板模頭家

Size: px

Start display at page:

Download "板模頭家"

廊匡
7 years ago
Views:

1 板模頭家 ( 海陸腔 ) 桃花開桃花開來菊花哪裡黃, 阿哥來想妹, 戲棚頂, 弦簫吹唱鬧臺臺 ; 戲棚下, 傷心之人淚漣漣暗夜看這齣雪梅教子, 看到當入文, 跈等唱啊唱,2 遍 3 遍, 從頭唱到尾唉, 三四十年來, 第一擺在臺北看採茶戲, 盡歡喜盡感動盡傷心盡感恩這種心情, 就像失落多年个親人, 他鄉相見面, 不免淚漣漣還細時節, 在廟坪看三腳採茶, 輒常聽著桃花開, 看阿奶姑同張財主對唱, 感覺已生趣已好搞已好笑, 新妝个採茶, 鬥柄个杓嫲, 連續做 10 暗晡, 看到毋肯走, 正經採茶入莊, 田園放荒, 迷到犁田挲草乜唱, 透日山歌耐天 ; 做完工食飽夜, 領著工錢, 打扮有三妹又唱起來山歌緊唱心緊開, 耕種人就恁樂線咩毋過, 共樣个山歌, 共樣个鄉音, 三四十年後又再聽又再唱, 仰般嗄會流目汁? 恁多年來, 在臺北打拚, 做工人, 謀頭路敢有恁該? 這下, 頭路小可有兜基礎, 賺有息把仔錢, 過臺北人个生活, 戴樓屋坐轎車食餐廳, 乜已慣已滿足毋過, 想著親生爺娘, 勞碌歸生人, 毋曾享福, 仰般死都毋知, 膝頭就會出目汁實在講, 三四十年來, 罕得講客, 暗夜看戲, 聽著鄉音, 想起鄉親鄉情, 像有人問食飽吂, 愛去哪樣, 非常親切又想起, 鳳英同个喜怒哀樂, 就目汁闌干, 想開聲噭 193

經採茶入莊, 田園放荒, 迷到犁田挲草乜唱, 透日山歌耐天 ; 做完工食飽夜, 領著工錢, 打扮有三妹又唱起來山歌緊唱心緊開, 耕種人就恁樂線咩毋過, 共樣个山歌, 共樣个鄉音, 三四十年後又再聽又再唱, 仰般嗄會流目汁?

2 98 年教育部臺灣閩客語文學獎作品集鳳英同𠊎共莊, 上下年紀, 十七十八少年時, 為佢歡喜快樂, 人生係彩色个二十郎當時, 為佢傷心受恨, 人生無趣味這下老咧, 正來怪怨自家還記得記得少時騎竹馬, 看看又係白頭翁阿昌叔教𠊎兜讀个昔時賢文, 到今還記得讀漢文該下, 鳳英正五年生, 背書比𠊎遽, 作文比𠊎好, 吟詩作對, 項項打等, 先生一等惜佢平常時, 食飽夜就寫字, 有閒就尋各種書來看, 考試總係打頭名小學畢業該年, 先生喊佢去考初中, 厥爸毋肯, 講 : 細妹人, 識字就好, 早慢係別人个家神牌, 讀中學做麼个? 三餐㘔痢肚都無, 哪有閒錢好讀書窮苦人家, 日仔難耐, 怪毋得厥爸聽厥爸恁講, 鳳英也已認份, 學校卒業, 就𢯭手賺錢, 顧三餐較要緊厥爸楊阿陸, 同𠊎兜焗香茅, 日夜在山頂顧香茅寮, 罕得轉來厥姆種菜賣, 一支擔竿㧡到歸十年, 兩老做生做死, 畜一群大細, 實在難賺食好得, 鳳英生著乖莊, 放學轉來, 畜鴨餵豬煮飯暖菜, 洗湯撿揫, 料理到伶伶俐俐, 分爺娘放心阿張伯姆好手腳, 正起火就喊裁桌, 鳳英正 13 歲, 就有這本等緊工時節, 佢會𢯭手㓾雞捋鴨起火落鑊, 兩下半就煮好一桌菜割禾蒔田, 六月冬, 家神牌都會停動, 鳳英乜無閒直掣, 犁耙碌碡並蒔打割項項會, 做事無輸男仔人有閒時節, 掌牛渡細人仔年下時頭, 剷蔗草攔蔗根斬甘蔗該下, 正十過歲定, 還毋知人我, 𠊎兜歸日共下做共下尞, 好到搞泥無洗手, 爺哀乜毋會插毋多知仔, 轉大人咧, 厥姆會講佢 : 194

3 細妹人, 毋好恁好搞歸日同貴生共下, 人家會加講過後, 鳳英較少來尋𠊎一擺過年, 佢偷偷煎甜粄分𠊎食, 害𠊎歡喜到奈毋得逐日轉來, 就想看厥身影聽厥聲音, 連厥腳步聲停車聲開門聲, 全都聽得出聽著厥聲看著厥人, 精神就好起來, 日日看妹日日安, 三日無看捶心肝, 實在有影鳳英 16 歲該年, 厥姆講 : 學會三尾好嫁人, 去臺北學做裁縫, 正做得嫁人其實, 鳳英本成會做裁縫, 厥姆講, 去臺北 3 年 4 個月出師, 轉來做師傅, 毋愁無頭路去臺北前一暗晡, 鳳英偷偷來尋𠊎, 送一領肨線衫講 : 這領肨線衫, 刺歸半年, 這下天氣漸漸轉冷, 愛保重身體有閒時節, 記得寫信仔分𠊎莊下去臺北, 西天恁遠, 一去兩三年, 毋知哪朝代正見面該暗晡, 鳳英頭犁犁, 看佢目珠紅紅, 就拿一條花手巾送佢𠊎係樂線个人, 盡愛講笑撩佢, 就講 : 兩儕好入骨, 斧頭劈毋㪐鳳英聽著, 嗄笑起來𠊎又講 : 天靈靈, 地靈靈, 觀音娘娘第一靈兩人雙雙來咒誓, 天長地久不斷情講煞, 兩儕牽等手, 對月華拜拜記得, 細人仔班搞過私訂終身後花園个戲齣, 毋過, 暗夜兩儕盡虔誠, 咒誓有準算喔鳳英一定記得鳳英去臺北, 𠊎像失神樣, 歸日發咄呆, 無心讀書, 做事懶懶, 三兩日就寫信仔結果, 像紙鷂仔斷了線, 完全無回信半年過忒 1 年過忒, 三等四等, 心嗄冷忒, 女人心, 海底針, 195

