2.20 Tedim.pmd

Transcription

1 1 2 KHANGCIN GCING G SABB ABBATH SCHOOL LAISIANGTHO SINNA NA Laisiangtho Koici Khiat Ding Frank and Micheal Hasel a&;om;aom Laisiangtho Koici Khiat ding pmtkyftm; odu mawmf&"r q&mod;rdk;ckdifidkac:eefrs wd;wdefcsif;jyefqdkonf/ Sabbath School Lesson wd;wdefcsif;bmom yhkesdyfol OD;zkef;Edkif (00354) refae*sm uif;apmifhyhkesdyfwdkuf 206 a&topömvrf;? &efuif;nrkdue,f &efukefnrkdu xkwfa0ol OD;apmxDrao (00589) OuúX jrefrmjynfowåraeyoykoftoif;awmf 68 OD;0dpm&vrf;? &efukefnrkdu tkyfa& "r 'ge April, May, June 2020 yxrtbudrf T-1

2 3 4 Asung A Om Thute 1. Tehpih Omla Laisiangtho (March 28-April 3) Laisiangtho Bulpi Leh Pianzia April Laisiangtho - Zeisu Leh Nungzuite Mudan April Laisiangtho- Biaknathu KLhempeuh Bulpi April Laisiangtho Bekmah (April 25-May 1) Banghang Letkhiat Kul? (May 2-8) Kampau, Athu, Leh A kizoppih Thute May Piansakna: Piancil a Tawphah, Khen 1... May Piansakna: Piancil a Tawphah, Khen 2... May Laisiangtho in Tangthu Hi May 30 - June Laisiangtho Leh Genkholhna June A Haksa Laimaite (June 13-19) Pasian Kammal tawh Nungta... June LAISIANGTHO KOICI KHIAT DING Ei Seventh-day Adventists tepen, Protestants a kici, Laisiangtho bekmah khuavak ci a, upna tawphahpi a neite ih hihi. Hun nunung a ding EGWhite genna ah Laisiangtho bulkip in len a, upna thukhunpi leh kipuahphatna zungpi dingin a kemcing mipawlkhat nei hi The Great Controversy, p. 595, cihi. Laisiangtho bekmah bulphuh a kicikeei Protestant khempeuh zong i kibang keilailai hi. Ni sagih Sabbath khawng Sunday tawh laih, Kha sitheilo a citawh, hell kuang den a citawh, Zeisu in a mite a simtham in lato aci tawh om ngeingai hi. Laisiangthobu omgige napi, upna maanlo tampitak, Laisiangtho bulphuhmah in hong pokhia ziazua ahih manin, Laisiangtho khiatdaan i theih mahmah kulta hi. Tua ahih manin, tu quar ter Khangham laisinna pen, Laisiangtho Koici Khiat ding ci hihang. Akipatna ah, Pasian kam mal in a puktheilo Ama deihna leh; gamtatna thubulpi, upna thukhunpi, leh Tangthu sungah a muanhuai Pasian nasepna ci in honglak hi Seventh-day Adventists Believe.. (2nd Ed.) (Nampa: Idaho: Pacific Press Publishing Association, 2005), p. 11. Tomgen leng, Laisiangtho pen leitungah i tangko ding thuman thutak bulpi ahihi. Pasian lamlahna tawh hong kipia hi a, thuman thutak hilhna ding, a khialte taaina ding, a manlote aman a puahna ding thuhilhna dingin manpha mahmah (2Tim. 3:16) cihi. Laisiangtho buppi a cih nungsang, a buppi mah hipah a, eigam eilei ei ngeina khawngtawh a kituak ding kammal zatzong maan thei tuanlo hi. Hihpan kipan in, Laisiangtho khiatdaan, ama hong hilhdante ensuksuk leng, Science lam, philosophy lam leh tangthulam i etma in, Laisiangtho sungteek panin thuman

3 5 6 i zong masa ding hi. Pasian misiangthote in Khasiangtho humuapna tawh (2 Peter 1:21) ci hi. Hih Pasian misiangthote Khasiangtho humuapna in eite teltheihna ding hong huh ding hi. Gentehna, Paul leh a dang lungdamthu gelhte n laisiangtholui bangci khiat uh? Amau lai gelhte Pasian humuam ahihleh, amau simdan khiatdan in, amautawh kibangthei dingin hong huh thei ding hi. Zeisu n zong Laisiangtho koici khiat hiam cihte sangin a hoihzaw etteh dingdang mu tuanlo ding hihang. Tua kawmin, eite ngaihsutdan, muhdan eima kammal, ngeina leh tangthute tawh sinleng teltuam ding hihang. Thu gentehnate, genkholhnate, tangthute, hanthotna, phatna late, mangmuhna leh mangte Laisiangtho sungah omngeingai uhhi. Hihte bek hilo, hellthu Sunday thu cihte zong kihel lai ding hi. Koici khiat ding cih kisin nimaw. Frank M. Hasel, Ph.D., General Conference of Seventhday Adventists,Biblical Research Institute (BRI) ah Associate Director hi a;michael G. Hasel, Ph.D., in, Southern Adventist University ah Director of the Institute of Archaeology; Lynn H. Wood Archaeological Museum., ah Professor of Religion ahihi. LESSON 1 *March 28 April 3 TEHPIH OMLO LAISIANGTHO SABBATH NITAKLAM March 28 TUKALSUNG SINGDING: Thuhilhkikna 32:45 47; Pian. 49:8 12; Isa. 53:3 7; 1 Cor. 15:3 5, 51 55;Romte. 12:2. KAMNGAH: Nangma thupen lam honglak ding meivak hi a, kapaina lampi ah Khuavak a hihi Late 119:105. Laibu 66 kigawmtuah, kum 1,500 sungteng Asia, Africa leh Europe sungtengpan, mi 40 val in a gawmtuah uh hi napi, tehpih omlo Laisiangtho ahihi. Kibatpih biakna laibu dang ompeuh mahlo hi. Pasian kammal ahihhang ahihi. Khazih hunkhit kum zalom lina khawngpan kipan, lailom 24,600 bang omhi. Plato lailom 7, Herodotus lailom 8, Homer s Iliadbel 263 bang omlai sam hi. Tua in laisiangthothak pen a dangte sang thupi kisazaw veve cihna hi. Laisiangtho bu in, a ki letkhia masapen laibu, setpi tawh a kipeikhia masapen laibu, kam namtuamtuam tawh a kihawmkhia masapen, leitungmi 95% in a sim laibu ahihi. Tehpih neilo Pasian hong gupkhiatna nasep leh tangthute tawh kidim hi. Tangthu tungtawnin, Pasianin leitung paizia leh, Ama tawntunggam phuhdingthu genkhol hi. (2Tim. 3:16, 17) Khasiangtho humuap a hih mahbangin, a nungta Pasian kammal hi a, tua thuman in, a simte lamlak tawntung hi (John 14: 16, 17; John 15:26; John 16:13).

4 7 8 SUNDAY March 29 A NUNGTA PASIAN KAMMAL Mikhat in a sihkuan a kam thupite vaikhak thei zel hi. Laisiangtho kipatna lamlaibu-nga gelhpa Moses in, a sihkuan in, mipite lakhat a sak hi (Thuhilhkikna 31:30 32:43). Thuhilhkikna 32:45 47 simin. Moses in, Pasian kammal vangliatna tawh, Hebrewte kamciamgam a tutpih theihna koici gen hiam? Moses kam vaikhakte lakah hanthotna khauh omhi. Pasian in amah Moses tungtawnin a vaikhaksa khempeuh, lungsim sungah tengsak in, nuntakpih ding deih hi. Tate tuute kihilhsawn in Pasian hotkhiatna kamciam lenkip ding deihsak hi. Kammal khatpeuh tengkhia ding hilozaw a, thukhamna khempeuh mang ding deih hi (Thuhilhkik 32:46). Leitung hunbeikuan nangawnin, Pasian in, Ama kammal tungah a citak a, thukhamte a lenkip, Zeisu teci panna a nei mipawl nei ding hi (Mang 12:17). Laisiangtho tungah thuman ding uh a, leitung hauhna lel ahilo, Zeisu hong bawlkholsak innpi luah dingte ahi uhhi (John 14: 1-3). John 1:1 5, 14; John 14:6 simin. Zeisu leh tawntung nuntakna vai bang hong hilh hiam? Thu in ci leh sa hong suak cih leh, Laisiangtho humuapna koici kizop hiam? Laisiangtho buppi mungtuppi in Zeisu hi. Messiah in ci leh sa tawh hongpaisuk napen, Laisiangtholui kamciam a tangtunna ahihi. Amah nungta, si, nungtakik ahihna Laisiangtho in tel tak in hong gen banah, a hoihzaw tawntung nuntakna zong hong kamciampah hi. Thuhilhkikna 32:47 simkik lai in. Pasian thu namanh manin, na guaksuak lohna bangpeuh om a, Pasian upna leh a thumanna in banghang in mawkmawk hetlo hiam? MONDAY March 30 KUA N LAISIANGTHO GELH, KOI AH? Laikungpute, teenmun, amau dinmun kibanglo, a tuamtuam hi a, leitung kilamdanna ngeina kibanglo tampi ommah leh, Pasianin, a mipite tungah thupuak puakdingin zangthei veve hi. A nuai a munte n Laikungpute leh amau dinmun tuamtuamte bangci in hong lak hiam?(paikhiat. 2:10, Amos 7:14, Jer. 1:1 6, Dan. 6:1 5, Matt. 9:9, Phil. 3:3 6, Mang. 1:9). Laisiangtho pen, ngeina omna kibanglo mi a tuamtuamte gelh ahihi. Pawlkhat kumpi inn pan, pawlkhat thongsungpan, pawlkhat hawlkhiat gampan leh Pasian nasem vak kawikawite ahi uhhi. Pilna a tuamtuam leh tuucing nasep semte ahi uhhi. Khangno, khangham zong om uhhi. Tua bangte gen vet omlo in, ki thutuakna

