臺中市 105 年度語文競賽市賽客家語朗讀國小組 ( 四縣腔 ) 編號 1 號 吾个阿姆 古美珠原作吾个阿姆, 厥个面圓圓, 頭那毛當長, 有一對又圓又金个目珠, 看著人就笑咪咪仔, 生來當靚 當竳線, 係一個有愛心又有耐心个人 平常時, 除忒照顧𠊎兜三姊妹, 對吾公 吾婆也當有孝, 親戚朋友 隔壁鄰舍, 通體阿𧩣佢係一個當賢慧个婦人家 雖然屋下毋係異好額, 毋過佢有客家人刻苦耐勞个美德, 勤儉傳家个精神, 總係摎屋下拚掃到淨淨俐俐 好勢好勢, 佢講 : 毋驚屋下窮, 總愛大細有笑容, 𠊎就當滿足了 1 吾姆會煮當多好食个客家料理, 像蘿蔔乾煎卵 芹菜炒魷魚 木米炒黃梨 鹹菜湯這兜, 還有𠊎最愛食个爌肉 佢盡遽手, 逐擺大姑同二姑來屋下个時節, 佢會煮歸桌仔大家好食个客家菜 𠊎為著愛出去尞, 字就儘採畫畫啊, 一下仔就瀉出去, 吾姆看著就砰砰滾講 : 鬼畫圖樣仔, 搞得著來食喺? 寫該麼个字? 重新寫過! 佢愛𠊎做事情, 定定仔來, 毋好鬥緊 心愛靜 手愛穩, 寫字做事千萬做毋得馬虎 到今, 𠊎寫字定著規規矩矩, 定定仔來, 寫到靚靚, 別人看吔欣賞, 𠊎自家看吔歡喜 吾姆除忒會要求學校个功課愛做好以外, 佢對𠊎兜个家教乜當看重, 像掃地泥 抺桌凳 洗碗這兜, 連食飯擎筷仔, 通體都愛做到確確實實, 吾姆對𠊎兜講 : 屋愛日日掃, 田愛日日到, 書愛時時讀! 又講: 一日學習一日功, 一日毋學十日空! 就係愛𠊎認真讀書 𠊎發病仔个時節, 佢會日合夜照顧𠊎, 天時轉涼, 會喊𠊎著加一領衫 這下, 𠊎愛感謝吾个阿姆, 伸出佢溫暖个雙手, 牽等𠊎向前行 𠊎愛吾姆, 𠊎定著愛聽吾姆个話, 認真讀書, 做一個規規矩矩, 正正當當个人, 來報答厥恩情, 分大家食 記得吾姆識講過, 愛出頭天定著愛認真讀書, 雖然𠊎兜三姊妹係細妹仔, 毋過, 佢對𠊎兜个教育盡用心, 毋會儘儘採採, 放學轉去, 佢定著愛𠊎兜摎功課寫忒正做得出去尞 記得有一擺, 1 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 境, 自由詮釋發揮 以下同此注釋說明
臺中市 105 年度語文競賽市賽客家語朗讀國小組 ( 四縣腔 ) 編號 2 號 牛角會轉彎 謝惠如原作 牛角會轉彎 係莊肚流傳當久个故事 聽講清朝時代, 先民在六堆地區个內埔 竹田 萬巒這兜所在開墾土地, 開墾初期, 雜草 大樹生到哪仔都係, 地泥礫礫矻矻 大細粒石頭都有 ; 該下為著愛開拓土地, 逐家逐戶大部分都有畜牛仔, 故所 牛仔 就變到最有力个開墾助手 日時頭利用牛仔來犁田 耕種 做田坵肚个事, 放工後, 就摎牛仔牽到圳溝肚揾水, 無就到河壩食水 搵浴 牛仔个砸磳同耐操 耐勞係一種最基本乜係盡重要个條件, 愛恁樣正有辦法分主人在該做田事个時節, 做得較順序 有效率 愛擇一條較砸磳 較好个牛仔, 大部分係靠 牛販仔 2 佢兜 4 第二朝晨主人䟘床後, 發現著水牛毋見忒了, 就會遽遽去衙 門報案 清朝時期, 衙門裡肚个師爺就會拿出紙筆, 根據主人个 話, 摎牛仔个形體 樣貌 牛角生長个彎度, 詳詳細細畫出來, 等尋著个時節, 正做得核對 除忒報案以外, 牛仔个主人自家乜 會哪仔尋上尋下 盡奇怪个事情就係, 佢兜在牛販仔个牛欄肚認出自家个牛仔 个時節, 該頭牛仔乜會出聲頷頭應厥主人, 毋過分佢兜想毋通个 係, 這頭牛仔明明係自家畜吔三年零个, 厥个眼神 厥个牛鼻桊 還有厥个牛蹄這兜, 從頭到尾看起來都當熟事, 仰般牛角个彎 度無共樣了? 5 後來正聽講該偷牛仔个賊仔有一種奇術, 做得分這硬仃仃个 牛角, 一日之間轉彎, 變到無共樣个角度, 假使牛仔个主人尋著 厥牛仔, 乜毋敢相認, 因為連官府乜奈佢兜毋何 這下, 這種牛 角會轉彎个技術, 既經失傳了 為著做生理, 不時都愛哪仔去打探, 希望尋著做得買賣 條件較 3 好个水牛 若係有看著合意个牛仔, 主人又毋肯賣, 會挶心事个 牛販仔就會聯合該兜專門偷牛仔个賊仔, 利用暗晡頭下夜時節, 用 偷 个方式來偷牽牛仔 2 3 牛販仔 : 音 ngiuˇ fan eˋ; 牛販 挶心事 : 音 giug ximˊ sii; 攻心計 4 5 表完成的語 ` 尾助詞 四縣腔有 leˊ leˋ lioˊ lioˋ... 等不同讀音, 讀者可依文章情境, 自由詮釋發揮 以下同此注釋說明 奇術 : 音 kiˇ sud; 魔術
臺中市 105 年度語文競賽市賽客家語朗讀國小組 ( 四縣腔 ) 絭 邱一帆原作 編號 3 號 6 出世時節, 阿姆講𠊎薑根薑根 手腳像鉛線仔樣仔, 看起來 7 8 身體弱漬漬仔 對歲過無幾久, 阿姆就帶等𠊎去三灣石哀該位, 9 燒香拜喏, 求石哀絭來分𠊎戴, 帶分𠊎康健, 也帶分𠊎平安 當 記得細細仔時節, 頸根項一條紅紅个絲線, 串等一隻圓圓个東西, 在吾身項晃啊晃欸, 晃啊晃欸, 緊晃𠊎緊大, 正知該圓圓个銅 錢安到 絭, 該紅紅个絲線就安到絭索 逐年石哀生該日, 阿姆準備好牲儀, 就會帶等𠊎去三灣石哀 該位拜喏 逐擺阿姆擺牲儀个時節, 就會喊𠊎摎頸根項个絭脫下 來, 擺在牲儀脣頭 接等, 阿姆會點六支香, 分𠊎三支, 佢自家 同舊个絭索換過新个, 喊𠊎摎絭戴轉自家个頸根項, 擐等牲儀, 帶𠊎轉屋下 一直到十八歲也係二十歲, 𠊎既經毋記得哩! 吾該條銅錢絭 石哀絭, 也早就無在吾个頸根項哩! 聽老人家講, 細人仔係講 成人長大 ( 十六 十八或者二十歲 ) 以後就愛脫絭, 就算還愛戴 絭, 神明也無法度保護你囉! 毋過, 佢還係一直保護戴等絭 還 吂成年个人哦! 胚想, 神明係希望成年人自家做得保護自家, 自 家做得面對人間个所有苦難摎挑戰, 怕係! 戴絭 換絭 脫絭係一個人成長个歷程, 從大人照顧 神明 10 保護到自家做得照顧自家个過程 不管你戴个係恩主絭 媽祖絭 觀音絭還係麼个絭, 等到自家成人長大, 面對任何个困難 承 受仰般个苦難, 自家總愛知得好好照顧自家, 自家總愛知得好好 保護大家 留三支, 共下拜天公 拜石哀 拜金爐該位个神明 半點鐘過忒, 阿姆會面向石哀雙手合掌, 細聲同神明講話, 𠊎在邊脣聽等, 當像係祈求石哀, 分厥倈仔平安長大个樣仔 金銀紙燒過, 阿姆 6 7 8 9 薑根 : 音 giongˊ ginˊ; 細瘦的樣子 對歲 : 音 dui se; 滿週歲 石哀 : 音 sag oiˊ; 石頭婆, 雌性 民間泛靈信仰, 以石頭為神祇 絭 : 音 kien; 護身符 10 恩主絭 : 音 enˊ zuˋ kien; 恩主公加持的神符
臺中市 105 年度語文競賽市賽客家語朗讀國小組 ( 四縣腔 ) 編號 4 號 膨風茶無膨風 張美容原作 月光華華, 細妹煮茶, 阿哥兜凳, 人客食茶 茶, 係客家人生活个一部分 客家人大部分歇在山肚, 種茶也好食茶, 頭擺還會在㧡擔來往个山路樹下, 放一桶茶分路人解渴 吾屋下開雜貨店, 店肚乜日日炙一大茶罐个茶, 分來交官摎坐尞个人客食, 乜恁樣, 𠊎從細就食茶食到大 嫁來北埔, 家官乜食茶, 毋過, 總試著茶个味道摎吾屋下食个無幾共樣, 這係本地出產个茶, 香又耐泡, 合無農藥 因為茶个風味特殊, 相傳頭擺日本高官買一臺斤這種茶, 愛用相當一個鄉長二十個月个薪水, 茶農轉到北埔講起, 大家毋信受蟲害个茶 等獎還賣出一臺斤一百空一萬臺幣个天價, 膨風茶个高價一息仔 就無膨風 11 膨風茶係茶樹个嫩芽, 分一種安到 小綠葉蟬 个蟲仔蜒過, 這種分蟲仔蜒過个茶, 茶芯摎葉仔會變黃捲起來, 發育毋好, 勤儉个茶農毋盼得損失, 用手工摘一芯二葉做出茶來 做出个茶 用八十到九十度水溫个水去泡, 茶湯毋會澀乜毋會苦, 有淡淡个 水果香摎蜂糖个甘甜滋味, 盡受歡迎 因為做出个茶, 茶芯銀白 色, 品質好个歸枋茶還有紅 白 黃 綠 咖啡五色, 故所又有 白毫烏龍茶 五色茶 个名 𠊎食膨風茶有四十年哩, 從頭下碼食毋慣, 到這下日日愛來 一壺 食多油氣 12, 食杯茶毋會試著油膩膩仔 ; 朋友來尞, 食茶打 嘴鼓最快樂 一路里來, 定定仔食一杯茶 恬靜恬靜看一本書, 係𠊎最大个享受! 有恁好个價錢, 認為佢 膨風, 膨風茶 个名仔就恁樣來 還聽講英國商人聽著膨風茶个名聲, 買來送分英國皇室, 女王看著五色个茶米在茶杯肚像美人跳舞, 茶湯潤喉又順口, 就摎這來自東方臺灣个茶安到 東方美人茶 到這下, 膨風茶个價錢還盡好, 一斤做得賣到幾萬銀,2004 年北埔東方美人茶个拍賣會項, 特 11 12 蜒 : 音 ienˇ; 被蟲吸吮過 油氣 : 音 iuˇ hi; 油膩的食物
臺中市 105 年度語文競賽市賽客家語朗讀國小組 ( 四縣腔 ) 編號 5 號 山精大戇 彭瑞珠原作 1 2 3 4 5 6 7 8 9 10 個 十 百 千 萬 學校先生教个數學, 同阿爸教个字有共樣个意思, 無共樣个用途 先生講 : 字, 愛端正 毋好寫出格仔 愛曉得計算 愛背公式 愛記得寫答案, 正會有好成績 阿爸講 : 數, 愛記清楚, 正毋會害人詏數 七歲个𠊎, 吂知成績係讀書人該當認分个頭路, 就知爺哀吩咐先生个話 先生喊𢯭渡厥細人仔, 偲就盡歡喜个渡佢去搞 去屙尿 ; 教室肚, 除忒先生跈讀个妹仔, 還有阿寶仔用背帶揹等, 行點大零鐘个山路, 共下來讀書个三歲老妹 民國五 六十年, 阿姊讀書順續仔渡正斷乳个老妹在教室, 也像豬食糠共樣, 毋係麼个怪奇个事情 蒔田割禾該下, 還會有三股一股个同學無來上課 讀書做得慢發, 田事斯無等人 ; 六月天公, 阿公婆牌都會停動, 阿公婆都毋敢推懶了, 細人仔乜無懶尸个權利 屋下耕山園个同學, 山事 田事緊工个時節, 輒輒都無書好讀, 愛去山項同大人𢯭手做事 田坵仔, 係大家个事場, 也係細人仔个遊樂園 : 禾割忒 放 水 躪禾頭, 愛盡多支腳 𠊎俚, 無分大人按算在人工裡肚个山猴仔, 就在放尞日去𢯭手躪禾頭, 歸田坵仔相搶泌背 相賽看麼人踏盡遽, 一支翹起來个禾頭稈就無放過佢 做大水該下, 上水過个田坵, 有湖鰍仔好揞 ; 大水打過个河壩, 會有毛蟹分大水打到昏昏企在石䃗項, 等偲斷烏該下擎手電筒仔去拈 大人日日山事做到打卵退, 𠊎俚細人仔天天做快樂山精 一放學, 相賽去田坵 河壩脣拈蛇打𧊅, 係大家毋使講好就會聚總个地方 細河壩仔覓蜆仔 捉蝦公 毛蟹, 大河壩網鯉仔 黃鱔 鱸鰻, 茶園肚摘茶 拈茶子 挷番薯, 山項拈油桐子 𢫦山楂 捉鳥仔, 田坵肚拈禾串仔 逐鴨仔 踏禾頭稈, 河壩脣挖沙鑽仔 圳溝肚搣射大肚膕 水窟肚弄𧊅仔, 做事 遊樂日日分毋清楚个童年 講著讀書, 帶去學校个飯篼仔食忒, 書就算讀忒了 ; 放學後, 山項一頁一頁个立體書, 正係𠊎俚个大課本 大電視 雖然, 黃鱔 水蛇大家都戇戇分毋清楚, 該山園 河壩滿山走个日仔, 做事 遊樂搞毋清楚个童年, 全全一頁一頁个印記在大家還細該時節, 山項戴過个人生 𠊎兜, 都係實實疊疊山項拈蛇打𧊅 搵泥沙大个 山精 啦!
臺中市 105 年度語文競賽市賽客家語朗讀國小組 ( 四縣腔 ) 編號 6 號 蹀蹀 左春香原作阿弟牯細嬰兒該下, 當 得人惜, 皮膚烏刻烏刻仔, 兩粒目珠捩捩轉, 精砉砉仔 佢四隻月收涎, 七個月會坐 八個月會爬 九個月生牙, 乖乖仔大, 順順序序 毋過, 阿弟牯係阿公阿婆渡个, 老輩人總係講, 細人仔 生毛面, 毋好在厥面前講好話, 說佢靚 說佢乖 說佢得人惜, 盡驚該兜 壞東西 會聽著, 會同 有个無个 餳來, 會同細人仔魂魄牽走, 細人仔顛倒焦焦唧唧, 畜毋得大 吾家官 家娘一等凝神, 佢兜渡孫仔, 實在有罅細心細意, 毋係驚佢燒怕佢寒, 無就愁佢餓著 記得阿弟牯愛學行該站仔, 佢兜下下在旁脣掌等, 就驚細人仔橫著 搉著 日時頭除忒照三餐飼飯 間餐打點, 閒著个時間, 毋係同細人仔打咕, 無就放佢在廳下定定仔學行 這兜渡細人仔个事頭, 盡多微毛末節, 佢兜 食鹽比𠊎兜食米較多 个老經驗, 總係知得哪下細人仔身骨差毋多硬程了, 知得哪下做得做麼个, 生活肚个百項事頭就照例規行, 有禮有節, 麼个都有厥步數 八個零月該下, 阿弟牯先學打竳, 學自家企穩 來, 阿公阿婆心肝頭歡喜, 嘴緊講 : 竳 哦! 竳! 短短仔一隻字, 帶出千千萬萬心肝肚个期待, 望佢成人 望佢出眾, 企到在在 企到穩扚扚! 定定仔, 悠悠仔, 毋使十頭半仔月, 嬰兒仔竳到異穩該下, 自家自然就又會想愛過進一步, 學行! 看阿弟牯兩隻腳㬹躡啊躡仔, 有息把仔驚驚, 佢想愛一步踏出去, 又有息把仔跔跔, 毋敢踏出去 ; 阿公阿婆這下斯等便便了, 嘴項緊嘍 : 蹀 蹀! 蹀 蹀! 這一下低一下高个共隻字, 帶出會打竳个嬰兒仔个勇氣, 分佢緊來緊有信心 蹀 蹀! 蹀 蹀! 學會打竳个嬰兒仔這片, 聽著恁餳人个聲說, 恁熟絡个聲說, 佢正式有受著鼓勵, 就緊試緊伸出腳, 𨃰出 成功 个第一步!
