<4D F736F F D203939A57CBFA4B5C4B0AAA4A4B2D5A5FEB3A1>

Size: px

Start display at page:

Download "<4D F736F F D203939A57CBFA4B5C4B0AAA4A4B2D5A5FEB3A1>"

廉郯
7 years ago
Views:

1 99 年全國語文競賽臺灣客家語朗讀 ( 北四縣腔 ) 高中學生組編號 1 號阿啾箭个故鄉 ( 龔萬灶原作 / 馮美齡修改 ) 鷂婆來哩喲! 鷂婆來哩喲! 落雨過啊忒, 天頂項个烏雲還毋想散, 正變較淡兜仔, 無恁烏吔半天仔有一隻烏影, 像擎等兩支巨扇, 擛一路來一下仔又像烏色个大揚尾仔, 在頭那頂, 緊飛緊兼阿森仔在田項挷稗仔, 看啊著, 喊一路轉伙房項逐家人就有畜雞鴨禾頭田, 挲草過後, 青溜溜仔大家就捉鴨子來放, 一直放到禾仔飽胎, 鴨子也變到鴨臀仔, 就做毋得再放吔田項無水个時節, 雞嫲乜會帶雞子落去絡食滿田鴨子雞子, 盡驚鷂婆來吊耕種人對這種天頂飛來个災禍, 心肝肚又恨又畏屋下係堵好有放鴨子抑係有雞嫲子, 歸日仔就看等天頂, 竹頭尾雲底下係有看著一息仔烏點, 跈等對門直出, 擎等雞袪, 走到田項去掌等大家像講同吔樣仔, 有麼儕先吊睍著半天仔, 定著會大聲通報伙房背後, 竹頭圍肚該頭苦楝樹頂, 有一竇阿啾箭, 歸身仔𪐞烏, 飛等像射箭恁遽阿啾箭看著鷂婆就像看著不共戴天个大冤仇人, 遠遠就逐過去, 用厥尖尖个觜對等鷂婆, 密密啄落去, 啄到鷂婆佇毋著, 拔等翼胛, 趕緊飛走阿啾箭逐朝晨就異早䟘, 嚌嚌啾啾, 吵人清夢毋過, 佢在農家人个心肝肚, 係好鳥仔, 就像空中警察樣仔, 盡忠心來保護等田項个鴨子雞子雖然講著等歸身仔个烏衫烏褲, 大自家乜毋會忌諱堵著做田个時節, 田項會耖出異多蟲豸草蜢 ; 阿啾箭會飛來絡食, 企在牛背囊項, 不時像噴射機樣仔, 種到濫泥面項, 啄一口青蟲大餐邊脣仔, 輒常會堵著厥个好鄰舍歸身仔雪白个白鶴仔, 腳棍長, 頸根也長, 行起路來, 腳步乜長, 像一位紳士田坵項一烏一白共樣係駛牛阿伯个好朋友阿啾箭, 尾砣砣, 峎背叔婆做生日, 愛分𠊎跈抑毋分𠊎跈, 害𠊎打扮兩三日從細就聽阿姆唸這條童謠, 對阿啾箭一直就有異多个憧憬 ; 適大人該位接續著个印象阿啾箭變到乖巧又帶有一息仔可憐个細阿妹仔離開家鄉過後, 有時會在電線頂項看著阿啾箭, 本本係一身个烏袍, 共樣个利觜, 單單缺少青油油仔个竹園邊脣, 擎等牛拂仔頭磬磬仔犁田个阿伯, 心肝肚像失落忒麼个東西樣仔阿姆既經過身, 毋過, 老人家背囊項揹等孫仔, 手項擎等雞袪, 掌等一竇雞嫲子, 不時還愛臥頭看天頂个身影, 還係清清楚楚印在心肝肚

