Microsoft Word - TGbunhak-kauchai-uibun.doc

Size: px
Start display at page:

Download "Microsoft Word - TGbunhak-kauchai-uibun.doc"

Transcription

1 台語文學教材 kap 教學相關議題 ê 初探 蔣為文 成功大學台灣文學系 自 1997 年全國第一間台灣文學系 tī 私立真理大學設立, 到 kah 2000 年第一間國立 ê 台灣文學研究所 tī 成功大學設立以來, 全國已經有十外間大學設有台灣文學 台灣語文相關系所 雖罔台語文學無受各大學台文系所重視, 台語文學 ê 教學 tī 少數有心 ê 學者 ê 堅持之下 iáu 是加減出現 tī 大學課程當中 因為教學 ê 需要, 台語文學 ê 相關教材 mā 開始出現 本論文 ê 研究目的 tō 是針對目前市面上主要 ê 4 種台語文學教材 大學台語文學選 ( 鄭良偉 曾金金 李櫻 盧廣誠 2000) 台語文學概論 ( 張春凰 江永進 沈冬青 2001) 閩南語文學教材 ( 江寶釵 周碧香 蕭藤村 董育儒 2001) kap 台語文學讀本 1&2 ( 方耀乾 2003&2004) 做探討 關鍵詞 : 台語 母語 文學 教材 白話字 1. 前言自 1997 年全國第一間台灣文學系 tī 私立真理大學設立, 到 kah 2000 年第一間國立 ê 台灣文學研究所 tī 成功大學設立以來, 全國已經有十外間大學設有台灣文學 台灣語文相關系所, 包含真理 成大 靜宜 清華 師大 中興 中正 台大 政大 新竹教育大學 花蓮教育大學 台中教育大學 台南大學 中山醫學大學 國立台北教育大學 彰化師大等 雖罔 (sui-bóng) pêⁿ-pêⁿ 是台文系所, -koh chit-kóa 系所對台灣話文 ê 重視程度無啥 kāng-khoán 一般 tçk 來講, 台灣語文系所因為名稱已經號做 台灣語文 所以 khah bē 排斥台灣語文 相對之下, 台灣文學系所 soah 有真明顯 ê 獨尊華語 排斥台灣語文 ê 現象 ( 蔣為文 2005a) 雖罔台語文學無受各大學台文系所重視, 台語文學 ê 教學 tī 少數有心 ê 學者 ê 堅持之下 iáu 是加減出現 tī 大學課程當中 因為教學 ê 需要, 台語文學 ê 相關教材 mā 開始出現 目前市面上主要 ê 教材照出版順序有 大學台語文學選 ( 鄭良偉 曾金金 李櫻 盧廣誠 2000) 台語文學概論 ( 張春凰 江永進 沈冬青 2001) 閩南語文學教材 ( 江寶釵 周碧香 蕭藤村 董育儒 2001) kap 台語文學讀本 1&2 ( 方耀乾 2003&2004)

2 2 雖然台語文學 tī 台灣已經有 chiūⁿ 百年 ê 發展歷史, -koh 台語文學進入大學 正式課程 soah 是 chit kúi 年 ê 代誌 因為目前有關台語文學教材 kap 教學 ê 研究 真 chiâⁿ 欠缺, 本論文 ê 研究目的 tō 是 beh 針對頂面所講 ê 台語文學教材詳細做分 析 koh 針對伊延伸出來 ê 教學相關議題做初步 ê 探討 因為時間限制 ê 關係, 本 論文 ê 討論主要以作者長期以來從事台語文研究 運動 kap tī 成大台文系從事台 語文學教學 2 冬 ê 經驗為主 Ǹg-bāng chit 篇初探 ê 論文 ē-tàng 帶動 kap 鼓舞 khah chē 台灣文學界 ê 學者來疼痛 chit 塊土地頂頭發展出來 ê 原汁 ê 母語文學 2. 台語文學教學由來 kap 現況 長期久以來台灣語文無受中華民國外來政權 ê 重視, 致使 tī 各級學校 lāi-té 並無安插台灣語文 ê 相關課程 Chit-khoán 局勢一直到 kah 解嚴以後 chiah 開始有 變動 Tī 1990 年代初期 ch t-kóa 民進黨執政 ê 縣市像講宜蘭縣 台北縣 屏東縣 等開始 tī 國校仔 chhui-sak 母語選修課 ( 江文瑜 1996) 大學校園 lāi-té mā 開始有台 語文 ê 社團成立, 像講成大 (1988 年成立 ) 台大 (1990) 淡江 (1991) 清華 (1992) 交 大 ( 台研社台語組 1990) 等 ( 楊允言 1995) Chit-kóa 社團一開始先以社團活動 ê 方式 來開台語課, 後來經過社團 ê 建議或者抗爭 liáu 學校 chiah 開始開有學分 ê 台語 課 h³ 學生選修 像講淡江大學經過淡江台語文社 ê 爭取 liáu 總算 tī 1993 秋天開始 開台語概論 ê 課程, 由兼任 ê 講師陳恆嘉教課 1990 年代 tī 大學校園開設台語課 程 ê iáu 有鄭良偉 張裕宏 洪惟仁 董忠司 姚榮松 施炳華 呂興昌 廖瑞 銘 許長謨等人 以上所講 ê 是戰後校園 lāi-té 開始有台灣語文相關課程 ê 經過 Chit-ê 時期 ê 台語課程主要偏重 tī 語言 ê 部分, 文學性 ê 台語課 ài 到 kah 1990 年代後期以後 chiah 開始普遍出現 (che 當中唯一 ê 例外是呂興昌教授 tī 1991 年 tō tī 清華 文學 所 開始開 台語文學專題 課程 ) 到目前為主, 各大學 ê 台語文學課程 ê 開設 iáu 是制度面 ê 全面支持, 顛 倒主要是有心推動 ê 老師 ê 堅持之下 chiah 有法度開課 若無 hia ê 有心 chhui-sak 台語文學 ê 推動者, 恐驚仔台語文學 ê 教學會延後進入大學校園 下面是筆者 所 chai 曾經 或者目前 iáu koh 有 teh 開設台語文學相關課程 ê 大學系所 kap 師 資 Chit 份清單無包含台語概論 chit 類 ê 課, 因為 he 主要是語言課 是文學 課, 除非若是有註明 讀寫 寫作 或者 文學 chiah 有算在內 因為時 間有限,chit 份名單可能會有漏勾 ê 情形,chiah 請讀者 tàu 補充更正

3 3 圖表 1. 有開台語文學課程 ê 學校 系所 kap 師資 學校 系所 師資 開課名稱 性質 開始 註 年度 清華 文學所 呂興昌 台語文學專題 選修 1991 呂興昌 2000 年以後轉去成大 語言所 鄭良偉 台語讀寫 選修 1992F 客座 1 年 通識 張春凰 台語文學選讀 選修 2001 頭先 tī 中文系開 靜宜 通識 廖瑞銘 台語文讀寫 選修 1999S 中文所 廖瑞銘 台語文學專題 選修 1999F 2005 起停開 廖瑞銘 台語詩專題 選修 2000F 廖瑞銘 台語小說專題 選修 2001F 張春凰 台語文學選讀 選修 2001 台文系 廖瑞銘 台灣母語書寫 選修 2005 台南女技 通識 方耀乾 現代文學導讀賞析 選修 1998S Chit-ê 課程一半台語 一半華語 方耀乾 台語文學 選修 1999S 元智 中文系 洪惟仁 閩南語民間文學 選修 2000S- 2001S 洪惟仁 閩南語語文 選修 2001S 義守 通識 鄭雅怡 台語文學介紹 選修 交大 通識 沈冬青 台語文學賞析 選修 沈冬青 台語文學概論 選修 2003 鄭良偉 台文賞析 選修 2004S 客座 成大 台文所 呂興昌 台語文學專題 選修 2001 蔣為文 台語文學運動史 選修 2005F 台文系 蔣為文 台灣母語寫作 必修 2004S 2005F 起改做台灣語言基礎與寫作,1 學年 4 學分 通識 蔣為文 台語文學賞析 選修 2004S 真理大學 台文系 陳恆嘉 台語文賞析和習作 必修 2002F 1 學年 4 學分 陳恆嘉台語文學概論 選修 2004F 1 學年 4 學分, 2005F 起必修 台語系 林裕凱台語現代小說選讀 選修 2004F 梁淑惠台語現代詩歌選讀 選修 2005F 梁炯輝台語古典文學選讀 選修 2005F 台大 通識 鄭良偉 台語讀寫 選修 2002F 客座 1 學期 師大 台文所 李勤岸 台語文學專題 選修 2004S 通識 李勤岸 台灣閩南語閱讀 kap 寫作 選修 2004S

4 4 台南教大 中山醫大 語教所李漢偉台語文學專題選修 2003F 語教系 李漢偉 台語文學選讀 選修 2000 台語系 張德麟 河洛語讀寫及運用 必修 2004F 何信瀚 台灣現代詩歌選 選修 2005S Chit-ê 課程一半台語 一半華語 丁鳳珍 河洛語讀寫及運用 必修 2005F 中興 台文所 向陽 台語文學專題 選修 2005S 國北師 台文所 向陽 台語文學專題 選修 2005S 國藝 通識 陳恆嘉台語文學 選修 2005F 術院 台中教大 台語系 陳恆嘉台語文學 選修 2005F Ùi 圖表 1 ē-sái 看出, 若 hām 台灣文學系所其他 ê 課程來比, 台語文學 ê 課程 tō ká-ná 天星照射下 ê kúi 隻火金姑 kāng-khoán, 比例實在非常低 Chit-ê 問題 -tāⁿ 出現 tī 台灣文學系, 甚至連台灣語文學系 tō 無啥看重台語文學 可比講, 中山 醫學大學台語系必修 中國文學史 4 學分 台灣文學史 6 學分, -koh 有 關台語文學 ê 課 kan-taⁿ 河洛語讀寫及運用 2 學分 kap 預定明年 (2006) chiah 會 開 ê 當代河洛文學作品專題討論 2 學分 Che ê 緣故一方面是顯示台語系 ê 定 位是以語言為主, 另外一方面是顯示 piān nā 講 tiõh 文學 chin chē 人 iáu 是 kā 華 語文學 當作主體 無將台語文學看在眼內 3. 現有台語文學教材分析 目前各大學台語文學課程上課 ê 教材有教課老師 ka-tī 編 ê,mā 有使用本論 文討論 ê hit 4 本教材之一 Chit 4 本教材分別有 in ê 特色 kap 優缺點 下面咱 tō 先針對 chit 4 份教材做對照表 thang h³ 讀者有 khah 清楚 ê 概念 圖表 2. 四種台語文學教材比較 版本 大學台語文選 台語文學概論 閩南語文學 台語文學讀本 項目 ( 上冊 ) (1) (2) 出版年度 &2004 編輯主要目的 提升台語閱讀 kap 寫作 ê 能 紹介台語文學發展史 對作 收錄閩南語傳統文學 對作品作賞析 評論 力 品作賞析 評論 使用對象 大專學生 對 大專學生 對 對閩南語民間 大專學生 對

