Hebreos 1:1 1 Hebreos 1:5 CART DANꞋ NYOJ C HE BEṈEꞋ HEBREO CAꞋ Diosen' gwseḻe' Xi'iṉe' cont be'lene' beṉacẖen' diža' 1 Cani' Diosen' be'lene' da' x oz

Transcription

1 Hebreos 1:1 1 Hebreos 1:5 CART DANꞋ NYOJ C HE BEṈEꞋ HEBREO CAꞋ Diosen' gwseḻe' Xi'iṉe' cont be'lene' beṉacẖen' diža' 1 Cani' Diosen' be'lene' da' x ozxta'ocho ca' diža' len beṉe' gwseḻe' goso'e xtižen'. Zan las gosoe' da' beṉe' ca' xtižen' na' nža'te ca goso'en to toe'. 2 Perw ṉa'a ba zoa žin ža yeyož yežlion' na' Diosen' ba be'lene' chio' diža' dan' gwseḻe' Xi'iṉen' bedezejni'ide' chio'. Na' Xi'iṉ Dios nan' bene' yaba na' yežlio nga len yogo' bichle da' de nga na' gate'teze. Na' bengaquen' con can' gwnalaže' Diosen'. Na' gwžin ža gac ḻo na' Xi'iṉ Diosen' yogo' beṉacẖ, beyix e', na' bica'chle da' bene'. 3 Na' Xi'iṉ Diosen' chlo'e catec beṉe' zaca' nac Diosen', ḻe cayaṉe' nac yicẖjlaždao' X e' Diosen' nac yicẖjlažda'ogüen'. Na' Xi'iṉ Diosen' chone' cont yaban', yežlion' na' da' ca' chle'echo ḻe'e yaban' na' yežlion' chesonen žin, ḻe nape' yeḻa' guac cont chac con can' že'. Ḻen' bzanḻaže' cuine' gote' cont bexi beyach chio' len xtoḻa'chon'. Na' beyož bene' ca' beyepe' yaban' zjaychi'e cuit X e' Diosen' ben' nac beṉe' zaca' juisyw na' chnabi'e txen len ḻe'. Xi'iṉ Diosen' zaca'che' ca angl ca' 4 Naque' beṉe' zaca'chgua ca angl ben' cheson žin cẖe Diosen', na' Diosen' bene' cont ḻeca ba chacxenche' ca angl ca'. 5 Diosen' biṉa' ye'e ṉe to angl ca dan' gože' Xi'iṉen', gože'ne': Len' naco' Xi'iṉa'; ṉa'aža ba blo'a zoaczo'. Na' biṉa' güe'e diža' cẖe note'teze angl can' bi'e diža' cẖe Xi'iṉen', gwne': Neda' gona' cont gacbia' naca' X e', na' gona' cont gacbia' naque' Xi'iṉa'.

2 Hebreos 1:6 2 Hebreos 1:14 6 Na' da' nac Xi'iṉ Diosen' ḻa'zelagüe beṉe' zaca', da'nan' cate' Diosen' gwseḻe'ne' yežlio nga gwne': Yogo'ḻoḻ angl cẖia' cheyaḻa' yesonxene' ḻe'. 7 Na' cẖe angl ca' gwne': Chona' cont angl cẖia' ca' beṉe' chesone' žin cẖia' chesaque' ca be' dan' checẖj na' chesaque' ca yi' beḻ. 8 Perw cẖe Xi'iṉen' be'e diža', gwne': Len' naco' Dios na' ṉabi'o toḻi tocaṉe. Na' ḻeca güen chnabi'o, chono' con da' zej to ḻicha. 9 Chebedo' da' zej to ḻicha na' chgue'edo' da' malen'. Da'nan' neda' Dios ben' chonxeno' ba bena' cont zoacho' mbalazech ca note'teze beṉe'. 10 Na' da' yoble gozna Diosen' cẖe Xi'iṉen': X ana' Dios, beno' yežlion' ža gwlaste, na' yogo' da' chle'echo ḻe'e yaban' ḻecze le' benon' Na' gwžin ža cate' te cẖe yogo' dan' chle'echo ḻe'e yaban' na' ḻo yežlion', perw le' bi te cẖio'; soaczo' toḻi tocaṉe. Na' gwša'a ḻe'e yaban' na' yežlion' ca to beṉe' chša' xe' cate' ba beyoen na' chaze' yeton. Na' ḻe'e yaban' na' yežlion', gono' len ḻen can' chon to beṉe' cate' chotob xe'. Perw le', tozecze can' gaco' toḻi tocaṉe, gwbat žin ža te cẖio'. 13 Diosen' biṉa' ye'e ṉe to angl ca dan' gože' Xi'iṉen', gože'ne': Gwche'edo' cuita' nga ṉabia'cho txen, na' gona' cont yogo' no chesegue'e le' yosozex jw yicẖje' yosozenague' cẖio'. 14 Na' ca nac angl ca', yogue' zjanaque' beṉe' cheson xšin Diosen', na' chseḻe' ḻegaque' chesaclene' chio' ba gwleje' šjayzoacho len ḻe'.

3 Hebreos 2:1 3 Hebreos 2:7-8 2 Cheyaḻa' gwzenagcho cẖe Diosen' cont yeque'e xtoḻa'chon' 1 Na' da' nac Xi'iṉ Diosen' beṉe' zaca'ch ca angl ca', do yicẖj do laže'cho cheyaḻa' gwzenagcho xtižen' da' ba benecho. Ḻe še bi gwzenagcho cẖen do yicẖj do laže'cho, guanḻaže'chon na' cuejyicẖjchon. 2 Diosen' goclaže' yosozenag da' x ozxta'ocho ca' cẖe ley cẖe' dan' goseyix jue'e angl ca'. Da'nan' Diosen' bnežjue' castigw da' cheyaḻa' si' to toe' bate'tez bi bosozenague' cẖen, con ca nac da' mal da' gosone'. 3 Gague da' yelacho bi si'cho castigw še bi gwzenagcho xtiža' X ancho Jesúsen' da' gwdix jue'ede' že' chaclaže' goṉe' yeḻa' mban cẖecho toḻi tocaṉe. Da' zaca'chgua da' ben X ancho Jesúsen' cont gata' yeḻa' mban cẖecho toḻi tocaṉe. Cuine' gwdix jue'eden' da' nechw, na' beṉe' ca' gosedalen ḻe' bosolo'ede' chio' ḻe naquen da' ḻi. 4 Diosen' bene' cont gosone' da' zaca' yebanecho, na' bnežjue' ḻegaque' zan yeḻa' guac, na' Spiritw cẖen' benen cont gosone' da' zan da' güen len yela' guac cẖen. Na' yogo' da' ca' goc con can' gwnalaže' Diosen'. Na' Diosen' bene' ga gosac da' ca' cont ṉezecho xtiža' X ancho Jesuscriston' naquen da' ḻi. Jesucriston' goque' can' nac chio' beṉacẖ 5 Na' gague angl can' yesenabia' cate' žin ža gata' yežlio cobe dan' choe'cho diža' cẖen. 6 Na' de late' Xtiža' Diosen' gan' nyoj diža' da' be'len to beṉe' Diosen', gwne': Bixcẖen' nži'ilažo' neto' beṉacẖ? ḻe bitec bi zaca'to'. Na' bixcẖen' chi' yicẖjo' chacleno' neto'? 7-8 Beno' cont beṉacẖen' zjanaque' blao, na' con angl ca'ze zjanaquech blao ca beṉacẖ. Na' beno' cont beṉacẖen' naque' beṉe' zaca' na' cont chacxene'.

4 Hebreos 2:9 4 Hebreos 2:14 Beno' cont yogo'ḻoḻ da' zjade yesaquen ḻo na' beṉacẖ, na' len yogo'ḻoḻ beyix e' yesacba' ḻo na'gaque'. Na' da' ben Diosen' cont yogo'ḻoḻ da' de yesaquen ḻo na' beṉacẖen' na' yogo' beyix e' yesacba' ḻo na'gaquen', bibi bocua'aṉ Diosen' da' bi gwlo'e ḻo na' beṉacẖen', ḻa'czḻa' ṉa'a biṉa' le'echo yesac yogon' na' yogo'ba' ḻo na' beṉacẖen'. 9 Perw yogo'ḻoḻ ba yo'ocze ḻo na' Jesúsen', ḻa'czḻa' šlac gwzoe' yežlio nga angl ca' gosacche' blaoch ca ḻe'. Perw ṉa'a da' bzanḻaže' cuine' gote', da'nan' Diosen' bene' cont chacxenche' ca ḻegaque' na' cont nacbia' naque' beṉe' zaca' juisyw. Ḻe da' nži'ilaže' Diosen' chio' beṉacẖ, da'nan' bžie' bia' got Jesúsen' cont gac yeque'e xtoḻa' to to beṉacẖ. 10 Diosen' bene' beṉacẖ, bene' beyix e' ca' na' bite'tezechle da' zjade cont chacxene'. Na' Diosen' chaclaže' beṉe' zan yesaque' xi'iṉe' na' šjasyezoe' len ḻe' gan' yo'ochgua be'ni', na' güenṉa' bene' bžie' bia' gwxaca'zi' Jesúsen' cont gac goṉe' yeḻa' mban toḻi tocaṉe cẖe chio' beṉacẖ. 11 Jesúsen' ba gwlo'e chio' ḻo na' Diosen' na' txen len Jesúsen' naccho xi'iṉ Dios. Da'nan' bi cheto'e Jesúsen' ṉe' naccho biše' ḻježe'. 12 Quinga gwna Jesúsen' gože' Diosen': Gwzejni'ida' beṉe' biše' ḻježa' ca' can' nac yicẖjlažda'oguon', na' txen len beṉe' ca' zjandop zjanžag chesonxene' le' goḻa' gonxena' le'. 13 Nach Jesúsen' gwne': Neda' soacha' šejnilaža' Diosen'. Nach da' yoble gozne': Nga zoa' txen len beṉe' ca' gwlo'o Diosen' ḻo na', beṉe' ca' ba gwque'e ca xi'iṉe'. 14 Chion' ba gwca'a Diosen' ca xi'iṉe' naccho beṉe' bela' chen, na' da'nan' Jesúsen' ḻecze golje' goque' beṉe'