2 99 年全國語文競賽臺灣客家語朗讀 ( 北四縣腔 ) 高中學生組編號 2 號菜瓜棚 ( 江嵐原作 / 馮美齡修改 ) 屋側角有一搭空地, 阿公手仔就種有一頭番檨, 這下當高當大頭, 逐年正月就開花, 一點一點黃黃像星仔屎樣仔, 歸串歸串仔拶拶, 毋使到五月節, 一粒一粒像細人仔个拳頭嫲恁大个番檨, 打到婆嫲洎杈, 係落一陣仔大雨就會跌到一樹下, 青个拿來滷情人果, 黃个就做得食土番檨細細粒仔, 無麼个肉, 毋過, 味緒特別香, 係一般改良个也係進口个大番檨, 無法度比个在地香, 阿公無愛食大大粒有肉又多水份个進口種, 總係頭望望仔等佢自家種个番檨熟菜瓜棚脣項, 有一頭木瓜樹, 毋記得係麼个時節種个, 逐年就打到結結, 食就食毋利, 阿姆盡盼得, 時時就摘下來送鄰舍逐年正月, 阿姆就會點幾頭仔菜瓜籽, 等生出菜瓜苗个時, 愛選兩頭盡靚个做種, 伸个做盡愛挷淨淨, 兩日淋一擺水, 等菜瓜递藤該時, 還愛插兩枝豆隸分佢递上架仔頂四月邊仔就開始打花, 大大蕊黃黃个花, 在青溜溜仔个菜瓜葉裡肚, 開到脫體晟眼, 到五月邊仔天時較熱, 花就會打來忒多, 影響菜瓜个品質, 阿姆就會將有兜仔花摘忒莊下人無耗爽个本錢, 阿姆會將這兜大大蕊个黃花, 拿來搵麵粉落鑊烰, 對𠊎這兜罕得有麼个零嗒好食个細人仔來講, 食起來脆脆香香甜甜个味緒, 有日頭羴同萋萋个菜瓜花香, 恁樣个零嗒驚怕係𠊎兜一生人就攉毋忒个記憶放暑假个時節, 菜瓜打到滿棚揇揇吊吊, 菜瓜葉同油桐葉異像, 大大葉青青, 生角生角, 一皮一皮仔重重疊疊, 對瓜棚下背看啊上, 盡像一粒一粒大大粒个星斗, 黃色个花就像係光華華个月光, 一條一條个菜瓜浸青, 就像係得人惜个細人仔, 在該吊晃槓吂結婚个細叔仔係教書先生, 佢盡會利用這種天然个資源, 兜一張矮桌仔, 幾張矮凳仔, 歸日仔就在這讀書泡茶, 到暗晡頭, 菜瓜棚下自然變做大人細子尞涼个所在成時坐到月光下, 看月光華華, 滿天星斗, 清風輕輕仔吹過來, 阿叔會教𠊎兜唸 : 月光華華, 細妹煮茶, 阿哥兜凳, 人客食茶个童謠, 還會同𠊎兜講盡多盡多个故事八月半係俚團圓个大日仔, 阿叔叔姆阿姑姑丈, 出外做頭路个人, 歸家人就會轉來過節, 大家坐在菜瓜棚下食月餅打嘴鼓, 叔姆同阿姑在該起火焙肉, 細人仔在禾埕項逐上逐下, 搞到貶轉來, 歸屋間歸禾埕个笑聲, 係𠊎兜用錢就買毋著个幸福經驗等八月半過忒, 一家一家人愛駛車去都市个時節, 吾姆總會細心細意摘一千擔菜瓜番瓜匏仔青菜, 一樣一樣用報紙包好勢, 還有自家畜來㓾个雞仔鴨仔, 鹹菜覆菜塞塞揫佢兜一車頂有一暗晡, 𠊎發夢著驚跋䟘起來, 就順續出去菜瓜棚側角个便所屙尿, 看著阿公坐在瓜棚下, 毋知同麼儕在該位講話, 遠遠就聽著吱吱喳喳个人聲, 等𠊎行近看啊, 就單單阿公一儕定定, 脣頭矮桌仔項放等一臺錄音機, 肚項傳來八月半, 歸家人共下圍等瓜棚下, 食月餅打嘴鼓个笑聲

