100 年全國語文競賽臺灣客家語朗讀文章 北四縣腔 目錄 考試个時節... 1 姐公个屋... 2 落雨个時節... 3 食夜个時節... 4 客家美食... 5 𠊎个阿姆... 6 牛角會轉彎... 7 廚房經驗... 8 靚靚个客家盤花... 9 姐公屋背... 10 好朋友阿湯牯... 11 𠊎最好看个一本書... 12 好心有好報... 13 阿婆个無字天書... 14 𠊎印象最深个一堂課... 15 失敗个經驗... 16 人公仔... 17 𠊎个休閒生活... 18 學勤三年 學懶三日... 19 養成好个讀書習慣... 20 環境淨俐个重要... 21 一張相片... 22 𠊎个阿婆... 23 𠊎看三國... 24 𠊎个隔壁鄰舍... 25 阿公摎𠊎... 26 都市摎鄉下个比較... 27 故鄉个桐花雨... 28 i
阿雪姑个命... 29 生活從省儉做起... 30 山歌个改良摎傳承... 31 𠊎係後生人 𠊎拒絕毒品... 32 𠊎最好看个一本書... 33 賺錢可比針挑竻 使錢可比水推沙... 34 蹶山... 35 阿婆个智慧... 36 阿新哥个妹仔... 37 痛惜地球 尊重自然... 38 歇个環境摎客家文化... 39 客家民俗... 40 燈籠花... 41 𠊎對客家歌曲个印象... 42 𠊎个阿婆... 43 阿婆个菜包... 44 阿姆个禁指... 45 問天 記八八做大水... 46 一枝草一點露... 47 客語能力認證對𠊎个影響... 48 算命... 49 𠊎歇个社區... 50 阿伯姆... 51 閹雞情... 52 等花開... 53 承天寺後山... 54 歇久他鄉變故鄉... 55 兩角銀... 56 ii
100 年全國語文競賽臺灣客家語朗讀文章 北四縣腔 國小學生組 編號 1 號 考試个時節 鄒瑞梅原作 徐子涵譯 打早天吂光个時節 吾姆就喊𠊎摎吾哥 吾姊䟘床 因為今晡日學校愛考試 𠊎 煞煞䟘起來 看等就會赴毋掣了 明明昨暗晡有認真讀到三更半夜 這下仰會頭暈腦 疺 連東西南北都分毋清楚 管佢三七二十一 死馬做生馬醫 時到時擔當 無米正 來煮蕃薯湯 𠊎三步腳做兩步行 走到教室 看著同學盡早就來到學校 乜當認真在該看書 無幾久 上課个鐘仔聲響了 害𠊎著驚一下 心寒膽顫 當緊張 心臟差一息仔就會 跳出來了 先生分好考試卷 先略略看一下 無想著逐條都係大問題 奇怪 昨暗晡 个夜車坐到哪位去了 到這下還毋知好駛轉來 時間溜溜轉 鉛筆變钁頭 先生看𠊎 毋曉寫 目金金仔緊看𠊎 𠊎心肝肚緊想 但係都寫無 講乜奇怪 平常會寫个題目 這下全部都毋記得了 仰般寫都寫毋會鬥句 斡頭 看其他个同學 有人當認真在該寫 有人頭那就會爪爛皮了 乜摎𠊎共樣寫毋出來 想著愛出門進前 吾姆還三叮嚀四囑咐 喊𠊎愛好好考試 毋好輸分隔壁个春美 下課个鐘聲響了 不管考到仰般 總算係放牛食草了 歸個人都鬆爽了 所有个 同學 好尞个本性也走出來了 吵吵鬧鬧 大家都毋記得頭先考試緊張个氣氛了 雖然都考忒了 毋過𠊎知自家考欸毋好 尤其係考數學个時節 想到頭那就會爆 忒 國語還做得 大約仔做得及格 其他个科目 只有交分天命 道嘆乜無麼个用 這種感覺實在當痛苦 人 愛人打落 火 愛人點著 𠊎決定了 一枝竹篙撐到底 從今以後 𠊎 定著愛認真讀書 做時間个主人 好好計劃 毋會再過開夜車讀書了 恁樣正會有好 个成績 乜毋會分先生摎阿爸 阿姆受氣 1
100 年全國語文競賽臺灣客家語朗讀文章 北四縣腔 國小學生組 編號 2 號 姐公个屋 羅中慧原作 徐子涵譯 講著搞 講著尞 𠊎最好 這下个交通恁利便 總愛有錢 愛有閒 愛去哪仔尞 都做得 但係對𠊎來講 𠊎試著老湖口山頂个羊屎窩最好尞 吾姐婆乜歇在羊屎窩 該窩肚有已多伙房屋 上家下屋有盡多細人仔伴 大家共 下搞 共下尞盡生趣 吾姐婆屋脣有一頭又高又大个榕樹 屋面前係闊闊个禾埕 屋 背後有茶園摎一大片个柑仔園 該位係𠊎童年生活个好地方 講著該大禾埕 係𠊎兜最輒去搞个位所 逐暗晡食飽夜 細人仔就會擠共下 圍 一隻圓圈仔 你出剪刀𠊎出布 贏个人做王 帶頭搞囥人尋 份家啦飯仔1 無就比賽 打極樂仔 揇腰跤 大家搞到歡喜樂天2 鬧熱煎煎 柑仔園乜盡餳人 園肚種有盡多海梨摎桶柑 柑仔樹頂个柑仔打忒結了 因為養 分有限 柑仔毋會粒粒恁大 粒粒恁靚 故所愛摎忒結个細柑子刪減兜仔3 伸个正會 大 𠊎兜細人仔乜盡無閒 會𢯭手摎摘下來个細柑子擲到遠遠去 逐擺都比賽麼人擲 最遠 最遠个人正做得分吾姐公背等轉 這係最好个獎賞哦 吾表哥摎表姊一放學 書包一拂就拉等𠊎 三步做兩步走到茶園去搞囥人尋 吾 表姊做鬼愛捉𠊎兜 大家一儕走一片囥起來分佢尋 吾表哥最高大 淨會囥頭毋會囥 尾 屎朏翹翹 一下仔就分人尋著 𠊎較細隻 儘採鑽到茶樹下 就囥到塞塞 硬尋 都尋毋著 吂知有一擺 𠊎毋睹好嗄溜落水窟肚 手腳搉到烏青 轉到屋下 吾姐婆 看著盡毋盼得 黏時煠鴨卵摎𠊎輾烏青个腳髀 這下愐起來 實在還感心 𠊎從細就分吾姐婆渡大 故所吾姐公摎姐婆歇个羊屎窩 對𠊎來講係帶有乳臊摎 老人臊个好所在 一到放尞日 𠊎就盡想愛去羊屎窩 該就像毋識去過个位所 當餳 人 逐擺都分𠊎有溫暖 快樂个感覺哦 1 2 3 份家啦飯仔 音 fun gaˊ laˊ fan eˋ 扮家家酒 歡喜樂天 音 fonˊ hiˋ lagˋ tienˊ 欣喜異常 刪減兜仔 音 sanˊ gamˋ deuˊ eˋ 去掉一些 2
100 年全國語文競賽臺灣客家語朗讀文章 北四縣腔 國小學生組 編號 3 號 落雨个時節 鄒瑞梅原作 徐子涵譯 論真來講 落雨天就係𠊎个救星 𠊎當中意落雨天 因為落雨个時節 做學生仔个𠊎 就毋使到運動坪升旗 乜毋 使聽校長 主任講到一拖拉牯4 你就毋知了 逐擺日頭當烈个時節 𠊎這瘦挾挾仔个 圓身 就分日頭晒到險險昏忒 晒到毋知人 實在當艱苦 記得 有一日个下晝頭 𠊎聽著打雷公 過一下仔 大雨放勢落 𠊎企在窗門脣 聽等雨水滴滴咑咑5个聲 就像一首一首快樂个交響曲 看等雨水像仙女樣仔在樹葉 頂跳舞 跳過來 跳過去 將樹葉洗到青溜溜仔6 地泥乜洗到當淨俐 𠊎看吾姆在該無閒屋下个事 無時間好搭𠊎 𠊎就摎吾姊偷偷仔擎等遮仔 著等 水靴筒走到外背搞水 涿到歸身潦潦 吾姆反身看著𠊎摎吾姊歸身溼溚溚仔 氣傍氣 鼓 𠊎兜分佢刻到臭頭 免不了也分佢請一盤 竹筍炒肉絲 該暗晡 𠊎就隨寒著 發燒 打哈啾 害吾姆愁到歸夜無睡 照顧𠊎到天光 這下想起來 實在當不孝 𠊎該班有一個鬼頭鬼腦个搞頭王 阿明仔 佢一下課就走到無看著影 阿明仔 盡惱落雨天 因為佢當好打球仔 一旦落雨个時節 先生驚𠊎兜寒著 就會限制同學 通棚做毋得出去外背尞 下課時節 做毋得去運動坪打球仔 該就像愛收厥命樣仔 歸日在教室裡肚企坐毋核 嘴嘟嘟仔踔上踔下 毋知愛仰結煞正好 落雨天嗄變到厥 个剋星 其實 換一隻心情來看落雨天个世界 也已生趣 欣賞在落雨天行來行去个人 有擎遮仔个人就斯斯文文 慢慢仔在落雨天散步 無擎遮仔个人 就三步做兩步走 也有人分大車仔噴到一身潦潦 大聲胲緊罵 害𠊎笑到肚屎痛 落雨天个情景 千奇百怪 希望大家共下來欣賞街路頭一蕊一蕊靚靚个遮仔花 共下來欣賞落雨天个奇妙世界 4 5 6 拖拉牯 音 toˇ la guˋ 卡車 源自日語之外來語 トラック 滴滴咑咑 音 did did da da 狀聲詞 形容下雨的聲音 青溜溜仔 qiangˊ liuˋ liuˋ eˋ 綠油油的 3
100 年全國語文競賽臺灣客家語朗讀文章 北四縣腔 國小學生組 編號 4 號 食夜个時節 曾秋梅原作 徐子涵譯 臨暗頭 讀書放學轉到屋下 封肉香 蒜頭香 一陣一陣 鼻著這兜香味 就知 吾姆無閒洎杈在該準備歸家人个晚餐了 香味害𠊎个肚屎 咕嚕 咕嚕響 肚飢了 𠊎三步做兩步行 遽遽走去灶下 𢯭手抺桌 撿碗筷 順續仔兜菜 最餳𠊎食个菜係蕃薯葉 吾姆炒个蕃薯葉又青又嫩 還有客家封肉乜當好食 逐 擺淨攞豬肉味 就食欸兩三碗飯了 吾姆看著恁樣 就會講 少食多香味 多食傷腸 胃 吾爸 吾姆兩儕都係農家子弟 特別堅持米飯个味緒 因為 粒粒皆辛苦 食夜時節 係𠊎最快樂个時節 因為歸家人做得共下享受吾姆用愛來煮个晚餐 還做得緊食飯緊講今晡日在外背堵著个生趣事 有一擺 吾哥講笑科分𠊎兜聽 害吾 姊摎嘴肚个飯噴到吾哥滿面都係 歸家人乜跈等笑到揇肚屎 食夜个時節 你一句 𠊎一句 盡鬧熱 單淨吾姆較毋好講話 問佢仰毋講今晡日在屋下發生个生趣事 吾 姆講 日時頭去田坵肚割草 草毋會講話 去遶檳榔園 檳榔直直企等 恬恬仔緊看 𠊎 共樣毋同𠊎講話 故所 食夜个時節 做得聽著歸家人快樂个講話 就盡滿足了 著哦 吾姆無上班 又毋好過家尞 歸日仔無講話个對象 乜因為恁樣 逐暗晡 食夜个時節 佢就係最湛斗个聽眾了 雖然吾屋下食夜時節做得輕鬆講話 毋過吾爸規定做毋得一片看電視 一片食飯 佢个道理係 日時頭若爸上班 你兜細人仔去學校上課 食飽夜又愛寫學校功課 歸家人共下打嘴鼓个時間既經盡少了 歸家人共下坐等食飯 正有機會交談 互相關 心 另外 食飯時節乜做毋得腳跍起來 有時 吾哥講到激動个時節 會毋記得 腳又跍等食飯 吾爸就會緩緩仔講 俚無蒔田割禾 毋使請割禾班仔 聽著吾爸 恁樣講 吾哥有兜仔敗勢 歸家人又大聲笑起來 食夜个時節 係𠊎感覺最生趣 最快樂 最幸福个時節 4
100 年全國語文競賽臺灣客家語朗讀文章 北四縣腔 國小學生組 編號 5 號 客家美食 徐貴榮原作 徐子涵譯 頭擺 客家人一直歇在山項 田莊 耕田打林 愛用當多个體力 故所 食雜7摎 一般人無共樣 變成 客家 食 个文化 講著這客家美食 𠊎个口涎水強強就會溚 溚跌8了 在𠊎个印象中 酸酸个豬腸炒薑絲 薑絲嫩嫩 豬腸脆脆 食起來有一息仔酸丟 丟仔 客家人就係好食這味緒 叔公 阿伯長透講 食加兩碗飯 做起事來較有力頭 豬腸無了味也好 同飯攪攪啊 當扯飯哦 頭擺吾公不時講 分人請 無食著炒肉就像無食著豐沛樣仔 原來這炒肉就係今 晡日大家講个 客家小炒 裡背用蔥白 魷魚 三層肉 加兜仔香料 大火炒到噴香 魷魚當香 三層肉毋會肥 食過个人都會講 恁平常个東西 仰會炒到恁香 恁有 味緒呢 這就係客家人料理食品个本等 也係客家美食个代表菜 其他像筍乾摎封肉 清甜个雞盤 酪酪个豬腳 一垤一垤搵蒜仁醋个鹹豬肉 還 有清清个覆菜排骨湯 食起來就係恁有客家人个味緒 另外 客家人長透用自家種个米穀來做各種點心 最有名个就係莊頭莊尾一到做 鬧熱 做好事个時節 家家屋屋就會打粢粑 搵糖粉來請人客 講著這粢粑 𠊎就會 想著還細个時節 不時跈等吾婆去分人請 食飯前 總有一大群人手拿筷仔 一片斷 粢粑搵香香个番豆粉 一片摎親戚朋友打嘴鼓 又食又講 看啊過去 逐儕都笑弛弛 仔 該種親切个感覺 只有客家人正會瞭解 客家人个點心 還有包蘿蔔絲个菜包 軟軟韌韌个水粄 比大麵還較好食个粄條 又韌又滑个米篩目 現下 客家美食既經變成大眾化个食品了 這下 不管係在屋下也係在外背 𠊎輒輒會想著還細个時節 吾婆做分𠊎食个點 心 下二擺 𠊎定著愛學做客家美食 做出阿婆个味緒 分大家來認識客家食个文化 7 8 食雜 音 siid cab 吃的方面 溚溚跌 音 dab dab diedˋ 形容像雨一樣一直滴下來 5
100 年全國語文競賽臺灣客家語朗讀文章 北四縣腔 國小學生組 編號 6 號 𠊎个阿姆 古美珠原作 徐子涵譯 𠊎个阿姆 厥个面圓圓 頭那毛盡長 有一對又圓又金个目珠 看著人就笑咪咪 仔 生到盡靚 盡竳線 係一個有愛心又有耐心个人 平常時 除忒照顧𠊎兜三姊妹 對吾公 吾婆也當有孝 親戚朋友 隔壁鄰舍 通體阿𧩣佢係一個當賢慧个婦人家 雖然屋下毋係已好額 毋過佢有客家人刻苦耐勞个美德 勤儉傳家个精神 總係摎 屋下拚掃到淨淨俐俐 好勢好勢 佢講 毋驚屋下窮 只愛大細有笑容 𠊎就當滿足 了 吾姆會煮盡多好食个客家料理 像蘿蔔乾煎卵 芹菜炒魷魚 木米炒黃梨 鹹菜 湯這兜 還有𠊎最愛食个爌肉 佢盡遽手 逐擺大姑同二姑來屋下个時節 佢會煮歸 桌大家好食个客家菜 分大家食 記得吾姆識講過 愛出頭天定著愛認真讀書 雖然𠊎兜三姊妹係細妹仔 毋過 佢對𠊎兜个教育盡用心 毋會儘儘採採 放學轉去 佢定著愛𠊎兜摎功課寫忒正做得 出去尞 記得有一擺 𠊎為著愛出去尞 字就儘採畫畫啊 一下仔就瀉出去 吾姆看 著就砰砰滾講 鬼畫圖樣仔 搞欸著來食咩 寫个麼个字 重新寫過 佢愛𠊎做事 情 慢慢仔來 毋好鬥緊 心愛靜 手愛穩 寫字做事千萬不可馬虎 到今 𠊎寫字 定著規規矩矩 定定仔來 寫到靚靚 別人看欸欣賞 𠊎自家看欸歡喜 吾姆除忒會要求學校个功課愛做好以外 佢對𠊎兜个家教乜盡看重 像掃地泥 抺桌凳 洗碗這兜 連食飯擎筷仔 通體都愛做到確確實實 吾姆對𠊎兜講 屋愛日 日掃 田愛日日到 書愛時時讀 又講 一日學習一日功 一日毋學十日空 就 係愛𠊎認真讀書 𠊎發病个時節 佢會日合夜照顧𠊎 天時轉涼 會喊𠊎著加一領衫 這下 𠊎愛感謝𠊎个阿姆 伸出佢燒暖个雙手 牽等𠊎向前行 𠊎愛吾姆 𠊎定 著愛聽吾姆个話 認真讀書 做一個規規矩矩 正正當當个人 來報答佢个恩情 6
100 年全國語文競賽臺灣客家語朗讀文章 北四縣腔 國小學生組 編號 7 號 牛角會轉彎 謝惠如原作 徐子涵譯 牛角會轉彎 係莊肚流傳盡久个故事 聽講清朝時代 先民在六堆地區个內埔 竹田 萬巒這兜所在開墾土地 開墾初 期 雜草 大樹生到哪仔都係 石頭礫礫矻矻 大細粒都有 該下為著愛開拓土地 逐家逐戶大部分都有畜牛仔 故所 牛仔 就變成最有力个開墾助手 日時頭利用牛 仔來犁田 耕作 做田坵肚个事 放工後 就將牛仔牽到圳溝肚揾水 無就到河壩食 水 洗身 牛仔个砸磳同耐操 耐勞係一種最基本乜係最重要个條件 愛恁樣正有辦法分主 人在該做田坵肚个事个時節 做得較順序 有效力 愛擇一頭較砸磳 較好个牛仔 大部分係靠 牛販仔9 佢兜為著做生理 不時都愛哪仔去打探 希望尋著做得買賣 條件較好个水牛 若係有看著合意个牛仔 主人又毋肯賣 會挶心事10个牛販仔就會聯 合該兜專門偷牛仔个賊仔 利用暗晡頭下夜時節 用 偷 个方式來偷牽牛仔 第二朝晨主人䟘床後 發現著水牛毋見忒了 就會遽遽去衙門報案 清朝時期 衙門裡肚个師爺就會拿出紙筆 根據主人个話 將牛仔个形體 樣貌 牛角生長个彎 度 詳詳細細个畫出來 等尋著个時節 正做得核對 除忒報案以外 牛仔个主人自 家乜會哪仔尋上尋下 盡奇怪个事情就係 佢兜在牛販仔个牛欄肚認出自家个牛仔个時節 該頭牛仔乜 會出聲點頭應厥主人 但係分佢兜想毋通个係 這頭牛仔明明係自家畜欸三年零个 佢个眼神 佢个牛桊鼻 還有佢个牛蹄這兜 從頭到尾看起來都盡熟 仰般牛角个彎 度無共樣了 後來正聽講該偷牛仔个賊仔有一種奇術11 做得分這硬仃仃个牛角 一日之間轉彎 變到無共樣个角度 假使牛仔个主人尋著厥牛仔 乜毋敢相認 因為連官府乜奈佢 兜毋何 這下 這種牛角會轉彎个技術 既經失傳了 9 牛販仔 音 ngiuˇ fan eˋ 牛販 挶心事 音 giug ximˊ sii 攻心計 11 奇術 音 kiˇ sud 魔術 10 7
