TUM SING LEH GINGTU HINKHUO (Revelation 7: 9) Tum Sing khu Bible gamte leh akimvel a gam umte ah kithang mama hi. Tum sing khun aba/branches neilou hi

Size: px

Start display at page:

Download "TUM SING LEH GINGTU HINKHUO (Revelation 7: 9) Tum Sing khu Bible gamte leh akimvel a gam umte ah kithang mama hi. Tum sing khun aba/branches neilou hi"

跃育桑
4 years ago
Views:

1 TUM SING LEH GINGTU HINKHUO (Revelation 7: 9) Tum Sing khu Bible gamte leh akimvel a gam umte ah kithang mama hi. Tum sing khun aba/branches neilou hi. Adawn akhun leeng lukhu/coronet bangin pahkhie a anuoi ah agate kikhai uhi. Palestine gam akhun Tum kung khu tuipi geilah leh Jordan phaizang ah atam mama hi. Sinai gamgaw akhun tui tamlou umna/oasis kiim ah Tum kung um nuom mama hi. Israelte Egypt gam apat apawtdoh nua un Tum Kung sawmsagi umna mun Elim vatung uh ahidan Exodus 15: 27; Numbers 33: 9 in gen hi. Deuteronomy 34: 3; 2 Chronicles 28: 15 akhun Jericho khu Tum Khopi (City of Palm dates) chi n kigen hi. Vaihawmte/Judges 1: 16; 3: 13 in Tumsing Khopi achi khu Jericho khuo agenna hingei ding hi. Johan 12: 13 akhun Jesu nuazuite khun Tum nate tawiin Jerusalem lutna bul ah ana lamdawn thu kigen hi. Khum hunlai in Romete sum ah Tumna Lim atuong a, khumkhu lawchinna leh zawna etsahna ahia, Jesu pahtawi a Hosanna chia Tumna atawi u khun Rome zaw in aumta achina uh ahi. Tumsing khu gentena sil in zong akizang zel ahi. Psalms/ Late 92: 12 khun midihtatte pen Tumsing banga khanpha ding ahidan gen hi. Solomon La 7: 7-8 akhun mou pienhoite khu Tumsing toh gente in um hi. Isai 9: 14 ah Tumsing khu Israelte leeng/kumpite toh gente ahikia uhi. Mundangte

2 ah sietna etsahna n zong zah hizel hi. (Joel 1: 12) Vaihawmtu Deborah khu Deborah Tumsing nuoi a atouzel hi (Vaihawmte 4: 5). Solomon Temple cheimawina dingin Tumsing lim nasatah a zah ahi (1 Leengte 6: 29, 32, 35, 7: 36). Hampheng Kut ah Tumna atawizel uhi (Leviticus 23: 40; Nehemiah 8: 15). Jersusalem a imangpa Jesu Leeng banga alut ni in Tumna tawi in thupina pieh in um a, tuhun tan ah Tumna tawiin Khristiante n Palm Sunday ah Mang Jesu ipahtawi zel uhi. Tumsing khu mihing min leh mun min piehna n kizang zel hi. Bible ah Tum sing tungtawn a minphuo sah a um hi. Hebru ham in Tumsing khu Tamar akichi a, Juda tapa Era zi min khu Tamar ahi (Genesis 38: 6, 11). David tanu min zong khu Tamar ahi (2 Samuel 13: 1). Absalom tanu min zong Tamar ahikia hi (2 Samuel 14: 27). Israelte gamgi tha khu suolam tuipi a Tamar tan atung hi kichi hi (Ezekiel 47: 19; 48: 27). Mun/gam min azong Tum sing toh genkhawm Hazazon-Tamar (Genesis 14: 7), Baal-Tamar (Vaihawmtu 20: 33) a um uhi. TUMSING CHITUOMNA: Tumsing khu apolam tuamtu khautah mai aum a, tuanah agui khautahtah zamtou hi. Tuabanga agui khautah zamtou khu khau bawlna ding bangin azang zel ua, khau tou mama bawlkhe zel uhi. Tumsing akawm/atuomtu sung akhun akung aum a, khumpen phalni suo in a atphal ua,

3 numeite siemgatna vanjah poimaw chiempeh leh sil tuomtuom ading in zangzel uhi. Tam Tum sing khu atam mama zieh in aga khu Mesapotamia mite n neh leh tah sil ah nehpen khat in ana nei ua, Egypt gam ah zong ane tangpi chiet uh kichi ahi. Akung sung akhun alai ngeh umnalai a, tuakhu me dingin atui mama chi uhi. Tualeh ana zong manpha tah in zang ua, pheh ding, bag ding leh siltuom tuom a dingin gan zel uhi. Tualeh Tumsing a lung umte khu me dingin adei thei mama uh kichi hi. TUM SING KHU 1.SING TANG/STRAIGHT AHI: Sing leh mau tamtahte khu zahtheilou, zahtahlou khop akawi zel ua, Tumsing vangkhu tang zinzen in amam mama a, asaudan khu achangchieng in feet 100 zong phatou zel kichi hi. Umtheilouna mun leh gam chite anei tuom sih ahi. Muolpang kenselahte bang, guom leh gamgawmunte nasan ah umthei suoh kichi hi. Gingtute lah akhun utdeuna mun leh umthei deuna mun (Comfort Zone) inei tuom ua, umpeilouna, utlouna mun bang inei uhi. I utna leh iphurna lam silte akhun gensiet beiding hiel in ium leng uh ahi. Lenkhawm na hunte ah lam kithalop mama napi, Hattuom natang nite bangah iki lang ngap zel sih ua, Sunday school kaikim zieh a lawman sangthei napi, Nilai zan kikhopnate ah melmu ding aki um zel sih ahi.

