Alao guai khang Baibal Kaipat ti Louc Mei Jisu Puanvmei
Himei: Edward Hughes Kaba Dinv Louc Mei: M. Maillot Kaluan Kasiamv Louc Mei: E. Frischbutter; Sarah S. Hanc Pat Louc Mei: Katasin Kamei Liangpatc Louc Mei: Bible for Children www.m1914.org 2013 Bible for Children, Inc. Nu Lou Mei: Nang rui juanv khang ham mak ge thei nam pat dat lana sin su nu e.
Thaurei khou Raguang rui Jihudi mei pui liuchang khat khou banchra ta ndiu guang na sa khuane.
Nang rui, na mpou gan khat puan puni kumna kajan Jisu phuak puni.
Kamei ta kaoliang mei na mpou kao puni khatnic kamei rui Tingsang Guang tu puni.
Mi gan khou tei tabui su na ai agan mak na n-ngana nai ni na, tuna Mary rui dao the. Khou tei banchra tei rui kakhou sa the.
Ping riu Mary, kalam thu Bumang nthan mei pan rui khang de, mi tei nban pu khou rui hame tuna sa the.
Zaolo! Nang Pu lao kai na nic kamei gaan thai guang mei tang n-nga na nai dat the.
Mi hei charin mei Raguang tuang taan dai e tuna banchra tei rui sa the.
Khou tei Mary rui Elizabeth daeng thang tat lana Raguang ta thuan ku ncham the.
Mi gan khou tei Mary ta kajan Joseph tuna kao mei pu nou khang than lou bam khuane.
Hei kumbam mei gan khou Joseph ta kamang khou ti hou lou na sa the. Joseph, ping riu.
Kalam thu Mary rui kapum nrit bam mei tei Raguang nac de. Mi tei Bumang nthan mei pan khou rui de tuna Banchra rui sa the.
Khou tei Joseph rui Raguang khou lum lou na kalat piu the.
Mi kandi khou lung bam mei tuang latdan-latrian nic Joseph rui piu the.
Kumna latdan kathan pat ti khou Joseph le Mary tei kakai gan lou duna Bethlehem thang dikha ti khang tat the.
Mary tei na bam mei gan guang pu khou Joseph rui kakhang bam lou...
... khang phu khuan the tiki gin bang kai tei kakhang mak khe.
Nkham khou Joseph rui kiruai gi pui kai khou nduang gut the. Kumna khou tei Jisu puan the.
Guai kai khou tei naduam phei rui kaduap lou na kapui Mary rui n-nga na ta puan bam khuane.
Kalam thu guai kai khou tei guai tak rana lou bam khuane.
Mi gan khou tei Tingkao Banchra nun rui laojiu gaeng mei nun khou tei kei na gaicham hei din ndao lou the.
Asei hei David kaidai khou Gulou mei pu puan the. Kamei Khrista Poubao mei e.
Kumna guai kai khou tei naduam phei rui kaduap lou na puan bam mei n-nga na ta nang niu hou puni.
Khou tei Banchra kang dai rui kei na Kaoliang mei khou Raguang Him Dai mei su diu,...
... khatnic Kandi khou nchu-njang mei nai diu tuna sa the.
Khou tei laojiu gang mei nun rui kaluak-kalat guai kai thang tei tat the.
Banchra rui sa lou mei kumna naduam phei rui kaduap lou na puan bam mei...
... n-nga na ta kaniu rui hou lana mi cham tei mei kathui khou din ruan lou the.
Jang riakdei tang Joseph le Mary rui Jisu ta Jerusalem Rakai khou phung guang the.
Khou tei kajan Simeon tu mei pu rui Raguang ta thuan ku the, Muzung Anna rui nic Raguang ta thuan ku the.
Simeon le Anna kanei tei Jisu hei n-rian lou mei Raguang nac, Gu lou mei pu e tu mei thai khuane.
Kumna Joseph rui phina kanei Raguang khang kat the.
