Noah and the Great Flood Rongmei CB

Size: px

Start display at page:

Download "Noah and the Great Flood Rongmei CB"

纲槽於
5 years ago
Views:

1 Alao guai khang Baibal Kaipat ti Louc Mei Noah khatnic Duidai

2 Himei: Edward Hughes Kaba Dinv Louc Mei: Byron Unger; Lazarus Kaluan Kasiamv Louc Mei: M. Maillot; Tammy S. Hanc Pat Louc Mei: Katasin Kamei Liangpatc Louc Mei: Bible for Children BFC PO Box 3 Winnipeg, MB R3C 2G1 Canada 2013 Bible for Children, Inc. Nu Lou Mei: Nang rui juanv khang ham mak ge thei nam pat dat lana sin su nu e.

3 Mi gan khou tei kandi mei guai Raguang ta karang na kalat piu mak bam khuan the tiki Noah kai tho Raguang ta kalum bam khuane. Mi gan khou tei mi sii mei nbaan kapum ta Ai rui ti kamutkamai puni the tiki nangkai ta thu gu lou puni tuna Raguang rui Noah khou sa the.

4 Raguang rui Noah khou sa the. Duidai ti guang puni the, hei kum pui jang rui Rung kasiam tho, mi tei nang kaikhun mei guai khatnic khouring-khouna guai gut nu khang kasiam ni na e tuna sa the.

5 Kum tina Noah rui salou mei lat tei piu na sa lou mei lat kahak tei tan khang taan tin thao the.

6 Noah rui Rung tei taan thao pu khou kandi mei guai rui kata mala na nui the tiki Raguang lam tei din lana Noah rui Rung tei tan thao the. Kume tiki kandi mei guai rui kalat nking na la lou mei mak khe.

7 Noah thu lum mei khou tan mei pu e. hei jang rui ting riu mak sini kamei tho Raguang ta lum e. Ntao tho Rung tei taan luai the, puat guai lou khang cham dan the.

8 Raguang rui sa the. Kandi khou nai mei khouring kajat guai la guang tho, kumna kakui-kadui khat-khat suna laguang tho.

9 Kum tina kajan/kajat nai mei guai thiam mei khou rui dai mei jat guai Noah rui laguang the. Bai mei kajat chanei ni la guang the.

10 Noah rui hei kum na taan bam tikhou kandi mei guai rui kata mala hai hai na Raguang ta sinnui bam khuan the. Kumna kaniu RUNG khou gut mak khe.

11 Noah rui taan guai na taan luai na khouring-khouna kaguai na ta ti gut lou ngam mei tang Noah, gut tho, nang khatnic nang kaikhun mei guai tuna sa the.

12 Noah tei kanou, kana nun kathum khatnic kana nun nou guai tei gut the. Khou tei Raguang rui RUNG kaikham nbang kan the.

13 Mi tang Raguang rui Tignkao kaikham laan pat na charin mei ting tingmik riakdei khatnic zingbangc riakdei ti riu kei the.

14 Ntao thu kaidai khatnic namv guai khou duipui dui rui lik the. Duidai tei rui ramv kapum na ta liam ngam the.

15 Ching, jang, katao, kaniam guai dui bang khou bam ngam the kum tina ring mei khouring, kathiu la mei guai thei ngam the.

16 Dui chung thao mei thei tei RUNG tei nic phuang ku the. Rung lung tei zing gun-gun na duipui rui kanuk ran si kan e. Tiki duidai khou rui Noah kai ta tho kan lou kan the.

17 Duidai tang bu pangu tangc pukhou Raguang rui ramkaeng puan ti aliu guang the. Hei kum tina rung tei Ararat kao mei chingbut tuan khou nthak the tiki Noah tho rung lung khou dui tei thip kei mak saan tingmik riakdei bam khuan the.

18 Mi tang tei Noah rui agaek kui le akhounac ta Rung tuang kaikham lao na laan pat na ti sam pat lou the tiki ramkaeng di, tou kei nu pui bam mak tina sam guang han dat the.

19 Jang charuk tang Noah rui pat lou dat the kum ti na khou na tei Olive nui kamuang tuan khou puan guang khuan the. Mi tang tei akhounac tei guang han dat mak khe kum tina Noah rui dui kang kei the tu mei thai the.

20 Ntao thu Rung khou rui pat tho tuna Raguang rui sa the, kumna Noah khatnic kakai khun mei guai khouring-khouna, puatchei guai katiam pat the.

21 Noah tei neilajang gai mei rui padik lana Racha kasiam thao na kamei ta duidai khou rui kan lou mei Raguang ta kalum the.

22 Khoutei Noah khou Raguang rui latrian su the. Tabui bui su bam sinic mansei pap jang khang rui mi kandi nam ru khou nai mei kalung parik mei ta duidai rui sumaan datjat lak khe tuna Raguang kalatrian suna ning tou bam khang muangsing ti thao lou the.

23 Duidai tang Noah khatnic kakai khun mei guai jug/juk than suna lung thao dat the. Mi khou tei rui thao na kandi hei mansei lungking-lungkiu pat dat the.

24 Ntao nai na bam mei jat hei ju mei guai hei Noah khatnic kajik-kajiu khou rui lung pat dat tuange.

25 Noah khatnic Duidai Raguang tuang lat khou rui Pary, Baibal/Bible khou rui phange Thaureimei 6-10 Nang lat akhou gut lou khou rui gaan mei ti lou e. Kalumlu 119:130

26 The End Luai Louc Mei 3 60

27 Mi Baibal pary rui charin mei Raguangc aniu ta dam lou mei pu lam din lou e khatnic kamei rui nang niu ta nic kalam ti thai ni na bam e. Raguang thu aniu rui si mei taan taanc lou mei guai thai na bam e. Mi ta tei pap tuna kao e. Pap tuang taanphi thu thei mei di the tiki Raguang rui nbaan ta hei di kam njian lou na Kana Mpou khatna mei ta kros khou nang pap jang nang phaan thei lou khang ndiu kei lou the. Kamei thei lou na Ringthao dat na Tingkao tat kan the. Nang rui kakhou lum lou na nang pap guai kuak lou khang nei ethei, kamei rui guang lou na nang khou lung lou puni. Ntao tumei hei nang khang kagan di the Jisu ta la lou khang. Nang rui la lou na lum lou ethei, Kamei le Tingsaeng lung ncham puni the. Nang rui la lou na lum lou ethei, Raguang khou huainei tho. Jianmei JISU, Nang hei Ringsuang mei Raguange tumei Ai lum the. Nang rui apap jang khang kandi khou mansei lun lui na guang na kros khou thei lou the. Kumna thei mei ta ngam lou na Ringthao dat kan the. Apanti khou nic guang lung lou pu o khatnic apap guai kuak lou pu o, hei kum ethei Ai nic kathan mei panti khou lung ngam khang; Ai ni nang thei lai ni e khatnic tingsaeng ringsuang mei panti lani e. Nang lat piu khang nkha lou o khatnic nang nac su khang jian lou o. Jisu jan khou AMEN. Jahon 3:16 tei tingmik pum pana huainei na Raguang ta kachu o.

When God Made Everything Rongmei

When God Made Everything Rongmei Alao guai khang Baibal Kaipat ti Louc Mei Raguang rui ram kapum na dam luai pu khou Himei: Edward Hughes Kaba Dinv Louc Mei: Byron Unger; Lazarus Kaluan Kasiamv Louc Mei: Bob Davies; Tammy S. Hanc Pat