客家語 第 八冊 ( 四縣腔 )
編輯的話 客家語分級教材 的編纂 經過多年討論斟酌 最後分四縣 海陸 大埔 饒平 詔安 南四縣六個腔調各編九冊 其中第一 第二冊已於九十七年編撰完成 第三冊 第四冊 第五冊 於九十八年完成 第六冊 第七冊於九十九年完成 第八冊 第九冊於一百年完成 真的是百年 大業於焉告成 爾後客家地區實施客語教學時 可以利用本教材的內容及手冊相關資料 當作主 要的教學依據 尤其本教材都附有六腔的課文音檔 方便學習者照著音檔的發音學會你想要學的 客家語 本分級教材編纂過程中 原來第一冊到第四冊只分四縣 海陸 大埔 饒平 詔安五腔 由 於四縣有北四縣 南四縣的差異 注記時為了區別都用斜線隔開 以示區別 結果 呈現在課文 裡到處斜線 花啦嗶剝 很不雅觀 因此 編纂第五 六 七冊時 就把南四縣 六堆地區 獨 立開來 分成四 海 大 平 安 南四等六個腔調 接著續編的第八 九兩冊也依循五 六 七冊 都以六個腔獨立呈現 後來 編輯會議討論時 不少委員提出意見 認為第五冊到第九冊 都分六個腔 而第一到第四冊卻只分五腔 變成一書兩樣很不一致 對所謂標準本而言很難自圓 其說 因此 決議建請國家教育研究院及教育部國語推行委員會考慮把學生用書及教師手冊 從 第一到第九冊通通都改為六腔 前後腔類體例完全一樣 如此一來 冊數增加 學生用書一到九 年級共五十四冊 教師手冊也五十四冊 全部分級教材及手冊 總合起來必須編纂客家語分級教 材及教師手冊一百零八冊 這些教材中 各腔都以完整的九冊分級教材呈現 因為第七冊開始屬國中程度 所以七 八 九冊課文都不加注音標 只選生難詞在注釋部分加以標音 練習部分也隨程度加深 加上了 讀寫的練習 尤其增加練習寫句子 短文 期望整個客家語分級教材能從一到六冊的 聽 說 讀 進入七八九冊的 寫 這種編法可能對都會區的學生及初學者學習起來比較困難 祈請 各學校老師 依學生程度彈性運用 裁量自己學生程度適合從第幾冊教起 就選用第幾冊 才不 會因為配合教材所屬的年級 選錯教材造成學習的困擾 以上六腔各九冊教材的編輯內容 除了 拼音符號學習改為第二階段開始實施 以外 其餘 都依據 客家語分級教材編輯綱要 96年 所訂定的五項準則去編纂 一 基本架構為同心 圓理念 內容兼顧語言 文化與社會脈動 二 客家語分級教材劃分為四階段實施 配合每週1 小時母語課程學習 三 拼音符號的學習第一階段即開始實施 依序提升難易度 四 語言 教材重點包含聆聽的練習 說話的要點 思維方法的練習與語言使用等要項 五 教材內容則 有文體 文化與生活與社會脈動等面向 另外在編纂客家語教材最容易產生矛盾衝突的問題是漢字的書寫 有音無字的漢字選用不一 致 音標的記注 各地腔調音讀不一致 以及詞彙的選用 各腔所用詞彙不一致 因此編輯 群商定了以下四項原則來解決這些矛盾衝突 一 依據新編課程綱要 音標教學由第二階段開始實施 所以部編版客語分級教材 從第三冊 開始加入拼音練習 在每一課的課文結束練習出現前 都有一段音標練習 按照元音 輔 音 聲調的次序分別編入練習 當作音標學習的教材 二 各腔的虛詞常有同義不同音的情形 我們採取漢字上方標音時 加括號 注上自己腔調 的音標 如 在 標注成cai do 三 各腔用詞有歧異或多義時 課文注釋時只注出課文呈現的意思 另外的不同義意在教師手 冊加以說明 如 第三冊第七課 恁久 只注出 最近 的意思 另外 這麼久 的意 思 改在教師手冊中呈現 四 課文中用詞如有兩種以上的用法 本書只採取其中最常用的一種 另外的用法 在教師手 冊加以補充說明 如 第五冊第九課 轉妹家 有些地方用 轉外家 課文只呈現 轉妹家 把 轉外家 放入教師手冊補充說明 雖然如此 在討論過程中仍有許多音讀及用詞無法取得共識 這時除了教育部國語推行委員 會發布的五百一十二個客家語書寫推薦用字 另含五十二個詞彙 以外 採用 臺灣客家語常用 詞辭典 所定的漢字為準 音標則為了減少爭議 採用教育部公佈的 客家語拼音方案 標注 編輯小組總召集人 羅肇錦 2012/12/17 I
客家語拼音方案 一 聲母符號表 客家語拼音 b p m f v bb(1) 國際音標 [ p ] [ ph ] [ m ] [ f ] [ v ] [ b ] 注音符號 ㄅ ㄆ ㄇ ㄈ 万 ㆠ 客家語拼音 d t n l r(2) g k 國際音標 [ t ] [ th ] [ n ] [ l ] [ j ] [ k] [ kh ] 注音符號 ㄉ ㄊ ㄋ ㄌ ㄍ ㄎ 客家語拼音 ng h j(3) 國際音標 [ ŋ ] [ h ] [ t ] 注音符號 ㄫ ㄏ ㄐ ㄑ ㄒ ㄗ 客家語拼音 c s zh(4) ch(4) sh(4) rh(4) 國際音標 [ tsh ] [ s ] [ ts ] [ tsh ] [ S ] [ Z ] 注音符號 ㄘ ㄙ ㄓ/ㄐ ㄔ/ㄑ ㄕ/ㄒ ㄖ q(3) [ t h x(3) ] [ z ] [ ts ] 註 1. bb可用於雲林詔安腔 南投國姓鄉及部分南部客家地區 2. r為摩擦音 僅用於部分南四縣腔 音節為零聲母 且以前高元音i 開頭時 i會擦音化形成ri- 3. j q x可用於四縣腔及南四縣腔 4. zh ch sh rh (ㄓ ㄔ ㄕ ㄖ)用於海陸 饒平 詔安等三腔 發音時舌頭微翹 與捲舌音有別 zh ch sh rh (ㄐ ㄑ ㄒ ㄖ)用於大埔腔 二 聲調符號表 四縣腔 陰平 陽平 上聲 去聲 陰入 陽入 調 型 ˏ II 調 類 v vˇ vˋ v vdˋ vd 調 值 24 11 31 55 2 5