臺中市 105 年度語文競賽市賽客家語朗讀國小組 ( 四縣腔 ) 編號 7 號 點點督督个搞頭王 徐翠真原作莊下闊野野仔毋使費心神, 滿哪仔都係花花草草, 不管係花抑係草一貼著地, 自然就會递到哪生到哪 長透路頭路尾也會暴出毋知安到麼个名个草仔出來, 就像黃春明先生在等待一蕊花个名講个, 天生天養共樣生到滿地泥 佢兜毋單淨做得做野菜, 也做得做藥, 就算係 癲嫲花 狗問草, 細人仔隨手拿來就做得變鬼變怪 實際上, 咸豐草 俗名係 鬼針草, 客家話安到 蝦公夾, 也係分學老人說到會企个 刺查某, 還有學校先生講古喊佢 白花婆婆針 仰會有恁多名仔? 其實, 講去講轉就係共樣个草仔 毋過, 佢个名仔就像掖菜仁仔落地, 隨等位所摎分人取用个功效, 就隨人歡喜喊到無共樣 毋使迷痴疑狐, 講起來大家做細人仔時節, 一定有分同學用 都走毋掣, 身項滿哪仔都係 毛茸茸仔, 尤其係寒天著毛織个衫 14 褲黏到核核又摷勻, 會分大人刻到臭頭 恁好个衫褲, 毋知好儆惜! 總講就係毋盼得 有一種大家歡喜甘願个搞法: 歸陣仔人猜拳抑係點點督督, 盡輸个就企等分人來㧻到 萬箭穿心, 無到揇頭跍腰就絕對無換人 還有較文明个, 就身項个領仔 衫袋仔 鈕仔 衫袖 全部都標好分數, 眾人輪等來㧻, 過吔一儕儕正統計總分來比出輸贏 咸豐草無像其他軟枝个草仔, 花莖做得編草蜢 做花冠戴在頭那項, 抑係吂熟个籽拿來桊䯋鍊 毋過, 試去行過草埔仔你正知, 盡得人惱! 一支支仔 烏烏仔个 鬼針 黏到歸褲腳, 係較高較塞个草排, 連衫都會刺到滿身拈也拈毋得淨 咸豐草毋單淨係 黏人草 也係民間輒輒會用著个藥草 牙齒! 恁硬仰會痛? 牙齒會痛有當多款个症頭, 除忒看齒科先生, 頭擺戴在隔壁个鄰舍就識啉這草仔煮个茶, 食好牙齒痛呢! 這草仔个 花 來 㧻 13 過 記得無? 會黏衫褲! 有人黏到滿背 囊還毋知, 分大家笑正自家煞猛挷還挷毋得淨 還有撩刁个細倈 仔手賤摘到歸大扡, 見著人就 看鏢 㧻過去, 摎細妹仔嚇到走 13 㧻 : 音 dug 14 摷勻 : 音 jiauˇ iunˇ; 密實均勻
臺中市 105 年度語文競賽市賽客家語朗讀國小組 ( 四縣腔 ) 編號 8 號 滿姑毋係滿姑 張美容原作 滿姑來咧! 滿姑來咧! 阿姆一行落姐婆个禾埕, 表姊就緊喊緊行兼𢯭擐包袱仔 吾姆雖然分人喊滿姑, 毋過, 佢並毋係最細个阿姑 吾姐婆降一個倈仔過後, 連連續續降妹仔, 到阿姆係第五個妹仔哩, 在該生活清苦 當愛男丁做粗事个農業時代, 降恁多妹仔, 實在艱苦 姐公心肝肚想 : 罅擺哩! 好停哩! 係最尾个妹仔哩! 就摎吾姆个名仔安到 滿妹 無想著, 還係無順姐公心意, 姐婆又降第六個妹仔, 就安到 六妹, 故所 滿姑 毋係最尾个阿姑, 六姑 正係正式个滿姑 姆安到滿妹恁樣个, 分爺哀安到 庭妹 完妹 美妹, 取 停 完 尾 个音摎意思, 希望毋好再過降妹仔咧 細倈仔安名就較工夫, 有兜會看 八字 欠麼个來安名, 像名仔安到 水淼 洪波 个, 就係欠水 ; 名仔安到 火炎 燈焱 个, 就係欠火 也有盡多用金 木 水 火 土五行安名个, 像 : 金水 火土 木火 當然, 爺哀望子成龍, 也會摎細人仔安吉祥个名仔, 像 : 金龍 昌貴 德福 祥富這兜 還有一種照 字輩 來安名个, 共宗族个人一看名仔, 就知你个世輩 15 𠊎這枋人盡多嫌自家个名仔俗叭叭仔, 毋像這下人个名仔聽起來恁高尚, 實在係一個時代有一個時代个背景, 這下个人降來少, 隻隻細人仔都係寶, 安名就非常慎重, 還過這下做爺哀个書讀來多 學問深, 安出來个名仔自然較文雅 毋過, 不管爺哀摎 頭擺客家人摎妹仔安名想法盡單純, 長下最大个就安到 長妹, 第二個就安到 二妹 第三個就安到 三妹 第四個就安到 四妹, 一看就知排行, 簡單明瞭 有兜人希望妹仔像花恁靚 恁得人惜, 會用身邊个花草來安名, 像 : 菊蘭 秋桂 春蓮 金菊 雪梅就係 也有爺哀希望妹仔庇蔭家庭, 帶來財富, 摎佢安名 明珠 美玉 銀妹 錢妹 金妹 乜有盡多像吾 15 俗叭叭仔 : 音 xiug bad bad eˋ; 很俗氣的樣子
臺中市 105 年度語文競賽市賽客家語朗讀國中組 ( 四縣腔 ) 臺灣欒樹 江昀原作 變換 編號 1 號 秋天个面貌當多, 有溫度个變化 心情个起落, 還有季節个 16 逐年秋天一到, 臺灣欒樹就在寶島滿哪綻放, 無論公園 學 校 植物園, 尤其係高速公路兩片, 滿哪仔都做得看著青里里个 樹枝頂, 掛等細細仔圓圓黃色星仔型个花串, 特別餳人看 細黃 花謝忒後, 黏時就結一串一串三角粽仔型磚紅色个果子, 膨脹到 像雞胲仔樣, 又像千萬隻細燈籠掛在樹枝項, 十分生趣 接等果 子又轉暗紅色, 樹頂同時出現黃花 磚紅色果子摎暗紅色果子, 掛到樹尾頂紅羅花色盡鬧熱, 暗紅色个果子又變到燥絲絲轉淺豬 天个色調 臺灣欒樹, 別名苦楝舅 四色樹 臺灣欒華 臺灣金雨樹等等, 名列世界十大名樹之一, 輒常在臺灣各地个行道樹看著 做得成為行道樹定著愛奈得起嚴條个生長條件, 欒樹有防汙染 耐燥旱 吸收噪音這兜功能, 係盡優秀个行道樹 還細時節, 對這種樹仔無麼个印象, 這恁多年玄玄風在各地繁衍起來, 就像係臺灣个政治 人文 科技 資訊等等, 甚至生活步調 飲食文化一般, 隨時都在該變化 在該更新 臺灣特有生活裡肚 臺灣欒樹个生命韌性堅強, 一年四季變化多端, 還有罅長个花季, 一再點著臺灣秋季个天空, 代表臺灣欣欣向榮个燒暖色調, 成為秋天最本土个色彩 肝色, 樹葉仔乜因為枯黃來離枝, 風一吹就像係落黃金雨樣仔, 靚靚个落花像在該跳舞, 將樹下舖到一片金黃, 害人个目珠擘就毋開 靚到奈毋得 臺灣欒樹一年四季就像舞臺項个變裝秀, 變出豐富多彩个色目, 係植物界難得个特殊樹種, 珍貴又稀奇 聽講除忒在臺灣以外, 別个所在當難看著這種樹仔, 這正係臺灣秋 16 欒 : 音 lanˇ
臺中市 105 年度語文競賽市賽客家語朗讀國中組 ( 四縣腔 ) 背影 陳志寧原作 編號 2 號 𠊎還記得, 該下𠊎正小學三年生 在該時節个𠊎, 放尞日毋 係搞, 該無愛做麼个呢? 同人無相同个, 係吾爸有吔年紀正降著𠊎 毋係佢早毋降, 係因為佢從細屋下無耕無種, 畜自家佢都無把握畜得起, 佢仰會 敢討餔娘 降細人仔? 下後討吔吾姆, 兩公婆逐日打拚到兩頭烏 17, 勉強一家人食宿正無問題, 日仔還算過得得 18 下後吾爸同叔公贌菁園來做, 蒔禾个田坵拿來種菁仔, 事頭 比較輕鬆, 等菁仔出 愛割菁仔个時節, 就盡驚屋下人手無罅, 吾爸就會使𠊎跈佢兜去菁園做事 問題係一個正十歲个細人仔, 做得𢯭手麼个? 去到菁園, 𠊎愛跈等吾爸割菁仔 佢背等鬥菁鐮仔个竹篙, 頭那臥起來看樹頂項个菁弓 19 佢先割幾粒仔下來試子仔 20, 確定 罅大粒, 正做得歸弓仔割下來 愛同歸弓仔个菁仔割下來該下, 吾爸因為兩隻手愛使鐮仔, 佢會喊𠊎在樹頭下用手承等菁仔, 等 菁芎跌下來个時節用手去接, 菁仔正毋會跌到地泥項, 擲壞忒, 21 賣半點錢就毋著, 該就打爽了 該央時菁仔價數十分好, 一粒手指公大細个菁仔, 做得換一 22 碗麵 有幾下擺, 𠊎分該跌下來个菁弓拌到手盡痛 明明伸出去 愛接菁弓个手, 聽著菁弓跌下來个聲音, 𠊎著驚到跔轉來 跈等 菁弓跌在地泥項个聲音, 就係吾爸開聲罵人 山狗仔, 你知該係幾多錢無? 吾爸咄𠊎 吾个手盡痛 𠊎目汁跈等流下來 痛乜愛忍,, 痛又有麼个相關? 佢接等罵 屋下就看佢食飯, 你愛讀書个錢乜係對這來 吾姆較軟心, 挲等吾啾紅个手, 扐等𠊎當毋盼得 在吾姆心 23 肝前, 吾目汁跈等吾个抽掣, 流一路出 𠊎心肚仔愐 : 別人都做 得放尞, 有好買糖仔食, 做麼个單淨𠊎愛來園仔項做菁仔事? 二十零年後, 𠊎既經大學畢業出社會食頭路賺錢了 還細跈 去做菁仔事个菁園, 在叔公過身前轉手賣分吾爸 無共樣个係這 下菁仔無麼个價數, 園仔項早就伸無幾多頭菁仔 無經濟壓力个 生活, 吾爸在園仔項種兜青菜, 隔壁鄰舍一概都有食祿 該日仔去園仔同吾爸𢯭手種菜, 在背尾看等厥身影, 還細同 佢共下割菁仔个情景還愐得起 𠊎同手挲挲啊! 愐著揇等吾姆噭 眵, 對吾姆耳角看吾爸个身影, 吾目汁又偷偷仔流下來 17 18 19 20 得, 本音 dedˋ, 含有 可以 能夠 的意思 在口語中, 常因急讀而唸成 eˋ 或 eˇ 以下同此注釋說明 菁仔 : 音 qiangˊ eˋ; 檳榔 菁弓 : 音 qiangˊ giungˊ; 讓檳榔果實生長吊掛的枝椏, 亦可說是整串的檳榔 試子仔 : 音 cii ziiˋ eˋ; 試試看檳榔的大小 21 22 23 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情境, 自由詮釋發揮 以下同此注釋說明 拌到 : 音 panˊ do; 力量很大的打擊 抽掣 : 音 cuˊ cad: 因為哭而抽搐的樣子
臺中市 105 年度語文競賽市賽客家語朗讀國中組 ( 四縣腔 ) 編號 3 號 敬字惜紙話聖蹟 部編版客家語分級教材第八冊 一頭樹仔項, 兩個細人仔吊晃槓, 請揣一隻字 答案就係 來, 你有揣著無? 恁生趣个漢字, 係上古時代流傳下來个 還較早先个人, 用索仔打結來記事, 毋過無法度做較複雜个記載, 後來个人就觀察天下萬物个情形, 造出代表各種意義个符號, 這種符號就安到 字 相傳倉頡造字个時節, 天雨粟, 鬼夜哭, 可見得文字个發明, 係一項驚天動地个大事, 後世就尊佢為 制字先師, 所用个文字就係 聖蹟, 並起亭臺來奉祀, 將文字神聖化 因為尊重知識 看重讀書个觀念, 寫有文字个字紙也有吔神 26 拿到河壩脣燒忒, 熡就放長流水流走 有兜莊頭還會組成 敬字 會 起聖蹟亭, 逐隻月初一 十五, 拈字紙个莊民就㧡等字紙籠 仔, 一路緊行緊喊 收字紙哦! 收著个字紙愛㧡到聖蹟亭燒忒, 字紙火化成灰, 將人崇敬文字个心意傳分上天 有文字, 正做得保存人類个思想 創造禮法摎制度, 正有文 明个出現 因爭文字有恁大个影響力, 在這印刷發達, 網路資訊 流通恁遽个時代, 毋管係報章雜誌, 也係網路資訊, 輕輕鬆鬆就 27 文字, 乜愛好好來利用佢, 毋好利用文 字來散佈無健康个言論 昔時賢文講个 讀書須用意, 一字值千 金, 就係這道理 這下拈字紙去燒个人少哩, 初一 十五聖蹟亭項也罕得看著 燒字紙, 毋過將用過个字紙回收再利用, 毋單淨係敬字惜文, 過 化存神 28, 也係保護地球, 痛惜子孫个表現 聖性, 後來就形成敬字惜文个風俗 特別係對敬重文風 晴耕雨 讀个客家人來講, 該兜字紙, 像有神靈樣仔, 毋好坐著也做毋得 24 𨃰著 大人長透會對細人仔講 : 係坐著啊! 會讀書毋識唷! 係無, 就嚇佢講 : 坐著字, 尸朏會綿忒哦! 連無愛个廢字紙, 25 都做毋得儘採擲, 定著愛先放在神桌腳下个字紙籠仔肚, 淰吔正 24 25 𨃰 : 音 kiam; 跨 字紙籠仔 : 音 sii ziiˋ lungˊ eˋ; 放置廢字紙的簍子 26 27 28 熡 : 音 loˊ; 灰燼 儆惜 : 音 kiang xiagˋ; 珍惜 過化存神 : 音 go fa sunˇ siinˇ; 字紙燒成灰, 字神永留存
臺中市 105 年度語文競賽市賽客家語朗讀國中組 ( 四縣腔 ) 編號 4 號 吾个生涯規劃 部編版客家語分級教材第九冊 加一駁仔, 𠊎就愛國中畢業吔, 這下个心情就像老鼠跌落米 缸肚, 一重歡喜一重愁 歡喜个係愛畢業, 準備行入另外一個階 段 ; 愁个係毋知愛讀仰仔个學校 好得這段時間, 學校辦吔一系 列生涯規劃个活動, 對𠊎有異大个幫助 原本𠊎對自家个生涯規劃, 總係無主無意 從細仔阿爸就對 29 𠊎講 : 愛認真讀書, 日後正有機會坐橫桌 擎直筆 𠊎斯無讀 著書, 正會一生人揢泥卵仔 擎勾筆 30 故所一路里來, 𠊎就聽 吾爸个話, 煞猛讀書 在聽吔 成功者个故事 演講過後, 𠊎開始有自家个想法, 原來愛成功毋單淨靠讀書定定, 還愛曉得思考 做正確个選擇, 用積極个態度來面對問題 演講內容講著有一個老先生, 從細愛𢯭手做田事, 知得耕種 个辛苦, 就立志改善屋下人个生活 佢十五歲出外打拚, 見做麼 31 个就當煞手, 認真學習, 正學著做生理 做大頭路个本事 下後, 佢結婚降子, 有吔美滿个生活後, 就想著愛回饋社會, 出錢出力, 做吔異多當有意義个事情 佢還鼓勵後生人愛有理想, 愛知自家做得做麼个 愛做麼个, 做事愛篤實 講信用 有計畫, 恁樣正會成功 人講啊 聽君一席話, 勝讀十年書, 聽吔有關老先生个故事, 𠊎異感心, 也對自家个未來, 有較清楚个方向 因為𠊎座大, 從細屋下个大小事情都愛帶頭做, 感覺像學校先生樣仔, 故所就想行教育這條路 ; 因爭自家對維持正義个警官 律師 法官有興趣, 乜想試看啊 毋過, 做這兜頭路定著愛有專業个知識, 還係愛煞猛讀書正做得 係講讀吔高中, 愛繼續收集這兜行業个資訊, 也愛多參加社團活動, 做下二擺選讀大學科系个參考 人講 : 打田打地, 打毋忒手藝, 讀書時節, 𠊎乜愛把扼學習个機會, 學有技術, 取著證照 後生多勞碌, 老來好享福, 將來出吔社會, 𠊎愛還較認真, 毋驚食苦, 堵著問題勇敢面對, 想辦法解決 ; 𠊎愛多交朋友, 對人開容笑面 和和挼挼, 日後對𠊎个事業正有幫助 老古人講 食毋窮, 著毋窮, 打算毋著一世窮, 趕後生 32 就愛做好生涯規劃, 了解自家, 煞猛打拚, 相信一定會行出自家个路 29 30 31 坐橫桌 擎直筆 : 音 coˊ vangˇ zogˋ kiaˇ ciid bidˋ; 指從事文職工作的人員 擎勾筆 : 音 kiaˇ gieuˊ bidˋ; 指拿鋤頭做農事 當煞手 : 音 dongˊ sadˋ suˋ; 很積極 動作快 32 趕後生 : 音 gonˋ heu sangˊ; 趁年輕
臺中市 105 年度語文競賽市賽客家語朗讀國中組 ( 四縣腔 ) 雞仔毋見忒 彭瑞珠原作 編號 5 號 師傅話講 十隻雞子毋見忒九隻 一看就知 該兩隻雞仔 33 毋見忒兩隻咧? 當鬧熱哦! 歸莊頂个人唩唩喊喊 麼人个雞仔恁 會飛? 在茶園項飛了! 係唷! 該兩隻雞仔當會飛, 飛歸丈仔高, 飛上茶園, 還在茶園肚飛上飛下, 搞到暢蹀蹀仔 34 戇姐婆惜外孫! 吾姆啊, 捉一竇巷仔雞个雞僆仔來畜, 講畜分佢較熟水兜仔 藥性走較淨兜仔, 愛分厥孫仔食啊 自家 畜个雞仔, 煲个雞湯斯還香哦! 毋過, 見擺㓾雞仔, 𠊎兩子哀都 分奮命个雞仔 血漬漬仔个雞旺仔, 嚇到眼呆呆仔 心肝哱哱猋 ; 香香个雞湯, 斯還鼻得著雞仔个魂魄哦, 仰吞得落? 伸著該兩 頭擺, 做細人仔時節, 姐婆屋下个橫屋乜有一間大雞棲 有 36 成時, 上半夜歸雞棲仔嘰嘰啾啾, 一屋下人都走去雞棲逐孤盲狗 37 幾下擺, 雞棲門關到好適適仔, 雞仔還係毋見忒, 拗蠻怪奇 38 有一擺, 雞棲肚又乒乒乓乓了, 大家都起腳走, 相賽愛看係麼个 鬼怪 結果, 一尾大嫲尾个臭青嫲, 還吞等一粒雞卵, 分大家嚇 到湢瀉 39, 瀉到無魂無影 過成點鐘邊仔, 換阿姊分佢嚇到嘰嘰滾 40, 因為阿姊一入間房, 就看著該尾蛇哥, 囥到厥架仔床个眠帳頂 啦! 上隻月, 對門阿姊个雞仔也毋見忒, 還留幾下條雞毛分人譴 狗仔又先分人怪怨, 搣到逐家人个狗仔都係嫌疑犯, 狗仔乜毋 歡喜 包尾, 凶手分人尋著哩, 係山貓擎走个啦 山貓呢! 臺灣 41 个平地又看得著山貓吔, 還走去阿姊个雞棲鬧狗 係愛暢? 隻雞嫲就得著養老令了, 畜到變老雞嫲 菜園肚个雞棲無頂, 搭 一隻瓠棚分雞仔抵涼, 雞屎留起來好做肥料 兩隻雞仔都畜到老 翹翹 精砉砉仔, 臨暗仔兩個湊等就走毋見, 飛過瓠棚, 飛上峎 35 頂, 去茶園肚跳舞 唱歌仔 尋食 整治蟲蝶了 33 34 35 唩唩喊喊 : 音 voˋ voˋ hemˊ hemˊ; 大吼大叫 巷仔雞 : 音 hong eˋ gieˊ; 仿土雞 整治 : 音 zangˋ cii; 捉弄 36 37 38 39 40 41 嘰嘰啾啾 : 音 ji ji jio jio; 狀聲詞, 形容雞叫聲吵雜 好適適仔 : 音 hoˋ xiedˋ xiedˋ eˋ; 十分理想 妥妥當當 乒乒乓乓 : 音 pin pin pong pong; 狀聲詞, 形容雞舍裡發出的聲響 湢瀉 : 音 bid xia; 迅速逃離 嘰嘰滾 : 音 gi gi gunˋ; 尖叫聲 鬧狗 : 音 nau gieuˋ; 搗蛋
