Biblical Counseling Lesson Ging-Sou Horh Kuinx Nyei Waac Biux Mengh Waac Naaiv buonv sou se lengc jeiv fiev daaih tengx dorh jiu baang nyei mienh long

Transcription

1 Biblical Counseling Lesson Ging-Sou Horh Kuinx Nyei Waac Biux Mengh Waac Naaiv buonv sou se lengc jeiv fiev daaih tengx dorh jiu baang nyei mienh longc yiem horh kuinx jiu Baang nyei jauv, dongh jiu-baang mienh maaih guaix ngoic nyei jauv nyei ziangh hoc. Naaiv buonv sou gu nyuoz se maaih ziex nyungc hoc daauh, yaac maaih ziex nyungc jauv tengx daav za eix, fai tengx meih hnamv taux hnangv haaix nor bun-jaev sic daauh jauv, dongh jiu-baang mienh maaih guaix ngoic nyei jauv daaih lorz taux meih nyei ziangh hoc. Weic zuqc meih se benx tengx Yesu goux Ninh nyei yungh nyei mienh, mbuo hiuv duqv dorh jiu-baang nyei laanh laanh mienh se benx Yesu ganh heuc daaih ginv daaih tengx Ninh goux longx Ninh nyei jiu-baang nyei mienh. Se gorngv Ninh maiv ginv nor, mbuo zungv maiv haih duqv tengx ninh zoux haaix nyungc gong. Weic naaiv mbuo laanh laanh mienh dongh maaih buonc duqv benx Yesu nyei goux ba gi yungh mienh fai duqv zipv dorh jiu baang nyei gong nyei mienh. Mbuo gengh oix zuqc longc nzengc mbuo nyei hnyouv zoux, ziux Tin-Hungh bun mbuo maaih nyei cong-mengh banh zeic jauv, yaac ziux dongh mbuo haih zoux duqv nyei dorngx. Dongh Yesu oix leih nqoi naaiv baamh gen wuov zanc, Ninh yaac jaa waac mbuox Bide tengx Ninh goux longx Ninh nyei ba gi yungh, Ninh maiv zeiz kungx gorngv hnangv, Ninh yaac zorqv Bide nyei waac buo nzunc, jaa buo nzunc waac mbuox Bide oix zuqc yungz longx ninh nyei ba gi yungh dorn, yaac uix longx ninh nyei ba gi yungh. Wuov zanc dongh Yesu daaih lorz Bide tengx Ninh goux Ninh nyei ba gi yungh nyei ziangh hoc, Yesu hnangv naaiv nor caux Bide gorngv..,"yo^han nyei dorn, Simon aah! Meih za'gengh hnamv yie gauh camv naaiv deix fai?" Bide dau, "Ziouv aah! Yie hnamv nyei lorqc. Meih hiuv duqv yie hnamv meih nyei." Yesu gorngv mbuox ninh, "Meih yungz yie nyei ba'gi yungh dorn oc." 16 Yesu aengx naaic da'nyeic nzunc, "Yo^han nyei dorn, Simon, aah! Meih za'gengh hnamv yie nyei fai?" Simon dau, "Ziouv aah! Hnamv nyei lorqc. Meih hiuv duqv yie hnamv meih nyei." Yesu gorngv mbuox ninh, "Goux longx yie nyei ba'gi yungh oc." 17 Yesu aengx naaic da'faam nzunc, "Yo^han nyei dorn, Simon aah! Meih hnamv yie nyei fai?" Yesu naaic taux da'faam nzunc, "Meih hnamv yie nyei fai?" Bide ziouc haiz hnyouv mun haic. Ninh gorngv, "Ziouv aah! Meih hiuv duqv maanc sic. Meih hiuv duqv yie hnamv meih nyei." Yesu mbuox ninh, "Goux longx yie nyei ba'gi yungh oc. (Yo^han 21:15-17). Nqa haav mbuo yaac buatc Bide za gengh longc nzengc ninh nyei hnyouv ziux goux Ziouv nyei ba gi yungh, mv daan mbuoqc naaiv hnangv, mbuo yaac buatc ninh yaac cauh fim taux, dorh jiu-baang nyei mienh maiv goux longx Ziouv nyei ba gi yungh, Bide gorngv mbuox dorh jiu-baang nyei mienh gox, Yie kuinx yiem meih mbuo naaic jiu-baang nyei zuangx mienh gox. yie yaac zoux mienh gox, yaac zoux Giduc siouc kouv nyei zorng-zengx. Yie yaac oix juangc jienv zipv nqa'haav oix hinc cuotv nyei njang-laangc. 2 Yie kuinx meih mbuo goux longx Tin-Hungh bun meih mbuo goux wuov guanh mienh hnangv goux ba'gi yungh mienh goux ninh mbuo nyei ba'gi yungh nor. Oix zuqc buangv hnyouv goux, hnangv Tin-Hungh oix meih mbuo zoux nor, maiv zeiz hnangv zuqc aapv jienv zoux. Yaac maiv dungx zoux weic douh duqv nyaanh. Oix zuqc buangv hnyouv zoux. 3 Yaac maiv dungx gunv ba'laqc hniev Tin-Hungh bun meih mbuo goux wuov deix. Oix zuqc zoux longx nyei nyungc zeiv bun ninh mbuo zuotc. 4 Taux Giduc, dongh Goux Ba'gi Yungh nyei Domh Ziouv, daaih wuov zanc, meih mbuo ziouc duqv maiv haih mitc nyei njang-laangc ningv. 5 Meih mbuo lunx wuov deix m'jangc dorn fih hnangv nyei oix zuqc mbuoqc gox wuov deix gunv. Oix zuqc nyiemc ganh zoux faix, laanh fu-sux laanh, weic zuqc Ging-Sou gorngv, "Tin-Hungh ngaengc jienv zoux maux nyei mienh, mv baac ninh ceix en bun nyiemc ganh zoux faix wuov deix." 6 Hnangv naaic oix zuqc nyiemc ganh zoux faix yiem Tin-Hungh maaih qaqv nyei buoz-ndiev. Taux ninh dingc nyei ziangh hoc ninh ziouc taaih meih mbuo faaux. (1 Bide 5:1-6). 1

2 Naaiv buonv sou se benx Ging-Sou nyei waac, yiem Ging-Sou gu nyuoz ginv cuotv daaih, weic longc tengx orn hnyouv caux horh kuinx njaaux nyei waac. Mbuo baamh mienh, laanh laanh mienh yiem naaiv seix zaang buangh zuqc sic caux maaih kuonx hnyouv nyei ziangh hoc se qiemx mienh orn hnyouv nunz mbuo. Maaih deix ziangh hoc mbuo nyei sin kouv, maaih deix mbuo nyei hnyouv kouv, yietc zungv yaac qiemx zuqc maaih kuv waac daaih orn mbuo nyei hnyouv. Naaiv buonv sou se benx Tin-Hungh ganh nyei waac orn mbuo nyei hnyouv. Tin-Hungh dau mbuo baamh mienh nyei waac-naaic jauv, yiem ninh nyei waac Ging-Sou. Dongh mbuo hnoi-hnoi buangh nyei sic, caux zoux nyei jauv, yiem mbuo nyei maengc hnoi-hnoi buangh nyei jauv longx fai ciouv, Tin-Hungh biux mengh mbuox mbuo, bun mbuo hiuv duqv. Mv baac mbuo ganh maiv haih longc, maiv haih mbaih, mbuo cingx daaih maiv hiuv duqv hnangv haaix nor. Hnangv naaiv, yie oix dorh daaih mbaih bun mienh muoz dauh dauh dongh maaih hnyouv oix hoqc, oix hiuv nyei wuov deix, hnamv jienv haih tengx duqv meih mbuo mengh baec taux Tin-Hungh nyei za eix caux ziux goux mbuo nyei jauv hnangv haaix nor. Yiem naaiv buonv sou gu nyuoz, yie oix biux mengh camv nyungc jauv taux mbuo baamh mienh nyei maengc hnoihnoi buangh nyei jauv bun meih mbuo hiuv. Naaiv buonv sou nyei mouz deic fai bung-hungx daauh se fiev daaih weic tengx zoux gong nyei mienh. Dauh dauh fin-saeng fai jiu baang nyei mienh gox qiemx zuqc zoux maqc jiex nyei jauv se hnangv tengx horh kuinx jiu baang mienh maaih laqc nyauv nyei sic, orn hnyouv nyei jauv, maaih mienh nzuonx seix fai daic nyei ziangh hoc, fai buangh zuqc sic nyei ziangh hoc, fai butv baengh nyei jauv. Meih nyei gong se jienv haic, maiv zeiz kungx dongh yiem leiz-baaix biauv gu nyuoz zoux leiz-baaix nyei ziangh hoc hnangv, yiem ga nyiec maengx yaac jienv fih hnangv nyei. Haaix zanc meih bieqc taux Jiu baang mienh nyei maengc, maaih ziangh hoc, meih maaih njien-youh a hneiv, maaih ziangh hoc, meih oix zuqc nzauh, maaih deix mienh nziex lingh wuonh benx domh mienh, maaih deix nziex jiex gorn deng-deng hlo hnangv. Naaiv deix njaaux nyei waac caux dongh meih qiemx zuqc nyei jauv tengx meih liuc leiz meih nyei gong tengx dongh sienx fim hlaang caux sienx fim aiv nyei mienh. Fungx zong fai biopv sei nyei leiz baaix se benx yietc nyungc aqc jiex nyei jauv bun finsaeng mbenc zunh doz nyei waac. Maaih deix ziangh hoc mienh oix jangx taux zinh ndaangc ninh mbuo dorng jaa nyei ziangh hoc nyei fangx zeiv hnangv. Ninh mbuo maiv oix jangx taux biopv sei nyei jauv. Haaix zangc meih mbenc zunh doz yiem fungx zong nyei jauv, se benx norm longx nyei ziangh hoc bun meih haih biux mengh taux Tin-Hungh nyei hnamv bun dongh zuqc nzauh nyei mienh. Meih zunh nyei doz weic oix bun zuqc nzauh nyei hmuangv doic, haih duqv orn hnyouv, bun ninh mbuo maaih lamh hnamv yiem Tin-Hungh. Bun muangx nyei mienh haih nzuonx daaih lorz Tin-Hungh, bun maiv sienx nyei mienh duqv haiz, yaac duqv goiv hnyouv nzuonx daaih sienx Tin-Hungh, bun maiv nitv Tin-Hungh nyei mienh haih daaih nitv fatv Tin-Hungh. Maaih camv-nyungc jauv, meih mbuo benx longc jienv nyei mbu ndongx-mienh yiem naaiv deix ziangh hoc. Meih mbuo benx longc jienv nyei mienh, weic zuqc meih mbuo yiem ziangh jienv nyei mienh caux daic mingh nyei mienh mbu ndongx, maaih mienh camv nyei maiv hiuv duqv hnangv haaix nor zoux. Maaih deix ziangh hoc yiem Leiz-Baaix Biauv mbuo liemh zungv maiv oix gorngv taux daic nyei jauv. Maaih deix mienh gorngv taux daic, mv baac naaiv maiv zeiz dongh mbuo oix muangx nyei jauv. Yiem mienh mbenc fai liuc leiz daic mingh wuov dauh mienh nyei sin sei nyei ziangh hoc, ziouc maaih la nyauv nyei jauv taux zinh nyaanh nyei jauv, caux biopv sei nyei jauv. Maaih deix guoqv zangc yaac la nyauv taux hungh jaa nyei leiz-fingx jauv, weic naaiv deix jauv ziouc haih tor mingh taux norm baav leiz-baaix nyei ziangh hoc yaac maaih. Yiem naaiv deix jauv zoux bun daic wuov laanh mienh nyei hmuangv doic caux cien-ceqv maaih kuonx hnyouv caux nzauh nyei jauv camv faaux, m nziex meih oix zuqc tengx jienv liuc leiz taux naaiv buoqv jauv, nyungc zeiv se hnangv naaiv, tengx lorz zoh, lorz deic, lorz dorngx lo haaix. Yiem naaiv deix ziangh hoc, meih caux ndortv mingh wuov laanh mienh nyei hmuangv doic gorngv waac nyei jauv, se oix zuqc faix fim nyei. Meih oix zuqc hiuv duqv haaix nyungc horpc zuqc gorngv, haaix nyunc maiv horpc zuqc gorngv, se gorngv maiv faix fim nor, nziex meih haih zoux bun ninh mbuo hnyouv mun, yaac zoux bun ninh haih leih go Tin-Hungh. 2