5 Hebreos 2:15 5 Hebreos 3:5 bela' chen cont bnežjo cuine' gosote'ne'. Na' da' got Jesúsen', da'nan' gwzoede' bzoe' šḻa'ale Satanás dan' chnabia' da' x igüe' ca' na' dan' choṉen yeḻa' got cẖe beṉacẖen'. 15 Jesúsen' bene' cont bich chžebcho gatcho, can' chesežeb yezica'chle beṉacẖ šlac de yeḻa' mban cẖegaque', chesežebe' yesate'. 16 Jesúsen' bide' yežlion', gague cont gaclene' angl ca', san cont goclene' chio' naccho xi'iṉ diaža cẖe da' Abrahanṉa'. 17 Na' da'nan' benen byen goc Jesúsen' doxen can' nac chio' beṉacẖ cont naque' bx oz blao cẖecho lao Diosen'. Na' bnežjw cuine' bṉitlagüe' xtoḻa'chon' na' zoe' cheyaše'de' chio' con can' chazlaže' Diosen'. Na' da' bnežjw cuine' bṉitlagüe' xtoḻa'chon', zaca'lebde' ca bx oz blao cẖe nación Israel cẖechon' ben' gwyej lao Diosen' bex ue' chen cẖe beyix e' cont gwṉabe' yezi'xen Diosen' xtoḻa'gaquen'. 18 Na' da' bžaglao Jesúsen' cate' gwlo'oyeḻa' gwxiyen' ḻe' gone' da' mal, perw bibi da' mal bene', da'nan' ṉezde' naclen' gaclene' chio' cate' chgo'oyeḻa' gwxiyen' chio' goncho da' mal. 3 Jesúsen' zaca'che' ca da' Moisésen' 1 Beṉe' migw, Diosen' ba gwleje' chio' naccho ḻo ne'e, na' cheyaḻa' goncho xbab cẖe Cristo Jesús ben' gwseḻe'. Naque' bx oz blao cẖecho na' ben' chejnilaže'cho. 2 Jesúsen' bene' cayaṉen' gwna Dios ben' gwseḻa' ḻe' šlac gwde' yežlion', ca'cze ben da' Moisésen' cate' ḻe' goclene' da' x ozxta'ocho ca' cani', beṉe' ca' gosac diaža cẖe Dios. 3 Perw Jesúsen' zaca'che' ca da' Moisésen', ḻe ḻen' bx ie' diaža cẖe Diosen', na' da' Moisésen' naque' con to beṉe' za' ḻo diaža cẖe Diosen'. 4 Gwnita' beṉacẖ beṉe' bx ie' to to diaža yežlio nga, san ca nac Diosen', ḻen' bx ie' yogo'te da' zjade. 5 Da' Moisésen' goque' ca xmos

6 Hebreos 3:6 6 Hebreos 3:14 Diosen' cate' bene' con can' gwna Diosen' cont goclene' da' x ozxta'ocho beṉe' ca' gosaque' diaža cẖe Diosen'. Na' da' Moisésen' be'e diža' cẖe da' za' gac da' za' cẖix jue'e Diosen' beṉacẖen' ca tiempa'. 6 Perw Criston' bi goque' ca to mos dan' gwzoe' bene' can' gwna Diosen', san da' naque' Xi'iṉ Diosen' da'nan' bene' can' gwnen', na' naque' X an yogo' chio' naccho diaža cẖe Diosen'. Na' da' ḻi naccho diaža cẖe Diosen' še zoacẖacẖcho chejnilaže'chone' na' chebecho ṉezecho gac güen cẖecho. Guac soacho mbalaz len Diosen' 7 Da'nan' cheyaḻa' gwzenagcho can' ža Spiritw cẖe Diosen' len da' nga da' nyojen, žan: Še Diosen' ṉie' le'e ṉa'a, 8 bi gonḻe güedenag can' goson da' x ozxta'ole cani' cate' besyedabague' Diosen' latje daš gan' chesaše'. 9 Nach Diosen' gwne': Bi gosejḻe'e še leda' dan' goša' ḻegaque' gwnežjua' da' yesezaca'zi'e ṉecẖe xtoḻa'gaquen'. Bi gosejḻe'e cẖia' cate' gosaše' latje dašen', ḻa'czḻa' cẖoa iz besele'ede' can' bena' len ḻegaque'. 10 Da'nan' bža'a beṉe' ca' gwnitan' na' gwnia': Yogo' las chesejḻe'e diža' güenḻaže', na' bi chosozenague' cẖia' cont yesone' can' chazlažan'. 11 Nachen' bža'a ḻegaque' na' da' baḻi gwlo'a gwnia': Gwbat ṉite' mbalaz yesyezi'laže' can' chezi'laža' neda'. 12 Beṉe' migw, bi güe'le latje ṉabia' da' malen' yicẖjlažda'ole na' gonen cont cuejyicẖjle bich šejnilaže'le Diosen' ben' zoa toḻi tocaṉe. 13 Na' šlac ṉa'a ṉe' decze latje gwzenagcho cẖe Diosen', ḻe ṉeyoe ḻježle tža tža cont ṉe tole bi gonḻe xbaben' clele, gaquele bibi nonen gontezle da' xiṉj. 14 Da' ḻi naccho Criston' txen še ṉe' zoacho chejnilaže'chone' cate' žin ža gatcho, con can' gwzolaocho chejnilaže'chone'.

7 Hebreos 3:15 7 Hebreos 4:4 15 Nyoj Xtiža' Diosen' cẖe chio', žan: Še Diosen' ṉie' le'e ṉa'a, bi gonḻe güedenag can' goson da' x ozxta'ole cani' cate' besyedabague' Diosen'. 16 Na' da' žan ca', choen' diža' cẖe da' x ozxta'ocho ca' bebej da' Moisésen' nación gan' nzi' Egipto. Gosende' can' gož Diosen' ḻegaque', perw bi bosozenague', besyedabague' Diosen'. 17 Da'nan' cẖoa iz Diosen' bže'e ḻegaque' ṉecẖe gosone' da' xiṉjen', na' gosat ben' besyedabague' Diosen' šlac ṉe' zjalaže' latje dašen'. 18 Na' ḻegaque', da' bi bosozenague' cẖe Diosen', da' baḻi gwlo'e, gwne' bi güe'e latje yesenite' mbalaz yesyezi'laže' can' chezi'laže' Diosen'. 19 Na' nacbia' da' bi gosejḻe'e cẖe Diosen', da'nan' bi goc ṉite' mbalaz yesyezi'laže' can' chezi'laže' ḻe'. 4 1 Na' ca' ṉezecho ḻecze ṉecẖe chio' Diosen' gwne' beṉe' yesejḻe' xtiže' yesenite' mbalaz yesyezi'laže' can' chezi'laže' ḻe'. Da'nan' cheyaḻa' gwsaca'cho cont bi goncho güedenag len ḻe'. 2 Chio' ba benecho diža' güen cont gac soacho mbalaz ca diža' dan' gosene da' x ozxta'ocho ca' cani', perw diža' da' gosende' bi goclenen ḻegaque', ḻe bi gosejḻe'en. 3 Na' chio', še chejḻe'cho da' ža Diosen', ba zoacho mbalaz chezi'laže'cho can' chezi'lažen'. Na' nyoj da' gwne' cẖe da' x ozxta'ocho ca', žan: Nachen' bža'a ḻegaque' na' gwlo'a da' baḻi, gwnia': Gwbat ṉite' mbalaz yesyezi'laže' can' chezi'laža' neda'. Na' ṉezecho Diosen' gwzolagüe' chezi'laže' cate' beyož bx ie' yaban' na' yežlion' na' bichle da' bene' ža gwlaste. 4 Na' zoa late' gan' nyoj Xtiža' Diosen' can' bene' ža gažen', žan: X op ža ben Diosen' yaban', na' bichle da' bene' cate' bx ie' yežlion'.

8 Hebreos 4:5 8 Hebreos 4:12 Na' bžin ža gaže, bich bi bene', con gwzoe' mbalaz bezi'laže'. 5 Na' ḻecze nyojen can' gwne', žan: Gwbat ṉite' mbalaz yesyezi'laže' can' chezi'laža' neda'. 6 Na' ṉe' naquen da' ḻi baḻ beṉe' yesejḻe'e xtiža' Diosen' na' ṉite' mbalaz yesyezi'laže' can' chezi'laže' ḻe', na' beṉe' ca gosende' diža' güen cẖen' cani' bi gosejḻe'en, na' bi goc yesenite' mbalaz yesyezi'laže' yeḻa' güedenag cẖegaquen'. 7 Na' gwdechle gwṉe Diosen' da' yoble gwne': Ṉa'a guac ṉita'le mbalaz yezi'laže'le. Na' bene' cont da' rey David bzoje' da' nga, žan: Še Diosen' ṉie' le'e ṉa'a, bi gonḻe güedenag. 8 Da' Josué gwcẖi'e da' x ozxtao' chio' beṉe' Israel gan' gosezi'e yežlion' da' bnežjw Diosen' ḻegaque', perw bi bene' cont yesenita' beṉe' ca' mbalaz yesyezi'laže'. Da'nan' Diosen' be'e diža' gwdele, gwne' gwžin ža yesenite' mbalaz yesyezi'laže'. 9 Na' da'nan' beṉe' ba gwlej Diosen' cont yesaque' ḻo ne'e, ḻegaque' guac yesenite' mbalaz yesyezi'laže' ca mbalazen' gwzoa ḻe' cate' gwzolagüe' chezi'laže'. 10 Na' beṉe' ca' ba nita' mbalaz chesyezi'laže' can' chezi'laže' Diosen', bich chesone' can' ža xbab cẖegaquen', san chesone' can' ža Diosen'. Da'nan' žacho zjanite' mbalaz chesyezi'laže' can' zoa Diosen' mbalaz chezi'laže' da' beyož bx ie' yogo' da' zjade. 11 Da'nan' cheyaḻa' güe'laže'cho šejḻe'cho xtiža' Diosen' do yicẖj do laže'cho cont soacho mbalaz yezi'laže'cho can' chezi'laže' Diosen' na' cont bi cuiayi'cho can' gac cẖecho še goncho güedenag len xtižen' can' goson da' x ozxta'ocho ca'. 12 Xtiža' Diosen' chazen ḻo' yicẖjlaždao' beṉe' chesenden' na' chaclenen beṉe' chosozenag cẖen. Na' zaca'leben ca to spada da' nḻachgua chop ḻa'a. Perw