100 年全國語文競賽臺灣客家語朗讀文章 北四縣腔 國小學生組 編號 8 號 廚房經驗 古美珠原作 徐子涵譯 古琢古琢真古琢 做好事 擎凳桌 張伯姆就好手腳 火一著就喊坐桌 雞肉盤 拿來剁 煲豬腳愛咬得落 鹹菜湯一大鑊 芹菜魷魚加減落 客家小炒加幾杓 仰會 恁豐沛 煞煞就來坐桌啊來坐桌 吾姆煮个菜又香 又肥 又好食 佢見擺煮菜 𠊎就企到脣口看 看佢一下仔就 煮好一桌菜 𠊎話著煮菜係盡簡單个事情 見擺想愛煮 吾姆都毋肯 講𠊎還細 有 一擺機會來了 吾姆愛出去辦事情 到暗正轉 佢吩咐𠊎講 阿珍妹 你毋係當想煮 菜咩 當晝个菜就分你煮好了 𠊎想 表現个機會來了 煮菜就像食粥共樣恁簡單 該當晝 𠊎煮三項菜 第一項菜係煎豆腐 𠊎先將豆腐切一垤一垤 放落去煎 愛貶面个時節 奇怪 仰會恁難貶 一鑊豆腐分𠊎貶到綿綿 𠊎好食辣个 就想滴兜 辣油 結果啊 手忒遽 一倒就歸半罐 𠊎試食一口 阿姆哀 會辣死人哦 第二項 菜係炒青菜 這定著毋會有問題了 𠊎將火開當猛 菜擲落去正炒著兩下仔 電話響 了 𠊎遽遽去接電話 結果電話吂講煞 菜就臭火燒了 最尾一項菜係煎魚仔 𠊎同 自家講 這係最尾一項菜 定著做毋得漏氣 結果 相佛容易 刻佛難 看花容易 繡花難 一尾魚仔又分𠊎煎到肉做肉 骨作骨 會閼死人 又失敗了 做麼个𠊎看 吾姆煮菜恁簡單 仰般𠊎煮起來會恁難呢 吾爸看著桌頂个菜 緊看緊笑 吾老妹食到牙研目皺12 雖然當難食 佢兜還係摎 菜食淨淨 吾爸講𠊎當乖 只愛𠊎肯學 肯做 總有一日會成功个 背尾 𠊎問吾姆正知 原來魚仔摎豆腐 全部愛等鑊頭烈烈正做得放落去 還過 做毋得忒早貶面 正毋會貶到綿綿 原來係恁樣 煮菜个學問也當大 毋係看阿姆个 動作 翻兩本食譜 就做得洗手做羹湯 12 牙研目皺 ngaˇ ngienˇ mugˋ jiu 咬著牙根 眉頭緊鎖 忍受痛苦的樣子 8
100 年全國語文競賽臺灣客家語朗讀文章 北四縣腔 國中學生組 編號 1 號 靚靚个客家盤花 鍾清蘭原作 徐子涵譯 在廟肚拜喏个老先生同𠊎兜講 頭擺大家經濟無這下恁好 街項乜無人賣花 當 時乜無時行用花盎仔來插花 到欸神明生个時節 就愛用香花 清茶 水果 紅布 金花 牲體來祭拜 在舊曆个每隻月初一摎十五个時節 乜係愛用清茶 盤花 水果 來祭拜 故所這隻盤花 做得講係客家个特色 在祭拜儀式中 係非常重要个部份 頭擺拜个盤花所使用个花材 在廟堂同伯公壇無共樣 廟堂肚拜个花 定著愛有 香味 越香越好 盤花基本个花材有盡多 像仙丹花 芙蓉 扁柏 大理花 粄圓花 山馬茶 白花仔 夜合 含笑 樹蘭 菊花 玫瑰花 蓮蕉花 這兜 但係手指 甲花就擺毋得 愛用一般人家屋前 屋背所種个花 樹為主 花蕊愛用剪个 恁樣正 毋會傷著花樹个樹身 乜代表客家人勤儉 肯食苦个精神 祭拜過个盤花 在神桌項收下來過後 先晒燥來 毋好擲忒 毋好打爽 因為還 有一隻盡大个用處 識聽過老人家講 這種經過神明加持个花草 分大家拿來洗身 做得避邪 保平安 係講細人仔著驚 嚇著 暗晡頭睡目毋得 將花草浸水來洗圓身 就有收驚个效果 聽講壞運个時節 係堵著毋淨俐个東西 花草洗過頭面以後 身 體就會變鬆爽 擺盤花个時節 盡慣會照花个大細來擺 越底層愛越大蕊 對盤仔外背向裡背肚 擺好 緊疊緊高 越拶實越靚 最頂項愛擺一蕊大蕊个紅花 新丁花也係大理花都做 得 乜有人用單一種花材來疊盤花 恁樣就做得變成一盤一盤又圓又靚个盤花了 用香花 茶 果敬奉 最重要个係誠心 誠意 佢無論多少 無論大細 代表个 係一份真心 希望神明 伯公來保佑大家事事圓滿 大吉大利 9
100 年全國語文競賽臺灣客家語朗讀文章 北四縣腔 國中學生組 編號 2 號 姐公屋背 黃火盛原作 徐子涵譯 在放尞日个時節 𠊎最想去吾姐公个屋下尞 該位有盡靚个山仔 吾姐公个屋仔 係老時个伙房屋 正身係廳下 服侍阿公婆牌同神明 看起來有兜仔莊嚴 係搞毋得 个所在 還記得幾下年前 𠊎同吾細老妹走上神桌頂 去看神主牌 睹好分吾姆看著 吾 姆講 麼个就搞欸著 連阿公婆都想愛搞了 實在係天背來个 自該擺過後 𠊎就 無麼个敢去廳下尞 正身兩片側膁係橫屋 吾舅歇在該 故所後來𠊎去吾姐公屋下 就走去橫屋尋吾表老弟摎表老妹尞 吾姐公个屋背係無幾高个山仔 種當多水果樹 過年時節 逐擺都有柑仔好食 年過忒 看得著黃橙黃橙个枇杷 食起來酸酸無講盡甜 春頭過忒 漸漸仔 桃仔摎 李仔 像燈籠樣仔吊到滿樹椏 五月節一過 𠊎盡好食个荔枝就熟了 食起來甜到心 肝肚 荔枝食忒 七月半牛眼無白核 八月半个柚仔摎月華餅共下食 吾姐公屋下頭前个屋簷下 放已多隻滷鹹菜个醃缸 逐擺𠊎轉去就會同吾表老弟 表老妹在該位搞囥人尋 屋面前个天墀坪13脣 有兩頭大榕樹 長年透天葉仔生到榮 榮 吾姐公在樹下裝兩副晃槓仔 𠊎同吾老妹輒常在樹下晃來晃去 過欸快樂个童年 生活 天墀坪出去係禾埕 禾埕側角有一條崎仔 吾姐公在半崎仔種一頭楓樹 熱天一 過 初秋个時節 楓樹葉仔就漸漸仔紅起來了 這時節 拈楓葉做得編織出𠊎个童年 夢 崎仔下有一口陂塘 緊工時節 看著大人扛一臺泵浦抽水蔭田 閒時看著陂塘項 有幾下隻鵝仔摎一群鴨仔 在該陂塘个水面泅來泅去 安然自在 日仔過到分人當 欽羨14 吾姐公在陂塘肚項畜已多魚仔 逐擺臨晝邊仔 吾舅會帶𠊎去釣魚仔 佢還教 𠊎 姜太公釣魚 離水三寸 願者上鉤 故所 釣梹自家做 用糠飯來餳魚仔 逐 擺看著浮胖仔停動 吾心肝肚就盡暢 想講會有大尾魚來食釣了 毋過偏偏大尾無食 釣 細尾湢湢跳 盡後背大體會空手轉去 恁樣乜盡好搞 當想逐日就歇在吾姐公个 屋下 13 14 天墀坪 音 tienˊciiˇ piangˇ 庭院 欽羨 音 kimˊ xien 羨慕 10
100 年全國語文競賽臺灣客家語朗讀文章 北四縣腔 國中學生組 編號 3 號 好朋友阿湯牯 黃鈺雯原作 徐子涵譯 兩年前正考著國中美術班 一儕人從鄉下到都市肚讀書 恁多同學 無一個係熟 事个 心肝肚盡愁慮 吾姆就同𠊎講 愛主動同人相借問 講話愛細聲細義 有禮 貌 莫計較 自然就會交著好朋友 這兩年半來 𠊎交著已多好朋友 大家攞著盡好 盡相惜 其中最知己个還係阿 湯牯 淨看厥外表 頭大大 人矮頓矮頓 面相憨憨个樣仔 會試著佢像一個細憨牯 佢盡好打網路電動 輒輒一搞就搞到毋知晝暗 實際上 佢係一個精砉砉仔个細倈 仔 詩書滿腹 輒常拿著全校第一名 𠊎識問佢 恁會搞 仰還有時間讀書呢 佢講 心專石穿 𠊎搞个時節盡量搞 愛流汗 愛分腦筋歇睏一下 但係拿起書本 絕對 愛專心 周圍發生麼个事 都毋使管 畫圖就專心畫 看歷史毋會想讀英文 遶山花 毋會想著考試 確實盡有效 𠊎做每一件事情都變到相當有效率 𠊎盡佩服佢 手痛好過家 腳痛好繡花 个生活態度 盡樂天 這乜看出佢盡把 扼時間摎機會 總會想 現下个處境 做得做麼个事情 比將講 放學時間較慢 赴 毋著車枋 別儕都係怨這怨該宕時間 佢就恬恬仔拿出書來背 毋會怪天怨地 𠊎會 恁樂觀 就係受著佢影響 雖然佢字墨當飽 上知天文 下知地理 但係佢毋會奢鼻 總係用 交人交心 淋樹淋根 个誠意對待𠊎 見擺請教佢數學摎自然 佢都會教𠊎解題个要領 分𠊎事 半功倍 確實係知得孔竅 打得鬼噭 最難得个就係毋會驚𠊎贏過佢 下把仔 𠊎考 試拚贏佢个時節 佢就會一頭用 十步留一步 免得徒弟打師傅 來同𠊎講笑 一 頭又將佢會个方法總概傳分𠊎 確實做著 真師傅 教徒弟毋留半步 𠊎兩儕就恁 樣相互敬重 相互勉勵 故所成績就盡好 佢乜盡會挑試打落𠊎 刺激𠊎 逐擺都講𠊎 慢牛食汶水 又講𠊎讀書个方法總 係 蚊仔叼牛角 唉 試著盡得人惱 毋過 人愛人打落 火愛人燒著 還係盡 感謝佢提醒𠊎 督促𠊎 做吾人生个鏡仔 俗話講 良言莫嫌少 朋友莫嫌多 𠊎兩儕知己知彼 更加个瞭解自家个缺點 摎優點 知著自家个弱點 正會發覺將來愛打拚个方向在哪 加兩隻月 就愛畢業了 心肝肚盡毋盼得 𠊎兜講好會顧好各人个前途 繼續打拚 定著愛完成自家个理想 11
100 年全國語文競賽臺灣客家語朗讀文章 北四縣腔 國中學生組 編號 4 號 𠊎最好看个一本書 林秋香原作 徐子涵譯 頭擺人講 三日無讀書 腦筋就會生鹵 吾姆乜不時同𠊎兜講 毋讀詩書 有眼無珠 毛籣恁大隻个字都毋識 書肚講个人生大道理 你兜定著愛記得 日常生 活裡肚 對人 對事 哪央時都用欸著 𠊎最好看个一本書 就係在舊年生日个時節 吾姆送𠊎个 佐賀个超級阿婆 這 本書 故事个主角昭廣 從細係一個無阿爸个細人仔 因為厥姆無法度照顧佢 八歲 該年送佢轉到鄉下个阿婆屋下歇 迎接佢个係一間犖犖确确15个茅屋 還識帶過七個大 細 辛苦挨過艱苦生活个超級阿婆 雖然日仔苦到攞鹽攪飯 傍豆豉來過日仔 樂天 知命个阿婆 總有神奇又百變个生活方式 阿婆屋下歇在河壩脣 河壩个頂項係市場 阿婆搭架仔攔河壩頂項流下來个食物 還笑講這條河壩係厥屋下个菜市場 毋過菜單愛由河神決定 無法度自家擇愛食麼 个菜 日求三餐 夜求一宿 就親像蟻公銜泥係過日仔 牛牯拖車乜係過日仔 在恁 樣个生活裡肚 嗄顛倒豐富欸昭廣个心靈 再苦乜共樣知足快樂來過日仔 講著佐賀 个超級阿婆 佢這種樂天知命个想法 𠊎就愐著自家逐擺吵等愛食麥當勞 無食著還 會當譴 實在係人在福中毋知福啊 這本書分𠊎最感動个就係 阿婆不管日仔有幾苦 佢講 人生在世 重要个毋係 有錢 重要个係心肝肚个感受 𠊎兜屋下雖然窮苦 但係人窮志不窮 就係毋認輸 這正係正式个幸福 逐日都愛開容笑面來過日仔 佢這種精神係值得 俚學習个 佐賀个超級阿婆就係在歡樂當中帶等感動人个一本書 有人講 再艱苦乜愛笑分 天公爺看 佐賀个阿婆講 再艱苦 乜愛分天公爺笑出聲音來 就因為恁樣 面 對困苦生活个兩子阿婆 總還係快樂个生活 故所 俚在堵著困難个時節 做毋得 失志 愛更加往好个方向去思考 再困難个事情乜會有解決个方法 𠊎看忒這本書 想著客家人乜同佐賀个阿婆共樣 盡煞猛打拚 勤儉做家 樂天 知命 15 犖犖确确 音 log log kog kog 形容簡陋 12
100 年全國語文競賽臺灣客家語朗讀文章 北四縣腔 國中學生組 編號 5 號 好心有好報 古美珠原作 徐子涵譯 俗話講 好心有好報 壞心有惡報 正經有影哦 記得舊年避暑个時節 𠊎做過 个一件好事情 這下想起來還當快樂 舊年个避暑 𠊎去吾姐婆屋下尞 吾姐婆歇在莊下 屋前 屋背全係田 有當多 蟲仔好捉 像草蜢 蟬仔 揚蝶仔 𧊅仔 𠊎兜逐日在外背拈揚尾仔 打草蜢 有一 日 𠊎兜又到外背搞 忽然間 𠊎看著遠遠个位所有一團白色个東西在該蠕蠕動 𠊎 摎吾老妹遽遽行兼去看 哇 原來係一隻當得人惜个月鴿仔 𠊎跍下去認真看 原來 佢係翼胛著傷 飛毋起來了 實在還衰過哦 萬一堵著狗仔 該就死無命了 這愛仰 結煞正好 管佢三七二十一 先摎佢捉轉去正來講 𠊎定定仔行過去 摎佢輕輕仔捉起來 放到手巴掌項 煞煞轉去尋吾姐婆 拜託 佢定著愛救這隻月鴿仔 俚係無救佢 該佢定著穩死个 吾姐婆看𠊎講到恁衰過 又想𠊎恁善良 恁好心 就答應𠊎兜个要求 吾姐婆黏時就去尋藥仔來摎佢膏 藥仔 膏好正想著無籠仔 月鴿仔愛放到哪位正好呢 吾姐婆又帶等𠊎去街路頭 買一隻鳥 籠仔 還過飼料 𠊎兜逐日摎佢膏藥仔 無幾多日 佢就會在籠仔肚跳上跳下 嘰嘰喳喳 又過欸 成禮拜 吾姐婆講厥翼胛好了 會飛了 做得摎佢放轉去 因為畜恁多日 有感情了 愛放佢轉去 實在有一息仔毋盼得 毋過無法度 鳥仔愛在外背自由自在 飛來飛 去 正會快樂 故所 𠊎就帶等吾老妹 擐等鳥籠仔 去到該日發現佢个所在 打開 籠仔門放佢出去 看著佢自由飛到天頂 𠊎个心情實在還快樂 原來 幫助人个心情係恁好啊 這就係𠊎做過个一件好事情啦 原來 做善事毋 使用當多个氣力摎錢財 只愛有愛心 在生活裡肚 隨時都有機會來做 雖然係一息 仔良善个心 乜會分世界感受著越來越和挼 𠊎一直都相信 心好 命就好 心開 運就開 毋知係毋係恁樣个緣故 該站 仔 好空个事情跈等來 最先係吾爸 吾姆阿𧩣𠊎恁好心 送𠊎一樣禮物 續等係惜 𠊎个滿姨又帶𠊎兜去麥當勞食 連考試都考到拗蠻好 𠊎定著還愛做當多當多个好事 情 因為善有善報 好人自然有福報哦 13
100 年全國語文競賽臺灣客家語朗讀文章 北四縣腔 國中學生組 編號 6 號 阿婆个無字天書 劉敏華原作 徐子涵譯 吾屋下附近有一條盡靚个河壩 平常係無落大雨 無發大水 河壩脣就有人在該 牽牛食草 牛背囊頂就會有白鶴仔食蟲仔 該種景色盡好看 故所𠊎不時在放學个時 節 背等書包坐在河壩脣 看日頭落山 順續仔看牛仔食草同白鶴仔散步 有一日 𠊎看著該兜白鶴仔 哦 哦 緊叫16緊飛 歸陣仔飛向山該片去 無留 在竹頭頂項過夜 𠊎感覺盡奇怪 就走去問吾婆 做麼个白鶴仔會歸陣仔飛到山該片 去呢 吾婆同𠊎講 白鶴仔飛向山肚去 係會落雨了 朝晨頭白鶴仔係飛向海脣个方 向 就係會好天了 𠊎感覺盡奇怪 吾婆無讀過書 毋識字 毋過佢麼个都知 尤其係生活裡肚養生 个知識 像吾婆盡煞猛種菜 佢不時會講 正月蔥 二月韮 三月薑 人就係愛食季 節菜 正毋會有病痛 食飯个時節乜輒常講 食飯先啉湯 贏過尋藥方 分𠊎印 象最深个係逐年五月節 吾婆定著會摘大風草 抹草 扁柏 艾草 芙蓉 茅草 榕 樹葉這兜 總共七種花草 同午時水 用大鑊仔煮盡香个避邪水分全家人洗身 佢老 人家講五月節洗避邪水 一年都做得帶來平安 這係佢老人家傳統个觀念 吾婆逐暗晡會去莊項个三山國王廟拜喏 堵著初一摎十五 佢會同信眾共下誦經 有一擺 𠊎問佢 阿婆 你唸个太陽經 太陰經 係麼人教你个 吾婆同𠊎講 頭擺客家人重男輕女个觀念盡重 𠊎在屋下係長女 細細仔就愛撿樵打草 帶老弟 摎老妹 哪有好分𠊎去讀書 𠊎淨知摎生活裡肚个經驗記落肚 就毋會毋記得 另外 一方面 𠊎會聽人講 聽人唸 再煞猛記在心肝肚 故所 𠊎唸个經毋係別人教𠊎唸 个 完全係自家用聽 同佢記起來个 原來 吾婆个無字天書就係經驗摎記才 人講 老罔老 經驗係寶 又講 家有一老 便係有一寶 客家人个 敬老尊賢 定著愛傳揚下去 留來分後代子孫 有盡好个榜樣 16 叫 音 gieu 鳥蟬鳴叫聲 14
100 年全國語文競賽臺灣客家語朗讀文章 北四縣腔 國中學生組 編號 7 號 𠊎印象最深个一堂課 黃鈺雯原作 徐子涵譯 𠊎從細到這下 在學校讀書有七八年久 所有教過𠊎个先生 逐個都盡會教書 分𠊎學著盡多个知識摎做人个道理 雖然 當多課程都盡生趣 𠊎都還記得 毋過 係愛講𠊎印象最深个一堂課 還係舊年陪吾姆去醫院降嬰兒仔个時節 吾姆同𠊎上个 一堂課 就在該幾點鐘久个時間 看等吾姆个肚屎痛到佇毋著 到吾老弟平安降出來 个時節 分𠊎上欸一堂盡寶貴个生命課程 原來 𠊎乜係吾姆恁樣經歷千辛萬苦正降出來个 在𠊎看著吾老弟个時節 心肝 肚非常个感動 想都想毋著 一個人就恁樣出世了 就在該央時 𠊎同自家講 生命 係盡可貴个 定著愛好好珍惜 從今以後 𠊎愛更加有孝爺哀 愛照顧好自家个身體 毋好分佢兜來愁慮正好 該央時 吾姆同𠊎講 𠊎乜係摎吾老弟共樣 幼皮白肉 面頰卵紅冬冬仔 盡得 人惜 佢講 逐個嬰兒仔都係爺娘个子子肉肉17 係爺哀盡大个希望 所有做人爺娘个 都希望子女身體康健 平平安安个成人長大 更加希望子兒有出息 煞猛讀書 大 了做一個有用个人 故所 成時看著𠊎毋睹好跌倒著傷 無就寒著發病仔个時節 心 肝肚就盡毋盼得 係講𠊎蠻皮 講毋聽 佢還較像十二月个芥菜 盡傷心 吾姆還講 爺娘恩情大過天 老鴉仔有反哺之義 羊仔有跪奶之恩 俚做人定 著愛對爺哀賢孝 俗話講 爺娘想子長江水 子想爺娘擔竿長 爺哀關心子女个心 遠超過關心自家 麼个事情都會為子女來設想 千辛萬苦个同 俚畜大个恩情 係 俚一生人都還毋忒个 老古人言講 生時四兩豬肉食 贏過死後一條豬 又講 千跪萬拜一爐香 毋當在生一碗湯 就係同 俚講 平常時就愛知好行孝 這就係𠊎印象最深个一堂課 𠊎聽欸以後 頭磬磬仔感覺盡見笑 這下 𠊎毋會 再過分吾爸 吾姆擔心摎操煩 毋會對佢兜堵堵撐撐 乜毋會摎吾姊齬齬齖齖 冤家 羅債 還較毋會懶尸了 𠊎知好𢯭手拚掃 出門 轉屋會同佢兜講 乜當煞猛讀書 作業盡認真寫 𠊎寅時卯時都會記得愛做一個知人我 知上下个子女 17 子子肉肉 音 ziiˋ ziiˋ ngiugˋ ngiugˋ 心肝寶貝 15
