawhnak an ngei ṭheo ko lai tiah an ruahdamh. Latpadaung buaibainak kong he pehtlai in Suu Kyi a umtuning kha ralkap lei a bawmmi a lawh ca zongah kha ruangte ahkhan ralkap pawl sin zongin atutan ahcun bawmhnak a hmu hrim ko lai tiah ramkhel lei mi thiamsang nih an ruahdamh ngaimi a si fawn. Irrawaddy Kawlram Thawng May 9, 2013 ah KIA cu Hongkong um thilṭha lo a tuahmi bu pakhat he i bawm in Kawlram tangka deu an tuahmi cu Tuluk ṭuanvo ngeitu hna nih an tlaih hna ti in theih a si. May 5, 2013ah Tuluk ram um Yang Yan lam ummi check tuahnak hmun ah Kawlram Tangka deu an tuahmi pawl an tlaihmi cu 200 million hrawng a si. Laiza lei ah an kalpi lio ah an tlaihmi hna a si i cu a kalpimi hna chung ahhin KIA chungtel 3 le Tulukmi 1 an i tel tiah thawng theih a si. Laizar um KIA zungpi zongah nawlngeitu hna nih cheknak an van tuah taktak tikah cun zung chungah 2400 million man tangka deu an hmuh i an tlaihchap ṭhan. Hi tangka deu pawl hna hi Hong Kong um thil ṭhalo a tuah tawntu hna nih tangka cu KIA chung i ṭuanvo ngeitu ralbawi hna sinah an rak kuat tawnmi a si. Hi Hong Kong um bu cu Kawlram tangka pinah American le Tuluk tangka, cun ram dangdang nih an hmanmi tangka pawl zong a deu a tuah tawntu an si tiah Tulukram nawlngeitu sinin thawng theih a si. Hi tangka deu pawl cu KIA nih Kawlram ralkap he ral an rak i tuk thawkka in a rak hman cang ṭheo lai tiah an zumh. Hi tangka deu an chuahmi cu 5000 catlap le 10,000 catlap deuh a si hoi fawn. Hi bantuk tangka deu sernak ah Hong Kong bu he pehtlaihnak a tuahti KIA nih nawlngeitu pakhat a si vemi Captain Ka Ring Naw Aung cu Tuluk lei nih siseh, Kawlram cozah nih siseh tlaih dingin an herhmi minung pakhat a si tiah thawng theih a si. Irrawaddy SSA Umnak Hmunhma Cu Kawl Ralkap Nih An Laak Khawh Shan ramṭhen chaklei ummi Nanhkham peng Naung ma khua um Shan Ramṭhen Sersiam Ṭhannak Council le Shanram Thlanglei Ralkapbu (RCSS/SSA) hna i an umṭhutnak hmunhma No. 701 cu a cozah ralkap hna nih zingka in zaanlei tiang an tuk hna caah May ni 9 zaanlei suimilam 3.30 ahcun ralhrat bu an umnak hmunhma cu ralkap nih an laak khawh tiah thawng theih a si. Zinglei suimilam 4 hrawngin Nanhkham khua le Kuamhai khua hna ahcun meithal i kah thawng thang tukin theih a rak si. Nanhkham khuami pawl cu Taluk ram lei ah a tli mi zong an um tiah Nanhkham khuami U Siang Kyaw nih a phuan. Cu Tuluk lei ah a tli mi hna cu Taluk ram ah i dor kho lo dingin Tuluk nawlngeitu hna nih an rak kham hna caah harnak an tong ngai tiah thawng theih a si fawn. Hi ral an i tuknak ahhin Kawl cozah ralkap lei in minung 20 tluk an thi i mipi lei in minung 6 tluk an thi ve. Khuami pawl zong ralkap nih pawṭa an phorhter hna tiah thawng theih a si fawn. Kaphnih in an i khah cuahmah lio a si rih ko. Aho deuh nih dah teinak a hmuhte lai ti hi cu chim khawh a si rih lo. A cozah lei in thawngthanhnak um loin SSA cu a kah ti a si. Mizzima Kawlram pumpi um sehzung kip paohah (sehzung hme he a ngan he) suimilam 24 chung nithla rikhiahpiak cia um loin mei an phiat hna. Ti tha in chuami lekṭik aa hngatchanmi Kawlram cu tukum ṭhal ah ruah sur loin sau tuk a rak um tikah tidil hna le tibual hna i a ummi ti cu an reu ngaingai caah lekṭik dah a chuah khawh ti lo caah sehzung pawl cu lekṭik mei pek ti lo dingin Lekṭik Zung lei nih biakhiahnak an tuah hi a si tiah thawng theih a si. Yangon