臺中市 105 年度語文競賽市賽客家語朗讀國中組 ( 四縣腔 ) 六月割禾 張美容原作 編號 6 號 六 七月金金个日頭, 晒到人頭暈腦疺 懶𧊅𧊅仔, 囥在屋 下看一下電視 睡一下當晝, 早就變大家个習慣了 這下个人實 42 在好命, 就算耕種人, 因為機器耕作摎休耕, 六月天公, 家神 牌會停動 个日仔少見哩! 時代無共樣咧! 頭擺, 割禾係農家个大事情, 一早, 一屋大細就無閒洎杈, 吾屋下耕有甲零田, 因為阿爸 阿叔係公務員, 對田事無內行, 故所全靠房族个叔公𢯭手 愛割禾哩, 叔公會請好師傅 尋好禾 埕 準備好愛用个工具, 全毋使阿爸愁慮 倒轉來無閒个係阿姆 阿叔姆兩姊嫂, 除忒煮三餐正餐以外, 還愛㧡兩餐點心 長透 擔竿个一頭係綠豆湯 一頭就米粉湯 ; 一頭甜米篩目 一頭就鹹 六月个日頭盡得人畏, 最辛苦个還係一身晒到烏刻刻仔 做 到汗珠溚溚跌个割禾師傅, 佢兜愛磬等腰骨割禾 愛㧡等重重个 44 45 穀擔 還愛大力躪斛桶打穀, 項項事就恁食力 艱苦 阿爸體 恤師傅个辛苦, 除忒三餐加菜以外, 完工該暗晡還會煮一桌豐豐 沛沛个桌席請師傅, 有雞盤 鴨湯 ; 有爌肉 魚仔 ; 有豬腸炒薑 絲 芹菜炒魷魚這兜, 還會準備涼涼个涼水 沙士 麥酒, 一定 愛分師傅食著滿意 啉到歡喜 在𠊎做細人仔个時節, 除忒過年過節 做平安戲以外, 愛割 禾做完工正有恁豐沛好食 到較大兜仔, 阿爸會特別擇放尞日來 做完工, 分外背讀書 做事个細人仔做得轉來食一餐豐沛 人講 : 六月天公手痛, 痛到笑 ; 三十暗晡嘴痛, 痛到噭 對吾屋下 个細人仔來講, 六月天公手痛毋痛無關係, 嘴係痛, 就會有好噭 哩! 這下想起來, 𠊎從細田事就毋使𢯭手做, 食顛倒毋識少過, 實在好命 實在幸福 米篩目 ; 一頭仙草 一頭就竹筍粥, 點心一定有鹹 有甜 有變 化 阿姆兩姊嫂, 朝煮忒煮點心, 點心煮忒煮晝, 晝煮忒又煮點 心, 點心煮忒就愛煮夜, 歸日仔煮無停, 最艱苦个還係六月天公 43 在滾水頂高刷米篩目, 分滾水呵到汗流脈落 42 43 六月天公 : 音 liugˋ ngied tienˊ gungˊ; 農曆六月天 呵 : 音 hoˊ; 噓氣, 熱氣冒出或上衝 44 45 躪 : 音 nang; 踩 踏 斛桶 : 音 fug tungˋ; 腳踩的打穀機器
臺中市 105 年度語文競賽市賽客家語朗讀國中組 ( 四縣腔 ) 一隻飯包 劉玉蕉原作 編號 7 號 過晝哩, 請一儕領一隻飯包轉去食! 雅秀四正个外形, 嗯, 看起來毋會㜮! 領著飯包, 一陣燒暖 傳到手項來, 還貼心哦, 還有一杯燒湯呢! 恁用心个飯包, 哪訂 个? 看真了, 燒暖退忒一半, 信望愛甜甜屋, 腦膈肚浮出一隻 畫面 : 嘴開開 眼呆呆 行路踜踜蹭蹭, 無定著還流等口涎个一 群人, 心肝肚愐 : 敢好食? 有淨俐無? 在車肚, 飯包像搞怪个細孲仔共樣, 帶等暖暖仔个香氣, 遊 46 遊野野搣到歸車仔飯菜香, 餳到肚屎嘰哩咕嚕緊抗議 毋過心肝 肚還係無確定, 這隻飯包到底食得無? 轉到屋下, 飯包還溫燒溫燒, 像拆祕密禮物个心情趕緊打開 47 飯包 哇! 香氣衝到鼻公項來, 餳人合萋婥婥仔个菜色, 看 菜油光油光, 鹹淡乜堵堵好落嘴 平常時外背食飯, 驚怕蒂頭無 洗淨, 乜驚農藥吂過, 𠊎毋敢食青菜 今晡日天公落紅雨了, 𠊎 50 食到一息菜都無伸 該菜蓋頭當會囥泥个位所, 𠊎挑挑擘開來檢 查, 當場感動到心肝肚五味混雜, 實在淨俐! 第一擺食著恁歡喜 恁放心个飯包, 難得个係飯包肚看毋著有加工過个齋料, 除忒 好食, 還較多个係感心! 飯包既經食忒了, 溫暖个感覺跈喉嗹行到心肝肚 係仰般个 愛心同耐心, 分訓練个先生甘願挑戰高難度, 付出加倍个時間來 指導該兜慢板 毋即靈个一群人? 愛花幾多心血正做得出恁樣高 水準 有品質个飯包? 一枝草一點露, 因為先生, 佢兜除忒畜 飽自家以外, 乜減輕了屋下人个負擔 天公少分該群人某種能力, 毋過訓練先生發揮人性个光明面, 教佢兜打開另外一扇窗門, 毋使靠人同情 救濟, 擎起釣梹就釣自家想望个彩色魚 邊脣幫 溫情能得像佢兜个飯菜香共樣, 傳到長長久久 得出做飯包人个認真, 菜色還多哦! 記毋得 算毋出有幾多種還 48 49 過有哪兜仔菜, 就知五穀飯又球又軟, 豆腐乾𤐙到會承牙, 青 46 47 48 49 遊遊野野 : 音 iuˇ iuˇ iaˊ iaˊ; 閒蕩 萋婥婥仔 : 音 qiˊ qiogˋ qiogˋ eˋ; 潔淨的樣子, 此指新鮮而亮眼 𤐙 : 音 biag; 用油乾炒 承牙 : 音 siinˇ ngaˇ; 食物有韌性, 口感彈牙 50 菜蓋 : 音 coi habˋ; 菜葉
臺中市 105 年度語文競賽市賽客家語朗讀國中組 ( 四縣腔 ) 補冬 邱一帆原作 編號 8 號 立冬該日, 阿梅就會燉補, 分一屋下人食, 這係阿明從細到 大, 印象當深个一件事情 記得阿明還細, 阿梅一屋家人就戴在 柑仔寮 一個原旦放柑仔, 過後簡單整理出來个屋 一間陋陋 51 肖肖个屋, 寒天一到, 仰般遮 仰般塞就無法度阻擋, 冷咻咻仔 个寒風尋著縫鑽入屋肚 間項來 暗晡頭睡目, 阿梅一屋下人輒 常擠擠揫一頂眠床, 睡到共下, 一領被骨拉上拉下, 拉到大家入 覺為止 寒天到來愛燉補, 阿梅一直記在心肝肚, 乜一直有做著 在 柑仔寮, 阿梅自家一儕人, 愛渡四個子女, 生活上重重个擔頭, 佢一肩㧡起 出外同人做小工 52 摘茶, 在田項種菜 屋下桊珠仔 剪線結或者割兜仔朳仔 弓蕉來賣, 所有莊下做得賺錢个頭路, 佢拚命去尋 煞猛去做, 較苦苦自家, 一心就想愛分子女過好 阿姆, 您鑊仔裡肚燉个係麼个, 還香喔! 阿明在灶下鼻 著, 自從毋識鼻著个味緒, 自鼻公鑽入, 餳出嘴空肚个口涎水, 順等喉嗹頭流入胃腸肚 胃腸產生一種嘰哩咕噜 嘰哩咕噜个聲 響, 這聲響停動著敏感个神經, 黏邊傳到大腦, 連到另外一條神 經 無兩下半, 阿明忍毋核開嘴就講 : 阿姆, 𠊎想愛食燉補 好喔! 這就係愛燉分你恁多姊妹食个啊! 等若姊放學轉來共下 食 阿明个嘴像屎缸蟲樣仔蠕蠕動, 口涎水緊流 立冬這日暗晡, 外背冷風雪雨, 阿梅一屋下人在柑仔寮共下 食燉補 阿梅夾一隻燉到酪酪个雞髀分阿明, 阿明同雞髀擘到一 絲一絲仔, 一絲一絲仔噍, 傍一口一口个燒湯 黏時, 該講毋出 个燒暖, 流入嘴空, 流入喉嗹 胃腸裡肚, 再跈等血液流到圓身 53 通體, 歸屋間, 就恁樣燒暖起來 外背入肉刺骨个寒風, 𠗻毋著 阿明, 乜𠗻毋著阿明个屋下人 阿明, 天光日立冬, 阿姆無閒, 記得愛燉補, 阿姆正去分 你請喔! 好喔! 𠊎定著會燉, 你乜愛記得過來食喔! 三十零 年後, 阿梅同阿明提醒講, 立冬愛燉補 个生活 像阿明出著世來, 就黃皮瘦弱, 手腳生到像鉛線仔樣仔, 係平常無分佢食較好兜仔, 立冬無燉補分佢食, 驚怕會畜毋生 喔! 51 52 陋陋肖肖 : 音 leu leu seu seu; 簡陋不堪 做小工 : 音 zo seuˋ gungˊ; 打零工 53 𠗻 : 音 gien; 以冷物碰觸
臺中市 105 年度語文競賽市賽客家語朗讀高中組 ( 四縣腔 ) 55 56 得擐東西, 手指尖尖翹翹, 兩隻腳長長躡腳尾, 有一雙芮芮仔 人公仔 徐月里原作 編號 1 號 記得𠊎讀國民學校一年生个時節, 異驚生份 等到𠊎讀三年 54 生該年, 膽量就緊來緊大了, 有成時𠊎會在街路頭踔上踔下見世 面 有一日, 𠊎著等該雙既經著有兩年 無異合腳又還好好个屐 仔, 在市場脣个街路項踔來踔去 該舊街路頭有一間洋品店, 聽講店肚賣異多洋貨 有賣該紅 色布面 白色鞋帶 細妹仔著个關公鞋, 過年時, 吾姆識同𠊎買 過一雙, 講𠊎讀書時節正好著 店仔面前擺一隻做得徙停動个細 糖攤仔, 有賣抽糖仔个東西, 乜有賣兜仔假銃仔啦 紙牌啦 人 公仔啦這兜細人仔搞尞个東西 成下仔𠊎討著五角銀, 就會去抽 糖仔食 該日餳著𠊎个東西, 係用枋仔釘起來个架仔頂吊等个該 隻 -- 用光面塑膠紙包起來个塑膠人公仔 該隻塑膠人公仔異無共樣, 厥頭那毛虬虬膨膨, 目珠圓圓金 洋裝, 上身胸脯大大, 腰骨細細, 下身係攝幼褶个膨裙, 實在還 靚个人公仔哦! 𠊎實在當想買 頭家看𠊎企在擔仔前看恁久, 就行上前問 : 細阿妹仔, 有想 愛買無? 轉去同屋下人討錢來買! 該正經係驚死人个價數, 你 知無? 𠊎愛幾下隻禮拜正討得著五角銀好買食, 該下五角銀斯做 得買著甜甜又透心涼个清冰一支呢! 頭家講該身人公仔愛 十七 箍! 57 𠊎緊拚拚仔走轉去同吾姆講 氣緲緲仔, 講都毋會清楚, 還 58 緊揪吾姆个手去現場看 噭乜噭了, 嘺也嘺過了, 𠊎舞到自家目 汁濫泔 吾姆講 : 這下屋下哪有恁樣个閒錢好買呢? 莫過噭了! 阿姆用花布仔做一隻得人惜个布人公仔分你搞 莫再噭到像食著 雞腸樣仔, 好恬了, 這五角銀囥好! 𠊎毋甘願歸毋甘願, 一時 乜想無計 自家乜知實在係嘺人, 鼻公摸摸仔 目汁捽燥來, 就 恬恬仔無再過吵佢了 金, 會停動, 目珠毛翹翹, 鼻公刀利利, 鼻公頭錐錐, 鼻公空細 細, 手腳幼幼長長, 做得變換動作 該兩隻手髀略略仔彎彎, 做 54 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 境, 自由詮釋發揮 以下同此注釋說明 55 56 57 58 躡腳尾 : 音 ne/nen giogˋ miˊ; 提起腳跟, 用腳尖著地 芮芮仔 : 音 nui nui eˋ; 很小的 一點點而已 氣緲緲仔 : 音 hi meuˋ meuˋ eˋ; 上氣不接下氣的樣子 嘺 : 音 kieuˇ; 吵鬧糾纏
臺中市 105 年度語文競賽市賽客家語朗讀高中組 ( 四縣腔 ) 柯仔子 江昀原作 編號 2 號 吾哥係大號个細人仔, 從細歇在山肚, 滿山趖滿山走, 山頂 个樹種 野花山草, 怕異少佢毋識个, 莫講係香絲仔 油桐樹, 59 連高天天个黃牛檀 柯仔樹, 佢就當熟絡 過兩日就係聖誕節了, 吾哥用掛號信寄來成十粒柯仔子, 咖啡色个柯仔子像手指尾恁 60 細粒仔, 長胲長胲 圓圓, 差毋多像蓮子个形投, 毋過柯仔子砉 硬 61, 做細人仔个時節, 專門拈來準極樂仔搞, 在蒂頭平平个所在 揤一節香精骨落去, 利用尖尖个尾做支點, 尋一隻平平个石頭或 62 者係桌頂, 用手指公摎蛇頭指拈等香精骨擰一下, 柯仔子就會捩 捩轉, 看麼人捩較久來比輸贏 搞柯仔子个記憶, 分𠊎想著屋側角該頭牛眼樹, 牛眼樹當大 頭, 長年透天青溜溜仔, 大人細子就盡好在樹下尞涼 樹下有一 粒異大粒个石頭, 長長又平平, 盡堵好坐 捩柯仔子比賽大體就 會在這進行, 輸个人愛分贏个人一粒柯仔子, 柯仔子越多个人就 越好額 ; 頭擺个細人仔無麼个錢好使, 旦旦就係囥兜金珠仔 紙 63 擗仔 也係柯仔子, 下把仔歇在街項个細人仔無哪好拈, 就會來 摎佢買, 恁樣就做得賺兩銑錢買糖仔食, 故所講這兜東西就係山 頂細人仔个財產 吾哥從細就當即靈 64, 講著搞就一條線, 佢用鉛線仔搵个輪仔 65 又圓又靚, 盡好駛, 分人搞到毋會懶 ; 佢削个樹弓仔亮亮又拄固, 䌈一條樹乳仔上去, 看係愛打鳥仔也係打果子都做得, 連學校 个同學都會摎佢訂 有一擺, 都市來个先生講想愛食水蕨, 吾哥七早八早就䟘床, 飯就無顧食, 揹等書包仔到圳溝脣拗水蕨, 拗著一大抓, 儘採 挷一條草仔綑綑哪, 就愛帶去學校分先生, 前腳正踏出水面, 就 看著一尾水蛇趖等過來, 吾哥著驚一下走到尾瀉屎, 一路走到學 校腳就無貼地 對該擺起勢, 先生出較高價佢都毋肯摎先生拗水 蕨了 吾哥正經係大號个搞頭王, 若係看著細人仔在該鬥無敵鐵金 剛也係擎布袋戲, 佢都會去共下搞 鬥鬧熱, 下把仔還會教細人 仔用膨鏡引日光做科學研究, 故所細人仔乜盡好尋佢, 三輪車壞 忒啦 芭比娃娃 手斷忒啦, 拼圖鬥毋起來啦 麼个奇奇怪怪 个齣事都會來尋佢 佢正經當熱心, 大人細子就好同佢共下, 從 細到大个人緣盡好, 相識滿天下, 佢出去旅行个時節, 單淨帶兩 領衫褲就做得, 行到哪食到哪, 毋管山頂海脣, 哪位都有朋友, 大家都當歡迎佢, 佢總係帶分大家歡喜快樂 59 60 61 62 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情境, 自由詮釋發揮 以下同此注釋說明 形投 : 音 hinˇ dauˇ; 模樣 樣子 砉硬 : 音 guag ngang; 堅硬 擰 : 音 nunˋ; 用拇指和食指捏著東西來回轉動 63 64 65 紙擗仔 : 音 ziiˋ biag eˋ; 紙牌, 指孩童時期玩的圓形紙牌, 圖案多為卡通人物或電視 電影劇中人物 即靈 : 音 jidˋ linˇ; 腦筋靈活 拄固 : 音 zuˋ gu; 堅固穩當
臺中市 105 年度語文競賽市賽客家語朗讀高中組 ( 四縣腔 ) 編號 3 號 阿煥伯个想望 邱一帆原作熱天, 都市肚冷氣緊開緊大, 有錢人享受冷氣, 無錢个人忍受排出來个熱氣 廢氣, 分人走無空囥, 只因為愛歇在都市, 分莊下人認為有出息, 就算仰般無品質个生活也愛忍耐再忍耐, 火爐堆, 分人煉金鍊銀, 正經有較遽? 阿煥伯行到茄苳樹下, 坐在大樹下个石頭面, 緊想這兩三十年, 在都市个生活, 敢有麼个意思? 便利个交通, 無半點人情味 ; 隔壁鄰舍徙來徙去, 無半個還有聯絡 ; 物質充足, 有食毋忒个浪費 花毋忒个打爽 ; 政治口水噴上噴下, 兩三十年來, 都市培 聽隔壁熟絡山林河壩个阿亮仔講, 這位還有蛤蟆哦! 66 毋過, 歸個山頭, 會分阿煥伯翻透 翻交了, 還係尋毋著 eb eb 个蛤蟆, 阿煥伯毋相信這係事實, 阿亮仔講話應該毋會騙 人, 這下係轉去屋下一個半個都無捉著, 見笑哦! 阿煥伯行轉茄 苳大樹下, 等看啊! 心肝肚想, 係有, 蛤蟆應該會出來啊, 請遽 遽出來哦! 涼風陣陣吹來, 阿煥伯耳公聽著緊來緊多个聲音 風吹竹林 疏疏滾个聲, 穿過娘花叢項沙沙滾个聲, 茄苳樹頂飛鼠尋食唧唧 喊个聲, 還有毋知名个蟲聲, 這就安到天籟! 天籟就在阿煥伯个 身邊 四圍, 阿煥伯恁樣想 竹樹花草也在該自由搖擺, 自然个 聲響 自然个節奏 自然个律動, 一切分人仰般自然个感受, 無 食酒也會有息把仔醉意啊! 就算無捉著蛤蟆, 今暗晡也值得啦! 養當多看高毋看低个目珠, 短視近利, 其實就像井肚个蛤蟆 講正經, 還係莊下較贏! 阿煥伯緊想緊有道理, 莊下个隔壁鄰舍, 該種純樸 善良同熱情 ; 莊下个自然 恬靜絕對比都市贏加十倍百倍, 退休轉莊下, 阿煥伯特別有感受 蛤蟆 eb eb, 屙屎相擲 阿煥伯還記得有當多个蛤蟆, 就在 這山溝 山壢肚 暗晡頭, 特別係落水過後个暗晡頭, 蛤蟆 eb eb 滾个聲, 響透山林 山田石䃗崁下, 這下嗄毋知走到哪位去? 66 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 境, 自由詮釋發揮