送一領肨線衫講 : 這領肨線衫, 刺歸半年, 這下天氣漸漸轉冷, 愛保重身體有閒時節, 記得寫信仔分𠊎莊下去臺北, 西天恁遠, 一去兩三年, 毋知哪朝代正見面該暗晡, 鳳英頭犁犁, 看佢目珠紅紅, 就拿一條花手巾送佢𠊎係樂線个人, 盡愛

4 98 年教育部臺灣閩客語文學獎作品集鳳英想麼个, 𠊎毋知, 敢會去臺北嗄變花螺心等啊等,2 年過後, 又正看著鳳英吂知, 這擺轉來, 完全變一種樣相年三十, 看著鳳英哀哉, 無共樣哩, 抹粉畫眉, 拖鞋著襪, 䯋鍊耳環禁指手錶項項有, 實在花理, 看起來盡毋慣眾人背後講 : 看哪, 臺北阿妹就無相同頭過烏到像火炭, 打扮起來變阿旦乜有人講 : 掌牛膣, 恁花理哼, 敢怕有人包佢食使做細姐做賺食嫲, 乜無定著該兜婦人家, 十嘴九屎朏, 講到無一垤好, 𠊎乜聽毋下去毋過, 該兜細妹伴, 看著鳳英著到恁萋頭, 目珠擘到大大, 相賽來問佢 : 一領衫幾多百? 一條䯋鍊愛幾千? 透日有人圍等, 佢就大方身世, 盡量逞 : 無去臺北, 毋知臺北有幾進步, 像𠊎著這兜, 敢見人有才調買? 唉, 歸生人戴莊下, 人都會戇忒, 變囥空𧊅山戇仔又講 : 後生就係本錢, 細妹人在臺北, 總愛敢, 想愛麼个就有麼个唷, 恁樣个話, 乜講得出嘴, 難怪吾姆罵佢刺額嫲老實講, 佢个一身行頭, 𠊎做工 3 年乜賺毋著來買臺北阿妹靚過旦, 哪有才調畜? 吾姆講 : 𠊎正講佢, 爛菜籃壞底, 像種吂前正經, 就媱芮芮仔, 出差世臺北轉來, 就幾稀罕? 貴生啊, 目珠愛擘金兜仔, 莫張 196

細妹伴, 看著鳳英著到恁萋頭, 目珠擘到大大, 相賽來問佢 : 一領衫幾多百? 一條䯋鍊愛幾千? 透日有人圍等, 佢就大方身世, 盡量逞 : 無去臺北, 毋知臺北有幾進步, 像𠊎著這兜, 敢見人有才調買?

5 天師著鬼迷, 魂魄畀牽去, 歸日暈佢該哉, 無畀跈著, 你若又過同鳳英共下, 該就示眾哩十八嬌蓮甜過糖, 哪有阿妹毋連郎? 楊家有女初長成, 人人想討做餔娘, 一家有女百家求, 盡自然咩毋過, 歸日有人在厥屋下, 泡茶講笑食四秀仔, 砧枋狗一大群也有癲狗跈上跈下, 想食豬肝骨, 𠊎見擺看著, 就膦火著成下仔, 路項相堵頭, 毋輸見著鬼, 遠遠就閃開唉, 既然恁樣, 就莫去鬥當人年吂過忒, 包袱仔擐等, 跈人走到尾瀉屎, 無看著魂合影下後, 聽眾人講, 鳳英仔嫁分有錢人, 日仔已豐湧男家頭三不二時會寄兜錢轉來, 厥爸本成做香茅事, 這下香茅無價, 頭路難尋, 苦到屙痢肚無幾久, 聽講厥爸買甲過地穩水田來耕, 經濟已鬆頭斯呢, 無落無著, 半夜想著就會捶心肝結局, 就無該命唉, 命裡有時終須有, 命裡無時莫強求苦力娘有一日, 吾姆同𠊎講 : 貴生,20 歲咧, 愛有家竇若姨个妹仔阿蓉, 摎你同年, 係陳屋个骨底, 𠊎有請媒人去講, 阿蓉對你有意思, 親上加親蓋好你去做兵前, 餔娘討轉來, 𠊎這老身屍啊, 乜有心臼好照顧𠊎講 : 恁樣敢妥當, 親上加親這下無時行, 後生人自由戀愛, 感情較長久𠊎想, 做兵轉來正打算取在你, 毋過先熟識一下乜好, 你看仰般堵好 5 月 13, 廟坪做大戲, 阿蓉兩子哀來看戲, 在吾屋下食晝阿蓉係都市人, 親切大方, 同逐儕有講有笑, 聰明滑跳, 面 197

樣, 就莫去鬥當人年吂過忒, 包袱仔擐等, 跈人走到尾瀉屎, 無看著魂合影下後, 聽眾人講, 鳳英仔嫁分有錢人, 日仔已豐湧男家頭三不二時會寄兜錢轉來, 厥爸本成做香茅事, 這下香茅無價, 頭路難尋, 苦到屙痢肚無幾久, 聽講厥爸買甲過