9 Hebreos 4:13 9 Hebreos 5:2 chonch Xtiža' Diosen' ca to spada, ḻe chlo'en chio' še chzenagcho cẖe Diosen' o še cẖe cuincho, na' chzejni'in chio' cẖe xbab da' yo'o ḻo' yicẖjlažda'ochon' na' len yogo' da' chzelaže'cho še naquen güen o naquen mal. 13 Bibi de da' bi ṉeze nḻe'e Diosen', ṉe to beṉacẖ, angl, da' x igüe' o bi da' zjade. Diosen' ṉezde' yogo'te da' yo'o ḻo' yicẖjlažda'ochon'. Na' gwžin ža ṉabyožde' chio' cẖe yogo'te da' ba bencho. Jesúsen' naque' bx oz gwnabia' cẖecho 14 Jesús ben' naque' Xi'iṉ Diosen' ba beyepe' yaban' na' zoe' gan' zoa Diosen'. Na' naque' bx oz blao cẖecho beṉe' ḻa'zelagüe zaca'. Da'nan' cheyaḻa' soacẖacẖcho šejnilaže'chone' can' ba be'cho diža' goncho. 15 Jesúsen' ben' nac bx oz blao cẖechon' chacbe'ede' bi da' naquen zdebe len chio', ḻe gwxiyen' goclažen' co'oyeḻan' ḻe' gone' da' mal, na' bžaglagüe' cayaṉen' chžaglao chio', perw bibi da' mal bene'. 16 Na' dan' zoe' naque' bx oz blao cẖechon' ben' cheyaše'de' chio', da'nan' cheyaḻa' yoḻ güižcho Diosen' gan' chi'e chnabi'e, na' bi žebcho güe'lenchone' diža', ṉabechone' yezi'xene' cẖecho na' gaclene' chio' bate'teze chacbe'echo chyažjecho gaclene' chio', ḻe nži'ilaže'de' chio'. 5 1 Yogo' beṉe' ca' ba gosaque' bx oz blao cẖe nación Israel cẖechon' gosac ḻo ne'e šjasesane' bi da' šjasesane' lao Diosen' na' gosote' beyix e' bosolalje' xcẖengacba' cont Diosen' bezi'xene' xtoḻa' da' x ozxta'ocho ca'. 2 Na' bx oz ca' gosape' yeḻa' chxenḻaže' len beṉe' biṉa' yesejni'i can' cheyaḻa' yesone' na' len beṉe' ba nx oayag da' malen' ḻegaque', ḻe ḻecze beṉacẖ beṉe' güen da' xiṉj ḻegaque'.

10 Hebreos 5:3 10 Hebreos 5:13 3 Da'nan' benen byen bx oz ca' gosote' beyix e' na' bosolalje' xcẖemba' cont goseṉabe' yezi'xen Diosen' xtoḻen' lente xtoḻa' yezica'chle beṉe'. 4 Na' ṉe to bx oz ca' bi benxen cuine' ṉeca gwlej cuine' cont gaque' bx oz blao, san Diosen' gwleje' to toe' gosaque' bx oz blao can' gwleje' da' Aarón. 5 Na' ca'cze goc len Criston', bitw beyiljue' nac gone' cont gacxene', ṉeca gwlej cuine' cont naque' bx oz blao cẖecho, san Diosen' gwleje'ne' na' gože'ne': Len' naco' Xi'iṉa', ṉa'aža ba bena' cont nacbia' zoaczo'. 6 Na' ga yoble nyoj yeto da' gwne': Naco' bx oz toḻi tocaṉe can' nac bx oz ben' le' Melquisedec. 7 Na' Criston' šlac gwzoe' yežlion' boḻ güiže' X e' Diosen' ben' nape' yeḻa' guac cont yosle' ḻe' bi gate', gwṉe' zižje na' gwcheže' gwṉabe' gaclene' ḻe'. Na' da' bzex jw yicẖj Criston' bene' con can' gwna X en', na' X e' Diosen' bzenague' na' goclene'ne' cont bi bžebe' yeḻa' goten'. 8 Na' ḻa'czḻa' Criston' naque' Xi'iṉ Dios, bžaglagüe' yogo'ḻoḻ da' ca' goc cẖe' cate' bzenague' cẖe Diosen' cont gwyejni'ide' can' chac cẖe chio' beṉacẖ. 9 Na' beyož goc cẖe' yogo'ḻoḻ da' goclaže' Diosen', nach ba guaque' gwnežjue' yeḻa' mban toḻi tocaṉe cẖe yogo' beṉe' yosozenague' cẖe'. 10 Can' naquen, Diosen' gwleje' ḻe' cont naque' bx oz blao cẖecho, na' naque' ca bx oz Melquisedec. Gwsaca'cho cont bi cuejyicẖjcho xtiža' Diosen' 11 Na' ṉe' de da' zan da' chaclaža' ṉia' le'e cẖe da' ngan', perw naquen zdebe ṉian' ca šejni'ilen, ḻe bich chebele šejni'ilen. 12 Ba goḻe' gwzejni'ile beṉe' xtiža' Diosen', perw gualaz da' gonḻe ca', chyažjele no yozejni'i le'e da' yoble da' ca' bsedle da' nechw. Da'nan' zaca'leble ca to bidao' biṉa' gac gagw na' con chaže'be'. 13 Na' beṉe' zjanac ca to bidao' ṉe' chaže', biṉa' yesejni'ide' xtiža' Diosen'

11 Hebreos 5:14 11 Hebreos 6:7 binḻo cont yesone' da' zej to licha len Diosen'. 14 Na' dan' ža xtiža' Diosen' da' naquech zdebe, zaca'leben ca yeḻa' guagw da' chagw beṉe' gole. Na' beṉe' chesejni'i ḻenṉa' chesacbe'ede' še to da' yesende' o to da' yesone' naquen güen o naquen mal, ḻe ba zjayolagüe' chosozenague' cẖe Diosen' Cana' betiṉjecho xtoḻa'chon', gwyejnilaže'cho Criston', na' bsedcho diža' güen cẖe'. Goccho ca to beṉe' guat len yicẖjlažda'ochon' ṉecẖe da' choncho da' xiṉj, perw ba betiṉjecho xtoḻa'chon' ṉa'a. Bich chyažjen yezolaocho šejnilaže'cho Diosen'. Bich chyažjen gwsedchcho cẖe dan' chesezoa beṉe' nis o cẖe dan' chx oa na'cho yicẖj beṉe' na' chṉabcho gaclen Diosen' ḻegaque'. Bich chyažjen gwsedchcho can' gac cate' yecẖis yosban Diosen' beṉe' guat ca' o caten' cẖogbi'en yesezaca'zi' beṉe' ca' ba goson da' xiṉj. Ba nsedcho da' ca', na' ṉa'a bacẖ cheyaḻa' gwsedcho xtiža' Diosen' da' nacch zdebe cont gacch yicẖjlažda'ochon' can' nac yicẖjlaždao' Criston'. 3 Ḻenṉa' goncho ṉa'a še Diosen' goṉšque' latje. 4 Nita' beṉe' ba gwyo'o be'ni' cẖe Criston' ḻo' yicẖjlažda'ogaque', na' ba chesacbe'ede' can' nac yeḻa' mban da' choṉ Criston', na' ba zoa Spiritw cẖe Diosen' ḻo' yicẖjlažda'ogaque'. 5 Ba zjaṉezde' xtiža' Diosen' naquen güen na' ba zjanombi'e yeḻa' guac cẖe Diosen' da' za' gwlo'echde' beṉacẖen'. 6 Na' še žin ža bich yesejnilaže' Criston' na' yesebejyicẖje' xtižen', bich gac yesyetiṉjde' cẖe dan' ba gosebejyicẖje'ne', ḻe ḻo' yicẖjlažda'ogaque' chesone' txen len beṉe' ca' bosode'e Xi'iṉ Diosen' ḻe'e yag cruzen', na' chesone' cont nochle beṉe' yesegue'ede' ḻe'. 7 Cheyaḻa' gac yicẖjlažda'ochon' ca to yežlio güen gan' chesaz beṉe'. Cheyož chac yejon' zan ṉi'a, nach chac

12 Hebreos 6:8 12 Hebreos 6:18 cosešen'. Na' chata' dan' cheseyažje beṉe' chesazen'. Na' nacbia' Diosen' chebede' yežlion' nac ca'. 8 Bi gaccho ca to yežlio gan' chla' yag yeše' na' bichle yix e' da' nono chagw. Yežlion' nac ca' bibi zacan', na' ba zoa cuejyicẖj x anen ḻen na' yix e' da' chla' lagüen žin ža šeyen. Ṉezecho šjayzoacho len Diosen' 9 Le'e beṉe' migw, chacda' le'e, na' ḻa'czḻa' ba bia' dižan' ca', ṉezda' biḻja gonḻe can' cheson beṉe' chesebejyicẖje' xtiža' Diosen'. Chacda' gonḻe güen da' ba gwlej Diosen' le'e cont šjayzoale len ḻe'. 10 Diosen' zeje' to ḻicha, na' bi ganḻaže' can' ba benḻe xšinen' na' can' ṉe' chonḻen ṉa'a chaclenḻe yezica'chle beṉe' chesejnilaže'ne'. Na' chonḻe ca' da' chaquele Diosen'. 11 Na' chaclaža' to tole soatezle gonchle ca' do yicẖj do laže'le šlac biṉa' žin ža gatle, cont ṉezele šjayzoale len Diosen'. 12 Chaclaža' bi gacle beṉe' xagüed len da' ža Diosen'. Na' chaclaža' gonḻe can' ba goson beṉe' zan beṉe' gosenite' gosejnilaže' Diosen' cani', gosejḻe'e gon Diosen' can' gože' ḻegaque' gone', na' gosape' yeḻa' chxenḻaže' cate'ch bžin ža benen'. 13 Cate' Diosen' gože' da' Abraham xi'iṉ diaža cẖe' yesaque' beṉe' zan, bzoa cuine' gwlo'e da' baḻi gac can' gwnen', ḻe nono zoa beṉe' napch yeḻa' gwnabia' ca Diosen'. 14 Gwne': Da' ḻi goncza' cont gac güen cẖio' na' cont yesac xi'iṉ diaža cẖio' beṉe' zan. 15 Na' Abrahanṉa' gwdape' yeḻa' chxenḻaže' šlac gwleze', nach bžin ža gwzolao chac can' gwna Diosen'. 16 Beṉacẖen' zjayolagüe' chosozoe' Diosen' cue'e da' baḻi cẖe bi dan' chesene', ḻe Diosen' chnabia'che' ca ḻegaque'. Chesone' ca' cont beṉe' ca' chesacyože' len ḻegaque' yesejḻe'e na' yesyeyacxenḻaže'. 17 Na' Diosen' bzoa cuine' cue'e da' baḻi cont ṉeze beṉe' ca' zjanac xi'iṉ diaža cẖe da' Abrahanṉa' gague da' te cẖe dan' gwne' gonen'. 18 Diosen' bene'

