Sienx Tin-Hungh Nyei Gorn-Ndoqv

Transcription

1 Sienx Tin-Hungh Nyei Jauv Biux Mengh Waac Naaiv ginc sou se njaaux taux Tin-Hungh nyei jauv caux mbuo baamh mienh nyei jauv yiem haaix daaih, hnangv haaix nor. Nyungc zeiv se hnangv naaiv mingh, mbuo sienx Tin-Hungh nyei jauv hnangv haaix nor, baamh mienh se yiem haaix cuotv daaih, hnangv haaix nor, dorngc jauv leih nqoi Tin-Hungh. Da yietv Ginc Ging-Sou Ging-Sou se Tin-Hungh nyei waac, Singx Lingh dorh Tin-Hungh nyei bou mbuo fiev daaih weic njaaux mbuo baamh mienh hnangv haaix nor yiem naaiv lungh ndiev seix zangc. Douc-douc Ging-Sou,Tin-Hungh dorh mienh fiev yaac maaih lamh longc weic njaaux mienh, weic gorngv-hemx mienh, weic zorc mienh zoux dorngc nyei dorngx, weic njaaux mienh zoux horpc nyei jauv. Hnangv naaic ziouc bun Tin-Hungh nyei mienh duqv dunh yunh nzoih weic zoux nyungc-nyungc kuv sic. (2 Ti^mo^tai 3:16-17). Fiev Ging-Sou wuov deix mienh se Tin-Hungh nyei Singx-Lingh dorh ninh mbuo fiev hnangv, ninh mbuo maiv haih ei ganh nyei eix fiev, yaac maiv haih ei ganh nyei eix douc. Da'yietv longc jienv jiex oix zuqc bieqc hnyouv, maiv maaih haaix dauh haih longc ganh nyei za'eix porv mengh douc waac mienh douc daaih fiev wuov deix Ging-Sou nyei waac. Weic zuqc maiv maaih haaix dauh haih ei ganh nyei eix douc Tin-Hungh nyei waac. Mienh douc Tin-Hungh nyei waac se ei Singx Lingh dorh ninh mbuo gorngv hnangv. (2 Bide 1:20-21). 1. Ging-Sou se Tin-Hungh nyei waac Cutv I^yipv 24: 4 Mose ziouc fiev jienv Ziouv gorngv nyei yietc zungv waac. Da'nyeic ndorm Mose jiez sin daaih nziouv nyei, yiem wuov mbong-juoqv ceix norm ziec-dorngh aengx liepc ziepc nyeic norm la'bieiv-dongc ziux I^saa^laa^en Mienh nyei ziepc nyeic fingx. 2. Ging-Sou se benx leiz-latc caux leiz bun mbuo Giduc mienh nyei maengc Nzamc Leiz-Latc 4:1 O I^saa^laa^en Mienh aac, ih zanc yie njaaux meih mbuo naaiv deix leiz-latc caux leiz meih mbuo oix zuqc muangx longx yaac ei jienv zoux, weic bun meih mbuo duqv ziangh jienv yaac duqv bieqc mingh yiem Ziouv, meih mbuo nyei ong-taaix nyei Tin-Hungh, jiu bun meih mbuo nyei deic-bung. 3. Maiv maaih haaix dauh haih tim waac bieqc fai zorqv waac cuotv Ging-Sou duqv Nzamc Leiz-Latc 4:2 Naaiv deix hatc nyei waac maiv dungx tipv bieqc yaac maiv dungx zorqv cuotv yietc deix. Meih mbuo oix zuqc ei jienv yie mbuox meih mbuo naaiv Deix leiz-latc, se Ziouv, meih mbuo nyei Tin-Hungh, nyei leiz-latc. Nzamc Leiz-Latc 12: 32 Da'faanh yie hatc meih mbuo nyei yietc zungv oix zuqc ei jienv zoux nzengc. Maiv dungx jaa tim yaac maiv dungx jamv cuotv. Zeuz, Gueix-Zunh 1

2 Laauc Yaangh 22:18-19 Yie, Yo^han, longx-longx nyei kuinx meih mbuo dauh dauh haiz liuz naaiv njunc sou nyei zinh hoz waac nyei mienh. Se gorngv haaix dauh tipv deix waac bieqc naaiv njunc sou, Tin-Hungh oix tipv fiev jienv naaiv njunc sou wuov deix heiv sic bun wuov dauh. Se gorngv haaix dauh zorqv deix naaiv njunc sou zinh hoz nyei waac cuotv, Tin-Hungh oix zorqv cuotv wuov dauh nyei yungz maengc biouv nyei buonc, caux yiem wuov norm Cing-Nzengc Zingh nyei buonc, dongh naaiv njunc sou gorngv mengh nyei buonc. 4. Oix zuqc hnoi-hnoi doqc weic tengx mbuo hoqc linc taaih Ziouv Nzamc Leiz-Latc 17:19 Ceu daaih an ninh wuov bun ninh yietc seix zanc-zanc doqc, hoqc linc taaih Ziouv, ninh nyei Tin-Hungh. Ninh oix zuqc longx-longx nyei gan naaiv deix leiz-latc nyei joux-joux waac caux diuh diuh leiz. 5. Ging-Sou Tin-Hungh nyei Waac se dunh yunh nyei Leiz-Latc. Singx Nzung Sou 19:7-10 Ziouv nyei leiz-latc se dunh yunh nyei; bun mienh nyei hnyouv fingv jiez daaih. Ziouv nyei leiz-nyeic se kaux duqv wuonv nyei, bun maiv maaih congh mengh nyei mienh maaih congh mengh. Ziouv hatc nyei waac horpc nyei, bun gan nyei mienh maaih njien-youh. Ziouv nyei lingc cing-nzengc nyei, bun mienh haih bieqc hnyouv. Mienh taaih Ziouv se longx haic, oix zuqc taaih taux maanc gouv maanc doic. Ziouv nyei leiz-latc se zien nyei, diuh diuh baengh fim nyei. Se gauh jaaix jiex jiem, zungv gauh jaaix jiex zien jiem. Yaac gauh gaam jiex mueiz-dorngh, dongh yiem mueizpengx liouc cuotv nyei dorngh. 6. Tin-Hungh nyei waac haih tengx mbuo simv maiv zoux zuiz nyei jauv Singx Nzung Sou 119:11 Yie siou jienv Meih nyei waac yiem yie nyei hnyouv, weic tengx yie maiv zoux zuiz dorngc(doix deckc) Meih. 7. Ging-Sou Se Singx Lingh Gapv Daaih Nyei Waac I^saa^yaa 34:16 Mangc yaac doqc maah! Tin-Hungh nyei waac yiem wuov sou-njunc: Maiv maaih yietc joux naaiv deix waac dingx laaih, mv maaih yietc waec nzangc ndortv yiem ninh nyei doic. Yiem Ninh nyei nzuih cuotv daaih yaac maaih yietv maaih nyeic nyei, ninh nyei Singx Lingh yaac gapv zunv ninh mbuo. 8. Tin-Hungh nyei Waac yietc liuz yiem I^saa^yaa 40:8 Miev nqaai mingh, ninh nyei biangh yaac bioh mi aqv, mv baac waac yietc liuz ziangh jienv nyei. Tin-Hungh nyei 9. Tin-Hungh nyei Waac benx mbuo Giduc mienh nyei njien-youh a hneiv jauv I^saa^yaa 15:16 Haaix zanc Meih nyei waac daaih taux, yie ziouc nyanc ninh mbuo; weic zuqc ninh mbuo se bun yie nyei hnyouv maaih njien-youh a hneiv, bun yie ndaam meih nyei mbuox, Ov nernh nyei Ziouv Tin-Hungh aac. 10. Tin-Hungh nyei waac maiv haih dingx laaih Matv^taai 5:18 Yie gorngv zien mbuox meih mbuo, maaih lungh caux ndau corc yiem jienv nyei ziangh hoc, Leiz-Latc nyei yietc dimv yietc waeqc nzaangc zungv maiv haih ndortv. Zuov taux lungh ndiev jiex liuz, naaiv deix Leiz cingx daaih jiex nzengc. 11. Douc-douc Ging-Sou Tin-Hungh dorh mienh fiev daaih 2 Ti^mo^tai 3:15-17 Yiem meih zoux fu jueiv nyei ziangh hoc meih zungv hiuv duqv Ging-Sou. Ging-Sou haih bun meih maaih cong-mengh hiuv duqv oix zuqc sienx kaux Yesu cingx duqv njoux. Douc-douc Ging-Sou, Tin-Hungh dorh mienh fiev yaac maaih lamh longc weic njaaux mienh, weic gorngv-hemx mienh, weic zorc mienh zoux dorngc nyei dorngx, weic njaaux mienh zoux horpc nyei jauv. Hnangv naaic ziouc bun Tin-Hungh nyei mienh duqv dunh yunh nzoih weic zoux nyungc-nyungc kuv sic. Zeuz, Gueix-Zunh 2

