Untitled-1

Transcription

1 January,

2 January,

3 January, KUMTHAR CHIBAI Pathian hruaina in kumthar kan lo chuangkai leh ta, hunthar, nithar, kan la hman ngai reng reng loh hmangin bul kan \an leh dawn a ni a, ngaihtuahna thar, inpekna thuk zawk nen bul kan \an leh \hin a ngai a, K P member te hi inthlahdah mai thei kan ni lo, kumthar hi rilru thar, nun awmze nei, midangte tana malsawmna ni zel turin kan rilru kan siamfel a ngai takzet a ni. Pathian khawngaih rawngbawl hna kan kova Lalpan a nghah hi kalsan mai thei kan nih loh laiin chhungkua, mimal nun, hriselna, eizawnna ah harsatna hrang hrang awm thei ani a, chung zawng zawngah chuan engkim min petu Pathian rawngbawl hi kan ngaih pawimawh ber tur ani tih hi kan vawn reng a va \ul lehzual em. K P te hian kumtharah hian kum hlui a Pathian rawngbawlhna kan thawhna a kan inbuatsaih \hat tawk lohna leh keimahni insiamchawp harsatna hrang hrang avanga kan chak tawk lohna te a\anga insiam\ha in hma kan sawn zel a pawimawh a ni. He khawvela kan chen chhung hian kan nitin zirna, eizawnna kan ngaihpawimawh a ngai, chutih rual chiah chuan engkim min petu Pathian theihnghilh a he lama kalvak hi thil awm thei a ni. Min tlantu leh Chhandamtu theihnghilh a, mahni tleina lam leh ngaih pawimawh zawng, khawvel ngaihsan leh fak rawn thil chi hrang hrang hlimpui lutuk tepawh thil awmthei a ni, kan fimkhur a \ul hle. Kumtharah hian beiseina thar, inpekna thuk zawk, rinawmna, midangte hmangaihna nen hun kan hman \heuh theih nan duhsakna Editorial Board in kan hlan a che u KRISTIAN HALAI Kum 2014 kan lo chuangkai ta reng mai. Pathian hnenah lawmthu sawi ila. Kristian halai chanchinbu hi kum 2013-ah copy kan chhu a. Kumin K P Diamond Jubilee kumah hian copy chhu kai thei turin Branch tinte kum hmasaa lak aia tam la thei tura \an la turin kan inngen a ni. A man pek chungchangah kan kaldan pangngai angin kum tirah pek lawk leh \heuh tum ila, lakzat pawh a hma thei anga tihfel \heuh tumin lakbelh duh chuan ah hriattir ni se. Ed.

4 January, Kum thar 2014 ni chhiar dan tur Sam 90-na chuan, Pathian chu engkim bul leh tawp a ni a ti a. Tlang, leilung leh tuifinriat te ama siam a ni a. Mihringte pawh ama siam an ni. Mihringte chu Pathian duhloh zawng tia boral \hin an ni. Pathian thinrimna a ral \hin an niin a sawi. Jakoba chuan mihring nun chu zinga hlobet par a, tlai lama lo vuai leh mai ang lek leh chhum reilote lo langa ral leh ta ang maiin a sawi bawk. Chuvangin Lalpa remtihna nghak zawk turin a ti. Heng zawng zawngah hian Sam phuahtu chuan Kan dam chhung nite chhiar dan tur min zirtir rawh...finna thinlung kan neih phah hialna turin a ti. I. Mihring nun phung : Sam phuahtu sawi angin mihring nun chu sualna nen a inzawm tlat. Pathian ti thinrimtu a ni. Kan tunlai nun te kan en chuan sualna chi hrang alo tam ta hle mai. Sum leh pai umna, ruk rukna, dawt thu leh inbumna, corruption te leh khawvel lama sanna, Rev. K. Lalhmuchhuaka Synod Moderator Mizoram Presbyterian Church ropui inchuhna leh duhamna ten min bawm nasa ta hle mai. Kan \halai lamah khawvel nawmchenna, nulat tlangval sualna (inngaihna sual) te, zu leh ruihhlo lam te alo hluar ta hle mai. Mi\ha tam hle mahse a sual lam hian min hneh tulh tulh niin a lang. Kan tunlai thihna pawh ruihtheih thil kaihhnawih avanga \halai thi kan tam ta hle mai. Kan thil ngaihsan zawng (value system) pawh khawvel mawina leh sualna nena inkawp chi deuh hlir a ni, kan sawi seng lovang. Sam phuahtuin a sawi - Kan damchhung ni te chhiar dan min zirtir rawh a tih hi kumtharah hian ava pawimawh em. II. Finna thinlung neih a \ul : Awle, kan tunlai nun chu hmasawnna tam tak karah awm mahila sualna chi hrang tam tak kan vei mek ten kan nun leh kan tha a eizawh mek zelah hian finna thinlung kan neih ava \ul em!! Thufing

5 January, chuan Pathian hretu chu mifing, a hrelo te chu mi â a ti. Kan Mizo \halaite hian ramdang natna kan lo kai nasa ta hle mai a. A hun loah kan thi kan thi ta mai te hi inenfiahin he kumtharah hian Pathian hriatna, finna kan neih a \ul ta hle mai. Lalpa thinrimnaah kan boral mek a ni. Chumai bakah nu leh pate pawhin kan fate tana kan awhsak fo khawvel finna leh thiamna mai aiin Pathian hriatna lama finna a pawimawh zia he kumtharah hian kan hriat a \ul ta. Nu leh pa ten fa lehkhathiam mahse fa sual, khawvel mi kan hring \euh ang tih a hlauhawm. III. Pathian tello programme : Jakoba chuan mihring ten programme an siam dan leh an thiltum te chu Pathian thu leh a duhdan a nih a \ul a ti. Engnge in chungah lo thleng dawn a ti. Mihring chuan thil tihtum tam tak a nei, mahse ati hlawhtlingtu chu Pathian a ni. Pathian tello chuan engmah hi a famkim thei lo. Kan tunlai khawvel hi han thlir ila - zirna leh sum leh pai ngaihtuahin kan vak huai huai mai. Kan \ul tlang hle mai, tumah kan inkawm \ha hman lo. Inkhawm leh \awng\ai te pawh kan hman ta mang lo. Mahni hna lamah kan \ul em em ringawt mai. Sam ram tlak chhiatna ang hi kan hnaih mai ang tih a hlauhawm ta hle mai. Kan programme-ah hian Lal Isua a tel vek zel tur a ni. Thufing chuan I kawng zawng zawngah amah hrereng la, i kawngte chu a kawhhmuh zel ang che a ti. Kan hnathawh leh thiltih te hi Pathian hriatpui tlak a ni ngei tur a ni. IV. Kan tun hun hman \hat a \ul : Tun hun hmang thiam apiang te hi damchhung ni chhiar thiam an ni fo \hin. Mahse kan Zoram nu leh pa, \halaite hun hmang thiam lo kan va tam em! Mi \henkhat nuam tawla duh duh eia in thei kan awm laiin mi \henkhat rethei, in leh lo neilo te, inhlawhfak ngai reng te, mi mawl leh thiamna neilo te kan ni. Khawvelah chuan kan inang lo hle a ni. Mahse atu ate tan pawh a bo theih vek. Kan retheih harsat avangin Pathian a hlauh daih theih. Kan hausak avangin Pathian a theihnghilh daih theih. Neih duh avangin khawvelah a pilbo daih theih. Chuvang chuan i tun hun kha Lalpa nen hmang rawh. Nitin nun kha tun hlira i zawh chuan damchhungin tun hlirin Lalpa duhzawngin a hman chhhuah theih a ni. Pathian min siam chhan chu amah hriat leh a

