100年全國語文競賽臺灣客家語朗讀稿（北四縣腔）

Size: px

Start display at page:

Download "100年全國語文競賽臺灣客家語朗讀稿（北四縣腔）"

形穆
9 years ago
Views:

1 100 年全國語文競賽臺灣客家語朗讀文章詔安腔目次考試个時務... 1 外公个屋... 2 落雨个時務... 3 食暗頓个時務... 4 客家美食... 5 𠊎个阿依... 6 牛角會轉彎... 7 灶下經驗... 8 靚靚个客家盤花... 9 外公屋背好朋友阿湯牯𠊎頭愛䀴个一本書好心有好報阿媽个無字天書𠊎印象頭深个一節課失敗个經驗人公𠊎个休閒生活學勤三年學懶三日養成好个讀書習慣環境淨俐个重要一張相片𠊎个阿媽𠊎䀴三國𠊎个屋邊頭尾阿公和𠊎城市和莊下个比較故鄉个桐花雨 i

2 阿雪姑个命生活對省儉做起山歌个改良和傳承𠊎係後生子人𠊎拒絕毒品𠊎頭愛䀴个一本書趁錢可比針挑竻開錢可比水沖沙跋山阿媽个智慧阿新哥个阿女愛惜地球尊重自然蹛个環境和客家文化客家民俗燈籠花𠊎對客家歌个印象𠊎个阿媽阿媽个菜包阿依个手鎉問天記八八做大水一枝草一點露客事能力認證對𠊎个影響算命𠊎蹛个社區阿伯㜷閹雞情等花開承天寺後山蹛久他鄉變故鄉兩角銀 ii

3 100 年全國語文競賽臺灣客家語朗讀文章詔安腔國小學生組編號 1 號考試个時務鄒瑞梅原作李幸妃譯打早天吂光个時務𠊎依即喊𠊎和𠊎哥𠊎姊起來因為今日學校愛考試𠊎煞著跋起來䀴著即討毋會赴啊明明昨暗有認真讀到三更半夜這下仰子會頭暈腦脹和東西南北攏分毋會清楚管佢三七二十一死馬當做活馬醫時到時當無米正來煮番薯湯𠊎三步做兩步行入教室䀴著同學真早即來到位學校嘛真認真在䀴書無幾久上課个鐘聲鳴啊害𠊎著驚一下心肝頭嗶嗶掣緊張到心臟硬硬即討跳出來先生分好考試卷真僥倖啊頭那底麼个攏想毋會起來昨暗个夜車坐到哪位去啊到這滿猶毋知好駛轉來時間直直過去鉛筆變钁頭先生䀴𠊎毋會寫目珠金金拁𠊎䀴𠊎心肝內底直直想毋過攏寫毋會出講嘛怪奇普通時會寫个題目這滿攏做一下添放了了仰子寫攏寫毋會鬥句顛倒䀴著同學有人真認真在寫有人頭那爪到討爛皮啊嘛和𠊎共款寫毋會出來想著討出門進前𠊎依猶三叮嚀四吩咐喊𠊎愛好好考試毋好輸得隔壁个春美下課个鐘聲鳴啊毋管考了仰子總算係放牛食草啊歸個人攏輕鬆起來所有个同學愛尞个本性嘛攏走走出來啊吵吵鬧鬧大家攏添放頭下考試緊張个氣氛雖然考煞啊毋過𠊎知自家考了無好尤其係考數學个時務想到頭那即討爆炸國語猶會用大概會用及格猶个科目交得天命感嘆嘛無麼个路用這款感覺實在真艱難人愛人打落火愛人點著𠊎決定啊一枝竹篙撐鬥底對這滿起𠊎定著愛認真讀書做時間个主人好好計譯毋擱駛夜車讀書恁正會有好个成績嘛毋會得先生和阿怙阿依受氣 1

4 100 年全國語文競賽臺灣客家語朗讀文章詔安腔國小學生組編號 2 號外公个屋羅中慧原作林創業譯講著賞講著尞𠊎頭愛現時个交通恁利便總愛有錢愛有閒討去哪位尞攏會用毋過對𠊎來講𠊎感覺老湖口山崠个羊屎窩頭好尞𠊎外媽嘛蹛在羊屎窩遐窩內有真多大落屋屋邊頭尾有真多細子人伴大家作垺賞作垺尞頭心色𠊎外媽屋脣有一頭擱高擱大个榕樹屋面前係闊闊个禾坪屋後背有茶園和一大片个柑子園遐位係𠊎細漢生活个好所在講著遐大禾坪係𠊎人頭捷去尞个所在逐暗夜食過暗頓細子人即會尖作垺圍一個圓圈你出剪刀𠊎出布贏个人做王渡頭賞藏尋人辦家貨 1 無即比賽打摔擎攬跤大家賞到歡喜得天鬧熱滾滾柑子園嘛真餳人園底種有真多海梨和桶柑柑樹崠个柑子打到傷擷累累累因為養分有限柑子毋會粒粒恁大粒粒恁靚所以愛拁打傷賁个細粒柑捋一兜仔 2 伸个正會大𠊎人細子人嘛真無閒會鬥相共拁捋落來个細柑子擊到遠遠去逐擺攏比賽麼儕擊頭遠頭遠个人正會用得𠊎外公背轉去這係頭好个獎送哦𠊎表哥和表姊一放學書包一拂即揪𠊎三步做兩步走去茶園底賞藏尋人𠊎表姊做鬼愛捉𠊎人大家一儕走一裡藏起來得佢尋𠊎表哥頭高大單單藏頭無法度藏尾屎朏翹翹一下子即得人尋著𠊎較細漢儘採鑽到茶樹下即藏到塞塞較尋攏尋毋會著若識有一擺𠊎無小心嗄溜落水窟底手腳搉到烏青紫嘔轉到屋下𠊎外媽䀴著真毋盼隨時煠鴨卵拁𠊎撫烏青个腳髀現時想起來實在真感心𠊎自細漢即得𠊎外媽渡大所以𠊎外公和外媽蹛个羊屎窩對𠊎來講係帶有奶羶和老儕羶个好所在一到歇睏日𠊎即真想討去羊屎窩遐即像毋識去過个所在真餳人逐擺攏得𠊎有溫暖快活个感覺哦 1 2 辦家貨音peen gaˇ foo 扮家家酒 mai^ 不要放棄 2

5 100 年全國語文競賽臺灣客家語朗讀文章詔安腔國小學生組編號 3 號落雨个時務鄒瑞梅原作李幸妃譯認真來講落雨天即係𠊎个救星𠊎真佮意落雨天因為落雨个時務做學生个𠊎即毋使去運動坪升旗嘛毋使聽學校長主任講到歸大拖你即毋知哦逐擺日頭真猛个時務𠊎這瘦攝攝个膴身即得日頭炙到頭那暈炙到毋知人實在真艱難記得有一日个下晝時頭𠊎聽著鳴雷公過一下子大雨拚命落𠊎偎在窗子門脣聽雨水滴滴咑咑个聲即像一首一首快活个交響曲䀴著雨水像仙女共款在樹葉崠跳舞跳過來跳過去拁樹葉洗到青拚拚泥下嘛洗到真淨俐𠊎䀴𠊎依在遐無閒屋下个事頭無時間好插𠊎𠊎即和𠊎姊偷偷擎雨傘著雨鞋行去外頭賞水涿到歸身溼漉漉𠊎依斡過來䀴著𠊎和阿姊歸身溼溚溚即氣勃勃𠊎人得佢刻到臭頭走毋會去嘛得佢請一盤竹筍炒肉絲遐暗頭𠊎即寒著發燒打哈啾害𠊎依擘心到歸夜無睡照顧𠊎到天光這滿想起來實在真不孝𠊎遐班有一個鬼頭鬼腦个細子頭王阿明佢一下課即走到無䀴人阿明真慼落雨天因為佢真愛打球若堵著落雨个時務先生驚𠊎人寒著即會限制同學歸下毋會用出去外頭尞下課時務毋會用去運動坪打球遐即像愛佢人个命共款歸日在教室內底企坐毋會核嘴嘟嘟行上行落毋知愛仰子正好落雨天嗄變做係佢个剋星其實換一款心情來䀴落雨天个世界嘛真心色欣賞在落雨天行來行去个人有擎雨傘个人即斯斯文文慢慢在落雨天散步無擎雨傘个人即三步做兩步走嘛有人得車噴到歸身濕濕大聲開罵害𠊎笑到屎肚足疾个落雨个時務外頭个情景奇奇怪怪希望大家共下來欣賞街路頭一蕊蕊靚靚个雨傘花作垺來欣賞落雨遐時个奇妙世界 3

6 100年全國語文競賽臺灣客家語朗讀文章詔安腔國小學生組編號 4 號食暗頓个時務曾秋梅原作林創業譯烏昏時讀書放學轉去屋下封肉香蒜頭香一臨一臨鼻著這兜香味即知𠊎依無閒挾掣在遐準備歸屋下人个暗頓啊香味害𠊎个屎肚咕嚕咕嚕鳴屎肚枵去𠊎三步做兩步走攔緊走去灶下鬥捽桌崠排碗箸順續拁菜捧出來排好勢頭餳𠊎食个菜係番薯葉𠊎依炒个番薯葉又青又嫩猶有客家封肉嘛真好食逐擺清攪豬肉湯即加食一兩碗飯𠊎依䀴著恁即會講少食多香味多食傷胃腸𠊎怙𠊎依兩儕攏係農家子弟特別堅持米飯个味素因為粒粒皆辛苦食暗頓个時係𠊎頭歡喜个時務因為歸屋下人會用作垺享受𠊎依用愛來煮个暗頓猶會用著面食飯著面講今日在外頭堵著个心色事有一擺𠊎哥講笑事得𠊎人聽害𠊎姊和嘴底个飯噴到𠊎哥歸面攏係歸屋下人嘛笑到攬屎肚食暗頓个時你一嘴𠊎一嘴真鬧熱單單𠊎依一儕較無講事問佢做麼个毋會講今日在屋下發生个心色事𠊎依講日時頭去田底割草草毋會講事去遶檳榔園檳榔直直企蹛恬恬䀴𠊎共款毋會和𠊎講事所以食暗頓个時務會用聽著歸屋下人歡喜个講事即真滿足啊著啊𠊎依無上班擱無過家和人講事歸日無講事个對手嘛因為恁逐暗夜食暗頓个時務佢即係頭好个聽眾啦雖然𠊎屋下食暗頓時會用輕鬆講事毋過𠊎怙規定毋會用著面䀴電視著面食飯佢个道理係日時頭你怙仔上班你人這兜細子去學校上課食過暗頓擱愛寫學校作業歸屋下人聚齊作垺个時間真少歸屋下人作垺坐落食飯正有機會講事愛鬥關心另外食飯時務嘛毋會用腳跍在凳面上食飯一半下𠊎哥著面食飯著面講事講到激動个時即會添放拁腳擱跍起來𠊎怙即會寬寬子講人無蒔田割禾毋使請割禾班聽著𠊎怙恁在講𠊎哥有一兜仔歹勢歸屋下人又大嫲聲笑起來食夜个時務係𠊎感覺頭心色頭歡喜頭福氣个時務 4

7 100年全國語文競賽臺灣客家語朗讀文章詔安腔國小學生組編號 5 號客家美食徐貴榮原作林創業譯客人成過恬恬蹛在山崠田莊耕田撿樵愛用真多體力所以食物件和普通人無共款變成人客人食个文化講著這客家美食𠊎个口涎水即硬硬討滴落來在𠊎印象內底酸酸个豬腸炒薑絲薑絲嫩嫩豬腸脆脆食起來帶有一點酸溜溜客人即係愛食這種口味叔公阿伯捷捷講加食兩碗飯做起事來較有力頭豬腸無去湯嘛好摻飯攪攪个猶愛添飯哦成下𠊎公恬恬講得人請無食著肉料即像無食著豐沛共款幾時這炒肉即係大家今日講个客家小炒內底用蔥白魷魚三層肉加兜香料大火炒到噴香魷魚足香三層肉擱毋會肥食過个人攏嘛直頭會講恁普通時好食个物件嘛會用炒到恁香來食這即係客人料理食品个本等嘛係客家美食个代表菜猶个像筍乾和封肉清甜个白剁雞綿綿个豬腳圈一垤一垤搵葫頭醋个鹹豬肉猶有甘甘清清个覆菜冬筍排骨湯食起來正額即係恁有客人个味素另外客人恬恬用自家種个米穀來做足多款个點心頭有名即係莊頭莊尾若到位做鬧熱做好事个時家家屋屋个人即會挨糯米粢搵糖粉來請人客哦講著這糯米粢𠊎即會想著細漢个時務不時跈𠊎媽去得人請討食飯進前逐儕箸擎个先去剪糯米粢來來搵香香个地豆仁粉來食猶和親戚朋友答嘴鼓著面食著面講䀴來䀴去逐儕攏嘴笑鼻噳遐種親切个感覺恬恬在𠊎心肝底會想著客人个點心猶有包菜頭絲个菜包軟軟溏溏个水粄比大麵猶較好食个粄條又軟又滑个米篩目現時客家美食變做大眾化个食品啊這滿毋管在屋下抑係去外頭𠊎不時會想著細漢个時食𠊎媽做个點心後次擺𠊎一定討學做客家美食做出阿媽个味素得大家來識客家食个文化 5

8 100年全國語文競賽臺灣客家語朗讀文章詔安腔國小學生組編號 6 號𠊎个阿依古美珠原作廖林東坪譯𠊎个阿依佢个面圓圓頭那毛真長有一對又圓又金个目珠䀴著人即笑生著真靚真好䀴係一個真有愛心擱真有耐心个人普通時照顧𠊎人三姊妹以外對𠊎公𠊎媽嘛真有孝親戚朋友隔壁屋邊攏安哢佢係一個真賢慧个夫娘人雖然屋下無好額毋過佢有毋驚艱難毋驚苦个美德勤儉傳家个精神攏會拁屋下拚掃到淨俐淨俐好勢好勢佢講毋驚屋下幾散若大大細細有笑容佢即滿足啊𠊎依會煮真多好食个料理像菜脯卵芹菜炒魷魚木耳炒番梨鹹菜湯猶有𠊎頭愛食个封肉佢真緊手見擺大姑和二姑來屋下个時務佢會煮歸桌大家愛食个客家菜得大家有通食記得𠊎依識講過討出頭天定著愛認真讀書雖然𠊎人三姊妹係妹子毋過佢對𠊎人个教育嘛真用心毋會儘儘採採放學轉去佢一定愛𠊎人拁字寫好勢正會用出去尞記得有一擺𠊎為著討出去尞字即儘採畫畫个兩下半即寫了了啊𠊎依䀴著即暴暴跳講鬼畫圖共款賞會用提來食啊寫遐麼个字擱反寫佢愛𠊎做事寬寬子來毋使創鬥緊心愛靜手愛穩寫字做事千萬毋好馬虎到尾𠊎寫字定著規規矩矩照步來寫到靚靚別儕䀴著會欣賞𠊎自家䀴著會歡喜𠊎依除了會要求學校个功課愛做好以外佢對𠊎人个家教嘛嶄然䀴重像掃泥下捽桌凳洗碗盤這兜和擎箸食飯攏愛做到實實在在𠊎依對𠊎人講泥愛日日掃田愛日日到書愛時時讀擱講一日學習一日功一日毋學十日空即係愛𠊎認真讀書𠊎破病个時務佢會日連夜照顧𠊎天氣轉涼會喊𠊎加著一領衫現時𠊎愛勞力𠊎个阿依伸出佢燒暖个雙手牽𠊎向前來行𠊎愛𠊎阿依𠊎定著討聽𠊎阿依个事認真讀書做一個規矩實在个人來報答佢个恩情 6

9 100年全國語文競賽臺灣客家語朗讀文章詔安腔國小學生組編號 7 號牛角會轉彎謝惠如原作林創業譯牛角會轉彎係莊底流傳真久个故事聽講清朝時代先民在六堆地區个內埔竹田萬巒這兜所在開墾土地開墾初期雜草大樹生到滿哪位攏係石頭礫礫矻矻大細粒攏有遐時為著討開拓土地逐家逐戶大部分攏有供牛所以牛即變人鬥腳手開墾頭有力个伴日時頭利用牛犁田做田園个事事做歇即拁牛牽去圳溝底搵浴無即牽去大溝脣食草啉水洗膴身牛个勇壯和耐操耐勞係頭基本嘛係頭要緊个條件愛恁正有法度得主人在田底做事會順利討擇牛个好䆀和勇壯大部分係靠牛販牛販為著做生理不時滿哪位去探聽希望尋著會用買賣條件較好个水牛若係有䀴著佮意个水牛主人又毋肯賣心肝奸詐个牛販即會聯合遐兜專門偷牛个賊利用半夜人在睡个時用偷牽个步數來偷牽走天光晨早主人起來發現著水牛毋見去啊即會攔緊走去衙門報案清朝時代府衙內底个師爺即會提出紙筆照打毋見牛个主人講个情形拁牛个形像牛角生个長短和彎度詳詳細細畫出來等牛尋著个時務正會用做比對除了報案以外牛个主人自家嘛會去滿哪位尋上尋落真奇怪个事情發生啊即係佢人在牛販个牛椆底認出自家个牛个時務遐頭牛嘛會出聲頕頭回應佢个主人毋過得佢人想毋識个即係這隻牛明明係自家供有三年外个佢个目神佢个牛桊鼻猶有佢个牛腳蹄歸下對頭到尾䀴起來攏真熟事仰子牛角个彎度嗄會無共咧後來正聽講遐偷牽牛个賊有一種奇術會用在這硬确确个牛角一日內轉彎拁牛角轉彎變成無共款个角度假使牛个主人尋著佢个牛嘛毋敢相認因為和官廳嘛毋奈佢何今這種拁牛角會轉彎个技術做即失傳去啊 7