5 5 台語文書寫有興趣 ê 初入門者 台語文學發展 kap 各家作品特色有興趣者 故事 kap 歌謠有興趣者 台語文學作家作品文本閱讀有興趣者 台語書寫方式 漢字 + 白話字 漢字 + 台音式 漢字 漢字 + 極少白話字 注音方式 白話字 無 TLPA IPA TLPA 紹介 評論 ê 台語 華語 台語 華語 華語 語言 編輯者 語言學家 台語教學者 台語文學作家 語言 文學研究者 台語文學教學者 作家 選文標準 選文範圍 文類 編輯体例 表現台灣社會文化 兼備語文教育 kap 文學性 ê 文章歷年來以漢字或者漢羅書寫為主 ê 台語白話文學新詩 散文 小說 諺語 傳統歌仔冊 民間 kap 創作歌謠作者 題解 本文 註解 問題討論 用字對照表 Ē-tàng 代表 tãk-ê 作家 ê 作品 歷年來 ê 台語白話文學 詩 散文 小說 戲劇 bàng-gah 民間文學 評論 論文論述 註解 參考文獻 由各編輯自我認定 歷年來 ê 台語傳統文學 民間故事 諺語 迷猜 歌謠 流行歌 單篇論文 文學藝術性 以戰後作家作品為主加少部分民間歌謠 新詩 散文 小說 歌謠 本文 註解 作者簡介 賞悉 問題討論 延伸閱讀書目 集數 目前 1 冊, 預定 2 冊 1 冊 1 冊 目前 2 冊, 預定 6 冊 頁數 每冊各 128 size 17x22cm 15x21cm 15x21cm 17x24cm 影音附件 CD 4 塊 無 無 每冊 CD 2 塊 附錄 1. 台語音系 2. 台語的構詞法 3. 台語的句法 4. 常用字檢索表 1. 三種台語拼音方案對照表 2. 台音式調記順序 e 選擇理由 3. 母語文學 無 台語音標說明 對照表 大學台語文學選 算是戰後第一本台語文閱讀 kap 寫作 ê 大學用冊 伊 主要是由長期推動台語文研究 kap 教育 ê 鄭良偉教授邀集其他 ê 語言學家曾金

6 6 金 李櫻 kap 盧廣誠作伙編寫 Chit 本冊主要是 h³ ē-hiáu 講台語 -koh iáu 無 sáⁿ ē-hiáu 寫台語 ê 人透過大量閱讀 ê 方式來學 ē-hiáu 寫台文 ê 教材 Chit 本冊兼顧語文教育 kap 文學欣賞 ê 二大功能 伊一方面 h³ 學生學 ē-hiáu 台語 ê 書寫方式 koh 一方面 ē-tàng h³ 學生欣賞台語傳統 kap 現代 ê 作品 Chit 本冊適合做大學通識教育 kap 台文系學生 gīn-bat 台語文書寫 ê 入門教材 因為 chit 本冊每一課 lóng 有錄音 thang h³ 學生 ná 看 ná 聽, 所以 mā 適合做高級 ê 台語語言教材 台語文學概論 算是有史以來第一本全面 tçk 紹介台語文學 ê 發展 kap 針對作家作品做紹介評論 ê 大部冊 Chit 本冊對台語文學 ê 貢獻 bē khah 輸 葉石濤 台灣文學史綱 對台灣文學史建構 ê 貢獻 台語文學概論 ê 作者是張春凰 江永進 kap 沈冬青, 當中 張春凰 是主要 ê 靈魂人物 kap 書寫者 張春凰原底是留學美國 ê 圖書館 kap 資訊管理 碩士,tī 1990 年代投入台語文運動 liáu-āu tō 積極投入台文創作 kap 台文作品研究 可能是作者有圖書館資訊管理背景 ê 關係, 所以 ē-tàng tī 真短 ê 時間 (2 冬 ) 將台語文學發展歷史 kap 各家作品做真清楚 ê 描寫 kap 評論 Chit 本冊 -tāⁿ 書寫台語文學, 而且內容 koh 是用漢羅式台語書寫,phah 破過去研究論文專冊用中文書寫 ê 模式 Chit 本冊 -tāⁿ 適合台文系所 thçh 來做 台語文學史 台語文學概論 等課程 ê 教科書,mā 適合台灣文學界 ê 研究者使用 thang 了解台語文學 ê 發展 Chit 本冊 khah 大 ê 欠點有 3 項 : 第一, 雖然 chit 本冊用漢羅式台語書寫, koh 羅馬字 soah 採用作者 ka-tī 發明 ê 台音式 目前各大學台文相關系所學生所學 ê 羅馬字多數是 白話字 1 (Pçh-oē-jī) 或者 TLPA 2, 社會上台語羅馬字使用者多數使用白話字 所以, 用少人用 ê 台音式 書寫加減會造成 hit-kóa 慣習白話字 ê 多數讀者 tī 閱讀頂頭 ê 無方便 第二個缺點是 台語文學概論 延續 葉石濤 台灣文學史綱 以來 ê 文學史觀, 認為台語白話文學 ùi 1930 年代台灣話文論戰以後 chiah 發展出來 ê ( 張春凰 2001:54-55) 雖然張春凰 tī 冊 lìn 有提起白話字作品, 可惜無將白話字文學 tī 1885 年就開始透過 台灣府城教會報 1 白話字 mā 號做 教會羅馬字 台灣羅馬字, 是傳教士利用羅馬字設計出來 ê 一套台語書寫文字 若 ùi 1885 年 Barclay 牧師 tī 台南發行 台灣府城教會報 算起, 白話字 tī 台灣民間使用 ê 歷史已經有 120 冬 à ( 蔣為文 2005b 董芳苑 2004) 2 TLPA 是 Taiwanese Language Phonetic Alphabet ê 簡稱, 是 台灣語文學會 tī 1990 年代設計出來 ê 台灣語言音標方案

7 7 報紙 ê 形式 tī 台灣民間流通 ê 歷史事實 kap 台語文學史連結做伙 3 第三個欠點是論述性文章 lāi-té ê 文獻引用有 khah 鬆 論說無 kàu 嚴格 Chit 本冊主要優點 tī 對近代台語作家作品做詳細 ê 紹介, -koh tī 文學史 ê 論述頂頭有 khah 弱 sió-khóa 總是, 雖罔有 ch t-kóa 欠點, 無影響 tiõh chit 本冊對台語文學運動 kap 研究 ê 貢獻 閩南語文學教材 chit 本冊若號做 台語民間故事 kap 歌仔 或者 台語傳統文學 可能會 h³ 讀者 koh khah 清楚冊 ê 內容 伊 ê 作者多數是中文系背景, 包含江寶釵 周碧香 蕭藤村 kap 董育儒, 當中 kan-taⁿ 董育儒是英文 kap 語言學背景 Chit 本冊一開始是針對民間文學 kap 早期流行歌仔做全書導論,sòa-- loè 每一篇由一位作者個別書寫完成 Chit 本冊主要選錄民間故事 諺語 kap 歌仔 ê 文本, 並無收當代或者早期 ê 台語作家作品 ; 編排方式 khah sêng 上課 ê 講義 Chit 本冊適合做大學通識教育 kap 台文系學生 gīn-bat 台語民間故事 kap 歌仔 ê 入門教材 Chit 本冊主要 ê 欠點有 2 項 : 第一, 台語 ê 書寫全部用漢字 作者為 tiõh beh 用漢字書寫台語, 致使用 bē-chió 罕用字 怪字 甚至是造字 雖然部分漢字有註解或者用 TLPA 或者 IPA 國際音標注音, -koh iáu 有 bē-chió 漢字無註明,chitkhoán 情形會造成讀者閱讀 ê 困難 像講冊 lìn 第 211 頁紀錄 戴匏桸 掠水鴨 並無註明羅馬字或者國際音標,án-ne 讀者 kám chai án-chóaⁿ 讀? 第二個欠點是 chit 本冊 sêng 趕狂出來 ê 講義合訂本 Kui 本冊 ê 書寫方式無一致, 而且講解 分析 ê 部分有 khah chió 台語文學讀本 1&2 算是台灣有史以來第一本標榜文學性 ê 台語文學讀本 Chit 2 本冊收錄 ê 作品以戰後作家作品為主加少部分民間歌謠 主編方耀乾本身是台文作家 mā tī 大學從事台語文學 ê 研究 kap 教學 除了主編之外, 台語文學讀本 1&2 iáu 有編輯委員, 包含大學教台文課 ê 林政華 張春凰 kap 鄭雅怡 高中老師王宗傑 kap 台文雜誌主編胡長松 Chit 本冊 ê 編輯体例真完整, 包含本文 註解 作者簡介 賞悉 問題討論 kap 延伸閱讀書目, 而且美編 hām 其他三種教材比起來算上好 ê Chit 本冊 kap 大學台語文學選 性質真 3 有關台語文學史 ê 探討,ē-saí 參考方耀乾 2005 蔣為文 2005c 蔣為文 2005d