三 韻母符號表 一 單韻母 客家語拼音 ii i(5) e ee(6) a o oo(6) u(5) er(7) [ ї ] [ i ] [ e ] [ ɛ ] [ a ] [ o ] [ ɔ ] [ u ] [ ǝ ] 國際音標 注音符號 帀 ㄧ ㄝ ㄚ ㄛ ㄨ ㄜ 二 輔音韻尾 客家語拼音 m(8) n(8) ng(8) b(8) d(8) g(8) 國際音標 [ m ] [ n ] [ ŋ ] [ p ] [ t ] [ k ] 注音符號 ㄇ ㄋ ㄫ ㄅ ㄉ ㄍ m(10) n(10) ng(10) 三 鼻化韻 四 成音節鼻音 客家語拼音 nn(9) 客家語拼音 國際音標 [ ~ ] 國際音標 [ ṃ ] [ ṇ ] [ ŋ ] 注音符號 ㄇ ㄋ ㄫ 注音符號 註 5. i u可用於韻頭 韻腹及韻尾 6. ee oo僅用於詔安腔 7. er用於部分海陸 饒平二腔之仔尾 小稱詞 8. -m, -n, -ng用於陽聲韻尾(鼻音韻尾) -b, -d, -g用於入聲韻尾(塞音 韻尾) 9. nn一般僅用於詔安腔 但其他腔亦偶可見 如 歪uainn+(大埔) 10. 輔音m, n, ng可視為韻腹 自成音節 如 (四縣 大埔)魚ngˇ 毋 mˇ 四 變調規則 四縣腔 陰平(24) 陰平(24) 去聲(55) 陽入(5) 陽平(11) 陰平(24) 去聲(55) 陽入(5) III
目次 IV 編輯的話 I 第一課 行入伙房屋 1 第二課 敬字惜紙話聖蹟 11 第三課 三腳採茶 客家氣象局 19 第四課 渡子歌 29 第五課 三山國王 37
第六課 來去義民廟看打醮 47 第七課 送子伯公 55 第八課 食到老學到老 63 第九課 隔壁个新移民 69 第十課 社區大學 77 V
第一課 堂 行入伙房屋 四四方方个大伙房 大人細子个天 車肚收音機播出這個歌聲 𠊎聽著異生趣 黏 時1就問 麼个係大伙房 阿爸講 大伙房係 早期 兜客家人在莊下起个屋仔2 該央時3房族4共 下歇5 生事6共下做 三餐共灶煮7 共下食 摎這 下个細家庭無共樣 聽到這 𠊎還係無麼个詳8 1
恁堵好9 隔日10堵著放尞 打早 阿爸䟓工帶 𠊎去看佢頭擺歇个伙房屋 風溜溜仔11 天時異好 𠊎兜來到莊肚 行無兩步腳 遠遠仔就看得著圖牆12 同大門个門對仔13 踏入大門就係闊闊个14禾埕 阿 爸講起頭擺還細个時節 在這串上串下15 還不時16 傳來朗天朗地17个講話聲 熱天个暗晡頭18 大人細 子在這尞涼打嘴鼓 成時乜有鋸弦仔 唱山歌 日 仔過來當有意思 2
阿爸企19在禾埕中央 看等這三合院20 摎𠊎 解釋 這當頭到个21係正身22 兩片係橫屋23 子 孫係緊來緊多个時節 橫屋又做得起加一槓24 兩 槓 連峨接棟25 將正身圍起來 就有圍攬26个功 能 行入廳下 𠊎這看該看 先看著个係神明同阿 3
公婆个牌位 在神桌下還有插香 𠊎問阿爸該係麼 个 阿爸講 這係龍神27 一般係公廳正有安28个 神明 公廳乜係接待人客个所在 正身係世大人29 歇个 兩片橫屋係世細30歇个 這種照長幼輩分來 安排个規矩 係重視人倫个表現 阿爸 該兩片間門面項 31貼个 晴耕 雨讀 係麼个意思 該代表客家人耕讀傳 4
家个精神 𠊎牽等阿爸个手愛行出32大門該下 阿 爸又同𠊎講 這大門脣圖牆項个香位係天神爺33 服祀天神爺係客家人對天地神明个崇敬 阿爸續等34講 个伙房屋雖然無大戶人家个 翹峨翹棟35 雕龍畫鳳 毋過還留等𠊎還細時節同叔 伯兄弟姊妹共下搞尞个回憶 看著這恁大堂36个伙 注 釋 1. 黏時 音ngiamˇ siiˇ 馬上 2. 起个屋仔 音hiˋ ge vugˋ eˇ 建造的房子 起 建造 3. 該央時 音ge iong siiˇ 那個時候 4. 房族 音fongˇ cug 有共同血緣的親族 5. 共下歇 音kiung ha hed 一起住 6. 生事 音sang se 生活中的大小事 7. 共灶煮 音kiung zo zuˋ 共用爐灶來煮飯菜 8. 無麼个詳 音moˇ maˋ ge xiongˇ 不甚了解 詳 了解 9. 恁堵好 音anˋ duˋ hoˋ 這麼巧 10. 隔日 音gagˋ ngidˋ 第二天 11. 風溜溜仔 音fung liuˋ liuˋ eˇ 微風陣陣吹來 12. 圖牆 音tuˇ qiongˇ 圍牆 13. 門對仔 音munˇ dui eˋ 門上的對聯 14. 闊闊个 音fadˋ fadˋ ge 寬廣的 15. 串上串下 音con song con ha 來回穿梭 16. 不時 音budˋ siiˇ 常常 17. 朗天朗地 音long tien long ti 講話聲很響亮 18. 暗晡頭 音am bu teuˇ 夜晚 19. 企 音ki 站 5
房屋 愐著37祖先起這座伙房屋个智慧同艱辛 後代 子孫愛好好來學習 來感恩 耳公脣又響起一陣歌聲 伙房 大人細子个天堂 四四方方个大 20. 三合院 音sam hab ien 一種傳統建築 以三面為房屋 中間 是院子而形成的ㄇ形房子 21. 當頭到个 音dong teuˇ do ge 首當其衝的 22. 正身 音ziin siin 三合院中 正廳那一幢的房子 23. 橫屋 音vangˇ vugˋ 在伙房屋中晚輩住的廂房 24. 一槓 音idˋ gong 一幢 25. 連峨接棟 音lienˇ ngoˇ jiabˋ dung 指屋宇多而連成一片 可 引申為接連不斷 26. 圍攬 音viˇ lamˋ 圍聚在一起 27. 龍神 音liungˇ siinˇ 掌管地脈風水的土地神 28. 安 音on 安置並供奉 29. 世大人 音sii tai nginˇ 長輩 30. 世細 音sii se 晚輩 31. 間門面項 音gien munˇ mien hong 房門的上方 32. 行出 音hangˇ cudˋ 走出 33. 天神爺 音tien siinˇ iaˇ 天官 34. 續等 音sa denˋ 接著 35. 翹峨翹棟 音hieu ngoˇ hieu dung 屋宇高大 屋脊兩端燕尾 上翹 36. 恁大堂 音anˋ tai tongˇ 這麼大一座 37. 愐著 音menˋ doˋ 想起 6
練 習一 問題討論 1. 本文中个阿爸一看著禾埕就想著麼个 7
2. 本課个 公廳 裡肚有麼个 還做得做麼个 3. 讀吔這課 請試講看啊伙房屋个樣式 8
練 習二 請在 語詞運用 項箍出正確个語詞 1. 公廳設在伙房屋个 正身 / 橫屋 2. 大戶人家个屋仔斯 陋陋少少 / 翹峨翹棟 喔 9
3. 今晡日學校舉辦愛心義賣活動當鬧熱 歸隻校園都 係 朗天朗地 / 軟聲軟斗 个講話聲 4. 天頂一 爧 頭先 / 黏時 就會響雷公 10