10 100年全國語文競賽臺灣客家語朗讀文章詔安腔國小學生組編號 8 號灶下經驗古美珠原作廖林東坪譯心色心色真心色做好事擎凳桌張伯㜷好手腳火若著即喊大家緊排桌雞肉盤提來剁豬腳炕到綿酪酪鹹菜湯歸大鑊芹菜特別加減落客家小炒添兩杓仰子即會恁豐沛緊緊偎來坐桌啊來坐桌𠊎依煮个菜真香真肥真好食佢見擺煮菜𠊎即企在脣頭䀴䀴佢一下子即煮好一件菜𠊎想講煮菜係輕可个事見擺想討煮𠊎依攏毋肯講𠊎猶細漢有一擺機會來啊𠊎依愛出去辦事情到暗正會轉佢吩咐𠊎講阿珍妹你毋係真想討煮菜下晝个菜即得你煮好啊𠊎想表現个機會來啊煮菜即像食糜共款恁簡單遐當晝𠊎煮三路菜第一路菜係煎豆腐𠊎先拁豆腐切一垤垤囥落鑊去煎愛貶面个時務奇怪仰子會恁難貶咧歸鑊豆腐得𠊎貶到綿綿𠊎愛食馦个即討滴兜辣油結果啊手忒緊一倒即歸半罐𠊎試食一口阿依哦會馦死人哦第二路菜係炒青菜這一定毋會有問題啦𠊎拁火開真猛菜囥落去正炒兩下電話即鳴啊𠊎攔緊去接電話落尾電話吂講煞菜即臭火燒去啊頭尾一路菜係煎魚𠊎對自家講這係頭尾一路菜定著毋會用擱有問題結果相佛容易刻佛難䀴花容易繡花難一尾魚又得𠊎煎到肉做肉骨做骨實在會氣死人擱失敗去啊仰子𠊎䀴𠊎依煮菜會恁輕鬆𠊎煮起來會恁成難咧𠊎怙䀴著桌崠个菜直頭䀴直頭笑𠊎阿妹食到咬牙目結 3 雖然真歹食佢人嘛猶係拁菜食淨淨𠊎怙講𠊎真乖𠊎若肯學肯做總有一日一定會成功尾後𠊎問𠊎依正知幾時魚和豆腐歸下攏愛等鑊睹好燒正囥落去嘛毋會用傷早即貶面正毋會貶到綿綿幾時係恁煮菜个學問嘛真大毋係䀴阿依个動作貶兩本食譜即會用洗手做羹湯 3 咬牙目結 ngauˇ ngaˋ hmˊ giedˊ 咬著牙根眉頭緊鎖忍受痛苦的樣子 8

11 100 年全國語文競賽臺灣客家語朗讀文章詔安腔國中學生組編號 1 號靚靚个客家盤花鍾清蘭原作林創業譯在廟底拜个老先生拁𠊎人講成下大家經濟無今現時恁好街路嘛無人賣花當時也無時行用花盎來插花到位神明个聖誕日即愛用香花清茶果子紅布金花牲儀來祭拜在舊曆个逐個月初一和十五个時嘛係愛清茶盤花果子來祭拜所以這個盤花會用講係客家个特色在祭拜儀式中間係滿足要緊个部分成下拜个盤花用个花材在廟宮和伯公祠無共款廟內底拜个花一定愛有香味越香越好盤花基本个花材有真多像仙丹花芙蓉扁柏大理花圓板花山馬茶白花夜合含笑樹蘭菊花玫瑰花連招花這兜毋過手指甲花即毋會用排愛用普通人家屋前屋背種个花樹為主花愛用剪个恁正毋會傷著花樹个樹身嘛代表客家人勤儉肯食苦个精神祭拜過个盤花對神桌崠收落來以後愛先炙燥毋好抌 4 無採因為猶有一個真好个用途識聽過老儕人講這兜經過神明加持个花草會用分得大家來浸水洗膴身嘛會用得人避邪保平安猶有細子人打著驚嚇著暗夜時睡毋會落眠拁花草泡水來洗膴身對收驚會有效聽講歹運个時堵著無淨俐个物件花草洗過頭面以後歸身人即會輕鬆起來排盤花个時慣勢會照花蕊个大細來排越矮下緣愛越大蕊對盤个外頭向內底排起越疊越高越拶愈靚頭面上愛排一蕊大大蕊个紅花新丁花抑係大理花攏會用嘛有人用單一種花材來疊盤花恁即會用變做一盤一盤又圓又靚个盤花用香花茶果子敬神明頭要緊即係愛有誠心誠意佢無論多少無論大細總係代表一份真心希望神明伯公來保護大家事事圓滿大吉大利 4 mai^ 不要放棄 9

12 100年全國語文競賽臺灣客家語朗讀文章詔安腔國中學生組編號 2 號外公屋背黃火盛原作李幸妃譯在歇睏日个時𠊎頭想討去𠊎外公个屋下尞遐跡位有真靚个山𠊎外公个屋係成過遐款大落屋正身係廳下服侍公媽牌和神明䀴起來有一兜仔莊嚴係毋會用賞个所在猶記得幾下年前𠊎和𠊎細漢阿妹跋起去神桌崠去䀴神主牌睹好得𠊎依䀴著𠊎依講麼个即提在賞連公媽攏想討賞實在係毋知天地自遐擺以後𠊎即無麼个敢去廳下尞正身兩裡係橫屋𠊎舅蹛在遐所以尾後𠊎去𠊎外公屋下即走去橫屋尋𠊎表阿弟和表阿妹尞𠊎外公个屋背係無幾高个山種真多果子樹過年个時務逐擺攏有柑子好食年過去䀴會著黃黃个枇杷食起來酸酸毋係真甜春天過去漸漸桃和李像燈籠共款吊到歸樹椏五月節一過𠊎真愛食个玉荷包即到分啊食起來甜到心肝底玉荷包食了 5 七月半牛眼無白核八月半个柚子和月餅共下食𠊎外公屋頭前个屋簷下囥滿足多盎滷鹹菜个醃缸逐擺𠊎轉去即會和𠊎表阿弟表阿妹在遐跡位賞迷相尋屋頭前个廍口脣有兩頭大榕樹一年透天樹葉生到青青𠊎外公在樹下吊兩個晃槓架𠊎和𠊎阿妹捷捷在樹下晃來晃去過著快活个童年生活廍口出去係禾坪禾坪角頭有一條崎路𠊎外公在半崎種一頭楓樹熱天正過秋天正來个時務楓樹葉即漸漸紅起來啊這時務撿楓葉會用編織出𠊎个童年夢崎路下有一口魚塘攔工時務䀴著大人扛一臺泵浦抽水蔭田閒時䀴著魚塘底有幾下隻鵝么和一陣鴨么在遐魚塘个水面泅來泅去安然自在過个日子真得人欣羨 6 𠊎外公在魚塘底供滿足多魚逐擺偎晝一半下𠊎舅會渡𠊎去釣魚佢猶教𠊎姜太公釣魚離水三寸願者上鉤所以魚篙自家做用米糠攪飯來餳魚逐擺䀴著浮胖停動𠊎心肝底即真暢想講會有大尾魚來食釣毋過偏偏大尾無食釣細尾波波跳落尾大概會空手轉去恁嘛真好賞真想討逐日即蹛在𠊎外公个屋下 5 6 食了音shiedˋ leeu^ 吃完欣羨音himˇ sien 羨慕 10

13 100年全國語文競賽臺灣客家語朗讀文章詔安腔國中學生組編號 3 號好朋友阿湯牯黃鈺雯原作林創業譯記得兩年前正考著國中美術班單儕對莊下去街市讀書恁多同學無一個有相識心肝底真擘心𠊎依即共𠊎講愛打先和人相借問講事愛細義愛好禮 7 計較自然即會交著好朋友這兩年半來𠊎交著真多好朋友大家真好作垺真相惜其中頭相好个猶係阿湯牯單䀴佢个外表頭大大人矮頓矮頓係一個條直老實人會感覺佢像一個小戇呆佢真愛打網路電動不時一賞即賞到毋知晝暗實際上佢係一個精砉砉个囝子詩書滿腹恬恬係通學校个第一名𠊎識問佢恁會賞仰子猶恁會讀書啊佢講心愛專石會穿𠊎賞个時務盡量賞愛流汗愛得頭腦歇睏一下毋過提起書定著愛專心四輪轉發生麼个事攏毋好去管畫圖即專心畫䀴歷史毋會去想討讀英文踅街毋會想著考試確實真有效𠊎做逐件事情攏有真好个收成𠊎真欣羨佢手疾好過家腳疾好繡花个生活態度真開化這即䀴出佢真會把扼時間和機會總會想現時个環境會用做麼个事情可比講放學時間較慢赴毋會著車班別儕攏係怨遐怨這了時間佢即恬恬提出書來背毋會怪天怨地𠊎會恁樂觀即係受著佢影響雖然佢字墨真飽上知天文下知地理毋過佢毋會挶屎總係用交人交心好來好去个誠意對𠊎見擺請教佢數學和自然佢攏會教𠊎解題个方法得𠊎事半功倍確實逐件攏會知即逐件無困難頭罕得个即係毋驚𠊎贏過佢一半擺𠊎考試拚贏佢个時佢即會偷囥步十步留一步免得師子打師傅來和𠊎講笑一頭又拁佢會个方法攏傳得𠊎正經做著頂真師傅教師子無留半步𠊎兩儕即恁相敬重相勉勵所以成績正毋會差佢嘛真會挑難創治𠊎刺激𠊎逐擺攏講𠊎慢牛多屎尿又講𠊎讀書个方法總係蚊叮牛角唉想著真得人慼毋過人愛人打落火愛人燒著猶係真感謝佢提醒𠊎監督𠊎做𠊎人生个一面鏡老儕事講良言無嫌少朋友無嫌多𠊎兩儕知己知彼擱較了解自家个缺點和優點知自家个弱點正會知將來愛打拚个方向在哪位擱兩個月即討出業啊心肝底真毋盼𠊎人講好愛顧好自家个前途直頭打拚一定愛完成自家个理想和願望 7 mai^ 不要放棄 11

14 100 年全國語文競賽臺灣客家語朗讀文章詔安腔國中學生組編號 4 號𠊎頭愛䀴个一本書林秋香原作林創業譯成過人講三日無讀書腦筋即會生鹵𠊎依嘛不時和𠊎人講無讀詩書有目無珠毛筆恁大字攏毋識書內底講个人生大道理你人定著愛記得日常生活對人對事不管時攏用會著𠊎頭愛䀴个一本書即係在舊年生日个時𠊎依送𠊎个佐賀个超級阿媽這本書故事个主角昭廣對細漢係一個無阿怙个細子因為阿依無法度照顧佢八歲遐年送佢轉去莊下个阿媽屋下蹛接佢个係一間犖犖确确 8 个茅屋猶識渡過七個大細辛苦過艱難生活个超級阿媽雖然日子苦到攪鹽摻飯傍蔭豆豉脯來過日樂天知命个阿媽總有神奇又百變个生活方式阿媽屋下蹛在溪脣溪崠面上係市場阿媽搭架來擋溪水上頭流落來个物件猶笑講這條溪係佢屋下个市場毋過菜單愛由水神決定無法度自家擇討食麼个菜日求三頓夜求一宿即若像蟻子銜泥係過日牛牯拖車嘛係過日在恁个生活內底嗄顛倒豐富昭廣个心靈擱較苦嘛共款知足歡喜來過日講著佐賀个超級阿媽佢這種樂天知命个想法𠊎即想著自家逐擺吵討食麥當勞無食著猶會真慼實在係人在福中毋知福啊這本書得𠊎頭感動个即係阿媽毋管過日有幾苦佢講人生在世間要緊个毋係有錢顛倒係心肝底个感受人屋下雖然散毋過人散志無散即係毋認輸這正係正經个福氣逐日攏愛嘴笑滿面來過日佢這種精神係值得人來學習个佐賀个超級阿媽即係在歡笑內底帶著感動人个一本書有人講擱較艱難嘛愛笑得天公爺䀴佐賀个阿媽講擱較艱難嘛愛得天公爺笑出聲音來即因為恁面對困苦生活个兩子孫阿媽總猶係歡喜个過日所以人在堵著困難个時務毋會用無志氣愛向擱較好个所在去思考擱較困難个事情嘛會有解決个辦法𠊎䀴了這本書得𠊎想著客人嘛和佐賀个阿媽共款滿足認真打拚勤儉做家樂天知命 8 犖犖确确音logˋ logˋ kogˋ kogˋ 形容簡陋 12

15 100年全國語文競賽臺灣客家語朗讀文章詔安腔國中學生組編號 5 號好心有好報古美珠原作李幸妃譯老儕事講好心有好報歹心有惡報正經有影哦記得舊年歇熱个時務𠊎做過个一件好事情這滿想起來猶真歡喜舊年个歇熱𠊎去外媽屋下尞𠊎外媽蹛在莊下屋前屋後攏係田有真多蟲好捉像草蜢蟬蝶𧊅子𠊎人逐日攏在外頭捉蛘蜺捉草蜢有一日𠊎人又去外頭賞好定泥𠊎䀴著遠遠个所在有一圝白色个物件在遐蟯蟯動𠊎和𠊎阿妹攔緊行偎去䀴哇幾時係一隻真得人惜个粉鳥𠊎跍落去斟酌䀴幾時佢係翼著傷啊飛毋會起來啊實在真苦憐哦撿採等下若係堵著狗遐即死無命啊這愛仰子正好管佢三七二十一先拁佢捉轉去正擱講𠊎寬寬子行過去拁佢輕輕捉起來囥在手底攔緊轉去尋外媽拜託佢定著愛救這隻粉鳥若係無救佢遐佢定著穩死个𠊎外媽䀴𠊎講到恁苦憐又想講𠊎恁善良恁好心即答應𠊎人个要求𠊎外媽黏時即去尋藥來拁膏藥膏好正想著無鳥籠粉鳥愛關在哪位正好咧𠊎外媽擱渡𠊎去街路買一隻鳥籠猶有飼料𠊎人逐日拁佢膏藥過無幾多日佢即會用在鳥籠內底跳上跳落嘰嘰喳喳又經過成禮拜𠊎外媽講佢个翼好啊會飛啊會用拁佢放轉去因為供恁多日有感情啊討放佢轉去實在有一兜仔毋盼毋過嘛無法度鳥愛在外頭自由自在飛來飛去正會快活所以𠊎即渡𠊎阿妹擐鳥籠去到位遐日發現佢个所在打開鳥籠門放佢出去䀴著佢自由飛去天崠𠊎个心情實在滿足快活个幾時拁人鬥相共个心情係恁好啊這即係𠊎做過个一件好事啦幾時做善事毋使用真多个氣力和錢財正係愛有愛心在生活內底隨時攏有機會來做雖然係一兜仔良善个心嘛會得世界感覺越來越和氣𠊎一直攏相信心好命即好心開運即開毋知係毋係恁个原因遐暫好空个事情直直跈過來打先係𠊎怙𠊎依安哢𠊎恁好心送𠊎一件等路落來係惜𠊎个滿姨擱渡𠊎人去麥當勞食和考試嘛考到全然好𠊎定著愛擱做擱較多个好事因為善有善報好人自然有好報 13

16 100年全國語文競賽臺灣客家語朗讀文章詔安腔國中學生組編號 6 號阿媽个無字天書劉敏華原作林創業譯𠊎屋下就近有一條真靚个溪水普通時若無落大雨無做大水溪脣即有人在遐放牛食草牛背脊骿即會有白鶴食蟲遐種个景色真好䀴所以𠊎不時在放學个時背蹛書包坐在溪脣䀴日頭落山順續䀴牛食草和白鶴散步有一日𠊎䀴著遐兜白鶴哦哦著面唩著面飛一大陣飛向山遐裡去無留在竹頭尾面上過夜𠊎感覺真奇怪即走去問𠊎媽仰子白鶴會一大陣飛向山崠遐裡去咧𠊎媽拁𠊎講白鶴飛向山遐裡去即係會落雨个晨早時頭白鶴若飛向海脣个方向去即係會好天啊𠊎感覺真奇怪𠊎媽無讀過書毋識字毋過佢逐件攏知尤其係生活个養生知識像𠊎媽真勤種菜佢不時會講正月蔥二月韮三月薑人即係愛食季節个菜正毋會有病疾食飯个時嘛捷捷講食飯先啉湯贏過尋藥方得𠊎印象頭深个係逐年五月節𠊎媽定著會捋大風草茉草扁柏艾草芙蓉茅草榕樹葉這兜攏總七種花草和午時水用大鑊焄真香个避邪水得歸屋下人洗膴身佢老儕人講五月節洗避邪水一年攏會帶來平安這係佢老儕人傳統个心念𠊎媽逐暗夜會去莊內个三山國王廟拜拜堵著初一和十五佢會和信眾共下念經有一擺𠊎問𠊎媽阿媽你念个太陽經太陰經係麼儕教你个𠊎媽拁𠊎講成過客人重男輕女个觀念真重𠊎在屋下係大阿女細細漢即愛撿樵割草渡阿弟和阿妹哪有通得𠊎去讀書𠊎只有知對生活中个經驗記落心即毋會添放去另外一方面𠊎會聽人講聽人念擱認真記在心肝底所以𠊎念个經文毋係別人教𠊎念个歸下係自家用聽拁佢記起來个幾時𠊎媽个無字天書即係經驗拁記得人講老罔老經驗係寶又講家有一老便係有一寶客人个敬老尊賢一定愛傳揚落去得後代子孫有真好个榜樣 14

17 100年全國語文競賽臺灣客家語朗讀文章詔安腔國中學生組編號 7 號𠊎印象頭深个一節課黃鈺雯原作李幸妃譯𠊎自細漢到今在學校讀書有七八年啊逐個教過𠊎个先生攏真會教書得𠊎學著真多个知識和做人个道理雖然真多課程攏真心色𠊎嘛攏猶會記得毋過若係講𠊎印象頭深个一節課猶係舊年陪𠊎依去病院降細子个時𠊎依拁𠊎教个遐節課即在遐幾下點鐘久个時間䀴著𠊎依个屎肚疾到佇毋會核到𠊎弟平安出世个時𠊎學一節真寶貴个生命課程幾時𠊎嘛係𠊎依千辛萬苦正降出來个當𠊎䀴著𠊎弟个時心肝滿足感動个想嘛想毋會著一個人即恁出世啊即在遐時𠊎拁自家講生命係真寶貴个定著愛好好愛惜對這滿起𠊎愛擱較有孝爺母愛照顧好自家个身體毋好得佢人擘心正著遐時𠊎依拁𠊎講𠊎嘛係和𠊎弟共款幼皮白肉面頰卵紅牙紅牙真得人惜佢講逐個阿佅攏係爺母个心頭肉係爺母頭大个希望逐個做人爺母个攏希望子兒身體康健平平安安大漢擱較希望子兒有出脫認真讀書後擺做一個有路用个人所以一半下䀴著𠊎無睹好跌倒著傷無即寒著破病个時務心肝底即真毋盼𠊎若係蠻皮講毋會聽佢猶較像十二月个芥菜傷心𠊎依猶講爺母恩情大過天烏鴉有反哺之義羊有跪奶之恩人做人定著愛對爺母有孝老儕事講爺母想子長江水子想爺母擔竿長爺母關心子女个心遠遠超過關心自家麼个事情攏會為子女來打算千辛萬苦拁人供大个恩情係人一世人還嘛還毋會淨个老儕事有講在生一粒豆較贏死後拜豬頭又講千跪萬拜一爐香較輸在生一碗湯即係拁人講普通時即愛知有孝這即係𠊎印象頭深个一節課聽了以後𠊎頭犁犁感覺真見笑這下𠊎毋會擱得𠊎怙𠊎依擘心和操煩毋會對佢人應嘴應鼻嘛毋會和𠊎姊相吵相罵冤家羅債猶較毋會懶尸啊𠊎知愛鬥相共拚掃出門入門會拁佢人講嘛會真認真讀書認真寫作業𠊎不管時攏會記得愛做一個明事理知大細个子女 15