3 Jiex daaih oix bun mbuo hnamv taux mbuo longc nyei Ging-Sou yiem naaiv deix ziangh hoc. Mbuo doqc nyei Ging-Sou biux mengh bun dongh daic mingh wuov laanh mienh nyei hmuangv doic hiuv duqv Tin-Hungh hnamv ninh mbuo, Tin-Hungh ziux goux ninh mbuo, Tin-Hungh maaih lingc maaih qaqv zoux nyungc-nyungc. Tin-Hungh maiv guangc ninh mbuo. Naaiv buonv sou nyei mouz deic se fiev daaih bun zoux gong nyei mienh longc zoux gong yiem Jiu bang, ndorm zinh nziouv hmuangx bieqc cuotv zanc-zanc buangh zuqc nyei sic, longc yiem horh kuinx jiu bang mienh nyei la nyauv sic. Horh kuinx nyei jauv, mouz deic se oix bun dongh qiemx zuqc horh kuinx wuov laanh mienh haih duqv zipv dongh ninh qiemx zuqc nyei jauv caux oix bun ninh zieqv duqv ninh ganh zoux dorngc nyei jauv, weic zuqc mienh buangh zuqc sic nyei jauv se gauh camv jiex se maaih buonc benx ganh nyei dorngc. Hnangv Ging-Sou gorngv, Maiv dungx nduov ganh. Maiv maaih haaix dauh haih nduov duqv Tin- Hungh. Mienh zuangx haaix nyungc ziouc siou duqv wuov nyungc. 8 Se gorngv mienh sueih ganh nyei hnyouv hanc zoux se hnangv zuangx nyim njiec ndau nor, siou daaih nyei se bun ninh zuqc daic. Mv baac mienh ei Singx Lingh zuangx, Singx Lingh ziouc bun ninh siou daaih nyei se yietc liuz nyei maengc. (Gaa^laa^tie 6:7-8). Mienh zoux dorngc nyei sic se ziux ninh mbuo ganh nyei hnyouv hanc zoux nyei jauv, setv mueiz ninh mbuo ziouc duqv zipv dongh ninh mbuo zoux nyei gong-zinh (Lomaa 6:23; Yaagorpc 1:12-15). Ziux goux caux horh kuinx jiu baang nyei jauv se benx Ziouv Yesu nyei cauh fim jauv, Yesu duqv paaiv Bide zoux naaiv deix gong dongh Ninh leih baamh gen nyei ziangh hoc wuov zanc Yo^han 21:15-19 Nyanc liuz lungh ndorm, Yesu gorngv mbuox Simon Bide, "Yo^han nyei dorn, Simon aah! Meih za'gengh hnamv yie gauh camv naaiv deix fai?" Bide dau, "Ziouv aah! Yie hnamv nyei lorqc. Meih hiuv duqv yie hnamv meih nyei." Yesu gorngv mbuox ninh, "Meih yungz yie nyei ba'gi yungh dorn oc." 16 Yesu aengx naaic da'nyeic nzunc, "Yo^han nyei dorn, Simon, aah! Meih za'gengh hnamv yie nyei fai?" Simon dau, "Ziouv aah! Hnamv nyei lorqc. Meih hiuv duqv yie hnamv meih nyei." Yesu gorngv mbuox ninh, "Goux longx yie nyei ba'gi yungh oc." 17 Yesu aengx naaic da'faam nzunc, "Yo^han nyei dorn, Simon aah! Meih hnamv yie nyei fai?" Yesu naaic taux da'faam nzunc, "Meih hnamv yie nyei fai?" Bide ziouc haiz hnyouv mun haic. Ninh gorngv, "Ziouv aah! Meih hiuv duqv maanc sic. Meih hiuv duqv yie hnamv meih nyei." Yesu mbuox ninh, "Goux longx yie nyei ba'gi yungh oc. 18 Yie gorngv zien mbuox meih, meih lunx wuov zanc meih ganh zorng sin sai houx-hlaang sueih eix bieqc cuotv. Taux meih gox daaih, meih oix zuqc sung buoz bun mienh tengx meih sai houx-hlaang dorh meih mingh dongh meih maiv oix mingh nyei dorngx." 19 Yesu hnangv naaic gorngv weic bun cing Bide oix hnangv haaix nor daic bun mienh taaih Tin-Hungh. Yesu aengx gorngv mbuox Bide, "Meih gan yie oc." Mbuo buatc nqa haav Bide yaac fih hnangv nyei kuinx jiu baang nyei mienh gox oix zuqc goux longx jiu baang (Yesu nyei ba gi yungh) hnangv Yesu mbuox ninh wuov nor 1 Bide 5:1-4 Yie kuinx yiem meih mbuo naaic jiu-baang nyei zuangx mienh gox. yie yaac zoux mienh gox, yaac zoux Giduc siouc kouv nyei zorngzengx. Yie yaac oix juangc jienv zipv nqa'haav oix hinc cuotv nyei njang-laangc. 2 Yie kuinx meih mbuo goux longx Tin-Hungh bun meih mbuo goux wuov guanh mienh hnangv goux ba'gi yungh mienh goux ninh mbuo nyei ba'gi yungh nor. Oix zuqc buangv hnyouv goux, hnangv Tin-Hungh oix meih mbuo zoux nor, maiv zeiz hnangv zuqc aapv jienv zoux. Yaac maiv dungx zoux weic douh duqv nyaanh. Oix zuqc buangv hnyouv zoux. 3 Yaac maiv dungx gunv ba'laqc hniev Tin-Hungh bun meih mbuo goux wuov deix. Oix zuqc zoux longx nyei nyungc zeiv bun ninh mbuo zuotc. 4 Taux Giduc, dongh Goux Ba'gi Yungh nyei Domh Ziouv, daaih wuov zanc, meih mbuo ziouc duqv maiv haih mitc nyei njang-laangc ningv. 3

