Hngakchia caah Bible Achuahtu Noah le Buanchukcho kong
Attial tu: Edward Hughes Hrilhfiang tu: Byron Unger; Lazarus A hmangtu: M. Maillot; Tammy S. Alettu: Hre Ling Achhuah tu: Bible for Children www.m1914.org BFC PO Box 3 Winnipeg, MB R3C 2G1 Canada 2011 Bible for Children, Inc. Lisen: Hi tuanbia hi Zawr awk si lo in hman awk ah copy le print tuah khawh a si.
Noah cu Pathian a biami a rak si. Midang vialte nih cun Pathian kha an rak huat i, a nawl an rak zual duh lo. Nikhat cu, Pathian nih khuaruahhar thil pakhat a chim. Hi a sualmi vawlei hi ka hrawk lai, tiah Pathian nih Noah kha a chimh. Nangmah le na innchungkhar lawng khamh nan si lai, tiah a ti.
Buanchukcho a tlung lai i, vawlei kha ti nih a khuh dih lai, tiah Pathian nih Noah kha ralrilnnak a pek.
Nangmah le na chungkhar ca le saram hna ca za dingin thinglawng ser tuah tiah Noah cu nawl a pek. A serning vialte kha a nekcok tiang in a chimh dih. Noah nih manh lo ngaiin rian a tuan!
Noah nih zei ruangah dah lawng ka ser ti kha midang a chimh hna tikah an nihsawh men, asinain Noah nih cun lawng cu a sak cuahmah peng ko. Pathian kong zong kha midang a chimh peng ko hna. Ahohmanh nih an ngaihpiak duh lo.
Noah cu a zumhnak a thawng ngaingaimi a si. Cubantuk ruah cu a sur bal lo nain Pathian chimmi cu a zumh ko. A rauh hlanah, lawng cu, a chungah a hermi thil vialte a khumh hnuah, timhcia tein a um ko cang.
Atu cu, saram hna an ra. Pathian nih phun cheukhat cu pasarih in a rak put hna. A cheu cu pahnih in a rak put hna. A nganmi va si hna she, lawng (sangphawlawng) leiah cun an kal hna.
Noah cu saram hna kha lawng chung i a luher hna ruangah midang nih an rak mawhchiat men ko lai.
Pathian cung i an sual nak cu an ngol hlei lo. Lawng chung luhter ding zongah a hal awk an rak hngal lo.
A donghnak ah, saram vialte le va vialte cu lawng chungah cun an lut dih cang. Pathian nih Noah kha, Lawng chungah rak lut tuah, tiah a auh. Nangmah le na chungkhat Lawng lut u, ati. Noah, a nupi, a fale pathum, an nupi hna cu lawng chungah an lut. Cun Pahtian nih innka kha a khar!
Cunj, ruah cu a ra i a sur. Ruah cu ni sawmli le zan sawmli chung fak tukhringhran in a sur.
Buanchukcho ti nih cun khuapi he khuate he a khuh dih hna. Ruah a han tikah, tlang sangpi hmanh ti chungah an um dih. Thaw a chuahmi thilning vialte cu an thi dih.
Ti a than tik po lawng cu cunglei ah a kai ve. Lang chung cu a mui ngai men lai. Khawnualnak le hma pe zong a um men ko lai. Sihmanhselaw lawng (ark) nih Noah kha buanc hukcho chung in a khamh.
Ti nih thla nga a khuh hnuah, Pahtian nih thil romi a run hlah. Duhsah tete in lawng cu a tum deuhdeuh i, asang ngaimi Ararat tlangah a taang. Noah cu lawng chungah ti ttum hngak in adang ni sawmli chung a um rih.
Noah nih lawng thlalang awng kha a hun i langak pakhat le thuro pakhat kha a thlah hna. Futnak dingah a romi hmun a hmuh lo caah thuro cu Noah sinah a rak kir tthan.
Narhkhat a rauh hnuah, Noah nih cuticun a tuah tthan. Thuro nih cun olive hnano a hmur in a rak put i a rak kir tthan. A hmaizarh ah cun, Noah nih vawlei a ro cang ti a hngalh, zeicahtiah thuro cu a hung kir tthan ti lo.
Pathian nih Noah kha lawng chungin chuah khawh a si cang, tiah achimh. Noah le a chungkhar hna nih saram cu lawng chungin an chuahter hna.
Noah cu zeitluk in dah a lung aa lawmh hnga! Biaktheng pakhat a sak i, tihnung a simi buanchukcho chungin a mah le a chungkhar a khamhtu Pathian sinah raithawinak le biaknak a tuah.
Pathian nih Noah sinah khuaruahhar a simi biakamnak kha a pek. Minung sual ruang i dantatnak caah buanchukcho a tlun hrimhrim ti lai lo. Pathian nih hmelchunhnak nganpi a tuah. Chuncha hi Pathian biakam chingchiahnak cu a si.
Buanchukcho a dih hnuah, Noah le a innchungkhar nih nunak thar an i thok tthan. A can a zaat tikah amah hrinthlak hna nih vawlei dihlak cu an hun khahter tthan.
Vawlei cung miphun vialte hna hi Noah le a chungkhar hna hrinthlak dih kan si ko.
Noah le Buanchukcho kong Pathian bia ah kan hmuh mi tuanbia hi, Bible, chung ta a si Genesis 6-10 Na bia thiang nih ceunak a pek. Salm 119:1330
Adonghnak 3 60
Hi Bible tuanbia nih, khuaruahhar a si mi, a kan ser tu Pathian kha hngalh ter a kan duh. Pathian cu thil ttha lo kan tuah mi kha a hngalh, a ttha lo mi tuah cu sualnak a si. Sualnak man cu thihnak a si. Sihmanhsehlaw, Pathian nih a kan dawt tuk caah Afapa ngeihchun Zesuh Krih a kan pek i, kan mah aiawh in vailam cung ah a thi. Cu hnu ah thihnak in a tho tthan i, van cung ah a kal! Zisuh Krih kha na zumh i, na sualnak kha na ngaihchih ah cun an ngaihthiam ko lai! Na sin ah a ra lai i, nan um tti lai. A mah he zungzal nan um tti lai. Na sualnak kha kal tak na duh ah cun, hitihin Pathian sin ah thlacam: Dawt tu Pathian, Zesuh Krih cu ka caah a thi i, a tho tthan cang. Maw Bawipa, ka sin ah ra law ka sualnak viatle kha ka ngaihthiam ko. Maw Bawipa, zungzal nunnak ka ngei i na sin ah zungzal ka um nak hnga, ka sin ah ra law, ka sualnak kha ka ngaih thiam ko. Na fapa bantuk in ka nun khawhnak hnga ka bawmh ko. Amen. Nifatin Bible rel law Pathian he i chawn uh. Johan 3:16