Slide 1

Size: px

Start display at page:

Download "Slide 1"

司士麴
5 years ago
Views:

1 Zunh Doz/Sermon Oix Zuqc Zipv, Ei, Douc Ziouv Nyei Waac James/Yaagorpc 1:19-27 Zeuz, YauzSing 1

2 Introduction/Gorngv Jiex Gorn Waac: Yiem Jiu-bang buoqc zangc se benx ziangh hoc dongh Tin-Hungh donv, njaaux, kuinx caux orn sienx Ninh nyei mienh yiem norm-norm buoqc zangc hnoi. Weic duqv haiz, duqv hoqc, hnangv haaix nor dorh Ziouv nyei waac daaih longc duqv horpc yiem maengc. (Yiem 2 Ti^mo^tai 3:16 Douc-douc Ging-Sou, Tin-Hungh dorh mienh fiev yaac maaih lamh longc weic njaaux mienh, weic gorngv-hemx mienh, weic zorc mienh zoux dorngc nyei dorngx, weic njaaux mienh zoux horpc nyei jauv. Mbuo daaih buoqc zangc weic ceng TinHungh, weic muangx ninh nyei waac, zunh doz nyei mouz deic se weic oix bun mienh bieqc hnyouv Tin-Hungh nyei waac haih dorh mingh longc duqv horpc yiem maengc, liuz maengc duqv yienc weic haiz, yaac ei jienv Ziouv nyei waac zoux. Ei Ziouv nyei waac nyei mienh yaac oix douc Ziouv nyei waac mbuo ganh dauh mienh weic Ziouv nyei waac hnangv haaix nor yienc ninh mbuo nyei maengc. (Yiem Yaagorpc 1:22 Maiv dungx nduov ganh laaic haiz liuz doz ziouc gaux aqv. Daaux nzuonx oix zuqc ei jienv zoux). Yaagorpc gorngv nyei waac yiem naaiv douc ging-sou se, mbuo buangh zuqc sic yiem maengc, mbuo hnangv haaix nor dau fai zoux ziouc biux mengh mbuo duqv nyei. Diev duqv mbuo buangh nyei ziouc duqv yietc liuz nyei maengc, ei mbuo zuqc seix nyei zoux ziouc zuqc daic. Weic naaiv mbuo sienx Tin-Hungh nyei mienh, maiv gunv maaih haaix nyungc domh nziaaux daaih mbuo oix zuqc muangx zipv Ziouv nyei waac, ei Ziouv nyei waac (dorh daaih longc yiem maengc), caux zunh Ziouv nyei waac 2

3 A. Zipv Ziouv Nyei WAAC (v.19-21) 1. Siepv-siepv nyei muangz (v 19a) Ziouv nyei waac dongh mbuo buangh zuqc sic nyei ziangh hoc. Maiv daan zipv, bungx hnyouv, yaac ei jienv zoux. Maaih mienh daaih muangx camv mv baac maiv haiz, maaih deix haiz yaac maiv ei. Haaix dauh maaih m normh oix zuqc baeng m normh muangx longx singx lingh hnangv haaix nor mbuox zuangx jiu-baang (Laauc Yaangh 2:7, 11,17, 29; 3: 6;13;22) 2. Maiv dungx zoux nzuih siepv (19b) Maiv dungx nqopv fai guaix taux mbuo buangh zuqc nyei sic, 1). Mbuo maaih I norm m normh yietc norm nzuih (muangx I gouv gorngv yietc gouv) 2). Maiv dungx caux Tin-Hungh nyei waac doic dekc, maiv gunv gorngv cuotv nyei fai yiem hnyouv hnamv nyei haaix dauh gunv duqv ninh nyei nzuih gunv duqv ninh nyei maengc (Congmengh 13:3) 3. Maiv dungx qiex jiex siepv (19c) Weic zuqc mienh qiex jiez maiv haih zoux maiv cuotv Tin-Hungh horpc haic nyei za'eix (v.20). qiex jiex nyei jauv zoux bun mbuo zoux nyei maiv haih doix diuh Tin-Hungh nyei waac. Qiex jiex fai hnyouv im taux buangh zuqc nyei sic. 4. Oix zuqc suonc hnyouv muangx Tin-Hungh zuangx jienv meih mbuo nyei hnyouv nyei doz, (v. 21) Maaih haih njaaux duqv nyei hnyouv, maaih maiv cai Tin-Hungh nyei hnyouv. *mbuo nyei hnyouv se hnangv ndeic sueih ga naaiv ganh cuotv nor kungx cuotv miev hnangv. Yaa^gorpc gorngv heuc mbuo baeng cuotv miev fai guangc nzengc yietc zungv laih hlopv nyei orqv sic, zuangc jienv Tin-Hungh nyei waac yiem mbuo nyei hnyouv. Gengh oix zuqc mbenc hnyouv zipv Tin-Hungh nyei waac hnangv mbuo mbenx ndau zuangh ga naaiv nor. Ih ndorm meih mbuo daaih naaiv, meih mbuo mbenc jienv daaih haiz Tin-Hungh nyei waac fai, daaih zoux leiz maiv zeiz gorngv maiv mingh nor nzauh ninh mbuo..fai meih mbuo hnamv jienv daaih weic oix haiz Tin-Hungh nyei waac gorngv njaaux, orn, donv meih mbuo nyei hnyouv. 3