13 Hebreos 6: Hebreos 7:5 cẖope da' qui: gwne' can' gone' na' ḻecze bzoa cuine' cue'e da' baḻi gac can' gwnen', na' gague da' te bi gac can' gwnen'. Chaclaže' chio' ba betiṉje xtoḻa'chon' yebecho ṉezecho šjayzoacho len ḻe'. Na' Diosen' bi chac güe'e diža' güenḻaže' Na' da' ṉezecho šjayzoacho len Diosen', bi soa xbab cẖechon' quile ca'le. Jesúsen' ba gwžialagüe' gwyo'e gan' zoa Diosen' gan' nono beṉacẖ goc šo', na' bene' cont chio' gac šo'cho. Ḻe naque' bx oz blao cẖecho toḻi tocaṉe, na' naque' ca bx oz Melquisedec. 7 Jesúsen' naque' ca bx oz Melquisedec 1 Na' Melquisedequen' goque' rey na' gwnabi'e gan' nzi' Salem, na' Dios ben' nac ḻa'zelagüe beṉe' blao gwleje' ḻe' cont goque' bx oz. Na' goquen' Abrahanṉa' zeze'e lao gwdiḻe gan' bene' gan gayo' rey, na' Melquisedequen' jašague'ne' na' gwdix jue'ede' gac da' güen cẖe da' Abrahanṉa'. 2 Ca horen' Abrahanṉa' zeze'e zonse'e yogo'ḻoḻ da' jaytobe' da' bene' gan ḻo yeḻa' gwdiḻen', na' gwlequen' ši cuen na' bnežjue' to cuen cẖe bx oz Melquisedequen'. Na' Melquisedec zejen diža' rey beṉe' zej to ḻicha. Na' goque' rey cẖe beṉe' zjanite' binḻo, ḻe Salem gan' gwnabi'e zejen diža' zjanite' binḻo. 3 Bi nyojen še no goc da' x axṉa' Melquisedequen'. Ṉeca nyojen še no goc x ozxta'ogüe', na' ṉeca nyojen baten' golje' na' baten' gote'. Da'nan' žacho Melquisedequen' zaca'lebde' ca Xi'iṉ Dios ben' zoa toḻi tocaṉe naque' bx oz cẖecho, ḻe bi golje Melquisedequen' ḻo diaža cẖe nochle bx oz, na' ṉeca gwzoa nochle beṉe' ḻo diaža cẖe' beṉe' tie' gwḻane' xḻatje'. 4 Ḻe gon xbab catec beṉe' blao goc bx oz Melquisedequen'. Da'nan' da' x ozxta'ocho Abrahanṉa' gwleje' to cuen ḻo ši cuen da' ca' jaytobe' ḻo na' rey ca' na' bnežjuen' bx oz Melquisedequen'. 5 Na' da' x ozxta'ocho beṉe' ca'

14 Hebreos 7:6 14 Hebreos 7:13 gosalje ḻo diaža cẖe da' Leví, ben' besyeyaḻe' gosaque' bx oz cẖe nación Israel cẖechon', gosone' con can' nyojen ḻe'e ley da' bzoj Moisés, na' bosocẖixjue' to cuen ḻo ši cuen yogo' bi da' gota' cẖe yezica'chle beṉe' gualaž cẖegaque' ca'. Na' yogo'cze' gosaque' diaža cẖe da' Abrahanṉa', bx oz ca' na' beṉe' yezica'chle. 6 Perw Melquisedequen' ḻa'czḻa' bi golje' ḻo diaža cẖe da' Leví, Abrahanṉa' bnežjue'ne' to cuen ḻo ši cuen da' ca' jaytobe', na' Melquisedequen' gwṉabde' Diosen' gac güen cẖe da' Abrahanṉa' ben' gwna Diosen' yesac xi'iṉ diaža cẖe' beṉe' zan. 7 Na' ṉezecho beṉe' chac chṉabde' Diosen' gac güen cẖe beṉe' yoble zaca'che' ca ben' gac cẖe' da' güenṉa'. 8 Na' beṉe' ca' zjanac bx oz can' ža ley dan' bzoj Moisésen' chesezi'e to cuen güeje ḻo ši cuen yogo' bi da' de cẖe beṉe' Israel gualaž cẖechon', na' bx oz ca' zjanaque' con ḻjež beṉacẖcho beṉe' chesat. Na' cẖe bx oz Melquisedequen' ben' gwxi' to cuen ḻo ši cuen da' jaytob da' Abrahanṉa', Xtiža' Diosen' choen' diža' cẖe' ca to beṉe' ṉe' zoacze Na' da' bnežjo Abrahanṉa' ḻe' da' ca', guac ṉacho da' Leví bnežjue' Melquisedequen' to cuen güeje ḻo ši cuen da' ca', ḻe gwdechle Levín' golje' ḻo diaža cẖe da' Abrahanṉa', na' Leví nan' goque' x ozxtao' beṉe' ca' gosac ḻo na'gaque' bosotobe' da' ca' bosonežjo beṉe' Israel gualaž cẖecho ca' cẖe Diosen'. 11 Na' Diosen' bnežjue' beṉe' Israel gualaž cẖecho ca' ley cẖen' cani' cont benen žin txen len da' goson bx oz ca' beṉe' gosalje' ḻo diaža cẖe da' Levín'. Perw bx oz ca' bi goc yesone' cont yicẖjlaždao' beṉacẖen' yesaquen xilaže' len Diosen'. Da'nan' byažjecho bid Jesúsen' naque' bx oz cẖecho toḻi tocaṉe, na' ḻe' naque' ca bx oz Melquisedequen', gague ca da' bx oz Aarón. 12 Na' cont goc zoa Jesúsen' naque' bx oz cẖechon', byažjen bža' ley da' nonen mandadw non' gac bx oz. 13 Ḻe X ancho Jesúsen' ben'

15 Hebreos 7:14 15 Hebreos 7:23 nac bx oz cẖechon' bi golje' ḻo diaža cẖe da' Leví, na' noch no ṉa' choj ḻo diaža cẖe Jesúsen' beṉe' naque' bx oz. 14 Ṉezczecho X ancho Jesúsen' golje' ḻo diaža cẖe da' Judá, na' da' Moisésen' bi bzoje' ḻe'e leyna' ga ṉan beṉe' galje' ḻo diaža cẖe da' Judán' guac yesaque' bx oz. 15 Na' nacbia' ba bža' leyna', ḻe ba zoa Jesúsen' naque' bx oz cobe cẖechon' na' naque' ca bx oz Melquisedequen'. 16 Bito golje' ḻo diaža cẖe da' Leví can' gosac bx oz ca' beṉe' goson žin can' ža ley da' bzoj da' Moisésen', san naque' bx oz da' bi gwzoe yeḻa' goten' ḻe' na' zoe' toḻi tocaṉe. 17 Quinga nyoj da' gwna Diosen' cẖe', žan: Naco' bx oz toḻi tocaṉe, can' nac bx oz ben' le' Melquisedec. 18 Na' bx oz ca' gwna Diosen' ṉita' cana', bich nžie' bia' ṉite' ṉa'a, ḻe dan' bžia bia' leyna' yesone' bi goc yeca'an xtoḻa' beṉacẖen' to ši'i. 19 Na' leyna' ḻecze bi goc gonen cont yesac yicẖjlaždao' beṉacẖen' xilaže' len Diosen'. Perw ṉa'a ba chaquech güen cẖecho, ḻe ba zoa bx oz cẖecho beṉe' ba beca'a xtoḻa'chon' to ši'i cont zoacho binḻo len Diosen' na' chac chṉelenchone'. 20 Na' cont ṉezecho Jesúsen' naque' bx oz cẖecho, Diosen' bzoa cuine' gwlo'e da' baḻi ḻe soacze Jesúsen' gaque' bx oz cẖechon'. 21 Beṉe' ca' gosaque' bx oz can' bzoj da' Moisésen', Diosen' bitw bzoa cuine' cue'e da' baḻi cont šejḻe'cho zjanaque' bx oz. Perw nyoj can' gože' Jesúsen', žan: Diosen' bzoa cuine' gwlo'e da' baḻi na' bi gwše'e can' ba gože'ne' gone': Naco' bx oz toḻi tocaṉe can' nac bx oz ben' le' Melquisedec. 22 Na' da'nan' zoa Jesúsen' chone' cont ṉezecho Diosen' gaclene' chio' toḻi tocaṉe can' gwne' gone'. Na' can' za' gwne' gaclene' chio' ṉa'a, zaca'chen ca da' gože' da' x ozxta'ocho ca' cani'. 23 Na' beṉe' ca' gosaque' bx oz