3 12. Tin-Hungh bun ninh nyei waac mbuo yangh Ziouv Yesu daaih Hipv^lu 1:1-2 Loz-hnoi Tin-Hungh longc ninh nyei zuangx douc waac mienh yaac longc camvnyungc za'eix caux mbuo nyei ong-taaix mbuo gorngv camv-nzunc. 2 Mv baac yiem naaiv deix setv mueiz nyei hnoi Tin-Hungh longc ninh nyei dorn caux mbuo gorngv. Naaiv dauh dorn Tin-Hungh longc zeix maanc muotc yaac paaiv ninh siouc maanc muotc benx ninh nyei jaa-dingh. 13. Tin-Hungh nyei waac se maaih lingc haic Hipv^lu 4:12 Tin-Hungh nyei waac se nangh nyei, maaih qaqv nyei, gauh laic jiex yietc zungv I maengx laic nyei nzuqc ndaauv. Haih nzopv bieqc taux Hnyouv caux lingh wuonh gapv nyei dorngx, mbungv-fim caux mbungv-daaux gapv nyei dorngx. Zungv haih siemv duqv mienh hnyouv nyunc zoux nyei caux hnyouv hnamv cuotv nyei sic. 14. Maiv maaih haiv dauh laih guaih longc ganh nyei za eix haih porv duqv Ging-Sou 2 Bide 1: Da'yietv longc jienv jiex oix zuqc bieqc hnyouv, maiv maaih haaix dauh haih longc ganh nyei za'eix porv mengh douc waac mienh douc daaih fiev wuov deix Ging-Sou nyei waac. 21 Weic zuqc maiv maaih haaix dauh haih ei ganh nyei eix douc Tin-Hungh nyei waac. Mienh douc Tin-Hungh nyei waac se ei Singx Lingh dorh ninh mbuo gorngv hnangv. Mienh Sienx Ging-Sou Nyei Jauv Se Hnangv Naaiv Mbuo sienx Tin-Hungh nyei mienh yiem gitv-gitv lungh ndiev nyei mienh sienx gorngv Ging-Sou se benx Tin-Hungh nyei waac. Mbuo sienx gorngv joux-joux Ging-Sou nyei waac, liemh Loz-Ngaengc Buv caux Siang-Ngaengc Buv se Tin-Hungh dorh mienh fiev daaih, yaac maiv maaih dorngx dorngc. Ging-Sou se Tin-Hungh nyei waac yaac benx mbuo Giduc mienh nyei gorn-ndoqv,fai wuonv dorngx, mbuo nyei sienx fim nyei wuonv zaangx (standard of faith). Mbuo dauh dauh, fai laanh laanh sienx nyei mienh oix zuqc mbuoqc yaac ei jienv zoux. Ging-Sou longc jienv nyei jauv se hnangv naaiv, Doucdouc Ging-Sou, Tin-Hungh dorh mienh fiev yaac maaih lamh longc weic njaaux mienh, weic gorngvhemx mienh, weic zorc mienh zoux dorngc nyei dorngx, weic njaaux mienh zoux horpc nyei jauv. 17 Hnangv naaic ziouc bun Tin-Hungh nyei mienh duqv dunh yunh nzoih weic zoux nyungc-nyungc kuv sic(2 Ti^mo^tai 3:16-17). Weic zuqc maiv maaih haaix dauh haih ei ganh nyei eix douc Tin-Hungh nyei waac. Mienh douc Tin-Hungh nyei waac se ei Singx Lingh dorh ninh mbuo gorngv hnangv(2 Bide 1:21). Yie, Yo^han, longx-longx nyei kuinx meih mbuo dauh dauh haiz liuz naaiv njunc sou nyei zinh hoz waac nyei mienh. Se gorngv haaix dauh tipv deix waac bieqc naaiv njunc sou, Tin-Hungh oix tipv fiev jienv naaiv njunc sou wuov deix heiv sic bun wuov dauh. Se gorngv haaix dauh zorqv deix naaiv njunc sou zinh hoz nyei waac cuotv, Tin-Hungh oix zorqv cuotv wuov dauh nyei yungz maengc biouv nyei buonc, caux yiem wuov norm Cing-Nzengc Zingh nyei buonc, dongh naaiv njunc sou gorngv mengh nyei buonc.(laauc Yaangh 22:18-19). Hnangv naaiv mbuo hiuv duqv sienx Ging-Sou caux muangx Ging- Sou njaaux mbuo nyei jauv se gengh longx jienv haic nyei jauv bun mbuo Giduc mienh fai Tin-Hungh nyei baeqc. Se gorngv haiv dauh nqemh Ging-Sou nyei waac, yaac doix-dekc, maiv oix muangx, maiv oix ei, fai maiv oix mbuoqc Ging-Sou njaaux ninh nyei waac nor wuov dauh ziouc maaih sic aqv. Mv baac se gorngv haiv dauh muangx yaac ei jienv Ging-Sou njaaux nyei waac zoux nor, wuov dauh yaac oix duqv zipv Tin-Hungh nyei fuqv, yaac oix duqv yietc liuz nyei maengc Zeuz, Gueix-Zunh 3

4 Lungh Ndiev Mienh Sienx Caux Zaah Mangc Ging-Sou Nyei Jauv Loz Hnoi Nyei Mienh Hnamv Taux Ging-Sou Nyei Jauv Loz hnoi mienh sienx Ging-Sou benx Tin-Hungh nyei waac nyei mienh duqv dinv mangc yaac sienx kaux nyei mienh yiem Loz-Ngaengc Waac nyei lungh ndiev jiex daaih duqv 4,000 hnyaangx aqv. Siang-Ngaengc Waac yaac fih hnangv nyei mienh sienx yaac ei jienv zoux jiex daaih duqv 2,000 hnyaangx aqv. Baamh mienh, gitv-gitv lungh ndiev nyei mienh hnamv taux, fai corngh taux Ging-Sou nyei waac benx I domh jauv mienh. Se hnangv naaiv: Da yietv (1) jauv benx sienx Tin-Hungh nyei mienh. Naaiv jauv mienh sienx gorngv Ging-Sou se benx Tin-Hungh nyei waac yaac maiv maaih dorngx oix zuqc faix hnyouv taux Ging-Sou nyei waac. Aeqv naaiv jauv mienh yaac fih hnangv nyei bun zoux i guanh se hnangv naaiv: 1. Naaiv jauv mienh porv Ging-Sou nyei jauv ei Ging-Sou nyei joux-joux waac porv, maiv longc benx waac beiv nyei eix-leiz. 2. Naaiv jauv mienh porv Ging-Sou caux longc Ging-Sou nyei jauv se ei jienv Ging- Sou nyei joux-joux waac porv, ninh mbuo sienx gorngv Ging-Sou nyei joux-joux waac maaih eix-leiz, yaac longc jienv haic bun taux mbuo nyei lingh wuonh nyei jauv, Ging-Sou nyei joux-joux waac yaac maaih eix-leiz bun mbuo nyei maengc, hnangv naaiv mbuo maiv haih kungx porv zaqv hnangv, weic zuqc Ging-Sou se benx waac-beiv, waac-meiv nyei jauv. Naaiv jauv mienh sienx gorngv Ging-Sou nyei waac maaih eix-leiz ndo haic bun mbuo hnoi-hnoi nyei maengc. Da nyeic (2) jauv se benx maiv sienx Tin-Hungh nyei mienh. Ging-Sou nyei waac maiv maaih haaix nyungc eix-leiz bun ninh mbuo nyei maengc. Naaiv jauv mienh yaac fih hnangv nyei bun daaih benx i guanh mienh: 1. Naaiv jauv mienh maiv sienx Tin-Hungh mv baac laengz nyiemc zipv Ging-Sou benx Tin-Hungh nyei waac nyei, caux ninh mbuo yaac maiv doix-dekc Ging-Sou njaaux nyei jauv. 2. Naaiv jauv mienh maiv daan maiv sienx Ging-Sou benx Tin-Hungh nyei waac hnangv ninh mbuo yaac doix-dekc Ging-Sou. Ninh mbuo zungv lorz jauv mietc Ging-Sou. Yaac doix-dekc dongh sienx nyei wuov deix. Ih Jaax Nyei Mienh Sienx Caux Hnamv Taux Ging-Sou Nyei Jauv Ih jaax hnoi nyei mienh sienx Ging-Sou nyei jauv se hnangv naaiv nor: A. Maiv sienx nyei mienh maaih deix zorqv Ging-Sou nyei waac cuotv, maaih deix maiv gunv, maaih deix lorz jauv mietc Ging-Sou nyei waac. B. Dongh sienx Tin-Hungh nyei mienh wuov deix bieqc hnyouv Ging-Sou caux sienx Ging-Sou nyei jauv, bun cuotv zoux buo jauv mienh. Zeuz, Gueix-Zunh 4