18 100年全國語文競賽臺灣客家語朗讀文章詔安腔國中學生組編號 8 號失敗个經驗李得福原作林創業譯記得讀三年个時務有一日放學轉去䀴著天色漸漸暗啊𠊎即學洗米煮飯雖然透底毋識煮過飯毋過𠊎記得𠊎依捷捷講一甌米漕一甌水洗米洗菜頭少愛洗三遍𠊎依講个這兜事普通時𠊎毋會特別去記起來唉今日嗄用會著即像書內講个目珠䀴千遍較輸手做一回𠊎拁米洗淨了後囥入電鑊內底煮𠊎心肝底著面想這係𠊎第一擺煮飯等一下鑊內底个飯煮熟啊定著香噴噴特別有氣味哪會知時間到啊打開鑊蓋一䀴阿依哦電鑊內个飯猶半生熟有兜鬆鬆有兜黏黏歸下毋會食仰子會恁咧打電話問𠊎依幾時即係𠊎無在電鑊內漕一甌水所以變燥煮有米煮無飯猶係無煞著有這擺个經驗以後後次擺𠊎即毋會毋記得漕水啊有這擺失敗个經驗以後𠊎做事情以前總會多想多想各種大概發生个情況先考慮周全無想著恁小心細義猶係會失敗有一擺學校舉辦跳索比賽比賽个種類有單人組雙人組猶有三人組先生派𠊎和另外兩個同學代表班上去比賽為著這擺个比賽嘛為著討提好成績逐日下課个時𠊎即會先招同學去學校坪練習變化跳法轉換方向加強練習到正式比賽个遐晨早歸學校个學生攏圍在學校坪䀴著恁多人𠊎心中偷偷歡喜因為定著會贏心內恁想猶个事情即無閒去多加注意比賽開始啊因為足有自信兩支手拂索个力無平均跳無幾多下即卡索恬落去第二擺擱跳猶係共款失敗去接落來个雙人組得著第三名三人組个又因為配合無好勢正得著第四名定自家歹勢到面紅激激頭犁犁毋敢見人經過這兩擺个失敗𠊎正知著成過人講个學術無精驕兵必敗嘛了解自家失敗頭大个原因攏係毋罅沉穩忒容易驕傲忒容易䀴輕天下个頭路對遐兩擺个失敗經驗以後𠊎變擱較小心接受任務以前頭腦總會先考慮清楚頭要緊个係𠊎接受失敗會記得失敗帶來个教導後次擺𠊎會較煞著較認真行向成功之路 16

19 100年全國語文競賽臺灣客家語朗讀文章詔安腔高中學生組編號 1 號人公徐月里原作李幸妃譯記得𠊎讀國民小學一年个時真驚生份等𠊎讀到三年遐時膽即越來越大三不二時會在街路行上行落見世面有一日𠊎著遐雙大概著兩年無幾合腳又擱好好个鞋屐在市場脣个街路萬位逡哦遐舊街路有一間洋品店店名號做貴昌隆聽講店內底賣真多洋貨有賣遐紅色布面白色鞋帶妹子人著个關公鞋過年个時𠊎依識拁𠊎買一雙講討得𠊎讀書个時正好著店面頭前排一擔會用徙停動个細糖攤有賣抽糖个物件嘛有賣一兜仔假銃啦紙牌啦人公啦這兜細子人賞尞个物件一半下𠊎討有五角銀即會去抽糖來食遐日真餳𠊎个物件係用枋釘起來个架崠吊个遐身用通光个塑膠紙包起來个塑膠人公遐身塑膠人公真特別佢个頭那毛虬虬肨肨像白蘭電頭那毛店遐個阿姨个頭那毛目珠圓圓金金會停動目珠毛翹翹鼻尖尖鼻空細細手腳幼幼長長會用變換動作遐兩支手骨略略彎會用擐物件手指尖尖翹翹兩支腳長長躪腳尾有一雙細細雙个高鞋會用替換高鞋呢會企又會坐著一領到位膝頭个洋裝上身合合腰細細胸大大下身係百襉个肨裙滿足靚个人公哦𠊎實在真想討愛頭家䀴著𠊎企在擔頭前䀴恁久行進前問講細漢妹子有想討買無轉去拁屋下人討錢來買遐正經係驚死人个價數你知無𠊎愛幾下禮拜正討會著五角銀好買食遐睏子五角銀會用買著甜甜擱透心涼个清冰一支呢頭家講遐身人公愛十七箍𠊎拚緊緊轉去拁𠊎依講𠊎大氣接小氣 9 講嘛講毋會清猶係揪𠊎依个手去現場䀴唩嘛唩啊亂嘛亂過啊𠊎舞到自家歸面个目汁和鼻水𠊎依講這滿屋下哪有恁多个閒錢好買咧毋好擱唩阿依做一個得人惜个布人公得你賞毋好唩到像抽雞腸好恬啊這五角銀收好勢𠊎毋甘願歸毋甘願一時仔嘛無麼个想法自家嘛知實在係罔亂罔亂想想个鼻摸摸个目汁捽捽燥即恬恬無擱吵阿依啊 9 大氣接小氣音tai ki^ ziabˊ sio^ ki^ 上氣不接下氣的樣子 17

20 100年全國語文競賽臺灣客家語朗讀文章詔安腔高中學生組編號 2 號𠊎个休閒生活古美珠原作廖林東坪譯有閒時間唱山歌人生毋使過頭勞貧窮富貴命注定身體健康快樂多啊快樂多現時个人因為頭路真無閒生活壓力真大大家透日即勞勞碌碌做到無閒挾掣大人為著愛照顧家庭生活內底做事以外猶係做事讀書人為著討考一間較好个學校逐日認真讀書不時讀到無日無夜𠊎正無恁戇功課雖然要緊毋過生活內底也係愛有適當个休閒活動來得人較輕鬆正著現時个休閒活動有麼个咧像旅行䀴電視䀴電影䀴書運動跋山猶有今頭時行个騎鐵馬等等𠊎个休閒生活真精彩哦像𠊎真愛唱歌無論係國語歌學老歌英文歌抑係客歌𠊎攏會唱唱歌毋使幾好个所在隨時即會用唱在你唱到雞毛沉落水抑係石頭浮起來嘛無人會管你𠊎嘛不時唱啊唱心情即快活啊禮拜日𠊎會尋阿弟共下去學校打籃球抑係羽球打籃球毋單好賞聽講嘛會得𠊎生到較高哦羽球个速度真緊𠊎即會像孫猴共款飛上飛下即驚接毋會著球見擺攏賞到流汗答滴歸身濕濕實在真快活哦打球得𠊎添放讀書个辛苦歡喜到佇毋會核咧人講花開滿園自然香八月秋風漸漸涼秋天八月半遐站頭適合出去行行个遶一下山花歇睏个時務𠊎怙捷捷渡𠊎人出去行行尞尞𠊎頭愛去溪底捉魚捉蝦溪水又清又涼魚在遐泅來泅去𠊎拁鞋脫起來攔緊跳落溪底去遐種感覺正經係透心涼害𠊎見擺攏尞到毋知好轉這兜即係𠊎个休閒生活雖然逐儕个休閒生活無一定共款有人愛打球有人愛䀴電影嘛有人愛䀴書愛做麼个攏無要緊頭要緊即係愛尋一件適合你个休閒活動來得你輕鬆一下大家在今恁誠無閒个社會毋好拁頭路抑係課業當做你歸下个生活哦等到老啊正來怨即毋會赴啊愛記得歇睏係為著行擱較遠个路所以無論大人抑係細子大家攏愛來安排人个休閒生活得自家逐日攏會用輕鬆又快活 18

21 100 年全國語文競賽臺灣客家語朗讀文章詔安腔高中學生組編號 3 號學勤三年學懶三日徐子涵原作林創業譯自𠊎猶真細漢个時𠊎依即捷捷拁𠊎講泥愛日日掃田愛日日到書愛時時讀又講一日學習一日功一日無學十日空所以無論學校係上課抑係歇睏𠊎依規定𠊎兩姊妹逐日攏愛讀書愛運動愛拚掃因為越尞越懶尸越睡越戇侗人人咧學勤愛有三年學懶尸毋使三日哦無毋著人愛經過真久个時間正會改去懶尸个性情絕對無辦法在三兩日內即養成勤快个好習慣若講毋肯做事毋肯停動啊兩下半即會變懶尸落去懶尸人啊連食飯攏懶尸煮懶尸食猶記得有一年歇熱睹睹好𠊎依做頭路真無閒𠊎想推懶一下一站無讀書無運動應當無麼个要緊即偷偷去䀴電視打電腦毋即係食即係賞逐日攏歡喜得天生活真享受無想著正幾下日定即擱起懶尸骨逐日睡到日頭炙屎朏歸日流流漂漂若像閒神野鬼共款一日過一日時間即恁得𠊎白白損失去到討開學个時務正知屎掣愛開屎缸一大墩个事情吂做好無頭無尾得𠊎毋知愛仰子正好攔緊讀書寫字毋過䀴無兩行个書寫無兩個字即無精神个頭暈暈想討啄睡書間嘛狼離狼犁滿山滿海䀴著即起懶頭啊歸個人即像得大石頭矺蹛感覺著壓力真大有遐擺个經驗𠊎正知著坐久變懶尸睡久成破病這句事實在有影確實係學勤三年學懶三日𠊎這滿毋會擱像成過恁毋敢擱懶尸落去啊自家个物件定著會隨時收好勢毋會儘採烏白囥𠊎會拁屋下整理到淨淨俐俐食飯飽嘛會好好撿揫𠊎會利用時間認真讀書猶會保持運動个好習慣做事情會較緊手趁燒趁熱去做好實在係毋驚事難頭驚人懶漸漸𠊎了解著老儕人講个事人勤地獻寶人懶地生草勤人跋高快懶人伸手難人勤滿穀倉懶尸空米缸人勤身體好懶尸破病多這兜苦勸人愛勤个道理總講學勤三年學懶三日人个生活討過較好即愛較打拚兜若耕作有用心钁頭下即會有黃金 19

22 100 年全國語文競賽臺灣客家語朗讀文章詔安腔高中學生組編號 4 號養成好个讀書習慣徐貴榮原作林創業譯真多做阿怙阿依个人不時會問遐細子生來特別精仰子書會讀毋會來咧有兜人即去廟燒香拜佛求符帶身有一兜仔人即怪交著歹朋友猶有一兜仔即怪學校个先生毋會教大家來想䀴望恁敢著記得成過讀國中个時一日到暗玲瑯踅 10 想空想縫 11 企坐毋會核坐無兩分鐘屎胐即像生竻共款企起來摸遐摸這䀴電視打電動逐擺分成績單無一科會見人有一暗夜𠊎依渡𠊎去𠊎姨个屋下䀴𠊎表姊仰子認真讀書𠊎兩儕一入門即䀴著𠊎阿姨丈恬恬在廳下整理資料𠊎姨在遐䀴書𠊎表姊和表阿弟共下寫功課𠊎䀴著即隨時醒 12 過來啊佢人屋下讀書个習慣恁好難怪細子人恁會讀書可見讀書習慣真重要鬥底愛仰子養成良好个讀書習慣咧𠊎䀴著𠊎姨屋下个情形想著矮下三點來得大家參考第一讀書心愛專毋好分心玲瑯踅烏白想人講心專石穿毋過真多人讀書一本書提蹛即像遐細和尚唸經有嘴無心心肝底直直想別件事情一下想賞電腦一下擱想出去尞讀無兩下書又想真多別款事情雜落來心無定想討拁書讀好遐即愛等日頭對西片裡出來哪會有希望所以毋好拁電腦收音機漫畫書好賞个物件囥在書桌个脣頭恁正會專心第二課內和課外个事情愛分開讀書个時間毋好去想學校社團和出去尞个事情普通時無麼个真要緊个事情毋好想討打電話逐日見面毋使用傳來傳去無採時間課內和課外个時間若無分清楚賞又無賞著書又無讀好第三愛有計譯時間若到即愛去讀書毋會用先生無出作業即毋讀書其實高中生个課業真重愛讀个書滿山滿海所以自家愛有計譯自家愛有安排讀書个時間老儕事講蔗食了一目正一目定著愛一步一步去複習上擺讀過个物件嘛愛先䀴韶日个科目到尾𠊎想逐儕个頭腦攏差無幾多讀書習慣若無好讀書即有差等考試到位準做三十暗夜个尿桶盡拚嘛無效人普通時猶係麼个蟲蛀哪樣樹認分兜普通時即愛養成良好个讀書習慣正好恁字墨正會飽足玲瑯踅音linˋ long se 不專心三心兩意想空想縫音siong kungˇ siong pung 胡思亂想或想盡辦法動歪腦筋醒音ciang^ 甦醒過來清醒 20

23 100 年全國語文競賽臺灣客家語朗讀文章詔安腔高中學生組編號 5 號環境淨俐个重要徐貴榮原作林創業譯記得猶細漢个時在莊下跈𠊎公𠊎媽蹛屋前真闊䀴著攏係禾樹竹排青青一大片行出去毋管係大圳細條溝抑係溪底个水淨淨俐俐水底猶有鯽魚禾花蝦鰗鰡泅來泅去真得人愛暗夜頭雖然一片暗摸摸毋過擔一張凳在禾坪歇涼聽𧊅子聲風吹過來涼沁涼沁真輕鬆真涼爽毋過這恁多年來時代進步工商發達漸漸成過个青山綠水無䀴去啊䀴著遐工廠一間一間个起起來大圳溝子流出來个係烏烏个毒水污染了空氣水源和土地 13 講猶有魚和人攏會得佢跼死 14 猶有這滿足多人對衛生無要緊烏白擊垃圾呸 15 檳榔汁食薰擊薰屎滿哪位攏有塑膠袋保麗龍和垃圾一大墩垃垃圾圾个物件內底供蚊生蟲垃圾塞塞滿溝子蚊和烏蠅滿天狂狂飛環境嗄變到屙屙糟糟生活在這種環境內底人和頭牲當然會著毒成過較無恁多个工廠人嘛較無講究衛生毋過屋前屋後个草不時鏟到淨淨提來熰 16 做肥食个物件若係有伸即提去供頭牲毋會烏白亂倒今現時社會進步生活真誠好啊食个用个伸到歸大墩逐日垃圾擊到滿山滿海大部分个人無去注意環境變仰子有一兜仔人又足自私自家屋下底拚到淨淨俐俐社區个環境即無愛去插恁猶係毋會用大環境無淨俐衛生䆀哪會毋會破病呢環境衛生个問題對人个影響滿足大所以首先希望政府社團愛多宣傳多來教育大家知環境清潔个重要衛生單位嘛愛不時檢查擱來希望政府訂較嚴个環保法律若係有人無照規定來做一定愛罰猶有愛提高大家个公德心毋好烏白擊垃圾愛共下來愛護共下來清潔人个環境到尾大家愛知環境若係淨俐病院即毋使去環境若係屙糟病疾即會歸大拖古早人講散人生狗虱好額生痔張飛又嘛驚破病所以無論有錢人抑係無錢人定著愛注意環境衛生不時愛得佢淨俐淨俐身體正會康健 mai^ 不要放棄跼死音kiugˋ si^ 形容極悶難以呼吸跼音kiug 拘束限制圍堵困住此作為悶住 15 呸音puiˋ 吐 16 熰音eu^ 悶燒

24 100 年全國語文競賽臺灣客家語朗讀文章詔安腔高中學生組編號 6 號一張相片黃雪珠原作廖林東坪譯初秋个時務一臨臨个涼風吹入𠊎依个間房內𠊎依个手提這張略略退色个新娘相片心肝底毋知在遐想麼个心事往事得佢留下真多甘甜燒暖个回想有人講逐張相片攏有一個感人个故事無毋著這張相片又得𠊎依想著出嫁時个情景佢講𠊎二十二歲遐年莊頭个阿英姑本底討渡你怙仔去䀴別家个妹子真睹好遐個妹子無在屋下佢即渡你怙仔來䀴𠊎記得遐時務𠊎捧好茶即囥在間房內底毋敢出去你外公和你外媽佢人在廳下和你怙仔答嘴鼓聽佢人有講有笑像係真歡喜个款緣份啊即恁講好這門親事啊今擱想倒轉實在真好膽遐時務猶吂䀴識你怙仔个面嘛毋知你怙仔个性地仰子擱毋知佢鬥底係做麼个頭路正知你外公講人老實有食頭路即好毋過𠊎知你外公你外媽係仰子个毋盼你外公牽著𠊎手惜命命个䀴著𠊎毋知講麼个正好渡嫁个日子䀴好啊媒人拁日子單送過來了後你外公和你外媽即開始無閒準備嫁妝被枕頭門簾衫褲面盆錫桶尿桶猶有你外公親手做个衫櫥圓桌圓凳碗櫥𠊎自家心肝內嘛一下歡喜一下擘心歡喜係討嫁人啊男大當渡女大當嫁在遐個年代嘛毋會用傷老正嫁哦毋過嘛真擘心你怙仔人好無嫁過去愛做麼个咧將來个家官家婆好奉侍無屋下个爺母恁無閒阿弟阿妹又恁細漢真多真多个問題想到這來自家嘛會驚會擘心日子過著真緊你怙仔坐大車來渡親遐時你怙仔瘦瘦高高拁佢个叔伯阿哥借一身西裝著一雙真大雙个皮鞋遐時務好額人正有新娘衫好著𠊎真好運睹好隔壁醫生館个張先生渡新婦𠊎即拁佢借來著猶特別請翕相師父來翕一張相片做紀念猶擱𠊎遐時又睹好拁日本巡查煮飯巡查人真好喊一輛計程車得𠊎出嫁好坐即恁𠊎和你怙仔兩儕即圓滿結婚啊䀴著相片內底个人𠊎依比遐講頭前排係你外公你外媽你太猶有滿叔公後背係大舅㜷伸个即係𠊎阿弟和阿妹一張真有紀念性个相片得𠊎依留落真多真多个回憶和安慰 22

