98 年臺灣客家語朗讀(大埔腔)高中學生組編號 1 號 鮮鮮河水 細人毋好相打大人毋好相打相打第一憨毋係打著人斯分人打阿爹渡你去圓潭捉大鯉嬤 細人要學泅水到大來正毋會驚水鮮鮮河水阿舅帶頭學跳水沙溜同蝦兯老蟹黏黏趖 泅水要先會漞水會漞水正毋會驚水鮮鮮河水阿爹教你學漞水一粒石丟到潭肚搶緊漞 釣梹直直釣無食釣梹彎彎釣石敤阿伯釣潭頭阿爮釣潭尾係釣無鯽魚斯險灘咻白哥 鮮鮮河水阿奶灶下切薑絲阿爹講佢險險捉到大鱸鰻 糖ㄅㄅ 黃黃个花蕊日頭下睡圓圓个球得人惜愛還細个時節喊佢糖ㄅㄅ揢在手項佢會帶你飛過河背嗯 嗯 嗯 嗯 嗯 嗯 飆風个細人毋見飆風个心情毋見飆風个季節無變手項个糖ㄅㄅ飛天 還記得 紅紅个鳳凰花 還記得 高高个大王椰 還記得 記得 行過个草坪 記得 坐過个凳頭 闊闊个運動場 還記得 青青个老竹園 還記得 記得 爬過个樹叢 記得 泅過个河壩 還記得啦喔還記得囉還記得啦喔還記得還記得啦喔還記得囉還記得啦還記得 紅紅个鳳凰花 還記得 高高个大王椰 還記得 記得 爬過个樹叢 記得 泅過个河壩 還記得啦喔還記得囉還記得啦喔還記得還記得啦喔還記得囉還記得啦還記得嗯還記得
98 年臺灣客家語朗讀(大埔腔)高中學生組編號 2 號 大伙房 還吂天大光雞兯斯上山崗雞嫲帶子稈棚下啄東啄西來落食屋門口開始鬧熱大人細子已經䟘起床新个一日斯愛來開張 四四方方个大伙房大人細子个天堂火雞番鴨也算一家人大搖大擺入廳下正當晝个禾埕方金色个穀曬淰淰阿婆笠嫲帶緊桶扒背緊體力無輸後生人 門前大樹下扮家啦孫同孫女搞著翻天雞鴨嚇都四腳惹天 四四方方个大伙房大人細子个天堂老嫩大細煞猛來過日生活自然又快樂 三月个風 三月个風三月个雨三月个風三月个雨 有時從南方吹落落又停停有時對北方來落去愛若毋 細妹啊細妹這敢係妳个心情細妹啊細妹這敢係妳个心情 三月个杜鵑開來滿山春三月个桂花開都夜恁香 三月个姑娘打扮都花恁靚夜來風雨停盼郎帶花來細妹啊細妹這敢係妳个心情細妹啊細妹這敢係妳个心情 河壩脣个阿伯 七十行過八十歲吂來無名个阿伯腳跛跛無人照顧分人欺負一個人戴在河壩脣个矮屋肚 沒名个阿伯當衰過他个夫娘車禍死撇幾下年後生个倈搬來街項對恁泥樣个跛腳个阿伯毋接受 帄帄父母生養, 仰脣有貴也有輕河壩脣个阿伯希望厥命像花恁靚逐日臨暗河壩脣行來又行去斯像跌撇麼个愛尋又尋毋著
98 年臺灣客家語朗讀(大埔腔)高中學生組編號 3 號 阿樹哥个雜貨店 伯兯對門个大路唇, 斯係阿樹哥个雜貨店, 一年三百六十五日都開張, 無管發風落大雨 店門口擺个幾張長腳凳, 日晒雨淋嘛有幾十年, 人客來來去去, 毋知有幾多 阿樹哥个雜貨店, 從細人到大人, 阿樹哥个雜貨店, 對頭擺到如今 離吾屋家沒幾遠, 斯係阿樹哥个雜貨店, 每日經過店門口, 叔婆阿伯親切打招呼 上頭下頭來个親戚好朋友, 停落來坐尞, 天南地北打喙鼓, 毋知夜已深 阿樹哥个雜貨店, 歡迎來坐竂阿樹歌个雜貨店, 打嘴古毋使納稅 阿樹歌个雜貨店, 從細人到大人, 阿樹歌个雜貨店, 