01 釘 干 樂 桃 園 大 溪 上 出 名 陳 憲 國 桃 園 大 溪 出 名 豆 乾 (tāu-kuann) 是 通 人 知 -- 的, 毋 過 真 濟 人 毋 知 影 桃 園 大 溪 世 界 出 名 -- 的, 是 華 語 叫 做 陀 螺 的 干 樂 (kan-lo k) 咱 臺 灣 傳 統 的 干 樂 大 部 份 攏 是 用 柴 製 造 -- 的, 阮 講 做 刣 (thâi) 干 樂 阮 細 漢 的 時 陣 有 一 首 唸 謠 講 : 一 樟, 二 khīng, 三 埔 薑 (poo-kionn), 四 苦 楝 (khóo-līng) ; 就 是 咧 講 欲 刣 做 干 樂 的 柴, 著 愛 揀 彼 款 較 𠕇 (tīng) 的 柴, 愈 𠕇 的 愈 好 ; 當 然 逐 所 在 的 情 形 攏 無 啥 仝 款, 佇 大 溪 這 个 所 在, 有 人 講 龍 眼 菝 仔 抑 是 檨 仔 (suāinn-á) 柴 閣 較 𠕇 閣 較 好 普 通 刣 干 樂 差 不 多 一 節 兩 三 寸 長 的 柴 箍 就 有 夠 俗 語 若 講 一 丈 柴 刣 無 一 粒 干 樂, 就 是 咧 講 一 个 人 技 術 誠 低 路 (kē-lōo), 效 率 傷 過 頭 差, 造 成 浪 費 真 濟 材 料 ; 啊 若 是 無 索 仔 拍 干 樂, 彼 就 是 親 像 飛 行 (lîng) 機 飛 上 天 變 (pìnn) 無 輪 (lián); 若 講 著 海 沙 埔 拍 干 樂, 就 是 做 生 理 的 人 上 蓋 驚 的 歹 轉 踅, 也 就 是 週 轉 不 靈 的 意 思 -- 啦 咱 臺 語 內 底 有 一 个 謎 猜 講 一 跤 會 走, 無 喙 會 吼, 就 是 咧 講 拍 干 樂 ; 啊 若 是 講 一 个 人 鼓 吹 喙, 干 樂 跤, 就 是 講 這 个 人 話 較 濟 過 沙 螺 仔 殼, 又 閣 坐 攏 袂 牢, 無 一 時 得 定 (tik-tiānn) 拍 干 樂 就 是 用 一 條 索 仔 共 一 粒 干 樂 纏 真 濟 輾 (liàn/lìn), 用 手 共 干 樂 擲 (tàn)-- 出 去, 佇 半 途 中 將 索 仔 雄 雄 掣 (tshuah) 倒 -- 轉 來, 干 樂 就 會 踮 (tiàm) 塗 跤 轉 (tńg) 拍 干 樂 會 使 得 家 己 一 个 人 拍, 嘛 會 使 得 兩 个 人 以 上, 互 相 釘 來 釘 去, 比 看 啥 人 的 干 樂 較 勇, 干 樂 若 予 人 釘 歹 去, 是 品 (phín) 無 賠 -- 的, 這 就 是 釘 干 樂 有 人 就 共 干 樂 的 尻 川 底 彼 枝 釘 仔 改 做 一 字 形 的 利 刀, 聽 講 較 有 贏 面 拍 干 樂 世 界 上 出 名 的 是 佇 桃 園 的 大 溪 (Tāi-khe) 1968 年, 大 溪 遮 有 人 組 織 一 個 干 樂 王 公 會, 互 相 研 究 干 樂 的 形 式 佮 各 種 拍 干 樂 的 方 法 ; 干 樂 愈 做 愈 大 粒, 對 起 初 的 5 臺 斤 10 臺 斤, 到 50 臺 斤 重 的 干 樂 王 紲 -- 落 來 閣 成 立 俱 樂 部 大 力 咧 推 廣, 干 樂 嘛 閣 愈 做 愈 大 圈 (khian), 聽 講 目 前 世 界 的 Guinness( 金 氏 ) 記 錄, 是 1985 年 由 廖 文 樹 先 生 所 製 造, 號 做 地 靈 之 光 的 干 樂 王, 重 量 是 155 臺 斤 ( 大 約 93 公 斤 ) 啊 若 拍 干 樂 的 世 界 記 錄 是 2005 年, 大 溪 的 張 泰 源 先 生 創 造 -- 的, 干 樂 重 量 超 過 100 臺 斤, 轉 (tńg)39 秒 久, 有 影 無 簡 單 拍 干 樂 這 陣 已 經 變 做 是 傳 統 民 俗 技 藝 ; 彼 (he) 就 是 表 示 咧 欲 (teh-beh) 撈 (hôo) 起 來 滴 水 -- 矣, 需 要 有 人 設 法 來 傳 承 -- 落 去
02 對 挲 圓 仔 講 起 趙 玉 華 冬 節, 想 -- 著 的 就 是 挲 圓 仔 佇 學 校 佮 學 生 囡 仔 做 伙 咧 挲 圓 仔, 逐 家 歡 歡 喜 喜, 有 講 有 笑, 囡 仔 挲 甲 足 趣 味 面 滒 著 麵 粉 挲 的 圓 仔 歪 膏 揤 斜 (uai-ko-tsh h-tshua h) 我 手 -- 裡 的 圓 仔 挲 甲 圓 圓 圓, 挲 -- 啊 挲, 煞 戇 (gōng) 神 -- 去 細 漢 的 時 陣, 冬 節 暝, 阿 母 共 挲 圓 仔 的 物 件 攢 (tshuân) 予 便, 逐 家 圍 佇 桌 仔 邊 挲 圓 仔, 有 時 陣 比 看 啥 人 挲 較 圓, 有 時 陣 比 看 啥 人 一 改 挲 較 濟 粒, 足 好 耍 -- 的! 