5 9 10 khat nei uhhi: Pasian in samuh a, Khasiangtho humuapna tawh mipite ading thupuak a puaktek uhhi. Laikungpu pawlkhat te n amau mitmuh lian a ciamteh uh ahihi. Pawlkhatte leuleu, thupen hoihtak kantel sitset in, mantaktak hi acih uh ciangin (Joshua 10:13; Luka 1:1-3) ciamteh pan uhhi. Ahihhang, avekpi in, humuapna tawh (2Tim. 3:16) ahihi. Tua ahih manin Paul in eite hilh nading, eite n lam-etna nei in ih thuakzawh nading, i thahat theihna ding a kigelh ahihi cihi (Rome 15:4).Mihing kammal apiangsakpa in tua kammal a zang mimal muanhuaite teelkhia in ki zopna hong neithei hi. Ama aaiawh mimah tawh hong kizoplel pen Pasian lungkim mahmah ahih manin, Kha siangtho tawh kidimsak in na semsak hi. Amau lungsim suangvuah makaih in, gen ding leh gelh dingte hilh hi. Leitung mite mah hi napi, vantungnate bangin zangthei lel hi. Ellen G. White, Selected Messages, book 1, p. 26. Laikungpu tuamtuam leh, kampau nam tuamtuamte lakah, Pasian khatbek in lak hi. Hih thuman in Pasian kammal mantaktak ahihna hong bangci lak hiam? TUESDAY March 31 LAISIANGTHO IN GENKHOLHNA I Laisiangtho bu sungah 100 ah 30% pen genkholhna vive ahih manin, biakna laibu dang tetawh tehpih theihloh in ding hi. Genkholhte leh a tangtunnate ki ciamteh khawm a hih manin, Pasian in tangthu sungah gamtang bekthamlo, a piangding thute zong genkhol hi (Amos 3:7). Laisiangtho in a nungta kammal, tangthu kammal leh genkholhna kammal ahihi. A nuai a Laisiangtho munte in Messiah hong pai ding koibang in genkhol hiam? Piancil 49:8 12. Late 22:12 18 Isaiah 53:3 7. Daniel 9:2 27. Micah 5:2. Malachi 3:1. Zechariah 9:9. Laisiangtholui sungah Messiah hongpai dingthu 65 vei bang kipulaak a, limciingte tawh simkhawm laileng tampi phalai ding hi(sagawh biakpiaknate).hih genkholhnate pen kumpi ciangkhut len tawntung ding hi (Pian. 49:10) a cihbang leh Judah gam Bethlehem ah suak ding hi (Micah 5:2); amah ki simmawh in kinial ding hi thumanlo in kisat ding a, ama kidaal na ng kamkaa lo ding hi (Isa. 53:3-7); a khut a khete kiliamsak ding a, ama puante a kimhawm dinguh hi (Late 22:12-18).

6 11 12 Laisiangtholui genkholh thute in, Zeisu nuntak, sih leh thawhkikna sungah tangtung gai a hihmanin thumaan ahihi. Amah n ama cihbang in a piangpa ahihi. A sih leh a thawkikna ah lai- siangtholui kamsangte cihbang lianin tangtun hi ((Luka 9:21, 22; Mate 17:22, 23), Jerusalem kisiatna (Mate 24:1, 2), leh nihveina hongpai ding(john 14:1 3). Hong sunglutna, a sihna leh a thawhkik ding Laisiangtho genkholh bangin tangtun hi. Zeisu leh asihna sungah nong hopsawn theih ding bang upna nanei hiam? Khaan sungah hawmsawn inla, bangin hong tawsawn cihzong genin? WEDNESDAY April 1 LAISIANGTHO IN TANGTHU Laisiangtho in tangthu ahih manin, a dang siangtho laibu tetawh tehpihtheih hilo hi. Mi khatpeuh ngaihsutna (Buddha leh Confucius) hiziau lo a, mungtup lianpi tawh, tangthu sungah Pasian nasepna ahihi. Tua mungtupte (1) Kamciam Messiah (2) Zeisu nihveina kumkikna cihte a hihi. Tanglai Judea tepan tuhun Christiante upna thugui in, tanglai Egyptbiaknalui pan tuhun nisuahna lamgamte biakna khawngtawh tehtheih hihetlo hi. 1 Corinthians 15:3 5, 51 55; Romans 8:11; leh 1 Thessalonians 4:14 simin. Zeisu thawhkikna pen tangthu sungbek hilo a, eite mimal ading khiatna nei cih bangci lak hiam? Lungdamthu bu 4 leh Paul laibute in, Zeisu si a, kiphum leh pumpi mahtawh thokik, mi tampite mai ah kilaak cihi. Hansungah a sial ngiatte leh a thawhkik mitmuhte teci panna ahihi. Ama pumpi a lawngngiat leh a annekpih ngiatte ahi uhhi. Mary Magdalene, Mary (Zeisu nu) leh midang tampite in Zeisu thokik mu uhhi. Emmaus lampi tungah nungzui nihtawh kiho uhhi. Lung damthupuak sawlna zong pia hi. Laisiangtho tecite akinial leh eite upna zong a mawkna ci hi (1Corinth 15:14). Laikhia dangte in awngthawl, hawm (REB) leh manneilo (NIV) ci uhhi. A nungzuite n I Topa thokik takpi hi (Luka 24:34) ci uhhi. Greek laimal ontos in thupiang takpi a cihna ahihi. Tua kammal pen taktak mantak thudik ci in kikhia hi. Nungzuite in I Topa tho kik taktak hi ci uhhi. Khazihpen misite lakpan gah masa (1 Cor. 15:20)kici hi. Tangthu sungah Zeisu sihna pan pumpi taktak tawh thokik cihthu in, Amah bangin eite zong thokik ding cihna ahihi. Misiang thote in Khazih sungah nungta ding (1Corinth 15:22) hi. Hih kammalte in Khazih mite a thuman citakte hong kumsuk niciang (1Corinth 15:23) pengkul nunung gin ciang in kithak bawl ding cihthu hong hilh hi. Eite upna sungah, misite ihmu uh ahih manun, thawhkik nathu in banghangin thulaigil hithei hiam? Tuathu lo in i upna in, banghangin mawkna hithei ding hiam? THURSDAY April 2 THU IN PUAHPHATNA VANGLIAN NEI 2 Kumpi 22:3 20 simin. Banghangin kumpi Josiah in a puan balkeek hiam?amuh khiatthu in, Amah bek hilo, minambup koibangin kheelzo thei hiam?.