6 98 年教育部臺灣閩客語文學獎作品集形身胚仔乜嫌毋得公當講, 阿蓉手尖腳幼, 人又竳線, 黃蜂腰, 鯽魚嘴, 十人看著九人愛毋過, 靚係靚, 講話得人驚毋知仰般, 𠊎總係有兜驚佢, 有時佢來整治𠊎 : 細阿哥仔, 請你看電影好無? 哼, 逐擺請你, 總係講無閒, 學老先生假細義, 毋知人家好壞佢緊講緊笑, 𠊎畀撩到無結無煞, 毋知愛講麼个吾姆嫌𠊎糗糗, 毋曉得賣嘴花有一擺, 當面就咄 : 莫恁死老, 人家對你好, 就較阿煞利兜像你恁趖, 敢跈人得著, 做鬼都搶無鴨卵殼哪點輸人, 又無瘸手跛腳, 驚麼个? 細倈人, 嘴碼愛較會兜無彩啊, 㘔到恁高大, 還戇面戇面, 難怪阿蓉取笑你阿蓉係做生理个腳事, 兩子哀顧店, 招呼人客, 出入辦貨, 非常流掠, 看起來已慶腳𠊎愐著 : 這種細妹仔討轉來, 同吾姆𢯭手已好 ; 但係, 做吾婦人家, 驚怕奈佢毋好故所, 初回見面, 就毋敢惹佢講起來, 吾屋下乜已大戶, 田地十過甲, 又開精米所有香茅寮, 請个工人五六儕, 人人喊𠊎頭家子, 論家庭乜毋會輸佢, 有麼个好驚? 總係, 耕種人較老實, 毋敢梟人, 毋會變巧, 看起來較戇面, 毋比得都市人雖然講, 𠊎係陳屋个單丁子, 但係, 𠊎逐項聲事都愛做吂有 10 歲, 爺仔過身, 經濟完全在阿姆手頭, 從細到大, 生活一概阿姆安排有一擺, 毋知著著麼个病, 一下仔發燒一下仔發冷, 人盡艱苦, 劉公醫來看, 講愛注射, 注 1 門 1 個銀吾姆講 : 發冷仔輒常有, 驚麼个, 滾水灌加兜就好動啊著就注射, 哪生恁多錢 198

7 吾屋下單淨打租就食使毋忒, 仰會無錢? 總講, 就係省儉, 1 隻錢打 24 隻結, 有入無出, 連注射錢都出毋得, 冤枉工人逐隻月初領錢, 顛倒𠊎無半銑好領, 見擺討錢, 吾姆就擎飯匙堵貓, 應講 : 自家做頭家, 領麼个錢? 食便便著便便, 錢愛留來討餔娘又講 : 陳屋事業恁大, 你逐項都愛曉得, 將來當家正有法度後生食苦, 贏過食補日後, 家業做盡係你个故所, 從細𠊎就㘔飽任做事, 講句較粗, 安到前世無修, 倈仔準心臼有一擺, 喊𠊎㧡大肥去淋菸仔, 吾姆在園項看著, 就咄 : 該豬屎人屎大大條, 愛用手撚開來, 正淋得無法度, 就乖乖用手去撚到今, 手爪像還有豬屎羴, 想著都會嘔故所, 人家喊𠊎頭家子, 𠊎總係應講 : 從來毋識領半銑, 疲爬極蹶, 屎朏凸凸, 敢有較爭毋過, 準講較艱苦, 𠊎乜毋識講話堵吾姆, 唱山歌喊𠊎做事𠊎做事, 喊𠊎打魚𠊎落河, 笑笑仔, 順佢老人家就好但係, 吾姆對阿蓉就惜到命根樣, 一心愛討轉來做心臼調兵單來了後, 吾姆講 : 你係陳屋个單丁子, 做兵 3 年, 𠊎老身屍無偎無憑, 已孤栖𠊎看, 將阿蓉先討轉來, 仰般? 𠊎無想恁早結婚, 毋知愛仰般應佢, 恬恬仔無麼个好講自從看城隍戲了後, 阿蓉長透來尋吾姆, 𢯭手做這做該, 吾姆也已惜佢, 兩儕盡有話講過後, 阿蓉就大方身世戴在吾屋下, 199

在園項看著, 就咄 : 該豬屎人屎大大條, 愛用手撚開來, 正淋得無法度, 就乖乖用手去撚到今, 手爪像還有豬屎羴, 想著都會嘔故所, 人家喊𠊎頭家子, 𠊎總係應講 : 從來毋識領半銑, 疲爬極蹶, 屎朏凸凸, 敢有較爭毋過, 準講較艱苦, 𠊎乜

8 98 年教育部臺灣閩客語文學獎作品集講愛同老人家做伴𠊎總係感覺毋像勢, 愐著 : 吾个婚姻, 敢恁樣註定? 愛入營前兩日, 阿蓉䟓工來尋𠊎講話佢當面講 : 个婚姻, 若姆打算好咧你同意也好, 毋同意乜好, 早慢愛結婚𠊎講 : 等做兵轉來正打算阿蓉係緊性个人, 直槌打直鼓, 緊講緊大聲 : 你恅著你係陳家个長子, 就大主大意咩, 敢有帶念著老人家續等又講 : 𠊎係麼个身份你敢知, 照實同你講, 𠊎正係陳屋个骨肉你啊, 麼个身世敢知? 哼, 去問阿昌叔就知聽阿蓉恁樣講, 𠊎敢係半路仔拈轉來个? 嗯, 有一擺, 瞨瞨聽阿昌叔同吾姆講起, 險怕有影第 2 日, 煞煞去問阿昌叔阿昌叔講 : 唉, 講著就衰過若爸陳德利, 財產恁多, 降著 7 個妹仔屎, 長透唉唉唚唚, 愁講 : 百年歸壽了後, 家神牌無人拜, 斷忒祖宗一支香仰結煞? 有一擺, 同人講起, 想討阿菊仔做細姐好死毋死, 兩下半分德利伯姆聽著噢荷, 該就會佢毋直哩, 若姆哪肯放佢煞, 擎菜刀食農藥, 麼个齣事都變得出來有一日, 大路堵著若爸德利伯, 當眾就放勢股剷, 刻到曚線若爸老實人, 畀嚇到面色瀝青, 屎粕都驚澇, 毋敢聲佢過後, 德利伯姆做主, 講 : 正降个滿女送人, 另外揇一個倈仔轉來恁樣, 你這老猴牯, 就毋愁死忒無人拜斗咧 200