挲 好 早 早 就 去 睏, 想 著 明 仔 早 (tsái) 仔 甜 甜 的 圓 仔, 逐 家 攏 乖 乖 仔 睏 第 二 工 透 早, 天 色 猶 閣 暗 暗, 就 起 來 等 食 圓 仔 彼 種 燒 燒 甜 甜 的 感 覺, 逐 冬 的 冬 節, 攏 會 閣 出 現 佇 腦 海 中, 是 一 種 寒 天 透 早 特 別 的 幸 福, 我 嘛 誠 珍 惜 這 份 挲 冬 節 圓 的 幸 福 會 記 得 大 約 二 十 外 冬 前, 彼 陣 我 佇 內 山 教 冊, 有 一 个 拜 六 下 晡, 對 山 頂 轉 -- 來, 我 佮 同 事 去 市 內 看 電 影, 暗 頓 食 飽 轉 去 到 厝, 看 著 阿 母 䖙 (the/thenn) 佇 眠 床, 毋 是 寒 天 伊 煞 咧 蓋 大 領 被, 伊 講 伊 足 寒, 人 足 艱 苦 我 佮 小 弟 仔 用 被 共 阿 母 包 -- 咧, 抱 入 去 車 內 底 佇 車 內, 阿 母 的 頭 倚 佇 我 的 大 腿 頂, 阿 母 無 啥 清 醒, 我 一 直 叫 阿 母 阿 母 伊 久 久 -- 仔 共 我 應 -- 一 聲 彼 陣 我 足 驚, 小 弟 車 嘛 駛 足 緊, 為 著 欲 予 阿 母 毋 通 昏 -- 去, 我 一 直 共 伊 叫, 一 直 挲 伊 的 面 這 是 我 頭 一 改 挲 阿 母 的 面, 阿 母 的 面 毋 捌 咧 保 養, 攏 用 清 水 戽 (hòo) 戽 -- 咧 爾 爾 ; 寒 天 會 抹 一 種 百 雀 翎 的 面 油, 彼 就 是 阿 母 的 化 妝 品, 會 使 抹 必 (pit)-- 去 的 跤 後 蹬 (tenn) 焦 燥 (ta-sò) 的 手 盤 佮 清 水 洗 -- 過 的 面 阿 母 的 面 挲 著 誠 釉 (iu), 毋 過 嘛 是 足 濟 皺 痕 (jiâu-hûn), 雖 然 阿 母 較 無 做 粗 重 的 工 課 勞 力 (lô-l k), 阿 母 攏 是 咧 勞 心 挲 著 阿 母 的 面, 我 心 內 足 急 閣 足 艱 苦, 看 伊 的 目 頭 結 結, 一 定 是 誠 艱 苦, 我 閣 去 看 電 影 誠 不 應 該 我 目 屎 流 -- 落 來, 滴 佇 阿 母 的 面, 莫 煩 惱, 無 要 緊 -- 啦! 伊 講 甲 誠 食 力, 我 聽 了 後 愈 艱 苦, 手 佇 阿 母 的 面 一 直 挲, 心 內 拜 託 天 公 伯 -- 仔, 佮 佇 天 頂 的 阿 爸, 一 定 愛 保 庇 阿 母, 予 阿 母 緊 好 -- 起 來, 毋 通 予 阿 母 遐 爾 艱 苦 後 -- 來 佇 病 院 檢 查, 阿 母 少 年 的 時 就 欠 營 養, 年 久 月 深, 毛 病 就 足 濟 -- 矣! 愛 食 較 濟 有 營 養 的 物 件 阿 母 干 焦 應 我 知 我 知 好 佳 哉, 彼 陣 阮 姊 妹 仔 小 弟 攏 大 漢 -- 矣, 會 當 有 孝 阿 母, 阿 母 的 身 體 嘛 漸 漸 勇 健 -- 起 來 這 件 代 誌 提 醒 -- 我, 有 孝 阿 母 關 懷 阿 母 就 愛 隨 時 做 這 二 十 外 冬 來, 我 定 定 想 -- 著 就 挲 阿 母 的 面 阿 母 的 手, 伊 嘛 笑 笑 仔 講 : 你 咧 創 啥! 我 就 啦 嘻 啦 嘻 (la-hi-la-hi) 講 : 挲 著 誠 好 -- 啊! 這 是 隨 時 就 有 的 幸 福
03 放 送 頭 張 翠 苓 (lîng) 是 按 怎 的 因 緣, 會 當 佇 歲 月 流 轉 三 四 十 年 的 時 空, 閣 佇 電 臺 聽 著 放 送 頭 周 進 升 先 生 的 聲 音? 彼 年, 會 記 得 是 阮 囡 仔 猶 咧 讀 國 校 仔, 我 六 點 外 起 床, 透 早 落 來 無 人 做 伴 的 樓 跤, 拍 開 收 音 機 陪 伴 我 攢 (tshuân) 早 頓 七 點 外 送 囡 仔 去 學 校, 收 音 機 內 容 放 送 啥 無 咧 注 意, 總 -- 是 有 聲 就 有 伴 有 一 工, 咧 等 欲 載 囡 仔 出 門 的 時, 順 手 捘 (tsūn) 音 響 彼 粒 選 臺 鈕 (liú) 仔, 捘 著 一 个 電 臺, 輕 輕 仔 放 送 出 來 一 條 日 本 iàn-gah 相 逢 有 樂 町 (Iú-lo k-ting) 的 音 樂 這 條 輕 柔 的 音 樂, 有 我 細 漢 時 溫 暖 的 記 持 音 樂 放 送 無 偌 久, 聽 著 主 持 人 的 聲 音, 我 人 煞 愣 (gāng) 佇 遐 一 開 始 彼 條 熟 似 的 音 樂, 就 予 我 聽 甲 已 經 茫 -- 去 矣, 閣 聽 著 主 持 人 的 聲, 我 足 毋 敢 相 信, 敢 是 咧 眠 夢? 敢 是 我 聽 毋 著? 敢 是 我 家 己 咧 幻 想 (huàn-sióng)? 伊 的 聲, 明 明 是 三 四 十 外 年 前, 佇 庄 跤 的 囡 仔 時 聽 -- 著 的 仝 款 的 片 頭 音 樂 相 逢 有 樂 町 仝 款 的 主 持 人, 三 四 十 外 年 時 空 的 流 轉, 停 止 佇 這 个 時 陣, 好 親 像 踅 轉 去 原 來 的 所 在, 這 是 啥 款 的 因 緣! 因 為 驚 喜 因 為 感 動 因 為 毋 敢 相 信, 規 身 軀 毛 管 (mn g-kńg) 空 攏 徛 -- 起 來, 咧 向 這 个 佮 舊 時 空 奇 妙 的 相 逢 行 禮 我 綴 阮 阿 爸 聽 la-jí-ooh 的 年 歲, 是 佇 猶 未 讀 冊 的 囡 仔 時 阿 爸 佮 阿 母 對 田 -- 裡 作 穡 轉 -- 來, 阿 母 入 去 灶 跤 款 中 晝 頓, 阿 爸 準 時 十 二 點 捘 開 la-jí-ooh 雖 然 經 過 幾 若 十 年, 我 猶 原 會 記 -- 得, 對 la-jí-ooh 放 送 -- 出 來 的 片 頭 音 樂 是 日 本 iàn-gah 相 逢 有 樂 町 好 聽 的 旋 律 (suân-lu t), 主 持 人 低 (kē) 低 迷 人 的 聲 音 響 起, 陪 伴 阿 爸 過 一 个 輕 鬆 的 中 晝 時, 阮 嘛 綴 咧 聽 彼 若 捌 若 毋 捌 的 廣 播 內 容 想 袂 到 彼 个 聲 彼 个 景, 佇 三 四 十 年 後 的 這 時 陣, 又 閣 浮 佇 面 頭 前 又 閣 響 佇 我 的 耳 空 邊! 