ramṭhen lekṭik vuanci U Aung Khaing nih cun nithla riakhiah um loin mei kan phiat hna kan ti konain ni 15 asiloah ni 30 chung lawng a si te ṭheo lai tiah a chim. Nikhua a linh tuk caah tidil i ummi ti pawl tikhu in van ah an zuang dih i ti a reu ngai. Cun minung zong nih chuankhinnak le din ding ca zongah kan hman chih rih fawn tikah ti a tlawm ngaingiate. Atu ahcun ruah zong cu a sur pah cang ko i a rauh hlanah mei zong cu kan pek ṭhan khawh cang ko hna lai tiah Irrawadday sinah U Aung Khaing nih a chim. KIA Nih Tuluk He Bawm In Tangka Deu A Ser Mingladong Sehzung Hmunhma ah a um vemi Triangle Links Engineering sehzung in nawlngeitu pakhat nih cun, Mei an kan phait zongah aa khat ko. Mei an kan pek lio zongah nikhat ah suimilam 6 hrawng lawng an kan pek ṭhiam ko, cun mei rat caan zongah a hrawh caan a um i mei seh in kanmah tein mei kan i mawngh i rian kan ṭuan peng ko, aa dang hlei lo tiah a chim. Kawlram cu Congo le Nepal ram hna bangin lekṭik a hmang lo bikmi ram a si tiah vawleipi huap bank le Asia Ṭhanchonak bank hna nih an thanh ningin theih a si. Irrawaddy Zarhtin Chuak Seihnam Cazual Cahmai 8

9 Bangladesh Inn Cimh Ruangah Minung (800) An Thi Ramdang Thawng inn (2000) leng mei in an rak khanghpiak cang hna. --- Yoyarlay US President Obama Le S.Korea President Tonbiaruahnak An Ngei chungin ṭuanvo kan laak ko lai tiah Indonesia palik bawi pakhat nih a chim. Kawlram taanzung bom puah dingin timhtuahnak a ngeimi minung (2) zong tlaih an si cang. ---Yoyarlay India Ah Kum (4) Ngakchia Nute Tlaihhrem A Tong Bangladesh ram thilṭhitnak sehzung a cimh ruangah atu tiangah minung (800) tluk an si cang. Thing le tlakrawh nih a nenhmi miruak tampi an hmuh ṭhan hna, tiah kan hnu nithum ni ah cozah lei rian ngeitu sinin thawng an thanh. Inn a cimh lio ahhin a chungah a ummi hi minung thongthum hrawng an si. A thimi zong mi mizei set dah an si, ti hi theih an har ngai, tiah cozah lei nih an chimchap. A thimi hna an takpum cungah a ummi an ID le an mobile zoh chom-in ahodah an si, ti cu hlathlainak an tuah cuahmah lio a si. Mah hi inn cimhnak kong he pehtlai in lunghrinhmi minung (9) hrawng cu rian ngeitu nih an tlaih cang hna. An tlaihmi chungah mah hi inn a ngeitu, inn chungah an zuarmi thilṭhitnak seh a ngeitu le inn a raksatu engineer pawl an i tel. Ramleng company cheukhat nih mah inn chungah anmah company he aa pehtlaimi rian a ṭuanmi chungin thihnak a tongmi chungkhaar pawl cu bawmh dingin biakamnak an ngei. ---VOA US President Obama le South Korean President Park Geun-Hye cu US president umnak White House ah North Korea nih nuclear hriamnam in tlerhkhawnhnak a ngeihmi kong he pehtlai in tonbiaruahnak an ngei. S.Korean President cu US ah ni (5) caam in a rak tlawng i New York ah UN General Secretary Ban Ki Moon he zong tonbiaruahnak an ngei. N.Koea nih S.Korea cungah tlerhkhawnhnak a ngeihmi cungah ralring te le lungfim tein a umnak cungah Ban Ki Moon nih S.Korean President cu a fak ngaingai. N.Korea nih ai hrocernak cu duhsah tein a thawng a dai chin lengmang cang. Cun N.Korea nih aa bochan ngaimi a rocket pahnih zong a umnak a ṭhial cang caah N.Korea le S.Korea karah a ummi buaibainak cu duhsah tein ṭhat lei a panh thluahmah cang ko. ---VOA Indonesia Muslim Pawl Nih Kawlram Cungah An Lungtlin Lonak An Langhter India ram ah kum (4) a simi ngakchia nute cu tlaihhrem a ton hnu ah lungfim loin leikuang cungah an hmuh i siizung ah an tlikpi. Siizung ah zarhhnih a um hnu April (29) ah a thi. Mah ngakchia nute cu Ghansour khua mi Vijay, kum 35, nih a tlaihhrem (a sualpi) hnu a thaizing ah a nu le pa nih lungfim loin leikuang cungah an va hmuh a si. Mah ngakchia nute a thihnak a ruang cu a thi tam tuk a chuah ruang ah a si, tiah siibawi te sinin thawng theih a si.