Santiago 1:1 1 Santiago 1:8 CART DANꞋ BZOJ SANTIAGO Santiagon' chguape' tiox beṉe' ca' zjanasḻas zan yež 1 Neda' Santiago naca' beṉe' güen žin cẖe Dio

Transcription

1 Santiago 1:1 1 Santiago 1:8 CART DANꞋ BZOJ SANTIAGO Santiagon' chguape' tiox beṉe' ca' zjanasḻas zan yež 1 Neda' Santiago naca' beṉe' güen žin cẖe Diosen' na' cẖe X ancho Jesucriston'. Chguapa' le'e tiox, le'e nacle šižiṉw cue' xi'iṉ diaža cẖe da' Israel, le'e chejnilaže'le Jesucriston' na' nasḻasle yežlion'. Nac ṉezecho can' che'ne Diosen' goncho 2 Beṉe' migw, cheyaḻa' yebechgüecho cate' chac bite'teze da' chac cẖecho. 3 Cate' chac bi da' chac cẖecho chonen chio' prueba še goncẖacẖlaže'cho šejnilaže'cho Diosen'. Na' ṉezecho cate' choncẖacẖlaže'cho chejnilaže'chone', chaclenen chio' cont gapchcho yeḻa' chxenḻaže' len bite'teze da' chac cẖecho. 4 Na' da'nan' cheyaḻa' gaple yeḻa' chxenḻaže' bite'teze dan' chac cẖele na' goncẖacẖlaže'le šejnilaže'le Diosen' cont gacle can' chaclaže' ḻe'. 5 Note'tezcho cate' bi ṉezecho naquen' chaclaže' Diosen' goncho, cheyaḻa' ṉabechone' gwzejni'iden' chio', na' gwzejni'iczeden'. Ḻe chebede' chaclene' chio', na' bitw chdiḻe' chio' cate' chṉabechone' gaclene' chio'. 6 Perw cate' chṉabechone' gwzejni'ide' chio', cheyaḻa' šejḻe'cho chzenagcze' cẖechon' na' bitw gacžejlaže'cho. Bena' chacžejlaže' še chzenag Diosen' cẖe', zaca'lebde' ca nisdao' dan' chas chata' cate' checẖj be' lagüen' na' chjatan' nile na'le. 7 Ben' chacžejlaže' še chzenag Diosen' cẖe', bitw cheyaḻa' soe' lez gwnežjw Diosen' ḻe' bite'teze da' chṉabe'. 8 Na' ben' chon ca' bitw ṉezde' bi xbab chone', con šayicẖj šayen chaque' len bite'teze dan' chonen'.

2 Santiago 1:9 2 Santiago 1:18 9 Na' beṉe' migw, le'e chejnilaže'le Diosen', še nole nacle beṉe' yaše', ḻe soa mbalaz, ḻe nacle beṉe' zaque' len Diosen'. 10 Na' beṉe' migw, še nole nacle beṉe' gwṉi'a, ḻe soa mbalaz dan' ba chacbe'ele lao Diosen' bitw zaca'chle clel ca yezica'chle beṉe'; na' yob te cẖe yeḻa' gwṉi'an' can' chde cẖe yej ca' zjaze yix e'. 11 Cate' chṉa'chgua gwbižen' chesecuad yix e' ca', na' cheseyiṉj ḻaga' cẖe yejen' na' bich chosolo'en xdan. Can' chac len yej ca', ḻecze can' gac len beṉe' gwṉi'a ca', yeyol yenite' lao xšinen'. Cheyaḻa' soateze soacho šejnilaže'cho Jesucriston' bite'teze dan' chac cẖecho 12 Še chyo chcẖejlaže'cho len da' chac cẖecho na' choncẖacẖlaže'cho chejnilaže'cho Diosen', nachen' ḻeca mbalaz zoacho. Na' cate' te dan' chyi chzaca'chon', Diosen' gone' cont bancho len ḻe' toḻi tocaṉe can' gwne' ban yogo'cho chaquechone'. 13 Na' note'tezcho cate' žan goncho da' malen', bitw gac ṉacho Dios nan' chgo'oyeḻe' chio' goncho da' malen', ḻe Diosen' bitw chgo'oyeḻe' beṉe' yesone' da' mal. Ḻecze ca' ḻe', bitw bi de da' chgo'oyeḻa' ḻe' cont gone' da' malen'. 14 Yeḻa' chzelaže' cẖecho dan' yo'o ḻo' yicẖjlažda'ocho chonen cont chzelaže'cho choncho da' mal. 15 Na' še ba choncho can' ža yeḻa' chzelaže' dan' yo'o ḻo' yicẖjlažda'ochon' na' zoacho choncho da' malen', nach gwžin ža cate' cuejyicẖj Diosen' chio' na' bitw šjayzoacho len ḻe'. 16 Beṉe' migw, bitw siye' cuinḻe gonḻe xbab Dios nan' chgo'oyeḻe' le'e cont gonḻe da' malen'. 17 Dios ben' zoa yaba, ḻe'na' chseḻe' da' güen da' chac cẖecho na' da' de cẖecho. X acho Dios ben' ben gwbiž, bio' na' beljw ca' cont chososeṉin' len chio', chone' cont gac güen cẖecho, na' bitw chše'e ca chone' len chio', bia'cze zoacze' chone' güen. 18 Gwyazlaže' Diosen' bocobe' yicẖjlažda'ochon' cate' gwyejḻe'cho cẖe diža' ḻi cẖen'. Na' ba bocobe'