6 January, rawngbawl a ni. Isuan mihringte mamawh a hria, ei leh bar lam ai chuan a thu zawm phawt hi a pawimawh a ti. A ram leh a felna zawng hmasa rawh u ati. thildang chu a man ape dawn che u a ti a ni. Isuan khawvel thil sum leh pai ai chuan a thu zawm zel chu a pawimawh ber a ti. Hla chuan Ram zau taka Lalber nimahila, Sual thunun ka nih si chuan, Isua neih ka duhzawk, Ram leh In aiin, khawvel zawng ai pawhin a ti hmiah mai. Hei hi ringtute hla tur a ni. Awle, kan damchhung hunah hian ringtu tan ngui leh chauh chang te kan nei \hin ang. Kan chhungte leh kan \hiante nen thihna avanga in\hen chang tepawh a awm ang. Harsatna leh beidawnna te kan nei \hin ang. Retheihna leh buai manganna tepawh kan tuar \hin ang. Mahse heng zawng zawng hi chapter thar, lession thar kan kai theihna tura Lalpa hmanrua a ni fo. Hengte avang hian bona nilovin finna thinlung thar kan neih nan, ama lam kan hawi theihna tura min tilawmtu tura Lalpa hmanrua ani fo zawk a ni. Thufing chuan I thinlung zawng zawngin amah ringla...nangma hriatnaah innghat suh...i kawngte chu a kawhhmuh zel ang che a ti. He kum thar 2014 ah hian kan \halai nu leh pate Lalpa lamah mifing nih tumin kan damchhng nite Lalpa nen i chhiar zel ang u. Amen CK P HRUAITU HLUITE SAWMNA Kum 2014 Kristian halai Pawl Diamond Jubilee lawm kumah hian K P DAY February 22, dar 10:30 am-ah CK P Hruaitu Hluite pualin Synod Conference Centre-ah programme buatsaih a ni dawn a. Central K P hruaitu lo ni tawh zawng zawngte chu lo tel vek tura sawm leh beisei an ni e. Tlaiah chawhlui kilho nghal tur a ni ang. (UPA ZONUNMAWIA) General Secretary Central Kristian halai Pawl

7 January, JUBILEE DAR PC. Vanlalhluna Chawlhhmun Namana phar dam nan khan Jordan luia vawi sarih va inhnim phum hrim hrim kha a pawimawh ber lova, Pathian mi tirh thu a awihna kha a damna chhan chu a ni. Thuawih lohna avangin Zoramin phar natna chi hrang hrang a vei mek a. Tihdam kan nih theih nan leh kan nun muthlu mek kai tho turin Pathianin \halaite hi Jubilee dar vaw turin min ko mek a ni. Kum 2014 hi K P Golden Jubilee a lo ni ta reng mai. Jubilee dar vaw turin \halaite kan inbuatsaih a pawimawh awm e. Engtin nge Jubilee dar chu kan kan vuak tak ang? Theipui hnah kan infen chawp \hinte hlipin, kan ram leh hnam dinchhuah nan leh Pathian ram a lo zauh zel theih nan heng kawngah te hian Jubilee dar in vaw dawn teh ang. Mahni inphat dar: Mahni inphat lohna hian rawngbawlna kawngah thawhhona leh inpumkhatna a tichhiain, thlarau lam tuihna a tikang-chat fo \hin. Mahni inphatin, tisa mi-na leh kan mihring hluite hlip a, Lal Isua kan zui a va hun ta em! Lal Isuan mahni inphatin kan tan a nun a sawr fu zo vek a, a hniak hnung kan zui ve dawn a nih chuan mahni kan inphat angai dawn a ni. Petera n amah inphat veka Lal Isua a zui meuh chuan a rawngbawlnain awmzia a nei thuk hle. Tlawmna silhfen inbel a, mahni inphat dar kan vuak a hun ta hle. Hrehawm tawrh dar: Nawmsipbawlna leh hlimna ruam a\ang ringawt chuan ringtu nun hi a famkim thei lova, sualah a tlu leh mai \hin. Nun tak nei turin siam \hat kan ngai fo \hin. Rawngbawlnaah mi dangte aiin harsatna leh hrehawm kan tuar bik a nih pawhin kan vui mai tur a ni lo. Pathianin hrehawm tuar tlaka min ngaih avang zawkin lawmthu i sawi ang u. Harsatna, manganna, hrehawmna zawng zawng te hi kan ta vek a ni tih Pathian mi Joba nunah khan a lang chiang hle. Hlim suah suah, lawm vung vung reng tura koh kan ni ngawt lova, hrehawm pawh tuar tura koh kan ni tih hi kan hriat nawn fo a tul thin. Lalpa, i hming avangin ka tuar ve ang e tiin hrehawm tawrh

8 January, dar kan vuak ve te pawh a va hun ve ta em!! Chanchin ha atchilh dar : Zoramin a mamawh ber chu Chanchin ha a taka nun pui ngam mi a ni. Chanchin ha a taka kan nunpui loh avangin Zoram hmel a mawk a. Tisa mina leh buaina chi hrang hrangin Kohhran pawh a nuai mek zel a nih hi. Kohhran humhalh a, siam \ha tur leh sualin a tihbuai mek te chhanchhuak turin Lalpan \halaite hi min hmang duh a. Thiamna, finna kan neihte hi Chanchin ha avang chauha nei kan nih avangin, Pathian Chanchin ha hrilh darh nan i hmang zel ang u. A malsawmna dawn duh vang chauh pawh ni lovin, Kristian kum za kan tlin tawh vang leh K P pawhin kum 60 hmel kan lo hmuh ve dawn tak avang tal pawhin Chanchin ha atchilh dar i vaw ve dawn lawm ni? Saltang chhuah dar : Biak In thleng pha tawh ngai reng reng loten, inlamleta Lal Isua ke bul an thlen leh theih nan \halaite hian mawh phurhna kan nei a. Chu kan mawhphurhna hlen chhuak tur chuan Pathian Chhandamna thu hi sawi mai a tawk ta lo, a taka chantir a va hun ta em! Mi hausapain hremhmun a\ang chauha thlarau bo a vei ve \an chauh ang kha ni lovin, tun a\ang hian Thlarau bo pakhat tal Isua ke bula hruai thleng turin \an la thar ila, Lalpa lawmna ber Thlarau bo chhanchhuak turin kan nunah saltang chhuah dar i vua ang u. Fimkhurna dar: Duhthlan theihna khawvela cheng kan ni a. Duhthlanna hmang thiam chu malsawmin a awm ang a, a hmang thiam lo erawh chuan harsatna, manganna leh hrehawm tam tak tuarin khawvel hi a dungchhir ang. Kan khualzinna ram hi nuam kan ti lutuk a, mikhual cham bang mai kan ni tih kan nuna kan lantir thei \hin lo hi a pawi tak zet a ni. Sual nen insiamrem a, khawvel taka tisa rawng leh Pathian rawng kan bawl kawp fo thin te, fimkhur tawk lohna avanga humsual dai a, suala kan tlu leh mai \hin hi a pawi a ni. Lalpa Lalpa min ti nazawng Vanramah an lut lovang titu hian a duhtui viau dawn tih a lang reng a. In nun hi fimkhur pui hle mai theh u, ti a zawlneiin min hrilh ang khan, Lal Isuan kan nun pumpui hi Ama tan chauha hmang tura min duh avangin kan nitin nunah fimkhur dar i vua ang u.

9 January, Simna dar: Hun rei tak rinnaa intlansiakna kawngah i lo tlan ve tawh \hin a, i lo tlu palh a nih pawhin i dinhmun a\ang khan tho leh rawh. Rinnaa intlansiakna kawngah hian chhel takin tlan leh ta che. Lal lukhum chhe thei hlawh tura an intlansiak mup mupna khawvelah hian Lal lukhum chhe thei lo, Nunna Lal lukhum hlawh turin i lo tlan tawh thin a; i lo tlu palh a nih pawhin simin tho leh la, Kristan simna Jubilee dar vaw turin nghakhlel takin a thlir reng che asin!! K P Diamond Jubilee-ah hian \halai ten Chanchin ha a taka kan nuna a lanchhuah theihna turin JUBILEE DAR i vaw \heuh ang u SYNOD CHOIR RAWNGBAWLNA 1. Thakthing Veng Kohhran: November 3, 2013 (Sun) zan khan Thakthing Veng Kohhran Golden Jubilee lawmna an hmanpui a, \um 2 dinah hla 4 an rem, an hla 4-na I \ap thawmah i Lalpa a tho ta tih chu Senior Department-in an rempui a ni. 2. Haulawng: November 9-10, 2013 khan Haulawngah Pastor Bial 4 (Buarpui, Haulawng, Lunglei Venglai leh Lunglei Bazar Veng) infin Senior Department Meet an hmanpui a, \um 5 dinah hla 10 an rem. Pathianni zan Fellowship chu Synod Choir kutah dah a ni a, Choir Director Pu Vanlalhruaia n kaihhruaiin Fellowship hlimawm tak hman a ni. 3. Mission Veng: November 14, 2013 (Thu) khan Asst. Secretary Tv. V.L. Muanchhana nupui neih inkhawm Mission Veng Kohhran Biak Inah an zai a, \um 1 dinah hla 1 an rem. 4. Ramhlun Vengchung: November 17, 2013 (Sun) zan khan Ramhlun Vengchung Bial Musical Meet an hmanpui a, \um 2 dinah hla 4 an rem. 5. Kulikawn: November 18, 2013 (Mon) zan khan Kulikawn K P Choir Nite an hmanpui a, Nl. Vanlalparin \anna hun a hmang a, \um 3 dinah hla 9 an rem. Director Pu Vanlalhruaian report pein inhmelhriattirna a nei a, thuchah tawi a sawi bawk. 5. Synod Conference Centre: November 24, 2013 (Sunn) zan khan Synod Conference Centre-ah Family Guidance & Counselling Centre buatsaih Pastoral Counselling Training kharna inkhawmah an zai a, \um 2 dinah hla 4 an rem.