第二課 敬字惜紙話聖蹟 一頭樹仔項 兩個細人仔吊晃槓 請揣一 隻字 答案就係 來 你有揣著無 恁生趣个漢字 係上古時代流傳下來个 還 較早先个人 用索仔打結來記事 毋過無法度 1 做較複雜个記載 後來个人就觀察天下萬物个情 形 造出代表各種意義个符號 這種符號就安到2 字 相傳倉頡造字个時節 天雨粟 鬼夜 哭3 可見得文字个發明 係一項驚天動地个大 事 後世就尊佢為 制字先師 所用个文字就係 聖蹟 並起亭臺來奉祀 將文字神聖化 11
12
因為尊重知識 看重讀書个觀念 寫有文字个 字紙也有吔神聖性 後來就形成敬字惜文个風俗 特別係對敬重文風 晴耕雨讀个客家人來講 該兜 字紙 像有神靈樣仔 毋好坐著也做毋得𨃰4著 大人長透會對細人仔講 係坐著啊 會讀書毋 13
識唷 係無 就嚇佢講 坐著字 尸朏5會綿 忒6哦 連無愛个廢字紙 都做毋得儘採擲 定 著7愛先放在神桌腳下个字紙籠仔8肚 淰9吔正拿到 河壩脣燒忒 熡10就放長流水11流走 有兜莊頭還會 組成 敬字會 起聖蹟亭 逐隻月初一 十五 14
拈字紙个莊民就㧡12等字紙籠仔 一路緊行緊喊13 收字紙哦 收著个字紙愛㧡到聖蹟亭燒忒 字 紙火化成灰 將人崇敬文字个心意傳分上天 有文字 正做得保存人類个思想 創造禮法摎 制度 正有文明个出現 因爭14文字有恁大个影響 力 在這印刷發達 網路資訊流通恁遽个時代 毋 管係報章雜誌 也係網路資訊 輕輕鬆鬆就看得 著 俚還較愛儆惜15文字 乜愛好好來利用佢 注 釋 1. 無法度 音moˇ fabˋ tu 沒有辦法 2. 安到 音on do 叫做 3. 天雨粟 鬼夜哭 音tien iˋ xiugˋ guiˋ ia kugˋ 描述倉頡造 字時 天上下起了粟米 鬼在黑夜裡哭泣 語出 淮南子 昔者倉頡作書而天雨粟 鬼夜哭 4. 𨃰 音kiam 跨 5. 尸朏 音sii vudˋ 屁股 6. 綿忒 音mienˇ tedˋ 爛掉 7. 定著 音tin cog 一定 8. 字紙籠仔 音sii ziiˋ lung eˋ 放置廢字紙的簍子 9. 淰 音nem 滿 10. 熡 音lo 灰燼 15
毋好利用文字來散佈無健康个言論 昔時賢文16講 个 讀書須用意 一字值千金17 就係這道理 這下拈字紙去燒个人少哩 初一 十五聖蹟亭 項也罕得18看著燒字紙 毋過將用過个字紙回收再 利用 毋單淨係敬字惜文 過化存神19 也係保護 地球 痛惜子孫个表現 11. 長流水 音congˇ liuˇ suiˋ 流動的溪水 12. 㧡 音kai 肩挑 13. 緊行緊喊 音ginˋ hangˇ ginˋ hem 邊走邊喊 14. 因爭 音in zen 因為 15. 儆惜 音kiang xiagˋ 珍惜 16. 昔時賢文 音xidˋ siiˇ hienˇ vunˇ 書名 是清代佚名學者編纂 的一種訓蒙書 又名 古今賢文 內容匯集了為人處事的諺 語 17. 讀書須用意 一字值千金 音tug su xi iung i idˋ sii ciid qien gim 讀書必須下工夫 認識的每一個字都很珍貴 18. 罕得 音hanˋ dedˋ 不常 19. 過化存神 音go fa sunˇ siinˇ 字紙燒成灰 字神永留存 16
練 習一 問題討論 1. 若屋下仰仔處理廢字紙 2. 聖蹟亭係做麼个用个 3. 聖蹟亭還有恁多麼个名仔 17
選詞填寫 練 習二 請在 項填入適當个語詞 敬惜字紙 因爭 論百座 晴耕雨讀 字紙籠仔 伸著 故所 聖蹟亭 形仔像燒金个金爐 頭擺輒輒看得著 拈字紙个人 㧡等 來燒廢字紙 亭仔肚 主要祭祀制字先師倉頡 主要个起源同 个觀念有關 過去 有聖蹟亭个地方 做得講係一 個文風鼎盛个指標 在光緒年間 臺灣各地識有 个聖蹟亭 毋過 目前淨 時空變化 幾十座仔定定 其中客家莊个聖 蹟亭保存較多較好 可能係因為臺灣客家人較重視 教育个關係 18
第三課 三腳採茶 客家氣象局 丑 記得就真記得 記得舊年五月節 南洋發風落大雪 駱駝划飯溚溚跌1 禾鷝拔翼學打鐵 鸚哥結舌2講天缺3 鴨嫲絡食4飯店歇啊 飯店歇 旦 唱 天公哪 落水唷 阿妹呀 戴等笠嫲來 到坑水邊 坑水呀 清又清 魚仔在水中該泅 來泅去 生 阿婷妹 來去散步 啉咖啡好無啊 旦 𠊎正無愛唷 啉麼个咖啡 19
20
生 來去哪 來去哪 丑 兩位麼个哥 麼个姊 麼个時節吔仰還在這尞 呢 人講 出門看天色 入門看面色5 你看 對面山烏天暗地 黏時就愛落雨仔唷 旦 阿伯 無可能啦 這下還日頭旺旺6 丑 兩位大哥大姊 你兜無看著恁多揚尾仔飛來飛 去喺 生 嘻嘻 揚尾仔 𠊎還揚蝶仔愛去遊花園哩喲 丑 唉 毋聽老人言 食虧在眼前 轟隆轟隆 雷公聲響 旦 阿伯 你還厲害喔 正經落雨哩喲 愛仰結煞 呢 愛仰結煞呢 21
生 出門一蕊花 轉屋一條瓜7 好得𠊎有帶著 遮仔 丑 毋過 這遮仔係 六月个火囪 用毋著8 哩 旦 阿伯 你又毋係神 你仰會知毋使用著遮仔 呢 丑 呵呵 這你就無了解囉 客家氣象局講 吂 落雨 先唱歌 任落也毋多9 故所 你兜 毋使愁 雨一下仔就會停吔啦 生 恁樣啊 該𠊎就做得天轉笠嫲花10哩喲 旦 係呀 客家老古人言異準喔 吾婆也識同𠊎講 過 吂食五月粽 襖婆毋入甕11 到上禮 拜日 𠊎正同歸屋下人寒天个衫褲收起來放 22
生 上隻月 天時還陣寒陣熱12 過吔五月節 天 時斯會熱死人喔 旦 毋過 自然科个先生講 這下因為地球溫室效 應个關係 天時變到嶄然13奇怪 天年倒 貶 朳仔打牛眼14 寒天毋像寒天 熱天毋 像熱天 實在還無結煞喔 生 今年寒天个天時毋知會仰般15形 阿伯 你知 無 丑 當然知啊 等𠊎算看啊 甲子乙丑海中金 鴨嫲帶子水中心 丙寅丁卯 爐中火 你兜行路愛行好 壞蹄哩喲 旦 阿伯 你在該噥噥噥噥16 講麼个啊 丑 𠊎講蕒仔17杓菜18 盆頭19打鑊蓋20 該下𠊎屈指一算 今年个冬節係在舊曆11月 24 在月尾 這就不妙囉 照𠊎看來 今年个 寒天會當寒 你兜斯愛買一領21大襖來著喔 生 仰般講呢 23