3 Santiago 1:19 3 Santiago 1:27 yicẖjlažda'ochon' cont žialaocho len beṉe' nechw ca' chesejnilaže'ne'. Na' da' ba bocobe' yicẖjlaždao' chio', ṉezecho za' gone' ca' len beṉe' zan. Can' goncho cont yebe Diosen' chio' 19 Beṉe' migw, ṉezele cheyaḻa' yebecho gwzenagcho cẖe diža' güen, na' cheyaḻa' goncho xbab cate' za' ṉecho, na' ṉeca ḻa' ža'atecho. 20 Cate' chža'acho, bitw chac goncho güen can' chaclaže' Diosen' goncho. 21 Da'nan' cheyaḻa' cuejyicẖjcho yogo'ḻoḻ da' xiṉjen' ba benchon' na' yogo'ḻoḻ da' chgue'e Diosen' da' gwcha'o gwxenen ḻo' yicẖjlažda'ocho cate' biṉa' šejnilaže'chone'. Cheyaḻa' gwzex jw yicẖjcho na' gwzenagcho diža' ḻi cẖe Diosen' dan' ba yo'o ḻo' yicẖjlažda'ochon', cont gata' yeḻa' mban cẖecho toḻi tocaṉe. 22 Na' cheyaḻa' goncho dan' ža diža' ḻi cẖe Diosen' goncho, gague con yenezcho can' žanṉa'. Ḻe še con chenecho can' žanṉa' na' bi chonchon, chziye'ze cuincho še ca'. 23 Ben' chene diža' ḻi cẖe Diosen' na' bi chone' can' žanṉa', zaca'lebde' ca to beṉe' chṉa' cho'alagüen' ḻo spejw, 24 ḻe con chṉe'e can' nac cho'alagüen' na' cate' ba beyož gwṉe'en ḻa' cheyanḻažtie' can' naquenṉa'. 25 Perw beṉe' zoacze' chzenague' xtiža' Diosen' do yicẖj do laže' na' chone' can' žanṉa' sin cbi yeyanḻažen', benan' soe' mbalaz, ḻe xtiža' Diosen' chaclenen ḻe' bite'tez da' chone'. 26 Note'tezcho še choncho xbab choncho can' chazlaže' Diosen', perw bi chnabia' cuincho cont bi ṉecho diža' mal, chziye'cze cuincho še ca'. Ḻe še xtiža'chon' bi naquen güen lao Diosen', bitw chebede' bite'tez dan' choncho še ca'. 27 Še goncho can' chebe X acho Diosen', gaclencho no'ole güezeb ca' na' bi' güezeb ca' še bi dan' cheseyažjde', na' cuejyicẖjcho bich goncho da' xiṉj dan' cheson beṉe' ca' bi zjanombia' Diosen'.

