2 Pedro 1:1 1 2 Pedro 1:6 CART GWCHOPE DANꞋ BZOJ POSTLW SAN PEDRO Pedron' bzoje' cart nga cẖe beṉe' chesonxen Jesucriston' 1 Neda' Simón Pedro chona'

Transcription

1 2 Pedro 1:1 1 2 Pedro 1:6 CART GWCHOPE DANꞋ BZOJ POSTLW SAN PEDRO Pedron' bzoje' cart nga cẖe beṉe' chesonxen Jesucriston' 1 Neda' Simón Pedro chona' xšin Jesucriston', na' ḻen' gwseḻe' neda' naca' postlw cẖe'. Chzoja' le'e ba chejnilaže'le Jesucriston' can' chon neto'. Jesucriston' naque' Dios ben' chonxencho na' noṉe' yeḻa' mban cẖecho toḻi tocaṉe ḻe zejcze' to ḻicha. Na' da' zaca'chguan chejnilaže'chone'. 2 Chṉaba' gaclenchgua Diosen' le'e na' gone' cont ḻeca soa cuezle binḻo len xbab cẖelen' lagüe nombia'lne' na' nombia'le Jesús ben' nac X anchon'. Can' cheyaḻa' gon chio' chejnilaže'cho Jesucriston' 3 Dan' nap Diosen' yeḻa' guac xenṉan', ba noṉe' chio' yogo' da' chyažjecho cont de yeḻa' mban cẖecho toḻi tocaṉe na' cont goncho can' chazlažen'. Noṉe' chio' da' ca' lagüe nombia'cho Criston', na' Criston' ben' gwleje' chio' naque' beṉe' zaca' na' beṉe' šagüe'. 4 Na' da' naque' beṉe' zaca' beṉe' šagüe', da'nan' ba gwne' gaclene' chio' na' gone' da' güen juisyw len chio'. Na' zaca'chguan da' gwne' ca', ḻe da' chaclene' chio' can' gwne', da'nan' yicẖjlažda'ochon' chesyeyaquen güen can' nac yicẖjlažda'ogüen', na' chac chbejyicẖjcho da' mal da' chžiayin' beṉe' bi chesejnilaže' Diosen', lagüe chesone' con ca žan cẖegaque'. 5 Na' da'nan' chio' chejnilaže'cho Jesucriston' cheyaḻa' goncho con ga zelao saque'cho cont gonchcho da' güen, na' cont šejni'ichcho. 6 Na' cheyaḻa' goncho con ga zelao saque'cho cont bi ṉabia' da' malen' chio'. Cheyaḻa' soacẖacẖcho šejnilaže'cho Diosen' caten' chyi chzaca'cho, na' cheyaḻa' soaczcho