100 年全國語文競賽臺灣客家語朗讀文章 北四縣腔 國中學生組 編號 8 號 失敗个經驗 李得福原作 徐子涵譯 記得讀三年生个時節 有一日放學轉去 看著天色會暗了 𠊎就學洗米煮飯 雖 然從來無煮過飯 但係𠊎記得吾姆輒輒講 一杯米放一杯水 洗米 洗菜最少愛洗三 遍 吾姆講个這兜話 平常時𠊎毋會特別去記起來 唉 今晡日嗄用得著了 就像 書肚講个 眼看千遍 不如手做一輪 𠊎將米洗淨後 放入電鑊肚煮 𠊎心肝肚緊愐 這係𠊎第一擺煮飯 等一下鑊仔肚个飯係煮好了 定著香噴噴仔 特別有味緒 哪知 時間到了 鑊蓋打啊開 阿姆哀 電鑊肚个飯還半生熟 有兜 鬆鬆 有兜黏黏 全部食毋得 仰會恁樣呢 打電話問吾姆 原來就係𠊎無在電鑊肚 放一杯水 故所變到乾煮 有米煮無飯 還係尷尬 有欸這擺个經驗過後 下二擺𠊎 就毋會毋記得放水了 有這擺失敗个經驗以後 𠊎做事情以前總會多愐 多想各種可 能發生个狀況 事先考慮周全 無想著 恁樣細心細意 還本本會失敗 有一擺 學校舉辦跳索仔比賽 比賽个 項目有單人組 雙人組摎三人組 先生推派𠊎摎另外兩個同學代表班項去比賽 為著 這擺个比賽 乜為著愛拿著好成績 逐日下課个時節 𠊎就會主動湊同學去操場練習 變化跳法 轉換方向 加強練習 到正式比賽个該朝晨 全校个學生仔都圍在操場脣 看著恁多人 𠊎心中偷偷仔 歡喜 因為定著會贏 心肚恁樣想 其他个事情就無閒去多加注意了 比賽開始了 因為忒有自信 兩隻手拂索仔个力道無平均 跳無幾多下就卡索仔 停下來了 第二 擺再過跳 還係共樣失敗了 接等个雙人組得著第三名 三人組个 又因為配合毋好 正得著第四名定定 自家敗勢到面紅濟炸 頭犁犁毋多敢看人 經過這兩擺个失敗 𠊎正知著頭擺人講个 學術毋精 驕兵必敗 乜了解著自 家失敗最大个原因 都係毋罅沉穩 忒容易驕傲 忒容易看輕天下个事情 從該兩擺 个失敗經驗以後 𠊎變到更加小心 接受任務以前 頭腦總會先考慮清楚 最重要个 係𠊎接受失敗 會記得失敗帶來个教訓 下二擺 𠊎會較煞猛 較認真行向成功之路 16
100 年全國語文競賽臺灣客家語朗讀文章 北四縣腔 高中學生組 編號 1 號 人公仔 徐月里原作 徐子涵譯 記得𠊎讀國民學校一年生个時節 已驚生份 等到𠊎讀三年生該年 膽量就緊來 緊大了 有成時𠊎會在街路頭踔上踔下見世面 有一日 𠊎著等該雙既經著有兩年 無已合腳又還好好个屐仔 在市場脣个街路肚踔來踔去 該舊街路頭有一間洋品店 聽講店肚賣已多洋貨 有賣該紅色布面 白色鞋帶 細妹仔著个關公鞋 過年時 吾姆識同𠊎買過一雙 講𠊎讀書時節正好著 店仔面前 擺一隻做得徙停動个細糖攤仔 有賣抽糖仔个東西 乜有賣兜仔假銃仔啦 紙牌啦 人公仔啦這兜細人仔搞尞个東西 一半下𠊎討著五角銀 就會去抽糖仔食 該日餳著 𠊎个東西 係用枋仔釘起來个架仔頂吊等个該隻 用光面塑膠紙包起來个塑膠人公 仔 該隻塑膠人公仔已無共樣 厥頭那毛虬虬肨肨 目珠圓圓金金 會停動 目珠毛 翹翹 鼻公刀利利 鼻公頭錐錐 鼻公空細細 手腳幼幼長長 做得變換動作 該兩 隻手髀略略仔彎彎 做得擐東西 手指尖尖翹翹 兩隻腳長長躡腳尾18 有一雙滴滴仔 19 个高 鞋做得替換 高 鞋呢 會企又會坐 著一領到腳膝頭个洋裝 上身胸脯大大 腰骨細細 下身係攝幼褶个肨裙 實在還靚个人公仔哦 𠊎實在當想買 頭家看𠊎企在擔仔前看恁久 就行上前問 細阿妹仔 有想愛買無 轉去同屋下 人討錢來買 該正經係驚死人个價數 你知無 𠊎愛幾下隻禮拜正討得著五角銀好 買食 該下五角銀斯做得買著甜甜又透心涼个清冰一支呢 頭家講該身人公仔愛 十 七箍 𠊎緊拚拚仔走轉去同吾姆講 氣緲緲仔20 講都毋會清楚 還緊揪吾姆个手去現場 看 噭乜噭了 嘺21也嘺過了 𠊎舞到自家目汁闌干 吾姆講 這下屋下哪有恁樣个 閒錢好買呢 莫過噭了 阿姆用花布仔做一隻得人惜个布人公仔分你搞 莫再噭到像 食著死雞腸樣仔 好恬了 這五角銀囥好 𠊎毋甘願歸毋甘願 一時乜想無計 自 家乜知實在係嘺人 鼻公摸摸仔 目汁捽燥來 就恬恬仔無再過吵佢了 18 19 20 21 躡腳尾 音 ne giogˋ miˊ 提起脚跟 用脚尖着地 滴滴仔 音 did did eˋ 很小的 一點點而已 氣緲緲仔 音 hi meuˋ meuˋ eˋ 上氣不接下氣的樣子 嘺 音 kieuˇ 吵鬧糾纏 17
100 年全國語文競賽臺灣客家語朗讀文章 北四縣腔 高中學生組 編號 2 號 𠊎个休閒生活 古美珠原作 徐子涵譯 有閒時節唱山歌 人生毋使超過勞 貧窮富貴命注定 身體健康快樂多啊快樂 多 這下个人因為工作當無閒 生活壓力大 大家透日仔就勞勞碌碌 做到無閒洎 杈 大人為著愛照顧家庭 生活當中除忒做事還係做事 讀書人為著愛考一隻較理想 个學校 逐日認真讀書 長透讀到有日無夜 𠊎正無恁戇 功課雖然當要緊 毋過生 活當中 還係愛有適當个休閒活動 分 俚放輕鬆正著 這下个休閒活動有哪兜呢 像旅行 看電視 看電影 看書 運動摎蹶山 還有 這下最時行个騎腳踏車仔這兜 𠊎个休閒生活當精彩哦 像𠊎好唱歌仔 無論係國語 歌 學老歌 英文歌也係客家歌 𠊎全部都曉得 唱歌仔毋使當好个場所 隨口就做 得唱 由在你唱到雞毛沉落水 也係石頭浮起來 乜無人會管你 𠊎長透唱等 唱等 心情就快樂起來了 禮拜日 𠊎會尋吾老弟共下去學校打籃球摎羽毛球 打籃球毋單淨好搞 聽講乜 做得分𠊎生到還較高哦 羽毛球个速度盡遽 𠊎就像孫猴仔共樣 飛上飛下 就驚接 毋著球仔 見擺就搞到汗流脈落 歸身仔潦潦 實在還爽快 打球仔分𠊎毋記得讀書 个辛苦 實在快樂 人講 花開滿園自然香 八月秋風漸漸涼 秋天八月半邊脣最合適出去旅行 遶山花了 放尞个時節 吾爸輒輒會帶𠊎兜出去遶尞 𠊎當好去河壩捉魚仔 網蝦公 河壩水又鮮又涼 該魚仔在水竇肚泅來泅去 𠊎摎鞋脫忒 遽遽跳落河壩肚 該種 感覺正經係透心涼 害𠊎見擺就尞到毋知好轉 這兜就係𠊎个休閒生活啦 雖然逐儕人个休閒生活無共樣 有人好打球仔 有人好看電影 也有人好看書 好做麼个都無要緊 最主要愛尋隻你中意个休閒活動 來分你放輕鬆 大家在這恁無 閒个社會 毋好分工作也係功課變成若生活个全部哦 恁樣到老了 正來怨嘆就來毋 掣了 愛記得 休息係為著愛行還較遠个路 故所 這下無論大人也細子 大家定著 愛安排休閒生活 分自家逐日輕鬆又快樂 18
100 年全國語文競賽臺灣客家語朗讀文章 北四縣腔 高中學生組 編號 3 號 學勤三年 學懶三日 徐子涵原作 從𠊎還盡細个時節 吾姆就輒輒話𠊎講 屋愛朝朝掃 田愛日日到 書愛日日讀 又講 一日學習一日功 一日無學十日空 故所 無論學校係上課也係放尞 吾姆規定𠊎兩姊妹 逐日都愛讀書 愛運動 愛拚掃 因為緊尞緊懶尸 緊睡緊迷痴 俚人哪 學勤 愛有三年 學懶 毋使出三日哦 毋會差 俚愛經過盡久个時間 正會改忒懶尸个性格 絕對無辦法在三兩日仔 就養成勤勞个好習慣 係講毋肯做事 毋肯停動啊 兩下半仔就會變懶尸了 懶尸人 做麼个都難 連食飯都懶煮 懶食 還記得有一年避暑 睹睹好吾姆做頭路盡無閒 𠊎想推懶一下 一駁仔無讀書 無運動 應該無麼个要緊 就偷偷仔看電視 搞電腦 毋係食就係搞 逐日都歡喜樂 天22 生活盡享受 無想著 正幾日仔定定 就開始起懶根了 朝朝睡到日頭紅 歸日 仔流流漂漂 像閒神野鬼樣仔 一日過一日 時間就恁樣分𠊎白白宕忒去了 到愛開學个時節 正知河壩跑馬 壞蹄了 一大堆个事情吂做忒 無頭無䌈 害𠊎毋知愛仰結煞正好 趕緊讀書寫字 毋過 看無兩下仔个書 寫無兩行个字 就 無精神个頭磬磬啄目睡 書房乜狼離狼犁 堆山塞海 看著就懶頭 唉 歸個人就像 分大石牯矺著 感覺著壓力盡大 有欸該擺个經驗 𠊎正知著 坐久變懶 睡久成病 這句話實在有影 確實係 學勤三年 學懶三日 𠊎這下毋會再過恁樣 毋敢懈怠了 自家个東西 定著會隨等收成好 毋會儘採 亂放 𠊎會摎屋下整理到伶伶俐俐 食飽飯 乜會煞煞撿揫 𠊎會規劃時間 煞猛讀 書 還會保持運動个好習慣 做事情會較煞手兜仔 趕燒趕熱去完成 斷真係 毋怕 事難 就驚人懶 漸漸仔 𠊎體會著老古人言講个 人勤地獻寶 人懶地生草 勤人登高易 懶 人伸指難 勤勞糧滿倉 懶尸空米缸 勤勞身體好 懶尸催人老 這兜鼓勵人愛 勤勞个道理 總講 學勤三年 學懶三日 俚个生活愛好 就愛較煞猛兜仔 只 愛耕種有用心 钁頭底下有黃金 22 歡喜樂天 音 fonˊ hiˋ lagˋ tienˊ 欣喜異常 19
100 年全國語文競賽臺灣客家語朗讀文章 北四縣腔 高中學生組 編號 4 號 養成好个讀書習慣 徐貴榮原作 徐子涵譯 當多做阿爸 阿姆个人 長透會問 厥細人仔生來已精靈 仰般書會讀毋來呢 有兜人就去廟項燒香 拜佛 求靈丹 有兜人就怪交著壞朋友 還有兜人會怪學校个 先生毋會教 大家來試想啊 恁樣 敢著 記得頭擺讀國中个時節 一日到暗捩捩轉 想空想缺23 企坐毋核 坐無兩分鐘 屎胐就像生竻樣仔 企起來摸這摸該 看電視 打電動 逐擺發成績單 無一科見得 人 有一暗晡 吾姆帶𠊎去吾姨个屋下 看吾表姊仰般讀書 𠊎兩儕一入門 就看著 吾姨丈恬恬仔在廳下整理資料 吾姨在該看書 吾表姊摎表老弟共下在該寫課題 𠊎 跈等就分醒24過來了 厥屋下讀書个習慣恁好 難怪細人仔盡會讀書 可見讀書習慣係 盡重要个 到底愛仰般養成好个讀書習慣呢 𠊎看著吾姨屋下个情形 想著下背三點來分大 家參考一下 第一 讀書心愛專 毋好花娘心25捩捩轉 人講 心專石穿 毋過 盡多人讀書 一本書拿等 就像該 細和尚仔唸經 有嘴無心 心肝肚緊想別个事情 一下仔 想搞電腦 一下仔又想出去尞 讀無兩下仔書 又分當多別樣个事情雜入來 心毋定 想愛摎書讀好 該就 等雞公生卵 哪有希望 故所 毋好摎電腦 收音機 漫 畫書 好搞个東西放到書桌个脣頭 恁樣 正會專心 第二 課內摎課外个事情愛分開 讀書个時間 毋好去想學校社團摎出去尞个事 情 閒時閒節 無麼个緊要个事情 毋好緊打電話 逐日見面 毋使用 E-mail 傳來傳 去 浪費時間 課內摎課外个時間 係無分清楚 搞又無搞著 書又無讀好 第三 愛有計畫 時間一到就愛去讀書 做毋得先生無出作業 就毋讀書 其實 高中生个課業當重 愛讀个書堆山塞海 故所 自家愛有計畫 好好安排讀書个時 間 老古人言講 甘蔗食了一目正一目 定著愛一步一步去複習頭擺讀過个東西 乜愛先看天光日个科目 最尾 𠊎想大家个頭腦差無幾多 讀書个習慣係毋好 讀書就有差 等考試到了 就算 三十暗晡个尿桶 盡拚 又乜難了 俚還係 桐油盎仔裝桐油 認分 兜仔 平常時就養成好个讀書習慣較贏 字墨正會飽 23 24 25 想空想缺 音 xiongˋ kungˊ xiongˋ kiedˋ 胡思亂想或想盡辦法 動歪腦筋 分醒 音 funˊ xiangˋ 甦醒過來 清醒 花娘心 音 faˊ ngiongˇ ximˊ 不專心 三心兩意 20
100 年全國語文競賽臺灣客家語朗讀文章 北四縣腔 高中學生組 編號 5 號 環境淨俐个重要 徐貴榮原作 徐子涵譯 記得還細个時節 在鄉下跈吾公 吾婆歇 屋面前當闊 看著个係禾仔 樹仔 竹排 青青一大片 行出去 不管係大圳 細溝 也係河壩个水 淨淨俐俐 裡肚還 有鯽魚仔 蝦公 湖鰍仔 泅來泅去 當得人惜 暗晡頭 雖然哪仔烏疏疏 毋過 兜一張凳仔在禾埕肚尞涼 聽𧊅仔聲 風吹啊來 涼沁 涼沁 當鬆爽 毋過 這恁多年來 時代進步 工商發達 漸漸仔 頭擺个青山綠水毋見忒了 看著工廠一間一間起起來後 大圳 細溝仔流出來个變到烏烏个毒水 污染欸空氣 水源摎土地 莫講魚仔 連人都會分佢跼死26 還有 這下當多人無注重衛生 儘採擲 垃圾 呸27檳榔汁 菸 擲菸屎 哪仔都有油紙袋仔 保麗龍摎垃圾 一大堆垃垃圾 圾个東西裡肚 生蚊仔 發蟲仔 垃圾又過塞到水溝肚 蚊仔摎烏蠅斯滿天蓬蓬飛 環境嗄變到屙屙糟糟 生活在這種環境裡肚 人同頭牲當然會中毒 頭擺較無恁多个工廠 人乜較無講究衛生 毋過屋前 屋背个草 長透鏟到淨淨 熰28來做肥 食个東西係有伸 就拿去餵頭牲 毋會濫糝倒 這下 社會進步 生活 忒好了 食个 用个伸到一千擔 逐日个垃圾 擲到堆山塞海 大部分个人當無閒 無去注意環境係仰般形 有兜人又當自私 自家屋肚裝到淨淨俐俐 社區个環境就無 愛插佢 恁樣還係無用 大環境毋淨俐 衛生差 仰毋會發病呢 環境衛生个問題 對 俚个影響非常大 故所 首先希望政府 社團愛多宣傳 多教育民眾 認識環境清潔个重要 衛生單位乜愛隨時檢查 再來 希望政府訂嚴格 个環保法律 若係有人無照規定來做 定著愛罰 還有 愛提高大家个公德心 毋好 亂擲垃圾 愛共同來維護 共下來清潔 个環境 最尾 大家愛知 環境若係淨俐 醫院就毋使去 環境若係屙糟 病痛就歸拖攞29 老古人言講 窮生狗虱富生瘡 張飛又乜驚發病 故所 無論有錢人也係窮苦人 定著愛注意環境衛生 裝分佢淨俐淨俐 身體正會康健 26 27 28 29 跼死 音 kiug xiˋ 形容極悶 難以呼吸 跼 音 kiug 拘束 限制 圍堵 困住 此作為悶住 呸 音 pi 吐 熰 音 eu 悶燒 歸拖攞 音 guiˊ toˊ loˊ 一大串 一大堆 21
100 年全國語文競賽臺灣客家語朗讀文章 北四縣腔 高中學生組 編號 6 號 一張相片 黃雪珠原作 徐子涵譯 初秋个時節 一陣一陣个涼風 吹入吾姆个間房肚 吾姆个手項 拿等這張略略 仔褪色个新娘相片 心肝肚毋知在該愐麼个心事 往事分佢留下當多甜蜜个回憶 有 人講 每一張相片都有一隻感動人个故事 無毋著 這張相片 又分吾姆想起出嫁時 个情景 佢講 𠊎二十二歲該年 莊頭个阿英姑本成愛帶若爸去看別家个細妹仔 恁睹好 該細妹仔無在屋下 佢就帶若爸來看𠊎 記得該央時 𠊎兜好茶就囥在間房肚毋敢 出去 若姐公摎若姐婆佢兜在廳下摎若爸打嘴鼓 聽佢兜有講有笑 像已歡喜樣仔 緣份啊 恁樣就講成這門親事了 這下想起來 實在已大膽 該時節 𠊎根本就 無看真若爸个面貌 乜毋知若爸个性體 更加毋知佢到底做麼个頭路 總係聽若姐公 講 人老實 有食頭路就好 毋過 𠊎知若姐公 若姐婆係仰仔个毋盼得 若姐公 牽等吾手 痛惜个看等𠊎 毋知愛講麼个正好 討親个日仔看好了 媒人婆送日仔帖來後 若姐公摎若姐婆就開始無閒準備嫁妝 被骨 枕頭 門簾 衫褲 面盆 錫桶 尿桶 還有若姐公親手做个簞笥30 圓 桌 圓凳 碗櫥仔 𠊎自家心肝肚乜一頭歡喜 一頭愁 歡喜愛嫁人了 女大當嫁 男大當婚 在該 年代還係做毋得忒老嫁哦 毋過乜當愁慮 若爸个人好無 嫁過去愛做麼个呢 將來 个家官 家娘好服侍無 屋下个爺哀恁無閒 老弟 老妹又還細 盡多盡多个問題 想著這兜 自家乜會著驚哦 日仔過欸盡遽 若爸坐大車仔來討親 該央時 若爸瘦瘦高高 同厥叔伯阿哥借 一身西裝 著一雙當大雙个皮鞋 該時節 有錢人正有新娘衫好著 𠊎盡幸運 睹好 隔壁醫生館个張先生討心臼 𠊎就同佢借來著 還特別請翕相師傅來翕張相片做紀念 還過 𠊎該時又睹好同日本警察仔煮飯食 警察仔頭家人盡好 喊一輛計程車分𠊎 出嫁好坐 就恁樣 𠊎同若爸兩儕人圓滿結婚了 看著相片肚个人 吾姆指等講 頭前排係若姐公 若姐婆 若太 還有滿叔公 後背係大舅姆 伸个就係吾老弟摎老妹 一張盡有紀念性个相片 分吾姆留下盡多 盡多个回憶摎安慰 30 簞笥 音 tan siiˋ 衣櫥 22
