2 2016ko martxoaren 18a, barikua anboto Herririk herri Bonbardaketaren aztarnak zinemetan erakutsiko dituzte Faxisten bonbardaketaren biktimak gogorat

Transcription

1 DURANGALDEKO ASTEKARIA 2016ko martxoaren 18a 14. urtea 625. alea Kultura Irune Gurtubaik ekoitziriko Pikadero filma emango dute asteburuan, Elorrion 15 Motor mundua Uriendarren pasio Lehior Elorriaga Motor mundua barru-barrutik bizi dute Pedro eta Igor Urienek. Hamaika abentura bizita, beste hainbeste bizitzeko prest daude. Elkarrekin, beti ere. Hutsetik hasitako prototipoan lanean aurkitu ditugu Tokiko ekoizpena eta kontsumoa sustatu gura ditu Zornotzako Iraunkor elkarteak Zornotzan, garapen iraunkorraren eredua lantzeko helburuagaz, Iraunkor elkartea sortu dute. Euskal Herria enparantzan du lokala. Tokiko ekoizpenaren eta kontsumoaren inguruko estrategiak bultzatzeko eta aurrera eramateko egingo dute lan. Elikagaietan, energia arloan zornotzarrek egindakoa Zornotzan kontsumituko duen komunitate iraunkor bat bilatzen dute. 4 La cuadri del hospi lako elkarteen lana garrantzitsua da beldurrak uxatzeko 10 I. Astigarraga eta S. García-Obregón I Biocruceseko kideak Durango 2 Bonbardaketaren aztarnak zinemetan emango dituzte Durango 3 Etxegabetzeak saihesteko protokoloa adostu du udalak Iurreta 7 Biblioteka sei hilabetez itxiko dute, espazioa berrantolatzeko Zaldibar 9 Udal Kutxari euro bueltatu beharko dizkio udalak

2 2 2016ko martxoaren 18a, barikua anboto Herririk herri Bonbardaketaren aztarnak zinemetan erakutsiko dituzte Faxisten bonbardaketaren biktimak gogoratuko dituzte, 79. urtemugan DURANGO M.O. 1937ko martxoaren 31n, Durango eta inguruak bonbardatzen hasi ziren faxistak, Italiako Aviazione Legionariaren hegazkinekin. Egun gutxiren buruan, 330 hildakotik gora eragin zituzten, eta Durangoko eraikin ugari suntsitu ere bai. 79. urtemuga beteko da aurten, eta Gerediaga elkarteak eta udalak gertakari haiek gogoratzeko ekintzak antolatu dituzte, oroimen hori bizirik mantentzeko asmoz, Aitziber Irigoras alkatearen esanetan. Nobedade lez, bonbardaketak utzitako aztarnak zinemetan erakutsiko dituzte. Gerediaga elkarteak bisita gidatuak antolatzen ditu bonbardaketaren eraginez informatzeko, eta hor kontatzen dutena zazpi minutuko bideo labur baten batu dute. Bada, Durangoko Zugaza zineman, Elorrioko Arriolan eta Berrizko kultur etxean proiektatuko dute bideoa, programatuta dauden pelikulen aurretik. Zugazan eta Arriolan hurrengo asteburu bietan (24tik 27ra eta 31tik 3ra) eskainiko dute bideoa, eta Berrizen apirilaren 8ko asteburuan. Gainera, apirilean Durangoko Sorginola gaztetxean eta Sapuetxen ere ikusi ahalko da. Aztarnak zuzenean ezagutu gura dituztenek aukera bi edukiko dituzte: apirilaren 2an, Durangoko Zugaza zineman, Elorrioko Arriolan eta Berrizko kultur etxean proiektatuko dute bideoa 17:30ean (gaztelaniaz) eta 3an 11:30ean (euskaraz). Bisitak doakoak dira, baina izena ematea eskatu dute telefonoan edo eus helbidean. Errefuxiatuak berbagai Martxoaren 31n, 12:00etan, Gerra Zibilaren biktimei omenaldia egingo diete hilerrian. 20:00etan, bonbardaketan hildakoak izango dituzte gogoan Gerediagak eta Kriskitinek. Erasoaren lekuko batek lore eskaintza egingo du, eta Yoko Out musika talde durangarrak Xabier Amurizak eta Ander Ertzillak sortutako abestia joko du. Bestalde, orduko eta gaurko gerretan errefuxiatuek bizi duten egoera aztertuko dute mahai-inguru batean, apirilaren 1ean. Iaz Andra Marin eginiko oroimen ekitaldia. Gerediaga artxiboa. Gerediagako Jon Irazabal eta Irigoras alkatea, prentsarako aurkezpenean. 50 durangar, nagusiei konpainia egiten ari dira Lagunkide programara batzeko deia egin dute Mari Feli Lopez eta Trinidad Rosas, Lagunkide programaren aurkezpenean. DURANGO M.O. Durangoko Udalak eta Gurutze Gorriak Lagunkide programa garatzen dute, bakarrik bizi diren nagusiei laguntza eman eta konpainia egiteko. Uneotan, 50 boluntariok parte hartzen dute, beste horrenbeste nagusiren babesle gisa. Mari Feli Lopezek, adibidez, Trinidad Rosasi laguntzen dio. Barikuetan elkartzen dira, ordu pare batez, paseotxo bat eman eta kafe bat hartzeko. Mari Feli lagun ona da, esan du bakarrik bizi den Trinidadek. Beraz, bere bizitzan bakardadeari aurre egiten dio Mari Feliri eskerrak. Herritarrei programan parte hartzeko deia egin diete arduradunek. Animatuz gero, (Gurutze Gorria) telefonora deitzea eskatu dute. Durangoko Pasiñoa Bilbon erakutsiko dute Eguaztenean, Bilbon egongo dira 55 durangar DURANGO M.O. Lehenengo aldiz, Pasiñoak Durangoko mugak zeharkatuko ditu, aurten. Izan ere, Bilboko prozesioa antolatzen dutenek antzezle durangarrak gonbidatu dituzte, eta horrela, datorren eguaztenean, 55 lagunek Bilboko Alde Zaharrean erakutsiko dute Durangoko Pasiñoa. Normalean, eguaztenetik barikura izaten da Pasiñoa, Santa Ana plazan, baina eguaztenean Bilbora doazenez, lehenengo funtzioa martitzenera aurreratu dute Juan de Iciar elkarte kulturaleko antolatzaileek. 21:00etan hasiko dira funtzioak, eta sarrerak 6 eurotan egongo dira salgai, Arco tabernan. Ama-semeak Xabier Arana organista izango da Pasiñoko zuzendaria. Jesusen papera Jon Iraurgik beteko du, eta bitxikeria lez, bere amak egingo du amabirjinarena, Ines Asategik, hain zuzen. Gainera, Judasen azalean anaia sartuko da, Egoitz Iraurgi. Bixente Kapanaga, Iurreta Bizkaia Tel.: Erredakzioa: Publizitatea: publi@anboto.org 2016ko martxoaren 18a 14. urtea alea Zuzendaria: Jone Guenetxea Arrinda. Administrazio burua: Itziar Belar Zubizarreta. Administrazioa: Miren Abasolo Txabarri. Publizitatea: Goretti Alonso Armendia eta Itxaso Martinez de Arenaza Yarza. Erredakzioa: Aitziber Basauri Gandiaga, Itsaso Esteban Urtiaga, Joseba Derteano Bilbao, Markel Onaindia Txabarri, Maialen Zuazubiskar Gallastegi eta Paul Bustindui Revuelta. Maketazioa: Eider Alberdi Bengoa. Zuzentzailea: Mikel Azkarraga Etxegibel. Laguntzaileak: Aldizkari honek Bizkaiko Foru Aldundiaren laguntza jaso du Lege gordailua: BI-2268/01 ISSN: Tirada: ale

3 2016ko martxoaren 18a, barikua anboto Herririk herri 3 Aukera Azoka hasiko da, gaur, Landakon 19 komertziok beherapenak eskainiko dituzte DURANGO M.O. Dendak Bai elkarteak antolatuta, XI. Aukera Azoka hasiko da, gaur, Landako Gunean. 19 komertziok eskainiko dituzte beherapenak, aurten eta aurreko denboraldietan soberan geratutako produktuetan. Milaka lagun batzea espero dute, gaurtik domekara bitartean. Azokaren aurkezpenean, Inma Bardezi eta Javi Arrieta egon ziren, Bardezi eta Sylke arropa dendetakoak, hurrenez hurren. Bardezik gogoratu zuen negu beroa egin duela, eta horregatik, arropa dendetan sasoi gaitza izan dela. Ondorioz, aurtengo arropari dagokionez, nahi baino gehiago geratzen zaiela azaldu zuen Arrietak. Arropa bezala, beherapen handiekin lortu ahalko dira beste hainbat produktu ere, eta zozketak egingo dituzte, gainera. Astelehenean, protokoloa aurkeztu zuten lau alderdiek, martitzeneko osoko bilkuran onartu aurretik. Etxegabetzeak saihesteko, udalak martxan du protokoloa Udalak elkarlana bilatuko du banketxeekin, etxegabetzeak saihesteko asmoz Iazko Aukera Azokan lagun batu ziren. DURANGO M.O. Etxegabetzeak geratzeko pauso garrantzitsu bat eman du udalak: protokolo bat ipini du martxan. PPk izan ezik, alderdi guztiek babestu dute bilkuran. Aldeko horiek batera aurkeztu dute protokoloa. Lehenik eta behin, banketxeekin berba egingo du udalak, protokoloaren berri eman eta elkarlana bilatzeko. Etxegabetze prozeduraren bat martxan badago, eteteko eskatuko die, eta prozesu bat martxan ipini orduko abisatzeko ere bai. Aurrerantzean, protokoloa errespetatzen duten erakundeak hautatuko ditu bere jardun ekonomikorako. Bestalde, aginduen berri ematea eskatuko dio udalak epaitegiari. Etxegabetze bat sufritzeko arriskuan dauden herritarrei informazioa, laguntza eta aholkularitza juridikoa eskainiko dizkie. Beharrezkoa bada, banketxeagaz konponbide bat topatzeko negoziatuko du. Udalak ez du parte hartuko balizko kaleratzeetan. Kaleratzea emana badago, Etxebideko alokairuko etxe bat lortuko diote herritarrari, eta larrialdiko egoera bada, udaleko larrialdietako etxe batean kokatuko dute. Fede oneko kasuetan soilik aplikatuko dute protokoloa, errekurtsorik barik geratu, eta iruzurrik egin ez dutenekin. Bizkaibusek geraleku berri bat edukiko du Tabira auzoan EH Bilduk plazaratu du ekimena, eta Aldundiak baiezkoa eman dio udalari DURANGO M.O. Bilbotik Mañarira doan autobusa Tabiran ere geratuko da, laster. EH Bilduk eraman du proposamena osoko bilkurara, eta Pilar Ríos alkateordeak (PSE-EE) azaldu du Aldundiagaz tratuan egon direla dagoeneko. Riosen arabera, mozioa bozeramaileen batzordean aurkeztu zenean, Aldundira jo zuten udal gobernukoek, eta Aldundikoek baiezkoa eman diete. Beraz, geraleku berria non ipini erabaki beharko da orain. Seguruenik, Arriluzea kalean ezarriko dute. Horrela, Tabirako auzotarrak Bilboraino joan ahalko dira bertatik, eta, besteak beste, Landakoko anbulatoriora garraio pubilkoz joan ahal izango dira. Ion Andoni del Amoren (EH Bildu) ustez, zentzuzkoa eta egingarria da ekimena. Izan ere, autobusa pasatzen da, dagoeneko, auzotik, egunean hiru aldiz. Ideia, Tabiran egindako auzo batzar batetik sortu dela azaldu du. EAJk, Herriaren Eskubideak eta PSE-EEk egitasmoaren alde egin dute. PP abstenitu egin da, Aldundiaren azterketari itxarotea beharrezko ikusten duelako. Beste auzoetara? Herriaren Eskubideak, Julián Riosen ahotan, beste puntu bat txertatu gura izan du mozioan: Durangoko beste auzoetara ere garraio publikoa eramateko azterketa bat egitea. Baina, EAJk eta PSE-EEk proposamena batzordean lantzea eskatu dute. Azkenean, gaia hurrengo batzarrerako landu eta aurkezteko konpromisoa hartu du Herriaren Eskubideak. Tabiran, geraleku berria Arriluzea kalean ipintzea da aukeretariko bat. Autobusa pasatzen da bertatik.

4 4 Herririk herri 2016ko martxoaren 18a, barikua anboto Iraunkor: tokiko ekoizpen eta kontsumoa sustatzeko elkartea 17 bazkide dituen elkarte berriak Euskal Herria enparantzan du lokala Jon Bastante (1988, Zornotza) Zornotzako ekoizlea Zelan sartu zinen produktu ekologikoen ekoizpenean? Informatika ikasi, eta nirea ez zela ikustean, Derioko Nekazaritza Eskolan ikasi nuen. Suediako haztegi batean egin nituen praktikak. Hona bueltan, ustiategi propioa jarri nuen, Ibarra inguruan. Bost urte daramatzat. Denboraldiko produktu ekologikoak ekoizten ditut; baita kiwi eta arrautzak ere. Zelan baloratzen duzu Iraunkorren sorrera? Tresna inportantea da herrirako. Ekoizleak batzerako orduan hutsune bat zegoen. Modu honetara artikulatzea onerako da. Ekoizpenean jende gehiago behar da, baina, horretarako, kontsumoa sustatu beharra dago. Lurzatiena ere arazo bat da. Bizkaian, gazteek ekoizpen mota honetan aurkitzen duten arazoetako bat lur falta da. Esaterako, niri asko kostatu zitzaidan lurzati bat aurkitzea. Iraunkor elkartea osatzen duten hainbat bazkide, aurkezpen egunean, Euskal Herria enparantzan duten lokalean. ZORNOTZA J. Derteano Txikitik abiatuta lortzen dira helburu handiak. Sinesmen horrekin sortu dute Zornotzako Iraunkor taldea. Garapen eredu industriala iraunkorragoa den beste batera eramateko lan egin gura dute, Zornotzan bertan. 17 bazkide dituen elkartea zapatuan aurkeztu zuten, eta Euskal Herria enparantzan du lokala. Lan esparruetako bat elikagaien kudeaketa da. Tokiko ekoizpen ekologikoa sustatu, eta herriko kontsumoa bultzatu gura dute; bestela esanda, tokiko ekonomia zirkular eta iraunkorra bilatzen dute: Geuk jango dugunez, ekoizpenean geu bagaude sartuta, hobeto ezagutuko dugu kontsumitutakoa; horrek segurtasuna ematen du, azaldu zuen Urtza Uriartek aurkezpen ekitaldian. Bide horretan dauden handicap-ak ez dira nolanahikoak. Alde batetik, ekoizleen gabeziari aurre egin behar diote. Gaur egun, 9 ekoizle dituzte, eta, etorkizunean, eskariaren eta eskaintzaren orekara heldu gura bada, ekoizle berriak beharko dira, eta arlo hori sustatzeko prest daude. Landu beharreko beste arlo bat kontsumitzeko ohituren gaineko hausnarketa gizarteratzea da, hau da, sentsibilizazioaren eremua lantzea. Eta, horrekin batera, kontsumo eredu berria sustatzen ahalegintzea: eskariaren araberako ekoizpena. Elikagaiekin batera, energiaren ekoizpen eta kontsumo iraunkorra da beste lan esparruetako bat: Zornotzak protentzial itzela du biomasan eta hidroelektrika txikietan. Beste lan arloetako bat lurren kudeaketa da: lurjabe eta ekoizleen (ortuetarako, biomasa lehengaiak lortzeko ) arteko bitartekaritza egitea bi aldeetarako onuragarriak diren bideak lantzeko. Iraunkor elkarteak egiten duenaren berri eus webgunean emango dute. Fernando Bilbao (1956, Zornotza) Món Empordá elkartea Fernando Bilbaok 27 urte daramatza Katalunian bizitzen. Orain bost urte, kanpora begirako merkaturik ez zuten Gironako bost herritako ekoizleak batu, eta Món Empordá elkartea sortu zuten. Bilbao izan zen sustatzaileetako bat. Hasieran, kosta egiten da, baina bide bat egin ostean, eredu egingarri eta eraginkorra dela dio. Adibide bat jarri zuen, sagarraren teoria deituko dioguna. Ikerketa batek bistaratu zuen tokiko ekoizle ekologikoek catering enpresen prezio berdinean hornitu zitzaketela inguruko eskolak. Hiru eskola sartu ziren proiektuan. Pauso txikiekin hasi ziren: Postretik hasi ziren, sagarra esaterako. Ondoren, inguruko arrantzaleak batu ziren. Gaur egun, sukalde propioagaz eta gurasoen inplikazioagaz, jaten dutenaren %70 bat ekologikoa da. Txikitik hasita sagar batetik lortu daitekeenaren adibidea da. Boroako saneamendu kolektorea amaituta Besteak beste, 23 eraikinetako ur zikinak batuko ditu ZORNOTZA J.D. Zornotzako Udalak Boroako San Pedroko saneamendu kolektore berriaren lanak amaitu ditu. Honek 23 eraikinetako ur zikinak batuko ditu (aurrerantzean, beste bost gehiago batu ahal izango dira), baita Boroa jatetxekoak, Anaitasuna Elkartea txokokoak eta Boroako igerilekuetako komunetakoak ere. Kolektore berriak, guztira, 2,5 kilometro inguru ditu. Boroako San Pedro auzoko ur zikinak batu eta Boroako enpresa parkean dagoen udal saneamendu kolektorera bideratzen ditu. Era berean, Astepeko Hondakin Uren Araztegira bideratzen dira. Saneamendu kolektorea egiteaz gainera, eraikinak hargune partikularren bidez lotu dira lehengo putzu septikoak kenduz. Bestalde, Udalak Kaputxe inguruan udal kolektore bat martxan jarri du, auzokideek zuten kezkari erantzun bat emanez eta inguruko etxebizitzen saneamendu urak behar bezala jasoz. Lehiaketara atera dute igerilekuaren kudeaketa OTXANDIO J.Derteano Otxandioko kanpoko igerilekuen kudeaketaren esleipena lehiaketa publikora aterako du Udalak. Igerilekuko zerbitzu denei dagokie esleipena: garbiketa, sorosle-zerbitzua eta tabernaren ustiapena barne. Hiru urterako esleipena da, urtez urte berrituko dena, kontrako iritzirik ez badago. Baldintza eta betebehar guztiak jasotzen dituen txostena udaletxean bertan jaso daiteke, eta baita udaleko webgune ofizialean ere. Martxoaren 30era artekoa da udaletxean proposamenak aurkezteko epea. Zerbitzuaren aurrekontua eurotakoa da (BEZ-a barne), eta gehienezko kopuru hori beherantz hobetu dezakete lizitatzaileek.