細 漢 的 時, 阮 兜 彼 臺 la-jí-ooh 是 真 空 管 (tsin-khong-kuán)-- 的, 關 掉 的 時, 真 空 管 的 燈 火 真 久 才 會 化 (hua)-- 去 因 為 彼 臺 la-jí-ooh 捌 歹 -- 去, 表 兄 提 去 修 理 了 後, 腹 內 佮 喇 叭 箱 仔 煞 鬥 袂 好 勢, 只 好 分 開 囥, 嘛 才 予 我 看 會 著 內 面 慢 慢 仔 化 -- 去 的 燈 管 La-jí-ooh 的 外 表 無 媠, 伊 的 聲 音 卻 是 豐 富 我 真 媠 的 囡 仔 時 會 記 得 彼 時 節 目 的 尾 站, 主 持 人 總 是 用 慢 慢 低 低 真 有 磁 (tsû) 性 的 聲 音 講 : 歡 迎 下 一 次 暗 時 收 聽! 怪 奇 -- 咧, 當 頭 白 日 的 中 晝 時, 是 按 怎 伊 逐 擺 攏 叫 人 暗 時 收 聽? 註 : iàn-gah, 日 本 演 歌
04 阿 桑 的 形 影 陳 昆 龍 你 清 明 有 欲 轉 -- 來 無? 彼 工 透 早 就 欲 培 墓, 傷 趕 -- 啦, 我 無 想 欲 轉 -- 去 若 無 你 是 當 時 會 轉 -- 來? 前 擺 對 過 年 到 今 (tann) 嘛 遐 久 -- 矣! 歇 熱 -- 啦, 我 會 𤆬 (tshuā) 囡 仔 做 伙 轉 -- 去 好 -- 啦, 好 -- 啦, 隨 在 -- 你 啦, 較 捷 (tsia p) 敲 (khà) 電 話 轉 -- 來 一 冬 兩 擺 轉 去 南 部, 看 -- 著 的 阿 桑 一 擺 佮 一 擺 無 仝 是 猶 會 騎 oo-tóo-bái 去 四 界 踅, 毋 過 看 電 視 䖙 (the) 佇 椅 仔, 就 開 始 盹 (tuh) 龜 的 時 間 愈 來 愈 緊 ; 對 假 喙 齒 攏 提 掉 了 後, 就 愛 用 兩 排 齒 岸 哺 物 件, 定 定 會 嫌 我 煮 的 菜 無 夠 爛 較 早 的 阿 桑 才 毋 是 按 呢 -- 咧, 佇 我 囡 仔 囝 的 目 睭 -- 裡, 伊 是 敢 若 親 像 布 袋 戲 內 底 高 長 (ko-tshiâng) 大 漢 功 夫 厲 害 任 考 不 倒 的 武 林 高 手 阮 兜 蹛 佇 庄 跤, 厝 -- 裡 作 穡 種 弓 蕉, 別 的 囡 仔 禮 拜 日 歇 熱 攏 誠 歡 喜, 干 焦 我 著 煩 惱, 著 愛 綴 去 弓 蕉 園 割 葉 仔 顧 水 薅 (khau) 草 其 實 厝 -- 裡 我 算 上 細 漢, 攏 揀 輕 可 的 代 誌 做, 粗 重 的 阿 桑 佮 阿 兄 阿 姊 早 就 做 甲 差 不 多 毋 過 我 上 驚 薅 草, 一 个 腰 脊 骨 是 跍 (khû) 甲 強 欲 斷 -- 去, 看 別 逝 (tsuā) 的 人 愈 薅 愈 遠, 規 氣 坐 佇 弓 蕉 跤 歇 睏, 一 站 仔, 阿 桑 就 會 越 頭 來 共 我 鬥 薅 阮 欲 去 弓 蕉 園 愛 過 一 條 闊 莽 (bóng) 莽 的 溪 仔, 彼 陣 無 人 咧 撐 (the/thenn) 渡, 若 欲 騎 oo-tóo-bái 去 園 -- 裡, 對 橋 過 就 愛 踅 一 大 輾 佇 阮 庄 仔 頭, 差 不 多 逐 間 厝 攏 有 一 隻 竹 棑 仔 (pâi-á), 縛 佇 溪 仔 邊, 棑 仔 用 竹 篙 撐 -- 咧 撐 -- 咧 就 過 溪 -- 矣 阮 囡 仔 陣 定 定 划 (kò) 棑 仔 耍 水, 嘛 定 定 予 大 人 喝 閣 走 咧 逐 (jiok) 逐 家 攏 有 家 己 的 棑 仔, 遮 的 棑 仔 按 怎 來 -- 呢? 別 人 我 是 毋 知, 阮 兜 的 是 阿 桑 家 己 做 -- 的 佇 清 明 雨 水 開 始 欲 濟 進 前, 阿 桑 會 先 去 買 一 寡 比 大 腿 較 粗 的 竹 仔, 攢 (tshuân) 一 坩 (khann) 火 炭, 看 竹 仔 若 有 彎 彎 的 所 在, 就 用 火 慢 慢 仔 烘 (hang), 等 竹 仔 小 可 仔 變 軟, 才 細 膩 仔 雕 予 直 等 甲 攏 雕 好 勢, 才 共 竹 仔 鋸 平 長, 排 予 齊, 頂 懸 囥 細 枝 竹 仔 拍 橫 -- 的 用 鉛 線 縛 予 絚 (ân) 若 講 做 到 遮 煞 工, 就 無 算 真 正 範 (pān) 阿 桑 閣 會 佇 棑 仔 頭 遐, 那 烘 那 雕, 予 規 个 翹 -- 起 來, 按 呢 撐 棑 仔 的 時 陣, 頭 前 的 水 才 袂 潑 -- 入 來, 這 才 是 做 棑 仔 的 真 功 夫 有 人 毋 是 竹 仔 烘 甲 臭 火 焦 破 空, 就 是 雕 甲 必 (pit)-- 去 規 个 棑 仔 做 好 就 愛 閣 漆 一 沿 點 仔 膠, 會 當 擋 較 久 袂 漚 (àu)-- 去 上 煞 尾 揀 一 枝 較 粗 勇 的 竹 仔, 佇 頭 -- 仔 遐 鬥 一 塊 鐵 仔, 撐 棑 仔 的 時 陣, 竹 篙 才 袂 浮 -- 起 來 歹 出 力