16 Hebreos 7:24 16 Hebreos 7:28 can' ža ley dan' bzoj da' Miosésen', gosaque' beṉe' zan, ḻe cate' gosat tgüeje tgüeje', ḻa' benita'te beṉe' yoble. 24 Perw Jesúsen' zoe' toḻi tocaṉe, na' da'nan' naque' bx oz cẖecho toḻi tocaṉe. 25 Da'nan' chac choṉe' yeḻa' mban toḻi tocaṉe cẖe chio' chṉabcho yezi'xen Diosen' cẖecho, ḻe zoacze' toḻi tocaṉe chṉabe' goclen lao Diosen' cẖe chio' chejnilaže'chone'. 26 Na' Jesúsen' nacyaṉe' beṉe' chyažjecho gaque' bx oz blao cẖecho cont gaclene' chio', ḻe naque' beṉe' laždao' xilaže'. Bibi da' xiṉj none' na' ṉeca none' bi xbab mal, con bibi doḻa' nape'. Nža'le naque' len beṉacẖ beṉe' cheson da' xiṉj. Jesúsen' ba beyepe' zoe' gan' zoa Diosen', na' chnabi'e txen len ḻe'. 27 Nža'le naque' len bx oz blao ca' gosenita' cani'. Ḻegaque' tža tža byažjen gosote' beyix e' bosolalje' xcẖemba' cont goseṉabe' bezi'xen Diosen' xtoḻa'gaque', na' gwdechle gosote' beyix e' yoble bosolalje' xcẖemba' cate' goseṉabe' bezi'xen Diosen' xtoḻa' yezica'chle beṉe' Israel gualaž cẖecho ca'. Perw Jesúsen' šṉi'aze bnežjw cuine' ṉecẖe xtoḻa' beṉacẖen' cate' gosote'ne' ḻe'e yag cruzen', na' bi byažjde' gote' beyix e' can' goson bx oz ca' tža tža ṉecẖe xtoḻa'gaque' na' ṉecẖe xtoḻa' beṉe' yezica'chle. 28 Beṉe' gosac bx oz blao can' ža ley da' bzoj da' Moisésen' gosaque' beṉe' güen da' xiṉj can' zjanac yezica'chle beṉe'. Na' cate' ba goc zan iz bzoj Moisésen' leyna', Diosen' bzoa cuine' gwlo'e da' baḻi zoacze Xi'iṉe' Jesúsen' naque' bx oz blao cẖecho. Na' Xi'iṉe' Jesúsen' zoacze' toḻi tocaṉe na' nac yicẖjlaždagüen' cayaṉen' chazlaže' Diosen'. 8 Jesúsen' bene' cont gwzolao chac da' cobe da' gwna Diosen' gone' cont gaclene' chio'

17 Hebreos 8:1 17 Hebreos 8:8 1 Da' nga zejechen lao yogo' da' ba gwnia': zoa bx oz blao cẖechon' ben' nac cayaṉe' chazlaže' Diosen', na' ba chi'e yaban' chnabi'e txen len Diosen' ben' nac ḻa'zelagüe beṉe' zaca'. 2 Chone' žin gan' zoa X ancho Diosen', gague ḻo' yo'o dan' goson beṉacẖ cont yesonxene' ḻe'. 3 Na' yogo' bx oz blao cẖe beṉe' Israel gualaž cẖechon' nite' chosonežjue' Diosen' bi da' chosonežjue'ne' na' chesote' beyix e' chosolalje' xcẖemba' lao Diosen'. Na' dan' nac Jesúsen' bx oz blao cẖecho, benen byen bnežjw cuine' blalj xcẖene' ṉecẖe xtoḻa'chon'. 4 Na' šaca' ṉe' zoe' yežlio nga bi naque' bx oz, ḻe nita' bx oz cẖe beṉe' Israel gualaž cẖechon' chjasesane' bi da' chjasesane' lao Diosen' con can' ža ley dan' bzoj da' Moisésen'. 5 Na' beṉe' ca', chesone' bi da' chesone' ḻo' yodao' da' naquen ca ḻ gua'a ḻsaca' cẖe yaban' gan' zoa Diosen'. Na' ṉezecho naquen ca ḻ gua'a ḻsaca' cẖe yaban' gan' zoa Diosen', ḻe cate' za' gon Moisésen' yodao' dan' chacte chedobe gan' goson bx oz ca' žin cẖe Diosen' cani', Diosen' gože'ne': Yogo' da' ba gwnia' gonḻe, ḻe gonen cayaṉen' blo'eda' le' caten' gwzoacho ḻo ya'an. 6 Na' da' chon Jesúsen', da' xen zaca'chen ca da' cheson bx oz cẖe beṉe' Israel gualaž cẖechon', na' can' gwna Diosen' gaclene' chio' lagüe da' bnežjw cuin Jesúsen' ṉecẖe xtoḻa'chon', ḻecze da' xen zaca'chen ca dan' gože' da' x ozxta'ocho ca' cani'. 7 Ḻe Diosen' gože' da' x ozxta'ocho ca' gac güen cẖegaque' še yesone' can' ža ley cẖen', perw bi bosozenague', na' da'nan' byažjen gwdix jue' to da' cobe. 8 Na' Diosen' bi bebede' ḻegaque', san gwne': Gwžin ža cate' ṉia' to da' cobe da' gona' gaclena' le'e nacle xi'iṉ diaža cẖe beṉe' ca' gosenite' Israel, na' len le'e nacle xi'iṉ diaža cẖe beṉe' ca' gosenite' Judá. Neda' naca' X anḻe Dios žia' ca'.

18 Hebreos 8:9 18 Hebreos 9:2 9 Nža' can' goša' da' x ozxta'ole gona' gaclena' ḻegaque' cani', bži'ilaže'da' ḻegaque' na' bena' cont besyechoje' ḻo na' beṉe' nación Egipto. Ḻegaque' bi gosone' can' goša'ne' cont gac güen cẖegaque'. Na' da'nan' gwleza' bich goclena'ne', neda' X anḻe Dios žia' ca'. 10 Na' quinga gona' gaclena' xi'iṉ diaža cẖe le'e nacle beṉe' Israelen' cate' žin ža: Neda' X anḻe Dios gona' cont šo' yicẖjgaque' da' nona' mandadw yesone', na' gona' cont yesyebeden' ḻo' yicẖjlažda'ogaquen', na' toza' neda' yesejnilaže', na' ḻegaque' yesaque' nación cẖia'. 11 Na' bi yažjen yosozejni'i ḻježe' cont yesombi'e neda', ṉeca yažjen yosozejni'i no beṉe' biše' ḻježe', ḻe cana' yogo'ḻoḻe' yesombi'e neda', bi' bixjw lente beṉe' nac beṉe' gole. 12 Canan' yezi'xena' xtoḻa'gaquen', na' bich gona' cuent še bi da' malen' ba gosonen'. 13 Na' Diosen' be'e diža' cẖe da' cobe da' gwne' gone' gaclene' nación cẖechon', na' da'nan' ṉezecho ba bzoe' to šḻa'ale da'na' gože' da' x ozxta'ocho ca' cani'. Na' da' gole da' ba bzoe' to šḻa'ale ba zoa yeniten. 9 Yodao' da' zoa yežlion' na' dan' zoa yaba gan' zoa Diosen' 1 Cani' Diosen' gože' da' x ozxta'ocho ca' gaclene' ḻegaque' na' gac güen cẖegaque' še yesone' can' ža ley cẖen'. Na' šlac ṉe' chon žin da' nechw da'na' gože' ḻegaque' cani', Diosen' bžie' bia' nacle yesonxene' ḻe' na' nacle yesone' yodao' gan' yesonxene' ḻe' yežlio nga. 2 Gosone' yodao'

19 Hebreos 9:3 19 Hebreos 9:9 da' nsan' cẖope cuart. Na' ḻo' cuart nechon' bosozoe' to candeler na' to mes gan' bosocue'e yetextil da' naquen cẖe Dios. Na' cuartna' bososi'en Latje cẖe Dios. 3 Na' bosozie' to lache' ḻo' yo'ona' cont bchojen cẖope cuart, na' cuart gwchopen' bososi'en Latje ga Zoa Dios. 4 Na' ḻo' cuart gwchopen' bosozie' yeto mes de oro gan' bosozeye' yal. Na' goseyix jue' to caj da' bosoguazje' oro doxenen. Na' ḻo' cajen' gosegüe'e to yeso' de oro gan' gosegüe'e late' yeḻa' guagw da' nzi' maná, na' gosegüe'e carrot cẖe da' Aarón dan' bex eje. Ḻecze ḻo' caj nan' gosego'ošagüe' yej ta'a ca' gan' byoj yogo' dan' bžia bia' Diosen' yesone' cont gaclene' ḻegaque'. 5 Na' cože' cajen' bosonite' cẖope ḻ gua'a ḻsaca' beṉe' gosone' ca angl beṉe' bososi'e querubines, cont nacbia' zoa Diosen' gan' žia cajen' na' naque' beṉe' zaca' juisyw. Na' cože' cajen' ladjo angl ca' gan' nžiljo x ilgaquen', bosoži'e xcẖen beyix e' cate' goseṉabe' yezi'xen Diosen' xtoḻa' beṉe' Israel gualaž cẖecho ca' to to iz. Perw bi chonen byen güe'cho diža' ṉa'a doxen can' goca'. 6 Na' beyož gosone' yodaon' na' bosonite' yogo' da' ca' ḻo'enṉa', nach yogo' ža bx oz ca' goso'e ḻo' cuart nechon' na' gosone' can' bžia bia' Diosen' gosone' gosonxene' ḻe'. 7 Na' cuart gwchopen', toz bx oz blao goc gwyo'e ḻo'enṉa' tṉi'a tgüiz. Na' cate' gwyo'ena' benen byen bex oe' chen cẖe beyix e' bži'en ḻo cajen' cont Diosen' bezi'xene' xtoḻe' na' bezi'xente' xtoḻa' yezica'chle beṉe' Israel gualaž cẖecho ṉecẖe da' xiṉj da' gosone' sin cbi gosacbe'ede'. 8 Na' da' bi de ḻsens šo' nochle beṉe' ḻo' cuart gwchopen', Spiritw cẖe Diosen' chzejni'in chio' biṉa' gac šo' beṉacẖen' gan' nac latje ga zoa Diosen' šlac ṉe' chon žin yodao' nechua' ḻo yežlion'. 9 Na' yodaon' len yogo' da' cheson bx oz ca' ḻo'enṉa' chlo'en chio' zoacho ṉa'a can' chac yaban' gan' zoa Diosen'. Na' ḻa'czḻa' da' zan chesoe'