丑 客家氣象局講 冬至在月頭 無被毋使愁 冬至月中央 霜雪兩頭扛 冬至在月尾 賣 牛來買被22 故所 𠊎講今年个寒天會當寒 喔 旦 阿姆哀唷 嚇死人 該𠊎愛遽遽來去買蠶絲 被 暖氣機正好 丑 誒 你兜看 𠊎講个有幾準仔 無雨哩 遽遽 去轉 生 阿伯 恁仔細 吂落雨 先唱歌 任落也毋 多 你正經係客家氣象局 有準 有準 合 大人細子共下坐 傳揚客話笑呵呵 客家文化 源流遠 老古人言智慧高啊 智慧高 下臺一鞠躬 承蒙大家 恁仔細 注 釋 溚溚跌 音dab dab diedˋ 持續密集掉落滿地 結舌 音giedˋ sad 口吃 講天缺 音gongˋ tien kiedˋ 說誇大 不切實際的事 絡食 音logˋ siid 覓食 出門看天色 入門看面色 音cudˋ munˇ kon tien sedˋ ngib munˇ kon mien sedˋ 客家諺語 出門要觀察天色 以了解天 氣 進門要觀察人的臉色 以了解其情緒 比喻人要能隨時觀 察環境 了解切身的人事物 1. 2. 3. 4. 5. 24
注 釋 6. 日頭旺旺 音ngidˋ teuˇ vangˋ vangˋ 陽光熾熱 7. 出門一蕊花 轉屋一條瓜 音cudˋ munˇ idˋ lui fa zonˋ vugˋ idˋ tiauˇ gua 出門像一朵花 回到家像一條瓜 客家謎語 謎底為雨傘 8. 六月个火囪 用毋著 音liugˋ ngied ge foˋ cung iung mˇ cog 客家歇後語 六月的烤火籃 用不著 火囪 烤火 用的手提籃 9. 吂落雨 先唱歌 任落也毋多 音mangˇ log iˋ xien cong go im log ia mˇ do 客家諺語 還沒下雨 卻先打雷 這 場雨不會下很久 唱歌 指響雷 任落 任憑它下 10. 天轉笠嫲花 音tien zonˋ libˋ maˇ fa 客家俗語 逍遙自在 的樣子 11. 吂食五月粽 襖婆毋入甕 音mangˇ siid ngˋ ngied zung oˋ poˇ mˇ ngib vung 客家諺語 意指還沒到端午節 冬天的大 衣還不能收起來 12. 陣寒陣熱 音ciin honˇ ciin ngied 忽冷忽熱 13. 嶄然 音zamˋ ngienˇ 又讀為zamˋ ienˇ 又說嶄蠻 音zamˋ manˇ 相當的 14. 天年倒貶 朳仔打牛眼 音tien ngienˇ do bienˋ bad eˋ daˋ ngiuˇ ngienˋ 客家諺語 意指節氣反常 芭樂樹結龍眼 比喻 自然界呈現反常現象 15. 仰般 音ngiongˋ ban 如何 16. 噥噥噥噥 音nungˇ nungˇ nung nung 喃喃自語 17. 蕒仔 音magˋ eˇ 萵苣 蕒菜 18. 杓菜 音sog coi 牛皮菜 19. 盆頭 音punˇ teuˇ 盆子 20. 鑊蓋 音vog goi 鍋蓋 21. 一領 音idˋ liang 衣物一件 領 量詞 用在衣物 棉被 等 22. 冬至在月頭 無被毋使愁 冬至月中央 霜雪兩頭扛 冬至在 月尾 賣牛來買被 音dung zii cai ngied teuˇ moˇ pi mˇ siiˋ seuˇ dung zii ngied dung ong song xiedˋ liongˋ teuˇ gong dung zii cai ngied mi mai ngiuˇ loiˇ mai pi 客 家諺語 是說冬至如果在農曆十一月上旬 那麼這個冬天是暖 冬 如果在中旬 會下霜下雪 是寒冬 如果在下旬 天氣會 更冷 是個酷寒嚴冬 25
練 習一 問題討論 1. 你試著課文肚項个生 旦 丑三種腳色各有麼个特 色 2. 分組討論下背个客家氣象諺語 (1)雲遮中秋月 水打元宵燈 (2)紅雲上天頂 簑衣不離頸 (3)交春落雨透清明 (4)三月北風燥惹惹 四月北風水打杈 (5)月光擎枷 天光擎遮 (6)正月雷先鳴 四十五日暗天庭 26
練 習二 選詞填寫 請在 項填入適當个語詞 天生天養 拈加拈減 1. 這駁仔天時 壞銅壞鐵 2. 27 陣光陣暗 掖麻掖米 晒蘿蔔仔毋得燥 哀腸哀肚 省死省命 無磡無鏨 毋好亂擲 愛資源回收再利用
半晝半暗 雨淋雨涿 3. 這間老屋經過多年个 會除會算 大主大意 4. 佢睡目牽覺牽到 毋得 閃籬閃壁 大開大使 會橫忒哩 呼天呼地 半出半入 共間房个人都睡 28
第四課 渡子歌 一想渡子1無恁該 幾多艱難受過來 受盡幾 多寒更夜2 仰得子大孝爺哀 渡子歌 係在臺灣客家莊流傳个一條山歌 內 容係寫婦人家降子3个風險 同養育子女个辛苦 用 念唱个方式 來表現該時代做阿姆儕4生活个艱苦5 目的在勸話世間人愛行孝道 婦人家一有身項6 就愛細心細義 坐得高來 驚怕會倒 轉7 坐得矮來又驚會搵內傷8 燒个毋敢 食 冷个毋敢嚐 堵著愛做 就算大肚踉 9 萬 項事情還係愛當 臨將愛降該下 真像利刀來割肚 可比利剪 來剪腸 痛到 嘴項鐵釘咬得斷 腳著皮鞋蹬10得 穿 天頂無門想愛上 地下無門強愛鑽 婦人家 29
降子當危險 頭擺醫學毋發達 衛生條件又無恁 好 隨時都有可能會無命 故所講 有福之人來 降子 得人个雞酒香 無福之人來降子 得人个四 垤枋11 阿姆來降子 可比蟻公游鑊壁12 游得過就 个貨13 游毋過 阿姆个性命就會見閻王 聽 著就會目珠溼 鼻公酸 30
細人仔還細 愛當費精神來照顧 輒常無日無 夜 一日睡無半夜目 係當平常个事情 無論天 時好壞 都愛揹等14細人仔去田項做事 上山撿樵 河壩洗衫 水淋菜 起火煮飯 逐日就做到兩頭 烏15 揹等嫩子上山 擔擔16 還愛飼細人仔17食 奶 子兒來下世 點點食娘身上个心頭血 一日 31
食娘三合奶18 三日食娘九合糧 做阿姆儕愛先 顧細人仔食飽 著燒19 正顧得著自家 逐擺就 肚屎枵20到變背囊 大腸枵到變細腸 總係食 該伸个冷菜冷飯 換過个屎裙尿墊21 毋管係熱天 抑係寒天 都愛拿去河壩洗湯22 正經係 衰過阿 姆个十隻手指腡23 洗到血洋洋24 32