10 January, TH K P GENERAL CONFERENCE-AH LO KAL VE RU (Khawzawlah Pathian I Fak ang u hmiang) Information and Publicity Sub- Committee. 55th K P General Conference-2014@Khawzawl 55th KTP General Conference 2014, Khawzawlin kan thleng tur hi Khawzawl chauh ni lo ram puma \halaiten kan nghakhlel tih kan hriat hian a thlengtu lam kan phur tawh hle a. halai sing rual, hlim taka Pathian faka lam hmel kan hmu chak tawh hle. Lo thleng thuai thuai tawh se ka ti takzet a ni. Kan inbuatsaihna: March ni 19 (Thawh\an), 2012 Dar 10:30 am-ah khan Khawzawl khawpui chhunga Presbyterian Kohhran Pastor Bial pathum (Vengthar, Venglai leh Dinthar)-a Bial Standing Committee leh Bial pathum K P OB te \hukhawm chuan Organising Committee dinin nasa takin hma a la a. Sub-Committee peng hrang hrangah insiamin Pathian ropuina turin \an kan la nasa hle a. Inbuatsaihna Talk Show pawh buatsaih a ni a. Phur takin, inlungrual takin thil ka tiho \hin. Tunah chuan inbuatsaihna a hmawr tawp lam a ni \an ta der mai a, inkhawmpui chiahin min nghak ta. halaite nuam taka in lo thlen theihna turin chhungkaw tinte inbuatsaihna a kal mup mup a, mikhual lam ten kan duh emaw duh lo emaw nuam kan ti hle dawn a ni. Sa ei thei lote pawhin a bik taka siam chawhmeh tui bik siam te pawh kan thiam a nia. A thlengtu lam chhungkaw tinte, \halai Pathian faka chawimawi duh te lo thleng turin kan inpeih ta e. A kalkawng (route) in hriat loh kan duh love: Khawzawl hi khawi a\ang pawhin a hla lo ti ila kan sawi sual awm love. A awlsam zawngin sawi dawn ila. Helicopter-a lokal duh tan kal theih a ni a. Motor-a lo kal turte tan kan khawpui ber Aizawl a\angin Khawchhak lam kawngpuiah rawn tlan chho la: Aizawl- Seling- Keifang - Dulte - Kawlkulh - Khawzawl a lo ni ang. Chhim lam a\anga lokalte tan Lunglei a\anga Hnahthial lama lokalin a luh theih a, Serchhip lam a\ang pawhin a lo luh phei theih mai bawka.

11 January, Chhak lam tlangdung tan pawh kawngpuiah rawn chhuk mai theih a ni a, lawm takin kan lo dawngsawng che u ang a, in tana hmun siamah ei leh in tur tuihnai tak tak nen kan lo lawmlut dawn che u a ni. Khawzawl khua hi: Pastor Bial thum Vengthar, Venglai, Dinthar Pastor Bial kan awm a, Kum 2011 YMA Census ah khan In 2306 awmin mihring 10,807 kan cheng mek a, tunah hi chuan 2500 ai chuan kan tam tawh ngei ang le. Tui harsa khua kan ni lo ve. Mobile signal BSNL, Airtel, Aircel, Vodafone, Reliance a awm. Electrict Current a \ha a, hei erawh kan hrilhru ang che - mi sing tam tak karah mobile charge na tur plug indaih a har deuh \hin a, extension intodelh nachang hriate an vannei ang tih hi. Khua chuan duh te tan pawh hmun thengthaw nuam tak, Park nuam tak a awm a. I kal duhna hmun apianga hruai thei che Taxi leh Auto- Rickshaw pawh fai takin an inring reng e. Zan lamah khawlai a lo êng ut \hin ang a, Puja leh Diwali emaw tih loh tur. Kan Conference êng zawk a ni tih hriat mai tur a ni ang. Hei hian a entir chu, kan Conference thupui tur - "Tho la, Eng rawh" tih kha a takin kan lo lantir hmasa dawn a ni. Synod thuawihin: Synod Inkhawmpuiin hautak lo zawnga thiltih a kalpui mek a. Hei hi hrerengin kan Conference-ah hian Synod thuawih kan tum. Hemi avang hian a nawm loh phah dawn chuang reng reng lova, thu kan awih avanga a hlimthla a lo lang palh a nih pawhin "Synod thu an awih" min han tihsak mai ang a, hlim takin Pathian fakin kan lamho thung ang. Kan Conference tur atan Sub- Committee peng hrang hrangten tan an la nasa hle a, a \ha lama mite entawn tur hnutchhiah tumin theihtawpin \an an la a. Kan kumpuan 'Midangte tana malsawmna' ni turin theihtawp kan chhuah zel a ni. Hlim tak si Synod tak siin kan K P dawn a ni. A va chakawm tawh em! K P Diamond Jubilee kan lawm dawn kha aw!: Sawi tam ngai lovin a va fiah si em! He kan Conference-ah hian K P dintirh a\anga kum 60- na kan lawm dawn a, chumi hmanna tur programme lian tak Central K P a\angin ruahmanna fel tak a awm sa tawh. Han mitthla teh. Zaithiam rual ten Pathian faka an zai lo zaipui leh hlim taka Pathian fakho zinga tel tura indah chhin ringawt pawh hian i thauvah a man ve che em? Kan vannei a nia.

12 January, He hun lawmawm hmang hman lo mi engzatnge kan \halaipui mual liam tawh? Hetiang hun \ha Khawzawla kan hmang tur hi kan va vannei si em! General Conference chu a la awm dawn chauh. K P Diamond Jubilee erawh i damchhungin i hmang tawh lo vang. Souvenir te, T-Shirt te, Book mark nalh tak tak te an zuarchhuak ang. A hmunah lo chuan lei tur i chang lo palh thei a nia. Site Seeing atan Pathian aw: Keini khua hian Thlarau lam pur chaw tur leh Pathian fak tura sawm che u hi kan duh lian ber a ni a, Chu chu ram pum \halaite hnenah kan zuar thar leh dawn a ni. Pathian programme-ah hian a duh apiang ten man lova an neih theih tur leh an hmuh tur ISUA kan zuar (advertise) thar leh dawn e. Conference behbawm leh a chhehvel chu i lo kal ang a, a takah nuam ti takin i la hmu ang. Kan Conference chhan aia thil dang a lansarh kan phal lova, 'Pathian langsar ber rawh se' tih hi kan duhdan a ni a, hei hian kan Conference leh zelah pawh min hruai zel se a duhawm khawp ang. Ban uaithla leh khup zawi tawhten Pathian faka an lam lehna hmun nise, Pathian la hmu lo ten Pathian hmuhna atan an hman theihna turin he Conference hi awng\aina lamah kan hlan. Pathian inpuang hmu turin rawn kal ve la, site seeing ropui tak rawn nei ngei ngei ang che. Hei erawh hria ila: Hetiang karah hian lehlam, hmelma pa thiltih a lo lang ve \hin. Chu chu kan zavaia kan \anho chuan hneh theih erawh a ni a. Branch tin ten helam kawngah hian inzirtirna uluk zawka inpek ni se, Security hi \um dang zawng aiin a khauh ang tih hi kan inhrilh sa duh a ni. Pathian ropuina hmu tur leh Pathian avang chauha kal turin inbuatsaih ila, thildang a tel remti lo vang u. A thlengtute lam chu nasa taka inbuatsaihin in hmel hmuh kan nghakhlel tawh a ni. Chumi tihlawhtling tur chuan \halaite inbuatsaih ila, Pandal hnaih lamah thlen vek theih a ni dawn lo erawh pawi kan ti hle. Thlenna hla deuha thleng tur, tlawmngai tura kan lo beiseite, a daido lama awm tura rinngam kan nih avangin lawm zawk ila. Isua nen chuan khawi hmun pawh vanram a chang \hin tih hretu leh pawmtute kan nih kha, kan lungphang love. Nang ringtu, 55th K P General Conference, Khawzawlah Pathian fak turin engvangin i lo kal loh bik ang le?