25 100 年全國語文競賽臺灣客家語朗讀文章詔安腔高中學生組編號 7 號𠊎个阿媽黃瑞芳原作林創業譯𠊎媽過身討十年啊雖然日子過去恁久毋過在外頭䀴著頭那毛白白梳到齊齊个老儕人𠊎即會想著𠊎媽𠊎个阿媽正經係客人佢个名有一字妹字在阿太降佢个時務因為忒多細子人即拁佢號做滿妹𠊎猶細漢个時不時聽著莊底个人喊佢阿滿姊阿滿姑𠊎嘛跈人喊佢阿滿姊人問𠊎你阿媽喊做麼个名𠊎即會回答佢講阿滿姊大家即直直笑佢毋會和大家共款用國語喊名喊𠊎人兩姊妹攏係喊客事个名用名內底个一個字加上阿字像阿瑾 17 阿芳真多細子人喊毋會出嘛跈人恁喊毋過嗄拁阿瑾喊做阿滾頭心色擱真有意思對細漢𠊎係𠊎媽養大漢个𠊎媽知𠊎真驚死無膽無論𠊎去哪位佢攏會和𠊎做伴參𠊎做膽𠊎讀个小學睹睹好在塚子埔脣所以佢逐日陪𠊎去讀書陪𠊎下課轉屋下和猶个同學比起來𠊎感覺特別福氣𠊎媽毋識字無讀過書毋過了解人情世故不時教𠊎做人个道理比論講愛多考慮別儕个感受愛尊重別儕愛多讓人凡事攏有命係𠊎人个早慢攏會來若毋係𠊎人个即係拚命去求猶係毋會到屋𠊎媽真樂觀總會面帶笑容講事个聲音真低無佮意吵著人毋過佢對是非一定堅持有一擺𠊎提毋著別儕个書嗄隨轉屋下𠊎媽發現以後攔緊打電話去學校查𠊎同學个電話請隔壁阿叔隨去還人對做人个道理𠊎媽毋係講講定佢親身去做去實行可比講佢做麼个事情攏會先想著別儕真少想自家佢病到無法度起來身體艱難个時務在基督病院𠊎講放阿彌陀佛个音樂得你聽好無佢即講毋好這係基督病院無共款个宗教毋好和人對架正好所以在病院佢即自家忍蹛無唉半聲恬恬个轉去唉𠊎个阿媽確實係真有修養个人 17 瑾音gin^ 23

26 100 年全國語文競賽臺灣客家語朗讀文章詔安腔高中學生組編號 8 號𠊎䀴三國劉宏釗原作廖林東坪譯大江東去浪濤盡千古風流人物這係宋朝大文學家蘇東坡在念奴嬌赤壁懷古內个一句詞講个係三國時代个風雲變化起頭會識三國演義內底个典故毋係𠊎讀這本書正知係𠊎猶細漢時務和𠊎公去宮廟拜䀴著廟方棟梁崠畫个幾下幅圖內底有一幅係三個人摸一頭樹𠊎公講遐係桃園三結義啦猶有一個人在大雪天背痀痀偎在草屋外頭𠊎公講遐係真有名个三顧茅蘆越講即越心色即恁轉去買一本三國演義來䀴𠊎讀到迷迷痴痴毋盼放䀴過猶會擱想討讀哦讀著這本書有影真像䀴電影共款有聲有影有人物有動作有心理有戰術各有千秋像三英鬥呂布孔明借東風子龍救後主關公刮骨讀春秋這兜故事精彩對事真活正經係䀴一百遍嘛毋會𤺪𠊎真愛䀴个即係張飛喝退長板橋你䀴佢豹頭面烏烏目大銅鈴鼓嘴鬚歕歕手擎一支丈八矛一個人企在橋崠堵著百萬兵馬敨一下大氣胸坎一震大喝一聲人講有鬚比鬚無鬚比肉遐曹操歸糞箕个草苞蛇哪當會得張飛這尾雨傘節咧百萬兵馬中有一儕驚到對馬背上跌落來全軍青瀝瀝 18 轉身走毋會去張飛一儕毋使一兵一卒戰退百萬曹軍千古流傳古早人講千里路長幾下個字十萬兵馬兩三行三國演義這本書毋單係各路人物个權力相爭腦力計謀盡出朋友敵人並無分明會用䀴出一個人个青春歲月一陣人个恩恩怨怨一個時代个翻翻轉轉所有人生百態人情冷暖攏寫到真入味千年古事如在眼前𠊎不時即䀴到手揢拳頭腳蹬馬步跌入書內和遐三國人物騎馬相打去啊難怪蘇東坡會講多情應笑我啊應笑我 18 青瀝瀝音ciangˇ ledˊ ledˊ 因驚恐而臉色發白 24

27 100年全國語文競賽臺灣客家語朗讀文章詔安腔高中學生組編號 9 號𠊎个屋邊頭尾黃詩婷原作李幸妃譯人講个近鄰贏過遠親有影無毋著人生活內底真多事情攏無法度自家一儕去做好愛屋邊頭尾來鬥相共所以蹛在上家下屋會相照顧个社區係嶄然福氣个蹛𠊎上家个遐伙灶大人細子攏真善良對人真好遐個阿婆堵著熟事个人攏係滿面笑容來相借問䀴著生份人嘛會和佢頕頭招呼佢兩公姐無論莊內麼儕屋下有好事抑係歹事無即廟做鬧熱攏會義務去鬥相共對屋邊頭尾嘛真親切真有人緣大家攏真愛和佢人答嘴鼓所以佢个後生新婦真有孝降个細子講事細聲細義滿足好禮真知大細知輕重得大家真安哢蹛在𠊎屋下對面个阿伯婆真打拚種菜逐日烏昏攏會去菜園沃菜佢講自家菜園種个菜無射農藥又真萋食起來較安心所以逐擺有收成攏送來𠊎屋下得𠊎人煮猶有斜對面个伯公真樂暢生活態度係手疾會過家腳疾會繡花不時會䀴著佢在禾坪遐坐在矮凳挨弦子唱山歌得人聽到真快活麼个擘心艱難攏無啊一半下𠊎嘛會跈外公去佢个屋下過家泡茶歇涼聽佢人答嘴鼓講古感覺著真心色𠊎體會著敬老得福敬禾得穀个道理毋過蹛𠊎下屋遐火灶即真慘喔兩個後生正額毋聽教治毋成細子兩兄弟歸日攏亂亂吵吵冤家羅債猶直直會相打相𢫦做爺母个講無兩句佢人即頸硬硬頭撇撇目珠惡惡像討食人个形和佢个阿怙阿依嘛毋敢教不時氣到胲滿肚飽正經係敢死閻羅王攏驚毋單影響著莊內个安寧大家嘛驚壞壞堵著恁个屋邊實在愛有真好个度量遐火灶以外𠊎个屋邊頭尾大概攏會相照顧歇睏日出門嘛會鬥相共顧屋逐個拜六个晨早時頭猶䀴會著真多義工阿伯和伯㜷擎祛齊和糞斗在遐掃大路拚垃圾清溝子表現出大家團結合作愛護社區个精神若係莊內辦活動廟坪做大戲做醮迎神做鬧熱个時務大家同心協力鬥相共鬥鬧熱 25

28 100年全國語文競賽臺灣客家語朗讀文章詔安腔高中學生組編號 10 號阿公和𠊎陳志寧原作林創業譯在𠊎屋下𠊎即係𠊎公个大孫子屋下人攏講雖然𠊎有阿姊毋過佢後次擺會嫁人所以會留在屋下个頭大个人即係𠊎大概係恁个原因𠊎公在𠊎猶讀小學个時務佢即真愛渡𠊎去溪底拋魚𠊎屋下離無幾遠即有一條溪𠊎公講佢和𠊎怙兩子爺對真久以前即在遐溪脣攔鴨么拋魚一屋下人會用講係遐條溪供大个到今𠊎讀高中啊𠊎公共款真愛尋𠊎共下去溪拋魚𠊎現時人較大漢啊會用拁佢鬥相共背網擐魚䉂討過溪个時務嘛會用自家泅過去毋會像𠊎猶係細子遐下佢愛自家背網擐魚䉂過溪擱愛拁𠊎擎到肩頭崠實在係加艱難即有𠊎公真愛在食暗頓以後正去拋魚佢講暗頭子魚較無愛停動較好抛魚在遐暗摸摸个溪底麼个攏無若堵著無風个暗夜佢無拋網出去溪脣即恬靜到和月光徙步个聲攏聽會著有時𠊎公愛交代𠊎事情無聲無氣即在𠊎个膴身脣出現𠊎三不二時攏得佢嚇到青瀝瀝 19 拋網拋到悿啊佢會跍在溪脣食薰目珠䀴薰煙飛起去耳子聽水底个聲音等到佢拁薰食歇腳手真緊个佢擱拁網收好等到𠊎䀴著薰屎在泥下个時務佢早即拁網內底个魚撈起來喊𠊎過去拁魚撿入魚䉂底佢不時在拋魚个時務會和𠊎講做人个道理佢總係教𠊎對序大人 20 一定愛有孝去學校定著愛聽先生个事即像佢愛食个愛用个物件定著愛靠自家个手打拚出來毋好去礙人愛實實在在做人後擺正得人䀴會起有閒若自家有才情即好好讀書後次擺在社會做一個有用个人正毋會枉費爺母个栽培聽佢講道理會真煩毋過想著在𠊎猶細漢个時務佢即頭惜𠊎𠊎即感覺真無應該講實在个在𠊎這讀高中个年歲猶有一個目珠金金耳子利利个阿公來和𠊎講道理係真福氣个𠊎心肝底知佢係為著𠊎好一半下𠊎知𠊎公招𠊎去拋魚其實毋係真愛拋魚佢大概係想討愛𠊎和佢作垺尞定想著這兜世間猶有麼个比這種日子擱較福氣个青瀝瀝音ciangˇ ledˊ ledˊ 因驚恐而臉色發白序大人音si tai nginˋ 長輩 26

29 100年全國語文競賽臺灣客家語朗讀文章詔安腔教育大學組編號 1 號城市和莊下个比較廖惠貞原作廖林東坪譯青菜魚肉大戲小曲各有各个特色即像城市和莊下共款兩種𠊎攏愛在城市人多車多污染多大人細子無閒挾掣真成一粒摔轉無歇睏隔壁屋邊个人像生份人相堵著嘛毋會相借問毋過城市交通真利便𠊎蹛在街路脣三步一小店五步一大店討買物件真快活買毋堵好寒著發燒行五分鐘即有醫生館啊想討出門無論係坐公車抑係坐捷運有一張悠遊卡討去哪位即去哪位實在利便普通時因為城市內底个車恁多會塞車𠊎怙攏係騎噗仔 21 載和𠊎阿弟去讀書若係出門去尞正會駛車有時務歇車無利便一兩擺嘛係會坐計程車雖然莊下無恁利便毋過這滿資訊發達利用網路尋資料買東西共款係三下钁頭兩糞箕一時仔即尋好啊無麼个差別𠊎怙知𠊎和阿弟愛運動歇睏日即會渡𠊎人去河濱公園騎鐵馬有時務會和阿弟打野球因為佢驚𠊎人會變做肉雞無麼个所在會用運動這係蹛在城市个無好个部分無論係歇睏日抑係歇熱个時𠊎頭愛轉去屏東佳冬𠊎媽个舊屋尞𠊎媽知大家討轉來量早舂粢挼粄㓾雞㓾鴨猶擱捋蕹菜擇番薯葉切高麗菜等𠊎人轉來食𠊎公種个菜無射農藥氣味甘甜又真補𠊎怙和𠊎阿弟愛跋樹去捋牛眼和玉荷包逐擺𠊎攏會在樹下承𠊎阿妹和𠊎媽鬥煮飯煮到豐豐沛沛歸大桌大落屋个叔伯兄弟嘛會來尞歸屋人牽手牽腳有講有笑真親真親正經係土親人親前年𠊎叔渡夫娘房頭內攏來鬥相共人多好做事一儕有事大家忙一家有事大家幫䀴會出客人嶄然和𠊎公㓾豬拜天公逐火灶攏分一料豬肉擐轉去食親戚即像鋸你有來𠊎有去分人食傳四方自家食囥屎缸想起來這兜攏係莊下人个人情味𠊎愛莊下个人情味嘛愛城市个利便城市和莊下來來去去嘛真慣勢啊人若係知足去到哪位嘛有福 21 噗仔音pogˋ aˋ 摩托車機車因機車排氣管的聲音噗噗噗故習慣稱噗仔 27

30 100 年全國語文競賽臺灣客家語朗讀文章詔安腔教育大學組編號 2 號故鄉个桐花雨邱湘雲原作李幸妃譯細細漢个時務不時跈阿依去山崠斬竹竹在作穡人个生活內底係真好用个物件𠊎公拁佢削到細細條做竹篾自家編竹籠來關雞么𠊎依拁佢插在菜園內底做薍薺抑係荷蘭豆个棚𠊎依著花袖在遐斬竹个時務閒閒在脣頭个𠊎即臥頭來䀴天䀴樹遐係麼个花啊白白像雪共款一圝一圝在高高个樹後背正䀴著个時務猶想講係昨暗天崠跌落來个星抑係春天吂融淨个落雪抑係飛悿啊歸陣企在樹崠歇睏个白卵鷥䀴斟酌正知幾時遐係油桐花正發現佢一蕊蕊順風跌落來跌落泥下个時務一兜仔聲嘛無毋過𠊎注意著啊一蕊兩蕊三蕊恁多蕊有風个時務頭靚像著白裙个妹子順著風跳舞踅一輪兩輪無風个時務嘛毋驚直直飛落來真像參加體操比賽个人貶輪轉了後企到直直遐係桐花𠊎依出聲講幾時𠊎䀴到入神去啊毋知幾時𠊎依拁斬落來个竹捆好啊較多个遐捆留得佢自家較輕个得𠊎兩儕即拁竹拖著落山對這桐花紛飛个山路行過泥下兩裡攏係桐花𠊎个腳步自然即放輕啊嗄越行越慢因為不忍心拁跌落來个桐花蹬到綿綿一蕊細細蕊个花對樹葉中央跌落到𠊎个肩頭撿起來䀴五垤白色个花瓣即恁簡簡單單中央係紅色个花心好定泥𠊎想起成過時代一片真心守貞節个妹子人遠遠个山崠樹林个聲拁𠊎吵醒嘰膏乖 22 嘰膏乖啊係竹雞啦唩到恁大聲聲音透到歸粒山頭毋過雖然知佢在樹林內底嗄毋識䀴過佢个身影竹雞鬥底在哪位即在遐片樹林內底𠊎聽會著嗄䀴毋會著記得係五月時个烏昏䀴天即討暗啊𠊎依講愛加捋兜竹葉來包餡粽無幾久天崠即落屑屑雨猶毋赴翻頭即越落越大較緊轉兩子哀會用遮雨个正伸頭那崠个笠婆定多年了後逐擺若落雨在外地个𠊎即會想著家鄉後山个桐花雨成下个詩人心肝內底自然有一片桃花源幾時在𠊎心肝內底嘛共款種一頭桐花樹毋管𠊎行到哪位行到幾遠心內總會想著遐像雪花共樣个油桐花即在𠊎个心肝頭飛啊飛 22 嘰膏乖音gi goˇ guaiˊ 竹雞的叫聲 28

31 100 年全國語文競賽臺灣客家語朗讀文章詔安腔教育大學組編號 3 號阿雪姑个命徐月里原作李幸妃譯講著阿雪姑啊有人講佢真䆀命佢个阿怙真早即過身啊麼儕嘛料想毋會著恁勇个人哦㧡弓蕉去市場賣个二伯公會倒在路脣擔竿弓蕉籃弓蕉四散到歸泥下直直到烏昏正得人䀴著阿雪姑正在學爬二伯婆遐睏子睹好有身遐時二伯婆唩歸夜親像狗在直喉个形落尾唩到失聲放猶係細阿佅个阿雪姑在泥下著面爬著面唩惜花連盆惜子連孫失去心肝子舂心肝流目汁个阿太䀴著真毋盼拁阿雪姑攬入間底惑得佢睡二伯婆日連夜開聲大唩了後即無擱唉過一聲瘦攝攝个身影恬恬在二伯公膴身脣顧蹛人講麼个做一下無應戇神戇神正流目汁定真僥倖哦本來靚靚个大目珠牽紅絲腫到像麼个共款第五日大伯婆討喊佢食早頓行入佢个間房䀴著眠床崠單單伸一個睡到流口涎个阿雪姑滿哪位尋無二伯婆个人驚到嘟嘟顫講事嗄大舌講幾下擺屋下人正聽有真夭壽哦落尾在屋背个大深潭內底尋著毋知浸死幾久啊一屍兩命即恁阿雪姑得佢个阿太渡到大直直到位二十六歲遐年阿太過身了後有別莊人來講親聽講囝子遐裡有兜田囝子係大後生擔頭真重成過人有講嫁雞跈雞嫁狗跈狗屋下人驚佢會食苦愛佢想較斟酌正決定阿雪姑講佢毋驚做即恁嫁過去啊兩公姐作穡幾下年了後改做機器認真擱打拚阿雪姑个屎肚真大啊嘛猶擱做到蓬頭鬖毛 23 做到兩隻手粗粗手甲烏疏疏洗攏毋會淨俐一年一年過去阿雪姑和姑丈正降一個細子定遐阿蘭嘛真長志高考有通過和佢个丈夫係同事兩儕滿足合降有兩胎遐年九二一大地動䀴著人生無常阿雪姑和姑丈兩儕即作垺退休毋係𠊎在講遐阿雪姑真有尞个命哦日本水紅色个櫻花韓國金黃色个銀杏東南亞个泰國坐弓蕉船賞水去尞个相片歸大墩逐擺出國轉來攏會隨無共款个等路轉來講著旅行遐兜心色个事佢个目眉即會翹兩粒目珠擘到金金呵呵咈笑到真歡喜恁个阿雪姑鬥底係好命抑係䆀命呢 23 蓬頭鬖毛音pong^ teuˋ sam^ hmˇ 蓬頭散髮 29