家續等又講 : 𠊎係麼个身份你敢知, 照實同你講, 𠊎正係陳屋个骨肉你啊, 麼个身世敢知? 哼, 去問阿昌叔就知聽阿蓉恁樣講, 𠊎敢係半路仔拈轉來个?

9 續下去, 阿昌叔又講出一段故事來有一日, 一個婦人家㧡樵來德利伯个精米所賣, 德利伯看著就問 : 麼个伯姆, 大肚朗碰還愛㧡樵來賣? 伯姆聽著, 就講 : 唉, 老公發癱風毋會做, 屋下大細又多, 正開聲, 就目汁造流德利伯心腸一等好, 看該伯姆身體已紮增, 老實又勤儉想講 : 嗯, 這婦人家降个細人仔, 一定盡康健就探該伯姆講 : 你幾多個細人仔? 伯姆講 : 4 個妹仔 3 個倈仔, 還有 2 個分人畜伯姆, 這擔樵𠊎做盡同你買這兜錢, 你拿去毋使找伯姆拿著錢, 緊頷頭, 緊講承蒙德利伯又講 : 我看你係艱苦人, 今日算有緣, 想同你參詳看啊, 做得無? 伯姆聽著, 就頷頭德利伯講 : 𠊎就有妹仔無倈仔, 你這胎若降倈仔, 分𠊎揇來畜仰般? 伯姆看陳屋大戶人家, 人已良善自家一群大細, 無才調畜, 有人愛收留, 暢到奈毋得當場就應德利伯無幾久, 伯姆斷真降一個倈仔煞煞喊鄰舍去同德利伯講陳屋送已多禮, 又有豬片並現金分伯姆兩家聘好 : 細人仔揇 201

伯姆講 : 4 個妹仔 3 個倈仔, 還有 2 個分人畜伯姆, 這擔樵𠊎做盡同你買這兜錢, 你拿去毋使找伯姆拿著錢, 緊頷頭, 緊講承蒙德利伯又講 : 我看你係艱苦人, 今日算有緣, 想同你參詳看啊, 做得無?

10 98 年教育部臺灣閩客語文學獎作品集過手, 就係陳屋个人大家愛分明為著細人仔好, 兩家人約束莫講出去阿昌叔講 : 該個細倈仔, 就係你咩若親生爺哀, 過身幾下年咧, 衰過今這下, 德利伯乜無在咧, 你也知人我咧, 𠊎正講分你了解還有, 該阿蓉就係德利伯姆个滿女, 正滿月就揇分厥姑表姊妹畜陳家个事業, 佢兩姊哀早就按算好咧你呀, 想愛得著, 怕難嘍原來, 阿昌叔就係當初吾親生爺哀个鄰舍, 識教𠊎兜漢文聽佢講了後, 正明白自家个身世來歷養哀畜, 當然愛有孝佢毋過, 阿蓉正係陳屋个骨肉, 大方身世入門來戴像恁樣个形投, 另日結婚, 𠊎貴生註定膣下跍, 歸生人做番仔牛這種婚姻, 千萬使毋得該哉, 黏皮愛入營做兵, 先閃開 3 年乜好, 退伍正打算第 2 日打早, 就坐火車去兵營報到等郎妹吾姆長透講 : 男仔人, 毋好軟粢搭碓, 看起來戇面戇面, 會分人欺負又講 : 你呀, 人又已大欉, 甲種體格, 仰會看起來糗糗做兵了後, 看會較像男仔人無結果調兵抽著籤王, 海軍陸戰隊 3 年聽講, 訓練已艱苦𠊎想 : 六月頭, 透當晝貌禾割𠊎都毋驚, 做兵過較艱苦, 敢會比耕種較艱苦毋過, 陸戰隊無簡單, 出來已風神, 又乜好 202

佢毋過, 阿蓉正係陳屋个骨肉, 大方身世入門來戴像恁樣个形投, 另日結婚, 𠊎貴生註定膣下跍, 歸生人做番仔牛這種婚姻, 千萬使毋得該哉, 黏皮愛入營做兵, 先閃開 3 年乜好, 退伍正打算第 2 日打早, 就坐火車去兵營報到等郎妹吾姆長

11 共梯入營个新兵, 聽講有一個啞狗, 入營幾下日毋識開口奇怪, 甲種體格, 仰會啞狗? 看厥戶籍係美濃人, 有一暗晡, 𠊎試講客話問佢 : 你戴美濃咩? 係呀麼个名仔? 阿福原來,228 該下, 阿福厥爸逐日看報紙, 有毋識字个阿伯問佢, 講報紙寫麼个, 佢就當眾讀分阿伯聽好死毋死, 嗄分官廳知著, 捉去拘留幾下日, 嚇到會死出來了後, 歸家人走去囥山, 毋敢出來, 細人仔做盡無去學校讀書厥爸字墨已飽, 自家在屋下教漢文, 增廣幼學四書阿福讀透透但係, 北京語學老話一概聽毋識來到兵營, 毋敢開嘴, 人家恅著佢係啞狗共連个客人無幾多儕,10 支手指拗還有伸, 大家已相惜阿福人老實, 又肯學, 國語學老話𠊎就加減教佢, 又共下讀隨營補習班, 取得學歷證明, 兩儕變成好朋友有一日, 連長講 : 陸戰隊跆拳班招募隊員, 愛報名个做得來登記聽人講, 跆拳班十分嚴格, 歸日仔分人腳尖牯撩拳頭嫲推, 準打搞个訓練出來, 又無升階級, 無幾多儕敢去一暗晡, 阿福來湊𠊎, 講愛參加跆拳班, 𠊎講 : 無搭無碓十分艱苦, 又無升階級愛去做你去, 𠊎正無恁朘 203