7 13 14 BC 621 kumin, Josiah kum 25 pha a, Siampi Hilkiah in thukhamna Laibu Moseslaibu masa 5 teng, mukhia hi. Adiak in Thuhilhkikna bu simpha diak uhhi. A pa Amon leh a Pu kumpi ginalopenpa Manasseh maan hunsungin, Baal, Asherah leh vantungnate (2Kumpi 21:3-9) biakna kawmkal ah tua laizialte mangthang hi. Josiah in, thuciamte a zakciangin, Pasian taktak biaknapan a mite gamlapi tungkhin cih a muh ciangin dahna tawh a puan balkeek hi. Gamsung buppi munsangnate khiasuk in, milim khempeuh susia a, puahphatna hong kipan pahhi. Tuateng a zawh khit ciangin, biakpiakna munkhatbek: Jerusalem ah Pasian biakinnpi sung bekah biakna pia uhhi. Tua a kimukhia Pasian kammalte in mipite lungsim zo, puahpha, kisikkik in kikheelsak hi. Tua kikheelna Josiah pankipan in Judah gambup kilawhgawp hi. Laisiangtho in eite nuntakdan hong kheelzo a, hotkhiatna lampi honglak cih koibangin hong telsak hiam?john 16:13, John 17:17, Hebrews 4:12, and Romans 12:2. Laisiangtho vangliatna teci lianpen in, nuntakdan hong kikheelsakna ahihi. Mihing mawh na leh gitnatlohna teng hong lakkhiatsak leh gumpa i kisapna hong telsak tua laisiangtho kammal mah hi. Tehpihbei Laisiangtho in, tangthu lah hi, genkholhna lah hi, nuntakdan zong kheelzo a hih manin, khiatdan zong tehpih omtheilo hi. Laibu dangte bangin kikhia theilo hi. A nungta Pasian thu hi a, a nungta Khazih in thumaan ah hong makaih ding (John 16:13) a Khasiangtho hong sawl hi.pasian humuam a kipiakhia ahih manin, a khiatdan dingzong a sungmahah thukhun omkhin zo hi. Tua thukhunte pen, laikungpute in, Laisiangtho mah a nazatsawn bangin khiat ding a hihi. FRIDAY April 3 Ngaihsutbeh Ding: EGWhite, Laisiangtho Kidalna Lum, pp ,Kidona Lianpi; leh Note Lungkham kei un, pp The Desire of Ages simin. A thusungah Pasianin hotkhiatna i kisaplam hong hilhkhinhi. Laisiangtho pen, apuktheilo Pasian deihna pulaakna ahihi. Nuntakzia, upna thukhun leh a khialtheilo ki sittelna a hihi EGWhite, The Great Controversy, p. 9. Mi tampi in Pasian thumaan letkipna sihpih lianguhhi. Dr. Rowland Taylor kici, biakna makaipa khat in, kumpinu Mary hun in, Catholic biakpiakna mass pen manlo hi ci in nial ahih man in, a pawlpi panin, amah kihawlkhia hi. Tua khit in Winchester bishop kiang leh gam makaite kiangah thuumna pulak hi napi, amah kiman in thong kiden, bek thamlo a nunungpen in, tausang tungah thahlup dingin kikahsak hi. AD 1555 kum hi a, a sih madiak in hihbangin kam vaikhak hi: Mihoihte aw, Laisiangtho Pasian kammal lobuang thudang konghilh ngeikei a, konghilh sate Pasian kammal vive a hihi.tuate khempeuh, tuni in ka sisan tawh ciamteh tading ka hihi John Foxe, The New Foxe s Book of Martyrs,Harold J. Chadwick (North Brunswick, NJ: Bridge-Logos Publishers, 1997) p. 193; in gelhpha kik hi. Dr. Taylor in, Late 51 sutsuksuk kawmin, a nuntakna bei hi. KIKUPDING DOTNATE: 1. Genkholhnate in, Laisiangtho bulpi Pasian ahihna hong bangci lak hiam? A tangtung genkholhnate in eite upna hong koici khauhsak hiam?

8 Tuesday sinna tawpna ah dotna ombangin, Zeisu Messiah ahihna bangin thukipsak hiam? 3. Zeisu leh nungzuite in, Laisiangtho a muanhuaina kiptak in hong lakkhinzo hi. Zeisu in Laisiangtho cih amah ahihna bang tanvei gen a, tuate koici tangtunghiam? (Mate 26:54, 56; Maku 14:49; Luka 4:21; John 13:18; John 17:12)cihte enin. Tua mahbangin laisiangtholui thute amah kisuan leh, genkholhthute phadiak bang tangtung khinzo a hih manin, Laisiangtho i koici muh tammaw? LESSON 2 *April 4 10 LAISIANGTHO BULPI LEH PIANZIA Sabbath Nitaklam April 4 TUKALSUNG SIMDING: 2 Peter 1:19 21;2 Timothy 3:16, 17; Thuhilhkik 18:18; Paikhiatna 17:14; Joh 1:14; Hebrew 11:3, 6. KAMNGAH: Note kiangah Pasian thu ka hong genuh ciangin no thu um mite sungah ama thutawh kisai in, Pasian in na hongsem ahih manin, kote thugente pen, Pasian thu taktak ahih mahbangin, kote thungetna nazak uh ciangin, mihing thu bangin ngaihsun loin, Pasian thu taktak mahin hong sang na hih manun, hihthu hangin Pasian tungah, ka lungdamna uh ka ko uhhi. 1 Thessalonians 2:13. Laisiangtho bulpi leh pianzia i teldandan in, i pawlpi leh ei mimal nundan hong piangsak hi. I Laisiangtho khiatdan leh i teldante pen, Pasian hongpiak dan leh humuapdan i tel bangbang in piang ahihi. Diktak mantakin i tel nopleh, Laisiangtho daikaihte i tel masa ding hi. Mi nuntak dan leh mipi omzia kihello in Mathematic a kisinthei kei hi. Tangthu theilo pi in zong physics zong kisinthei tuanlo hi. Tua mahbangin, Pasian omlo cih upna thukhunte tellopi khawngin, Laisiangtho zong kisinthei tuanlo hi. Pasian-Mihingpa thu tellopi in, Laisiangtho zong kikhia theilo hi. Diktak in khiattheihna ng in, umlo giauguau leh muangphalo mialmual khawng sangin upnakip tawh khiat kisamzaw hi.

9 17 18 Tukal sungtengin Laisiangtho bulpi leh pianzia i sin ding a, i khiattheihna ding leh teltheih nading tampi hong huhthei ding hi. SUNDAY April 5 PASIAN THUPULAAKNA LAISIANGTHO 2 Peter 1:19 21 simin. Peter in ama thupuak kammalte bulpi koipan ci hiam? Laisiangthobu in laibu dangte tawh kibang hiallo hi. Sawltak Peter in, Khasiangtho in kamsangte zangin, Pasian kiangpan thupuakte ngahuh cihi. Phuaktawm hetlo uhhi. Phuaktawm thu (2Peter 1:16) hihetlo, Pasian kiangpan hongpai, thukip muanhuaite ahihi. Khasiangtho sawl natawh Pasian misiangthote in gen hi (2Peter 1:21) ci hi. Pasian in ama deihmi teelkhia in, Ama thu pulaaksak hi. Pasian tawh maitang kimu kihona a omloh phamawhlian hi. Tua ahih manin, Laisiangtho pen, Pasian thuneihna hi a, i khiatna ah zong, Pasian deihnamah zuih a kul hi. Laikungpupi pen Pasian ahih manin Laisiangtho (Rom. 1:2; 2Tim. 3:15) kici hi. Zatpah theihding ngiimna zong hongpia hi. Thuman thutak hilhna ding, a khialte taaina ding, a manlote a manin puahna ding, aman in nuntak theihna ding thuhilhna ding (2Tim. 3:16, 17) cihi. Pasianin hong pulakte nuntakpih theihna dingin, Khasangtho panpihna zong i kisamlai hi.peter in, Pasian hongpiak thute, eima ngaihsutdan khawng a mawkkhiat ding hihetlo a, thuman thutak i teltheihna dingin Khasiangtho in khentel siamna hongpia ding hi cihi. T-2 Amos in zong Topa Pasian in, ama nasem kamsangte tungah ama geelna theisak masa lopi in, bangmah hihhetlo hi (Amos 3:7) cihi.laisiangtho kammal pulaak cihpen, a kiseelcip khat a siin hongkhia, kimusak cihna a hihi. Mawhnei mihing i hih manin, Pasian tawh ki gamla i hihmanin, Ama deihna i teltheihna dingin, hong pulaakkhiat kul hi. Pasian hongpiak hiphial mahleh, Laisiangtho pen upding haksakhop lel hi. Tuate um nawnlo in Pasian liatna khawng awlmawh kei leng bang i suakthei ding hiam? MONDAY April 6 A Ki Humuap Daan Pasianin, ama deihna pulaakna dingin kampau zang ahih manin, laibu inzong kigelhthei pah hi. Theihsa mahbangin, Laisiangtho cihpen, Pasian thumaan Khasiangtho in honglakna hi a, mihingte mah zangin hong pulaakkhia hi. Tua ahih manin, Piancil pan Mangmuhna dongmah, thu bulpi kipumkhat sitset hi (etpak ding Piancil 3:14, 15 leh Mangmuhna 12:17). 2 Peter 1:21, 2 Timothy 3:16, leh Deuteronomy 18:18 cihte simin. Laisiangtho ki humuapna tungtang bang gen hiam? Laisiangtho buppi Pasian humuap hi a, tulai huntawh a kituak nawnlo khawng omphial mahleh (gtna,