4 B. Ei Ziouv Nyei WAAC (v.22-25) 1. Yaagorpc dorh Ziouv nyei waac mingh beiv gingx, hnangv gingx hinc ga nyiec bun mbuo buatc Ziouv nyei waac hinc ga nyuoz hnyouv. Yaagorpc gorngv, Maiv dungx nduov ganh laaic haiz liuz doz ziouc gaux aqv. Daaux nzuonx oix zuqc ei jienv zoux (v.22) a). kungx hoqc, kungx doqc, kungx haiz, kungx hiuv, kungx nzaamc, se maiv gaux, oix zuqc ei jienv zoux. b). Ei maih eix-leiz gorngv bun Ging-sou yienc mbuo nyei maengc. Se gorngv ih ndorm meih daaih naaiv liuz aengx nzuonx mingh mv baac corc dongh wuov lanh mienh meih se maiv haiz, maiv muangz yaac maiv ei Tin-Hungh nyei waac weic zuqc meih nyei maengc maiv yienc. 2. Mbuo oix zuqc longx-longx nyei zaah ganh hnangv mbuo mangc ginx nor, longx Ziouv nyei waac zoux gingx mangc mbuo nyei maengc. Naaiv se mbuo ganh hiuv hnangv mienh maiv hiuv, mbuo nyei siqc jeiv maengc (private), maiv zeiz dorng/domh zuangx nyei maengc (public). Yaagorpc gorngv, Haaix dauh haiz liuz doz yaac maiv ei jienv zoux, se hnangv dauh mienh longc gingx mangc ninh ganh nyei hmien. Mangc liuz, ziouc mingh mi'aqv. Yaac la'kuqv nzengc ninh ganh nyei hmien-mueic hnangv haaix nor. (v ) 3. Ging-sou nyei waac hnangv gingx nor tengx mbuo buo nyungc, Zaah ganh, mangc ganh nyei maengc, hnangv ndie sai nor, longx nyei ndie sai se longc ziangh hoc zaah cuotv baengc, yaac gorngv zien mbuox baengc mienh ninh nyei baengc. 4. Maiv zeiz haiz duqv fuqv, ei jienv zoux wuov deix duqv fuqv(v 25) Maiv zeiz gorngv doqc ging-soux zoux bun mbuo a hneiv, maaih lamh hnamv mv baac ei ging-sou zoux bun mbuo maaih lamh hnamv. Maiv zeiz sou mv baac sou nyei eix-leiz, njaaux nyei. Maaih mienh laic duqv maaih ging-sou nor haih tengx mv baac maiv ei maiv haih tengx maiv haih yienc maengc. Ziouv nyei waac mbuo oix zuqc zipv, yaac oix zuqc ei jienv zoux. 4