100 年全國語文競賽臺灣客家語朗讀文章 北四縣腔 高中學生組 編號 7 號 𠊎个阿婆 黃瑞芳原作 徐子涵譯 吾婆過身會十年了 雖然日仔過忒恁久 但係在外背看著頭那毛白白 梳到亮亮 个老人家 𠊎就會想著吾婆 𠊎个阿婆斷真係客家人 厥名仔有一隻 妹 字 在阿太降佢个時節 因為忒多 細人了 就同佢安到 滿妹 𠊎還細時節 輒常聽著莊項个人喊佢 阿滿姊 阿滿 姑 𠊎乜跈等喊佢 阿滿姊 人問𠊎 若婆安到麼个名 𠊎就會應佢講 阿滿姊 大家人就緊笑 佢毋會同大家共樣用國語喊名仔 喊𠊎兜兩姊妹都係喊客家話个 名仔 用名仔裡肚个一隻字 加上 阿 字 像 阿瑾31仔 阿芳仔 已多細人仔 搞毋清楚 乜跈等恁樣喊 毋過嗄同 阿瑾仔 喊做 阿滾仔 盡生趣 又盡有搭碓 從細 𠊎係吾婆畜大个 吾婆知𠊎盡驚死 無膽 無論𠊎去到哪位 佢都會摎𠊎 共下 摎𠊎做膽 𠊎讀个小學 睹睹好在塚埔脣 故所佢逐日陪𠊎去讀書 陪𠊎下課 轉屋 摎其他个同學比起來 𠊎感覺著特別幸福 吾婆毋識字 無讀過書 但係瞭解人情世故 輒輒教𠊎做人个道理 比將講愛多 考慮別人个感受 愛尊重別人 愛多讓人 凡事都有命 係 俚个 早慢都會來 若 毋係 俚个 就算係拚命去求 乜毋會到屋 吾婆盡樂觀 面項總會帶等笑容 講話 个聲音盡低 毋好吵著人 但係佢對是非絕對堅持 有一擺 𠊎拿毋著別人个書 嗄 帶轉屋下 吾婆發現以後 遽遽打電話去學校 查吾同學个電話 請隔壁阿叔帶去還 人 對做人个道理 吾婆毋係講講啊定定 佢親身去做 去實行 比將講佢做麼个事 情都會先想著別儕 盡少想著自家 佢病到無法度䟘床 身體艱苦个時節 在基督病 院 𠊎講放 阿彌陀佛 个音樂分你聽好無 佢就講 無愛 這係基督病院 無共樣 个宗教 莫違逆人較好 故所 在病院 佢係自家忍等 無唉半聲 恬恬仔離開个 唉 𠊎个阿婆 實在係有修養个人 31 瑾 音 giunˋ 23
100 年全國語文競賽臺灣客家語朗讀文章 北四縣腔 高中學生組 編號 8 號 𠊎看三國 劉宏釗原作 徐子涵譯 大江東去浪濤盡 千古風流人物 這係宋朝大文學家蘇東坡在 念奴嬌 赤 壁懷古 肚个一句詞 講个係三國時代个風雲變化 一開始 會認識 三國演義 裡肚个典故 毋係𠊎讀著這本書 係𠊎還細時節 摎吾公去宮廟拜喏 看著廟方棟梁頂畫个幾幅圖當中 有一幅係三儕人摸等一頭樹仔 吾公講該係 桃園三結義 啦 還有一個人 在大雪天 背痀痀仔企在草屋外背 吾公講 該係盡有名个 三顧茅蘆 越講就越生趣 將就恁樣 轉去買一本 三國演 義 來看 𠊎讀到盡沉迷 毋盼得放 看忒還會尋尾哦 讀起這本書 實在當像看電影个樣仔 有聲有影 有人物有動作 有心理有戰術 各有千秋 像 三英鬥呂布 孔明借東風 子龍救後主 關公刮骨讀春秋 這兜 故事精彩 對話活潑 正經係百看不厭 𠊎盡愛看个就係 張飛喝退長板橋 你看佢 豹頭面烏烏 目大銅鈴鼓 鬍鬚撐 天 手擎一支丈八矛 一個人企在橋頂 堵著百萬兵馬 敨一下大氣 胸脯一脹 大 喊一聲 人講 有鬚比鬚 無鬚比肉 該曹操歸糞箕个草蛇 哪當得張飛這條遮仔 節呢 百萬兵馬中有一儕 驚到對馬背上跌落來 全軍面壢青32 轉身毋掣了 張飛一 儕人 無費一兵一卒 戰退百萬曹軍 千古流傳 老古人言講 千里路長幾隻字 十萬兵馬兩三行 三國演義這本書毋單淨係各 路人物个權力相爭 腦力計謀盡出 朋友敵人並毋分明 做得看出一個人个青春歲月 一陣人个恩恩怨怨 一隻時代个翻翻轉轉 所有人生百態 人情冷暖 都寫到盡入 味 千年古事如在眼前 𠊎輒輒就看到手揢拳頭 腳踏馬步跌入書肚 摎該三國人物 騎馬打仗去了 難怪蘇東坡會講 多情應笑我啊 應笑我 32 面壢青 音 mien lag qiangˊ 因驚恐而臉色發白 24
100 年全國語文競賽臺灣客家語朗讀文章 北四縣腔 高中學生組 編號 9 號 𠊎个隔壁鄰舍 黃詩婷原作 徐子涵譯 人講 近鄰贏過遠親 確實毋會差 俚生活當中 盡多事情無辦法單人獨馬 去完成 需要隔壁鄰舍來𢯭手 故所 歇在上家下屋33會相照顧个社區 係盡幸福个 歇在吾上家个人 大人細子都盡良善 對人盡好 該做阿婆儕 堵著熟事人都係 開容笑面个相借問 看著生份人 乜會同佢頷頭 打招呼 佢兩公婆 無論莊肚麼人 屋下做好事 也係歪事 無就廟項做鬧熱 都會義務踏過去𢯭手 對上鄰下舍乜當親 切 當有人緣 大家都盡好同佢兜打嘴鼓 厥徠仔 心臼盡賢孝 畜个細人仔 講話 細聲細義 當有禮貌 盡知人我 知上下 分大家盡阿𧩣 歇在吾屋下對面个阿伯婆盡煞猛種菜 逐日臨暗仔都會去菜園淋菜 佢講 自家 菜園種个菜無農藥 又盡萋 食起來較安心 故所 逐擺有收成 都會送菜分𠊎兜煮 來食 斜對面个阿伯公盡樂天 生活態度係 手痛好過家 腳痛好繡花 輒常會看欸 著佢在禾埕項 坐到矮凳頂鋸弦仔 唱山歌 分人聽著盡爽快 無愁無慮 下把仔 𠊎乜會跈等吾公過家去厥屋下泡茶 尞涼 聽佢兜講古 感覺著盡生趣 分𠊎體會著 敬老得福 敬禾得穀 个道理 毋過 歇在吾下屋个人 煩惱過多 兩個徠仔盡毋聽教 毋像人 兩兄弟歸日仔 吵吵鬧鬧 冤家羅債 惡擎擎仔 還長透相打泌背 做爺哀个講無兩句 佢兜就頸偏 偏仔 眼豺豺仔 像愛食人樣仔 連厥爸 厥姆都毋敢管教 輒常譴到胲滿肚飽 正 經係 敢死 閻羅王都驚 毋單淨影響著莊肚个安寧 大家乜心寒膽顫 堵著恁樣 个鄰舍 實在愛有相當个度量 除忒該家人 𠊎个隔壁鄰舍大體都會互相照顧 放尞日出門 乜會𢯭手掌屋 逐 禮拜六朝晨頭 還看欸著當多義工阿伯摎伯姆 擎等祛把摎糞斗 在該掃大路 拚垃 圾 清水溝 表現出大家團結合作 愛護社區个精神 若係莊肚辦活動 廟坪做大戲 打醮 迎神做鬧熱个時節 大家會同心協力 互相幫忙鬥鬧熱 33 上家下屋 音 song gaˊhaˊ vugˋ 鄰居 25
100 年全國語文競賽臺灣客家語朗讀文章 北四縣腔 高中學生組 編號 10 號 阿公摎𠊎 陳志寧原作 徐子涵譯 在吾屋下 𠊎算起來係吾公个大孫仔 屋下人都講 雖然𠊎有阿姊 毋過佢下二 擺會嫁人 故所 做得留在屋下个 最大个人係𠊎 可能係恁樣个原因 吾公在𠊎還讀小學个時節 佢就盡好帶𠊎去河壩網魚仔 離 吾屋下無幾遠 就有一條河壩 吾公講佢同吾爸兩子爺 在當久以前就在該河壩脣掌 鴨仔 網魚仔 一屋下人做得講係該條河壩畜大个 到這下 𠊎既經讀高中了 吾公共樣盡好尋𠊎共下去河壩網魚仔 𠊎這下 人較 大了 做得同佢𢯭手背網仔 擐魚䉂仔 愛過河壩个時節 乜做得自家泅過去 毋像 𠊎還係細人仔該下 佢愛自家背網仔 擐魚䉂仔 過河壩又愛同𠊎擎到肩頭頂 實在 係加艱苦就有 吾公盡好在食夜過後正去網魚仔 佢講夜欸魚仔較毋好停動 較好網 在該暗摸 摸仔个河壩脣 麼个都無 係堵著無風个暗晡 佢無張網出去 河壩就恬靜到連月光 徙步个聲都聽欸著 有時節 吾公愛交代𠊎事情 無聲無氣就在𠊎个脣項出現 𠊎三 不二時都分佢嚇到面壢青34 網到𤸁了 佢會跍在河壩脣 菸 目珠看等菸飛上去 耳公聽等水肚个聲音 等 到佢摎菸 忒 手腳盡遽个佢 又摎網仔收好了 等到𠊎看著菸屎在地泥項个時節 佢早就同網仔裡肚个魚仔搐出來 喊𠊎過去拈魚仔入魚䉂仔了 佢不時在網魚仔个時節 同𠊎講做人个道理 佢總係教𠊎 對世大人35定著愛有孝 去學校定著愛聽先生个話 就像佢 愛食个 愛用个東西 定著愛經過自家个手打 拚出來 毋好去煩勞人 愛老老實實个做人 下二擺正會分人看欸起 有閒 係自家 有才情 就好好讀書 下二擺在社會做一個有用个人 正毋會枉費爺哀个栽培 聽佢講道理會盡煩 但係愐著在𠊎還細个時節 佢就最惜𠊎 𠊎就試著盡無應該 講實在个 在𠊎這讀高中个年紀 還有一個目珠金金 耳公利利个阿公來同𠊎講道 理 係盡幸福个 吾心肝肚知佢係為著𠊎好 下把仔 𠊎知吾公湊𠊎去網魚仔 其實 毋係正式愛網魚仔 佢可能係想愛𠊎同佢共下尞定定 愐著這兜 世間還有麼个比這 種日仔還較幸福个 34 35 面壢青 音 mien lag qiangˊ 因驚恐而臉色發白 世大人 音 sii tai nginˇ 長輩 26
100 年全國語文競賽臺灣客家語朗讀文章 北四縣腔 教育大學組 編號 1 號 都市摎鄉下个比較 廖惠貞原作 徐子涵譯 青菜魚肉 大戲小曲 各有各个特色 就像都市摎鄉下共樣 𠊎兩樣都愛 在都市 人多 車多 污染多 大人細子無閒洎杈 像極樂仔樣仔轉無停 隔壁 鄰舍像生份人 相堵頭36也毋會相借問 毋過 都市交通利便 𠊎歇在街路頭 三步一 細店 五步一大店 買東西當方便 毋睹好寒著 發燒 行五分鐘就有醫生館 愛出 門 無論係坐公車也係捷運 有一張悠遊卡 愛到哪就到哪 實在利便 平常時 因 為都市肚个車仔恁多 會塞車 吾爸都係騎奧多拜37載𠊎摎吾老弟去讀書 若係出遠門 遶尞正會駛車仔 成時停車仔無利便 一兩擺會坐計程車 雖然鄉下無恁利便 但係這下資訊發達 利用網路尋資料 買東西 共樣係 三 下钁頭兩糞箕 一下仔就好勢了 無麼个差別 吾爸知𠊎摎吾老弟好運動 放尞日會帶𠊎兜去河濱公園騎腳踏車 一半下會摎吾 老弟打野球 因為佢驚𠊎兜會變成飼料雞 無麼个地方好運動 係歇在都市个壞處 無論係放尞日也係避暑 𠊎盡愛轉屏東佳冬吾婆个老屋尞 吾婆知大家愛轉來 早早就舂粢打粄 㓾雞捋鴨 摘蕹菜 蕃薯葉摎高麗菜這兜 等𠊎兜轉來食 吾公種 个菜 無洩農藥 味緒甜又營養 吾爸同吾老弟盡好爬樹仔拗牛眼摎荔枝 逐擺𠊎都 在樹下承 吾老妹摎吾婆 手煮食 煮到豐豐沛沛一張桌 伙房屋个叔伯兄弟乜會來 尞 一屋下人有講有笑 親暱暱仔 正經係 人親 土親 前年吾叔討餔娘 伙房屋人全部來𢯭手 人多好做事 一人有事大家忙 一家 有事大家幫 看欸出客家人跈眾38个人情味 吾公㓾豬公拜天公 逐家人都分一料豬 肉擐轉去 親戚就像鋸仔 你有來 𠊎有去 分人食 傳四方 自家食 囥屎缸 愐起來 這兜都係鄉下人个人情味 𠊎愛鄉下个人情味 乜愛都市个利便 都市摎鄉下來來去去乜已習慣 人心係知 足 到哪仔都幸福 36 37 38 相堵頭 音 xiongˊ duˇ teuˇ 遇到 見面 奧多拜 音 oˇ do baiˋ 摩托車 機車 源自日語之外來語 オートバイ 跈眾 音 tenˇ zung 跟隨大家一起從事某些事 亦即隨和 好相處 27
100 年全國語文競賽臺灣客家語朗讀文章 北四縣腔 教育大學組 編號 2 號 故鄉个桐花雨 邱湘雲原作 徐子涵譯 還細个時節 長透跈等吾姆上山頂斬竹仔 竹仔在農家生活係盡好用个東西 吾 公摎佢削到細細條做竹篾仔 自家編竹籠仔來關雞子 吾姆將佢插在菜園肚做菜瓜也 係荷蘭豆个棚架 吾姆著等花袖在該斬等竹仔个時節 閒閒在脣項个𠊎 就頭臥臥看 天頂 看樹仔 該係麼个花啊 白白像雪樣仔 一團一團仔在高高个樹仔頂背 正 看著个時節 還話著係昨暗晡天頂跌下來个星仔 話著係春天吂融忒个落雪 也係飛 了 歸群仔企在樹頂歇睏个白鶴仔 詳細看正知 原來該係油桐花 正發現著佢 佢嗄一蕊一蕊个在風裡肚跌落 跌落地泥个時節 一息仔聲就無 毋過𠊎注意著佢了 一蕊 兩蕊 三蕊 恁多蕊 有風个時節最靚 看佢像著等白 裙仔跳舞个細妹仔 在輕風肚轉一圈 兩圈 無風个時節乜毋驚 直直飛下來 還像 參加體操比賽个選手 連滾帶翻過後直線企等 該係桐花 吾姆一出聲 𠊎正知 原來𠊎看戇忒了 毋知幾時 吾姆將斬下來个竹仔捆好了 較多个該把留分佢自家 較輕个分𠊎 兩儕就拖等竹杈仔下山 就在這桐花紛飛个山路頂背行過 行過个地泥 兩片都係桐花个腳跡 吾个腳步毋多知仔就放輕了 越行越慢 因為毋盼得將跌下來 个桐花跺到爛爛啊 一蕊細細仔个花 從葉仔中央肚跌落到𠊎个肩頭頂 拈起來一看 五垤白色个花 瓣 就恁樣簡簡單單 中央係紅色个花心 一時之間 𠊎想起頭擺時代一片真心 守 貞節个細妹仔 遠方山林間个聲吵醒𠊎醒 句膏乖39 句膏乖 啊 係竹雞仔啦 喊到恁大 聲 響遍滿山頭 毋過 雖然知佢在樹林裡背肚 嗄從來毋識看著佢个影跡 竹雞仔 到底在哪 就在該片深林裡背 𠊎聽欸著 嗄看毋著 記得係五月時个臨暗仔 看等天就會烏了 吾姆講愛多摘兜仔粽葉來包粽仔 無 幾久 天頂就落起雨毛仔 還來毋掣轉身就緊落緊大 煞煞轉 兩子哀做得抵水个 也伸著頭那頂个笠嫲定定 幾下年以後 逐擺一落雨 在外鄉个𠊎就會想起家鄉後山个 桐花雨 頭擺个詩 人心肚自有一片桃花源 原來在吾心肝肚 也種欸一頭桐花樹 不管𠊎行到哪位 行 到幾遠 心中總會想起 該像雪花共樣个油桐花 就在𠊎个心頭飛啊飛欸 39 句膏乖 音 gi goˇ guaiˊ 竹雞的叫聲 28
100 年全國語文競賽臺灣客家語朗讀文章 北四縣腔 教育大學組 編號 3 號 阿雪姑个命 徐月里原作 徐子涵譯 講著阿雪姑啊 有人講佢已歪命 厥爸當早就過身了 麼人乜無想著 恁砸磳个 人哦 㧡弓蕉去市場賣个二伯公會橫在路脣 擔竿 弓蕉籃 弓蕉散到歸地泥 一直 到臨暗頭正分人發現著 阿雪姑正學爬 二伯婆該時節睹睹有身項 該央時 二伯婆 噭歸夜 親像狗歕螺樣仔 包尾噭到失聲 放等還係嬰兒仔个阿雪姑在地泥緊爬緊噭 惜花連盆 惜子連孫 失忒心肝子 搥心肝流目汁个阿婆太 看著毋盼得 同阿雪 姑揇入間肚 揞分佢睡 二伯婆日夜開聲大噭過後 就無再過唉一聲 瘦挾挾仔个身仔 一儕人恬肅肅 呆呆个在二伯公脣項掌等 人講麼个 佢做下無應 單淨流目汁 衰過正得 原旦靚 靚个大目珠 牽紅絲 腫到像麼个樣仔 第五日 大伯婆愛喊佢食朝 行入厥間房 看著眠床肚淨伸一個睡到流口涎个阿雪姑 哪仔尋無二伯婆个人 嚇到緊掣 講話嗄 結舌 講幾下遍 人正聽欸識 還冤枉哦 包尾在屋背个大深潭肚尋著 毋知浸死幾 久了 一屍兩命 就恁樣 阿雪姑分阿婆太渡到大 一直到二十六歲該年 阿婆太過身後 有別莊人來講親 聽講對方有一息仔田 細倈仔係長子 擔頭已重 老古人言有講 嫁雞隨雞 嫁狗隨狗 屋下人驚怕佢會 受苦 愛佢想真兜仔正決定 阿雪姑講佢毋驚做 就恁樣嫁了 兩公婆耕種幾下年後 改做機械 煞猛又打拚 阿雪姑个肚屎已大了 又乜還做到鬞頭絞髻40 做到兩隻手 粗粗 手指甲肚烏疏疏 洗都毋會淨 一年一年過去 阿雪姑同姑丈正降一個細人仔定定 該阿蘭嫲已增志 高考有通 過 摎厥老公係同事 兩儕人已和合 降有兩胎 該年九二一大地動 看著人生無常 阿雪姑煞煞同姑丈兩儕做下退休 毋係𠊎講哦 該阿雪姑斯風光了哦 日本水紅色个櫻花 韓國金黃色个銀杏 東 南亞个泰國坐弓蕉船搞水 遶尞个相片歸大疊 逐擺出國轉來 都會帶無共樣个 等路轉來 講著旅行生趣个事情 厥目眉毛就會翹往上 兩粒目珠金金金 呵呵滾笑 到當歡喜 恁樣个阿雪姑 到底係好命也係歪命呢 40 鬞頭絞髻 音 nungˇ teuˇ gauˋ gi 蓬頭散髮 29
100 年全國語文競賽臺灣客家語朗讀文章 北四縣腔 教育大學組 編號 4 號 生活從省儉做起 湛榮源原作 徐子涵譯 家無噥噥公 樣樣空 家無噥噥婆 項項無 這句諺語係老祖宗个智慧 屋 下係有一個會噥人个噥噥公也好 噥噥婆也好 屋下就撿揫到較好著 麼个東西毋會 這放該放 愛用時節 拿啊著就有好用 毋使又愛買過新个 這就係省儉 吾屋下係三代同堂 吾公 吾婆八十零歲了 佢兜歸生人就係耕田 盡少離開屋 下 𠊎同吾哥 吾姊 逐擺就分吾公摎吾婆噥這 噥該 尤其係吾婆還較噥噥 下把 仔 連吾爸 吾姆都還會分吾婆噥 從細 𠊎三姊妹就係吾公摎吾婆渡大个 到這下 𠊎兜都還記得 還細時節 搞 个東西 搞過忒係無收揫 跈等就會分吾婆罵 若爸 若姆啊 毋得錢忒了 買分你 這兜搞 無愛搞了乜毋收起來 下二擺想著愛搞 尋無 又再過嘺41佢兜買過 毋知省 儉 實在敗家哦 這下較大了 正知敗家係麼个意思 在𠊎三姊妹个頭那肚 吾婆教𠊎兜愛隨手撿 揫 這隻觀念斯當好 就係想毋著 毋係已多錢个東西 仰會吾婆乜講愛省儉 有一 擺就摎吾婆詏起來講 阿婆 該東西𠊎拈毋著了 無愛了啦 喊吾爸買過就好欸啊 吾話正講啊忒 壞蹄了 好天好時響大雷公了 吾婆摎棚仔絞起來罵 恁毋做家啊 該毋係錢買个哦 若爸 若姆日合夜做事 你這兜恁毋知佢兜个辛苦 恁敗家 買 買 買 總係知愛買 𠊎同若公在若太手頭分家到這下 哪項毋係省儉來个 毋盼 得食 毋盼得著 就係愛省起來留分子孫 你這兜嗄毋知好省儉 吾爸講 若婆罵个無毋著 東西跌落地泥下 也係壁角肚 愛跈等拈起來鬥到轉 去 下二擺愛用也好 愛搞也好 就本本係好好 毋使又愛買過新个 若婆噥你 係 愛你兜從細就愛養成省儉个好習慣 係有養成著省儉个習慣 對你一生人總有較好 無較壞 還讀小學時節 同學毋知對哪仔傳來个 用捽仔來鑪桌仔 將鑪出來个㿸 刮共 下 挼到歸條在該搞 同學喊𠊎共樣恁樣搞 𠊎想著吾婆个話 就毋敢搞 再過看佢 兜 一垤捽仔 鑪無幾久 就鑪忒了 又愛買過了 吾婆个話 永遠在吾心肝肚 正 經係生活從省儉做起 還愛從細做起 早早就好養成省儉个生活習慣 將來正做得過 安然自在 幸福个生活 41 嘺 音 kieuˇ 吵鬧糾纏 30