臺中市 105 年度語文競賽市賽客家語朗讀高中組 ( 四縣腔 ) 編號 4 號 養成好个讀書習慣 徐貴榮原作 當多做阿爸 阿姆个人, 長透會問 : 厥細人仔生來異精靈, 仰般書會讀毋來呢? 有兜人就去廟項燒香 拜佛 求靈丹, 有兜 人就怪交著壞朋友, 還有兜人會怪學校个先生毋會教 大家來試 想啊 : 恁樣, 敢著? 67 記得頭擺讀國中个時節, 一日到暗捩捩轉, 想空想缺 企坐 毋核, 坐無兩分鐘, 屎胐就像生竻樣仔, 企起來摸這摸該 看電 視 打電動 逐擺發成績單, 無一科見得人 有一暗晡, 吾姆帶 𠊎去吾姨个屋下, 看吾表姊仰般讀書 𠊎兩儕一入門, 就看著吾 姨丈恬恬仔在廳下整理資料, 吾姨在該看書, 吾表姊摎表老弟共 68 69 下在該寫課題 𠊎跈等就分醒過來了 : 厥屋下讀書个習慣恁好, 難怪細人仔盡會讀書! 可見讀書習慣係盡重要个 到底愛仰般養成好个讀書習慣呢? 𠊎看著吾姨屋下个情形, 想著下背三點來分大家參考一下 : 70 第一 讀書心愛專, 毋好花娘心捩捩轉 人講 : 心專石穿, 毋過, 盡多人讀書, 一本書拿等, 就像該 細和尚仔唸經 -- 有嘴無心, 心肝肚緊想別个事情 一下仔想搞電腦, 一下仔又想 出去尞 讀無兩下仔書, 又分當多別樣个事情雜入來 心毋定, 想愛摎書讀好, 該就 等雞公生卵 -- 哪有希望 故所, 毋好摎 電腦 收音機 漫畫書 好搞个東西放到書桌个脣頭, 恁樣, 正 會專心 第二 課內摎課外个事情愛分開 讀書个時節, 毋好去想學 校社團摎出去尞个事情 閒時閒節, 無麼个要緊个事情, 毋好緊 打電話 ; 逐日見面, 毋使用 E-mail 傳來傳去, 浪費時間 課內摎 課外个時間, 係無分清楚, 搞又無搞著, 書又無讀好 第三 愛有計畫 時間一到就愛去讀書, 做毋得先生無出作 業, 就毋讀書 其實, 高中生个課業當重, 愛讀个書堆山塞海, 故所, 自家愛有計畫, 好好安排讀書个時間 老古人言講 : 甘蔗 食了一目正一目, 定著愛一步一步去複習頭擺讀過个東西, 乜愛 先看天光日个科目 最尾, 𠊎想大家个頭腦差無幾多, 讀書个習慣係毋好, 讀書 就有差, 等考試到了, 就算 三十暗晡个尿桶 -- 盡拚 又乜難 好个讀書習慣較贏, 字墨正會飽 67 68 69 想空想缺 : 音 xiongˋ kungˊ xiongˋ kiedˋ; 胡思亂想或想盡辦法 動歪腦筋 分醒 : 音 funˊ xiangˋ; 甦醒過來, 清醒 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情境, 自由詮釋發揮 以下同此注釋說明 70 花娘心 : 音 faˊ ngiongˇ ximˊ; 不專心, 三心兩意
臺中市 105 年度語文競賽市賽客家語朗讀高中組 ( 四縣腔 ) 紅柿 謝杰雄原作 編號 5 號 𠊎當好一個人恬恬仔行落山肚去, 無人來交談, 這係一種對 山个尊重, 對𠊎來講, 還較係一種做得治療𠊎心神个享受 去山 頂, 𠊎會有一種像人去深山古廟朝拜个心情, 毋過吾个目標毋係 深山古廟, 係一頭野生个紅柿樹 阿爸過身後, 𠊎去山頂遶尞, 發現一頭像𠊎細細仔該下, 在 故鄉莊下時, 記憶肚个該頭有千支手萬支手 大大榮榮个紅柿樹, 當時佢飆一路過來, 挷走吾个心, 押走吾个不安, 醫好吾个驚 心, 續等就摎𠊎拉轉到三十年前个記憶肚去 在山頂該三甲零大个山園肚, 𠊎最好該頭 紅柿樹, 該係當 熟又無麼个熟个樹仔 熟, 係因為佢係𠊎生命肚冷冷个溫暖 ; 無 熟, 係因為佢一分一秒緊離開𠊎 昨暗晡歸夜係落雨聲, 逐秒鐘𠊎都想等紅柿 雨水千潑又萬 71 潑, 毋知愛潑幾多潑正轉得到故鄉, 正見得著阿爸个面容 𠊎攉 毋忒阿爸蹶上紅柿樹个背影, 捽毋忒佢在紅柿樹下, 擘柿仔講古 个身影, 剪毋斷佢䟓䟓擐一籃紅柿來分𠊎个滿足 𠊎當記得該頭 三棧樓高个樹身, 硬㧡起千手樹椏 ; 千手樹椏, 硬挷大一隻隻吂 熟个柿仔, 在該大山崠頂, 打露食風, 風吹日炙个日仔 在山頂𠊎兜用苦楝樹葉摎山芋荷葉翕紅柿 芋荷葉先放落醃 缸肚座底, 續下來放一層紅柿 ; 過來弇芋荷葉一層, 再過放紅柿, 續等愛弇苦楝樹葉, 最尾正用芋荷葉弇塞塞, 醃缸嘴用枋仔弇 等, 矺隻石牯上去就做得, 幾日仔就會有紅紅軟軟个紅柿 阿姆 放一層柿仔, 就會交代𠊎 : 記得兩日仔愛來看啊, 看會忒過燒無, 毋好分若爸轉來無紅柿好食哦! 72 離開故鄉三十零年了, 𠊎毋識再鼻著這種苦楝樹柿仔味, 這 下紅柿對𠊎來講就伸冷冷个溫暖, 冷个係阿爸當少轉屋下, 暖个 係佢翕紅柿个雙手 雖然粗殘个時間捉阿爸做獵物, 捉走阿爸个 心跳, 毋過山頂該頭紅柿樹, 摎𠊎兩子爺个線路接通, 分𠊎做得 摎阿爸講吾个心事, 吾个遺憾, 做得摎阿爸講阿姆想你个情形, 做得摎你講孫仔幾高了, 摎你講心臼煮个飯菜香 自發現該頭紅柿樹過來, 𠊎隔幾日仔就會去山頂一擺, 總係 好一儕人恬恬恬仔行, 前幾年該紅柿樹無麼个有打, 這兩年𠊎摎 佢伐草放肥, 今年較有打了 毋過少忒阿爸个雙手, 𠊎尋毋轉該 苦楝樹柿仔味, 淨做得摎該紅柿樹翕下來, 用電腦摎阿爸 阿姆 兄弟姊妹歸屋下人个相片貼上去, 拜託紅柿樹還𠊎兜該段有缺 个歲月 阿爸! 雖然𠊎逐日看毋著你, 毋過逐日又有看著你 71 得, 本音 dedˋ, 含有 可以 能夠 的意思 在口語中, 常因急讀而唸成 eˋ 或 72 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 eˇ 以下同此注釋說明 境, 自由詮釋發揮 以下同此注釋說明
臺中市 105 年度語文競賽市賽客家語朗讀高中組 ( 四縣腔 ) 編號 6 號 等水難滾等子難大 彭欽清原作 還細時節, 人客來愛斟茶分人客食 該央時, 暖壺毋係逐家 屋有, 請人客食冷茶異失人禮, 就愛遽遽去烳滾水泡茶 烳滾水, 這下來講係小可事情, 茶炙仔裝淰來, 瓦斯爐撙開 來, 幾分鐘仔水就滾了 73 毋過, 三十零年前个鄉下無瓦斯, 捽來 火愛省省仔用, 愛黏時烳好一茶炙个滾水無恁該 盡先愛拿一隻草結, 捽著自來火點畀著, 放到烘爐項, 趕草 74 結火當猛該下, 扡一撮仔冇炭放上去, 等火炭燒到紅紅, 又正加 兜仔添, 包尾正摎茶炙仔放上去, 用扇仔摎烘爐火撥到熊熊, 兩 十分仔水就會拋拋滾 問題係, 阿爸在廳下會緊問 : 茶好吂? 仰恁慢呢? 無法 度, 將就摎水倒減兜仔, 火炭過添加兜仔, 火緊撥, 水還係毋滾, 心肝頭一急, 就掀起蓋來看水滾吂? 一開一弇, 燒氣走忒, 還 較毋會滾 心肝頭還較急, 緊蹬腳 75 有一擺阿姆在灶下看著𠊎烳滾水烳到恁揹背, 同𠊎講 : 大 戇牯, 老時人講个 等水難滾, 等子難大, 你做你在脣項慢慢仔等, 水自然會滾 照等阿姆个話去做, 無幾久仔, 水正經就滾了 讀大學該下, 有一擺上英文課, 先生在粉牌項寫一句英文諺語 A watched pot never boils., 愛大家翻到中文, 同學大體直接翻 : 看等个茶炙仔永久毋會滾, 先生認為意思著係著, 毋過毋係盡合原來个意思 𠊎想在學過个中文尋出相對个諺語, 較想就想毋著 忽然間, 愐著還細該下烳滾水个經驗, 就用阿姆講過个該句老古言語 等水難滾, 等子難大 來翻 先生聽了, 緊說異好, 講這正有原句个意思 毋過, 佢認為用國語唸少兜仔韻味, 愛𠊎用客話講一到, 𠊎就照阿姆緩緩仔个口氣講出來, 先生同同學聽了, 緊講客家話異好聽 阿姆四十一歲降𠊎, 前兩年, 八十四歲過身 記得醫生同屋下人講怕好準備等來該下, 𠊎含等目汁問阿姆做得同佢換老人衫褲, 徙到廳下無? 佢決截个應𠊎講 : 好! 𠊎將阿姆揇到廳下, 摎屋下人陪等佢行煞人生盡尾一截路 看等阿姆安祥个面, 想起𠊎還讀大學該下, 佢盡輒笑笑仔同𠊎講 : 哪久吾這隻吊尾錘正會賺𠊎食? 𠊎揢等阿姆个手, 試著厥手脈肚又傳來緩緩仔个叮嚀, 𠊎知, 在佢老人家个心肝肚, 佢這隻滿子, 係永遠難大个吊 73 74 75 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情境, 自由詮釋發揮 以下同此注釋說明 冇炭 : 音 pang tan; 鬆軟材質的木炭或上次未燒盡的木炭 揹背 : 音 baˇ bi; 形容狼狽不堪貌 尾錘
臺中市 105 年度語文競賽市賽客家語朗讀高中組 ( 四縣腔 ) 編號 7 號 一張相片 黃雪珠原作初秋个時節, 一陣一陣个涼風, 吹入吾姆个間房肚, 吾姆个手項, 拿等這張略略仔褪色个新娘相片, 心肝肚毋知在該愐麼个心事 ; 往事分佢留下當多甜蜜个回憶 有人講 : 每一張相片都有一隻感動人个故事 無毋著, 這張相片, 又分吾姆想起出嫁時个情景 佢講 : 𠊎二十二歲該年, 莊頭个阿英姑本成愛帶若爸去看別家个細妹仔, 恁堵好, 該細妹仔無在屋下, 佢就帶若爸來看𠊎 記得該央時, 𠊎兜好茶就囥在間房肚毋敢出去 若姐公摎若姐婆佢兜在廳下摎若爸打嘴鼓, 聽佢兜有講有笑, 像異歡喜樣仔 76 緣份啊! 恁樣就講成這門親事了! 這下想起來, 實在異大膽 該時節, 𠊎根本就無看真若爸个面貌, 乜毋知若爸个性體, 更加毋知佢到底做麼个頭路, 總係聽若姐公講 : 人老實 有食頭路就好 毋過, 𠊎知若姐公 若姐婆係仰仔个毋盼得, 若姐公牽 就開始無閒準備嫁妝 : 被骨 枕頭 門簾 衫褲 面盆 錫桶 77 尿桶, 還有若姐公親手做个簞笥 圓桌 圓凳 碗櫥仔 𠊎自家心肝肚乜一重歡喜 一重愁, 歡喜愛嫁人了, 女大當 嫁 男大當婚, 在該年代還係做毋得忒老嫁哦! 毋過乜當愁慮, 若爸个人好無? 嫁過去愛做麼个呢? 將來个家官 家娘好服侍無? 屋下个爺哀恁無閒, 老弟 老妹又還細 盡多盡多个問題, 想著這兜, 自家乜會著驚哦! 日仔過吔盡遽, 若爸坐大車仔來討親 該央時, 若爸瘦瘦高 高, 同厥叔伯阿哥借一身西裝, 著一雙當大雙个皮鞋 該時節, 有錢人正有新娘衫好著, 𠊎盡幸運, 堵好隔壁醫生館个張先生討 心臼, 𠊎就同佢借來著, 還特別請翕相師傅來翕張相片做紀念 還過, 𠊎該時又堵好同日本警察仔煮飯食, 警察頭家人盡好, 喊 一輛計程車分𠊎出嫁好坐, 就恁樣, 𠊎同若爸兩儕人圓滿結婚了 看著相片肚个人, 吾姆指等講 : 頭前排係若姐公 若姐婆, 若太 還有滿叔公, 後背係大舅姆, 伸个就係吾老弟摎老妹 一張盡有紀念性个相片, 分吾姆留下盡多盡多个回憶摎安慰 等吾手, 痛惜个看等𠊎, 毋知愛講麼个正好 討親个日仔看好了, 媒人婆送日仔帖來後, 若姐公摎若姐婆 76 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 境, 自由詮釋發揮 以下同此注釋說明 77 簞笥 : 音 tan siiˋ; 衣櫥
臺中市 105 年度語文競賽市賽客家語朗讀高中組 ( 四縣腔 ) 編號 8 號 恁靚个臺灣 部編版客家語分級教材第九冊 臺灣島就像太平洋脣个一粒珍珠 在這細細个島項, 看得著 高山 平洋 峽谷 海岸, 地形多樣, 景致美麗 ; 寒 溫 熱帶 林相完整, 生態豐富, 葡萄牙人摎佢安到 福爾摩沙 (Formosa) 自古以來, 原住民 客家人 學老人同新住民, 在這位安身立 命, 開枝散葉, 相扶相融, 產生多元文化 78 陽明山个火山地形 硫磺溫泉, 係活生个地質教室 ; 寒天時 節, 雪霸群峰白雪雪一片 ; 墾丁五彩个海底世界, 展現熱帶風情 ; 企在玉山頂, 臨風遠眺, 所有煩愁都煙消雲散 太魯閣峽谷雄 偉壯觀 鬼斧神工 ; 阿里山神木插入天穹, 日月潭个湖光山色, 79 美景天成, 遶尞个遊客連峨接棟 各族原住民跈等大自然个腳步來生活, 也透過祭典來表達對 天地鬼神个崇敬 蘭嶼雅美族 (Yami) 有 飛魚祭, 佢兜相信飛魚 係神明个賞賜 ; 賽夏族 (Saisiyat) 有 矮靈祭, 祈求族群和諧 ; 卑南族 (Puyuma) 个 猴祭, 係少年个成年禮儀 這兜傳統祭 典展現出原住民豐富个文化內涵 78 79 行到街路項, 大江南北个美食, 看著就會流口涎水, 一粒粒 活生 : 音 vadˋ sangˊ; 活生生的 連峨接棟 : 音 lienˇ ngoˇ jiabˋ dung; 本指房舍多而相連, 此指人潮接連不斷 80 个新竹貢丸食吔還會尋尾, 一圈圈个萬巒豬腳承牙又好食, 臺中 太陽餅遠近有名, 係當好个等路, 在北埔 客家擂茶, 歸嘴个番豆 麻仔 綠茶香 蚵仔煎 清甜好味緒 81 蝦卷 緊食緊熱嘴 粢粑仔 又軟又虬, 連外國人就食到舐 嘴擸鼻 82! 臺灣正經係美食个天堂 在臺灣逢年過節就當鬧熱, 逐年个正月半, 北天燈 中火旁龍 83 南蜂炮 東寒單, 還有燈會, 來參觀个人烏麻攢濟 正月二十 尞天穿, 三月迎媽祖, 五月划龍船, 七月放水燈 搶孤 普渡好 兄弟, 還有臺灣客家人特有个義民祭, 這兜民俗節慶展現出臺灣 人敬天愛人个情誼 天弓之美在多色共存, 文化之美在多族共榮 臺灣个自然人 文, 風土民情, 各各呈現出自家特有个風情, 做得在這垤土地項 五月時節滿山蓬白, 行到古道个石碫仔項, 油桐花隨風飄舞, 像仙女散花, 又像該白雪落滿坪, 企在樹下, 真想大聲喊 : 臺 灣還靚哪! 80 81 82 83 承牙 : 音 siinˇ ngaˇ; 有嚼勁 熱嘴 : 音 ngied zoi; 形容食物好吃, 越吃越想吃 舐嘴擸鼻 : 音 seˊ zoi liab pi; 形容吃得津津有味 烏麻攢濟 : 音 vuˊ maˇ zanˋ zaiˋ; 比喻人山人海, 萬頭攢動
臺中市 105 年度語文競賽市賽客家語朗讀高中組 ( 四縣腔 ) 編號 9 號 毛蟹 邱一帆原作日頭下, 圳溝肚脣項个石縫仔, 伸出毛蟹个兩支大夾, 大夾面項絨絨个毛, 流水梳到一條一條, 對清清个圳水面頂看過去, 仰般條理清楚 阿明輕手輕腳, 打水尾一步一步行兼該石頭縫, 84 黏邊手一抓, 恁注死! 手指嗄分毛蟹夾著, 目珠窟一下碼灌入大水, 痛到緊喊阿姆哀! 毋盼得放過毛蟹, 阿明盡命牯愛同毛蟹拉出來, 毛蟹乜拚命牯退入深深个空肚去, 阿明个手毋知仰般嗄在空肚石縫卡著, 無法度再過伸入去, 乜無法度同毛蟹拉出來, 出入就毋得 仰結煞? 阿明用盡歸身个力, 尿就險險洩出來, 正同該支左手挷出來! 該載正得, 手伸得出來, 毋過, 手指嗄夾著一支毛蟹夾 毋著! 係分毛蟹夾夾著, 毋得㪐正著, 這滿該死哩! 毋好打爽! 連蝦公共下摎佢帶轉去炒, 同肉挖來食, 再摎厥毛刮忒 串肥料線, 拿來做夾仔搞, 分人經驗一下分毛蟹夾著个痛 阿明當記得, 三十零年前還讀小學時節, 分毛蟹夾著个這隻故事! 三十年前, 小南埔莊外个大河壩 外崗圳 中央圳 莊項个圳溝 脣頭个坑仔, 阿明對水頭到水尾哪位就有行過, 哪位就有搞過 佢輒常看著毛蟹 釣著毛蟹 食著毛蟹 阿明盡記得, 有一擺落大雨 出汶水, 佢在坑仔釣毛蟹, 毛蟹一擺就兩隻 兩隻分佢釣起來, 無一點鐘, 就裝淰歸錫桶, 佢歡歡喜喜擐轉屋家, 分阿姆料理 又有一擺做大水个臨暗頭, 阿明看著歸群歸群个毛蟹, 蹶上石䃗, 跈著山溝山壢行等上 三十年前, 哪位就有 麼人就做得捉 麼人就食得著, 該河壩 坑仔 圳溝肚个毛蟹, 走到哪位去? 三十年後, 政府大量對中國進口, 廢田坵 挖魚塘來畜个毛蟹, 講啊著一隻就愛幾下百銀來買, 麼人買得起 麼人食得起? 阿明實在愐毋解 夾到緪緪个毛蟹夾, 害阿明痛到會夭壽, 佢目汁含等, 遽遽 85 用正手兩指, 硬硬同夾仔捝下來, 手指面兩點分毛蟹夾著个痕跡, 清清楚楚 鼓血鼓血! 阿明心肝肚想 : 捉毋著毛蟹, 毛蟹夾乜 84 85 恁注死 : 音 anˋ zu xiˋ; 恰巧 剛好 捝 : 音 duiˋ; 急扯