5 1. Da yietv Jauv Benx Dongh Sienx Cou Wuov Jauv Mienh (Liberalism) Naaiv jauv mienh sienx Ging-Sou se ei jienv zeix tin-deic (science) caux luh ginv zuonx (history)nyei jauv porv mengh nyei jauv sienx hnangv, danh fanh haaix nyungc mv haih porv mengh yiem zeix tindeic caux yiem luh ginv zuonx nyei jauv nor, ninh mbuo maiv sienx, yaac maiv zipv aqv. 2. Da nyeic Jauv Se Benx Dongh Yiem Mbu ndongx Wuov Jauv Mienh(Moderate) Naaiv jauv mienh se benx mbu ndongx mienh, ninh mbuuo sienx gorngv douc-douc Ging-Sou se benx Tin-Hungh nyei waac, mv baac sic se mbuo baamh mienh maiv bieqc hnyouv taux Ging-Sou nyei waac fai bieqc hnyouv dorngc Ging-Sou, yiem loz hnoi jiex gorn daaih taux ih zanc. Ih jaax hnoi mbuo maaih nyei Ging-Sou maiv nzoih yaac maiv zuqc Tin-Hungh nyei waac. Naaiv jauv mienh porv Ging-Sou se ei luh ginv zuonx nyei jauv porv caux zeix-tin-deic nyei jauv porv. Danh fanh haaix nyungc jauv maiv bieqc hnyouv fai maiv haih porv mengh nor, ninh mbuo gorngv se benx waac-beiv fai nyungc zeiv nyei jauv hnangv. 3. Da faam Jauv Mienh Se Benx Ei Ging-Sou Nyei Mienh (Conservatism) Naaiv jauv mienh se ei nzengc yaac gan nzengc Ging-Sou njaaux nyei jauv, ninh mbuo sienx gorngv joux-joux Ging-Sou nyei waac maiv maaih dorngx dorngc. Yiem gorn daaih taux ih zanc, aengx taux nqa haav hingv se fih hnangv nyei. Mbuo Giduc mienh sienx gorngv joux-joux Ging-Sou nyei waac, lienh Loz-Ngaengc buv caux Siang- Ngaengc buv se Tin-Hungh dorh mienh fiev daaih, yaac maiv maaih dorngx dorngc. Ging-Sou se Tin- Hungh nyei waac, yaac benx mbuo nyei sienx fim nyei wuonv zaangx, mbuo dauh dauh sienx nyei mienh oix zuqc mbuoqc yaac ei jienv zoux (2 Ti^mo^tai 3:16-17; 2 Bide 1:20-21). Ging-Sou se beiv hnangv dang nor ziux mbuo nyei jauv (Singx Nzung 119:105), yaac beiv hnangv gingx nor aengv mbuo zoux nyei sic(yaagorpc 1:22-25). Weic naaiv haaix zanc doqc Ging-Sou nyei ziangh hoc, mbuo buatc Ging-Sou gorngv taux mbuo zoux dorngc nyei dorngx, mbuo haiz Ging-Sou hemx mbuo, maaih deix ziangh hoc yoc haiz Ging-Sou nyei waac orn hnyouv, maaih deix yoc haiz njaaux, maaih deix yoc haiz kuinx, maaih deix yoc haiz baav mbuo, yietc zungv se weic njaaux tengx mbuo duqv longx, nyungc zeiv se hnangv yiem ( 2 Ti^mo^tai 3:16-17 ). Joux-joux Ging-Sou nyei waac, liemh Loz-Ngaengc Buv caux Siang-Ngaengz Buv se Tin-Hungh dorh mienh fiev daaih. Tin-Hungh dorh mienh fiev naaiv joux waac nyei eix-leiz se yiem Gitc waac daaih, eix-leiz gorngv Tin-Hungh tauv daaih nyei qiex, hnangv naaic Ging-Sou se benx Tin-Hungh nyei waac Singx Lingh dorh mbuo baamh mienh dongh tengx Tin-Hungh douc waac wuov deix mienh fiev daaih. Tin-Hungh dorh mbuo baamh mienh fiev Ninh nyei waac se nyungc zeiv hnangv naaiv: 1. Laauc Yaangh 1: Yie, Yo^han, zoux meih mbuo nyei gorx-youz. Mbuo caux Giduc juangc maengc ziangh yie ziouc caux meih mbuo lomh nzoih siouc kouv, longc noic diev, yaac juangc zoux Tin-Hungh nyei guoqv nyei baeqc fingx. Weic yie zunh Tin-Hungh nyei doz yaac tengx Yesu zoux zorng-zengx, yie zuqc yiem Batc^mortv Koiv-Nzou. 10 Maaih norm Ziouv nyei Hnoi, singx lingh gunv jienv yie, yie ziouc haiz yiem yie nqa'haav maengx maaih qiex gorngv waac hnangv nzatc nor mbui. 11 Haiz gorngv, Meih buatc nyei sic oix zuqc fiev jienv sou-njunc, juix mingh bun naaiv deix siec norm zingh nyei jiu-baang, se yiem E^fe^so, Saa^me^naa, Be^gaa^mam, Ti^yaa^ti^laa, Saa^nditc, Fi^laa^nden^fie caux Lau^ndi^sie Zingh nyei jiu-baang. 12 Yie huin nzuonx mangc gaax haaix dauh caux yie gorngv waac ziouc buatc siec norm don dang nyei jiem-jaax. 13 Yiem wuov deix jaax mbu'ndongx maaih dauh hnangv baamh mienh nor, zuqv jienv lui-ndaauv suoh taux zaux mingh, yaac maaih jiem-kou kou jienv la'kuotv. 14 M'nqorngv caux mba'biei mbopv baeqc nyei, hnangv ba'gi yungh baeqc nyei biei caux Zeuz, Gueix-Zunh 5

6 sorng baeqc nor. M'zing yaac hnangv douz-mbietc nor. 15 Ninh nyei zaux youc! youc wuov hnangv longc louh douz sinx daaih zien haic nyei dongh siqv nor. Qiex yaac hnangv wuom buangv mouh cuotv wuov nor mbui. 16 Ninh nyei mbiaauc jieqv buoz nanv jienv siec norm hleix. Yiem nzuih baengx cuotv zung i maengx laic nyei nzuqc ndaauv. Ninh nyei hmien njang haic, hnangv lungh aanx zanc nyei mba'hnoi wuov nor njang. 17 Yie yietv buatc ninh, yie ziouc king njiec ninh nyei zaux-hlen hnangv daic mi'aqv nor. Ninh ziouc longc ninh nyei mbiaauc jieqv buoz maan jienv yie yaac gorngv, Maiv dungx gamh nziex. Yie zoux Gorn yaac zoux Setv Mueiz, 18 yaac zoux Ziangh Jienv Wuov Dauh. Yie daic mingh mv baac mangc gaax, ih zanc yie yietc liuz ziangh jienv taux maanc gouv maanc doic. Yie yaac maaih lingc gunv daic nyei jauv yaac gunv yiemh gen. 19 Meih oix zuqc fiev jienv meih buatc jiex nyei, caux ih zanc buatc nyei, caux nqa'haav hingv oix cuotv daaih nyei sic. 2. Cuotv I^yipv 24:1-4 1 Ziouv gorngv mbuox Mose, Meih caux Aalon, Naa^ndapc, Aa^mbi^hu, aengx caux cietv ziepc dauh I^saa^laa^en Mienh nyei mienh gox oix zuqc faaux yie naaiv daaih mv baac yiem go nyei baaix yie. 2 Kungx Mose ganh nduqc dauh haih daaih nitv fatv yie, Ziouv, hnangv. Wuov deix maiv dungx daaih fatv. Yaac maiv dungx bun baeqc fingx caux jienv faaux naaiv. 3 Mose dorh Ziouv nyei waac caux yietc zungv leiz mingh mbuox zuangx baeqc fingx. Zuangx mienh dongh joux waac dau, Ziouv gorngv nyei yietc zungv waac yie mbuo oix ei jienv zoux. 4 Mose ziouc fiev jienv Ziouv gorngv nyei yietc zungv waac. Da'nyeic ndorm Mose jiez sin daaih nziouv nyei, yiem wuov mbong-juoqv ceix norm ziec-dorngh aengx liepc ziepc nyeic norm la'bieiv-dongc ziux I^saa^laa^en Mienh nyei ziepc nyeic fingx. Da nyeic Ginc Tin-Hungh Mbuo Giduc mienh sienx kaux yietc dauh zien Tin-Hungh hnangv, Ninh se yietc liuz ziangh jienv nyei Ziouv, yaac dongh zeix yietc zungv maanc muotc wuov dauh, maaih yietc dauh Tin-Hungh hnangv, mv baac ziangh daaih benx buo dauh, se dongh Singx Diex, Singx Dorn, caux Singx Lingh. Buo dauh zungv mv daaih dongh wuov nduqc dauh Ziouv hnangv, mv baac Ninh zoux nyei gong se maiv fih hnangv, yaac maaih mbuox maiv fih hnangv, mbuo baamh mienh heuc Ninh zoux Tin-Hungh, weic zuqc Ninh zoux zeix maanc muotc nyei Ziouv. Mbuo heuc Ninh zoux Yesu fai Njoux Ziouv, weic zuqc Ninh cuotv seix daaih benx mbuo baamh mienh, yaac daic weic mbuo nyei zuiz, yaac maaih mbuox hnangv mbuo nor. Mbuo heuc Ninh zoux Singx Lingh, weic zuqc mbuo mangc maiv buatc Ninh, mv baac Ninh se ziangh jienv nyei, yaac dau mbuo nyei daux gaux waac, dongh mbuo qiemx zuqc nyei ziangh hoc, mbuo tov Ninh, Ninh ziouc tengx mbuo. Singx Lingh eix-leiz se mangc maiv buatc mv baac zien maaih nyei, caux mbuo yaac bangc duqv zuqc nyei, Yesu ganh gorngv Tin-Hungh se Lingh Wuonh (Yo^han 4:24), Tin-Hungh cuotv seix daaih benx buo baamh mienh caux mbuo yiem, yaac yiem mbuo mbu ndongx (Yo^han 1:14; Matv^taai 1:23). Yesu ganh mengh-mengh nyei gorngv mbuox Ninh nyei sai-gorx mbuo, Ninh caux Tin-Hungh mv daaih dongh wuov dauh (Yo^han 14:8-11; Yo^han 10:30), Tin-Hungh se nduqc dauh hnangv, mv baac maaih buo norm mbuox, Ging-Sou gorngv mbuo nyei Ziouv Tin-Hungh se nduqc dauh Ziouv hnangv (Nzamc Leiz-Latc 6:4). Mbuo Giduc mienh sienx gorngv, yiem lungh ndiev kungx maaih nduqc dauh Tin-Hungh hnangv, Ninh se dongh zeix maanc muotc wuov dauh Ziouv, Ninh yaac yietc liuz ziangh jienv nyei, maiv gunv mbuo nyei m zing fai (mueic zing) mangc mv buatc mv baac Tin-Hungh m daaih maaih nyei. Ging-Sou gorngv, maiv gunv mbuo mangc maiv buatc Tin-Hungh, mv baac mbuo buatc Tin-Hungh zeix daaih nyei ga naaiv, mbuo ziouc hiuv duqv maaih Tin-Hungh aqv, mv baac mbuo baamh mienh maiv oix taaih Ninh zoux Tin-Hungh (Lomaa 1:18-32). A. TIN-HUNGH NYEI MBUOX Tin-Hungh nyei mbuox se longc jienv haic, mbuo Giduc mienh qiemx zuqc hiuv nyei jauv, Tin-Hungh nyei mbuox se mbuo baamh mienh tengx cuotv daaih fai heuc daaih nyei mbuox. Loz-hnoi I^saa^laa^en mienh, Tin-Hungh nyei baeqc fingx, dongh ninh mbuo buangh zuqc sic fai kouv naanh nyei jauv, maiv lamh kaux dorngx nyei ziangh hoc, ninh mbuo tov Tin-Hungh tengx ninh mbuo, Tin-Hungh tengx liuz ninh mbuo nyei ziangh hoc, ninh mbuo cuotv norm mbuox bun Tin-Hungh, nyungc zeiv se hnangv naaiv nor mingh: Zeuz, Gueix-Zunh 6