4 Ziux Goux Jiu Baang Nyei Gouv-Douh (History of Pastor Care) 1 Ziux goux Jiu Baang fai goux longx sai-gorx naaiv joux waac, Ang^gitv Waac heuc Pastoral care Hnangv naaic, nzutv zunv daaih nyei eix-leiz se, Dorh jiu-baang nyei mienh caux jienv jiu-baang doic se oix zuqc dongh hnyouv nyei tengx jienv liuc leiz taux jiu baang nyei sin zaangc, hnyouv zaangc, caux lingh wuonh qiemx zuqc nyei jauv, se oix zuqc kaux Ging-Sou caux jienv Singx Lingh tengx jienv liuc leiz dongh mbuo buangh zuqc nyei la nyauv sic fai guaix ngoic nyei jauv. Cuotv liuz naaiv, aengx maaih mienh camv nyei duqv gorngv taux Goux longx sai-gorx nyei jauv, naaiv joux waac nyei eix-leiz se maaih hnangv naaiv: (1) Goux longx sai-gox se yiem Giduc Mienh mbu ndongx laanh tengx laanh. Yaac tengx naaiv baamh gen nyei mienh dongh Ziouv Yesu weic ninh mbuo daic wuov deix mienh caux jienv. (2) Goux longx sai-gorx se tengx mienh nyei gong, se yietc zungv maaih jiu tong doic longx nyei, yaac hiuv duqv yietc dauh yietc dauh nyei banh zeic, yietc zungv daaih gapv jienv liuc leiz taux guaix ngoic nyei jauv, weic tengx ninh mbuo bun ninh mbuo nyei lingh wuonh haih hlo jienv faaux, maiv zuqc maaih guaix ngoic nyei jauv. (3) Goux longx sai-gorx nyei jauv se benx goux jiu-baang mienh gox caux jiu baang ziqv sic mienh nyei gong, goux jiu baang nyei mienh gox caux jiu baang nyei borng-buoz mienh oix zuqc lomh nzoih tengx jienv dengv taux naaiv ginc jiu baang nyei gong, yaac dorh mienh njaaux mienh bun maaih banh zeic wuov caux haih longc duqv Ging-Sou horpc nyei wuov deix mienh tengx jienv liuc leiz jiu baang buangh zuqc nyei la nyauv sic fai jiu baang mienh maaih nyei guaix ngoic nyei jauv. (4) Goux longx sai-gorx se caux mienh jiu tong nyei za eix, dorh kuv fienx mingh taux dongh deng-deng buangh zuqc guaix ngoic fai dongh maaih sic wuov deix mienh. (5) Goux longx sai-gorx se dongh mienh longc noic nyei dorh kuv fienx mingh taux mienh, weic bun ninh hiuv duqv ninh se benx domh sai-mienh, weic bun ninh tengx mienh yaac goux sienx fim ei jienv Ging-Sou, sienx duqv horpc nyei jauv. (6) Goux longx sai-gorx nyei jauv se benx fin-saeng caux jiu baang mienh gox, jiu baang borng-buoz mienh nyei gong, goux longx sai-gorx se goux jienv jiu baang mienh nyei sienx fim caux lingh wuonh nyei jauv, maiv bun zuiz caux jaav nyei jauv daaih hoic daaih nduov jiu baang mienh, weic zuqc jiu baang fin-saeng caux jiu baang mienh gox, caux jiu baang nyei borng-buoz mienh se benx yiem zuangx mienh mbu ndongx ginv daaih nyei mienh. (7) Giduc Mienh tengx goux, tengx qaqv, nuqv jauv, tengx dongh buangh zuqc guaix ngoic jauv nyei mienh maaih jauv cuotv maiv zuqc nzauh, ninh maaih hnyouv hnamv mienh yaac gengh siev jienv ganh tengx mienh. (8) Goux longx sai-gorx se benx goux jiu-baang nyei mienh nyei gong caux dauh dauh Giduc Mienh nyei gong. Oix zuqc tengx dauh dauh mienh nyei lingh wuonh, yaac bun ninh mbuo hiuv duqv Tin-Hungh lengc jeiv bun hatc maaz dauh dauh Giduc mienh tengx baamh gen mienh. (9) Goux longx sai-gorx se benx dauh dauh goux jiu-baang nyei mienh nyei buonc gong, ninh oix zuqc tengx dauh dauh mienh bun ninh mbuo haiz cauh fiem taux dongh maaih guaix ngoic wuov deix dauh dauh mienh. 4

5 A. Goux Longx Sai-Gorx Dongh Oix Zuqc Faix Fim Nyei Jauv: (1) Goux longx sai-gorx maiv zeiz mauv jienv oix mienh zoux nyungc baav kuv sic hnangv, weic zuqc maaih mienh camv haic hnamv daaih, zoux kuv sic weic laanh baav mienh se benx goux longx sai-gorx aqv. Mv baac goux longx sai-gorx se maaih eix-leiz gauh jangv naaic gauh camv naaic camv haic. (2) Goux longx sai-gorx tengx dongh maaih guaix ngoic nyei mienh haih siepv-siepv nyei tengx duqv ganh, maiv zeiz bun ninh haaix zanc yaac kungx kaux mienh tengx ninh hnangv. (3) Goux longx sai-gorx se maiv zeiz Kungx hnamv longx nyei jauv hnangv (Positive Thinking); mv baac goux longx sai-gorx se njaaux, bun dongh buangh zuqc guaix daauh nyei mienh haih maaih za eix tengx duqv ninh buangh nyei sic, maiv zeiz bun ninh la kuqv fai nduov ganh gorngv maiv maaih guaix ngoic jauv. Se benx njaaux, Kungx hnamv longx nyei kuv jauv hnangv (Positive Thinking) longc njaaux longc jienv nyei jauv. (4) Longc goux longx sai-gorx naaiv nyungc za eix, eix-leiz se maiv zeiz dongh duqv mienh tengx nyei mienh oix zuqc buangh zuqc hnyouv mun nyei jauv, fai ndortv nyungc baav, mv baac dongh caux guaix ngoic nyei mienh doix hmien wuov zanc, daauh dangh ndongc haaix zungv buangh zuqc hnyouv mun nyei jauv aqv. (5) Goux longx sai-gorx se oix zuqc orn hnyouv, dongh wuov norm ziangh hoc yaac oix zuqc ndouv mienh bun mienh zanc-zanc haih caux guaix ngoic nyei jauv doix doix-dekc duqv. (6) Goux longx sai-gorx oix zuqc longc Ging-Sou zoux gorn-ndoqv tengx mienh yaac daav za eix tengx nyungc-nyungc sic. Maaih wuonh zaang hiuv duqv ganh nyungc jauv se haih tengx duqv nyungc baav guaix ngoic hnangv, maaih ganh nyungc wuonh zaang nyei jauv nor, mbuo haih ginv longc dongh maiv caux Ging- Sou doix-dekc wuov deix jauv hnangv. (7) Goux longx sai-gorx se maiv zeiz maiv kungx liouh jienv gong bun goux jiu-baang nyei mienh ganh zoux hnangv, mv baac dongh duqv hoqc jiex yaac duqv hoqc linh jiex wuov deix mouz dauh Giduc Mienh haih zoux duqv naaiv norm gong nyei. (8) Goux longx sai-gorx mauv jienv nyei se oix tengx dongh maaih guaix ngoic wuov deix dauh dauh mienh, oix haih dongh zanc duqv tengx mienh nyei sin zaangc, hnyouv gu nyuoz, caux ga qiex nyei jauv, yiem laangz, lingh wuonh, caux jienv. B. Jiu Baang Se Maaih Buo Nyungc Hlo Haic Nyei Gong: (1) Zunh Ziouv Yesu nyei kuv fienx mingh gormx lungh ndiev, zunh taux maanc fingx mienh, gorngv maanc nyungc waac nyei mienh. (2) Ceix jiu-baang yaac bun jiu-baang maaih yietv-nyeic nyei liuc leiz gong. (3) Goux jienv sienx nyei mienh nyei sin zaangc, hnyouv zaangc, caux lingh wuonh jauv. Jiu-baang mienh camv nyei zoux da yietv nyungc, da nyeic nyungc gong camv haic, mv baac guangc njiec maiv zoux da faam wuov nyungc gong, maaih ziex norm dorngx zoux da faam wuov nyungc gong nyei mv baac corc se buatc maiv longc jienv ndongc haaix. 5