臺中市 105 年度語文競賽市賽客家語朗讀高中組 ( 四縣腔 ) 煨番薯 彭瑞珠原作 編號 10 號 行入便利商店, 偎壁脣个箱仔項有燒燒焙好个番薯 烏色卵 石頂焙等香香个番薯, 番薯皮熇到燥爽燥爽 㪐核㪐核 86, 番薯个 87 糖膏對番薯皮个縫仔項凝出來了, 還餳人食哪! 看到人忍毋核, 當下就買兩條, 趕燒食落肚, 還幸福个味緒哪! 做細人仔該下, 寒天个臨暗頭, 姐公洗好身會在廳下看電視 焙厥燒熝熝仔个火囪 ; 姐婆在灶下盤洗身水, 𠊎就在灶空前掌 等灶空壁角个番薯, 細心細意个摎番薯埋在火屎肚壅等, 看顧等 佢 莫分火燒著 姐婆洗好身, 噴香个番薯也煨好了 囥入姐婆 个間房, 扐等姐婆用大手帕包好个水鴨嫲 88, 食等甜香煨好个番薯, 看阿婆梳髻鬃花 聽阿婆講古, 係寒天个臨暗頭盡幸福个味緒 有一年暑假, 禾頭田割忒了, 田項个泥翻好 還吂放水, 大 哥渡等歸陣仔老弟老妹去阿公个田項煨番薯 兩兄弟挖窟仔 疊 89 泥團, 搣好一隻番薯窯 ; 五姊妹團草結 撿樵, 準備起火 火起 起來了, 大哥講佢來疊樵 𠊎兜去尞就做得, 火燒到猛猛猛, 大 哥就係大哥! 六個老弟老妹在田坵肚打嘴鼓 唱歌仔 走相逐仔 搣射蟲𧊅 大火過, 出火炭了, 放入盡平心 盡惜孫仔个阿婆 擇過个一條條仔平大平大 靚靚个番薯, 封口 等番薯熟 二哥 看火煙在泥團縫項蓬蓬起, 拿起挖泥个鏟仔摎泥團撳拶, 還對窯 頂撳幾下下, 一息煙都無出了! 大家先轉屋, 等番薯翕熟 時間 無一條臭火煙, 堵好熟 又略略仔出糖膏个番薯, 實在有罅香! 毋過, 全部都係扁个, 可見二貨仔个鏟仔, 異有力, 連九十歲个 阿太看著大號老蘿蔔乾樣仔个番薯都好笑! 毋過, 該窯扁扁煨好 个番薯, 有𠊎俚兄弟姊妹仔一生人感情个記念 看著煨番薯, 會看著姐婆燒暖个灶下 會看著田坵肚一大陣 兄弟姊妹仔个嘻嘻㖸㖸, 對𠊎來講, 係幸福个味緒 看著煨番薯, 異多老人家會想起走空襲時代个番薯簽 會想起鮮鮮湯湯个糜 飲 ; 燒熝熝仔 香出味个白飯, 對佢兜來講, 正係幸福个味緒 該對您來講, 哪項食雜, 囥等有您幸福个記號, 有您幸福个味緒 呢? 86 87 88 㪐核㪐核 : 音 ludˋ fud ludˋ fud; 果皮與果核 果肉易分離, 指果子成熟或事情容易處理 凝 : 音 kienˇ; 液體結成固體, 或是氣體變成液體 水鴨嫲 : 音 suiˋ abˋ maˇ; 橢圓形金屬熱水袋, 今多為橡膠製 89 團草結 : 音 tonˇ coˋ giedˋ; 紮草木枝葉當燃料
臺中市 105 年度語文競賽市賽客家語朗讀教師組 ( 四縣腔 ) 編號 1 號 阿新哥个妹仔 鍾麗美原作 熱天暗晡, 涼涼个風, 吹到面頰, 像水樣仔, 又軟又清涼 食過夜, 伙房肚个阿叔 阿伯同隔壁鄰舍在涼亭下打嘴鼓, 講日 本時代仰仔, 講這下政府仰般 星仔聽毋識, 乜來鬥鬧熱, 目珠 一𥍉一𥍉, 聽到比麼人都較認真 還細个𠊎, 最好睡到石凳頂, 90 凴到吾姆个大腳髀項, 聽佢兜你一句 𠊎一句, 軟入入仔个客家 話, 像天頂个雲, 浮啊浮 ; 像水項个船仔, 搖啊搖, 𠊎聽啊聽欸 91 就睡忒了 92 有時節, 吾爸牽啊著奧多拜, 講愛去收會仔錢, 𠊎跈等討愛 跈, 吾爸對嬌尸个𠊎盡無法度, 笑咪咪仔看等𠊎, 𠊎遽遽蹶到車 仔項 𠊎盡好分吾爸載, 佢騎奧多拜總係慢慢仔, 毋係唱歌仔 就係歕歌仔 ; 𠊎揇等吾爸个肚屎, 頭那凴到厥背囊頂, 聽厥个歌 聲從嘴肚 胸脯肚傳到吾耳公肚 傳到吾心肝肚, 吾心肚乜響起 同吾爸共樣个歌聲 共樣个心情, 做吾爸个妹仔, 𠊎感覺盡幸福! 吾爸乜盡好帶𠊎出門, 因為不管熟毋熟事个人, 看著𠊎就講 : 阿新哥个妹仔唷, 摎若爸恁相像, 像係粄印仔印出來个樣仔唷! 吾爸對𠊎這隻 複製品 感覺盡滿意, 𠊎對 阿新哥个妹仔 這隻名仔, 乜盡滿意, 因為吾爸係讀書人, 做人老實又有學問, 莊肚个人對佢當敬重, 做厥妹仔, 𠊎感覺盡風神 讀初中以後, 家家屋屋都有電視了, 來伙房打嘴鼓个人乜緊 來緊少了, 星仔麼个都毋知, 逐暗晡還擘等一𥍉一𥍉个目珠, 尋 人講古分佢聽 涼亭暗暗仔, 淨兩片間仔有電火, 電火底下讀書 个叔伯姊妹, 輒常會比麼人讀到較夜, 比麼人敢在阿公婆掌等个 廳下前行過去, 比麼人个目珠敢看到圍牆後背 -- 該搖頭拂腦 嘰嘰嘎嘎个竹林 暗摸胥疏个涼亭, 淨壁蛇摎𧊅仔在該唸唸唸唸 93 年視年, 𠊎乜出去讀書 食頭路了, 在屋下个時間緊來緊少, 兄弟姊妹像紙鷂樣仔, 分風吹到無共樣个所在 伙房屋親像一 雙穩當个手, 拉等紙鷂仔, 無論飛到幾遠, 想屋下个時節, 線收 轉來, 紙鷂仔又轉到最安心个所在 毋過, 這幾年, 大家都搬出去了, 伙房淨伸吾伯佢兜歇, 伙 房个大門長透都鎖等, 叔伯姊妹毋知哪去了 裡背一條烏狗仔, 看著人就吠, 吠走屋簷下做竇个燕仔, 吠走𠊎轉屋个心情, 看毋 著屋下个人, 鼻毋著廳下个桂花香, 聽毋著軟甜个話語 好在𠊎還做得發夢, 夢裡肚同叔伯姊妹共下搞份家啦飯仔 94 跳格仔 ; 夢裡肚牛郎星摎織女星共樣恁光, 河溪從檳榔樹頭溜過 去 ; 夢裡肚阿哥討餔娘 阿姊做新娘, 紙炮仔磅到滿地泥 ; 夢裡 肚大人細子在禾埕項尞涼, 打嘴鼓个人講到口涎波潑 ; 夢裡肚个 鄉音, 像熱天暗晡个風, 又軟又清涼 ; 像吾姆个手, 拍等石凳頂 睡目个𠊎, 分𠊎發夢也清甜 90 91 92 軟入入仔 :ngionˊ ngib ngib eˋ; 很軟 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情境, 自由詮釋發揮 以下同此注釋說明 奧多拜 : 音 oˇ do baiˋ; 摩托車 ; 機車 源自日語之外來語 ( オートバイ ) 93 94 年視年 : 音 ngienˇ sii ngienˇ; 年復一年 份家啦飯仔 : 音 fun gaˊ laˊ fan eˋ; 扮家家酒
臺中市 105 年度語文競賽市賽客家語朗讀教師組 ( 四縣腔 ) 敢去一擔樵 黃秋枝原作 編號 2 號 95 天暗轉來吔, 毋使幾久雨就會落到了! 阿姆擎等刀嫲, 槓仔挽等絡索, 抺籮抺, 一身潦潦 96 个走分雨逐, 三步 坐恬下來, 啉一口茶, 敨一下大氣, 雨正經落下來 該載! 走分雨逐, 敢去一擔樵, 毋敢去屋下愁 ; 上山打獵, 無一盤也有 一碟, 頭下碼係毋敢去, 頭望望仔戇戇留在屋下煩勞 愁慮, 該 就無樵好燒了 這雨就係漚吔十頭八日仔也毋使驚佢了! 阿姆 看等噭面个天頂, 滿足个笑等講 頭擺人个生活, 無瓦斯 無電鑊仔, 炆煮煎炒 暖水洗身, 只有燒樵草定定 愛入山肚擎樵撿杈係當艱辛, 乜係每家每屋推 懶毋得个事, 阿姆長透講, 堵著雨水期係無樵好燒, 就愛燒腳骨 了! 雨落下來了, 阿姆還係無一時閒, 拖杈仔到簷頭下縈草結 佢不時同𠊎兄弟姐妹講 : 賺食愛煞猛, 做事愛殺青! 還愛有幾分 仔冒險个精神 若係拈燒怕冷, 一下堵著困難就毋敢去做, 總係 95 96 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 境, 自由詮釋發揮 以下同此注釋說明 miˇ loˇ miˇ cabˋ; 形容非常忙碌或匆匆忙忙的樣子 在屋下唉唉嘖嘖道嘆日仔難過, 這個當中, 無定著機會就失忒去吔, 灶下个盆頭缽仔都愛吊起來了 阿姆嘴緊講手緊迎, 厥个古就恁樣來講起勢 頭擺啊! 有一個偏僻个所在, 有一間齋堂歇有兩個食齋人 一個較好額, 一個較窮苦 有一日, 窮苦个食齋人同好額个食齋人講, 想愛去南海取經个決心 ; 該好額个食齋人聽著了後, 心肝肚無決無截, 三挨四挨想著路頭恁遠, 山又嶇, 崎又竳! 哪央時正行得到南海呢? 將恁樣就無摎窮苦个食齋人共下去了 該時, 厥心肝肚乜當疑狐這個窮苦个食齋人去得到南海無? 講無定著半路仔就餓死無就病死了 日出月落, 毋多知仔兩年个時間, 一𥍉目就過忒吔 窮苦个食齋人對南海轉來了, 帶轉經文同路項看著个風光景致, 摎眾人分享, 好額个食齋人看著窮苦个食齋人, 顯顯轉來吔, 嗄見笑到尋無空好囥了 阿姆講 敢去一擔樵 个意思, 就係勸話人 大膽行遍天下, 小心寸步難行, 看準一個目標, 行動愛決截, 毋好猶猶不決 人生幾十年日月, 確定自家个目標, 係當要緊个 時下个社會, 各行各業恁競爭, 後生人絕對毋好揀賤頭路, 食人个頭路愛抽間, 做人个承勞仔, 莫棄嫌 錢少, 崎又陡 認為係著个事情, 就用心做, 專心加上決心, 篤實煞猛个去做, 無論山幾高水幾長, 敢死閻羅王就會驚 鐵棍乜做得磨出繡花針, 移山屯海也毋係難事
臺中市 105 年度語文競賽市賽客家語朗讀教師組 ( 四縣腔 ) 編號 3 號 心念轉, 運就轉 劉玉蕉原作 雨, 對天頂, 一陣大一陣細, 滴滴溚溚, 落歸半個月吔, 還 毋會煞 ; 心情就像天頂个雲, 烏烏暗暗一層矺過一層 濕潤个空 氣, 撥毋開 ; 心肝肚个烏雲也 毋走, 等到哪央時, 雨, 正落得 煞? 還愛過幾久, 心肝肚正會雲散日出? 人生盡悽慘个事, 敢毋係暢樂吂過, 傷心事跈等就來呢? 該 年, 無日無夜, 拚兩年零過後, 真無簡單正考著女中, 歸家人 代 歡喜 吾爸吾姆係夜市擺攤个辛苦人, 見堵著熟事客, 就風 97 神碌碌阿𧩣, 該央時个, 打白講也風神到奈毋得啦! 該身青 色个制服, 係所有細妹學生仔个夢想, 單淨想著就會分人个口涎 水流到三尺長, 這下 做得大大方方著等一哪仔緊走, 人講, 揞 等被骨來偷笑, 就係 該下个心情 天有不測風雲, 人有旦夕禍福 正暢無幾久, 一場天災, 98 魍神仔牽走惜𠊎个阿爸, 抵雨遮日个壁扇矺斷吾个腳, 人生戲齣 个變化, 正經分人胚想毋著! 過後, 阿姆个目汁係吾生活个全部, 輪椅變做吾个代名詞, 所有青春細妹人該得經過个歡樂, 既經 同 無緣, 後生人个夢想, 也離 同外背花花世界个接觸 ; 擋忒 同外背濕熱空氣个交融, 窗門 外背, 白雲無腳, 風載等佢飄來飄去, 鳥仔也閕開雙翼自由飛 上飛下, 遠遠个車聲 噥哢个人聲, 對照 窗門 內肚个, 係 99 仰般个落喪 不堪! 有褲無腳, 一出 窗門 外个世界, 就愛承受別人無共樣个目神, 無論係傳達仰仔个訊息, 總係一擺又一擺个傷害, 凴在壁角个 假腳, 無癢無痛, 粉粉个肉色, 假 到分想愛翻, 敢講下半生人, 就愛靠 佢 走西東? 上天同弄个笑科, 實在有較超過! 無社團, 無體育課, 對生命个熱情在一擺過一擺个復健中消 100 蝕, 懊惱中過忒兩年, 在自我个圍牆肚封閉兩冬 高三該年教師節, 國小時節教个劉先生, 帶等一陣還細該下挼泥毋洗手个好朋友來看, 嘻嘻哈哈過忒一朝晨, 頭一擺感受著後生人个熱情, 翻山倒海在血管中流竄, 嗄毋記得自家係別人目珠頭个古董, 透日怨天怪地个廢人, 先生愛走進前, 牽等吾个手同講 : 斷忒个腳既經鬥毋倒轉去欸, 毋好再過為著佢來賠忒若个下半生人! 恁久來个傷痛, 在一陣人个加油聲中, 化做一粒粒个目汁, 心肝肚个怨恨 自憐, 跈等斷線樣个目汁消融! 係啊, 事實既經造成, 無法度改變了, 做麼个還愛苦苦來尋回頭路呢! 無腳, 敢講理想也跈等無腳? 自家結个高牆, 仰般怨得別人毋肯入到牆內來! 年視年, 無腳个用 假腳, 還係在社會項企穩穩, 無痛無癢个腳, 分還較斟酌愛踏出去个每一步, 用這先前看著就想愛翻个 假腳, 賺著好人緣, 古董个行路形款, 對吾个社福工作嗄有加分个作用, 感恩所有幫助過个人, 感恩上天該年無收忒吾个命! 暗晡夜, 雨, 還在該滴滴溚溚落無停, 濕潤个空氣逐走日時頭个翕熱, 清涼个風一陣一陣, 帶走歸日个疲, 心 曉得轉斡, 運 跈等就會轉好, 一息都毋會差! 97 98 風神碌碌 : 音 fungˊ siinˇ lugˋ lugˋ; 非常得意驕傲的樣子 壁扇 : 音 biagˋ san; 整片牆壁 99 100 落喪 : 音 log song; 失敗 不得志的樣子 消蝕 : 音 seuˊ sad; 減損 虧耗
臺中市 105 年度語文競賽市賽客家語朗讀教師組 ( 四縣腔 ) 編號 4 號 肚臍絆內娘恩多 彭欽清原作 客話童謠 : 滿子滿嬌嬌, 無魚毋食朝 係滿子, 無恁 好命, 好得同阿姆盡有話講, 學盡多 阿姆毋識字, 毋過教𠊎盡 多一生人都用得著个道理 佢教 毋好挶屎 愛有長有大, 也教 一點氣做一個人 有量正有福, 還教路項 係有 尖牙利齒 个東西愛拈開, 人踏著無結煞 讀國小該下, 有一擺參加全校个國語演講比賽, 在屋下煞猛 背稿仔, 阿姆看自家在該嘰哩呱啦, 就問𠊎做麼个, 同佢講 101 愛參加演講比賽, 到時怕會 驚生 佢聽吔, 膽𠊎講 : 毋 使驚, 𠊎拿項東西分你帶等, 就毋會驚 講忒, 就到拖箱仔肚 拿出一個用舊報紙包等个東西, 肚項有幾下隻紅紙包, 面頂用烏 筆畫等一到六橫槓 个肚臍絆啦! 緊講就緊摎畫有六橫槓个該包攤開來, 指等一細 垤仔烏烏个東西講 : 這就係若个肚臍絆哪! 人較多个所在, 帶 等肚臍絆較毋會驚生, 比賽該下, 帶等去 包尾還再三叮嚀講 : 愛看好哦! 比賽忒, 拿轉來 等長有錢, 一儕打一隻禁指, 分你兄弟姊妹做手尾 當時毋知麼个係手尾, 毋過感覺著阿姆仰會 心肝恁雄, 愛打一隻禁指就難過上天, 莫講愛打六隻 自 知人我, 因為阿爸生理失敗, 逐日就有人來屋下討錢 愛拆債, 阿姆做得講無一時閒, 逐日啊起來, 除忒愛煮三餐, 又愛洗盪攣補, 還愛畜豬仔 畜頭牲 種菜 撿樵 等到四個阿哥有吔頭路, 屋下个經濟有較好兜仔, 總係, 還有老債吂拆, 阿姆還係無好閒 佢喊心臼繼續上班, 孫仔孫女全部都佢來渡, 鄰舍看著佢又愛揹又愛牽, 輒常笑佢講 : 這就係做阿婆, 阿婆做哪! 佢聽吔, 總係笑咪咪仔, 笑笑仔講 : 無想著還使得著吾滿子賺个錢! 七十四歲該年, 阿姆个細筋仔塞著 好在治療後, 除忒行動無異方便以外, 講話摎精神全無爭差 就恁樣, 阿姆正閒得下來尞十年, 八十四歲過身 還山忒, 阿姊在拖箱仔肚揙出一包用報紙包等个東西, 裡肚還係裝等六隻畫有線仔个紅紙包, 毋過, 逐包用樹乳仔掠等一個紅霞紅霞个細圓盒仔, 盒仔肚裝等禁指 阿姊將畫有六橫槓个該包交分, 噭等講 : 這係阿姆个手尾, 愛看好哦! 含等目汁 102 聽著佢笑笑仔同講 : 滿子, 阿姆个義務做滿了, 真滿足了! 101 膽𠊎 : 音 damˋ ngaiˇ; 幫我壯膽, 使我不再害怕 102 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 境, 自由詮釋發揮 以下同此注釋說明
臺中市 105 年度語文競賽市賽客家語朗讀教師組 ( 四縣腔 ) 客家民俗 徐貴榮原作 个共樣, 人講 : 一莊一俗 編號 5 號 客家人恁多, 各地个民俗乜無麼 年下二十五開始, 安到 入年假, 家家戶戶大拚掃, 開始蒸 粄 發粄 蘿蔔粄 肉粄 鹹粄 甜粄全部愛蒸, 其中蒸甜粄係 103 最多並絆个, 微毛末節, 細人仔做毋得行前去看, 講麼个會有 腳印, 若係有裂痕, 耕種人還會崩田崁 年三十暗晡个飯甑 -- 無閒, 煮到豐豐沛沛, 屋下人都會 轉來食夜, 大團圓! 恁多菜裡背, 定著有用大菜去炆个 長年菜, 表示一家人會長長久久 食飽夜, 細人仔分著矺年錢, 歡歡喜喜過一夜 一暗晡个紙 炮仔, 並令磅朗 104 響無停 打早䟘起來, 拜神祭祖後, 就開始 過新年了 105 這日做毋得講 了少話, 係無就會分大人 開新年 106 107 這日全部乜愛放尞, 連屋下个傢啦伙又乜愛放尞, 做毋得 103 104 105 106 107 並絆 : 音 bin ban; 繁瑣之事物或禁忌 並令磅朗 : 音 bin lin bong long; 狀聲詞, 形容鞭炮聲 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 境, 自由詮釋發揮 以下同此注釋說明 開新年 : 音 koiˊ xinˊ ngienˇ; 喻新年時小孩犯錯被開罰 傢啦伙 : 音 gaˊ laˊ foˋ; 指一般的工具 家庭用具等 開米缸 擎針補衫 洗身洗衫 頭擺人講 : 歸年仔煞猛打拚, 年 初一定著愛尞, 係無就無價值! 還有兜海陸客家人, 年初二正過年, 意思係初一食齋, 初二 正拜阿公婆, 實在係一莊一俗, 異生趣 年到初三四, 各人打主 意! 有錢人繼續大食 大尞;無錢人係 年到初五六, 無酒又 108 無肉! 毋做事愛仰結煞? 毋過, 大家心肝肚還係在該過年, 故所講 : 有食無食, 尞到年初十;有過無過, 尞到月半過! 就 係客家人个過年 還有正月二十 尞天穿, 聽講這日補天完成, 愛放尞一日, 係無一生人就會勞勞碌碌, 窮苦做到死, 老古人有講 : 天穿無尞 做到死, 天穿無尞苦到死 客家人當看重祖先, 年過忒 月半後, 遽遽來去 掛紙, 掛 忒好做事, 苗栗人在月半後 正月十六就掛紙了 其他, 還有降倈仔愛打 新丁粄, 中元普渡愛辦豬公比賽 請人客 拜床公婆 時到這下, 當多改變了, 過年毋使打粄, 街 路有好買 ; 淨靠耕田會餓死, 全部變副業 ; 哪驚佢田崁會崩無? 年初五 六就上班, 哪有好尞到月半過? 天穿無尞日, 當多人乜 毋知愛尞 ; 降倈仔 降妹仔共樣好, 打麼个新丁粄? 時代變了, 客家民俗乜跈等變 毋過, 吾屋下過年還係會炆長年菜, 掛紙還 係定著愛用鬆泥矻來矺黃嘏紙, 過年還係做毋得亂講話, 𠊎希望 好个民俗好好保留下去, 無合時代个觀念, 也愛改變正好 108 仰結煞 : 音 ngiong gadˋ sadˋ; 怎麼辦 ; 如何是好