在勤儉个家風肚 客家婦女愛內外兼顧 除忒 灶頭鑊尾 針頭線尾 田頭園尾 還愛家頭教尾 在恁艱苦个環境肚 毋單止咬薑啜醋25將細人仔畜 大 還愛省死省命26分世細繳學費 就係做乞食27乜 愛分子女讀書 人講爺娘惜子長江水 半點就毋會 差 注 釋 渡子 音tu ziiˋ 養育子女 寒更夜 音honˇ gang ia 寒冷的夜晚 降子 音giung ziiˋ 生孩子 做阿姆儕 音zo a me saˇ 為人母者 艱苦 音gan kuˋ 痛苦難受 一有身項 音idˋ iu siin hong 剛懷孕的時候 倒 轉 音do mag zonˋ 往後仰倒 後腦撞地 也可說 打倒 8. 搵內傷 音vudˋ nui song 因壓迫而導致內傷 此指傷及胎 兒 9. 大肚踉 音tai duˋ longˇ pong 孕婦大腹便便 10. 蹬 音demˋ 用力踹 11. 四垤枋 音xi de biong 四塊木板 借代為棺木 12. 游鑊壁 音iuˇ vog biagˋ 沿著鍋子的內壁爬行 13. 个貨 音en ge fo 我們所擁有的東西 比喻我們的孩子 14. 揹等 音baˇ denˋ 背著 15. 兩頭烏 音liongˋ teuˇ vu 從天未亮到天黑 1. 2. 3. 4. 5. 6. 7. 33
流傳世間个渡子歌 奉勸做人子女儕 趕28爺 哀還在就愛行孝 故所講 還生29一碗湯 當過30 死後拜豬羊 現代社會 渡子毋係婦女一儕人个責任 爺哀 都愛共同來承擔 正係美滿个家庭 16. 擔擔 音kai kai dam dam 概括所有用肩挑的粗活 17. 飼細人仔 cii se nginˇ eˋ 餵小孩吃 飼 將食物一點一點的 送進口中 18. 三合奶 音sam gabˋ nen 喝三合奶 合 量詞 十分之一公升 19. 食飽著燒 音siid bauˋ zogˋ seu 吃得飽穿得暖 20. 枵 音iau 餓 21. 屎裙尿墊 音siiˋ kiunˇ ngiau tiabˋ 泛指尿布 22. 洗湯 音seˋ tong 清洗 常重疊為 洗洗湯湯 23. 手指腡 音suˋ ziiˋ loˇ 指紋 24. 血洋洋 音hiedˋ iongˇ iongˇ 鮮血流很多的樣子 25. 咬薑啜醋 音ngau giong codˋ cii 用薑配飯 用醋佐餐 喻 生活極為貧苦 26. 省死省命 音sangˋ xiˋ sangˋ miang 意指極盡省吃儉用 原為 省屎省尿 雅化為 省死省命 28.趕 音gonˋ 意指趁著 27. 乞食 音kiedˋ siid 乞丐 29. 還生 音hanˇ sang 還活著 30. 當過 音dong go 抵得過 更勝於 34
練 習一 問題討論 1. 請講出課文肚客家婦女愛做个其中三項事 2. 堵著有身項个婦人家 愛注意哪兜事情 3. 請講一項自家賢孝世大人个事情 35
練 習二 選詞填寫 請在 項填入適當个語詞 一碗湯 拜豬羊 高來 矮來 長江水 擔竿長 降子 降女 有福之人 無福之人 1. 坐得 驚怕會倒 轉 坐得 驚會搵內傷 又 2. 來降子 得人个雞酒香 降子 得人个四垤枋 來 3. 爺娘惜子 子想爺娘 4. 子女對爺哀行孝 還生( ( ) ) 當過死後 36
第五課 三山國王 劇情大綱 根據傳說 宋太祖 開寶四年 公元971年 因爭南漢王輒常犯界 仰般勸就無效 太祖發譴 派大將軍潘美興兵征討 南漢王兵敗 逃入山寨 潘美命令潮州太守王侍監帶兵火攻山寨 王侍監知 得當地巾山 明山 獨山三位山神个神威 就向山 37
神求助 該日1 斷真2就狂風大作 火緊來緊猛 山寨燒淨淨 南漢王走無路去 乖乖分人捉 經過八年 宋太宗親身帶兵 分三路攻打北 漢 三山神又顯靈助陣 逼到北漢王獻城投降 完 成統一天下个大業 太宗歡喜感恩 詔封巾山為寧 國王 明山為報國王 獨山為豐國王 合稱三山國 王 起廟奉祀 逐年舊曆二月二十五合祭3 38
演出版 升堂 細兵卒仔4先上臺弄 潘美再上臺 行臺步 坐凳仔 潘 美 獨白 大將南征膽氣豪 腰橫秋水雁翎刀 風吹鼉鼓山搖動 電閃旌旗日月高 本帥 潘美 宋太祖駕前為臣 官拜韓國公之職 𠊎 平生做人忠心硬直5 鐵面無私 賞罰分 明 因爭南漢王 劉振輒常無理無由 侵 犯邊界 屢勸不聽 故所太祖大譴 興動 大軍 今日派𠊎掛帥 前往征討 對白 來 潮州太守王侍監向前聽令 王侍監 來了 上臺 單腳跪 請元帥吩咐 潘 美 王侍監聽令 你係潮州太守 地形路碼6 你較熟 本帥命你做開路先鋒 攻打南 漢 不得違令 王侍監 末將領令 王侍監下臺 潘 美 眾將官 大家應聲 喔 人馬準備到仰 般 後臺應聲 都準備好哩 39
既然都準備好勢 發炮三聲 大軍出動 攻打南漢王 大家應聲 喔 潘美下臺 宋軍行過 旁 白 宋太祖 開寶四年派大將潘美 帶領大軍 攻打南漢王 劉振 雙方人馬一接陣 就 到天昏地暗 雙方戰鬥 旁 白 這央時宋軍摎南漢軍 戰到天烏地暗 日 月無光 雙方繼續戰鬥 三日三夜過後 劉振人馬大敗 走7入山 肚 堅守山寨 潘美 王侍監上臺 王侍監 稟報元帥 南漢軍分 兜㓾到落花流水 離尸馬瀉8 囥入山寨 毋敢出來 愛仰 般處理 請元帥定奪 潘 美 火攻 王侍監 火攻 意思係用火燒 潘 美 無毋著 本帥看山寨全係用樹料9做个 40
用火燒 自然佢就走無路 王侍監 嘿 有理 有理 樹驚火 火燒寨 看佢 兜有幾會囥 恁樣好 元帥 來去準 備放火 王侍監下臺 潘 美 哼 劉振啊劉振 若死日仔到哩 哈哈 哈哈 下臺 火燒過 王侍監上臺 王侍監 潮州太守王侍監 元帥喊 兜用火攻 41
用火燒南漢王个山寨 燒有在該燒 毋過無 風無抵10 火毋罅猛 無停無動11 這下愛 仰般正好 愛仰般正好 哎哎哎呀 揇頭想 啊 想著哩 聽講潮州這巾山 明 山 獨山个山神當靈 香火當盛12 來求 山神 手 王侍監雙腳跪下 山神啊 山神 弟子王侍監在這誠心同你 拜託 請你兜大神大道 大顯神威 使致13 42
火攻計順序成功 日後弟子定著起廟祭 拜 忽然起風 哎呀 有講有靈 有拜有顯 嘿嘿 起風 哩 起風哩 你兜大家啊 火盡量摎佢 點落去 大火緊燒 南漢軍分火燒到一哪仔竄竄走14 旁 白 巾山 明山 獨山个三山神 聽著王侍監 个祈求 又過知得宋太祖係真命天子 就大顯神威 起大風 火越燒越猛 一 目15 歸隻山寨烈火衝天 南漢兵死个死 傷个傷 潘美上臺 潘 美 眾三軍 大家應聲 喔 拚啊 注 釋 43 該日 音ge ngidˋ 那天 斷真 音don ziin 果真如此 合祭 音hab ji 聯合祭祀 細兵卒仔 音se bin zudˋ eˇ 泛指士兵 硬直 音ngang ciid 有原則且直爽 地形路碼 音ti hinˇ lu ma 週遭的地理環境 走 音zeuˋ 逃 離尸馬瀉 音liˇ sii ma xia 四處逃竄 跑得屁滾尿流的樣 子 1. 2. 3. 4. 5. 6. 7. 8.