2 2 Pedro 1:7 2 2 Pedro 1:17 gonxenchone'. 7 Na' cheyaḻa' ži'icho beṉe' ḻježcho ben' chesejnilaže' Jesucriston', na' ḻecze cheyaḻa' gaquecho yogo'ze beṉe'. 8 Ḻe še zejcho chonchguacho yogo' da' ca', nachen' gaccho can' cheyaḻa' gac chio' nombia'cho X ancho Jesucriston', na' xšinen' da' goncho chojen güen. 9 Na' note'tez beṉe' bi chon da' ca' ba gwnia' cheyaḻa' goncho, ncẖoḻ yicẖjlažda'ogüe' na' biṉa' šejni'išagüe'de' can' cheyaḻa' gone'. Chlo'en ba gonḻaže' ba beya' beyib Diosen' lažda'ogüe' len da' xiṉjen' bene' cana'. 10 Da'nan' beṉe' migw, cheyaḻa' gonchcho con ga zelao saque'cho cont ṉezecho da' ḻi ba gwlej Diosen' chio' cont šejnilaže'chone' na' ba bsi'e xṉezen' gwque'e chio' ca xi'iṉe'. Na' še goncho ca', gwbat cuiayi'cho, 11 na' mbalazchgua gwleb Diosen' chio' cate' šjayzoacho len X ancho Jesucriston' gan' chnabi'e toḻi tocaṉe, Jesucristw ben' noṉe' yeḻa' mban cẖecho toḻi tocaṉe. 12 Da'nan' ba gwcẖoglaža' yogo' ṉi'a güe'lena' le'e diža' cẖe da' ca' ba gwnia' le'e cont šjayze'ele, ḻa'czḻa' ba ṉezele can' gwnian' na' zoacẖacẖle chejnilaže'le diža' ḻi cẖe Diosen' dan' nombia'le. 13 Nan' chacda' šlac ṉe' mbana' cheyaḻa' gona' cont šjayze'elen. 14 Ḻe ṉezda' yob žin ža gata', con can' ba bzejni'i X ancho Jesucriston' neda'. 15 Da'nan' gona' con ga zelao saque'da' cont šjayze'ele can' gwnia' cẖe da' quinga cate' ba gota'. Postlw ca' besele'ede' cate' Diosen' blo'ede' yeḻa' zaca' cẖe Criston' 16 Ca nac da' bzejni'ito' le'e cẖe yeḻa' guac cẖe X ancho Jesucriston' na' cẖe dan' yide' da' yoble, bi ṉacho naquen diža' da' goljlaže' neto' postlw, ḻe ble'eto' len yejlaoto' cate' Diosen' blo'e yeḻa' zaca' cẖe Jesucriston'. 17 Ble'eto'ne' cate' X acho Diosen' bnežjue'ne' yeḻa' bala'aṉ xen na' cate' Dios ben' nac beṉe' zaca' juisyw bene' cont gwyecẖje' be'ni' juisyw na' gože'ne': Benga Xi'iṉa' ben'

3 2 Pedro 1: Pedro 2:3 chacda' na' chbe chezaquelaže'chgüeda' cẖe'. 18 Neto' beneto' can' gwna Dios ben' zoa yaba be'e diža' cẖe', ḻe gwzoato' ḻo ya'ana' len X ancho Jesucriston' caten' goc ca', ya'a dan' gwlej Diosen' cont goc ca' lagüen. 19 Napcho Xtiža' Diosen' dan' bosozoj beṉe' ca' goso'e xtižen' cani' na' ṉezecho naquen da' ḻi. Na' güen gonḻe še gwzenagle cẖe dan' bosozojen', ḻe gwseṉin' ḻo' yicẖjlažda'olen' ca to yi' da' chseṉi' ga nac cẖoḻ. Bi cheyaḻa' yeche'echo gwzenagcho cẖen tža tža šlac žin ža yid Criston' da' yoble na' co'oche' be'ni' cẖen' ḻo' yicẖjlažda'ochon'. Na' dan' yide'na' zaca'leben ca dan' chla' beljw xsilen' cate' cheni'. 20 Na' naquen da' žialao xen šejni'icho da' nga: diža' dan' bosozoj beṉe' ca' goso'e xtiža' Diosen' cani', ṉe tozen bi gac šejni'ichon to gualazcho, 21 ḻe ṉe toz da' ca' bosozoje' bi zan' cẖe xbab cẖegacze'. San beṉe' gosaque' ḻo na' Diosen' goseṉie' dan' gož Spiritw cẖe Diosen' ḻegaque' na' bosozojen'. 2 Beṉe' ca' chosozejni'ide' xtiža' Diosen' clele 1 Cani' ḻecze besechoj baḻ beṉe' gualaž cẖeto' beṉe' gosonḻaže' gosene' cheseyix jue'ede' xtiža' Diosen', na' ca'czen' yesenita' beṉe' yosozejni'ide' le'e diža' güenḻaže' gwx e güižj. Na' yeseyiljwlaže' nacle yesone' cont yosozejni'ide' le'e diža' güenḻaže' da' gwžiayin' le'e sin cbi gacbe'ele. Yosozoe' X ancho Jesucriston' to šḻa'ale, ben' bnežjw cuine' cont gata' yeḻa' mban cẖecho toḻi tocaṉe. Perw žin ža yesebiaye'e yalzelaže'. 2 Beṉe' zan yosozenague' cẖegaque' na' yesone' da' xiṉj dan' nac da' yeḻa' zto' can' yeson ḻegaque'. Na' ṉecẖe yesone' ca', yesenita' beṉe' yesene' bibi zaca' diža' güen cẖe Diosen' da' chlo'en chio' dogualje nez güenṉa'. 3 Na' beṉe' güenḻaže' ca' yesezelaže' yeseque'e xmechwle. Da'nan'