臺中市 105 年度語文競賽市賽客家語朗讀教師組 ( 四縣腔 ) 燈籠花 陳志寧原作 編號 6 號 𠊎在屋下種吔幾頭个燈籠花, 吾姊緊問𠊎做麼个愛種燈籠花? 𠊎總係笑笑仔, 無同佢講原因 還細个時節, 屋下个大人愛做事, 愛搞麼个, 細人仔愛自家 109 尋 吾隔壁鄰舍歇个大部分都係細妹仔, 係愛搞份家啦飯仔該 下, 總係尋毋著細倈仔共下 阿華伯婆个孫女, 安到桂珍个, 摎 𠊎同年, 佢最好湊𠊎共下尞, 係愛假做兩公婆, 佢定著尋𠊎 搞份家啦飯仔个時節, 屋脣个燈籠花係最好个材料, 嫩嫩个 葉仔同紅紅細蕊个花, 做得拿來做菜 桂珍最好同嫩葉敲到綿綿, 攞等敲綿个花, 佢講該係最好食个菜 ; 逐擺佢準備盡豐沛个菜, 𠊎總係 食 到淨淨 𠊎假做厥老公, 逐擺出去打拚轉來, 總 係拿一大疊个錢分佢 該錢係大皮大皮个燈籠花葉仔做个, 愛 110, 有一日, 佢摎𠊎講, 下二擺毋使再摘燈籠花分佢了, 佢毋想 再接收吾个燈籠花 國民學校畢業以後, 𠊎兩儕又讀共間中學 雖然逐日𠊎兜還 係共下騎腳踏車去學校讀書, 毋過, 𠊎無再過看過厥笑容 有一日, 𠊎摎吾姊愛去高雄尋吾姑, 到火車頭个時節, 𠊎看 著桂珍一儕人擐等包袱在該等火車 問啊去, 正知佢兜徙去高雄 歇了 厥爺哀早就先過去高雄, 這幾日仔留佢在厥叔屋下歇, 等 學校个轉學手續辦好, 就愛去高雄讀書了 到這下, 𠊎正知係麼 个原因, 佢一直無笑容, 不管𠊎講幾好笑个笑科分佢聽, 佢就係 無笑容 這件事既經過忒三十年了! 該下晝去朋友屋下坐尞, 看著厥 屋角種有幾頭燈籠花 看等該紅紅細細蕊个花, 分𠊎愐起盡久 盡久以前, 在𠊎兜還毋使對麼人負責个年紀, 𠊎曾經恁用心个同 一個人共下做公婆, 逐日過等快樂个生活 𠊎同朋友討欸幾頭秧 轉去吾屋下, 種下這純純个感情 賺 恁多錢, 乜係愛煞猛去摘, 正會有 錢 好來照顧家庭 讀國民學校个時節, 𠊎兜逐日還係共下去學校讀書, 𠊎還係習慣摘燈籠花分佢 有一日, 厥婆過身 𠊎去厥屋下湊佢个時節, 𠊎共樣係帶等燈籠花去 該幾日, 佢總係毋講話 厥婆出山後 109 份家啦飯仔 : 音 fun gaˊ laˊ fan eˋ; 扮家家酒 110 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 境, 自由詮釋發揮 以下同此注釋說明
臺中市 105 年度語文競賽市賽客家語朗讀教師組 ( 四縣腔 ) 編號 7 號 問天 -- 記八八做大水 鍾麗美原作 有一種刀傷, 在心肝頭切到心肝背, 無流血, 淨溫溫仔痛 111 112 分人挖忒一大空, 𥍉𥍉縮縮个心臟, 像會嘬人个烏洞, 嘬走𠊎 全部个希望, 用手揞等心肝頭, 佢正毋會緊顫 ; 用手撳緪心肝頭, 佢正毋會勼筋, 係麼人講心臟淨有半斤重, 該定著毋係真个, 係無仰會墜等𠊎, 害𠊎企都企毋正, 一路碾到山壢下去! 山項, 一條本旦會唱歌仔个河壩, 係𠊎兜泅水 覓蜆仔 打 水漂仔个所在 青色个大石頭底下, 還有幾隻圓身長長 鬚菇拂 來拂去个大蝦公, 目金金仔看等你, 企等無停動, 連細魚仔都會 泅來觜若腳, 尋你搞尞 禾鷝仔在河壩脣項緊飛緊走, 嘰嘰啾啾 113 像辦桌樣仔 河壩, 係𠊎兜个朋友 𠊎兜个畫布 𠊎兜个詩歌 仰會恁樣, 一暗晡个時間, 變面毋識人? 敢係浩洪斗雨 114, 打 到你無哪好囥? 敢係水肚个石頭 樹椏, 揤到你發譴? 敢係無哪 好行个路, 撩到你起性? 變面个你, 帶等泥漿 石頭, 像發癲个 115 牛陣從山頂衝下來, 還來毋掣愐想摎敨氣个時間, 朗朗滾个大 111 112 113 114 115 𥍉𥍉縮縮 : 音 ngiabˋ ngiabˋ sugˋ sugˋ; 形容心臟反覆的舒張與收縮 烏洞 : 音 vuˊ tung; 黑洞, 是一種質量相當大的天體, 它的引力非常強, 會吸入 任何物質, 連光也無法逃逸, 故謂之 嘰嘰啾啾 : 音 ji ji jiu jiu; 狀聲詞 形容鳥鳴聲 浩洪斗雨 : 音 heˊ fungˇ deuˋ iˋ; 傾盆大雨 朗朗滾 : 音 long long gunˋ; 狀聲詞 形容聲音清澈響亮 水就沒忒𠊎兜个田坵, 沒忒𠊎兜个菜園, 沖走大門, 沖走屋舍, 116 沖走來毋掣走囥个人 大雨沖洗山林, 狂風在山肚舂舂剷剷, 人个喊聲 噭聲在天地之間仰會恁樣个脆弱, 像跌落水潭肚个蟻 公, 無人看著 無人聽著 無人伸手救! 家園 屋場 心肝肚个 人, 一夜全毋見忒, 一夜之間, 原本个幸福, 分大水搣到淨淨, 半息都無伸 係一隻醒毋轉來个惡夢, 暗夜个大水一擺又一擺對𠊎浸過來, 𠊎牽毋著若个手, 看毋著做得偎凴个岸脣, 圓身浸在水肚, 漂 漂浮浮, 渺渺茫茫, 寒到骨髓 寒到被骨, 寒到歸頂眠床 歸間 117 間房, 寒到天摎地都同𠊎共樣緊顫 愛仰仔正睡得落覺? 愛仰 仔正食得落飯? 愛仰仔心肝頭正做得敨氣? 愛仰仔幸福正會倒轉 來? 天公啊, 你仰恬恬毋講話? 捽忒目汁, 擘開目珠看, 有同事講笑撩你笑, 有朋友煮好菜 餳你食, 有醫生開藥單愛你好, 有屋下人揇你 陪你睡, 恁多雙 手撐你起來, 恁多圓身分你燒暖, 仰毋對山壢跋上來? 山頂還有 跈等四季上棚个百花景緻, 仰毋對水肚泅起來? 水項還有來去大 湖南北个船篷 天公爺寫个劇本, 你無好擇 無好賴, 都愛演出 ; 天公喊你做个事, 你無哪好囥, 乜愛做忒! 毋使再愁, 毋使再 怨, 落過雨个臨暗頭, 也會有七色个天弓 ; 暗深个濫泥項, 乜會 有明亮个月光! 116 117 舂舂剷剷 : 音 zungˊ zungˊ canˋ canˋ; 形容風到處亂撞 亂剷 亂砍 得, 本音 dedˋ, 含有 可以 能夠 的意思 在口語中, 常因急讀而唸成 eˋ 或 eˇ 以下同此注釋說明
臺中市 105 年度語文競賽市賽客家語朗讀教師組 ( 四縣腔 ) 編號 8 號 長流水 邱一帆原作記得有一條河壩, 對山頂流到海脣, 青山做伴, 花草陪伴 清清个流水, 畜養歸群仔个魚蝦, 也提供脣頭个鳥獸 人家日常个用水 一年透天, 河壩水對上背流到下背, 對頭前流到尾項, 流出靚靚个風景, 乜流出靚靚个風情 這河壩水, 就係一條長流水, 長流在大家个心肝肚 頭擺人年節㓾雞捋鴨, 會先將頸根項个毛挷淨, 再使菜刀割斷頸根个血管, 一儕揢等雞鴨个腳骨, 圓身托高高, 一儕摎雞鴨个頸根放低低, 分雞鴨个血, 順順仔流入碗公裡肚, 一直到血流淨 雞鴨毋會停動為止, 再放入滾滾个燒水裡肚熝過 該央時, 有當多人家, 同雞鴨擐到河壩或者圳溝脣去挷毛 翻腸 夾毛菇 脣个火爐前, 摎屋下擐來字紙籠个字紙, 一張一張放入爐空肚去 119 燒 阿公唸唸有詞 過化存神, 爐火煙灰跈等流動个風, 飄上 120 天頂 直達天庭, 下後摎燒過个紙灰裝入銅笐仔, 委到坑仔裡 肚, 分長流水帶到當遠當遠个地方去 在該自來水吂有普及个年代, 衫褲襖婆 盆頭鑊蓋洗洗盪盪, 會去到長流水个所在 ; 長流水, 也係大人細子搞水洗身仔 摸 螺挖蟹个天堂 ; 爺哀係過身, 子女在法師个帶領之下, 會去到長 流水个所在, 向河神買水, 洗淨身項个屙糟同冤屈 ; 廟項醮典, 信眾會去到長流水个所在放水燈, 為水路个孤魂野鬼照路, 來享 用普渡个祭品, 在法師个誦經行法之下, 鬼魂得著超生 在該自來水吂有普及个年代, 做得講所有生活个一切, 就離 毋開長流水 長流水, 一直長流在每一儕人个心肝肚 毋過講也 奇怪, 這下个人總知自來水, 毋知麼个安到長流水, 也毋知, 自 來水乜係來自長流水个啊! 118 仔, 無用个腸屎 毛菇仔就放長流水裡肚, 分佢漂流 打走 字紙毋好亂擲亂攉, 無斯會讀書毋識 ; 字紙係講拿來坐, 驚 怕會綿屎朏喔 這係還細時節聽阿公講過个話, 還深深刻在吾 記性个面板項 還記得有一擺跈等阿公个屎朏尾, 去到莊項大廟 118 毛菇仔 : 音 moˊ guˊ eˋ; 細短汗毛 119 120 過化存神 : 音 go fa sunˇ siinˇ; 字紙燒成灰, 字神永留存 坑仔 : 音 hangˊ eˋ; 山間小溪
臺中市 105 年度語文競賽市賽客家語朗讀教師組 ( 四縣腔 ) 編號 9 號 西螺大橋 李秉璋原作講著西螺, 大家會想著麼个? 西瓜 豆油 醬菜 青菜 延平老街這兜, 毋過還有一件係上港有名聲 下港真出名个 西螺大橋 在大橋吂做以前, 係想對彰化溪州該位過來西螺, 愛撐竹排 成時溪州个新娘嫁過來西螺, 新娘轎無法度過大河壩, 新娘愛先坐竹排過來, 再過請轎, 扛到新郎屋下, 想著無奈乜生趣 臺灣个地形, 山佔大部分, 從北部到南部又有幾條大河壩 像淡水河 頭前溪 後龍溪 大安溪 大甲溪 大肚溪 濁水溪 八掌溪 曾文溪這兜 這幾條大河壩同臺灣个西片析切做當多垤 故所臺灣南北个交通十分無利便合困難 濁水溪堵好在臺灣个中央, 河壩面當闊, 寒天時節做得行過一窩一窟个河壩底, 毋 化, 準備來起西螺大橋, 同臺灣南北連共下 毋過起到一半个時節, 日本偷打美國珍珠港, 戰爭越打越傷重, 做橋个材料拿去別位, 架橋个工程嗄做下停跎到日本戰敗 民國三十九年个韓戰發生以後, 美國再過起 等到大橋起好以後, 當時係遠東第一長个橋 全西螺特別為著這鬧熱三日, 家家屋屋都在該請人客, 十分鬧熱 西螺大橋面頂做得行人 行車, 還有臺糖个細火車在該行 對臺灣南北个交通貢獻當大 大橋除忒有經濟意義以外, 還有軍事面項个價值 在橋个兩頭都有兵營, 在橋頭設有衛兵, 當時愛過橋還愛納過路費 可見西螺大橋對臺灣个重要 毋過跈等中沙大橋 自強大橋 溪州大橋 濱海公路个完成, 西螺大橋變到較無恁要緊了 毋過佢對西螺人來講, 無論佢要緊也係無要緊, 佢總係西螺人甚至係臺灣珍貴个文化資產同共下个回想 過到熱天時, 河壩水因為落大雨漲起來, 人車都毋得過, 甚至做大水, 就近个莊頭水浸到歸個人恁高, 影響著臺灣南北个交通當大 在日本時代, 臺灣總督府為著 工業化 南進基地化 皇民
臺中市 105 年度語文競賽市賽客家語朗讀教師組 ( 四縣腔 ) 兩子阿婆 彭瑞珠原作 編號 10 號 七十歲个阿婆摎七歲个𠊎, 逐日都當有好講 當有事頭好做 日頭烈个時節, 盡愛淨俐个阿婆, 會洗被單 擎被骨出來晒 : 交椅 凳板先兜出來排等, 被骨先攤到凳頂分日頭晒 被骨攤啊 開來, 𠊎就煞煞鑽到被骨底下, 自家搞囥人尋, 阿婆還會詐意仔 尋𠊎 囥在被骨下就毋會分日頭欺負, 還做得同日頭絲仔相鬥, 看麼人較慶! 阿婆一片渡𠊎 一片拿出大腳盆洗被單 : 用手亼 用腳蹂 121, 盪過一遍 再過用粥水漿被單, 總愛洗到淨淨俐俐 122 123 晒到萋婥萋婥正甘願 略略仔硬絲个被單 有日頭香味著等个 被骨, 就係阿婆个被骨个味緒 落雨个時節, 在間肚看阿婆攣衫褲 聽阿婆講古 : 若姆一出 124 世該年, 就堵著大地動哦! 三叉个鐵道橋, 都搖斷忒, 苗栗斯 朗朗滾, 下把仔斯飛到當兼, 異得人驚哦! 日本人愛走該下啊, 𠊎用十 粒雞卵同先生娘換著一領ゆかた 125, 該領衫拆開來就分若舅 若 姨做裙仔 底褲仔 若舅這兜哦, 一條褲斯補了補, 哪有好像這 下恁豐湧! 阿婆講到像放電影樣仔, 害𠊎聽到入文, 連外背个 126 屋簷水, 乜來鬥鬧熱 : 一下仔啵啵滾倒到錫桶項, 就像飛行機 正經飛兼來咧 ; 成時又滴滴溚溚, 若人个緊應講 係 係唷! 屋下个雜事愛做, 田坵 山園个頭路, 𠊎兩子阿婆乜異認分, 𠊎盡中意个頭路, 還係跈阿婆去送點心, 蒔田割禾該下, 同阿 粄仔圓 蘿蔔粄 也係綠豆湯, 點心一到, 大家都笑連連仔迎等 過來 : 企在田脣著等大衿衫个阿婆 囥在衫腳下抵日頭个𠊎 一 支擔竿 兩隻菜籃仔 有蝦公鮊哥仔个河壩 河壩兩片係黃臘臘 仔个田坵, 一大陣煞猛割禾 晒到面紅紅 汗流脈落个親族, 笑 連連仔迎等過來食點心个相片, 早就翕在吾人生个相簿裡肚了, 項項東西斯愛配給正有哦! 不時, 還愛走空襲 : 飛行機在天頂 121 122 123 124 蹂 :ngioˊ, 踩踏 萋婥萋婥 :qiˊqiogˋ qiˊqiogˋ, 新鮮 乾淨 著 : 音 diauˇ 三叉 :samˊ caˊ, 苗栗縣三義鄉舊地名 125 ゆかた :iuˊ ka daˋ, 和服浴衣 夏天穿的單衣 126 啵啵滾 :bo bo gunˋ, 狀聲詞 形容水聲
臺中市 105 年度語文競賽市賽客家語朗讀教師組 ( 四縣腔 ) 老番檨樹 劉玉蕉原作 編號 11 號 老番檨樹一兩百歲咧, 恬恬企在伙房背个大圳脣, 頭過係仰 般个因緣, 會在這落腳生根? 跈等祖公輩一個個過身, 佢个身世 127 乜石沉海肚無哪尋咧, 單淨知講一代代人在厥目頭下出世 成 人, 出外鄉做頭路到老死轉屋 佢, 像故鄉親人共樣, 在遊子心 肝肚䌈核一條幼線, 該遊遊野野个鄉情, 也像吊在樹頂个黃番檨, 時時晃啊晃仔, 晃到人安心毋得 細人仔, 年年大 ; 番檨樹, 歲歲高, 寒來暑往, 無掌聲, 無 詩人个讚嘆, 佢恬恬開花 打子, 鳥仔來做竇, 佢用砸磳个樹椏 庇蔭, 風來搞尞, 佢用輕輕个掌聲回答, 熱情个日頭好尋佢搞囥 人尋, 地泥下一跡一跡个日頭花, 就係佢兜徙步个腳跡 蔭涼个 樹下, 有清淨个圳溝, 婦人家安心在這盪盪洗洗, 開陽个石䃗面, 老人家悠閒坐尞 體恤歇睏个做事人, 佢用大皮大皮个青葉招 129 細人仔乜同佢當親, 樹下个齣事仰般都毋會煞, 水細時節, 覓蜆拈田螺, 轉斡該堆沙, 就打粄做皇宮 水底石頭縫, 三不二 時會拈著做齋仔買水个銀角仔, 在該窮苦到屙痢肚个年代, 金皙 皙个兩角銀係盡好个獎賞, 好食个零嗒 枝仔冰就對這來 圳溝 水貢貢滾該下, 一陣細人仔會跈水拋大浪 130, 對番檨樹下个石板 橋, 直直拋到下一板橋去, 走往上, 過再來一到 恁樣來來回回, 上上下下, 在老番檨樹个眼底下, 這兜無人管酌个細孲仔, 逐 131 個都搞到歡喜轟天, 高高个老番檨樹乜看到緊拍手, 黃嗬黃嗬 个青番檨, 跈風晃啊晃仔, 晃到歡喜咧, 斯就拋繡球樣仔, 賞分 樹下該陣細人仔 好天, 樹下恁多人, 落雨天, 佢也毋會孤栖, 雨落越大, 佢斯越慷慨, 圓身个番檨一粒一粒擲無停, 樹下拈番 檨个笑聲也跈等一聲一聲傳無停 歲歲年年, 老番檨樹還係葉青遮日 嬰兒出世个雞酒香, 還 係分佢頭暈暈 ; 年年送走个老朋友, 還係分佢毋盼得 毋過, 這 兜並無影響佢盡心盡力時到開花 花謝打子, 順應自然个心情 萬物之靈个人係毋係該當學習厥精神呢? 128 來清風, 不管時行過厥腳下个人, 做下會頓腳伸腰, 享受該老 番檨樹送來个清涼 127 128 目頭下 : 音 mugˋ teuˇ haˊ; 眼底 不管時 : 音 budˋ gonˋ siiˇ; 不論何時 129 130 131 齣事 : 音 cudˋ sii; 花樣 拋大浪 : 音 pauˊ tai long; 一種刺激的親水遊戲, 與現代滑水道雷同 黃嗬 : 音 vongˇ hoˇ; 微黃