自家在屋下教漢文, 增廣幼學四書阿福讀透透但係, 北京語學老話一概聽毋識來到兵營, 毋敢開嘴, 人家恅著佢係啞狗共連个客人無幾多儕,10 支手指拗還有伸, 大家已相惜阿福人老實, 又肯學, 國語學老話𠊎就加減教佢, 又共下讀隨營

12 98 年教育部臺灣閩客語文學獎作品集阿福講 : 客家人曲不離口, 拳不離手, 功夫學著就係本等, 毋驚人欺負後生人, 驚漦咩, 拂佢! 分佢講一下, 想講又乜好, 兩儕有伴, 就共下去簽名去到跆拳訓練中心, 報到頭一日, 對學校門爬等落去, 透路仔石牯漏翹, 阿姆哀, 搣到歸身溜皮溜骨, 出血烏青, 像泥鬼樣新入隊員透日操, 分老兵準𧊅仔擲, 正經拂到有罅悿但係, 想著鳳英仔, 恁孤盲恁無情恁絕心, 𠊎貴生分你看衰, 冤仇入骨, 心頭有恨, 好, 就盡勢牯拂盡勢牯推盡勢牯踢, 囓等牙根, 忍耐下去拂悿咧, 心肝正經較無恁痛毋過, 講罔講, 成下仔想噭無目汁鳳英啊, 到底仰般, 會恁樣對𠊎人講臺灣人做戇兵𠊎感覺, 你若係生鐵打成鋼, 戇牯變好漢, 做兵就有目的訓練期間, 感情莫想恁多逐擺, 跆拳班長講愛尋選手, 阿福就湊講驚漦咩, 拂佢, 𠊎兜就共下擎手, 自願參加比賽, 敢死就贏人, 輒常得獎, 在班上已風神訓練出來, 歸身曬到烏刻刻, 手腳流掠, 加已紮增行到路項, 愛打愛推做你來, 毋驚壞人, 這正係男子漢轉到連項, 做跆拳教練, 對自家已有信心人講 : 做兵 3 年, 豬嫲變貂蟬確實有影正退伍該下, 二十三四歲个細倈條仔, 身體紮到像一條牛, 看著細阿妹就合合上阿福講 : 想討姐仔, 強強會發膣狂想著就好笑, 男仔人, 逐儕都共樣咩但係, 想著阿蓉, 𠊎就傷腦筋做兵期間, 阿蓉不時寫信仔來, 會退伍咧, 追到像馬 204

英仔, 恁孤盲恁無情恁絕心, 𠊎貴生分你看衰, 冤仇入骨, 心頭有恨, 好, 就盡勢牯拂盡勢牯推盡勢牯踢, 囓等牙根, 忍耐下去拂悿咧, 心肝正經較無恁痛毋過, 講罔講, 成下仔想噭無目汁鳳英啊, 到底仰般, 會恁樣對𠊎人講臺灣人做戇兵𠊎

13 咬著有一日, 佢來兵營面會, 在兵營門口等𠊎湊阿福做伴, 共下去營門, 遠遠看著阿蓉, 阿福就偷偷仔講 : 喂, 若姐仔人才好, 後生又恁靚, 打扮到蓋鬧, 擐點心等郎來你看哪, 等郎妹, 想老公, 想到卵出出阿福好講笑, 𠊎㖸到會死毋過, 講笑罔講笑, 莫去惹佢較贏𠊎拿兜衫褲搭佢帶轉去, 吩咐一切平安, 請阿姆放心退伍該日, 想講若係轉去老屋, 堵好分阿蓉桊著鼻公, 做番仔牛, 歸生人揢泥卵, 死田螺毋會過坵, 人生仰得過? 學老戲講無行未出名, 趕這下還後生, 去臺北罔罅看哪, 無定著有好空个, 賭膦造化離開兵營, 直接坐火車去臺北啥物攏毋驚, 向前行! 學老妹來到臺北, 無偎無憑, 伸手堵壁, 正知無人牽成, 頭路難尋, 仰結煞? 為著㘔痢肚, 高不將去工地㧡磚仔擎鐵筋釘板模總愛有事好做, 就毋會枵死日時頭做小工, 暗晡頭戴工寮, 食飽領清, 工錢比莊下有較多戴臺北, 目珠擘開就愛錢, 做小工賺毋成錢, 師傅工較好賺𠊎就認真學, 看人疊磚仔䌈鐵仔釘板模洗石仔, 技術加減學, 毋曉得就請教師傅成個月過後, 大概乜有學起來人家疊磚仔,1 日 800 垤, 𠊎疊 1 千垤洗石仔乜已好賺, 磨 1 隻樓梯 4 點鐘, 做得賺 5 千, 做兵 1 個月正 75 個銀, 準講做小工, 比耕 3 甲地較贏行行出狀元, 𠊎兜工地, 有一個拱板模个師傅, 看起來已後生, 手路摎人無相同, 佢 1 儕當得三四儕, 工錢當然比人高照𠊎看, 拱板模已有學問, 功夫好壞, 看佢拱圓个樓梯个轉 205

學老戲講無行未出名, 趕這下還後生, 去臺北罔罅看哪, 無定著有好空个, 賭膦造化離開兵營, 直接坐火車去臺北啥物攏毋驚, 向前行! 學老妹來到臺北, 無偎無憑, 伸手堵壁, 正知無人牽成, 頭路難尋, 仰結煞?