4 2 Pedro 2:4 4 2 Pedro 2:10 yosozejni'ide' le'e diža' da' yesaljlaže' cont gwnežjwle ḻegaque' mechw. Perw cani'te Diosen' ba nžie' bia' yesebiaye'e. 4 Ṉezecho Diosen' bi bezi'xene' cẖe angl ca' cate' gosone' da' xiṉj, san gwseḻe' ḻegaque' ḻo yi' gabiḻen' gan' nac ḻeca cẖoḻ, na' zjanite' zjancheje' gden šlac žin ža gone' yesezaca'zi'e toḻi tocaṉe. 5 Ṉeca bezi'xen Diosen' cẖe beṉe' ca' že' ḻo yežlion' beṉe' bi bosozenag cẖe' caten' gwzoa da' Noé. Gwseḻe' yejw sio' juisyw da' bžiayin' ḻegaque'. Na' Noén' gwzoe' gwdix jue'ede' can' cheyaḻa' yesone' da' zej to ḻicha. Da'nan' Diosen' bosle' ḻe' len yegaže beṉe' ḻježe'. 6 Na' Diosen' ḻecze becẖoglaže' bžiayi'tecze' ciuda Sodoma len ciuda Gomorra cani' yeḻa' güen da' xiṉj cẖe beṉe' ca' že'na'. Bzeye' ciuda ca' na' yešinga de bega'aṉ. Na' bene' ca' cont chosṉisde' beṉe' za' za'ac gwnežjue' castigw cẖegaque' še bi yosozenague' cẖe'. 7 Na' cate' Diosen' bžiaye'e ciuda ca', bosle' ben' le Lot ben' goc beṉe' güen len ḻe', ḻe Loten' gocchgüede' zi' ḻo' lažda'ogüe' cẖe da' yeḻa' zto' goson beṉe' mal ca' že' ciuda ca'. 8 Loten' goque' beṉe' güen na' bžaglagüe' ḻo' lažda'ogüe' tža tža ble'ede' goson beṉe' ca' da' bi cheyaḻa' yesone' na' bende' diža' cẖe da' malen' gosone'. 9 Can' naquen, X ancho Diosen' ṉezde' nac gone' yosle' chio' chejnilaže'chone' lao da' ca' yesonen cuejyicẖjchone', na' ṉezde' nac gone' cont beṉe' ca' bi zjanac beṉe' güen len ḻe' yesenite' yesezaca'zi'e ṉa'a na' cate'ch žin ža cẖogbi'en yesezaca'zi'e toḻi tocaṉe. 10 Diosen' gwnežjwchgüe' da' yesezaca'zi' beṉe' ca' chesonteze' da' yeḻa' zto' can' chesezelaže' lažda'ogaquen' yesone' len cuerp cẖegaquen'. Beṉe' ca' bi chesape' X ancho Diosen' bala'aṉ cont yosozenague' cẖe'. Bitw chesežebe' chesone' con bi žan cẖegaque', na' ṉeca chesežebe' chesezi'diže' no angl beṉe' zaca' na'