13 January, K P GENERAL CONFERENCE VAWI 55-NA : KHAWZAWL BIAL THLENNA TUR COUNTER 1. 2ND. I.R. PARADE GROUND (Lungvar Veng) 1. ITI Veng 2. Hliappui 3. Keifang 4. Baktawng 5. Champhai Vengthlang 2. PU HRANGLAWTA TUAL (Darngawn Veng) 1. Leitan 2. Saiha 3. Chawngtlai 4. Hnahthial 3. PU LUNGMUANA VARTE TUAL (Darngawn Veng) 1. Khatla 2. Phuaibuang 3. Hnahlan 4. Vanzau 4. PU KHAWLLIANA (L) TUAL (Darngawn Veng) 1. Electric Veng 2. Chawngte P 3. Sialsuk 4. Haulawng 5. Darlawn 6. Tuidam 7. Khawhai North 8. Kawnpui 9. North Hlimen 5. BAZAR HLUI ZAWL (Darngawn Veng) 1. Hlimen 2. Chhingchhip 3. East Phaileng 4. Thenzawl 5. Zohmun 6. Vaphai 7. Mualpheng 8. Tuithumhnar 6. TAIDAWNKAWN (Zaingen Veng) 1. Bethlehem 2. Lungdai 3. Khawlailung Dinthar 4. Madanriting 5. Kulikawn 6. Farkawn 7. Sumsuih 8. Va\huampui 7. VENGLAI BIAK IN KAWT (Zaingen Veng) 1. Durtlang 2. Khawbung 3. Ruantlang 4. Suangpuilawn 5. Lawngtlai 6. Kawrtethawveng 7. Phuldungsei 8. BSNL PENG KAWN (Zaingen Veng) 1. Aizawl Chanmari 2. Champhai 3. Khawruhlian 4. Damparengpui 5. Kanhmun 6. Dawrpui Vengthar 7. Pukzing 8. Tuipang 9. JUBILI KAWN (Zuchhip Veng) 1. Chawnpui 2. Zemabawk 3. Sialhawk 4. Khawlailung 5. Champhai Kahrawt6. Kanghmun 7. Bukpui 8. Lunglei Bazar Veng 10. UPA V.LALSANGA TUAL (Zuchhip Veng) 1. Chhinga Veng 2. Kolasib Diakkawn 3. Kawrthah 4. Hortoki 5. Hmun\ha 6. Chalrang 7. Kohima 8. Sesawng 11. DINTHAR YMA HALL KAWT (Dinthar Veng) 1. Chaltlang 2. Kelkang 3. Sateek 4. Zobawk 5. Bilkhawthlir N 6. Teikhang 7. Tuikual 12. DINTHAR BAZAR MAIN COUNTER 1. Luangmual 2. Champhai Kanan 3. Khuangleng 4. Kolasib Venglai 5. Sakawrdai 6. Zote 7. Zaite

14 January, CANTEEN KAWN (Dinthar Veng) 1. Bawngkawn 2. Thingsulthliah 3. Lallen 4. Sairang 5. Tuipuibari Centre 6. Zokhawthar 7. N. Vanlaiphai Damdawi 14. PU LALZAWNA TUAL (Kawnzar) 1. Dawrpui 2. East Lungdar 3. West Phaileng 4. Reiek 5. Khawhai South 6. Zawlnuam 7. Cachar Kahrawt 8. Tlabung Chawnpui 15. KAWNZAR BAZAR 1. Mission Vengthlang2. Serchhip Vengchung3. Kei\um 4. Darlung 5. Lunglei Chanmari 6. Bungtlang South 16. CHHANGTE RUN TUAL (Vengthar) 1. Ramhlun 2. Cherhlun 3. Biate 4. Darlawn Venghlun 5. Silchar Mizo Bial 6. Bungkawn 7. Lunglei Venglai 8. Gauhati 17. PU H.LIANZUALA TUAL ( Vengthar) 1. Ramthar 2. Chhiahtlang 3. Mamit Bial 4. Chawngte L 5. Zamuang 6. Airfield Vengthar 7. Tlungvel 8. Armed Veng 9. Shillong 18. A.R. TLANG PENG (Vengthar) 1. Ramhlun Vengthar 2. Serchhip 3. N.Vanlaiphai 4. Sangau 5. Bilkhawthlir 6. Lawngtlai Chanmari 7. Sihphir Vengthar 19. PWD GATE ( Vengthar) 1. Republic Veng 2. Saitual 3. NE Khawdungsei 4. Phainuam 5. Buarpui 6. Tlabung Zodin 7. Champhai Vengsang 8. Rengdil 20. VENGTHAR SA BAZAR (Vengthar) 1. Mission Veng 2. New Serchhip 3. Rabung 4. Vairengte 5. Marpara Ramthar 21. AGRICULTURE OFFICE TUAL (Electric Veng) 1. Ramhlun North 2. Phullen 3. Ngopa 4. Lungpho 5. Lungleng - I 6. Manikbond 7. Zawlpui 8. Bungtlang Bazar 9. Bairabi 22. PHE SDO OFFICE TUAL (Electric Veng) 1. Vaivakawn 2. Muallungthu 3. Mamit Hmunsam 4. Rengtekawn 5. Lungsen 6. Tlangnuam 23. HERMON BAZAR KAWN (Hermon) 1. huampui 2. Zonuam 3. Thingdawl 4. Aibawl 5. Kolasib Hmar Veng 6. Kawlkulh 24. PI LALVANI DAWR TUAL (Hermon Veng) 1. Venghnuai 2. Tanhril 3. Maubawk 4. Ratu 5. Lengpui 6. Sairang Dinthar 25. PU C. ZATLUANGA TUAL 1. Venghlui 2. Sihphir 3. Rawpuichhip 4. Sihfa 5. Thenzawl Field Veng6. Kawlkulh North (Synod Inkhawmpui 2013-in Bial thar a siamte chu 2013-a an awmna bial thlennaah an thleng ang)

15 January, BARNABA CHANCHIN A ANGA ZIRTUR KAN NEIH TE PB. Lalthlamuana, Zemabawk East Br. Tirhkoh Paula hi chu kan hre fur a, a chanchin paw n sawi a hlawh hle. Rawngbawltu ropui tak a ni a, a larin a lehkhathawn tamtak pawh Thuthlung Tharah kan hmu. Hemi piahlamah hian (Paula chhertute pawh ti ila a sual awm love) mi pakhat a awm a, chu chu Barnaba hi a ni. A chanchin hian sawi a hlawh lo khawp mai a, a chanchin te leh a rawngbawlna te a hranpaa thupuia hmanga thusawi hi ka la hriat ve chhiah loh avangin a chanchin te leh amah a\anga zir tur awm thei te thiam ang tawkin tarlan kan tum ve ang e. Barnaba chanchin: Barnaba hi a pian tirh chuan a hmingah Josefa an sa a. Jerusalema Kristian zirtirna thehdarhtu hmasa ber berte zinga pakhat a ni. Tirhkohte Thiltih 4:36-a kan hmuh ang chuan, Barnaba hi Kupra thliarkara Juda mi, Levia chi kan tihte zinga mi a ni a, Tirhkoh tih hming puttir niin Tirhkoh Paula nen rawngbawl hna thawkin hmun hrang hrangah an zinkual a, Jentail te kristiana an inleh theihnan an pahnih hian hma nasa takin an la \hin a, Jerusalem-a rorelna (Council of Jerusalem) hmunah te dinpuiin theihtawp chhuahin Jentailte tan hian hma an la a, Pathian thu an hril bawk a, an hlawhtling em em bawk a ni. Barnaba chanchin hi Tirhkohte Thiltihah kan hmu a, Tirhkoh Paula paw n a lehkhathawn \henkhatah a hming a lam ri zauh zauh. A pian hun leh hmun te, a thih hun leh thihchhan te erawh chiang taka hriat a ni lo va, Kupra thliarkara Salamis an tih hmunah Kum AD 61 vel khan a martar niin an ngai a, Cypriot Orthodox Church hmuchhuaktu niin an ngai. Barnaba hriatrengna hun (Feast Day) hi June ni 11-ah an hmang \hin. Tin, Barnaba hi Kolossa 4:10-ah chuan Marka cousin (Barnaba tupa) angin kan hmu bawk. Kan sawi tak angin a chhungte chuan Josefa tiin an ko \hin a. A bungraw neih zawng zawngte hralhin a sum neih zawng zawngte chu Jerusalema Tirhkohte hnenah rawngbawlna atan a rawn hlan a, heta \ang hian hming thar neiin, Barnaba a lo ni ta a ni. Tirh.4:36 a kan hmuh ang chuan a hming awmzia hi Thlamuanna fa tihna a ni. (Aramic: Son of the Prophet; Greek: Son of Consolation or Son of Encouragement ) Rawngbawlna: Paula kha a pianthar hma, Saula a nih lai khan kan hriat \heuh angin ringtute tiduhdah tute zinga