3 99 年全國語文競賽臺灣客家語朗讀 ( 北四縣腔 ) 高中學生組編號 3 號阿婆畜个壁蛇 ( 江嵐原作 / 馮美齡修改 ) 讀小學个時節, 見擺避暑阿姆就會帶𠊎兜轉去姐婆屋下尞, 姐婆屋下係一間三合院个伙房屋, 正身係人客廳, 又乜係服祀阿公婆个所在, 右片析係阿公阿婆个間房, 左片析係大舅大舅姆个間仔, 再過去就係灶下阿姆頭擺个間房在右片析橫屋个所在, 故所𠊎兜逐擺轉來本本歇在這隻間房屋前个禾埕項, 毋係曬一千擔番薯籤就係放樵放杈朝晨頭䟘起來就會看著禾埕肚項, 雞嫲帶雞子在該絡食, 下把仔會看著黃狗牯逐鵝仔, 逐到啵啵滾, 屋側角有幾下隻牛屎蛄在該鑽地泥, 屋簷下還做得看著蝠婆仔跔在該睡目, 燕仔个泥竇就起在人客廳適中, 在屋簷下行過, 還愛細義莫分燕仔屙著屎正好, 吾姆逐擺就會喊阿公同燕仔竇拆忒去, 阿公總係講燕仔作竇會帶來平安福氣, 故所, 毋管阿姆仰般撬就無效, 該隻燕仔竇本本好好無徙位暗晡頭就會看著窗仔門邊爬上爬下个壁蛇, 兩三十公分長, 淺灰色个皮, 長長个尾, 阿哥講該係單瞼个冷血動物佢兜在屋頂橫樑項爬來爬去, 下把仔乜會失腳跌下來, 係堵堵好跌到被單項, 𠊎同阿姆就會哇哇滾唩唩喊, 阿哥一息就毋會驚, 還會同壁蛇个尾擐起來, 無想著壁蛇嗄斷做兩節, 阿哥拈等壁蛇尾還弄弄動, 在吾面前捩捩轉, 長間就同𠊎嚇到噭, 等𠊎嚇到噦噦滾該時節, 阿姆就會開嘴罵阿哥𠊎問阿姆講 : 阿婆做麼个愛畜恁多壁蛇呢? 阿哥同阿姆聽著𠊎恁樣問, 兩儕人就笑到毋會停動, 到這下就還會講來笑𠊎有一日, 阿哥拿兩粒細細白白个卵分𠊎看, 阿哥用手指擘啊開, 肚項有黃色个卵黃, 阿哥講該係壁蛇卵, 𠊎雖然無摸著, 還係遽遽去用香茶箍洗手, 當久當久就毋敢拿東西食, 正經拗蠻仔得人畏又有一擺, 𠊎跍到屋簷下捉揚尾仔, 看著地泥下一粒一粒細細粒烏烏有一點白白个屎, 就遽遽喊吾該隻萬能个阿哥來鑒定, 阿哥講該係壁蛇屎, 阿哥係吾个字典, 佢上知天文下知地理, 逐擺在學校就考第一名, 佢係吾心肝肚項个大英雄, 乜係吾个家庭教師, 在吾个記憶裡肚, 無論麼个事情就考佢毋橫阿哥盡惜𠊎, 去哪位就會帶等𠊎去, 去姐婆屋脣个菜園肚項捉金蛄仔捉花點蛄仔, 去田脣捉𧊅仔打草蜢, 搞到日頭落山愛轉屋个時節, 還會摘一蕊花送分𠊎阿哥麼个就知, 麼个就識, 𠊎試著阿哥當慶麼个就會阿哥同𠊎講北部个壁蛇毋會叫, 大安河以南个壁蛇正會叫, 毋係地理个關係, 係因為品種無共樣个原故𠊎問阿哥 : 阿婆做麼个無愛同壁蛇逐走呢? 阿哥同𠊎講: 壁蛇係好个蟲仔, 佢會食蚊仔黃蚻阿哥又講: 阿公有講過, 屋肚項有壁蛇, 表示這間屋係淨俐又有福氣个所在, 故所壁蛇無麼个害處, 毋使同佢逐走, 你係無去捉佢, 佢也毋會來咬你, 大家做得和平共下今年暑假轉來姐婆屋下, 姐婆个舊屋拆忒哩, 起一棟當靚个樓仔屋, 暗晡頭愛睡目个時節, 𠊎盡像還看著窗仔門外背有一條壁蛇趖過去个樣仔

4 99 年全國語文競賽臺灣客家語朗讀 ( 北四縣腔 ) 高中學生組編號 4 號阿婆个菜園 ( 江嵐原作 / 馮美齡修改 ) 阿婆个菜園有一個名仔, 安到芹菜園芹菜園毋係因為種當多芹菜正得名, 係因為阿婆个名仔安到芹菜阿婆一生人毋識種過芹菜, 也毋識食過芹菜, 佢一路里來就認為芹菜係分人食个東西, 種个芹菜總係分人食忒, 故所, 佢試著種自家分人食, 係盡戇个事情阿婆毋食芹菜, 吾歸屋下人也做毋得食芹菜, 食著芹菜就像食著阿婆共樣, 係犯著大忌个事情, 吾屋下討入來个心臼, 第一項愛知个家規就係這件大事情, 一生人做毋得食芹菜毋種芹菜个芹菜園仰會恁出名呢? 該係因為阿婆手路盡好, 種麼个生麼个, 仰般種仰般生, 佢種个青菜總係肥肥大大葉, 又嫩又多水份, 菜色盡靚, 當得人惜阿婆種个竻瓜番瓜瓠仔菜瓜, 逐項都當會開花打子, 連種番豆, 收成就比別人種个較好故所𠊎做細人仔該央時, 比別人較有福氣, 食得著春夏秋冬無共樣个季節, 無共樣个菜色甜嫩多水份个芥藍菜蕒仔高麗菜, 盡有春天个氣味, 無魚無肉个童年生活, 係有阿婆親手種个青菜攪豆油好食, 就係盡豐沛个幸福味緒熱天个時節, 大家就熱到火氣當大, 食著阿婆種个蕹菜角菜菜瓜湯, 這種降火又有營養个青菜, 就做得清涼消暑過一個熱天秋天係𠊎盡合意个季節, 臺灣个土地總係在這個時節, 滿崗滿屻, 滿哪就看得著豐收个果子同菜色, 除忒番豆瓠仔香櫞瓜个收成以外, 菜園脣个時計果也紅到變吊菜色, 兜等飯碗, 食一季个秋味落肚, 係仰般个浪漫幸福你知無? 過年前个油菜花蘿蔔仔芥菜, 毋使種到菜園肚項, 田坵肚滿坵滿坪个菜色, 分上家下屋个鄰舍儘採摘, 食就食毋忒, 阿婆燒暖个誠意, 分莊頭肚項逐家人个灶下燒暖過年阿婆盡惜𠊎, 逐擺帶𠊎去菜園做伴, 毋係摘番茄分𠊎食, 就係改薑嫲分𠊎帶轉去, 從細就同阿婆共下睡, 阿婆盡好用腳同𠊎夾等睡, 𠊎係蠕蠕動, 佢就會捏𠊎, 練就𠊎這下個好睡性, 愛承蒙細人仔該央時同阿婆共下睡个功勞吾姆个圓身項有茶米个味緒, 阿婆个圓身項有番薯奶个味緒, 細人仔个時節𠊎盡惱阿婆圓身頂項个番薯奶个味緒, 大姊講該係老人臊, 𠊎同阿婆共下睡, 吾圓身肚項也有老人臊, 𠊎聽著盡譴這幾年仔, 阿婆个菜園分阿叔賣忒咧, 起當大棟个樓仔屋, 阿婆坐在新屋个壁角曬日頭取暖, 無人了解阿婆个心事, 這幾年來乜無人識看著阿婆个笑容今年過年, 桌頂項又有又嫩又萋个芥菜藚仔蘿蔔湯, 八十一歲个阿婆, 用皺皺瘦夾夾个手, 笑咪咪仔挾青菜分𠊎食, 𠊎認得識阿婆種个菜, 有阿婆特別个手路同香氣, 燒暖又幸福个味道阿婆分𠊎矺年錢該央時, 𠊎拉等阿婆个手, 問佢菜園在哪位? 阿婆像做賊分人捉著樣仔, 用手指甲揕𠊎, 喊𠊎恬恬年初一打早, 天吂光, 阿婆就喊𠊎䟘床, 帶等𠊎行過幾棟大樓, 來到地圾場脣項, 看佢該垤細細仔个菜園, 菜園肚个芥菜高麗菜蕒仔蘿蔔仔, 種到拶拶𠊎看著阿婆个菜園靚靚个菜色, 同時看著八十一歲个阿婆个春天, 正起勢定定