---burmeseheart Syria Ṭhanchonak Caah Thazaang Chuah Cio Dingin Cameron Nih Bia A Chim Nigeria Ah Khrihfa Le Muslim Karah Buainak A Chuak Nigeria ram chaklei i a ummi Bakery khua ah Khrihfa le Muslim an buai ruangah minung (40) an thi. Inn an duah ruangah mahka khua cu ahohmanh zaan ah chuak lo dingin rian ngeitu nih nawl an chuah. Khrihfa pawl nih ruak thlahnak an tuah lio ah Muslim pawlnih hnahnawhnak an rak pek hna. Kan hnu Febuary thla ah bawlung chuihnak an rak tuah lio ah Khrihfa le Muslim karah buaibainak a rak chuak bal cang. Mah cu bawlung chuihnak in cun hi bantuk buaibainak hram a rak i thawk hi a si. Khrihfa an hruaitu pakhat a ruak thlahnak ah hla an sakmi kha Muslim pawl nih hna nan chet an ti hna i Khrihfa pawl cu an vuak hna. An vuaknak hna ah cheukhat an thi. Cun an thlahmi miruak zong an tuk an den. Cheukhat Khrihfa hna cu an thi le an hnai he an zaam. A zaam mi chungah minung (30) cu zualhma ngai in an um. Micheu cu Muslim pawl nih hnahnawhnak an pek hna ruangah an inn an lo zong an zaam tak. Kawlram chungah a ummi Rohingya Muslim pawl kong he pehtlai in Indonesia ummi Muslim pawl nih Kawlram ah Jihad (A thiangmi raldohnak) kan tuah lai, tiah Indonesia ummi Kawlram taanzung hmai ah sandah an piah. Mah hi buaibainak a chuak hlan deuh ah an tlaihmi Al-Qaeda hruaitu pakhat zong nih Indonesia ummi Muslim pawl cu Kawlram ah Jihad raltuknak ngeih dingin a forhfial hna. Kawlram ah harsatnak a tongmi Rohingya Muslim pawl caah an herhmi sii-ai le eidin pawl zong bawmhpiak dingin an au. Sandah piahnak ah hruaitu simi nih Kawlram taanzung lutlai pawl he biaruahnak ngei dingin taanzung congtu palik pawl cu an nawl hna. Palik pawl nih sandah piahmi mahti rumor in a kan kham hi khuaruahhar a si ko. Raldohnak chuahpi dingin timhtuahnak kan ngei lo. Hriamnam tlaih in buainak chuahpi zong kan i tinhmi a si lo. Kawlram ummi Rohingya pawl cungah Kawlram cozah nih zeitindah a tawlrel ning a si timi biahalnak ngeih kan duh ruangah a si ko tiah a chim ve. Atu bantukin sandah pianhnak a chuak ruangah palik (1654) an chiah hna. Kawlram taanzung himbawmnak ding caah kan si khawh - Britain Prime Minister David Cameron cu Russian President Vladimir Putin he Sochi ah tonbiaruahnak an ngeih dih hnu ah vawlei cungum community kip nih Syria ram a ṭhancho khawhnak dingah thazaang rak chuah cio dingin forhfialnak bia a chim. Sochi ah hi hna pahnih ton biaruahnakk an ngeih dih hnu ah thawngla pawl sinah thawng fianhnak le bialehnak an ngeihmi ah Cameron nih cun an pahnih in Syria konglam ah an hmuhning le an ruahnak aa dannak kong zong a chim. Amah David nih cun faak tuk i ṭanhnak lungthin ruahnak (extremism) kha dinhdorh i buaibainak donghter hnu ah a cheuhmal thluahmahmi Syria ram sinak cu remhṭhannak tuah dingin kan lung a tling tiah thawngla pawl sinah bia a chim. Putin tu nih cun Syria ram a sining a feh khawh nakhnga dingah kan pahnih in kan ruahnak aa lhat ko ti lawngin a chim. Hi