05 彼 年 的 熱 天 蔡 幸 紋 暗 時 食 飯, 靜 文 的 細 粒 子 阿 母 攢 (tshuân) 甲 一 桌 的 菜 腥 臊 甲, 有 炕 肉 滷 豆 乾 芹 菜 炒 鯊 魚 皮 破 布 子 炊 南 洋 鮘 仔 (tai-á) 糋 (tsìnn) 花 枝 丸 煎 牛 肉, 閣 有 一 大 𥐵 (phiat) 煠 (sa h) 甲 紅 絳 (kòng) 絳 的 蝦 仔, 參 一 大 碗 公 筍 仔 魚 丸 湯 喔! 攢 甲 遮 豐 沛, 今 仔 日 是 有 人 客 欲 來 咱 兜 --hiooh? 靜 文 用 手 拈 (ni) 一 粒 花 枝 丸 窒 (that) 對 喙 空 緊 共 菜 捀 (phâng) 落 去 樓 跤, 叫 恁 阿 爸 好 入 來 食 飯! 款 甲 規 桌 頂 的 菜, 靜 文 阿 母 猶 閣 佇 灶 跤 咧 無 閒 靜 文 的 阿 爸 上 大 的 趣 味 就 是 屈 (khut) 佇 公 園, 毋 是 佮 人 行 棋 就 是 佮 人 開 講 講 政 治, 顧 公 園 袂 輸 咧 顧 兜 仝 款, 天 暗 -- 矣 猶 毋 知 欲 入 來 食 飯, 逐 遍 攏 愛 靜 文 佇 門 跤 口 喝 甲 大 細 聲 : 阿 爸 ~ 食 ~ 飯 ~-- 矣 ~! 喝 甲 規 公 園 的 人 攏 知 影 靜 文 兜 欲 食 飯 靜 文 看 著 規 桌 頂 滇 (tīnn) 滿 滿 攏 是 伊 愛 食 的 菜, 予 伊 想 起 四 年 前, 伊 [ 今 仔 ](ta nn) 欲 讀 大 學, 去 臺 北 讀 冊 的 前 一 暝, 阿 母 嘛 是 煮 規 桌 頂 的 菜, 閣 叫 伊 蝦 仔 佮 魚 仔 愛 加 食 -- 寡, 驚 伊 後 遍 佇 外 口 生 活 較 無 機 會 食 著 海 產 時 間 過 了 真 緊, 四 冬 一 目 𥍉 (nih) 就 按 呢 過 -- 去 矣 靜 文 是 厝 -- 裡 的 孤 查 某 囝, 所 以 自 伊 去 臺 北 讀 冊, 阿 爸 阿 母 就 加 足 孤 單 靜 文 雖 然 放 假 會 轉 來 高 雄, 毋 過 若 是 拄 著 學 校 代 誌 無 閒, 無 拄 好 的 時 陣, 成 (tsiânn) 個 月 嘛 無 通 轉 來 一 逝 (tsuā) 阿 母 若 等 無 伊 轉 -- 來, 就 會 假 無 意 敲 (khà) 電 話 予 靜 文, 哩 哩 囉 囉 (li-li-lo-lo) 講 一 寡 有 -- 的 無 -- 的, 上 尾 -- 仔 一 定 會 問 伊 這 禮 拜 敢 會 轉 -- 來 大 學 畢 業 搬 轉 來 故 鄉 的 頭 一 暝, 靜 文 倒 佇 眠 床 頂 反 (píng) 來 反 去, 想 起 大 學 四 年 的 生 活 已 經 結 束, 佇 人 生 內 底 做 欲 二 十 冬 的 學 生, 佇 遮 先 告 一 段 落, 紲 -- 落 來 的 人 生, 靜 文 猶 是 感 覺 真 茫 霧 窗 仔 外 開 始 落 著 霎 (sap) 霎 仔 雨, 一 片 茫 茫 霧 霧, 毋 過 翕 (hip) 熱 的 燒 氣 已 經 變 甲 淡 薄 仔 清 涼 靜 文 那 想 後 禮 拜 去 國 校 仔 報 到 的 代 誌, 目 睭 開 始 沙 微 (sa-bui) Eh! 你 猶 閣 咧 睏 -- 喔! 你 今 仔 日 透 早 毋 是 愛 去 學 校 報 到? 你 這 个 囡 仔 哪 會 按 呢 攏 無 要 無 緊, 頭 一 遍 去 人 遐 毋 就 愛 較 謹 慎 (kín-sīn), 無 較 早 起 來 準 備, 到 時 陣 又 閣 趕 袂 赴, 看 是 欲 按 怎? 靜 文 予 細 粒 子 阿 母 喝 -- 一 下 趕 緊 看 時 鐘, 六 點, 無 錯! 是 透 早 六 點 外 靜 文 欲 去 國 校 仔 報 到 的 時 間 是 九 點, 對 兜 去 到 國 校 仔 騎 oo-tóo-bái 只 要 兩 分 鐘, 用 行 -- 的 極 加 五 分 鐘, 靜 文 共 棉 被 掩 (am)-- 咧 繼 續 睏
06 母 語 是 我 靈 魂 的 祖 厝 方 耀 乾 做 過 系 主 任 理 事 長 社 長 總 編 輯 主 編 顧 問 諮 詢 委 員, 得 過 幾 个 小 小 的 文 學 獎, 作 品 予 人 編 入 幾 个 選 集 小 學 課 本 中 學 課 本 大 專 用 冊, 嘛 予 人 燒 佇 陶 (tô) 版 刻 佇 石 碑 頂 面, 予 人 稱 呼 做 詩 人 文 學 評 論 家 老 師 教 授, 毋 過 彼 (he) 毋 是 真 正 的 我 啊 我, 是 啥 物 人? 曾 文 溪 南 的 春 天 猶 原 佇 我 的 心 肝 穎 (ínn) 仔 洗 盪 番 薯 的 芳 甜, 熱 -- 人 厚 汁 的 西 瓜 猶 原 倒 佇 溪 埔 等 我, 秋 天 的 菅 仔 草 猶 原 咧 舞 動 白 色 的 意 志 為 我 加 持, 寒 -- 人 的 甘 蔗 園 猶 原 有 甜 甜 的 寄 望 佮 五 分 仔 車 的 記 持 彼 是 臺 灣 臺 南 縣 安 定 鄉 一 个 靠 曾 文 溪 南 爿 (pîng) 的 小 庄 頭, 叫 做 海 寮, 是 我 上 起 初 肉 體 的 紅 瓦 厝 三 百 冬 前, 海 寮 是 平 埔 原 住 民 Siraya 族 直 加 弄 (t t-ka-lòng) 社 掠 魚 的 田 園, 日 日 暝 暝 艋 舺 (báng-kah) 來 來 去 去, 黃 昏 日 斜 西, 艋 舺 會 倒 出 一 蕊 一 蕊 金 色 的 笑 容 兩 百 冬 前, 海 寮 徛 (khiā) 佇 臺 江 內 海 的 岸 邊, 如 今 有 海 寮 之 名, 無 海 寮 之 實, 海 寮 已 經 是 無 海 的 海 寮 -- 矣, 漁 民 身 份 改 換 做 農 民 這 馬, 海 寮 是 一 个 育 (io) 飼 西 瓜 小 玉 仔 蘆 筍 粟 (tshik) 仔 番 薯 甘 蔗 的 搖 笱 (kô), 庄 頭 中 心 有 一 間 廟 叫 做 普 陀 寺, 是 庄 民 的 信 仰 (gióng) 中 心 海 寮 是 西 港 (Sai-káng) 慶 安 宮 的 香 境, 俗 稱 西 港 仔 香, 楊 府 太 師 位 居 左 先 鋒, 而 且 有 組 南 管 陣 頭 參 加 割 香 (kuah-hiunn) 庄 民 大 多 數 姓 方, 聽 講 祖 先 是 按 福 建 泉 州 府 同 安 (tâng-uann) 縣 馬 巷 廳 遷 徙 (suá)-- 過 來 的 阮 兜 的 族 譜 記 載 我 是 來 臺 查 埔 祖 第 八 代 的 囝 孫, 毋 過 我 真 想 欲 知 影 我 到 底 是 查 某 祖 的 第 幾 代 囝 孫, 我 的 Siraya 名 欲 叫 做 啥 物 我 將 族 譜 反 (píng) 來 反 去, 結 果 我 看 著 的 攏 是 漢 名 漢 姓, 我 的 查 某 祖 敢 (kám) 會 予 漢 字 崁 (khàm) 甲 無 聲 無 說 無 影 無 跡? 