4 Santiago 2:1 4 Santiago 2:10 2 Toze can' cheyaḻa' goncho len yogo' beṉe' 1 Beṉe' migw, X ancho Jesucriston' naque' ḻa'zelagüe beṉe' zaca', na' še chejnilaže'chone', toze can' cheyaḻa' goncho len note'teze beṉe', bitw ṉacho baḻze beṉe' gonxenchguachone' na' yebaḻe' gonechone' nacteze. 2 Še yesela' cẖope beṉe' gan' chdop chžagcho chonxencho Jesucriston', na' toe' naque' beṉe' gwṉi'a na' nyaze' lache' šagüe' lache' xdan, na' ngo'o xbenen' to niy de oro, na' ben' yeto naque' beṉe' yaše' na' nyaze' lache' de'ex o', toze can' cheyaḻa' goncho len chope'. 3 Bitw naquen güen še gonxencho beṉe' gwṉi'a na'ze na' ye'chone': Gwche'edo' ḻo yag siy nga ga nac binḻo, na' ye'cho beṉe' yaše'na': Gwzechateze do dan' na'le, o še ye'chone': Gwche'etezdo' ḻo yo. 4 Bitw naquen güen lao Diosen' še cuinzcho cẖoglaochon ṉacho noen' zaque' na' noen' bi zaca'. Xbab cẖechon' naquen da' mal še goncho ca'. 5 Beṉe' migw, Diosen' ba gwleje' zan beṉe' yaše' zjanaque' xi'iṉe' na' chesejnilaže'chgüe' ḻe'. Na' yesenite' mbalaz cate' yesyežine' gan' zoen' chnabi'e, can' gwna Diosen' gac cẖe note'teze chio' chaquecho ḻe'. 6 Perw na' chonḻe beṉe' yaše' ca' ca beṉe' bibi zjazaca'. Na' beṉe' gwṉi'a ca' chongaclene' ca beṉe' zjazaca'chgua; ḻen ḻegaquen' chosocẖi chososaque' le'e na' chesecẖe'x ox je' le'e lao justis ca'. 7 Ḻecze ḻegaquen' chosožie' yeḻa' ya' cẖe Jesucriston' ben' naccho txen, ben' naque' beṉe' zaca'. 8 Ley dan' nac da' žialao lao yogo' da' ca' nyeḻa' ḻe'e Xtiža' Diosen' žan: Ḻe gaque ḻjež beṉacẖle ca chaque cuinḻe. Še da' ḻicze chonḻe can' žanṉa' chonczle güen. 9 Perw ley cẖe Diosen' chcẖoglaon cẖele naple doḻa' še chonxenḻe baḻ beṉe' na' yebaḻe' chongaclene' ca beṉe' bibi zaca'. 10 Can' naquen, note'teze beṉe' zoe' chone' doḻoḻ

5 Santiago 2:11 5 Santiago 2:18 can' ža leyna', perw na' še ba gwcẖoe' to da' dao', len doxen leyna' chape' doḻa' še ca'. 11 Diosen' ben' gwna: Bitw gata'lenḻe no'ole bi nac no'ol cẖele o beṉe' byo bi nac beṉe' cẖele, ḻeczen' gwne': Bi gotle beṉe'. Na' ḻa'czḻa' bitw chata'lencho no'ole bi nac no'ol cẖecho o beṉe' byo bi nac beṉe' cẖecho, še ba naccho beṉe' güet beṉe', bia'cze napcho doḻa' len leyna'. 12 Xtiža' Diosen' chaclenen chio' cont bi gwzenagcho cẖe da' malen'. Na' cheyaḻa' güe'cho diža' güen na' soacho goncho bichle can' žanṉa', ḻe Diosen' goṉe' da' saca'zi'cho še bi choncho can' žanṉa'. 13 Diosen' gwnežjwchgüe' da' saca'zi' beṉe' ca' bi chesyeyaše' chesyeži'ilaže'de' ḻjež beṉacẖe'. Perw beṉe' ca' chesyeyaše' chesyeži'ilaže'de' ḻjež beṉacẖe', Diosen' yeyaše' yeži'ilaže'de' ḻegaque'. Bitwbi zejen še con žacho chejnilaže'cho Jesucriston' 14 Beṉe' migw, še to beṉe' že' chejnilaže' Jesucriston' perw bi chone' da' nac güen, bitwbi zejen že' ca'. Bitw chaclenen ḻe' cont gata' yeḻa' mban cẖe' toḻi tocaṉe še con žaze' ca'. 15 Baḻ beṉe' ḻježcho beṉe' chesejnilaže' Jesucriston' bi de da' yese'ej yesagüe' na' bi de xaḻana'gaque'. 16 Na' še bitw gaclenchone' len dan' cheseyažjde', še con ye'chone': Ḻe šjaya'ac to šagüe' to güen na' Diosen' gaclene' le'e cont želele dan' chyažjelen', bitwbi zejen dan' con ṉacho ca'. 17 Da'nan', še con žacho chejnilaže'cho Jesucriston' perw bitw choncho da' nac da' güen, bitwcze bi zejen dan' žacho chejnilaže'chonen'. 18 Nita' beṉe' chesene' guac yesejnilaže' Jesucriston' ḻa ca yesone' da' nac da' güen. Na' ḻecze nita' beṉe' chesene' še chejnilaže'cho Jesucriston' cheyaḻa' goncho da' nac güen. Na' žia' le'e, še ṉacho chejnilaže'cho Jesucriston' perw bitw choncho da' güen, bitw nacbia' še chejnilaže'chone'. Perw še da' ḻi chejnilaže'chone'