5 2 Pedro 2: Pedro 2:17 no da' x igüe'. 11 San ca nac angl cẖe Diosen', zjanaque' beṉe' gualch ca chio' beṉacẖ na' zjanapche' yeḻa' chnabia' xench ca chio', perw ḻegaque' bi cheseyaxjde' yesezi'diže' no beṉe' zaca' na' no da' x igüe', san cheso'e diža' šagüe' chosocuiše' beṉe' ca' na' len no da' x igüe' lao X ancho Diosen'. 12 Beṉe' ca' chosozejni'ide' diža' güenḻažen', chesezi'diže' da' ca' bi chesejni'ide'. Zjanaque' ca beyix e' be bi chesejni'i. Ḻe beyix en' con nsi' Diosen' xṉezen' chesaljba' na' chesenita'ba' cont yesezen beṉacẖen' ḻegacba' na' yesote'ba'. Na' ca'cze yesebiayi' beṉe' ca' chosozejni'i diža' güenḻažen', 13 yesezaca'zi'e da' chosocẖi chososaque' beṉe' yoble. Chesazlaže' chesaše' chese'ej chesagwx atteze' tža tža. Na' cate' chesedobe' txen len le'e cont che'ej chagwle, bi chesacde' zto' da' chesezožde' na' chesagwx ate' catec chziye' da' malen' ḻegaque'. Da'nan' zjazaca'lebde' ca to da' bzigüe' da' dope to ḻo lache' šiš o ca to yiž xen da' žia cho'alao beṉe'. 14 Bate'teze chesele'ede' no'ole, chesezelaže' yesata'lenteze' ḻegaque', na' bi chjasexaque'de' len da' xiṉjen' chesonen'. Chesego'oyeḻe' beṉe' biṉa' yesenita'cẖacẖe' len Jesucriston' cont yesone' da' xiṉjen' txen len ḻegaque'. Beṉe' ca' chosozejni'i diža' güenḻažen' ba zjayolagüe' chesezelaže' bi de cẖe beṉe'. Diosen' ḻeca chgue'ede' yogo' da' chesone'. 15 Ḻe ba gosebejyicẖje' xṉez Diosen' da' zej to ḻicha. Na' ba goseque'e nez malen' can' ben da' Balaam ben' be' xtiža' Diosen' cani', ben' nac xi'iṉ da' Beor. Balaanṉa' gwzelaže' yeseyixjue'ne' len mechw cont ṉabe' gac da' mal cẖe beṉe' Israel. 16 Na' Diosen' bene' cont xpurren' be bi chac chṉeba' gwṉeczba' ca to beṉacẖ na' gwdiḻba' ḻe' cẖe yeḻa' tont cẖen', gožba' ḻe' cueze' bich gone' da' xiṉjen' nac ca'. 17 Beṉe' ca' chosozejni'ide' diža' güenḻažen'

6 2 Pedro 2: Pedro 3:2 zjazaca'lebde' ca bej gan' bibi nis žia na' ca bejw da' nžiga' to be' gual. Ba nchoglaon cẖegaque' yesezaca'zi'e gabiḻ toḻi tocaṉe ga nacchgua cẖoḻ. 18 Ḻe chesoe'chgüe' diža' chesonxen cuingaque' na' chesego'oyeḻe' beṉe' za' besyechoj ḻo da' xiṉjen' cont da' yoble yesonteze' da' yeḻa' zto' da' chesezelaže' yesone' len cuerp cẖegaquen' can' chesoncze beṉe' ca'. 19 Beṉe' ca' chosozejni'ide' diža' güenḻaže' chese'e ḻegaque' guac yesenite' mbalaz yesone' bite'ze žan cẖegaque', ḻa'czḻa' zjanaque' ca to esclavo len da' nac da' yeḻa' zto'. Ḻe note'tezcho naccho ca to esclavo len da' xiṉjen' cate' choncho con can' žan goncho. 20 Na' beṉe' ba zjanombi'e X ancho Jesucriston' ben' noṉe' yeḻa' mban cẖecho toḻi tocaṉe, ba besyechoje' ḻo' da' xiṉj ca' dan' nac da' yeḻa' zto' dan' gosone' cate' biṉa' yesombi'ene', na' še soe da' xiṉjen' ḻegaque' na' da' yoble yeso'e latje ṉabian' ḻegaque' cont yesonchen', da' malch gac cẖegaque' clel ca caten' biṉa' yesyechoje' ḻo da' xiṉjen' da' nechua'. 21 Yejni'a šaca' bi gosombi'e xṉez Diosen' da' zej to ḻicha clel ca gosebejyicẖje' nez güen da' nžia bia' Diosen' šejlencho. 22 Ba goc cẖegaque' can' ža to diža' ḻi žan: Beco'na' cheyagwba' dan' ba beyebba' na' cošen' cate' bacẖ bguazjchoba' cheyo'oba' ḻo gonan' da' yoble. 3 Yid Jesucriston' da' yoble 1 Beṉe' migw cẖia', chacda' le'e, na' da' nga naquen cart gwchope da' chzoja' le'e. Na' ba bzoja' chopten da' chaclaža' gonḻe xbab cẖe diža' güen da' ba nombia'le. 2 Ḻe šjayze'e diža' da' bosozoj beṉe' ca' gosac ḻo na' Diosen' ben' goso'e xtižen' cani'. Na' ḻecze ḻe šjayze'e dan' nžia bia' X ancho Jesucriston' goncho, Jesucristw ben' noṉe'