旁 白 潘美一聲令下 三軍衝入山寨 㓾到南漢 軍喊爺噭哀 死傷慘重 雙方戰鬥 王侍監捉等劉振 劉 振 嗚 饒命 饒命 下擺毋敢吔 王侍監 哼 你還敢想有下二擺 行 押你去見元 帥 旁 白 順天者昌 逆天者亡 潮州三山神顯靈助 潘美个火攻計成功 順利捉著南漢王 安 定廣東沿海一帶 經過八年 三山神又再 顯靈 增助16宋太宗打敗北漢王 一統天 下 太宗歡喜 詔封巾山寧國王 明山報 國王 獨山豐國王為三山國王 並起廟奉 祀 逐年舊曆二月二十五合祭 9. 樹料 音su liau 木材 10. 無風無抵 音moˇ fung moˇ diˋ 一點風都沒有 毫無動靜 11. 無停無動 音moˇ tin moˇ tung 靜止不動 12. 香火當盛 音hiong foˋ dong siin 香火鼎盛 13. 使致 音siiˋ zii 致使 14. 竄竄走 音con con zeuˋ 四處逃竄 15. 一 目 音idˋ ngiabˋ mugˋ 一眨眼 比喻很短的時間 16. 增助 音zen cu 幫助 44
練 習一 問題討論 1. 三山國王係恁多麼个神 2. 三山國王个傳說係仰仔來个 請講看啊 3. 將你仰般解決生活當中堵著个困難 請講分大家 聽 45
練 習二 選詞填寫 請在 項填入適當个語詞 斷真 香火當盛 仰般 該日 無風無抵 打早 舊曆三月十三 天時當燒暖 歸日仔 略略仔停動就汗流脈落 老弟哇哇滾緊喊 還熱喔 還熱喔 阿爸就同佢講 毋使喊 天 光日媽祖出巡之前會落一陣雨 該下就會較涼爽哩 第二日 就落一陣雨 還靈哪 請阿爸講媽祖个傳說分 聽 阿爸講到口涎波沷 形 容媽祖係 祖婆个 靈 講煞就帶 去媽祖廟燒金 媽 信眾當多 三月二十三媽祖生 大 家就當誠心同佢祝壽 尖到歸廟坪仔就係人 46
第六課 來去義民廟看打醮 舊年 先生帶𠊎兜去新埔 枋寮義民廟1看打醮2 吂到義民 廟 遠遠就看著三支伸入天頂个 燈篙3 先生講這高高个 燈 篙 係招孤魂 親像這下个請帖 也係引路个指 標 𠊎這兜行到義民廟前 先同義民爺執禮4 先 生講 義民爺係一群為著保衛自家鄉土 保護大家 生命 死難犧牲个先人 起先 𠊎當像鴨仔聽雷5樣 仔 經過先生有頭有尾詳細个解說 下後 𠊎正多 少仔了解義民爺个事蹟 廟門口一尊眼盯盯6 面相兇惡 粗蠻大漢7 个大士爺 8 相傳係冥界孤魂野鬼个統帥 掌管 所有鬼魂 維持靈界秩序 平均分配普渡祭品 先生講 看真啊 大士爺頭那頂還有一尊觀音 大士 監督大士爺公平分食 順續仔提防孤魂侵 犯生民9 47
48
拜過神明 𠊎這兜就 坐在廟脣个長凳項 食廟項 分十方信眾食个糖糜10 聽邊 脣个阿伯講 這糖糜特別加薑 嫲 做得祛寒 除溼 通血脈 這下 食糖糜變做當有人情味 當有 文化特色个風俗 49
先生講 宮廟大體係起在地理風水最好个位跡11 像這間廟係 雄牛睏地穴12 在修建个過程中 不免 攪躁13著地理龍脈 故所在宮廟落成時節 愛打醮 慶 成14 來 安龍謝土15 較工夫个16 幾下年過後還會 打一擺醮尾 安到 圓醮 一般打醮前愛 起燈篙17 封山封水18 遶 境請神 大士開光19 醮典開始愛 齋戒20 請水旺龍21 醮典期間除忒主壇以外 各區也搭有 醮壇 各壇个普渡就當鬧熱 普渡係超拔亡魂 望得合 50
境平安 最後係象徵醮事圓滿个 連謝燈篙22 送神回宮 恁樣正係完成醮典个聖儀 在這期間 你聽得著 廟肚高功和尚23个誦經 聲 你看得著鳳山溪 24脣 放水燈 召請水路孤 魂 你也看得著嚴肅神聖个普渡孤魂 講經聽法 个場景 當然 你還做得在義民廟前 看著當多神 豬 神羊 還有精采个酬神大戲 摎掖麻掖米个人 注 釋 1. 義民廟 音ngi minˇ meu 以義民為主神的廟宇 2. 打醮 音daˋ zeu 廟宇落成 擴建或整修完成時 所舉行的答 謝神明 祈福消災的醮典 3. 燈篙 音den go 懸掛著旗 幡 燈火等法物的高長竹竿 4. 執禮 音ziibˋ li 行禮致敬 5. 鴨仔聽雷 音abˋ eˇ tang luiˇ 喻聽不懂 6. 眼盯盯 音ngienˋ dang dang 瞪眼注視 7. 粗蠻大漢 音cu manˇ tai hon 粗獷高大 8. 大士爺 音tai sii iaˇ 冥界孤魂野鬼的統帥 9. 生民 音sen minˇ 民眾 10. 糖糜 音tongˇ moiˇ 加入黑糖 薑汁熬煮的稀飯 11. 位跡 音vi jiagˋ 所處位置 地方 12. 雄牛睏地穴 音hiungˇ ngiuˇ kun ti hied 風水地理吉穴之一 13. 攪躁 音gauˋ cau 驚擾 14. 慶成 音kin siinˇ 慶祝落成 15. 安龍謝土 音on liungˇ qia tuˋ 安定龍脈 答謝土神 16. 較工夫个 音ka gung fu ge 比較周全的 講究的 17. 起燈篙 音hiˋ den go 豎起旗 幡 燈火等法物於高長竹竿 上的儀式 51
在該看鬧熱 盡尾25一日 家家戶戶還會準備豐沛 个桌席 來招待人客 再同收孤26後个神豬 打到 一料27一料仔送分親戚朋友 帶轉去食平安 參加義民廟打醮个活動 就像參加一擺充實个 文化之旅 毋單止認識義民信仰 還做得了解民間 風俗 進一步認知打醮个文化意義 18. 封山封水 音fung san fung suiˋ 禁止到山上狩獵 河邊捕 撈 是嚴禁殺生的象徵 19. 大士開光 音tai sii koi gong 資深道士為大士爺開光點眼 賦予神力 20. 齋戒 音zai gie 潔淨身心的儀式 如禁慾 禁葷 禁殺生 21. 請水旺龍 音qiangˋ suiˋ vong liungˇ 以淨水灑龍脈 安定風 水地理 賜福全莊 22. 連謝燈篙 音lienˇ qia den go 醮典的最後一個儀式 表示 醮典或普渡圓滿結束 23. 高功和尚 音go gung voˇ song 資深道士 24. 鳳山溪 音fung san hai 在新竹縣境內 流經新埔 枋寮義民 廟前的河流 25. 盡尾 音qin mi 最後 26. 收孤 音su gu 普渡儀式結束 27. 料 音liau 量詞 一長塊的肉條 稱作 一料肉 52
練 習一 問題討論 1. 燈篙係做麼个用个 2. 醮壇下个大士爺有麼个作用 3. 請講看啊 打醮有恁多麼个項目 53
練 習二 語詞運用 造句仔 1. 看得著 也看得著 2. 毋單止 還 3. 吂到 就看著 4. 起先 下後 54
第七課 送子伯公 阿福伯姆看著倈仔阿昌同阿美仔結婚幾下年1 肚屎還本本凹凹2 又想著屋下三代單傳 係有孫仔 來弄啊哩3 毋知有幾好4 阿福伯姆見去廟項 就 求神託佛 望心臼5降隻細人仔來 有一暗晡 神明託夢阿福伯姆 你兜想愛有 子息6 就愛向南行 去求有種玉蘭花个伯公 阿 福伯同阿福伯姆就一哪仔去尋 東打探7 西打探 問著在苗栗北片析有一座宮廟脣个伯公 伯公樹就 係玉蘭花 佢兜就喊倈仔 心臼共下去求 55
56
阿昌同阿美兩公婆到吔伯公廟坪項 嗄毋知愛 仰仔拜起勢8 頭望望仔9 想看有麼人好問無 堵 好有一個鬚長長个老阿伯行等來 阿昌仔遽遽行 兼去10問佢 愛仰仔同伯公求子呢 老阿伯笑笑仔 講 求子嗣 愛兩公婆共下來 你兩儕先跌有三 下聖筊11 正去脣項摘十二蕊玉蘭花來拜 係無花 个時節 葉仔乜做得 拜好吔 十蕊留在神桌項 兩蕊帶轉去 矺在枕頭下 恁樣伯公就會保祐你早 生貴子 阿昌兩公婆聽老人家講忒 遽遽就去跪 拜 跌筊仔12 轉身想愛同老阿伯仔講恁仔細 嗄 無看著人哩 拜好伯公該下 兩儕行出來 臥起頭 13看著 瓦窯14伯公 四隻字 阿美仔心肝肚15想 頭擺人 講 降細妹仔係 弄瓦16 吾老公屋下又三代單 傳 係降著妹仔愛仰結煞17哪 阿昌仔看著餔娘額 結結仔18 問佢 你係毋係驚降著妹仔 續等 講 麼个時代吔 倈仔 妹仔就共樣 愛有用 知賢孝較要緊 57