5 2016ko martxoaren 18a, barikua anboto Publizitatea 5

6 6 Herririk herri 2016ko martxoaren 18a, barikua anboto Sahararrei lagunduko diete Durangaldeko bost ikaslek Abuztuan kanpamenduetara joango dira, EHUko beste 40 ikaslegaz batera Eskola materiala batu, eta Senegalera bidaliko dute La Otra Mirada elkarteak kanpaina bat abiatu du Ezkerretik eskumara, Oleaga, Uriarte, Aresti, Unzueta eta Marquez litro olio banatu dituzte Errigorakoek Durangaldeko 300 lagunek eskatu dute olio nafarra DURANGALDEA M.O. Durangaldeko 300 lagunek jasoko dute Errigora ekimeneko olioa. Asteon heldu dira olio botilak, eta auzolanean banatzen hasi dira. 928 bidoi jasoko dira DURANGALDEA M.O. Errefuxiatuen kanpamenduetan bizi diren sahararrei laguntzeko proiektu bat dute esku artean EHUko 45 ikaslek, eta, tartean, Durangaldeko bost daude: Luisa Oleaga, Lara Aresti eta Naiara Marquez durangarrak; Leire Unzueta zornotzarra eta Jon Uriarte ermuarra. Abuztu amaieran hara joango dira, uholdeek kaltetutako etxeak konpontzera, adibidez. Hile honetan, eguen eta zapatuetan, Goienkalean mahai bat ipiniko dute, dirua batu eta kontzientziazioa lantzeko. Maiatzaren 1ean jaialdi bat egingo dute. Ikaskide saharar bat dute, eta bere bidez koordinatuko dute laguntza. Kanpamenduetara heltzean, eraikuntzan laguntzeko ikastaro bat jasoko dute. Proiektu hau duela lau urte sortu zen, eta Uriartek parte hartu zuen: Bi astez egon ginen Saharan, eta ez dut esperientzia hoberik eduki. Aresti jakinaren gainean egon da, eta aurten animatu da: Aukera edukita, ez dut birritan pentsatu. Marquez kanpamenduetan egondakoa da, eta bizimodu gogorrari indarrez eusten diotela dio: Euren indarra nabarmenduko nuke, batez ere emakumeena. Hara joatea, elkartasun pauso berri bat emateko beharra ikusi du Oleagak: Urte luzez, etxera ekarri izan ditugu sahararrak, baina bizi duten gatazkaren aurrean, zerbait gehiago egiteko erantzukizuna sentitzen nuen. Gogotsu igartzen zaie. Beste errealitate bat ezagutzeko modu bat da, eta aberasgarria izango dela uste dut, esan du Unzuetak. eskualdean, litro inguru, guztira. Euskal Herrian, Errigorako kideak oso pozik agertu dira olioaren kanpainako emaitzagaz. Izan ere, iaz baino %65 handiagoa izan da parte-hartzea. Urtez urte, kontsumitzaile-sarea egonkortzen ari da, adierazi dute arduradunek. Nafarroa hegoaldetik Nafarroa hegoaldeko produktuak eguneroko kontsumo ohituretara ekartzea da Errigorakoen asmoa, etekinagaz ekoizleei bultzada emateko eta euskalgintzari laguntzeko. Maiatzaren 12tik 24ra bitartean izango da hurrengo kanpaina, kontserbena, hain zuzen ere. DURANGALDEA J.Derteano La Otra Mirada elkarte humanitarioak eskola materiala batzeko kanpaina abiatu du. Senegal hegoaldeko eskola batera bidaliko dute batutako guztia. Eskola materiala batzeko kanpainak apiril amaierara arte iraungo du. Durangaldeko hainbat ikastetxe eta liburu -dendetara gutunak bidali dituzte, ekimenean parte hartzeko gonbita egiteko eta materiala biltzeko guneak bertan jarri ditzaten eskatzeko. La Otra Miradak Mongolian zentratu izan ditu bere ekimenak, batez ere, baina, iaztik, Senegaleko ikastetxe batzuetako egoera hobetzeko lanean ere badabiltza. Izan ere, bazkide bat senegaldarra da, eta hango beharrizanak azaldu zizkien. La Otra Miradako kideak Senegalen ere izan dira hango egoera bertatik bertara ezagutzeko. Horrela, aurten, Senegal hegoaldean dagoen herrixka bateko eskolarako materiala batu eta bidaltzeaz gainera, argindarra izan dezaten eguzki Ikastetxe eta liburu-dendetan billgune puntuak jarriko dituzte apiril amaierara arte -panelak jartzeko ahaleginetan ere ari gara, La Otra Miradako Elena Ariznabarretaren esanetan. Izan ere, herrixka horretan ez dute, gaur egun, ezelango argindarrik. Gazte Danbadarako deia egin du Ernaik Laudion egingo da topaketa, hilaren 25etik 28ra DURANGALDEA M.O. Ernai eta Aitzina gazte erakundeek Gazte Danbada topagunea antolatu dute, eta martxoaren 25etik 28ra egingo da, Laudion (Araba). Durangaldeko Ernaiko kideek ere hara joateko deialdia egin dute. Azaldu dutenez, etorkizuna gaurtik lantzen hasi gura dute: Bizi dugun egoera prekarioan, esna egotea ezinbestekoa da. Formazioa aisialdiagaz bateratuko dute, eta kontzertuetan, Durangaldeko Pixontxis eta Nevadah taldeak egongo dira. Durangaldeko Ernaiko zenbait kide, deialdia zabaltzeko argazkian. MARTXOKO SARIAK Anbotoren lagunak Tel.: UR URDAIBAI. JARDUERAK URDAIBAIEN Urdaibaiko ibaiaren jaitsiera Kayak / Kanoa / Sup 7 pertsonentzat. HITZ LIBURU-DENDA. LIBURUA ETA CDa Patrick Modianoren Dora Bruder liburua eta Esne Beltzaren Esna CDa. EROSKI. SUKALDEKO ROBOTA Thermogrind Prixton 1,7L. Berehalako saltsa, zopa eta irabiakiak. SALTSAN KATERIN. EGUEN SALTSAN Kalitate handiko produktuen dastaketa, 2 pertsonentzat. 4 egile-pintxo, 2 ardorekin lagunduta. UNAMUNZAGA HORTZ-KLINIKA. ESKUILA ELEKTRIKOA Hortzetako eskuila elektrikoa PC800 sensitive ORAL-B. ABANTAILAK Deskontuak Durangaldeko zein eskualdez kanpoko hainbat saltokitan. Deskontuak Anboton argitaratzen diren iragarki labur ordainduetan eta eskeletan. Hilero egingo diren zozketetan parte hartzea. Durangaldeko egutegia eta turismo-gida opari.

7 2016ko martxoaren 18a, barikua anboto Herririk herri 7 Biblioteka sei hilabetez itxiko da, berrantolaketa lanengatik Apirilaren 15ean etengo dute zerbitzua, biblioteka hustu ahal izateko 2001ean zabaldutako liburutegiaren eredua zahartuta geratu da, eta gaurkotu beharra dagoela nabarmendu dute. IURRETA Aitziber Basauri Zahartuta geratu dela-eta, sei hilabetez itxiko dute biblioteka, berrizteko eta gaurkotzeko lanek eraginda. Apirilaren 15ean itxiko dute, baina, lotutako ekintzak mantendu egingo dira. Hala esan dute Iñaki Totorikaguena alkateak eta liburutegiko arduradun Ziortza Onandiak. Ibarretxe kultur etxearen lehenengo solairu osoa hartuko duen liburutegi berriagaz 214 metro lineal irabaziko dituzte, eta orain ez dauden 11 irakurketa-postu ere bai. Azpiegitura berriak 36 ikasketa-toki izango ditu; zazpi ordenagailu eta lau tablet. Erabilera datuen arabera berrantolatu dute lekua, eta argitasuna eman gura izan diote. Ekainaren 1ean aurreikusi dute hiru hilabete luzatuko diren lanekin hastea. Aurretik, baina, dokumentuk osatutako funts bibliografikoa bajatuko dute sotora; baita berrerabiliko dituzten altzariak ere. Ia euro eskatuko dituzten obrak amaituta, irailean eta urrian, funts bibliografikoa eta altzariak jarriko dituzte. Azaldu dutenez, oinarrizko altzari berriak ere erosiko dira ( metro lineal irabaziko dituzte, eta orain ez dauden 11 irakurketa-postu ere bai euro). Urtean-urtean joango dira altzariak berritzen. Urriaren 24an ireki nahi dute biblioteka. LIBURUTEGI BERRIA 640 metro lineal 264 metro koadro 36 ikasketa-puntu 11 irakurketa-puntu 7 ordenagailu eta 4 tablet EPEAK Apirilak 18: funts bibliografikoa sotora bajatzen hasiko dira. Maiatzak 9-31: altzariak desmuntatuko dituzte. Ekainak 1-Irailak 2: obra zibila. Irailak 5-23: altzarien muntaia. Irailak 26: funts bibliografikoa igotzen hasiko dira. Urriak 24: liburutegia irekiko da. Igerilekuaren sakonera 1,70ekoa izango da Hasierako egitasmoa aldatu du udal gobernuak Solatxo beteleku baimena atzera botatzeko eskatu du Udalak ABADIÑO Itsaso Esteban Igeriketa taldeko kideen eskariak entzun ondoren, Astolako igerilekuan egingo dituzten lanei dagokienez, planak aldatu dituela jakinarazi du udal gobernuak. Ohar batean azaldu dute, hasieran iragarri bezala, 1,40 metroko sakonera barik, 1,70ekoa emango diotela, tranpolinen gunean, igerilekuari. Aldaketa hauekin, igeriketa taldekoen eskariak, eta, era berean, Udalaren hasierako helburuak beteko dira, azpimarratu du udalak ohar horretan: Igerian ez dakitenek ere aukera izango dute igerilekua erabiltzeko, edota ikastaro terapeutikoak egiteko. Ur gimnasio bat eta spinning gela bat atonduko dituzte, jarduera horietarako. Orain aste batzuk iragarri zuten bezala, lan horiek eta ohiko garbiketak egiteko, igerileku klimatizatua itxita egongo da, martxoaren 21etik apirilaren 10era bitartean. Adineko emakumearen bila darraite, helikopteroagaz Astebete baino gehiago daramate bilaketa lanetan ABADIÑO I.E. Martxoaren 9tik desagertuta dagoen 70 urteko emakume abadiñarraren bilaketa lanekin darraite Ertzaintzak eta Ibaizabal erreka igarotzen den udalerrietako udaltzaingoak. Ertzaintzak azaldu duenez, azken egunetan bertan behera utzi dute urpekarien bilaketa lana, ibaiak ur asko dakarrelako. Hala ere, emakumearen bila jarraitzen dute, helikopteroagaz, Ibaizabal errekaren ibilgua ikuskatuz. Datozen egunetan ere jardun horregaz jarraituko dute, Ertzaintzaren arabera. Astebete baino gehiago da 70 urteko emakumaren desagerpenaren abisua eman zutela, eta bilaketa lanak ez dituzte utzi. Atzo Ertzaintzak berretsi zuenez, baina, momentuz, ez dago ezelako nobedaderik. Eguaztenean egindako ezohiko bilkura EAJk EH Bilduren jantoki proposamena baztertu du EAJk atzera bota du, kontrako 5 botorekin BERRIZ M.Z. EH Bilduk, Berrizko eskola -jantokietako eredua hobetzea ezinbestekoa dela ikusita, mozio bat aurkeztu zuen, baina onartu gabe utzi du gobernu taldeak. EH Bilduko kideen esanetan, beharrezkoa da jantokien kudeaketa herrian egitea, jakiak bertakoak izatea... EH Bilduren hitzetan, eskola-jantoki eredu berri honek Berrizko gizarte garapenari lagunduko lioke, eta herriko ekoizle, merkatari eta guraso elkarteek lankidetzan sortuko lukete proiektua. Gainera, aste honetan egindako ezohiko udalbatzarrean, EH Bilduko kideek adierazi dute nekez ipiniko dutela martxan herrian komertzioei onura gehiago ekarriko dion beste proiekturik. EAJko kideak ezohiko bilkuran proiektuaren helburuarekin ados agertu diren arren, Orland Isoird Berrizko alkateak EH Bilduko kideei erantzun die mozio horretako zenbait puntutan beharrezkoa dutela hausnarketa sakonagoa egitea, eta beraz, ezin dutela, momentuz, proiektu berri hau onartu. Apirilaren 14ko batzorde orokorrean hitz egingo dutela adierazi die EAJk beste alderdiei. ATXONDO J. Derteano Eusko Jaurlaritzako Ingurumen Sailak Solatxo inguruan Atxondo eta Elorrio artean, Memaiatik gertu isurtegia egiteko baimena eman die obrako arduradunei, bertan AHTko lanetatik ateratako lurrak bota ditzaten metro kubiko bete daitezke, guztira. Udalak baimena bertan behera uzteko, eta horretarako espedientea berriz hutsetik hasteko eskatu dio Jaurlaritzari. Udaleko batzorde irekian erabaki zen bide hori hartzea Gobernu Taldeak (EH Bildu) horren alde eginda. Baimena bertan behera geratu dadila eskatzeko, hainbat arrazoi jasotzen dituen txostena bidali dute. Batetik, ez daukate Uraren Euskal Agentziaren eta Jaurlaritzako biodibertsitate zerbitzuaren baimenik, Dabid Cobos alkatearen esanetan. Bestetik, AHTa egiteko, ingurumen inpaktuarekiko txostenean betelanak egiteko hiru kokaleku posible jasotzen ziren, eta Solatxokoa ez da horietako bat: Ingurumen txostenaren kontra doa. Azkenik, ingurumen txostenak dio betelanak ezin diela basoei eragin, eta gune hartan badago baso bat.