7 1. YAV^ WEIH (YAHWEH) naaiv joux waac se Hipv^lu Mienh nyei waac, eix-leiz se gorngv Tin-Hungh yietc liuz ziangh jienv nyei Ziouv (Cuotv I^yipv 6:2-3). 2. EUL (EL) naaiv joux waac se Sem^maetv^titc (Semetic) mienh nyei waac, eix-leiz se gorngv Tin-Hungh zoux baamh mienh nyei die, yaac zoux maanc ziouv nyei Die,Ninh yaac zoux maanc hungh nyei Hungh, maanc ziouv nyei Ziouv, yaac maaih eix-leiz gorngv Tin-Hungh se Nernh jiex nyei Ziouv(Singx Nzung 80:7; Tin-Dei Douh 31:29; Nzamc Leiz-Latc 28:15-17). Tin-Hungh Nyei Mbuox Yiem Hipv^Lu Mienh Nyei Waac 1. ELOHIM: Eix-leiz se gorngv Tin-Hungh yietc liuz ziangh jienv nyei Ziouv (Cuotv I^yipv 3:14). 2. EL ELIJON: Eix-leiz se gorngv Tin-Hungh se hlaang jiex nyei Ziouv(Tin-Deic Douh 14:18-20; Nzamc Leiz-Latc 32:8). 3. ELHAI: Eix-leiz se gorngv ziangh jienv nyei Tin-Hungh. 4. ELALAH: Eix-leiz se gorngv ziepc zuoqv nyei Tin-Hungh. 5. ELSHADDAI: Eix-leiz se gorngv nernh jiex nyei Tin-Hungh (Tin-Deic Douh 17:1; Tin-Deic Douh 28:3; Hipv^lu 12:10). 6. ELOLAM: Eix-leiz se gorngv yietc liuz yiem nyei Tin-Hungh (Tin-Deic Douh 21:33; Singx Nzung Sou 90:2). 7. JEHOVAH-ELOHIM: Eix-leiz se gorngv Ziouv Tin-Hungh (Tin-Deic Douh 2:4; Tin-Deic Douuh 3:8-19). 8. JEHOVAH-JIREH: Eix-leiz se gorngv Ziouv ganh liuc leiz ziangx bun(tin-deic Douh 22:14). 9. JEHOVAH-RAPHA: Eix-leiz se gorngv Ziouv dongh zorc baengc wuov dauh (Cuotv I^yipv 15:26). 10. JEHOVAH-NISSI: Eix-leiz se gorngv kaux duqv zuqc nyei Ziouv (Cuotv I^yipv 17:15). 11. JEHOVAH-SHALOM: Eix-leiz se gorngv Ziouv se mbuo nyei baengh orn (Domh Jien Sou 6:24). 12. JEHOVAH-RAAH: Eix-leiz se gorngv Ziouv dongh goux mbuo wuov dauh (Singx Nzung 23:1). 13. JEHOVAH TSIDKENU: Eix-leiz se gorngv Ziouv se dongh mbuo nyei horpc fim nyei gorn (Ye^li^mie 23:6 = Jeremiah). 14. JEHOVAH-SHAMMAH: Eix-leiz se gorngv Ziouv se dongh caux mbuo yiem wuov dauh (E^saa^ken 48:35 = Ezekiel; Matv^taai 1:23). 15. JEHOVAH-SABOATH: Eix-leiz se gorngv Ziouv se mbuo nyei zuangx Hungh (1 Saa^Mu^en 1:3 = 1 Samuel). 16. JEHOVAH-MIMMANUEL: Eix-leiz se gorngv Ziouv caux mbuo yiem 17. JEHOVAH-ADONAI: Eix-leiz se gorngv Ziouv mbuo nyei Tin-Hungh (Tin Deic Douh 13:1-17). Zeuz, Gueix-Zunh 7

8 B. TIN-HUNGH NYEI EIX-LEIZ Ging-Sou Njaaux Taux Tin-Hungh Nyei Jauv (Singx Nzung 14:1; Matv^taai 28:19; 2 Ko^lin^to 13:14). Mbuo Giduc mienh sienx kungx maaih nduqc dauh zien Tin-Hungh hnangv, Ninh se dongh zeix maanc muotc nyei Ziouv, Tin-Hungh se yietc dauh hnangv, mv baac Ninh ziangh daaih benx buo dauh, se dongh Singx Diex, Singx Dorn, caux Singx Lingh, Tin-Hungh se dongh zeix maanc muotc wuov dauh Ziouv. Tin-Hungh se hnamv haic mbuo baamh mienh, Ninh zeix mbuo baamh mienh daaih, mv baac Saa^daan dongh Tin-Hungh nyei winwangv wuov dauh daaih nduov mbuo nyei ong-taaix-ngaeqv Aa^ndam mbuo baamh zuiz, yaac ziqc zuiz Tin- Hungh, liuz mbuo yietc liuz oix zuqc siouc zuiz, yaac zuqc daic nyei qaqv gunv jienv mbuo lungh ndiev nyei maanc mienh, maiv gunv mbuo maiv baamh zuiz hnangv Aa^ndam baamh nor, mv baac zuqc daic nyei qaqv linh jienv mbuo maanc mienh (Lomaa 5:12-20), weic zuqc Tin-Hungh hnamv haic mbuo baamh mienh, Ziouv Yesu cingx daaih oix zuqc njiec baamh gen daaih njoux mbuo, Ziouv Yesu zuqc daic yiem ziepc nzangc jaax tengx mbuo teix zuiz teix nipc, siouc kouv diqv mbuo. C. ZIOUV YESU GIDUC NYEI EIX-LEIZ Ging-Sou Njaaux Taux Ziouv Yesu Nyei Jauv (Lugaa 1:26-38; Fi^lipv^poi 2:5-11; Hipv^lu 1:3-4). Mbuo Giduc mienh sienx kaux Ziouv Yesu Giduc, se Tin-Hungh nyei ndoqc Dorn, Tin-Hungh paaiv Ninh njiec baamh gen daaih cuotv seix benx mbuo baamh mienh daaih weic njoux mbuo leih ndutv zuiz caux daic nyei jauv. Yesu Giduc cuotv seix nyei jauv se cing-nzengc nyei Singx Lingh nyei qaqv njiec daaih nzie jienv fai gunv jienx Maa^li^yaa nyei sin, yaac bun Maa^li^yaa dongh maiv gaengh caux m juangc dorn bueix jiex wuov dauh, yungz Yesu daaih zoux maanc mienh nyei Njoux Ziouv. Dongh Yesu yiem baamh gen nyei ziangh hoc, Ninh gengh dongh zanc benx dunh yunh nyei Tin-Hungh, yaac benx dunh yunh nyei baamh mienh. Yesu Giduc maiv maaih zuiz mv baac Ninh zuqc ding daic yiem ziepc nzangc jaax, weic njoux mbuo baamh mienh leih ndutv zuiz-nipc. Da faam hnoi Ninh aengx panh nangh daaih, Yesu panh nangh daaih caux sai^gorx mbuo yiem naaiv baamh gen feix ziepc hnoi, yaac njaaux nyungc-nyungc jauv bun sai-gorx, bun ninh mbuo hiuv dingc Ninh corc yietc liuz ziangh jienv nyei maiv daic, Yesu yaac paaiv waac bun sai-gorx mbuo oix zuqc mingh njaaux maanc fingx mienh zoux ninh nyei sai-gorx., Yesu paaiv ziangx waac bun jienv sai-gorx mbuo liuz, nqa haav Ninh ziouc dorng jienv Ninh nyei sai-gorx mbuo ziouc ziangh dauh nyei leih nqoi ninh mbuo nzuonx Tin-Dorngh mi aqv. Ih zangc Ziouv Yesu se yiem Tin-Dorngh, zuov baamh gen nyei nyutc zeiv jiex nyei ziangh hoc, Yesu aengx daaih zipv mbuo sienx kaux Ninh nyei mienh. D. SINGX LINGH NYEI EIX-LEIZ Ging-Sou Njaaux Taux Singx Lingh Nyei Jauv(Lugaa 24:49; Yo^han 15:26; Lomaa 12; Gong-Zoh 2:4). Mbuo Giduc mienh sienx kaux Singx Lingh, se dongh zoux gong dorh baamh mienh goiv hnyouv guangc zuiz, yaac tengx baamh mienh zoih yungz jiex, Ninh yiem sienx Yesu mienh nyei hnyouv gu nyuoz, tengx mbuo maaih qaqv haih zoux cing-nzengc nyei mienh, yaac tengx mbuo haih mbuoqc Tin-Hungh cing-nzengc nyei za eix. Yaac ceix en bun mbuo duqv Singx Lingh nyei qaqv caux zingh nyeic, bun mbuo longc weic fuh sux Gidic nyei Sin se dongh jiu bang. Dauh dauh Giduc mienh oix zuqc bun Singx Lingh dorh mbuo yaac oix zuqc ei Singx Lingh dorh mbuo muangx yaac taaih Giduc Yesu, Giduc mienh zanc-zanc yaac oix zuqc bun Singx Lingh buangv nzengc hnyouv. Zeuz, Gueix-Zunh 8