14 98 年教育部臺灣閩客語文學獎作品集角就知, 還過, 收尾乜愛算準準, 恁樣正會好看但係, 聽講佢係大陸人, 同人無交雜, 想學厥技術, 妄想毋過, 江湖一點訣, 肯學就會, 𠊎愛專心研究其實, 長久打算, 一定愛長兜本錢, 湊一班師傅貌工事做, 正會賺有錢嗯, 做板模頭家, 就係𠊎个夢想年三十, 大家轉年, 伸𠊎自家戴工寮, 閒閒罔釘包商个妹仔春蘭來巡工地, 看著𠊎就行兼來, 用學老話講 : 哪無轉去過年? 阮是有路無厝的人, 工寮罔蹛, 有空課加減做暗頭仔, 佢買兜小菜麥酒擐來工寮, 兩儕共下食夜, 有講有笑佢講 : 每擺來工地, 就注意看你, 阮爸講你功夫袂䆀哦阮做工的人, 頭家毋棄嫌, 予阮有飯食, 蓋感恩過後, 春蘭輒常來工寮, 尋𠊎譫哆佢無嫌做工人, 已會相惜在臺北無親無戚, 有人照顧, 該種恩情比天高, 盡感恩其爺哀也已開化, 講 : 貴生是善良人, 跤踏實地, 老實認真, 若愛娶阮春蘭, 毋免定金, 少年仔有佮意就好厥爺哀又𢯭手出錢贌屋, 安頓家竇第 2 年年下仔, 就公證結婚結婚無幾久, 有一日, 阿福來工地尋𠊎看𠊎釘板模, 笑講 : 山狗仔, 老屋有十過甲田好耕, 又有靚餔娘好揞, 毋知好愛, 走來臺北做工, 敢有較贏 206

阮是有路無厝的人, 工寮罔蹛, 有空課加減做暗頭仔, 佢買兜小菜麥酒擐來工寮, 兩儕共下食夜, 有講有笑佢講 : 每擺來工地, 就注意看你, 阮爸講你功夫袂䆀哦阮做工的人, 頭家毋棄嫌, 予阮有飯食, 蓋感恩過後, 春蘭輒常來工寮, 尋𠊎譫

15 定定仔長兜錢, 過一駁仔, 想湊一班板模師傅, 貌兜事頭來做工字毋出頭, 莫妄想𠊎兜公司愛請一個保全人員, 工作安定有保障, 𠊎第一就想著你, 臺北尋透透, 正尋著這位堵好臨晝仔, 春蘭擐飯包來阿福問講 : 幾時交著个細阿妹𠊎講 : 係吾學老嫲阿福聽著, 笑到會死春蘭問講 : 啥物係學老嫲? 𠊎講 : 講你係河洛查某, 未袂聽客話, 叫伊莫講客話春蘭恅著正經, 就頷頭緊笑工地个婦人家聽著, 就講 : 喂, 春蘭啊, 你莫去予騙去, 伊笑你係菜店查某, 你閣咧笑, 僥倖噢春蘭聽著, 嘴嘟嘟捶𠊎一下, 斡頭就走春蘭好性體, 知𠊎好講笑, 毋會發譴阿福講 : 討著學老人, 客話斷忒半條筋打拚事業較要緊, 暫時無管恁多聽阿福講, 佢該間公司月給毋會差, 外水已多比論講, 佢做招待所廚房个領班, 有一回, 帶厥姆做个剝皮辣椒來, 切幼幼 207

𠊎講 : 講你係河洛查某, 未袂聽客話, 叫伊莫講客話春蘭恅著正經, 就頷頭緊笑工地个婦人家聽著, 就講 : 喂, 春蘭啊, 你莫去予騙去, 伊笑你係菜店查某, 你閣咧笑, 僥倖噢春蘭聽著,

16 98 年教育部臺灣閩客語文學獎作品集仔, 一條做一盤, 準小菜送分人客食該下吂有人食過, 大家相賽點這項菜, 廚房師傅問 : 1 盤賣幾多? 1 百一日銷幾下罐,1 罐十過條, 值歸千銀阿姆哀, 仰會恁好賺厥姆就煞猛做, 阿福就煞猛賺佢又講 : 在這間公司, 你若做得長久, 頭家盡肯牽成這下, 公司愛用人, 敢有想試看哪? 毋過, 照公司規定愛先考試喊𠊎做事𠊎毋驚, 講著考試, 就屙膿咧阿福一句老話 : 驚漦咩, 拂佢敢死就贏人又講 : 頭家雖然係學老人, 毋過佢有講, 愛尋像𠊎這般陸戰隊跆拳班个人, 莊下客家子弟優先採用聽阿福恁樣講, 既然恁相惜, 試看哪乜好, 就拿證件分佢去報名考試該日, 十過儕取 1 儕, 筆試考忒又口試主考官看吾資料, 問講 : 你就係陳貴生咩? 𠊎應 : 係啊 208

看哪? 毋過, 照公司規定愛先考試喊𠊎做事𠊎毋驚, 講著考試, 就屙膿咧阿福一句老話 : 驚漦咩, 拂佢敢死就贏人又講 : 頭家雖然係學老人, 毋過佢有講, 愛尋像𠊎這般陸戰