8 8 Herririk herri 2016ko martxoaren 18a, barikua anboto Neurriak hartu ditugu lur-jausiak errekaren bidea hartu ez dezan Lur-jausi batek 300 metro kubikoko lur mugimendua sortu du, Mallabian Osmatik Mallabarrena poligonora bitartean sortutako lur-jausiak bidea moztu du. Ermuberri. MALLABIA Paul Bustindui Pasa den asteko euriteen ondorioz sortutako lur-jausiek kalte larriak sortu dituzte, Mallabian. Ondorioz, herrigunetik Osmara doan errepidetik Mallabarrena poligonoraino dagoen 500 metro koadroko eremua isolatuta gelditu da. Lur mugimendu horren eraginez, bide bat moztuta gelditu da, eta auzoguneko etxe bat isolatuta. Mallabiko Udala, Bizkaiko Foru Aldundia eta Ur agentzia elkarlanean ari dira otsaileko lur-jausiek Mallabian eragindako kalteak konpontzeko. Udalak, geologoen ikerketa eskatu ondoren, hondeamakina martxan jarri zuen egoera normaltasunera itzultzeko metro kubiko lur mugitu direla aurreikusi dute. Lur honek mugiarazi dituen materialek errekaren bidea jarraitu ez dezaten, neurriak indartzeko erabakia hartu dugu. Lurrarekin nahastutako urak bide bat oztopatu lezake, eta horrek Mallabarrena industrialdean arazoak sortu litzake, adierazi du Igor Agirre alkateak. Kalteak Goitondon Mallabarrenakoaz gain, Goitondo industrialdean ere beste lur-jausi bat gertatu zen. Onandi baserriko Eñaut Gallastegik pabilioiko atzeko partean lur-jausia izan zuen. Orain kaltzatu egin dute eta eguraldi ona etorri arte itxaron beharra dago, dio Gallastegik. Bere gazta fabrikak sortutako kalteak konstruktoraren kargu daudela adierazi du. Dena dela, beste lur-jausi baten beldur dira oraindik Onandi baserrian: Iturburu bat aurkitu dute azpian, eta drainatzea egin beharko dute. Anfiteatroa estaltzeaz kontsulta MALLABIA J. Guenetxea Mallabiko Udalak herritarrei kontsulta egiteko asmoa du, parke inguruan dagoen anfiteatroa estaltzeari buruz. Udaletik azaldu dutenez, kontsulta honetan, herritarrek proposamen posibleei buruzko ekarpenak eta iradokizunak egiteko aukera izango dute. Herritarren ekarpenak gaurtik domekara bitartean jasoko dituzte. Kontzejuzarreko lokalera hurreratu beharko dira herritarrak anfiteatroa estaltzearen inguruko iradokizunak helaraztera. Goizez zein arratsaldez jarri dute zita. Gaur, 18:00etatik 20:00etara jarri dute hitzordua. Bihar, zapatua, 12:00etatik 14:00etara eta 18:00etatik 20:00etara. Domekan, berriz, 12:00etatik 14:00etara. IV. Landare eta Lorezaintza Azoka apirilaren 17an egingo da Ginkanagaz hasiko dute Gaztetxeko 28. urtemuga Gaztetxeak 28 urte bete dituela ospatuko dute Kantu-potean elkartuko dira herritarrak gaur arratsaldean Pentsamendu positiboa landuko dute ikastaro batean GARAI M.O. Apirilaren 17an egingo da Garaiko IV. Landare eta Lorezaintza Azoka, aurreko urteetako arrakasta errepikatu guran. Urkiola landa garapeneko elkarteak, udalak eta Trumoitte kultur elkarteak antolatzen dute ekitaldia. Landareen ekoizleak etorriko dira Garaira, eta jarduera horretarako beharrezko diren tresnak ere ikusgai egongo dira. Goizeko 10:00ak inguruan hasi, eta eguerdira arte egongo da azoka zabalik. Gainera, berbaldi bat ere eskainiko du Lur2000 enpresako Ramon Zearretak, lorategien mantenu erraz eta ekonomikoaren inguruan. ELORRIO M.O. Elorrioko Gaztetxeak 28 urte bete ditu aurten, eta urtemuga hori bihar ospatuko dute egun osoko jaialdi bategaz. 28 baino askoz gehiago lemapean iragarri dituzte ekitaldiak, eta ginkana bategaz hasiko dute jaia. 10:00etan batuko dira plazan, ginkanako jolasetan parte hartzeko. Jolasetan ibili ostean, indarrak hartzeko sasoia edukiko dute. 13:00etan poteoa egingo dute, eta 14:30ean bazkaria, kiroldegian. Aurretik, 14:00etan, omenaldia burutuko dute, San Josen. 18:00etan talde argazkia aterako dute, Gaztetxean bertan, eta segidan, kontzertu akustiko bat entzun ahalko dute. Argazkia aterako dute Gaztetxean, eta segidan, kontzertu akustiko bat entzun ahalko dute Dinero taldea, zuzenean Gauez, kontzertuekin jarraituko du jaiak. Bertan, Pixontxis elorriarrak eta Dinero taldea igoko dira taulara. Ekain Elorza berriztarraren taldea da Dinero, Madrilen agertoki musikalean sortutakoa. MAÑARIA M.O. Jai giroan murgiltzeko gogoa dutenek aukera itzela edukiko dute, gaur, Mañarian. Izan ere, kantu-poteoan elkartuko dira hainbat herritar, 19:30ean hasita. Tabernarik taberna ibiliko dira, trago batzuk hartu eta abesteko asmoz. Zenbait herritarrek eta tabernarik sustatu dute ekimena, eta Herriko tabernan ipini dute lehen geralekua. Bestalde, apirilaren 16an, Launa upategira irteera egingo dute jai batzordeak antolatuta, eta, gaur arratsaldean, apuntatzeko aukera eskainiko dute. Plazan egongo dira txartelak saltzen, 19:00etatik 19:30era bitartean. IZURTZA J.Derteano Durangaldeko Amankomunazgoko Pertsona Nagusien Dinamizazio Sailak urteko lehen ikastaroa garatuko du, Izurtzako nagusien lokalean, apiriletik aurrera. Edozein adinetan bizitzari baikortasunez begiratu behar zaiola erakustea du helburu, eta modu horretako jarrerak, emozioak eta pentsamendu positiboak lantzen lagunduko dute. Ez dago pentsamendu positiboak baino sendagai hoberik dio ikastaroaren goiburuak. Ikastaroa apirileko eguen denetan (apirilak 7, 14, 21 eta 28) emango dute, 17:00etatik 18:30era. Izen-ematea doakoa izango da.

9 2016ko martxoaren 18a, barikua anboto Herririk herri 9 Udal Kutxari euro bueltatu beharko dizkio udalak Iaz baino diru gutxiago izango du udalak inbertsioak egiteko Hiru zinegotzi jeltzaleen babesagaz onartu zuten EH Bilduko gobernu taldeak proposaturiko udal aurrekontua. ZALDIBAR Itsaso Esteban Aitor Arizmendiarrieta Ogasun arloko zinegotziak azaldu duenez, udalaren zerbitzuak eta herriko elkarteak laguntzera bideraturiko diru kopurua mantentzea da guztira, ia euro koa den 2016rako udal aurrekontuaren helburua. Arizmendiarretaren berbetan, Bizkaiko Aldundiak iaz egindako aurreikuspen okerraren erruz, aurten, Udal Kutxari euro bueltatu behar izateak udalaren inbertsioetarako aukera murriztu du: iaz, euro zeuden inbertsioetarako aurreikusita, eta, aurten, euro bideratuko dituzte inbertsioetara. DURANGALDEA ASTEON Euskara bultzatzeko bideo lehiaketa, abian BERRIZ Euskara bultzatzeko bideo lehiaketa antolatu du udalak. Lehiaketako gaia euskara izango da: egunerokotasunean, erosketak egiterakoan, jolasterakoan, parranda egiterakoan... herrian euskara nola erabiltzen duten erakutsi beharko dute berriztarrek. Apirilaren 8ra artekoa da bideoak aurkezteko epea. Eguazteneko osoko bilkuran onarturiko aurrekontuaren arabera, honakoak izango dira Zaldibarko Udalaren 2016ko inbertsio nagusiak: herritarrek partaidetza foroetan erabakitako hamar proiektuak gauzatuko dituzte (kale garbiketarako makina bat erosi, Olazar ingurua atontzen amaitu, pintadak garbitu, edo eskolako itxitura atonduko dute, besteak beste), Hiri Antolamendurako Plan Orokorra idazten amaituko dute, kale argiteria berritzen jarraituko dute, eta lau urterik behin egiten den euskararen kale neurketa burutuko dute, besteak beste. EH Bildu eta EAJko ordezkariek bozkatu zuten aurrekontu proposamenaren alde, eta abstenitu egin zen PSE-EE. Omniaren mozioa A8 autobideko bidesariari buruzko bi mozio, eta PSE-EEk urgentziaz aurkezturiko hirugarren bat ere bozkatu zituzten eguazteneko osoko bilkuran. EH Bilduk, EAJk eta PSE-EEk, aho batez, egin zuten Omnia taldeak aurkezturiko idatziaren alde. Bi eskari egin ditu, beraz, Zaldibarko udalbatzak: Gerediaga-Ermua tartea erabiltzen duten garraiolariei diru-laguntzak, eta tarte horretan autobidea erabiltzen duten norbanakoei deskontuak eskaini diezazkiela Aldundiak. Dantzariak bazkalorduan hartzeko izen-ematea ABADIÑO Apirilaren 10ean ume dantzarien XVI. jaia egingo dute, Traña-Matienan. Ohi bezala, beste herri batzuetatik etorriko diren umeak herriko etxeetan bazkalorduan hartzeko izen-ematea hasi dute. Apirilaren 5a baino lehen, Traña-Matienako Errota kultur etxean, Petiterenean edo Hezgarrin egin daiteke. Sei urteko auziaren ostean, udalari eman dio epaileak arrazoia ZALDIBAR I.E. Zaldibarko Udalak Zaldua plazako 7, 8 eta 9. zenbakiko eraikinaren jabeagaz, Durangoko PPko zinegotzi ohi bategaz, urtetik epaitegietan eduki duen auzia udalaren aldeko sententziagaz eman du amaitutzat EAEko Auzitegi Nagusiak. Udalak 2010etik eskatu bezala, teilatua eta fatxada konpontzea eta eraikina habetzea agindu dio epaileak jabeari. Agindua bete ezean, Zaldibarko Udalak isuna jarriko dio jabeari urtean Zaldibarko Udalak emandako aginduaren kontrako errekurtsoa aurkeztu, eta eraikina erortzeko zorian dagoela adieraztea eskatu zuen jabeak, 2012an. Eraikina ez dagoela hondamen egoeran, eta jabeak bere betebeharrak dituela defendatu du, sei urtez, udalak. Ahotan darabilguna bezalako kasuetan, jabeek, sarritan, eraikinak bertan behera utzi, eta hondamen deklarazioaren ostean, zaharra eraitsi eta etxe berria eginez espekulatu egiten dutela azpimarratu du EH Bilduko udal gobernuak. Horregatik, sententzia hau oso inportantea dela uste du Zaldibarko udalak. Bere abokatuarekin hitz egin arte ez duela ezelako adierazpenik egingo adierazi dio zinegotzi ohiak ANBOTOri. Aste Santuan udalekuak izango dira Atxondon ATXONDO Marixurrikek Aste Santuan udalekuak antolatuko ditu, lehenengoz, Atxondon, martxoaren 29tik apirilaren 1era. Sukaldaritzan eta elikadura subirautzan oinarrituko dira. Esaterako, herriko nekazariei produktuak erosi eta Arrazolan kozinatukoo dituzte. Informazio gehiago: eta SEI HANKAKO MAHAIA DANI MAEZTU EH Bildu Udal legea Udalak dira herritarrengandik hurbilen dauden administrazioa. Horregatik, hain zuzen ere, hainbat zerbitzu ematen dituzte. Baina, eurei dagokie zerbitzu horiek ematea? Orain arte ez da egon legerik eskumen esparru hori era zehatz batean ezarri duenik. Horren ondorioz, beste administrazio batzuek aldarrikatu ahal zuten eskumen hori edota, bikoiztasunak sortuz, zerbitzu berdinak eskaini. Testuinguru horretan, udalak bigarren mailako erakundeak ziren, administrazio orokorraren eta aldundien azpitik. Eta noski, erabaki ahalmena eduki barik zerbitzuen finantziazioa erabakitzen den organoetan. Herritarrengandik hurbilenak, baina erabaki garrantzitsuetatik kanpo. Datorren hilabetean Gasteizko legebiltzarrean onartuko den tokiko erakundeen legearekin, udalei adin-nagusitasuna aitortuko zaie, eskumen esparru propio batekin, zuzenean edo amankomunean garatu ahal izango dituzten eskumenekin. Baliabide ekonomikoen banaketa egiterakoan ere ahotsa eta erabaki ahalmena izango dute. Horrekin konponduko dira udalek dituzten arazoak? Ziurrenik ez. Baina inork ez du zalantzan jarriko udalek ematen dituzten zerbitzuak. Beste erakunde batzuk ezin izango dira udalen eskumenak zapaltzera etorri, eta horrez gain, zerbitzu horiek finantziazio nahikoa izango dute. Beraz, laster, herritarrei era eraginkor batean zerbitzuak eskaintzeko beste tresna baliagarri bat edukiko dugu. 35 urteren ondoren, herriekin, herritarrekin pendiente geneukan zor bat kitatuko dugu. IRITZIA Fotodenuntzia Bilboko kale bat Aste Nagusian dirudien arren, Zaldibarko futbol zelai ondoko kalea da, astelehen honetan 19:00etan. Dagokionak zerbait egin beharko luke, sarritan errepikatzen den egoera lotsagarria baita. Pello Maguregi (Zaldibar) astekaria@anboto.org asteartea 17:00ak arteko epea Zure iritzia, gutuna edo fotodenuntzia helarazteko helbideak: Bixente Kapanaga 9, Iurreta Izen-abizenak telefonoa helbidea Nortasun Agiriaren zenbakia DATUOK BARIK EZ DA GUTUNIK ARGITARATUKO Alderdi, elkarte edo taldeko iritziak kide baten izenean sinatuta eta ANBOTOren irizpideen arabera zuzenduta publikatuko dira. Bidalitako testuak ezingo du karaktere baino gehiago izan (tarteak barne). ANBOTOk ez du bere gain hartzen kolaboratzaileen zutabeetan, iritzi artikuluetan edo gutunetan adierazitakoen eta emandako iritzien erantzukizunik.