對頭擺到如今 阿樹歌个雜貨店, 歡迎來坐尞, 阿樹歌个雜貨店, 打喙鼓毋使納稅 日出 田脣个月光 到下夜落山背 行到路巷目瞇瞇尋路轉 該樹直搖 涼風吹過來 心情也舒爽 人生快樂愛使麼人教 緊行緊唱 哥係仙妹係嫦娥 也毋使多講唱出山歌 真會哦 該電火墩直搖 日頭撐過來 心情也真艱苦 人生快樂 愛使麼人教 田脣个月光到下夜落山背 行到路項目瞇瞇尋路轉 電火柱直直搖 日頭照過來 心情真艱苦 水泥山 日頭到心肝必壢又必壢斯像一隻跛腳又當飆个草蜢該無情个喇叭斯像寒天个風恁冷實在毋知早斯來到這水泥山 想起當時八卦胸前拍都滿滿想起當時立志愛賺一百萬無想著錢無賺著卻搣著腳跛跛實在毋知早斯來到這水泥山水泥山啊水泥山今晡日來到一個大戇伯佢知橫來直撞該試金石佢知珍珠無洗斯毋會白認認真真來打拼毋會慢也毋會慢
98 年臺灣客家語朗讀(大埔腔)高中學生組編號 4 號 阿婆 阿婆愛轉山頂个老屋時常看佢行過伯兯脣个牛眼樹一路行一路拈一路行一路拈滿山㗳㗳跌無人愛个油桐阿婆老伴有時共下來佢講這下戴在廟坪背个三棧屋老伙房啊閒時轉來種蕃薯 阿婆還有純良个笑容 逐擺看佢會想起自家阿奶 會想惜 个阿奶 一兩十年一 目斯過 三四十年一 目斯無 無阿奶啊 早斯無阿奶 阿婆講還有兩個孫女愛照顧心臼倈共下在台北佢講上台北了唷講妳還慶做阿太咧還會自家烳 青春个夢 孤棲像一隻鳥棲息在樹頂項斯係該隻鳥愛將夢唱出來青春像一隻搖飛到花叢肚斯係該隻蝶愛同夢跳舞愛情像一支笛幽幽歕不斷斯係該支笛愛同夢歕醒 七沿塔个滋味 一屑屑个感情長長个留戀有麼个還留在喙角啊該斯七沿塔个滋味唷一屑屑个慾望重重个追求暗夜个路上啊有麼个味瑞啊該斯係七沿塔个滋味唷相思在遠遠个童年開始回憶在近近个喙肚噍咬啊七沿塔啊七沿塔係阿姆煮个菜係思念故鄉个滋味呀
98 年臺灣客家語朗讀(大埔腔)高中學生組編號 5 號 蕃薯藤 蕃薯藤四方爬落地生根綻了芽對這位蹶到該位對河壩沿生到山項毋係靚靚个外表但求實實在在个味道蕃薯藤四方爬落地生根綻了芽對這位蹶到該位對鄉村沿生到城市毋係靚靚个外表但求實實在在个性格蕃薯个白花毋打眼香香甜甜个大根斯埋在泥竇蕃薯藤蹶啊蹶人生路行啊行恩等个故鄉在路項緊祖先行過个路該位斯係恩等个家園蕃薯个白花毋打眼香香甜甜个大根斯埋在泥竇蕃薯藤蹶啊蹶人生路行啊行 青草地 火車路脣一片見笑花該景色長在戴心底該位斯係日夜發夢个青草地青草地脣一條大圳肚係吾等泅水个寶地有人釣魚細人覓蝦兯也實在生趣 大河壩脣一片白鶴花个後背斯係秘密基地放紙鷂捉山狗太尞到毋知時也識戇戇看緊天項白雲慢慢變來變去搞都一身烏些些, 正知愛轉去 唉呀呀不見兮吾等个青草地續變了型看無木棉樹冰冷个車路尋無熟識个老屋唉呀呀不見兮做麼个等个感情變了型逐日看人冤家鄰舍全無講話尋無人好打喙鼓 火車路脣一片見笑花該景色長在戴我心底該位斯係日夜發夢个青草地 圳溝水 一钁頭一钁頭改下祖兯个汗水一糞箕一糞箕承起祖婆个目汁從水頭透到水尾一條一條艱耐个水溝一條一條有情个田水蔭出幾多阡陌个良田撐飽幾多代人个肚屎 一钁頭一钁頭改下阿兯个汗水一糞箕一糞箕承起阿婆个目汁從頭擺透到這下一條一條認命个圳溝一條一條死心个田水從淨利流到屙糟從有氣敨流到無敨氣