8 8 近, 但是 ke khah 重文學性 Chit 本冊適合做大學通識教育 kap 台文系學生 gīnbat 台語文學 ê 入門教材 Chit 本冊 khah 大 ê 欠點有 2 個 : 第一, 無適用 ê 怪漢字 seng chē 雖然主編有交代講若無漢字 thang 代用 ê 時用白話字 ( 方耀乾 2004c:100), -koh 實際出現 ê 白話字比例非常低, 大多數是罕 leh 看或者有爭議 ê 漢字, 像講讀本第一冊 40 頁寫 甲連耳空著臭耳兮款 第二個欠點是用中文做導讀 ê 語言 Chit 本冊 除了作品本文是台語書寫之外,chhun ê 是用中文書寫 其實編者 免煩惱讀者讀無台語寫 ê 導讀, 因為讀無台文 ê 人伊 hām 本文 mā 看無 mā bē 想 beh 買冊 以上所講 ê 大學台語文學選 台語文學概論 閩南語文學教材 台語文學讀本 1&2 4 種教材分別有 in ê 特色,ē-sái 互相搭配使用 大學台語文學選 適合台語文寫作 ê 入門教材,sòa--lâi 閩南語文學教材 kap 台語文學讀本 1&2 作為進一步探討傳統 kap 現代台語文學 ê 教材,l³-bóe 採用 台語文學概論 thang h³ 學生全面 tçk gīn-bat 台語文學 4. 台語文學教學 ê 困境 kap 改進 ê 方法目前台語文學教學 tú tiõh ê 問題 kap 困境大約 ē-sái 分做下面 kui 項 第一, 上課學生 ê 台語語言能力不足 學生 ê 台語能力無好,tō 會影響 tiõh 台語作品文學性 ê 欣賞能力 mā 會減慢上課進度 學生 beh 上文學課 chìn-chêng, 應該 ài 對 hit-ê 文學語言有真好 ê 掌握能力 chiah tiõh 就現狀來看, 台灣囝仔讀大學 chìn-chêng 已經受中文教育 10 外冬 -koh 差不多所有 ê 學生讀大學前 iáu -bat 接觸過台語讀寫 現此時各大學開設台語文學 ê 課程真罕 leh 注意 tiõh chitê 問題, 致使真 chē 無台語讀寫基礎 ê 人 mā 來修課 Án-ne,beh án-chóaⁿ 改進 khah 好? 若是針對台文系所, 建議大一 ê 課程應該先開設訓練台語口語能力 ê 課程, 大二 ê 時安排台語讀寫 ê 基礎課, 大三 ê 時 chiah 安排純台語文學 ê 專業課程 若是針對通識課, 應該開上下二學期 : 頂學期以台語讀寫入門為主, 下學期 chiah 以台語文學賞析為主 第二, 台語書寫用字無一致 目前台語書寫方式, 無論是用漢字 iā 是羅馬字,lóng iáu 無標準化 Chit 種情形會造成學生學習意願降低 mā 會增加教學上 ê 困擾 Chit-ê 台語標準化 ê 問題真大,tī chia 咱 tō 無 beh koh 討論

9 9 第三, 上課學生 ê 台灣文史常識不足 現此時雖然已經解嚴 mā 無對台灣研究 ê 限制, -koh 學生讀大學 chìn-chêng 對台灣文史 ê gīn-bat mā iáu 真 chió 因為 án-ne, 所以上課 ê 時 tiāⁿ-tiāⁿ ài 針對課文內容做真 chē 文史背景 ê 補充 第四, 台語課無受重視 多數以選修方式進行 台語課程, 無論語言 iā 文學, 無受大學人文教育重視, 是一個真普遍 ê 現象 若準通識課用選修進行, 咱 iáu 無話講 -koh 台文系所將台語課當做 選修 來處理 tō 真不應該 本人 bat tī 成大台文系提議增加台語課為必修課, -koh 有人反對 ;in 反對 ê 主要理由是 有興趣 ê 人 chiah 去修 tō 好 像 chit-khoán ká-ná tiõh koh -tiõh ê 言論竟然 tiāⁿ ùi 台灣文學系 ê 研究者 教學者 ê 嘴 khang 講出來, 實在真可悲 In 無想講, 一個學生讀大學 chìn-chêng 完全無修過台語 ê 相關課程,beh 教伊讀大學 ê 時會有興趣 ka-tī 去修台語課,che kám 有可能? 而且為啥物台語 kan-taⁿ ē-sái 列必修? 其他像講 中國文學 傳統漢詩文 現代詩 現代散文 現代小說 等中文課程顛倒 lóng 當作必修課 Chit-khoán ê 台文系 kap 中文系有啥差別?Án-chóaⁿ 對 hit-kóaa 名號做 台灣文學 -koh 實質是 華語文學 系所 ê 師資進行道德勸說 遊說 甚至是公開批判是咱台灣人 ài 重視 ê 一個重要 khang-khòe 5. 結論台灣文學 ê 資源雖然無 chē, -koh 台語文學 ê 資源相對來講 koh khah chió 本論文針對現有 4 種台語文學教材做初步 ê 探討 Ǹg-bāng 對 tú 開始 ê 台語文學教學 kap 研究 ē-sái 有淡薄仔 chhōa 頭 鼓舞 ê 貢獻 真 chē 台灣文學界 ê 研究者 lóng 將台灣新文學 ê 發展 ùi 1920 年講起 實在講,in 若跳脫漢字 kap 華語 ê 思考模式, 台灣白話文學 ê 發展 ē-sái 提早到 1885 年 台灣府城教會報 ê 創刊甚至是 17 世紀 ê 平埔族新港文文學 就台語現代文學 ê 發展來講, 伊 tī 台灣上無有百外冬 ê 歷史, 可惜 soah 無受台灣文學界重視 咱台灣文學界 ê 研究者雖然有 bē-chió 中文博士 日文博士 英文博士, 可惜 mā 有真 chē 母語文盲 In 若是單純 ê 青瞑牛 iáu 無要緊, -koh 偏偏有 ch t-kóa 人 beh 用 in ê 中文博士學位 hip 人 講啥物台語文學是低路 ê 無水準 ê 來 phìⁿ-siùⁿ 台灣人 ê 母語 In chia ê 人 tī 公開場合 lóng teh 講台灣意識 講台灣文學 ê 主體性 kap 抵抗殖民 ê 精神, -chai-iàⁿ ê 人 lóng 想講 in gōa 有台灣 khùi 結局, 出賣台灣母

10 10 語上嚴重 ê lóng 是 chia ê 人 若無, 台語文學 bē án-ne chiah 無受台灣文學系所 ê 重視 參考冊目 方耀乾 2003 台語文學讀本 (1) 台南 : 真平企業 方耀乾 2004a 台語文學的觀察與省思 高雄 : 復文書局 方耀乾 2004b 台語文學讀本 (2) 台南 : 真平企業 方耀乾 2004c 台語文學讀本的編輯理念與實踐 收錄 tī 方耀乾 2004a 台語文 學的觀察與省思 頁, 高雄 : 復文書局 方耀乾 2005 台語文學的起源與發展 台南 : 作者自行出版 江文瑜 1996 由台北縣學生和老師對母語教學之態度調查看母語教學之前景 收錄 tī 施正鋒 1996 語言政治與政策 頁, 台北 : 前衛 江寶釵 周碧香 蕭藤村 董育儒 2001 閩南語文學教材 高雄 : 麗文文化 張春凰 江永進 沈冬青 2001 台語文學概論 台北 : 前衛 楊允言等 1995 九 0 年代以來校園台語文運動概況 第七屆台灣新生代論文研 討會論文集, 台灣研究基金會 董芳苑 2004 台語羅馬字之歷史定位 台灣文獻, 第 55 卷第 2 期, 頁 蔣為文 2005a 收編或被收編?-- 當前台文系所對母語文學及語言人權態度之初 探, 海翁台語文學 第 39 期,4-25 頁 蔣為文 2005b 白話字, 囝仔人 teh 用 ê 文字? 語言認同與去殖民 p 台南 : 成功大學 蔣為文 2005c 羅馬字是台灣新文學 ê 開基祖 語言認同與去殖民 p 台南 : 成功大學 蔣為文 2005d 語言 文學 kap 民族國家 ê 建構 : 台語文學運動史初探, 台語文學研討會,10 月 日, 國家台灣文學館 鄭良偉 曾金金 李櫻 盧廣誠 2000 大學台語文選 台北 : 遠流

Microsoft Word - 黃文達.doc

Microsoft Word - 黃文達.doc kap 1 2 3 2 pái 4 hông kap teh ê soah 5 uân-á -kú 6 tiõh hiau-hiông 1 http://www.libertytimes.com.tw/2009/new/jul/17/today-life11.htm 2009.07.17 2 Tī ê Hö-ló ê 74.3% ê lóng tsit Hö-ló ê ë-sái Uì kàu ê

More information

ê ê 3 ê, ùi ê ê ê ê tùi Tsou ê 67 ê tī boe Che hām kā ê khah ê mā be-sái ê. Tsou 1. (Austronesian) kap, ê ê tī DNA ùi gō a Be-chío Dahl, Blust, Li ê k

ê ê 3 ê, ùi ê ê ê ê tùi Tsou ê 67 ê tī boe Che hām kā ê khah ê mā be-sái ê. Tsou 1. (Austronesian) kap, ê ê tī DNA ùi gō a Be-chío Dahl, Blust, Li ê k ê ê 3 ê, ùi ê ê ê ê tùi Tsou ê 67 ê tī boe Che hām kā ê khah ê mā be-sái ê. Tsou 1. (Austronesian) kap, ê ê tī DNA ùi gō a Be-chío Dahl, Blust, Li ê kap ê chin ê Tsou chin chē e-sái ê chit ki hām ê ho