如 今 掠 魚 射 鹿 仔 的 平 埔 祖 先 佗 (tó) 位 去? 有 人 講 平 埔 族 已 經 予 人 漢 化 -- 去 矣, 我 卻 是 欲 講 拚 過 烏 水 溝 的 漢 族 ( 其 實 是 百 越 族 ) 全 部 去 予 平 埔 族 化 -- 矣 臺 灣 人 的 血 經 過 醫 學 專 家 的 研 究 確 定 DNA 毋 是 屬 北 方 的 漢 人, 臺 灣 人 的 風 俗 經 過 人 類 學 家 研 究, 也 確 定 毋 是 屬 北 方 的 漢 民 族 按 呢 我 親 像 看 見 勇 壯 高 強 (ko-tshiâng) 的 南 島 百 越 族 查 埔 祖 手 攑 長 槍 (tshiunn) 射 梅 花 鹿 的 姿 勢, 長 長 的 頭 毛 飛 -- 起 來, 隨 在 南 風 輕 輕 仔 梳 頭 按 呢 我 親 像 聽 見 身 材 妖 嬌 的 南 島 百 越 族 查 某 祖 唱 著 美 妙 的 歌 聲, 歌 聲 軁 (nǹg) 過 臺 江 內 海 的 波 浪 星 光 我 相 信 我 是 Siraya 的 囝 孫, 有 透 濫 著 百 越 族 的 血 統, 攏 是 優 良 的 血 統, 有 樂 善 好 施 性 地 善 良 的 特 質
07 阿 華 的 目 屎 林 淑 期 阿 華 是 對 越 南 嫁 來 臺 灣 的 新 住 民, 是 我 夜 補 校 的 臺 語 學 生, 才 三 十 八 歲 爾 爾, 毋 過, 好 親 像 有 真 濟 故 事, 寫 佇 伊 憂 鬱 的 目 睭 內 有 一 擺, 我 教 唱 鹹 酸 甜 這 首 歌 : 人 生 若 無 鹹 酸 甜, 活 落 哪 有 啥 趣 味! 食 著 鹹 酸 甜, 才 知 影 人 生 的 滋 味 酸 甘 仔 甜 啊 酸 甘 仔 甜, 目 屎 鹹 鹹, 心 頭 酸 酸, 美 夢 甜 甜, 我 那 講 解 歌 詞 予 了 解, 嘛 順 紲 講 一 寡 人 生 總 是 有 起 起 落 落, 有 時 星 光, 有 時 月 明 的 道 理 予 聽 無 想 著, 阿 華 一 時 煞 來 目 箍 紅, 目 屎 忍 袂 牢 就 輾 -- 落 來 後 來, 對 開 講 中, 我 才 漸 漸 了 解 阿 華 的 身 世 阿 華 是 南 越 的 庄 跤 人, 厝 內 有 八 个 兄 弟 姊 妹, 伊 是 上 大 漢 的 查 某 囝 因 為 是 大 家 庭, 蹛 佇 庄 跤 所 在, 真 歹 趁 食, 所 以 只 好 佇 三 十 歲 彼 冬, 透 過 中 人, 申 請 來 臺 灣 做 看 護 (khàn-hōo) 伊 的 工 課, 是 照 顧 一 个 七 十 外 歲, 閣 中 風, 賰 一 跤 一 手 的 查 埔 頭 家 毋 但 愛 洗 衫 摒 厝 內 煮 食, 閣 愛 共 頭 家 洗 身 軀 搦 (la k) 屎 搦 尿 雖 然 逐 工 攏 真 忝 (thiám), 閣 干 焦 會 當 睏 佇 頭 家 房 間 的 塗 跤 兜, 毋 過 一 想 著 會 當 趁 錢 予 破 病 的 阿 母 看 醫 生, 予 足 愛 讀 冊 的 第 三 小 弟 繼 續 讀 大 學, 予 愛 畫 圖 的 妹 妹 買 彩 色 筆 予 一 世 人 作 穡 看 天 食 飯 的 阿 爸, 會 當 減 輕 一 寡 仔 負 擔 啥 物 委 屈 攏 恬 恬 囥 佇 心 內 就 按 呢, 三 年 的 青 春 過 -- 去 矣, 阿 華 叫 是 講 會 當 紮 伊 趁 的 艱 苦 錢, 轉 去 日 夜 思 念 的 故 鄉 -- 矣 無 想 著 第 一 冬 扣 掉 紹 介 費 所 賰 的 七 八 萬 箍, 佮 後 來 兩 冬 所 趁 的 錢, 煞 提 袂 著 頭 家 娘 干 焦 提 五 百 箍 美 金 欲 予 伊 坐 飛 行 機 轉 去 越 南, 賰 (tshun) 的 錢, 講 愛 等 伊 閣 辦 來 臺 灣 的 時, 才 欲 付 予 -- 伊 阿 華 想 到 三 冬, 一 千 外 工 的 辛 苦 佮 委 屈, 伊 倒 佇 房 間 的 塗 跤 兜, 恬 恬 流 著 無 人 看 著 的 目 屎, 所 有 的 艱 苦 干 焦 會 當 投 予 窗 外 的 月 娘 聽 想 著 故 鄉 期 待 伊 趁 錢 轉 去 的 親 人, 伊 的 目 屎 就 若 水 庫 漏 水, 閣 來 流 袂 煞 佇 絕 望 的 情 形 下, 伊 勇 敢 共 頭 家 娘 講 : 錢 若 領 袂 著, 我 就 欲 佇 遮 跳 樓 自 殺, 解 脫 家 己 的 痛 苦, 嘛 順 紲 製 造 新 聞, 予 恁 歹 收 山! 就 按 呢, 用 生 命 硩 注 (teh-tù), 伊 才 領 著 伊 早 就 應 該 提 著 的 薪 水 聽 伊 講 到 遮, 實 在 替 這 款 無 心 肝 的 臺 灣 人 感 覺 誠 見 笑 每 一 个 外 籍 新 娘 攏 有 一 个 鹹 酸 甜 的 故 事, 阿 華 的 遭 遇, 只 是 外 籍 新 娘 的 一 个 縮 影 這 陣 新 住 民, 離 鄉 背 井 來 到 臺 灣 這 塊 土 地 生 活, 為 咱 生 臺 灣 之 子, 佮 咱 早 就 已 經 是 一 家 人 -- 矣 良 善 的 臺 灣 人 -- 啊, 咱 閣 較 愛 付 出 愛 心 佮 疼 心, 對 加 一 點 仔 尊 重, 加 一 點 仔 幫 贊, 毋 才 著 向 望 未 來, 咱 會 當 予 所 有 佇 臺 灣 的 阿 華 感 受 到 幸 福 的 滋 味, 漸 漸 將 心 酸 的 目 屎, 轉 換 做 歡 喜 佮 感 動 的 目 屎