7 2 Pedro 3:3 7 2 Pedro 3:11 yeḻa' mban cẖecho toḻi tocaṉe. Ḻenṉa' diža' da' ba bzejni'i neto' postlw le'e. 3 Naquen da' žialao šejni'ile da' nga. Ṉa'a ba zoa te cẖe yežlion', na' yesechoj beṉe' yesonḻe' cẖe xtiža' Diosen' na' yesenite' yesone' con can' ža xbab mal cẖegaquen'. 4 Na' yesonḻe' cẖe Diosen' yesene': Batxen' gac can' gwna Diosen' yid Criston' da' yoble? Bi naquen da' šejḻe'cho, ḻe toz can' chac ža ṉa'aža ḻecze can' goc cate' gwnita' da' x ozxta'ocho ca', na' ḻecze ca'czen' goc caten' gwxete yežlion'. 5 Beṉe' chesena ca' bi chesaclaže' yesone' xbab can' ba ben Diosen'. Caten' gwxe yaban' na' yežlion', con gwne' yesaquen na' goc can' gwnen'. Gocx e yežlion' lao nisdao' da' nyecẖj mbi'in doxen, na' bcẖine' nisen' cate' benen'. 6 Nach bžin ža cate' da' ca' bene' bžiaye'en len yejw sio' juisyw da' goc cate' bexoa nisen' ḻo yežlion'. 7 Na' Diosen' ḻecze ba bžie' bia' yaban' na' yežlion' ṉe' zjanitan' can' zjanaquen ṉa'a cate' žin ža gac juisyw. Cana' yeseyen cate' gone' yesezaca'zi' beṉe' mal ca' toḻi tocaṉe. 8 Na' le'e beṉe' migw cẖia', chacda' le'e, na' che'nda' bi ganḻaže'le da' nga, len X ancho Diosen' toz ca nac to ža o to mil iz, bi naquen sša len ḻe'. 9 Baḻ beṉe' chesacde' ba chže X ancho Diosen' da' biṉa' yid Jesucriston' da' yoble can' gwne' yide'. Perw bi ṉacho chžede', san da' nape' yeḻa' chxenḻaže' len chio' beṉacẖ na' chbeze' da' bi chaclaže' cuiayi' note'tezcho. Chaclaže' yogo'cho yetiṉje xtoḻa'chon'. 10 Na' X ancho Jesucriston' yide' da' yoble cate' bi naṉe'laže' beṉe', can' chac cate' cho'o gwban liž beṉe' šeže'le. Nach gac to sšag xen, na' te cẖe yogo' da' ca' chle'echo ḻe'e yaban', na' yogo' da' de ḻe'e yaban' cuiayin' ḻo yi' gual, na' yežlion' na' da' de lagüen ḻecze yeseyen. 11 Na' da' ṉezecho yesyenit yogo' da' ca' can' ba gwnia', cheyaḻa' gon cuincho ḻo na' Diosen' na' soaczcho gonxen-

