第一課拼掃時間 ( 清潔時間 ) 來! 來! 來! 大家來拼掃 ( 清潔 ) 汝 ( 你 ) 摜 ( 擐 ) 錫桶去裝水 ; 垃圾來倒, 粉牌 ( 盤 ) 拭到淨淨淨, 看毋到半滴屙糟 來! 來! 來! 大家來拼掃 ( 清潔 ) 汝 ( 你 ) 抹窗門拖地 ; 桌凳逐張排好好, 環境淨俐又鬆爽, 儕儕都阿腦 ( 稱說 ) 倒垃圾襖袍拖地鼻公 ( 空 ) CD 童謠 : 伯公伯婆 伯公伯婆, 無雞無鵝, 隻鴨子像匹婆 豬肉料像楊桃, 愛食你就食, 勿食也無奈何! 請你食酒塝田螺, 酒煞無摜 ( 擐 ) 到, 轉去摜 ( 擐 ), 做得嗎? 一 童謠 : do le do, 兩公婆 ; do le mi, 大家來掃地 二 諺語 : ( 一 ) 出門看雙腳, 入門看張桌 註 : 看雙腳, 看穿著 ; 看張桌, 看其飲食 指一個人的身分地位, 可由其穿著 飲食觀察得知 ( 二 ) 洗面洗耳角, 掃地掃壁角 註 : 做事要面面俱到, 不能忽略細微處 ( 三 ) 洗腳毋當洗被, 洗三年就冇一糞箕 註 : 懶人睡前不洗澡不洗腳, 辯稱洗三年也沒有一畚箕的
污垢 ( 四 ) 豬為豬, 狗為狗 ; 掃把為糞斗 註 : 親幫親, 鄰幫鄰, 天下窮人幫窮人 三 師傅話 ( 歇後語 ): ( 一 ) 十五只井桶 七上八落 註 : 七上八落, 形容心裡忐忑不安 ( 二 ) 水涿糞箕 冇留半點 註 : 冇留半點, 指東西一點也不剩 ( 三 ) 七月半个鴨仔 毋知死 ( 四 ) 城隍廟半蚊子 囓死鬼 四 客家語與國語的倒反詞 : 狗母 鴨公 人客 鬧熱 康健 紹介 慣習 磨石 塵灰 熟面 利便 面會 間房 氣力 腫水 頭前 前面 棄嫌 決裁 碑石 童乩 壽年 修整 後背 銜頭 缺欠 受領 重輕 軟心 風颱
第二課當好去學校 當好去學校, 去學校逐日都笑哈哈 先生教 畫圖寫字, 同學共下遛 ( 聊 ) 共下講笑話 在運動坪踢球仔, 在大樹下搞泥沙 健康中心有人檢查身體, 圖書館有當多書好借 合作社肚人尖人, 去便所个人上上下下 當好去學校, 去學校逐日都笑哈哈 搞泥沙紅花大樹目珠 先生教畫圖 阿姆教跳舞 阿哥教擲 ( 丟 ) 飛盤 去 : 去學校轉 ( 歸 ): 轉 ( 歸 ) 屋下 淨俐 : 淨俐个便所屙糟 : 屙糟个地泥 念謠欣賞 : 搞頭王 安到林阿郎, 撥 ( 跳 ) 索仔, 吊晃晃 ( 槓槓 ), 泅水踢球熟行, 儕儕喊搞頭王
CD 童謠 : 月光光 月光光, 秀才娘, 船來等, 轎來扛, 一扛扛到河中央 蝦公毛蟹拜龍王, 龍王腳下一蕊花, 拿奔阿妹轉妹家, 轉到妹家笑哈哈 一 童謠 : 講笑話食飽夜, 阿爸講笑話 : 頭擺頭擺, 阿婆駛火車 ; 駛到大山頂, 載轉九十八只大西瓜, 囥到眠床下 一日食一只, 大家食到笑哈哈 二 諺語 : ( 一 ) 細人仔打紙炮喂 又驚又好 註 : 形容小孩放鞭炮, 又怕又喜歡的心理 ( 二 ) 講話毋看嘴 冇貼 ( 踏 ) 冇碓 註 : 冇貼 ( 踏 ) 冇碓, 是指 沒什麼意思 ; 說明人與人閒聊, 要彼此注視對方 ( 三 ) 黃帝面前三張凳, 教書醫藥行地理 註 : 形容老師 醫生和地理師受人尊敬 ( 四 ) 大樹毋怕根多, 好書毋怕讀多 註 : 形容大樹的根越多越穩固 ; 好書讀得越多, 人越有知識 三 令仔 : ( 一 ) 當多人行入行出, 上上下下 ; 歸日仔開開關關, 爬上又爬下 ( 猜一物 ) 答案 : 電梯 ( 二 ) 一陣風, 一陣雨, 一條黃瓠跌落地 ( 猜一動作 ) 答案 : 屙屎