tonbiaruahnak cu Sochi khua um Putin a inn Rili Nak pawngah an tuah. An i ceihmi konglam cu kumhnih chungah Syria ram a buaibainak le minung 80,000 rennglo thah an tonnak kong a si. UK nih Syria ah remdaihnak a um khawh ndak dingah cun atu lio cozah le atu lio hruaitu President Bashar al-assad cu an tlak i cozah dodaltu party nih uknak an laak ahcun an ram a dai ko lai ti a ruahnak kong a chim. Russia zong nih Damascus i a cangmi thil tha a pek lonak kong, cozah a tha a der cuahmah lio ah Islam biaknak lei faak tukin ṭanhtu bu hna an chuahmi nih Syria ram a buaiter zia kha faakpi in a chim ve. Cuticun hi tonbiaruahnak ah UK Prime Minister nih Russian President cu Syria he aa kom deuhmi le aa naihniam deuhmi ram an si caah an ramchung daihnak a len khawh nakhnga biatak thlakin EU hna le vawleipi huap community he ṭanṭi dingin a forhfial fawn. BBC Zarhtin Chuak Seihnam Cazual Cahmai 9

10 Justin Bieber cu a innpa pa a cil a chak ruangah le thah dingin ṭhihphaihnak bia a rak chimmi ruangah biaceihnak zung ah chuahpi i tazacuai a si kho men. Los Angeles um County District Attorney timi sihni bu nih cun kum 19 a simi Canadian miphun hlasa minthang cu zeitindah dantatnak kan pek ah a ṭhat lai timi an ruah cuahmah lio a si. Kan hnu March thla ahkhan Justin Bieber nih a inn lei ah a Ferrari mawṭaw rang tuk in a mawnghmi kong he pehtlai in a innpa pa nih a cak tikah mah pa cu Justin nih a cil a chak i a hrocer, a ṭhihphaih ti a rak si. TMZ.com nih thawng an thanh ningin cun Los Angeles palik zung nih sihni bu sinah biakhiahnak tuah dingin a case cu kuatpiak a si tiah theih a si. Upadi lei thiamsang hna nih cun palik zung bawi hna cu Justin Bieber cu thong thlak taktak nak cun a nunzia a ṭhat lo ruangah chimhrinhnak le ziaza remhnak camp ah kalter dingin forhfialnak an tuah hna. A mawṭaw cu ralring lo tukin a mawngh ruangah a sicatu, kum 47, a simi a innpa cil a chak i a ṭhihphaih timi cu ka tuah hrim lo tiah Justin Bieber nih cun a el ko hna. Asinain nawlngeitu hna nih zeitindah an ruah lai ti cu aho nih kan hngal kho rih lo. - BangShowBiz Vawlei cung pumpi ah Pop Siangpahrangnu (Queen of Pop) tiin Pop hla a sami hna nu vialte lakah minlaar bik a simi Madonna cu tukum 2013 ca Billboard Award Laksawng peknak ah upat conglawmhnak pek dingin puai tuahtu hna nih biakhiahnak an ngei. Hi Billboard Award laksawng cu kum fatin kum 1989 thawkin rak pekmi a si. Hi laksawng cu USA nih anmah USA ram ah hlasa pawl nih an i chuahmi ṭepphel an zuar khawh zat tuak in pekmi laksawng a si. Tutan kum 2013 ca i Billboard Award laksawng peknak cu hmaizarh (May ni 19) ah tuah a si te lai. Hi laksawng peknak ah Madonna cu kum 2012 ah khual tlawnnak in tangka a hmu biktu a sinak conglawmhnak laksawng an pek lai. MDNA Tour tiin vawleipi ah hlasaknak in khual a tlawnnak ah US$ 305 million (RM 907 million) renglo tangka a hmumi nu a rak si. Amah tuahmi show zapi ah zatuak 88 (88%) cu manh dih a si i mipi 2.2 million nih a show cu an zoh tiah tuaktan a si. Las Vegas i ummi MGM Grand Ga- Celebrities News rden Arena ah an tuah hngami hi laksawng peknak puai ah Jennifer Lopez, Chris Brown, Nicki Minaj, Lil Wayne le Ed Sheeran hna cu hi puai ah mipi hlasakpiak dingin sawmmi hna an si. Hi puai ah laksawng hmu kho dingah min tarmi le zumhmi hna lakah Taylor Swift, fun. le Maroon 5 hna cu laksawng phun 11 