Enre jngu tjiuchubi xi ßbechuba Cuento de un gusano medidor en el mazateco de San Bartolomé Ayautla
Enre jngu tjiuchubi xi ßbechuba Cuento de un gusano medidor en el mazateco de San Bartolomé Ayautla Segunda edición (versión electrónica) Publicado por el Instituto Lingüístico de Verano, A.C. Apartado postal 22067 14000 Tlalpan, D.F., México Tel. 5573-2024 2010
Resumen Un pájaro quería comerse a un gusano medidor, pero el gusano demostró su talento. Autor: Anónimo Asesores lingüísticos: Larry Williams M. y Cindy Williams 2010 por el Instituto Lingüístico de Verano, A.C. Derechos reservados conforme a la ley. Esta obra puede reproducirse para fines no lucrativos. http://www.sil.org/mexico/popoloca/mazateca_ayautla/l251-gusanomedido-vmy.htm Primera edición 2008.5C Segunda edición 2010 (versión electrónica) Cuento de un gusano medidor en el mazateco de San Bartolomé Ayautla (vmy) 2
Jnguxu ndiya jngu ngaßnde xi ne kjin, kioxu xiu tsußba jngu tjiuchubi xi ßbechuba. Tafi tafixu tsußba. Nexu nda chun kui nixtjinbiu. Niméxu yufi tjin. ßBa kuixu kjuañu tjiuchubi ßbechubabiu nexu tsja tjinnire nga tsußba. 3
ßBa tukjiaßaxu sangutjun jnguxu tjiunise jaße. Kioxu fa jaßekasensun ya nga tsußbasun kui tjiuchubi ßbechubabiu. ßBa tjiunisebiu kitsuxure (nexu ntsju tsaßen ngayeje): Je skinerâ. Ne bojo kuánnâ tsuxu tjiunisebiu. ßBa tjiuba ßbechubabiu tußbaxu kuánre. A tu kitsakjunxu nga tsabe tjiunisebiu xi mejenre skine. 4
ßBa kitsuxu yaßa: Chuyari. Bi chinenaâ. Ne chji_râ an. ßBa jngu en xinrâ xi bi ßye ji tsuxu tjiuchubibiu. ßBa tjiunisebiu tsiningiyaxu mé= xi bi be kui. A ßyani jó tjin nduju jngari xi ßba nda kjißu? tsuxu ngani tjiuchubi ßbechubabiu. Bi ßbiâ. Ánñu nde? Tunga a kjuakixi=ni nga ne nda kun ngojo jnganâ kitsuxu ngani tjiunisebiu. 5
An manâ ßbechuba tsa mejenri kßuechuba jó tjin nduju jngari tsuxu tjiuchubi ßbechubabiu. ßBa kui tjiunisebiu kuakjainxure ngâ jexu mejenre skue jó tjin nduju jngare. ßBa kuixu tjiuba ßbechubabiu tsijunxu jngare. ßBa tjiuchubibiu ßechubaxu. ßBa yeßexure nijmi jó tjin nduju jngare. ßBa kioxu nga kuán nde, tjiunisebiu kitsuxu ngani: Mé= xi tu mari ßbechuba? tsuxu. 6
Tume xi mejenri kûan kßuechubaâ kitsuxu ngani tjiuchubi ßbechubabiu. ßBa kioxu tjiunisebiu kitsuxure: Tsa mé xi bi kûanri kßuechuba, skinerâ yaßa tsuxu tjiunisebiu. ßBa tjiuba ßbechubabiu ngisaxu ßñu kitsakjun nga ßba kitsu. ßBa tukjiaßaxu sangutjun tjiunisebiu kinchjaxure jngu nisetse xi tsußba kui ngaßndebiu, 7
ßba ko jngu chakaskua ßba ko jngu chukjue. ßBa tjiunisebiu yeßexure nijmi mé xa kinchjanire. ßBa kui nisetsebiu, chakaskuabiu ßba ko chukjuebiu nde kuakjainxure ngatsißi. ßBa tjiunisebiu kitsuxure tjiuchubi ßbechubabiu nga tjinnere kßuechuba jó tjin nduju ndetsßin nisetsebiu, jó tjin nduju ngisin 8
chakaskuabiu ßba jó tjin nduju ninda tsßa chukjuebiu. ßBa tjiuchubibiu tsijunxure nisetsebiu. ßBa ßechubaxu ndetsßin nisetsebiu. ßBa kioxu sangutjun nde tsijun ngisin chakaskuabiu. ßBa ßechubaxure ngayeje. ßBa kioxu nga je kuán nde, tusa ninda tsßa chukjuebiuxu tsijunnga. ßBa nga jngu jngu tjiubabiu yeßexure nijmi tjiuchubibiu jó tjin nduju nga ßechuba kui. 9
ßBa ngaján tjiubabiu nde tuméxu kitsiko tjiuchubibiu. ßBa kitsuxure tjiunisebiu xi mejenre skine: A je kûan kjuiâ nde? tsuxure. Jonjon. Kje kûanjín. Tjinnere kßuechuba=ni jó tsaßen siâ tsuxu tjiunisebiu. Tunga bi kûan tsuxu tjiuchubibiu. Jonjon. Tjinnere kßuechuba=ni asa skinerâ tsuxu ngani tjiuniso. Joßo. Tîjndai nde tsuxu ngani tjiuchubi ßbechubabiu. ßBa tjiunisebiu kjisexu. 10
ßBa tjiuchubibiu tißbechubaxu ngayeje. ßBa tukjiaßaxu jaße kjaße tjiuba xi kjintßere tjiunisebiu jó tsaßen se. ßBa kui nde kuatsjaxure. ßBa bixu nde kuenda kitsaßenni tjiuchubibiu. 11
ßBa kioxu nga je kuán nga kjise nde, tjiunisebiu tußbaxu kuánre nga je nde tsajainni tjiuchubibiu nga tu je tsangani yaßa. ßBa tjiunisebiu ßñuxu kuastire nga bi kiskine tjiuchubi ßbechubabiu. 12