10 ko martxoaren 18a, barikua anboto Berbaz Itziar Astigarraga (1962) eta Susana Garcia-Obregón (1976) Biocruces osasun ikerketa zentroko ikerkelariak Farmazia ikerketak ez dira horrenbeste bideratzen haurren gaixotasunetara Durangon sortutako Marea Laranjak BioCrucesen haur-minbiziari aurre egiteko bi ikerketa proiektu bideratzea lortu du res gehiago. Farmazia ikerketak ez dira horrenbeste bideratzen haurren gaixotasunetara. Beste minbizi mota batzuetan jartzen dute arreta: bularreko minbizia, biriketakoa, kolonekoa... Horren aurrean, La cuadri del hospi eta halako elkarteen lana ezinbestekoa da? I.A.: Miresgarria, itzela da horien konpromisoa, lana eta dedikazioa. EAEn, umeen minbiziari aurre egiteko ikerketa garapenerako balio handia duen funts ekonomikoa lortzen ari dira. Ezin genuen amestu ere egin horrelako aldaketa sozial handia, eta gizarte ekimenek lortzen duten elkartasuna. BERBAZ Aitziber Basauri Urtea bete du Marea Laranjak. Haur-minbiziaren kontrako borrokan, ikerketa mediko-zientifikoa finantzatzeko sortutako ekimen hark eragin itzela izan zuen Durangon, eta elkartasun olatuaren erakusle izan zen. Orduan batutako dirua BioCruces osasun ikerketa zentroan garatutako bi ikerketa proiektu finantzatzera bideratu zen. Biocruceseko Onkologia Pediatrikoaren ikerketa taldeko arduraduna da Itziar Astigarraga (Gurutzetako ospitaleko Pediatria zerbitzuburua eta umeen onkologoa), eta taldeko biologia-ikertzailea Susana Garcia-Obregon. Zeintzuk dira Marea Laranja hark lagundutako proiektuak? Itziar Astigarraga: Umeen leuzemietan oinarritutako proiektu bi abiatu ditugu. Itzela izan zen Marea Laranja, eta herritarren elkartasuna, miresgarria. Horri esker, Asparraginasak leuzemia eta linfometan erabilitako farmako nagusienak duen papera ikertzen ari gara lehenengo proiektuan. Horren eragina desberdina da batzuengan edo besteengan. Gaixo batzuk antigorputzak sortzeko gai dira, eta ez diote uzten farmako horri zelula gaiztoak suntsitzen. Susana Garcia-Obregon: Horrez gain, badaukagun material genetikoa berreskuratzeko 10 urteotan leuzemia diagnostikatu zaien horiena metodo berri bat du aztergai bigarren proiektuak. Leuzemien zelulen aldaera genetikoak ikertuz gero, azaldu egin liteke zergatik duen minbizi horrek eragin handiagoa ume batzuengan besteengan baino. Eta, zergatik erantzuten dioten hobeto edo txarrago tratamenduari, mikroskopioan zelula horiek berdinak diruditen arren. Eta zein fasetan daude? I.A.: Ikerketa hauekin hasteko aukera izan dugu La cuadri del hospi elkartetik egitasmo bakoitzerako lortutako euroei esker. Asparraginasaren jarduera entzimatikoa neurtzeko ikerketa metodoen aukerak aztertzeko lehenengo pausoak eman dira. Interesa izan dezaketen beste talde batzuekin ere jarri gara kontaktuan analisiak garatzeko era onenak ebazteko. S.GO: Bestalde, izapide asko behar dira ikerkuntza proiektuen aurreneko faseetan, EAEko Ikerketa Klinikoetarako Batzorde Etikoak onartu behar dituelako ikerketa guztiak. Esperimentuekin hasita gaude, zati batean. Hala ere, ditugun laginetan esperimentuak egin aurretik leuzemia gainditu dutenena, tratamenduan dauden gaixoena edo hil direnena, beharrezkoa da proposatutako metodoa balioztatzea. DNA ateratzeko proposatutako metodoak osasuntsu dauden pertsonengan balio duela baieztatu dugu lehenengo proiektuan; eta, datozen hileetan, proba gehiago egingo ditugu funtzionamendu ezin hobea egiaztatzeko. Gero, familiekin jarriko gara hartu-emanetan. Umeen leuzemietan ikertzen jarraitzeko lehenengo pausoak izango dira hauek Epe luzerako egitasmoak dira. I.A.: Ikerketa hauetarako, urte bi aurreikusi dira, baina, umeen leuzemietan ikertzen jarraitzeko aurreneko pausoak izango dira. Zelan lagundu dezakete haur -minbiziari aurre egiten? S.GO.: Ikerketa ezinbestekoa da gaixotasunen ezagutzan aurrerapausoak emateko, eta ahalik eta pertsona gehien osatzeko terapia berriak diseinatzeko. Ikerketarik gabe, ezin dira biziraupen tasak hobetu; ezta zelula gaiztoak suntsitzeko tratamendu eraginkorragoak lortu ere; minbizia duten umeentzat horren toxikoak ez direnak. Hala ere, ikerketarako inbertsioak ez dira nahikoak, ezta? S.GO.: Gurago genuke ikerketan eta berrikuntzan gehiago inbertitzea. Badira Eusko Jaurlaritzak, Espainiako Gobernuak eta Europako Batasunak deituta, ikerketa finantzatzeko deialdiak; baina, oso lehiakorrak dira eta oso zaila da dirua lortzea. Minbiziari dagokionez, helduen artean ohikoenak diren minbizi motetan dago inte- Kontzientziazio lan handia da egindakoa? I.A.: 25 urtetik gora dira haur -minbizian lan egiten dudala, eta asko pozten naiz gaixo eta senideen elkarteek egindako kontzientziazio lanari esker emandako aurrerapen handiagaz. Asko laguntzen diete beste familia batzuei, eta bizitzako lehenengo urteetan minbizia izateak eragiten duenari ikusgaitasuna ematen diote. Denon artean, umeek bizimodu normalagoa izatea lortzen ari gara. Hezur-muin ematea nola doa? I.A.: EAEn harro egon gaitezke gizartearen elkartasun mailagaz. Eredu gara munduan, donazioetan; hezur-muin ematean ere bai, baina hobetzen jarraitu gura dugu. Nahi baino e gutxiago daude. Askok zalantzak dituzte, eta La cuadri del hospi eta bestelako ekimenen lana oso garrantzitsua da beldurrak uxatzeko; informatzera edo e egitera animatzeko. Umeek nola bizi dute gaitza? I.A.: Umeak eredu dira gu guztiontzat. Gaitzari baikor eta ausart egiten diote aurre. Itxaropenari eusten diote, irribarretsu, eta beste guztiok animatzeaz arduratzen dira. Nerabezaroan izan daiteke zailena: aldaketa handia bizi dute, bizimoduan mugak sortzen ditu, eta minbiziaren mehatxuaz gehiago jabetzen dira. Familiaren eta lagunen babesa funtsezkoa da.

11 2016ko martxoaren 18a, barikua 11 Kirola MugarraTTko Ariznabarreta eta Frades garaipen bikoitzaren bila Mugarra Triatloi Taldeak etxean ditu duatloia irabazteko faboritoetako bi Ariznabarreta eta Frades, garaipenerako hautagai nagusienetakoak. Urrutia neba-arrebak Euskadiko txapeldun Markel Rodriguez hirugarren Espainiako Kopan TXIRRINDULARITZA M.Z. Markel Rodriguez txirrindulari abadiñarrak hirugarren bukatu du kadete mailako pistako Espainiako Kopan. Maila honetan lehen urtea duen txirrindulariak Bizkaiko selekzioarekin lehiatu ditu Galapagarreko, Mallorcako eta Tafallako lasterketak. Pasa den asteburuan izan zuten azken lasterketa, Tafallan, eta Bizkaiko txirrindulariak sasoi betean dagoela erakutsi ESKALADA J. D. Euskal Mendizale Federazioak antolatuta, Euskal Herriko Bloke Txapelketa eta Bizkaiko Opena jokatu zituzten, joan zen zapatuan, Bilboko Piugaz boulderrean. Elorrioko Erdella MT-ko eskalada taldeak hainbat ordezkari izan zituen, eta gazte mailetan emaitza bikainak lortu zituzten. Aitziber Urrutia, 16 urtez azpikoan, eta Martin Urrutia, 18 urtez azpikoan, Euskal Herriko txapeldun geratu ziren, eta Bizkaiko opena ere irabazi zuten. Neba-arrebak dira. 14 urtez azpikoan, berriz, Jone Garitaonandia nesketan eta Borja Bernalte mutiletan Euskal Herriko azpitxapeldun geratu ziren, eta Bizkaikoa irabazi zuten. Aparteko aipamena merezi du Marta Kamararen lanak. 15 urtegaz maila absolutuan parte hartu, eta Euskal Herriko txapelketako podiumera igotzea lortu zuen, hirugarren postuan. Bizkaiko Openeko bigarrena izan zen. Gaztetxoenen artean ere badago nor goraipatu. 12 urtez azpiko mailan, Ainhize Belar Bizkaiko lehenengo postuan geratu zen, eta Amaia Gaubeka hirugarren. zuen. Puntuaketa proban, tropelari aurre hartu eta hainbat itzuli bakar-bakarrik egin ondoren, erraz irabaztea lortu zuen. Horrez gain, hiru jardunaldietan erakutsitako erregulartasunari esker, hirugarren postuan amaitu zuen. MARKEL RODRIGUEZ Markel Rodriguez ez zen izan podiumera igo zen bakarra. Ziortza Isasi elorriarrak bigarren postuan bukatu zuen jardunaldia. DUATLOIA J. D. Bihar, Gorka Uribeetxeberriaren oroimenezkoa den duatloia jokatuko dute, Durangon. Mugarra Triatloi Taldea da antolatzailea, eta talde barruko duatleta bi dira maila absolutuan irabazteko faboritoetakoak: Gurutze Frades iurretarra emakumeetan eta Oier Ariznabarreta durangarra gizonetan: Gaitza izango da, maila handia dagoelako, baina polita litzateke garaipen bikoitza lortzea, onartu du MugarraTTko Serafin Bereziartua Txela -k. Itxaropentsu egoteko arrazoiak dituzte. Distantzia laburreko duatloia da ( ), eta Gurutze Fradesek Euskadiko Goian Martin Urrutia erdian, eta behean Aitziber Urrutia erdian. Garciak aseguru barik lehiatzeari uko egin dio Ondorioz, taldeak kaleratze gutuna bidali dio TXIRRINDULARITZA J. D. Egoitz Garciak (1986, Atxondo) Al Marakeb taldeagaz kontratua sinatuta du. Orain 15 egun, Aljerian denboraldiari ekiteko prest zegoela, bere taldeak Espainiako federazioan ez ziola lizentziarik eta asegururik tramitatu jakin zuen. Ez berari eta ez Alain Santamaria taldekide errioxarrari. Biek etxera itzultzea erabaki zuten: Ez genuen txapelketa irabazi berri du neurri horretan. Oñatin jantzi zuen txapela, joan zen asteburuan. Bere ibilbideko hirugarrena du. Aurreko biak Durangon lortu zituen, 2012an eta 2013an. Oier Ariznabarretak lehenengo garaipena luke Durangon. Kros denboraldi bikaina osatuta, duatloietan ere indartsu dabil. Orain asteburu bi, Eibarko duatloia irabazi zuen. Guztira, 200 parte-hartzaile batuko dira. Emakumeen proba 15:30ean hasiko da, Ezkurdin, eta gizonena 15:40an. Lehenengo, Orozketara birritan egingo dute joan-etorria, korrika. Ondoren, bizikletan Elorrio, Miota, Garai eta Goiuritik itzulia egingo dute. Korrikako azken tartea Durango barruan da urte artekoentzako duatloiak ere antolatuko dituzte, 13:30etik aurrera, urtero legez. Izen-ematea Ezkurdin egin daiteke 09:00etan hasita. arriskatu nahi, dio. Ondoren, askotan saiatu da taldeko ordezkariekin hitz egiten, egoera bideratzeko. Dokumentuak bialduz gero, bera prest zegoen tramitazioa egiteko. Erantzunik ez, astelehenera arte: kaleratze gutuna bidali zioten Aljerian lehiatzeari uko egiteagatik. Ez du sinatzeko asmorik, eta kasua UCIren aurrera eramateko asmoa du. ADITUAREN TXOKOA ENERITZ ITURRIAGA Elkar Kirolak emakumeen taldeko zuzendaria Non dago profesionaltasuna? Orain 15 urte, nire bizitzako erabaki garrantzitsu bat hartu beharra izan nuen. Benetako txirrindulari profesionala izan nahi banuen, Europa mailara joan behar nintzen. Pentsatu eta egin! Beti izan naiz gauzak argi eduki dituen pertsona, etxean ikasitako diziplinak lagunduta. Gogoan ditut Italiako lehen hile kaxkarrak: entrenamenduen gogortasuna, taldekideen arteko lehia, eta, batez ere, bertan zegoen profesionaltasuna. Hemen bizi izandako guztiak ez zuen zerikusirik hango txirrindularitzarekin, eta moldatu beharra izan nuen. Eta bai, profesionaltasuna. Hori da askotan desberdintzen gaituen hitza. Imajinatu une batez, zure lankidearekin arazo asko eduki eta gero, lanean elkar ikusten duzuela, arazorik barik? Gai izango zinatekete hori egiteko? Gogorra ezta? Gaur egun dauden arazo guztiekin... Horrek markatu egin ninduen, eta erreflexio puntua izan zen. Urteak joan ahala, gero eta profesionalago bihurtu nintzen, eta ate ugari zabaldu zizkidan. Ikasi nuen bai, eta oso ondo, bizikleta gainean talde bat ginela, baina hortik kanpo ez genuela zertan lagunak izan. Hori izan da beti desberdindu nauena kirol honetan, eta horregatik, horixe bera da nire taldeko neskei erakusten diedan lehen puntua. Orain, lan eta talde inguruetan, profesionaltasun falta ikusten eta bizitzen ari naiz. Oraintsu gertatu zaidan moduan, jende askok ez ditu desberdintzen laneko arazoak hortik kanpoko bizitzagaz. Gertatuak gertatu, beti burua altxatuta defendatuko ditut nire postura, idealak eta 10 urtez bizikletan Europa mailan igaro ditudan gauza on eta ez hain onak. Hori da eduki dudan bizitzaren ikasgairik politena. Profesionaltasun hori daukagunok, bizitza beste modu batera bizitzen dugula, egon seguru. Esperientzia hori probatzera animatzen zaituztet!

12 12 Kirola 2016ko martxoaren 18a, barikua anboto Lehior Elorriaga Beste familia batzuk hondartzara joaten ziren moduan, gu kart-ean ibiltzera joaten ginen Autoa, errepidea eta erronka bat; Pedro eta Igor Urien aita-semeek ez dute gehiagorik behar beren pasioari bidea emateko ELKARRIZKETA J. Derteano Automobilismoa zaletasuna baino gehiago da Pedro (1960, Berriz) eta Igor (1994, Abadiño) Urienentzat: pasio handiz bizi duten mundua da. Asteburuan kotxean ibiliko naizen ilusioagaz pasatzen ditut astegunak, dio Igorrek. Pedro, bere sasoian, pilotua izan zen. Bide bera hartu zuen semeak, eta Europako txapelketa lehiatzera heldu zen, diruak talentuaren adinako garrantzia duen zirku zoroan. Finantziazioa aurkitzea odisea da, eta aitak, amak eta hirurek mirariak egin behar izan dituzte, urtero urtero, Igorrek bolantea izan zezan. Lan nekagarria da motor munduko establishment-etik kanpora dagoenarentzat. Aurten, bere ibilbideari buelta bat ematea erabaki du Igorrek. Euskal Herriko txapelketako lasterketak lehiatuko ditu: Gozatzea dut helburu. Hutsetik hasi duten prototipo berrian buru-belarri lanean aurkitu ditugu aita -semeak: Urte eta erdi zabiltzate auto honetan lanean. Zelan moldatzen zarete? Eztabaida asko? Pedro Urien: Bueno, azkenean autoek egitura jakin bat dute, eta eskema horri jarraitu behar zaio. Beraz, gauza asko diren modukoak dira. Gainerakoan, betidanik egin ditut kart-ak Igorrentzat, eta badakit zer nahi duen. Kart-ean ibili zen sasoian,berbarik egin barik ulertzen genuen elkar; aurpegira begiratu, eta banekien zer gura zuen. Orain, berdin. Hori abantaila bat da. Zelakoa izango da autoa? Zer aurreratu dezakezue? P.U.: Igorrek lasterketetan pilatutako esperientziagaz, nik dakidanagaz, eta bion artean urteetan ikasi dugunagaz, zerotik abiatutako proiektua da. Detaileak baino ez zaizkio falta. Aste Santu ostean, lehen probak egitea gura genuke. Barketa baten esekidura, egitura tubularra izango ditu, baina Formulako teknologia gehituta. Baina, Europan, antzerako adibide asko daude. Azken batean, Igor eta bion esperimentu bat da. Egoskorkeriatik ere badu: Egingo dugu? Zergatik ez!. Baliabide askorekin eta 10 mekanikarigaz errazagoa da. Baina abentura honetan gu biok gabiltza. Igor Urien: Gure proiektuan, mekanika aldeko gastua ez da hain handia, eta eraikuntza lan dena geuk egiten dugu. Bestela, auto garestiekin, edozein arazok diru asko eskatzen du. Eta aurrekonturik barik ezin daiteke lehiakorra izan. Guk egoera hori bizi izan dugu, eta ez dugu horrelakorik gehiago nahi. Talde handietan-eta inoren menpe egon behar duzu, eta ez du merezi. P.U.: Hemen ez dago motorrarekiko kultura handirik, Katalunian bai P.U.: Momentuz, etxeko baliabideak erabiliz jarraitzea erabaki dugu Maila handietan finantziazioa bilatzea odisea bat da, ezta? I.U.: Bai, maila horietan lehiatzeko diru-laguntzak aurkitzea oso gaitza da. Motor munduarekiko kultura handirik ez dago hemen, Katalunian gertatzen den kontrara, esaterako. P.U.: Katalunian eta Madrilen askoz errazagoa da. Katalunian eta Valentzian, esaterako, motorraren inguruko kultura itzela dago. Hau da, edozein tokitara babesletza edo diru-laguntza eske zoazenean, badakite zertaz ari zaren berbetan. Hemen, zerotik hasi beharra dago, ez dutelako mundu hau ezagutzen. Penagarria da, Euskadin itzelezko afizioa dago eta. Bizkaian indar handia du automozioak, baina I.U: Horixe da ni harritzen nauena. Euskal Herrian automozioak indar handia du, eta jende asko bizi da hortik, baina, hala ere, kultura hori falta da. P.U: Eta ez enpresetan bakarrik. Antzerakoa gertatzen da hedabide batzuetan ere. Futbola eta beste bi-hiru kirol nagusietan zentratzen dira. Ez dute mundu honetako filosofia ezagutzen, eta ez dira sartzen. Alonso, Hamilton eta gutxi gehiago. Baina, interesa behar da benetan zelan funtzionatzen duen jakin eta ikasteko. Hori ere beste harresi bat da. I.U: Beste kirol batzuekin ere gertatzen da. Beitu Alex Txikonek zelako lorpena izan duen Nanga Parbat zortzimilakoa neguan igo duen lehen alpinista izan da eta zer oihartzun izan du hedabideetan? Txikia. Cristiano Ronaldoren gol batek hamaika titular izaten ditu. Autoak eta motorra, pasioz bizi duzuen mundua da. P.U.: Igor umea zela, hobby moduan hasi ginen hirurok: aita, ama eta semea. Asteburuetan, familia batzuk hondartzara joaten ziren moduan, gu kart-ean ibiltzera joaten ginen. Gero, semea hazten joan zen, eta erantzukizunak ere bai. P.U.: CM bategaz hasi ginen zirkuituetan. Aita eta ama mekanikari, eta bera pistan. Eta autotik jaisten zenean, bera ere mekanikari. Baina, gero, gehiagora joan zen. Maria de Villotaren eskolan sartu zen, eta Formula BMWa lehiatu zuen. Horrek dependentzia sortu zigun. Ez zen etxeko gauza bat, kanpoko talde profesionalen baitan geunden. Jakina, hori negozio bat da, eta diru kopuru bat bermatu beharra duzu. Lortu genuen bitartean, ondo. Amaitu denean, beste erabaki bat hartu dugu: momentuz, etxeko baliabideekin