58
講就無恁神19 第二年 阿昌仔兩公婆斷真就 降吔一個嬰兒仔 一屋下人暢到耐毋得20 四十日 過後 歸家人共下擐等雞酒來拜 還包一隻大紅包 添香油21 答謝伯公 伯婆 阿美仔行入伯公廟肚項 目金金仔22捉23伯公 緊看 這尊開容笑面个伯公神像 仰會恁熟面24 喔 一聲 厥老公嚇到飆起來25 講 恁 注 釋 1. 幾下年 音giˋ ha ngienˇ 好幾年 2. 肚屎還本本凹凹 音duˋ siiˋ hanˇ bunˋ bunˋ ngiabˋ ngiabˋ 肚 子依然扁平 尚未懷孕 本本 依然 凹凹 凹陷 3. 弄啊哩 音nung a leˇ 逗著玩 弄 逗弄 4. 毋知有幾好 音mˇ di iu gidˋ hoˋ 不知有多好 5. 心臼 音xim kiu 兒媳婦 6. 子息 音ziiˋ xidˋ 子孫 7. 打探 音daˋ tamˋ 探聽 8. 拜起勢 音bai hiˋ sii 開始拜 9. 頭望望仔 音teuˇ mong mong eˋ 引頸企盼的樣子 10. 行兼去 音hangˇ giam hi 走上前去 兼 有靠近的意思 11. 聖筊 音siin gau 擲筊時 一陰一陽的卦象 表示神明肯定 12. 跌筊仔 音diedˋ gau eˋ 擲筊 以卜吉凶 可否 用來指點迷 津 13. 臥起頭 音ngo hiˋ teuˇ 抬起頭 59
大聲 愛嚇死人喺 做餔娘个笑嘻嘻仔講 你 看 這伯公个神像摎 舊年堵著个老阿伯 係毋係 當相像 無成26佢就係瓦窯伯公个化身 就恁樣 一傳十 十傳百 送子伯公 个名 聲就緊傳緊遠27 上下二港28个人相賽來求子 對 該下開始 伯公廟面前就不時會傳來一陣陣仔个雞 酒香 14. 瓦窯 音ngaˋ ieuˇ 燒瓦的窯 15. 心肝肚 音xim gon duˋ 心裡 16. 弄瓦 音nung ngaˋ 生女兒的別稱 17. 仰結煞 音ngiong gadˋ sadˋ 怎麼辦 18. 額結結仔 音ngiagˋ giedˋ giedˋ eˇ 皺著眉頭 19. 講就無恁神 音gongˋ qiu moˇ anˋ siinˇ 說不出的神奇 20. 耐毋得 音nai mˇ dedˋ 忍受不了 21. 添香油 音tiam hiong iuˇ 捐獻香油錢給寺廟 22. 目金金仔 音mugˋ gim gim eˋ 睜大眼睛 23. 捉 音zogˋ 此指緊盯住 24. 熟面 音sug mien 面熟 25. 飆起來 音beu hiˋ loiˇ 跳起來 26. 無成 音moˇ sangˇ 難不成 27. 緊傳緊遠 音ginˋ conˇ ginˋ ienˋ 越傳越遠 28. 上下二港 音song ha ngi gongˋ 泛指南北各地 60
練 習一 問題討論 1. 神明託夢阿福伯姆 愛去哪求子息 2. 愛仰仔同送子伯公求子嗣 3. 阿美仔做麼个額結結仔 61
練 習二 語詞運用 造句仔 1. 無成 2. 頭望望仔 3. 額結結仔 4. 上下二港 62
第八課 食到老學到老 春秋時代 孔子帶等學生仔共下周遊列國 有 一日車仔行到半路仔 嗄分一隻用泥團結个城堡擋 著1 裡肚2還有一個細人仔在該搞 孔子就問佢 你做麼个擋吾車仔 毋分 過 該隻細人仔應 講 從古到今 淨有聽過車仔閃城堡 哪有講城 堡愛閃車仔个 孔子當下無話好應3 就對佢講 你雖然年 紀細 毋過知得恁深个道理 你安到麼个名呢 佢應講 做麼个愛同你講 你無聽講喺 魚 仔一出世4就會泅 兔仔降啊下來就會走 莫講5 𠊎項 6 怪 63 今年七歲吔 知得7這兜事情 也無麼个奇
64
下後 孔子摎項 討論天下大事 項 个見解 異高明 孔子得著當多新个見識 就尊佢為師 又有一日 孔子一陣人來到渡船頭 坐船過 河該下 船夫看佢係一個教書先生 就摎佢講 𠊎有一首詩 會念毋會寫 先生你字墨較飽8 想拜託你同𠊎寫 孔子應講 該9你就念 𠊎 來寫 船夫就念 lenˋ tenˋ idˋ gu zu lenˋ tenˋ 一孤舟 bid bad suiˋ song qiuˇ bid bad 水上泅 ngid ngad kiunˇ ieuˇ jiongˋ ngid ngad 勤搖槳 ai ioˋ giˋ siiˇ hiu ai ioˋ 幾時休 注 釋 65 擋著 音dongˋ doˋ 擋到 裡肚 音di duˋ 裡面 無話好應 音moˇ fa hoˋ en 無話可答 出世 音cudˋ se 出生 莫講 音mog gongˋ 不用說 1. 2. 3. 4. 5.
孔子玄玄風10乜毋知愛仰仔寫 嗄分船夫考到 橫橫11哩 轉去後 孔子就緊拂頭緊講 天下恁大 天 下恁大 6. 項 音hong togˋ 古神童名 7. 知得 音di dedˋ 知道 8. 字墨較飽 音sii med ka bauˋ 比較有學問 9. 該 音ge 那麼 10. 玄玄風 音hienˇ hienˇ fung 突然 11. 橫橫 音vang vang 形容倒地不起 此指被考倒了 66
練 習一 問題討論 1. 做麼个孔子會拜項 為師 2. 請講出你對項 个看法 3. 這課个故事教 俚麼个道理 67
練 習二 選詞填寫 請在 項填入適當个語詞 玄玄風 該下 知得 莫講 無話好應 字墨較飽 1. 有兜人做差事 分人一問就會嘴擘擘 2. 發生車禍 定責任 3. 你 車仔做毋得徙位 正做得鑑 問 這隻問題 仰會答得出 4. 這題目連先生就毋曉得 學生仔 68
第九課 隔壁个新移民 今晡日五月十五係 國際家庭日 个社區 舉辦國際料理比賽 隔 壁阿伯姆个越南心臼阿 雪仔 笑咪咪仔上臺領 獎 一屋下人都來參 加 大家就當暢 記得阿雪仔正嫁來 該下 日時頭 伸著兩子家娘1在屋下 因爭話語 毋通 阿伯姆比手畫腳 細心細意教佢做這做該 阿雪仔鴨仔聽雷樣仔 還恅著2厥家娘嫌佢 輒常 走去間項3噭 有一擺 食飽夜 一屋下人坐等看電視 阿雪 仔看人笑就跈人笑 屋下人挑事4問佢笑麼个 佢 面紅紅 緊搖頭 大家又笑佢笑無停 佢走入間 項 偷偷仔打電話轉越南 聽著爺哀个安慰同叮 嚀 目汁越勢5溚溚跌 69
70
一開始阿雪仔學煮客家菜 毋係忒鹹 就係忒 辣 無就無油無臘6 無味無緒7 大家划無兩下8 飯碗就放下來 歸桌仔个菜還本本仔9 佢看著又 目汁含等吔 阿雪仔遇著个問題一大拖攞 10 因爭話語 食雜11 文化背景 生活習慣 信仰全無共樣 故 71
所同屋下人生出異多个誤解 有成時老公心情毋 好 又變頭變面12罵佢 無就屋下人面 面竵13對 待佢 滿肚个慍悴14 毋知愛尋麼人講 老公看阿雪仔日日噭濫拭淚15 就帶佢去社區 大學參加識字班 識字班肚項 有對印尼 越南 這兜國家來个新移民 阿雪仔一看啊著同鄉 親 暱暱仔16 大家笑等擠擠揫17 用越南話打嘴鼓 厥老公在脣項嗄聽無半息 正體會著話語毋通个 痛苦 72