6 C. Goux Longx Sai-Gorx Jiex Daaih Nyei Jauv-Louc: Goux longx sai-gorx jiez gorn longc naaiv norm za eix yiem jiu-baang nyei daauh gitv lungh ndiev. Yietc gitv lungh ndiev caux yietv gitv lungh ndiev ginv longc nyei za eix se maiv fih hnangv, sueih jienv dongh wuov gitv lungh ndiev buangh nyei fai qiemx zuqc nyei mienh. Hnangv naaic, buatc duqv mengh nyei se hnangv naaiv: (1) Loz-hnoi wuov gitv lungh ndiev nyei mienh (Primitive Christian): Naaiv gitv lungh ndiev yiem Ziouv Yesu jiez gorn njaaux mienh mingh taux leih maiv go 100 G.C. wuov deix hnyangx-dauh. Goux longx sai-gorx nyei za eix se kungx orn hnyiouv sienx nyei mienh bun ninh mbuo sienx wuonv maiv gunv oix zuqc daic mv baac oix zuqc goux jienv ninh mbuo nyei sienx fim. (2) Jiu-baang zuqc mienh zoux doqc zoux hoic wuov gitv lungh ndiev nyei mienh (Under Oppression): Naaiv gitv lungh ndiev nyei ziangh hoc se yiem G.C. wuov deix hnyangx-dauh. Naaiv gitv lungh ndiev maaih ziex nyungc za eix dengv jienv tuix bouc zoux zuiz wuov deix Giduc mienh nzuonx daaih nyiemc zuiz caux Tin-Hungh horpc hnyouv, yaac aengx siang-jiez gorn caux Tin-Hungh, yaac orn hnyouv dongh zuqc mienh zoux hoic wuov deix Giduc Mienh, bun ninh mbuo maaih noic diev jienv mingh. (3) Jiu-baang longx jienv faaux wuov gitv lungh ndiev (Christian Culture): Naaiv gitv lungh ndiev se yiem G.C. wuov deix hnyangx-dauh. Naaiv se dongh Lomaa Guoqv zipv Giduc Mienh buoqc zaangc Ziouv nyei jauv benx Lomaa Guoqv nyei buoqc zaangc jauv. Naaiv gitv lungh ndiev goux longx sai-gorx nyei jauv se lengc jeiv tiuv mienh sienx nyei loz-jauv daaih ei jienv Ging-Sou njaaux nyei jauv zoux. (4) Hmuangx wuov gitv lungh ndiev (Dark Age): Naaiv gitv lungh ndiev se yiem G.C. wuov deix hnyangx-dauh. Naaiv gitv lungh ndiev jiu-baang maaih hatc maaz gauh camv jiex. Jiu-baang nyei bieiv nqiun hatc maaz longc hatc maaz mingh zoux maiv horpc nyei jauv, yaac douh ganh duqv longx hnangv, ziouc zoux bun jiu-baang waaic jienv njiec hei jienv njiec. Naaiv gitv lungh ndiev se longc hatc maaz yaac aapv mienh ei jienv zoux benx goux longx sai-gorx nyei jauv. Naaiv gitv lungh ndiev goux longx sai-gorx, longx nyei jauv se maaih hnangv naaiv: (a) Bun zatv ganh, nyiemc ganh zoux gauh faix jiex. (b) Oix zuqc caux ei hnyouv hanc zoux nyei nyungc-nyungc jauv doix-dekc. (c) Mbuoqc hungh jaa bun hungh jaa gunv jienv, yaac nyunc bun buoqc zaangc Ziouv nyei jauv gunv jienv maiv maaih haaix nyungc nzaeng-hingh. (d) Oix zuqc zanc-zanc nyiemc zuiz bun goux jiu-baang nyei mienh. (e) Maiv bun naaic haaix nyungc zoux bieiv nyei mienh. (f) Maiv bun jatv yaac maiv bun maaih haaix nyungc cangx heix nyei jauv. (g) Bun gorngv waac zoqc nyei yaac dengv jienv zanc-zanc zei. (5) Yiem mbu ndongx wuov gitv lungh ndiev (Mediaval Christaindom): Naaiv gitv lungh ndiev se yiem G.C. wuov deix hnyangx-dauh. Naaiv gitv lungh ndiev goux longx sai-gorx nyei jauv se duqv ceix jiez daaih benx wuonv haic. Goux jiu-baang nyei mienh za gengh maaih hatc maaz wuonv haic. Weic zuqc 6

7 goux longx sai-gorx nyei jauv se funx benx jiu-baang longc jienv haic nyei gong, naaiv gitv lungh ndiev goux longx sai-gorx nyei yietv nyeic jauv se hnangv naaiv mingh: (a) Orn mienh nyei jauv, se kungx goux jiu-baang nyei mienh haih orn duqv hnangv, se jiu baang mienh gox jiu hatc maaz bun siang nyei mienh gunv njiec yietc zungv sienx nyei mienh. (b)tengx mienh jiex wuom nyei leiz. Naaiv kungx goux jiu-baang nyei mienh tengx jiex wuom nyei leiz yaac benx jangx-hoc zipv siang-sienx nyei mienh bieqc jiu-baang. (c) Nyanc Singx Hnaangx. Kungx goux jiu-baang nyei mienh hnangv maaih leiz dorh mienh nyanc Singx hnaangx, weic dorh sienx nyei mienh caux Ziouv Yesu juangc dieh nyanc hnaangx. (6) Ganh zorc jiex fai yienc jiex buoqc zaangc Ziouv nyei jauv wuov gitv lungh ndiev (Renewal and Reform): Naaiv gitv lungh ndiev se yiem G.C. wuov deix hnyangx-dauh. Naaiv gitv lungh ndiev yiem Yuqv Lopc wuov bung maaih zorc buoz-dauh nyei jauv caux leiz-fingx nyei jauv, liemh jienv zorc buoqc zaangc nyei jauv caux jienv. Naaiv gitv lungh ndiev, goux jiu-baang nyei mienh nyei gong se orn mienh nyei hnyouv, yaac dorh baeqc fingx daaih lorz Tin-Hungh. Naaiv gitv lungh ndiev goux jiu-baang nyei mienh nyei hatc maaz zoqc jienv njiec deix baav aqv. (7) Buoqc zaangc Ziouv nyei jauv longx nyei wuov gitv lungh ndiev (Enlightaenment Period): Naaiv gitv lungh ndiev yiem G.C. wuov deix hnyangx-dauh. Naaiv gitv lungh ndiev maaih ziex nyungc congmengh nyei jauv cuotv daaih buangv naaiv lungh ndiev nzengc. Goux longx sai-gorx nyei gong se njaaux sienx nyei mienh yangh horpc nyei jauv, yaac simv nqoi njaaux jaav leiz nyei mienh dongh daaih njaaux maiv doix Ging-Sou nyei wuov deix. (8) Bbuoqc zaangc Ziouv longx nyei wuov gitv lungh ndiev jiex liuz (Post Christian Era): Naaiv gitv lungh ndiev yiem G.C. wuov deix hnyangx-dauh. Naaiv gitv lungh ndiev buoqc zaangc nyei jauv se benx gorqc mienh siqc jeiv nyei jauv mi aqv. Baeqc fingx maaih ninh mbuo ganh hnamv nyei jauv, jiu-baang nyei hatc maaz caux ziex norm gorn dongh gunv zuqc baeqc fingx wuov deix hatc maaz zoqc jienv njiec camv haic aqv. Goux longx sai-gorx nyei gong se kungx tengx mienh qiemx zuqc daaih caangh laangh wuov deix mienh hnangv, yaac haih gorngv duqv deix baav bun mienh ganh dorh mingh hnamv yaac sueih ninh mbuo ganh haih ginv duqv aqv. Ziux Goux Sai-Gorx Nyei Jauv (The Ways of Pastor Care) 2 Goux longx sai-gorx nyei jauv se benx Ziouv Yesu hatc nyei waac, dongh Ziouv Yesu yiem naaiv baamh gen wuov zanc Ninh hatc Ninh nyei dauh dauh sai-gorx nyei waac. Ziouv Yesu gorngv heuc goux longx sai-gorx fai sienx ninh nyei mienh fai ninh nyei ba gi yungh nyei jauv se benx buo nyungc longc jienv haic nyei gong mbuo oix zuqc weic goux longx ninh nyei ba gi yungh. Nyungc zeiv se hnangv Yesu gorngv mbuox Bide, "Yo^han nyei dorn, Simon aah! Meih za'gengh hnamv yie gauh camv naaiv deix fai?" Bide dau, "Ziouv aah! Yie hnamv nyei lorqc. Meih hiuv duqv yie hnamv meih nyei." Yesu gorngv mbuox ninh, "Meih yungz yie nyei ba'gi yungh dorn oc." 16 Yesu aengx naaic da'nyeic nzunc, "Yo^han nyei dorn, Simon, aah! Meih za'gengh hnamv yie nyei fai?" Simon dau, "Ziouv aah! Hnamv nyei lorqc. Meih hiuv duqv yie hnamv meih nyei." Yesu gorngv mbuox ninh, "Goux longx yie nyei ba'gi yungh oc." 17 Yesu aengx naaic da'faam nzunc, "Yo^han nyei 7