四 詞尾 : 公 婆 牯, 母 ( 嬤 ) 哥 頭 上 ( 項 ) 公 : 天公 雷公 蝦公 公 蟻公 貓公 碗公 鼻公 土地公 白頭公 腳趾公 手趾公 頭 : 路頭 田頭 崁頭 堆頭 肩頭 拳頭 膝頭 日頭 石頭 灶頭 鑊頭 腳頭 骨頭 朝晨頭 臨暗頭 下晝頭 暗哺頭 冬下頭 年下頭 上 ( 項 ): 街上 ( 項 ) 桌上( 項 ) 間上( 項 ) 眠床上( 項 ) 天頂上 ( 項 ) 田上( 項 ) 山上( 項 )
第三課見笑花 ( 畏羞草 )) 下晝三點零, 歸家人在公園擲 ( 丟 ) 飛盤 撿飛盤个時節, 看到一菩粉紅色个花 問阿姆, 係麼个花? 見笑花( 畏羞草 ) 啊! 仰會安到見笑花( 畏羞草 )? 阿姆笑等講 : 汝試摸看哪! 摸一下, 哇! 驚見笑 ( 畏羞 ) 哩! 著! 佢像老時 ( 頭擺 ) 个新娘 奇怪, 做麼个摸佢, 佢就頭纍纍? 轉到屋下, 遽遽貶 ( 翻 ) 書 上網 見笑花 ( 畏羞草 ): 即含羞草 過年時節寫字歸家人雷公 CD 童謠 : 萬年青 滿人唔識萬年青, 青青个葉, 青青个梗, 冇病冇痛盡長命 出門看到萬年青, 有泥也生, 冇泥也生, 淨食露水佢唔驚 做人愛像萬年青, 強強出頭強強生, 寒冬大日愛忍耐, 時機到來正會靚, 時機到來正會靚 ; 做人愛像萬年青, 強強出頭強強生, 貧窮落難愛忍耐, 時來運轉, 冇人敢看輕 一. 諺語 ( 一 ) 見笑一時間, 肚飽一晝邊
註 : 一晝邊, 半天的時間 ; 形容白吃白喝的人之心理 ( 二 ) 新娘討入屋, 媒人逐出屋 註 : 形容忘恩負義的人 ( 三 ) 大目新娘, 看灶頭毋到 註 : 灶頭, 傳統的爐灶 ; 譏諷人對新環境的生疏 ( 四 ) 新娘公, 食飯三碗公 ; 新娘母, 食茶半杓母 註 : 形容新郎 新娘的粗魯與憨態 ( 五 ) 牛角毋尖毋過村 註 : 形容沒有本領不與人爭長短 二. 白話詩 : 見笑花 ( 畏羞草 ) 黃恆秋 係一頭見笑花 ( 畏羞草 ), 日頭下有自家个身影 分人輕輕摸一下, 就會壞勢到無日無夜 係一頭見笑花 ( 畏羞草 ), 有骨無血个見笑花 ( 畏羞草 ) 青青个草, 細細蕊个花, 河灞唇, 山腳下 係一頭見笑花 ( 畏羞草 ), 係一頭見笑花 ( 畏羞草 )
第四課麼个公背拱拱麼个公, 背拱拱? 麼个公, 打鼓咚咚咚? 大蝦公, 背拱拱, 雷公打鼓咚咚咚 麼个婆, 烏疏疏? 麼个婆, 飛到半天高? ( 細 ) 蝠 ( 匹 ) 婆, 烏疏疏, 鷂婆飛到半天高 麼个母, 遮頭顱 ( 拿 )? 麼个母, 泅上又泅下? 笠母笠母遮頭顱 ( 拿 ), 鯉母鯉母泅上又泅下 ( 細 ) 蝠婆羊咩咩紙鷂仔猴子 麼个飛到半天高 麼个泅上又泅下 大 : 大貓牯 紙鷂仔鷂婆 鯉母 細 : 細蟻公 朝晨 ( 唇 ): 朝晨 ( 唇 ) 出日頭下晝 : 下晝落大雨 ( 水 ) 一. 諺語 ( 一 ) 打鯉母, 請親家 註 : 打, 捕殺 ; 形容重視與親家的關係 ( 二 ) 把戲毋假, 雷公會打 註 : 把戲, 魔術 ; 指魔術都是假的 ( 三 ) 屋下無該噥噥公, 樣樣 ( 項項 ) 空 ; 屋下無該噥噥婆, 樣樣 ( 項項 ) 無 註 : 噥噥, 嘮叨 ; 指老人經驗多, 家有一老, 如有一寶 ( 四 ) 天轉笠母花 註 : 指天塌下來, 都若無其事 二. 歌謠 : 問 : 麼个打來青離離? 麼个打來鄒了皮?