cio hmute dingin mintar le ruahdamh an si caah mahhna hi mahhi puai nih pekmi laksawng pawl a hmu biktu an si te men lai. The Sun Randy Jackson Nih American Idol A Chuahtak Cang Lai American Idol hlasak zuamnak rak tuah hram in mark petu ah aa tel pengmi Randy Jackson cu tu kum hlasak zuamnak a dih in cun kaa din cang lai tiah thawng a thanh. Kum 56 a simi producer rian a ṭuanmi nih cun hla ṭepphel chuahpiak dingin kamh ciami pawl caah biatak deuh in ṭuan le chawva kawlnak lei ah biatak thlak in hmunhma thar hna kawl ka duh cang caah a si tiah a chim. Amah hi American Idol an rak thawk kum 2002 in Simon Cowell le Paula Abdul he tiin mark petu rian a rak ṭuanmi a si i tukum tiangah cun voi 12 chung mark petu rian a ṭuan cangmi pa a si. Randy nih a chimning ahcun, Kum 12 chung lungsi tein ka ṭuan cang ko i atu cu hi rian in dinh ka zaa ve cang ko rua tiah ka ruah. Cu caah cun tukum American Idol zuamnak a dih in cun kaa din cang lai ka tinak a si. Hi American Idol i kaa telnak thawngin hla lei ah thlennawnnak ka tuah khawhmi tete zong a um pah ve ko caah kaa lunghmuih ngaite ti a si. Atu lio American Idol ah hlasak aa zuammi hna mark petu hna cu amah Randy lengah hlasa Mariah Carey, rapper Nicki Minaj le country hlasa Keith Urban hna an si. Tukum American Idol (Season 12) hlasak zuamnak ah Final a kaimi hna cu Thlanglei Calorina ramṭhen in aa rak i zuammi kum 23 nu R&B hlasa Candice Glover le Texas ramṭhen in aa rak i zuammi, kum 22 nu country hlasa Kree Harrison an si. Hmaizarh ah Final hlasak zuamnak an ngei te lai i tukum 2013 ca American Idol (Season 12) hlasak zuamnak cu dinhter a si te lai. BBC Britney Spears cu a tlangvalpa David Lucado he bazaar an kaiṭi chel thaithawh an eiṭi chel a si. Kan hnu zarh May ni 9 zongah khan an pahnih in California um Westlake i rawldawr pakhat ah an pahnih te lawng thaithawh ei ah an i thawh. A tlangvalpa mawṭaw in rawldawr ahcun an kal i Britney cu ruahning lengin aa thlahthlam ngai. Sam bua nawnpi khin a tlangvalpa he cun an kalṭi diam ko. Kum 32 a simi hlasa minthang cu law lei rianṭuantu David he tukum March thla chungah khan an kal umṭi an hmuh hna nak thawkin tlangval a ngeih ṭhan hngalh a rak si. Amah Britney Spears zong cu Las Vegas ah khuasik a tlak hlan deuh vak te ahkhin innthar ṭhial aa timh cuahmah lio a si. Inn ngeitu hna he kumhnih hnatlaknak minsen thut khawhnak dingah aa zuam cuahmah lio a si. Cun Las Vegas ah um i mi ah i chuah khawhnak dingah cun cah ngaingai a hauh caah rian ah tlik le lek khawh ngai a hauh caah a ti i ngandamnak le ṭhawnnak caah pum cawlcanghnak tampi a tuah lio a si fawn. Online MJ Fale: Prince Jackson, Blanket Jackson le Paris Jackson Michael Jackson he aa naihniammi a hawikom pakhat nih Michael Jackson a fale cu DNA chek a duhnak kong a chim. A ruang cu amah cu Michael Jackson fale i a hringtu pa tak ka si tiah aa zumh caah a si. A ngakchiat lio ah ngakchia in lem a rak cang tawnmi le fa pali a ngei cangmi Mark Lester nih cun Michael Jackson fapa upa bik Prince Jackson, kum 16 le a fanu Paris, kum 15 hna an rak chuah hlanah Pop Siangpahrang tiah conglawmhmi Michael Jackson nih a baw (sperm) a rak hlutter bal tiah a chim. Hi bangin Michael Jackson caah a rak tuahpiak bal caah amah cu tleicia Michael Jackson a fale hna i an pa tak cu keimah hi ka si tiah a chim ngamnak a si ve. Michael nih a rak ka sitermi pacan in dir ka duh ṭhan caah ka fale an si tak ko ahcun ka cawmken hna lai ka ti caah anmah he pehtlaihnak tuah ṭhan ka duhnak a si, tiah Sunday People thanhca ah Mark nih bia a chim. Michael Jackson a thih hnu kum 2009 hnu cun ngakchia hna he pehtlaihnak an ngeihter ti lonak kong zong kha a phuan chih fawn. The Sun Zarhtin Chuak Seihnam Cazual Cahmai 10