100 年全國語文競賽臺灣客家語朗讀文章 北四縣腔 教育大學組 編號 5 號 山歌个改良摎傳承 劉敏華原作 徐子涵譯 鏘42 鏘 鏘 銅鑼連打兩三聲 各位鄉親恬恬聽 今暗晡廟坪43有唱山歌打 採茶 大家食飽來看三腳採茶戲 請愛較早兜仔來唷 這係孰事又像盡遠以前个廣 播 頭擺還無客家電視臺以前 係愛聽唱山歌打採茶 就只有撮把戲个時節 𠊎定著 毋會缺席 𠊎印象中 頭擺老人家唱山歌 完全從口出 佢兜看著麼个場合 看著麼个對象 隨時就做得編出歌詞唱出來 唱个山歌毋像平板 乜毋像山歌子 有兜仔像揞細人 仔睡目唱个 搖籃曲 樣仔 今這下 這種老山歌早就聽毋著了 這下 因為客家電視臺有唱山歌打擂臺个節目 又盡時行卡拉 OK 有老人家組山 歌班仔 不時都有山歌溜天个感覺 今年客委會將天穿日制定係客家日 該日大人細 子唱山歌 尞一日 乜帶動欸大家唱山歌个風氣 但係 會唱山歌个還係老人家較多 後生人盡少會去學唱山歌 雖然乜有流行个客家歌曲 毋過市場無幾大 漸漸仔 雖然還聽欸著山歌 若係無後生人來傳承 驚怕十年 二十年後就會聽毋著了 既然愛保持山歌个特色 又愛分後生人做得接受 山歌就愛改良 合等今這下流 行歌曲个曲調 毋單淨毋會失忒山歌个味道 還做得在創新摎傳統裡肚尋出一條路出 來行 因為山歌係客家文化藝術个一種特色 定著愛用傳統个八音樂器來伴奏 也做 得想著就清唱 山歌愛牽尾摎轉音 定著愛學過正曉得唱 後生人會講盡正个客家話既經盡難 加勢44時代無共樣 工商業社會 麼个都講求 效率 後生人無恁多閒神 愛佢兜鋸弦仔 唱山歌已難 老式山歌歌詞定著係七言絕 句 曲調較無變化 故所後生人就毋會想愛學唱山歌了 愛分後生人來傳承山歌 就愛改良山歌个唱法 做得像饒舌歌仔樣 也做得像流 行歌仔樣 恁樣就會分後生人感覺著有興趣 又毋會失忒山歌原旦个味緒 42 43 44 鏘 音 kiang 狀聲詞 形容敲鑼發出的聲音 廟坪 音 meu piangˇ 廟前廣場 加勢 音 gaˊ sii 更加 再加上 31
100 年全國語文競賽臺灣客家語朗讀文章 北四縣腔 教育大學組 編號 6 號 𠊎係後生人 𠊎拒絕毒品 彭賜招原作 徐子涵譯 這一站仔个新聞長透看著高中學生仔食毒品个案件 俚臺灣食毒品个人越來越 後生 食毒品个案件 毋單淨毋會斷 還緊來緊輒 根據內政部警政署个統計 臺灣 這下食毒品个人總共有二十五萬儕 還奇怪 大家都知毒品係摸毋得个壞東西 做麼 个還有恁多後生人毋聽世大人45講 還好擳擳仔46走等去食毒品呢 𠊎係拒絕毒品个後 生人 𠊎就從𠊎後生人个角度來談這隻分大家都頭暈腦疺个食毒品問題 俚講个毒品其實係會麻痺人 分人上癮个藥品 因爭這兜藥品會分人个腦神經 變到無正常 有兜藥品食忒多 會分人動毋動就火擎起來尋人輸贏 有兜藥品就分人 變到懶𧊅𧊅仔47 軟怠怠仔 還有兜會分人一下仔發閼 一下仔愁勞 一下仔又話著有 人愛害佢 嚴重个還會自殺 故所 這兜用毋著就會毒害人个藥品 政府愛管制 就 算係醫生乜係做毋得儘採用 社會上有兜無像人个鱸鰻仔48 烏社會49 該兜藥頭利用管制藥品个特點 走私毒 品餳 這兜吂知頭天 又感覺有當大壓力个後生人免費去食 正起碼个時節 會試著 食毒品過後麼个都毋記得 歸個人像神仙會騰雲樣仔 無愁無慮 係當暢个事情 等 到食加幾擺仔 發願50了 無食毒品就像有虐毛蟲在身項緊爬 蟻仔在心肝肚緊鑽 蜂 仔在頭那脣氣氣滾51緊飛 食睡毋得 歸個人無鬆爽 一息仔精神都無 艱苦到像會死 忒樣仔 到該央時 該兜烏社會个藥頭就換用當高个價數 賣毒品分這兜有毒願52个後 生人 賺烏心錢 這兜後生人為著愛買毒品過願 自家無錢 想空想缺53乜愛變出錢來 偷人个車仔 搶婦人家个皮包仔 搶銀行 麼个犯法个頭路都緊做等去 落尾越做 越壞 連㓾人放火 打爺殺哀 佢兜都敢 唉 好好个人生就恁樣無忒了 實在衰過 人生就像一零一大樓个電梯樣仔 起起落落 無可能歸路仔順序 堵著困難个時 節 最好還係尋世大人想辦法𢯭手解決 絕對做毋得用毒品麻醉自家 摎自家个人生 搣壞淨淨 去打一場球仔 看一齣電影 讀一本書 無就騎腳踏車去海脣吹風 去山頂蹶山 人生還有盡長个路愛行 世界上乜有當多當好个事情等 俚去發現 千萬毋好行入 食毒品這條死路哦 𠊎係後生人 𠊎拒絕食毒品 𠊎做得著 相信你兜大家乜做得著 45 46 47 48 49 50 51 52 53 世大人 音 sii tai nginˇ 長輩 好擳擳仔 音 hau jied jied eˋ 興沖沖的 懶𧊅𧊅仔 nanˊ guaiˋ guaiˋ eˇ 意興闌珊 鱸鰻仔 音 luˇ manˇ eˋ 流氓 烏社會 音 vuˊ sa fi 黑社會 發願 音 bodˋ ngien 原指吸食鴉片引起的癮頭 此稱吸食毒品成癮 氣氣滾 音 hi hi gunˋ 形容昆蟲因飛行而產生的聲音 毒願 音 tug ngien 吸食毒品成癮 想空想缺 音 xiongˋ kungˊ xiongˋ kiedˋ 胡思亂想或想盡辦法 動歪腦筋 32
100 年全國語文競賽臺灣客家語朗讀文章 北四縣腔 教育大學組 編號 7 號 𠊎最好看个一本書 鄧玉霞原作 徐子涵譯 𠊎最好看个一本書係西遊記 在中國古典小說當中 西遊記係明代四大奇書之一 係一本流傳民間當久 神話又生趣笑科个書 難怪大人細子 看過欸又還想看 避暑哪仔都熱 仔 𠊎就囥在圖書館吹冷氣 定定仔欣賞吳承恩創造个幻想世 界 坐到屎朏像會生根 等到吾姆喊𠊎轉去食夜 正甘願轉 食飽夜 歸家人在廳下打嘴鼓 吾姆牙哂哂仔問𠊎 仰會看西遊記看到恁入文54 盡好看係無 𠊎緊頷頭 逐儕都目金金仔想聽西遊記个故事 請大家恬恬坐好 這下 就來紹介孫猴仔 佢原旦係花果山山頂个仙石 受著日月靈氣 仙石爆出孫猴仔 因爭佢在群猴當 中 膽識最大 猴群就推選佢做猴王 在水濂洞裡肚過等 山中無甲子 寒盡不知年 个快樂生活 但係佢愐著無法度天長地久 佢就放忒身家 去拜師學習仙道 學 著一身高強个法術 吹一口氣 有七十二變 騰雲駕霧 做得上天落地 安然自在 孫猴仔天毋驚 地毋驚 故所 佢敢一鬥海龍王 二鬥地府 三鬧天宮 乜敢同佛祖 相輸贏 一陣光過後 出現佛祖 佢將孫猴仔關在五行山五百年 觀音菩薩勸化佢 喊佢保護唐僧去西天取經 愛等有慈悲心个唐僧扯忒封條 正做得救佢脫離苦難 唐僧係斯文人 相貌當好 乜係修心積德个食齋人 孫猴仔長透張張掣掣55毋去西 天取經 斡轉頭打觔斗 就十萬八千里 尋影毋著 好得觀音菩薩教唐僧唸咒訣 孫 猴仔若係毋聽話 咒訣一唸 厥頭那就會痛到在地泥下滾滾輾 在高老莊堵著豬八戒 佢乜想拜唐僧為師 雖然豬八戒乜有法力 單淨三十六變 定定 豬八戒好食懶做 食到肥固固仔 行到流沙河 認識沙和尚 佢做人較篤實 唐僧又收佢做徒弟 歸路仔㧡包袱 毋會喊𤸁 當有修行人个樣相 佢兜師徒翻山過嶺 經過十四年 九九八十一磨難 同各路妖魔鬼怪相拚 好得 有神佛𢯭手 正有辦法安全帶轉六百零本个佛經 轉到大唐京城 54 55 入文 音 ngib vunˇ 入神 張張掣掣 音 diongˊ doingˊ cadˋ cadˋ 撒嬌 使性子 33
100 年全國語文競賽臺灣客家語朗讀文章 北四縣腔 教育大學組 編號 8 號 賺錢可比針挑竻 使錢可比水推沙 黃詩婷原作 徐子涵譯 今年正月半前 在屋下做燈籠个時節 毋睹好分竹竻仔刺著 刺到當深 痛到緊 掣 想愛用手指甲挷出來 又挷毋出 緊搣緊深 摸著東西 就痛到𠊎抽胲另命56 等 到吾姆轉屋 正戴等老花目鏡 拿欸一枚針 同𠊎挑竻 竻恁細 針又恁細 尋都尋 毋著 𠊎緊喊阿姆哀 吾姆乜汗流脈落 用針挑竻實在還困難 還辛苦哦 正月雷鳴 二月雪 三月無水過田缺 四月秧打節 毋會差 吾姐公就係愛 看天食飯个務農人家 佢在關西鄉下 耕欸兩分零个田 從耙田 蒔田起勢 愛落肥 洩農藥 巡田水 到割禾收成 長年透天 逐日趕早就落田 為著生活 耕田又耕 埔 做到兩頭烏 實在當辛苦 雖然過日仔恁辛苦 毋過吾姐公傳承欸客家人硬頸个精神 勤儉打拚 從來都無 唉一聲 佢輒常同𠊎兜講 賺錢可比針挑竻 使錢可比水推沙 雖然這下个社會 頭 路較多好做 錢試著較好賺 毋過物價緊起漲 讀書个所費乜盡多 若姆愛長錢57乜無 恁簡單 你兜毋好一有錢 就像錢會咬人樣仔 一𥍉目就花淨淨 確實有影 世事難料 像前幾年个九二一大地動 八八水災 摎今年正發生个日 本大地動 大水一下仔就摎田地 屋場一抹煞58都打走 分人想都想毋著 實在盡衰過 還有金融大風暴 工廠停工个停工 裁員个裁員 減薪 放無薪假 係講平常時無 省儆兜仔 大開大使59無貯錢 下後个日仔 絕對無辦法安然度過 前人種竹 後人遮涼 現下个物質生活比以前豐湧多了 愛麼个有麼个 實 在盡幸福 有恁好个日仔好過 還較愛銘記 有時省一口 無時有一斗 這句話 省 儉兜仔 俚乜愛有感恩个心 記得國中个國文課本書頂 連等教 背影 摎 謝天 个文章 𠊎盡感心 想著自家个爺哀 恁惜𠊎 恁辛苦个賺錢 心肝肚盡毋盼得 就決定愛知足 愛惜福 愛做家 更加愛煞猛讀書 愛較有孝兜仔 賺錢可比針挑竻 使錢可比水推沙 講个特別有道理 希望大家都愛瞭解客 家老古人講个智慧 好好愛惜金錢 每一分每一釐都花在刀口上 該用个愛用 該省 个愛省 56 57 58 59 抽胲另命 音 cuˊ goiˊ nang miang 大聲嘶喊 長錢 音 diongˇ qienˇ 剩餘的錢 一抹煞 音 idˋ madˋ sadˋ 全部 大開大使 音 tai koiˊ tai siiˋ 毫無節制的亂花錢 34
100 年全國語文競賽臺灣客家語朗讀文章 北四縣腔 教育大學組 編號 9 號 蹶山 胡淑莉原作 徐子涵譯 吾爸 吾姆長透喊𠊎懶尸嫲 因為見擺尞日 𠊎都愛睡到日頭晒屎朏 當晝正䟘 起來食晝 放年假該駁仔 食飽尞 尞飽食 嗄肥欸兩 三公斤 愛靚个𠊎 趕緊尋 吾姆參詳 仰結煞 仰結煞 吾姆講 該就來去蹶山啊 第二日打早 吾姆就喊大家 床 講愛去蹶仙山 仙山雖然有大型停車場 毋過 這下堵著年假 哪仔都係車仔同蹶山个人 愛尋一隻車位都無恁簡單 聽講仙山个 山頂有仙泉水做得醫百病 故所無論遠近 來這求仙水个人盡多 𠊎兜乜去求仙水 一口仙水啉啊落 啊 透心涼 有精神了 續等從靈洞宮入口開始蹶 彎彎斡斡个 路 歸路仔各種色目个花草 相爭泌背60開 跈等風搖啊搖 頭那頷啊頷 當像在該跳 舞歡迎𠊎兜 大樹頂个鳥仔嘰嘰啾啾61 山泉水嘰哩啾嘍62 親像在該唱歡迎歌仔 歸 片个桂竹比比63企 像在該比麼儕較高 較竳線个樣仔 蹶有一駁仔 日頭緊來緊烈 歸路仔雖然有竹林 油桐樹 相思樹 櫸木 綠葉 遮天 毋過實在熱到佇毋著 衫一領一領脫 水一口一口灌 腳步越來越重 腳越來 越痠軟 儕儕都蹶到氣緲緲仔64 險險會蹶毋停動了 吾姆講 尞一下仔來 等一下 正蹶 歇睏个時節 𠊎看著有兜爺哀揇等嬰兒仔 牽等細孲仔蹶山 𠊎想 恁樣拖 拖挷挷 愛仰般蹶呢 又看著盡多阿公 阿婆怙等杖仔在該蹶 看佢兜蹶到汗流脈落 毋過精神盡好 𠊎試著盡敗勢 後生人嗄輸老人家 遽遽跋起來繼續行 忽然聽著 啊 啊 个聲 𠊎擎頭看 原來係大鷂婆在天頂捩來捩去 𠊎想 佢這擺毋知係 相著麼个來食了 佢看起來盡風神 盡奢鼻 哇 毋多知仔來到山頂了 看啊去 田坵 河壩 屋仔全部在吾腳下 𠊎想 著一首唐詩 白日依山盡 黃河入海流 欲窮千里目 更上一層樓 原來從高處看 往下 係恁樣个感受 登高遠望 風景盡靚 花草迎風 搖啊搖 自家就像在花園天 堂 蹶山有盡多好處 一來運動做得減肥 增強體力 二來遶山花大開眼界 欣賞大 自然个美景 故所 𠊎鼔勵大家有閒就愛多去蹶山 接近大自然 這下𠊎乜盡好蹶山 了 尤其係摎屋下人共下蹶 感覺盡幸福 除忒看風景 還做得共下講話 互相分享 生活个心得 一舉數得 希望大家都來蹶山 60 61 62 63 64 相爭泌背 音 xiongˊ zangˊ bi boi 爭三搶四 嘰嘰啾啾 音 ji ji jio jio 狀聲詞 形容鳥鳴聲 嘰哩啾嘍 音 ji li jio lo 狀聲詞 形容流水聲 比比 音 beˇ beˇ 並排 氣緲緲仔 音 hi meuˋ meuˋ eˋ 上氣不接下氣的樣子 35
100 年全國語文競賽臺灣客家語朗讀文章 北四縣腔 教育大學組 編號 10 號 阿婆个智慧 邱玉珠原作 徐子涵譯 吾婆逐朝晨都盡早䟘床 佢逐日都係著當簡單 毋會花剌必駁65 佢不時同𠊎講 事情有難有簡單 毋好將簡單个事情變到複雜 來表現自家个才能 恁樣毋單淨浪費 時間 還會打壞朋友之間个感情 係發生在家庭 家庭就會毋和諧 係發生在國家 就會引起戰爭 若係同難个事情變到簡單 就係有智慧个人 智慧係學習別人个經驗 來降低自家做毋著个決定 愛將事情變到簡單 除忒愛有智慧以外 還愛有包容心 愛像大海樣仔做得容百川 恁樣个人生正會快樂 吾婆个衫櫥裡肚 無幾多身衫褲 平常時就係儘採著 一看就知係客家人个衫褲 厥心肝肚一直放等 樸實 這兩隻字 佢同𠊎講 佢還有好著就好 這下還有人在 該餓肚屎 故所生活簡單就好 做毋得在虛假个表面項浪費生命 人愛靚 愛靚在內 心 恁樣个靚正係世界个靚 吾婆還同𠊎講 外表个靚就像花共樣 總有一日會謝忒 𠊎問 該係麼个正毋會謝忒呢 佢應𠊎講 係名聲 無論你打拚幾多十年 留下幾多个財產在這世間 若个名仔 都會像一陣風樣仔 消失忒去 只有做功德个人 厥名仔正會留下來 就像捐地起高雄醫學院个陳啟川先 生 因為佢該央時个善念 今晡日正會提升欸高屏地區个醫療服務 來造福當多个鄉 親 這就係毋會像花樣仔謝忒个名聲 厥名仔 定著會永遠留在這世間 吾婆有盡高个智慧 有一擺 風搓將田坵打到狼離狼犁 損失已傷重 屋下人个 心肝肚當急 該央時 𠊎看著吾婆在田坵肚指揮工人做復原工作个身影 𠊎問吾婆 損失恁多 你毋會愁吓 佢講愁斯會愁 但係 愁慮無法度解決問題 既然事情發生 了 就係愛考驗 俚个智慧 這智慧就係愛面對問題 想出方法來解決 若係在想盡 辦法過後 都無法度在自家个努力下解決問題 該就放忒佢 因為人生還有盡多條路 做得行 事情經過處理後 就愛放忒 恁樣 俚正毋會有煩惱 歸日仔在該愁七愁 八 同恁好个人生浪費淨淨 係當大个損失 原來吾婆个智慧係從日常生活个人 事 物當中學來个 智慧就在 俚个脣項 就看你愛用也毋用定定 俚係有智慧 就做得減少煩惱 分 俚个生活過到當簡單 當快樂 恁樣个生命乜正會精彩 更加做得為社會帶來光明 65 花剌必駁 音 faˊ laˊ bidˋ bogˋ 花色駁雜 喻雜亂 36