8 dorn, Simon aah! Meih hnamv yie nyei fai?" Yesu naaic taux da'faam nzunc, "Meih hnamv yie nyei fai?" Bide ziouc haiz hnyouv mun haic. Ninh gorngv, "Ziouv aah! Meih hiuv duqv maanc sic. Meih hiuv duqv yie hnamv meih nyei." Yesu mbuox ninh, "Goux longx yie nyei ba'gi yungh oc. (Yo^han 21:15-17). Mbuo buatc yiem naaiv douc Ging-Sou nyei waac Yesu mbuox Bide goux ninh nyei yungz yiem buo nyungc jauv: (1) Yesu gorngv mbuox Bide, Meih yungz yie nyei ba gi yungh dorn oc. Naaiv joux waac maaih haaix nyungc eix-leiz? Eix-leiz se dongh siang-sienx nyei mienh mbuo oix zuqc longx-longx nyei njaaux, yaac njaaux zien Ziouv nyei waac bun siang-sienx nyei mienh, tengx ninh mbuo nyei lingh wuonh haih duqv hlo benx domh mienh. Nyungc zeiv se hnangv Ziouv Yesu paaiv waac yiem Matv^taai 28:19-20 wuov. Oix zuqc njaaux ninh mbuo ei nzengc Ziouv Yesu nyei waac, naaiv se benx jiu baang nyei gong. (2) Yesu mbuox Bide, Goux longx yie ba gi yungh oc. Naaiv se maaih eix-leiz taux dongh lingh wuonh maiv gaengh benx domh mienh wuov deix Giduc Mienh. Dongh jaav nyei jauv caux waaic sic corc haih nduov duqv zuqc nyei wuov deix mienh. Mbuo oix zuqc mangc jienv maiv bun waaic sic caux jaav nyei jauv daaih nduov ninh mbuo mingh dorngc jauv fai cuotv Yesu. (3) Yesu yaac fih hnangv nyei aengx gorngv mbuox Bide, Goux longx yie nyei ba gi yungh oc. Naaiv se benx Yesu jaa waac Bide, oix Bide za gengh oix zuqc zoux, yaac longx-longx nyei goux jienv maiv bun jaav nyei jauv daaih nduov sienx Yesu mienh. Goux longx Yesu nyei ba gi yungh nyei jauv se oix zuqc njaaux zien Ging-Sou nyei waac bun sienx Yesu nyei mienh tengx ninh mbuo haih hiuv duqv Tin-Hungh nyei jauv, Tin-Hungh nyei leiz camv faaux, maiv bun waaic sic fai zuiz nyei jauv, fai jaav nyei jauv daaih nduov ninh mbuo mingh dorngc jauv. Da nyei nyungc se goux jiu baang mienh nyei buonh sin dongh ninh mbuo qiemx zuqc nyei jauv, bun ninh mbuo maaih lamh kaux dorngx, se hnangv baengc zingh nyei jauv fai nyanc hopv nyei jauv, naaiv deix beix buonh sin qiemx zuqc nyei jauv. Da faam se dangv jienv mangc jienv maiv bun jaav nyei jauv daaih nduov ninh mbuo cuotv Yesu. Hnangv Yesu ganh njaaux gorngv nor, njaaux jaav leiz nyei mienh daaih lorz sienx Yesu nyei mienh wuov zanc, ninh mbuo zoux sic hnangv ba gi yungh nor, mv baac ninh mbuo nyei hnyouv hnangv hieh juv, Yesu gorngv heuc mbuo oix zuqc faix fim bungh jienv (Matv^taai 7:15-20). Goux longx sai-gorx nyei jauv se hnangv Saa^maa^lie Janx hnyouv longx nyei nyungc zeiv yiem Lugaa 10:30-37, caux Ziouv Yesu ganh gorngv taux ninh ganh nyei nyungc zeiv nor (Yo^han 10:1-16). A. Naaic Taux Nyungc Baav Njaaux Nyei Yietc Nyeic Jauv: Meih horpc zuqc zanc-zanc naaic gaax ganh, dongh meih deng-deng zoux goux longx sai-gorx naaiv norm gong yaac tengx Giduc mienh caux baamh mienh yiem naaiv baamh gen nyei ziangh hoc, weic zuqc meih ganh oix zuqc mbenc ziangx dau nyei waac camv haic dau dongh daaih lorz meih tengx wuov deix mienh, wuov deix mienh yaac maaih naaiv deix guaix ngoic yiem ninh mbuo nyei hnyouv caux hnamv nyei jauv hnangv haaix nor maiv fih hnangv. 1. Weic haaix diuc baamh mienh oix zuqc siouc kouv, lengc jeiv nyei fu jueiv caux waaic fangx nyei mienh? Weic haaix diuc baamh mienh oix zuqc daic?... 8

9 3. Weic haaix diuc kuv mienh oix zuqc siouc kouv se hnangv Giduc Mienh yiem naaiv baamh gen nyei ziangh hoc yaac oix zuqc siouc kouv? Mbuo hnangv haaix nor haih hingh jiex yiem mbuo nyei maengc haiz maiv lamh hnamv nyei jauv? Daic liuz za gengh aengx maaih yiem-gen nyei fai? Tin-Dorngh, deic-nyuoqc yiem haaix? Goux Jiu Baang nyei mienh horpc zuqc hnangv haaix nor dorh fu jueiv?... B. Yiem Ging-Sou Gorngv Taux Goux Longx Sai-Gorx Nyei Nyungc Zeiv: Yiem Ging-Sou duqv biux mengh taux Goux longx sai-gorx fai Goux jiu-baang fai Zoux bieiv nyei mienh, maaih ziex nyungc nyei, yiem yietc gitv lungh ndiev caux yietc gitv lungh ndiev nyei jauv se maiv fih hnangv, nyungc zeiv se hnangv oix gorngv jiex mingh naaiv nor: (1) Zoux bou nyei nyungc zeiv. (The Servant Motif): Naaiv norm nyungc zeiv biux mengh bun buatc gorngv, goux longx sai-gorx nyei mienh se oix zuqc tengx mienh zoux bou. Ziouv Yesu Giduc duqv zanc-zanc gorngv, Ninh daaih naaiv baamh gen se weic fuh sux mienh, maiv zeiz bun mienh fuh sux Ninh. Zoux bou nyei mienh se maiv zeiz zoux nouh, mv baac zoux bou, lengc jeiv ginv nyei mienh, bun ninh zoux gong div mienh camv, dongh wuov deix mienh maiv haih zoux duqv nyei buonc gong. (2) Zoux goux yungh longx nyei ziouv nyei nyungc zeiv. (The Motif of Shepherd): Naaiv norm nyungc zeiv se zuotc jienv goux longx ba gi yungh nyei nyungc zeiv daaih. Gong-buonc se goux longx, bun nyanc hopv, tengx zorc baengc, dorh jauv. Naaiv norm nyungc zeiv nyei gong-buonc se ziangv horpc nyei jauv, yaac tengx dongh maaih guaix-ngoic nyei mienh haih tengx duqv ganh. (3) Hnangv dorn nyei nyungc zeiv. (The motif of Sonship): Naaiv norm nyungc zeiv biux mengh bun buatc gorngv, goux jiu-baang nyei mienh, zoux bieiv nyei mienh se kungx benx yietc dauh Giduc mienh, fai hnangv pou-tong nyei mienh gox nor hnangv. Gorx-youz laanh oix zuqc tengx laanh, maiv gunv maaih njien-youh nyei zianh hoc fai maaih youh nzauh nyei ziangh hoc. 9

10 (4) Siev duqv ganh nyei nyungc zeiv. (Suffering Motif): Ziouv Yesu ganh hnangv naaiv zoux nyungc zeiv, Ziouv Yesu siev nzengc nyungc-nyungc liemh jienv siev Ninh ganh nyei maengc, weic tengx dauh dauh baamh mienh yiem zuiz nyei buoz-ndiev, yiem maiv lamh hnamv nyei jauv cuotv daaih, Ziouv Yesu nyunc siouc kouv weic mbuo dauh dauh mienh. Goux jiu-baang nyei mienh caux jiu-baang nyei bieiv oix zuqc caux jienv jiubaang mienh, caux jienv zuangx mienh juangc jienv goux jorm-namx. C. Goux Longx Sai-Gorx Nyei Yietc Nyeic Yiem Jiex Daaih Nyei Ziangh Hoc Yiem loz-hnoi daaih taux ih jaax hnoi maaih ziex nyungc za eix, yaac maaih ziex nyungc jauv goux longx saigorx, nyungc zeiv hnangv jiex mingh naaiv nor: 1. Zorc baengc nyei za eix (Healing): Naaiv nyungc za eix se lengc jeiv nyei longc sienx fim, daux gaux, yaac daux gaux cuotv daaih nzunc baav nyei mbuoqc horngh sic tengx zorc baengc. Naaiv nyungc za eix se mauv jienv oix bun maaih guaix ngoic nyei mienh fai baengc mienh nzuonx mingh hnangv loz wuov nor siepv-siepv nyei. Longc hatc maaz zunc mienv, caux jienv yietc zungv orqv zienh, maaih guanh baav mienh longc gem jienv nyei nyungc baav hatc maaz. 2. Doix-dekc guaix ngoic nyei za eix (Sustaining): Naaiv nyungc za eix zoux bieiv nyei mienh fai goux longx sai-gorx nyei mienh heuc buangh guaix ngoic nyei mienh daamv hlo nyei caux guaix ngoic doix-dekc, se oix zuqc zipv taux duqv cuotv daaih nyei sic. Naaiv nyungc za eix bun daaih muonc nyei duqv ziex nyungc nyei hnangv naaiv: (a) Preservation. Naaiv nyungc za eix se longc noic nyei tengx dongh maaih guaix ngoic nyei mienh siepvsiepv nyei nzuonx daaih hnangv loz wuov nor. (b) Consultation. Naaiv nyungc za eix se tengx ninh buatc ninh nyei guaix ngoic siepv nyei yaac longc nyungc-nyungc banh zeic liemh zeih tengx ninh dongh ninh buangh jienv nyei guaix ngoic. (c) Consolidation. Naaiv nyungc za eix se gorngv bun hiuv duqv longc dongh maaih jienv nyei ga naaiv caux jienv maaih nyei yietc zungv banh zeic liemh zeih tengx. (d) Redemption. Naaiv nyungc za eix se oix waaic mingh nyei wuov deix nzuonx daaih hnangv loz wuov nor, yaac zorqv dongh zengc njiec nyei banh zeic cuotv daaih caux guaix ngoic doix-dekc. 3. Oix zuqc longc duqv horpc nyei za eix (Grasping): Longc duqv horpc nyei naaiv nyungc za eix liemh zeih tengx dongh buangh jienv nyei guaix ngoic, maiv zuov fai longc ziangh hoc mangc dongh buangh nyei sic, maiv zuqc nzauh wuov nzauh naaiv aqv. Longc naaiv nyungc za eix se zanc-zanc tengx duqv dongh deix baav faix fiuv nyei guaix ngoic wuov deix hnangv, maiv haih tengx duqv hlo nyei wuov deix sic. Mbuo yaac maiv horpc zuqc longc naaiv nyungc za eix, se gorngv longc naaiv nyungc za eix tengx dongh buangh guaix ngoic wuov deix mienh nor se haih hnangv naaiv zoux: (a) Tengx mienh caangh laangh fai daav za eix cuotv za eix bun (Advice or Advise): Tengx caangh laangh yaac tengx nuqv jauv bun fai tengx dongh buangh zuqc sic fai maaih guaix ngoic nyei mienh. Naaiv nyungc jauv se benx jiepv zeih fai liemh zeih tengx minc zinh nyei ziangh hoc hnangv. (b) Zunc mienv caux orqv nyei hatc maaz (Chasing Devil or Evil Spirit). Tengx daux gaux yaac longc lengc jeiv nyei hatc maaz zunc mienv caux orqv zienh. Buangh zuqc guaix ngoic liemh zeih tengx maiv guangc ziangh hoc naaic haaix nyungc aqv. 10