32 100年全國語文競賽臺灣客家語朗讀文章詔安腔教育大學組編號 4 號生活對省儉做起湛榮源原作廖林東坪譯家無念念公樣樣空家無念念媽件件差這句老儕事係老祖先个智慧屋下有一個會念人个念念公嘛好念念媽嘛好屋下正較會撿揫到較好蹛物件毋會抨遐抨這討用个時務尋會著毋使又擱買新个這即係儉省𠊎屋下係三代同堂𠊎公𠊎媽八十空歲佢人歸世人攏係作穡真少離開屋下𠊎和𠊎哥𠊎姊逐擺即得𠊎公和𠊎媽念這念遐尤其係𠊎媽擱較會念一半下和𠊎怙𠊎依嘛會得𠊎媽念自細𠊎三姊妹即係𠊎公和𠊎媽渡大个到現時𠊎人攏猶記得猶細漢个時務賞个物件賞過若無撿揫黏時會得𠊎媽罵你怙你依哦討了錢啊買得你人這兜細子賞無愛賞啊嘛毋收起來後次擺想討擱賞即尋無又唩愛佢人擱買毋知省儉實在敗家哦今較大漢啊正知敗家係麼个意思在𠊎三姊妹个頭那內底𠊎媽教𠊎人這兜細子愛隨時撿揫這個觀念係真好即係想毋知無幾多錢个物件仰子𠊎媽嘛講愛省儉有一擺即和𠊎媽相爭起來講阿媽遐物件𠊎尋毋會著啊無愛啊喊𠊎怙擱買即好啊𠊎事正講煞壞啊好天好時鳴雷公啊𠊎媽隨拁棚子絞起來罵恁毋會儉啊遐敢毋係錢買个你怙你依日連夜在做事你人這兜恁毋知佢人个辛苦恁討債買買買正知好買𠊎和你阿公自共下食分開到今哪件毋係儉省來个毋盼得食毋盼得著即係討積落來留得子孫你人這兜嗄毋知好儉省𠊎怙講你媽罵个無毋著物件跌落泥下抑係壁角攏愛黏時撿起來囥倒轉去後次擺討用也好討賞也好即係原本好好毋使擱討買新个你媽念你係愛你人這兜自細漢即愛儉省慣勢假使有儉省个習慣對你人一世人總係有較好無較䆀猶在讀小學个時務同學毋知對哪位傳來个步數用捽子來鑪桌拁鑪出來个㿸剾做歸下挼做歸條在遐賞同學喊𠊎共款恁賞𠊎想著𠊎媽个事即毋敢賞啊擱䀴佢人這兜一垤捽子鑪無幾久即鑪 24 啊又擱愛買新个阿媽个事一直在𠊎个心肝內正經係生活對省儉做起嘛愛自細漢做起早早即好養成省儉个生活習慣將來正會用過安然自在福氣个日子 24 mai^ 不要放棄 30

33 100年全國語文競賽臺灣客家語朗讀文章詔安腔教育大學組編號 5 號山歌个改良和傳承劉敏華原作林創業譯鏘 25 鏘鏘銅鑼連搉兩三聲逐個鄉親恬恬聽今暗夜莊坪有唱山歌打採茶大家食飽來䀴三腳採茶戲請大家盡量早來唷這係真熟真相識又像真遠以前个廣播上擺猶吂有客家電視臺進前若愛聽唱山歌打採茶即只有變把戲个時𠊎一定毋會缺席在𠊎會識个時成下老儕人唱山歌攏係對口出佢人䀴著麼个場面䀴著麼个對象隨時即會用編出歌詞唱出來唱个山歌係無像平板嘛無像山歌子有一兜仔像惑細子睡唱个搖籃曲共款到現時這種老山歌早即聽毋會著啊現時因為客家電視臺有唱山歌打擂臺个節目又真時行卡拉有老儕人組一陣山歌班不時攏有山歌鳴天个感覺尤其係今年客委會拁天穿日制定係客家日遐日大人細子唱山歌尞歸日嘛會帶動大家唱山歌个風氣毋過會唱山歌个猶係老儕人較多後生子人真少會去學唱山歌雖然嘛有客家流行歌毋過市場真狹漸漸雖然猶聽會著毋過若無後生子人來傳承大概十年二十年後即會聽毋會著啊既然愛保持山歌个特色又愛得後生子人會用接受山歌即愛改良融合今流行歌曲个歌調毋單毋會用失去山歌个氣味猶會用在創新和傳統中間來尋一條路出來因為山歌係客家文化藝術个一種特色一定愛用傳統个八音樂器來伴奏嘛會用想著即清唱又因為山歌愛牽尾聲和轉音定著愛學過正知唱後生子人會講正額个客事會用講真少啊加上時代無共款工商業社會麼个攏講求效率後生子人無恁多時間愛佢人挨弦唱山歌真困難老式山歌歌詞一定係七言絕句曲調較無變化所以後生子人即毋會想討學唱山歌愛得後生子人來傳承山歌即愛改良山歌个唱法會用像練嘴花共款嘛會用像流行歌共款恁即會得後生子人感覺著有心色又毋會用失去山歌原本个味 25 鏘音kiang 狀聲詞形容敲鑼發出的聲音 31

34 100年全國語文競賽臺灣客家語朗讀文章詔安腔教育大學組編號 6 號𠊎係後生子人𠊎拒絕毒品彭賜招原作林創業譯這站个新聞直頭䀴著高中學生食毒品个案件人臺灣食毒品个人越來越少年食毒品个案件不但毋會斷猶越來越多根據內政部警政署个統計臺灣這滿食毒品个人數攏總有二十五萬真奇怪逐儕攏知毒品係毋會用去磕著个歹物仰子猶有恁多後生子人毋聽序大人 26 講猶興趣趣 27 想討走去試咧𠊎係拒絕毒品个後生子人𠊎即對𠊎後生子人个角度來講這個得大家攏頭暈腦脹个食毒問題人講个毒品其實係會麻痺人得人會上癮个藥品因為這兜藥品會得人腦神經變到無正常有一兜仔藥品食過頭多會得人動毋動即火氣擎起來討尋人輸贏有一兜仔藥品即得人變到懶懶軟摺摺猶有一兜仔會得人一下子發性一下子擘心一下子起戇神嚴重个猶會自殺所以這兜用毋著即會毒害人个藥品政府愛管制好即算係醫生嘛係毋會用烏白提來用社會上有一兜仔無像人个鱸鰻 28 人烏社會 29 遐兜藥頭利用管制藥品个特點走私毒品餳𠊎這兜毋知天地又感覺有真大壓力个後生子人去食毋使錢个正討起步个時務會感覺食毒品過後麼个攏毋會記得歸身人像神仙會騰雲共款無擘無心這係真暢个事情等到加食幾擺發癮起來無食毒品即像有捏角蟲在膴身上爬像蟻子在心肝底直頭鑽蜂在頭那崠轟轟咈直頭飛毋會食毋會睡歸個人真無快活一兜精神攏無艱難到像討死去共款到遐時遐兜烏社會个藥頭即換用真高个價數賣毒品得這兜著毒癮个後生子人趁烏心錢這兜後生子人為著討買毒品過癮自家無錢想空想縫 30 嘛討變出錢來偷牽人个車夫娘人个皮包搶銀行麼个犯法个頭路攏做會出來落尾越做越壞和㓾人放火𢫦爺㓾哀佢逐件攏敢做唉好好个人生即恁毀 31 去實在真無彩人生即像一空一大樓个電梯共款起起落落無恁好一路順利堵著困難个時頭好猶係尋序大人想辦法鬥相共解決一定毋會用食毒品來麻痺自家拁自家个人生舞壞了了去打一場球䀴一齣電影讀一本書無即騎鐵馬去海脣吹風去山崠跋山人生猶有真長个路愛行世界嘛有真多真好个事情等人去發現千萬毋好行上食毒品這條死路哦𠊎係後生子人𠊎拒絕食毒品𠊎做會得到相信你人逐儕嘛做會到 26 序大人音si tai nginˋ 長輩興趣趣音hin^ ci^ ci^ 興沖沖的 28 鱸鰻音luˋ manˋ 流氓 29 烏社會音bbuˇ sha fui 黑社會 30 想空想縫音siong kungˇ siong pung 胡思亂想或想盡辦法動歪腦筋 31 音mai^ 不要放棄 32 27

35 100年全國語文競賽臺灣客家語朗讀文章詔安腔教育大學組編號 7 號𠊎頭愛䀴个一本書鄧玉霞原作廖林東坪譯𠊎頭愛䀴个一本書係西遊記在中國古典小說當中西遊記係明代四大奇書之一係一本流傳民間真久故事心色又好笑个書難怪大人細子䀴過了後猶擱想討䀴歇熱滿哪位攏熱發發𠊎藏在圖書館吹冷氣寬寬欣賞吳承恩創造个幻想世界坐到屎胐髀生根等到𠊎依喊𠊎轉去食夜正甘願轉食過暗頓歸屋下人在廳下答嘴鼓𠊎依嘴笑笑問𠊎仰子會䀴西遊記䀴到恁熱敢正經恁好䀴𠊎隨對佢頕頭逐儕攏目珠金金想討聽西遊記个故事請大家恬恬坐好現時即來紹介孫猴子佢原本係花果山山崠个仙石受著日月靈氣仙石爆出孫猴子因為佢在猴陣內底膽識頭大猴陣即擇佢做猴王在水濂洞內底過著山中無甲子寒盡不知年个快活日子毋過佢料想無法度天長地久即離開屋下去拜師學習仙道學著一身高強个法術歕一口氣即會七十二變騰雲駕霧上天落地攏安然自在孫猴子天毋驚地毋驚所以佢敢去一鬥海龍王二鬥地府三鬧天宮嘛敢和佛祖拚輸贏一條光過後出現佛祖佢拁孫猴子關在五行山五百年觀音菩薩勸化佢喊佢保護唐僧去西天取經討等有慈悲心个唐僧扯封條正會用救佢脫離苦難唐僧斯斯文文相貌生做真好嘛係修心積德个食菜人孫猴子不時搞怪毋肯去西天取經斡轉頭貶輪轉即十萬八千里尋無蹤影佳哉觀音菩薩教唐僧唸咒訣孫猴子若係毋聽事咒訣一念佢个頭那即會疾到在泥下确确輪在高老莊堵著豬八戒佢嘛想拜唐僧為師雖然豬八戒嘛有法力單單三十六變定豬八戒愛食毋做食到肥漬漬行到流沙河熟事沙和尚佢做人較老實唐僧擱拁佢收做師子歸路擔行李毋會喝悿真有修行人个形佢人師徒翻山過嶺經過十四年九九八十一磨難和各路妖魔鬼怪相拚佳哉有神佛鬥相共正有法度平安隨六百外本个佛經轉轉到大唐京城 33

36 100年全國語文競賽臺灣客家語朗讀文章詔安腔教育大學組編號 8 號趁錢可比針挑竻開錢可比水沖沙黃詩婷原作李幸妃譯今年正月半進前在屋下做燈籠个時務毋堵好得竹竻劖著劖到滿足深想討用手甲控又控毋會出來嗄愈舞愈深摸著物件即疾到𠊎大聲野喉 32 一直到𠊎依轉來正戴老儕目鏡擎一支針拁𠊎挑竻竻恁幼針又恁細尋嘛尋毋會著𠊎疾到喊阿依哦𠊎依嘛流汗答滴用針挑竻實在真困難真辛苦哦正月雷鳴二月雪三月無水過田缺四月秧打節無毋著𠊎外公即係愛䀴天食飯个作穡人佢在關西莊下作有兩分外个田對耙田蒔田起愛落肥委農藥巡田水到割禾收成歸年透天逐日打早即落田為著生活耕田又耕埔做到兩頭烏實在真辛苦雖然日子過到恁辛苦毋過𠊎外公傳承客人硬頸个精神勤儉打拚攏毋識唉過一聲佢不時拁𠊎人講趁錢可比針挑竻開錢可比水沖沙雖然這滿个社會有真多頭路好做感覺錢較好趁毋過物價起真高讀書个所費嘛真重你阿依愛傱錢嘛無恁快活你人毋好若有錢即像錢會咬人共款一𥍉目即開淨淨實在有影世間事真難按算像幾下年前个九二一大地動八八風災和今年正發生个日本大地動大水一下子即拁田地屋下歸下攏沖走得人想嘛想毋會著實在真苦憐猶有金融大風暴工廠歇睏个歇睏裁員个裁員減月俸放無薪假若係講普通時無較儉省兜大開無儉錢後擺即毋知愛仰子正好一定無法度順利過日前人種竹後人遮涼這滿个物質生活比較早好真多愛麼个有麼个實在真福氣有恁好个日好過猶愛記得有時省一口無時有一斗這句事人嘛愛有感恩个心記得中學个國文課本內底連落教背影和謝天這兜文章𠊎真感心想著自家个爺母恁惜𠊎恁辛苦趁錢心肝底滿足毋盼个即決定愛知足愛惜福愛顧家擱較愛認真讀書愛較有孝兜趁錢可比針挑竻開錢可比水沖沙錢有影難趁這滿𠊎開錢攏會斟酌思考毋會打爽不管時攏會想著省一箍即係趁一箍 32 大聲野喉音tai shangˇ rhia^ heuˋ 大聲嘶喊 34

37 100年全國語文競賽臺灣客家語朗讀文章詔安腔教育大學組編號 9 號跋山胡淑莉原作李幸妃譯𠊎怙𠊎依攏喊𠊎懶尸嫲因為逐回歇睏日𠊎攏愛睡到日頭炙屎朏當晝正跋起來食飯年假遐睏子食飽尞尞飽食嗄較肥兩三公斤愛靚个𠊎緊尋𠊎依參詳愛仰子愛仰子𠊎依講恁即來去跋山啊第二日打早𠊎依即喊大家起來講討去跋仙山仙山雖然有大型歇車場毋過今堵著年假滿哪位攏係車和跋山个人討尋一個車位即無恁緊哦聽講仙山个山崠有仙泉水會用醫百病所以無論遠近來這求仙水个人真多𠊎人嘛討去求仙水一口仙水啉落去啊透心涼擱有精神啊跈大家對靈洞宮入口跋起去彎彎斡斡个路歸路脣各種色地个花草相爭開順風搖啊搖頭那頕啊頕真像在遐跳舞歡迎𠊎人大樹崠个鳥子啾啾咈 33 山泉水咕嚕咕嚕真像在遐唱歡迎歌歸片个桂竹企歸排若像在遐比麼儕較高麼儕較直跋一睏子偎當晝日頭越來越猛雖然歸路係竹林油桐樹相思樹櫸木樹葉遮天毋過實在係熱到佇毋會核衫一領一領脫水一口一口灌腳步越來越重腳越來越痠軟逐儕跋到大氣接小氣 34 即會跋毋會停動啊啦𠊎依講歇一下等下正擱跋歇睏个時𠊎䀴著有一兜仔爺母攬阿佅牽細子人跋山𠊎想恁拖拖逡逡愛仰子跋咧擱來䀴著真多阿公阿婆擎杖子在跋山佢人流汗答滴面紅紅毋過精神真好𠊎感覺真歹勢後生子人嗄輸老儕攔緊跋起來擱行落好定泥聽著啊啊个聲𠊎臥頭䀴幾時係大隻鷂婆在天崠踅來踅去𠊎想毋知佢這擺係討好好來食一頓麼个佢䀴起來真風神真臭屁哇無感覺即到位山崠啊䀴過去田溪屋下歸下在𠊎个腳下𠊎想著一首唐詩白日依山盡黃河入海流欲窮千里目更上一層樓幾時在高个所對下腳䀴落去係恁个感受登高遠望風景真靚花草迎風搖啊搖自家即像在花園天堂共款跋山有真多好空一來運動會用減肥增強氣力二來遊山賞水開開目界欣賞大自然个美景所以𠊎鼔勵大家有閒即愛捷捷去跋山接近大自然這滿𠊎嘛佮意跋山啊特別係和屋下人共下跋感覺真福氣䀴風景以外猶會用作垺講事互相分享生活个心得一舉數得希望大家攏來跋山啾啾咈音ziuˋ ziuˋ bui^ 狀聲詞形容鳥叫聲大氣接小氣音tai ki^ ziabˊ sio^ ki^ 上氣不接下氣的樣子 35

38 100年全國語文競賽臺灣客家語朗讀文章詔安腔教育大學組編號 10 號阿媽个智慧邱玉珠原作林創業譯𠊎媽逐日攏七早八早即起來佢逐日攏真儘採著毋會著到花花佢不時和𠊎講事情有困難和簡單毋好拁簡單个事情變到亂雜來表現自家个能力恁毋單會無採時間猶會破壞和人个感情若係發生在家庭家庭即會毋會和若係發生在國家即會引起戰爭會用拁困難个事情變到真簡單即係有智慧个人智慧係學習別儕个經驗來降低自家做毋著个擇法愛拁事情變到簡單愛有智慧以外猶愛有包容心愛像大海共款會用容納千百萬條溪水恁个人生正會用隨得佢歡喜𠊎媽个衫櫥內底無幾多身衫褲普通時即真儘採著一䀴即知係客人个衫褲佢个心肝底一直囥樸實這兩字在佢拁𠊎講佢猶有好著即好現時猶有人在遐餓屎肚所以生活簡單即好毋會用在虛假个表面上浪費生命人愛靚愛靚在內心恁个靚正額係世界个靚𠊎媽猶拁𠊎講外表个靚即像花共樣總有一日會快蔫去𠊎問恁係麼个正毋會蔫去咧佢應𠊎講係名聲無論你拚幾下十年留幾多財產在這世間上你个名攏會像一陣風共款消失在空中只有做功德个人佢个名正會留落來即像捐地出來起高雄醫學院个陳啟川先生因為當時佢个善念今日正會提升高屏地區个醫療服務造福得滿足多个鄉親這即係毋會像花共款蔫去个名聲佢个名定著會久久久留在這世間𠊎媽有真高个智慧有一擺大風來拁田底个物件掃到狼離狼犁損失真多傷真重屋下人个心肝底真急遐時𠊎䀴著𠊎媽在田底喊工人做事个身影𠊎問𠊎媽損失恁多你會擘心無佢講擘心係會擘心毋過擘心無法度解決問題既然事情發生啊即係愛考驗人个智慧這智慧即係愛面對問題想出方法來解決若係在想無辦法以後攏無法度在自家个能力內解決問題遐即愛放 35 佢因為人生猶有真多條路好行事情經過處理後即愛放恁人个心正毋會有多多操煩歸日在遐擘心上擘心下拁恁好个人生白白打爽淨淨這種係頭大个損失幾時𠊎媽个智慧即係對日常生活个人事物中間學習來个智慧即在人个膴身脣即愛䀴你討用也毋用定人若係有智慧即會用減少操煩得人个生活過到真簡單真快活恁人个生命嘛正會精彩擱較會用為社會帶來光明 35 mai^ 不要放棄 36