16 January, mi a ni a. Damaska khuaa êngin a chhun thluk hnuah piangtharin a tihduhdah \hin Lalpa rawngbawl turin a inbuatsaih a. Damaska khuaah rawngbawl \anin, Isua chu Pathian Fapa a nihzia a tlangaupui ta chiam chiam a. Mipuite chuan mak an tiin an ring thei lo. A ruka phiar rutu ni ah an ngai a, tihhlum tepawh an tum hial a, a tlanchhuah hlauvin kulh kawngka tinah an chang a, mahse zirtirte chuan kulh tukverh a\angin bawmin an khai thla a, a tlanchhuak thei ta hram a ni. Hemi hnu hian Jerusalem lam a pan a, zirtir hote pawl a tum a. Zirtir hote pawh chuan an lo hlau ve leh ta zel a. Mahse hetih lai hian Barnaba chuan ani chu hruaiin tirhkohte hnenah a hruai thleng a, mi hlauhawm a nih lohzia te sawiin a lo kawm tlangnel hmasa ber tu a ni. Easton-a Bible Dictionary-ah phei chuan Rabbi Gamaliel-a bulah an zir dun \hin niin a sawi. Hemi hnu hian rawngbawlna hautak zet thawk turin Barnaba chu tirh a ni a, Antiokei khuaah rawngbawlin, a hlawhtling em em a. Thlarau Thianghlim leh rinna a khat a nih avangin a rawngbawlna pawhin rah \ha a chhuah nasa hle. Tarsa khuaah Paula (Saula) ava zawng chhuak a, Antiokei khuaah chuan rawng an bawl dun \an ta a ni. Antiokei-a ringtute hi Kristian an tih hmasakna ber khua a ni. (Antiokei hi Rom Lalram chhunga an khawpui pawimawh deuh deuh pathum zinga pakhat a ni a, tunah chuan Tukey ramah awmin Antakya an ti tawh). Antiokei a\anga an let leh hnuin Paula nen, Johan Marka hruaiin Asia Minor lama kal tura tirh an ni leh a. Kupra thliarkar te, Pamphos khua te, Pisidia tih te...(an zinna zawng zawng chu tarlang lo mai ang) an tlawh a, tiang chuan hmun hrang hrangah nasa takin rawng an bawl dun \hin. Pamphulia an zin laia an nau hruai Marka khan a kirsan avang khan Paula chuan a zin leh zelna turah Marka hruai tel chu a duh ta lova, Barnaba erawh chuan hruai zel a duh. Tirh.15:39 ah khan nasa takin an inhnial hnuah an in\hen ta tih kan hmu a, Paula chuan Sila hruaiin Barnaba'n Marka a hruai ta thung a ni. Barnaba chanchin atanga zirtur: Barnaba chanchin tlem kan han tarlan a\ang hian kan zirchhuah atana awhawm deuh deuhte han lachhuak dawn ila:- 1. Jentailte tana malsawmna: Paula nena rawng an bawl dun lai khan an ngaih pawimawh em em chu, Jentailte chhandamna thu a ni. Tirhkoh Paula te hunlai hian Jentail (serh tan lo) ho kha chhandam ni thei lo tur anga ngaihna lian tak a awm a, Tirh.15:1 a kan hmuh angin zirtirna lo \hehdarh pawl an awm a ni. Mahse, mihringte hi Pathian in duh taka a siam vek kan ni a, mi zawng zawng Isua Krista kha thi a nih si chuan Jentailte hnena

17 January, chhandamna thu hril kha dodalna leh sawiselna tam tak karah pawh an ngai pawimawh em em a, theihtawp an chhuah a, an hlawhtling hle nghe nghe a ni. India ram hi sakhaw zalenna ram a ni kan ti a, a dik pawh a dik. Chhandamna thu la hre lo leh chhandam ngai hi a tam zawk an ni. Sakhaw zalenna kan tih mai piah lamah hian tih tur chu kan la ngah hle tih a hriat a, India ram mai ni lo, heng kan chhehvelah pawh hian; keini ringtu inti ho zingah ngei pawh hian Chhandamna thu chiang lo engemaw zat kan la awm thei ang. Midangte hnena fiah taka chhandamna thu sawi thei tura kan inbuatsaih \heuh pawh a \ul awm e. 2. Mi inpe a ni: Barnaba chanchin hi uluk taka kan ngaihtuah chuan, mi inpe pumhlum a ni tih kan hre awm e. A neih zawng zawng a hralh hnuah a sum leh pai zawng zawng rawngbawlna atan a hlan a ni. Chu mai la duhtawk lovin, hrehawm tam tak hmachhawn turin hmun hrang hrangah an zinkual a, Pathian thu an hril \hin a nih kha. Inpekna hi chu a pawimawh zia kan hre \heuh a, sawi tam pawh a ngai awm e. Kan inpekna a san zawh poh loh miten keimahniah ei tur an hmu \hin. 3. Thlarau Thianghlima khat a ni: Tirhkohte Thiltiha kan hmuh angin Barnaba kha Thlarau Thianghlima khat a nih thu kan hria a (Tirh.11:24). Rinna tak tak a neiin Thlarau Thianghlim pawlna ang zelin rawng a bawl a, a hlawhtling em em a ni. Thlarau Thianghlim tel lo rawngbawltu/ rawngbawlna hi chu hetia han en mai pawh hian a hriat; eng ang paw'n thawm ringin han bei chiam \hin mahse, a ro tlat \hin. 4. Mi inthup, a kila lung \angkai tak a ni: Rawngbawlna huangah hian lansarh duhna thinlung hi put mai a awl khawp mai. A langsar chin chiaha tel peih, a hautak/tha thawh ngaia rawngbawlna tak tak han kalpui dawn a tel \ha peih lo; a huna rel \ha peih lo; chanvo pawimawh engemaw pek chiaha tel ching hi mihringah hian awm theih tak a ni. Barnaba hi chu chutiang mi a ni ve lo. A tira kan sawi angin Tirhkoh Paula chherchhuaktu, lo kawm tlangnel hmasatu ni si kha a chanchin hian sawi zui a hlawh vak lo, a lar chhunzawm vak lem lo. Lar kha a khel ve vak lo ni te pawhin a lang. A langsar chin chauh hi rawngbawlna emaw tih mai a awl khawp mai; a langsar lo nia kan hriatte pawh hi rawngbawlna a ni tih kan hriat a \ha hle awm e. 5. Hruaitu ropui tak a ni: Saula, Kristiante tihduhdahna hmuna a phur ber bera \ang \hin, lo pawt zuah zuah \hin, pa rothap pui mai; a han pianthar tak hnu pawha mite \ih leh hlauh em em