9 E. FIN-MIENH CAUX MIENV NYEI EIX-LEIZ Ging-Sou Njaaux Taux Fin-Mienh Caux Mienv Nyei Jauv (E^se^ken 28:13-15; I^saa^yaa 14:12-20). Mbuo Giduc mienh sienx gorngv Tin-Hungh zeix yietc zungv fin-mienh, yaac zeix daaih weic fuh sux Tin-Hungh, zeix daaih nyei ziangh hoc ninh mbuo yaac maiv maaih zuiz, mv baac maaih dauh finmienh bieiv mbuox heuc Lu^si^fer, ninh baac-baac baamz zuiz, mbienv hnyouv bun Tin-Hungh, cingx daaih duqv mbuox heuc Saa^daan. Maaih deix fin-mienh yaac gan jienv ninh zoux waaic, yaac zoux ninh nyei baeng, ninh mbuo doix dekc caux Tin-Hungh mborqv jaax, Tin-Hungh ziouc zorqv ninh mbuo zoi njiec naaiv baamh gen daaih, Saa^daan ziouc mingh nduov Aa^ndam caux Haa^waa mbuo baamz zuiz dorngc Tin-Hungh. Dongh naaiv dauh Saa^daan caux ninh nyei baeng yietc zungv mienv gunv naaiv maaih zuiz nyei baamh gen, mv baac ninh mbuo maiv haih gauh henv Tin-Hungh, ninh mbuo zanc-zanc lorz jienv qangx daaih zoux hoic Tin-Hungh nyei gong, caux mbuo baamh mienh nyei maengc. F. BAAMH MIENH NYEI EIX-LEIZ Ging-Sou Njaaux Taux Baamh Mienh Nyei Jauv-Louc(Tin-Deic Douh 1:26; Lomaa 5:12-18). Mbuo Giduc mienh sienx gorngv Tin-Hungh zeix Aa^ndaam caux Haa^waa daaih. Yaac bun ninh mbuo maiv maaih zuiz, mv baac ninh mbuo baac-baac baamz zuiz, ziouc bun mbuo baamh mienh yietc zungv zuqc zuiz gunv jienv, mbuo baamh mienh dauh dauh cingx oix zuqc zipv njoux en yiem Ziouv Yesu liouc cuotv nyei cing-nzengc nziaamv. Se gorngv mbuo baamh mienh maiv zipv naaiv nyungc njoux en nor, mbuo zungv zuqc dingc zuiz ndortv deic nyuoqc yietc liuz. Dauh dauh baamh mienh taux nqa haav laai hnoi aengx duqv panh nangh daaih, sienx kaux Yesu nyei mienh wuov deix nangh daaih duqv yietc liuz nyei maengc, yaac duqc caux Tin-Hungh yiem wuov Tin-Dorngh maiv zuqc ndortv deic nyuoqc, mv baac dongh maiv sienx kaux Yesu wuov deix nangh daaih zuqc dingc zuiz ndortv deic nyuoqc, yietc liuz zuqc siouc kouv taux maanc gouv maanc doic. G. NJOUX EN NYEI EIX-LEIZ Ging-Sou Njaaux Taux Njoux En Nyei Jauv (E^fe^so 2:8-9; Lomaa 10:9-10; Gong-Zoh 4:12; Yo^han 5:24). Mbuo Giduc mienh sienx gorngv, kungx maaih nduqc diuh jauv hnangv bun mbuo haih duqv yietc liuz nyei maengc, naaiv diuh jauv se dongh Yesu wuov diuh jauv, Ging-Sou gorngv, Cuotv liuz Yesu, maiv maaih haaix dauh haih bun mienh duqv njoux, weic zuqc yiem lungh ndiev maanc mienh, Tin-Hungh maiv ceix ganh norm mbuox weic bun mbuo duqv njoux. (Gong-Zoh 4:120). Yesu ganh yaac gorngv, Yie se dongh mingh Tin-Hungh wuov diuh jauv, yaac dongh zien leiz, yaac dongh ziangh maengc wuov dauh. Cuotv liuz kaux Yie, maiv maaih haaix dauh haih mingh duqv taux Zangc Diex wuov. (Yo^han 14:6). Mbuo sienx gorngv baamh mienh dauh dauh haih duqv njoux se oix zuqc ninh ganh bungx dingc hnyouv sienx kaux Ziouv Yesu, Njoux En se weic Tin-Hungh baeqc-baeqc ceix bun mbuo nyei fuqv, fai zingh nyeic, se maiv zeiz mbuo ganh nyei banh zeic bietv daaih, fai fiou gong daqv bietv duqv daaih nyei jauv, njoux en nyei jauv se yangh mbuo mueiz dauh mienh zien-zien nyei goiv hnyouv nyiemc ganh nyei zuiz bun Tin-Hungh caux longc hnyouv sienx, yaac longc nzuih baengx nyiemc Yesu zoux Ziouv, caux Tin-Hungh horpc hnyouv yaac maiv zuqc dingc zuiz (Yo^han 3:17-19; 5:24; Lomaa 5:1; 8:1-2). Zeuz, Gueix-Zunh 9

10 H. JIU-BANG NYEI EIX-LEIZ Ging-sou Njaaux Taux Jiu-Bang Nyei Jauv (1 Ko^lin^to 12:12-27; E^fe^so 3:9-10). Mbuo Giduc mienh sienx gorngv, yietc zuangx lungh ndiev nyei Jiu-Bang se dongh sienx kaux yaac bungx hnyouv yiem Ziouv Yesu Giduc wuov deix mienh, maiv gunv ninh mbuo yiem haaix gitv lungh ndiev fai haaix doic mienh, yietc zungv gapv daaih se benx Giduc nyei sin. Jiu-Bang se Tin-Hungh heuc cuotv daaih fai ginv cuotv daaih zoux Ninh nyei cing-nzengc mienh, siouc Ninh nyei fuqv wuov deix (1 Bide 1:13-17; Yo^han 15:16; E^fe^so 1:15-23; E^fe^so 2:19-23). Mbuo sienx gorngv, buonh deic Jiu-Bang se dongh zuangx sienx Yesu nyei mienh, gapv jienv yiem ganh nyei buonh deic dorngx, norm-norm leiz-baaix gapv zunv daaih zoux leiz-baaix ceng baaix Tin-Hungh, muangx zunh doz,(tin- Hungh nyei waac wuov deix mienh), benx Jiu-Bang nyei guanh fai Giduc nyei sin, se oix zuqc maaih jiu tong doic, zoux zorng-zengx, daux gaux, nyanc Singx Hnaangx caux jienv zoux ganh nyungc fuh sux Tin-Hungh nyei gong. Mouz daaih Giduc mienh oix zuqc maaih buonh bieqc Jiu-Bang cingx daaih haih funx benx Jiu-bang mienh fai Giduc nyei sin. Weic zuqc Ging-Sou njaaux gorngv, Mbuo oix zuqc sienx wuonv mbuo nyiemc maaih lamh hnamv oix duqv nyei, weic zuqc laengz waac wuov dauh se kaux duqv wuonv nyei, mbuo yaac oix zuqc hnamv mangc gaax, hnangv haaix nor haih tengx laanh yietc zei hnamv laanh, yietc zei zoux kuv sic. Maiv dungx guangc maiv gapv zunv zoux leiz-baaix, hnangv maaih deix mienh guangc guenx nor. Daaux nzuonx laanh oix zuqc yietc zei kuinx laanh weic zuqc meih mbuo hiuv duqv Ziouv siemv zuiz nyei hnoi taux fatv aqv (Hipv^lu 10:23-25). I. JIU-BANG CAUX JIU-BANG NYEI GONG A. JIU-BANG SE HAIV NYUNGC? Eix-leiz se heuc cuotv daaih nyei mienh. Giduc mienh se Tin-Hungh heuc yiem zuiz cuotv daaih nyei mienh, Jiu Bang naaiv joux waac nyei eix-leiz se yiem Siang-Ngaengc Waac caux Loz-Ngaengc Waac sou cuotv daaih. Gikc waac gorngv ek^ki^li^sie ( ) eix-leiz se heuc cuotv daaih nyei mienh. Yiem Loz-Ngaengc waac sou, Mose fiev nyei wuov deix biaa buonv Hipv^lu waac faan daaih benx Gikc waac gorngv Jiu-Bang naaiv joux waac longc 100 nzunc. Jiu-Bang naaiv joux waac yiem Hipv^lu waac nyei eix-leiz se gorngv heuc cuotv daaih gapv zunv nyei mienh (Nzamc Leiz-Latc 9:10; Yo^so^waa 8:35; Ye^li^mie 26:17). Yiem Siang-Ngaengc Waac ekklesia naaiv joux waac eix-leiz se gorngv Giduc mienh dongh Giduc heuc cuotv daaih wuov guanh mienh, ninh mbuo nyei jiu tong jauv caux nitv fatv nyei jauv se yiem Giduc. Naaiv joux waac Baulo fin-saeng zanc-zanc longc, dongh gorngv taux Jiu- Bang (Fi^le^mon 1:2; Ko^lo^si 4:15; 1 Ko^lin^to 11:18; 14:15). Jiu-Bang se dongh sienx kaux Yesu zoux ninh mbuo nyei njoux Ziouv wuov deix mienh, mbuo heuc jiu bang, dongh sienx kaux Yesu nyei mienh se Tin-Hungh heuc mbuo cuotv naaiv baamh gen daaih nyei mienh, mbuo nyei lingh wuonh maiv guei deic-nyuoqc aqv, mbuo se benx yiem daic cuotv daaih nyei mienh. Tin-Hungh heuc mbuo, ginv mbuo yiem zuiz cuotv daaih, mbuo sienx kaux Yesu nyei mienh, mbuo nyei lingh wuonh biaux ndutv deic-nyuoqc nyei kuotv mi aqv. Yesu gorngv, Yie gorngv zien mbuox meih mbuo, haaix dauh muangx Yie nyei waac yaac sienx kaux paaiv Yie daaih wuov dauh, ziouc duqv yietc liuz nyei maengc, yaac maiv zuqc dingc zuiz. Ninh biaux ndutv daic nyei jauv duqv ziangh maengc (Yo^han 5:24). Weic zuqc haiv dauh sienx kaux Yesu nyei mienh se, Singx Lingh nyei leizbun ninh leih ndutv daic nyei jauv caux dingc zuiz nyei jauv mi aqv(lomaa 8:1-2). Zeuz, Gueix-Zunh 10

