The Start of Mans Sadness Thadou PDA

Transcription

1 Chapang ho Bible Tahlahna Mihiem genthei kipatna

2 Asundoh-a pang: Edward Hughes Muthei a hilchetna bawl-apang: Byron Unger; Lazarus Aguongtuoh-a pang: M. Maillot; Tammy S. Athu-ledoh-a pang: Dr. Seikholun Singsit Apodoh-a: Bible for Children Bible for Children, Inc. Phalna: Nangma n hiche thusim hi sumkawlveina ding ahilou pou leh nalah doh theina le tadohtheina phal ahi.

3 Imazouse hi Pathien siem ahi! Pathien in mihiem masapen Adam A-siem chun, Adam le aji Eve chu Eden huon a acheeng in ahi.

4 Pathien thu-nuoi-a hinkhuo nuomtah mang in chule Pathien toh kivop in a-um un hizongle nikhat chu...

5 Guul in Eve jah-a, Pathien in theiga khatcha nehih un ati em? ati.

6 Eve in ajah-a, Theiga khatseh ti lou adangse kanehmo lhon ding a-umpoi.

7 Hiche thei-ga khu kaneh lhon ham kakhoikhah lhon ham a ahile Kathy lhon ding ahi. ati. Guul in anuisat in, Nathy lhon lou ding ahi ati.

8 Naneh le Pathien nabah ding ahi ati. Eve in theiga chu neh ding alung-gul tan ahi. Ama n guul thusei atahsan in theiga chu anetai.

9 Eve in Pathien thupieh apalkeh zou in Adam zong theiga anehsah ta n ahi.

10 Adam chun Ahipoi! Keima n Pathien thupieh kapalkeh lou ding ahi anati ding dawl ahi.

11 Adam le Eve achawnsiet phad un saguohkeo ahiu chu ahe lhon tai.

12 Saguohkeo khukhumna ding in theichang-naa akilmat-mat un, chule hambuh lah-a Pathien a kuon in akisel lhon tai.

13 Nilhangkai in huon a chun Pathien ahung ta n ahi. Ama n Adam le Eve in ipi abawl u ahed ahi. Adam in Eve angoh in chule Eve in guul angoh ta n ahi.

14 Pathien in, Guul hi sapsiet changhen. Numei in nao-suonat thuoh hen ati.

15 Adam, na-chawnsiet jeh in leisiet hi ling-le-khao a sapsiet ahitai. Nangma n niisieh le ulsa kai-a neh nakihawl ding ahi ati.

16 Hichun Pathien in huon sung nuomtah-a kuon chun Adam le Eve anodoh tai.

17 Ajeh chu amany chawnsie ahi lhon ta n, hinna pie Pathien to chuomkhen ahilhon tai!

18 Amany daldohna ding meikuong-chemjam khat Pathien in A-siem e.

19 Adam le Eve kivonna ding savun abawlpieh in ahi. Hiche savun ho chu Pathien hoi-a alah ahidem?

20 Phad alhintah in, Adam le Eve in cha anei lhon in ahi. Amany chapa masapen, Kaina chu huonbawl mi ahi.

21 Amany chapa anyna, Abel chu kelnguoi ching ahi.

22 Nikhat hi Kaina in Pathien pieh ding huon a anche-louhing phabep achoy in ahi.

23 Abel in a-kelnguoi aphapenchieh phabep Pathien pieh ding achoy e.

24 Abel thilto joh chu Pathien in asaanpieh tai.

25 Kaina thilto vang Pathien in asaanpieh tapoi. Kaina alunghang lheh jeng in ahi.

26 Hizongle Pathien in ajah-a, Thilpha bawl hile chun Ka-saan pieh da ding ham? Ati.

27 Kaina lunghanna chu abeidieh tapoi. Phad chomkhat zou in loumun ah Abel chu adeng in athat ta n ahi.

28 Pathien in Kaina jah-a, Nasuopipa, Abel hoi-a um hitam? atile ama akilep in, Kahe poi. Keima kasuopipa chingbeh kahim? ati.

29 Pathien in Kaina engbawlna in a-huonbawl thepna chu alah pieh in, mivahvai khat in asiem ta n ahi.

30 Kaina chu PAKAI/Yahweh mitmu-a kuon apoddoh tai.

31 Aji ding in ama n Adam le Eve chanu khat akipui in ahi. Amany chun cha-le-nao anei lhon e.

32 Chomkahlou in, Kaina khuopi siem chu a-tute le atusawn ho n aluodim tauvin ahi.

33 Hicheped chun Adam le Eve inn-sungmi zong apungtul tul un ahi.

34 Hichelai-a miho chu tulai-a miho saang in ahing-sod uve.

35 Achapa Seth apien chun, Eve in Abel kheel ding Pathien in Seth eipie tai ati.

36 Seth chu Pathien gyng mi ahi n, kum 912 ahing in chanu-chapa tamtah anei-e.

37 Vaan-nuoi ah, mihiem khansitna apungcheh cheh jengta n,...

38 ... chule khang gilou khat chu khang-gilou khat in ajuipeh in ahi.

39 Akhonna-a Pathien lunggel lhah chu suhgam ding a mihiemte chule...

40 gamsa zouse le chungleng vacha zouse hi ahi.

41 Pathien in mihiem Asiem chu A-da lheh jeng e. Hizongle mi khat in Pathien lung alhaisah in ahi.

42 Hiche mihiem chu Noah ahi. Seth chilhah, Noah chu michawnpha le nuolnabei mi ahi.

43 Ama Pathien to ki-khenlou mi ahi.

44 Ama n a-chapa thumho zong Pathien thu nitje ahil e.

45 Tu a hi Pathien in thil hedkhah lou le deichuombeh khat bawlna ding in Noah manchah aguo tai!

46 Mihiem genthei kipatna Pathien thu Bible-a, kuon thusim, akimu na hi Bulpat-bu Bung 3-6 Nathu-a sunglhah hin vah a pie. Psalms/Labu 119:130

47 Akichai tai

48 Hiche Bible thusim hin eisiempa-u Pathien akidanje leh nang in ama naheddoh ding deina thu ahil in ahi. Pathien in chawnsiet ati, thilphalo eiho n ibawl u hi Ama n ahe-e. Chawnsiet man talien chu thyna ahi, hizongle Pathien in nangma na-ngailut behseh jeh in Achapa neisun, Jesu, chu nangma chawnsiet jeh-a thigpel a thy ding le talien manding a A hinsawl ahi. Chuin Jesu chu thyna-a kuon in ahingdoh in chule Vaan-gam inn juon in achie tai. Nangma n Jesu natahsan a chule Ama hieng a nachawnietna ho ngaidam na-thuum a ahile Ama n na-ngaidam ding ahi! Ama hung in tin nalung sung a cheengpai ding chule nangma tuonsod-gei-a Amato nahin ding ahitai.

49 Nangma n hiche hi thu-tahbeh ahi ti natahsanle, Pathien hieng a hiti hin tao in: Ka-ngai Jesu, nangma Pathien nahi ti katahsan e, chule keima chawnsiet jeh-a thy ding in miheim in nahungpieng in, chule tu hin nangma na-hing kid tai. Lungsiet tah in kalung sung a hung cheeng in chule kachawnsietna ho ei-ngaidam in, chutile keima n tua hi hinkhuothah kanei ding, chule nikhat tiengle nangmato tuonsod-a ka-um ding ahi. Nangma thu-a nung ding le nacha khat bang a hing ding in eikithuopi in. Amen. Bible ni-siehle sim in lang chule ni-sieh in Pathien to kihou zing in. John 3:16