10 19 20 Hebrewte pawihun tulai kizang nawnlo) Pasian humuapsa mah hiveve hi. Bangbang hitaleh, tulaihun zat nawnlohte hiphial lehzong, i teltheih dingin sinngiat kul hi. Laisiangtho buppi Pasian in, maitang kimu in a piak zong hikhin khollo hi. Khatveivei, laikungpute in kantawmsak lelthei hi (Joshua 10:13 leh Luka 1:1-3) enpah in. Avekpi in humuap hiphotphot hi (2Tim. 3:16). Tua manin Paul in a kigelh khempeuh eite hong thuhilh na ng hi a, hong thahatsak leh lametna hongpia hi (Rom. 15:4). Laisiangtho in a laikungpu Pasian a hihlam pulaak himahleh, a gelhtaktak pen mihing khut mah hiveve hi. Laibu tuamtuamte in laikungpu tuamtuamte omdan tuamtuam honglak hi. Tua thuman khempeuh Pasian humuamsa (2Tim. 3:16) hi napi; mihing kammal mahtawh kiciamteh hi. EGWhite, Kidona Lianpi p. 7. Tuni tuhun ciangin, Laisiangtho sung a Pasian liatna khawng a nial zong omuh hi: a thupi mahmah piansakna, paikhiatna leh thawhkikna cihte nialmai uhhi. Tuate tawh kisai kongpi honsak leng hoihlo diam? Pasian thukhenna peuh i thuak kha diai maw? TUESDAY April 7 A KIGELH PASIAN KAMMAL Topa n Moses kiangah, hih thute gelhin. Hih thute tawh kizui in nangleh Israel tawh thuciamna khat kabawlzo hi (Paikhiat 34:27).Topa in, mipite kiangah genziau dingbek cilo in gelhsukteek ding banghangin sawl hiam? Akigelh kammal in bang hamphatna omhiam? Thu a gen Pasianin, mihing kampau a piangsakpa ahih manin, Amahtawh a kizomthei, ama thumaan a pulaakthei ding mimuanhuai teelkhia hi. Tua ahih manin, Laisiangtho laikungpute khempeuh in Pasian kiangmahah ki aap masasak uhhi. Anuai a munte n a kigelh Mangmuhna tawh kisai bang gen uhhiam? Paikhiat. 17:14; 24:4 Joshua 24:26 Jeremiah 30:2 Mang.1:11,19;21:5;22:18, Pasianin, banghangin Mangmuhna gelhsuk dingin sawl hiam?mangngilh paklohna ding ci pakni. Pasianin, Ama deih bangin eite hong makaih tawntung ahihna, Laisiangtho kammalte in honglak hi. Kammal 100 tawh gen sangin, lai malkhat tawh ciaptehna in kipkho zaw hi. Kamtawh ki gensawn sangin, laitawh ki teisawn leh muibun zaw hi. Kamtawh ahihleh, hunkhat munkhat a mimal ciangtanhsa in khatvei kigen thei sam hi. Lai tawh hileh, leitung gamtuamtuam ah simzawh loh mitampi te n ciangtanh omlo in laisimthei a, khangsawnte zong in simsuksuk theilai hi. Amau teekin simthei keiphial leh zong, mi sim ngaithei lailai uhhi.

11 21 22 WEDNESDAY April 8 KHAZIH LEH LAISIANGTHO KITHUTUAK John 1:14; John 2:22; John 8:31, 32; leh John 17:17 simin. Ci leh Sa hong suak Pasian thu - Zeisu leh, a kigelh Laisiangtho Pasian thu a ki thutuakna bang namu hiam?. Ci leh sa hongsuak Pasian thu-zeisu leh, a kigelh Laisiangtho-Pasian thu a ki thutuakna khat; Zeisu pen Khasiangtho in numei gaisak in, mihing in hong piangsak a, Laisiangtho zong Khasiangtho mah in mihing tungtawnin hong piak ahihi. Zeisu in hunkhat munkhat ah mihing in hongpiang in hong teeng hi. Tua in a Pasian dinmun mansuah saklo a, khangthu ah zong beh leh phung khensak tuanlo hi.vannuai leitungbup honkhia ding amah bekmah a hihi (Sawltak 4:12). Tua mahbangin, a kigelh Laisiangtho- Pasian thu zong, hunkhat leh mihing ngeina khatsungah hong kipia ahihi. Zeisu mah bangin, Laisiangtho zong hun zui a kikheel hilo hi. Hunkhat, munkhat ah hong kipia hi napi, leitung khang tawntung daih dingin hong piak ahihi. Pasianin mihing dinmunah hong tuaksuk in hong kilaak hi. Zeisu mihing dinmun in, ei mihing dinmun a dimin pua hi. Piancilpan kum 4000 sung a kiamsuksa mihing dinmun lianmah hong omhi. Aih hang mawhna neituanlo hi. Tua mahbangin Laisiangtho zong, mihing kam mah hi a, mikhengval kam, mi telzawhloh hituanlo hi.kam khatpeuh pen, ciangtanh omlua ahih manin, kam piangsakpa Pasian in, a muanhuai theiding lampi zongin hong makaih hi. Tehpihna khempeuh in ciangtanh nei uhhi. Zeisu leh Laisiangtho zong ki zakimlo hi. Laisiangtho pen, Pasian hong sunglut hihetlo hi. Pasian in laibu hilo hi. Pasian in Zeisu sungah mihing hongsuak hibek hi. Gumpa in, ama thu Laisiangtho sungah hong pulaak ahih manin, tua Laisiangtho i it hi. Laisiangtho pen Pasian-Mihing kipumkhat ahihi. EGWhite in zong: Pasian hongpiak thu maan Laisiangtho pen mihing kammal mah zangin, mihing-pasian kipumkhatna thu hong gen hi. Tua kipumkhatna in Khazih pianzia hi a, Pasian Tapa, mihing tapa ahihi. Laisiangtho in zong Khazih pen Thu mihing hongsuak a, eite lakah hong teeng (John 1:14)cihi. Ellen G. White, Kidona Lianpi, laimai 8. Banghangin, Laisiangtho in eite upna tawphah hiding hiam? Amah omkei leh, koiteng khawng i tungtam maw? THURSDAY April 9 UPNA SUNGAH LAISIANGTHO TELTHEI Hebrews 11:3, 6 simin. Banghangin, Pasian leh A thu teltheihna ng upna kisam thei hiam? Banghangin upnalo tawh Pasian ki lungdamsak theilo hiam? Pilna mantaktak upna sungah ombek hi. Nu leh Pa tungtawn a pilna thak a sinden taneute in a nu leh pa a muanbang hipah hi. Taneute n, Nu leh Pa muangtak in,