100 年全國語文競賽臺灣客家語朗讀文章 北四縣腔 教師組 編號 1 號 阿新哥个妹仔 鍾麗美原作 徐子涵譯 熱天暗晡 涼涼个風 吹到面頰 像水樣仔 又軟又清涼 食過夜 伙房肚个阿 叔 阿伯同隔壁鄰舍在涼亭下打嘴鼓 講日本時代仰仔 講這下政府仰般 星仔聽毋 識 乜來鬥鬧熱 目珠一𥍉 一𥍉 聽到比麼人都較認真 還細个𠊎 最好睡到石凳 頂 凴到吾姆个大腳髀項 聽佢兜你一句 𠊎一句 軟入入仔66个客家話 像天頂个雲 浮啊浮 像水項个船仔 搖啊搖 𠊎聽啊聽欸就睡忒了 有時節 吾爸牽著奧多拜67 講愛去收會仔錢 𠊎隨等討愛跈 吾爸對嬌尸个𠊎盡 無法度 笑咪咪仔看等𠊎 𠊎遽遽蹶到車仔項 𠊎盡好分吾爸載 佢騎奧多拜總係慢 慢仔 毋係唱歌仔 就係歕歌仔 𠊎揇等吾爸个肚屎 頭那凴到厥背囊頂 聽厥个歌 聲從嘴肚 胸脯肚傳到吾耳公肚 傳到吾心肝肚 吾心肚乜響起同吾爸共樣个歌聲 共樣个心情 做吾爸个妹仔 𠊎感覺盡幸福 吾爸乜盡好帶𠊎出門 因為不管熟毋熟事个人 看著𠊎就講 阿新哥个妹仔唷 摎若爸恁相像 像係粄印仔印出來个樣仔唷 吾爸對𠊎這隻 複製品 感覺盡滿意 𠊎對 阿新哥个妹仔 這隻名仔 乜盡滿意 因為吾爸係讀書人 做人老實又有學 問 莊肚个人對佢當敬重 做厥妹仔 𠊎感覺盡風神 讀初中以後 家家屋屋都有電視了 來伙房打嘴鼓个人乜緊來緊少了 星仔麼个 都毋知 逐暗晡還擘著一𥍉 一𥍉个目珠 尋人講古分佢聽 涼亭暗暗仔 淨兩片間 仔有電火 電火底下讀書个叔伯姊妹 輒常會比麼人讀到較夜 比麼人敢在阿公婆掌 等个廳下前行過去 比麼人个目珠敢看到圍牆後背 該搖頭拂腦 嘰嘰嘎嘎个竹林 暗摸胥疏个涼亭 淨壁蛇摎𧊅仔在該唸唸唸唸 年視年68 𠊎乜出去讀書 食頭路了 在屋下个時間緊來緊少 兄弟姊妹像紙鷂樣 仔 分風吹到無共樣个所在 伙房屋親像一雙穩當个手 拉等紙鷂仔 無論飛到幾遠 想屋个時節 線收轉來 紙鷂仔又轉到最安心个所在 毋過 這幾年 大家都搬出去了 伙房淨伸吾伯佢兜歇 伙房个大門長透都鎖等 叔伯姊妹毋知哪去了 裡背一條烏狗仔 看著人就吠 吠走屋簷下做竇个燕仔 吠 走𠊎轉屋个心情 看毋著屋下个人 鼻毋著廳下个桂花香 聽毋著軟甜个話語 好在𠊎還做得發夢 夢裡肚同叔伯姊妹共下搞份家啦飯仔69 跳格仔 夢裡肚牛郎 星摎織女星共樣恁光 河溪從檳榔樹頭溜過去 夢裡肚阿哥討餔娘 阿姊做新娘 紙 炮仔砰到滿地泥 夢裡肚大人細子在禾埕項尞涼 打嘴鼓个人講到口涎波潑 夢裡肚 个鄉音 像熱天暗晡个風 又軟又清涼 像吾姆个手 拍等石凳頂睡目个𠊎 分𠊎發 夢也清甜 66 67 68 69 軟入入仔 ngionˊngib ngib eˋ 很軟 奧多拜 音 oˇ do baiˋ 摩托車 機車 源自日語之外來語 オートバイ 年視年 音 ngienˇsii ngienˇ 年復一年 份家啦飯仔 音 fun gaˊ laˊ fan eˋ 扮家家酒 37
100 年全國語文競賽臺灣客家語朗讀文章 北四縣腔 教師組 編號 2 號 痛惜地球 尊重自然 彭賜招原作 徐子涵譯 天頂所有光華華仔个星仔 無一粒像地球恁靚个 有高山 平洋 有湖海摎河溪 乜無一粒星仔像地球樣仔 做得分億萬生靈來共同生存 地球係所有星球裡肚最靚 最有生命力个 從地球出現人類開始 科學技術个發展 係一隻時代比一隻時代較遽 俚從農 業社會到工業社會 一直進步到這下電腦資訊个時代 食 著 使 用 事事項項就 愛用著地球資源 石油 石炭 水 電 瓦斯 石頭 地泥 樹仔 這兜 自家講 係萬物之靈个人類 一直獨占這兜地球資源 暗晡頭晟人个電火遮忒天頂个星仔 吵人个電視摎音響弇忒大自然个風聲 水聲 還有𧊅仔 蟬仔个叫70聲 人摎大自然个感情變到緊來就緊生疏 現代人為著滿足人 類个慾望 享受利便个現代生活 一下仔無注意著就傷著地球了 工廠排出來个化學藥水 畜豬仔摎鴨仔个屙糟水 屋下洗衫个茶箍水 菜園摎禾 頭田个農藥水 這兜垃圾水摎魚仔 蝦公 毛蟹 全部都毒死 該原旦係鮮鮮河壩水 个坑壢 嗄變成臭芳芳个烏水溝 發電廠 工廠个煙囪烏煙沖天 火灰哪仔緊飛 車仔噴出來个烏煙 沖到人滿頭 滿面 險險就會敨氣毋轉 這兜屙糟个空氣 摎朗朗青天變成烏疏疏 落下來个酸雨 連紅毛泥裡肚个鐵筋仔都佇毋著 斬熱帶个樹仔做紙 在竳竳个山頂開大路 起大樓 摎好好个田推忒71起工廠 人 類過度開發自然資源 害地球个天頂爛幾下隻大空 溫度緊來緊高 冰山溶化 海水 上升 氣候無常 毋係吹燒風 就係做冷72 無就天旱當久正來落大雨 舞到崩山屙泥 漿石 臺灣舊年个八八水災 南部較低个位所歸隻浸在水竇肚 臺東知本个飯店大樓 看等佢轉下來 橫到河壩肚 高雄小林村歸隻莊頭 全部分泥漿沖淨淨 無忒去 該 情景實在分人發痴驚哦 人類毋願面對个真相 到底還係愛去面對 係無痛惜地球 尊重自然 到時愛噭 就無目汁了 歇在地球村 愛護地球 人人有責 𠊎希望大家愛儘量節能減碳 降低 對物質个享受 愛省油 省水 省電 省瓦斯 俚還愛做好水土保持 保護農耕土 地 愛團結起來監督政府摎財團 毋好分佢兜過度開發 破壞大自然 人啊 愛知福 惜福 毋好折福 希望大家認真聽大自然个聲音 痛惜地球 尊 重自然 摎自然萬物和諧共存 還地球青山綠水 靚靚个好面容 70 71 72 叫 音 gieu 鳥蟬鳴叫聲 推忒 音 tuiˊ tedˋ 意為將田地推平或填平 成為一般之平地 做冷 音 zo langˊ 特別寒冷的天氣 38
100 年全國語文競賽臺灣客家語朗讀文章 北四縣腔 教師組 編號 3 號 歇个環境摎客家文化 劉明猷原作 徐子涵譯 從早期原鄉來臺个先輩 一落腳 就在偎山 近山个所在 為著愛圖三餐溫飽摎 莫受風吹日炙 只有克服千難萬難搭隻矮寮仔 先求有好安身之處 然後正來開山打 林 耕園耕埔合養兒降子 再過欸十年 二十年後 等有能力个時節 正來起屋 整 理家祠 改善歇个環境 在客家莊 你會發現著 事情總係恁樣个有順序 有先有後 這當中 定著有文化个內涵在裡肚 講著居住个環境 主要係 歇 為主 瞭解 歇 就做得瞭解客家文化 從內到 外 先從伙房屋个正身開始講 該係供奉歷代祖先 祖婆牌位个所在 安到 廳下 廳下 係全座屋最適中 最好个位置 乜係客家人認為最重要个所在 為著愛感念 先賢先德 客家人朝朝暗暗 敬奉清香一枝 神茶一杯 同祖先請安問候 這正係有 念著水源頭个觀念 再過分較幼兜仔來講 從間房个安排就看欸出長幼有序 甚至於 左大 右細 乜係一直沿用到今 還有共飯甑食飯 同柵仔門出入 這兜觀念都係宗 親認同 家族共血脈个表現 可惜 伙房佔地大 建築花費多 既經漸漸仔失傳了 客家歇个傳統摎其他族群共樣 面臨著現代化个衝擊 歇个環境 對每一儕人个影響都盡大 比將講 大部分个人 都認為客家人刻苦 耐勞 勤儉又做家 這个精神係因為愛同天爭 作息趕好天 耕種看天時 客家人歇 个地方狹 故所愛同地爭 園脣箱角無打爽 邊頭地尾盡量掘 晴耕雨讀 地盡其利 都係客家諺語 全反射到客家莊个生活行事 接等講个還有 祖在堂 父在上 兄弟 姊妹捩捩轉 又講 親不親 頭那頂項共隻字 共姓人同宗 共堂號 全全係因 為環境所帶來个影響 乜內化在 个客家文化當中 客家人歇个伙房 屋肚盡闊 但係門細細仔 狹擳擳 久了以後 養成客家人目 光短淺 容易滿足 過安定个生活 故所客家人當多係公務人員 當少企業家 這多 少摎歇个環境有關 隨等社會改變个速度 居住環境在客家莊也變化盡大 現下家家屋屋徙入販仔屋 透天个地毋大 起个樓又高天天仔 加上驚賊仔 逐間屋都安鐵窗 鐵門 將自家 關起來 無辦法像頭擺个人際關係 這種改變 日後定著會帶來客家人生活文化方面 个改變 39
100 年全國語文競賽臺灣客家語朗讀文章 北四縣腔 教師組 編號 4 號 客家民俗 徐貴榮原作 徐子涵譯 俚客家人 幾下百年來 有 俚客家人个思想信仰 生活方式 這就係 客家 人个民俗 客家人恁多 各地个民俗乜無麼个共樣 人講 一莊一俗 年下二十五開始 安到 入年假 家家戶戶大拚掃 開始蒸粄 發粄 蘿蔔粄 肉粄 鹹粄 甜粄全部愛蒸 其中蒸甜粄係最多並絆73个 微毛末節 細人仔做毋得行 前去看 講麼个會有腳印 若係有裂痕 耕種人還會崩田崁 年三十暗晡个飯甑 無閒 煮到豐豐沛沛 屋下人都會轉來食夜 大團圓 恁多菜裡背 定著有用大菜去炆个 長年菜 表示一家人會長長久久 食飽夜 細人仔分著矺年錢 歡歡喜喜過一夜 一暗晡个紙炮仔 並令砰朗74 響無停 打早䟘起來 拜神祭祖後 就開始過新年了 這日做毋得講 了少話 係無 就會分大人 開新年75 這日全部乜愛放尞 連屋下个傢啦伙76又乜愛放尞 做毋得開 米缸 擎針補衫 洗身洗衫 頭擺人講 歸年仔煞猛打拚 年初定著著愛尞 係無就 毋價值 還有兜海陸客家人 年初二正過年 意思係初一食齋 初二正拜阿公婆 實在係 一莊一俗 已生趣 年到初三四 各人打主意 有錢人繼續大食大尞 無錢人係 年到初五六 無酒又無肉 毋做事愛仰結煞77 毋過 大家心肝肚還係在該過年 故 所講 有食無食 食到年初十 有過無過 尞到月半過 就係客家人个過年 還有正月二十 尞天穿 聽講這日補天完成 愛放尞一日 係無一生人就會勞勞 碌碌 窮苦做到死 老古人有講 天穿無尞做到死 天穿無尞苦到死 客家人當看重祖先 年過忒 月半後 遽遽來去 掛紙 掛忒好做事 苗栗人在 月半後 正月十六就掛紙了 其他 還有降倈仔愛打 新丁粄 中元普渡愛辦豬公比賽 請人客 拜床公婆 時到這下 當多改變了 過年毋使打粄 街路有好買 淨靠耕田會餓死 全部變副業 哪驚佢田崁會崩無 年初五六就上班 哪有好尞到月半過 天穿無尞日 當多人乜 毋知愛尞 降倈仔 降妹仔共樣好 打麼个新丁粄 時代變了 客家民俗乜跈等變 毋過 吾屋下過年還係會炆長年菜 掛紙還係定著愛用鬆泥矻來矺黃嘏紙 過年還係 做毋得亂講話 𠊎希望好个民俗好好保留下去 無合時代个觀念 也愛改變正好 73 74 75 76 77 並絆 音 bin ban 囉唆之物或禁忌 並令砰朗 音 bin lin bong long 狀聲詞 形容鞭炮聲 開新年 音 koiˊ xinˊ ngienˇ 喻新年時小孩犯錯被開罰 家啦伙 音 gaˊ laˊ foˋ 指一般的工具 家庭用具等 仰結煞 音 ngiong gadˋ sadˋ 怎麼辦 如何是好 40
100 年全國語文競賽臺灣客家語朗讀文章 北四縣腔 教師組 編號 5 號 燈籠花 陳志寧原作 徐子涵譯 𠊎在屋下種欸幾頭个燈籠花 吾姊緊問𠊎做麼个愛種燈籠花 𠊎總係笑笑仔 無 同佢講原因 還細个時節 屋下个大人愛做事 愛搞麼个 細人仔愛自家尋 吾隔壁鄰舍歇个 大部分都係細妹仔 係愛搞份家啦飯仔78該下 總係尋毋著細倈仔共下 阿華伯婆个孫 女 安到桂珍个 摎𠊎同年 佢最好湊𠊎共下尞 係愛假做兩公婆 佢定著尋𠊎 搞份家啦飯仔个時節 屋脣个燈籠花係最好个材料 嫩嫩个葉仔同紅紅細蕊个花 做得拿來做菜 桂珍最好同嫩葉敲到綿綿 攞等敲綿个花 佢講該係最好食个菜 逐擺佢準備著盡豐沛个菜 𠊎總係 食 到淨淨 𠊎假做厥老公 逐擺出去打拚轉來 總係拿一大疊个錢分佢 該錢係大皮大皮个燈籠花葉仔做个 愛 賺 恁多錢 乜 係愛煞猛去摘 正會有 錢 好來照顧家庭 讀國民學校个時節 𠊎兜逐日還係共下去學校讀書 𠊎還係習慣摘燈籠花分佢 有一日 厥婆過身 𠊎去厥屋下湊佢个時節 𠊎共樣係帶等燈籠花去 該幾日 佢總 係毋講話 厥婆出山後 有一日 佢摎𠊎講 下二擺毋使再摘燈籠花分佢了 佢毋想 再接收𠊎个燈籠花 國民學校畢業以後 𠊎兩儕又讀共間中學 雖然逐日𠊎兜還係共下騎腳踏車去學 校讀書 毋過 𠊎無再過看過厥笑容 有一日 𠊎摎吾姊愛去高雄尋吾姑 到火車頭个時節 𠊎看著桂珍一儕人擐等包 袱在該等火車 問啊去 正知佢兜徙去高雄歇了 厥爺哀早就先過去高雄 這幾日仔 留佢在厥叔屋下歇 等學校个轉學手續辦好 就愛去高雄讀書了 到這下 𠊎正知係 麼个原因 佢一直無笑容 不管𠊎講幾好笑个笑科分佢聽 佢就係無笑容 這件事既經過忒三十年了 該下晝去朋友屋下坐尞 看著厥屋角種有幾頭燈籠花 看等該紅紅細細蕊个花 分𠊎愐起盡久 盡久以前 在𠊎兜還毋使對麼人負責个年 紀 𠊎曾經恁用心个同一個人共下做公婆 逐日過等快樂个生活 𠊎同朋友討欸幾頭 秧仔轉去吾屋下 種下這純純个感情 78 份家啦飯仔 音 fun gaˊ laˊ fan eˋ 扮家家酒 41
100 年全國語文競賽臺灣客家語朗讀文章 北四縣腔 教師組 編號 6 號 𠊎對客家歌曲个印象 邱湘雲原作 徐子涵譯 想起 俚个客家祖先 毋知經歷幾多千辛萬苦个歲月 為著生活來打拚 為著理 想來奮鬥 親像從來毋知休息係麼个 其實 俚个祖先輒常會用 唱歌 个方式來表 達佢兜心肚个感情 田事緊工个時節 佢兜在田頭剷草 在山頂摘茶个時節 總會唱幾條 山歌 來 減輕工作个壓力 這兜好聽个歌聲 像 天公啊 落水唷 阿妹啊 戴等笠嫲來到坑 水邊 相信這條歌仔大家都會唱幾句 這一唱 假使係落雨 心情也會變到輕鬆起 來 成時 會用山歌來傳達情意 比將講 桃花開來 菊花哪裡黃 阿哥想妹 妹想 郎 係中意對方又毋好意思 講 該就用唱个好了 唱欸好个話 無定著還做得用 歌聲來得著阿妹个心哦 除忒山歌以外 農閒个時節 佢兜乜會看著麼个就隨口唱出來 會做出幾條 童 謠 分細人仔唱 恁樣 一方面做得教細人仔學講話 另外一方面乜做得分細人仔從 歌謠裡肚認識脣項个事物 像 月光光 好種薑 薑必目 好種竹 竹開花 好種瓜 這首童謠就有六種事物在裡肚 實在當生趣 暗晡頭大體都會在禾埕尞涼 故 所 摎月光有關个童謠就特別多 像 月光華華 細妹煮茶 阿哥兜凳 人客食茶 人客來了 愛仰仔接待 唱忒這條歌仔就知了 山歌 係老祖先流傳下來个歌曲 童謠 係分細人仔唱个 該後生人呢 佢兜 愛唱麼个呢 有 該就係 客家流行歌曲 今這下个 客家流行歌曲 盡多 早期像涂敏恆先生寫个 唐山過臺灣 無半點 錢 煞猛打拚 耕山耕田 咬薑啜醋幾十年 毋識埋怨 這條歌仔 大人細子都 會唱 有人還講這首歌仔 係 俚客家人个國歌呢 這首 客家本色 名揚海外 連 馬來西亞 新加坡个客家華僑都會唱 正式同 俚客家人个精神講到盡好 這恁多年 又出欸幾下首後生人創作个現代客家歌曲 豐富了客家歌曲个內容同款式 這兜客家歌曲毋單淨唱唱啊定定 佢保存欸 客家个精神 傳達欸 客家个心聲 希望 客家文化乜做得隨等這兜客家歌曲 傳唱到永久 萬古流芳 42
100 年全國語文競賽臺灣客家語朗讀文章 北四縣腔 教師組 編號 7 號 𠊎个阿婆 黃庭芬原作 徐子涵譯 𠊎个阿婆有兩個倈仔 四個妹仔 這兜細人仔全部都當有成就 佢个後代又降欸 盡多个孫仔 孫女 𠊎係吾婆个長孫女 在恁多孫仔裡肚 只有𠊎還細个時節 同吾 婆共下睡過 該段時間 係𠊎最快樂个童年 五歲以前 𠊎在中壢个老街溪脣个木材行後背摎吾婆共下歇 該間屋無幾大 歇 欸十過儕人 有吾公 吾爸 吾姆 吾叔 四個阿姑 還有兩個老弟 吾姆無閒渡𠊎 𠊎就跈吾婆哪仔走 吾婆去人屋下𢯭手煮飯 𠊎就摎該家人个細人仔尞 吾婆去工 地㧡磚頭 𠊎就在脣口疊磚頭 跈等吾婆無閒洎杈 毋過 恁快樂个日仔 在吾爸去 臺北食頭路以後就結束了 到欸小學四年生 歸屋下因為吾爸尋著中壢个公家頭路 又搬轉中壢 毋過 這 擺𠊎兜就有自家个屋好歇了 新屋就在這下盡有名个中壢觀光夜市脣 該央時 𠊎長 透騎等腳踏車 騎當遠个路 還愛經過塚埔正做得到吾婆个屋下 毋過 𠊎想著做得 尋吾婆尞 較遠 𠊎乜愛騎等去 等避暑个時節 𠊎還歇在吾婆在火車路脣个細平屋 裡肚 天光時節就去吾叔个拉鏈工廠𢯭手 暗晡夜 就摎吾婆共下睡 雖然 在拉鏈 工廠做大人事當辛苦 毋過 做得看著吾婆 同吾婆作伴 心肝肚當歡喜 時間過欸當遽 一𥍉目 𠊎就嫁人了 還嫁到天鬚都無恁遠个高雄 毋過 吾婆 還係坐車仔 到盡遠个高雄來參加𠊎个婚禮 吾家娘還阿 吾婆當親切 身體又康健 結婚以後 一年轉中壢兩擺 過年時 就會轉去看吾婆 毋過 𠊎个倈仔還吂會 講話个時節 吾婆就毋記得𠊎了 因為 佢著著老人癡呆症79 看著吾婆一日一日个瘦 弱下去 吾心肝肚盡愁慮 但係完全無法度為佢做麼个 單淨流目汁定定 讀恁多書 有麼个用 賺恁多錢又有麼个意思 吾婆自家乜伸當多錢 毋過 佢完全毋記得𠊎兜 了 舊年五月 吾婆正經走了 𠊎想 這下佢定著無病無痛 在天頂定著認欸出𠊎來 在夢中 𠊎又轉到頭擺摎吾婆共下歇 共下睡个快樂个日仔 1 老人癡呆症 音 loˋ nginˇ ciiˊ ngoiˇ ziin 即阿玆海默症 43