4 Mangpa Jesu n Peter kungah, Na naupan lai in nakawng kigah in, na utna lamlam ah napei a, nanleh nahing pichin chiengin midangin nakhut ahing gahpieh dinga, na utlouna lamlam ah ahing kai ding uh, chi hi. I kilawpna munte a phurtah ah nasep ahoi a, nanleh ikilawplouna mun, iutlouna munte a kai koikoi a umna khu piching dinmun hizaw hi. Tumsing in pou utlouna mun, um utlouna mun chite aneilou bangin, ei gingtu ten zong kilawplouna, utlouna mun chite inei lou ding uh ahi. 2.AZIH AKHAU AHI: Tumsing tang zinzen a aumtheina khu, azih tuomtu khautah anei zieh ahi. Azih zumpen sil khautah in atuom a, vamlam kawhin, tangtah in aum zinzen a, alang alang ah awn maimai lou ahi. Tup kichien nei in vanlam akawh tinten a, huipi nasan in muttan maimai ngailou hi. Igingtu hinkhuo zahna uakhun Pasian Thu leh Hagau Siengthou thopna toh ikituom na uoi? (Jesu Khrist enlou a tuifonte leh huipite a etchieng in Peter khu tummang ding in umlaw ahi. Gingtu tamtah khun itup leh ngim leh isepsawmte nasan theitheilou khopin hinkhuo imang ua tuakhun ihinkhuo puise leng zel ahi. Tumsing bangin vanlam en gige in kalsuon u lei khovel khelna apat ibit thei ding uhi. 3.TUI GEI A SING KISUON: Guolnei Jeremiah khun gingtute dinmun ding agenna ah khun, Tui luong kung a

5 sing kisuon, lui gei a ahui ha bang in gente hi (Jeremiah 17: 8). Tumsing khun sing dangte sangin thuhtah in ahui aha a, suongpi leh kawl kenselah hinanleh hui hana ding lemtang sui in, leinuoi a feet 150 a thuh ah ahui ha in, leisung thuhtahtah sung a tui umte atawp gige ziehin, khokhal kumte azau sih a, agasuo ding akikhelsah ngaisih ahi. A nate zong ahing gige ahi. Leisung thuhtah a ahui aha ziehin, huipi leh guopi inzong amutpuh theisih a aphungkal ngailou ahi. Gingtute khu khelna huipiten ahing mutpuh paipai louna dingin ahing vengtu ding leh ahing enkoltu dingin Hattuomte ahing bawlpieh a, I Hagau tenna dingin munbit biehinn ahing bawlsah ahi. Gingtu dihtahte khu biehinn ah kimu zing uhi. Aziehpen Na inn huonsung a nikhat umkhu, mundang a ni tulkhat umsangin ahoizaw ahi, (Psalm 84: 10). Biehinn ngainalou leh biehinn a kisuon khalou gingtu tampite adingtang tahtah theilou ahi. 4. LING ANEI SIH AHI: Tumsing khu atang zinzen a, ling aneisih ahi. Alim nuoi ah khuolzin chau mama te atawldam zel uhi. Gamdai gamgaw a khuolzin ba leh ngui mamaten, gamlatah apat in tumsing liim agal et ua, alam etna uh atha sah ua, aliim nuoi atun chieng un, hamuongtah in akhawldam zel uh ahi. Ei gingtute I liimnuoi uakhun mikhielte, chimaw leh beidongte, ngolveite, min bangma a asimloute ahing kitawldam ding uh ahi a, amaute khu ikhawldam sah un, I liimnuoi bel ding alunggul zou na uoi? Nu leh pate ki

6 ngaituo va ui, I liimnuoi uah itate atawldam thei na uoi? Khanglai hatlaite ziehin nu leh pa hatlate ahamuong na uoi? Mi lungsim hoilou, lingnei, mihinglui shisanloute kunga umkhu anuom sih ahi. Gingtu hingal a Kross liimnuoi a khawldam lou a khovel du amna a khawldamna sui itam ziehun, ivuoigawp zel uh ahi. Kalvary tuihing lui, kumtawn a kangngailou, Jesu nah akipat sisan leh tui hing luongkhie in achawm gingtute vang, apuhse ngaisih uh ahi. Tumsing bangin khelna huipi nasan in amutpuh theilou dingin, kumtawn tuihing lui ah hui ha u lei, ahuntah in iga ding a, inate zong avuoi ngaisih ding a, I liimnuoi bel ding ut in, mibanglou ichite, liengvai gentheiten ahing zuonkhawm ding ua, eite vangin kipahna tultheilou, kumtawn khawldamna atangthei ding uh ahi. Tumsing banga gingtu hinkhuo zangthei dingin Mangpa n Athu guolzawl ta hen. Gieltu Pro. Pastor Khupsianlal Zou ZOU SYNOD

Reading Plan 365

Reading Plan 365 1 2 3 4 5 6 7 8 9 10 Genesis 1:1-2:25 Matthew 1:1-2:12 Psalm 1:1-6 Proverbs 1:1-6 Genesis 3:1-4:26 Matthew 2:13-3:6 Psalm 2:1-12 Proverbs 1:7-9 Genesis 5:1-7:24 Matthew 3:7-4:11 Psalm