11 Seihnam Cazual Sport News May 12, 2013 tnak 30 million an tuah cang i July (1) in rian a England ah siseh vawlei cungah siseh mi nih ṭihzah, upatmi le zohchomi Scott miphun Sir Alex Ferguson nih Cawn Nithum ni ah kumdongh (May 19) in ka rian in kai din lai tiah a chiam tikah Manchester United Club chungtel vialte hna sinin sian lonak mitthli a luang. Lungpi bantuk in Man U nih an i hngaohchanmi manager, Man U min a thantertu manager le teinak hi a ṭaam in ka ṭaam i tihaal in ka haal tiah a chim lengmang i Man U teinak hraikuang a khahtertu putar pa nih hi bia a chim tikah Old Trafford hi cim dih sehlaw cu ko cu a lo. Kum 71 a si ve cang caah ai dinh ding hrim a si cang ti ko bu ah sian lonak mithmai hna cu chumbang ai zel.ferguson nih Rian dinh kong hi fawite in ka ruahmi a si lo, awlzaang tukin ka chia lo, asinain Man U dirhmun fekte i a um lio te in i dinh hi ka caah thil biapi tuk a si caah cuticun ka tuah ko, tiah a chim Premier League champion hrai hmanh thanuam in an lawm kho lai maw ti awk khin an um. An mawh hrim lo. Arsenal hmaikal hlun nih, Ferguson aa din cang lai timi thawng cu ngaihchia taktak a si, vawleipi kan zatlak a si, tiah a thangṭhat. Kum 26 Man U a um chungah teinak EPL champion hrai voi (13) telh in teinak hrai (38) a lak. Siangpahrang Nu nih Sir minṭhatnak (1999 ah) a rak pek phah kha. A tar nain a mu taktak rihmi hi putar pa lungput le sining cu a thangṭhat lo an um lo. Amah rian chawngtu dingah Everton manager David Moyes a si lai tiah Man U website zongah ṭial a si cang. Everton a boss hlun kuttang ah um ka duh lo ti in hmaikal Rooney chuahdawh in a um ve hoi. Cu zong nih cun lungtuai in a umter hna. Rooney a chuak lai i Ronaldo a lut ṭhan lai tiah a ti zong an um. Goal.com/BBC SPORT Premier League: 1993, 1994, 1996, 1997, 1999, 2000, 2001, 2003, 2007, 2008, 2009, 2011, FA Cup: 1990, 1994, 1996, 1999, 2004 League Cup: 1992, 2006, 2009, 2010 Champions League: 1999, 2008 Cup Winners Cup: 1991 FIFA Club World Cup: 2008 UEFA Super Cup: 1992 Inter-Continental Cup: 1999 FA Charity/Community Shield: 1990 (shared), 1993, 1994, 1996, 1997, 2003, 2007, 2008, 2010, 2011 domh lai tiah theih a si. Man U he teinak tampi a latu Ferguson cungah Kum saupi a thiam bik manager dirhmun in um hi thil fawi a si lo nain anih (Ferguson ) cu a dir kho. Atu le atu in manager i thlennak a um bal lo nain atu cu Man U he hmai kan nor ve cang lai. Ferguson nih a tuahsermi dihlak hi ka thangṭhat, manager mak nih thil mak a tuah ti cu aho nih an al lai lo, tiah a thangṭhat. Moyes nih Everton i a mithiam cheukhat (Fellani, Phil Nevile le Leighton Baines ) zong Man U ah phanhpi a duh hna tiah The Sun thanhca nih a ṭial. Sky Sport Man U manager thar David Moyes kut tang um a duh lo ruangah Rooney nih Man U a chuahtak lai tiah thawng a lengmi hi a dik lo tiah Man U club nih a ti. Kum thlunchuak ti awkin Rooney hi chuah tim phun in a um. Cu chinchap ah Everton a rak um lio a manager ṭhing Moyes kuttang