5 C. Douc Ziouv Nyei WAAC (v ) 1. Mbuo zipv liuz Ziouv nyei waac mbuo ei jienv zoux liuz nor mbuo horpc zuqc douc Ziouv nyei waac, naaiv se benx mbuo sienx Giduc mienh nyei dorng zuangx maengc (public life) Yaagorpc gorngv, Haaix dauh funx ninh ganh sienx duqv longx mv baac maiv gunv ganh nyei nzuih nor, se kungx nduov ganh hnangv. Ninh sienx nyei jauv maiv lamh longc aqv. Ei Zangc Diex Tin-Hungh mangc, mbuo sienx duqv horpc, zoux cingnzengc se hnangv naaiv. Buatc guh hanh dorn caux auv-guaav ndortv naanc, oix zuqc goux. Yaac oix zuqc goux jienv ganh, maiv bun baamh gen nyei haaix nyungc jauv guoqv mbuo laih hlopv.) Gan/sienx longx Tin-Hungh nyei mienh se maiv zeiz zoux ei leiz, mv baac gunv duqv ganh nyei bietc, zoux longx bun mienh, caux goux ganh nyei hnyouv cingnzengc. 2. Buo nyungc mbiuv gorngv taux zien nyei zangc Tin-Hungh fai sienx longx Tin-Hungh nyei mienh. (1) Gunv duqv ganh, ganh nyei nzuih, weic zuqc nzuih gorngv cuotv yiem hnyouv nyei. Hnyouv biux mengh maengc (2) Maaih hnyouv cau-fim taux mienh, guh hanh dorn caux auv-guaav ndortv naanc, oix zuqc goux se qiemx zuqc jiex mienh korh lienh dongh maiv maaih cien ceqv nyei mienh.(3) Goux jienv ganh maiv bun baamh gen nyei orqv guoqv zuqc la hlopv. 3. Tin-Hungh oix mbuo zoux cing-nzengc weic ninh se cingnzengc (1 Bide 1:16), mbuo oix zuqc zoux sic puix sienx TinHungh nyei mienh. 4. Maaih ziangh hoc mbuo douc Tin-Hungh nyei mv baac liemh maiv zuqc gorngv yietc jouc waac, weic zuqc mbuo nyei maengc norm-norm ziangh hoc douc jienv nyei, mv baac se gorngv Tinhungh koi gaengc fai bun qiangx oix zuqc longc nzuih douc, 5

6 Application of Doctrine to Duty: 1. Se gorngv Tin-Hungh nyei waac mengh nyei gorngv fai mienh zunh daaih mengh nyei mbuo oix zuqc zipv, oix zuqc ei, yaac douc tong mbuo nyei maengc weic mbuo ei, yaac douc tong mbuo nzuih weic mbuo gorngv taux Ziouv nyei mengh, Ziouv nyei kuv fienx. Weic mbuo zipv Ziouv nyei waac, ei Ziouv nyei waac mbuo nyei maengc gengh goiv yienc zuangv Yesu camv jienv mingh mbuo caux Tin-Hungh caux mienh nyei jiu-tong yaac yienc jienv mingh. 2. Naaic gaax ganh, yie doqc Ziouv nyei waac, yie haiz Ziouv nyei waac yie zipv nyei fai? Yie zipv Ziouv nyei waac orn, donv, njaaux, henx, yienc yie nyei fai? Yie nyei nzuih hnangv haaix nor? Yie goux jienv yie nyei nzuih nyei fai? Longx nyei sic yiem yie nyei nzuih cuotv nyei fai? Yie zoux longx bun dongh maiv haih winh nzuonx bun yie nyei mienh nyei fai? (Matv^tai 5:46-47) 3. Se gorngv Sienx Tin-Hungh nyei mienh buangh zuqc sic yiem maengc, ninh mbuo haih zieqv duqv yaac haih biux mengh gorngv ninh mbuo maaih haaix nyungc sienx fim fai haaix nzangh sienx fim. Buangh zuqc sic yiem maengc maiv daan haih biux mengh mbuo maaih nyei sienx fim mv baac haih ceix mbuo nyei sienx fim bun mbuo haih jaa bungx hnyouv mbuo nyei TinHungh se gorngv mbuo ZIPV NINH NYEI WAAC, EI NINH NYEI WAAC, YAAC DOUC NINH NYEI WAAC. 6

Slide 1

CrossPointe Mien Baptist Church Zunh Doz/Sermon Bungz Nqoi Yiem Zien Leiz (Yesu) Yo^han 8:31-32;Yo^han 14:6 Zeuz, Yauzsing Introduction Bilaatv aengx naaic Yesu, Zien leiz se haaix nyungc? (Yo^han 18:38)