去識字班過後 阿雪仔就變到另外一儕人樣 仔 佢緊來緊有自信 見堵著上課个日仔 就興嘟 嘟仔去上課 大家一見面 就嘰哩呱啦講毋會煞18 實在當快樂 阿雪仔還去參加社區學煮食个課程 這個課程 毋單淨請先生來教仰般煮客家菜 紹介臺灣个食雜 文化 逐儕還愛輪等19來教煮家鄉个名菜 故所 客家菜 越南菜 印尼菜 佢做下就異會料理 阿 伯姆逐擺笑弛弛仔20講 俚屋下逐日就像餐廳樣 仔 有客家菜也有越南菜 還好喔 注 釋 1. 兩子家娘 音liongˋ ziiˋ ga ngiongˇ 婆媳二人 2. 恅著 音lauˋ doˋ 認為 以為 3. 間項 音gien hong 臥室裡 4. 挑事 音tiau sii 故意 5. 越勢 音ied sii 更加 6. 無油無臘 音moˇ iuˇ moˇ lab 指食物缺乏油分 7. 無味無緒 音moˇ mi moˇ xi 一點味道都沒有 8. 划無兩下 音pa moˇ liongˋ ha 吃不到幾口飯 9. 本本仔 音bunˋ bunˋ eˇ 原封不動 毫無改變 10. 一大拖攞 音idˋ tai to lo 一大堆 11. 食雜 音siid cab 飲食內容及習慣 12. 變頭變面 音bien teuˇ bien mien 生氣 變了臉色 73
成下仔 阿雪仔還會教屋下人講簡單个越南 話 下把仔阿伯姆會展21幾句仔分鄰舍聽 鄰舍還 比手指公阿𧩣 這下 阿雪仔同屋下人越來越和 挼 笑聲緊來緊多 對阿雪仔領獎時个笑容肚項 看得著佢煞猛學 習 融入臺灣文化个身影 也看得著屋下人對厥文 化个包容摎尊重 在 俚个身邊 還有當多个 阿 雪仔 需要大家共下來關心 13. 面 面竵 音mien ngau mien feˋ 形容極度不高興 擺出不好 看的臉色 14. 慍悴 音vudˋ zudˋ 心情不好 不開心 15. 噭濫拭淚 音gieu lamˇ siid luiˋ 哭哭啼啼 16. 親暱暱仔 音qin nagˋ nagˋ eˇ 很親暱的樣子 17. 擠擠揫 音ji ji qiu 擠在一起 18. 講毋會煞 音gongˋ mˇ voi sod 說個不停 19. 輪等 音linˇ denˋ 輪流 20. 笑弛弛仔 音seu ie ie eˋ 笑容滿面 21. 展 音dienˋ 賣弄 74
練 習一 問題討論 1. 假使你係阿雪仔 堵著話語毋通个時節 你會仰般 做 2. 阿雪仔仰會變到恁會煮食 3. 俚愛仰般對待各國來个新移民 75
練 習二 語詞運用 照等來造句仔 1. 阿雪仔學煮客家菜 毋係忒鹹 就係忒辣 ( )學( ) 毋係忒( ) 就係忒( ) 2. 阿雪仔同屋下人越來越和挼 笑聲緊來緊多 ( )同( )越來越( ) ( )緊來緊多 3. 俚屋下逐日就像餐廳樣仔 有客家菜也有越南 菜 ( )逐日就像( )樣仔 有( )也有( ) 4. 見堵著上課个日仔 佢就興嘟嘟仔去上課 見堵著( )个日仔 佢就( )去( ) 76
第十課 社區大學 逐日臨暗仔1六點半邊仔2 來自四方八面个學 員 有老有嫩3 有兜正下班 有兜正摸閒4屋下个 事 陸陸續續行入教室肚 日時頭 該兜學員在各 行各業打拚 到吔暗晡頭 因為共樣个興趣 大家 做同學5 共下學習 這就係現下異時行6个 社區 大學 社區大學个成立毋係為著賺錢 係為著面對這 下變化當遽 價值多元个社會 發展出永續終身學 習 厚植公民素養 強化在地關懷个辦學理念 凡 係十八歲以上有心學習个民眾 就做得來讀 77
美蘭就係社區大學个老學員 佢會去社大7讀 書 係因爭後生時節8屋下苦 愛 手照顧老弟老 妹 無讀著書 佢對工廠退休後 有一擺經過圖書 館 影著社大个招生海報 就煞煞去報名 頭下碼 佢想著自家從細當好種這種該 就選 生活園藝方面个課 讀吔以後正知 社大開當多生 趣又實用个課程 下後佢又選電腦 中醫保健 肚皮舞 古道巡禮 客家美食 客家山歌 三腳 採茶 有兜課程个學員 除忒9期末愛成果發 表 乜會分人請去社區 莊頭表演 得著異多人个 阿𧩣 佢半夜無想著10自家退休過後 因為讀吔社 大 日仔過來還較充實 還較生趣 78
前幾年社大推廣環保觀念 來到社區開 垃圾 變黃金 个課程 講課个先生親身指導民眾 仰般 利用廚餘做有機肥 王建臺利用下班時間選這門 課 學做有機肥來種花種菜 種个花脫體11靚又大 蕊 種个菜脫體大頭又賁肉12 厥个親戚朋友食過 後 緊說13 你種个菜仰會恁甜 恁好食 過 後 大家就相賽去選讀社大个課程 舊年年下仔 王建臺調職到新單位 為著新工 作个需要 又再去社大選讀法律方面个課程 講課 个先生毋係律師就係法官 佢兜將硬拚拚仔14个法 注 釋 79 臨暗仔 音limˇ am eˋ 黃昏 六點半邊仔 音liugˋ diamˋ ban bien eˋ 六點半左右 有老有嫩 音iu loˋ iu nun 老老少少 摸閒 音mia hanˇ 處理完瑣碎的事 做同學 音zo tungˇ hog 當同學 時行 音siiˇ hangˇ 流行 社大 音sa tai 社區大學的簡稱 1. 2. 3. 4. 5. 6. 7.
條講到大家都聽到當入耳15 佢試著受益異多 又 湊幾個同事共下去選讀投資理財 網頁設計 數位 攝影這兜當實用个課程 日仔過來充實又快樂 社大開个課程做得講包羅萬象 無論係學術知 識 生活藝能抑係社團活動 課程應有盡有 學員 毋單淨做得增長知識 也學得著實用个技能 來提 升工作能力同生活品質 進一步 還做得提升公民 素養 關懷社會 在社區大學 有人尋著自家个興趣 培養出一 技之長 乜有人圓吔後生時節个夢想 8. 後生時節 音heu sang siiˇ jiedˋ 年輕的時候 9. 除忒 音cuˇ tedˋ 除了 10. 半夜無想著 音ban ia moˇ xiongˋ doˋ 萬萬沒想到 11. 脫體 音todˋ tiˋ 特別 12. 賁肉 音pun ngiugˋ 肥厚 13. 緊說 音ginˋ sodˋ 一直讚美 14. 硬拚拚仔 音ngang biang biang eˋ 生硬的 15. 入耳 音ngib ngiˋ 心領神會 80
練 習一 問題討論 1. 你知社區大學有開恁多麼个課程 2. 你係去讀社區大學 會選麼个課來讀 麼个原因 3. 社區大學个功能係麼个 81
練 習二 請在 語詞運用 項箍出正確个語詞 1. 逐日 臨天光仔 臨晝仔 臨暗仔 一大群放學 个國中生揹等書包仔轉屋下 2. 這件事情異複雜 毋知愛 仰會 仰般 抑係 解 決 3. 寒天蓋等晒過日頭个被骨 總係 脫體 大體 燒暖 4. 這下个細人仔盡 時節 時行 時代 个休閒活 動 就係上網打電動 82
83 筆記
84
(02)7736-6051 (02)7736-6052 http://www.edu.tw 本教科書所收錄圖文, 已盡力取得著作權人同意授權, 然尚有部分圖文雖已依著作權法第四十七條法定授權規定辦理, 但無法聯絡上著作權人, 希望原著作權人見書能與我們聯繫 聯絡專線 :(02)3322-5558#104 151 TEL (02)2325-5500 210 30 1 101 12 125 (04)2226-0330 6 (02)2518-0207 209 1 (02)3322-5558 181 (02)2361-7511 61 (02)7736-6054 5 CC 3.0 CC http://creativecommons.org/licenses/by-nc-nd/3.0/tw/ 101 12 GPN 1010101200 ISBN 978-986-03-2848-6