11 Jiu-Bang se benx Giduc nyei sin, lungh ndiev nyei jiu-bang, se dongh sienx kaux yaac bungx hnyouv Ziouv Giduc wuov deix mienh, maiv gunv ninh mbuo yiem haaix doic mienh, haaix gitv lungh ndiev, danh fanh sienx kaux Yesu, yaac nyiemc Yesu zoux Ziouv wuov deix mienh gapv daaih se benx Yesu nyei sin(jiu-bang). Jiu-Bang se dongh sienx Yesu nyei mienh, gapv jienv yiem ganh nyei buonc-deic dorngx, norm-norm leiz-baaix zoux leiz-baaix ceng Tin-Hungh, muangx zunh doz, (Tin-Hungh nyei waac) caux doic jiu tong, tengx Yesu zoux zorng-zengx, daux gaux, nyanc Singx Hnaangx, yaac caux jienv doic zoux ganh nyungc fuh sux Tin-Hungh nyei gong. Dauh dauh Giduc mienh, ninh ganh oix zuqc maaih buonc fuh sux Tin-Hungh nyei jauv cingx funx benx zien Giduc mienh. Fuh sux Tin-Hungh nyei jauv se benx Tin-Hungh paaiv njiec nyei waac, yaac benx Tin-Hungh nyei lingc. Nyungc zeiv se hnangv naaiv: 1. Lomaa 12:11 Maiv dungx lueic. Oix zuqc jorm hnyouv jienh fuh sux Ziouv Yesu. 2. Hipv^lu 10:25-26 Maiv dungx guangc maiv gapv zunv zoux leiz-baaix, hnangv maaih deix mienh guangc guenx nor. Daaux nzuonx laanh oix zuqc yietc zei kuinx laanh weic zuqc meih mbuo hiuv duqv Ziouv siemv zuiz nyei Hnoi taux fatv aqv. B. JIU-BANG NYEI GONG SE HAIV NYUNGC? Jiu-bang nyei gong se ceix Giduc nyei sin se dongh Jiu-bang ganh aqv. Jiu-bang nyei gong se da yietv nyungc mouz dauh Giduc mienh maaih buonc ceix ganh nyei maengc faaux nitv Tin-Hungh, gan longx Tin-Hungh, muangx Tin-Hungh nyei waac, zoux cing-nzengc nyei jauv, horpc fim dongh eix nyei juangc jienv fuh sux Tin-Hungh, laanh ceix laanh faaux yiem Tin-Hungh ( Lomaa 12:16-17; Lomaa 14:18-19; 1 Yo^han 4:7-12). Da nyeic nyungc se tengx Yesu zoux zorng-zengx zunh Yesu nyei kuv fienx bun lungh ndiev mienh hiuv taux Njoux En nyei jauv, naaiv se Yesu paaiv bun mbuo meiz dauh sienx Yesu mienh nyei gong (Matv^taai 28:19-20; Maako 16:14-18; Lugaa 24:36-49; Yo^han 20:19-23; Gong-Zoh 1:6-8). Naaiv nyungc gong se mv zeiz kungx yietc dauh mienh ganh zoux nyei gong hnangv, yietc dauh mienh ganh hnangv yaac maiv haih zoux mv cuotv, oix zuqc maaih ziex dauh juangc jienv zoux. Yesu yaac maiv zeiz kungx paaiv nduqc dauh mienh ganh zoux hnangv, ninh paaiv bun yietc zungv sienx kaux ninh nyei mienh. Yesu maiv gorngv Meih oix zuqc mingh njaaux maanc fingx mienh zoux Yie nyei sai-gorx, mv baac Ninh gorngv Meih Mbuo oix zuqc mingh njaaux maanc fingx mienh zoux Yie nyei sai-gorx. Zunh Kuv Fienx nyei gong se yietc zungv Giduc mienh nyei gong. Fuh sux Tin-Hungh nyei jauv fai zoux Tin-Hungh nyei gong se njaaux Tin-Hungh nyei waac Ging- Sou bun mienh hiuv duqv Tin-Hungh, njaaux mienh fai dorh mienh ceng baaix Tin-Hungh. Nyungc zeiv se hnangv mbuo njaaux nzung fai dorh mienh beaux nzung ceng Tin-Hungh. Ging-Sou gorngv heuc mbuo fuh sux Tin-Hungh nyei jauv maiv dungx lueic, yaac maiv dungx zuov ziangh hoc(lomaa 12:11; 1 Ti^mo^tai 4:1-5). Mbuo dauh dauh sienx Yesu nyei mienh oix zuqc maaih buonc fuh sux Yesu zoux Ninh nyei gong. Mbuo fuh sux Tin-Hungh fai zoux Yesu nyei gong maiv zeiz weic bietv njoux en nyei jauv, mv baac naaiv benx njoux en nyei zorng-zengx, maaih hnyouv fuh sux Tin-Hungh fai zoux Yesu nyei gong wuov deix mienh, se bun cing ninh mbuo benx duqv njoux nyei mienh. C. STEWARDSHIP, stewardship naaiv joux waac se maaih haaix nyungc eix-leiz? Naaiv joux waac nyei eix-leiz se yietc dauh mienh tengx Ganh Dauh Mienh goux jaa-dingh. Ninh goux nyei ga naaiv se mv maaih yietc nyungc ga naaiv benx ninh nyei buonc. Mv baac tengx ninh nyei ziouv goux hnangv. Yiem Ang^gitv Ging-Sou longc benx i joux waac yiem naaiv norm eix-leiz, nyungc zeiv se hnangv naaiv: Zeuz, Gueix-Zunh 11

12 1. Lugaa 12: Mienh waac Goux Jaa-Dingh Nyei Mienh. 1.2 NIV Bible Manager. 1.3 KJV Bible Steward. 2. Matv^taai 25: Mienh waac Banh Zeic fai Buonh Zeic NIV Bible Talents. D. TIN-HUNGH NYEI ZA EIX PAAIV NJIEC BUN 1. Mbuo baamh mienh gunv goux Tin-Hungh zeix daaih nyei maanc muotc ga naaiv 1. 1 Tin-Hungh gorngv mbuox Aa^ndam mbuo Meih mbuo oix zuqc maaih fu jueiv hiaangx daaih buangv lungh ndiev yaac gunv duqv mbuoqc lungh ndiev nyei ga naaiv. Tin Deic Douh 1: Tin-Hungh ceix fuqv ceix congh mengh bun Yosepv, ninh ziouc duqv zoux ziouv gunv ninh nyei ziouv Bo^ti^faa nyei jaa-dingh Tin Deic Douh 39: Tin-Hungh se benx maanc muotc nyei Ziouv, nyungc-nyungc ga naaiv ninh zeix daaih benx ninh nyei, mbuo se benx gunv gong mienh hnangv, tengx Tin-Hungh ziux goux dongh Tin-Hungh paaiv bun mbuo goux nyei buonc jaa-dingh (1 Zunh Doic Douh 29:14-16). 2. Mbuo oix zuqc zieqv duqv Tin-Hungh se dongh zoux Ziouv wuov dauh Baamh gen caux yiem baamh gen nyei ga naaiv se Tin-Hungh nyei (Singx Nzung 24:1-2; 1 Zunh Doic Douh 29:11-19; 1 Ko^lin^to 10:25-31). 3. Maaih jaa-zinh nyei Giduc mienh yiem fuh sux Tin-Hungh nyei jauv 3.1 Mbuo nyei maengc caux mbuo zoux nyei sic(seix Zanc Nzung 4:4-6; Maa^laa^ki 2:12-13; Maa^laa^ki 3:3-4; Lugaa 1:14; Lugaa 12:16-31; Lugaa 19:1-8; 1 Ti^mo^tai 6:6-19). 3.2 Mbuo zoux nyei gong (2 Ti^mo^tai 3:6-13). 3.3 Mbuo nyei eix-leiz (Singx Nzung 28:20-22; Matv^taai 6:2-4; 6:19-31; 19:21-26; Maako 14:11; Gong-Zoh 8:18-23; Lomaa 13:8; 1 Yo^han 2 :15). 3.4 Mbuo nyei mouz deic saaiv longc zinh nyaanh nyei (Nzamc Leiz-Latc 8:7-14; 2 Saa^mu^en 8:11; 1 Zunh Doic Douh 18:11; Matv^taai 4:8-9; Ko^lo^si 1:16-18). 3.5 Ciev ziec nyei fongc horc(maako 12:41-44; Lomaa 12:1-8; 2 Ko^lin^to 8:9-15). Zeuz, Gueix-Zunh 12

13 4. Giduc mienh saaiv longc zinh nyaanh nyei jauv 4.1 Longc ziux goux muangv doic (Maako 7:9-13; 1 Ti^mo^tai 5:4-8). 4.2 Longc zoux fuh sux Tin-Hungh nyei jauv(1 Zunh Doic Douh 29:2-5; Ne^haa^mi 10:32; Singx Nzung 40:6; Congh Mengh Sou 21:27; Matv^taai 25:31-46; Maako 14:3-9) Longc zoux Tin-Hungh nyei gong( 2 Ko^lin^to 11:8-16; Fi^lipv^poi 4:10-20; 1 Ti^mo^tai 5:18). 4.4 Longc tengx mienh jomc mienh (Congh Mengh Sou 22:9; Matv^taai 5:42; Luga 18:22-24;Gong-Zoh 11:29; Lomaa 15:26-27; 1 Yo^han 3:17; Gong-Zoh 20:35; 24:17). 4.5 Longc cuotv nzou-zinh (Matv^taai 22:21; Maako 12:13-17; Lomaa 14:1-4). 5. FONGC HORC CAUX FUNGX NZUONX BUN TIN-HUNGH NYEI JAUV Ging-Sou duqv njaaux taux fongc horc ziepc gouv nyei yietc gouv jauv, fai mbuo maaih nyei ga naaiv, zinh nyaanh, ziangh hoc, mbuo nyei banh zeic bun Tin-Hungh, aengx caux nyungc-nyungc ga naaiv dongh mbuo maaih nyei bun Tin-Hungh. Nyungc zeiv se hnangv naaiv: 1. Fongc horc ziepc gouv nyei yietc gouv jauv, se dongh Tin-Hungh ceix bun mbuo nyei nyungc-nyungc ga naaiv, mbuo bun nzuonx Tin-Hungh. 2. Lengc jeiv fongc horc. 3. Cuotv fim tengx mienh jomc mienh. 4. Cuotv nyaanh zorc Singx Dingc. Fongc horc nyei jauv se maaih 4 nyungc benx longc jienv nyei jauv bun taux Giduc mienh nyei maengc. Giduc mienh camv nyei maiv bieqc hnyouv taux naaiv deix jauv, caux maaih camv nyei yaac bieqc hnyouv dorngc, fai maaih la nyauv nyei jauv. Fungx Nzuonx Ziepc Gouv Nyei Yietc Gouv Bun Tin-Hungh Nyei Jauv Ziepc gouv nyei yietc gouv fai fungx nzuonx nyei jauv eix-leiz se ziepc baa^senh (10 o/o) fai yietc baeqv bun ziepc yiem nyungc-nyungc jauv, dongh Tin-Hungh ceix bun mbuo maaih nyei maengc, mbuo horpc zuqc dorh yietc baeqv gouv nyei ziepc gouv, fai ziepc gouv nyei yietc gouv ga naaiv nzuonx bun Tin-Hungh. 1. Zinh nyaanh caux nyungc-nyungc ga naaiv. 2. Ziangh hoc. 3. Congh mengh banh zeic jauv. Fongc horc ziepc gouv nyei yietc gouv se benx Tin-Hungh paaiv njiec bun sienx Tin-Hungh nyei mienh dauh dauh, oix zuqc ei jienv zoux, naaiv deix jauv se yiem loz-hnoi Tin-Hungh nyei baec fingx jiex gorn zoux taux ih zanc aqv, mbuo haih mangc duqv Ging-Sou gorngv nyei jauv nyei, se hnangv: Zeuz, Gueix-Zunh 13

