The Start of Mans Sadness Hakha

Size: px

Start display at page:

Download "The Start of Mans Sadness Hakha"

鹭葱酆
5 years ago
Views:

1 Hngakchia caah Bible Achuahtu Minung ngaihchiat hram aa thoknak

2 Attial tu: Edward hughes Hrilhfiang tu: Byron Unger; Lazarus A hmangtu: M. Maillot; Tammy S. Alettu: Hre Ling Achhuah tu: Bible for Children Bible for Children, Inc. Lisen: Hi tuanbia hi Zawr awk si lo in hman awk ah copy le print tuah khawh a si.

3 PATHIAN NIH ZEIZONG VIALTE A SER DIH HNA! Pathiannih mipa hmasa bik a ser tik ah, amah cu a nupi Eve he Eden dum chungah an rak um. Lunglawm ngaingai in an rak nung i, Pathian nawl an rak ngai i, Pahtian he umtti kha an rak duh ngaingai. Nikhat cu

4 Pathian nih dum chung thingkung thei paoh hi nan ei lai lo an ti hna maw?, tiah rul nih Eve kha a hal. Pakhatte dah ti lo cu kan ei khawh dih ko, tiah Eve nih a leh. Kan tongh le kan ei ahcun kan thi lai, tiah a ti. Nan thi lai lo, tiah rul nih cun zeirel lo ngaiin a ti.

5 Pathian nan lo lai, a ti. Eve nih cun thingthei cu ei a duh. Rul chimmi bia kha a ngaih i thei cu a ei.

6 Eve nih Pathian bia a al hnuah Adam zong kha thei cu a eiter ve. Adam nih hitihin a rak ti awk a si, Asilo! Pathian bia cu ka al lai lo.

7 Adam le Eve nih an rak sual tikah, taklawng in an um kha an hun i hngal. Theipi hna kha an tthit i anmah tein an i hup i, Pahtian sinin burbuk chungah an i thup.

8 Zanlei ninem ah Pathian cu dum chungah cun a ra. Adam le Eve nih an rak tuahmi kha a hngalh. Adam nih Eve kha a mawhchiat. Eve nih rul kha a mawhchiat. Pathian nih hitihin a chimh, Rul cu chiatserh a si. Minu nih nau a ngeih tikah nauganfahnak a in lai.

9 Adam, na sual ruangah, vawlei cu hling le thahau in chiatserh a si. Na nunnak ding rawl hmuh awkah thlanhripi pawtin na kawlhawl a hau lai, a ti.

10 Adam le Eve cu Pathian nih khuaruahharmi dum cun a tthawl hna. An rak sual ruangah, nunnak petu Pathian he an rak i tthen!

11 Pathian nih dum chung lut kho lodingin mei vainam in a congh hna. Pathian nih Adam le Eve cu saphaw angki a serpiak hna. Pathian nih saphaw cu khuazei in dah a lak hnga?

12 A caan a zaat tikah, Adam le Eve cu chungkhar an hung si. An fapa hmasabik Kain cu dum tuahtu a rak si. An fapa pahnihnak Abel cu tukhaltu a rak si.

13 Nikhat cu, Kain nih anhringso kha Pathian caah laksawng ah a rak put. Abel zong nih a tuulakin a thau bik mi kha Pathian caah laksawngah a rak put ve. Pathian cu Abel laksawng cungah a lung a tling.

14 Pathian cu Kain laksawng cungah a lung a tling lo. Kain cu a thin a hung ngaingai. Sihmanhselaw Pahtian nih, Na tuahmi hi dikse law, cohlan na si ko hnga lo maw? a ti.

15 Kain cu a thinhun a dam kho lo. A hnuah, lo chungah Abel cu a tuk i a thah!

16 Pathian nih Kain sinah hitihin a ti. Na naupa Abel, khuazei ah dah a si? Kain nih cun, Ka hngal lo, tiah lih a rak chim. Ka nau cawngtu maw ka si? tiah a ti. Pathian nih Kain cu dan a tat i, a lo tuah thiamnak kha a chuh i, mi vakvai ah a canter.

17 Kain cu Bawipa mit hmuhnak in a zaam. Kain nih Adam le Eve an fanu kha nupi ah a tthit. Cuticun, innchungkhar an derh ve.

18 A rauh hlanah, Kain nih a sermi khuapi cu Amah tule le a tuchin hna nih an hun khah ter zau ko.

19 Cu lioah cun, Adam le Eve innchungkhar hna cu khulrang ngai in an karh. Cu caan lioah cun, minung cu atu nakin sau deuhpi an rak nung.

20 Afapa Seth a hrin tikah Eve nih hitihin a ti, Pathian nih Abel airawltu dingah Seth a ka pek, a ti. Seth cu Pathian a duh ngaingaimi a si i, kum 912 a nung i, fa zong tampi a ngeih hna.

21 Vawlei cungah hin, minung cu chankhat hnu chankhat in an sual chin lengmang. A dongh nak ah cun Pathiannih minung kha hrawk dingin biakhiahnak a rak tuah

22 Saram vialte le va vialte zong hrawk dingin a khaan. Pahtian nih minung a rak ser kha aa ngaihchih tuk. Sihmanhselaw mipa pakhat nih Pathian lung a rak ton.

23 Cu mipa cu Noah a rak si. Noah cu Seth hrinthlak a si bantukin midingfel le soisel awk um lomi a si. Pathian he a tlongleng ttimi a si.

24 Noah nih cun, a fale pathum zong kha Pathian nawlzul dingin a rak cawnpiak hna. Atu cu, Pathian nih Noah kha phundang ngaingai in hman a timh!

25 Minung ngaihchiat hram aa thoknak: Pathian bia ah kan hmuh mi tuanbia hi, Bible, chung ta a si Genesis 3-6 Na bia thiang nih ceunak a pek. Salm 119:1330

26 Adonghnak

27 Hi Bible tuanbia nih, khuaruahhar a si mi, a kan ser tu Pathian kha hngalh ter a kan duh. Pathian cu thil ttha lo kan tuah mi kha a hngalh, a ttha lo mi tuah cu sualnak a si. Sualnak man cu thihnak a si. Sihmanhsehlaw, Pathian nih a kan dawt tuk caah Afapa ngeihchun Zesuh Krih a kan pek i, kan mah aiawh in vailam cung ah a thi. Cu hnu ah thihnak in a tho tthan i, van cung ah a kal! Zisuh Krih kha na zumh i, na sualnak kha na ngaihchih ah cun an ngaihthiam ko lai! Na sin ah a ra lai i, nan um tti lai. A mah he zungzal nan um tti lai. Na sualnak kha kal tak na duh ah cun, hitihin Pathian sin ah thlacam: Dawt tu Pathian, Zesuh Krih cu ka caah a thi i, a tho tthan cang. Maw Bawipa, ka sin ah ra law ka sualnak viatle kha ka ngaihthiam ko. Maw Bawipa, zungzal nunnak ka ngei i na sin ah zungzal ka um nak hnga, ka sin ah ra law, ka sualnak kha ka ngaih thiam ko. Na fapa bantuk in ka nun khawhnak hnga ka bawmh ko. Amen. Nifatin Bible rel law Pathian he i chawn uh. Johan 3:16

A Man Sent From God Hakha PDA

A Man Sent From God Hakha PDA Hngakchia caah Bible Achuahtu Pathian thla mi pa Attial tu: Edward Hughes Hrilhfiang tu: Byron Unger; Lazarus A hmangtu: E. Frischbutter; Sarah S. Alettu: Hre Ling Achhuah tu: Bible for Children www.m1914.org