17 又問家庭背景, 做兵个經過, 𠊎照實講一遍問忒, 𠊎轉工地趕聲事幾日後, 通知單寄來, 正式錄取, 黏皮就去報到上班董事長姓古, 大家喊佢古董, 做人實在, 毋好虛華, 要求嚴格, 獎勵後進, 希望員工做長久, 這就係公司个特色幾年後, 阿福升主任, 古董喊佢問𠊎 : 古董愛請你接招待所領班个缺, 仰般? 機會難得, 當然好啊當日, 就寫切結書, 並簽名撍印仔 1 禮拜後, 就去報到逐日跈古董接待貴賓, 有時兼做司機一回生兩回熟, 漸漸仔乜會同閒談毋多知仔, 又做幾下年有一日, 阿福講起 : 公司愛起一間工廠, 該工事已大, 愛做幾下年, 古董想設一個營造部門, 請專人設計畫圖監工你會做板模, 想請你負責這部門, 仰般? 佢又講 : 你做得自家湊一班師傅, 貌土木工事來做, 將來基礎打好, 申請成立營造公司, 古董會𢯭手創業做頭家, 就係个夢想, 有貴人相助, 當然感恩不盡做板模聲事, 老底有經驗, 尺寸坪數人工出料資本自家會計算, 湊師傅乜無問題投資吊車貨車板模毋使幾大資本, 兩下半就整理好勢雖然做粗工, 但係材料實在, 手路紮實, 絕對毋會梟人每日收工, 工地一定伶伶俐俐, 板模準藝術品來做, 看起來乜鬆爽𠊎想, 這就係客家人个本色古董盡安𧩣, 同業已相惜公司个工廠起好了後, 續等十大建設, 六七十年代, 堵著建築業好光景, 頭路緊做緊大. 到今 30 零年, 有兜基礎, 發展已順序 209

機會難得, 當然好啊當日, 就寫切結書, 並簽名撍印仔 1 禮拜後, 就去報到逐日跈古董接待貴賓, 有時兼做司機一回生兩回熟, 漸漸仔乜會同閒談毋多知仔, 又做幾下年有一日, 阿福講起 : 公司愛起一間工廠, 該工事已大, 愛做幾下年, 古

18 98 年教育部臺灣閩客語文學獎作品集該當時, 社會轉型, 莊下細妹仔卒業, 來都市入電子工廠 ; 農民做閒咧, 就來臺北做小工有鄉親來尋, 就盡量𢯭手安頓阿福開餐廳, 事業做到當大, 對鄉親乜十分照顧這幾年, 聽細人仔講, 學校有教母語, 正想講係客家人在臺北, 同業一概講學老, 無人知𠊎係客人, 夢裡不知身是客, 盡見笑以早, 海陸人講四縣, 阿公阿婆就罵背祖這下, 大細講學老, 阿公婆知著, 毋知會仰般罵, 實在盡見笑人老咧, 尋鄉親較有話講, 聽兜客家歌, 感覺已好一暗晡, 聽新竹風情, 聽著鄉音, 想起故鄉, 想起鳳英, 打扮像阿旦, 唱啊唱, 就會流目汁雖然講, 離鄉不離腔無忘祖宗聲, 但係細人仔毋曉得講, 有罪責出外營生客, 何曾忘故園, 這下, 做得到, 就出息把仔錢做獎學金, 分故鄉窮苦人家子弟讀書前幾日, 轉去發獎學金, 一個學生妹仔來領, 看佢頭那毛染到黃黃心中愐著 : 一擺領 8 千, 染頭那毛使忒 2 千, 敢有麼个目的? 雖然講兒孫自有兒孫福, 頭過毋比這下𠊎總感覺千金難買少時貧, 就係少年窮苦, 正知好認真打拚頒獎了後, 校長紹介𠊎係白手成家个模範, 𠊎就講自家个故事, 分後生人參考, 感覺已安慰花手巾上日仔, 阿福來尋𠊎譫哆幾下年無看著, 見面就該句老話 : 山狗仔, 㘔飽閒閒毋做事, 樹下尞涼咩孤盲頭, 恁久無消無息, 恅著你消忒咧該哉, 看起來還已健六十大零, 還不勝紮咩𠊎兜美濃人講啊, 愛食得睡得做得尞得, 還愛屌得, 阿哥你敢有才調? 210

一暗晡, 聽新竹風情, 聽著鄉音, 想起故鄉, 想起鳳英, 打扮像阿旦, 唱啊唱, 就會流目汁雖然講, 離鄉不離腔無忘祖宗聲, 但係細人仔毋曉得講, 有罪責出外營生客, 何曾忘故園, 這下, 做得到, 就出息把仔錢做獎學金, 分故鄉窮苦人家子弟

19 唉, 人老就無效, 像一條老閹牯, 毋會走醒咧像你喲, 死較好睡講正經話, 楊鳳英, 還記得無? 哪個楊鳳英? 若共莊人啊, 對你已關心咩你仰會識佢? 佢係古董夫人相認个妹仔, 大家喊佢鳳姨三四個月前, 過身咧講佢做麼个, 做佢去死, 干𠊎漦事古董夫人身體毋好, 在市外別莊養身, 透長年鳳姨照顧等唉, 鳳姨一儕人, 無子無兒無老公, 已凄涼死了後, 麼个都無, 就伸這兜東西阿福拿一隻封等个盒仔出來, 講 : 古董夫人知鳳姨關心你, 毋過你有家竇, 毋敢分你知今這下, 人也無在咧, 夫人交代𠊎來尋你, 看愛收留無? 佢講 : 有閒就看, 無閒就燒燒忒, 乜無相干阿福講煞, 有事先走打開來看, 有一條花手巾, 就係當初𠊎送鳳英該條, 還摺到已好勢手巾打開來, 上面用紅線繡等不斷情 7 隻字手巾底下, 有一本日記簿詳細看, 正知鳳英佢吾貴生愛討阿蓉, 若鳳英莫來膏吾貴生哼, 麼个身份, 細妹人, 愛較自重兜今日, 聽貴生厥姆當吾姆面前恁樣講, 心肝頭盡艱苦又聽佢講 : 211

這兜東西阿福拿一隻封等个盒仔出來, 講 : 古董夫人知鳳姨關心你, 毋過你有家竇, 毋敢分你知今這下, 人也無在咧, 夫人交代𠊎來尋你, 看愛收留無?