08 思 念 林 炤 (tsiàu) 慧 行 佇 十 二 月 天, 風 飛 沙 颺 颺 (iānn) 飛 的 街 路 上, 除 了 寒 閣 有 一 種 孤 單 的 感 覺 經 過 文 具 店 門 口, 看 著 展 示 架 頂 懸 排 甲 滿 滿 是, 紅 帕 帕 的 賀 年 片, 好 親 像 猶 佇 咧 等 待 最 後 一 个 憐 惜 的 眼 神! 雄 雄 有 淡 薄 仔 衝 動, 想 欲 買 一 張 仔 寄 予 久 年 無 相 揣 的 你 揀 啊 揀, 揀 啊 揀, 到 尾 仔 猶 是 閣 共 囥 -- 轉 去, 因 為 我 無 你 的 住 址, 想 講 不 如 敲 一 通 電 話 直 接 用 講 的 就 好 -- 矣, 毋 過, 終 其 尾 我 猶 是 共 家 己 跳 票 無 去 兌 現 (tuī-hiān) 原 來 孤 單 毋 是 無 原 因 -- 的,[ 啥 人 ](siáng) 叫 你 逐 擺 攏 是 暗 時 全 步 數, 天 光 無 半 步 -- 咧! 有 人 講 思 念 是 神 聖 的 悲 劇, 因 為 無 地 相 見, 甚 至 是 永 遠 袂 得 相 見 才 著 思 念, 只 是 這 款 酸 甘 甜 仔 酸 甘 甜 的 滋 味, 煞 著 愛 經 歷 失 去 一 个 曾 經 真 心 疼 痛 的 愛 人 親 人 抑 是 朋 友 的 時 陣 才 體 會 會 著, 這 个 代 價 實 在 傷 過 傷 重 (siong-tiōng)-- 矣! 毋 過 遮 濟 年 來 我 猶 是 偷 偷 仔 思 念 你, 忍 受 見 袂 著 你 的 苦 楚, 嘛 沉 醉 佇 美 麗 往 事 的 記 持 內 底 只 會 當 講 時 間 無 情, 偏 偏 我 又 閣 傷 過 多 情, 二 三 十 冬 -- 矣! 到 今 我 猶 原 向 望 有 一 工 會 當 將 咱 的 友 誼 揣 -- 轉 來, 嘛 明 其 知 影 這 比 天 落 紅 雨 馬 發 角 閣 較 困 難, 我 就 是 心 甘 情 願 守 佇 這 个 悲 劇 的 舞 臺, 繼 續 忠 實 搬 演 彼 个 神 聖 而 且 孤 單 的 角 色 這 一 切 攏 是 因 為 你 講 的 彼 句 話 : 欲 永 遠 做 伙! 每 一 遍 若 轉 去 後 頭 厝, 故 鄉 的 街 路 熟 似 的 景 緻, 宛 然 留 落 咱 少 女 時 代 做 夥 行 -- 過 的 跤 跡 歡 喜 的 歌 聲 佮 笑 聲, 嘛 一 幕 一 幕 親 像 電 影 閣 佇 心 內 重 搬 (tîng-puann), 我 自 來 毋 捌 放 袂 記 得, 相 信 你 嘛 仝 款, 敢 毋 是 -- 咧? 毋 過 佇 這 个 遮 爾 熟 似, 而 且 是 現 此 時 你 蹛 的 城 市, 為 啥 物 我 煞 揣 袂 著 你? 連 你 的 電 話 號 碼 嘛 是 別 人 予 -- 我 的! 我 欲 敲 毋 是, 毋 敲 嘛 只 有 暗 傷 悲 真 想 欲 問 你 這 馬 好 -- 無? 嘛 親 像 當 年 佇 我 出 嫁 的 時, 你 予 我 深 深 的 祝 福 仝 款, 想 欲 還 你 這 份 情, 哪 會 知 影 這 个 應 該 是 天 公 地 道 小 小 的 心 願, 煞 因 為 一 場 莫 名 其 妙 的 誤 會, 變 甲 遐 爾 遙 遠 若 準 人 生 是 一 齣 戲, 我 足 想 欲 要 求 導 演 予 我 一 个 佮 你 重 逢 的 機 會, 通 好 將 我 多 年 來 深 深 的 思 念, 當 面 講 予 你 知! 只 是 毋 知 導 演 敢 會 共 我 講 : 人 生 的 劇 本 是 五 百 年 前 就 註 定 -- 矣, 僫 (oh) 改 -- 囉!
09 講 親 情 (tsiânn) A-jîn 這 个 時 代 講 做 親 情 (tsiânn) 檢 采 有 較 譀 (hàm), 親 像 流 行 歌 仔 講 -- 的, 當 今 (tong-kim) 二 十 世 紀 新 潮 派, 男 女 時 行 自 由 戀 愛 ; 我 的 爸 母 佇 四 十 五 年 前 無 仝 款 時 代 的 社 會 風 氣 結 婚, 全 然 靠 人 講 親 情, 佇 洞 房 進 前, 阮 阿 爸 毋 知 阮 阿 母 生 做 圓 抑 扁 男 女 互 相 有 意 愛, 了 後 會 自 由 戀 愛, 自 古 以 來, 這 是 真 四 (sù) 常 -- 的, 啊 閣 來, 戀 愛 有 條 件, 上 少, 愛 有 場 合 予 熟 似, 若 像 阮 庄 跤, 規 年 迵 (thàng) 天 做 甲 若 塗 牛, 衫 褲 補 甲 無 一 跡 是 原 在 -- 的, 爛 糊 糜 仔 對 跤 手 滒 (kō) 到 面 -- 的, 查 某 囡 仔 欲 (beh) 哪 看 會 上 目 ; 田 庄 姑 娘 仔 嘛 做 甲 歪 腰, 愛 媠 都 袂 掛 得 顧, 干 焦 會 當 圍 軀 巾 仔 包 甲 崁 (khàm) 頭 崁 面 較 袂 食 日 頭 毒, 曝 甲 烏 趖 趖 ; 仝 庄 的 少 年 家 嘛 看 袂 佮 意 阮 彼 角 位 仔 真 罕 得 仝 庄 頭 相 嫁 娶, 攏 是 隔 壁 庄 仔 做 親 情 -- 的 較 濟 按 怎 講 無 仝 庄 -- 的, 親 情 講 較 會 成? 