20 Hebreos 9:10 20 Hebreos 9:15 beṉe' Diosen' na' be zan beyix e' chesote' chesonxene' ḻe', bibi yeḻa' guac zjansa' da' ca' cont yeseṉezde' bibi doḻa' zjanape' len Diosen'. 10 Na' da' ca' cheson beṉe' gualaž cẖechon' ḻo' yodaon' naquen costumbr cẖe no nis yeḻa' guagw, no beyix e' chesote', na' nacle cha' chyib cuingaque', na' bichle da' zjazacan' par cuerp cẖegaque' na'ze. Na' ba gosonen žin šlac Diosen' biṉa' gwše'e costumbr ca' len da' coben'. 11 Na' ṉa'a Criston' naque' bx oz blao cẖecho na' ba bžin ža bx ie' costumbr güen ca'. Na' zoe' yaban' naque' bx oz cẖecho lao Diosen', na' gan' zoen' zaca'chen ca yodao' da' goson beṉacẖen' yežlio nga. 12 Na' bi bex oe' chen cẖe no šib no go'ṉ dao' cate' gwyo'e gwṉabe' cont Diosen' bezi'xene' xtoḻa'chon', san da' bnežjw cuine' gosote'ne' na' blalj xcẖene' ṉecẖe xtoḻa'chon' tṉi'aze ḻe'e yag cruzen', da'nan' goc gwyo'e gan' zoa Diosen' na' ba beque'e xtoḻa'chon' toḻi tocaṉe. 13 Na' ley da' bzoj da' Moisésen' nyojen žan da' zan da' cheson beṉe' da' chonen cont bi chesaque' xilaže' len Diosen'. Na' cont yesyeyaque' xilaže' len Diosen' da' yoble, chyažjen gwže'e bx ozen' ḻegaque' xcẖen no šib no go'ṉ na' ncẖix en len de da' chega'aṉ cate' chosozeye' to vaca' dao'. 14 Na' xcẖen Criston' da' bedelalje' ṉecẖe xtoḻa'chon' zaca'chen ca xcẖen beyix e' ca', ḻe xcẖenen' cheyonen yicẖjlažda'ochon' xilaže' len da' xiṉj da' ba bencho. Da'nan' bich nchoglaon cẖecho gatcho ṉecẖe xtoḻa'chon', san soaczcho gonxencho Diosen' ben' zoa toḻi tocaṉe. Spiritw cẖe Diosen' goclenen Criston' bnežjo cuine' beque'e xtoḻa'chon', na' bibi xtoḻa' Criston' gota'. 15 Criston' bedelalj xcẖene' cont gwzolao chac da' coben' dan' gwna Diosen' gone' cont soacho binḻo len ḻe'. Na' ba bx ie' da' coben' cont baḻteze beṉe' ba gwlej Diosen' šjasyenite' len ḻe' toḻi tocaṉe. Na' da' got Criston' bedelalj

21 Hebreos 9:16 21 Hebreos 9:24 xcẖene', da'nan gwnitlao xtoḻa' beṉe' ca' gosejnilaže' Diosen' šlac ṉe' chon žin dan' gwdix jue' da' nechw dan' gwne' gone' cont chio' beṉe' Israel soacho binḻo len ḻe'. 16 Cate' to beṉe' ba bene' testament, cate'ch ba gota'bia' ba got bena' ben testamenta', cana'ch gac can' žanṉa'. 17 Ḻe to testament bi gac can' žan šlac ṉe' mban ben' ben ḻen. Cate'ch ba gote' canan' gac can' žanṉa'. 18 Na' goc ca' len da' nechon' da' gož Diosen' da' x ozxta'ocho ca' gone' gaclene' ḻegaque'. Da'nan' bžie' bia' bosolalje' xcẖen beyix e' cont gwxen. 19 Cate' da' Moisésen' beyož be'lene' da' x ozxta'ocho ca' diža' cẖe yogo' dan' bžia bia' Diosen' yesone' can' ža ley cẖen', nach Moisésen' bži'e ḻegaque' xcẖen go'ṉ dao' na' xcẖen šib dao' na' nis. Bži'e ḻegaque' da' ca' len late' yiša' xa xila' da' mben color xṉa na' len to xis yix e' dao' da' nzi' hisopo. Ḻecze bži'en lao libren' gan' nyoj ley cẖen'. 20 Na' da' Moisésen' gože' ḻegaque': Chen ni ben Diosen' mandadw gwžia' le'e cate' gože' chio' nac goncho cont gaclene' chio' gac güen cẖecho can' gwnen'. 21 Na' ḻecz ca' bene' bži'e chenṉa' yodaon' na' yeso' ša' ca' bosocẖine' gan' gosonxene' Diosen'. 22 Ley dan' bzoj Moisésen' nžian bia' gwže'e bx ozen' chen ḻo yogo'ze bi da' chosocẖine' cont yesyeyaquen xilaže' lao Diosen'. Na' leyna' ḻecze žan še biṉa' lalj chen, Diosen' bi yezi'xene' xtoḻa' beṉacẖen'. Criston' gote' blalj xcẖene' cont beque'e xtoḻa' beṉe' chesejnilaže'ne' 23 Can' goc benen byen bosoži'e xcẖen beyix e' ḻo' yodaon' na' ḻo da' ca' bosocẖine' yodaon' cont gosonen žin lao Diosen', na' yodaon' naquen con to ḻ gua'a ḻsaca' da' chzejni'in can' nac yaban'. Perw da' de yaban' byažjen to chen da' zaca'ch. 24 Na' gan' gwyo'o Criston' gague naquen to yodao' da' naquen con to ḻ gua'a ḻsaca' cont

22 Hebreos 9:25 22 Hebreos 10:5 ṉezecho can' nac yaban'. Ḻe' beyepe' yaban' na' gwyo'e gan' zoa Diosen' cont chṉe' gualaz chio' lagüen'. 25 Bx oz blao cẖe beṉe' Israel gualaž cẖecho ca' cheso'e yodaon' tṉi'a tgüiz gan' nzi' Latje gan' Zoa Dios na' chosoži'e chen cẖe beyix e', perw Criston' bi bnežjw cuine' zan ṉi'a gosote'ne'. Tṉi'aze blalj xcẖene' ṉecẖe xtoḻa' beṉacẖen'. 26 Šaca' byažjen blalj xcẖene' zan ṉi'a, ba gote' zan ṉi'a gwzolaon cate' gwxete yežlion', perw bi benen byen gac cẖe' ca'. Bedelalj xcẖene' tṉi'aze cate' gwna Diosen' ba bžin ža cẖe', cont chac cheque'e xtoḻa' beṉacẖ. 27 Na' can' chac cẖe beṉacẖen', žin ža gat to toe' na' te yesate' nach ṉa Diosen' cẖe to toe' še yesezaca'zi'e o še yesenite' mbalaz. 28 Na' can' yesat beṉacẖen' tṉi'aze, ca'cze bnežjw cuin Criston' tṉi'aze gosote'ne' cont chac cheque'e xtoḻa' beṉacẖen'. Nach žin ža yide' da' yoble perw gague cont yeque'e xtoḻa' beṉacẖen', san cont yecẖe'e beṉe' ca' chesebeze' batcan' yide' nach ṉite' mbalaz len ḻe' Ley da' bzoj da' Moisésen' len costumbr da' nžian bia' goncho cate' gonxencho Diosen' bzejni'in chio' late'lasze cẖe da' güen da' ba chac cẖecho ṉa'a ba bid Criston'. Perw leyna' bi goc yocoben yicẖjlaždao' beṉe' ca' gosejnilaže' Diosen' ḻa'czḻa' gosote' beyix e' yogo' iz. 2 Šaca' yicẖjlažda'ogaque' beyaquen güen cate' gosote' beyix e' ca' na' cate' bx oz ca' bosoži'e ḻegaque' xcẖemban' ṉecẖe xtoḻa'gaquen', ba gwnitlao xtoḻa'gaquen' to ši'ize šaca', na' bich bi yesacde' ḻo' yicẖjlažda'ogüen' cẖe da' xiṉjen' chesonen'. 3 Perw da' chesote' beyix e' ca' na' bichle da' chesone' ṉecẖe xtoḻa'gaquen' to to iz, bi chac yesanḻaže' zjanape' doḻa'. 4 Ḻe xcẖen no go'ṉ dao' no šib dao' bi gac yeca'an xtoḻa' beṉacẖ. 5 Da'nan' cate' Criston' bide' yežlio nga gože' Diosen':

23 Hebreos 10:6 23 Hebreos 10:15 Dan' chesote' beyix e' na' dan' chjasesane' bichle da' chjasesane' laguo', gague da' can' zelažo'. Zelažo' gwnežjw cuina' gona' can' chazlažo', ḻe da'nan' beno' cont golja beṉacẖ. 6 Da' chesote' beyix e' chosozeye'ba' laguo' na' yogo' da' ca' chesone' cont yezi'xeno' xtoḻa'gaquen', gague da' can' chbedo'. 7 Da'nan' gwnia' can' nyoj ḻe'e libr gan' žan: Dios cẖia', za'a nga zedeyena' con can' chazlažo'. 8 Zgua'tec Criston' gože' Diosen': Dan' chesote' beyix e' na' dan' chjasesane' bichle da' chjasesane' laguo', na' dan' chosozeye' beyix e' cont yezi'xeno' xtoḻa'gaquen', gague da' can' zelažo' na' gague da' can' chbedo', ḻa'czḻa' leyna' nžian bia' yogo' da' ca'. 9 Nach Criston' gože' Diosen': Za'a nga zedeyena' con can' chazlažo'. Da'nan' ṉezecho ba bzoe' to šḻa'ale dan' bžie' bia' gotcho beyix e' cont yezi'xene' xtoḻa'chon', na' gualaz ḻen, blalj xcẖen Criston' cont beque'e xtoḻa'chon'. 10 Na' da' ben Jesucriston' con can' gwyazlaže' Diosen' cate' bnežjw cuine' gosote'ne' tṉi'aze cani', da'nan' ba beyac yicẖjlažda'ocho xilaže' lao Diosen', chio' chejnilaže'chone'. 11 To to bx oz cẖe beṉe' Israel gualaž cẖecho ca' con nita'cze' chesotcze' beyixen' tža tža na' chosoži'e xcẖemba' can' ža leyna' cheyaḻa' yesone', ḻa'czḻa' xcẖen beyix en' bi gac yeca'an xtoḻa' beṉacẖen'. 12 San Criston' tṉi'azen' bnežjw yeḻa' mban cẖe' na' zaca'czen cont yeca'an xtoḻa' beṉacẖen' toḻi tocaṉe. Na' beyož bnežjw cuine' zjaychi'e gan' chnabi'e txen len Diosen'. 13 Na' zoe' chbeze' žin ža yosozex jw yicẖj yogo' beṉe' chesegue'e ḻe' na' yosozenague' cẖe'. 14 Na' da' bnežjw cuin Criston' tṉi'aze cani', bene' cont chio' naccho ḻo na' Diosen' beyac lažda'ochon' xilaže' toḻi tocaṉe. 15 Na' Spiritw cẖe Diosen' ḻecze benen cont ṉezecho naquen ca', ḻe nyojen, žan:

24 Hebreos 10:16 24 Hebreos 10:25 16 Quinga gona' gaclena' ḻegaque' cate' žin ža, gona' cont šo' yicẖjgaque' da' nžia' bia' yesone', na' gona' cont yesyebeden' ḻo' yicẖjlažda'ogaquen', can' ža X ancho Diosen'. 17 Na' nyoj yeto da' ža Spiritw cẖe Diosen', žan: Na' bich gona' cuent še bi da' malen' ba gosonen' o še bi xtoḻa'gaque' ba gota'. 18 Na' cate' ba gwnitlao xtoḻa'chon' bich chyažjen gotcho no beyix e' ṉecẖe xtoḻa'chon'. Cheyaḻa' soacho gonxencho Diosen' ṉeca žebcho 19 Beṉe' migw, ṉezecho gac šo'cho gan' zoa Diosen' ṉeca žebcho, ḻe Jesucriston' blalj xcẖenen' na' beque'e xtoḻa'chon'. 20 Guac ṉacho gwsaljue' to nez cobe, to da' choṉen chio' yeḻa' mban toḻi tocaṉe, ḻe da' bnežjw cuine' gote' ṉecẖe chio', guac šo'cho gan' zoa Diosen' na' bich naquen ca part yodaon' da' ngaše' len lache' da' ze gan' nono gac šo'. 21 Na' zoa bx oz blao cẖechon' naque' beṉe' zaca'chgua, na' naque' X an yogo' chio' gwlej Diosen' cont chejnilaže'chone'. 22 Da'nan' cheyaḻa' soacho gonxencho Diosen' do yicẖj do laže'cho ṉeca žebcho, na' cheyaḻa' soacho šejḻe'cho xcẖen Jesucriston' ba beca'an xtoḻa'cho, ḻe ṉezecho ba gwzoacho nis da' chejnilaže'chone'. 23 Na' can' gwzolaocho be'cho diža' gwnacho šjayzoacho len Diosen', ca'cze cheyaḻa' goncho bate'teze, na' da' ḻi šjayzoaczcho len Diosen', ḻe zoacze' chone' con can' gwnen'. 24 Ḻecze cheyaḻa' yeyiljwlaže'cho nacle gaclen ḻježcho cont gaquech ḻježcho tocho yetocho na' gonchcho da' güen. 25 Na' bi cuejyicẖjcho da' chdop chžagcho txen chonxencho Diosen' ca chesebejyicẖj baḻ beṉe'. Cheyaḻa' ṉeyoe ḻježcho soaczcho šejnilaže'cho Criston', na' gonchcho ca' ṉa'a ba nacbia' ba zoa te cẖe yežlion'.

25 Hebreos 10:26 25 Hebreos 10:37 26 Še ṉe' chontezechcho da' xiṉj ḻa'czḻa' ba nombia'cho diža' ḻi cẖe Criston', bibi de bichle da' gon žin cont ṉitlao xtoḻa'chon'. 27 Na' cheyaḻa'cze žebcho goṉ Diosen' cont saca'zi'cho še ca', na' yeyejcho ḻo yi' gabiḻen' gan' cuiayi' yogo' beṉe' chesegue'e Diosen'. 28 Cani' da' x ozxta'ocho ca' gosote' note'teze beṉe' bi bzenague' cẖe ley da' bzoj da' Moisésen', bi besyeyaše'de' ḻegaque', con še gwnita' cẖope o šoṉe beṉe' toz can' goso'e diža' cẖe da' xiṉjen' none'. 29 Na' da' mal juisyoch gac cẖe chio' še gue'echo Xi'iṉ Diosen' na' gaquecho bibi zaca' xcẖen Criston' da' blalje' cont beque'e xtoḻa'chon' na' še ṉecho cẖe Spiritw cẖe Dios ben' nži'ilaže'de' chio'. Ḻe da' blalj xcẖen Criston' gwzolao chac da' cobe da' gwna Diosen' gone' gaclene' beṉe' yesejnilaže'ne'. 30 Nombia'cho Diosen' na' ṉezecho ḻen' gwne': Neda' yoži'a cẖe da' mal da' chesone' na' neda' gona' cont yesezaca'zi'e. Na' ḻecze nyojen žan: X ancho Diosen' cẖogbi'e nac gac cẖe beṉe' ca' ba gwque'e ca xi'iṉe'. 31 Na' ḻeca naquen da' žebcho še cuejyicẖjcho Diosen' ben' zoa toḻi tocaṉe, ḻe gone' cont saca'zi'cho toḻi tocaṉe. 32 Perw ḻe šjayza'laže' can' bchejele da' zan da' gwdi gwxaca'le cate' beyož gwyo'o be'ni' cẖe Criston' ḻo' yicẖjlažda'olen'. 33 Tgüeje gosezi'diže' le'e lao yogo' beṉe' yež na' tgüeje cate' gosotlate' le'e na' bichle da' bosocẖi bososaque' le'e, na' da' juisyw da' goquele cate' gosonde' beṉe' ḻježle ca'. 34 Beyaše'le beṉe' ḻježcho ca' beṉe' gosata' ḻižya na' goclenḻe ḻegaque', na' gwzoale mbalaz ḻa'czḻa' beṉe' besegue'e le'e goseque'e bi da' gota' cẖele, ḻe ṉezele de da' zaca'ch cẖele yaban' da' bi te cẖen. 35 Da'nan' bi cuejyicẖjle da' chejnilaže'le Diosen', ṉeca žeble, ḻe žin ža cate' soachguale mbalaz. 36 Cheyaḻa' gwyo gwcẖejle cont yeyož gonḻe yogo'ḻoḻ da' chnalaže' Diosen', na' tena' gone' cont soale mbalaz toḻi tocaṉe can' gwne'. 37 Can' nyoj

26 Hebreos 10:38 26 Hebreos 11:6 Xtiža' Diosen', žan: Ḻa' žinte ža yid ben' seḻa' gan' zoalen', bich šede'. 38 Na' xi'iṉa' beṉe' zjanac beṉe' güen len neda' yesata' yeḻa' mban cẖe' toḻi tocaṉe da' chesejnilaže' neda'. Na' še bich yesejnilaže' neda', bich yebeda' ḻegaque'. 39 Perw chio' bi naccho ca beṉe' ca' bich yesejnilaže'ne', beṉe' yesebiayi'. Chio' zoaczcho chejnilaže'chone' na' šjayzoacho len Diosen' toḻi tocaṉe. 11 Da' chejnilaže'cho Diosen' naquen to da' zejen 1 Še chejnilaže'cho Diosen' ṉezecho gac da' güen da' chbezcho gac, na' ṉezecho gon Diosen' gac can' že' da' biṉa' le'echo. 2 Baḻ beṉe' gwlas ca' bebe Diosen' ḻegaque' da' gosejnilaže'ne'. 3 Da' chejnilaže'chone' chejḻe'cho con gwṉie' na' goc yaban' len yežlion'. Na' bibi bcẖine' da' le'echo cate' bene' yogo' da' ca' chle'echo. 4 Cani' da' x ozxta'ocho Abel gwyejnilaže' Diosen' na' da'nan' bnežjue' Diosen' to da' gocch da' güen ca da' bnežjw beṉe' biše' Caín. Na' dan' bebe Diosen' dan' bnežjw Abelen' ḻe', da'nan' gwṉeze Abelen' naque' beṉe' güen len Diosen'. Na' ḻa'czḻa' ba got Abelen', da' gwzoe' gwyejnilaže' Diosen', naquen ca to da' chṉeyoen chio' soaczcho šejnilaže'cho Diosen'. 5 Na' ḻecze da' x ozxta'ocho Enoc gwzoe' gwyejnilaže' Diosen', na' da'nan' Diosen' bezi' beque'ene' šlac ṉe' mbane'. Bi gote', con noch no ble'e ḻe'. Na' nyoj Xtiža' Diosen', žan Diosen' bebede' Enoquen' šlac gwzoe' yežlion'. 6 Na' Diosen' bi chebede' note'teze beṉe' bi chejnilaže'ne'. Ḻe note'tez beṉe' yoḻ güiže' Diosen' cheyaḻa' šejḻe'e zoacze Diosen' na' šejḻe'e gwnežjue' yeḻa'

27 Hebreos 11:7 27 Hebreos 11:13 mban toḻi tocaṉe cẖe note'tez beṉe' ṉabden' ḻe' do yicẖj do laže'. 7 Na' ca nac da' Noé, ḻecze gwyejnilaže' Diosen', na' cate' Diosen' bosṉisde' ḻe' can' za' gac, gwyejḻe' Noén' can' gož Diosen' ḻe', na' do bžebe' bene' to barcw gan' gwyo'e len beṉe' ḻo' yo'o cẖe' ca' cont bi gosate' ḻo nisen'. Na' da' gwyejḻe' Noén' can' gwna Diosen', blo'ede' yezica'chle beṉe' že' na' zjanape' doḻa' da' bi bosozenague' cẖe Diosen'. Na' ḻecze da' gwyejnilaže' Diosen', goc gwna Diosen' naque' beṉe' güen len ḻe'. 8 Da' Abrahanṉa' ḻecze gwyejnilaže' Diosen'. Da'nan' bzenague' cate' boḻ güiž Diosen' ḻe' na' gože'ne' šeje' ga de to yežlio zito' da' gaquen cẖe'. Na' gwyeje' ḻa'czḻa' bi nombi'e latjen'. 9 Na' Abrahanṉa', da' gwyejnilaže' Diosen' jasoe' laž beṉe' zito' da' gwna Diosen' gac cẖe' na' gac cẖe xi'iṉ diaža cẖe'. Gwzoe' ḻo' yo'o de lache'ze na' ḻecz ḻo' yo'o de lache'ze gwnita' xi'iṉe' Isaaquen' na' xi'iṉ xesoe' Jacob beṉe' ḻecze gož Diosen' gac yežlion' cẖegaque'. 10 Abrahanṉa' gwzoa gwleze' ca' ḻo yežlion', ḻe gwṉezde' žin ža šjayzoe' gan' zoa Diosen' gan' naquen to ciuda güen da' bi te cẖen, ciuda da' ben Diosen'. 11 Na' Saran' no'ol nac no'ol cẖe Abrahanṉa', ḻa'czḻa' naque' beṉe' güiž na' naque' beṉe' gole par soa xi'iṉe', Diosen' bene' to yeḻa' guac cont gwzoa xi'iṉe', ḻe gwyejḻe'e gon Diosen' con can' gwne' gone'. 12 Ca' goquen' gwzoa bi' cẖe da' Abrahanṉa' ḻa'czḻa' goque' beṉe' gole par soa xi'iṉe', nachen' xi'iṉ diaža cẖe' gosaque' beṉe' zan can' zjanac beljw ca' na' can' nac yox da' chi' cho'a nisdaon' da' nono chac gwlab. 13 Yogo' beṉe' ca' ṉe' chesejnilaže' Diosen' cate' bžin gosate'. Na' ḻa'czḻa' biṉa' gac ḻo na'gaque' dan' gože' ḻegaque' gac cẖegaquen', bi gosacžejlaže', san gwnite' mbalaz gosejḻe'e gwžin ža gon Diosen' can' gwnen'.