12 23 24 nuntakzia leh itna a bulsin mahmah bang ahihi. Pilna leh theihnate zong ki itna leh kimuanna pan hong khangkhia ahihi. Tua mahbangin, tumging tumpa khat in zong, a tumging tum siammahmah phial mahleh, a la, a phuakpa leh a van a it ciangbekin tumpan hi. Tuatawh kibangin, eite n zong laisiangthopen ummel losa khawng, muanlahna khawngpeuh tawh i sim sangin, itna leh upna tawh simleng, kitel zawtham hi. Paul in Upna lotawh kuamahin Pasian ki lungkimsak zolo hi (Heb. 11:6) cihi. Upna lo peuhmah in Laisiangtho kineek theilo a, mihing laibu mawkmawk hihetlo, mihing khengval laibu hi cih upna tawh simkul hi. Seventh-day Adventistste in, pawlpi upna laibu sungah: Laisiangtholui leh thak anihmah in, a kigelh Pasian thu hi a, Pasian humuapna pan hi cihi.laikungpute in, Khasiangtho sawlna bangin paukhia in laigelh uhhi. Hihthu sungahhotkhiatna ding a kisam bangbang pilna theihna hongpia hi. Tua Laisiangtho in ukzawhna vanglianpen nei a, a puktheilo Pasian deihna honglak hi. Eite nuntaksung etteh ding, thuman upna leh tangthu sungah Pasian thumanna cihte ciaptehna a hihi(late 119:105; Paunak 30:5, 6; Isaiah 8:20; John 17:17; 1 Thess. 2:13; 2 Tim. 3:16, 17; Hebrew 4:12; 2 Peter 1:20, 21.) Mite in upna lopi tawh Laisiangtho a simuh ciangin bangsung a kisam omhiam? Hih upna in banghangin mittawlo hiam? Upna neite hamphatna leh Laisiangtho thuman thutak teltheih nading in, banghangin upna kisam sese hiam? FRIDAY April 10 NGAIHSUTBEH DING: Anuai a teng zon na ng mun Methods of Bible Study : Presuppositions Arising fromthe Claims of Scripture ) Authority. Methods of Bible Study omna munwww.adventistbiblicalresearch.org/materials/bibleinterpretationhermeneutics/methods-bible-study). Eite upna sungah Laisiangtho kul ahih mahbangin, Khasiangtho humuapna omkei zenleh, simsuk simtoh hangin khalam hamphatna bangmah i ngah tuankei ding hi. Athu sungah, Pasian in hong hotkhiatna ng theihding a kisamteng hong guan hi. Laisiangthopen ukzawhna nei, a puktheilopasian deihna hi cih umin. Nuntakzia, upna leh pilna theihna ah etteh ding dinmun ahihi.pasian deihna mihing tungah hong ki pulaak hi mahleh, Khasiangtho makaihna kisamlo theilo hi. Khasiangtho in, Gumpa n hong hilhsa khempeuh hong phawkkik sak ding hong kamciam hi.pasian Khasiangtho in Laisiangtho humuap ahih mah bangin, khasiangtho mah in hong hilhloh in kitel zolo hi Ellen G. White, The Great Controversy, p. 9. KIKUP DING DOTNATE: 1. Banghangin Pasianin a deihna honglak hiam? Banghangin Mangmuhna kisam? 2. Pasianin hong koici kilak hiam? Lampi tuamtuam zangin hong kilak hi. Piansak nate peuh zanglel a, mang khawngzong hong zang hi (Dan. 7:1); mangmuhna (Gen. 15:1);lim (1 Kings 18:24, 38); leh Zeisu Khazih (Heb. 1:1, 2). Nang mimal tungah Pasian hong kilakngei hiam? Ki hawmsawn dih vou. 3. Laisiangthosiam pawlkhat in, phuaktawm tangthu maimai hi ci uhhi. Piancilna tangthu Adamleh Eve,

13 25 26 paikhiatna tangthu leh Daniel tangthute bangpen, khalam hatna dingin a kiphuaktawm hi ci uhhi. Mihingte n Pasian thu tungah hihbangin thukhen ziau lel uhhi. Bangzah in lauhuai nasa hiam? 4. Pasian in Ama deihna, Laisiangtho sungah khauhtakin hong pulaak hi. Zeisu Khazih tungtawn bekin hotkhiatna ngahlam zong pulak ding deihlai hi. Mite n nanggamtatna hong et-ciangin, koibang Pasian a mu uhtam maw? LESSON 3 *April LAISIANGTHO- ZEISU LEH NUNGZUITE MUHDAN Sabbath Nitaklam April 11 TUKALSUNG SIMDING: Mate 4:1 11;Mate22:37 40; Luka 24:13 35, 44, 45; Luka 4:25 27;Sawltak 4: KAMNGAH: Zeisu in, Laisiangtho sungah, Anlumbek tawh mite nungta lo a, Pasian genkhiat thute tawh nungta zaw hi, ci in a dawng hi Matthew 4:4. Tuhun ciangin, laisiangthopen ngaihsutdan, muhdan tuamtuam tawh kiletkhia ngeingai a, a humuapna bulpi leh a deihna bulpi zong sukha nawnlo hi. Laisiangtho cihhang, tuhun a eitheih bang a leitungthu a thei zolote ngaihsutna hilelhi ci uhhi. Mihing khengval thute hemkhia ziau uh a, Pasian in mihing a muhdan panin, mihing in Pasian a muhdan hisak zawta uhhi. Mi tampitakte in, Darwin ngaihsutna lamah taimang uh a, laisiangthopen uptaak sanawnlo ta uhhi. E n bel tua dinmun nialpah hihang. Laisiangthothak sung a Zeisu leh nungzuite n, tualai in a neihsun laisiangtholui a teldante muding hihang.mite, munte leh thupiangte bangci hih uhhiam? Amau upmawhthu khawng tawh a khiatdaan koidaan hiam? Pasian humuap ahi khollo, mihingte upmawhthu khawngtawh, Pasian muanlohna khawngdong hong tunthei khiatdaante sangin, Zeisu leh nungzuite muhdaan khiatdaante zuizaw ding hihang.

14 27 28 SUNDAY April 12 A KIGELH HI Tuiphum John kiangah Zeisu a kituiphumna pankipan a nasep hong kipan hi. Judean gampa lakah Khasiangtho in paipih a, leimi dinmunah a thanempen laitakin Satan in zia-et hi. Matthew 4:1 11 simin. Tua gampa lakah Satan zia-etnapan, Zeisu in Amah leh amah koici kidaal hiam? Hihthu tawh kisai in Laisiangthopan bang pilna peuh ihngah hiam?.. Gawltawh a ki zia-etna ah, Zeisu in Anlumbek tawh mihing nungtalo a, Pasian genkhiat thute tawh nungtazaw hi ci in Laisiangtho sungah Kigelh hi a ci hi (Mate 4:4). Zeisu in laisiang tho sungpan Pasian kammal kipsak hi. Leitungbup ukna tawh a zia-et ciangin zong Na Topa Pasian bekmah bia in, Ama na bekmah nasem ding hi, Laisiangtho in cihi (Mate 4:10; Luka 4:8) ci in dawng leuleu hi. Biakpiakna peuhmah Pasian lobuang kuamadang tungah suanlo ding a, Ama thu ah ki aapna in biakpiakna taktak ahihlam pulaak hi.a tawpna ah siamna lakding leh uplah ding lamah zia-et leuleu a, Na Topa Pasian, na zia-et kei ding hi, Laisiangtho in cihi ci in dawng hi (Mate 4:7; Luka 4:12). Thumvei zia-etnate, Akigelh hi (Laisiangtho in cihi) ci in dawnghi. Satan khemnopna khempeuh, Pasian kammal bekmah tawh dawngkik hi. Eite adingin, pilna vanglian mahmah hi a, Laisiangtho bekmah eite upna thulaigil hi dinghi. Galpa galbawlnate, Zeisu in Laisiangtho kammal bekmah tawh kidal hi. Amah Pasian hi napi, Satan galpan, Pasian kammal tawh kidal hi. Eima ngaihsutna, eima gelsiamna, hoihtak kiging sitset a nialna, khatpeuh muhdah man a pumnialna cihbang hihetlo: Laisiangtho kamthuk zangziau hi. Zeisu adingin, Laisiangtho in vang lianpen hi. Anasep kipat ding ciangin, Laisiangtho kammal muanhuaina tungah kibulphuh masa hi. Koibangin, Pasian kammal tungah ki aap in, i kinga thei ding hiam? MONDAY April 13 ZEISU LEH THUKHAM Mate 5:17 20; Mate 22:29; leh Mate 23:2, 3. Zeisu in bang a gennuam hiam? Zeisu in a nungzuite, Pasian kammal leh thukham mang ding hilh hi. Laisiangtho muanlah na ng peuhmah genngeilo hi. Pasian thupiak ahihlam phawksak den hi. Sadduceeste tungah Zeisu in, no mawhneite aw, Pasian kammal leh a vangliatna natheikei uh hi (Mate 22;29)cihi.Lungsim pilna ng lel a Laisiangtho kihilhna in, thuman thutak ahi Topa leh a thuman thutak tel taktakna cingzolo hi. Mate 22:37 40 ah, Zeisu in Moses thukhamna a muhdan bang genhiam?