我 講 阮 老 爸 做 親 情 的 古, 逐 个 就 會 分 明, 庄 跤 人 罕 得 有 機 會 踏 出 庄, 會 佇 外 庄 摸 飛 賴 賴 趖 -- 的, 干 焦 兩 種 人, 販 仔 牽 豬 哥 -- 的 佮 歹 囝 浪 蕩 的 遛 (liù)suīnn 仔 阮 爸 仔 佇 做 兵 進 前, 上 遠 去 到 隔 壁 庄 萬 合 仔, 彼 是 佮 人 播 田 割 稻 仔 相 放 伴 才 有 通 去 到 遐 萬 合 仔 有 一 戶 姓 張 -- 的, 佮 阮 庄 -- 的 有 排 pān 相 放 伴, 查 某 囝 叫 做 阿 芳, 捌 擔 點 心 去 田 頭 仔, 看 過 阮 阿 爸, 稻 仔 割 了, 較 閒 的 坎 站, 萬 合 仔 有 人 來 講 親 情, 欲 做 阿 芳 -- 仔 予 阮 老 爸 阮 二 林 庄 跤 佇 彼 个 時 代, 猶 閣 真 濟 平 埔 Babuja 的 風 氣, 上 明 顯 -- 的 就 是 年 老 的 查 某 人 扞 (huānn) 家, 阮 查 某 祖 會 食 薰 哺 檳 榔, 頭 殼 好 閣 有 威 嚴, 厝 -- 裡 大 細 條 代 誌 攏 是 伊 咧 做 主, 阿 芳 的 生 時 八 字 提 -- 來 了 後, 佇 尪 架 桌 頂 排 三 工, 照 彼 時 的 例, 著 愛 三 工 平 安 順 序, 親 情 才 會 成, 第 二 工, 阮 兜 有 人 食 飯 挵 破 一 塊 碗, 阿 祖 講 按 呢 就 是 兩 人 八 字 袂 合, 這 層 親 事 就 準 拄 (tú) 好 事 後, 阮 阿 爸 真 怨 嘆, 伊 確 實 有 佮 意 阿 芳 -- 仔, 查 某 囡 仔 嘛 對 阮 阿 爸 的 印 象 袂 䆀 (bái), 毋 才 會 央 人 來 講 親 情 阿 爸 講 阿 芳 擔 點 心 來 的 時, 無 護 巾 仔 (hōo-kin-á) 包 面, 若 普 通 時 作 穡 就 巾 仔 跤 仔 手 仔 圍 甲 密 喌 喌 (tsiuh-tsiuh), 看 無 生 張 媠 䆀 阿 芳 會 佮 意 阮 阿 爸, 一 -- 來 看 伊 漢 草 中 範 (pān); 二 -- 來, 出 外 庄 作 穡, 衫 仔 褲 穿 較 無 破 -- 的, 兩 人 無 仝 庄, 才 相 看 會 上 目
10 永 久 地 址 林 央 敏 有 一 段 日 子, 我 定 定 愛 填 表, 寫 個 人 的 一 寡 基 本 資 料, 其 中 有 一 格 叫 做 永 久 地 址 ; 有 時 熟 似 新 朋 友, 會 提 著 的 mè-tsih, 一 般 的 (t k) 我 攏 轉 (tńg) 去 厝 -- 裡 了 後, 欲 替 遮 的 新 朋 友 揣 一 个 適 當 的 位 共 伊 歸 檔 的 時 陣, 才 會 詳 細 看 mè-tsih 的 本 文, 我 發 現 有 的 人 除 了 現 在 住 址 抑 是 連 絡 地 址 以 外, 嘛 猶 有 一 个 永 久 地 址 這 个 名 稱 捌 引 起 我 的 感 慨, 到 底 啥 物 所 在 才 是 一 个 人 的 永 久 地 址 -- 呢? 細 漢 的 時 陣, 尤 其 佇 嘉 南 平 原 的 農 村 大 漢 -- 的, 我 毋 捌 想 過 一 个 人 會 有 兩 个 以 上 的 地 址, 我 攏 以 為 父 母 生 我 飼 我 佮 晟 (tshiânn) 我 大 漢 的 庄 頭, 就 是 我 的 永 久, 因 為 歷 代 祖 宗 攏 佇 遐 生 根 落 葉, 逐 个 安 土 重 遷, 到 今 仔 日 我 的 父 老 親 情 (tsiânn) 猶 閣 蹛 佇 遐 大 漢 以 後, 離 鄉 背 井, 出 外 趁 食, 對 流 浪 到 徛 (khiā) 家, 漸 漸 我 發 覺 家 己 也 有 三 个 thìng 好 使 用 的 連 絡 地 址, 其 中 父 母 公 祖 所 蹛 的 所 在 應 該 就 是 永 久 地 址 -- 啦 但 是 彼 个 永 久 地 址 並 無 比 這 馬 這 个 臨 時 地 址 較 永 久, 因 為 佇 最 近 這 十 五 年 中 間, 我 彼 个 永 久 地 址 的 內 容 已 經 變 更 兩 擺, 聽 講 閣 無 偌 久, 故 鄉 的 地 址 猶 會 閣 重 排, 至 少 這 陣 我 就 先 知 影 明 年 夏 秋 之 際, 阮 老 爸 老 母 的 新 農 舍 落 成 了 後, 這 个 永 久 地 址 就 愛 綴 (tuè) 咧 搬 厝 毋 過 我 這 个 臨 時 地 址 煞 一 蹛 (tuà) 就 十 五 冬, 而 且 內 外 一 致 毋 捌 變 -- 過, 按 呢 看 -- 起 來, 臨 時 煞 比 永 久 閣 較 永 久 地 址 是 活 -- 的, 會 振 動, 會 隨 著 地 皮 的 開 拓 村 鎮 的 發 展 變 遷 變 樣, 甚 至 會 加 長 大 漢, 地 址 嘛 可 能 會 予 人 紮 (tsah) 咧 走, 親 像 一 生 攏 咧 漂 浪 的 流 浪 者, 蹛 無 定 著, 地 址 就 綴 伊 換 來 換 去, 所 以 像 古 早 人 所 講 的 太 平 基 址 千 年 永 的 地 址, 佇 今 仔 日 恐 驚 已 經 無 -- 矣 啊 若 永 久 佮 臨 時 只 不 過 是 相 對 -- 的 爾 爾 (niā), 有 人 將 臨 時 蹛 甲 變 永 久, 嘛 有 人 計 劃 中 的 永 久, 無 疑 誤 煞 縮 短 變 做 臨 時, 閣 較 有 人 自 底 就 毋 捌 有 永 久 地 址 -- 過 地 址 一 旦 真 正 永 久, 表 示 這 个 地 址 已 經 歲 壽 該 終 -- 矣, 一 个 死 去 的 地 址 對 人 類 來 講 嘛 失 去 意 義 -- 囉, 親 像 死 人 的 墓 壙 (bōng-khòng); 就 準 講 墓 仔 嘛 無 彼 號 永 久 -- 的!