11 (c) Muangx mienh nyei guaix ngoic jauv (Listening to the problems). Naaiv nyungc za eix se muangx mienh nyei guaix ngoic, yaac biux mengh cuotv daaih buatc hietv hnyouv taux daaih lorz wuov laanh mienh nyei guaix ngoic, yaac longc hnyouv nyei muangx. Hnangv naaiv zoux se tengx buangh jienv guaix ngoic wuov laanh mienh haiz maaih lamh kaux maaih lamh bangc aqv. 4. Tengx caux horpc hnyouv nyei za eix (Reconciling): Naaiv nyungc za eix lengc jeiv nyei tengx taux maaih guaix ngoic nyei mienh se heuc, yaac dorh dongh maaih guaix ngoic nyei mienh maaih jiu tong doic longx nyei yaac caux Tin-Hungh caux baamh mienh jiu tong doic longx nyei ndaangc liuz cingx daaih maanc-maanc nqa haav cingx daaih tengx dongh ninh maaih nyei wuov deix guaix ngoic jauv. Naaiv nyungc za eix nyei yietv-nyeic se haih zoux duqv hnangv naaiv: (a) Duqv guangc zuiz (Forgiveness). Maaih guaix ngoic nyei mienh oix zuqc nyiemc ninh nyei zuiz bun Tin- Hungh yaac nyiemc bun baamh mienh ndaangc, liuz cingx daaih duqv zipv guangc zuiz nyei jauv. (b) Hoqc linc Giduc Mienh hatc njaaux nyei jauv (Disciplines). Naaiv kang se hoqc linc bun maaih leiz gunv jienv Giduc Mienh hnoi-hnoi nyei maengc, bun zoux duqv longx nyei horpc nyei, weic bun maaih za eix haih tengx duqv buangh zuqc guaix ngoic nyei ziangh hoc yaac tengx goux jienv dongh hoz nqaang hingv haih buangh nyei guaix ngoic. D. Yiem Naaiv Ginc Njaaux Nyei Jauv Se Mbuo Haih Nzutv Zunv Daaih Gorngv Taux Ziux Goux Sai-Gorx Nyei Gong Bun Daaih Benx 4 Ginc Se Maaih Hnangv Naaiv: 1. Tengx baamh mienh nzuonx daaih caux Tin-Hungh horpc hnyiouv (Reconciliation): Goux longx sai-gorx nyei gong dongh hnamv jienv fai mauv jienv oix zoux nyei se, tengx Giduc mienh yaac tengx maaih guaix ngoic nyei mienh nzuonx daaih caux zeix maanc muotc nyei Ziouv yaac tengx ninh wuov dauh Tin-Hungh horpc hnyouv daaih. 2. Giduc Mienh hoqc linc zoux kuv mienh ei hatc njaaux nyei jauv zoux (Righteous Discipline): Goux longx sai-gorx nyei gong corc se benx hoqc linc yaac njaaux longx nyei jauv bun sai-gorx bun Ziouv. 3. Laanh orn laanh nyei hnyouv (Mutual Encouragement): Goux longx sai-gorx nyei jauv se weic oix bun Giduc Mienh zanc-zanc maaih laanh orn laanh nyei hnyouv, caux laanh tengx laanh nyei jauv camv faaux. 4. Tengx yiem laangz zong nyei jauv (Social Welfare). Goux longx sai-gorx maaih yietc nyungc mauv jienv nyei se tengx yiem laangz zong mienh, tengx baamh gen mienh bun lungh ndiev gauh kuh yiem. Tengx ndortv naanc mienh, tengx ga naanh nyei mienh fai tengx dongh maaih nyungc-nyungc youh nzauh nyei mienh. Baamh Mienh Hnamv Daaih Nyei Jauv (The Human Perspective) 3 Yiem naaiv ginc jauv mbuo oix samx mangc taux mienh hnamv nyei jauv caux zoux nyei sic hnangv haaix nor: (1) Ging-Sou njaaux nyei jauv caux Giduc mienh hnamv taux baamh mienh nyei jauv hnangv haaix bor. (2) Pou-tong mienh hnamv taux baamh mienh nyei jauv hnangv haaix nor. Yiem Ging-Sou bun mienh hnamv nyei jauv. Tin-Hungh ei jienv Ninh nyei fangx zeiv zeix baamh mienh daaih, hnangv yiem Tin Deic Douh Sou gorngv wuov nor (Tin Deic Douh 1:26-28). 11

12 Hnangv naaic, Giduc Mienh caux Ging-Sou cingx daaih mangc baamh mienh se benx lengc jeiv nyei, weic zuqc maaih Tin-Hungh nyei fiem-fingx yiem jienv baamh mienh, se maaih hnangv naaiv: (1) Baamh mienh zipv cong-mengh yiem Tin-Hungh daaih weic haih bieqc hnyouv ganh yaac haih bieqc hnyouv mienh corc aengx maaih banh zeic tengx mienh dongh mienh buangh nyei guaix ngoic jauv. (2) Tin-Hungh zeix baamh mienh daaih zoux Ninh nyei doic. Baamh mienh zuqc dingc ziangx bun caux Tin- Hungh jiu tong yaac caux baamh mienh jiu tong. (3) Tin-Hungh bun baamh mienh maaih leiz haih ginv zoux duqv nyei, baamh mienh haih ginv ei jienv ganh buatc horpc zuqc zoux nyei zoux. Hnangv naaic, yiem baamh mienh nyei maengc cuotv daaih nyei sic se yiem baamh mienh ganh ginv zoux nyei, baamh mienh ganh oix zuqc ndaam-dorng ninh zoux nyei jauv caux hozhnaang hingv cuotv daaih nyei sic. (4) Dongh baamh mienh zoux zuiz wuov zanc, baamh mienh dingc hnyouv zuqc caux Tin-Hungh gaatv dangx mi aqv. Weic zuqc Tin-Hungh cing-nzengc haic, baamh mienh buangv nzengc zuiz maiv haih bieqc mingh lorz Tin-Hungh hnangv loz wuov nor aqv. Baamh mienh zuqc gaatv dangx Tin-Hungh nyei fuqv, yaac zuqc caux Tin-Hungh zeix daaih weic tengx baamh mienh nyei yietc zungv zuqc gaatv dangx. (5) Zuiz nyei gong-zinh se bun mienh nzauh, hnyiouv mun, maaih kuonx kouv, yaac maaih ziex nyungc guaix ngoic, win-wangv yiem jienv ga hlen, buangh zuqc naanc zingh, butv baengc, gox jienv njiec, zoux gau se oix zuqc daic. (6) Ziouv Yesu daaih daic weic baamh mienh nyei zuiz, yaac njaaux bun mienh maaih za eix duqv nzuonx mingh caux Tin-Hungh horpc hnyouv, duqv zipv fuqv, yaac caux Tin-Hungh zeix daaih yietc zungv nyungcnyungc taaih baengh nyei yiem. (7) Yiem zuiz nyei buoz-ndiev cuotv daaih caux siang-yungz jiex nyei maengc. Naaiv se benx yietc nyungc gong, (Process) dongh yiem baamh mienh nyei maengc, zanc-zanc tengx zorc jienv baamh mienh nyei maengc yiem, yiem jiez gorn siang-yungz jiex mingh taux mbuo nyei maengc tiuv nzengc mingh, se dongh Ziouv Yesu nzuonx daaih zipv sienx nyei mienh wuov norm hnoi. A. Ging-Sou zoux bun mienh hnamv taux yaac zoux bun mienh buatc zien sic nyei jauv. (1) Baamh mienh caux Tin-Hungh gaatv dangx liuz, baamh mienh zuqc gaatv dangx ziangh maengc nyei gorn yaac gaatv dangx duqv fuqv nyei gorn. Baamh mienh nyei maengc ndortv njiec maiv lamh hnamv hnangv maiv nzang nyei mienh nor yaac kungx zuov jienv daic hnangv. (2) Baamh mienh caux Tin-Hungh gaatv dangx liuz, ziouc zoux bun baamh mienh se hnangv Tin-Hungh maiv buatc jiex nyei mienh nor, yiem lungh ndiev nyei mienh yaac fih hnangv nyei yietc zungv hnangv maiv hiuv duqv mienh maiv buatc jiex nyei mienh nor, yie maiv hiuv duqv meih, meih maiv hiuv duqv yie. Baamh mienh laanh maiv haih bungx hnyouv laanh, weic zuqc yietc zungv laanh gamh nziex laanh. (3) Mbuo ziouc nzutv zunv daaih gorngv, baamh mienh nyei yietc zungv guaix ngoic se laaix yiem baamh mienh nyei zuiz jiez gorn. 12