13 2016ko martxoaren 18a, barikua anboto Kirola 13 jarraitzea. Aurrera jarraitzeko modua da. Hor gabiltzan bitartean, zerbait sortzen dela? Aurrera horrekin ere. Igor, pistan zu baino geldoagoak diren pilotuak bestelako baliabideei esker gora heltzen direla ikusteak frustrazioa eragiten du? I.U.: Bai, argi dago frustrazioa eregiten duena, baina, azkenean, beti gertatu izan den zerbait da. Beste askori ere gertatu zaie. Ez gara lehenengoak, eta ez gara azkenak izango. Baina, Kartetan hasi ginen, eta zenbatek esan dezakete Formula 3an denboraldi oso bat egin dutela? Ni horregaz geratzen naiz. Espainiatik nire adineko bi-hiru aritu ginen maila horretan, eta gure baliabideekin horrelako txapelketa batean parte hartu izanagatik pribilegiatu bat naizela uste dut. Pedro, semeak esan izan du sarritan errepikatu diozula oinak lurrean izateko. Zeure esperientziatik diozu? P.U.: Nire ere gertatu zitzaidan-eta. Nire sasoian eta nire neurrian, motorretan lehiatzen nintzen, eta heltzen zen une bat ezin genuela aurrera egin. Beti gauza berdina esaten diot Igorri: Irten eta gozatu. Momentua aprobetxatu behar da. Beti zer gertatuko den kezkatuta bazaude, unea bizitzea ahazten zaizu. Gogoratzen duzu semeak bolantea hartu zuen lehen aldia? P.U.: Etxeko eskabadora handiarekin. Hiru bat urte izango zituen. Bera ez da akordatzen, baina ama bai, eskabadora martxan ipini zuen-eta! (irribarrez). Motor txiki bat ere bazuen hiru urtegaz. Ondoren, kart-ean, lau -bost urtegaz lehenengoz. Igor, etxean halako erreferenteak izanda, autoen mundua umetatik arnastu duzu. Autoen mundua zuk aukeratu duzu, ala berak aukeratu zaitu zu? I.U.: Ez dakit, baina motorra izan duen guztiaren zalea izan naiz beti. Beti erakarri naute. Pedro Urien barketa gorriaren bolantean. Agian, horretan abila nintzelako? Baliteke, ze futbolean benetan eskasa naiz (barrez). P.U.: Edozelan ere, nik ezagutzen ditut motorrean profesional izandako lagunak, eta euren seme-alabek mundu horri buruz ezer jakin gura ez dutenak. Aitak ibilbide luzea izan du motorretan eta autoetan. Badakizu bere historia? Kontatu zalea da? I.U.: Beste batzuek kontatu izan didatenagatik gehiago dakit berak kontatu didanagatik baino. Inoiz aipatu dizkit, baina ez da horretan behin eta berriro tematzen den horietakoa. P.U.: Gurea beste istorio bat zen. Gaur egun motorra hartu, eta mendira buelta bat egiten dutenen antzekoa. Kontua ez zen derrigor helburu batzuk lortzea, lasterketa kopuru bat irabaztea, edo profesional izatea. Katxarro zaharrekin irten eta ondo pasatzea, horixe zen. Eta, aurten, zure Simca-ri surik aterako diozu igoeretan? P.U.: Igoeren txapelketako lasterketa batzuetan parte hartzea da asmoa, bai, baina ikusiko dugu. Beharbada, Igorrek prototipoagaz igoeretan parte hartuko du, puntuan ez dagoela ikusten badugu. Eta ni laguntzen. Inoiz ikusiko ditugu aitasemeak lasterketa berean elkarren kontra? I.U.: Egiten dudan dena, gero, kotxean hobeto ibiltzeko egiten dut I.U.: Euskal Herri mailako motorrean beste gertutasun eta giro bat daude I.U.: Igoeretan posible litzateke Simcak eta prototipoak, biek, parte hartu dezaketelako. Baina, ez dakit zelan ibiliko ginen asistentzia kontuagaz. P.U.: Logistika da arazo nagusia. Simca-gaz nabilenean, berak laguntzen dit, edo alderantziz. Baina biok batera ibilita I.U.: Baina polita litzateke. P.U.: Edozelan ere, bere kaltetan litzateke, ze egurra emango nioke! (Igorren begirada). Nik kontrako apustua egingo nuke. I.U.: Tira, gazteok zartada handiagoa dugula esango nuke, eta galtzeko amorru hori ere gehiago sentitzen dugula. Adin batetik aurrera, disfrutatzea da kontua, beste ezer baino gehiago. P.U.: Ikusi egin behar bakoitzak Igor Urien kart horia gidatzen lau-bost urte zituela. zer auto darabilen. Ez pentsa, Igor Simca probatutakoa da, eta badaki ez dela erraza hura gidatzea. I.U.: Beste sasoi bateko autoa da. Euskal Herriko Rally Txapelketa hasita dago dagoeneko I.U.: Bai, Gabiriakoa eginda dago. P.U.: Aurtengo helburua ez da txapelketa oso bat lehiatzea. Kantabriako txapelketan, nazional mailan, aukerarik sortzen bada, autoa probatzea eta apurka hobetzea da asmoa, hurrengo denboraldira begira proiektua sendotzeko. Baina, egunean egunekoa bizita. Nork daki, ba, datorren urtean zer gertatu daitekeen? I.U.: Mundu honetan ez dakizu zer gertatuko den hurrengo urtean. Horregatik, ez da komeni epe luzeko planak egitea. Igor, esperientzia zabala duzu autoen munduan, baina, oraindik, 21 urte dituzu. Ibilbide luzea aurretik. Zer eskatzen diozu etorkizunari? I.U.: Korritzen dudan bitartean, pozik ibiliko naiz. Asteburuan kotxean ibiliko naizen ilusioagaz pasatzen ditut astegunak. Hori kenduta, lehertu egingo nintzateke barrutik. Behar dudan zerbait da. Hori barik, ez nuke jakingo zer egin. Bizikletan ibiltzen naiz, baina ez nau betetzen. Bizikletan irten naiteke, baina, autoan hobeto ibiltzeko entrenamendu modura. Egiten dudan dena kotxean hobeto ibiltzeko da. Zure semea horrelakoak esaten entzuterakoan, zelanbait zure burua ikusten duzu adin horretan? P.U.: Bai, hauxe delako bizi guztian egin duguna. Ez dago zertan Formula 3 batean lehiatu gozatzeko. Euskal Herriko Txapelketa batean, beharbada, gehiago disfrutatu daiteke. I.U.: Giro onean zabiltza, eta, azkenean, horixe da bilatzen dena. Europako txapelketetan, diru asko mugitzen denez, presio handia dagoenez eta emaitzak lortzeko behar hori dagoenez, jendearekin dagoen giroa ez da berdina. Beren lana egin ostean, etxera doaz denak. Hemengo jendeagaz, ostera, kafe bat hartzeko geratu zintezke, barre batzuk egin beste gertutasun bat dago. Aurrekontuan-eta presio gutxiago izatera, gehiago gozatzen duzu. Zelan egokituko duzu zure gidatzeko modua zirkuitutik errepidera? I.U.: Oraindino ezin dut esan, baina uste dut, motorrean, edozein espezialitate dela ere, badagoela oinarrizko teknika bat denetarako balio duena. Bizitza osoan ikasi eta barneratutakoa zeurekin daroazu beti, zoazen tokira zoazela. Gero, teknika hori findu eta doitu beharra dago, jakina.

14 14 Publizitatea 2016ko martxoaren 18a, barikua anboto GREMIOEN GIDA ARKITEKTURA GARBIKETA LOREZAINTZA ITURGINTZA DEKORAZIOA Profesional onenak zure zerbitzura!

15 2016ko martxoaren 18a, barikua anboto 15 Irune Gurtubai (Elorrio, 1987 Pikadero filmaren ekoizlea Egoerak dira, film honetan, barregura sortzen dutenak Elorrion emango dute Ben Sharrockek zuzendu eta Gurtubaik ekoitziriko Pikadero filma, asteburuan Kultura ZINEMA Itsaso Esteban Atzerriko jaialdietan erakutsi eta gero, zure herriko zinemara ailegatu da Pikadero. Zer sentipen sortzen dizu horrek? Oso pozik gaude filma Euskal Herriko zinemetan ikusgai dagoelako. Munduko zinema jaialdi askotan erakutsi dugu azken hilabeteotan filma, eta, ahal izan dugunetan, pelikularekin batera joan gara geu ere: Europako, AEBetako eta Asiako jaialdietan erakutsi dugu Pikadero. Zelan lortzen da zure filma, esaterako, Georgiako jaialdi batean erakutsi ahal izatea? Filmak aurkezteko epea zabaltzen dute antolatzaileek, eta programatzaileek egiten dute hautaketa. Denetik egoten da jaialdi gehienetan: gurea bezalako film txikiak zein handiak, mundu guztiko ekoizpenak. Zelako erantzuna jaso duzue atzerriko zinema jaialdietan? Oso ona. Jaialdi gehienetan egoten da filma ikusi osteko solasaldia, eta jendeak oso ondo hartu du gure lana. Herrialde desberdinetako publikoak pelikulako umoreagaz barre egitea oso gauza polita izan da. Zelakoa da filmeko umorea? Ben zuzendaria eskoziarra izanda, batzuek esaten dute ikutu ingeleseko umorea dela. Baina, nire ustez, oso euskalduna da filmeko umore mota: pertsonaien elkarrizketetan ez dago txisterik, egoerak dira, film honetan, barregura sortzen dutenak. Baina, pelikulako gaiak barregarritik gutxi dauka... Krisiaren eraginak ez dira barregarriak, baina pertsonaiek egoera horri zelan erantzuten dioten izan daiteke komikoa. Barbara Goenagak eta Joseba Usabiagak antzezten duten bikoteak, krisiaren eraginez independizatu ezinda, elkarrekin egoteko lekua, pikaderoa, zelan bilatzen duten kontatzen du. Munduko zinema jaialdi askotan erakutsi dute azken hilabeteotan, Pikadero. Euskal Herriko gazte askoren errealitatea, zinegile eskoziar batek kontatua. Bikotekide ere bagara Ben eta biok, eta, azken urteetan, Edinburgon eta Euskal Herrian bizi izan gara. Hemen ezagutu zuen Benek pikadero berba, barregarria iruditu zitzaion, eta hortik tiraka idatzi zuen gidoia. Zure ekarpen asko ere izango ditu, baina, gidoiak. Bai, ekoizle gisa, gidoiaren sormen prozesuan ere parte hartu dut ideiak eta iritziak emanez. Neuk itzuli nuen gidoia, eta itzultzaile lana egin dut bilera askotan. Buruz ikasi zuen Benek euskarazko gidoia, baina ondoan izan nau filmazioan ere, hizkuntzagaz laguntzeko. Hasieratik erabaki zenuten euskaraz izango zela filma? Bai, hemengo istorioa izanda, gauza oso naturala izan da euskaraz grabatzea. Zuzendariak ez daki euskaraz, baina gaztelaniaz ere ez, eta beraz, batera zein bestera, zailtasun berberei egin behar genien aurre. Zinema kritikarien laudorioak jaso ditu filmak. Oso pozik gaude. Kritika oso positiboak idatzi dituzte aldizkari espezializatu zein egunkarietan, eta jendea filma ikustera animatzen lagun dezake horrek. Zein da, zure ustez, filmaren indargune nagusia? Film hau desberdina dela, hemen, lehenago egin direnetatik. Uste dut hori ona dela edozein zinema industriarentzat. Zertan da desberdina? Estilo aldetik da desberdina; bereziak dira istorioa kontatzeko modua, aktoreen lana eta filmeko umore mota. Krisiak Euskal Herriko bikote baten bizitzan zelan eragiten duen kontatzen du. Film oso humanoa da, harremanei buruzkoa, eta leku guztietan ulertzen da hori. Zilar Astea amaitzeko, Komiklub fanzineari buruzko erakusketa bat 90eko hamarkadan sorturiko proiektua gogoratuko dute, Plateruenean Durangaldeko komikizale eta komikigileen topaleku izan zen, 1994tik 2001era, Komiklub fanzinea. LITERATURA I.E. Komikigintza ardatz hartuta antolatu dute Zilar Astea, Plateruenean, aurten. Unai Iturriagagaz, Udaberririk ankerrena bere komikiaren inguruko solasaldia egin zuten atzo, Plateruenean; eta astean zehar, Eñaut Aiartzaguena marrazkilari iurretarrak komikigintzari buruzko saioak eskaini ditu, Durangoko eta Iurretako ikastetxeetan. Martxoaren 20an, domekan, Platerueneko eguerdiko jan-edanerako eskaintza osatuz, komikigintzari buruzko azoka eta erakusketa antolatu dituzte. 1994tik 2001era arte Durangon kaleratu zuten Komiklub fanzinaren ingurukoa izango da erakusketa: fanzinaren aleak, marrazkiak, irakurleek bidaltzen zizkieten gutunak, publizitate moduluak... izango dira ikusgai. Durangaldeko komiki eta marrazkigileen elkargune izan zen Komiklub fanzinea. Besteak beste, Jon Roman, Alex Olabarri, Rober Garay, Ismael Iglesias, Xabier Etxeita, Anartz Aranguena edo Ander Lauzirika izan ziren proiektuaren bultzatzaile eta kolaboratzaileak. Arte Ederrak ikasten hasiberriak ziren gazteak ziren euretariko asko. Komiklub fanzinaren ale bi kaleratzen zituzten urtean, eta gaztelaniaz zein euskaraz idatziriko umore beltz eta kritika zorrotzeko binetak izaten ziren. Domeka honetakoaren aurretik, Durangoko Museoan ere egin zuten Komiklub-en inguruko erakusketa bat, orain urte batzuk. Eta proiektuaren inguruko informazioa webgune honetan ere ipini zuten ikusgai:

16 16 Kultura 2016ko martxoaren 18a, barikua anboto Gorka Urbizu (Iruñea, 1977) Peiremans+ musika taldeko abeslaria GEURE DURANGALDEA JON IRAZABAL Gerediagako kidea Laukoteak geldiune bat hartuko du Durangoko Plateruena kafe antzokian larunbatean emango duen kontzertuaren ostean. MUSIKA Paul Bustindui Hamar urteren ondoren, hiru kontzertu jotzeko taularatu zen, berriro, Gorka Urbizuk, Imanol Ubedak, Marino Goñik eta Txikik osatutako Peiremans+ taldea. Azaroan eman zituzten zazpi kontzertuetan jendearen harrera ona ikusita, CDa kaleratzeaz gain, beste hiru kontzertu jotzea pentsatu zuten. Azkena, larunbatean joko dute, Durangon. Plateruena aukeratu duzue azken kontzerturako. Durangon beti jo izan duzue gustura... Bai. Oso gustura izan gara beti, Euskal Herriko aretorik kutunenetakoa baita. Bestalde, Durango beti izan da euskal kulturaren herri garrantzitsua. Tamainaren aldetik ere egokia ikusten genuen, zapatukoa izango baita Peiremans+ taldea zuzenean ikusteko azken aukera. 10 urteren ondoren, zerk piztu zizuen itzultzeko gogoa? Twitter bitartez, jende askok gogorarazi zigun taldearen 10. urteurrena zela. Afari batean geundela, azaroan pare bat kontzertu ematea adostu genuen. Beroaldi bat izan zen. Hasieran pare bat kontzertu ematea espero genuen arren, azkenean, 10 urte igaro eta gero, publikoak harrera bikaina egin digu Bihar, Plateruenean, birako azken kontzertua emango du Peiremans+ taldeak gehiago izan ziren, jendeak harrera itzela egin zigun eta. Zazpi kontzertu jo eta gero, errepertoriorako prestatu genituen bost abestiekin EP bat egitea bururatu zitzaigun. Eta honekin batera, azken hiru kontzertuekin gatoz. Hamar urteren ondoren, harrera paregabea izan dugu. Realak fitxatu, eta lesio baten ondorioz futbola utzi behar izan zuen Peiremans jokalariak ematen dio izena taldeari. Zer dela eta keinu hori galtzaileari? Galtzaileek beren xarma propioa daukate. Gizarte konpetitiboegi batean bizi gara, non jarduera guztietan lehen postua lortzea ezinbestekotzat jotzen dugun. Eskakizun handi honetan, denoi suertatu zaigu, noizbait, Peiremans galtzailea izatea. Era berean, + keinuaz positibotasuna adierazten diogu. Huts egin duzu inoiz? Lasai, ez dio axola. Saiatu berriro. Huts egin berriro, zioen Samuel Beckett idazle irlandarrak. Gaur egungo musikagintzan arrakastaren behar hori nabaritzen duzue? Ahalik eta musikarik onena egiten saiatu behar dugu. Egia da talde askok, presaren poderioz, berehalako ospea bilatzen dutela, eta horrek ez luke musika taldeen helburua izan behar. Musika egiteko elkartzen denak, jomuga hori baino ez badauka, huts egingo du seguruenik. Bidean zehar gozatzea izan beharko litzateke helburua, musikak bapateko plazerra ematen baitu. Euskal Herriari dagokionez, beti egon izan da pop-a bigarren maila batean. Esan daiteke galtzaileen generoa dela? Baztertuta egon da, doinu gogorragoak izan baitira nagusi. No time for love kantak dioen bezala, gure testuinguruan bizi izan dugun gatazka politikoarekin lekurik ez daukala ematen du. Gure ustez, pop-a gitarrarekin egindako melodia gogoangarri bat egitean datza, hiru minututan irribarrea sorraraziko dizun melodia popularra. Egin duzuen azken EPa bost abestik osatzen dute. Nola lortzen da abestien arteko batasun musikala zuen ohiko generoa ez den batean? Lehenengoaren antzeko diskoa da. Denbora kontuagatik, ezin izan dugu luzeagoa egin, beste zeregin batzuk baitaude gure taldeetan. Peiremans+ berriz martxan jarri, eta arrapaladan egindako EPa da Bigarren Itzulia. Kantak Imanolekin egiten ditut. Melodiarekiko zaletasun puntu bat dugu biok, eta letrek ere batasun bat ematen diote. Betirako esango du agur Peiremansek asteburuan? Asteburukoa diskoaren agurra izango da, aldi berean. Proiektu honekin oso ondo pasatu dugu, baina musika proiektu puntual bat da. Auskalo hamar urtera beste afari bat egiten dugun. Josune Olabarria 1982an, Gerediagan lanean hasi nintzenean, eskualdeko liburutegiek ez zuten biltzen euren inguruari buruzko argitalpenik, eta ezer behar izanez gero, Bilbora joan behar zen. Aldundiko liburutegiko prozedura zela-eta, lau liburu begiratzeko goiz osoa behar zen. Hurrengoan zergatik ez goaz Erriberara, Jose Antoniogana [Arana Martija] esan zidan Jose Luisek [Lizundia] behin. Atari beltz batean sartu, eskailerak igo eta atea ikusita erratu egin naiz, hemen ezin da izan, pentsatu nuen. Badaezpada, txirrina jo eta Euskal Herriko altxorrik handienetako bateko atea zabaldu zitzaidan, Azkue liburutegikoa. Liburuz betetako etxe hartan hiru pertsona aurkitu nituen paper artean: Jose Antonio Arana Martija, Josune Olabarria eta Nere Altuna. Horrela jausi nintzen, duela 30 urte, Bizkaiko eta Euskal Herriko kultur zulorik handienean. Aipatutako hiru hamarkada hauetan ehunka bider joan naiz, hasieran Erriberara, eta gero Plaza Berrira, liburuak eta eskuizkribuak kontsultatzera, informazio bila edo barriketan egitera. Urte horietan hartu-eman oparoa izan dut/ dugu, eta nobedadeak ere bizi izan ditugu; Jose Antonioren erretiroa eta heriotza, Pruden Gartzia zuzendari berri izendatzea, Neren erretiroa eta gaur, martxoak 16, Josunena. Betirako zelakoan, hau ere erretiratu zaigu. Faltan sumatuko ditut/ditugu bere aholkuak, baina ongi irabazia du, 37 urteko lanaren osteko atsedenaldia. Bihotzez, Gerediagaren eta nire izenean, mila ez, milioika esker eman diguzun guztiagatik. Nire/gure lan eta garaipen askok zure sinadura dute. Esan beharrik ere ez dago gure ateak zabalik dituzula. Musu bat!

17 2016ko martxoaren 18a, barikua anboto Publierreportajea 17 Euskal Herria ezagutzeko hamaika aukera daude. Aniztasun horretan, badaude edozein bisitarik alde batera utzi ezin dituen bi proposamen erakargarri: Gorbeiako Baias Garagardotegira bisita gidatua egitea, eta gure kulturan hain errotuta dauden herri kirolak eta pilota partidak taldean praktikatzea. Gorbeiako Parke Naturalean, Baias Garagardotegira bisita Garagardo naturalak zelan ekoizten diren azaltzen dute Baias Garagardotegian BEHARGINTZA Metodo industrialak alde batera utzita, garagardo naturala ekoizten dute Oiardoko Baias Garagardotegian. Gorbeiako Parke Naturalean kokatuta dagoen baserri batean garatzen da esperientzia berri hau. Proposamena garagardotegira bisita gidatua egitea da. Egonaldi interesgarri honetan, bisitariari garagardo natural hauen inguruko informazio guztia emango diote. Ekoizleek garagardoaren ekoizpen faseak azalduko dizkiote, lehengaietatik hasi eta bukaerako produktua merkaturatu arte. Lantegia, fermentazio gunea, botilaratzeko lerroa eta beste hainbat espazio ezagutuko dituzte. Bisita garagardo dastaketarekin amaituko Herri kirolak eta pilota partidak taldean praktikatzeko aukera Aizkoran, harrijasotzen zein esku pilotan jardunez, Euskal Herria ezagutu daiteke Kalitatezko lehengaiak erabiltzea da Baiasen lehentasuna dute. Gozamenerako hitzordu paregabea eskaintzen dute. Baias Garagardotegiak bederatzi garagardo barietate botilaratzen ditu. Gainera, upeletan produktu bereziak ere ekoizten dituzte. 2008an sortutako familiarteko enpresa txiki honek hainbat errekonozimendu jaso ditu. Bartzelonan joan zen astean antolatutako nazioarteko txapelketan sari bi eskuratu zituzten: Baias Ita eta Baias Kerala garagardoak izan ziren epaimahaiak nabarmendu zituen bi garagardoak. Baias erreka Idoia Marañon Baiasen ekoizleak azaldu duenez, bisita honetan, garagardoaren kultura bultzatzea dugu helburu. Horretarako, Baiasen garagardoa artisau eran zelan ekoizten dugun azaltzen dugu. Garagardo honi Baias errekatik datorkio izena. Izan ere, erreka honek urez hornitzen du garagardotegia. Hain zuzen, kalitatezko lehengaiak erabiltzea da garagardotegi honetako arduradunen lehentasuna. Horregatik, lau lehengai naturalekin ekoizten dituzten produktuek artisauen irizpideak errespetatzen dituzte. Garagardoaren %95 ura dela kontuan hartuta, Baias izenarekin bete-betean asmatu dute. Talde ekintza hauek Euskal Herriko edozein txokotan antolatzen dituzte HERRI KIROLAK Euskal Herrian kirola eta kultura guztiz lotuta daude. Herri kirolak eta pilota uztartuz, euskal tradizioak ezagutzeko aukera eskaintzen du Global jaialaik. Xabier Gamarra Filipinetan pilotari aritutakoak eta Iranzu Arginzonizek taldeei bideratutako ekintzak antolatzen dituzte. Harrijasotzen, aizkoran zein pilotan jarduteko aukera paregabea eskaintzen dute. Taldeei bideratutako ekintzetan, turista ugarik parte hartzen dute. Besteak beste, amerikarrek, japoniarrek, frantsesek zein belgikarrek euskal kultura ezagutzea eta gure kirol tradizionalak praktikatzea aukeratzen dute. Euskal Herria sakonean ezagutzea, alegia. Estatu mailan, katalan ugari hurreratzen da herri kirolen mundura. Antolatzaileek diotenez, andaluziarrak ere gero eta gehiago dira. Andaluzian Euskal Herria modan dagoela ematen du. Euskal Herriko edozein txokotan herri kirolak zuzenean ezagutzeko aukera eskaintzen dute. Euskal Herriko edozein herrik frontoi edo plaza bat dauka, eta bezeroak aukeratutako ekintzak bertan antolatzen ditugu. Hala ere, Getxoko Andra Mari frontoira hainbat talde bideratzen dituzte. Leku ederra izateaz gainera, eliza, frontoia, probalekua eta aparkalekua dituela gogoratu dute antolatzaileek. Donostiako Trinitate Plazan eta Bizkaia frontoian ere sarri ibili dira. Bartzelonan eta Madrilen ere antolatu izan dituzte ekitaldiak. Leku eta egoera guztietara moldatzeko gaitasuna dute. Nonahi eta noiznahi da antolatzaileen goiburua. Euskal Herrian ekintza antolatzen duten leku bakoitzeko profesionalak kontratatzen dituzte. Horrela, Euskal Herriko kultur eta kirol arloko sare zabala sortu dute.

18 18 Kultura 2016ko martxoaren 18a, barikua anboto Topaklown, 10 ikastaro eta 8 ikuskizun, Aste Santua Durangon gozatzeko Aurreko hiru edizioetan baino egun bat gehiagoz luzatuko da Topaklown, aurten: martxoaren 23tik 27ra ANTZERKIA Itsaso Esteban Martxoaren 23tik 27ra burutuko dute, aurten azken edizioetan baino egun bat gehiagoz, Topaklown jaialdia. Hamar ikastaro eta zortzi klown ikuskizun eskainiko zaizkie arloko profesionalei, antzerki diziplina horren zaleei eta kulturzale guztiei. San Agustin kulturguneak eta bertako konpainia egoiliarra den Ganso & Cia taldeak laugarren urtez antolatu dute Topaklown, Durangon, klownaren inguruan topagune bat eskaintzeko. Ganso aktore eta antolatzailearen berbetan, beste jaialdi batzuetan, helburu nagusia programazio zabala eskaintzea bada, gure kasuan, klownaren inguruan topagune bat sortzea da apustua; profesionalei formakuntza eskaintzea, eta zaleei eta publiko orokorrari ere mundu honetara hurreratzeko aukera ematea. Publikoaren zein arloko profesionalen partetik ere, aurreko urteetan jaso dutenaren pareko erantzuna jaso dute, aurten ere, eta Topaklown-eko ikastaroen izen-ematea da babes horren isla: 162 lagunentzako eskaintza egin dute, guztira, eta lau egunetan bete dira plaza guztiak. Izan ere, ekimenaren antolatzaileek eta babesleek azpimarratu dutenez, Euskal Herrian zein Estatuan ere, erreferentea bihurtu da, jada, Topaklown, eta klownaren arloko Euskal Herriko, Europako eta Hegoamerikako maisu ezagunak izango dira ikastaroetan irakasle. Bestalde, aurtengo ediziora parte hartzera etorriko diren hainbat profesional arlo horretan jardundakoak direnez, klown sozialaren inguruko mahai-inguru bat ere antolatu dute. Ospitalean daudenei, errefuxiatuak direnei, edo pobrezian edo bizi-baldintza gogorretan bizi direnei laguntzeko klowna baliatzen duten aktoreak gonbidatu dituzte. Aste Santuko egunetarako alternatiba oparoa da Topaklown, Durangon. Doakoak izango dira topaketako zortzi antzerki emanaldietatik bi; eta topaketako ikuskizun guztietara joateko asmoa duenak 25 euroan eskuratu ahalko du bonoa. IKUSKIZUNAK Martxoaren 23an 22:00etan, Puestos en libertad San Agustinen Martxoaren 24an 18:00etan, Lullaby Musika Eskolan 21:00etan, Grimegies San Agustinen Martxoaren 25ean 20:00etan, Podemos conseguirlo San Agustin kulturgunean. 22:00etan, Cuerda San Agustinen Martxoaren 26an 20:00etan, Vida clownyugal San Agustinen 22:00etan, Topaklown kabareta San Agustinen Martxoaren 27an 20:00etan, Topaklown ikastaroen parte-hartzaileen erakustaldia, San Agustinen Grimegies obra eskainiko du Tortell Poltrona esperientzia handiko pailazo kataluniarrak, martxoaren 24an. MAHAI-INGURUA Martxoaren 24an 16:30ean, Clown social, Musika Eskolan. Tortell Potrona, Wendy Ramos eta Sergi Claramuntegaz. Dadnos precipicios lana aurkeztuko du Egon Soda seikoteak, Berrizen Rock, folk eta pop kantak joko dituzte, martxoaren 19ko Berrizko kontzertuan Break On Stage jaialdira joateko doako autobusa elorriarrentzat Iurretan ariko da Doinuzahar abesbatza, martxoaren 20an MUSIKA I.E. Iazko urrian kaleratu zuen Dadnos precipicios izeneko diskoa aurkeztuko du Egon Soda talde kataluniarrak, Berrizko Kultur Etxean, bihar, 20:00etan hasita. Hamar kanta biltzen dituen diskoa da Dadnos precipicios, taldearen hirugarrena. Kataluniako eta Estatuko talde ezagunetan musika sortzen hamarkadak daramatzaten Ricky Falkner-ek, Xabier Molerok eta Ferran Pontonek sorturiko taldea da Egon Soda. Pablo Garrido, Ricky Lavado eta Charlie Bautista ere proiektura elkartuta, seikote gisa dihardute azkenaldian, eta formazio horregaz etorriko dira Berrizen kontzertua eskaintzera. Ferran Pontón taldekideak landutako letra esanguratsuen gainean, rock independentea egiten du seikoteak, folk eta pop ikutua duena. Pontonek azaldu duenez, disko honetako hamar kantak idazteko, Walt Whitman idazle amerikarraren poesia izan du inspirazio iturri. Urrian kaleratu zuen Egon Sodak disko berria. Taldekideek eurek esana da, Dadnos precipicios disko honetarako, El hambre, el enfado y la respuesta edo Egon Soda aurreko lanetarako baino lan zorrotzagoa egin dutela. DANTZA I.E. Apirilaren 16an egingo dute Arriolak antolatzen duen Break On Stage jaialdia, Bilbao Arenan. Emanaldia ikustera joan gura duten elorriarrek doako autobusa izango dute aukeran. Jesarleku kopuru mugatua egongo denez, izena eman beharra dago: Arriolara deituta ( ), edo arriola@arriolaka.eus helbidera mezu bat bidalita eman daiteke izena. Apirilaren 16an, 19:00etan, hasiko da kale kulturen jaialdia, Bilbon, eta 17:30ean aterako da autobusa Elorriotik. Otsailean Arriolan burutu zuten Aka Dantz jaialdia irabazi zuten Bilboko Be Hop eta Iruñeko Breathless taldeek parte hartuko dute, besteak beste, Bilboko jaialdian. MUSIKA I.E. Jesus Egiguren musikagile durangarraren sorkuntzan oinarrituriko Tenebrae-Ilunpetan ikuskizuna eskainiko du Doinuzahar Durangoko kamara abesbatzak, domekan, 19:00etan, Iurretako San Migel elizan. Laura Nardiren zuzendaritzapean ariko dira abeslariak, Aste Santuko musika oinarri duen emanaldi horretan. Tomas Luis de Victoria musikagileak XVI. mendean abesbatzerako konposaturiko musika sakroa, eta Egigurenek zinemako soinu bandak inspirazio hartuta sorturiko musika eszenikoa dira iaz aurkeztu zuten ikuskizunaren osagaietako batzuk. Victoriaren musika soil, bare eta apala, eta irudi eta sentsazio biziak eskaintzen dituen Egigurenena.