6 Santiago 2:19 6 Santiago 2:26 nach soacho goncho da' güen na' yesacbe'e beṉe' ḻe chejnilaže'chonen'. 19 Chejḻe'cho toze Diosen' zaque' gonxenchone', na' ca'czen' cheyaḻa' šejḻe'cho. Perw gague da' ca'zen' cheyaḻa' goncho. Da' x igüe' ca' ḻecze chesejḻen' toze Diosen' naque' beṉe' zaca' na' chesexizen chesežeben. 20 Chṉecho diža' da' bi zejen še con žacho chejnilaže'cho Jesucriston' na' bitw choncho da' güenṉa', ḻe bi gaclenen chio' še con žazcho chejnilaže'chone'. 21 Da' x ozxta'ocho Abrahanṉa' blo'e ḻe gwyejnilaže' Diosen' dan' bzenague' cẖe Diosen'. Da'nan' bzande' xi'iṉe' Isaaquen' gote'be' cont gonxene' Diosen'. Na' dan' bzenague' cẖe Diosen', da'nan' Diosen' gwne' cẖe' ḻe naque' beṉe' güen len ḻe'. 22 Na' ṉezecho can' ben da' Abrahanṉa', gague con gwyejnilaže'ze Diosen', san ḻecze bzenague' cẖe'. Na' dan' bene' ca' blo'e ḻe gwyejnilaže' Diosen'. 23 Da'nan' goc can' nyoj Xtiža' Diosen' cẖe', žan: Abraham gwyejnilaže' Diosen' na' da'nan' Diosen' gwne' naque' beṉe' güen len ḻe'. Na' ḻecze nyojen cẖe Abrahanṉa' goque' beṉe' xmigw Dios. 24 Can' naquen, gague dan' žacho chejnilaže'cho Dios nan' že' naccho beṉe' güen len ḻe', san dan' chzenagcho cẖe', da'nan' že' naccho beṉe' güen len ḻe'. 25 Na' da' Rahab goque' no'ole zḻe' no'ol con gwyej len note'teze beṉe' byo, perw bzenague' cẖe Diosen' cate' blebe' beṉe' ca' cẖope jasegüia jaseṉe'e laže'na'. Na' blo'ede' ḻegaque' yetole nez ga jaya'aque' cont bi jasyexen soldadw cẖe rey ḻegaque'. Na' dan' goclene' beṉe' ca', blo'e gwyejnilaže' Diosen'. Na' gwna Diosen' naque' beṉe' güen len ḻe'. 26 Quinga naquen: Še to beṉe' bich nye'e biš grasyw, nacbia' naque' beṉe' guat. Ca'czen' naquen, še bitw choncho da' güen nacbia' bitw chejnilaže'cho Diosen' ḻa'czḻa' žacho chejnilaže'chone'.

7 Santiago 3:1 7 Santiago 3:10 3 Choncho da' xiṉj len xtiža'cho 1 Beṉe' migw, ṉezecho neto' chsed chlo'eto' beṉe' yoble xtiža' Diosen' saca'zi'chto' še bi gonto' can' žanṉa'. Da'nan' žia' le'e, gague ḻa' si'te ḻo na'le gwsed gwlo'ele beṉe' yoble xtiža' Diosen'. 2 Zan ṉi'a yogo'cho choncho da' xiṉj. Perw še to beṉe' bitw chone' da' xiṉj len xtiže'na', nacchgüe' beṉe' güen na' gwzoeczde' ṉabie' doxen cuerp cẖen' še ca'. 3 Caten' chgo'ocho freno cho'a cabayw ca' cont yosozenagba' cẖecho, na' šja'acba' con gate'teze chaclaže'cho šejlenchoba'. 4 Na' ḻecze beṉe' ca' chososa' barcw xen ca' chosocẖine' yag da'oze dan' chosose'eden' cont chejen con gate'teze chesende', ḻa'czḻa' še chžiga' to be' gual ḻegaquen'. 5 Ca'czen' naquen len ḻože'chon'. Toze da' dao' rizen' naquen lao cuerp cẖechon', perw chac chṉelenchon diža' da' zjazaca'. Na' ca nac to yi' dao' riz, guac gwzeyen to ya'adao' xen, ca'czen' naquen len ḻože'chon' cate' chṉelenchon diža' mal. 6 Ḻože'chon' naquen to da' chnabia' chonchguan da' xiṉj juisyw lao doxen cuerp cẖechon'. Ḻože'chon' naquen ca to yi' beḻ da' chla'an chca'an nile na'le chzeyen bite'teze da' de, ḻe še choe'cho diža' malen' chyaḻa'ch yogo'ḻoḻte da' xiṉj dan' chonchon', na' chonen cont zoacho chonchguacho da' xiṉj yešlale mbancho. Na' cẖe gwxiyen' chzenagcho caten' choe'cho diža' mal ca'. 7 Chac chnabia'cho yogo'te beyix e', be žia tap ṉi'a na', be žia x il, be chda nxobe ḻe'e, na' be ca' že' ḻo' nis. Ba gwnita' beṉe' gosenabi'eba'. 8 Perw ṉe to chio' bitw soecho ḻože'chon' cont bi güe'lenchon diža' mal. Con zoacho choe'cho diža' malen', na' diža' mal dan' choe'chon' zaca'leben ca venen cẖe to beḻ znia. 9 Len xtiža'chon' chonxencho Dios ben' naque' X acho. Na' ḻecze len xtiža'chon' chžiacho yeḻa' ya' cẖe ḻjež beṉacẖcho beṉe' ca' ben Diosen' can' nac ḻe'. 10 Na'