More information

Microsoft Word 丁鳳真台語、醫學kap文學e交響樂──論醫生作家張復聚[1].tiah-iau

Microsoft Word 丁鳳真台語、醫學kap文學e交響樂──論醫生作家張復聚[1].tiah-iau 台語 醫學 kap 文學 ê 交響樂 論醫生作家 Babuza Chû ( 張復聚 / ) ê 台文創作 丁鳳珍 台語 醫學 kap 文學 ê 交響樂 論醫生作家 Babuza Chû ( 張復聚 / ) ê 台文創作 Teng Hongtin ( 丁鳳珍 ) 台中教育大學台灣語文學系助理教授 tenghongtin@yahoo.com.tw Tiah-iàu ( 摘要 ) 醫生作家 Babuza

More information

附錄二

附錄二 錄 論 錄 3-1 療 錄 1885-1942 數 數 69 1891.1 ê 盧 3 82 1892.2 ê 13-14 97 1893.4 行 ê 女 40-41 134 1896.5 論 Thái-ko 40 138 1896.9 68 139 1896.10 ê 78 140 1896.11 koh 84 147 1897.6 論 ê 46-47 150 1897.9 67-69 170 1899.5

More information

Microsoft Word - 文件3

Microsoft Word - 文件3 九畫 便 pan5 宜 gi5 毋捌飽(p426) 解釋 便 pan5 宜 gi5 廉價 毋捌 不知道 涵義 形容人貪心不知足 對應華語 貪得無厭 貪心不足 便 pan5 宜 gi5 物 mih8 通食 便宜話毋通講 解釋 物 mih8 東西 便 pan5 宜 gi5 話 不負責任的話 毋通 thang1 不可以 涵義 勸誡人說話要謹慎 對應華語 東西可以亂吃 話不可以亂講 便所彈吉他 臭彈 解釋

More information

Microsoft Word - Taigibunhak-1125uibun.doc

Microsoft Word - Taigibunhak-1125uibun.doc 語言 文學 kap 民族國家 ê 建構 : 台語文學運動史初探 蔣為文成功大學台灣文學系 1. 前言若 ùi Benedict Anderson (1991) 想像 ê 共同體 (imagined communities) 觀點切入,tī 漢字文化圈 1 lìn,19 世紀以前 lóng 有一種以中國為中心 透過漢字所形成 ê 漢字文化想像共同體 (an imagined Hanji cultural

More information

板橋查某

板橋查某 ... 4... 4... 5... 7... 9... 13... 15... 18... 23... 25... 27... 30... 31... 37... 39... 41... 45... 49... 51... 53... 55... 57... 59... 61... 63... 65... 67... 69 2 ( )... 73... 77... 81... 83... 85...

More information

專題研究 大陸中央與地方關係改革現狀與問題 政治學研究 毛澤東思想研究 台聲. 新視角

專題研究 大陸中央與地方關係改革現狀與問題 政治學研究 毛澤東思想研究 台聲. 新視角 第 6 卷第 1 期中華民國 97 年 1 月 大陸中央與地方關係改革 現狀與問題 Current Situations and Problems of the Central-Local Relation Reforms in China 林文軒 (Lin, Wen-Hsuan) 中國文化大學中山學術所博士生 1 摘要 關鍵詞 : 權力下放 職能轉換 地方主義 部門利益 壹 前言 1 76 吉首大學學報

More information

Microsoft Word - 10_6_...Q...doc

Microsoft Word - 10_6_...Q...doc 台 語 現 代 詩 本 土 植 物 ê 書 寫 Lí Siok-hōng 台 南 大 學 國 語 文 學 系 碩 士 生 ( 台 語 組 ) 濟 濟 ê 台 語 詩 運 用 植 物 ê 書 寫 來 營 造 作 者 ê 寫 作 意 圖 Tī chia-ê 詩 作 內 底 咱 看 著 ê, -nā 是 對 植 物 本 身 ê 素 描,koh khah 有 作 者 詩 作 所 寄 託 對 台 灣 ê 關

More information

上學期 ( st term) ( 必修 Required) 英語聽講練習 ( 二 ) (A) ( English II (A) 英語聽講練習 ( 二 ) (B) English II (B) 英語語言學概論 Introduction to English Linguistics 英文寫作練習 ( 一

上學期 ( st term) ( 必修 Required) 英語聽講練習 ( 二 ) (A) ( English II (A) 英語聽講練習 ( 二 ) (B) English II (B) 英語語言學概論 Introduction to English Linguistics 英文寫作練習 ( 一 0 學年度 (0 School year) 英語學系大學部 (Undergrad.) 擬開班之課程 大一課程 (First year) 上學期 ( st term) ( 必修 Required) 大一英文 Freshman English 英語聽講練習 ( 一 ) (A) English I (A) 英語聽講練習 ( 一 ) (B) English I (B) 文法與習作 (A) Grammar and

More information

第二節 研究方法 本論文第一章 緒論 說明研究動機與目的 研究方法及研究的範圍及限制 並對 飲食散文的義界 作一觀念的釐清 第二章 文獻探討 就將本研究的理 論建構中的概念作釐清 分別為 現代文學 飲食文學的重要論著 等兩個部 分來描述目前文獻的研究成果 並探討其不足待補述的地方 本研究以 文化研 究 為主要研究基礎 統攝整個研究架構 在不同章節裡 佐以相關研究方法進 行論述 茲圖示如下 研究方法

More information

<4D6963726F736F667420576F7264202D20A578BB79C3B9B0A8A672ABF7ADB5BA74A4C6A576BDD7A977BD5A38ADB672657669736564322E646F63>

<4D6963726F736F667420576F7264202D20A578BB79C3B9B0A8A672ABF7ADB5BA74A4C6A576BDD7A977BD5A38ADB672657669736564322E646F63> 台 語 羅 馬 字 拼 音 演 化 史 論 台 灣 師 範 大 學 台 灣 文 化 及 語 言 研 究 所 李 勤 岸 台 南 大 學 國 語 文 學 系 碩 士 班 台 語 組 李 淑 鳳 摘 要 台 語 拼 音 史 上 bat 出 現 過 類 型 濟 濟 ê 拼 音 符 號, 有 漢 字 拼 音 符 號 羅 馬 字 拼 音 符 號 日 語 假 名 拼 音 符 號 注 音 符 號 諺 文 式 拼

More information

Microsoft Word doc

Microsoft Word doc 04 學年度 (04 School year) 英語學系大學部 (Undergrad.) 擬開班之課程 大一課程 (First year) 上學期 ( st term) ( 必修 Required) 下學期 ( nd term) ( 必修 Required) 大一英文 Freshman English 英語聽講練習 ( 一 ) (A) Aural-oral Training in English I

More information

國立中山大學學位論文典藏.PDF

國立中山大學學位論文典藏.PDF 1 2 3 4 1 200 2 3 4 5 6 1950 6 I....1..1..1.2..3..4..5..6..6 8.8...9.14.23 28.28.32.38.47 56 II.56.68.68.70..91. 91.95.98 103 113..113 113.130..171 171 179 182 197 201..204.. 204 286 2000 195 2001 11-13

More information

語言、文學kap民族國家ê建構:台語文學運動史初探

語言、文學kap民族國家ê建構:台語文學運動史初探 見 ê 論 論 李 sak ê ê 羅 ê 羅 ê 見 留落 ê 論 見 ê 復 ê Kap Emerson ê 論 (essay) tī 論 量 論 略來 識 ê ê ê 論來 kap (theme) elaborate) 論 ê 羅 論 kap Emerson Ralph Waldo Emerson ( ) tī ê 復 1 理論 ê tī ê puh ê kā ê 復 度來 理論 ê ê 復

More information

Microsoft Word - Hanjikhoan-uibun.doc

Microsoft Word - Hanjikhoan-uibun.doc 1. 前言 Ùi 漢字文化共同體到民族國家 : 以台灣為個案研究 蔣為文成功大學台灣文學系 咱所講 ê 漢字文化圈 是指卡早 bat ah 是 chín koh teh 使用漢字 ê 地區或者 國家, 包含越南 韓國 朝鮮 1 日本 新加坡 台灣 kap 中國等 若 ùi Benedict Anderson (1991) 想像 ê 共同體 (imagined communities) 觀點 切入,tī

More information

Microsoft Word - 文件5

Microsoft Word - 文件5 六 畫 交 官 散, 交 鬼 死, 交 苦 力 食 了 米 解 釋 散 : 窮 鬼 : 詭 計 多 端 的 人 苦 力 : 苦 工 了 : 賠 本 涵 義 喻 交 朋 友 要 謹 慎 交 情 仁 義 重, 啉 lim1 水 也 心 涼 涵 義 形 容 與 朋 友 結 交, 仁 義 才 是 最 重 要 的 交 椅 漆 桌 起 無 扦 tshuann1 解 釋 交 椅 : 有 扶 手 和 靠 背 的 椅

More information

[Tâi-gí/Taiwanese] Pán-koân sī chhut-pán-siā A-se-a Kok-chè Thoân-pò-siā ê. Tī chun-siú ē-bīn ê 3 ê CC tiâu-kiāⁿ chi-hā, lí ē-sái chū-iû thoân-pò chit pún chheh ê tiān-chú-tòng: Chù-bêng lâi-goân Lí ài

More information

Microsoft Word - 17_13_.i...Y.doc

Microsoft Word - 17_13_.i...Y.doc 1 勇 敢 --ê khiā 起 來 吧, 受 壓 逼 ê 同 志 論 黑 手 那 卡 西 ê 台 語 歌 曲 書 寫 1. 前 言 張 郁 琳 成 功 大 學 台 灣 文 學 研 究 所 碩 士 生 西 元 1996 年, 台 灣 ê 地 下 樂 團 出 現 黑 手 那 卡 西 chit 個 由 工 人 kap 研 究 所 學 生 組 織 ê 工 人 樂 隊 黑 手 那 卡 西 關 懷 所 有 弱