39 100 年全國語文競賽臺灣客家語朗讀文章詔安腔教師組編號 1 號阿新哥个阿女鍾麗美原作李幸妃譯熱天个暗頭涼涼个風吹到面面上像水共款又軟又清涼食過暗頓伙房內底个阿叔阿伯和屋邊頭尾在涼亭下答嘴鼓講日本時代仰子講這滿个政府仰子阿星聽毋識嘛來鬥鬧熱目珠一𥍉一𥍉聽到比麼儕攏較認真猶細漢个𠊎頭愛睡在石凳面上凴到𠊎依个大腳髀上聽佢人你一句𠊎一句軟咂咂 36 个客事像天崠个雲飛啊飛像水面个船搖啊搖𠊎聽啊聽个即睡去啊有時務𠊎怙牽著噗仔 37 講討去收會錢𠊎隨討跈𠊎怙對挨奶个𠊎真無法度笑噳噳䀴𠊎𠊎即攔緊跋到車起去𠊎真愛得𠊎怙載佢騎奧多拜總係慢慢子騎毋係唱歌即係歕歌𠊎攬𠊎怙个屎肚頭那凴到佢个背脊骿聽佢个歌聲對嘴底對胸坎傳到𠊎个耳子擱傳到𠊎个心肝內底𠊎个心肝底嘛有和𠊎怙共款个歌聲共款个心情做𠊎怙个阿女𠊎感覺真福氣𠊎怙嘛真愛渡𠊎出門因為毋管熟事無熟事个人䀴著𠊎即講阿新哥个阿女哦和你阿怙恁成像係粄印印出來个共款唷𠊎怙對𠊎這個再製品感覺真滿意𠊎對阿新哥个阿女這個名嘛真滿意因為𠊎怙係讀書人做人老實擱有學問莊內个人對佢真尊敬做佢个阿女𠊎感覺真風神讀中學了後家家屋屋攏有電視啊來大落屋答嘴鼓个人嘛愈來愈少啊阿星麼个嘛毋知逐暗夜猶擘著一𥍉一𥍉个目珠尋人講古得佢聽涼亭暗暗單單兩裡間房有電火在電火下讀書个叔伯姊妹不時比䀴望哪儕讀較暗哪儕敢對拜公媽个廳下頭前行過去哪儕个目珠敢䀴到圍牆後背遐搖來搖去嘰嘰嘎嘎个竹林暗摸胥疏个涼亭正有飛蒂仔和𧊅子在唱無歇睏定年過年 38 𠊎嘛出外去讀書食頭路啊在屋下个時間越來越少兄弟姊妹像風吹共款得風吹去無共款个所在大落屋親像一雙穩穩个手拁風吹揪蹛無論飛到幾遠想屋下个時務線收轉來風吹又擱轉到位頭安心个所在毋過這幾下年大家攏搬出去啊大落屋正伸𠊎阿伯佢人在蹛大落屋个大門不時攏鎖个叔伯姊妹嘛毋知哪位去啊內底一隻烏狗䀴著人即吠吠走屋簷下做藪个燕子吠走𠊎轉屋下个心情䀴毋會著屋下个人鼻毋會著廳下个桂花香聽毋會著軟柔个客事好得𠊎猶會用發夢發夢內底叔伯姊妹共下辦家貨 39 跳格子發夢內底个牛郎星和織女星共款恁光銀河對檳榔樹頭流過去發夢內底阿哥渡夫娘阿姊做新娘炮放到滿天滿地發夢內底有大人細子在禾坪歇涼答嘴鼓个人講到口涎波答答滴發夢內底个鄉音像熱天暗頭个風又軟又清涼像阿依个手拍著在石凳面上睡去个𠊎得𠊎發夢也甘甜軟咂咂音ngienˇ zobˊ zobˊ 很軟噗仔音pogˋ aˋ 摩托車機車因機車排氣管的聲音噗噗噗故習慣稱噗仔年過年音neenˋ goo^ neenˋ 年復一年辦家貨音pen gaˇ foo 扮家家酒 37

40 100 年全國語文競賽臺灣客家語朗讀文章詔安腔教師組編號 2 號愛惜地球尊重自然彭賜招原作李幸妃譯天崠逐粒光爁爁个星無一粒像地球恁靚有高山平洋有大海溪水嘛無一粒星像地球恁會用得億萬生靈來共下生存地球係所有星球內底頭靚頭有生命力个自地球有人類起科學技術个發展係一個時代比一個時代較緊人自農業社會到工業社會一直進步到這滿个電腦資訊時代食个著个用个逐件攏愛用著地球个資源石油泥炭水電瓦斯石頭泥樹自家講係萬物之靈个人類直頭霸占這兜地球个資源暗頭天崠个星得晟目个電火遮去吵人个電視音響揞過大自然个風聲水聲猶有𧊅子蟬个唩 40 聲人和大自然嗄變到愈來愈無感情啊現代人為著滿足自家个慾望享受利便个現代生活一下無注意即傷著地球啊工廠排出來个化學藥水供豬供鴨个垃圾水屋下洗衫个茶箍水菜園禾田个農藥水這兜垃圾水拁魚蝦老蟹攏做一下毒死遐本來係清清个溪水變做臭風咑滴个垃圾溝子發電廠工廠个煙筒烏煙沖天火灰滿哪位飛車噴出來个烏煙衝到人歸面硬硬即無法度敨氣這兜垃圾个空氣拁青青个天崠變做烏疏疏落落來个酸雨和紅泥地內底个鐵嘛佇毋會核裁熱帶个樹做紙在竳竳个山崠開大路起大樓拁好好个田屯 41 起工廠人類過頭開發自然資源害地球个天崠爛幾下個空溫度愈來愈高冰山融去海水升高氣候無順毋係吹燒風即係真冷無即洘旱堵著落大雨嗄崩山和土石流臺灣舊年个八八水災南部較低个所在歸下浸在水底臺東知本个飯店大樓倒落來橫在溪底高雄小林村歸個莊頭歸下得土石流沖淨淨無去啊遐情景實在真得人著驚哦人類毋肯面對个真相到尾猶係愛去面對若無愛惜地球尊重自然時到討唩即唩無目汁蹛在地球村愛護地球係大家个責任𠊎希望大家愛盡量節能減碳降低對物質个享受愛省油省水省電省瓦斯用過猶會用用个簿子銅罐塑膠袋愛擱利用麼个資源攏毋會用打爽人猶愛做好水土保持保護作穡个土地愛團結來監督政府和財團毋好得佢人過頭開發破壞大自然人啊愛知福惜福毋好折福希望大家斟酌聽大自然个聲音愛惜地球尊重自然和萬物相惜相愛和氣相共還得地球青山綠水靚靚个好面容唩音bboo^ 鳥蟬鳴叫聲音mai^ 不要放棄 38

41 100 年全國語文競賽臺灣客家語朗讀文章詔安腔教師組編號 3 號蹛个環境和客家文化劉明猷原作林創業譯自早期原鄉來臺灣个先輩一落腳即蹛偎山近山个所在為著愛顧三頓會飽和毋使得雨涿風吹日炙只有克勤克儉克服千難萬難搭一間矮寮先求好遮風遮雨蹛了後正來開墾打林耕田耕園和供細子擱過十年二十年後若有能力个時正來起屋整理廳下好囥公媽改善蹛个環境在客人莊你會發現事情總係這款有順序有先有後這其中定著有文化个內涵在內底講著蹛个所在主要係蹛為主了解蹛即會用了解客家文化對內對外打先對大落屋个正身講起頭遐係囥祖先个公媽龕號做廳下廳下係歸間屋頭好个位場嘛係客人認為頭要緊个所在為著討感念先賢先德客人早早暗暗敬奉清香一枝敬茶一杯向祖先請安問候這正係有念著水源頭个觀念擱得較幼兜來講對間房个安排來䀴即䀴會出來長幼有序甚至倒裡大正裡細嘛係一直沿用到今猶有共飯桶食飯和柵門出入這兜觀念攏係宗親个認同家族共血脈个表現無採伙房佔地大建築花費多已經漸漸失傳去啊客家蹛个傳統和猶族群共款面臨著現代化个衝擊蹛个環境對逐儕个影響攏真大可比講大部分个人攏認為客人刻苦耐勞勤儉擱做家這個精神係因為愛和天爭作穡趁好天耕種䀴天氣客人蹛个所在較狹所以愛和地爭園脣屋角無打爽脣頭地尾盡量掘晴耕雨讀地盡其利攏係客家諺語一一反照到客莊个生活行事落來講个猶有祖在堂父在上兄弟姊妹輪輪轉又講親不親頭那崠共個字共姓人共宗共堂號歸下係因為環境帶來个影響嘛內化在人客家文化中間客人蹛个伙房屋內真闊毋過門細細狹狹狹久了以後養成客人目光短淺容易滿足過安定个日子所以客人真多係公務人員真少企業家這多少和蹛个環境有關隨著社會改變个速度蹛个環境在客人莊嘛變化真大現時家家屋屋徙入販子屋透天个地無大起个樓擱高天天擱加驚賊逐間屋攏安鐵窗鐵門拁自家關起來無法度像成過个人際關係這種改變日後定著會帶來客人生活文化方面个改變 39

42 100年全國語文競賽臺灣客家語朗讀文章詔安腔教師組編號 4 號客家民俗徐貴榮原作林創業譯人客人幾下百年來有客人个思想信仰生活方式這即係客人个民俗客人恁多逐地方个風俗嘛無真共款人講一莊一俗年尾二十五起號做入年假家家屋屋大拚掃開始炊粄發粄菜頭粄肉粄鹹粄甜粄做一下攏炊其中炊甜粄缺節頭多禁忌這規定遐細子毋會用偎去䀴若像粄面上有腳印个號假使係有裂必个痕作穡人即會崩田塍年三十暗夜个飯斗無閒煮到豐豐沛沛屋下人攏會赴轉來食暗頓大團圓恁多菜內底定著有用大菜去炆个長年菜表示一家人會長長久久食過暗頓細子人得著矺年錢歡歡喜喜過一夜一暗夜个紙炮乒乒乓乓 42 鳴無歇打早跋起來拜神祭祖後即開始過新年這日毋會用講花舌事和毋成事無會得大人罵衰過年這日嘛攏愛歇睏尞屋下个傢伙頭共款嘛愛歇毋會用開米缸擎針補衫洗浴洗衫褲成下講歸年透天認真打拚年初一定著愛尞若無一年會做真悿猶有兜海陸客人年初二正過年意思係初一食菜初二正拜公媽實在係一莊一俗真心色年到初三四自家來主意有錢人會用直頭大食大尞無錢人係年到初五六無酒又無肉無去做事係毋會用个毋過大家心肝底猶係在遐過年所以講有食無食食到年初十有過無過尞到月半過即係客人个過年猶有正月二十尞天穿聽講這日補天好啊愛好好歇睏尞一日若無一世人即會勞勞碌碌散有做到死古早人有講天穿無尞做到死天穿無尞苦到死客人足重視祖先年過了半個月後緊緊來去掛紙掛了好做事苗栗人在月半後正月十六即掛紙猶个猶有降後生愛做新丁粄七月半普渡討辦豬公比賽請人客拜眠床婆到今現時真多改變過年毋使挨粄街路有好買單單靠蒔田割禾會餓死歸下攏變副業哪驚佢田塍會崩無年初五六即愛上班哪有好尞到月半過天穿無尞日真多客人嘛毋知降後生降妹子共款好做麼个新丁粄時代改變啊客家民俗嘛在變毋過𠊎屋下過年猶係會煮長年菜掛紙猶係一定愛用鬆泥圝來矺黃嘏紙過年猶係毋會用烏白講事𠊎希望好个民俗好好保留落去無合時代个觀念嘛愛改變正好 42 乒乒乓乓音pin pin pong pong 狀聲詞形容鞭炮聲 40

43 100年全國語文競賽臺灣客家語朗讀文章詔安腔教師組編號 5 號燈籠花陳志寧原作林創業譯𠊎在屋下種幾頭个燈籠花𠊎姊問𠊎做麼个討種燈籠花𠊎總係笑笑無和佢講原因𠊎猶細漢个時屋下大人愛做事討賞麼个空頭細子人只好自家去尋𠊎屋邊蹛个大部分攏係細漢妹子若係討辦家貨 43 遐下總係尋毋會著細漢囝子共下賞阿華伯婆个孫女號做桂珍个和𠊎共年佢頭愛招𠊎共下尞若係愛假做兩公姐佢定著尋𠊎賞辦家貨个時屋下脣頭个燈籠花係頭好个材料嫩嫩个葉和紅紅細蕊个花會用提來做菜桂珍頭愛拁嫩葉搉到綿綿和花摻落攪攪做一下佢講遐係頭好食个菜逐擺佢準備著真豐沛个菜𠊎總係食到淨淨𠊎假做佢个丈夫逐擺出去打拚轉來總係提一大疊个錢得佢遐錢係大皮大皮个燈籠花葉做个愛趁恁多錢嘛係愛認真去捋正會有錢好顧家庭讀國民學校个時𠊎人逐日猶係相等共下去學校讀書𠊎猶係真慣勢捋燈籠花送佢有一日佢个阿媽過身𠊎去佢个屋下招佢个時𠊎共款係隨燈籠花去遐幾日佢總係毋講事等佢个阿媽出山了後有一日佢和𠊎講後擺毋使擱捋燈籠花得佢啊佢無想討擱接收著𠊎个燈籠花國民學校出業以後𠊎兩儕又讀共一間中學雖然逐日𠊎人猶係共下騎鐵馬去學校讀書毋過𠊎毋識擱䀴過佢个笑面有一日歇睏日𠊎和𠊎姊討去高雄尋𠊎姑到火車頭个時務𠊎䀴著桂珍一儕擐包袱在遐等火車𠊎去問佢正知佢歸伙灶个人徙去高雄蹛佢个爺母早即先徙過去高雄這幾下日留佢在佢个阿叔屋下蹛等學校个轉學手續辦好即討去高雄讀書到這滿𠊎正知係麼个原因得佢一直無笑面毋管𠊎講幾好笑个事得佢聽佢即係無笑面這件事過有三十年啊遐下晝去朋友屋下坐䀴著佢个屋角頭有種幾頭燈籠花䀴著遐紅紅細細蕊个花得𠊎想起真久真久以前在𠊎人猶毋使對麼儕負責个年歲𠊎會用恁用心个和一個人共下做公姐逐日過歡喜个生活𠊎和朋友挷幾下頭秧子轉屋下種落這純純个感情 43 辦家貨音peen gaˇ foo 扮家家酒 41

44 100年全國語文競賽臺灣客家語朗讀文章詔安腔教師組編號 6 號𠊎對客家歌个印象邱湘雲原作林創業譯想著成過客人个祖先毋知經歷幾多千辛萬苦个歲月任勞任怨為著生活來打拚為著理想來奮鬥若像對毋知歇睏係麼个其實人个祖先捷捷會用唱歌个方式來表達佢人心肝底个感情作穡無閒个時佢人在田底鏟草在山崠捋茶个時總會唱幾下條山歌來減輕做事个壓力這兜好聽个歌聲像天公啊落水唷阿妹啊戴頂笠婆來到坑水脣相信這條歌大家攏會唱幾下句這一唱即像落雨心情嘛會變輕鬆起來有時嘛會用山歌來傳達情意可比像桃花開來菊花哪裡黃阿哥想妹妹想郎係佮意對面又歹勢講遐即用唱較毋會歹勢無定著猶會因為歌聲好得著阿妹个心唷猶有山歌以外無作穡个時佢人嘛會䀴著麼个即唱出麼个會做出幾下首童謠得細子唱恁一方面會用教細子學講事一方面嘛會用得細子對歌內底識身脣个物件像月光光好種薑薑必目好種竹竹開花好種瓜這首童謠即有六種事物在內底實在真心色暗夜時大概攏會在禾坪歇涼所以和月光有關个童謠即特別多像另一首月光亮亮阿妹煮茶阿哥擔凳人客食茶人客來啊愛仰子接待唱了這首歌即知山歌係老祖先流傳落來个歌童謠係得細子唱个遐後生子人呢佢人討唱麼个有遐即係客家流行歌今日客家流行歌毋會少早期像涂敏恆先生寫个唐山過臺灣無半點錢煞猛打拚耕山耕田咬薑啜醋幾十年毋識埋怨這首歌大人細子攏會唱有人在講這首歌係人客人个國歌這首客家本色名揚海外連馬來西亞新加坡个客家華僑攏會唱正經拁人客人个精神盡磅講出來這恁多年又出真多首後生子人創作个現代客家歌豐富了客家歌个內容和款式這即客家歌毋單係唱唱恁定佢保存人客家个精神傳達人客家个心聲希望人客家文化嘛會用隨著這兜客家歌傳唱到久久萬古流芳 42

45 100 年全國語文競賽臺灣客家語朗讀文章詔安腔教師組編號 7 號𠊎个阿媽黃庭芬原作廖林東坪譯𠊎个阿媽有兩個後生四個阿女這兜細子攏真有成就佢个後代嘛降真多个孫子孫女𠊎係𠊎媽个大孫女在恁多孫子內底正𠊎猶細漢个時務和𠊎媽共下睡過遐站時間係𠊎頭歡喜个細子時五歲以前𠊎在中壢个老街溪脣木材行後背和阿媽共下蹛遐間屋下無幾大蹛有十外個人有𠊎公𠊎怙𠊎依𠊎叔四個阿姑猶有兩個阿弟𠊎依無閒渡𠊎𠊎即跈𠊎媽滿哪位走𠊎媽去人个屋下鬥相共煮飯𠊎即和遐火灶个細子尞𠊎媽去工地擔磚子𠊎即在脣頭疊磚子和𠊎媽共款無閒挾掣毋過恁歡喜个日子對𠊎怙去臺北食頭路起即煞啊𠊎到位小學四年歸屋下又擱因為阿怙尋著中壢个公家頭路搬轉中壢毋過這擺𠊎即有自家个屋下好蹛啊新屋即在今真有名个中壢觀光夜市个脣頭遐站時間𠊎不時騎鐵馬騎真遠个路猶愛路過埔地正有法度到位阿媽个屋下毋過𠊎想著會用尋阿媽尞較遠𠊎嘛騎去等歇熱个時猶蹛在阿媽火車路脣个細平屋內底天光即去阿叔个拉鏈工廠鬥相共暗夜即和阿媽共下睡雖然在拉鏈工廠做大人頭路真辛苦毋過會用䀴著阿媽和阿媽做伴心內真歡喜時間過著真緊一𥍉目𠊎即嫁人啊擱嫁到全然遠个高雄毋過阿媽猶係坐真遠个車到真遠个高雄來參加𠊎个婚禮𠊎个家婆嘛講𠊎个阿媽真親切身體嘛真康健結婚了後一年轉中壢兩擺過年時即會轉去䀴阿媽毋過𠊎个後生猶吂會講事个時務𠊎媽即毋記得𠊎啊因為佢著老人癡呆症 44 䀴著阿媽一日一日个瘦落去𠊎心肝底真擘心毋過𠊎嗄攏無法度拁佢做麼个正會用流目汁讀恁多書有麼个路用趁恁多錢有麼个意思阿媽自家嘛留真多錢毋過佢攏毋記得𠊎人啊舊年五月阿媽正經走啊𠊎想這滿佢定著無病無疾在天崠定著認會出𠊎在發夢內底𠊎又擱轉去到和阿媽共下蹛共下睡个快活个日子 65 老人癡呆症音loo^ nginˋ chiˇ daiˇ zhin^ 即阿玆海默症 43