8 Santiago 3:11 8 Santiago 3:18 cho'acho na' chchoj diža' šagüe' cate' chonxencho Diosen' na' ḻecze chchoj diža' mal cate' chžiacho yeḻa' ya' cẖe ḻjež beṉacẖcho. Beṉe' migw, bitw choncho ca cheyaḻa' goncho. 11 Ṉezecho ga chal nis bitw žia nis sia na' nis zbapj toz bej. 12 Na' ḻecze ca' beṉe' migw, ṉezecho to yag yix güigw bitw chbian frut dan' nzi' aceituna, na' ṉeca yag uvas chbian yix güigw. Na' ḻecze ca' ga chal nis, bitw chchoj nis sia to bej ga žia nis zbapj. Can' goncho še Diosen' ba beṉe' chio' yeḻa' sina' cẖen' 13 Še note'tezle žale nacle beṉe' sina' na' chejni'ile xtiža' Diosen', cheyaḻa' gonḻe yogo'ḻoḻ can' chazlaže' Diosen'. Cheyaḻa' gonḻe da' güen sin cbi gonxen cuinḻe cont nacbia' nacle beṉe' sina'. 14 Perw še chgue'e ḻježle na' chzelaže'le gacchle beṉe' blaoch ca beṉe' ḻježle, bitw cheyaḻa' ṉale nacle beṉe' sina', ḻe con chonḻaže'len' še ca'. 15 Na' še chgue'e ḻježle na' chzelaže'le gacle beṉe' blaoch ca beṉe' ḻježle, bitw nacle beṉe' sina', san xbab cẖelen' zan' cẖe Satanás dan' chnabia' da' x igüe' ca', na' con chonḻe da' xiṉjen' can' ža lažda'olen' na' can' cheson beṉe' ca' bi zjanombia' Diosen'. 16 Še chgue'e ḻježcho na' chzelaže'cho gaccho beṉe' blaoch ca ḻegaque', bitw zoacho binḻo len ḻegaque' še ca', na' choncho yogo'te da' xiṉj. 17 Cate' Diosen' choṉe' chio' yeḻa' sina' cẖen', chaclaže'cho goncho yogo' da' nac da' güen. Chaclaže'cho soacho binḻo len ḻježcho na' naccho beṉe' xenḻaže' na' chzex jw yicẖjcho cont chzenag cẖe ḻježcho. Na' ḻecze cheyaše' cheži'ilaže' ḻježcho na' choncho da' güen len ḻegaque', na' toz ca choncho len note'tez beṉe'. Na' bite'tez da' choncho, chonchon do laže'cho. 18 Nach še chebecho yesezoa yesebez beṉe' binḻo na' chaclencho beṉe' yezica'chle cont yesezoa yesebeze' binḻo, na' chaclenen cont yeson beṉe' da' güen.