um a duh lai lo ti in cu thawngpang cu a lin chin lengmang. Ferguson rian dinhnak a fian hnu in Rooney nih Ferguson sin ah chuahnak a hal caah Chelsea nih 25 million in an cawk lai ti in Daily Mail thanhca nih a ṭial.cu bia fianternak ah Man U lutlai pakhat nih Rooney zuar kan tim lo, a timh in kan tim hrim lo, tiah a chim. Moyes nih a ṭuan hmasa dingcu Rooney Man U ah hmunhter hi a si ti zong a nolh rih. Real Madrid um C.Ronaldo Man U nih an pehtlaih ti in thawngpang dang zongah a um fawn. Sky Sport Spur manager A. Villas Boas nih Champion League hmun kan i cuhnak ah kan lung a dong lo, kan i zum rih ko tiah a chim. EPL ah maak (points) sang bik team (4) hi Champion League ah tel a si tawn bantuk in Chelsea, Arsenal he i zuamnak cu a caan a sau ngai cang. Atu tiangah Champion Man U le Man City nih hmun an tin nain a dang hmun (2) caah aho dah an si lai ti hi a har ngai rih ko. Chuihding puai (2) lawng a tang i Chelsea nih maak (3), Arsenal nih maak (1) in an lonh. Villa Baos nih, Kanmah result a biapit rupin kan hawile sungh-awn zong nih lai a rel te lai, asinain kan lung a dong lo, a dihdongh tiang kan i zuam ko lai tiah a chim. Spur hi nikum ah 4nk an rak si i Champion League tel kho ding an rak si nain Chelsea nih Champion League champion a si caah an i rak i tel kho lo. soccerymyanmar.com Wale le Spur hmaikal Gareth Bale,23, nih champion hmun kan tin lo (kan sungh) zongah Spur ah ka um ko lai tiah a chim. Cuhlan ahcun Champion League ah Spur kan luh lo ahcun ka chuak lai tiah a rak chim lengmang tawn. Bale nih, Kumthawk tein hi hmun (Champion League) tinco kan i zuam, kan sungh ahcun a poi tak ko hnga. Nikhat hnu nikhat in club he keimah he kan ṭhangcho, a ṭhangcho mi club ah um hi ka caah a ṭha tiah ka ruah, tiah a chim caah Spur club cu an thawpi an chuah cang. Bale nih tukum chungah (zuamnak kip) ah kawl 25 a thun. Soccerway.com Man U manager Ferguson rian chawngtu dingah rian khinh a simi Everton manager David Moyes, kum 50(Scott miphun) nih Man U ah riankhinh a simi cungah lawmnak bia a chim. Man U Club le kum caansau minthang, Ferguson pumpak hrim nih hi rian khinh dingah an ka ruahmi cu ka caah a sunglawi i thangṭhat an ka vuanh ko, thil ropui taktak ka cungah an tuah tiah a chim. Ferguson nih a rian a dinhtak hnu in Man U club le Moyes, kum 50 cu kum (6) chung hnatlak minthu- Man U manager Pu Sir Alex Ferguson cu club caah puai 1498 a hruai hna hnu Pathian ni zanlei ah a caah mah tual(old Trafford) Puai hmanung bik cu Swansea he an chuih lai i Man U a hruainak puai 1499 a si te lai. Ferguson Man U caah puai 1498 chungah puai 894 a tei, 337 tluk le 267 a sung. Ferguson le a mi hna nih Swansea he puai dih in an laktharmi Premier League Sil (Trophy ) pi cu a thlir lai i an champion hrai an lawm lai.---goal.com EPL Stoke vs Tottenham( 8:30 PM MYT); Everton vs West ham, Fulham vs Liverpool, QPR vs Newcastle(10:00 PM); Man U vs Swansea (11:00 PM);Arsenal vs Wigan, Reading vs Man City (3:00 AM) Wednesday Serie A Lazio vs Sampdoria,Napoli vs Siena(9:00 PM) Sunday; Milan vs Roma (2:45 AM ) Sunday ṭim hnu La Liga A. Madrid vs Barcelona(1:00 AM)Sunday ṭim hnu; Malaga vs Sevilla (3:00 AM ) Monday ṭim hnu Zarhtin Chuak Seihnam Cazual Cahmai 11