13 B. Pouh tong baamh mienh hnamv taux baamh mienh nyei jauv. Naaiv nyungc sic yiem mienh hnamv nyei jauv se benx samx mangc hnyouv nyei mienh, (Janx-taiv nyei waac gorngv Nakv^jitc^witv^taa^yaa ), Ang^gitv waac gorngv (Psychologist). Hoqc taux baamh mienh wuov bung jauv nyei mienh, (Janx-taiv waac gorngv Maqv^nutv^witv^taa^yaa ), Ang^gitv waac gorngv (Anthropologist). Hoqc taux baamh mienh yiem-lamz nyei jauv nyei jauv, (Janx-taiv waac gorngv Sangx^kom witv ^taa ^yaa ), Ang^gitv waac gorngv (Sociologist). Ninh mbuo mangc mienh se maiv fih hnangv, se kungx ei jienv ninh mbuo hietv hnyouv nyei jauv, caux ei jienv ninh mbuo hoqc daaih nyei jauv. Nyungc zeiv se hnangv jiex mingh naaiv nor: (1) Baamh mienh oix ei jienv ganh sienx nyei jauv zoux, fai ei jienv ganh mangc mienh gorngv wuov laanh mienh se hnangv haaix nor? Se gorngv ninh hnamv daaih haaix laanh mienh se benx kuv mienh nor, maiv gunv ninh maiv buatc jiex wuov laanh mienh mv baac ninh yaac zoux longx nyei bun wuov laanh mienh aqv. Se gorngv ninh hnamv daaih haaix dauh benx mienh waaic mienh nor, maiv gunv ninh maiv buatc jiex wuov laanh mienh mv baac ninh ziouc zoux waaic nyei bun wuov laanh mienh aqv. (2) Baamh mienh laanh haih bieqc hnyouv laanh nor, ninh mbuo buangh jiex nyei sic se oix zuqc a lamh deix fih hnangv nyei. Hnangv naaic, se gorngv haih bieqc hnyouv ganh dauh mienh fai hnamv oix tengx mienh nor, tengx wuov laanh mienh oix zuqc mingh hoqc mangc mienh nyei maengc fai oix zuqc hnangv ninh mbuo wuov nor yiem ndaangc, cingx daaih haih bieqc hnyouv wuov deix mienh cingx daaih haih lorz jauv tengx duqv ninh mbuo. (3) Baamh mienh se yiem ganh nyungc ga naaiv daaih yaac maanc-maanc tiuv jienv mingh benx baamh mienh daaih. (Janx-taiv waac gorngv Wiv^watv^ taa ^naa^ gaan ), Ang^gitv heuc (Evolution). Baamh mienh se gauh longx jiex nyungc-nyungc maaih maengc nyei ga naaiv. Naaiv nyungc kaux kor nyei jauv se maiv zien nzengc, maaih ziex nyungc jauv se benx jaav nyei zorng-zengx. (4) Maiv gunv baamh mienh maaih banh zeic ndongc haaix camv, mv baac maaih nyungc baav haih dangv duqv zuqc baamh mienh nyei banh zeic nyei fai baamh mienh haih jomc jauv nyei, cingx daaih maiv haih ei jienv ganh mauv jienv oix zoux nyei nyungc-nyungc zoux duqv, oix zuqc zuov taux baamh mienh hingh jiex dongh dangv jienv ninh mbuo zoux maiv duqv naaic deix jauv ndaangc. (5) Baamh mienh qiemx zuqc longx jienv faaux, yaac oix benx kuv mienh, mv baac maaih zuiz nyei qaqv daaih baeng jienv bun baamh mienh maiv haih ei jienv zoux, yaac baeng baamh mienh aiv jienv njiec. (6) Sikv^man^foi (Sigmund Frued) zaah mienh nyei hnyouv nyei mienh, (Psychoanalysis) ninh se benx Ortv^die Mienh cuotv mengh tong naaiv lungh ndiev nzengc. Ninh gorngv, maiv maaih haaix norm hnoi dongh baamh mienh nyei hnyouv maaih baengh orn yaac maiv maaih haaix nyungc daaih kuonx hnyouv, weic zuqc dauh dauh baamh mienh cuotv seix nyei ziangh hoc maiv lamh hnamv nyei jauv gan jienv daaih aqv. Giduc mienh hnamv nyei jauv caux baamh mienh nyei jauv nzutv zunv daaih hnangv naaiv: (a) Baamh mienh se maaih maengc nyei yaac qiemx zuqc doic, qiemx zuqc jiu tong, maiv haih ganh yiem. Jiez gorn wuov zanc baamh mienh caux Tin-Hungh jiu tong doic longx nyei, ninh mbuo maaih baengh orn njienyouh nyei, yaac caux nyungc-nyungc jiu tong longx nyei. Yiem ninh mbuo zoux liuz zuiz ziouc maiv haih jiu tong aqv. Hnangv naaic, baamh mienh qiemx zuqc caux baamh mienh caux Tin-Hungh zeix daaih nyei 13

14 ga naaiv jiu tong longx nyei. Baamh mienh aengx qiemx zuqc nzuonx mingh caux Tin-Hungh jiu tong doic longx nyei hnangv loz wuov nor. (b) Baamh mienh jiez gorn hiuv duqv tengx ganh dauh mienh. Ninh ziouc buatc Tin-Hungh jiez gorn tengx ninh fih hnangv nyei. Baamh mienh hiuv duqv ganh nyei nza hmien se yiem ninh hoqc hiuv ganh dauh mienh ndaangc fih hnangv nyei. (c) Caux ganh dauh mienh jiu tong doic longx nyei ziouc benx yietc nyungc jauv zoux bun maaih baengh orn nyei yaac benx yietc nyungc qangx duqv nzuonx mingh caux Tin-Hungh horpc hnyiouv. (d) Tin-Hungh nyei za eix se oix bun baamh mienh maaih baengh orn, laanh caux laanh jiu tong longx nyei. Tin-Hungh tengx jienv ziouc bun mienh maaih zien baengh orn yaac taaih baengh nyei yiem. (e) Baamh mienh buangh nyei sic, lengc jeiv nyei benx fu jueiv wuov zanc ziouc maaih buonc yiem ninh nyei maengc camv nyei, se hnangv buatc hnangv haaix nor nyei jauv, haiz hnangv wuov hnangv naaiv nyei jauv, hnamv nyei jauv, wuov laanh mienh yietc seix zoux sic cuotv daaih nyei jauv, mienh gauh camv zoux sic cuotv daaih nyei. (f) Baamh mienh zoux nyei nyungc-nyungc se maaih nyungc baav mauv jienv nyei, maaih deix biux mengh cuotv daaih mengh nyei, mv baac maaih ziex nzunc se gem jienv, cingx daaih oix zuqc lorz yaac kaux dongh mienh buangh jiex daaih yaac ei ninh bieqc hnyiouv nyei tengx baamh mienh buangh nyei guaix ngoic. C. Zorqv baamh mienh hoqc hiuv taux baamh mienh nyei jauv daaih longc yiem goux longx sai-gorx nyei jauv. Dongh hiuv duqv baamh mienh nyei jauv, yiem Ging-Sou nyei yaac yiem mienh lorz yiem hoqc hiuv benx samx mangc hnyouv nyei mienh, (Janx-taiv waac gorngv Nakv^ jitc^ witv ^taa ^yaa ). Hoqc taux baamh mienh wuov bung jauv nyei mienh, (Janx-taiv waac gorngv Maqv ^nutv ^witv^ taa ^yaa ). Hoqc taux baamh mienh yiem-laangz nyei jauv, (Janx-taiv waac gorngv Sangx^kom witv^taa^yaa ) zoux bun mbuo buatc fangx yaac bieqc hnyouv baamh mienh camv jienv faaux yaac bieqc hnyouv jangv jienv cuotv. Hoqc taux goux longx sai-gorx cingx daaih mangc mienh yaac lorz za eix caux mienh zoux gong yaac tengx jienv dongh ninh mbuo buangh nyei guaix ngoic, yaac samx mangc dongh oix gorngv naaiv deix jauv zorpc jienv mingh: 1. Dongh baamh mienh yietv buangh guaix ngoic wuov zanc ziouc lorz maaih hatc maaz nyei mienh, maaih wuonh zaang nyei mienh, maaih banh zeic nyei mienh dongh haih tengx duqv ninh nyei mienh. Giduc mienh nor, se lorz goux jiu-baang nyei mienh fai zoux jiu-baang bieiv nyei mienh dongh maaih banh zeic yaac maaih wuonh zaang haih tengx duqv ninh nyei mienh. Hnangv naaic, goux jiu-baang nyei mienh, giduc mienh nyei bieiv oix zuqc zanc-zanc hoqc hiuv taux goux longx sai-gorx nyei jauv jangv nyei. 2. Dongh baamh mienh buangh sic daaih haiz diev maiv duqv aqv nor, ninh oix tov dongh ninh bungx hnyiouv nyei mienh yaac sienx gorngv haih tengx duqv ninh nyei mienh, yaac haih gem duqv ninh zoux dorngc nyei sic nyei mienh tengx ninh. Ninh yaac a hneiv nyei ei jienv wuov dauh gorngv mbuo nyei zoux, weic zuqc ninh haiz ninh maiv haih ndaam jienv ninh ganh nyei sic aqv. Hnangv naaic, haih zoux duqv naaiv laanh mienh nyei mienh se oix zuqc gem jienv daaih tov ninh tengx nyei jauv maiv mingh gorngv bun mienh muangx. 3. Dongh maaih youh nzauh nyei mienh zoux dorngc nyei mienh hiuv duqv ganh zoux dorngc daaih nyiemc bun goux jiu-baang nyei mienh, fai zoux jiu-baang bieiv nyei mienh liuz, ninh ziouc haiz kuh yiem nzengc aqv. Weic zuqc ninh hiuv dingc gorngv, dongh ninh daaih lorz nyei mienh se Tin-Hungh paaiv daaih nyei mienh, 14