11 予 冬 山 河 發 現 -- 著 任 (Jîm/Līm) 冠 樹 以 一 个 外 地 人 去 看 冬 山 河, 心 情 足 複 雜 -- 的 我 蹛 (tuà) 佇 淡 水 河 的 墘 仔, 一 條 已 經 死 -- 去 矣 的 臭 水 溝 仔, 實 在 看 袂 出 來 以 前 有 魚 仔 通 (thang) 釣, 嘛 無 啥 相 信 古 早 有 蜊 仔 (lâ-á) 通 摸, 我 做 囡 仔 的 時 陣 攏 無 溪 水 通 耍 (sńg) 有 人 講 淡 水 河 過 去 是 臺 灣 上 有 性 命 力 的 溪, 聽 -- 著 我 袂 感 覺 感 動, 我 會 一 爿 (pîng) 看 浮 -- 過 去 的 塑 膠 袋 仔 一 爿 懷 疑 這 馬, 我 有 機 會 去 接 近 一 條 有 性 命 的 溪 仔, 按 呢, 雖 然 溪 水 毋 捌 踮 (tiàm) 我 的 囡 仔 時 代 出 現 -- 過, 至 少 已 經 袂 遐 怨 嘆 仁 山 苗 圃 (Jîn-san-biâu-phóo), 一 个 春 天 的 時 陣, 用 梧 桐 (ngôo-tông) 葉 做 地 毯 的 所 在, 踮 遮 會 當 看 著 規 條 冬 山 河 印 象 中, 溪 仔 是 彎 曲 (khiau)-- 的 毋 過 冬 山 河 一 條 直 直, 拄 開 始 看 足 袂 慣 勢 遠 遠 看 -- 去, 紅 色 的 鐵 栱 (kióng) 橋 邊, 我 想 應 該 就 是 親 水 公 園 伊 會 使 結 合 水 佮 囡 仔 時 的 夢, 毋 是 幻 (huàn) 境 伊 就 實 實 在 在 佇 眼 前, 予 我 真 想 欲 飛 落 去 耍 水, 去 親 近 臺 北 人 無 彼 个 福 氣 通 享 受 的 感 覺 遮 看 會 著 龜 山 島 我 徛 (khiā) 佇 冬 山 河 的 源 頭, 伊 踮 冬 山 河 直 直 過 -- 去 的 彼 爿 龜 山 島 是 宜 蘭 人 的 情 誠 濟 宜 蘭 囡 仔 為 著 讀 冊 事 業, 離 開 故 鄉, 到 年 節 的 時 才 有 法 度 轉 -- 來 三 貂 嶺 過 就 是 雙 溪, 槓 仔 寮 過 就 到 福 隆, 一 个 磅 空 過 就 想 起 一 个 囡 仔 時 的 願 望, 是 遐 (hiah) 爾 接 近, 毋 過 是 遐 爾 不 可 及 雖 然 目 箍 愈 來 愈 澹 (tâm), 勉 強 猶 忍 會 落 -- 來 ; 毋 過 一 到 石 城 看 見 遠 遠 的 龜 山 島, 目 屎 就 擋 袂 牢 (tiâu) 滴 -- 落 來 龜 山 島 -- 啊! 你 將 所 有 宜 蘭 人 思 鄉 的 目 屎 鎖 牢 -- 咧, 冬 山 河 𤆬 (tshuā) 伊 所 有 的 河 水 向 (ǹg) 你 衝 -- 過 去, 一 定 愛 沖 (tshiâng) 予 散, 毋 通 予 人 看 著 堅 強 的 宜 蘭 人 嘛 會 流 目 屎 俗 語 話 講 : 食 果 子 拜 樹 頭 啉 (lim) 冬 山 河 水 嘛 愛 知 影 伊 的 源 頭 冬 山 河 的 發 源 地 是 新 寮 山, 順 溪 邊 有 出 現 一 寡 水 沖 (tshiâng), 毋 過 行 無 偌 久, 水 就 攏 無 -- 去 矣, 干 焦 賰 (tshun) 焦 涸 涸 (ta-khok-khok) 的 溪 底 爾 (niâ) 哪 會 按 呢? 水 敢 會 予 魚 仔 啉 (lim) 了 了? 踮 宜 蘭 做 田 野 調 查, 啉 冬 山 河 水 十 幾 年 的 邱 水 金 老 師 講 : 溪 水 攏 已 經 走 去 塗 跤 底 -- 矣 恬 恬 仔 流 -- 啊 流, 到 零 工 圍 這 个 所 在, 溪 水 才 閣 對 塗 跤 濆 (bùn)-- 出 來 濆 -- 出 來 的 清 泉 毋 但 透 心 涼 爾, 閣 真 甘 甜 啉 一 喙 會 予 你 袂 記 得 七 -- 月 的 日 頭
12 彼 陣 吼 海 的 子 民 記 Kapasua 夜 祭 黃 提 銘 有 唐 山 公, 無 唐 山 媽, 兩 三 百 年 前, 島 嶼 (sū) 的 平 埔 仔 女 性 娶 中 國 南 渡 -- 來 的 羅 漢 跤 仔 做 牽 手, 傳 承 到 咱 這 代 毋 過 咱 這 代 囝 孫 敢 知 影, 啥 物 是 平 埔 仔? 日 人 時 代 的 戶 籍 (hōo-ts k) 簿 內 底, 原 住 民 戶 口 有 平 族 佮 熟 族 的 分 別, 熟 就 是 已 經 歸 化 的 山 地 生 番, 平 就 是 平 埔 族 四 五 千 年 前 臺 灣 的 原 住 民 有 蹛 佇 平 地 的 平 埔 族 佮 踮 (tiàm) 佇 山 頂 的 高 山 族, 攏 是 屬 南 島 語 系 的 民 族 按 照 一 般 的 分 法, 高 山 族 有 十 族, 平 埔 族 分 做 九 族, 其 中 的 Siraya, 較 早 踮 佇 這 馬 的 臺 南 縣, 是 當 初 平 埔 族 勢 力 上 大 人 口 上 濟 的 一 族 臺 南 縣 東 山 鄉 的 Kapasua 是 Siraya 四 大 社 其 中 的 蕭 壟 (Siau-lang) 社 ( 佳 里 的 舊 地 名 ) 的 一 个 支 社 兩 百 外 戶 的 村 民, 大 部 分 有 Siraya 的 血 統, 算 是 臺 灣 較 純 粹 的 平 埔 族 所 在 根 據 Siraya 的 傳 說, 誠 久 以 前, 的 祖 先 離 開 原 本 蹛 的 所 在, 漂 流 海 上 走 揣 新 的 天 地, 佇 糧 盡 水 焦 (ta) 強 欲 死 -- 去 的 時 陣, 天 頂 忽 然 出 現 一 支 白 旗, 寫 太 上 老 君 四 字, 順 旗 仔 的 方 向, 划 (kò) 船 來 到 臺 灣, 開 墾 田 園, 生 湠 (thuànn) 後 代 每 年 舊 曆 的 九 月 初 五, 是 Siraya 的 守 護 神 阿 立 母 的 生 日 另 外 一 種 講 法 是, 這 工 是 祖 先 上 岸 的 紀 念 日 Kapasua 的 阿 立 母 夜 祭, 猶 保 存 較 完 整 的 Siraya 祭 典 的 儀 式 嚴 肅 神 秘 的 過 程, 予 人 看 著 另 外 一 種 族 群 的 存 在, 毋 過 嘛 親 像 一 首 深 夜 悲 傷 的 歌, 幽 幽 飄 送, 無 人 聽 -- 見 祭 典 對 一 个 族 群 是 蓋 (kài) 重 要 -- 的, 透 過 祭 典, 才 會 當 深 刻 感 受 家 己 的 文 化, 認 同 家 己 的 族 群 對 白 河 沿 臺 南 縣 165 號 道 路 向 (ǹg) 南 行, 路 兩 爿 的 稻 田 像 黃 金 色 的 地 毯, 踮 村 口 的 車 牌 落 車, 放 眼 四 周 圍, 就 佮 其 他 誠 濟 原 住 民 的 社 區 仝 款, 頭 一 个 印 象 攏 是 漢, 這 嘛 算 是 臺 灣 的 奇 蹟 之 一! 行 入 庄 內, 看 著 厝 前 厝 後 的 檳 榔 佮 I-hing( Siraya 的 神 聖 草 木, 漢 人 叫 做 澤 蘭 ), 看 著 人 家 (jîn-ke) 廳 內 的 壁 跤 佛, 路 邊 紅 磚 瓦 厝 的 公 廨 (kài), 才 知 影 這 是 一 个 阿 立 母 看 顧 的 庄 頭 ; 一 陣 冊 內 底 所 描 寫 的 平 埔 族, 漢 人 共 伊 稱 做 平 埔 仔 番, 佇 遮 恬 恬 咧 過 日 子