Alao guai khang Baibal Kaipat ti Louc Mei Raguang rui ram kapum na dam luai pu khou
Himei: Edward Hughes Kaba Dinv Louc Mei: Byron Unger; Lazarus Kaluan Kasiamv Louc Mei: Bob Davies; Tammy S. Hanc Pat Louc Mei: Katasin Kamei Liangpatc Louc Mei: Bible for Children www.m1914.org 2013 Bible for Children, Inc. Nu Lou Mei: Nang rui juanv khang ham mak ge thei nam pat dat lana sin su nu e.
Thou rui aniu ta dam lou tu cho? Raguang lat Baibal/Bible rui mansei hei akum na lung thao kan tu cho tu mei pary luanry din lou e. Thaurei khou, Raguang rui mansei dam lou rei liang khuan mei kajan Adam kao e.
Raguang rui Adam ta kandi taniang khou rui kasiam khuane. Raguang rui Adam khou ring mei thiu bun lou pu khou kamei ring the. Kumna hou gai mei Eden Pikuan kao mei khou kara nac ta ti bam lou khuan the.
Raguang rui Adam ta damv mak mei hu khou, Kamei rui charin mei puat guay hou gai mei rui padik na mi kandi ta dam lou the. Khat khat su na ching, jangbaek, tingpuk, namvgai mei mun, thing nui-pannu, thing bang, nruai-thaoruai, khouring-khouna kandi khou nai mei kapum nac dam lou the. Kaling sing na mi kapum na hei Raguang rui dam lou tuange.
Thao rei khou, Raguang rui ram kapum na dam mak mei hu khou, ram mak bam khuane tiki Raguang kara nac khuane. Mansei nic, ram kapum khat sini nai mak khuane. Zing mei, gaan mei ni mak khuane. Kei mei, ku mei, doulanei, nthuan nic mak ge tiki Raguang kara nac kahou mei mak mei pu su na nai bam khuane. Kapan rui ram guay na taan khuane.
Thao rei khou Raguang rui Tingpuk khatnic Kandi ta dam khuane.
Mi gan khou tei kandi tei kalun mak na khatnic nsa-karangna bam khuane. Kumna, duidai ta zing mei rui gum zing-zing bam khuane.
Khou tei Raguang rui Gaanv Mei Nai Tho tu na sa the.
Kou tei gaanv mei pat the. Kumna Raguang rui gaanv mei ta TINGMIK, zingv mei ta ZINGBANG tuna kao the. Zing bangc tat kan the, lauthuan guang dat the. Mi tei rei mei tingmik the.
Kanei mei tingmik nung, duipui dui ta Raguang rui ti pat the. Duipui,duibuk guay ta tingpuk bang khou kaluan lou chui na lou the. Kathum mei tingmik nung Raguang rui ramkaeng di nai kan di tho tuna sa the. Khou tei ramkaeng di nai pat the.
Raguang rui phuai, munpuang, thingnui-paannu khatnic thingbang guay nic nai kan di tho tuna lat dan ti the. Khou tei nai pat the.
Kumna Raguang rui Nei, Bu khatnic Ganchuang na mansei rui kasing chak dat ngam mak mei aju dam lou the. Zingbang khat tat kan the, lauthuan guang dat the. Mi hei padei mei tingmik the.
Duipui khouring guay, kha-ga khatnic nruai-thaoruai hei Raguang tuang katuang chak khou lou khuane. Kumna tingmik pangu pui nei Raguang rui duipui kha daimei, nthiamv mei, katan sangmei duimei khouring guay dam lou the.
Kumna Raguang rui kandi namruc, duipui khatnic tingpuk khou nei la na lung bam khang lungking-lungkiu pat tho tuna suaihiam lou the. Zingbang tat kan the, lauthuan guang dat the. Mi hei pangu mei tingmik ge.
Mi tang tei Raguang rui sa dat the. Kamei rui sa the, kandi rui khouring jat guai na ti pat kan di tho kai khouring, numbang khouring, khouring daimei nic, nthiammei nic tuna sa the. Khou tei khouring kajat guay na: tiang-khuai, kabung rui guangv mei khouring, dai mei guipuang, jouc, duichaki, chupaliang kajao na mi nung tei Raguang rui dam lou the.