臺中市 105 年度語文競賽市賽客家語朗讀教師組 ( 四縣腔 ) 留糧留種 邱一帆原作 編號 12 號 𠊎當記得, 老屋伙房, 有一個間仔, 穀包 番薯會放放到該 間仔肚, 愛食个時節正對間仔肚拿出來 過年寫春聯, 阿公會喊 阿叔寫 積穀防飢 這幾隻水筆字, 貼到該間仔个門項做門紅 阿公讀過漢書, 當知得門紅面項寫个意思 ; 日據時代出世, 一生 人耕種个阿公, 乜當知得耕種人就望一年透天就望个收成 ; 經過 無米煮番薯湯个年代, 阿公盡知得積榖防飢个重要 積榖防飢, 在耕種个年代, 係耕種人生存个方法同觀念 透 長年, 耕種人在山林 在田洋耕山耕田, 種禾種菜 畜雞畜鴨, 所盼所望个就係五穀豐登 六畜興旺, 做得供養一屋下个大細 係講耕種有收成, 耕種人家就會想著愛留糧 愛留種, 為著下二 擺个日仔來打算 積榖, 就係留糧 留種个一種方式 同收成好 个禾穀, 除除扣扣, 長著个就愛擎來入穀倉, 愛食正礱來食 ; 還 132 有个禾穀, 等到愛委秧仔以前, 穀包就愛擎到圳溝肚去浸穀種, 分佢暴芽好委秧 家鄉有耕種經驗个長輩, 當曉得留糧 留種 不管係禾穀 頭牲抑係菜仁仔 樹秧仔, 耕種用得著个 另擺畜得著 種得著个, 佢兜就會想盡辦法來收成 來留糧留種 頭過, 屋簷下看得著掛在窗門脣晒到燥燥个包粟仁 蘿蔔仁還有番豆仁這兜 ; 這下, 當多耕種人个冰箱肚, 留有當多个菜仁仔 樹仁仔, 時節一到, 耕種人就會拿來點 拿來種, 等種仁暴筍綻芽, 耕種人落肥淋水好好守顧, 望等收成个季節到來 這下, 全球氣候大變遷, 世界人口緊來緊多, 全球物種緊來緊少, 世界糧食个供應出現吔毋罅同無平均个危機 根據聯合國糧農組織 2013 年个統計, 全球至少有 8.42 億个人口在肚飢肚餓中生活, 平均 8 儕人就有 1 儕逐日肚飢肚餓, 情況有緊來緊嚴重个勢面 對恁樣个情況, 祖先傳下來愛留糧留種个觀念, 嗄變到當重要! 對個人 家庭 社會 國家到歸個世界, 應該在自家生活个所在, 留糧留種 毋單止恁樣, 同肚飢肚餓个人𢯭手, 分佢兜做得食飽, 乜係糧食充足國家應該愛有个人道關懷 留一條淨俐个河壩水, 留一搭無污染个田坵, 在臺灣, 在每一個所在, 留糧留種, 積穀防飢 啊! 132 委秧仔 : 音 ve iongˊ eˋ; 撒穀種
臺中市 105 年度語文競賽市賽客家語朗讀社會組 ( 四縣腔 ) 編號 1 號 家娘 謝惠如原作昨暗晡又發夢著你了 133, 怙等杖仔行在禾埕項个身影 三年零吔 盡想你, 恁久無看著, 毋知你在天堂路項過得自然無? 二十一歲做若个後生心臼, 麼个都毋曉得, 舊式个灶下係燒樵草个, 煮飯个時節你會企在邊脣教, 你講 : 燒兩隻半个草結, 飯就煮得熟, 炒青菜愛用烈火, 浸青个色目, 正會餳人食, 炒菠蘺菜愛先放蒜頭菣香, 食起來噴香又承牙, 煮魚湯愛放薑嫲, 較毋會有腥味 還有灶頭灶尾愛收揫淨俐, 在灶下肚放東西愛輕手輕腳, 毋好忒重忒大聲, 係無, 會分灶君爺責罰哦! 過年過節敬神拜佛, 你會帶去廟項拜喏, 順續仔學擺牲儀, 你講 : 左魚右肉雞中央, 邊脣再放雞春 罐頭湊牲, 用三牲也係五牲都做得, 誠意較要緊 掛紙該下你就講 : 除忒準備牲儀, 還愛有芹菜 蒜仔 雞春 豆腐乾 紅粄 發粄, 這兜東西全有厥个講究同代表个意義 芹菜係教子孫愛勤儉煞猛, 蒜仔 希望子孫會除會算, 雞春祈求子孫世代綿延, 食著豐湧, 有食有伸, 豆腐乾代表子孫會高官顯爵, 還有紅粄, 就係代表家運鴻祥吉利, 拜發粄希望事業發達, 錢財無斷 掛紙个時節, 愛左紅右發, 將紅粄 發粄放在牲儀个兩片 ; 斟三到酒過後, 紙炮仔解開來, 放在墓龜後背, 愛打該下, 你就大聲喊 : 後代發喔! 後代大發財, 子子孫孫大發財 屋下个事情, 項項都有規矩, 就連洗衫褲這種看來盡簡單个事情, 你還係有前後順序个傳統觀念, 洗衫, 愛先洗男仔人个, 再洗婦人家个 ; 細倈人个衫愛晾竹篙頭, 婦人家个晾竹篙尾 ; 老公个衫褲一定愛放衫櫥拖箱个上格, 婦人家个放下格, 這種規矩, 異毋慣, 毋過還係愛聽教 幾年仔過後, 買吔洗衫機, 你乜不時在邊脣企等看, 驚怕會毋知綱常, 將細倈仔同細妹仔个衫褲攞攞揫共下洗 你食到八十七歲, 除忒有高血壓以外, 身體康健, 無麼个病痛, 就因爭牙齒發牙包引起 蜂窩性組織炎, 在短短個零月仔就離開兜, 兄弟姊妹大家都盡毋盼得 阿姆! 天光日就係母親節, 當想你! 你知無? 這篇文章係對你深深个思念, 也係愛送分你个母親節禮物 阿姆! 愛你! 133 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 境, 自由詮釋發揮
臺中市 105 年度語文競賽市賽客家語朗讀社會組 ( 四縣腔 ) 編號 2 號 𠊎對客家俗諺个聯想 徐煥昇原作 記得還細个時節, 輒常看著阿公著等東補一搭 西補一搭个 衫褲去田項, 蒔田挲草 巡田水, 𠊎試著當奇怪, 做麼个阿公無 134 愛著較好兜仔个衫褲呢? 食飯个時節, 阿公也督𠊎這兜孫仔孫 135 女, 飯愛食淨來, 碗項毋好留一粒飯糝, 做毋得耗爽 屋下肚 个電火 電視 電扇 冷氣, 也愛隨手關忒 在𠊎還讀國小个時 節, 識聽阿公摎歸家人講過一句話 : 賺錢可比針挑竻, 使錢可比 水推沙 該央時, 還毋知係麼个意思, 正知講, 阿公頭擺識過 過苦日仔, 無錢好去讀書, 連食一碗白飯, 都試著當耗爽, 故所, 一直到這下, 厥个日仔還係過到當省儉 到這下, 𠊎較大了 136, 正試著阿公講个 賺錢可比針挑竻, 使錢可比水推沙, 確實有道理 今年暑假, 在上輔導課以外个時 間, 𠊎去屋下附近仔个加油站打零工, 工錢係一點鐘八十個銀, 唉哦! 阿姆哀唷, 七 八月仔該下, 日頭當烈, 就講係企在屋簷 下, 乜係汗流脈落, 歸身仔溚潦 車仔上上下下, 飛沙打塵, 空 氣肚項全部就係汽油, 實在佇毋著! 毋過, 為著愛賺錢, 還係 137 愛刻耐仔做下去, 做吔兩隻月, 領著萬八銀, 暢到奈毋得 落 尾, 開學前, 想愛買一臺新个電腦, 哪知, 一下仔就用淨淨 唉! 正經就像阿公講个, 賺錢可比針挑竻, 使錢可比水推沙! 在這位, 正想著阿爸阿姆為著屋下人辛苦打拚, 有成時愛加 班到星光半夜正轉屋, 自從毋識聽佢兜喊過一聲苦, 摸著阿爸結 硬膘个手, 看著阿姆个面項, 年視年緊來緊多个皺痕, 𠊎心肝肚 就盡毋盼得 𠊎輒常摎自家 還有老弟講 : 田螺取肚飽, 毋知屎 朏生溜苔 138 這兜細人仔做毋得淨知好搞, 歸日遊遊野野, 毋知爺哀个辛苦 ; 讀書 做事就愛煞猛打拚 ; 愛儆惜錢銀, 一分 一厘都毋好耗爽, 有油莫點雙盞火, 免得無油打暗摸! 个祖先對唐山過臺灣, 煞猛打拚, 耕山耕田, 咬薑啜醋, 正有今晡日个好日仔 前蹶不如後踐, 這下, 𠊎無定還無能力 好同屋下人來𢯭手, 減輕家庭經濟个擔頭, 毋過, 𠊎做得對細項 下仔開始來節約, 認真讀書, 守規矩, 分阿爸阿姆歡歡喜喜, 這 乜係賢孝爺哀个方式啊! 134 135 136 督 : 音 dugˋ; 叮嚀 耗爽 : 音 hoˊ songˋ; 浪費 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情境, 自由詮釋發揮 137 138 刻耐仔 : 音 kadˋ nai/ngai eˋ; 強忍著 遊遊野野 : 音 iuˇ iuˇ iaˊ iaˊ; 無所是事, 到處閒逛
臺中市 105 年度語文競賽市賽客家語朗讀社會組 ( 四縣腔 ) 過年个時節 溫筆明原作 編號 3 號 生理人个記性盡好, 七早八早就打廣告, 宣布新年黏時到, 喊人遽遽出來辦年貨, 香菇鮑魚禮品通通都係大色貨, 生理搶錢 搶到三餐無食放佢餓, 袋仔滿滿, 過年正毋會吮手指心酸又難過 客家人最有人情味, 知得過年个時節, 愛分勞苦歸年仔个畚 斗掃把好好仔尞一到, 年前大家都會大拚掃, 掃忒衰運屙糟个舊 貨, 迎接新年好運到, 阿爸嘵 麼个都毋使做, 淨坐書桌拚功課, 親像做月驚風掃, 就差無用大風草, 囥在間角冷鑊死灶, 過年 139 个味緒一息都鼻毋著, 阿姆講恁仔盡好, 正毋會交手亂串屎朏 嘴, 害甜粄蒸毋熟, 發粄無發平鼻弄 140, 灶君 祖公 伯公並天 公全得失, 來年驚怕米缸會空空, 豆豉脯破析過一冬, 故所過年 个時節拜喏拜到像跳童, 感謝佢兜一年來个相惜, 並祈求三妹考 著好高中, 毋好無著噭到大地動 過年个時節, 吾爸盡煞猛, 對聯五福門紅, 對廳下貼到灶下, 烳鏍 鑊蓋飯甑連眠床枋都貼紅紙, 講恁仔正會鴻鴻福福無煩 惱, 詐戲仔撩佢講, 係恁好, 吾个頭那頂乜愛貼一張, 北一女 正會磕得著, 阿爸應 139 140 交手亂串 : 音 gauˊ suˋ lon con; 窮攪和 幫倒忙 講, 憨痴嫲, 尿水較香愛食無? 啐! 吾个 平鼻弄 : 音 piang pi nung; 原指鼻子平塌的人, 此指發糕未發至像開花那麼漂亮 好阿爸, 過年係毋係愛講兜仔吉祥話? 年三十該暗晡, 阿公撥下大赦令, 正有好離開書房尞一下, 坦白講, 就驚大包大包个矺年錢無好拿, 阿婆盡惜, 偷偷仔 賞 勤勞獎, 差一息大聲喊 : 阿婆英明! 該時節, 外背紙炮 141 142 仔磅到融忒, 伙房肚該兜開始三烏三字 車馬包, 餳人个聲哨 同國中基測這隻鬼怪拚命, 佢兜都無輸, 顛倒係 輸淨淨, 看等天篷怨嘆到天光, 實在無智慧! 歸個心同人都 年初一, 阿姆看穿吾个心事, 同阿爸講, 圍堵毋當疏通, 分 佢樂線一日, 總比有心無思, 有讀無記較贏, 阿婆接嘴講, 佢去拜喏求神佛保庇, 順續仔去認識民俗文化, 對厥个考試多少 會有幫助, 老刀嫲還利, 一刀劈開方便門, 分 帶 有機會看人家仰 仔過年, 正式無虛玄, 大廟鬧熱到尖人毋入, 又係迎龍又係弄獅 頭, 還有國樂團个表演, 還有 還有, 莫笑 人心不足蛇 吞象, 過年个氣, 打幫阿婆个福氣, 愛 謝天又謝地 毋使提醒, 知, 還有初二初三兩場戲, 明年考忒正好好 仔共下打鬥敘 阿爸盡得人畏, 講佢愛去做老姑丈, 問 無? 又合送 敢跈去 對聯, 左聯係 國文英文文不對題, 右聯係 數 學化學學無到家, 橫聯係 豬毋食狗毋喫个假貨, 譴死人, 141 142 仰會愛著這種人 三烏三字 : 音 samˊ vuˊ samˊ sii; 使用三個錢幣來娛樂或賭博 所使用之錢幣須 將無幣值文字之一面磨平成光滑面, 留下另一有幣值文字的一面, 玩法是由各閒 家向莊家下注, 莊家再同時丟擲三個錢幣, 若三個錢幣皆是光滑面朝上, 則莊家 贏 車馬包 : 音 giˊ maˊ pau; 指玩象棋, 可用來娛樂或賭博
臺中市 105 年度語文競賽市賽客家語朗讀社會組 ( 四縣腔 ) 姐公駛牛 張捷明原作 編號 4 號 吾姐公歇在苗栗通霄, 該位有山有水, 還有當靚當靚个山田, 田肚除忒蒔田, 還會種番薯 種蘿蔔仔, 過年前後還有一大片 金黃色靚靚个油菜花 今年過年, 143 跈吾爺哀轉姐公屋下 行過修直个高速公路, 又行過彎彎斡斡个縣道 再跈等通霄溪河壩, 行到幾百年毋曾 改變个細莊頭 -- 烏眉坑 河壩脣个阿啾箭飛上飛下, 帶等 蹶上半山排姐公个山田, 姐公个屋還在水頭風圍背, 田水上坵盤 下坵, 田脣路一碫過一碫, 遠遠看著老牛拖等犁, 背囊還企等幾 隻 手捉蟲仔个白鶴仔, 老牛後背駛牛个人就係吾姐公 姐公帶笠嫲打赤腳, 褲腳攝起來, 一隻手駛犁一隻手拉等牛 索合揢等牛拂仔 144, 嘴項緊喝 hod qidˋ 無就 vo~, 指揮 牛仔前進後退轉彎, 成下仔, 手項个牛拂仔會高高擎起又輕輕仔 放下, 毋過, 佢毋係愛打牛仔, 牛仔恁辛苦做田分 得打 -- 姐公係愛摎牛仔逐烏蠅合爪癢 兜 食, 仰會盼 又聽著姐公畜个大黃狗頷頷吠, 遠遠就歡迎兜, 姐公聽著乜 vo~ 長長一聲, 喊牛仔頓恬放尞, 正笠嫲脫下來 撥一下涼, 又摎兜擛手, 大大聲喊講 : 天時恁熱, 頭那無戴帽仔會晒布忒 145, 先轉去尞涼! 毋過, 就無愁自家日晒夜晒會晒壞無, 老古句講 爺娘惜子長江水, 就驚怕 子想爺娘無該擔竿長 姐公个屋頭前有一口山魚塘, 除忒蓄水蔭田, 還有畜鵝仔 鴨仔 鯉嫲, 行對魚塘脣過, 看著阿舅掖網愛打魚仔, 講愛請兜細人客, 表老弟老妹聽著阿姑摎姑丈來, 又有魚仔好食, 當暢, 跈到後背唱等姐婆教个童謠 : 親家門前一口塘, 畜个鯉嫲八尺長, 長个拿來煮酒食, 短个拿來討餔娘 阿舅乜唱起山歌 : 喊唱歌就唱歌, 喊打魚就落河, 打魚毋驚水恁深, 唱歌毋驚人恁多 該當晝姐婆雞捋鴨 薑嫲煮魚湯當豐沛, 食到尋尾, 毋過, 無牛肉, 姐婆講 : 頭擺阿太有交代, 牛仔恁辛苦恁忠實摎手做田, 毋好食牛肉 轉該下, 又行過山田下到河壩, 阿啾箭又嘰嘰啾啾, 異像摎兜講 : 有閒正來尞! 過了河壩, 行上愛轉都市个縣道, 遠遠个平洋所在, 使牛个相惜聲, 換做鐵牛仔打田个引擎聲傳過來, 斡頭看轉姐公个山田, 親像正在歷史个桃花源轉到現代來 143 144 修直 : 音 xiuˊ ciid; 指將彎曲整修成平直 牛拂仔 : 音 ngiuˇ fid eˋ; 用來拍打牛隻的長條物 145 晒布忒 : 音 sai bu tedˋ; 被晒到頭昏神智不清
臺中市 105 年度語文競賽市賽客家語朗讀社會組 ( 四縣腔 ) 編號 5 號 閹雞情 黃雪珠原作落雨過後个下晝, 𠊎坐公車經過中正紀念堂, 看著 閹雞 表演个宣傳廣告, 一條一條大紅花布仔隨風搖擺, 一看就知係𠊎兜客家个表演 一路項 閹雞 兩隻大字嗄緊在吾心肝肚捩捩轉 對𠊎來講, 閹雞 有兩種意思: 一種係名詞 -- 大閹雞, 過年過節來敬阿公婆个 ; 一種係動詞 -- 雄雞仔變到閹雞个過程安到 閹 -- 雞仔 記得頭擺, 正月半个時節, 頭重溪廟項有閹雞比賽, 十五 146 六斤个大閹雞算異大隻了, 還有十七 八斤个大閹雞, 逐隻肥肥又油油 金黃色, 放在特大隻个托盤肚, 講毋出有幾靚 有一擺, 吾姆畜个閹雞也有十過斤恁大, 𠊎兜細人仔看著該隻閹雞一日一日大, 同閹雞个感情乜一日一日加深 吾姆愛閹雞个時節, 𠊎兜還毋肯佢去捉佢, 兩個細老妹還摎閹雞囥到菜園肚, 吾姆緊喊緊拐, 兩個細老妹正護等閹雞行出來 吾姆同三姊 兩儕人, 七手八腳捉等閹雞到灶下, 無閒吔歸晝邊, 𠊎同兩個老妹在廳下偷偷仔噭 想起該下, 細細仔个心肚就有毋盼得个感情, 實在異難得 這下同吾老妹打嘴鼓講起這段往事, 三儕人就笑到肚屎痛哦! 食閹雞肉个時節, 看著該盤油油金金个雞肉, 口涎水溚溚跌, 實在佇毋著! 大家个筷仔緊夾, 你一垤 𠊎一垤, 大大口食無停 話講頭擺, 吾屋下係開雜貨店个, 屋簷下定期會有一個歇在莊下个阿叔在屋簷下, 兜一張矮凳板 拿一碗公清水, 準備一副簡單个手術用品, 恁樣就做得閹雞仔了 𠊎該下還細, 可能四 五歲樣仔, 逐擺該隻阿叔來做生理, 𠊎就恬恬仔跍在邊脣項, 目金金仔緊看 有人捉雄雞仔來閹, 佢會用當熟練 當伶俐个動作, 捉起雞仔, 用兩隻腳踏等雞仔个腳同翼胛, 雄雞仔 咯! 咯! 咯! 緊喊, 𠊎實在乜毋知雄雞仔係噭也係喊, 總係感覺佢還衰過哦! 該央時乜一直毋知雄雞仔做麼个愛閹, 包尾問吾姆正知, 147 閹過个雄雞毋會恁雄頭, 正畜得大隻, 肉質乜較好食 閹雞 閹雞! 看著這兩隻大字, 吾心肝肚緊笑, 因為閹雞分𠊎當多个回憶, 不管係看等佢一日一日大个大閹雞, 也係吾叔在屋簷下做閹雞仔个手路, 總係分𠊎一種盡滿足 盡感心个童年生活 146 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 境, 自由詮釋發揮 以下同此注釋說明 147 雄頭 : 音 hiungˇ teuˇ; 有雄風的樣子, 此指兇猛