98 年臺灣客家語朗讀(大埔腔)高中學生組編號 6 號 青鳥詞 青山流水何處尋松風蘭雨久不吟千里眺望故鄉河遙遠个影初戀个愛人 長月撫琴夜漸深猶思故人水樣情清泉石畔白鶴花你个笑聲忽遠又忽近 欲化青鳥飛向天往事隱隱再重現 山歌一曲能唱幾多年能幾多遍伴我忘記你个誓言欲化長風到從前輕輕梳過你个陎流浪恁久毋知幾多年有幾多遍萬水千山越尋越遠 山歌阿不唱心不開青山流水何處尋松風蘭雨久不吟千里眺望故鄉河遙遠个影初戀个愛人 欲化青鳥飛向天往事隱隱再重現山歌一曲能唱幾多年伴我忘記你个誓言 屋背个大圳溝 能幾多遍 吾个老屋背有一條大圳溝 佢對山頂項流落來彎彎斡斡流出海 記得還細个時節逐日都會來到圳溝脣 釣魚搞水捉蛤蟆搞到日頭落山正轉屋 屋背个大圳溝 流過一莊又一莊 屋背个大圳溝 流過幾多童年歲月 屋背个大圳溝 佢長流在吾个心中 吾个老屋背有一條大圳溝 佢對頭擺流到今源遠流長流不停 記得還細个時節 个阿婆時常帶 來到圳溝脣 樹頂下講古个唱山歌 唱到日頭落山正轉屋 屋背个大圳溝 流過一年又一年 屋背个大圳溝 流過幾多春夏秋冬 屋背个大圳溝 佢長流在吾个心中 多年不見个大圳溝有時半夜三更佢會流過夢中 流過夢中 行轉寒夜个山路項 暗夜个寒風吹醒了酒醉个心頭荒野个月光清楚映照腳下踩踩踏踏个身影斯像遊遊野野尋毋著定疊安生个孤魂野鬼 山林毋著都市个節奏祖先牽毋轉後生个靈魂老人家个怨嘆長長編織出目个光景後生人个理想空空包裝出烏个未來 暗夜个寒風吹醒了酒醉个心頭敢有法度來清醒自家个文化心靈
98 年臺灣客家語朗讀(大埔腔)高中學生組編號 7 號 紅山椒 麼人喊你紅山椒? 寒冬个清冷天頂飛過一隻色彩蓋鬧個精靈肚底有瞠眼个柑紅麼人喊你戲班? 寒冬个清冷天頂飛過一隻色彩蓋鬧个精靈肚底係惹目个鵝黃現代農夫種出黃色 紅色个大辣椒知天頂該兩隻精靈紅柑色係牯个, 鵝黃色係嫲个 臨暗 臨暗, 收工一個人行, 在都市目珠吊吊頭那冇冇異像自家已經灰飛腦散三不時失神走志浪浪蕩蕩穿弄過巷當想聽一聲阿姆喊細人洗身真想鼻一下灶下肚煎魚炒菜个味瑞臨暗, 愐起阿爹講个家族史吾等這房歷代犁耙碌碡今都市打拚愛學開基祖臨暗, 一個人行中山路彎 (vat2) 中正路論萬盞火照毋光腳下个路人來人去算毋利無人好問食飽咧無 真相 屋壁有蜘蛛結網愛昂起頭來正看得著眠床下有老鼠做竇愛跍下去正會發覺有兜人恬靜又老實愛密緊目珠正會想起有兜事行頭過好看任你擘大目珠也看毋清真相