8 2 Pedro 3: Pedro 3:18 chone' do yicẖj do laže'cho. 12 Na' cheyaḻa' soa cuezcho batcan' žin ža gon Diosen' gac juisyw, na' goncho cont yob gaquen. Žana' šey ḻe'e yaban' na' da' ca' chḻe'echo ḻe'e yaban' yesyeyonan' ḻo yi' gual na' yesyeniten. 13 Perw chio' zoacho lez ḻe'e yaban' na' yežlion' yesyeyaquen da' cobe can' ba gwna Diosen', na' con beṉe' cheson da' güen da' zej to ḻicha yesenita' cana'. 14 Da'nan' beṉe' migw cẖia', šlac chbezcho gac da' ca', cheyaḻa' goncho con ga zelao saque'cho cont soacho binḻo len Diosen' cont bibi doḻa' de da' gwchenen yicẖjlažda'ochon'. 15 Na' cheyaḻa' gacbe'echo nape X ancho Diosen' yeḻa' chxenḻaže' len chio' beṉacẖ cont gwzenagcho cẖe' na' goṉe' yeḻa' mban cẖecho toḻi tocaṉe. Ḻecze can' ba bzoj postlw Pablon' cẖecho ben' chaquecho, cho'e dižan' len yeḻa' sina' da' bnežjw Diosen' ḻe'. 16 Na' yogo' cart cẖe' ca' chesoen' diža' cẖe da' quinga ba bzoja', ḻa'czḻa' bzoje' baḻ da' nac zdebe šejni'icho. Na' beṉe' biṉa' yesejni'i xtiža' Diosen' binḻo na' biṉa' yesezoacẖacẖe' yesejnilaže'ne' chesejni'ide' da' ca' clele, can' chesone' len bichle Xtiža' Diosen' da' nyoj, na' da'nan' zjangüe'e nez da' gwžiayin' ḻegaque'. 17 Chacda' le'e beṉe' migw cẖia', na' ba ṉezele da' ca' ba bzoja' le'e. Na' ḻe gwsaca' cont bi šejḻe'le xtiža' beṉe' bi chosozenag cẖe Diosen', beṉe' cheson da' zej clele, san ḻe soacẖacẖ ḻe gwzenag cẖe Diosen'. 18 Na' zej gacbe'echle catec chaque X ancho Jesucriston' le'e na' zej gombia'chlne', Jesucristw ben' noṉe' yeḻa' mban cẖecho toḻi tocaṉe. Cheyaḻa' soacho gonxenchwne' ṉa'a na' toḻi tocaṉe. Can' gonšcaczcho.

9 9 Dižaʼ güen cẖe ancho Jesucristo New Testament in Zapotec, Zoogocho (MX:zpq:Zapotec, Zoogocho) copyright 1987 Wycliffe Bible Translators, Inc. Language: Zapotec, Zoogocho Translation by: Wycliffe Bible Translators, Inc. Zapoteco, Zoogocho [zpq], Mexico Copyright Information 1987, Wycliffe Bible Translators, Inc. This translation text is made available to you under the terms of the Creative Commons License: Attribution-Noncommercial-No Derivative Works. ( creativecommons.org/licenses/by-nc-nd/3.0/) In addition, you have permission to port the text to different file formats, as long as you do not change any of the text or punctuation of the Bible. You may share, copy, distribute, transmit, and extract portions or quotations from this work, provided that you include the above copyright information: You must give Attribution to the work. You do not sell this work for a profit. You do not make any derivative works that change any of the actual words or punctuation of the Scriptures. Permissions beyond the scope of this license may be available if you contact us with your request. The New Testament in Zapotec, Zoogocho 1987, Wycliffe Bible Translators, Inc. This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners

10 10 PDF generated using Haiola and XeLaTeX on 4 Mar 2019 from source files dated 4 Mar 2019 de7d40fb d8-8bea-744cf1ce0e41