More information

A1

A1 臺 灣 閩 南 語 語 言 能 力 認 證 試 題 題 型 樣 本 (2008 年 8 月 8 日 ) 說 明 : 一 因 研 發 時 間 較 為 緊 迫, 本 次 模 擬 試 題 僅 提 供 各 項 測 驗 中 各 題 型 的 部 份 樣 本 日 後 將 再 陸 續 提 供 完 整 的 模 擬 試 題 供 大 眾 參 考 二 此 題 型 樣 本 僅 供 第 一 次 預 試 (8 月 23 日 )

More information

台灣語文學系課程架構表 (96) 課程類別 學分別適用類別 必修選修師資培育非師資培育 普通及通識課程 普通課程 通識課程 教學基本學科課程 教育基礎課程 教育專業課程 教育方法學課程 教學實習及分科教材

台灣語文學系課程架構表 (96) 課程類別 學分別適用類別 必修選修師資培育非師資培育 普通及通識課程 普通課程 通識課程 教學基本學科課程 教育基礎課程 教育專業課程 教育方法學課程 教學實習及分科教材 台灣語文學系課程架構表 (96) 課程類別 學分別適用類別 必修選修師資培育非師資培育 普通及通識課程 普通課程 10 0 10 10 通識課程 0 18 18 18 教學基本學科課程 10 0 10 - 教育基礎課程 4 0 4 - 教育專業課程 教育方法學課程 6 0 6 - 教學實習及分科教材教法 10 0 10 - 選修課程 0 10 10 - 本系必修課程 50 0 50 50 專門課程

More information

Microsoft Word - 3B01-kiatgak.doc

Microsoft Word - 3B01-kiatgak.doc 2024 年 e 台語文字 台語羅馬字 e 展望 Lau Kiatgak ( 劉杰岳 ) 台文 BONG 報編輯 kiatgak@yahoo.com.tw +886(2)2362-5336~509 Iunn Ungian ( 楊允言 ) 大漢技術學院資工系 ungian@ms01.dahan.edu.tw +886(2)2362-5336~509 Ko Sengiam ( 高成炎 ) 台大資訊工程系教授

More information

語言、文學kap民族國家ê建構:台語文學運動史初探

語言、文學kap民族國家ê建構:台語文學運動史初探 參 歷 說 龍年 kap 例 Teng Hongtin Tiah-iàu tī 1862-1865 年 ê (Tè Tiâu-chhun Khí-gī sū-kiāⁿ) 領 1 2 Holo ê (koa-á)1 ( ê ) 2 龍年 論 論 龍年 kap 歷 ê 說 kap ê 料 kap 識 ê 了論說兩 ê in 歷 說 ê 論 參 歷 說 ê 兩 chiâⁿ ê tī 龍年 論 155 領

More information

攜手拼出圓滿的幸福 2

攜手拼出圓滿的幸福 2 國立台灣師範大學家庭教育研究與發展中心編撰教育部出版中華民國 96 年 9 月 攜手拼出圓滿的幸福 2 國立台灣師範大學 家庭教育研究與發展中心主任 林育瑋 3 目錄 幸福拼圖 序文...p.2 引言 能和心愛的人共度一生, 就是最大的幸福!...p.6 幸福方程式 : 我 + 你 = 幸福關鍵一 我...p.10 關鍵一 你...p.20 關鍵一 +...p.28 如果你還想知道更多撇步 附錄一...p.48

More information

Microsoft Word - Chhoa-PoeGim.doc

Microsoft Word - Chhoa-PoeGim.doc 試 探 八 年 代 以 後 tò-khau-chiàⁿ -siah ê 社 會 政 治 激 骨 歌 ê 特 色 kap 意 義 蔡 佩 吟 成 功 大 學 台 灣 文 學 研 究 所 1. 踏 話 頭 佇 台 語 ê 傳 統 有 一 種 俗 語 叫 做 激 骨 話, 有 人 擱 ka 叫 做 孽 畜 仔 話 歇 後 語, 伊 ê 頭 一 句 若 親 像 是 一 ê 謎 題, 後 壁 利 用 雙 關

More information

系所

系所 107 學年度第 2 學期 ( 日間部 ) 各系 規定 108.1 目錄 1. 應華系...2 2. 外語教學系...3 3. 數位內容應用與管理系...4 4. 國際事務系...5 5. 國際企業管理系...6 6. 翻譯系...7 7. 傳播藝術系...8 1 1. 應華系 / (1) 前一學年學業總平均成績達 70 分以上 (2) 國文科目前一學年平均達 75 分以上 科目學期 / 學年學分數文學寫作學期

More information

2

2 1 2 3 4 1-92 67-85 5 6 - 92 28-41 7 8 1 89 9 10 1 82 11 1. 2. 3. 4. 5. 6. 1. 2. 3. 4. 5. 6. 12 1. 2. 3. 4. 5. 6. 1. 2. 3. 4. 5. 6. 13 1. 2. 3. 4. 14 第一章導論課堂筆記 15 第一章導論課堂筆記 16 第一章導論課堂筆記 17 第一章導論課堂筆記 18

More information

台語典故

台語典故 台 語 典 故 大 鼎 未 滾 小 鼎 沖 沖 滾 ~ 第 一 週 週 報 0830~0904 台 灣 早 期 農 村, 家 裡 廚 房 的 爐 灶 都 是 用 磚 土 砌 成, 大 灶 和 小 灶 相 連 在 一 起, 柴 火 是 從 灶 口 送 入 昇 火, 雖 然, 大 鍋 子 在 前 小 鍋 子 在 後, 但 是 大 鼎 (toa tiá n 就 是 大 鍋 子 ) 盛 的 水 較 多, 自

More information

2014.07.03臺灣守護周刊第129期

2014.07.03臺灣守護周刊第129期 P-1-2014/07/03 ( 四 ) 台 灣 的 前 途 由 誰 來 決 定? 心 靈 重 生 才 有 健 康 不 一 樣, 所 以 會 改 變 發 掘 台 灣 優 質 醫 療 品 質 的 對 話 王 張 黑 箱, 居 心 不 良! 討 好 中 國, 台 灣 遭 殃! 第 二 次 民 主 改 革 演 講 文 稿 卻 顧 所 來 徑 : 浮 生 雜 感 台 灣 碩 果 僅 存 的 日 本 時 代

More information

é é é é è è à é è è è é ê

More information

應用外語系學生語文證照列表 103 年 8 月 28 日 103 學年度第 1 學期第 1 次課程委員會議訂定 103 年 8 月 28 日 103 學年度第 1 學期第 1 次系務會議通過 證照 代碼 證照名稱 國內 / 國外 級數 / 分數 發照單位

應用外語系學生語文證照列表 103 年 8 月 28 日 103 學年度第 1 學期第 1 次課程委員會議訂定 103 年 8 月 28 日 103 學年度第 1 學期第 1 次系務會議通過 證照 代碼 證照名稱 國內 / 國外 級數 / 分數 發照單位 應用外語系學生語文證照列表 103 年 8 月 28 日 103 學年度第 1 學期第 1 次課程委員會議訂定 103 年 8 月 28 日 103 學年度第 1 學期第 1 次系務會議通過 證照 代碼 證照名稱 / 級數 / 分數 發照單位 50187862 50188072 50189342 50187746 50187768 50187769 50187659 50187660 50186569

More information

Microsoft Word ChiuN Uibun.doc

Microsoft Word ChiuN Uibun.doc 漢字迷思 ê 形成 kap 對台灣文學 文化發展 ê 影響 蔣為文 漢字迷思 ê 形成 kap 對台灣文學 文化發展 ê 影響 蔣為文 成功大學台灣文學系 摘要 T 包含越南 韓國 朝鮮 日本 台灣 中國等漢字文化圈 läi-té, 台灣算是 siöng 慢受 tiõh 漢字文化影響 ê 所在 -koh 自 17 世紀鄭成功 t 台灣建立漢人政權 用體制 ê 力量來 chhui-sak 漢字文化以來,

More information

國立中山大學學位論文典藏.PDF

國立中山大學學位論文典藏.PDF 2 6 i e 4 ...1...1...1...2...3...3...4...5...8...8...9...11...12...15...15...19...29...39 6...52...52...65...65...78...92...92...99...103...106...110...110... 111...116...142...143...150...153...161...166...170...170...251

More information

Microsoft Word - 文件6

Microsoft Word - 文件6 十 七 畫 袂 仙 假 仙, 牛 lan7 假 鹿 鞭 (p888) 解 釋 袂 仙 假 仙 : 指 自 己 不 是 仙 人, 卻 冒 充 成 仙 人 的 樣 子, 亦 即 不 懂 裝 懂 之 意 牛 lan7: 公 牛 的 生 殖 器 官 鹿 鞭 : 公 鹿 的 生 殖 器 官 涵 義 說 明 人 根 本 不 了 解 某 事 物, 卻 硬 要 裝 懂 對 應 華 語 不 懂 裝 懂 自 作 聰 明

More information

國立中山大學學位論文典藏.pdf

國立中山大學學位論文典藏.pdf ( ( 1 1 2 4 6 6 7 19 27 27 34 37 40 48 48 50 56 68 68 68 80 84 107 107 107 114 117 128 131 134 ( 136 ( (1993 1 ( 1993 (1993 2 ( 1993 1 43 3 1993 110 2 43 3 1993 113 1 ( (1989 3 1036 260 256 1036 32104

More information

四技二專統測國文科 93 ~ 98 年 表一 單元名稱 字音辨正 ( 正確讀音 形近字讀音辨識 ) 字形測驗 ( 正確字形 同音字形使用辨識 ) 字 詞義 解釋 ( 一字多義 古今異義

四技二專統測國文科 93 ~ 98 年 表一 單元名稱 字音辨正 ( 正確讀音 形近字讀音辨識 ) 字形測驗 ( 正確字形 同音字形使用辨識 ) 字 詞義 解釋 ( 一字多義 古今異義 93 98 臺中高工 張麗美老師 93 98 93 10 98 19 93 98 -- 四技二專統測國文科 93 ~ 98 年 表一 單元名稱 93 94 95 96 97 98 1. 字音辨正 ( 正確讀音 形近字讀音辨識 ) 1 2 1 1 1 1 2. 字形測驗 ( 正確字形 同音字形使用辨識 ) 3 3 3 3 2 4 3. 字 詞義 解釋 ( 一字多義 古今異義 2 2 3 2 2 3 4.