麼个打來搽白粉? 麼个打來嘴含鬚? 答 : 菜瓜打來青離離? 苦瓜打來鄒了皮? 冬瓜打來搽白粉? 包粟打來嘴含鬚? 三. 令仔 : 阿車哥, 戴笠母, 勾勾糾糾一尾蛇 ( 猜一字 ) 答 : 運 四. 公 婆 母 詞彙集錦: 公 : 天公 雷公 蝦公 公 蟻公 貓公 碗公 鼻公 土地公 白頭公 腳趾公 手趾公 婆 : 鷂婆 蝠婆 母 : 舌母 杓母 刀母 笠母 薑母 蝨母 五 諺語 : ( 一 ) 一代親, 二代表, 三代閒了了 註 : 指親戚之間, 第一代還很親 ; 第二代就疏遠一點 ; 到了第三代就有很多都不認識了 ( 二 ) 人沒千日好, 花無百日紅 註 : 比喻人沒有每天都過得很好的, 花也沒有天天紅艷欲滴的 ( 三 ) 畫虎畫皮難畫骨, 知人知面不知心 註 : 畫虎只能畫外表, 無法畫內在 ; 指認識一個人只能看到他的外表, 無法瞭解他的內心 ( 四 ) 雞仔腸, 鳥仔肚 註 : 比喻心胸狹窄 ( 五 ) 扛轎不扛轎, 管新娘放尿 註 : 負責扛轎的人不去扛轎, 反倒去管新娘放不放尿的事 比喻多管閒事 ( 六 ) 吂恭子, 先安名 註 : 比喻太急燥
六 念謠欣賞 : 臨暗仔 臨暗仔, 門斷 ( 段 ) 下, 老弟問阿爸, 鳥仔歸陣轉屋下, 蝠 ( 匹 ) 婆仰會吂轉夜? CD 童謠 : 月光亮亮 月光亮亮, 好種薑, 薑必目, 好種竹, 竹開花, 好種瓜, 瓜吂大, 孫仔摘來賣 賣到二尖錢, 學打棉, 棉叮噹, 學打磚, 磚對截, 學打鐵 ; 鐵生鏀, 學豬, 豬會走, 學狗, 狗會咬, 學鳥, 鳥會飛, 飛到大樹下, 撿到一粒爛西瓜, 煮奔親家食, 瀉到一廳下
第五課收冬戲舊曆十月二十四, 廟坪做平安戲 點香蠋, 敬神明, 閹雞隻隻大又肥 每家每屋請人客, 五穀豐登 ( 收 ) 大家都歡喜 戲棚頂唱無 ( 冇 ) 停, 劉備在該請孔明 ; 有人看到嘴叭叭, 有人看到哈哈大謔 播 ( 撥 ) 圈仔, 買甘蔗 ( 蔗仔 ), 等走上毋走下 買甘蔗 ( 蔗仔 ) 晒日頭舊曆扭勢窟 ( 胐 ) 花? 隻隻大又肥 ( 雞仔 )? 隻隻大又肥 ( 鴨仔 )? 隻隻大又肥 ( 豬仔 ) 三牲 牲醴 一. 諺語 ( 一 ) 不三不四, 像阿丑做戲 註 : 不三不四, 不正經 ; 指不正經的人, 就像戲臺上的丑角 ( 二 ) 靠人穀滿倉, 靠天空米缸 註 : 靠人勤奮努力, 稻穀滿倉 ; 如果聽天由命不盡人事, ( 三 ) 搥背食屁卵 註 : 為人服務而無酬勞 ( 四 ) 狗肉出桌毋得 註 : 比喻不能在大眾面前顯現
二. 童謠 : 伯公伯婆 伯公伯婆, 今哺日屋下割禾, 上坵割有, 下坵割無, 冶到一隻硬頸鵝, 愛食無愛食, 三. 現代詩 : 平安戲 也無奈何 年年都係太平年, 年年都做平安戲 ; 只曉得順從个平安人, 只曉得忍耐个平安人 圍繞著戲臺, 捧場看著戲 CD 童謠 : 紙 鷂 離毋開一條線, 隨風飛上九重天 係紙鷂你係線, 倆心相連樂無邊 飛得高, 飛得遠, 紙鷂盡驚斷了線 樹有根, 水有源, 紙鷂全靠一線牽