18 January, mai; eng ang pawha a pianthar thu a insawifiah tawh hnu pawha an awih loh khawpa an hlauh lo kawm tlangneltu nih kha thil hautak tak chu a nih a rinawm. Huaisenna leh tumruhna nasa tak nen lo chuan han pawh mai pawh thil har tak a nih a rinawm. Hei hi hruaitute tana thil pawimawh tak, har tak nisi a ni ve tlat. Member la rawn tel ve ngailo emaw, mi thar rawn tel thar turte, a nih loh leh kan ngei/huat em em \hin rawngbawlna huanga rawn tel duh ve ta ang chi te, zu ngawl vei, drugs addict piangthar kan zinga rawn telve tan te...etc. kan lo en \hin dan hi chu a dang deuh \hin a ni. Barnaba nun a\ang hian zirtur kan ngah hle awm e. Tin, vawi khat an zinnaah an nau pakhat Johan Marka an hruai a, kalna tur hmun tam tak an la neih laiin Marka chuan zui zo peih lovin a hawsan a, Tirhkoh Paula lung a awi meuh lo a, an zinchhuah lehna turah a kalpui duh tawh lo. Mahse hetih lai hian Barnaba chuan Marka thlavang a hauhnaah Paula nen pawh an inhnial phah vak tih kan hmu. Marka, a hun hmaa anmahni haw santu kha chu a ngei loh bik a rinawm loh, mahse Barnaba hi a dawhthei em em a, \ha taka Marka la hruai zela, puitlinna kawng zawhpui a tum te pawh a ni maithei; Paula nen pawh an in\hen phah ta a nih kha. Midangte thil tihsual palhah an tihsual anga thungrulh mai hi a awl khawp mai, mahse rawngbawltu dinhmunah chuan dawhtheih a ngai a, \ha taka kawng \ha kawhhmuh \hin hi kan tih fo tur niin a lang. (Ziaktu \henkhat chuan Marka hi Barnaba tupa/cousin a nih avangin a \an niin an ziak a. Barnaba hian tupa Marka chu a nei tho naa, hemi Marka erawh hi chu a ni lo) A tawp nan: Josua 1:9 Chak tak leh huai takin awm rawh; hlau suh la, zâm hek suh tih lai tê hi a hnu khar nan han hman ka duh. Barnaba nun kan zir a, a inhmeh hle ni pawhin a hriat. Inpekna nei thei tur te, Thlarau Thianghlima khat turte chuan chak tak leh huai taka kal hi a pawimawh khawp mai. Thilsual ti tur takngial pawn huaisen a ngai a, taihmak a ngai, chutiang tel lo chuan thilsual pawh hi a tih tak tak theih loh. Chutiang zelin kan Pathian kan rinna kawngah leh kan phak ang tawka kan rawngbawlnaah hian Pathian chakna rinchhana chak tak leh huai taka keimahni kan penchhuah hi a pawimawh khawp mai. Mi dawihzep tan \hahnemngai taka rawngbawl a har. Hruaitute-a tlaktlum loh hlaua tlawn huam ang chi te, mawhphurhna hlen hleithei lo khawpa dawihzep tan chuan rawngbawlna rah \ha tak chhuah a har duh ngawtin a rinawm. Chutiang kan nih loh a, chak tak leh huai taka kan hmalam huna hmabak kan neih te zâm lova kan hmachhawn \heuh i tum ang u

19 January, ALCOHOL (ZU) : KRISTIANTE HALAITE TAN IN CHI A NI EM? Rev. R. Lalthlengliana Hailakandi, Assam A ssam Alcohol (Zu) hi thil tui ril, in tura siam, Chemical chi khat Ethanol telna a ni. Alcoholic Beverages ti-a an vuahte chu chi thumah \hen a ni a. Chungte chu Beer, Wine leh Spirit-te an ni. Khawvel ram hrang hrangah a lei leh hralh, inte phal niin khawvel ram za chuang laiin a lei danah te, a hralh danahte leh a in thei chin turte kum bithliah fel tak siamin dan zam mumal tak an nei. Khawvel ram hrang hrangah Zu in thei tur kum bithliah dan a in ang lo a, kum in karte hi an phal theih hniam ber a ni tlangpui. Ram tam berah chuan kum 18 chin chunglamte hi dan anga Zu in phalsak an ni tlangpui. Mizoramah pawh Zu chi hrang hrang a awm a, hmanlai a\anga Mizo ten kan lo in \hin Rak Zu, Zupui, Zu Fang etc. te a awm a. Tunlaiin Zu \ha lo tak tak, Sleeper an bilh telna Zu te, B.E an telhna Zu te a tam hle bawk. Mizoramah Zu khap burna dan Total Prohibition Act (MLTP Act) hman mek a ni a, hei hian inhnialna a chawk chhuak nasa in debate tawp thei lo tunah hian a kal mek a ni. Zu khap duhlo lam chuan Zu khapna dan hman mek chu sawiselin awmzia a neih loh dan leh awmze neia Zu zawrh phal mai a \hatzia an tlangaupui nasa hle. Zu a\anga tax laka kan ram tan pawh a \hat turzia an au pui a, Sap ramahte pawh Zu inthiam an inzirtira an buai ve lo tihte an au chhuahpui nghek nghek mai a, Zu a tawk chauhva in a \hatna pawh an sawi uar hle bawk. Chutih lai bawk chuan a duhlo lam Kohhran chuan thil \ha lo, kan ram hmelma lian, buaina tinreng bul a nihzia uar takin an sawi ve mek bawk. Zu hi khawvel ram dangah a in dan an lo thiam reng em? An \hatpui nge an chhiatpui? tih kan chhui dawn a ni. 1. Sap hovin Zu in an thiam lo: Khawvela ram changkang ber pawl USA-ah chuan Zu hi an thil buaipui leh harsatna thlentu lian tak a tling a ni. USAa state tin mai khuan dan khirh tak an zam vek a, Zu in thei kum pawh an bithliah vek a, chumi bawhchhiate chu a hremna pawh an tina hle a, nimahsela Zu hi an chhiatpui hle tho mai. American hovin Zu an in thiam

20 January, lo va, an chhiatpui tih a lan chianna em em chu Zu ruih leh a kaihhnawih thila an in sen hnem dan a\ang hian a ni awm e. Kum 1983-a USA a Zu leh a kaihhnawih buaina atana senso chu US Dollar 15 billion a ni a, kum 1995-a Zu avanga harsatna chinfelna senso chu US Dollar 150 billion a ni der tawh. Hei mai hi a la ni lo leh ta nghal a, kum 2006 a lo thlen meuh chuan an senso a lo sang lehzual ta. Centers for Disease Control and Prevention in a tarlan dan chuan US Dollar billion zet chu kum 2006-ah USA a Zu leh a kaihhnawih harsatna chinfelna senso zat a lo ni ta daih mai. US President Obama s Job Plan \ha tak mai, hna nuai tam tak siam theitu tur atana senso tur chanve vel zet a ni der mai. Hetah pawh hian Zu ina mimal leh chhungkaw nuna rilru hahna leh manganna a siam zawng zawng chu pawisaa chhut tel a la ni lo leh nghal. Mithiamten an sawi dan chuan heti taka Zu avanga sum sen a sanna chhan chu Zu nasa lutuka an in vang a ni an ti. Centers for Disease Control and Prevention in a chhuinaah chuan kum tin Zu avangin USA-ah mi 105,000 an thi \hin. USA-ah chuan Zu avanga accident avangin minute 22 dan zelah mi pakhat thi zel anga chhut a ni bawk. California Capitol Reports in a tarlan dan phei chuan USA-ah Zu rui chunga motor khalh avangin nitin kawngpui (National Highway) ah mi 65 an thi \hin. USAah vek chuan tharum thawh avanga an man 60% zette chu Zu ruih laia ti an ni a, mahni intihlum 30% te chuan an intihhlum hma in Zu an in bawk. Tuia tla hlum leh mei kan hlum 80% zette chu Zu ruih vang a ni bawk. Heng zawng zawngte hi ngun takin han ngaihtuah ta ila, Sap ho hian Zu hi an inthiam lo tih a langchiang hle. Mizoramah pawh khap lovin in thiam inzirtir ila tih thute hi chu sawi rik tawh loh a \ha zawk mai awm e. Mizoramah pawh Zu avanga chhungkaw buai, nupa nun keh chhe ta sawi tur tam tak an awm a ni. Chhui chianna tak tak hi Mizoramah hian Sap ram angte in awm ve ta se, Zu leh a kaihhnawih thil avanga kan senso pawh a sang hle tawh ang. Kan \henawm state Manipur te, Meghalaya-ah te pawh Zu an phal rai reng chung pawhin an \halaite lah chuan Drugs an buaipui hle mai si a. India rama Zu khap lohna stateah lah Zu chhe in avanga thi an awm reng tho mai bawk nen. Ngaihtuah chian ngai chu a awm a ni.