14 1. Benx Tin-Hungh paaiv bun dauh dauh sienx Tin-Hungh nyei mienh nyei waac. Lewi Sou 27:30-34 Yiem ndau cuotv nyei yietc zungv ga'naaiv, liemh laangh ziqc liemh ndiangx nyei biouv, ziepc gouv nyei yietc gouv benx Ziouv nyei mi'aqv. Se gorngv haaix dauh oix zuoqc haaix deix ninh nyei ziepc gouv nyei yietc gouv, oix zuqc bun buonh zinh aengx jaa tipv biaa gouv nyei yietc gouv. Da'faanh ngongh guanh, ba'gi yungh fai yungh guanh, ziepc gouv nyei yietc gouv, se ziepc dauh nyei yietc dauh ziouc cing-nzengc weic fungx bun Ziouv. Maiv dungx ginv cuotv benx fai maiv benx yaac maiv dungx tiuv. Se gorngv ninh gengh oix tiuv nor, liemh dorh daaih wuov dauh caux oix tiuv wuov dauh se cing-nzengc mi'aqv. Maiv haih zuoqc aqv. Naaiv deix hatc nyei waac se Ziouv yiem Si^naai Mbong jiu bun Mose weic I^saa^laa^en Mienh. 2. Tin-Hungh bun Tin-Hungh nyei ziepc gouv nyei yietc gouv ga naaiv dongh fuh sux Tin-Hungh buangv ziangh hoc nyei mienh longc. Saauv Mienh Sou 18:21 I^saa^laa^en Mienh fongc horc ziepc gouv nyei yietc gouv ga'naaiv yie jiu bun Lewi Mienh zoux ninh mbuo nzipc nyei buonc, winh ninh mbuo yiem Wuic Buangh Ndopv-Liuh fuh sux, zoux nyei gong. 3. Tin-Hungh gorngv dongh maiv fongc horc ziepc gouv nyei yietc gouv wuov deix mienh se pienx Tin-Hungh nyei ga naaiv. Maa^laa^ki 3:8 Mienh haih luv Tin-Hungh nyei fai? Meih mbuo zungv lov liuz yie aqv. Mv baac meih mbuo corc aengx naaic, Yie mbuo hnangv haaix nor lov meih? Yiem ziepc gouv nyei yietc gouv wuov caux fongc horc nyei jauv. 4. Tin-Hungh zioux yaac maiv ceix fuqv bun dongh pienx Tin-Hungh nyei nyaanh wuov deix. Maa^laa^ki 3:9 Meih mbuo zuqc zioux aqv yietc zungv deic-bung nyei mienh, weic zuqc mbuo luv yie nyei nyaanh. 5. Tin-Hungh laengz jienv ceix fuqv bun dongh fongc horc ziepc gouv nyei yietc gouv wuov deix. Maa^laa^ki 3:10-11 Yie se Nernh jiex nyei Ziouv, caux Yie yaac ndouv meih mbuo seix Yie. Dorh yietc zungv ziepc gouv nyei yietc gouv fongc horc nyei ga naaiv daaih dapv siou ga naaiv nyei lamh maah, hnangv naaic nziex yie nyei biauv haih maaih deix nyanc hopv. Liuz Yie ziouc oix koi nqoi tin-dorngh nyei gaengh dox fuqv njiec bun meih mbuo zungv mv maaih dorngx dapv mv njiec nyei wuov nyungc. Yie yaac oix dingh jopv mv bun nyanc meih mbuo nyei gaengh zuangx ga naaiv caux meih mbuo nyei a ngunc biouv maiv cuotv nyei jauv. Fongc Horc Nyei Jauv Fongc horc nyei jauv se hnangv nyungc-nyungc jauv nor, fongc horc nyei jauv se dongh mbuo bun liuz ziepc gouv nyei yietc gouv wuov, fai dongh mbuo fungx nzuonx bun liuz Tin-Hungh nyei buonc. Maiv gunv se mbuo nyei zinh nyaanh, fai congh mengh, banh zeic jauv, fai ziangh hoc. Zeuz, Gueix-Zunh 14

15 Tin-Hungh Baamh Mienh Zeuz, Gueix-Zunh 15

16 Yesu se dongh mingh Tin-Hungh wuov diuh jauv Yo^han 14:6 Tin-Hungh Yesu Baamh Mienh Zeuz, Gueix-Zunh 16

17 BAAMH MIENH 1. Tin-Hungh ZIUX NINH GANH NYEI FANGX zeix mienh daaih a. Tin-Hungh maiv maaih orv sin hnangv baamh mienh b. Mbuo nyei lingh wuonh se hnangv Tin-Hungh nyei lingh wuonh c. Aa^ndam, da yietv dauh mienh, haih gorngv waac yaac haih daav za eix d. Mienh haih zoux dorngc yaac haih zoux horpc. e. Mienh zoux dorngc haih hiuv nyaiv, hnyouv yaac haih guaix ganh f. Tin-Hungh oix yie mbuo benx zuangv Ninh g. Tin-Hungh bun baamh mienh gunv nyungc-nyungc ga naaiv 2. BAAMH MIENH MAAIH ORV SIN yaac MAAIH LINGH WUONH B. BAAMH MIENH ZIQC ZUIZ 1. Baamh mienh JIEX GORN ZOUX LONGX 2. Baamh mienh HAIH GINV LONGX FAI WAIC 3. SAADAAN NDUOV da yietv doic mienh ginv zoux dorngc a. Naang nduov Aa^ndam caux Haawaa mbungh mbienv. hlungh hluotv b. Naang nduov ninh mbuo maiv sienx Tin-Hungh nyei waac. c. Naang nduov ninh mbuo sienx ninh nyei waac. e. Ninh mbuo cingx daaih maiv ei Tin-Hungh nyei leiz latc. f. Ninh mbuo nyanc wuov nyungc biouv. g. Naaiv se dorngc Tin-Hungh (ndiqv zuqc ndorpc) 4. Aa^ndam caux Haawaa dorngc liuz aqc ninh mbuo cingx HNANGV HAAIX NOR GOIV BENX GANH NYUNGC? Zeuz, Gueix-Zunh 17

18 5. BAAMH MIENH yietc zungv cingx BUANGH HAAIX NYUNGC KOUV? a. Ninh mbuo maaih jienv Tin-Hungh nyei fangx zeiv mv baac MAIV HNANGV ZINH NDAANGC. b. Ih zanc MAAIH GANH NYUNGC FIEM-FINGX. c. HNYOUV LAIH HLOPV. d. LEIH GO TIN-HUNGH. e. OIX ZOUX ZUIZ. f. Aa^ndam nyei zeiv fun YIETC LIUZ yaac MAAIH HNYOUV ZOUX DORNGC SIC g. DAUH DAUH ZOUX ZUIZ. h. TIN-HUNGH NOUZ HAIC ZUIZ. i. Tin-Hungh OIX ZUQC DINGC ZUIZ. j. MOUZ DAUH mienh OIX ZUQC DAIC k. Maaih jienv zuiz OIX ZUQC FUNX BENX SAADAAN NYEI FU JUEIV l. YESU ZUQC SEIX hnangv Aa^ndam caux Haawaa MV BAAC YESU MAIV ZOUX ZUIZ m. Baamh mienh YIETC ZUNGV ZUQC SEIX FIH HNANGV NYEI 6. Maiv maaih zuiz dorn NYUNGC-NYUNGC ZUIZ SE HLO a. Zoux WAAIC SIC YIETC ZUNGV SE ZUIZ b. Yiem hnyouv HNAMV DORNGC YAAC BENX ZUIZ c. MAIV ZOUX mbuo horpc zuqc zoux nyei YAAC BENX ZUIZ d. YIETC ZUNGV ZUIZ se DORNGC TIN-HUNGH I. BAAMH MIENH HAAIX DUQV NJOUX A. MBUO GANH QIEMX ZUQC ZOUX NYEI BUON 1..Oix zuqc SIENX KAUX TIN-HUNGH 2..Se gorngv mbuo sienx duqv horpc MBUO OIX MUANGX TIN-HUNGH NYEI WAAC. 3. Tin-Hungh heuc mbuo ZOUX NAAIV BUO NYUNGC BUN CING MBUO ZA GENGH SIENX: a..goiv HNYOUV b. NYIEMC YESU ZOUX ZIOUV c..jiex WUOM NYEI LEIZ Zeuz, Gueix-Zunh 18