Mi tei Raguang latdan thei lai na lung si mei guai rui kat mei taan e.
Kalam tho Nathan phung guang mei gan khou lung si mei nun rui phina kanei kat ni na e tuna hi lou e.
Kanak bam mei gan khou Neipat biak thang Ningting mei guai ta...
... Gaanchuang na rui chang jai lou na Jisu puan mei bam Jerusalem khou guang the.
Kaniu rui Jihudi mei Guangc puan mei bam kiu tabui thang cho? Aniu nic kata kalum khang guang tue tuna sa the.
Khou tei Guang Herod rui mi cham tei chu lana kalung puam the khatnic kalung rianra the. Kamei rui ningting mei nun ta kao lana than the.
Tat tho nang niu rui n-nga na puan lou mei bam kiu hou ethei Akhou nic din lou o,...
... kum ehthei Ai nic kata kalum khang tuna sa the tiki Herod tei saram na Jisu ta su luai khang sa tu e.
Khou tei gaanchuang na rui kaniu ta Joseph, Mary khatnic n-nga na bam pui bam khou tei nduang guang lou the.
Kumna ningting mei nun tei rui kakhang kachaekkaphut, gao-gum khatnic nam gai mei mundui kat lou na kata kalum the.
Tiki ningting mei nun khou tei Raguang rui sa the.
Nang niu Herod daeng thang tat dat lak ni na e kalam tho...
... kamei kalung puam na Jisu ta suluai khang phu bam the tuna sa the.
Kumna Bethlehem khou n-gaan alao guai ta Herod rui su luai the.
Tiki Herod rui Raguang nac Jisu ta thu suluai ngam mak khe.
Joseph ta kamang thang Raguang rui din lou dat tina kapui Mary le n-nga na ta nduang lana Egypt thang tat kan the.
Ntao tho Guang Herod tei thei kan mei tang kapu Joseph rui kapui Mary le n-nga na ta Egypt...
... khou rui nduang guang dat na Nazareth kaidai Galilee duipui dang khou guang bam khuan the.
Jisu Puanvmei Raguang tuang lat khou rui Pary, Baibal/Bible khou rui phange Matthiu 1-2, Luk 1-2 Nang lat akhou gut lou khou rui gaan mei ti lou e. Kalumlu 119:130
Luai Louc Mei
Mi Baibal pary rui charin mei Raguangc aniu ta dam lou mei pu lam din lou e khatnic kamei rui nang niu ta nic kalam ti thai ni na bam e. Raguang thu aniu rui si mei taan taanc lou mei guai thai na bam e. Mi ta tei pap tuna kao e. Pap tuang taanphi thu thei mei di the tiki Raguang rui nbaan ta hei di kam njian lou na Kana Mpou khatna mei ta kros khou nang pap jang nang phaan thei lou khang ndiu kei lou the. Kamei thei lou na Ringthao dat na Tingkao tat kan the. Nang rui kakhou lum lou na nang pap guai kuak lou khang nei ethei, kamei rui guang lou na nang khou lung lou puni. Ntao tumei hei nang khang kagan di the Jisu ta la lou khang. Nang rui la lou na lum lou ethei, Kamei le Tingsaeng lung ncham puni the.
Nang rui la lou na lum lou ethei, Raguang khou huainei tho. Jianmei JISU, Nang hei Ringsuang mei Raguange tumei Ai lum the. Nang rui apap jang khang kandi khou mansei lun lui na guang na kros khou thei lou the. Kumna thei mei ta ngam lou na Ringthao dat kan the. Apanti khou nic guang lung lou pu o khatnic apap guai kuak lou pu o, hei kum ethei Ai nic kathan mei panti khou lung ngam khang; Ai ni nang thei lai ni e khatnic tingsaeng ringsuang mei panti lani e. Nang lat piu khang nkha lou o khatnic nang nac su khang jian lou o. Jisu jan khou AMEN. Jahon 3:16 tei tingmik pum pana huainei na Raguang ta kachu o.