Kumna zingbang tat kan the, lauthuan guang dat the. Mi hei charuk mei tingmik the.
Jang charuk puinung Raguang rui ram kapum na dam luai mei tang kungliang-gailiang mei taan khat kamei rui taan khuane. Mi kiu tho mansei ta e. Raguang rui sa the, ntao tho ram guai na dam lou ngam the. Tu khang-jang khang nic ti lou the. Kum the na Aniu lun luic na mansei dam di kho.
Kamei rui kandi namru khou nai mei khouring-khouna khatnic puat guai nac ta sin na kaipou su kan di tho tuna Raguang rui sa the. Kumna Raguang rui kalun lui na mansei ta dam lou the khatnic kalun suna dam lou the.
Raguang rui Adam khou sa the. Nang rui tu nii nic mei thing thai mi pikuan khou mei tu nu the tiki sic mei-gai mei thay mei thing thai bang khou mei kathai tho tu nu mak ge. Nang rui mi khou mei thai tei tu ethei, tu pui nung rui Nang suai mak na thei puni.
Mansei nac hei kara na bam mei gai mak khe. Kum the na kaziab khang Ai rui dam lou ni the tuna Raguang rui sa the. Raguang rui nruai-thaorui, khouring-khouna guai Adam khou laguang the.
Kumna Adam rui kajan phuak lou the. Kamei hei, hei hak na taan la pui jat de tiki mi guai tei rui Adam khang cha mei mak khe khatnic ti nei la lou ngam mak khe.
Kum tikhou, Raguang rui Adam ta ti zib thei mang-mang lou na zib bam mei naek pai rou tei la pat the. Kumna Raguang rui Adam naek pai rou khou tei rui n-tu mei ta dam the. Kajan ntumei-eve tuna kao the. Raguang rui dam lou mei n-tu mei tei ntao tho Adam kaduang khang cha rap-rap the.
Raguang rui ram kapum na tingmik charuk lung khou dam tang na dam luai the. Kumna jang chanei mei tingmik ta nthak nei khang suaihiam lou the. Adam le Eve kanou kanei tei nthui mei ram neila neila na Raguang lat piu na Eden Pikuan khou bam khuan the. Raguang ta ka Raguang su the, ti lou mei pu su the khatnic duangda su the.
Raguang rui ram kapum na dam luai pu khou Raguang tuang lat khou rui Pary, Baibal/Bible khou rui phange Thaureimei 1-2 Nang lat akhou gut lou khou rui gaan mei ti lou e. Kalumlu 119:130
Luai Louc Mei
Mi Baibal pary rui charin mei Raguangc aniu ta dam lou mei pu lam din lou e khatnic kamei rui nang niu ta nic kalam ti thai ni na bam e. Raguang thu aniu rui si mei taan taanc lou mei guai thai na bam e. Mi ta tei pap tuna kao e. Pap tuang taanphi thu thei mei di the tiki Raguang rui nbaan ta hei di kam njian lou na Kana Mpou khatna mei ta kros khou nang pap jang nang phaan thei lou khang ndiu kei lou the. Kamei thei lou na Ringthao dat na Tingkao tat kan the. Nang rui kakhou lum lou na nang pap guai kuak lou khang nei ethei, kamei rui guang lou na nang khou lung lou puni. Ntao tumei hei nang khang kagan di the Jisu ta la lou khang. Nang rui la lou na lum lou ethei, Kamei le Tingsaeng lung ncham puni the. Nang rui la lou na lum lou ethei, Raguang khou huainei tho. Jianmei JISU, Nang hei Ringsuang mei Raguange tumei Ai lum the. Nang rui apap jang khang kandi khou mansei lun lui na guang na kros khou thei lou the. Kumna thei mei ta ngam lou na Ringthao dat kan the. Apanti khou nic guang lung lou pu o khatnic apap guai kuak lou pu o, hei kum ethei Ai nic kathan mei panti khou lung ngam khang; Ai ni nang thei lai ni e khatnic tingsaeng ringsuang mei panti lani e. Nang lat piu khang nkha lou o khatnic nang nac su khang jian lou o. Jisu jan khou AMEN. Jahon 3:16 tei tingmik pum pana huainei na Raguang ta kachu o.