More information

à è ú ì à ú è á ú à à á ù ó ò é é à ì ó ò ì í ó á á ì í ì ì ì é à é ì í ù á ì ó í à ó é ì ì ì ì á í à ì ò á ò à è í ù à ì à ú í á é ó ù ì à è ì ì ó ì ú ì ì à á ì ì á í í ì à í ú è ì í é à ì ù è à è

More information

中華民國第 四 十 七 屆中小學科學展覽會

中華民國第 四 十 七 屆中小學科學展覽會 中華民國第四十七屆中小學科學展覽會作品說明書 高中組生物 ( 生命科學 ) 科 040718 光鮮外表下的神秘面紗 - 探討草莓果實生長及其生殖 學校名稱 : 國立鳳新高級中學 作者 : 高二簡溥辰 指導老師 : 王美玲 高二謝宜芬 高二歐盈佛 高二陳柏維 關鍵詞 : 草莓 (Fagaria sp. ) 果實發育 (fruit develop) 萌芽 (germination) ~

More information

中國大陸輔助警察制度的問題與法制化研究 以 蘇州市警務輔助人員管理辦法 為例 專題研究 壹 前言 一 文職雇員

中國大陸輔助警察制度的問題與法制化研究 以 蘇州市警務輔助人員管理辦法 為例 專題研究 壹 前言 一 文職雇員 PROSPECT EXPLORATION 第 10 卷第 9 期中華民國 101 年 9 月 中國大陸輔助警察制度的問題與法制化研究 以 蘇州市警務輔助人員管理辦法 為例 A Research on the Issue Concerning Assistant Police in Mainland China and its Regulation: Suzhou as an Example 陳銘聰

More information

臺灣獎學金計畫學校聯盟清單 Association of Taiwan Scholarship Program 號次 No. 區域 Area 學校名稱 University 受理外國學生入學申請期間 Aapplication Deadline 電話 Contact Tel. 電子郵件 學

臺灣獎學金計畫學校聯盟清單 Association of Taiwan Scholarship Program 號次 No. 區域 Area 學校名稱 University 受理外國學生入學申請期間 Aapplication Deadline 電話 Contact Tel. 電子郵件  學 1 大同大學 Tatung 3/1~4/30 02-2592-5252 #2458 wongmrk@ttu.edu.tw http://www.en.ttu.edu.tw 2 3 國立政治大學 National Chengchi 國立陽明大學 National Yang-Ming 1/10~3/31 12/1~4/30 02-29393091 #62040 02-2826-7000 #2244 alison@nccu.edu.tw

More information

語言、文學kap民族國家ê建構:台語文學運動史初探

語言、文學kap民族國家ê建構:台語文學運動史初探 Koh 林 女 林 kah 理論 林 ti kah 理論 來 來 量 koh 來 林 kah 理論 來 歷 理論 論 kah Ti 流 ti ti 流 不 林 裂 不 來 kah 來 流 ti 略 來 林 理論 林 論 林 (1997b) ti 1993 年 林 2004 40 句 來 林 來 識 來 ti 1987 年 ti 識里 林 2004 兩 林 理論 kah ti 兩 立 呂 1998 23

More information

untitled

untitled 104-105 目錄 / 2 / 3 / 4 / 5 / 6 / 7 / 9 / 10 / 10 / 11 / 12 教育經營與管理學系課程與教學傳播科技研究所教育學系幼兒與家庭教育學系特殊教育學系心理與諮商學系社會與區域發展學系 / 16 語文與創作學系兒童英語教育學系藝術與造形設計學系音樂學系台灣文化研究所文化創意產業經營學系 / 20 數學暨資訊教育學系自然科學教育學系體育學系資訊科學系數位科技設計學系

More information

PROSPECT & EXPLORATION 第 12 卷第 1 期中華民國 103 年 1 月 壹 前言 (community) common 1 2 (communitarianism) (low politics) 1 中國行政評論 ( ) 10 1 ( ) 186

PROSPECT & EXPLORATION 第 12 卷第 1 期中華民國 103 年 1 月 壹 前言 (community) common 1 2 (communitarianism) (low politics) 1 中國行政評論 ( ) 10 1 ( ) 186 兩岸社區發展與社區交流之研析 專題研究 兩岸社區發展與社區交流之研析 A Study of Community Development and Community Interaction in Taiwan and Mainland China 張峻豪 * (Chang, Chun-Hao) 東海大學政治學系副教授 摘 要 關鍵詞 : 社區 社區發展 社區交流 兩岸關係 基層民主 * 47 PROSPECT

More information

6 20 12 28 CONTENTS NO.320 3 95 3 COVER STORY 1 COFFEE TIME 4 ADMINISTRATION 6 PRODUCTS 12 AQUARIUS OFFICE 14 20 23 LIONS 28 MY HEALTH 32 34 38 40 HUM

6 20 12 28 CONTENTS NO.320 3 95 3 COVER STORY 1 COFFEE TIME 4 ADMINISTRATION 6 PRODUCTS 12 AQUARIUS OFFICE 14 20 23 LIONS 28 MY HEALTH 32 34 38 40 HUM COVER STORY 2006/3 1 6 20 12 28 CONTENTS NO.320 3 95 3 COVER STORY 1 COFFEE TIME 4 ADMINISTRATION 6 PRODUCTS 12 AQUARIUS OFFICE 14 20 23 LIONS 28 MY HEALTH 32 34 38 40 HUMANITIES 42 S 46 56 46 68 MARCH

More information

Microsoft Word - 封面.doc

Microsoft Word - 封面.doc 國 立 台 灣 師 範 大 學 台 灣 文 化 及 語 言 文 學 研 究 所 碩 士 論 文 指 導 教 授 : 李 勤 岸 博 士 戰 後 台 語 文 學 運 動 ê 開 展 :1986-1991 研 究 生 : 蔡 瑋 芬 撰 二 六 年 六 月 說 謝 是 按 怎, 我 會 來 行 這 條 做 台 語 文 學 ê 路? 自 來 我 讀 華 語 文 學 作 品, 是 -bat 感 動 過, 但

More information

台語白話字文學選集出版頭尾研究

台語白話字文學選集出版頭尾研究 蔣為文 2012 改寫台灣新文學史 ê 台語白話字文學選集 出版頭尾研究, 海翁台語文學 127 期,2-25 頁 [Tâi-gí/Taiwanese] Tù-chok-koân sī Chiúⁿ Ûi-bûn ( 蔣為文 ) ê. Tī chun-siú ē-bīn ê 3 ê CC tiâu-kiāⁿ chi-hā, lí ē-sái chū-iû iáⁿ-ìn kap thoân-pò chit

More information

東華人文學報 第二期

東華人文學報  第二期 東華人文學報 第二期 2000 年 7 月 頁 125-142 東華大學人文社會科學學院 戲曲 關目 義涵之探討 提要 關鍵詞 : 戲曲 關目 情節 故事 表演 勞逸均衡 冷熱調劑 元刊雜劇三十種 曲論 125 戲曲 關目 義涵之探討前言 1 一 關目 之原意與 元刊三十種雜劇 的 關目 126 2 3 4 5 6 127 7 8 9 128 10 129 11 二 明清曲論中 關目 的義涵 12

More information

ji ng 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68

More information

Microsoft Word - 文件4

Microsoft Word - 文件4 五 畫 世 間 三 項 袂 囥 khng3 得 (p201) 解 釋 三 項 : 死 屍 糞 便 長 大 的 女 子 囥 khng3: 放 涵 義 形 容 女 子 長 大 之 後 就 必 須 要 嫁 人, 不 能 再 留 在 家 裡 對 應 華 語 女 長 須 嫁 女 大 難 留 世 間 事 予 你 袂 gau3 得 解 釋 予 hoo7: 給 袂 gau3 得 : 強 求 不 得 涵 義 形 容

More information

匪寇烈傳

匪寇烈傳 二 二 八 事 件 ê 眞 相 ( 台 灣 青 年 第 六 號 二 二 八 特 集 號 ) 原 文 刊 t 台 灣 青 年 第 六 號 (February, 1961) 第 82 頁 ~ 第 129 頁 台 文 選 譯 之 二 ( 第 109 頁 ~ 第 129 頁 ) 翻 譯 : 嬰 孫 ( 第 三 ) 八 嘉 義 機 場 拚 生 死 3 月 初 1 早 時, 嘉 義 聽 著 台 北 市 二 二

More information

一年二班 A081. 生活實業家 音樂教室三 一年二班 A071. 民主審議與公民行動 5F 多功七 一年二班 F191. 插畫設計與版畫創意 4F 圖書館 一年二班 A081. 生活實業家 音樂教室三 一年二班 C091. 打開潘朵拉的盒

一年二班 A081. 生活實業家 音樂教室三 一年二班 A071. 民主審議與公民行動 5F 多功七 一年二班 F191. 插畫設計與版畫創意 4F 圖書館 一年二班 A081. 生活實業家 音樂教室三 一年二班 C091. 打開潘朵拉的盒 107 學年度第一學期高一跨班 / 跨校選修課程 - 選課結果 班級 座號 科目 教室 一年一班 01 107A051. 探索生命世界的數學祕密 你我都是公民科學家 生物實驗室 一年一班 02 107F181. 動畫設計與邏輯思考 4F 圖書館 一年一班 03 107B111. 中崙趴趴 GO 廟宇篇 6F 多功能群組教室 一年一班 04 107B111. 中崙趴趴 GO 廟宇篇 6F 多功能群組教室

More information

: ) khgit 31 ai 33 ni 33 khum 31 sa 33 sa 55!! ( ) gai 33 phgo 31 ai 33 pg 33 log 33 n 55 ga 31 n 31 gai 33 ( ) ai 33 1 gi 33 khai 31 ai 33 mau 31 mui