46 100年全國語文競賽臺灣客家語朗讀文章詔安腔教師組編號 8 號阿媽个菜包黃庭芬原作廖林東坪譯前幾下日接著一通對中壢打來高雄个電話佢係𠊎十外年前教過个學生遐時𠊎係佢六年級个先生因為佢五年級个先生去接組長个職務遐個班即無人教啊學校感覺𠊎真合適去接遐班即喊𠊎做遐班个先生接著這通電話得𠊎想著佢个阿媽做个菜包遐係𠊎食過頭好食个菜包佢个阿媽不時會來學校尋𠊎𠊎無課个時務即會和佢答嘴鼓佢講這個細子真苦憐因為佢正降出來个時務係白子 45 佢个爺母不時為著這個細子人个事相吵吵到尾即離緣啊爺母歸下離家出走拁這個細子渡去得佢个阿媽供佢个阿怙一半下猶會轉來屋下䀴佢佢个阿依即透底毋識轉來等到佢讀六年啊猶毋識䀴過佢个阿依个面好得這個細子真乖真知天地無採佢个數學無好佢个阿媽真擘心問𠊎會用在放學以後特別教佢無普通時閒時閒務學校放學以後𠊎攏在屋下無出去所以𠊎請佢个阿媽有閒个時會用載佢个孫來𠊎屋下𠊎會用在廳下教佢數學有時務拜六和禮拜佢嘛會來尋𠊎教佢即恁連教了幾下禮拜佢个數學越來越會啊這個細子真長志落尾學校教个數學佢即聽識啊嘛即毋使擱來𠊎个屋下啊有一日佢个阿媽撥工騎鐵馬來尋𠊎佢擐幾下粒親手做个菜包得𠊎食喊𠊎一定愛收落來佢感謝𠊎特別教佢个苦憐孫數學𠊎即對佢講佢个孫真福氣因為佢有一個真惜佢个阿媽佢个孫大漢以後一定會真有孝阿媽𠊎請阿媽安心歡喜來過日即好這個細子現時大漢啊佢對𠊎講佢今在食頭路會趁錢供佢个阿媽逐個月得佢个阿媽一萬箍等佢較有錢个時務佢討渡一個夫娘共下來有孝佢个阿媽𠊎拁佢講佢个阿媽有佢這個孫在睡个時務嘛會笑到醒起來哦𠊎電話掛落了後想著成過𠊎識食過頭好食个阿媽个菜包 45 白子音pa zu^ 智能不足的孩子 44

47 100年全國語文競賽臺灣客家語朗讀文章詔安腔教師組編號 9 號阿依个手鎉黃庭芬原作廖林東坪譯佢和𠊎係同年有兩個阿姊𠊎有兩個阿弟無阿姊𠊎人兩儕攏係客人相䀴真有緣所以𠊎兩儕結拜姊妹𠊎認佢做阿姊佢認𠊎做佢个阿妹牽著𠊎兩儕个心這一世人有𠊎在生个一日𠊎即會和佢做伴佢个阿依因為丈夫早死一個人渡三個細子等佢老个時務即透年在破病嘛不時愛洗腰子 46 佢个二姊嫁到嘉義去佢个大姊係公務員佢自家係小學个主任佢个大姊和佢兩儕攏無嫁人普通時真無閒所以佢个屋下有尋一個外勞來顧佢个阿依佢个阿依雖然無法度歸日和三姊妹做伴毋過佢真關心佢个阿女个生活等佢知𠊎義姊認𠊎做義妹个時務佢即喊外勞和佢做伴去高雄真有名个金子店 47 買見面禮討得𠊎有一擺佢屋下个鐵窗識得賊鋸斷屋內个金子現錢攏得賊偷淨淨擱識聽𠊎个同事講佢蹛在學校脣个販子屋嘛識得賊偷過𠊎即驚著啊雖然𠊎屋邊有一個係警察局个所長應該毋使驚正著毋過𠊎逐年會轉中壢外家兩擺一轉即愛三日十外兩个金子哪放會落心囥在屋下咧歸氣賣賣 48 有一站時間無𠊎義姊个消息一直到有一日𠊎較閒个時務雄雄想著討尋𠊎義姊尞遐日佢睹好有閒𠊎即坐捷運去鳳山佢个屋下尞正到位佢个屋下佢即拁𠊎講佢个阿依留一件見面禮討得𠊎物件囥在四樓个桌崠𠊎䀴著桌崠有佢个阿依个遺像正知佢个阿依過身啊𠊎義姊講佢無想討麻煩𠊎即無對𠊎講這件事佢講這隻手鎉係佢个阿依過身前幾下日招外勞做伴去金子店買个打算討送得𠊎做見面禮當場𠊎真感心目汁即忍耐毋會核流落來啊這隻手鎉𠊎小心細義拁佢藏在屋下一個真安全个所在毋管賊仰子厲害定著尋毋會著若係𠊎討轉外家个時務即隨在膴身脣無論仰子𠊎攏愛好好保存好好珍惜因為遐係𠊎依送𠊎真寶貴真有紀念價值个禮物前幾下日𠊎又有閒啊暗夜九點外打電話得𠊎義姊聽聲若像係真悿个款𠊎心肝底真毋盼知佢又在遐想𠊎人个阿依啊𠊎立下心願拁𠊎依講阿依你會用安心去西天啊假使𠊎猶活个一日𠊎定著會和你个阿女做伴 46 洗腰子音se^ rhioˇ zu^ 洗腎金子店音gimˇ zu^ deem^ 銀樓 48 mai^ 不要放棄 47 45

48 100年全國語文競賽臺灣客家語朗讀文章詔安腔教師組編號 10 號問天記八八做大水鍾麗美原作李幸妃譯有一種刀傷對心肝頭插到心肝底無流血單單溫溫疾得人摟一大空攝攝跔跔 49 个心臟像會拁人嗍入去个烏洞 50 嗍走𠊎歸下个希望用手拁心肝頭揞个佢正毋會直直掣用手出力擫心肝頭正毋會勼筋係麼儕講心臟正有半斤重遐定著毋係正額个若無𠊎仰子會墜落害𠊎企攏企毋會正一路輪落去山坑山崠原本有一條會唱歌个溪係𠊎人泅水摸蜆子打水漂个所在青色个大石頭下幾下尾膴身長長正嘴鬚拂來拂去个大尾蝦目珠金金拁你䀴企蹛毋停動和細尾魚嘛會泅來啄你个腳尋你尞禾鷝子在溪脣直頭飛來飛去啾啾咈 51 像辦桌共款溪水係𠊎人个朋友𠊎人个畫布𠊎人个詩歌仰子會恁一夜个時間變面毋識人敢係青狂大雨 52 打到你無位好藏敢係水底个石頭樹椏尖到你起性地敢係無路好行惹到你起慼變面个你隨泥漿石頭像起狂个牛陣對山崠傱 53 落來猶毋會赴好想和敨氣个時間轟轟咈 54 个大水即揞去𠊎人个田揞去𠊎人个菜園沖走大門沖走屋下沖走毋會赴好閃个人大雨沖洗山林狂風在山底傱來傱去人个喊聲唩聲在天地內底仰子會恁黃霜打脈像跌落水潭个蟻子無人䀴著無人聽著無人出手相救一夜內底家園屋下心肝內个人攏毋見去一夜內底原本个幸福得大水抹到淨淨一兜仔攏無伸係一個醒毋會過來个惡夢暗夜个大水一擺擱一擺對𠊎浸過來𠊎牽毋會著你个手䀴毋會著會用偎靠个岸頭膴身浸在水底浮浮漂漂茫茫渺渺寒到骨髓寒到被骨寒到歸頂眠床歸間間房寒到天和地攏和𠊎共款直直顫愛仰子正睡會落眠愛仰子正食會落飯愛仰子心肝頭正有法度敨氣愛仰子幸福正會擱轉來天公爺啊你仰子恬恬毋講事目汁捽 55 目珠擘金䀴有同事講笑事拁你弄有朋友煮好料餳你食有醫生開藥單愛你好有屋下人攬你做伴睡恁多雙手撐你起來恁多膴身得你燒暖仰子毋對山坑跋起來山崠猶有跈四季開演个百花仰子毋對水底跋起來水面猶有來去大湖南北个篷船天公寫个劇本你無法度擇嘛無法度賴攏愛做出來天公喊你做个事頭你無位好藏嘛愛做得佢煞毋使擱擘心毋使擱撿恨雨落過个烏昏嘛會有七彩个虹烏暗个湳泥面上嘛會有白淨个月光 49 攝攝跔跔音ngiabˊ ngiabˊ giuˇgiuˇ 形容心臟反覆的舒張與收縮烏洞黑洞是一種質量相當大的天體它的引力非常強會吸入任何物質連光也無法逃逸故謂之 51 啾啾咈音ziuˋ ziuˋ bui^ 狀聲詞形容鳥叫聲 52 青狂大雨音ciangˇ kongˋ tai bbu^ 傾盆大雨 53 傱音zongˋ 躍起 54 轟轟咈音hom hom bui^ 狀聲詞形容聲音清澈響亮 55 mai^ 不要放棄 46 50

49 100年全國語文競賽臺灣客家語朗讀文章詔安腔社會組編號 1 號一枝草一點露湛榮源作廖林東坪譯隔壁个阿伯伯㜷有一個後生人真老實真乖毋過做麼个即真慢自細漢即讀無書逐擺攏會聽著伯㜷在遐敨大氣𠊎啊前世驚係打爛人个骨頭盎這世人正會恁歹命降著一個精毋精戇毋戇个後生阿伯即會安慰伯㜷講無要緊啦天無絕人之路一枝草即有一點露毋過佢自家擱嘛不時敨大氣在遐唉唉嘖嘖時間過著真緊遐個阿哥讀中學啊不時聽著佢講先生喊𠊎愛隨五十箍討賠玻璃錢起頭伯㜷猶會講較細義兜仰子會打爛玻璃咧了後嗄變到無癢無疾即打爛玻璃又係愛賠錢伯㜷罵佢仰子直頭打爛玻璃佢逐擺即應嘴講𠊎又無打爛玻璃伯㜷嘛回佢講遐毋著係麼儕打爛來誣賴你个伯㜷第二日撥工拚去學校和先生講這兜事情嘛拜託先生多多照顧無幾久遐阿哥又擱愛討錢啊這擺毋係賠玻璃錢換賠別件啊即恁討錢賠錢伯㜷去學校和先生講拜託先生佢轉到屋下又係敨大氣辛苦艱難過了三年這中間學校先生有去做家庭訪問先生建議講讀無書無要緊出業去學手藝有手藝即有飯食將來佢即供自家會飽毋使擘心麼个擱講佢真老實即學麼个較慢定這兜事即像伸手䀴毋會著五爪个烏暗角頭好定泥毋知在哪位走出來个火光共款細細一葩火即真光真光啊阿伯係一間真有名个麵包店个師傅佢渡自家个後生來學手藝先對雜事拚掃撿揫學起正擱寬寬子教佢仰子做麵包雖然教會做一款麵包愛真久个時間毋過阿伯猶係真注意真有耐心在教學會一件正擱教一件這站時間即較無聽著伯㜷在敨大氣啊隔壁屋邊大家攏講阿伯伯㜷个面皮加真好啊佳哉學會做麵包有手藝毋使擘心啊即像一個老儕在講一枝草有一點露毋使擘心毋使擘心有一日當晝遐個阿哥轉到學校手頭擐等路來尋先生一入辦公室即喊先生先生認毋會出佢猶問佢討尋麼儕有麼个事落尾正認出係佢係當時真捷隨錢來賠玻璃个學生佢開嘴喊先生先生這係𠊎自家做个麵包討請先生食个先生歡喜到直頭拁大家講正額係一枝草一點露天無絕人之路 47

50 100年全國語文競賽臺灣客家語朗讀文章詔安腔社會組編號 2 號客事能力認證對𠊎个影響徐子涵原作李幸妃譯𠊎感覺客事能力認證个證書係客人个第二張身分證嘛係認定客事个意願書擱較係認同和肯定客家文化个保證書認證个目的毋單係資格考試定要緊个係希望透過學習客事建立對客家文化个認同客事定著愛用拼音和文字个方式來傳承學習真多个歷史經驗嘛證明無文字个事落尾攏真難保存做恁消失去所以𠊎真肯定客委會辦客事認證因為提高客事个層級和客人个自信得大家有學習个方向記得在民國九十四年頭頭下辦理初級認證个時務𠊎猶無興參加想講準講通過認證嘛無麼个路用月俸嘛毋會增加頭路嘛無較好尋一直到位九十六年𠊎阿女討參加客事演講比賽个時正在遐苦慼毋知愛仰子寫稿心肝底無半點客事詞彙客家土事早即得𠊎个國語客 56 代理去啊又毋識客家老儕事和客家師傅事對自家講个客事猶會起疑毋知有正無七百外字个稿舞到𠊎頭那暈幾下日睡毋會落眠遐時想著𠊎阿怙講个細子人毋會講客事公媽會氣到跋起來罵和𠊎阿女嘛興趣趣 57 緊學客事自家嗄背祖忘本感覺著真見笑人講个寧賣祖宗田不忘祖宗言寧賣祖宗坑不忘祖宗聲𠊎若係毋講客事毋去了解客家文化愛仰子傳承落去所以為著討得自家一個交代𠊎行出第一步參加客事認證啊𠊎毋會拼音堵著毋識聽過个詞雖然有CD好聽毋過總無法度不管時隨在膴身脣嘛毋係逐本書攏合用學習實在有限人講个樹頭若係企會在毋驚樹尾風幾大討學會漢字个詞定著愛學會拼音毋過脣頭無人會教三年過去啊雖然嘛通過四縣腔和海陸腔个中高級認證毋過漢字標音个題目嗄拁放 58 無寫使命感在後背督下決心研究對會念个詞去對拼音開天開地兩下半即學會啊有影係心專石穿有心黃金土無心荒草埔學會拼音了後即毋驚啊正經係會睡毋驚你早眠大量个詞彙即恁記入去頭腦寫文章直接用客事輸入法打字認證个書係𠊎真珍貴个參考書哈客網路學院和教育部常用詞辭典猶較係𠊎个好工具客事認證即像係𠊎个師傅渡𠊎行入客家世界傳承客家文化得𠊎這個客語薪傳師尋著𠊎人生个希望和價值 56 國語客音gudˊ ngi^ kaˊ 從國語直接轉譯成客家語來說的話語興趣趣音hin^ ci^ ci^ 興沖沖的 58 mai^ 不要放棄 48 57

51 100年全國語文競賽臺灣客家語朗讀文章詔安腔社會組編號 3 號算命徐子涵原作林創業譯𠊎相信算命和抽籤卜卦起碼會用安心會避順著佢講个方向前進壞个即想辦法克服定著毋認命因為命係靠自家來安排个高中出業進前親身去一輪義民廟得青盲算命先生摸手相佢講𠊎个學歷不止高中定𠊎起疑毋過記在心肝底有影捷捷盡尾名又無自信个𠊎嘛有一間二專紡織科好讀遐時務因為生活真散根本無按算討升學𠊎怙提出三萬箍得𠊎擇䀴愛註冊抑係討買機車去做頭路𠊎即擇聽信算命仙个事二專出業後在一間紡織廠食頭路愛輪三班歸年透天攏真打拚加班加到無日無夜二十六歲愛結婚个時𠊎依提八字去合婚順續算命下命卦上寫𠊎高級生活顯奇才文業為生日進財朝出夜歸奔波客一旦時來位鼎臺𠊎又半信半疑毋過猶係記得在心了後家婆講𠊎你一世人攏係做苦工个命哪有才調擎筆𠊎在遐想毋會電腦又無專長敢講正經歸世人攏愛跍在工廠做作業員𠊎怙仔講妹子人係菜籽命毋好怪天怪地讀書毋識怨爺母𠊎有影識慼自家出身低𠊎叔伯兄弟和表姊妹一概係初中以下个學歷大概字識無真多料字寫做科做个頭路攏無真好自家不但無勢頭和財產好靠丈夫又無好做物愛跌繳正經係命䆀愛算命人無靚愛照鏡古早人講人愛人打落火愛人燒著半點攏無毋著好得家婆个䀴輕三十歲遐年想著命卦上卜个籤詩若係自家毋知好認真打拚命擱較靚嘛無效天闊地闊自家行敢去做即會成功毋敢去做即無機會所以決定辭頭路去尋文職个事頭來做好得做夜班个時間會用學著電腦打字正有恁好運尋著學校職員好做嘛改變𠊎个命運辦公室有電腦好用圖書館有免費个書好借暢到毋會耐即真認真學電腦毋使一年即會寫程式和設計網站確實係有心黃泥變黃金無心好田變草埔勤儉和知足个心得𠊎變到真保惜時間真會把扼機會猶有手疾好過家腳疾好繡花个生活態度連連續續完成大學和碩士个學業續落又考著幾下張電腦證照猶通過中高級个客語能力認證這下係客語薪傳師猶在小學兼任先生教客事課傳承祖宗事逐日無閒挾掣个過著有目標有理想个生活在客家世界尋著人生个希望和價值 59 怨天怨地只愛自家甘願去改變在幾時開始攏會赴肯問即有路肯做即有步 59 mai^ 不要放棄 49