第六課阿姆好食魚頭 讀書轉來, 洗好身, 字寫好, 就可 ( 做得 ) 食夜了 食飯个時節, 阿姆夾魚仔分老妹, 又夾分阿爸, 魚肉分淨淨, 佢自家喫魚頭 問 魚肉當好食, 汝 ( 你 ) 仰無愛食呢? 阿姆講 : 魚頭煏到酥酥, 較好食! 食飽夜, 老妹共下撿就 心肝愐 : 阿姆敢正經好食魚頭? 老妹嘴角食夜食朝食晝借書 日 : 今哺日夜 : 暗哺夜 頂 : 戲棚頂下 : 大樹下 一. 念謠欣賞 : 看 戲 鑼鼓咚咚滾, 來看打採茶 老弟走相追, 老妹囓甘蔗, 阿公阿婆看到嘴呀呀 二. 諺語 ( 一 ) 咬薑脫醋註 : 比喻省吃儉用 省儉 ( 二 ) 會算毋會除, 偷米換蕃薯 註 : 比喻不夠聰明
( 三 ) 醜人好照鏡, 窮人好算命 註 : 表示事實是這樣, 還是想改運 ( 四 ) 腦汁背生舐 ( 苔 ) 註 : 比喻遲鈍極了 CD 童謠 : 天頂个雲 有時像棉花, 有時千兵萬馬, 有時又像一張一張个水彩畫 有時像泥沙, 有時新娘羅帕, 有時又像一條長長个大河灞 者就係天頂个雲, 就像雅姆个脾氣, 千變萬化
CD 童謠 : 天黃黃地黃黃 天黃黃, 地黃黃, 我家有个愛噭郎 路邊君子唸三遍, 一覺睡到大天光 CD 童謠 : 大憨牯汽車 先生講, 路像一條河灞, 車仔就係, 水中个蝦公蝦蟆 一輛一輛, 一陣一陣个汽車, 泅來泅去, 走上又走下 大憨牯汽車, 大憨牯汽車, 橫打直過毋看路, 看到老阿伯仔, 喊弟弟! 弟弟! 看到細阿哥仔, 个顛倒喊, 爸爸! 爸爸! 爸爸!
CD 童謠 : 尋隱者不遇 ( 松下問童子 ) 松下問童子, 言師採藥去 ; 只在此山中, 雲深不知處 CD 童謠 : 子夜秋歌 長安一片月, 萬戶搗衣聲 秋風吹不盡, 總是玉情關 何日平胡虜, 良人罷遠征 CD 童謠 : 喜見外弟又言別 十年離亂後, 長大一相逢 ; 問姓初相見, 稱名憶舊容 別來蒼海事, 語罷暮天鐘 ; 明日巴陵道, 秋山又幾重 CD 童謠 : 清明時節 清明時節雨紛紛, 路上行人欲斷魂 ; 借問酒家何處有, 牧童遙指杏花村 CD 童謠 : 遊子吟 慈母手中線, 遊子身上衣, 臨行密密縫, 意恐遲遲歸 誰言寸草心, 報得三春暉 CD 童謠 : 下江陵
朝辭白帝彩雲間, 千里江陵一日還 ; 兩岸猿聲啼不住, 輕舟已過萬重山 CD 童謠 : 夜 思 床前明月光, 疑是地上霜 ; 舉頭望明月, 低頭思故鄉 CD 童謠 : 滿江紅 怒髮衝冠憑欄處, 瀟瀟雨歇 抬望眼, 仰天長嘯, 壯懷激烈 三十功名塵與土, 八千里路雲和月 莫等閒, 白了少年頭, 空悲切 靖康恥, 猶未雪, 臣子恨何時滅? 駕長車, 踏破賀蘭山缺, 壯志肌餐胡盧肉, 笑談渴飲匈奴血 待從頭, 收拾舊山河, 朝天闕