5 99 年全國語文競賽臺灣客家語朗讀 ( 北四縣腔 ) 高中學生組編號 5 號老飯篼仔 ( 古秀上原作 / 馮美齡修改 ) 今年轉楊梅莊下掛紙, 旋旋風想愛轉老屋看啊咧, 可能阿姆在天頂分𠊎一支戇當棍, 罵𠊎係不孝子, 老屋幾年來無轉去拚掃吔! 打開老屋个大門, 正想起阿姆在世時節交代過, 阿姆講 : 阿上牯! 毋管你仰般無閒 ; 仰般賺錢, 臺北歇等仰般派頭个屋仔, 還係愛記得莊下有一間兜个老屋, 你定著愛輒輒轉去拚掃淨俐三十零年來, 𠊎總係愐毋解, 無人歇个老屋, 拚掃有麼个意思? 毋過等𠊎拚到間肚个舊簞笥櫥仔, 看著裡肚有一條轉黃个大手帕仔, 包等一隻老飯篼仔, 打開老飯篼仔, 看著裡肚裝等淰淰, 𠊎還細時節翕个轉黃个老相片, 𠊎總算尋著三十零年來愐毋通个答案還記得做細人仔个時節, 有一日先生交代, 天光日開始愛帶飯篼仔放學後遽遽飆轉屋下, 黏時同阿姆講第二日阿姆撚一隻包烏糖个飯團愛分𠊎帶去學校𠊎譴到會死, 仰會阿哥同阿姊有飯篼仔, 𠊎就無飯篼仔好帶該朝晨𠊎無食朝就走去學校連續四節課𠊎心情當毋好, 同學看𠊎面臭臭仔, 無人愛插𠊎第四節下課, 偷偷仔走去運動坪嘶胲躪命無幾久, 看著楊先生帶阿姆來尋𠊎, 阿姆手項擐等一隻新飯篼仔𠊎打開飯篼看著有菜脯卵, 暢到奈毋得乜毋管阿姆恁生趣, 緊同先生會失禮, 開始拚命食𠊎个飯篼仔隔日上第一節算術課, 古春枝先生來到教室肚, 佢講 : 今晡日毋使上課, 愛來講古分大家聽大家歡喜靂天, 乖乖坐等聽先生講古古先生講 : 𠊎熟似一個當煞猛又省儉个阿姆, 為著細人仔無飯篼仔好用, 䟓工㧡等一擔竿个菜, 來來去去行吔十二公里个路頭, 無著鞋个腳行到溜皮吔! 肩頭个皮㧡到烏青吔! 辛苦種菜賣就係為著分倈仔買一隻新飯篼仔好用 ; 乜為著驚細人肚飢, 偷剪一垤阿公个私菜仔... 菜脯卵分倈仔食, 嗄分阿公誤會, 話著心臼緊煮菜緊偷食, 害惜子个阿姆無晝好食毋過佢還係滿心个歡喜, 因為厥倈仔个飯篼仔食淨淨這個偉大个客家女性, 大家知係麼儕無? 佢就係阿上牯厥姆聽過這古以後, 𠊎一生人食著簡單民國六十二年上臺北讀高中後, 飯篼仔乜跈等退休吔有一日放尞轉老屋, 看著老狗仔食个碗公缺角壞忒, 分𠊎想著退休个老飯篼仔, 問阿姆老飯篼仔還在無? 係還在, 做得分老狗仔用無? 阿姆笑面回𠊎講 : 老飯篼仔另有用途, 做毋得分老狗仔用𠊎想阿姆一生人勤儉, 可能驚打爽, 無愛分老狗仔用三十零年後个今晡日, 𠊎正知老飯篼仔從來毋識退休, 因為老飯篼仔裡背肚裝等淰淰阿姆對𠊎个痛惜雖然阿姆這下過身吔! 毋過佢對𠊎个掛心永久都毋會退休生活中盡多𠊎無在意个東西, 就像老飯篼仔老相片共樣, 隨手一抨像地圾樣, 毋過對阿姆來講 : 這兜東西就係佢一生人个寶因為佢个愛全部裝在老飯篼仔裡肚𠊎一生人煞猛打拚賺錢, 認為錢正係寶, 毋過等阿姆過身後, 正打醒𠊎, 真正个寶係阿姆, 毋係錢, 唉! 世俗事 ; 世俗眼世間物 ; 世間情, 有幾多儕知真正个寶係麼个? 人總係愛等到知時, 寶早就無在身邊哩!