: ) khgit 31 ai 33 ni 33 khum 31 sa 33 sa 55!! ( ) gai 33 phgo 31 ai 33 pg 33 log 33 n 55 ga 31 n 31 gai 33 ( ) ai 33 1 gi 33 khai 31 ai 33 mau 31 mui 1998 4,,,,,,, ai 33 a 31 na 55,,,, ai 33 : ai 33 1 1. ai 33 1 :, : 4 : ) khgit 31 ai 33 ni 33 khum 31 sa 33 sa 55!! ( ) gai 33 phgo 31 ai 33 pg 33 log 33 n 55 ga 31 n 31 gai 33 ( ) ai 33 1 gi 33 khai 31

More information

國立臺灣師範大學臺灣語文學系學士班課程架構表 (108 學年度入學者適用 ) 本系學士班應修畢下列各課程類別 課程類別 001 ~ 006 學士班共同科目 110 ~ 199 學士班各系基礎課程 200 ~ 299 學士班程度課程 300 ~ 399 學士班 ~ 碩士班程度可修之課程選修外系各課程類

國立臺灣師範大學臺灣語文學系學士班課程架構表 (108 學年度入學者適用 ) 本系學士班應修畢下列各課程類別 課程類別 001 ~ 006 學士班共同科目 110 ~ 199 學士班各系基礎課程 200 ~ 299 學士班程度課程 300 ~ 399 學士班 ~ 碩士班程度可修之課程選修外系各課程類 國立臺灣師範大學臺灣語文學系學士班課程架構表 (108 學年度入學者適用 ) 本系學士班應修畢下列各課程類別 課程類別 001 ~ 006 學士班共同科目 110 ~ 199 學士班各系基礎課程 200 ~ 299 學士班程度課程 300 ~ 399 學士班 ~ 碩士班程度可修之課程選修外系各課程類別 ( 自由選修 ) 學生學生應修習學分數 28 學分體育 軍護教育學分另計 72 學分 28 學分

More information

Oatlam-lang tu oh Taigi e si Kholeng e Hoat-im Chho-ngo.

Oatlam-lang tu oh Taigi e si Kholeng e Hoat-im Chho-ngo. 越南人 tú 學台語 ê 時可能 ê 發音錯誤 蔣為文 成功大學台灣文學系 Chit 篇文章 ê 目的是 beh 探討越南人 tú 開始學台語 ê 時 khah 容易出差錯 ê 發音錯誤 本文針對越南話 hām 台語做音韻系統 ê 對比分析,ah koh 用 33 位越南人來做台語語音 ê 認 bat 實驗 實驗結果證明越南人對台語 ê /ts/ /ts h / /kh/ /l/ kap 台語第七聲

More information

聽 母 親 說 話 散 文 讀 本 4 美 麗 的 陷 阱 002

聽 母 親 說 話 散 文 讀 本 4 美 麗 的 陷 阱 002 蔡逸君 作者介紹 蔡逸君 1966 出生於彰化小 農村 文化大學戲劇系影劇組畢業後 當過電影場記 副導演與編劇 跨足寫 作 劇場等不同領域 為一多棲的創作 人 三十歲開始文學創作 2004年在妻子的全力支持下 離開 聯 合文學 雜誌編輯工作 做一位專職作家 專心做兩件事 走路與 寫字 發表文章於報刊專欄 出版有小說 童顏 笑彈祕笈 鯨少年 我 城 曾獲台北文學獎新詩首獎 中央日報 文學獎短篇小說第

More information

C3特教班學習領域課程計畫

C3特教班學習領域課程計畫 臺南市安南區土城國民小學 105 學年度第一學期資源班班領域教學進度表 ( 學習領域課程計畫表 ) 領域 : 社會技巧領域組別 :M/3 教學者 : 陳鴻佳老師每周教學節數 :1 節 1. 能加強多元性別互動技巧 (2-b-4) 2. 能加強學校基本適應技巧 (3-b-1) 3. 能加強社區基本適應技巧 (3-b-2) 第一週 8/29-9/3 第二週 9/4-9/10 第三週 9/11-9/17

More information

台灣語文學系課程架構表 (97) 課程類別 學分別適用類別 必修選修師資培育非師資培育 通識教育課程 共同必修課程 通識選修課程 教學基本學科課程 教育基礎課程 教育專業課程 教育方法學課程 教學實習及分

台灣語文學系課程架構表 (97) 課程類別 學分別適用類別 必修選修師資培育非師資培育 通識教育課程 共同必修課程 通識選修課程 教學基本學科課程 教育基礎課程 教育專業課程 教育方法學課程 教學實習及分 台灣語文學系課程架構表 (97) 課程類別 學分別適用類別 必修選修師資培育非師資培育 通識教育課程 共同必修課程 10 0 10 10 通識選修課程 0 18 18 18 教學基本學科課程 10 0 10 - 教育基礎課程 4 0 4 - 教育專業課程 教育方法學課程 6 0 6 - 教學實習及分科教材教法 10 0 10 - 選修課程 0 10 10 - 本系必修課程 32 0 32 32 專門課程

More information

新舊惡靈的決戰 散文讀本1 遊戲開始 002 現場一

新舊惡靈的決戰 散文讀本1 遊戲開始 002 現場一 拓拔斯 塔瑪匹瑪 作者介紹 拓拔斯 塔瑪匹瑪 1960 漢 名田雅各 南投縣信義鄉布農族人 高 雄醫學院醫學系畢業後 以台灣原住民 醫療服務為職志 而曾服務於台東縣蘭 嶼鄉 高雄縣三民鄉及桃園鄉衛生所 以及省立花蓮醫院 目前則服務於台東 縣長濱鄉衛生所 其足跡常往 只有他一個醫師 的地方跑 一心 一意為台灣原住民族醫療服務的心願 始終沒變 1981年 拓拔斯以自己為名的小說 拓拔斯 塔瑪匹瑪 獲得了高雄醫學院南杏文學獎小說類第二名

More information

中華民國 第49屆中小學科學展覽會

中華民國 第49屆中小學科學展覽會 中華民國第 49 屆中小學科學展覽會 作品說明書 高中組生活與應用科學科 040814 太陽能光控節能窗簾 學校名稱 : 基隆市私立二信高級中學 作者 : 指導老師 : 高二許栢豪 王永富 高二林宸漢 高二謝誌倫 高二許硯鈞 關鍵詞 : 太陽能 光控電路 窗簾 CO2 1 6 1900 1 3 84 580 CO2 1-1 2003 CO2 4.57 CO2 1.43 1-2 1-1 CO2 1-2

More information

Microsoft Word 梁淑慧

Microsoft Word 梁淑慧 台語書寫文字形式的比較 梁淑慧 本研究以書面 kap 閱讀能力測驗的方式來比較台語的書寫文字形式 所比較的文 字形式有 羅馬字 漢字 kap 漢羅合用字 三種, 每一種 koh 分別設計經過斷 詞處理 kap 無經過斷詞處理的形式 234 份閱讀能力測驗透過統計來分析 研究結果顯示 : 一 經過斷詞的文字形式比無經過斷詞的文字形式 khah 好讀, 對文章的理解正確率 khah koan, 閱讀速度

More information

Palmer & Yu 2013 地方道教論文集PRE-PUB

Palmer & Yu 2013 地方道教論文集PRE-PUB Title 廣東省英德市黃花鎮醮儀紀實 Author(s) Palmer, DA; Yu, WT Citation 地方道教儀式實地調查比較研究國際學術研討會, 中國香港, 2011 年 4 月 21-23 日. In 地方道教儀式實地調查比較研究國際學術研討會論文集, 2013, p. 469-502 Issued Date 2013 URL http://hdl.handle.net/10722/205323

More information

1

1 1 2 3 6 16 26 36 38 4 6 48 58 68 70 71 72 76 78 5 Lesson One te 7 it 4 kho 3 ko 2 ca 2 bi 7 e 5 hu 2 siann 5 tai 5 lam 5 6 hioh 4 juah 4 a 1 lam 5 in 1 kui 1 ke 1 he 2 kau 3 tai 5 lam 5 hu 2 siann 5 e

More information

ì ó è à ù í ú á é à à è á è é á ó é è ì è è è á è ò ù é é ò ú è è è é ù ù á í ù à í í í à ó í é ì é ù ó ì áá á è à á ó á ì à ì í ù úù á í à íí ì à ò è í ù ì ì ì ó á ì

More information

2. 7 3. 2 (669 6600 2 9 4. 6 8 10 5. 6. 19 30 15 23 (1662 50-100 2 42

2. 7 3. 2 (669 6600 2 9 4. 6 8 10 5. 6. 19 30 15 23 (1662 50-100 2 42 1 一 閩 南 語 及 閩 南 族 群 的 形 成 4-1 1. 4-1 1 41 2. 7 3. 2 (669 6600 2 9 4. 6 8 10 5. 6. 19 30 15 23 (1662 50-100 2 42 43 4-1 ( b ( a ( ( ( ( ( ( [ ] ( ( ( ( ( ( ( ( ( ( ( ( ( ( ( ( ( ( ( ( ( ( ( ( ( ( ( ( (

More information

ù á ù é à è è è à è è è è è è è è è è è è è è è è è è è è è è è è ú

More information

ù á ù é à è è è à è è è è è è è è è è è è è è è è è è è è è è è è ú

More information

2 3 4 5 6 7 8 9 10 11 12 13 14 15 16 17 18 19 20 21 22 23 24 25 243,1052,272 791222101452 2014719 58339347 396634355 196413164 28269 26 27 28 29 () () () () () () () () () () () () () () () () () () ()

More information

8 20 32 44 48 2 6 62 70 82 86 87 88 91 93 3 6 7 Lesson One te 7 it 4 kho 3 ko 2 ca 2 bi 7 e 5 hu 2 siann 5 tai 5 lam 5 8 hioh 4 juah 4 a 1 lam 5 in 1 kui 1 ke 1 he 2 kau 3 tai 5 lam 5 hu 2 siann 5 e