52 100年全國語文競賽臺灣客家語朗讀文章詔安腔社會組編號 4 號𠊎蹛个社區黃火盛原作李幸妃譯記得打先識聽𠊎怙講過𠊎屋下成過毋係蹛在這位徙到這位正五年空定佢講正搬來遐恁多年對面吂有屋正有一間荒廢个紙工廠若像係債務个問題歇睏無做有三十空年歸下十外甲放佢發草菅榛花 60 生到比人猶較高蛇老鼠逡出逡入夜時頭無人敢對遐過毋過這種情景親像無幾久即變啊起頭下䀴著有幾下儕提圖在遐比遐比這過幾下日䀴著怪手和犁平機駛過來兩三日定歸下个地做一下平平䀴起來真像討起販子屋有影無毋著擱來个幾下日即有砂石車載鐵和紅泥个車出出入入弓枋模 61 搭竹架人跋上跋落大家攏無閒挾掣看板 62 打出來个係賣販子屋个廣告䀴起來有五六間起屋个公司有幾下百人共下做事這兜大人有个食薰有个食檳榔所以賣檳榔賣薰擱灌香腸个擔子滿哪位攏有一日過一日一禮拜過一禮拜逐日即聽著機器聲和車聲無歇鬧熱滾滾日子過著真緊無幾多個月定䀴佢人起个販子屋對打地基一棧一棧起起來開始到內底絲也喫 63 貼泰魯 64 外頭䀴起來真靚攔緊過年前做好得買屋个人入新屋過無幾久漸漸即有人徙入去蹛社區嘛愈來愈多人蹛作垺慢慢即鬧熱起來遐睏子吂起販子屋進前有聘 65 好討起一個公園和一個歇車場這時務睹好有一個社團討出錢起公園所以真緊即䀴著公園起好啊公園內底有種幾下頭大樹和各色个花草中央親像有一口細魚塘脣頭猶做一個表演个坪晨早時聽會著阿啾箭白頭殼叩雞嫲畫眉竹雞个聲啾啾咈 66 啾毋會恬魚塘內底兩三隻細鴨么在遐賞水泅來泅去安然自在大樹下社區个老儕有兜在遐打太極拳有兜坐在凳頭面答嘴鼓熱天个當晝時頭蟬在樹崠吱 67 到大嫲聲真像在遐開音樂會共款樹下有人在遐答詑行行尞尞啄睡暗夜時捷捷會有表演團體在遐變把戲得人䀴這係得大家料想毋會著个細細个公園會有恁多个戲齣 68 𠊎蹛个社區內底个人情事物三日三夜嘛講毋會煞菅榛花音gonˇ zhinˇ faˇ 菅芒花弓枋模音gingˇ biongˇ moˋ 蓋房子時用木板來固定牆壁看板音kanˊbangˋ 看板招牌源自日語看板かんばん絲也喫音si+ ia ke^ 粉刷泰魯音taiˋ luˇ 磁磚源自日語タイル聘音pin^ 談妥條件啾啾咈音ziuˋ ziuˋ bui^ 狀聲詞形容鳥鳴聲吱音gi 狀聲詞形容小動物或細碎尖銳吵鬧的聲音戲齣音hi^ chidˊ 戲碼名堂花樣 50

53 100 年全國語文競賽臺灣客家語朗讀文章詔安腔社會組編號 5 號阿伯㜷邱文莉原作林創業譯俗諺講遠親較輸屋邊𠊎在臺北搬來南部有幾下年啊這擺𠊎蹛个所在即係六堆地區个長治鄉長治鄉屬於前堆民風純樸鄉民單純大部分人耕田蒔禾隔壁屋邊和和氣氣捷捷有來去大家攏會互相照顧𠊎蹛个所在係販子屋販子屋就近个屋邊大約有二三十戶有人種檳榔有人種蓮霧嘛有人食頭路上班猶有人做生理逐日偎天光个時屋下後背个伯公下即會䀴著隔壁个阿伯㜷在伯公下掃泥下和伯公四脣个環境掃到淨淨俐俐逐日大早先點三支清香正開始對巷頭掃到巷尾毋管落雨抑係寒天毋識歇過𠊎毋知佢个名大家攏喊佢阿伯㜷𠊎嘛跈大家喊佢阿伯㜷𠊎若堵著佢个時佢嘛會笑笑和𠊎頕頭相借問講幾下句事漸漸即越來越熟啊阿伯㜷身材武頓武頓䀴起來真福相係嶄然傳統个客家夫娘人佢對結婚嫁得阿伯了後即蹛在這算起來有六十外年啊少年時務逐日煮三頓以外田頭田尾灶頭鑊尾針頭線尾教大教細屋內屋外攏款到真好勢真無閒今這滿老啊序細攏出外打拚閒閒無事做即會尋隔壁屋邊坐講事在伯公下掃泥下和人答嘴鼓阿伯㜷做醬菜个手藝真好做出來个醬菜毋管係菜頭絲鹹菜乾高麗菜乾猶係番梨醬和桔醬攏足餳人食佢捷捷有閒即做來送得這兜隔壁屋邊番梨醬會做个人真多𠊎也食真多舊年歇熱前下班時務在巷頭堵著阿伯㜷佢喊𠊎歇落來提得𠊎一罐物件講討送𠊎食佢細細聲和𠊎講係佢自家做个番梨醬喊𠊎毋使細義轉屋下食了以後遐甜甜擱有一兜仔酸酸个味正經係𠊎食過頭好食个客家醬菜難怪大家攏恁說佢阿伯㜷講愛好食即愛等番梨大出个時務去買新鮮个番梨來做做出个醬正會好食大約在梅雨季節過六月開始做番梨愛有罅香罅熟正會用做出好食个番梨醬阿伯㜷今年八十歲啊身體猶真健逐日攏面帶笑容樂觀過生活大概這嘛係佢身體康健个主要原因 51

54 100年全國語文競賽臺灣客家語朗讀文章詔安腔社會組編號 6 號閹雞情黃雪珠原作廖林東坪譯落過雨个下晝坐公車路過中正紀念堂䀴著閹雞表演个宣傳廣告一條條大紅花布隨風飄搖䀴下即知係客人个表演歸路閹雞兩個大字煞直頭在𠊎个心肝內玲瑯踅對𠊎來講閹雞有兩種意思一種係名詞大閹雞在過年過節㓾來拜公媽个一種係動詞雞牯變做閹雞个過程嘛號做閹雞記得成過正月半時頭重溪廟有閹雞比賽十五六斤个大閹雞算起來足大隻猶有十七八斤个閹雞逐隻肥肥擱油油黃金色囥在特別大个桶盤內底講毋會出有幾靚有一擺𠊎依供个閹雞嘛有十外斤恁大𠊎人細子䀴著遐隻閹雞一日一日大和閹雞个感情嘛一日一日深𠊎依討㓾閹雞个時務𠊎人毋肯得阿依捉兩個阿妹拁閹雞藏在菜園內底𠊎依直頭喊直頭拐兩個阿妹正護閹雞行出來𠊎依和三姊七手八腳捉閹雞即去灶下㓾無閒歸晝𠊎和兩個阿妹在廳下偷偷在唩想起遐時細細粒个心肝即知毋盼實在真難得到今日和𠊎阿妹答嘴鼓講起這段往事三個人笑到屎肚會疾哦因為真見笑食閹雞肉个時務䀴著遐盤油油金金个雞肉實在佇毋會核哦大家擎箸緊夾你一垤𠊎一垤拚勢食無歇事擱講倒轉成過𠊎人屋下係開雜貨店个屋簷下定期會有一個蹛在莊下个阿叔在屋簷下擔一張矮凳裝一大碗清水準備一副簡單个手術用品恁即有法度閹雞啊𠊎在遐時猶細漢若係四五歲逐擺遐個阿叔來做生理𠊎即恬恬跍在脣頭目珠金金䀴有人捉雞牯來閹阿叔用佢个真熟真伶俐个手腳拁雞捉起來用腳墊在雞个腳爪和翼面上雞牯咯咯咯直頭喊𠊎實在毋知雞牯係在喊抑係在唩正知佢真苦憐哦遐時務嘛毋知雞牯仰子愛閹落尾問𠊎依正知閹過个雞牯毋會擱硬拚拚正供會大隻肉質嘛較好食閹雞閹雞䀴著這兩個大字𠊎心肝底直頭笑因為閹雞得𠊎真多个回想毋管係䀴著佢一日一日大个大閹雞抑係𠊎叔在屋簷下做閹雞个手術攏得𠊎一兜仔真滿足真感心个童年生活 52

55 100年全國語文競賽臺灣客家語朗讀文章詔安腔社會組編號 7 號等花開黃瑞芳原作林創業譯打早一臨一臨个花香對禾坪前吹過來洗好衫褲提去屋後炙衫褲个時嘛鼻著含笑夜合个香味客人蹛个所在滿哪位攏係花香客家妹子行到哪位自然會散出淡淡个花香南部六堆地區个夫娘人在禾坪底魚塘脣前院後院若有空地攏會用種花桂花夜合含笑頭捷䀴逐伙灶大概攏有種有个係矮矮个樹有个係青青个大皮葉各種青幼各有特色嘛攏有真好鼻个花香清風吹來花香飛入屋下帶來歸屋个燒暖和福氣即恁自然个和花共下尞客家夫娘人不時對田底轉來隨手捋一蕊花囥入衫袋內底歸身跈在香起來消去一日个辛苦和孤單暗夜時泡茶个時務囥一兩蕊炙燥个含笑增加茶个香味啉起來擱香擱甘甜𠊎猶細漢个時務𠊎人妹子伴歸陣即會招作垺去捋含笑捋好即和烏个花苞囥在衫褲內底等佢慢慢子香香滿歸身歡歡喜喜若係得大人䀴著𠊎人在遐尋花捋花佢人即會問有鼻過無無鼻過个愛囥在神桌崠先得神明鼻香等下晝時頭正會用提來囥入袋得花个香味來滋潤妹子个青春𠊎猶記得若係膴身上有隨含笑夜合个時歸日个生活即感覺有甜甜个香味暗來討洗浴愛換衫即真小心拁袋內底个花提出來囥在浴間个細張凳面上換淨俐衫个時又擱拁花囥轉袋內底即恁成愛花个甜甜香味有香花陪著个少年夫娘人生活即充滿歡喜平安遐係夫娘人所追求个生活心肝底特別想有个花香个世界客家个花毋單單融入生活內底嘛帶入客家詩內底客家詩人曾貴海頭有名个詩夜合寫夜合花總係在日落西山以後開花真像客莊夫娘人做事愛做到三更半夜以後正得丈夫鼻著體香共款帶恬靜和內向个客家特質讀來真有味素臨暗日落後山夜色跈山風湧來夜合在客家人屋下庭院恬恬打開自家个體香真靚 53

56 100年全國語文競賽臺灣客家語朗讀文章詔安腔社會組編號 8 號承天寺後山鄧玉霞原作廖林東坪譯𠊎蹛个所在離土城承天寺毋會真遠逐擺歇睏日天甫光即老嫩大細來到承天寺个山腳下一儕一罐水隨蹛開始跋山歸條山路狹即即種真多油桐樹樹大樹影即大對山下跋起去山崠毋管晨早抑係當晝一定毋會炙著日頭實在係一個跋山賞尞个好所在𠊎人寬寬子勻勻个跋山順續欣賞花草吸收新鮮个空氣擎頭䀴著真多蛘蜺在天崠飛來飛去一臨臨个涼風吹過來特別涼歸屋下人有講有笑真歡喜閒時閒務逐儕攏無閒𠊎怙上班愛準備資料愛做報告愛填表格𠊎依上班以外愛去市場愛入灶下愛照顧𠊎人个生活無閒到親像打摔玲瑯踅𠊎和阿妹逐日有寫毋會了个作業有䀴毋會去个書罕得大家放落手頭个事作垺來跋山歸路堵著真多屋邊朋友逐個人有講有笑心情特別輕鬆雖然炙毋會著日頭清風擱輕輕吹毋過春天時務臺灣即真熱啊加上溼氣重行到半山大家攏流汗答滴 69 大氣接小氣 70 𠊎怙問大家討歇睏一下子無𠊎阿妹和𠊎猶係興趣趣 71 真想攔緊跋到山崠欣賞腳下个世界所以𠊎人毋會想討歇𠊎依䀴著後生子人毋知天高地低嘛贊成𠊎人个䀴法直頭跋山不知不覺即到山崠啊在山崠䀴落下四圍攏係跈風搖來搖去个老樹樹葉沙沙个聲直頭響有个高聲有个低聲合起來親像天然个交響樂天崠飛个鳥嘛啾啾咈歌聲溜天真好聽𠊎人坐落來啉一兜仔茶享受𠊎依準備个點心雄雄感覺和大自然恁親芬多精伸手即會用捉到歸手𠊎人拚好垃圾了後日頭即落山啊斡頭䀴一下企在偎暗个暮色內底个承天寺佢係恁靚恁堅持恁恬靜自家恬恬迎接星光夜𠊎真愛跋山特別愛跋承天寺个後山跋山係好運動流汗會用得膴身內外个循環較好減少膴身內个負擔跋山會用渡𠊎人接近大自然嘛有新鮮个空氣好敨氣好處真多實在係值得推廣个運動承天寺个後山景色好老樹多行一輪會用流汗會用欣賞山後个風景流汗答滴音lauˋ hon dabˋ di 汗流浹背大氣接小氣音tai ki^ ziabˊ sio^ ki^ 上氣不接下氣的樣子興趣趣音hin^ ci^ ci^ 興沖沖的 54

57 100年全國語文競賽臺灣客家語朗讀文章詔安腔社會組編號 9 號蹛久他鄉變故鄉鍾日英原作廖林東坪譯記得在七年前有一個機會跈著客家委員會組團去巴西去䀴早年移民个客家鄉親大約係四五十年間人桃園新竹苗栗个客人有真多飄洋過海去到南美洲个巴西開墾遐擺佢人有一間活動中心討落成𠊎人即去拁佢人祝賀在慶祝會主持人鼓勵大家講愛拁他鄉當做故鄉嘛毋會用拁故鄉變做他鄉這句事對人這兜在歷史遷徙多擺个客人後代來講毋係單單得人有真深个思考猶有訓示个意義故鄉會用用較狹个字義來講即像出世个所在自細大漢个地方自細到大漢聽共款个講共款个共款事个所在故鄉得人學習和大漢个環境自細漢捉蟲賞泥个所在有真深真深个感情在這內底他鄉係離開故鄉出外去學習抑係做事和生活个所在所以真多人顛倒蹛在故鄉个時間較短蹛在他鄉个時間較長即像今蹛在這位臺灣个大陸人佢人十外歲即來到臺灣一蹛即係五六十年𠊎想吂開放大陸探親个時務逐擺過年過節佢人毋知有幾多人會藏在被底偷偷唩出幾多目汁因為故鄉係佢个阿依用乳水供佢大漢个所在今日个社會係一個地球村晨早時對故鄉出發十外點鐘即到位美國交通發達加上電話手機視訊恁利便所以無論你到他鄉係討讀書抑係做事業抑係去食頭路漸漸你會對他鄉个一草一木關心較多你愛和人爭即愛暫時拁故鄉个事情放落來專心在你現時生活个他鄉打拚無定著時間久啊在他鄉稅屋嗄變到買屋尾後尋著對象結公姐成立家庭然後細子人一個一個降出來佢个他鄉即變成細子人个故鄉所以蹛久他鄉變故鄉這毋係命應當講係因緣正著人客人長久蹛在臺灣這垤土地內食臺灣米啉臺灣水歸身攏係臺灣供人親像人个阿怙人个阿依所以愛認同這垤土地討為臺灣做事盡本分雖然人心內無添放原鄉个血脈和親情毋過人猶係愛大聲喊出來人係臺灣人臺灣个正版客人 55

58 100年全國語文競賽臺灣客家語朗讀文章詔安腔社會組編號 10 號兩角銀邱坤玉原作廖林東坪譯正五月个天氣苦楝樹恬恬開滿山坪花隨風搖散跌落歸泥下个白花淡淡个花香恁餳人嘛餳來歸陣个蜂連𠊎人嘛想討搵來食天光屋外个日頭早即跋到竹尾高正起來即感著真無自在心肝底早有打算阿依得𠊎兩角銀好無正起來即討錢你討做麼个𠊎依聽到清清楚楚面一橫佢个聲像刀嫲恁利嚴肅問𠊎𠊎𠊎想討買枝子冰食啦你身體敢會堪猶想討食枝子冰佢嘴係在念𠊎手嘛無歇在拁𠊎包飯包講著飯包屎肚即硬討疾起來和半粒飯嘛無正有細條番薯兩條滷个薑嫲一垤䀴著連當晝个飯包嘛無飯𠊎心肝暗暗在想討去哪位尋兩角銀咧在遐想个時務𠊎即伸手入𠊎依个藍衫褂摸著褲袋無摸著希望正有氣慼慼个失望𠊎依無罵𠊎佢自家伸入褲袋提出內袋又順手伸入另外一隻褲袋和一角銀个影嘛無心肝內一陣心酸兩粒目珠漸漸轉濕目汁即忍耐毋會核流落來啊𠊎依半氣半笑講阿依正經無銀角仔啦毋會惑你啦毋過無提著兩角銀實在真毋甘願即恁目汁又溚溚滴像溪水共款流毋會煞嘛毋知麼个膽𠊎嗄坐在泥下潑挼越唩越大聲仰子啊為著兩角銀你即目汁闌干你即恁無志氣好定泥𠊎依軟柔个目神變到真得人驚毋過想討食枝子冰个心大過皮在討疾日求三頓夜求一眠个日子毋單屎肚愛弓緪皮嘛愛弓緪因為不時愛食竹筱無想著䀴著𠊎依轉身去壁角𠊎想這下壞啊攔緊跋起來拚命走到尾直一裡唩一裡走去學校無想著𠊎依佢嘛毋放手跈在後背攔𠊎越驚即走越緊走越緊即阿依攔越緊歸路走到三百米外个伯公坪毋敢放慢腳步 72 死蝦子毋好擱走啊啦阿依走毋會贏你啦聽著𠊎依大氣接小氣在遐喊你會修理𠊎𠊎半信半疑毋會啦你愛擐包袱啦若無係愛仰子讀書咧𠊎斡頭䀴著𠊎依擐包好幾下本書和番薯飯包个包袱𠊎驚驚勼勼接過來五月个日頭熱到人佇毋會核合作社頭前个人排到恁長苦楝樹下跳格子个細子人逐儕一枝枝子冰享受著枝子冰涼涼甜甜个味素單單𠊎無枝子冰𠊎个拳頭嫲揢到緪緪揢兩角銀个手毋敢放開到今日猶會記得𠊎依對𠊎講个好魚好肉借嘴過吞吞口涎嘛會過一臨風吹來苦楝樹个花越清香五月个日頭越燒暖這臨風吹過五十空個年頭今猶直頭吹落去 72 大氣接小氣音tai ki^ ziabˊ sio^ ki^ 上氣不接下氣的樣子 56

95年語文競賽題庫彙整

95年語文競賽題庫彙整 1 2 3 4 5 6 7 8 9 10 11 12 13 14 15 16 17 18 仰般敎學生認識客家文化个精神檢討教學个方法 19 捱對客家桐花節个看法與展望台北縣成立客家文化園區个意義个看法捱所知个客家文化節介意義新住民對客家庄个影響捱對推展客家美食个展望捱對後生人追求名牌个看法捱對卡奴个看法客家電視台个時代意義捱對超額教師个看法个看法捱對無障礙空間个看法个客語環境