6 99 年全國語文競賽臺灣客家語朗讀 ( 北四縣腔 ) 高中學生組編號 6 號過年 ( 龔萬灶原作 / 馮美齡修改 ) 中國人个過年係一年當中盡大个節日, 看來盡重, 過來盡鬧熱各行各業个人, 對尾牙起事, 家家屋屋就準備過年耕田人, 一年透天就無閒洎杈, 盡望就望過年个時節, 有幾日仔好尞, 又有豐沛好食生理人到吔年下仔乜盡無閒, 又愛做生理, 又愛收數, 還愛款好紙票, 等上手个貨主來結數開工廠个大頭家, 想著過年愛發恁多年終獎金, 逐日就額結結仔毋過, 話雖然係恁仔講無毋著, 到吔過年个時節, 耕田人一年个辛苦, 也既經有好个收成, 割多割少, 總算一年也圖過來吔生理人無閒歸年仔, 賺多賺少, 也係一個段落新个一年, 有新个氣象, 新个希望, 故所, 到過年个日仔, 大家就愛暢暢樂樂, 有一個好个新年頭, 過忒年正會有好个頭彩中國人係一個敬天念祖个民族今晡日, 有好食好著, 係上天个庇祐, 祖先个福蔭 ; 到過年過節, 就愛㓾雞捋鴨, 敬神明, 拜祖先 ; 尤其係過年, 有盡多規矩, 表示對神明祖先个尊敬, 做毋得濫糝冒犯客人過年, 祖先傳下來異多風俗往語, 總係想愛求一個吉利對年二十五入年駕開始, 就算過年 ; 開始辦年貨, 蒸粄仔一入年假就愛先看一隻日仔蒸甜粄, 係一件大事 ; 甜粄係蒸來順利, 蒸來靚, 來年就萬事順利 ; 較講究个人家, 蒸甜粄愛選吉日 ; 因爭蒸甜粄愛蒸歸日仔, 一下無注意就會蒸毋熟記得頭過, 阿姆蒸甜粄, 從頭到尾就當緊張, 逐樣東西在朝晨頭打早就準備齊全 ; 一再吩咐細人仔毋好濫糝講話, 盡好莫入來灶下 ; 有身項个婦人家絕對做毋得行兼 ; 𠊎還看著阿姆在灶頭面放蓍茅茉草並一撮米 ; 對打早開始蒸, 大約愛到半下晝過正蒸得好 ; 阿姆歸日仔在灶下掌等, 鑊下火愛保持一定个熱度, 鑊底水愛時時看等, 毋罅就愛跈等添加甜粄蒸好, 愛到年三十日拜阿公婆正開床, 切一角矺神桌甜粄蒸好, 接等陸陸續續蒸鹹粄仔蘿蔔粄發粄, 還愛做發包仔, 有兜人家還愛打紅粄丁仔粄到年三十日以前, 愛做个事情還盡多上早, 愛礱穀打米, 準備過年个米糧 ; 下後, 愛㧡穀到精米所去精變白米 ; 愛準備牛草豬菜, 過年該日做毋得做事, 逐項事情就愛先做好勢來大拚掃乜係過年个大事情, 過年該日做毋得掃地泥, 財氣會掃忒, 故所, 一入年駕, 大人就開始吩咐, 哪仔愛先拚, 哪仔愛拚較淨俐兜仔 ; 逐年, 𠊎還愛負責清香爐, 香爐做毋得儘採移徙, 愛到年三十日正做得搬下來清洗先準備一張較大張个紙, 攤在地泥項, 香爐搬下來, 將肚項个香灰倒在紙面項, 香爐用水洗淨來, 香灰用篩仔篩過, 較淨个香灰倒轉香爐肚, 裝八分淰, 再將神桌抺淨來, 墊香爐个壽金換過新个, 清爐个工作就完成哩再來係門窗戶扇, 過時个門對仔門紅門符等等, 全部愛清淨來, 換過新个盡慢年二十九就愛㓾頭牲, 過年愛用異多牲儀, 拜天公拜阿公婆拜伯公拜城隍爺, 全部愛雞鴨湊牲, 輒常愛歸晝邊正搣得好