15 29 30 Thukham hilhpa kiangah Zeisu in, tumakum 1500 lai a Moses kiang a kipia thukham sawm te tomkaih hi. Zeisu in Laisiangtholui thukham mah pahtawipen hi cih honglak hi. Christian tampi takte in, laisiangtholui thukham pen, laisiangthothak lungdamthu tawh kilaih khin ci in umkhial uhhi. Himah taleh, Zeisu thuhilhna ah laisiangtholui thukhammah siksan hi. Zeisu in, i telzawh loh thute hong honkhiatsak a, hih thukham nihgel (thukham sawm tomlak, amasa li teng Pasian itna, a zom gukteng mihing itna) panin kamsangte thuhilhna khempeuh hong mengkhia ci hi (Mate 22:40). Zeisu in thukham leh kamsangte ci in, thukham, kamsangte leh a laigelhte pahtawi in thugen hi. Khazih in, Laisiangtho pen dotna veng vangliatna nei a hihna gen hi. Laisiangtho in vang lian Pasian kammal hi a, upna khempeuh bulpi ahihi Ellen G. White, Christ s Object Lessons, pp. 39, 40. Pasian kammal sangin a ki liansakzaw nuam ahi, innkuan, ngaihsutna leh ngeina khatpeuh a omdiam? TUESDAY April 14 ZEISU LEH LAISIANGTHO KHEMPEUH Luka 24:13 35, 44, leh 45 simin. Zeisu in, a nungzuite lungdamthu ahilhna dingin Laisiangtho koici zat hiam?. Zeisu a sihmawk ciangin nungzuite lungkham uhhi. Hithei dingmaw? Bang a cihnopna? Luka 24 sungah, Zeisu in, Emmaus lampi ah minih kiang, leh midangte kiangah khatvei, gawm nihvei hong kilaak hi.a kibanglo thupiangnih tungtawn in, Zeisu in, Laisiangtholui genkholhte tangtung ahihna honglak hi: Moses laibu akipan, kamsangte laibu khempeuh a khiatna a gen hi (Luka 24:27) cihi.luka 24:44, 45 sungah zong Moses thukham laibu sung, kamsangte laibu sung leh Late sung a kigelh thukhempeuh a tungding a hihi Zeisu in cihi. Tuabangin Zeisu in a lungsimte uh honsak hi Luka 24:27 zong kician mahmah hi: Laisiangtho khempeuh ci in, Moses thukham, kam sangte leh Late (Luke 24:44)cih kammal pulaak kikna ahihi. Tua in, Thu pan cileh sa asuak Zeisu (John 1:1 3, 14)cihna hipahlian a, tuama kum zalom pawlkhat lai a genkholhsa ahihi. Laisiangtho picinna genkawmin Zeisu in nungzuite etteh ding limlak hi. Lungdamthu a tangko kawmun, mi thak thu-umthakte vangliatna tha guanzel uhhi. Mate 28:18-20 sungah, nungzuite tungtawnin eite zong leitungah ahi a, vantungah ahi zongin vangliatna khempeuh keitungah hong kipia khinzo hi cihi. Hih vangliatna pen Pasian ahih keileh zong, thumgawm Pasian tungbekmah ah omhi. Tua ahih manin, note pai unla, midang khempeuh Keima nungzui suaksak in, Pa min, Tapa min leh Khasiangtho mintawh tuiphumun a cihkhitteh, note tungah ka hong gensa thute khempeuh azuihna dingun nahilhun cilai hi. Zeisu in bang hong hilh hiam? Hong thuhilhte Laisiangtho bulphuh hi. Laisiangtho genkholhsa khem peuh bangin, Zeisu hong paisuk in a Pa deihna bangin a kipiakna tawh tangtungsak hi. Zeisu in Laisiangtho pom ahih leh eizong e leh? Laisiangtho vangliatna khempeuh pom hi leng, tuni tuhun ading a kisamnawnlo zong omlai cileng bang cihding? Kikum dih vou leh?

16 31 32 WEDNESDAY April 15 ZEISU LEH LAISIANGTHO BULPI LEH TANGTHU Zeisu in laisiangtho kammalte n khiatna nam nihthumneiphial mah taleh, Pasian kammal a hihna hong hilh hi. A bulpi in Pasian a hih manin, mikhempeuh tungah vanglian hi. Pasian in Ama deihnate tangthu tawh hong lak hi. Gentehna in, Mate 19:4, 5 sungah Moses kammal A ki patcil in a Piangsakpa in hihthu hangin, Pasalin a nu a pa nusia in a cihteh, laisiangtho in ci zawlo in A kipatcil in Piangsakpa in ci hi acihciangin, Piancil laibu sung a Piangsakpa kammal a pahtawi ahihi. Hih kammalte pen Pasian kammal Moses ciaptehna bang a hihi. Anuai ate simin. Zeisu in tangthu sung a mite leh Laisiangtho thupiangte bangzah tel naci hiam? Mate 12:3, 4... Maku 10: Luka 4: Luka 11:51... Mate 24:38... Zeisu in laisiangtholui mite, munte leh thupiangte peuhmah tangthu thumaan in pom hi. Piancil 1 leh 2, Piancil 4na ah Abel, David in anlum siangtho a neekna, Elisha tangthu cihte thupi sak mahmah hi. Tanglai kamsangte thuakna ci in gentawntung hi(mate 5:12; 13:57; 23:34 36, Maku 6:4).Hilhkholna khatah, Noah hunlai ci: Noah in, tembaw sung a tumni ciangdong, mite in, an-ne zu-ne in omuh a, mo kipi mo kikha in nuntak ngeina bangin omuh a, tuiciin hong tungin, tui in mikhempeuh a tupcip hun ciangdong, kuamahin bangmah atheihloh mahbangin, Mihing Tapa hongpai ciangin zong kuamahin thei khollo ding hi (Mate 24:38, 39). Tangthu sungah, a lianmahmah Pasian thukhennate, Zeisu in honglak zel hi. Hih tangthu sunga mite Zeisu in thumaan thutak ci ahihleh, tuni tuhun a Christian a kicite in, tuabang thute omngeikei ci in, Satan khemna a um mite in nial thei uhhi. Tua thaangsungah banghangin ki awklo dinghiam? THURSDAY April 16 SAWLTAKTE LEH LAISIANGTHO Laisiangtho thak gelh laikungpute n zong Zeisu mahbangin pom uhhi. Upna thukhunte, mi gamtatdaan leh genkholhte tangtunna tungtawnin, Laisiangtholui pen Pasian kammal hi ci uh hi. Laisiangtho thak in laisiangtholui bupen maanlo hi a cihna omhetlo hi. Anuai a Laisiangtho munte in, Pasian kammal nungzuite teldaan koibangin honglak hiam? Sawl. 4: Sawl. 13:32-36

17 33 34 Rome 9:17... Galati 3:8... Laisiangtho kammalte pen, Pasian aw teektawh apau cihzong phawkkul hi. Sawltak 4, Khasiangtho tawh a kidim madiak un, nungzuite n, Peter leh John suahtakna dingin, Pasian min phat uhhi. Phatna awte sangsak uh a, David kammal zangin Pasianpen piangsakpa ahihna pulak uhhi. David kammal tepen Pasian kammal hi. Sawltak 13:32-36, David kammal Paul in a genkik na-ah Pasian in ipu ipa tetung a ciamthu ci hi. Rome 9:17, Pasian a cihnopna in Paul in Laisiangtho ci hi: Laisiangtho in Pharoah kiang ah (NKJV) a cihteh Pasian in Pharoah kiangah ci hi a cihnopna hi a, Pasian a cihna mun ah Laisiangtho a ci hilel a, Pasian leh a kammal kizom ahihna honglak hi. Amantakin, laisiangthothak laikungpute in, laisiangtholui Pasian kammal bulphuh mah mah uhhi. Laisiangtho thaksungah laisiangtholui kammal tampitak kizangkik hi.laisiangtho siam mikhat in a muhna ah 2,688 veibang kizangkik a, Isaiah pan 400, Late pan 370, Paikhiatna pan 220 cihbangin mukhia hi. Hihte lakah, a kihemlaakte, thulupite, kammal hoih nonote behlap leng tammahmah ding hi. A kigelh hi cihbangpen, (Mate 2:5, Maku 1:2, 7:6, Luka 2:23, 3:4, Rom. 3:4, 8:36, 9:33, 1 Corinth. 1:19, Gal. 4:27, 1 Peter 1:16)Laisiangtho luisungpan a laakkik vive ahihi. Zeisu leh nungzuite thuhilhte khempeuhpen, Laisiangtho luisung vive bulphuh in a hilh uhhi. T-3 Hih thute khempeuh in, Laisiangtho uplahna muanlahna bangzah in lauhuai hi ci in hong theisak uhhiam? FRIDAY April 17 NGAIHSUTBEH DING: Ellen G. White laibu The Desire of Ages sungpan As a Child pp , leh The Temptation, pp cihte simin. Mite in Pasian leh a kammalte sangin kipilsak zaw uhhi; Pasian kammal tungah bulkiptakin kiphuh ding sangin, Pasian kammal pen, amau pilna leitung pilnate tawh tok mang uh a, amau pilna tawh aki tuakphat keileh, muanhuailo leh zathuailo ci in hemkhia uhhi Ellen G. White, Signs of the Times, March 27, 1884, p. 1. Pasian deihna a kammalsung ombang tawh a kizomte, lungsim thahat uh a, Zeisu ading nasem muibunte suak uh: Zeisu in zong amite thuman thutak pia a, leitungah tangko sak hi. Tua thuman thutak lo peuhmah tawh siangthona omtheilo hi. Tua ahih manin mi khempeuh in tuathu a telloh bangzah phamawh hiam? Ellen G. White, Fundamentals of Christian Education, p KIKUPDING DOTNATE: 1. Zeisu, lungdamthu laikungpute leh Paul in, laisiangtholui pen Pasian kammal hi a cihleh, tulaihun muhdaan tampite khialmahmah ahihna koibangin hong theisak a, amaute kuamah n hilhlo ahihleh eite lutungah hong tu hi lohiam? 2. Tulai Laisiangtho siamte in, uplohna mun tampitak mah nei neunau khin uh a, tua munte mipite