28 Hebreos 11:14 28 Hebreos 11:23 Goso'e diža' zjanaque' ca beṉe' zito' len beṉe' že' ḻo yežlion' na' bibi lažgaque' de ḻo yežlion'. 14 Na' da' goso'e diža' bibi lažgaque' de yežlion', nacbia' gosezelaže' yesyežine' ga yoble gan' gac lažgaque'. 15 Šaca' gosone' xbab cẖe yežen' gan' gosaljen' naquen lažgaque', gota' latje jaya'aque' šaca', perw bi gosone' xbaben' ca'. 16 Gosezelaže' yesyežine' yaban', ḻe gosejḻe'e na'len' nac lažgaque', na' goseṉezde' nacchen güench ca yežlion'. Da'nan' Diosen' bi cheto'ede' cẖegaque' že' naque' Dios ben' chesonxene', na' ba benšagüe' to ciuda gan' zjanite'. 17 Na' Abrahanṉa' da' gwyejnilaže' Diosen' da'nan' bzenague' cate' Diosen' bene' ḻe' prueba gože'ne' cheyaḻa' got xi'iṉe' Isaaquen' lao Diosen' cont gonxene'ne'. Ba zoa gote' xi'iṉen' ḻa'czḻa' gwṉezde' Diosen' gože'ne': 18 Gona' cont ṉita' xi'iṉ diaža cẖio' beṉe' yesac xi'iṉ diaža cẖe Isaaquen'. 19 Da' Abrahanṉa' becẖoglaže' gote'be', ḻe gwṉezde' Diosen' chac chosbane' beṉe' guat. Perw na' Diosen' bi be'e latje gote'be'. Da'nan' guac ṉacho bosbane'be' ladjo beṉe' guaten', ḻa'czḻa' gague gotbe'. 20 Gwdechle Isaaquen' gwyejnilaže' Diosen'. Da'nan' gwṉabde' Diosen' gone' güen len xi'iṉe' Jacob na' Esaú. 21 Ḻecze da' Jacoben' gwyejnilaže' Diosen'. Da'nan' cate' ba zoa gate', gwṉabde' Diosen' gone' güen len xi'iṉ xesoe' ca' bin' gosac xi'iṉ da' José. Na' bcẖeque' yicẖje' benxene' Diosen' ncẖiše'teze' carrot cẖe'. 22 Na' da' Josén' gwyejnilaže' Diosen', na' gwyejḻe'e žin ža yesyechoj beṉe' gualaž cẖe' ca' Egipton' can' gwna Diosen'. Nachen' cate' ba zoa gate' bžie' bia' yesyeyo'e žit beṉat cẖen' cate' yesyeya'aque'. 23 Cate' golje da' Moisésen', da' ḻeca gosejnilaže' x axṉe'en Diosen', bi besežebe' yesyedabague' dan' bžia bia' reyen' yesone', gwne' cheyaḻa' yesote' bi' byo cẖegaque' ca'. Šoṉe bio' bosocuaše'be' ližgaquen', ḻe gosacde'

29 Hebreos 11:24 29 Hebreos 11:32 nacchguabe' xdan. 24 Nach bi' no'ol cẖe rey beque'ebe' boscẖa'ogüe'be'. Perw cate' ba gwcha'o da' Moisésen' bžone' yesone' ḻe' ca xi'iṉ bi' no'ol cẖe rey cẖe Egipton', ḻe gwyejnilaže' Diosen'. 25 Da'nan' gwyazlaže'che' bžaglagüe' txen len beṉe' gualaž cẖe' ca' yogo' dan' bososaca'zi' beṉe' Egipto ca' ḻegaque', clel ca gone' txen len beṉe' Egipto ca', ḻe gocbe'ede' yob te cẖe yeḻa' chebe cẖe da' xiṉj ca' cheson ḻegaque'. 26 Goclaže' bžaglagüe' can' bžaglao Criston' cont bene' can' gwyazlaže' Diosen', bi gwzelaže' gac cẖe' yogo' yeḻa' gwṉi'a da' de cẖe beṉe' Egipto ca', ḻe gwṉezde' gwžin ža gon Diosen' cont soe' mbalaz. 27 Na' da' gwyejnilaže' Diosen', bi bžebe' rey cate' bžin ža besyechoje' Egipton' ḻa'czḻa' reyna' bža'achgüe' ḻegaque', con gwzoacze' bzenague' cẖe Diosen'. Gwṉezde' zoacze Diosen' ḻa'czḻa' bi chle'echone'. 28 Nach Moisésen' da' gwyejnilaže' Diosen' bžie' bia' da' x ozxta'ocho ca', beṉe' že' to to yo'o gosote' to xila' dao' na' bosoži'e xcẖemban' ližgaquen', cont angl beṉe' nsa' yeḻa' got bibi goc gonde' bi' byo nechw ḻo' to to yo'o. 29 Na' da' x ozxta'ocho ca' gwnita' cani', da' gosejnilaže' Diosen' da'nan' Diosen' bene' cont Nisdao' Xṉan' goquen cẖople, na' bla' yo biž gachoḻen cont goc goseḻaguen'. Perw beṉe' Egipto ca' cate' gosaclaže' ḻeze yeseḻague' nisdaon', bocuaše' nisa' gan' chesedien', na' gosate' gose'eje' nisen'. 30 Ḻecze da' gosejnilaže' da' x ozxta'ocho ca' Diosen', da'nan' Diosen' bene' cont bebix ze'e da' gwyecẖj doxen ciuda Jericó cate' gosecẖje' ze'en yogo' ža lao gaže ža. 31 Na' da' no'olen' le' Rahab, no'olen' goque' no'ol zḻe', ḻecze gwyejnilaže' Diosen', na' da'nan' bi gwžiaye'e txen len yezica'chle beṉe' Jericó beṉe' bi bosozenague' cẖe Diosen', ḻe blebe' chop da' x ozxta'ocho ca' ližen' cate' jasegüia jaseṉe'e lažen'. 32 Ba gwnita'ch beṉe' zan beṉe' gosejnilaže' Diosen',

30 Hebreos 11:33 30 Hebreos 11:38 perw bi de tiemp gua' diža' cẖe da' ben' gože' Gedeón, cẖe da' ben' gože' Barac, cẖe da' ben' gože Sansón, cẖe da' ben' gože' Jefté, cẖe da' rey David, cẖe da' Samuel, na' cẖe yezica'chle beṉe' goso'e xtiža' Diosen' cani'. 33 Da' gosejnilaže' Diosen' besechoje' gosone' gan cate' gosediḻe' len no rey, na' baḻe' gosaque' beṉe' gwnabia' na' gosone' byen goson beṉe' yoble da' güen, yebaḻe' besele'ede' ben Diosen' bi da' güen da' gwne' gone' len ḻegaque', yebaḻe' Diosen' bene' cont bež znia bi gosagwba' ḻegaque' na' bi gosoneba' ḻegaque' zi' cate' gosegüe'e ḻegaque' gan' že'ban'. 34 Ḻecze da' gosejnilaže' Diosen', baḻe' bi goseye' cate' beṉe' bosozaḻe' ḻegaque' ḻo yi', yebaḻe' besyele' cate' beṉe' gosaclaže' yesote' ḻegaque' len spada, yebaḻe' beyon Diosen' ḻegaque' beṉe' gual cate' bich zjanale', yebaḻe' goclene'ne' gosaque' soldadw gual cont gosone' gan cate' soldadw beṉe' zito' gosediḻlene' ḻegaque'. 35 Na' gwnita' no'ol ca' da' gosejnilaže' Diosen' da'nan' Diosen' bosbane' no beṉe' ḻo' yo'o cẖegaque' ladjo beṉe' guat ca'. Na' gwnita' beṉe' yoble, da' gosejnilaže' Diosen' da'nan' gosate', bi gosaclaže' yesyele' ḻo na' beṉe' mal ca'. Goso'e latje bosocẖi bososaque' ḻegaque', ḻe goseṉezde' gwžin cate' Diosen' yecẖis yosbane' ḻegaque' ladjo beṉe' guat ca' cont yesenite' len ḻe'. 36 Gwnita' yebaḻ beṉe' ḻeca gosezi'diža' beṉe' ḻegaque' na' ḻeca goseyine' ḻegaque', na' bosocẖeje' ḻegaque' gden na' goseyix jue' ḻegaque' ḻižya. 37 Na' beṉe' ca' besegue'e ḻegaque' gosote' ḻegaque', baḻe' bosocẖeḻe' ḻegaque' yej, yebaḻe' bosozoxje' cuerp cẖegaquen' len sier, yebaḻe' gosote' len spada. Na' baḻ beṉe' ca' gosejnilaže' Diosen' benen byen gosaše' yix e' zjanyaze' no xa xila' no xa šib. Bibi gota' cẖegaque', ḻeca nyaše' gosac cẖegaque' catec bosocẖi bososaca' beṉe' ḻegaque'. 38 Gosaš goselaže' do latje daš, do ya'adao', do ga ze bloj na' ga zoa no liž beyix e'. Yogo' da' ca' goc cẖe beṉe'