9 Santiago 4:1 9 Santiago 4:9 4 Bitw gac goncho can' cheson beṉe' bi zjanombia' Diosen' 1 Chdiḻe chšašlen ḻježle, na' chonḻe ca' dan' yo'o nyaz da' malen' yicẖjlažda'olen' na' chnabian' le'e cont chonḻe con ca žan cẖele. 2 Chzelaže'chguale bi da' gata' cẖele na' chdiḻe chšašlen ḻježle na' chaclaže'tele gotle beṉe' cont gata' cẖele dan' chzelaže'len'. Perw bitw gata' dan' che'nelen' lagüete chonḻe da' xiṉj na' bi chṉabele Diosen' gone' cont gata' dan' chyažjelen'. 3 Na' cate' chṉabele Diosen' gone' cont gata' bi dan' gata' cẖele, bitw choṉen', ḻe con che'nele gata' dan' chzelaže'le ḻo' lažda'olen' cont gonḻe con nacteze žan cẖele. 4 Na' da' chzenagle cẖe dan' ža xbab cẖelen' na' chonḻe can' chzelažen'ṉa', chonḻe txen len beṉe' ca' bi zjanombia' Diosen', na' chonḻe contr Diosen'. Na' note'tezcho še chaclaže'cho goncho txen len beṉe' mal ca', choncho contr Diosen' na' bich chaquechone' ca cheyaḻa'. Zaca'lebcho ca to no'ole nzoa xto, no'ole ben' bich chacde' beṉe' cẖe'. 5 Chonḻjale xbab Xtiža' Diosen' bitw bi zacan' gan' nyojen žan: Spiritw cẖe Diosen' dan' zoan ḻo' lažda'ochon' chzelaže'chguan gwzenagcho cẖe toz Diosen'. 6 Diosen' chaclenchgüe' chio' cont chzenagcho cẖe toz ḻe'. Da'nan' nyoj Xtiža' Diosen' žan: Diosen' chone' contr beṉe' ca' chesonxen cuingaque', perw chaclene' beṉe' ca' chesacbe'ede' bi chosozenague' cẖe' ca cheyaḻa'. 7 Da'nan' cheyaḻa' gon cuincho ḻo na' Diosen' na' gwyo gwcẖejlaže'cho bi gwzenagcho cẖe Satanásen'. Še goncho ca', gwcuaseczen ca'ale. 8 Ḻe soa ḻe yoḻ güiž Diosen', nach soe' gaclene' le'e. Cheyaḻa' cuejyicẖjle da' xiṉj da' chonḻe. Na' še chonḻe xbab guac gonxencho Diosen' na' gontezcho can' ža lažda'ochon', clelen' chonḻe xbaben' še ca', na' cheyaḻa' güe'le latje yeyon Diosen' yicẖjlažda'olen' xilaže'. 9 Bi cheyaḻa' yebele, san cheyaḻa' yegüine'le ṉecẖe da' xiṉjen'

10 Santiago 4:10 10 Santiago 5:1 ba benḻen' na' yeto'ele cẖen. 10 Cheyaḻa' gwzex jw yicẖjle lao X ancho Diosen', nach Diosen' gone' cont gacxenḻe. Bi cheyaḻa' ṉacho cẖe ḻježcho nape' doḻa' 11 Beṉe' migw, bi cheyaḻa' ṉelaocho cẖe ḻježcho. Ben' chṉelagüe' cẖe ḻježe' o chosbaguede' ḻježe', benan' chṉe' cẖe ley cẖe Diosen' na' chzoe' leyna' ca'ale. Na' ṉezecho ben' chon ca' bi chzenague' cẖe leyna'. Na' dan' chon cuine' ca beṉe' zaque' cont že' cẖe beṉe' ḻježe' nape' doḻa', chone' ley cẖe Diosen' ca to da' bibi zaca'. 12 Toz Dios nan' gwdix jue' leyna', na' toz ḻe'na' zaque' cẖoglagüe' cẖe to tocho še napcho doḻa'. Na' toz ḻe' zaque' gone' cont bi šjaya'ac beṉe' ḻo yi' gabiḻen', na' ḻecze zaque' cont yeseḻe' beṉe' ḻo yi' gabiḻen'. Perw chio' bitw zaca'cho ṉacho cẖe beṉe' ḻježcho zjanape' doḻa'. Bitw ṉezecho bin' gac gwx e güižj 13 Na' ḻe gwzenag da' nga: Baḻle chcẖogbia'len šejle to ga šejle gonḻe negosyw cont gonḻe gan. Na' chbejle to ža cate' šejle na' chcẖogbia'len yega'aṉle na' tgüiz, 14 ṉeca chacbe'ele bi ṉezecho bin' gac cẖecho o nac goncho gwx e güižj. Yeḻa' mban cẖechon' zaca'leben ca to bejw, ḻe bejon' šložze chle'echon na' cheyasen. 15 Cheyaḻa' ṉacho: Še X ancho Diosen' goṉe' latje bancho, na' goncho to da' goncho. 16 Perw da' xiṉjen' choncho še chonxen cuincho chžiacho bia' naquen' goncho sin cbi ṉabecho Diosen'. 17 Na' še ṉezecho cheyaḻa' goncho da' nac güen na' bi chonchon, napcho doḻa' lao Diosen'. 5 Da' malchgua gac cẖe beṉe' gwṉi'a ca' beṉe' bi chosozenag cẖe Diosen' 1 Na' ca nac le'e beṉe' gwṉi'a, le'e bi chzenagle cẖe Diosen', ḻe soayaše' na' ḻe cuežyaše', ḻe ḻeca za' saca'zi'le.