More information

臺南一中 / 程美鐘老師國文考科 壹前 言 貳選擇題命題趨勢分析 101 年 ~104 年學測題型統計表 測驗目標 年度 基礎形音義 字音 字形 字 詞義 成語 文法與修辭 理解與

臺南一中 / 程美鐘老師國文考科 壹前 言 貳選擇題命題趨勢分析 101 年 ~104 年學測題型統計表 測驗目標 年度 基礎形音義 字音 字形 字 詞義 成語 文法與修辭 理解與 臺南一中 / 程美鐘老師 發行人 陳炳亨出版 民國一 四年九月 總召集 周耀琨 總編輯 蔣海燕 發行所 7 0 2 4 8 臺南市新樂路 76 號 編輯部 7 0 2 5 2 臺南市新忠路 8-1 號 主編 江欣穎電話 (06)2619621 #314 校對 陳慧君 E-mail periodical@hanlin.com.tw 美編 李懿娟 杜政賢翰林我的網 http://www.worldone.com.tw

More information

語文與創作學系 ( 文學創作組 ) 大學部課程結構與教學科目表 106 學年度 科目修學時開課備科目中文名稱科目英文名稱代碼別分數年級註 文學創作組專門課程 ( 必修 38 學分 選修 32 學分, 合計 70 學分 ) 兒童文學 Children's Literature 必 2 2

語文與創作學系 ( 文學創作組 ) 大學部課程結構與教學科目表 106 學年度 科目修學時開課備科目中文名稱科目英文名稱代碼別分數年級註 文學創作組專門課程 ( 必修 38 學分 選修 32 學分, 合計 70 學分 ) 兒童文學 Children's Literature 必 2 2 文學創作組專門課程 ( 必修 38 學分 選修 32 學分, 合計 70 學分 ) 124700 兒童文學 Children's Literature 必 2 2 1 上 036400 文法與修辭 Grammar and Rhetoric 必 3 3 1 上 038001 文學概論 ( 上 ) Introduction to Literature Ⅰ 必 2 2 1 上 038002 文學概論 (

More information

認同 差異與發聲 性別教學演練 壹為什麼需要學習這議題? 21 94

認同 差異與發聲 性別教學演練 壹為什麼需要學習這議題? 21 94 第 5 章祝你身體健康! 性別與健康 醫療的課程教學 成令方 作者介紹 東海大學政治系畢業, 英國里茲大學東亞研究副博士, 英國艾賽斯克大學社會學博士 曾任英國西敏斯特大學專任高級講師 輔仁大學社會系助理教授, 現任高雄醫學大學性別研究所副教授兼所長 性別研究中心主任 我從事婦女運動 性別研究多年 年輕時受不了父權體制的限制與不公平, 經常憤恨咬牙 ; 年長後, 體認到社會文化的改革非一夕可成, 反而笑嘻嘻的來對待

More information

Microsoft Word - Tridentine NL_C.docx

Microsoft Word - Tridentine NL_C.docx 聖人慶日及節日 五月十一日 聖斐理伯與聖雅各伯 宗徒 慶日 五月二十九日 耶穌升天 節日 五月三十一日 聖母天地元后 慶日 文章分享 淺談拉丁文在天主教會的重要性 緒論 一直以來 教會拉丁語被視為西方文化之基石和羅馬天主教會的官方語言 可是在 近四十年來 這種 天主教徒的特徵 (sensus catholicus) 已從教會禮儀 信友靈修生活 等逐漸褪色 這現象當然與人們 甚至神長和教會機構對拉丁語應用之誤解有關

More information

台語羅馬拼音符號ê競爭

台語羅馬拼音符號ê競爭 羅 ê Iûⁿ Ún-giân 蓮 Email : ungian@ms01.dahan.edu.tw http://iug.csie.dahan.edu.tw ê 羅 lō -koh 來 kan-na chhun 羅 kah tih beh ê 羅 ê ê 度來 理 羅 羅 Abstract Many competing romanization schemes for Taiwanese have

More information

5x 2y = 10 2x 5y = 8 1 0 04 075.. 0 0 2 0 9 0 75... 0 0 0 4 0 75.. à è 1000 X X 20 = 1 1000 50 1000 1 X 5000 X 50 25 1000 X 40000 1000 X 3 + 5 2.61803398 1.61803398

More information

漢字對台灣人e語言認知e影響

漢字對台灣人e語言認知e影響 漢字對台灣人 e 語言認知 e 影響 Wi-Vun Taiffalo Chiung ( 蔣為文 ) The University of Texas at Arlington taiwanesefirst@yahoo.com 研究動機 漢字 e 特色是 一字一音節 每一字 long 具備 形 音 義 漢語 1 ti 語言學 laite e 分類是屬 孤立語 (isolating language) Be-chio

More information

1 471 1989 15 1983 623 627 10 1980 198 1992 416 423 424 [ ]C 1987 25 26 [ ]C 1987 25 26 1983 27 A O 139 114 37 37 38 A O 237 1959 9 8 189 1979 7 46 86 ÿ é

More information

Microsoft Word - 02呂柳仙 _1_更新版.doc

Microsoft Word - 02呂柳仙 _1_更新版.doc 傳 統 唸 歌 歌 仔 先 呂 柳 仙 陳 兆 南 作 者 簡 介 陳 兆 南, 逢 甲 大 學 中 文 系 副 教 授, 著 有 水 滸 故 事 的 源 流 演 變 及 其 影 響 研 究 宣 講 及 其 唱 本 研 究 台 灣 歌 冊 綜 錄 及 論 文 陳 三 五 娘 唱 本 的 演 化 近 作 有 台 灣 省 文 獻 會 藏 善 本 歌 仔 冊 及 通 俗 讀 物 敘 錄 歌 仔 冊 的 版

More information

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 é 48 è 49 50 51 à 52 53 54 55 56 57 58 59 60 61 62 63 64 65 66 67 68

More information

é è à è è ê é è ü

More information

第一章 日據前與日據時期的城鄉發

第一章 日據前與日據時期的城鄉發 第 四 章 美 術 第 八 篇 藝 文 本 章 共 更 四 節, 本 鄉 因 天 災 地 變 頻 繁, 產 業 結 構 ㄧ 直 不 穩 定, 故 居 民 外 移 者 眾 清 領 時 期 幾 乎 蒐 羅 不 到 美 術 作 品, 本 章 最 早 的 作 品 只 收 錄 日 治 大 正 十 年 (1921), 曾 瑞 珠 所 寫 的 筆 記, 將 其 列 在 書 法 作 品 中 由 於 所 更 作 品

More information

國 文 景 美 女 高. 涂 釋 仁 老 師 壹 前 言 93 8 94 1 98 1 101 98 102 貳 測 驗 題 之 測 驗 目 標 1 2 3 4 98 表 一 98~101 學 測 測 驗 題 能 力 指 標 統 計 年 度 題 數 98 99 100 101 四 年 總 計 四 年

國 文 景 美 女 高. 涂 釋 仁 老 師 壹 前 言 93 8 94 1 98 1 101 98 102 貳 測 驗 題 之 測 驗 目 標 1 2 3 4 98 表 一 98~101 學 測 測 驗 題 能 力 指 標 統 計 年 度 題 數 98 99 100 101 四 年 總 計 四 年 國文考科 景美女高 涂釋仁 老師 發行人 陳炳亨 出 版 民國一 一年九月 總召集 周耀琨 發行所 7 0 2 4 8 臺南市新樂路 76 號 總編輯 蔣海燕 編輯部 7 0 2 5 2 臺南市新忠路 8-1 號 主 編 陳俊龍 電 話 (06)2619621 #314 校 對 游振姍 E-mail periodical@hanlin.com.tw 美 編 宋易儒 翰林我的網 http://www.worldone.com.tw

More information

ZX 102 國 文 科 大 甲 高 中 朱 碧 霞 老 師 壹 前 言 102 99.07.29 1. 2. 3. 4. 99 101 38 2 76 1 24 102 1. 20 2. 6 18 1 貳 試 題 分 析 99 101 102 一 選 擇 題 1 99~101 年 試 卷 架 構

ZX 102 國 文 科 大 甲 高 中 朱 碧 霞 老 師 壹 前 言 102 99.07.29 1. 2. 3. 4. 99 101 38 2 76 1 24 102 1. 20 2. 6 18 1 貳 試 題 分 析 99 101 102 一 選 擇 題 1 99~101 年 試 卷 架 構 102 四技二專 統一入學測驗 大甲高中 朱碧霞 老師 共同科目 國文 發行人 陳炳亨 總召集 周耀琨 總編輯 蔣海燕 主 編 陳俊龍 校 對 黃筱閔 美 編 林靖雨.本書內容同步刊載於翰林我的網 出 版 民國一 二年一月 發行所 7 0 2 4 8 臺南市新樂路 76 號 編輯部 7 0 2 5 2 臺南市新忠路 8-1 號 電 話 (06)2619621#314 E-mail periodical@hanlin.com.tw

More information

第 6 卷第 8 期中華民國 97 年 8 月 太原師範學院學報 重慶郵電學院學報 福州大學學報 佳木斯大學

第 6 卷第 8 期中華民國 97 年 8 月 太原師範學院學報 重慶郵電學院學報 福州大學學報 佳木斯大學 兼析中西意識流文體之異同專題研究專題研究 王蒙意識流小說淺論 兼析中西意識流文體之異同 王蒙意識流小說淺論 An Introduction of Wang Mon s Ideological Novels Analyzing the Differences and Similarities between Chinese and Western Ideological Novels 林文軒 (Lin,

More information

untitled

untitled 北 年 度 領 參 II 北 III 陸 錄 參 錄 IV V 1 2 3 4 參 錄 5 6 參 錄 7 8 9 10 11 12 13 14 15 16 17 18 19 20 21 22 23 24 25 26 27 1 2 1 2 28 29 (三) 教學方法 躍華小學語文課程中的第一個板塊 教科書教學採用單元整體教學的思 路 教授一個主題單元時 可以把教學過程分成幾個模塊 自學模塊 字詞

More information