7 99 年全國語文競賽臺灣客家語朗讀 ( 北四縣腔 ) 高中學生組編號 7 號過年 ( 龔萬灶原作 / 馮美齡修改 ) 年三十日, 讀書人開始寫春聯, 廳下門貼一對同自家堂號相關个吉祥話, 無就寫兜迎春納吉个好話 ; 耕田人有畜頭牲, 牛欄門貼一句 : 水草長春, 豬欄下貼一句 : 大武興旺, 礱間下貼一句 : 川流不息, 雞栖門貼一句 : 六畜興旺, 穀倉門貼一句 : 積穀盈倉, 米缸項貼一隻滿字, 廳下門扇一片貼 : 天寶, 一片貼 : 物華 ; 門楣貼五福門紅, 廳堂門貼五張, 間門貼一張, 神牌面頂貼五張 ; 各間間門个兩片門企仔項貼門符 ; 大門項愛插一支桃桍年三十日打早, 家家戶戶就愛敬天公, 尤其耕種人, 看天絡食, 敬天公表示對答謝上天一年來个庇祐, 也希望過忒年本本有好个收成客人旦勢務農為生, 過年敬天公係當重要个事情敬天公, 大體仔在子丑寅三隻時辰, 故所, 逐年二十九暗晡, 到半夜仔, 紙炮仔砰天砰地, 過年个氣氛就當重哩敬天公个頭暗晡愛食一餐齋, 選吉時在天墀坪擺香案, 當天祭拜, 神桌分上下界, 上界祭品用齋果, 五燥五溼金蓮座金靠天金壽金長錢香燈茶酒甜粄丁仔粄等 ; 下界祭品用葷腥, 香燈茶酒果品, 五牲或三牲, 紅粄, 壽金上界神桌用一張八仙桌, 四隻腳用兩張長凳墊高起來, 後背連等放加一張八仙桌, 做下界上界該張桌愛圍桌圍, 點蠟燭上下界各一付香爐茶杯酒杯壽金摺金靠, 用𥯥箕裝等, 放在上界桌下長凳項, 金蓮座放在香爐兩片, 長錢兩付吊在上界个兩片桌角點香禮拜該時節, 愛全家到齊, 由戶主帶頭, 一屋下人全部企在戶主後背跈拜, 祝告天公, 祈求風調雨順, 保祐一家平安酒過三巡, 焚燒金紙, 先燒天金壽金金蓮座, 再將金靠倒落去, 火盡猛个時節, 將長錢用竹篙撐等, 放落去燒, 灰髏順等火尾衝上天頂, 直達天庭金髏吂過, 將供奉个酒淋落去, 就做得打紙炮仔哩! 紙炮仔在夜空中, 火星仔滿天四散, 象徵明年金光燦爛, 順利如意其實, 敬天公係中國人感謝上天个儀式同心意, 係異醇厚个風俗, 世代相傳, 透過這種儀式, 分後代子孫知得, 人在世間求得生存並毋係異容易个, 愛時時存有感恩个心情, 感謝上天, 感謝廣大對有幫助个人群三十日愛拜个神明, 除忒拜城隍爺, 定著愛拜伯公記得還細時節, 阿姆會帶𠊎去屋背伯公廟拜伯公, 伯公廟用石枋框起來, 矮矮細細隻仔, 後背一頭大榕樹, 阿姆講, 該係伯公樹, 定著毋好跋上去, 係跋上樹頂, 該暗晡就會拉尿阿姆拜好伯公, 轉屋下將該牲儀拿到眠床前, 擺在凳頭項, 點香拜床公婆, 乜有燒金, 阿姆講, 拜床公婆, 暗晡頭細人仔較好睡, 較毋會著驚年三十暗晡, 出外做頭路个子孫, 全部就愛轉屋下團圓, 共下食團圓飯, 平常較少食个肉氣, 在這餐做得盡食食飽夜, 細人仔坐等, 胲哊哊仔, 等大人發矺年錢理家个戶長, 愛對這一年來, 屋下人辛苦工作, 做一個獎勵, 越辛苦越煞猛个發越多矺年錢細人仔除忒買新衫新鞋乜有發矺年錢逐擺, 阿姆看著細人仔拿著恁多紙票, 就會再三吩咐, 毋好亂使, 愛留來註冊買鉛筆同字簿仔