21 January, Damdawi atan a \ha tak tak lo: Khawvel ram tam takah chuan Zu hi Sports atana a \ha tiin fak an phal hauh lo. Infiam mite tan Zu hi a \ha lo hle a, infiam mite taksaah nghawng \ha lo tak tak a neih \hin avangin infiam mite tan chuan in loh tawp a \ha a ni. Hah takin kan infiam a, infiam zawh chuan taksa in chawlha mutte a lo mamawh \hin a, chawlh hahdam chhungin tihrawl a lo insiam thar or chak leh \hin. Zu hian taksaa Human Growth Hormone (HGH) chu tichak lovin tihrawl lo insiam thar leh lo insiam chak leh tur chu a dang ta tlat \hin a, a pawi thei hle a ni. Zu chuan kawchhungah thil \ha lo tam tak a thlen a, Thin (Liver)-ah By-Product a siam a, chu chuan tihrawl siam thar zeltu atana thil \angkai Testosterone a ti chak lo thin. Zu hian taksaa amah leh amah intihdam theihna (Healing Capacity) a ti chhia a, taksaa tui awm a tiro va, taksa cell-a tui awm tibuaiin tihrawl siam thartu atana thil \angkai Adenosine tri Phosphate a siam chhuak \ha thei \hin lo va, Zu hian taksaa chemical dang a\anga Glucose awm lak chhuah tur a dan tlat \hin bawk avangin a nghawng chu thahrui neih loh te, chauh hluah hluahnate a ni \hin. Mi \henkhat chuan India ramah pawh Sipaite hnenah Sawrkarin Zu a pe \hin a, chuvangin a \ha a ni mai a lawm an ti fo bawk. India ramah kum tinin Zu ngawlveina leh rilru hahna avangin Sipai 500 vel ban ziah an ni \hin. India rama Sipai damdawiin \ha bera ngaih Armed Forces Medical College, Pune-a mite chuan handbook siamin Sipai officer leh Sipai tenaute tan Zu in hi a \ha lo tih an sawi a, chu handbook-ah chuan Zu in hi kan recommend lo a, kan encourage lo bawk an ti hmiah mai. India rama Sipai Doctor thiam rual pawhin Zu hi \ha an ti lo hle a, an duh reng reng loh thil a lo ni reng mai. Sawrkarin Sipaite Zu a pe \hin tih hi Zu fak nana hman chi awzawng a lo ni lo. Mi \henkhatin Zu an fak \hinna pakhat leh chu khaw vawh laia taksa tih lum nan in a \ha tih hi a ni a. Hei pawh hian belhchian a dawl lo hle. Miin Zu an in hian an taksaa Zu hnathawh chawp leh chilh taka lo lang nghal chu taksa pawn lama awm thisen zam a ti lian hi a ni a, thisen zam a lo len chuan thisen kal vel pawh a lo tam nge nge a, chu chuan taksa a ti lum ngei mai a. Nimahsela a nihna takah chuan taksaa lumna awm kha pawn lamah a chhuak tam tihna a ni ringawt a, a

22 January, hranpa in Zu in a ti lum a ni hauh lo va, Zu khan thisen zam a ti lian ringawt a ni. Taksa lumna pawna a chhuah hnem avangin khawvawtin mi a hmer zui phei chuan nikhaw hre lovin a tluk tawp theih. Heta thil lang chiang em em chu a hranpain Zu hian taksa a ti lum miah lo tih hi a ni. Taksa lumna pawna a chhuah hnem a, khawvawtin mi a hmer zui phei chuan nunna atana pawha thil hlauhawm a lo ni zawk reng a lo ni. 3. Pathian duh loh zawng a ni: Bible kan chhiar chuan Zu chungchang inziahna hmun tam takah kan hmu a, hei hian Zu hi Pathian duhloh zawng a ni tih a tarlang fiah \ha khawp mai. Thufingte Bung 20:1,2-ah kan hmu a, Uain hi nuihzatbura min siamtu a ni a, Zupui hi insual bung bungna a ni; Chumi buma awmte chu an fing lo a ni tih kan hmu. Thufingte vek Bung 23:20,21- ah kan hmu bawk a, Uai heh mite zingah leh Sa heh mite zingah tel suh; Zu rui mite leh sa heh mite chu an lo rethei dawn si a, Nguina in puanchhia a sin tir ang tih kan hmu leh bawk. Thufingte Bung 23: kan chhiar chuan fiah takin kan hmu thei bawk ang. Tute nge chungpik \hin a, tute nge lungngai \hin a, tu te nge in hau \hin? Tute nge thubuai nei \hin a, tute nge a vang awm lo va hliam tuar \hin a, tute nge mit sen rem rum \hin le? Zu hmuna awm reng \hinte, Zu chawhpawlh in \hinte an ni. Hei lo pawh hi Bible hmun tam takah Zu \hatlohna hi hmuh tur a awm bawk a ni. Pathian thu in a khap tlat Zu hi engvang maha in chi a ni lo tih Kristiante hian kan hriat a va \ha em. Sap ramah pawh Zu hi an in thiam thlawt loh avangin kum tinin mi sing tam takin nunna an chan phah a, inenkawlna senso lah a turu hle mai bawk si. Mi tam takin Zu a \ha ti-a an fakna lah chu thubelhchian dawllo leh hlauhawm deuh mai a lo ni reng mai bawk nen. Chuvangin Kristiante hi chuan Zu inthiam inzirtir a \ha tih lam te, hriselna atan a \ha tihte hi kan sawi kan sawi ve tur a ni lo tih i hria ang u. Nun ti tawitu, chhungkaw tlakranna thlentu, hnam hmelma lian a ni. Hrisellohna chi hrang hrang a siam hnem dante, Pathian thu Bible-a a \hat lohna kan hmuh hnem dan a\angte hian he thil \ha lo tak mai hi i hnaih lo ang u. Tichuan Pathian malsawmna kan dawng dawn zu nia.

23 January, NUN DEVELOPMENT R. Lalzarzoliana Ramhlun Vengchung T un khawvel nun dan danglam chak takah hian hringnun hian eng eng emaw a vangin chau takin kan awm \hin. A chhan tam tak zinga pakhat chu lungawina hian kan velah leh kan nunah hmun a chan rei loh vang a ni a. Chu chuan sualna, inremlohna, indona, phatsanna a thlen thuai \hin a ni. Chuvangin kan nuna lungawina reilo tak mai \hin chu, lungawi reng thei tura develop a ngai a ni. LAWMNA NUN Hmasawn lo tura lungawina emaw hmalam pan zelna chauha lungawina emaw leh etc...he lawmna nun hian a tum a ni lo. He lungawina hian kan vela mi te leh kan tana \ha ber min pek chu a thu duh, a thu tum a ni tih hi lo hre pawt ila a \ha awm e. Nunah lungawina, lawmna tluantling a lo thlen chuan, chu chu hnehna, mi dangte nena remna thlentirtu, mahni ngei tan pawha lawmna a ni dawn a ni. Chu lawmna nei tur chuan i nun chuan hun harsa takah pawh lungawina, lawmna nun a zawn a ngai dawn a ni. Khawvelah hian buaina tam tak a thleng mek a. Midangte rahbeh tumna leh mahni sahmim tih puarna lam leh indonate kan hre tam em em a. Awhna, phutletna, nawmsak thlak hlelhna, duhamna, thatchiatna, uikawmna leh lal duhnate hian khawvel hi a phuar a. Heng hian \ahna a thlen tir \hin a ni. Chu nun chuan lawmna tluantling a pe thei si lova. A tawp chu natna a lo ni leh \hin a ni. NGAIHTUAHLUI Theihtawpa \an kan lak mek laiin kan vela mite avangin emaw, kan hrisel lohna vangin emaw, eng emaw avangin thinrimna a lo thleng a. Mawhpuh tur kan zawng a, thil \ha kan ngaihtuah thei tawh lo va. Chu thil avang chuan puan chhia kan insin tir a, kan thinrim tulh tulh a, damna a thleng thei lo \hin. Chutiang thil chu kan tan, kan vela mite tan thil \ha a ni si lo. Chuvangin kan damtlan nan lawm mai hi a pawimawh hle a ni. Rilru, taksa, thlarau hi inzawm tlat, \hen hran theih loh a ni a. Ti hian an sawi a - Kan ngaihtuaha kan sawi a, kan ngaihtuah chu a takin a lo thleng \hin a ni an ti a. A dik hle a ni. Kan duh kan ngaihtuaha, kan sawia chu kan sawi tak chu tih hlawhtlin a ni \hin. Chuvangin ngaituahna chu a pawi mawh hle a ni tihna a ni. Mihringte chungah hian kan duh emaw duh lo emaw natnate,