18 35 36 theihsakna in: piansakhun niguk nial, kumtul tampi hunla a hong piang cih um. Leitung puukma in Adam mawhbanglo cih nial. Leitungbup tuiliim cihzong nial. Pawlkhatin Abraham omtakpina nial. Pawlkhat in Paikhiatna zong nial. Pawlkhat in Zeisu na lamdangbawlte leh a thawhkikna zong nial. Pawlkhatin kum tampi lai a, kamsangte genkholhnate zong nial. Mite in Laisiangtho hong upnawnloh uh ciangin, ih thukhupna in bang hong hilh hiam? Mite n thuman thutak a theihna dingun bangci lampi tawh i huhthei ding hiam? 3. Tuesdayni dotna i dawn ciangin, Laisiangtho a ki humuapzia, tulai huntawh a kituak nawnlo a cihte nangawn i teldaan kikum dih vou. LESSON 4 *April LAISIANGTHO BIAKNATHU KHEMPEUH BULPI Sabbath Nitaklam April 18 TUKALSUNG SIMDING: Maku 7:1 13;Rome 2:4;1 John 2:15 17;2 Corinth 10:5, 6; John 5:46, 47; John 7:38. KAMNGAH: Thukham leh teici panna bangin Amaute n a genkei uhleh, amau sungah khuavak omlo ahihi Isaiah 8:20. Upna thubulphuh dingin Laisiangtho a zanglo Christian pawlpi omlo hi. Tua kawmkal mah ah, pawlpite Pasian thuzuihdaan kibanglo veve hi. Laisiangtho zatdaanpen pawlpi khat leh khat kibang keeilo hi. Tua bang a Laisiangtho khiatdaan kibatloh theihna thubul nga en ding hihang: taangh upna, phutkhakthu, minam ngeina, ngaihsutna leh Laisiangtho mahmah ahi uhhi. Hihte in pawlpi simin Pasian thu saandaan huzap mahmah hi. I taangh upna leh minam ngeinate i nei ciat uhhi.phutkhakthu tampite leh ngaihsutdaan, theihdaan tuamtuamte zong i neilai hi. A khaikhin theidingin lungsim zong nei hihang. Laisiangtho zong nei in, Pasian thu i tel semsem nadingin simciat hihang. I Laisiangtho khiatna ah, a tunga teng lakpan koipen in hong huzaappen hiam? I neih masak huzaapnate in, i Laisiangtho khiatdaan leh i Pasian thu zuihdaante ah hong makaihpen hi.

19 37 38 SUNDAY April 19 TAANGH UPNA Taangh upna zong sia samlo hi. Thu beisate kizomto thei in, mantakin nakisem hiathiat thei hi. I bulpi tawh hong kizomkipsak hi. Hih taangh upna in, biakna sungah a thupi mahmah khat hi napi, lauhuaina zong pawlkhat omlai hi. Maku 7:1 13 ah Zeisu in leitung taangh upnate bangcidaan in genhiam? Zeisu n a phutkhak taangh upnapi pen Jew mite lakah a khangkhang in Siate pan sangnaupangte tungah kihilhsawn uhhi. Zeisu hunlai in, Laisiangtho tawh kimin omsak uhhi. Tua taangh upnate in hun sawtpi la in, thunengnono tampitakmah Laisiangtho ahuh dingin behlaplap uhhi. Hih mihing ngeina lelte, biakna makaipite upate in pibawl mahmah taleh (Maku 7:3, 5), Pasian thukham tawh ki zakim theivetlo hi (Maku 7:8, 9). Mihing taangh upna ngeina hipeuh a, Pasian thu pampaih uhhi (Maku 7:13) cilel hi. 1 Corinthians 11:2 leh 2 Thessalonians 3:6 simin. Pasian kammal leh Mihing taangh ngeina koibangin khentel thei ding hiam? Tuabang khentel ding banghang thupi hiam? Anungta Pasian kammal in, amah zahtak theihna leh cihtakna hong guan hi. Hih cihtakna in ngeina khatin kipsuak hi. Eite cihtakna in, a kammalte tungtawnin a deihna hong pulaak den, a nungta Pasian tungah thumaan ding deih hi. Mihing ngeinate khempeuh tungah, Laisiangtho in makaih tawntung hi. Taangh upna ngeina hoihpente tungsiahah Laisiangtho omlai hi. Pasian kam mal hang a hong piangkhia taangh upna ngeinate nangawn, Laisiangtho tawh taihphot lai ding kisam hi. Taangh upna cih thulunuai ah, pawlpi septheih ding bangteng a omtam maw? Laisiangtho leh ngeina khentel theihding banghangin thupi kici thei hiam? Monday April 20 PHUTKHAK Romans 2:4 leh Titus 3:4, 5 simin. Hoihna, thuakzawhna, mawhmaisakna, migitna leh Pasian itna koici neihtheih ding ihi hiam? I upna pen, muhtheihloh lungsim pilna maimai hilozaw in, ihphutkhak taktak ahih ding banghang thupi hiam? I phutkhak thute in Laisiangtho tawh a kituak khollo in, i upna khawng hong lampialsak theihdaan gen in. Mihing i hih phot nakleh phutkhak neih dingmah ahihi. I ngaihsutna leh lungsim sukha mahmah hi. Pasian in eite hong piansakcil limlim in, Amah tawh kizom ding leh, phutkhak sate hangin i omziate piang ding ahihi. Pasianin, mikhat leh khat kizop ding, la leh tumgingte, piansaknate hoihna leh Ama thu sungah

20 39 40 suahtak lungnopna ngahding in hong deihsak hi. Eite biakna leh upna in thukhunte leh khensatnate sangin thupizaw hi. I phutkhakte in, Pasian imuhdan leh a kammal i teltheih na ng hong huh hi. Pasian deihna i theih ciangin, eite muhna kiciangtanhlua leh cingtaaklo lua ahihna i telsemsem ding hi. 2 Corinthian 11:1 3 sungah bang vauna omhiam? Eite theihna ciang lellel a muan takcinlohna bang hong hilh hiam?. Ei theihna ciang lellel muanhuai vetlo hi. Theihna cihzong a munmun tawh kisai hi. Laisiangtho tawh taihphat dending a hihi. Khatveivei teh, Pasian thutawh a kituaklopi khawng ki thei gawpgawp nuam hi. Ei theihna leh ei deihna khengin, Pasian kammal muanzawk kisinhuai hi. Ei phutkhak leh theihna pen, Laisiangtho kammal tawh a kikingkalh lohna ding in, i kikep siam mahmah kul hi. Pasian itna leh mihing itna(maku 12:28 31) cihte gelin thukham kitomlakna hi a, thupi mahmah hi. Tua ahih manin, eite phutkhakthu leh theihthute, Pasian kammal tawh taihden ding banghangin thupi hiam? TUESDAY April 21 MINAM NGEINA Ngeina khatpeuhpeuh sungah i kihelciat hi. I ngeina in hong huzaap mahmah hi. Kuamah suaktalo hihang. Laisiangtholui hun Israel zong akimkot a minamte ngeinate in huzaap in kisia uhhi. Tulaitak in eite kikheel a, i hoihzawkna banghang hiam?pasian kammal tepen, mihing ngeina namkhatsung khawng a kipia hi napi, hi ngeina hiding cih ciangtanh bel omtuanlo hi.a ki pelhtheilo ngeina huzaapna in, i Laisiangtho teldaan zong hong huzaap hi. Laisiangtho in, leitung minamte, gamliante leh mihing kizopna cihte khempeuh hong piankhiatna bulpi hi cihzong i phawk zel dinghi.laisiangtho in, mihing ngeina khengval ahih manin, tua ngeinate lakah a om mawhnate puahphat sakthei hi. 1 John 2:15-17 simin. John in, leitung nate itluatloh ding a cihteh, bang a cihnopna hiam? Leitung mahah tengnapi hangin, koibangin, leitung lungsim i neilo thei ding hiam? Hong piansaklai a, Pasian deih ngeina pen mawhna in susia hi. Tuapen, Pasian thukhenna nuai ah omlel hi. I ngeina pawlkhatbel i upna tawh kituak bilbel hi napi, hoihtak khentelsiam mahmah kul hi.laisiangtho upna tawh a kituaklo ngeinate hangin, a kituak ngeina khawng bawl tawm kulkha ding hi. Tunglampan hong tuaksukpen mah i letkip keileh, i gei a omkhatpeuh i lenkha ding hi. EGWhite in zong anuai a bangin hong hilh hi: Khazih nungzuite in leitungte thukhun leh lunglutte pial ding a, ahih hang, tuam ompah ding zong hi tuanlo hi. Hong Gumpa in, mite lakah vakihel hi napi, Pasian deihna peuhmah neusak hetlo in, pahtawi denzaw hi. EGWhite, Counsel to Parents, Teachers, and Students Regarding Christian Education,p. 323.