8 99 年全國語文競賽臺灣客家語朗讀 ( 北四縣腔 ) 高中學生組編號 8 號過年 ( 龔萬灶原作 / 馮美齡修改 ) 矺年錢分過吔, 阿姆會同大家講 : 天光日愛用个東西, 暗晡夜, 全部愛先拿出來, 天光日年初一做毋得開箱櫃打拖箱仔開米缸 ; 煮飯个人愛記得, 天光日歸日仔食个飯, 米愛先量便, 飯先煮好來, 年初一做毋得煮飯, 蒸飯就做得 ; 天光日愛著个衫褲, 等下就先拿出來𠊎問阿姆 : 做麼个過年毋好打拖箱仔? 阿姆講: 過年該日, 愛將財神爺留在个屋下, 過忒年, 屋下正會大賺錢 ; 你係打拖箱仔打米缸, 財氣就會走忒阿爸乜同𠊎兜講 : 三十暗晡, 毋好有狗吠, 過忒年正較無賊仔𠊎想, 係毋係年三十暗晡, 大家在屋下過年, 外背既經無人行路, 連賊仔也轉屋下過年吔, 狗仔就放尞囉客人在年初一朝晨打早, 愛拜阿公婆, 請祖公祖婆共下來過年, 神桌項愛擺盡多糖果糕仔酸柑黃梨甜粄, 安到矺神桌年三十日下晝也有拜一到阿公婆, 安到送舊年, 初一朝晨再拜, 安到迎新年阿公婆拜好, 差毋多就天光哩, 灶下開始準備食朝客人在初一朝晨食一餐齋, 愛煮芹菜, 全家食哩, 勤勤儉儉 ; 食豆腐, 全家萬富食晝該餐, 愛食蔥, 正會聰明伶俐, 愛食蒜, 正會較識算, 愛食韭, 正會長長久久食飽朝開大門, 阿爸會先吩咐, 出行愛對哪隻方位正係大吉大利年初一, 大家見面就歡歡喜喜, 做毋得罵人, 做毋得講了詔話, 大人乜做毋得罵細人仔 ; 做毋得睡眠床, 會崩田坎 ; 做毋得掃地泥洗衫, 財氣會掃忒洗忒朝晨頭, 到附近寺廟伯公下燒香, 請神明庇祐, 帶來一年好運年初二, 心臼轉妹家 ; 嫁出去个妹仔並婿郎也會轉來, 外孫轉來向姐公姐婆拜年, 姐公姐婆發紅包, 分孫仔孫女乖乖會大這日毋好講毋吉利个話, 做得掃地泥, 吂好抔地圾, 先掃到門角項年初三, 係送地圾个日仔, 打早就愛䟘起來掃地泥, 逐間就愛掃, 對裡背掃往出, 抔歸堆 ; 門企仔貼个門符大門項个桃桍, 全部擘忒, 同地圾收共下, 用舊畚箕裝等, 並一支舊掃把, 送出門外田堋圳溝脣河壩脣, 先點香燒金打紙炮仔, 再將地圾連畚箕掃把共下放火燒, 安到送窮鬼年初五, 出年駕, 朝晨䟘起, 點香燒金, 矺神桌个祭品, 全部收起來大部分人就在這日開工開市, 邁向新个一年

9 99 年全國語文競賽臺灣客家語朗讀 ( 北四縣腔 ) 高中學生組編號 9 號火焰蟲个季節 ( 邱一帆原作 / 李春美修改 ) 四五月間, 南庄个山窩山壢, 斷烏開始, 點點星光樣个火焰蟲, 出現在無電火緊照个大人細子目珠面前, 從斷烏到半夜, 從幾點星光到點點繁星, 又從繁星點點到幾粒仔孤星, 映照天頂个幾粒星仔, 感覺共樣恁光明, 恁自然經過西村大橋, 來到大屋坑, 行上神桌山方向个路, 𠊎這兜看等緊𥍉緊𥍉个火焰蟲, 在陰濕个草叢項飛上飛下, 𠊎兜關忒電火, 火焰蟲緊來緊光, 目珠也緊來緊光, 脣頭个花, 清楚顯出鳳仙个樣色, 一叢一叢紅紅, 在烏綠色个山排下開等上, 就像辦喜事樣, 歡迎个場面, 鬧熱有氣氛 ; 烏色个麻膠路面雪白个油桐花鋪坪, 看起來特別打眼 ; 兩片析个草叢樹林底下做得看著一隻兩隻三隻, 緊來緊多个火焰蟲, 緊飛緊𥍉个場面, 靚到無話講一群人跈等這種餳人个景致, 分當興頭个心情帶等行, 想愛行到較深山較無電火晟眼無光害目个所在, 看還較多个火焰蟲都市肚个人無親目看過火焰蟲个當多, 並無麼个奇怪 ; 莊下歇个細人仔, 無親身看過火焰蟲个也不少, 乜無麼个奇怪, 奇怪个係𠊎這兜一群人, 不管係來自都市, 抑係歇在莊下, 都有盡大个想望, 想望看著火焰蟲在山窩山壢在草叢在樹下緊𥍉緊飛个情景, 𠊎胚想, 答案就在這係人性个自然, 自然愛行向自然, 融入大自然, 這種人性, 有成時, 也會造成自家毋知个自然个破壞歲月跈等腦海个記憶流轉, 記得𠊎還細个時節, 應該係民國六十年代个背尾幾年, 𠊎个故鄉小南埔莊項, 在春夏之交, 在斷烏時節, 還看得著火焰蟲飛出來尋尞食飽夜, 大人拿幾張圓凳頭或者幾張長凳仔, 在屋面前尞涼打嘴鼓, 講兜頭擺个事情講兜該下个生活談一下未來个日仔 ; 細人仔下把仔會恬恬坐到脣頭聽大人講古, 大部份个時間, 會同共伴个走上走下, 逐來逐去, 搞到共下在該火焰蟲个季節, 流傳个客家童謠, 在大人个嘴空肚講出來 : 火焰蟲, 亮亮蟲, 楊梅樹下吊燈籠, 燈籠光, 照四方, 四方暗, 跌落崁, 崁下一枚針, 拈來繡觀音, 觀音面前一叢禾, 割著三擔過兩籮, 分得你來𠊎又無這首流傳个童謠寫出客人耕種生活辛苦个一面, 寫出火焰蟲个性體, 也寫出吔客人个信仰同想像毋過到這下來, 𠊎還當同情也愐毋解 : 麼人恁衰過來跌落崁? 做麼个崁下會有針好拈? 拈起來, 還會想著愛來繡觀音! 毋堵好還會分針刺著喔! 記得無幾多年个光景, 農藥个使用電火个通通透透, 火焰蟲離開吔小南埔庄項, 毋知飛到哪位去哩! 幾多年後个今晡日, 該央時食飽夜打嘴鼓个大人, 乜離開吔屋面前, 有兜走轉長山, 也有兜行轉自家个屋下去, 看自家个電視! 還有, 該央時共下个搞伴仔, 一個一個離開吔莊下行入都市, 消失在都市迷霧个叢林裡肚, 毋知愛仰般聯絡