98 年臺灣客家語朗讀(大埔腔)高中學生組編號 8 號 髻鬃花 在家鄉開核一蕾白白靚靚个花 一蕾花看起來斯像人擎緊一支遮 打早在田園山崎 暗晡頭又轉到吾个屋家 該蕾花係阿婆頭那頂个髻鬃花 髻鬃花毋驚日頭 天兯轉風車 ha~ 毋管到那位心肝當在心頭暖一支遮 髻鬃花 你看該 迷人花香毋會差 該蕾花 汗水香 囥核親情分麼儕 髻鬃花係恁泥勞勞碌碌朝晨做到日頭斜斜 髻鬃花你看該 阿婆越老越開花 該蕾花白雪雪 青絲變白髮為了家 這蕾花係恁泥个永永遠遠日日年年開核啊 老屋 一張老相片係中年个甜糖相思个老屋一打早斯天光你看該翹尾鵝馬背囊高高个圍牆屋前个大禾埕覆菜香滿田莊你有聽到無阿爹挨弦響咿咿喔喔緊傳到吾耳兯老屋裝核頭擺个味道留戀飄香到地老天荒這張老相片中年个甜糖一群鳥在屋簷脣歌唱童年个老屋企在高崗上放一條線分外地兒郎絲絲線線結成網思念个網你有聽到無阿爹挨弦響咿咿喔喔緊傳到吾耳兯老屋裝核頭擺个味道留戀飄香到地老天荒 這張老相片 中年个甜糖點點滴滴囥在深夜月光 童年个老屋在哪 尋毋著老時鐘叮叮噹噹 叮叮噹噹入夢鄉 入夢鄉 頭擺个事情 南門崁下牛眼樹頂个蟬歸日叫炎炎阿山頭每日掌牛苦楝樹下啄目睡吾等細孲遠遠看到佢斯罵佢阿山頭東邊出日頭西邊渡船頭降个倈沒骨頭 頭擺个事情頭擺你還記得無頭擺个事情頭擺你還記得無 走呀走遽遽走該係被佢煞著斯死無命大家疲爬極蹶跳上跌落伏到一身濫溝糜阿山頭目睡摸瞎喝喝咄咄飆起來追恩等該細孲一下瀉到無半個正看到牛牯也打落阿山頭个牛牯打落飆來飆去飆到渡船頭該牛牯沒落潭肚搞水歡喜樂暢無回頭阿山頭打盡朘嘴開開笑到歪歪个喙角像牛角 頭擺个事情頭擺你還記得無? 頭擺个事情頭擺你還記得無? 打赤腳生爛疤細人個個拈蛇打曬到生臭頭該芭食到屙硬屎灌土狗蕃薯打臭屁 頭擺个事情頭擺你還記得無? 頭擺个事情頭擺你還記得無?
98 年臺灣客家語朗讀(大埔腔)高中學生組編號 9 號 遠方个鼓聲 在當久當久以前有一個客家後生人佢用了一生个時間去尋傳說个鼓聲佢過盡高个山過盡深个大海該鼓聲到底在哪位突然之間該遠方个鼓聲又響起緊祖先个山歌傳到這位該遠方个鼓聲又響起同講對那位來遠方个鼓聲在當久當久以前有一個客家後生人佢遠渡重洋去尋傳說中个鼓聲佢過盡高个山過盡深个大海該鼓聲原來在厥个心中突然之間該遠方个鼓聲又響起緊祖先个山歌傳到這位該遠方个鼓聲又響起同講對哪位來遠方个鼓聲還記得阿爹同佢講凡事愛煞猛打拚將來愛做個有用个人路還當長你愛腳㬹企直行落去行落去 黃腹歌手 佢係一種鳥佢會噴嗶嗶從簡單个回回回到四小節个好聽樂曲佢係鶲亞科個鳥佢有拉丁名 Niltava vivida 從樹頂衝出去捉蟲迴一輪圓弧又飛轉來模仿佢个噴嗶聲佢回答更加婉轉个樂曲有 hui-hui-hui- 還有 giligo-gui- 像染布鳥又像畫眉藍青藍青个背囊木瓜黃个肚腹老朋友喊佢婆憂鳥喊佢黃腹歌手 亭下个燕 好天个臨暗傳來遙遠个叫聲毋曉排列个燕在昏暗个天空表演飛行个技術落雨天个電線頂傳來清楚个叫聲曉得排排坐个燕在綿密个雨簾前梳洗烏金个禮服亭下个燕傳來鬧熱个叫聲當會泥水工个燕在結實个屋竇肚畜飼毋知飽個嬰兒