19 B. TIN-HUNGH ZOUX NYEI BUON: 1. TIN-HUNGH NYEI EN za gengh hlo haic. 2..Tin-Hungh bun mbuo SIANG-YUNGZ JIEX 3..Tin-Hungh bun mbuo CAUX NINH HORPC HNYOUV DAAIH 4..Tin-Hungh hlorpc mbuo daaih BENX NINH NYEI NAAMH NYOUZ 5..Tin-Hungh tengx mbuo BENX CING-NZENGC 6..Tin-Hungh bun mbuo yietc liuz yiem tin-dornh YIEM NINH NYEI NJANG-LAANGC C. Mbuo duqv njoux liuz aqc OIX ZUQC HNANGV HAAIX NOR YIEM? 16 minc 1. Mbuo oix zuqc BAAIX, CENG, BUOQC ZANGC TIN-HUNGH 2. Oix zuqc HOQC HIUV GING-SOU 3.Oix zuqc CAUX JIU-BAANG DOIC JIU-TONG 4. Oix zuqc NYANC SINGX HNAANGX 5. Oix zuqc DAUX-GAUX 6. Oix zuqc ZORQV GANH FUNGX BUN TIN-HUNGH hnangv ziec nyei ga naiv nor 7. Oix zuqc BUN TIN-HUNGH GOIV NZENGC 8. Oix zuqc BUN SINGX LINGH DORH JAUV 9. Oix zuqc HLO DAAIH YIEM YESU 10. Oix zuqc MAAIH HNYOUV HNAMV MIENH 11. Oix zuqc KORH LIENH YAAC TENGX MIENH 12. Oix zuqc FONGC HORC 13. Oix zuqc ZOUX ZINGH GINX tengx maanc mienh hiuv II.BAAMH MIENH Zeuz, Gueix-Zunh 19

20 A. Baamh Mienh JIEX GORN HNANGV HAAIX NOR? 1. Tin-Hungh ZIUX NINH GANH NYEI FANGX ZEIV zeix mienh daaih Tin Deic Douh 1:26,27,31 Tin-Hungh aengx gorngv, Mbuo oix zuqc ziux mbuo nyei fangx zeiv zeix mienh daaih zuangv mbuo yaac hnangv mbuo nor, bun ninh mbuo gunv koiv gu'nyuoz nyei mbiauz, yiem ndaamh lungh nyei norqc, nyungc-nyungc saeng-kuv, yaac gunv nyungc-nyungc nyorng ndau-beih nyei ga'naaiv. 27 Tin-Hungh ziouc ziux ninh ganh nyei fangx zeiv zeix baamh mienh, se ziux Tin-Hungh ganh nyei fangx zeix mienh daaih, ninh zeix cuotv benx m'jangc m'sieqv. 31 Tin- Hungh mangc ninh zeix daaih nyei nyungc-nyungc ga'naaiv, buatc za'gengh longx haic. Maaih lungh hmuangx yaac maaih lungh ndorm. Naaiv se da'luoqc hnoi. Tin Deic Douh 9:6 Tin-Hungh caux Noyaa liepc jiez ngaengc waac gorngv: Haaix dauh daix mienh, bun nziaamv liouc cuotv, wuov dauh zungv zuqc mienh daix, bun nziaamv liouc cuotv, weic zuqc Tin- Hungh zeix mienh, se zeix daaih zuangv ninh ganh. Yaagorpc 3:9-10 Mbuo longc mbietc ceng Ziouv Zangc Diex, yaac longc zioux mienh, dongh Zangc Diex zeix cuotv daaih zuangv ninh ganh yaac hnangv ninh ganh nor. 10 Ceng nyei waac caux zioux nyei waac juangc sung nzuih cuotv. Yie nyei gorx-youz aah! Hnangv naaic za'gengh maiv horpc yietc deix. a. Tin-Hungh maiv maaih orv sin hnangv baamh mienh Nzamc Leiz-Latc 4:15-17 Yiem Holepv Mbong, Ziouv yiem douz caux meih mbuo gorngv waac wuov zanc meih mbuo maiv duqv buatc haaix nyungc njoiz. Weic naaiv oix zuqc faix fim, mbungh longx ganh. 16 Nziex meih mbuo haih zoux waaic sic ziouc weic meih mbuo ganh zoux haaix nyungc nyei miuc-fangx, maiv gunv m'jangc fai m'sieqv nyei fangx, 17 fai yiem ndau-beih nyei saeng-kuv, fai yiem ndaamh lungh nyei norqc, Yo^han 4:24 Tin-Hungh se lingh wuonh. Zangc Tin-Hungh nyei mienh oix zuqc longc Singx Lingh yaac longc zien leiz zangc. b. Mbuo nyei lingh wuonh se hnangv Tin-Hungh nyei lingh wuonh E^fe^so 4:23-24 Oix zuqc bun Tin-Hungh goiv meih mbuo nyei hnyouv, yienc meih mbuo nyei eix, benx siang nyei daaih. 24 Yaac oix zuqc duqv siang-maengc. Naaiv nyungc maengc Tin-Hungh zeix daaih zuangv ninh ganh, meih mbuo ziouc zien-zien nyei zoux duqv horpc yaac cing-nzengc nyei. Ko^lo^si 3:9-10 Laanh maiv dungx gorngv-baeqc nduov laanh, weic zuqc meih mbuo guangc meih mbuo nyei loz-maengc caux loz-maengc zoux nyei sic, 10 aengx duqv* siang-maengc. Naaiv nyungc siang-maengc, zeix maanc muotc nyei Tin-Hungh zanc-zanc zeix daaih siang nyei, gunv zoux gunv zuangv ninh nyei fangx zeiv weic bun meih mbuo haih hiuv nzengc ninh ganh. c. Aa^ndam, da yietv dauh mienh, haih gorngv waac yaac haih daav za eix Tin Deic Douh 2:19-20 Ninh ziouc zorqv deix nie daaih nanv nyungc-nyungc yiem ndau nyei hieh zoih saeng-kuv caux nyungc-nyungc yiem ndaamh lungh nyei norqc, ziouc dorh daaih bun wuov laanh mienh mangc gaax, haaix nyungc horpc zuqc cuotv haaix nyungc mbuox. Wuov dauh mienh tengx naaiv deix maaih maengc nyei ga'naaiv cuotv mbuox heuc haaix nyungc, wuov nyungc ga'naaiv ziouc duqv mbuox heuc wuov nyungc aqv. 20 Naaiv dauh mienh tengx cuotv nzoih nyungc-nyungc saeng-kuv nyei Zeuz, Gueix-Zunh 20

21 mbuox caux yiem ndaamh lungh nyei norqc caux yietc zungv yiem lomc nyei hieh zoih nyei mbuox, corc buatc maiv maaih yietc dauh puix ninh, caux ninh zoux doic, tengx ninh. d. Mienh haih zoux dorngc yaac haih zoux horpc. Tin Deic Douh 3:1-3 Ziouv Tin-Hungh zeix daaih nyei yietc zungv dongh naang gauh guaix jiex. Naang naaic gaax wuov dauh m'sieqv dorn, Tin-Hungh za'gengh gorngv maiv bun meih mbuo nyanc yiem naaiv huingx gu'nyuoz nyei haaix nyungc biouv fai? 2 Wuov dauh m'sieqv dorn dau, Yiem huingx gu'nyuoz nyei nyungc-nyungc biouv yie mbuo nyanc duqv nyei. 3 Mv baac Tin-Hungh gorngv, Yiem huingx mbu'ndongx wuov zungh ndiangx nyei biouv cinmaanc maiv dungx nyanc, liemh maiv dungx muoqv. Maiv zei aeqv, meih mbuo zungv zuqc daic aqv. e. Mienh zoux dorngc haih hiuv nyaiv, hnyouv yaac haih guaix ganh Tin Deic Douh 3:7-9 Nyanc liuz, ninh mbuo I dauh haih hnamv duqv tong, hiuv duqv nyungcnyungc yaac hiuv duqv ninh mbuo laengh gaengv nyei yiem. Ninh mbuo ziouc zorqv ngongh nyorx ndiangx-normh lunh daaih pongx jienv aqv. 8 Wuov hnoi, lungh maanz-hmuangx nyei ziangh hoc, ninh mbuo haiz Ziouv Tin-Hungh yiem huingx gu'nyuoz yangh jauv. Wuov dauh m'jangc dorn caux ninh nyei auv ziouc bieqc huingx nyei ndiangx-lomc mingh bingx jienv Ziouv. 9 Mv baac Ziouv Tin-Hungh heuc wuov dauh m'jangc dorn, Meih yiem haaix laeh? 1 Ti^mo^tai 1:5 Yie hnangv naaiv nor hatc se weic bun meih mbuo laanh hnamv laanh. Laanh hnangv naaiv hnamv laanh oix zuqc longc cing-nzengc nyei hnyouv, hnyouv maiv lamh guaix ganh, yaac zien-zien nyei sienx. f. Tin-Hungh oix yie mbuo benx zuangv Ninh Lomaa 8:29 Weic zuqc Tin-Hungh jaa-ndaangc ginv wuov deix, ninh yaac dingc bun ninh mbuo hnangv ninh nyei Dorn nor. Ninh nyei Dorn ziouc duqv zoux zuangx muoz-doic nyei Domh Gorx. 1 Yo^han 3:2 Hnamv haic nyei gorx-youz aac, ih zanc mbuo benx Tin-Hungh nyei naamh nyouz. Nqa'haav hingv mbuo oix hnangv haaix nor maiv gaengh hiuv. Mv baac mbuo hiuv duqv Yesu Giduc hinc cuotv wuov zanc mbuo oix hnangv ninh nor, weic zuqc Yesu za'gengh hnangv haaix nor, mbuo yaac duqv buatc ninh hnangv wuov nor. g. Tin-Hungh bun baamh mienh gunv nyungc-nyungc ga naaiv Tin Deic Douh 1:26 Tin-Hungh aengx gorngv, Mbuo oix zuqc ziux mbuo nyei fangx zeiv zeix mienh daaih zuangv mbuo yaac hnangv mbuo nor, bun ninh mbuo gunv koiv gu'nyuoz nyei mbiauz, yiem ndaamh lungh nyei norqc, nyungc-nyungc saeng-kuv, yaac gunv nyungcnyungc nyorng ndau-beih nyei ga'naaiv. Aa^ndam wuov norm mbuox nyei eix leiz se baamh mienh Saeng-kuv maiv zoux leiz baaix dorngh yaac maiv zoux fanh taapv yaac maiv zoux miuc-mienv fangx. Kungx baamh mienh hnangv zoux weic zuqc mienh maaih lingh wuonh. Baamh mienh haih maaih hnyouv hnamv caux korh lienh caux njien-youh yaac haih nzorng mienh, haih nzauh. Ninh mbuo haih zangc Tin-Hungh yaac haih duqv caux Tin-Hungh jiu tong. Saeng-kuv maiv haih hnangv naaiv zoux. Zeuz, Gueix-Zunh 21