10 99 年全國語文競賽臺灣客家語朗讀 ( 北四縣腔 ) 高中學生組編號 10 號火焰蟲个季節 ( 邱一帆原作 / 李春美修改 ) 記憶從頭過回轉目前, 𠊎這兜一群人, 毋多知仔行上吔阿亮哥个老屋, 神桌山項个窩壢脣主人還吂曾招待, 細人仔就兩腳無搭地尸朏無搭凳, 緊想愛用雙手去捉屋脣新奇會𥍉光个火焰蟲阿姆, 你看有恁多火焰蟲! 做細人仔个看著這情形, 實在當暢恁暢係呀! 係呀! 愛注意喔! 大人好心提醒好啦! 好啦! 𠊎愛捉當多火焰蟲! 聽得出細人仔有一息仔應付个聲胲講愛來看火焰蟲, 細人仔就歡喜到奈毋得, 吂來之前, 細人仔來緊多逐年个四月初, 火焰蟲開始飛出來以前, 阿亮哥就會同老屋四圍个芒草雜草伐較短些, 到吔四月底五月初, 係火焰蟲最多个時節, 滿山排滿窩壢个火焰蟲, 暗夜个山林看起來盡光盡有生命, 來到五月底, 火焰蟲漸漸仔完成佢兜生命延續个故事, 山林點點个焰光慢慢仔消失, 這就係火焰蟲个季節在這火焰蟲个季節, 有當多外來个遊客, 朝晨頭來南庄逛老街買名產行步道賞桐花 ; 暗晡頭, 弛崗打陣擎著電火, 行到民宿業者提供个所在南庄个山窩山壢有火焰蟲个地方, 特別來看火焰蟲, 南庄个山林嗄變到鬧熱煎煎這, 對堵好到該發光跳舞个火焰蟲來講, 相信毋係麼个好事, 毋過對南庄个民宿餐廳小食名產業者來講, 定著會帶來不少个收入還識唱過阿泉伯做个歌仔火焰蟲呢! 細人仔定著無想著, 會有恁多个火焰蟲好看, 乜定著無想著會像阿泉伯童謠裡肚寫个樣 : 恁鬧熱恁精采! 阿亮哥个老屋面前歸片个山田山窩, 一點一點上千上萬緊𥍉个光, 看起來就像一大片星海暗夜个星空, 不管係天頂高个抑係山排田个, 實在靚到毋知愛仰般講起事, 聽阿亮哥講, 今年, 來厥山項老屋參加舞會个火焰蟲, 比往年還較多哩! 左手析个樹林下面頭前个陂塘脣草堆項正手片个老屋面前後背个竹林肚淰淰緊𥍉緊飛个火焰蟲, 在竹𧊅聲蟲聲鳥聲个伴奏之下, 就像辦一場暗夜山林个星光舞會阿亮哥講, 這幾下年來, 因為山林無洩農藥, 火焰蟲个數量緊

95年語文競賽題庫彙整

95年語文競賽題庫彙整 1 2 3 4 5 6 7 8 9 10 11 12 13 14 15 16 17 18 仰般敎學生認識客家文化个精神檢討教學个方法 19 捱對客家桐花節个看法與展望台北縣成立客家文化園區个意義个看法捱所知个客家文化節介意義新住民對客家庄个影響捱對推展客家美食个展望捱對後生人追求名牌个看法捱對卡奴个看法客家電視台个時代意義捱對超額教師个看法个看法捱對無障礙空間个看法个客語環境