圓樓底下个 圓樓底下个像企在巨人个陎前圓个每一扇窗像一雙利利个目珠吾个行動分你看都清清楚楚莫防恁多毋係割人个風也毋係熝人个火一旦入若个圓圈斯變成一隻蝲陷在若个八卦陣裡肚係眠在寶島个搖籃裡肚 門紅 門楣項貼緊五張紅紙聽講斯係五隻獅逐家都有醒眼个獅掌門將苦難災禍擋在外背請五福臨門吾伙房个廳下門也貼緊五張紅紙原來這獅係對大陸坐船過來个到今雖然有兩百零年了獅个本性無改變不管你戴个泥磚屋戴个洗石屋佢戴个樓屋都係共樣个心情老老實實掌屋 洗衫坑 坑水清又清從頭擺流到頭下洗淨幾多臭汗酸刷淨幾多壢溝泥坑水流啊流從天光流到暗晡細妹人个手夫娘人个手老阿婆个手洗過幾多舊衫褲刷過幾多爛被單坑水清又清總係清毋撇自家个目汁坑水流啊流總係留毋核自家个淨利 98 年臺灣客家語朗讀(大埔腔)高中學生組編號 10 號
98 年臺灣客家語朗讀(大埔腔)高中學生組編號 11 號 還記得 紅紅个鳳凰花高高个大王椰記得行過个草坪記得坐過个凳頭 闊闊个運動場青青个老竹園記得爬過个樹叢記得泅過个河壩 還記得啦喔還記得囉還記得啦喔還記得還記得啦喔還記得囉還記得啦還記得 紅紅个鳳凰花高高个大王椰記得爬過个樹叢記得泅過个河壩 還記得啦喔還記得囉還記得啦喔還記得還記得啦喔還記得囉還記得啦還記得嗯還記得 還記得還記得 還記得還記得 還記得還記得 鮮鮮河水 細人毋好相打大人毋好相打相打第一憨毋係打著人斯分人打阿爹渡你去圓潭捉大鯉嬤細人要學泅水到大來正毋會驚水鮮鮮河水阿舅帶頭學跳水沙溜同蝦兯老蟹黏黏趖泅水要先會漞水會漞水正毋會驚水鮮鮮河水阿爹教你學漞水一粒石丟到潭肚搶緊漞釣梹直直釣無食釣梹彎彎釣石敤阿伯釣潭頭阿爮釣潭尾係釣無鯽魚斯險灘咻白哥鮮鮮河水阿奶灶下切薑絲阿爹講佢險險捉到大鱸鰻 送別 敬你斯一杯酒喔北風囉冷過長一杯酒斯送你送喔目汁滴滴落相見斯毋知哪日喔黃沙滾人影瘦一杯酒斯送你送喔人生別離多日落西山天已漸漸寒人昏黃臨暗囉飲落 ( 囉 ) 這杯酒 ( 喔 ) 行前莫回頭
98 年臺灣客家語朗讀(大埔腔)高中學生組編號 12 號 客家莊 頭擺頭擺來臺祖兯好唱悲歌佢講臺灣可比殺人山講著夫娘毋使想講著賺錢食屎難 頭過頭過阿伯阿叔好唱山歌佢唱摘茶愛摘兩三皮唱到阿妹來相和唱到日頭毋落山 這下阿貓阿狗都好唱歌佢唱車站枕頭加上客家本色唱出現代个孤棲唱出現代个繁華 下次擺細倈細妹都好上班佢講臺灣可比大矽谷講著賺錢比水多講著人生用搖頭 地球村 頭擺頭擺祖祖兯兯總知開山打林腳盤生根在山窩肚目珠盯緊山排頂个家園 頭擺頭擺爺娘舅姑經過盡多政府耳兯背傳來反共大陸个口號心肝肚吊掛子女个冷燒餓飽 這下同事朋友個個盡曉得打拚專心背書考試賺錢毋想統獨个下次擺 下次擺子子孫孫毋使驚怕分人喊客人子放心講出愛臺灣放心參加聯合國 日出 田脣个月光 到下夜落山背 行到路巷目瞇瞇尋路轉 該樹直搖 涼風吹過來 心情也舒爽 人生快樂愛使麼人教 緊行緊唱 哥係仙妹係嫦娥 也毋使多講 唱出山歌 真會哦 該電火墩直搖 日頭撐過來 心情也真艱苦人生快樂 愛使麼人教 田脣个月光到下夜落山背行到路項目瞇瞇尋路轉電火柱直直搖日頭照過來心情真艱苦