19 2016ko martxoaren 18a, barikua anboto Publizitatea 19

20 ko martxoaren 18a, barikua anboto Inmobiliariak ETXEBIZITZAK ALOKAIRUAN DURANGO. Bi eta hiru logelako etxeak alokairuan. Hilabetean 550 -tik hasita. ETXEBIZITZAK SALGAI ETXEBIZITZAK SALGAI IURRETA ETXEBIZITZAK SALGAI SAN IGNACIO ALOKAIRUAN ETA SALGAI DITUZUN HIGIEZINEN BERRI EMAN NAHI AL DUZU? DURANGO. Tabirakalea. 3 logelako etxea, komuna, sukaldea, egongela, dena kanpora begira. Eta garaje itxia. DURANGO. Errotaritxuena Atiko zoragarria 3 logela, bi komun, bi terraza zabal, sukaldea, egongela, dena kanpora begira, eta garaje itxia lau kotxe sartzeko. Ikusgarria. DURANGO. Mikeldi. 3 logelako etxebizitza, sukaldea balkoiarekin, 2 komun, egongela, ganbara eta garajea. Berria dirudi. Dotore. DURANGO. Francisco Ibarra. 4 logelako etxebizitza, 2 komun, sukaldea, egongela balkoiarekin eta despentsa. ATXONDO. 3 logelako etxebizitza, komuna, sukaldea, egongela, dena kanpora begira, hiru balkoi. Horrez gain, garaje itxia. DURANGO.-Kalebarria, 3 logelako etxebizitza, sukaldea, egongela eta komuna DURANGO. ARTEKALE. Azken etxebizitza, logela bat eta bikoa, trastelekuarekin. Prezioak tik hasita. LEKEITIO. 3 logelako etxebizitza, komuna, sukaldea, egongela terrazarekin, garajea. Urbanizazio pribatu baten barruan, igerileku eta frontoiarekin. ABADIÑO. Aita Letona. Etxebizitza ederra 2 logelarekin, komuna, sukaldea, egongela, garajea eta trastelekua. ABADIÑO. Iturritxo. Logela bateko apartamentua, sukalde amerikarra-egongelarekin, komuna, esekitokia, ganbara, garaje bikoitza eta trastelekua. DURANGO. 123 m2-ko etxebizitza erdialdean, ETXE OSOA KANPORA BEGIRA, berriztatzeko. Zonalde pribilegiatua. Prezioa adosteko. DURANGO. ATIKO BERRIA ESTREINATZEKO. 2 logela, 2 komun, sukalde amerikarra, egongela, garaje itxia eta terraza ikaragarria. ATXONDO. Apata. Etxebizitza ederra 3 logelarekin, 2 komun, sukaldea esekitokiarekin, eta egongela, etxe osoa kanpora begira. Garajea eta trastelekua. Berria dirudi. ATXONDO. Etxebizitza 2 logelarekin, komuna, despentsa, sukaldea esekitokiarekin, eta egongela. ZALDIBAR. Etxebizitza, 3 logela, komuna, sukaldea, egongela balkoiarekin, guztiz berriztatua. Horrez gain, trastelekua. LURSAILAK SALGAI ABADIÑO m2-ko lursaila salgai, bifamiliarra eraikitzeko baimenarekin. Zonalde egokia. BERRIZ m2-ko lursaila. Zelai ederra sarbide oso onarekin. IURRETA. 5 hektarea inguruko lursaila, Abeletxe bat egiteko aukera dago. Sarbide onarekin. ABADIANO. Bifamiliarra eraikitzeko lursaila, m2. Informazio pertsonalizatua. AMOREBIETA. EUBA. Txalet bifamiliar bat eraikitzeko lursaila, m2 inguruko azalerarekin. AMOREBIETA. LARREA m2-ko lursail ederra, dena partuela bakarrean. BASERRIAK ETA TXALETAK SALGAI ABADIÑO. GAZTELUA. Baserri ikusgarria, arku eder batekin sarreran, ekialdera begira, m2-ko lursaila baserriaren ondoan. BERRIZ. Txaleta m2-ko partzelan, Abeletxe kalean. Hegoaldera begira. 4 logela, 3 komun, sukaldea, egongela, eta garajea. ATXONDO. Baserri ikusgarria Martza auzoan, m2-ko lursaila baserriaren inguruan. Teilatu berria. Zonalde pribilegiatua. 3 logela, egongela, sukaldea jarrita eta komuna. Garajea eta trastelekua aukeran BERRIZ 68m2-ko etxebizitza. 2 logela, egongela, sukaldea jarrita, komuna, balkoia. 4 m2-ko trastelekua eta garajea SAN FAUSTO: Berriztatua. Etxebizitza 2 logelarekin, egongela, sukaldea jarrita eta komuna MATIENA: Berriztatua. 2 Logela, egongela, sukaldea guztiz hornitua, komuna. Aparkalekua etxeko ate ondoan eta 9 m2-ko trastelekua ZALDIBAR 3 logelako etxebizitza, egongela, sukaldea jarrita, komuna eta 12 m2-ko ganbara. Prezioa / Negoziagarria. SAN FAUSTO Berriztatzeko. 55m2 erabilgarri. 3 logela, egongela, sukaldea eta komuna / Negoziagarria m. 3 logela. 2 komun. Sukaldea. Zabala. Egongela terrazarekin. Garajea. Eguzkitsua. Solariuma SASIKOA Etxebizitza altua. Dena berria. 80m. 3 logela. Komuna. Sukaldea balkoiarekin. Egongela Zabala. Dena berria, haritzezko arotzeria. Ganbara. Garaje itxia (aukeran) SAN IGNACIO 3 logela. 2 komun. Egongela terrazarekin Sukaldea esekitokiarekin. Ganbara. Garajea. HEGOALDEA. Berriztatua DURANGO (AUKERA) 3 logela. Komuna. Egongela. Eguzkitsua ASKATASUN ETORBIDEA 110m2. 3 logela. 2 komun. Egongela eta sukaldea. 2 terraza. Ganbara eta garajea. Eguzkitsua. Kanpoaldera begira. Orain: MATIENA 4 logela. Komuna. Sukaldea. Despentsa. Egongela terrazarekin. Garajea aukeran Negoziagarria. LOKALAK ETA ETXEBIZITZAK ALOKAIRUAN. KONTSULTATU. Anbotok tarte hau eskaintzen dizu Informazio gehiagorako: Tel.: publi@anboto.org

21 2016ko martxoaren 18a, barikua anboto 21 Higiezinak ETXEBIZITZAK SALDU Bilbo. 76m2 erabilgarri. Kalitate ona. Egurra. Guztiz berriztuta. Garajea aukeran. Posta elektronikoa: Mallabia. Aukerakoa, nekazaritzarako edo nekazaritzaturismorako, toki eguzkitsu eta ederrean, m2 lursail. Prezio egokia, ikusi nahi baduzu, deitu. Tel.: (19:00-21:00). Nahi izanez gero, aukera dago lursail gehiago eskuratzeko. EROSI Durango. Durangoko Txibitena auzunean etxebizitza erosiko genuke. Ez zaigu inporta eraberritzeko badago. Tel.: ERRENTAN EMAN Abadiño. Muntsaratz auzoan pisua alokatzen da. Tel.: Durango. Durangon pisua alokatzen da. Hiru logela. 450 euro. Tel.: Zaldibar. Bikote batentzako aproposa. Estudio bat Zaldibar erdian. Tel.: ERRENTAN HARTU Durango. Hiru logelako etxea alokatu nahi dugu Durangon. Tel.: Durango. Pertsona batentzako (logela 1 edo 2) etxea alokatu nahi dut, Durangon. Tel.: Durangaldea. Bikote batek eta alabak etxea behar dugu alokairuan, Durango edo inguruan. Tel.: ERRENTAN EMAN Durango. Ibaizabal auzunean guztiz apaindutako lokala alokatu edo saltzen da. Edozein negozio jartzeko prest. Tel.: GARAJE / TRASTELEKUAK SALDU Otxandio. Otxandion garaje itxia saltzen da. Tel.: ERRENTAN EMAN Durango. Txibitenan garaje partzela bat alokatzen da. Tel.: Teknologia GAINERAKOAK EMAN Bidali zure ordenagailua. Zure ordenagailua hondatuta badago, zaharra bada edo zaborretara bota behar baduzu, jaso, konpondu, eta Federación Niños del Mundo elkartearen bitartez bidaliko dugu Boliviako eta Peruko ospitaletara eta eskoletara. Tel.: Lana - negozioak LAN ESKARIAK ETXEKO LANAK Elorrio. Emakume arduratsuak etxeko lanak egiteko eskaintzen du bere burua. Esperientzia handia. Erreferentziaduna. Tel.: Posta: juliachans67@gmail.com. PERTSONAK ZAINDU Durango. Laguntzaile pertsonala behar da Durangoko pertsona bati Bilbora trenez joaten laguntzeko. Orduka: 8:10 Durangotik-Bilbora eta itzulia 13:30. Kontratuarekin eta alta gizarte-segurantzan. Tel.: Posta: elorrixak@yahoo.es. Durangaldea. Pertsona nagusiak eta umeak zaintzen ditut. Garbiketan ere jarduten dut. Berehala hasteko prest. Tel.: Durangaldea. Lan bila nabil petsona nagusiak eta umeak zaintzen. Garbiketan ere bai. Astelehenetik ostiralera 09:15-16:00 eta asteburu osoa. Tel.: Durangaldea. Neska arduratsua lan bila dabil pertsona nagusiak zaintzeko, barneko edo kanpoko langile moduan. Tel.: Durangaldea. Lan bila nabil pertsona nagusiak zaintzen. Tel.: Durangaldea. Barneko edo kanpoko langile moduan lan egiteko prest nago. Papelak ditut. Esperientzia handia. Tel.: Durangaldea. Andra euskalduna haur edo pertsona nagusiak zaintzeko prest; etxeko lanak ere egiten ditut. Erreferentziarekin. Tel.: Durangaldea. Pertsona nagusiak eta umeak zaintzen ditut. Garbiketan ere jarduten dut. Barneko zein kanpoko langilea. Asteburuetan zein orduka. Tel.: Durangaldea. Lan bila nabil petsona nagusiak eta umeak zaintzen. Garbiketan ere bai. Astelehenetik ostiralera lanaldi osoan, goizez, arratsaldez zein gauez. Orduka ere bai. Tel.: Durangaldea. Pertsona nagusiak eta umeak zaintzen ditut. Garbiketan ere jarduten dut. Tel.: Durangaldea. Pertsona nagusiak zaintzen ditut. Garbiketan ere jarduten dut. Tel.: / Durangaldea. Neska arduratsuak bere burua eskaintzen du pertsona nagusiak zaindu edo garbiketa lanetarako. Astegunetan eta asteburuetan, baita gauez ere. Tel.: Durangaldea. Lan bila nabil, pertsona nagusiak edo umeak zaintzen. Garbiketan ere aritzen naiz. Astegunetan eta asteburuetan ere bai. Tel.: Durangaldea. Lan bila nabil pertsona nagusiak zaintzen. Garbiketan edo sukaldean laguntzen jardun dezaket. Aste bitartean zein asteburuetan. Barneko eta kanpoko langilea. Tel.: Durangaldea. Barneko zein kanpoko langile moduan jarduteko prest. Asteburuetan eta aste bitartean. Tel.: Durangaldea. Lan bila nabil, pertsona nagusiak edo umeak zaintzen. Garbiketan ere aritzen naiz. Astegunetan eta asteburuetan ere bai. Tel.: Durangaldea. Emakume arduratsua prest dago pertsona nagusiak zaintzeko. Garbiketan ere jarduten dut. Orduka eta asteburuetan ere bai. Tel.: Durangaldea. Pertsona nagusiak zaintzen ditut. Garbiketan ere jarduten dut. Barneko zein kapoko langile moduan. Tel.: Durangaldea. Ekuadorreko neska haur eta pertsona nagusiak zaintzeko prest, etxeko lanak ere egiten ditut. Astegunetan eta larunbatetan. Esperientzia handia eta erreferentziak. Tel.: Durangaldea. Esperientziadun eta geriatriako tituludun neska pertsona nagusiak zaintzeko prest. Ordutegi malgua. Tel.: Durangaldea. Emakumea prest pertsona nagusiak eta umeak zaintzeko. Goizez edo gauez lan egiteko prest. Tel.: Durangaldea. Emakume arduratsua lan bila dabil pertsona nagusiak eta umeak zaintzeko. Garbiketan ere jarduten dut. Barneko zein kanpoko langilea. Orduka ere bai. Tel.: Durangaldea. Pertsona nagusiak zaintzen ditut, orduka eta gauetan ere bai. Tel.: GAINERAKOAK Durangaldea. Igeltserotzan, loregintzan, margoketan edo baserriko lanetan jarduteko prest nago. Tel.: Durangaldea. Igeltseroa, lehen mailako ofiziala, lan bila dabil obretan eta mantenuan. Esperientzia edozein motatako lanetan. Txofer eta mezulari moduan ere jarduteko prest. Tel.: Durangaldea. Psikologo euskaldunak laguntza psikologikoa eskaintzen du. Irakurketa-ulermen arazoak, antsietatea, depresioa. Tel.: LAN ESKAINTZAK OSTALARITZA Durango. Durangoko taberna batean lan egiteko zerbitzari eta sukaldari bila nabil. Bidali curruculuma helbide honetara: taberna06@hotmail.com ETXEKO LANAK Berriz. Etxe unifamiliar batean bizi gara, eta kotxea beharrezkoa da. Berriz herriko auzo batean. Lana 20 ordu inguru astean, eta ondo joanez gero, epe luzerako. Ordutegiarekin malgutasuna dugu. Tel.: / Durangoko fisioterapia zentro batean pertsona euskalduna behar da lan egiteko fisioterapia titulua duena. Tel.: Denetarik SALDU / EROSI Txakurkumeak opari. Txakurkumeak opari. Tel.: Web orrialdeak egiten dira. Web orrialdeak egiten dira. Esperientziaduna. Konfiantza osoarekin. Tel.: / Ibilgailuak GAINERAKOAK SALDU Asia motorkia 4x4. Asia motorkia, lur orotakoa motor diesela. Ekonomikoa. Zuntz eta olanazko kapota. Atoiarentzako eta osagarrientzako bola. Beti garajean. Tel.: Aisia - kirola KIROLAK SALDU Elorrion bizikleta bi salgai. Elorrion bizikleta bi saltzen ditut. Berri-berri daude, eta egoera onean. Bakoitza 650 eurotan saltzen dut, eta, horiekin batera, karreterako bizikleta klasiko bat oparituko dut etxean erabiltzeko gailuarekin batera. Tel.: EMAN Bizikleta estatikoa oparitzen dut. Bizikleta estatikoa oparitzen dut. Tel.: Familia - etxea HAURREN TXOKOA, OSAGARRIAK SALDU City Mini kapazorako bi zaku saltzen ditut. City Mini kapazorako bi zaku saltzen ditut. Bikientzat. Biak 40 eurotan. Tel.: ANBOTO astekariak banatzaileak behar ditu Zornotzan. Tel.: astekaria@anboto.org