11 Santiago 5:2 11 Santiago 5:9 2 Lao Diosen' dan' de cẖele naquen ca to da' ba chbiayi', na' lache' šagüe' cẖelen' naquen ca to da' ba chḻe'e beḻziḻa'. 3 Na' mechw cẖelen' dan' nac de oro na' de plata, len Diosen' naquen ca to da' ba chzen xcẖe'en. Da'nan' žin ža žaglaochguale ḻo yi' gabiḻen'. Ba gwche' yicẖjle tlaoze btoble da' scẖa'o xmechwlen', ḻa'czḻa' ba zoa goṉ Diosen' da' saca'zi'le. 4 Cheyaḻa' gonḻe xbab can' benḻe len beṉe' güen žin cẖele ca', beṉe' yaše' ca' besyelap coseš cẖelen'. Benḻele ḻegaque' dan' bitw gwdixjwlene' ca cheyaḻa'. Na' dan' bi bnežjwle laxjwgaquen' ca cheyaḻa', chlo'en nacle beṉe' güen da' xiṉj. Diosen' chzenague' cẖe beṉe' güen žin ca' dan' chesyegüine'de', Dios ben' nape ḻa'zelagüe yeḻa' guac xen. 5 Zoatezle che'ej chagwšagüe'le na' chonditjele dan' de cẖele chonḻe con ca žan cẖele, na' bi chacbe'ele ba zoa goṉ Diosen' da' saca'zi'le. Na' lagüe dan' chonḻe ca', zaca'leble ca to beyix e' ben' chgüe'ej chguagwšagüe'cho cont ba chaṉe'ba' cate' žin ža gotchoba'. 6 Na' gan' chi'le chonḻe yeḻa' justisen', ba gwcẖoglaolen yesote' beṉe' goson da' güen, beṉe' bibi gosonde' le'e. Cuezcho batcan' yid X ancho Jesucriston' da' yoble na' yoḻ güižcho Dios 7 Ca nac le'e beṉe' migw, ḻe gape yeḻa' chxenḻaže' len dan' chyi chzaca'le, ḻe ba zoa yid X ancho Jesucriston' da' yoble. Beṉe' ca' chesaz, chesenite' chesebeze' cosešen', ḻe cosešen' naquen da' zaca'. Na' chesape' yeḻa' chxenḻaže' chesebeze' chde tiemp yejon', ḻe cate' chbeze yejon', cana'chen' chosyotobe' cosešen'. 8 Da'nan' bite'teze dan' chyi chzaca'le, cheyaḻa' gaple yeḻa' chxenḻaže' na' goncẖacẖlaže'le šejnilaže'le X ancho Jesucriston', ḻe ba zoa yide' da' yoble. 9 Beṉe' migw, bitw yosbaga' ḻježle še bin' chac cẖele. Še bin' yosbaga' ḻježle, ba zoa yid