98 年臺灣客家語朗讀(大埔腔)高中學生組編號 13 號 臨暗 臨暗, 收工一個人行, 在都市目珠吊吊頭那冇冇異像自家已經灰飛腦散三不時失神走志浪浪蕩蕩穿弄過巷當想聽一聲阿姆喊細人洗身真想鼻一下灶下肚煎魚炒菜个味瑞臨暗, 愐起阿爹講个家族史吾等這房歷代犁耙碌碡今都市打拚愛學開基祖臨暗, 一個人行中山路彎 (vat2) 中正路論萬盞火照毋光腳下个路人來人去算毋利無人好問食飽咧無 遠方个鼓聲 在當久當久以前有一個客家後生人佢用了一生个時間去尋傳說个鼓聲佢過盡高个山過盡深个大海該鼓聲到底在哪位突然之間該遠方个鼓聲又響起緊祖先个山歌傳到這位該遠方个鼓聲又響起同講對那位來遠方个鼓聲在當久當久以前有一個客家後生人佢遠渡重洋去尋傳說中个鼓聲佢過盡高个山過盡深个大海該鼓聲原來在厥个心中突然之間 該遠方个鼓聲又響起緊祖先个山歌傳到這位該遠方个鼓聲又響起同講對哪位來遠方个鼓聲還記得阿爹同佢講凡事愛煞猛打拚 將來愛做個有用个人路還當長你愛腳㬹企直行落去行落去 洗衫坑 坑水清又清從頭擺流到頭下洗淨幾多臭汗酸刷淨幾多壢溝泥 坑水流啊流從天光流到暗晡細妹人个手夫娘人个手老阿婆个手洗過幾多舊衫褲刷過幾多爛被單 坑水清又清總係清毋撇自家个目汁 坑水流啊流總係留毋核自家个淨利
下一站 再過一個磅空再過一板鐵橋過了街路轉一個斡遠遠个山城木棉花正開到咧快到咧空空缺缺个路共樣愛向前到咧會到咧目珠金金早都看現現下一站故鄉个名肝肚喊出來 山崎路 崎个石頭路項阿爮講弓蕉又落價咧阿爹一句話都無講一臺鐵馬一臺三輪車正愛去歸片个弓蕉園厥等个背囊像兩頭翹个弓蕉厥等个陎皮青黃个弓蕉皮厥等个命盤高高吊在半空中像一皮扯爛个弓蕉葉落崎容易崎難毋識歇睏个腳膝頭臨暗時節頭前个路也無電火來照光 頭擺个路 總好企在轉斡个所在回頭看行過个路行過个彎彎斡斡目珠瞇瞇也使得看得到心肝肚个一條路該位所盡多歡喜阿姆牽緊吾手緊老弟个手一片係大陂塘一片係田洋目珠瞇瞇也使得看得到心肝肚个一條路該位所淰淰个膽識阿爮肩頭㧡緊弓蕉聽聲唱歌星夜中芒冬花輕輕拂緊緊目汁个陎有一條路啊別儕人可能毋識看過頭擺識有个山排頭擺識有个竹圍莊頭伯兯廟个後背傳出山歌个老屋長在愐起心肝肚个該條頭擺个路 98 年臺灣客家語朗讀(大埔腔)高中學生組編號 14 號
看戲 工廠下有人為著環境污染抗議圍堵街路上有人為著還母語示威遊行盡安全个人生係別人去擔風受險來享受厥等爭來个好處電視肚常常出現農家歡樂个景光書本中時時寫到美麗無邊个家鄉盡快樂个人生係別人去做生做死來欣賞勞苦个美觀學者先生為了台灣文化認真座談論官員大人為著中國文化煞猛寫標語盡穩當个人生係別人去辦文化雜誌來編印發財書類斯像童時去廟坪看戲最生趣个人生係別人在台上演出悽慘个故事吾等在台下食山楂糖慢慢享受 農夫 所有農夫毋識一勞永逸雜草剷過天光日又標出新芽來所有食糧放久會綿毋會綿个東西毋敢食所有農夫毋識一勞永逸五穀收成下個月又愛落田蒔秧所有生命該當勞動毋使震動个人生無想愛 桐花 三四月間油桐花開花白如雪八九月間油桐落葉葉黃如土阿爮在世滿山種桐桐子商人買阿爮過身滿山桐花桐花詩人惜 98 年臺灣客家語朗讀(大埔腔)高中學生組編號 15 號