臺中市 105 年度語文競賽市賽客家語朗讀社會組 ( 四縣腔 ) 兩角銀 邱坤玉原作 編號 6 號 正五月个天時, 苦楝樹恬恬仔開到滿山坪, 樹花隨風搖散, 跌落歸地泥个白花, 淡淡个花香, 恁餳人! 也餳著歸群仔个糖蜂 仔, 連𠊎兜乜想搵來食 148 天光了, 屋外个日頭早就爬到竹篙恁高, 正一䟘床, 就感 覺盡毋自在, 心肝肚早有按算了 阿姆, 分𠊎兩角銀, 好無? 一䟘床就想愛討錢 你愛做麼个? 吾姆聽到清清楚楚, 面一橫, 厥聲像刀嫲 恁利, 嚴肅个問𠊎 𠊎 𠊎 想愛買枝冰仔食啦! 莫恁毋堪身分! 還想愛食枝仔冰 厥嘴在該唸, 手無停 个在該同𠊎包飯包 講著飯包, 肚屎就會痛, 根本就無半粒米, 只有細番薯兩條, 醬个薑嫲一垤 看著連當晝个飯包都無飯了, 吾心肝肚偷偷仔想 : 愛哪仔來兩角銀呢? 在該愐个時節, 吾手就伸入吾姆个藍衫褂, 摸著褲袋仔, 無 扡著 希望, 只有氣憤个 失望 ; 吾姆無罵𠊎, 佢自家窿入褲 袋肚摟出內袋, 又順手摟出另外一片个褲袋仔, 連一隻銀角个影 仔都無, 兩粒目珠仁漸漸仔溼忒, 目汁就會忍毋核了 吾姆半譴半笑講 : 阿姆正式無銀角仔啦, 毋會騙你! 毋過, 𠊎無討著兩角銀, 實在毋甘願! 哪知忍毋核个目汁嗄溚溚跌, 毋知麼个膽量恁敢, 𠊎就坐在地泥打潑賴, 緊噭緊大聲 仰仔啊! 為著兩角銀, 你就目汁濫泔, 你就恁無志氣? 忽然間, 吾姆金金个目珠變到十分得人驚 毋過, 想食枝仔冰个 野心, 大過皮肉痛 日求三餐, 夜求一宿 个日仔, 毋單只肚屎愛弓緪, 皮乜 愛弓緪, 因為輒常愛 食祛把絲 吂知看著吾姆轉身去壁角, 𠊎 想這下壞蹄了, 遽遽跋䟘起來, 走到尾瀉屎, 緊噭緊走去學校, 吂知吾姆佢乜毋停手, 跈等在尾項逐過來, 𠊎越驚就走越遽, 走 越遽吾姆就逐越緪, 一路走到三百公尺外个伯公坪, 腳步都毋敢 停下來 細猴仔, 毋好過走了, 阿姆走毋贏你啦 聽著吾姆氣緲 149 緲仔在該喊 150 你會修𠊎! 𠊎半信半疑 毋會啦! 你愛帶大手帕啦, 係無, 愛仰仔讀書呢? 𠊎斡頭, 看著吾姆擐等包好幾本書同番 薯飯包个洋巾仔, 𠊎驚驚縮縮接過來 五月个日頭烈到人佇毋著, 福利社前長長个人龍, 苦楝樹下 跳格仔个細人仔, 儕儕一枝枝仔冰, 享受等枝仔冰涼涼 甜甜个 味緒, 單淨𠊎無枝仔冰 𠊎拳頭嫲揢到緪緪, 揢等兩角銀个手毋 敢放, 到今還記得吾姆同𠊎講个 : 好魚好肉借嘴過, 吞吞口涎也 好過! 一陣風吹來, 苦楝樹个花香越香, 五月个日頭越燒暖了 這 一陣風吹過五十零个年頭 還愛繼續吹下去 148 表完成的語尾助詞 四縣腔有 leˊ leˋ lioˊ lioˋ... 等不同讀音, 讀者可依文章情 境, 自由詮釋發揮 以下同此注釋說明 149 150 氣緲緲仔 : 音 hi meuˋ meuˋ eˋ; 上氣不接下氣的樣子 修 : 音 xiuˊ 或 xiuˋ 皆可 ; 教訓 處罰 此特別指用竹子修理
臺中市 105 年度語文競賽市賽客家語朗讀社會組 ( 四縣腔 ) 大甲河 劉玉蕉原作 編號 7 號 鮮鮮大甲河, 對白雲个故鄉, 該高高个中央山脈崠頂, 一路 151 交朋結友, 匯集山坑壢溝水, 礱礱舂舂撞到烏水溝去 行到東 勢之時, 既經變做會打走人个大河壩了! 河壩水係兩岸馴良百姓 个重要資糧, 從早期个拈大水樵起勢, 到起屋愛用著个砂砂石石 放水耕種 民生用水, 無一樣毋係在厥身項來取用个 佢 152, 就像乳水足足个阿姆共樣, 任圖食个細人仔吮無停, 也因為 恁樣, 對歇在兩片析个居民來講, 大甲河就係佢這兜个母親河, 該心心念念个感情, 毋係外地人揣得著个 打早, 日頭對東片山崠頂探出頭, 金皙皙仔个絲線千條 萬 條, 連到大甲河个水面來, 𥍉光个水面跈等閕出一條黃金大路, 鋪平在眼前, 餳到人腳撓撓仔 153, 發夢乜會想去該黃金路面躪躪 154 155 啊哩 不管時都恁清淨个河壩水, 歸夜仔無人勞攪, 佢, 恬恬 仔溜過石頭 砂面, 輕手輕腳流往下, 路途中堵著礫礫矻矻个大 石牯, 呻一聲, 轉一隻彎, 又趕緊流往下 直直到烈烈个日頭來 撩弄, 尋食个魚仔 囥石頭下个蝦公毛蟹來惹事, 歸條河壩正開 始活生起來 河壩水日日夜夜潑啊潑, 岔出來个細河溪, 係𠊎這兜還細時 節搞尞个好所在 褲腳攝高高, 大家手挷緪, 驚驚險險躪入河壩 肚, 認真看, 慢徙步 浸到腳囊肚个河壩水清清又涼涼, 出手出 156 腳𢱤人跈佢行, 毋堵好一群人就分佢𢱤到翹翹橫, 一橫就一身 潦潦 佢, 流過身邊嘩啦嘩啦緊笑緊大聲 石跳係大甲河个手髀, 紮菅草愛𨃰過石跳, 𨃰一到過一粒 蹴溜忒, 就直接跌落河壩肚 一頭一面个河壩水, 對頸根涼到腳 指甲, 清淨个水, 洗忒心肝肚礫礫矻矻个想法, 早先有麼个慍悴 事, 也分佢沖淨淨了 無著鞋个童年, 省忒脫鞋著襪个費氣 溚 潦个衫褲貼等圓身, 將就就伏在溫燒个大石牯面頂, 晒死𧊅仔樣 仔任日頭晒屎朏 恁樣一晒就晒忒三四十年个歲月, 河壩水還係 在耳公脣嘩啦嘩啦笑無停 ; 悠悠个白雲還係在青青个天頂遊尞, 他鄉个遊子像紙鷂仔, 夢中个母親河揪等心肝肚个該條線, 久久 毋放 151 152 153 154 155 烏水溝 : 音 vuˊ suiˋ gieuˊ; 臺灣海峽 圖食 : 音 tuˇ siid; 貪吃而不知節制 腳撓撓 : 音 giogˋ neuˊ neuˊ; 腳癢癢 不管時 : 音 budˋ gonˋ siiˇ; 任何時刻 勞攪 : 音 loˇ gauˋ; 打擾 156 出手出腳 : 音 cudˋ suˋ cudˋ giogˋ; 手腳並用
臺中市 105 年度語文競賽市賽客家語朗讀社會組 ( 四縣腔 ) 編號 8 號 老古董 詹淑女原作對柑園中央个石碫崎直直跋上去, 遠遠就影得著該頭柚仔樹 佢生在陂塘脣轉角个所在, 聽講, 柚仔樹係吾太親手種个 樹下長年透天放等一張舊个長凳板同兩張矮凳頭, 大家行出踏入, 都會在樹下坐涼 打嘴鼓 大伯在樹椏上背吊等兩條牛索下來, 下背䌈等一垤放平个油桐樹枋, 平常時分𠊎兜吊晃槓仔, 臨暗頭, 叔伯阿哥佢兜就坐在這位掌牛食草 有一年个七月頭發風搓, 這頭老柚樹嗄分風搓打滑忒一桍 風搓過後, 大伯遽遽拿鋸仔同滑忒該片鋸下來, 樹頭該截還破做兩析, 放在禾埕肚晒燥 過有一站仔, 食飽夜, 隔壁个阿冬伯擐等佢做木匠个家啦伙過家來尞 阿冬伯係莊肚盡出名个老師傅, 做事个手路異好 157 𠊎看等佢矻矻确确, 歸暗晡無閒洎杈, 一下仔將樹頭仔刨皮, 一下仔用粗紙將樹頭仔挼幼, 盡尾, 佢同夾在耳公頂背个筆擎下來, 在樹枋項畫圖 打樣 就恁樣開始, 阿冬伯逐暗晡就坐在廳下个凳頭項, 拿等柚樹枋雕雕又刻刻, 過吔差毋多成隻個月, 新粄印就刻好哩! 阿冬伯做个粄印毋會黏粄粹, 大家人盡阿𧩣 吾屋下个粄印, 一片係龜殼形, 另外一片係簡單个圓形, 打側向係一排古錢形个細圓圈仔 一般像做生日 滿月 對歲 伯公生 平安戲摎拜天公个時, 愛打紅粄就係用龜殼形該片向 ; 清明 掛紙摎七月半就用另外一片向較細垤个圓粄 ; 打側向个古錢形就係做丁仔粄用个, 係講年內屋下肚有出丁个人家, 大體在十月半也係來年个正月半就愛做新丁粄請人食 阿冬伯个粄印做好勢該下, 堵好也愛做收冬戲了! 吾婆先同新粄印拿出來, 洗淨了過後, 來回抹吔幾擺个火油, 就放在圓桌脣頭 𠊎兜細人仔全部尖到大灶下, 一儕一句緊在該問 : 愛做紅粄吂? 愛做紅粄吂? 大鑊吂滾, 細鑊洛洛滾! 吾姆一頭唸等𠊎兜, 一頭跈等在大鑊肚煠粄嫲, 等到粄仔亼好勢, 續等放入大紅亼勻來, 這下就開始斷粄粹哩喲! 大家共下同粹一垤垤挼分佢圓, 正包心, 鹹个包綠豆無就蘿蔔乾, 甜个包紅豆也係番豆末, 一隻隻包密來, 盡尾, 歸下抹好火油, 正壓入粄印肚, 一隻隻水紅色个紅粄就做好哩! 阿婆同做好个紅粄一隻隻放入大籠床肚, 用大火蒸半點鐘久, 這時節又軟又香个紅粄就變到靚靚个大紅色哩! 見擺紅粄正蒸好, 吾姆會先拿一垤放在脣頭分佢冷, 過有一下仔, 正用菜刀切到八角, 一儕人一垤, 分𠊎兜先燒燒个食落肚 做細人仔該央時, 分大家喊做 粄仙 个𠊎, 每擺, 總係從食第一口个紅粄該下開始, 乜感覺著年節到囉! 157 矻矻确确 : 音 kid kid kog kog; 狀聲詞, 形容敲打物品聲
臺中市 105 年度語文競賽市賽客家語朗讀社會組 ( 四縣腔 ) 編號 9 號 渡子歌 部編版客家語分級教材第八冊 一想渡子無恁該, 幾多艱難受過來 ; 受盡幾多寒更夜, 仰得子大孝爺哀? 渡子歌 係在臺灣客家莊流傳个一條山歌, 內容係寫婦人家降子个風險, 同養育子女个辛苦 ; 用念唱个方式, 來表現該時代做阿姆儕生活个艱苦, 目的在勸話世間人愛行孝道 婦人家一有身項, 就愛細心細義, 坐得高來驚怕會倒𢫦轉, 坐得矮來又驚會搵內傷 ; 燒个毋敢食, 冷个毋敢嚐 堵著愛做 158, 就算大肚踉䠙, 萬項事情還係愛當 臨將愛降該下, 真像利刀來割肚, 可比利剪來剪腸, 痛到 嘴項鐵釘咬得斷, 腳著皮鞋蹬得穿, 天頂無門想愛上, 地下無 聽著就會目珠溼, 鼻公酸 細人仔還細, 愛當費精神來照顧, 輒常無日無夜, 一日睡無半夜目 係當平常个事情, 無論天時好壞, 都愛揹等細人仔去田項做事 上山撿樵 河壩洗衫 㧡水淋菜 起火煮飯, 逐日就做到兩頭烏 揹等嫩子上山㧡㧡擔擔, 還愛飼細人仔食奶, 子兒來下世, 點點食娘身上个心頭血 一日食娘三合奶, 三日食娘九合糧 做阿姆儕愛先顧細人仔食飽 著燒, 正顧得著自家, 逐擺就 肚屎枵到變背囊, 大腸枵到變細腸, 總係食該伸个冷菜冷飯 換過个屎裙尿墊, 毋管係熱天抑係寒天, 都愛拿去河壩洗盪, 正經係 衰過阿姆个十隻手指腡, 洗到血洋洋 在勤儉个家風肚, 客家婦女愛內外兼顧, 除忒灶頭鑊尾 針頭線尾 田頭園尾, 還愛家頭教尾 在恁艱苦个環境肚, 毋單止咬薑啜醋將細人仔畜大, 還愛省死省命分世細繳學費, 就係做乞食乜愛分子女讀書 人講爺娘惜子長江水, 半點就毋會差 門強愛鑽 婦人家降子當危險, 頭擺醫學毋發達, 衛生條件又 無恁好, 隨時都有可能會無命, 故所講 : 有福之人來降子, 得人 个雞酒香 ; 無福之人來降子, 得人个四垤枋 阿姆來降子, 可比 蟻公游鑊壁, 游得過就 个貨 ; 游毋過, 阿姆个性命就會見閻王 158 大肚踉䠙 : 音 tai duˋ longˇ pongˊ; 孕婦大肚便便
臺中市 105 年度語文競賽市賽客家語朗讀社會組 ( 四縣腔 ) 編號 10 號 阿姆个甘蔗刀 劉玉蕉原作 阿姆个苦, 寫在佢个皺痕肚, 刻在佢擎甘蔗刀燥絲絲又多摺 个手臂項 阿哥一個一個初中讀無畢業就偷偷仔走去南部學整車 仔, 伸著𠊎看著阿姆一日一日殗弱落去, 毋過該甘蔗刀還係削無 159 停, 一枝過一枝, 皮還係薄薄仔, 削好个甘蔗還係恁多汁, 毋 過阿姆削甘蔗个手緊來緊像該擲在禾埕晒到半燥濕个甘蔗尾, 皺 皺過燥絲燥絲, 係毋係哪日阿姆乜會像該晒燥个甘蔗皮共樣, 分 𠊎窿入灶空肚準樵燒? 單儕人渡細人仔个艱苦, 就像甘蔗刀削蔗皮共樣, 愛畀脫層 皮, 用該手尾力, 無擎過刀个人哪會知? 等真个阿姆做逐項事都 恁煞猛, 開雜貨店做个係小生理, 錢水無異足, 單單靠恁樣一箍 一箍賺, 十箍十箍長 160, 愛畜一陣高低佛个四個細人仔, 實在無 恁簡單 田事愛做, 店也愛人掌, 故所對知人我開始, 見擺放學, 𠊎就愛𢯭掌店, 價數寫等, 賣多賣少, 總係一年三百六十五日 煞呢? 看阿姆擎刀仔恁順手, 三年生个𠊎也來試看啊, 秤好重量, 擎等比𠊎較高个甘蔗, 蔗頭頓在地泥項, 對中央刀仔同佢削往下, 仰恁毋聽講, 甘蔗刀一下就溜到地泥下, 吊菜色个甘蔗皮還係好好包等甘蔗, 溜皮都無, 用剁, 用剷, 搣到𠊎一身大汗, 甘蔗皮搣斯搣忒哩, 毋過歸枝仔甘蔗像狗囓个樣仔, 中央蟲仔蛀過个位所, 阿姆大體會削較深, 冤枉哦! 吾功夫無恁深, 就用刻个, 好得伯姆無喊𠊎退錢, 拿著一包長長短短个甘蔗, 額頭打結走哩! 唉, 事非經過, 毋知難 阿姆个甘蔗刀無恁簡單擎哦! 阿姆, 若甘蔗刀愛仰般使, 甘蔗正會削來靚? 你還細, 無麼个力頭, 削毋會靚啦! 阿姆講 𠊎毋信, 等阿姆去田項輪著𠊎掌店个時節, 拈著地泥項个蔗頭蔗尾一遍過一遍削, 蔗尾較簡單緊削斯緊靚, 蔗頭硬砉砉仔目接目無恁該唷, 一截削好換一截, 還係狗囓个樣仔 艱苦个童年, 在阿姆利利个甘蔗刀項一層皮一層皮緊㪐, 甜甜个甘蔗就像吾甜甜个童年回憶! 回憶裡肚有阿姆苦澀个青春, 有阿哥个逆性, 也有𠊎怨怪天公對𠊎个無公平! 到這下就像燒忒个甘蔗皮共樣, 縈歸抓窿入灶空肚, 點火 暖水 佢還係分人燒暖過 毋識關店門過, 賣久吔總會堵著有人客愛現削甘蔗个時節, 仰結 159 160 還 : 音 vanˇ; 依舊 還是 長 : 音 diongˇ; 多 剩餘的意思
臺中市 105 年度語文競賽市賽客家語朗讀社會組 ( 四縣腔 ) 松蘿湖 彭瑞珠原作 編號 11 號 松蘿湖 在偎新北市摎宜蘭縣合界个山崠頂, 係南勢溪个 源頭 佢个行政區在新北市个烏來區, 毋過蹶山个人會去到宜蘭 161 个大同鄉蹶起, 也算係宜蘭異有名个高山湖 因為山路滑溜溜 難蹶 湖脣總有濛沙煙濛等, 就像係一個幼嫩 得人惜又無恁簡 單偎近个十七歲細阿妹, 故所也有人安佢係 十七歲之湖 該年, 大家坐火車到宜蘭火車頭聚總, 換巴士到大同鄉个松 羅村 看得著一隻大茶壺仔个玉蘭站下車 跈等茶山脣个馬膠路 162 163 蹶往上, 離登山口還有幾下公里个山路 ; 大家蹶到捱捱挨挨該 下, 攔著一臺載肥料上山个鐵牛仔, 暢若若仔坐上阿伯个鐵牛仔 摎阿伯打嘴鼓 講笑, 一路同鐵牛仔拚聲胲, 拚到登山口个大水 塔! 164 比人較高个娘花 菅草摎登山口壅到塞塞尋無空, 像係翕人 講 : 路係人行出來个, 大家愛煞猛哦! 樣仔 行過菅草, 還有 彎斡个細路仔 溜滑个大石壁! 堵著壁竳个山路, 大家手做腳 腳做手, 四腳抓等樹藤挷往上! 濕潤个山林肚有得人畏个 山湖 蜞, 路脣徑啊過, 毋堵好就分佢貼著了, 該央時絕對毋好摎佢對 挷哦, 掖一息仔鹽分佢跔起來㪐忒去就好 樹仔高天天遮揫个山 165 林肚, 有樂線樂線飛等个大揚蝶仔 有吂入夜就戇霸戇霸走出 來尋食个鰱鯉 也有睡到戇神戇神對樹頂高跌下來个青竹絲 行過杉仔林 踏過一條條大樹根 鑽過橫下來个大樹桍 看 著一片纏等松蘿个檜樹林, 就到山崠頂了, 再溜過一截細崎仔, 松蘿湖 就到了 熱天个暗晡頭有熊仔聲在樹林肚呼呼滾 朝晨 頭四圍山峎濛沙煙壅等 一彎 S 形水窟分天鵝絨樣仔个草坪揇等 該就係海拔一千三百公尺高个 松蘿湖 今年, 𠊎又來到山腳下个玉蘭茶園 這擺𠊎來遶尞 食茶 166 食茶餐, 無腳門力好蹶十公里个山路了 茶山个阿伯用厥宜蘭 客話摎𠊎打嘴鼓 講笑, 講日本時代佢兜个祖先仰般來到這位生 活 種茶 𠊎俚下把仔鬥有 成下仔落無个客家話, 聽到歸山園 个茶樹都㖸到咭咭顫 山頂个松蘿湖 山腳下个茶園, 乜都應聲 等𠊎俚个笑㖸聲 161 162 163 164 溜溜 : 音 liu tiu; 濕滑 馬膠路 : 音 maˊ gauˊ lu; 柏油路 捱捱挨挨 :ngaiˇ ngaiˇ ngai ngai; 表示勞累的呻吟聲 翕人 : 音 hibˋ nginˇ: 挑釁 165 166 戇霸戇霸 : 音 ngong ba ngong ba; 傻乎乎 腳門力 : 音 giogˋ munˇ lid: 腳力
臺中市 105 年度語文競賽市賽客家語朗讀社會組 ( 四縣腔 ) 編號 12 號 捉貓子看貓嫲 張美容原作頭擺莊下人个屋下, 大體有一間穀倉放穀, 故所差毋多逐家就會畜一條貓仔來打老鼠, 捉貓子來畜該下, 就會聽著人講 : 捉貓子愛看貓嫲喔 意思係講會打老鼠个貓嫲, 正會降有會打老鼠个貓子, 就像這下人講个, 有仰般个阿姆, 就有仰般个妹仔 毋過, 在吾身項, 這句俗諺一滴就無準 削麼个鉛筆, 像刻極樂仔樣仔! 阿姆看著𠊎削个鉛筆, 緊笑緊搖頭, 當毋中意, 佢做麼个就要求亮亮線線 伶伶俐俐, 167 飯, 朋友全知𠊎係就曉茶來伸手 飯來開口个大𠕆嫲 細人仔跈著你還衰過, 一隻粄就打毋出來食 阿姆愁㤕 168 㤕仔講, 人講惜子連孫, 到這下八十零歲吔, 過年過節, 還愛 打粄仔 㓾雞鴨分這兜麼个就毋曉个倈仔 妹仔 孫仔 孫女食 想起來實在不孝, 𠊎這兜既經做阿公 阿婆个人吔, 還愛年老 个阿姆愁勞博激 幫幫撥撥 能幹个阿姆造成低能个子女 這係𠊎个經驗摎感想, 係講 吾姆係一隻當會打老鼠个貓嫲, 𠊎就係一隻毋單淨毋會打老鼠, 還可能分老鼠食忒个貓子 做爺哀儕實在毋使摎子女做忒多 忒 周到, 成時愛放手, 分細人仔有學習 成長个機會, 正做得在這 千變萬化个時代好好生存摎同人競爭 最惱律律不不 儘儘採採 故所逐暗晡除忒摎𠊎兜个鉛筆削好好以外, 還摎𠊎兜个細手帕 衛生紙 帽仔這兜上課愛帶个東西準備好好 吾布鞋哪央時就白白 皮鞋永久就金金 ; 讀書衫熨到亮亮 書包仔洗到淨淨, 先生長透當阿𧩣 毋過, 這無一項係𠊎自家做个, 在同學眼中, 𠊎係生活上个大戇仔 行開, 行開! 會分𠊎跺死 看阿姆在灶下無閒洎杈想愛𢯭手, 腳還吂踏落去, 就分佢逐走, 毋係嫌𠊎徑手徑腳, 就係嫌𠊎驚燒怕冷 因為恁樣, 𠊎一直到行嫁前, 還毋識洗隻碗 煮餐 167 168 𠕆嫲 : 音 xioˇ maˇ; 呆愚的女人 愁㤕㤕仔 : 音 seuˇ dudˋ dudˋ eˇ; 憂心愁慮的樣子