20 98 年教育部臺灣閩客語文學獎作品集鳳英愛去臺北, 加早去, 最好莫分吾貴生知不准若鳳英寫信仔寄東西分吾貴生假使分𠊎收著, 就貼在電火楯分人看, 示眾想𠊎鳳英, 窮苦人家, 哪敢得罪好額人去臺北前一暗晡, 偷偷去尋貴生, 乜毋敢講起德利伯姆个話阿爸同德利伯焗香茅, 毋堵好火燒香茅寮, 賠毋出, 逼𠊎來臺北裁縫店做工堵數, 盡恨半夜睡毋落覺, 看這條手巾, 就像看著貴生接著貴生來信, 盡歡喜, 又毋敢回信想著貴生就噭頭家娘來裁縫店做衫, 同𠊎已有緣, 愛認𠊎做妹仔, 厥妹仔摎𠊎同年頭家娘拿盡多新衫新鞋送𠊎, 還有䯋鍊耳環𠊎絕對毋敢領受, 頭家娘講係厥妹仔無愛个, 拂忒乜打爽唉, 想故鄉又毋敢轉故鄉, 出來 2 年, 難得轉去有細妹伴來尋𠊎尞, 就講兜不褡不膝个話, 挑試分德利伯姆聽, 𠊎鳳英毋會死賴若貴生貴生啊, 𠊎毋係花理个人, 驚怕你心忒軟, 莫怪怨𠊎絕心, 悲莫悲兮生離別聽講阿蓉戴在貴生屋下, 佢兩儕敢怕愛結婚哇, 又噭一暗晡頭家娘請𠊎去厥屋下食飯, 一個老阿婆已孤栖, 原來係頭家厥姆早先, 阿婆自家戴莊下, 有一駁仔身體無好, 頭家接來臺北戴阿婆盡會講客話, 厥倈仔心臼從細來臺北讀書做頭路, 客家話識聽毋識講, 變成學老客, 同老人家講無路阿婆歸日坐等恬恬, 無話講無笑容, 衰過該日食夜, 𠊎用客話問阿婆, 佢正開聲講話, 講起莊下老頭擺个事情, 已有好講成下仔, 同佢講笑, 乜笑到 gid gid 滾, 精神加盡好 212

認𠊎做妹仔, 厥妹仔摎𠊎同年頭家娘拿盡多新衫新鞋送𠊎, 還有䯋鍊耳環𠊎絕對毋敢領受, 頭家娘講係厥妹仔無愛个, 拂忒乜打爽唉, 想故鄉又毋敢轉故鄉, 出來 2 年, 難得轉去有細妹伴來尋𠊎尞, 就講兜不褡不膝个話, 挑試分德利伯姆

21 過後, 阿婆長透尋𠊎譫哆, 頭家娘喊𠊎來厥屋下照顧老人家, 就像厥孫女到阿婆過身時, 服侍佢也有幾下年老人家過身前, 有吩咐 : 手尾錢愛留一份分鳳英𠊎鳳英哪敢領受, 毋過, 阿婆有交代, 頭家娘就直接寄轉老屋分老人家, 分吾爺哀買田養老, 盡感恩唉, 古屋个恩情大過天, 愛報答阿福來公司, 講起做兵个事情, 有講起貴生就拜託阿福去探貴生个下落, 唉, 仰會無消無息今年, 公司愛請保全人員, 又拜託阿福去尋, 聽講貴生在工地做小工, 盡毋盼得拜託頭家娘同人事課講, 一定愛採用貴生該哉, 有採用吩咐阿福, 絕對莫分貴生知𠊎鳳英个事情唉, 貴生哪知, 一定會棄嫌阿福講貴生有餔娘, 毋係討阿蓉, 應當已圓滿暗夜轉來, 噭一暗晡公司愛設營造部門, 一定愛牽成貴生看忒鳳英个日記, 正知鳳英受盡委曲, 為著爺哀老弟, 同人照顧阿婆為著牽成个事業, 恬恬付出, 從來無分知鳳英, 𠊎貴生有了解, 你係𠊎个貴人𠊎千不該萬不該怪怨你鳳英, 貴生虧欠你忒多, 對毋起, 盡失禮, 盡感恩暗夜, 經過社教館, 看著大門貼有採茶戲个廣告, 已久無看戲, 就入來看桃花開來菊花, 唱啊唱, 就目珠溼溼 213

22 98 年教育部臺灣閩客語文學獎作品集用客家人的思維, 來寫客家人的音容笑貌喜怒哀樂, 是我常有的念頭這篇板模頭家, 描述臺北都會區客家人的心情故事一個農村客家子弟, 獨自來到都會區打拚, 會有什麼樣的遭遇, 如何硬頸適應現實生活中的考驗, 是不少臺北客家人的共同記憶出門在外, 不如意時, 在鄉音中得到撫慰 ; 行有餘力時, 不忘回饋故鄉看似傳奇, 卻有所本, 乃現今都會客家的縮影熱愛客家文學的鄉親們, 歡迎一起來品頭論足黃學堂國立臺東專科學校退休教師 214

寫作背景導讀 [98] L Lyman Frank Baum 1856-1919 1882 1886 1900 1939

寫作背景導讀 [98] L Lyman Frank Baum 1856-1919 1882 1886 1900 1939 綠野仙蹤繪本創意教案教案設計 / 朱秀芳老師 28 寫作背景導讀 [98] L Lyman Frank Baum 1856-1919 1882 1886 1900 1939 故事簡介綠野仙蹤心得分享 [99] 處處有仙蹤繪本創意教案設計者 : 朱秀芳適用年級 : 授課時間 :200 教學