24 January, thihna te, sualna te hian ro a rel a. Chu chu eng vang nge kan tih chuan Eden bawhchiatna vang kha a ni a. He bawhchhiatna a vang hian khawvel nun kawng a\ang chuan lungawina tluantling a awm thei lo va. Zahzumna, reteihna, suma harsatna, hrisel lohna, hmangaihtu neiloa inngaihna, vanduai bik intihnate leh adt hi khawvel chuan lawm lohna chhuanlamah a siam \hin a ni. Vullai nei, chul leh mai tur, chuai leh mai \hin hringnun hi chapona hian kan inkhung khat a. Phak tawkah a \ha berin tlawmna nun nen ropui takin kan nung thei si a. Thil lawmawm lam ai chuan lawmawm lo lam kan ngaihtuah tlat \hin. Kan ngaihtuahna a vang chuan kan na em em fo a ni. Kan rilrua kan ngaihtuah ang ang hi kan khawsak \hin dan a ni a. Thinrimna kan ngaihtuaha kan thinrim duh tlat chuan kan thinrim hle \hin a, lawmna a ni tih kan ngaituah tlat chuan kan lawm mai \hin a ni. Chuvangin lawmna hi chawm turin kan ngaituah luih tlat a ngai a. Lungawina tur kan hmu thei thlawt lo a nih pawhin kan ngaihtuah luih a ngai a ni. Lawm ngei ngei turin kan ngaihtuah lui tur a ni. Kan ngaihtuahna lam lam chuan hnehna a chang dawn a ni. DEVELOPMENT Khawvelah hian sualna hian hmun a chang hnem em em a. Hmangaihna te, khawngaihna te, lainatna te, tlawmngaihna te pawh a awm thei meuh lo. Rorelna fel leh dik pawh a awm tluantling thei meuh lo. Hetiang reng reng kara leng ringtute kan ni a. Thlemna tam tak, rinna tichau rawih thei thil pawh tawn tur a tam \hin a ni. Ringtute tan hian ngaihtuahna pawh a buai rum rumnate, thu tlukna siam harsa khawpa awmnate, mahni ringtua inrinhlelhna leh Pathian pawh rin ngam loh hial nate hi a thleng ve fo thei a ni. Ringtute tan hian chhel a va \ul tehlul em! Lungawina tur pawh awm hauh lo. Harsa tak takah do \ang \ang ngai, zawi hnawkna khawp, ka peih tawh lo, ka tlin tawh lo tia bansan hialna turte ringtu nih duh loh hialna thlemna ten ringtute hi a nuai bulh bulh thei ve reng a ni si. Mahse, chung chu ringtute tawp dantur a ni si lova. Kan Pathian chuan thih thlenga rinawma awm turin min chah a nih kha. Chu thutiamah chuan ding ngeta, kan beisei Kanan ram thleng ngei tur leh kan lawmman hlu chang ngei tura kan kal zel a ngai a, zam mai mai tur a ni lo. Kan tum ram Van Jerusalem kan thlen hmaa kan phatsan mai chuan kan chan tur chu a thim hle ang. Thlemna kan tawk emaw hun harsa kan tawng emaw, Kanan ram thleng ngei tura kan kal \auh \auh a ngai a ni. Lungawi loh avanga lawmna hlu zawk mei a mit loh nan lawmnaa kan nun kan develop \hat hle a ngai a ni.

25 January, Tihian kan nun hmasawn dan tur chu han sawi fiah dawn ila. Hnawl ngai hnawla, phuhruk ngai phuruka, paih \hen ngai paiha siam \hatna lama hmasawn tur a ni. Kan lawm zawkna tur a nih dawn phawt chuan tlawm zawka \an a\ul a nih pawhin tlawmna nun chu develop tur a ni. an lak a ngai a nih chuan chu chu develop ila. Tawrh a \ul a nih pawhin tuar rih phawt mai ila. Kan dika kan thiam zawk a nih pawhin, inremna tur a nih dawn phawt chuan, lawm tlanna tura kan in develop a ngai a ni. Kan hausaknate hi Pathian min pek a ni a, lawm mai ila. Retheihna hmunah kan la cheng a nih pawhin lawm rih phawt mai ila. Pui theitu kan nih chuan lawm zawk ila. Puih ngaia kan la nung ve \awk \awk a nih pawhin lawm zel phawt mai ila. Kan dam ve ringawtte hi lawm ila. Kan inkhawm thei te, kan hmu thei te, kan ei thei te, kan e thei te, kan zung thei te, hna kan thawk thei te hi lawm ila. Kan thawhchhuah ei ve tu tur an lo awm te, thu \ha min hrilhtu kan neite, khawvela kan lopiang ve te hi lawm ila. Kan neih ang chhun chhun hi a hlu a ni tiin lawm zel phawt ila. A \ul anih chuan a thar dang kan la nei leh anga emaw, thil \ha tak kan nei emaw a lo chia emaw a nih pawhin lawm phawt ila. Chhum chhah takin ni eng mawi tak a hliah reng theilo angin. Tuma dan theih loh mal sawmna ala thleng ang. Hahchawlh ni kan tan a lo la thleng ngei ang tih ringin, hmalam pan zel ang u. Kan lawm chuan hote anga langah pawh a ropuiin a hlu em em \hin a ni. Malsawmnaa lawmna, tawrhnaah pawh lawmna ringtuten an hlawk pui \hin a nih kha. Ringtu, Kristian halaite tunlai khawvel thlemna sang tak karah hian lawm taka damchhung ni chhiara hun hmang thei tura kan nunah lawmna chuan hmun chan zelna turin Pathian rinna kawngah hmalam i pan zel ang u. Thlemna ah pawh ringtu ni ngam, Pathian fa ka ni a, Pathian ta ka ni tia aw chhuah ngam,thinlunga ringa kaa \an tu. Thih thlenga rinawma LALPA chenna K.T.P. rilru, taksa, Thlarau nun thlamuanga kan awmna, kan rinna leh lawmna thlarau nun lungawina hi i develop reng ang u. Kan Lalpa a vang a kan tawrhna zawng zawngte hi kan lal lukhum ti chhahtu an la ni dawn si a. Lungngaiin awm suh u. LALPA chunga lawmna chu in chakna a ni si a, tiin kan Bible chuan min hrilh a ni.

26 January, Hei hi Brooklyn Bridge an tih mai, New York leh Long Island inkar dawhzawmtu lei (bridge) dintu engineer John Roebling-a leh a fapa Washington-a te chanchin a ni a. Brooklyn Bridge chu kum 1970 khan dawh \an a ni a, kum 13 hnu, kum 1883-ah peih a ni. Kum 1883 khan engineer pakhat, John Roebling-a chuan tuma la tum chhin ngai loh, New York leh Long Island inkar chu lei hmanga dawhzawm theih a nih a rin thu leh chu hna chu thawh a tum thu khawvel hriatah a puang a. A thu leh hla hretu apiangin John Roebling-a â an ti a, John Roebling-a chu mi phutkhatah an ngai a, a thil tum ngaihtuah nawn tur leh thil theih a nih lohzia hlir an hrilh luai luai mai a; mahse John Roebling-a chu rilru paukhauh zet mai leh chuti mai a beidawng chi a ni lo va, miten a theih lohzia hlir hrilh mah se miten theih loh nia an ngaih chu a theih a ni tih lantir a duh a ni. John Roebling-a mitthla chu New York leh Long Island inkar lei dawhzawm tura ruahmanna hlirin a khat a, miten a ruahman chu \hulh leh turin ngen luai luai mah se a thil tum chu \hulh tumna chhe tê mah a nei lo. A thinlungah a theihin a hre tlat a, chumi tihlawhtling tur chuan theihtawp a chhuah ringawt mai dawn a ni. A thil tum chu a theih a ni tiin mi tam tak hmin tumin a bei a, a beih zauh poh leh a theih an rin lohzia fahtu an tam ting a ni mai. Chuvangin, a fapa Washington-a, engineer zir zo hlawt chu a ko va, lei chu dawh theih a nihzia leh a thil ruahmanna zawng zawng chu a kilkhawr ber thlengin a hrilh a. An pafa chuan lei dawh dan tur ruhrel an ruahman a, harsatna hrang hrang lo thleng thei leh chung thil hmachhawn dan tur pawh ngun takin an ruahman vek a, an phur dun kher mai a. Lei dawh tura ruahmanna engkim an peihfel hnu chuan anmahni pui turin mi \hahnem tak an ruai a, an mitthlaa New York leh Long Island zawmtu lei indawh zui chu ataka chantîr turin hna an \an ta a ni. Eng emaw chen chu harsatna tawk lovin an hna chu tluang takin an thawk char char a; mahse vanduaithlak takin ni khat chu an tan chhiatna zakhua ni ngei tura lang an tawk ta a ni. Nikhat chu ngawrh taka hna an thawh laiin an pafa chuan an chesual dun hlauh mai a, John Roebling-a chu a hmunah a thi nghal a, a fapa Washington-a pawh na takin a inhliam a. A thluak vei lam a sawh tel avangin a \awng thei lo va, a kal thei tawh hek lo.