12 Santiago 5:10 12 Santiago 5:17 X anchon' da' yoble na' cẖoglagüen' cẖele naple doḻa'. 10 Ḻe gon xbab cẖe da' beṉe' ca' goso'e xtiža' X ancho Diosen' cani'. Ḻeca bosocẖi bososaca' beṉe' ḻegaque', perw bia'cze bosoyo bosocẖeje', can' cheyaḻa' gonḻe. 11 Da' ḻi mbalaz beṉe' ca' gwnita'teze' gosoncẖacẖlaže' gosejnilaže' Diosen' ḻa'czḻa' besežaglagüe'. Na' ba benele xtiža' da' Job can' bencẖacẖlaže' gwyejnilaže' Diosen', ḻa'czḻa' da' zan da' gwdi gwxaque'. Perw na' cate' gwde dan' gwdi gwxaquen', Diosen' bene' cont gwzoache' mbalazch clel can' gwzoe' cani'. Can' nac Diosen', ḻeca chazlaže' chaclene' chio', na' ḻeca cheyaše' cheži'ilaže'de' chio'. 12 Beṉe' migw, da' naquen da' žialao, gwbat gwzoale no co' da' baḻi cẖe bite'teze. Bitw ṉale yaban' co'on da' baḻi choe'le diža' ḻi, ṉeca ṉale yežlio nga co'on da' baḻi choe'le diža' ḻi, ṉeca bite'tezechle. Cheyaḻa' güe'cho diža' ḻi da' šejḻe' beṉe' cont Diosen' bi cẖoglagüen' cẖecho saca'zi'cho. 13 Note'tezcho cate' chac bi da' chac cẖecho, cheyaḻa' yoḻ güižcho Dios. Na' note'tezcho cate' zoacho mbalaz, cheyaḻa' goḻcho gonxenchone'. 14 Note'tezcho cate' chacšenecho, cheyaḻa' gaxcho beṉe' ca' gwlejcho cont chosogüia cheseṉe'e chio' chdop chžagcho chonxencho Jesucriston'. Na' yosotope' yicẖjcho late' set, na' yosoḻ güiže' Dios, yeseṉabe' yeyaquecho len yeḻa' guac cẖe X ancho Jesucriston' lagüe' da' chejnilaže'chone'. 15 Na' chio', cate' choḻ güižcho X ancho Diosen', cheyaḻa' šejḻe'cho ḻe chzenagcze' cẖecho cont yeyone' ben' chacšenen', na' še ba bene' da' xiṉj, güezi'xencze X anchon' cẖe'. 16 Da'nan' cheyaḻa' x oadoḻa'cho lao beṉe' ḻježcho na' yoḻ güižcho Dios tocho yetocho cont ca' yezoacho güen še bin' chac cẖecho. Na' še naccho beṉe' güen len Diosen', Diosen' chzenagcze' cẖecho cate' choḻ güižchone' na' chone' da' zan da' güen dan' chṉabechone' gone'. 17 Ḻe gon xbab

13 Santiago 5:18 13 Santiago 5:20 cẖe Elías ben' be' xtiža' Diosen' cani'te. Goque' beṉacẖ cayaṉen' nac chio'. Na' cate' boḻ güiže' Diosen' do yicẖj do laže' gwṉabe' bi gac yejw, na' Diosen' bzenague' cẖe' na' bitw goc yejon' lao šoṉ iz yogašjo. 18 Na' yetṉi'a cate' boḻ güiže' Diosen' gwṉabde'ne' seḻe' yejon' da' yoble, nach Diosen' gwseḻen'. Na' goc coseš cẖe beṉe' ca' da' yoble. 19 Beṉe' migw, cate' to beṉe' ḻježcho ba gwlejyicẖje' dan' nac da' ḻi dan' bzejni'i Diosen' chio', cheyaḻa' gaclenchone' cont yetiṉjde' xtoḻe'na'. 20 Chaclaža' ṉezele, cate' choncho cont note'teze beṉe' chetiṉjde' xtoḻe'na', chaclenchone' cont chosla Diosen' ḻe' ḻo yi' gabiḻ, ḻe chezi'xene' xtoḻe'na' ḻa'czḻa' še naquen da' zan. Da' na'zen' chzoja' ṉa'a.

14 14 Dižaʼ güen cẖe ancho Jesucristo New Testament in Zapotec, Zoogocho (MX:zpq:Zapotec, Zoogocho) copyright 1987 Wycliffe Bible Translators, Inc. Language: Zapotec, Zoogocho Translation by: Wycliffe Bible Translators, Inc. Zapoteco, Zoogocho [zpq], Mexico Copyright Information 1987, Wycliffe Bible Translators, Inc. This translation text is made available to you under the terms of the Creative Commons License: Attribution-Noncommercial-No Derivative Works. ( creativecommons.org/licenses/by-nc-nd/3.0/) In addition, you have permission to port the text to different file formats, as long as you do not change any of the text or punctuation of the Bible. You may share, copy, distribute, transmit, and extract portions or quotations from this work, provided that you include the above copyright information: You must give Attribution to the work. You do not sell this work for a profit. You do not make any derivative works that change any of the actual words or punctuation of the Scriptures. Permissions beyond the scope of this license may be available if you contact us with your request. The New Testament in Zapotec, Zoogocho 1987, Wycliffe Bible Translators, Inc. This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners

15 15 PDF generated using Haiola and XeLaTeX on 4 Mar 2019 from source files dated 4 Mar 2019 de7d40fb d8-8bea-744cf1ce0e41