100 年全國語文競賽臺灣客家語朗讀文章 北四縣腔 教師組 編號 8 號 阿婆个菜包 黃庭芬原作 徐子涵譯 前幾日 接著一通從中壢打來高雄个電話 係𠊎十過年前教過个學生仔打來个 該央時 𠊎係佢六年生个先生 因為佢五年生个先生去接組長个職務 該隻班級就無 人教了 學校試著𠊎盡合適去接該班 就喊𠊎做該班个先生 接著這通電話 分𠊎想 起厥婆做个菜包 該係𠊎食過最好食个菜包 厥婆長透來學校尋𠊎 𠊎無課个時節 就會同佢打嘴鼓 佢講這個細人仔當衰過 因為佢一降出來个時節係白子80 厥爺哀長透為著這細人仔个事情相吵 吵到背尾就 離婚了 爺哀全部離家出走 將這細人仔擲分厥婆畜 厥爸下把仔還會轉來屋下看佢 厥姆就完全毋識轉來過 佢到欸六年生 還毋識看過厥姆个面相 好得 這細人仔 當乖 當知人我 可惜 厥數學毋好 厥婆盡愁慮 問𠊎做得放學以後特別教佢無 閒時閒節 學校放學以後𠊎都係在屋下 無出去 故所 𠊎請厥婆有閒時節做得 載厥孫仔來吾屋下 𠊎做得在廳下教佢數學 成時 禮拜六摎禮拜日 佢乜會來尋𠊎 教佢 就恁樣 連續教欸幾下隻禮拜 厥數學就緊來緊會了 實在已增志 背尾 學 校教个數學 佢就聽欸識了 乜就毋使再過來吾屋下尋𠊎教佢了 有一日 厥婆䟓工騎等腳踏車來尋𠊎 佢拿幾粒仔親手做个菜包分𠊎食 喊𠊎定 著愛收下來 佢感謝𠊎特別教厥該個衰過个孫仔數學 𠊎同佢講 厥孫仔盡幸福 因 為佢有一個當惜佢个阿婆 厥孫仔大欸以後 定著會盡有孝阿婆个 𠊎請阿婆安心 快樂過日仔 這學生仔 這下大了 佢同𠊎講 佢這下食頭路 會賺錢畜厥婆 逐隻月分厥婆 一萬銀 等佢較有錢个時節 佢愛討一個餔娘共下有孝厥婆 𠊎同佢講 厥婆有佢這 個孫仔 睡目个時節都會笑醒哦 𠊎同電話掛忒以後 想著頭擺𠊎食過最好食个 阿 婆个菜包 80 白子 音 pag ziiˋ 智能不足的孩子 44
100 年全國語文競賽臺灣客家語朗讀文章 北四縣腔 教師組 編號 9 號 阿姆个禁指 黃庭芬原作 徐子涵譯 佢 摎𠊎同年 有兩個阿姊 𠊎 有兩個老弟 無阿姊 𠊎兩儕人都係客家人 試著盡有緣 故所 𠊎兩儕結拜姊妹 𠊎認佢做阿姊 佢認𠊎做厥老妹 一隻禁指 牽等𠊎兩儕个心 這一生人 只愛𠊎還在 就會同佢做伴 厥姆因為老公早死 一儕人渡三個細人仔 到佢老个時節 就歸年仔發病 還長 透愛洗腰仔81 厥二姊嫁到嘉義 厥大姊係公務員 佢自家係小學个主任 厥大姊摎佢 兩儕人都無嫁 平常時當無閒 故所 厥屋下尋欸一個外勞來照顧厥姆 厥姆雖然無 法度歸日仔同三姊妹共下 毋過 還係當關心厥妹仔个生活 佢知著厥妹仔認𠊎做義 妹个時節 就喊外勞陪佢去高雄盡有名个金仔店82買見面禮分𠊎 有一擺 厥屋下个鐵窗仔 分賊仔鋸斷忒 屋肚个金仔 現錢 全部分賊仔偷淨 淨 又識聽吾同事講 佢歇在學校脣个公寓 乜識分賊仔光顧 𠊎就驚著了 雖然吾 隔壁鄰舍有一個係警察局个所長 應該毋多使驚正著 毋過 𠊎逐年會轉中壢外家兩 擺 轉一擺愛三日 十過兩个金仔 哪放心放在屋下肚 將就賣忒佢 有一段時間 無吾義姊个消息 一直到有一日 𠊎較閒个時節 突然想著愛尋佢 尞 該日佢睹好有閒 𠊎就坐捷運去鳳山厥屋下尞 一到厥屋下 佢就同𠊎講 厥姆 留一隻見面禮分𠊎 東西放在四樓个桌頂 𠊎看著桌頂有厥姆个遺像 正知厥姆過身 了 吾義姊講 佢無想麻煩𠊎 正無通知𠊎 佢講 這隻禁指係厥姆過身个前幾日仔 喊外勞陪佢去金仔店買个 按算送分𠊎做見面禮 當場 𠊎盡感動 目汁乜忍毋核 緊流下來 這隻禁指 𠊎細心細意將佢囥在屋下一隻盡安全个所在 不管賊仔仰般厲害 定 著尋毋著 假使𠊎愛轉外家个時節 就帶在身項 無論仰仔 𠊎都愛好好保存 好好 珍惜 因為該係 吾姆 送𠊎盡寶貴 盡有紀念價值个禮物 前幾日仔 𠊎又有閒了 暗晡頭九點零 打電話分吾義姊 聽聲 像已 个樣仔 吾心肝肚盡毋盼得 知佢又在該想𠊎兜个 阿姆 了 𠊎立下心願同 吾姆 講 阿姆 你做得安心去西天了 只愛𠊎還在世个一日 𠊎定著會同若妹仔做伴 81 82 洗腰仔 音 seˋ ieuˊ eˋ 洗腎 金仔店 音 gimˊ eˋ diam 銀樓 45
100 年全國語文競賽臺灣客家語朗讀文章 北四縣腔 教師組 編號 10 號 問天 記八八做大水 鍾麗美原作 徐子涵譯 有一種刀傷 在心肝頭切到心肝背 無流血 淨溫溫仔痛 分人挖忒一大空 𥍉 𥍉縮縮83个心臟 像會嘬人个烏洞84 嘬走𠊎全部个希望 用手揞等心肝頭 佢正毋會 緊顫 用手撳緪心肝頭 佢正毋會勼筋 係麼人講心臟淨有半斤重 該定著毋係真个 係無仰會墜等𠊎 害𠊎企都企毋正 一路碾到山壢下去 山項 一條本旦會唱歌仔个河壩 係𠊎兜泅水 覓蜆仔 打水漂仔个所在 青色 个大石頭底下 還有幾隻圓身長長 鬚菇拂來拂去个大蝦公 目金金仔看等你 企等 無停動 連細魚仔都會泅來觜你个腳 尋你搞尞 禾鷝仔在河壩脣項緊飛緊走 嘰嘰 啾啾85像辦桌樣仔 河壩 係𠊎兜个朋友 𠊎兜个畫布 𠊎兜个詩歌 仰會恁樣 一暗 晡个時間 變面毋識人 敢係浩洪斗雨86 打到你無哪好囥 敢係水肚个石頭 樹椏 揤到你發譴 敢係無哪好行个路 撩到你起性 變面个你 帶等泥漿 石頭 像發癲 个牛陣從山頂衝下來 還來毋掣愐想摎敨氣个時間 朗朗滾87个大水就沒忒𠊎兜个田坵 沒忒𠊎兜个菜園 沖走大門 沖走屋舍 沖走來毋掣走囥个人 大雨沖洗山林 狂 風在山肚舂舂剷剷88 人个喊聲 噭聲在天地之間仰會恁樣个脆弱 像跌落水潭肚个蟻 公 無人看著 無人聽著 無人伸手救 家園 屋場 心肝肚个人 一夜全毋見忒 一夜之間 原本个幸福 分大水搣到淨淨 半息都無伸 係一隻醒毋轉來个惡夢 暗夜个大水一擺又一擺對𠊎浸過來 𠊎牽毋著你个手 看毋著做得偎靠个岸脣 圓身浸在水肚 漂漂浮浮 渺渺茫茫 寒到骨髓 寒到被骨 寒到歸頂眠床 歸間間房 寒到天摎地都同𠊎共樣緊顫 愛仰仔正睡欸落覺 愛仰 仔正食欸落飯 愛仰仔心肝頭正做得敨氣 愛仰仔幸福正會倒轉來 天公啊 你仰恬 恬毋講話 捽忒目汁 擘開目珠看 有同事講笑撩你笑 有朋友煮好菜餳你食 有醫生開藥 單愛你好 有屋下人揇你 陪你睡 恁多雙手撐你起來 恁多圓身分你燒暖 仰毋對 山壢跋上來 山頂還有隨等四季上棚个百花景緻 仰毋對水肚泅起來 水項還有來去 大湖南北个船篷 天公爺寫个劇本 你無好擇 無好賴 都愛演出 天公喊你做个事 你無哪好囥 乜愛做忒 毋使再愁 毋使再怨 落過雨个臨暗頭 也會有七色个天 弓 暗深个濫泥項 乜會有明亮个月光 83 84 85 86 87 88 𥍉𥍉縮縮 音 ngiabˋ ngiabˋ sugˋsugˋ 形容心臟反覆的舒張與收縮 烏洞 黑洞 是一種質量相當大的天體 它的引力非常強 會吸入任何物質 連光也無法逃逸 故謂之 嘰嘰啾啾 音 ji ji jiu jiu 狀聲詞 形容鳥鳴聲 浩洪斗雨 音 heˊ fungˇ deuˋ iˋ 傾盆大雨 朗朗滾 音 long long gunˋ 狀聲詞 形容聲音清澈響亮 舂舂剷剷 zungˊ zungˊ canˋ canˋ 形容風到處亂撞 亂剷 亂砍 46
100 年全國語文競賽臺灣客家語朗讀文章 北四縣腔 社會組 編號 1 號 一枝草一點露 湛榮源作 徐子涵譯 隔壁个阿伯 伯姆有一個倈仔 人當老實 當乖 毋過做麼个就當慢 從細就讀 書毋識 逐擺就聽著伯姆在該道嘆 𠊎啊 前生怕係打爛人个骨頭盎 今生正會恁歪 命 降著一個精毋精 戇毋戇个倈仔 阿伯就會安慰伯姆講 毋怕啦 天無絕人之 路 一枝草就有一點露 毋過 自家又乜不時敨大氣 在該唉唉嘖嘖 時間過到盡遽 該個阿哥讀國中了 不時就聽著佢講 先生喊𠊎愛帶五十個銀 愛賠玻璃錢 一起勢伯姆還會講 較細義兜仔 仰會打爛玻璃呢 下後89 嗄變 到好毋好就麼个打爛玻璃 愛賠錢 伯姆罵佢 仰恁輒打爛玻璃 佢逐擺就應講 𠊎又無打爛玻璃 伯姆乜回佢講 該無成係麼人打爛 賴你係無 伯姆第二日 䟓工拚去學校同先生講這兜事情 拜託先生多多照顧 無幾久 該阿哥又討錢了 這擺毋係賠玻璃錢 係賠別項 就恁樣討錢 賠錢 伯姆去學校同先生講 拜託先生 佢轉到屋下道嘆 艱苦个過忒三年 這期間 學校先生有去做家庭訪問 先生建議講 讀書毋識無要緊 畢業後去學 手藝 有手藝就有飯食 下二擺 佢自家就畜欸自家飽 毋使愁 還講佢已老實 就 學麼个較慢定定 這兜話 就像伸手看毋著手指个暗摸角項 一下仔毋知在哪位走 出來个火光共樣 細細仔个番仔火 又乜試著當光 當光 阿伯係一間已有名个麵包店个師傅 佢帶等自家个倈仔來學師仔 從拚掃 撿揫 使頭使尾90學起 又正定定仔教仰仔做麵包 雖然教會做一樣麵包愛當久个時間 毋 過 阿伯還係細心細意 當耐心教 學會一樣又再過教一樣 這段時間就較無聽著伯 姆道嘆了 隔壁鄰舍大家都講阿伯 伯姆个面加已亮91了 好在學會做麵包 有手藝 毋使愁了 就像人講个 一枝草就有一點露 毋使愁 毋使愁 有一日當晝 該個阿哥轉到學校 手項擐等等路來尋先生 佢一入辦公室就喊先 生 先生認佢毋識 先生還問愛尋麼人係無 麼个事情 到落尾正認出係佢 係當初 動啊著就帶錢來賠玻璃个學生仔 佢開嘴喊先生 先生 這係𠊎自家做个麵包 請先 生食 先生歡喜到緊同大家講 確實係一枝草一點露 天無絕人之路 89 90 91 下後 音 ha heu 稍後 使頭使尾 音 siiˋ teuˇ siiˋ miˊ 打雜 亮 音 lang 平整亮麗 47
100 年全國語文競賽臺灣客家語朗讀文章 北四縣腔 社會組 編號 2 號 客語能力認證對𠊎个影響 徐子涵原作 𠊎試著 客語能力認證 个證書 係客家人个第二張身分證 乜係支持客家話个 意願書 更加係認同客家文化个保證書 認證个目的 毋單淨係資格考試定定 主要 係希望透過學習客語 建立對客家文化个認同 客語定著愛用拼音摎文字个方式來傳 承 學習 當多个歷史經驗乜證明 無文字个語言 最後都盡難保存而失傳 故所 𠊎盡肯定客委會辦理客語認證 因為提高欸客語个層級摎客家人个自信 分大家有學 習个目標 記得在民國九十四年 起勢辦理初級認證个時節 頭下碼𠊎還無興趣參加 想講 就算通過認證了 乜無麼个作用 月給又毋會增加 頭路乜無較該尋 一直到欸九 十六年 吾妹仔愛參加客語演講比賽 正在該後悔 毋知愛仰般起稿 心肝肚無半息 客語詞彙 客家土話早就分吾 國語客92 取代了 又毋識客家老古人言摎客家師傅話 還較疑狐自家講个客家話 毋知有正無 七百零隻字个稿仔 舞到𠊎頭暈腦疺 幾 下日睡毋落覺 該央時 想著吾爸講个 細人仔毋曉講客話 阿公婆都會跋䟘起來罵 連吾妹 仔都興嘟嘟仔93緊學客家話 自家嗄背祖忘本 感覺著盡見笑 人講个 寧賣祖宗田 不忘祖宗言 寧賣祖宗坑 不忘祖宗聲 𠊎係毋講客家話 毋去瞭解客家文化 祖先个智慧愛仰般傳承下去 故所 為著分自家一隻交代 𠊎行出第一步 參加客語 認證了 𠊎毋曉得拼音 堵著毋識聽過个詞彙 雖然有 CD 好聽 但係總無可能隨身帶等 走 乜毋係逐本書都有合 學習實在有限 人講个 樹頭係講生得在 毋驚樹尾做風 搓 愛學好漢字詞彙 定著愛學會拼音 毋過脣項無人會教 三年過忒 雖然乜通 過欸四縣腔摎海陸腔个中高級認證 但係盡遺憾放棄漢字標音个題目 使命感个督促之下 決定專心研究 從會唸个詞彙去驗證拼音 豁然開朗 兩下 半就尋著秘訣 學成了 確實係心專石穿 有心黃金土 無心荒草埔 學會拼音以後 斷真係會睡目就毋驚你較早眠 大量个詞彙就跈等入到吾頭腦肚 寫文章直接用客 語輸入法打字 認證个詞彙書 係𠊎盡珍貴个參考書 哈客網路學院94摎教育部常用詞 辭典還較係𠊎个好工具 客語認證就像係𠊎个師傅 帶領𠊎踏入客家世界 傳承了客家文化 分𠊎這個客 語薪傳師 尋著欸人生个希望摎價值 92 93 94 國語客 音 guedˋ ngiˊ hagˋ 從國語直接轉譯成客家語來說的話語 興嘟嘟仔 音 him du du eˋ 興沖沖的 哈客網路學院 haˊ hagˋ miongˋ lu hog ien 行政院客委會設立之網站 有課程供學習及辭典可查 48
100 年全國語文競賽臺灣客家語朗讀文章 北四縣腔 社會組 編號 3 號 算命 徐子涵原作 𠊎相信算命摎抽籤卜卦 起碼做得趨吉避凶 好个記在心 順等佢講个方向進前 壞个就想辦法克服 絕對毋認命 因為命運係靠自家來安排个 高中畢業前 親身去一輪義民廟 分盲目仔算命先生摸手看相 佢講𠊎个學歷毋 止高中定定 𠊎疑狐 但係鏤骨銘心 斷真 輒常打尾名又無自信个𠊎 乜有一間二 專紡織科好讀 該央時 因為生活窮苦 根本無按算愛升學 吾爸拿出三萬箍分𠊎選 擇 看愛註冊也係買機車去做頭路 𠊎選擇聽信算命仙个話 二專畢業後 在一家紡織廠食頭路 愛輪三班 長年透天都盡拚 加班到無日無 夜 二十六歲愛結婚个時節 吾姆拿八字去合婚 順續仔算命 命卦頂寫𠊎 高級生 活顯奇才 文業為生日進財 朝出夜歸奔波客 一旦時來位鼎臺 𠊎又半信半疑 毋過還係銘記在心 下後 家娘講𠊎 你一生人都係苦工个命 哪有才調擎筆 𠊎 在該愐 毋曉電腦 又無專長 敢講斷真歸生人都係在工廠跍个作業員 吾爸講 細妹人係菜籽命 毋好屙屎毋出怨豬嫲 讀書毋識怨爺娘 𠊎確實識 怨過自家出身低 吾叔伯兄弟摎表姊妹 一概係初中以下个學歷 大體會袁字寫成表 料字寫做科 做个頭路都無已好 自家毋單淨無勢頭摎田產好靠 老公又毋像樣 好賭徼 正經係命歪好算命 人醜好照鏡哦 老古人言講 人愛人打落 火愛人燒著 半點都毋會差 好在家娘个打落 三 十歲該年想著命卦頂卜个籤詩 若係自家毋知好煞猛打拚 命靚乜枉然 天地恁闊自 家行 敢去就一擔樵 毋敢去就屋下愁 座定敗95辭忒頭路 去尋文職个工作來做 好得做夜班个時節 準打電動樣仔个學著電腦打字 正有恁好彩个尋著學校職員 好做 乜改變欸𠊎个命運 辦公室有電腦好用 圖書館有免費个書好借 暢到奈毋得 就盡認真个學習電腦 毋使一年 就會寫程式摎設計網站了 確實係有心黃金土 無心荒草埔 勤儉摎知足个心 分𠊎變到盡儆惜時間 當會把扼機會 還有欸 手痛 好過家 腳痛好繡花 个生活態度 連續完成欸大學摎碩士个學業 續等又考著幾下 張電腦證照 還通過欸中高級个客語能力認證 這下係客語薪傳師 還在小學兼任先 生 教客家話 傳承祖宗言 逐日無閒洎杈个過等有目標 有理想个生活 在客家世 界 尋著欸人生个希望摎價值 人講樹愛軟枝 人愛硬程 確實有影 莫怨天 莫怨地 只愛自家甘願去改變 哪央時開始都來欸掣 肯問就有路 肯做就有步 95 座定敗 音 co tin pai 喻豁出去 孤注一擲 49