15 maaih hatc maaz haih guangc zuiz fai tengx tov Tin-Hungh guangc ninh nyei zuiz. Hnangv naaic, zoux jiubaang bieiv nyei mienh oix zuqc maaih maengc cing-nzengc nyei yaac yiem Tin-Hungh nyei nza hmien zanczanc zoux sic horpc nyei. 4. Goux jiu-baang nyei mienh fai haih benx tengx giduc mienh caangh laangh nyei mienh, oix zuqc zanc-zanc hiuv duqv gorngv, dongh horpc zuqc zipv njang-laangc nyei se Singx Lingh dongh tengx ninh mbuo buangh nyei guaix ngoic. Weic zuqc Singx Lingh tengx ninh mbuo buangh nyei nyungc-nyungc sic, weic zuqc baamh mienh se zoux bun mienh maaih guaix ngoic mv baac Singx Lingh tengx ninh mbuo buangh nyei guaix ngoic. Giduc Mienh Nyei Bieiv Zeiv Oix Zuqc Goux Longx Sienx Nyei Mienh (Christian Leader Must Take A Good Care of Believers) 4 Yiem jiu-baang goux jiu-baang nyei mienh caux zunh doz mienh, naaiv norm gong se maaih ziex nyungc gong camv haic oix zuqc liuc leiz. Hnangv naaic, zoux naaiv norm gong nyei mienh oix zuqc mbenc ziangx longx nyei, maiv gunv benx doqc sou nyei jauv, njaaux mienh nyei jauv, ganh buangh jiex nyei sic nyei jauv, yaac zanc-zanc oix zuqc hoqc hiuv siang nyei jauv. Zoux goux jiu baang nyei mienh se qiemx zuqc hoqc hiuv taux ziex nyungc jauv cingx daaih haih zoux duqv gong mingh, maiv zeiz kuv njaaux Ging-Sou caux tengx mienh nyei buonh sin nyei jauv hnangv, corc maaih ziex nyungc qiemx zuqc hiuv, yaac oix zuqc zoux. Yiem jiu-baang dongh, goux jiu-baang nyei mienh caux zunh doz mienh a loc buangh nyei guaix ngoic se, zoux Tin-Hungh nyei gong duqv camv-hnyangx deix jiex liuz, dongh buatc duqv mengh nyei guaix ngoic se haiz kouv, maiv oix liuc leiz dongh ninh zoux nyei gong aqv, yiem hnyiouv maaih ziex nyungc doix-dekc jaax maiv haih dingc oix zuqc hnangv haaix nor zoux. Goux jiu-baang nyei mienh fai ziex dauh jiu-baang bieiv zoux jienv ninh mbuo nyei gong se tengx mienh caangh laangh fai kuinx jiu-baang mienh. Dongh wuov norm ziangh hoc ninh mbuo ganh yaac maaih ganh guaix ngoic nyei, se gorngv goux jiu-baang nyei mienh fai zoux jiu-baang nyei bieiv nyei mienh maiv duqv hoqc jiex fai maiv maaih gorn-ndoqv wuonv nyei, mbenc ziangx ninh mbuo zoux naaiv deix gong. Giduc mienh, jiu-baang mienh gauh camv hnamv jienv goux jiu-baang nyei mienh, zunh doz mienh yiem jiubaang oix zuqc zoux naaiv deix gong: (1) Njaaux yaac tengx giduc mienh maaih hnyiouv hnamv mienh camv jienv faaux. (2) Ceix jiu-baang mienh, caux zuangx mienh bun ninh mbuo dongh hnyiouv, horpc fim dongh eix nyei yiem. (3) Maaih bunh zeic haih tengx dongh mienh zanc-zanc buangh nyei guaix ngoic. (4) Haih njaaux jiu-baang mienh maaih wuonh zaang yaac maaih banh zeic fuh sux Tin-Hungh yaac bun ninh mbuo maaih banh zeic liuc leiz jiu-baang nyei nyungc-nyungc gong. (5) Maaih hnyiouv zipv kaeqv mienh, maiv daan jiu-baang mienh hnangv liemh pou-tong nyei mienh caux jienv maiv gaengh buatc jiex nyei kaeqv mienh caux jienv. (6) Zoux bun jiu-baang hiaangx jienv faaux yaac zanc-zanc maaih sienx nyei mienh tim jienv faaux. 15

16 (7) Liepc njaaux Ging-Sou nyei horqc dorngh yaac njaaux duqv longx nyei. (8) Maaih banh zeic haih tengx mienh caangh laangh taux naaiv deix jauv. (9) Dongh mbenc jienv oix dorng jaa nyei mienh. (10) I hmuangv buangh nyei guaix ngoic. (11) Hmuangv doic maiv horpc fim dongh eix nyei jauv. (12) Sieqv-dorn, horh-saeng nyei guaix ngoic, mienh gox mienh nyei guaix ngoic, fu jueiv nyei guaix ngoic, aengx caux ziex nyungc jauv nyei. A. Maaih ziex nyungc za eix m nziex goux jiu-baang nyei mienh haih dorh mingh longc yiem goux jiu-baang nyei jauv duqv nyei. 1. Caux mienh jiu tong doic nyei jauv. Naaiv se benx daauh nyungc za eix dongh dauh dauh goux jiu-baang nyei mienh oix zuqc caux dauh dauh jiu-baang doic jiu tong zuoqc nyei. Maaih dauh baav jiu-baang mienh m nziex oix zuqc longc ziangh hoc gauh camv deix cingx daaih haih caux ninh mbuo jiu tong doic duqv longx nyei. Mv baac jiu-baang mienh gauh camv se caux goux jiu-baang nyei mienh fai zunh doz mienh zuoqc siepv nyei. 2. Gorngv waac orn mienh nyei hnyouv. Goux jiu-baang nyei mienh oix zuqc haih gorngv waac orn mienh nyei hnyouv, zanc-zanc gorngv waac orn jiu-baang mienh nyei hnyouv, maiv gunv dongh ninh mbuo maaih youh nzauh nyei ziangh hoc, fai ninh mbuo buangh zuqc guaix ngoic nyei ziangh hoc, fai dongh ninh mbuo haiz hnyiouv maiv dingc nyei ziangh hoc. 3. Oix zuqc muangx jiu-baang mienh gorngv ninh mbuo nzauh nyei jauv caux ninh mbuo haiz zoux dorngc zuiz nyei ziangh hoc. Jiu-baang mienh gauh camv se bungx hnyouv goux jiu-baang nyei mienh fai zunh doz mienh, weic zuqc hiuv duqv ninh mbuo se zoux gong div Tin-Hungh nyei mienh. Ziouc zoux bun jiubaang mienh bungx laangc nyei gorngv taux ninh mbuo gem jienv nyei ziex nyungc jauv, yaac maiv nzauh gorngv goux jiu-baang nyei mienh dorh ninh mbuo nyei jauv mingh gorngv bun ganh dauh mienh muangx. Hnangv naaic, goux jiu-baang mienh nyei gong se zanc-zanc oix zuqc muangx mienh haiz zauh nyei jauv, caux ninh mbuo zoux dorngc zuiz nyei jauv, yaac maiv horpc zuqc dorh ninh mbuo gorngv mbuox meih nyei waac mingh gorngv bun haaix dauh mienh muangx fai hiuv. 4. Zoux fin-saeng nyei mienh. Se benx goux jiu-baang nyei mienh fai zunh doz mienh maaih longc jienv haic nyei gong se oix zuqc njaaux jiu-baang mienh hiuv duqv Tin-Hungh nyei Ging-Sou yaac zanc-zanc dengv jienv ninh mbuo nyei maengc bun hnoi-hnoi ei jienv ninh mbuo hoqc hiuv nyei jauv zoux. Goux jiu-baang nyei mienh corc oix zuqc ei jienv ninh njaaux nyei zoux nyungc zeiv bun jiu-baang mienh zuotc jienv zoux. 5. Oix zuqc benx caangh laangh nyei mienh yaac nuqv jauv bun ninh mbuo. Maaih ziex nzunc goux longx jiu-baang nyei gong se oix zuqc benx caangh laangh nyei mienh fai horh kuinx nyei mienh, yaac nuqv jauv bun ninh mbuo, weic tengx jiu-baang mienh buangh jiex daaih nyei guaix ngoic fai hoz-nqaang hingv oix cuotv daaih nyei guaix ngoic. Goux jiu-baang nyei mienh m nziex haih hnangv naaiv zoux duqv nyei se maaih 3 nyungc za eix se hnangv naaiv. 16