22 ko martxoaren 18a, barikua anboto AGENDA ANBOTOko agendan ezer iragarri gura baduzu, idatzi helbidera edo deitu telefonora, eguazten eguerdia baino lehen. Martxoaren 18an, 22:30ean, Elorrioko Gaztetxean Sei Urte + Kometa Kometa hirukote nafarra eta Berrizko Sei Urte taldea gonbidatu dituzte Elorrioko Gaztetxearen 28. urteurrenaren harira antolatu duten egitarauaren barruan kontzertua eskaintzera. Grabitatea diskoa aurkeztuko du Kometak; taldekide baten lesioagatik azken aldian zuzenean aritu barik egon eta gero bueltatuko da oholtzetara Sei Urte. :: BERRIZ Musika MARTXOAREN 19an 20:00etan, Egon Soda, Kultur Etxean. :: DURANGO MARTXOAREN 19an 22:30ean, Peiremans, Plateruenean. :: ELORRIO MARTXOAREN 18an 22:00etan, Sei Urte + Kometa, Gaztetxean. MARTXOAREN 19an 22:30ean, Pixontxis + Dinero + DJ Itsua, Gaztetxean. :: IURRETA MARTXOAREN 20an 19:00etan, Doinuzahar kamara abesbatzaren Tenebrae-Ilunpetan, San Migel elizan. Antzerkia :: DURANGO MARTXOAREN 20an 18:00etan, Letter: eskutitz baten bidaia, San Agustinen. MARTXOAREN 23an 22:00etan, Puestos en libertad, San Agustinen. MARTXOAREN 24an 18:00etan, Lullaby, Musika eskolako plazan. 21:00etan, Grimegies, San Agustinen. MARTXOAREN 25ean 20:00etan, Podemos conseguirlo, San Agustinen. 22:00etan, Cuerda, San Agustinen. MARTXOAREN 26an 20:00etan, Vida clownyugal, San Agustinen. 22:00etan, I. Topaklown kabareta, San Agustinen. MARTXOAREN 27an 20:00etan, Topaklown erakustaldia, San Agustinen. Dantza :: DURANGO MARTXOAREN 18an 19:30ean, AIKO erromeria, Plateruenean. :: BERRIZ Kontalaria MARTXOAREN 19an 12:15ean, Maider Galarza, Kultur Etxean. :: DURANGO MARTXOAREN 18an 19:00etan, Angela Arboledaren (Ekuador) Rojos, con tacón alto Herri Bibliotekan. :: IURRETA MARTXOAREN 18an 17:00etan (3-4 urte) eta 18:00etan (5 urtetik gora), Ines Bengoaren Kamishimai ipuinak, Bibliotekan. 20:00etan, Tania Muñozen Album de familia, Bibliotekan. :: ABADIÑO Berbaldia MARTXOAREN 20an 19:00etan, Zer gertatzen ari da Kurdistanen? berbaldia, Gaztetxean. :: DURANGO MARTXOAREN 24an 16:30ean, Tortell Poltrona, Wendy Ramos eta Sergi Claramunt, Topaklown jaialdiko mahai-inguruan, Musika Eskolan. Natura :: ABADIÑO (Urkiola) MARTXOAREN 20an 11:45ean, zuhaitzak landatzea. 14:00etan, parrilada, aterpe handian. 15:30ean, bisitaldi gidatua, Santutegi ingurutik. :: ABADIÑO Lehiaketa Martxoaren 31ra arte San Prudentzio jaietako kartel lehiaketara lanak aurkezteko aukera, Udal Mediatekan edo Errotan. Pasiñoa :: DURANGO Martxoaren 22, 24 eta 25ean 21:00etan, Durangoko Pasiñoa, Santa Ana plazan. Erakusketa :: DURANGO MARTXOAN ZEHAR Lorena Martinezen ilustrazioak, Arteka Liburu-dendan. MARTXOREN 20an Komiki Azoka, Plateruenean. MARTXOREN 24tik 27ra Topaklown jaialdirako, Aitor Audikanak egindako argazkiak, San Agustinen. Aste Santuan Durangoko prozesioen argazki zaharren erakusketa, Arte eta Historia Museoan. :: DURANGO ZUGAZA La modista barikua 18: 19:30/22:00 zapatua 19: 19:30/22:30 domeka 20: 18:45/21:00 astelehena 21: 18:30/21:00 martitzena 22: 20:00 El pregón barikua 18: 19:30/22:00 zapatua 19: 18:30/20:30/22:30 domeka 20: 18:45/21:00 astelehena 21: 18:30/21:00 martitzena 22: 20:00 Mustang barikua 18: 19:30/22:00 zapatua 19: 18:30/20:30/22:30 domeka 20: 18:45/21:00 astelehena 21: 18:30 martitzena 22: 20:00 Kungfu Panda 3 zapatua 19: 16:30/17:00 domeka 20: 16:30 Zootropolis zapatua 19: 16:30 domeka 20: 16:30 :: ELORRIO ARRIOLA Pikadero zapatua 19: 22:00 domeka 20: 20:00 astelehena 21: 20:00 Tom txiki eta ispilu magikoa domeka 20: 17:00 Martxoaren 25ean, 20:00etan, Durangon Teatro Indigesto Iaz Valentziako antzerki jaialdian saritu zieten Podemos conseguirlo antzezlana eskainiko dute Zaragozako Teatro Indigesto taldekoek, Durangoko San Agustinen. Topaklown jaialdiaren barruko emanaldia izango da martxoaren 25ekoa, adin guztietako ikusleentzako aproposa. Inprobisazioaren bitartez, Fundación Universal de Autoayuda delakoa aurkeztuko du aktore hirukoteak. :: ZORNOTZA ZORNOTZA ARETOA Brooklyn barikua 18: 20:15 zapatua 19: 19:30/22:00 domeka 20: 20:00 astelehena 21: 20:15 La novia martitzena 22: 20:00

23 2016ko martxoaren 18a, barikua anboto 23 ZORION AGURRAK eguazteneko 14:00ak arteko epea MIREN RODRIGUEZ Gosaria: otordurik garrantzitsuena Neskatotxo polit honek 3 urtetxo egin zituen martxoaren 15ean. Zorionak, Malen! Markelek martxoaren 22an 9 urte egingo ditu. Zorionak etxekoon partez! Gure etxeko irrifarre polit hori ez dadila inoiz zure aurpegitik ezabatu. Patxo potolo bat Maddi. BOTIKAK BARIKUA, 18 09:00-09:00 Navarro Artekalea 6 - Durango 09:00-22:00 Sarasketa, Diego Luis Urrengoetxea 5 - Zornotza 22:00-09:00 Aramburu, Maria Isabel-Guarrotxena, Javier Txiki Otaegi 3 - Zornotza ZAPATUA, 19 09:00-09:00 Irigoien Bixente Kapanaga 3 - Iurreta 09:00-13:30 Unamunzaga Muruetatorre 2C - Durango Navarro Artekalea 6 - Durango Bazan Diaz Uribarri 5 - Durango Campillo Montevideo etorb Durango Gure etxeko piratak 4 urte egingo ditu gaur, Zorionak Jon, zure familiaren partez! Martxoaren 21ean 3 urte beteko ditu gure etxeko txikiak. Zorionak Aiur!Muxu handi bat etxekoon partez. Zorionak, Unax! Otxandio, Durango eta Mañariko familiaren partez. Muxu potolo bat! Iraiak 6 urte bete ditu otsailaren 23an. Zorionak zure nebaren eta gurasoen partez! Balenciaga Ezkurdi plaza 8 - Durango De Diego Intxaurrondo Durango Sagastizabal Askatasun etorb Durango Eguren, Isabel Trañabarren 15 - Abadiño Jaio-Olabarrieta Errekakale 6 - Elorrio Bartolome Gabiola 2 - Berriz Melero, Rosa Mari San Pedro 31 - Zornotza Guarrochena, Lide Bide Zahar 14 - Zornotza 09:00-22:00 Sarasketa, Diego Luis Urrengoetxea 5 - Zornotza 22:00-09:00 Aramburu, Maria Isabel-Guarrotxena, Javier Txiki Otaegi 3 - Zornotza IZorionak poxpolintxo! Sei urte bete dozuz. Mosu potolo potoloa Haizea! Goizanek 5 urte beteko dauz martxoaren 21ean. Zorionak! Trikitilari, hizkuntzalari, txispas... baina batez be lagun! Zorixonak Endika eta eupada bat lagunen partez! DOMEKA, 20 09:00-09:00 Unamunzaga Muruetatorre 2C - Durango 09:00-22:00 Sarasketa, Diego Luis Urrengoetxea 5 - Zornotza 22:00-09:00 Aramburu, Maria Isabel-Guarrotxena, Javier Txiki Otaegi 3 - Zornotza ASTELEHENA, 21 09:00-09:00 Sagastizabal Askatasun etorb Durango Guarrochena, Lide Bide Zahar 14 - Zornotza 09:00-22:00 Sarasketa, Diego Luis Urrengoetxea 5 - Zornotza MARTITZENA, 22 09:00-09:00 Campillo Montevideo etorb Durango Ainhizek 9 urte egingo dauz domekan. Zorionak eta mosu bat etxeko danon partez. Arantza, Martin Zorionak! Aurten be munduko beste puntatik ospatu dugu martxoaren 17a. 从你的家人很多的吻. 我们爱你 Asko maite zaitugu Txinito! Jon Ander kostata baina, azkenean, doktore bat etxean. Zorionak Bea, Marko eta Maddiren partez! Ermodo, 11 DURANGO Tel.: gozatudurango@ gmail.com Gozatu Gozotegia Hamabostean behin jasotako zorion-agurren artean tarta bat zotz egingo dugu. Zozketan parte hartzeko bidali kontakturako datuak zorion agurrarekin batera. Guarrochena, Lide Bide Zahar 14 - Zornotza 09:00-22:00 Sarasketa, Diego Luis Urrengoetxea 5 - Zornotza EGUAZTENA, 23 09:00-09:00 Bazan Diaz Uribarri 5 - Durango Guarrochena, Lide Bide Zahar 14 - Zornotza 09:00-22:00 Sarasketa, Diego Luis Urrengoetxea 5 - Zornotza EGUENA, 24 09:00-09:00 Gaztelumendi J.A. Abasolo 2 - Durango Guarrochena, Lide Bide Zahar 14 - Zornotza 09:00-22:00 Sarasketa, Diego Luis Urrengoetxea 5 - Zornotza Izugarri maite dugu gosaltzea, baina ez ditugu ongi aukeratzen goizeko lehen orduan jaten ditugun elikagaiak. Zenbait ikerlanen arabera, gure gosarien kalitatea nabarmen hobetu daiteke nutrizioaren ikuspegitik. Opilek leku handiegia hartzen dute, eta, berez, salbuespen gisa jan behar lirateke. Eguneko lehen otordua oso garrantzitsua da. Esaerak ere esaten du: Gosaldu ezazu errege batek bezala, bazkaldu printze batek bezala eta afaldu eskale batek bezala. Baina komeni da ongi aukeratzea zer-nolako elikagaiak jarriko ditugun gosaritan. Fruta zukua. Oso ohikoa izaten da gosaritan fruta zukua hartzea, batez ere etxean egina. Zukua maiz hartzeak, ordea, handitu egiten du gizentasuna izateko arriskua. Fruta zukutuaren azukreak oso azkar sartzen dira gure gorputzean eta, itxuraz, suspertu egiten dituzte gantzak metatzeko mekanismoak; horretaz gain, ez du eragiten elikagai solido batek eragiten duen asetasun bera. Horrela, bada, gosaritan egunero fruta pieza bat jatea da onena. Esnea edo esnekiak. Gosaritan oso ohikoak izaten dira esnea, jogurta edo gazta. Ezinbestekoa al da esneki bat hartzea gosaritan? Ez, besteak beste ez dagoelako ordezkaezina den elikagairik, amaren esnea ez bada. Baina, horrek ez du esan nahi kaltegarriak direnik, zenbait herritarrek uste duten bezala. Esnekiek ez dute handitzen bihotz-hodietako arazoak izateko arriskua, ezta minbizia eta beste gaitz kroniko batzuk izatekoa ere. On egin!

24 Akuilua Manu Feijóo Iurretako Bodega du Badajoz, 1966 Bodegan porroiak baino ez zeuden sasoi batean; basorik ez zegoen ia Gurago izan dute Iurreta eta iurretarren argazkiak jarri, ezer esaten ez dien New Yorkeko argazkiak baino AKUILUA Aitziber Basauri Bederatzi urte dira Iurretako Bodega hartu zuela. Bodegen izaerari eutsi diote, eta kristalezko porroiak eskatzen duenik ere bada oraindik. Extremaduran jaioa zara, baina, ia durangarra... Bai, hemengoa naiz gehiago. Lau urtegaz etorri nintzen. Bodegan egiten duzu eguna. Nolako bezeroa da iurretarra? Oso ona! Oso ondo konpontzen naiz denekin, eta oso pozik nago. Durangotik ere asko etortzen dira. Aurretik ibilia zara tabernan? Durang o k o Udaberrin, 14 urtegaz; hiruzpalau urtean. Lan gogorra da? Bai. Pazientzia behar da. Jendeagaz hartu-emana da onena. Txarrena? Denbora asko kentzen duela. Baina, gustura! Ez da Cabarceno, baina, fauna zabala batzen da Bodegan? Denetarik dago! (barrez): gazte, nagusi, Iurretan erro sakonak dituena, ez dituena... askotariko jendea. Baina, denekin ondo moldatzen naiz, ez pentsa! Hamaiketakoa egitera etortzeko ohitura dago... Beti egon da hemen Bodega, eta, lehen baino gutxiago, baina etortzen dira batzuk arrautzak txorizo edo urdaiazpikoagaz jatera. Orduantxe duzu jenderik gehien tabernan? Lehen bai. Ordu bata aldera batzen da jenderik gehien. Barikuan lehertzear egoten da taberna! Kristalezko porroiak ere badituzu bezeroentzat. Porroiak baino ez zeuden lehen. Orain daude gutxien. Entzuna dut, eta ikusia ere bai, lehen denek porroitik edaten zutela. Basorik ez zegoen ia. Askarirako ere bai. Askaria ere egiten dute? Taberna hartu genuenean, bai; 17:30-18:00etan egiten ziren. Orain ez dira hainbeste egiten, baina, etortzen da baten bat. Eskatzen dute porroia, beraz? Bai. Baina, askok ja ez dagoela uste dute. Porroiak, atun pintxoa... dauden galdetzen dute. Bai noski! Antxoak, sardinak... bistara zeuden lehen, orain ez. Bodega izaerari eutsi diozue? Bai. Ez dugu ezer kendu, gehitzen joan gara. Horma zikinak kendu ditugu; bestelakoan berdin dago (barrez). Sardinak, txitxarroa, antxoak, atuna, hirugiharra. Unean ateratzen da. Argazkiz beteta dituzue hormak. Nondik dator ideia? Iketzak, Katak... lagunduta, herriko argazki zaharrak jarri genituen. Orain urtebete, mural bat jarri genuen. Ezer esaten ez digun New Yorkeko argazkia baino gurago dugu. Sanmigeletakoak eta inauterietakoak ere jartzen dituzue. Geuk ateratzen ditugu, gero erakusteko. Denbora bat pasatuta kendu, eta bakoitzari berea ematen diogu. Atsegin dute; erakargarria ere bada. Telebistan ere eman ditugu inoiz. Bartzelona zalea zara. Futbola gustatzen zait, eta Barçak egiten du futbolik onena. Txikitatik naiz zalea, eta orain, irabazi egiten dutenez, jarraitu egin beharko (barrez). Euskaraz ikasten ari zara? Nahiko nuke, baina, ez dut astirik. Bezeroek erakusten didate. Ulertzen dut, eta justuan hitz egin. Gainditu gabeko irakasgaia da. Seme-alabei esan diet ez galtzeko. LAUHORTZA JON HARTZA Soziologoa Errefuxiatuak, beldurra eta ahuldadea Siriatik eta Iraketik ahal duten moduan datozen errefuxiatuen afera lotsagarria izaten ari da. Horretan, denok bat etorriko gara. Nola da posible Europar Batasunak hainbeste eragozpen jartzea, jakinik historian zehar milioika alemaniar, ingeles, irlandar eta espainiarrek beharrizan bera izan dutela. Euskaldunok ere kanpora joan behar izan dugu, baina Europar Batasunean hutsaren hurrengoa garenez, ez dugu eragiteko ahalmenik. Bat -batean, bi ideia etortzen zaizkit burura: Bere izena gogoratzen ez dudan idazle bati irakurri niona: sufrimendua, beharrizana ez da orain dela hamarkada batzuk zena. Biztanle gehienek oinarrizko beharrak aseak dituzte. Erosotasun horrek urruntzea eta enpatia eza dakar. Soilik, gizartean beti egongo diren talde eta eragile dinamikoetan ikus dezakegu elkartasun arrasto apurren bat. Bestalde, Pepe Mugika Uruguaiko presidente ohiak Europa beldurti eta ahul bat irudikatu zuen duela gutxi. Historian zehar aitzindari izan den kontinentea, bere posizio pribilegiatua arriskuan ikusten duena, kanpotik etorriko diren barbaro prestatu eta gosetien beldur, XXI. mendearen hastapenetan politikoki eta intelektualki noraezean dagoena, enpresa eta kapital handien menpe. anboto.org MUGIKORREAN Albisteak eta agenda, bizkor eta eskura. Telefono gida osatuena: zuzenean deitzeko aukera. Parte hartu, galderak eginez, erantzunak lortuz. Albisteak, agenda Telefono gida Parte hartu Herriko informazioa jaso Pertsonalizatu, zure herria aukeratuz. DESKARGATU DOAN!