21 41 42 Na ngeinate uh koibang tengin laisiangthotawh kitukalh hiam? I upna hong suksiat sakthei tua ngeinate langkhatah, bangci bangin kiptakin dingtang thei ding hiam? WEDNESDAY April 22 THU NGAIHSUN 2 Corinth 10:5, 6; Paunak 1:7; leh9:10 simin. I lungsimsung ah Zeisu thu manhna banghangin thupi hiam? Banghangin Pasian kihtakna in pilna kipatna hithei hiam? Pasian in thu-ngaihsut theihna hong guanngiat hi.i hek i tatna i biakna vaite, ngaihsutna tawh thukhup ding hong deih hi. I upnate zong ngaihsut zawhlohthu hi tuanlo hi. Kum zalom 18 hunsungin, biakna khanlawhna hongpiang a, leitung nitumnalam phadiakah, ngaihsutna thak hong ngah uh hi napi, thukhupna hoihtawh hong khupthei uhhi. Theihna peuhmahpen mite n a phutkhakthu tepan hong piang cih upna om a, mite ngaih-sutna in pilna bulpi hi aci zong omuh hi. Hih muhdanpen, ngaihsut bang a piang acite hi a, thumaan pen ngaihsuttawm theih hivetlo, pilnapen ngaihsuttawm theih ci uhhi. Thumaan in omgige a, ngaihsutna tawh i pomding kisam hi. Hihthu in mihing ngaihsutna pen thumaan tehna suaksak hi.pawlpi thuneihna leh Pasian kammal Laisiangtho mai ah kuunma in, mihing ngaihsutna mai ah kuunmasak dingdaan hihtuak hi. Mihing ngaihsutna sungah a kician mello peuhmah kipaikhia lianlian hi. Tuabangin laisiangthomun tampi maiming saklel uhhi. Pasian nalamdang bawlteng, Zeisu a pumpi mahtawh thokik cihkhawng, nungak siangtho sungpan hongpianna, niguksung bek ah piansakna leh a dang tampite uphuai sanawnlo ta uhhi. Amantakin, mihing ngaihsutna limlim mawhna in susia khinzo a, Zeisu i ki uksak ding kisam cih i phawk ding kisam hi. Mihing limlim i theihna mialbikbek a, Pasian tawh kigamla hi (Ephet 4:18). Pasian kammalpan khuavak i kisam hi. Pasian in, eite hong bawllai in, i ngaihsutna mahmah zong Pasian tawh kizomlo liangin suakta lua dingin hong bawllo hi. Topa kihtakna in pilna kipatna hi (Paunak 9:10; 1:7) ci zawsop hi.pasianin hong hilhkholte sang a, Ama kammal sungah omin, Laisiangtho sung a kigelhte zuihnopna in, ngaihsutna maantaktak hongpia hi. Kum zalom pawlkhatlai in,american President Thomas Jefferson in, laisiangthothak ama deihbangin bawltawm a, ama muhna ah tulai huntawh kituak asaklohte paikhia lian lian hi.zeisu nalamdang bawlteng beita, a thawhkikna zong beisak. Hihbangthu in, mihing ngaihsutna peuhmah ciangtanh omlua cih hong bangci lak hiam? THURSDAY April 23 LAISIANGTHO Eite Laisiangtho hong muam honglak Khasiangtho in, Pasian kammalpan lampial dingin cikmah hunin hong makaih ngeilo hi. Seventh-day Adventistte a dingin, Laisiangtho sangin a lian zaw taangh upna, phutkhakna, ngaihsutna leh ngeina khatzong omlo hi. Laisiangtho bekmah in na khempeuh hong tehsak thei hi.

22 43 44 John 5:46, 47; leh John 7:38 simin. Zeisu bekmah, Khalam dotna hong vengsakthei hi. Zeisu in Messiah ahihna Laisiangtho in bangci gen hiam? Mi pawlkhatin Khasiangtho kiangpan a tuamvilvel in genkholhna ngahdaan in ki um uh a, ahih hang Laisiangtho tawh ki tukalhgawp hi. Khasiangtho khawngpen Pasian kammal sangin liansakzaw pongmawk uhhi. Pasian kammal thupisaklo, a thupuakte khawng a pelhte in, Khasiang -tho makaihna nuaipan pialkhin uh a, lauhuai mahmah hi.i kha galmuanna in Laisiangtho a hihi. Upna leh tatna hekna khempeuh ah i dinsan ding ahihi. Laisiangtho tungtawnin Khasiangtho in i lungsim sungah thuman thutak hong guan hi.thukhial pholak in lungsim sungpan hong nilkhiatsak hi. Thuman Khasiangtho in, Pasian kammal tungtawnin nahongsem a, Khazih inzong mite ama lamah kaai hi EGWhite, The Desire of Ages, p Pasian kammalpen Khasiangtho khawngtawh mawkkhek keini. Amah n Laisiangtho tungtawn in Zeisu lamah eite hongzol in, Khalam dinmun pen Laisiangtho bekmah cih hong hilh hi. Laisiangtho in thuman upna hi(1tim. 4:6) a, Pasian kammal in muantakcing, santakcing hi. Laisiangtho tungkhawngah thu-mawkkhen keini.pasian thu in eite ngaihsutna hong ukin, thukhen thei hi. Pasian kammal a kigelh ahihi. Thudang a kician mello, upmawhthu khawng sangin, Laisiangtho mah a lungmuanhuaina bang omhiam? I thuhilhnate leh khalam thute ah Laisiangtho dinsanin i neihlohna bang lauhuaina piangthei hiam? I khalam thute ah mimal thusuak peuh tawh kalsuan mawk leng, bangzah in lauhuai ding hiam? FRIDAY April 24 NGAIHSUTBEH DING: EGWhite, The Scriptures a Safeguard laimai , The Great Controversysungpan simin. Taangh upna, phutkhakthu, ngeina, ngaihsutna leh Laisiangtho cihte in Pasian thute tungah hong huzaap mahmah hi. Zuau thudotna khatah: Hih atung ateng lakpan, i biakna sungah, koipen in huzaap neipen hiam? Laisiangtho hi i cihpah ding hi a, Khasiangtho na sepna hangin, Laisiangtho in i nuntakzia kheelsak ding hihang. Mihingte hotkhiatna ding a kisam bangbangin, Pasian in Laisiangtho hongpia hi. Tua Laisiangtho pen vangliatna tawh a kidim leh, a khialtheilo Pasian deihna ahihi. I zia i tong ding hi a, upna thukhun ding leh, i phutkhakte ettel nading ahihi. Ellen G. White, the Great Controversy, p. 9. KIKUP DING DOTNATE: 1. Pasian thukham khawng nuntakpih ding, lungsim khempeuhtawh Pasian it ding leh, vengte eimah bangin itding sangin, mihing taangh upna khawng nuntakpih, banghang in baihzaw hiam? (Mate 22:37 40). 2. Sundayni dotna nunungpen kikum kik dihun. Taangh upna in pawlsungah bang dinmun la hiam? Biakna taangngeina sungah, thupha leh tona koi tengah kimu hiam?