12 Zarhtin Chuak Seihnam Cazual May 12, 2013 Lairam chuak Hakha kawm solh cawk khawh a si. Hakha in solh cia in a rak phanmi a si. Tlawmte lawng a um caah kawm solh a duhmi nih rianrang in cawk colh ah a ṭha. Aman : Pawng khat = RM4 Cawk khawhnak : ( Pu Ṭha Peng, Solomon Ram Hmun Sang Pu ) Ahmun : JLN Ipoh, Kolam Air Mie Christian Fellowship Chuahmi I Daw Usih Timi DVD Tapphel A Rauh Hlan Ah A Chuak Cang Lai Hlasatu pawl an thiam lengah an hla le an aw hrim zong a ṭha tuk i pumpak pakhat cio nih thapek philh lo ah a ṭha. A man cu RM10 te lawng a si lai. Laimi umnak commnity kip ah rak zuar a si te lai. Hlasatu : Ngun Hlei Ṭial, Bawi Sung, Sui Hniang, Hram Zi Sung, Far Hlawn Sung, Par Tin Ṭial,Ṭha Hnem, Run Hlem, Ngun Len, Bawi Chin Sung, Lily Biak Ngun Ṭial, Van Nei Bik, Sui Uk Mang, Dani Van Cung Hu le Sui Uk hna na si. Hlaphantu : Herh Lian Hniang Ceu Ling Remh Cung Ṭial Hlei Mang Khar Luai Sui Uk Za Hre Uk Lai Kam Thang Myo Htun Lai coat, Suit coat, Double coat, Matu coat, Nu coat, Pen-shirt, tbt pawl cu lungtling taktak in ṭhitter khawh a si. A cunglei i langhtermi chungah hin na ṭhit duhmi a um ahcun a tanglei ah langhtermi phone no. le address ahhin pehtlaihnak tuah law na duhning phunte in ṭhitpiak na si lai. Pehtlaihnak : U Cung ( ) Address : 28C, Jalan Horley Off - Jalan Imbi [ ICH hmai i inn a cungcem dot] Dictionary A Lak In Phone chungah Download Khawh A si Chin-English English-Chin English-Burmese Download tuahnak : Lai Bible Thiang cu Malaysia CCCM Nu Bu sinah cawk khawh a si cang. May 5, 2013 ni thok in cawk khawh cuahmah a si cang. Tampi a um lo caah cawh i hnawhnam lo ahcun tin lo a fawite. Aman : RM 30/ukkhat Pehtlaihnak : Van Bik Dictionary [ English- Chin ] Cawk Khawh A Si Kut-put Van Bik Dictionary ( Eng- Chin ) cu CSO Imbi ah cawk khawh a si cang. Tlawmte lawng a phanh caah a tanglei phone number le address ahhin rianrang in na cawk lo ahcun tin lo a fawi. A man : RM 35 Contact : Sayama Darku ( ) A hmun : CSO Imbi Hlatnak : , , Angeitu : Mie Christian Fellowship [No.66-2 Wisma Mahamewah Jalan Sungai Besi ( Farja Lama ), 57100, Kuala lumpur, Malaysia ] Refrigerator ( yikhetatṭa ) A Rawkmi Siam Na Duh Ahcun Siam Khawh A Si Nan refrigerator a rawh sual ahcun a thar cawk hau loin siam khawh a si. Refrigerater hi Malaysia dirhmun in kan tah a si ahcun inn khat nih pakhat in kan ngeih dih ciomi a si, hman lo awk a ṭha lomi thilri ah a cang. Cucaah, nan refrigerater a rawh sual a si ahcun, zeihmanh na lungre thei hlah, a rawh le cangka tein a tanglei phone number kan vun ṭialmi ahhin chawn law nan inn ah an rak siampiak hna lai. Pehtlaihnak : U Mang Hlei ( ) Umnak : Cheras Alam Jaya, Block D, Room 11A, 1 st Floor. SEIHNAM A Ngeitu CSO [Malaysia] Editor In Chief Ṭial Lian Thang Editor Bawi Thawng Chungtel Hoi Cung Ram Nei Hmung Khamh Bawi Hum Khua Tlir Cung Ṭha Ruahnak petu Rev. Sang Hre John Kham Ca Kuat Khawhnak csoseihnam@gmail.com t.confiqueror@gmail.com Chawnh Khawhnak A Man : RM 2 Phawtzamhnak Jalan Imbi (CCF-Imbi Chapel), Imbi (CSO), Fiakfairok Rawldawr, Emanuel Rawldawr, Cheras (CCF & CSO), Puchong (CCF), Klang (CCF), Jalan Ipoh, Sentul ( CSO ), Senthang Fellowship, MiE Fellowship (Sg.Besi), Saremban (CCF), Loke Yew (CSO), Sg.Buloh (CCF), Jalan Damai, Sg.Long, Bualpeng Fellowship (Maluri), ZACF (Seremban) CSO Caah Tiin Pumpak In Seihnam Ah Zaanghlei Cawipiaktu Thomas Thawng Hlei Zing Men Ṭial Van Khin Par Dawt Chin Par Zarhtin Chuak Seihnam Cazual Cahmai 12