100 年全國語文競賽臺灣客家語朗讀文章 北四縣腔 社會組 編號 4 號 𠊎歇个社區 黃火盛原作 徐子涵譯 記得早先識聽吾爸講過 吾屋下頭擺毋係歇在這位 徙到這位正五年零 佢講正 搬來該恁多年 對面還吂有屋仔 全部係一隻荒廢个紙廠 親像係債務个問題 嗄來 停忒無做有三十零年 歸片十過甲放佢生草 芒花96生到比人還較高 蛇哥 老鼠趖上 趖下 暗晡頭無人敢在該過 毋過這種景象 親像無幾久就變了 正開頭 看著有幾下儕人拿等圖在該比比畫畫 過幾日 看著怪手摎堵山機97駛過 來 兩三日仔定定 所有个地就整到平平 看起來親像愛做販仔屋 確實無毋著 跈 等幾日仔 就有砂石車 載鐵摎紅毛泥个車仔出出入入 弓枋模98 搭竹架仔人上上下 下 大家都無閒洎杈 看板99打出來个係賣販仔屋个廣告 看起來敢怕有五 六間做屋 个公司 有幾下百儕人共下做事 這兜大人 有个㗘菸 有个食檳榔 故所 賣檳榔 賣菸過打煙腸个攤仔 哪仔都有 一日過一日 一禮拜過一禮拜 逐日就聽著機器聲摎車仔聲無停 鬧熱煎煎 日 仔乜過欸真遽 無幾多隻月仔定定 看佢這兜起个販仔屋 從打地基一棧一棧起起來 開始 到裡背絲也喫100 貼泰魯101 外背看啊去盡靚 趕過年前做好 分買屋个人好 入新屋 跈等無幾久 漸漸仔就有人徙入去歇了 社區也緊來緊多人歇共下 慢慢仔就鬧 熱起來 當初還吂起販仔屋以前 有聘102過愛起一隻公園摎一隻停車場 這時節 睹 好有一隻社團愛捐錢起公園 故所 當遽就看著公園起好了 公園肚項有種幾頭大樹 仔摎各色个花草 中央親像有隻細陂塘 邊脣還打一隻天墀坪103 朝晨頭聽得著阿啾 箭 白頭公 補鑊鳥 畫眉仔 竹雞仔个聲叫104無停 陂塘項兩 三隻細鴨仔在該搞 水 泅來泅去 安然自在 大樹下社區个老人家 有兜在該打太極拳 有兜坐在凳仔 項打嘴鼓 熱天時節个當晝頭 蟬仔在樹頂高叫到大嫲牯聲 當像在該開音樂會樣仔 樹下 有人在該譫哆 尞涼 啄目睡 暗晡頭輒輒會有表演團體在該撮把戲分人看 這係分 大家料想毋著个 細細个公園竟然有恁多个齣事105 𠊎歇个社區肚个人情事物 三日三夜都講毋會煞 96 芒花 音 miongˇ faˊ 菅芒花 堵山機 音 duˇ sanˊ giˊ 堆土機 98 弓枋模 音 giungˊ biongˊ muˇ 蓋房子時 用木板來固定牆壁 99 看板 音 kanˊ bangˋ 看板 招牌 源自日語 看板 かんばん 100 絲也喫 音 siˊ ia kieˋ 粉刷 101 泰魯 音 tai luˋ 磁磚 源自日語 タイル 102 聘 音 pinˋ 談妥條件 103 天墀坪 音 tienˊ ciiˇ piangˇ 庭院 104 叫 音 gieu 鳥蟬鳴叫聲 105 齣事 音 cudˋ sii 戲碼 名堂 花樣 50 97
100 年全國語文競賽臺灣客家語朗讀文章 北四縣腔 社會組 編號 5 號 阿伯姆 邱文莉原作 徐子涵譯 俗諺講 近鄰贏過遠親 𠊎在臺北搬來南部有幾下年了 這下𠊎歇个地方就係 六堆地區个長治鄉 長治鄉算前堆 民風純樸 鄉民單純 大部分人耕田蒔禾 隔壁 鄰舍和和氣氣 時常有來往 大家會互相照顧 𠊎歇个所在係販仔屋 販仔屋附近个鄰舍大約有二 三十戶 有人種檳榔 有人 種蓮霧 乜有人上班食頭路 還有人做生理 逐日臨天光个時節 屋下後尾个伯公下 就會看著隔壁个老伯姆 在伯公下掃地 泥 同伯公四圍个環境 掃到淨淨俐俐 逐日一大早點三支清香 再過從巷仔頭掃到 巷仔尾 不管落雨也係寒天 毋識停過 𠊎毋知厥名仔 大家喊佢 阿伯姆 𠊎也跈 等大家喊佢 阿伯姆 𠊎係堵著佢个時節 佢會笑咪咪仔同𠊎頷頭相借問 講幾句話 漸漸仔就越來越熟事了 阿伯姆身材武頓武頓 看起來已福相 係十分傳統个客家婦人家 佢從結婚嫁分 阿伯後 就歇在這 算起來有六十零年了 後生時節 逐日煮三餐以外 田頭地尾 灶頭鑊尾 針頭線尾 家頭教尾 屋肚屋外 都愛打理好 盡無閒 這下老了 子女 全部都出外打拚 閒閒無事做 就會尋隔壁鄰舍過家尞 在伯公下掃地泥 打嘴鼓 阿伯姆做醬菜个手藝盡好 做出來个醬菜不管係蘿蔔絲 鹹菜乾 高麗菜乾也係 黃梨醬 桔醬 都十分餳人食 佢輒常有閒就做來送分這兜隔壁鄰舍 黃梨醬 會做个人已多 𠊎也食欸盡多 舊年避暑前 下班時節 在巷仔頭堵 著阿伯姆 佢喊𠊎頓恬下來 拿分𠊎一罐東西 講愛送𠊎食 佢細細聲同𠊎講係佢自 家做个 黃梨醬 喊𠊎毋使客氣 轉屋食欸過後 該甜甜又有一息仔酸酸个味緒 正 式係𠊎食過最好食个客家醬菜 難怪大家都恁說佢 阿伯姆講 黃梨醬 愛好食 就 愛等黃梨大出106个時節 去買新鮮个黃梨來做 做出个醬正會好食 大約在梅雨季節 過 六月開始做 黃梨愛有罅香 罅熟正做得做出好食个 黃梨醬 阿伯姆今年八十歲了 身體還盡康健 逐日都面帶笑容 樂觀過日仔 可能這也 係佢身體康健个主要原因 106 大出 音 tai cudˋ 盛產 51
100 年全國語文競賽臺灣客家語朗讀文章 北四縣腔 社會組 編號 6 號 閹雞情 黃雪珠原作 徐子涵譯 落雨過後个下晝 𠊎坐公車經過中正紀念堂 看著 閹雞 表演个宣傳廣告 一 條一條大紅花布仔隨風搖擺 一看就知係𠊎兜客家个表演 一路項 閹雞 兩隻大字 嗄緊在𠊎个心肝肚捩捩轉 對𠊎來講 閹雞 有兩種意思 一種係名詞 大閹雞 過年過節 來敬阿公婆 个 一種係動詞 雄雞變成閹雞个過程安到 閹 雞 記得頭擺 正月半个時節 頭重溪廟項有閹雞比賽 十五 六斤个大閹雞算已大 隻了 還有十七 八斤个大閹雞 逐隻肥肥又油油 金黃色 放在特大隻个托盤肚 講毋出有幾靚 有一擺 吾姆畜个閹雞也有十過斤恁大 𠊎兜細人仔看著該隻閹雞一日一日大 同閹雞个感情乜一日一日加深 吾姆愛 閹雞个時節 𠊎兜還毋肯佢去捉佢 兩個細 老妹還摎閹雞囥到菜園肚 吾姆緊喊緊拐 兩個細老妹正護等閹雞行出來 吾姆同三 姊兩儕人 七手八腳捉等閹雞到灶下 無閒欸歸晝邊 𠊎同兩個老妹在廳下偷偷仔 噭 想起該下 細細仔个心肚就知毋盼得个感情 實在已難得 這下同吾老妹打嘴鼓 講起這段往事 三儕人就笑到肚屎痛哦 食閹雞肉个時節 看著該盤油油金金个雞肉 口涎水溚溚跌 實在佇毋著 大家个筷仔緊夾 你一垤 𠊎一垤 大大口食無停 話講頭擺 吾屋下係開雜貨店个 屋簷下定期會有一個歇在莊下个阿叔在屋簷下 兜一張矮凳板 拿一碗公清水 準備一副簡單个手術用品 恁樣就做得閹雞仔了 𠊎該下還細 可能四 五歲樣仔 逐擺該個阿叔來做生理 𠊎就恬恬仔跍在邊脣項 目金金緊看 有人捉雄雞來閹 佢會用盡熟練 盡伶俐个動作 捉起雞仔 用兩隻腳 踏等雞仔个腳同翼胛 雄雞 咯 咯 咯 緊喊 𠊎實在乜毋知雄雞係噭也係喊 總係感覺佢還衰過哦 該央時乜一直毋知雄雞做麼个愛閹 包尾問吾姆正知 閹過个 雄雞毋會恁雄頭107 正畜欸大隻 肉質乜較好食 閹雞 閹雞 看著這兩隻大字 吾心肝肚緊笑 因為閹雞分𠊎當多个回憶 不管係看等佢一日一日大个大閹雞 也係吾叔在屋簷下做閹雞个手術 總係分𠊎一種 盡滿足 盡感心个童年生活 107 雄頭 音 hiungˇ teuˇ 有雄風的樣子 此指兇猛 52
100 年全國語文競賽臺灣客家語朗讀文章 北四縣腔 社會組 編號 7 號 等花開 黃瑞芳原作 徐子涵譯 打早 一陣一陣个花香 從禾埕項吹過來 洗好衫褲拿去屋背晒个時節 乜鼻著 含笑 夜合花个香味 客家人歇个地方 哪仔都係花香 客家細妹仔 行到哪 自然 會散出淡淡个花香 南部六堆地區个婦人家 在禾埕項 陂塘脣 前院後院 只愛有空地 都做得種 花 桂花 夜合 含笑最常見 逐家人大體都有種 有兜係矮矮个樹仔 有兜係青青 个大皮葉 各種青幼 各有特色 乜都有盡好鼻个花香 清風吹來 花香飛入屋下 帶來滿屋个溫暖摎幸福 就恁樣自然个摎花共下尞 客家婦人家輒常從田坵轉來 隨 手摘一蕊花 放入衫袋肚 滿身跈等香起來 化去一日个辛勞摎寂寞 暗晡頭 泡茶 个時節 放一兩蕊晒燥个含笑 增加茶个香味 啉起來又香又甘甜 還細个時節 𠊎兜細妹仔伴就會湊等共下去摘含笑 摘正暴啊開个 摎烏色个花 蕊仔 囥在衫褲肚 等佢慢慢仔香 香遍圓身 歡歡喜喜 係分大人看著𠊎兜在該摘 花 佢兜就會問 有鼻過無 無鼻過个愛放在神桌項 先分伯公鼻香 等下晝頭正 會分𠊎兜袋等 等花个香味來滋潤細妹仔个青春 𠊎還記得係身項有帶含笑 夜合个時節 歸日仔个生活就感覺著有甜甜个味緒 臨暗仔洗身愛換衫 就愛細義兜仔 將袋仔肚个花拿出來 放在浴堂个細凳仔項 換 淨俐衫个時節 又再過放入衫袋肚仔 就係恁樣 盡愛花甜甜个香味 有香花陪等个 後生婦人家 生活就充滿歡喜 平安 該係婦人家所追求个生活 心肝肚特別想有个 花香世界 客家个花 毋單淨融入生活裡肚 也帶入客家詩裡肚 客家詩人曾貴海最有名个 詩 夜合 寫 夜合 花 總係在日落西山以後開花 親像客家婦人家 做事愛做到 三更半夜以後 正分老公鼻著體香共樣 帶等恬靜摎內向个客家特質 讀來盡有味緒 臨暗 日落後山 夜色跈山風湧來 夜合 在客家人屋下庭院 恬恬打開自家个體 香 實在靚 53
100 年全國語文競賽臺灣客家語朗讀文章 北四縣腔 社會組 編號 8 號 承天寺後山 鄧玉霞原作 徐子涵譯 𠊎歇个所在 離土城承天寺毋會當遠 逐擺放尞日 臨天光仔 就老嫩大細 來 到承天寺个山腳下 一儕一罐水帶等 開始蹶山 歸條山路狹擳擳仔 種當多油桐樹 樹大 樹影就大 從山下蹶上山頂 不管朝 晨也係當晝 絕對毋會晒著日頭 實在係一隻蹶山遶尞个好所在 𠊎兜勻勻仔蹶山 順帶仔欣賞花草 吸收新鮮个空氣 探頭看著盡多揚尾仔在天頂飛 一陣一陣个涼風 吹啊過來 盡涼爽 歸家人有講有笑 盡快樂 閒時閒節 逐儕都無閒 吾爸上班 愛準備資料 愛做報告 愛填表格 吾姆上班以外 愛去市場 愛入廚房 愛照料𠊎 兜个生活 無閒到親像打極樂个環環轉 𠊎同老妹日日有寫毋忒个作業 有看毋忒个 書 罕得大家放下身邊个工作 共下來蹶山 歸路項 堵著盡多鄰舍朋友 每一個人有講有笑 心情特別輕鬆 雖然晒毋著日 頭 清風又輕輕仔吹 但係春天時節 臺灣既經當熱 加上溼氣重 行到半山排 大 家都汗流脈落 氣緲緲仔108 吾爸問大家愛歇睏一下仔無 吾老妹同𠊎還係興嘟嘟仔 109 盡想遽遽蹶到山頂 欣賞腳底下个世界 故所𠊎兜毋想尞 吾姆看著後生儕毋知 天高地低 也贊成𠊎兜个看法 繼續蹶山 毋多知仔就到山頂了 在山頂看往下 四圍都係跈風搖來搖去个老樹仔 樹葉仔沙沙个聲緊響 有兜高 聲 有兜低聲 合起來親像天然个交響樂 天頂飛个鳥仔乜啾啾滾 歌聲溜天盡好聽 𠊎兜坐下來 啉一息仔茶水 享用吾姆準備个點心 突然間 感覺著摎大自然恁親 芬多精伸手就做得捉到滿手 𠊎兜拚好垃圾後 日頭就落山了 斡頭看一下企在臨 暗仔个暮色裡肚个承天寺 佢係恁竳線 恁堅持 恁恬靜 自家默默仔迎接星夜 𠊎盡好蹶山 特別好蹶承天寺个後山 蹶山係好運動 流汗做得分身體內外个循 環較好 減少體內个負擔 蹶山做得帶 俚接近大自然 乜有新鮮个空氣好敨氣 好 處盡多 實在係值得推廣个運動 承天寺个後山 景色好 老樹多 行一輪 做得流 汗 做得欣賞山後个風景 108 109 氣緲緲仔 音 hi meuˋ meuˋ eˋ 上氣不接下氣的樣子 興嘟嘟仔 音 him du du eˋ 興沖沖的 54
100 年全國語文競賽臺灣客家語朗讀文章 北四縣腔 社會組 編號 9 號 歇久他鄉變故鄉 鍾日英原作 徐子涵譯 記得在七年前 有一隻機會 跈客家委員會組團去巴西 看望早年移民个客家鄉 親 大約係四 五十年間 俚桃園 新竹 苗栗个客家人 有盡多飄洋過海去到南 美洲个巴西開墾 該擺 佢兜有一間活動中心落成 𠊎兜去摎佢兜祝賀 慶祝會上 主持人勉勵大家講 愛摎他鄉做故鄉 毋好摎故鄉變他鄉 這句話 對 俚這兜在 歷史上遷徙多擺个客家後代來講 毋單淨分人有盡深个反省 還有訓示个意義 故鄉 做得用較狹兜仔个字義來界定 就像 出世个所在 從細成人長大个 位所 成人長大个過程中 聽共樣个 講共樣个 語言乜共樣个所在 故鄉 分 俚學習摎成長个環境 從細捉蟲仔 搞泥沙个所在 有盡深个感情在該 他鄉 係離開故鄉 出外去學習 或者係做事同生活个位所 故所 盡多人顛 倒歇在故鄉个時間較短 歇在他鄉个時間較長 就像歇在 俚臺灣个大陸人 佢兜十 過歲仔就來到臺灣 一歇就係五 六十年 𠊎想 吂開放大陸探親个時節 逐擺過年 過節 佢兜有盡多人定著會囥在被骨肚想親人 毋知噭忒幾多目汁 因為故鄉係阿姆 用乳水養育佢成人長大个所在 這下个社會 係一隻地球村 朝晨頭從故鄉出發 十過點鐘仔就到欸美國 交通 發達 加上電話 手機仔 視訊盡方便 故所 無論你到他鄉係讀書 也係做事業 或者係去食頭路 漸漸仔 你會對他鄉个一草一木關心較多 你愛同人競爭 就愛暫 時同故鄉个事情放下來 專心在你這下生活个他鄉打拚 無定著時間久了 在他鄉贌 屋仔嗄變到買屋仔 續等尋著對象 結公婆成家 細人仔一個一個降出來 若个他鄉 就變成細人仔个故鄉了 故所 歇久他鄉變故鄉 這毋係宿命 係因緣 俚客家人長久歇在臺灣這垤土地項 食臺灣米 啉臺灣水 滿身都係臺灣畜 俚 親像 俚个哀仔 俚个阿姆 故所愛認同這垤土地 愛為臺灣做事 盡本分 雖然 俚心中無毋記得原鄉个血脈同親情 但係 俚還係愛大聲喊出來 俚係臺灣 人 臺灣个正版客家人 55
100 年全國語文競賽臺灣客家語朗讀文章 北四縣腔 社會組 編號 10 號 兩角銀 邱坤玉原作 徐子涵譯 正五月个天時 苦楝樹恬恬仔開到滿山坪 樹花隨風搖散 跌落歸地泥个白花 淡淡个花香 恁餳人 也餳著歸群仔个糖蜂仔 連𠊎兜乜想搵來食 天光了 屋外个日頭早就爬到竹篙恁長 正一䟘床 就感著盡毋自在 心肝肚早 有按算了 阿姆 分𠊎兩角銀 好無 一䟘床就想愛討錢 你愛做麼个 吾姆聽到清清楚楚 面一橫 厥聲像刀嫲恁利 嚴肅个問𠊎 𠊎 𠊎 想愛買枝冰仔食啦 莫恁毋堪身分 還想愛食枝仔冰 厥嘴在該唸 手無停个在該同𠊎包飯包 講著飯包 肚屎就會痛 根本就無半粒米 只有細蕃薯兩條 醬个薑嫲一垤 看著連 當晝个飯包都無飯了 吾心肝肚偷偷仔想 愛哪仔來兩角銀呢 在該愐个時節 吾手就伸入吾姆个藍衫褂 摸著褲袋仔 無抓著 希望 只有氣 憤个 失望 吾姆無罵𠊎 佢自家窿入褲袋肚摟出內袋 又順手摟出另外一片个褲袋 仔 連一隻銀角个影仔都無 兩粒目珠仁漸漸仔溼忒 目汁就會忍毋核了 吾姆半譴半笑講 阿姆正式無銀角仔啦 毋會騙你 但係 𠊎無討著兩角銀 實在毋甘願 哪知忍毋核个目汁嗄溚溚跌 毋知麼个膽量恁敢 𠊎就坐在地泥打潑賴 緊噭緊大聲 仰仔啊 為著兩角銀 你就目汁闌干 你就恁無志氣 忽然間 吾姆金金个 目珠變到十分得人驚 但係 想食枝仔冰个野心 大過皮肉痛 日求三餐 夜求一宿 个日仔 毋單止肚屎愛弓緪 皮乜愛弓緪 因為輒常愛 食祛把絲 吂知看著吾姆轉身去壁角 𠊎想這下壞蹄了 遽遽跋䟘起來 走到尾瀉 屎 一片噭 一片走向學校 吂知吾姆佢乜毋停手 跈等在尾項逐過來 𠊎越驚就走 越遽 走越遽吾姆就逐越緪 一路走到三百公尺外个伯公坪 腳步都毋敢停下來 細猴仔 毋好過走了 阿姆走毋贏你啦 聽著吾姆氣緲緲仔110在該喊 你會修111𠊎 𠊎半信半疑 毋會啦 你愛帶大手帕啦 係無 愛仰仔讀書呢 𠊎斡頭 看著吾姆擐等包好幾本書同番薯飯包个洋巾仔 𠊎驚驚縮縮接過來 五月个日頭烈到人佇毋著 福利社前長長个人龍 苦楝樹下跳格仔个細人仔 儕 儕一枝枝仔冰 享受等枝仔冰涼涼 甜甜个味緒 單淨𠊎無枝仔冰 𠊎个拳頭嫲揢到 緪緪 揢等兩角銀个手毋敢放 到今還記得吾姆同𠊎講个 好魚好肉借嘴過 吞吞口 涎也好過 一陣風吹來 苦楝樹个花香越香 五月个日頭越燒暖了 這一陣風吹過五十零个 年頭 還愛繼續吹下去 110 111 氣緲緲仔 音 hi meuˋ meuˋ eˋ 上氣不接下氣的樣子 修 音 xiuˊ 教訓 處罰 此特別指用竹子修理 56